BTV NEWS

គណៈបញ្ជាការឯកភាពរាជធានី បើកការចុះបង្ក្រាបទីតាំងឆបោកអនឡាញ និងគ្រឿងញៀននៅខណ្ឌមានជ័យ ឃាត់ជនបរទេស៥៥នាក់

នគរបាលរាជធានីភ្នំពេញបង្ហាញមុខជនសង្ស័យ ១១នាក់ករណីហិង្សាវាយកម្ទេចរថយន្តក្បែរវត្តភ្នំ

ជនដែលឈ្លោះជាមួយជនបរទេស ក្នុងបណ្ដាញសង្គម គឺជាជនអនាថា គ្មានទីលំនៅពិតប្រាកដ

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

សន្តិសុខ និង សង្គម

កម្ពុជារកឃើញមនុស្ស៣០៣នាក់ទៀត ឆ្លងមេរោគកូវីដ១៩ ហើយអ្នកជំងឺ២៣៩នាក់ទៀតជាសះស្បើយ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៣០៣នាក់ទៀត ត្រូវបានរកឃើញឆ្លងមេរោគកូវីដ១៩ ហើយអ្នកជំងឺកូវីដ១៩ចំនួន ២៣៩នាក់ទៀត បានជាសះស្បើយ។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាននិយាយថា ករណីឆ្លងថ្មីទាំង ៣០៣នាក់នេះ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។បើតាមក្រសួងសុខាភិបាល អ្នកឆ្លងមេរោគកូវីដ១៩ថ្មីចំនួន ២៤៨នាក់ ត្រូវបានរកឃើញនៅរាជធានីភ្នំពេញ បន្ទាប់មករកឃើញ ២៦នាក់នៅខេត្តកណ្ដាល នៅខេត្តព្រះសីហនុ រកឃើញ ១៩នាក់ នៅខេត្តតាកែវ ៨នាក់ និងខេត្តកំពត រកឃើញអ្នកឆ្លងថ្មី ២នាក់។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៧ ៧៤៧នាក់ហើយបានឆ្លងមេរោគកូវីដ១៩នៅទូទាំងប្រទេសចាប់តាំងពីពេលកម្ពុជារកឃើញករណីឆ្លងដំបូងកាលពីចុងខែមករាឆ្នាំមុន ក្នុងនោះករណីឆ្លងដល់ទៅ ៧ ២០២នាក់ ឬខ្ទង់ ៩៣ភាគរយ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ១៩ដល់ទៅ ២៣៩នាក់ បានជាសះស្បើយ ដែលនាំឱ្យចំនួនអ្នកជាសះស្បើយកើនឡើងដល់ ២ ៧៩៤នាក់ ឬស្មើនឹងខ្ទង់ ៣៦ភាគរយនៃតួលេខអ្នកឆ្លងសរុប ខណៈអ្នកជំងឺ ៤ ៨៩៣នាក់ទៀត កំពុងស្ថិតក្រោមការព្យាបាលបន្ត៕

ឃាត់ខ្លួនជនជាតិចិន១៤នាក់ លួចរត់ចេញពីខេត្តព្រះសីហនុឆ្លងកាត់តាមខេត្តកំពត

កំពត ៖ នាព្រឹកថ្ងៃទី២០ ខែមេសា ឆ្នាំ២០២១ វេលាម៉ោង ៩:០០ព្រឹក កម្លាំងអធិការដ្ឋាននគរបាលស្រុកឈូក បានធ្វើការឃាត់រថយន្តម៉ាកសាំងយ៉ុងពណ៌ទឹកប្រាក់ មានស្លាកលេខ ភំ្នពេញ 2AH-0465 នៅភូមិអង្គឃ្លៃ ឃុំត្រម៉ែង ស្រុកឈូក ដែលបានលួចដឹកជនជាតិចិនចំនួន ១៤នាក់ ចេញពីខេត្តព្រះសីហនុមកខេត្តកំពត ឆ្លងកាត់ភូមិសាស្ត្រឃុំតេជោអភិវឌ្ឍន៍ ស្រុកឈូកខេត្តកំពត។ តាមការអោយដឹងពីសមត្ថកិច្ចស្រុកឈូកបានអោយដឹងថា ជនជាតិចិនទាំង ១៤នាក់ខាងលើ (ប្រុសទាំង១៤នាក់) បានលួចចេញពីខេត្តព្រះសីហនុ ហើយឆ្លងកាត់តាមខេត្តកំពតតាមរយៈរថយន្តសាំយ៉ុងពណ៌ទឹកប្រាក់ខាងលើ លុះមកដល់ស្រុកឈូក ក្នុងភូមិសាស្ត្រឃុំតេជោអភិវឌ្ឍន៍ ក៏ត្រូវបានកម្លាំងនៃអធិការដ្ឋាននគរបាលស្រុកឈូក ឃាត់រថយន្តដើម្បីធ្វើការត្រួតពិនិត្យ ហើយបានឃាត់ខ្លួនបានជនជាតិចិនទាំង១៤នាក់នោះ រីឯអ្នកបើកបររថយន្តបានរត់គេចខ្លួនបាត់ ហើយទង្វើគឺជាការល្មើសបម្រាមរបស់រាជរដ្ឋាភិបាលដែលហាមមិនអោយមានការឆ្លងកាត់រវាងខេត្តនិងខេត្ត ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។បច្ចុប្បន្នជនជាតិចិនទាំង១៤នាក់ខាងលើ ត្រូវបានបញ្ជូនមកដាក់នៅក្នុងអាគារសហគមន៍អ្នកផលិតអំបិលកំពត-កែប ដើម្បីធ្វើចត្តាឡីស័ក ហើយករណីនេះ សមត្ថកិច្ចជំនាញនៃស្នងការដ្ឋាននគរបាលខេត្តកំពត បាននឹងកំពុងកសាងសំណុំរឿងបញ្ជូនទៅសាលាដំបូងខេត្តកំពត ដើម្បីចាត់ការតាមនីតិវិធីច្បាប់៕

កម្ពុជារកឃើញមនុស្ស៤៣១នាក់ទៀតឆ្លងកូវីដ១៩ ខណៈអ្នកជំងឺ៣១នាក់ទៀតជាសះស្បើយ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៤៣១នាក់ទៀត ត្រូវបានរកឃើញឆ្លងមេរោគកូវីដ១៩ ដែលនាំឱ្យតួលេខអ្នកឆ្លងសរុបកើនដល់ ៧ ៤៤៤នាក់ហើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលនិយាយថា ករណីឆ្លងថ្មី ៤២៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈ ២ករណីទៀត គឺជាករណីនាំចូលដែលត្រូវបានរកឃើញលើអ្នកដំណើរបរទេសចូលមកដល់ប្រទេសកម្ពុជា។បើតាមក្រសួងសុខាភិបាល ករណីឆ្លងថ្មីទាំង ៤២៩នាក់នេះ ត្រូវបានរកឃើញច្រើនបំផុតនៅរាជធានីភ្នំពេញ ២៧១នាក់ បន្ទាប់មកខេត្តព្រះសីហនុ ១៣៣នាក់ ខេត្តកណ្ដាល ១០នាក់ ខេត្តកំពង់ចាម ៤នាក់ ខេត្តតាកែវ ៤នាក់ ខេត្តព្រៃវែង ២នាក់ ខេត្តកំពង់ឆ្នាំង ១នាក់ ខេត្តកំពត ១នាក់ ខេត្តកំពង់ធំ ១នាក់ និងខេត្តស្វាយរៀង ១នាក់។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៧ ៤៤៤នាក់ហើយបានឆ្លងមេរោគកូវីដ១៩នៅទូទាំងប្រទេសចាប់តាំងពីកម្ពុជាបានរកឃើញករណីឆ្លងលើកដំបូងកាលពីចុងខែមករាឆ្នាំមុនមក ក្នុងនោះអ្នកឆ្លងដល់ទៅ ៦ ៨៩៩នាក់ ឬប្រហែល ៩២ភាគរយ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ទន្ទឹមនេះដែរ ក្រសួងសុខាភិបាលប្រកាសថា អ្នកជំងឺកូវីដ១៩សរុប ២ ៥៥៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ៣១នាក់ដែលក្រសួងប្រកាសនៅថ្ងៃនេះផងដែរ ខណៈអ្នកជំងឺកូវីដ១៩ចំនួន ៤ ៨៣៥នាក់ទៀត កំពុងស្ថិតក្រោមការព្យាបាលបន្ត៕

ពលរដ្ឋខ្មែរ៤នាក់ទៀតស្លាប់ ដោយសារជំងឺកូវីដ១៩ តួលេខអ្នកស្លាប់សរុបឡើងដល់៤៩នាក់

ភ្នំពេញ៖ ក្រសួងសុខាភិបាល បានប្រកាសនៅព្រឹកថ្ងៃនេះថា ពលរដ្ឋខ្មែរ ៤នាក់ទៀត បានស្លាប់ដោយសារជំងឺកូវីដ១៩នៅថ្ងៃម្សិលមិញនេះ ដែលនាំឱ្យចំនួនអ្នកស្លាប់សរុបឡើងដល់ ៤៩នាក់។ក្នុងសេចក្ដីប្រកាសព័ត៌មាននៅព្រឹកនេះ ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៦៥ឆ្នាំ ដែលរស់នៅក្នុងសង្កាត់ភ្នំពេញថ្មី ខណ្ឌសែនសុខ បានស្លាប់នៅព្រឹកថ្ងៃម្សិលមិញនេះនៅឯមន្ទីរពេទ្យមិត្តភាពខ្មែរ-សូវៀត។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅសម្រាកព្យាបាលកាលពីថ្ងៃទី២៤ ខែមីនាកន្លងមកនេះ បន្ទាប់ពីត្រូវបានរកឃើញឆ្លងមេរោគកូវីដ១៩។ក្រសួងបញ្ជាក់ថា បុរសរូបនេះស្លាប់បាត់បង់ជីវិត បន្ទាប់ពីរលាកសួតធ្ងន់ធ្ងរដែលបង្កឡើងដោយមេរោគកូវីដ១៩ ខណៈរូបគាត់មានជំងឺទឹកនោមផ្អែមប្រចាំកាយផងដែរ។ចំណែកឯបុរសខ្មែរម្នាក់ទៀតអាយុ ៧២ឆ្នាំ ដែលរស់នៅក្នុងសង្កាត់ជើងឯក ខណ្ឌដង្កោ ក្រសួងសុខាភិបាលនិយាយថា បានស្លាប់នៅឯមន្ទីរពេទ្យមិត្តភាពខ្មែរ-សូវៀតផងដែរកាលពីរសៀលថ្ងៃម្សិលមិញនេះ។ក្រសួងបញ្ជាក់ថា បុរសរូបនេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យកាលពីថ្ងៃទី០៩ ខែមេសា បន្ទាប់ពីគាត់ត្រូវបានរកឃើញឆ្លងមេរោគកូវីដ១៩។បើតាមក្រសួងសុខាភិបាល បុរសវ័យ៧២ឆ្នាំរូបនេះ បានស្លាប់បាត់បង់ជីវិត បន្ទាប់ពីរលាកសួតធ្ងន់ធ្ងរដែលបង្កឡើងដោយមេរោគកូវីដ១៩ បន្ថែមទៅលើជំងឺប្រចាំកាយរបស់គាត់ផងដែរ។ក្រសួងសុខាភិបាលបានឱ្យដឹងទៀតថា ស្ត្រីខ្មែរម្នាក់ទៀតអាយុ ៤០ឆ្នាំ ដែលរស់នៅក្នុងសង្កាត់ស្រះចក ខណ្ឌដូនពេញ ក៏បានស្លាប់បាត់បង់ជីវិតកាលពីថ្ងៃម្សិលមិញដែរនៅឯមណ្ឌលសុខភាពចាក់អង្រែ ៤ថ្ងៃប៉ុណ្ណោះក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីត្រូវបានរកឃើញឆ្លងមេរោគកូវីដ១៩។ក្រសួងបញ្ជាក់ថា ស្ត្រីរូបនេះបានស្លាប់បាត់បង់ជីវិត បន្ទាប់ពីរលាកសួតទាំងសងខាងធ្ងន់ធ្ងរ ដែលបង្កឡើងដោយមេរោគកូវីដ១៩។នៅឯខេត្តព្រះសីហនុឯណោះវិញ ក្រសួងសុខភិបាលបញ្ជាក់ថា មានស្ត្រីខ្មែរម្នាក់ទៀតអាយុ ៤៨ឆ្នាំ ក៏បានស្លាប់ដោយសារជំងឺកូវីដ១៩ផងដែរនៅឯមន្ទីរពេទ្យបង្អែកខេត្តនេះកាលពីរសៀលថ្ងៃម្សិលមិញនេះ។បើតាមក្រសួងសុខាភិបាល ស្ត្រីរូបនេះបានស្លាប់តែ ១ថ្ងៃប៉ុណ្ណោះក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីត្រូវបានរកឃើញឆ្លងមេរោគកូវីដ១៩។ក្រសួងសុខាភិបាលបញ្ជាក់ថា ស្ត្រីរូបនេះស្លាប់បាត់បង់ជីវិត បន្ទាប់ពីរលាកសួតធ្ងន់ធ្ងរ ដែលបង្កឡើងដោយមេរោគកូវីដ១៩។គិតត្រឹមថ្ងៃនេះ តួលេខផ្លូវការចេញដោយក្រសួងសុខាភិបាល បង្ហាញថា មនុស្ស ៤៩នាក់ហើយបានស្លាប់បាត់បង់ជីវិតដោយសារជំងឺកូវីដ១៩នៅក្នុងរយៈ ៣៧ថ្ងៃចុងក្រោយ បន្ទាប់ពីករណីស្លាប់ដំបូងកាលពីថ្ងៃទី១១ ខែមីនាកន្លងមកនេះ៕

បុរសម្នាក់ ត្រូវនគរបាលឃាត់ខ្លួន បន្ទាប់ពីជិះបុកបារ៉ាស់ និងវាយនគរបាលម្នាក់បែកចិញ្ចើម

ភ្នំពេញ ៖ បុរសម្នាក់ត្រូវបានឃាត់ខ្លួនបន្ទាប់ពីម៉ូតូបុកប៉ារ៉ាស ហាមឃាត់ធ្វើដំណើរ រួចបានប្រើមួកសុវត្ថិភាពវាយទៅលើនគរបាលម្នាក់ បណ្តាលអោយរងរបួស។ ហេតុការណ៍នេះ បង្កការភ្ញាកផ្អើលកាលពីវេលាម៉ោង៩និង៣០នាទីព្រឹក ថ្ងៃទី២០ ខែមេសា ឆ្នាំ២០២១ នៅចំណុចគោលដៅទប់ស្កាត់ ការធ្វើដំណើរ ចំណុច រង្វង់មូលជ្រោយចង្វារខណ្ឌជ្រោយចង្វារ រាជធានីភ្នំពេញ ។សមត្ថកិច្ច បានឱ្យដឹងថា ជនបង្ក មានឈ្មោះ ខៀវ ចាន់សុភក្ត្រា ភេទប្រុស អាយុ៣១ឆ្នាំ មានកាតជាមន្រ្តីយោធា ឋាន្តរសក្តិអនុសេនីយ៍ឯក មានទីលំនៅផ្ទះលេខ ២២អាអឺសហ្សេរ៉ូ ផ្លូវ៥៧២ ខណ្ឌទួលគោក រាជធានីភ្នំពេញ ។ មន្រ្តីរងគ្រោះមាន ឈ្មោះ វេង ឌីណាភេទប្រុស ឋាន្តរសក្តិអនុសេនីយ៍ឯក រងរបួសបែកចិញ្ចើម ផ្នែកខាងស្ដាំ ត្រូវបញ្ជូនទៅកាន់មន្ទីរពេទ្យ ព្យាបាលភ្លាមៗ ។សមត្ថកិច្ច បានឱ្យដឹងទៀតថា មុនពេលកើតហេតុ ជនបង្កបានជិះម៉ូតូមួយគ្រឿង មកដល់ចំណុចគោលដៅកើតហេតុ ពេលនោះ សមត្ថកិច្ចសួរនាំរកឯកសារ ប៉ុន្តែជនបង្កពុំមាននោះទេ ដោយប្រាប់ថានៅផ្ទះ ។ ពេលនោះ សមត្ថកិច្ចបានឱ្យត្រឡប់ក្រោយ ប៉ុន្តែជនបង្កនៅតែព្យាយាមទៅមុខបុកឆ្លងបារ៉ាស ទើបមានការឃាត់ម៉ូតូ របស់ជនបង្ក ខណៈពេលឃាត់ ជនបង្កយកមួកសុវត្ថិភាព វាយមកលើនគរបាលតែម្ដង បណ្ដាលអោយរងរបួសបែកចិញ្ចើម។ក្រោយកើតហេតុ សមត្ថកិច្ចជាច្រើន បាននាំគ្នាព័ទ្ធចាប់ទម្រាំតែបាន រួចបញ្ជូនខ្លួនទៅអធិការដ្ឋាននគរបាលខណ្ឌ ជ្រោយចង្វារ សួរនាំកសាងសំណុំរឿ ដើម្បីចាត់ការតាមនីតិវិធី ៕អត្ថបទ៖ កុម្ភះ

មន្ត្រីផ្កាយ២ និងកូនចៅ២នាក់ ត្រូវបានបញ្ចូនដល់តុលាការហើយនៅរសៀលនេះ ពាក់ព័ន្ធការជុំគ្នាផឹកស៊ី បំពានសេចក្តីសម្រេចរបស់រដ្ឋាភិបាល

ភ្នំពេញ ៖ មន្ត្រីនគរបាលផ្កាយ២ម្នាក់ និងកូនចៅ២នាក់ ដែលពាក់ព័ន្ធនឹងការរៀបចំកម្មវិធីផឹកស៊ីរាំរែក និងលេងប៉ាតម្សៅ ដោយមានការចូលរួមពីអ្នកផ្ទះជួលប្រមាណ ៣០ ទៅ៤០នាក់ នៅសង្កាត់ស្ទឹងមានជ័យ៣ ខណ្ឌមានជ័យ ត្រូវបានបញ្ចូនទៅដល់តុលាការហើយនៅរសៀលថ្ងៃទី១៧ ខែមេសា ឆ្នាំ២០២១នេះ ដើម្បីតុលាការបន្តនីតិវិធីច្បាប់ ។ សំណុំរឿង ជនទាំង៣ ត្រូវស្ថិតក្រោមការសាកសួរនាំ ពីសំណាក់ លោក សុក កែវបណ្ឌិត ព្រះរាជអាជ្ញាររងអមសាលាដំបូងរាជធានីភ្នំពេញ ។ គួររំលឹកថា នៅព្រឹកថ្ងៃទី១៧ ខែឆ្នាំដដែល គេសង្គេតឃើញ ក្រុមគ្រូពេទ្យបានចុះទៅដល់ប៉ុស្តិ៍រដ្ឋបាលនគរបាលស្ទឹងមានជ័យទី៣ ដើម្បីធ្វើសំណាកលើមន្ត្រីនគរបាលផ្កាយ២ និងកូនចៅផងដែរ ដើម្បីតេស្តរកមេរោគកូវីដ១៩ មុនបញ្ចូនទៅតុលាការ ។ សូមបញ្ជាក់ថា ជនទាំង៣នាក់ មានឈ្មោះ ទី១-ឈ្មោះ អ៊ុង ចាន់ធួក ភេទប្រុស អាយុ៤៥ឆ្នាំ ជាម្ចាស់ទីតាំងផ្ទះជួល ជាមន្ត្រីនគរបាល មានឋានន្តរសក្តិថ្នាក់ឧត្តមសេនីយ៍ទោ មុខងារជាអនុប្រធានសេនាធិការ នៃអគ្គស្នងដ្ឋានការនគរបាលជាតិ , ទី២-ឈ្មោះ ឡាយ ភារុណ ភេទ ប្រុស អាយុ២៨ឆ្នាំ មុខរបរបំរើការងារនៅផ្ទះឈ្មោះ អ៊ុង ចាន់ធួក និងទី៣ឈ្មោះ កុក ឃី ភេទប្រុស អាយុ៣៥ឆ្នាំ មុខរបរបំរើការងារនៅផ្ទះ អ៊ុង ចាន់ធួក ។ ពួកគេទាំង៣នាក់ ត្រូវបានកម្លាំងនគរបាលខណ្ឌមានជ័យ សហការជាមួយកម្លាំងអន្តរាគមន៍របស់អគ្គស្នងការដ្ឋាននគរបាលជាតិ ធ្វើការឃាត់ខ្លួន ក្រោយពួកគេបានរៀបចំកម្មវិធីផឹកស៊ីរាំរែក និងលេងប៉ាតម្សៅ ដោយមានការចូលរួមពីអ្នកផ្ទះជួលប្រមាណ ៣០ ទៅ៤០នាក់ កាលពីវេលាយប់ថ្ងៃទី១៦ ខែមេសា ឆ្នាំ២០២១ នៅក្នុងភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។តាមប្រភពព័ត៌មាន អោយដឹងថា ក្រោយទទួលបានព័ត៌មានពីប្រជាពលរដ្ឋ និងរហូតមានការឡាយតាមហ្វេសបុកទៀតនោះ ឯកឧត្ដម ឃួង ស្រេង បានបញ្ជាឲ្យកម្លាំងសមត្ថកិច្ចមូលដ្ឋាន ដោយមានការសហការចូលរួមពីកម្លាំងនគរបាលអន្តរាគមន៍ នៃអគ្គស្នងការ បានចុះទៅជាបន្ទាន់ ទៅដល់លំនៅឋានជនដែលបំពានបំរាមរាជរដ្ឋាភិបាលខាងលើ ដើម្បីមានវិធានការ ។ ពេលកម្លាំងសមត្ថកិច្ចចុះទៅដល់ ពិតជាឃើញមានការជួបជុំផឹកស៊ីរាំរែក និងប៉ាតម្សៅប្រាកដមែន ទើបកម្លាំងនគរបាលធ្វើការឃាត់ខ្លួនមនុស្សចំនួន៣នាក់ ក្នុងនោះមានម្ចាស់ផ្ទះម្នាក់ និងអ្នកនៅជាមួយ២នាក់ទៀត ដោយឡែកមនុស្សមួយចំនួនទៀតបានរត់ចូលផ្ទះជួលអស់ពេលសមត្ថកិច្ចទៅដល់ ។ តាមប្រភពពីមន្ត្រីនគរបាល អោយដឹងថា ការចុះបន្ទាន់ ក្នុងការឃាត់មនុស្ស និងបញ្ឈប់កម្មវិធីផឹកស៊ីខាងលើ គឺធ្វើឡើង ដើម្បីធ្វើការទប់ស្កាត់ការរីករាលដាលនូវជំងឺកូវីដ១៩ ពិសេសនោះ គឺអនុវត្តអោយមានប្រសិទ្ធិភាព តាមសេចក្តីសម្រេចរបស់ប្រមុខរាជរដ្ឋាភិបាលកម្ពុជា ដែលមានការហាមប្រាមមិនអោយមានការជួបជុំផឹកស៊ី ក្នុងកាលៈទេសៈ ដែលប្រទេសជាតិកំពុងជួបការលំបាក ជាមួយនឹងជំងឺកូវីដ១៩ ៕អត្ថបទ៖ លីហេង

ឃាត់ខ្លួនបុរសម្នាក់ជិះរថយន្តស្លាកលេខ«នគរបាល» អួតអាងពីឥទ្ធិពលធ្វើដំណើរក្នុងតំបន់បិទខ្ទប់

ភ្នំពេញ៖ បុរសម្នាក់ត្រូវបាននគរបាលខណ្ឌជ្រោយចង្វារឃាត់ខ្លួន រួមទាំងរថយន្ត ពាក់ស្លាក់លេខ នគរបាល ដែលបានបើកបររថយន្តអួតអាងពីឥទ្ធិពលធ្វើដំណើរក្នុងតំបន់បិទខ្ទប់។ការឃាត់ខ្លួននេះធ្វើឡើងនៅវេលាម៉ោង១២ ថ្ងៃត្រង់ ថ្ងៃទី១៧ ខែមេសា ឆ្នាំ២០២១ នៅចំណុច មុខធនាគារ ABA ផ្លូវជាតិលេខ៦ សង្កាត់ជ្រោយចង្វារ ខណ្ឌជ្រោយចង្វារ។ក្រោយពេលឃាត់ខ្លួនកម្លាំងនគរបាលមូលដ្ឋានបាននាំខ្លួនបុរសរូបនោះទៅស្នងការដ្ឋាននគរបាលរាជធានីភ្នំពេញ ដើម្បីសួរនាំ និងចាត់ការតាមនីតិវិធី៕ អត្ថបទ៖ កុម្ភៈ

ឆេះឃ្លាំងស្តុកសម្ភារៈទូរស័ព្ទ និងឆ័ត្រនៅខណ្ឌ៧មករា

ភ្នំពេញ៖ អគ្គីភ័យបានឆាបឆេះឃ្លាំងស្តុកសម្ភារៈទូរស័ព្ទ និងឆ័ត្រ មួយកន្លែងកាលពីវេលាម៉ោង០៦និង២០នាទីព្រឹកថ្ងៃទី១៥ ខែមេសា ឆ្នាំ២០២១ ស្ថិតនៅម្ដុំវត្តព្រះពុទ្ធ ចំណុចផ្ទះលេខ១៩E0 ផ្លូវលេខ១៩៦ ភូមិ៨ សង្កាត់វាលវង់ ខណ្ឌ៧មករា រាជធានីភ្នំពេញ។សមត្ថកិច្ចមូលដ្ឋានបានឱ្យដឹងថា នៅមុនពេលកើតហេតុឃើញមានផ្សែងខ្មៅហ៊ុយចេញពីក្នុងឃ្លាំងប្រភេទដែក ប្រក់ស័ង្កសីភ្លាមៗស្រាប់តែអណ្ដាតភ្លើងខ្មួលឡើងតែម្ដង ខណៈនោះប្រជាពលរដ្ឋរាយការណ៍ជូនអាជ្ញាធរមូលដ្ឋានទាក់ទងទៅការិយាល័យជំនាញចេញរថយន្តពន្លត់អគ្គីភ័យជួយអន្តគមន៍បាញ់ទឹកពន្លត់ ដោយសារតែសម្ភារៈក្នុងឃ្លាំងស្តុកជាគ្រឿងជ័រ ដូច្នះជាហេតុបង្កឱ្យ មានការឆាបឆេះលឿន មិនងាយគ្រប់គ្រងបានឡើយ និងខូចខាតសម្ភារៈអស់ទាំងស្រុង។លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឱ្យដឹងថា ក្រោយពីទទួលបានព័ត៌មានភ្លាមលោកក៏បានបញ្ចេញរថយន្តពន្លត់អគ្គិភ័យ របស់ការិយាល័យជាងច្រើនគ្រឿង បានចេញមកអន្តរាគមន៍ជៀសវាងបង្កការរាលដាលដល់ផ្ទះប្រជាពលរដ្ឋ ឬបង្កគ្រោះថ្នាក់ដល់មនុស្ស។ តាមការសន្និដ្ឋានជំហានដំបូងមូលហេតុសង្ស័យកើតឡើង ដោយឆ្លងចរន្តអគ្គីសនី ហើយសម្ភារៈស្តុកក្នុងឃ្លាំងជាគ្រឿង ទូរស័ព្ទដូចជា ស្រោមទូរស័ព្ទ ដុយសាកទូរស័ព្ទ និងឆ័ត្រធំៗ ជាដើម៕ អត្ថបទ៖ កុម្ភៈ

បុរសម្នាក់ នៅខេត្ដសៀមរាប ត្រូវបានតុលាការចេញដីកាចាប់ខ្លួន ពីបទឆបោក៥ម៉ឺនដុល្លារ

សៀមរាប ៖ បុរសម្នាក់ឈ្មោះ ផូ ស៊ីផា នៅភូមិព្រៃគុយ ឃុំអំពិល ស្រុកប្រាសាទបាគង ខេត្ដសៀមរាប ត្រូវបានតុលាការខេត្ដ ចេញដីកាចាប់ខ្លួន និងរឹបអូសទ្រព្យសម្បត្ដិ កាលពីថ្ងៃទី០៨ ខែ មេសា ឆ្នាំ២០២១ ពីបទឆបោកទឹកប្រាក់ ៥ម៉ឺនដុល្លារ ពីដើមបណ្ដឹងរបស់ក្រុមអចលនទ្រព្យអង្គរលែនម៉ាក្ស។ដើមបណ្ដឹង លោក ទូស សាភឿន អគ្គនាយកគម្រោងបុរីអង្គរលែនម៉ាក្ស បានឲ្យដឹង នៅព្រឹកថ្ងៃទី១០ ខែមេសា ឆ្នាំ២០២១នេះថា កំលាំងចម្រុះដឹកនាំដោយអាជ្ញាសាលាដំបូងខេត្តសៀមរាប និងកងកំលាំងសមត្ថកិច្ចក្រុង បានចុះអនុវត្តដីកាសម្រេចលេខ ១៩៩ ចុះថ្ងៃទី០៤ ខែមីនា ឆ្នាំ២០២១ ដោយឃាត់ទុករថយន្ដមួយគ្រឿងម៉ាក្ស Toyota Lexus RX330 ពណ៌មាស ស្លាកលេខ សៀមរាប 2B-6806 ជាកម្មសិទ្ធិរបស់កូនបំណុលឈ្មោះ ផូ ស៊ីផា ទៅតាមដើមបណ្តឹង ។លោក បន្ដថា កាលពីថ្ងៃទី២៧ ខែវិច្ឆិកា ឆ្នាំ២០១៨ ជនឆបោកឈ្មោះ ផូ ស៊ីផា បានមកខ្ចីប្រាក់ ៥ម៉ឺនដុល្លារ ដោយធ្វើកិច្ចសន្យាដាក់បញ្ចាំធានាដី មួយកន្លែងទំហំ៦៧៨៨ម៉ែត្រក្រឡា មានលិខិតផ្ទេរសិទ្ធិកាន់កាប់មិនទាន់ចុះបញ្ជីចេញដោយអភិបាលស្រុកប្រាសាទបាគង។ ក្រោយពីបានលុយ ឈ្មោះ ផូ ស៊ីផា បានយកលុយទៅស៊ីចាយអស់ ក៏បែកគំនិតយកដីដែលដាក់បញ្ចាំធានានេះ ទៅពុះឡូត៍លក់បន្តអោយអតិថិជនថ្មីអស់ រួចលួចយកទៅធ្វើប្លង់ថ្មី ដោយភូតភរអាជ្ញាធរមេឃុំ និងស្រុកថា បាត់ប្លង់ដើម (យោងលើកំណត់ហេតុរបស់មេភូមិព្រៃគុយ និងមេឃុំអំពិល) ហើយត្រូវបានលោក ទូស សាភឿន (ដើមបណ្តឹង) ប្តឹងចូលតុលាការពីបទរំលោភទំនុក ចិត្ត កាលពីថ្ងៃទី១៤ ខែកក្កដា ឆ្នាំ២០២០ ។លោក បានបន្ដថា ថ្ងៃទី០៨ មេសា ឆ្នាំ២០២១ឈ្មោះ ផូ ស៊ីផា ត្រូវបានតុលាការចោទពីបទឆបោក និងរំលោភលើទំនុកចិត្ត និងបង្វែរវត្ថុដាក់ធានា តាមសាលក្រមព្រហ្មទណ្ឌលេខ ៣៥ញ/២៩១ សម្រេចអោយ ផូ ស៊ីផា ផ្តន្ទាទោសព្រហ្មទណ្ឌ ដាក់ពន្ធនាគារជាប់ទោស១ឆ្នាំ ពិន័យជាប្រាក់ចំនួន២លានរៀល ពីបទបង្វែរវត្ថុរឹបអូសដាក់ធានា និងបង្គាប់អោយ ផូ ស៊ីផា សងសំណងការខូចខាត៥ម៉ឺនដុល្លារ និងសងជំងឺចិត្ត៣០លានរៀល ។លោក ទូស សាភឿន បានបញ្ជាក់បន្ថែមថា ទម្រាំចាប់រឹបអូសរថយន្ដជនល្មើសនេះបាន ឈ្មោះ ផូ ស៊ីផា បានប្រើគ្រប់ល្បិចកលគេចវេសពីការចោទប្រកាន់របស់តុលាការ ពូកែក្រឡុកនីតិវិធី គេចវេសពីទង្វើដែលខ្លួនបានធ្វើ ធ្វើអោយច្របូកច្របល់សំណុំរឿង ទម្រាំចៅក្រម និងព្រះរាជអាជ្ញារកខុសត្រូវឃើញ។ ទោះបីយ៉ាងណា សំណុំរឿងនេះ មានភស្តុតាងពីដើមបណ្តឹងគ្រប់គ្រាន់ ព្រមទាំងមានកំណត់ហេតុច្បាស់លាស់ពីកងរាជអាវុធហត្ថខេត្ត ចំលើយសារភាពពីអាជ្ញាធរមេភូមិ ឃុំ និងសាក្សីដែលជាអតិថិជនថ្មីដែលបានទិញដីឡូតិ៍ពី ឈ្មោះ ផូ ស៊ីផា និងជាពិសេសចម្លើយសារភាពនៅក្នុងកំណត់ហេតុរបស់ព្រះរាជអាជ្ញាគ្រប់គ្រាន់នេះក៏ដោយ ក៏ ឈ្មោះ ផូ ស៊ីផា នៅតែម្តងប្រកែកមិនទទួលស្គាល់ និងម្តងទទួលស្គាល់ថា បានលួចលក់ដីនេះពិតប្រាក និងបានទទួលស្គាល់ថា ខ្លួនបានទទួលលុយ៥ម៉ឺនដុល្លាដែរ ។ បច្ចុប្បន្ន មានបណ្តឹងជាច្រើនត្រូវបានប្តឹងឈ្មោះ ផូ ស៊ីផា ចូលទៅកាន់តុលាការ និងប្តឹងទៅកាន់អធិការស្រុកបន្ទាយស្រី ពីបទរំលោភសេចក្តីទុកចិត្តផ្សេងៗ ជាពិសេសពីសមាជិកក្រុមរបស់ខ្លួន ប្តឹងពីបទក្បត់ទំនុកចិត្ត យកលុយរួមទៅទិញដីដាក់ឈ្មោះខ្លួនឯង៕អត្ថបទ ៖ ឈិត សាវី

សមត្ថកិច្ចចាប់ខ្លួនស្នងការរងនគរបាលខេត្តកំពត និងមនុស្សពីរនាក់ទៀតជាមួយគ្រឿងញៀនជិត ២គីឡូក្រាម

ភ្នំពេញ៖ ស្នងការនគរបាលរាជធានីភ្នំពេញ ឯកឧត្ដម ស ថេត បានបញ្ជាក់ល្ងាចថ្ងៃនេះថា ស្នងការរងនគរបាលខេត្តកំពតម្នាក់ ត្រូវបានសមត្ថកិច្ចចាប់ខ្លួនជាមួយមនុស្ស ២នាក់ផ្សេងទៀត រួមជាមួយគ្រឿងញៀនជិត ២គីឡូក្រាមនៅរាជធានីភ្នំពេញ។ឯកឧត្ដម ស ថេត ប្រាប់ថា ស្នងការរងនគរបាលខេត្តកំពត លោក អ៊ឹម ឈួន អាយុ ៥១ឆ្នាំ ដែលទទួលបន្ទុកផែនអគ្គីភ័យ ត្រូវបានកម្លាំងមន្ទីរប្រឆាំងគ្រឿងញៀនចាប់ខ្លួនកាលពីយប់ថ្ងៃម្សិលមិញនេះ នៅឯផ្សារទំនើបមួយកន្លែងស្ថិតនៅតំបន់បឹងកក់។ស្នងការនគរបាលរូបនេះ បញ្ជាក់បន្ថែមថា បុរស ២នាក់ទៀត មានឈ្មោះ ហុង គា អាយុ ៦១ឆ្នាំ និង កែវ ទិត្យមេសា អាយុ ២១ឆ្នាំ ក៏ត្រូវបានចាប់ខ្លួនរួមគ្នាជាមួយនឹងស្នងការរងនគរបាលខេត្តកំពតផងដែរ ហើយប្រមូលបានគ្រឿងញៀនប្រភេទមេតំហ្វេតាមីនទម្ងន់ជិត ២គីឡូក្រាម។ស្នងការនគរបាលរូបនេះ បញ្ជាក់ថា លោក អ៊ឹម ឈួន ត្រូវបានតុលាការសម្រេចចោទប្រកាន់ពីបទ«ជួញដូរគ្រឿង» និងបញ្ជូនទៅដាក់ឃុំបណ្ដោះអាសន្នរង់ចាំការវិនិច្ឆ័យទោស៕ អត្ថបទ៖ វង្ស សុភាព

បណ្ដាញសង្គម

ព័ត៌មានថ្មីៗ

កម្ពុជា-ចិន ប្ដេជ្ញាបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ

ចៅក្រម ICC បដិសេធសំណើសុំដោះលែងអតីតប្រធានាធិបតីហ្វីលីពីន លោក Duterte

អ៊ីរ៉ង់និយាយថា ការទូតពឹងផ្អែកលើផលប្រយោជន៍ជាតិ ពុំមែនការសម្រេចចិត្តលើការចរចាទេ

អ្នកការទូត បញ្ជាក់ថា អ៊ីរ៉ង់ «នឹងមិនចរចាក្រោមការគំរាមកំហែង» នោះឡើយ

ប្រទេសលីបង់ និងរុស្ស៊ី ចុះហត្ថលេខាលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត និងពិសេស

លីបង់នឹងស្នើសុំការបន្តបទឈប់បាញ់រយៈពេលមួយខែ ក្នុងជំនួបជាមួយអ៊ីស្រាអែល

អាល្លឺម៉ង់ប្ដេជ្ញាកសាងកងទ័ពខ្លាំងបំផុតរបស់អឺរ៉ុប នៅឆ្នាំ២០៣៩ ដើម្បីរារាំងរុស្ស៊ី

EU អនុម័តប្រាក់កម្ចី ៩០ពាន់លានអឺរ៉ូដល់អ៊ុយក្រែន និងទណ្ឌកម្មថ្មី លើរុស្ស៊ី ក្រោយហុងគ្រីបោះបង់សិទ្ធិវេតូ

ឯកអគ្គរដ្ឋទូតឡាវប្តេជ្ញាចិត្តបន្តពង្រឹង និងពង្រីកទំនាក់ទំនងដ៏ល្អប្រសើររវាងប្រទេសកម្ពុជា និងឡាវ លើគ្រប់វិស័យ

រដ្ឋមន្ត្រីការបរទេសអ៊ីស្រាអែលអំពាវនាវឲ្យលីបង់ធ្វើការជាមួយអ៊ីស្រាអែល ប្រឆាំងនឹងក្រុមហេសបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជារកឃើញមនុស្ស៣០៣នាក់ទៀត ឆ្លងមេរោគកូវីដ១៩ ហើយអ្នកជំងឺ២៣៩នាក់ទៀតជាសះស្បើយ

ឃាត់ខ្លួនជនជាតិចិន១៤នាក់ លួចរត់ចេញពីខេត្តព្រះសីហនុឆ្លងកាត់តាមខេត្តកំពត

កម្ពុជារកឃើញមនុស្ស៤៣១នាក់ទៀតឆ្លងកូវីដ១៩ ខណៈអ្នកជំងឺ៣១នាក់ទៀតជាសះស្បើយ

ពលរដ្ឋខ្មែរ៤នាក់ទៀតស្លាប់ ដោយសារជំងឺកូវីដ១៩ តួលេខអ្នកស្លាប់សរុបឡើងដល់៤៩នាក់

បុរសម្នាក់ ត្រូវនគរបាលឃាត់ខ្លួន បន្ទាប់ពីជិះបុកបារ៉ាស់ និងវាយនគរបាលម្នាក់បែកចិញ្ចើម

ឃាត់ខ្លួនបុរសម្នាក់ជិះរថយន្តស្លាកលេខ«នគរបាល» អួតអាងពីឥទ្ធិពលធ្វើដំណើរក្នុងតំបន់បិទខ្ទប់

ឆេះឃ្លាំងស្តុកសម្ភារៈទូរស័ព្ទ និងឆ័ត្រនៅខណ្ឌ៧មករា

បុរសម្នាក់ នៅខេត្ដសៀមរាប ត្រូវបានតុលាការចេញដីកាចាប់ខ្លួន ពីបទឆបោក៥ម៉ឺនដុល្លារ

សមត្ថកិច្ចចាប់ខ្លួនស្នងការរងនគរបាលខេត្តកំពត និងមនុស្សពីរនាក់ទៀតជាមួយគ្រឿងញៀនជិត ២គីឡូក្រាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​រក​ឃើញ​មនុស្ស​៣០៣​នាក់​ទៀត ​ឆ្លង​មេរោគ​កូវីដ​១៩ ហើយ​អ្នក​ជំងឺ​២៣៩​នាក់​ទៀត​ជា​សះ​ស្បើយ

ឃាត់ខ្លួនជនជាតិចិន១៤នាក់ លួចរត់ចេញពីខេត្តព្រះសីហនុឆ្លងកាត់តាមខេត្តកំពត

កម្ពុជា​រក​ឃើញ​មនុស្ស​៤៣១​នាក់​ទៀត​ឆ្លង​កូវីដ​១៩ ខណៈអ្នក​ជំងឺ​៣១​នាក់​ទៀត​ជា​សះស្បើយ

ពលរដ្ឋ​ខ្មែរ​៤​នាក់​ទៀត​ស្លាប់​ ដោយសារ​ជំងឺ​កូវីដ​១៩​ តួលេខ​អ្នកស្លាប់​សរុប​ឡើង​ដល់​៤៩​នាក់

បុរសម្នាក់ ត្រូវនគរបាលឃាត់ខ្លួន បន្ទាប់ពីជិះបុកបារ៉ាស់ និងវាយនគរបាលម្នាក់បែកចិញ្ចើម

​ឆេះ​ឃ្លាំង​ស្តុក​សម្ភារៈ​ទូរស័ព្ទ ​និង​ឆ័ត្រ​នៅ​ខណ្ឌ​៧មករា​

បុរស​ម្នាក់​ នៅ​ខេត្ដ​សៀមរាប ​ត្រូវ​បាន​តុលាការ​ចេញ​ដីកាចាប់ខ្លួន ​ពី​បទ​ឆបោក​៥​ម៉ឺន​ដុល្លារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជារកឃើញមនុស្ស៣០៣នាក់ទៀត ឆ្លងមេរោគកូវីដ១៩ ហើយអ្នកជំងឺ២៣៩នាក់ទៀតជាសះស្បើយ

កម្ពុជារកឃើញមនុស្ស៤៣១នាក់ទៀតឆ្លងកូវីដ១៩ ខណៈអ្នកជំងឺ៣១នាក់ទៀតជាសះស្បើយ

ពលរដ្ឋខ្មែរ៤នាក់ទៀតស្លាប់ ដោយសារជំងឺកូវីដ១៩ តួលេខអ្នកស្លាប់សរុបឡើងដល់៤៩នាក់

ឆេះឃ្លាំងស្តុកសម្ភារៈទូរស័ព្ទ និងឆ័ត្រនៅខណ្ឌ៧មករា

បុរសម្នាក់ នៅខេត្ដសៀមរាប ត្រូវបានតុលាការចេញដីកាចាប់ខ្លួន ពីបទឆបោក៥ម៉ឺនដុល្លារ