នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
នាយឧត្តមសេនីយ៍ផុតលេខផ្កាយមាស៥ ហ៊ុន សែន ប្រកាសទទួលយកសំណើរជាអគ្គភស្តុភាជាន់ខ្ពស់ សម្រាប់កម្លាំងប្រដាប់អាវុធ
សម្តេចតេជោ ហ៊ុន សែន ប្រាប់ដល់កងទ័ពទាំងឡាយថា កុំខ្លាចចំពោះការវាយប្រហារ​នឹង​សត្រូវ​ដែល​ឈ្លានពានយើងឲ្យសោះ
សម្ដេចតេជោ៖ ឪពុកម្តាយគ្មានសេចក្តីសុខឬការសប្បាយណាជាងឃើញកូន និងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ
TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ

នយោបាយ​ និង ការអភិវឌ្ឍន៍

ពលរដ្ឋរស់នៅភូមិសំបួរសង្កាត់ដង្កោ ស្នើអាជ្ញាធរខណ្ឌដង្កោជួយដោះស្រាយពីបញ្ហាទឹកលិច

2021/09/23 03:19:51 pm        943
Facebook Telegram Linkin
ភ្នំពេញ ៖ ប្រជាពលរដ្ឋរស់នៅភូមិសំបួរ សង្កាត់ដង្កោ ខណ្ឌដង្កោ ជារឿយៗ បានសំណូមពរយ៉ាងទទូចដល់អាជ្ញាធរខណ្ឌដង្កោ ជាពិសេស សាលារាជធានីភ្នំពេញ មេត្តាសូមជួយដោះស្រាយបញ្ហាទឹកជន់លិចភូមិរបស់ពួកគាត់រាប់ឆ្នាំមកហើយ ។ ប្រជាពលរដ្ឋប្រាប់ឲ្យដឹងនាថ្ងៃទី២៣ ខែកញ្ញាឆ្នាំ២០២១ថា នៅតំបន់ភូមិរស់នៅរបស់ពួកគាត់ ជារៀងរាល់រដូវវស្សាតែមានទឹកជន់លិចជាប់ប្រចាំ ដោយសារតែពុំទាន់មានប្រព័ន្ធលូ​ប្រើប្រាស់​ត្រឹមត្រូវ ។ ការជន់លិចនេះ គឺមានរយៈពេលរាប់ឆ្នាំមកហើយ បន្ទាប់ពីមានការចាក់ដីលុបបឹងតាម៉ាត ដែលជាបឹងធម្មជាតិដ៏ធំមួយ ។ ដូច្នេះ ក្រោយពីមានការលុបបឹងតាម៉ាតនោះរួចមក នៅពេលដែល​មាន​ភ្លៀងធ្លាក់ម្ដងៗ គឺតែងតែបង្កការជន់លិច លំនៅឋានរបស់ពួកគាត់ជារឿយៗ។ប្រជាពលរដ្ឋ បានប្រាប់បន្តថា កាលពីនៅមានបឹងតាម៉ាត គឺនៅតំបន់ភូមិរបស់គាត់មិនដែល​មាន​ទឹកជន់លិចនោះទេ ពីព្រោះថា នៅពេលមានមេឃភ្លៀងមកម្តងៗ​ទឹកតែងតែ​ហូរចូល​ទៅ​ក្នុង​បឹងតាម៉ាតនោះអស់ៗ ។ បន្ទាប់ពីមានការចាក់ដីលុបបឹងតាម៉ាត ដែលជាបឹងធម្មជាតិ​ដ៏ធំមួយ​រួចមក នៅពេលដែលមានភ្លៀងធ្លាក់ម្ដងៗ គឺតែងតែបង្កការជន់លិច លំនៅឋានរបស់ពួកគាត់​ជារឿយៗ​បែបនេះ ។ដោយជួបបញ្ហាទាំងនេះ ប្រជាពលរដ្ឋដែលរស់នៅក្នុងភូមិសំបួរ សង្កាត់ដង្កោ ខណ្ឌដង្កោ ទាំងអស់ សូមសំណូមពរយ៉ាងទទូចទៅដល់អាជ្ញាធរខណ្ឌដង្កោជាពិសេស លោកអភិបាលរាជធានី​ភ្នំពេញ​ ក៏ដូចជា ជំនាញពាក់ព័ន្ធមេត្តាជួយ ដោះស្រាយនូវទុក្ខកង្វល់របស់ពួកគាត់ទាំងអស់គ្នាផង ។ជុំវិញបញ្ហាទឹកជន់លិចផ្ទះសម្បែងរបស់បងប្អូនប្រជាពលរដ្ឋរស់នៅក្នុងភូមិសំបួរ សង្កាត់ដង្កោ ខណ្ឌដង្កោ លោកស្រី គឹម ញឹប អភិបាលនៃគណៈអភិបាលខណ្ឌដង្កោ ​បញ្ជាក់ឲ្យដឹងថា កំឡុងខែមិនារដ្ឋបាលខណ្ឌ បានដាក់លូរំដោះទឹក និងឥឡូវលោកអភិបាលរាជធានីភ្នំពេញ​ លោកបានឲ្យរថយន្តមកបូមរំដោះទឹកចេញរាល់ថ្ងៃ និងនៅសប្តាហ៍ក្រោយលោកអភិបាល នឹងដាក់លូថ្មី ១ម៉ែត្រកន្លះ ពីរខ្សែជូនប្រជាពលរដ្ឋ រស់នៅតំបន់នោះ ។ សូមបញ្ជាក់ថា ទំហំទឹកធំ និងហូរចាក់ចូលមកតំបន់នេះច្រើនប្រភព ៕អត្ថបទ ៖ តារាវុទ្ធី

កំណាត់ផ្លូវជាតិលេខ៥ បាត់ដំបង-សិរីសោភ័ណ និងផ្លូវល្បឿនលឿន​វាងក្រុងបាត់ដំបង​ បើកឱ្យធ្វើចរាចរណ៍ជាផ្លូវការ

2021/09/23 07:57:33 am        626
Facebook Telegram Linkin
បាត់ដំបង ៖ គម្រោងធ្វើឱ្យប្រសើរឡើងវិញនូវកំណាត់ផ្លូវជាតិលេខ៥ ភាគខាងជើង បាត់ដំបង-សិរីសោភ័ណ ដែលមានប្រវែងជាង៨៤គីឡូម៉ែត្រ និងផ្លូវល្បឿនលឿនវាងក្រុងបាត់ដំបង ត្រូវបានប្រកាសដាក់ឲ្យធ្វើចរាចរណ៍ជាផ្លូវការ ចាប់ពីថ្ងៃទី២៣ ខែកញ្ញា ឆ្នាំ២០២១នេះតទៅ។ឯកឧត្តម តូច ចាន់កុសល រដ្ឋលេខាធិការប្រចាំការ និងជាតំណាង ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងថា គម្រោងធ្វើឱ្យប្រសើរឡើង​កំណាត់ផ្លូវជាតិលេខ៥ បាត់ដំបង-ខេត្តបន្ទាយមានជ័យ មានប្រវែងសរុប ៨៤,៧៤ គីឡូម៉ែត្រ ចំណាយ​ថវិកាអស់ជាង១៦០លានដុល្លារ បានបើកការដ្ឋានសាងសង់កាលពីឆ្នាំ២០១៨ ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្រ្តី ​ ហើយដំណើរ​ការ​​សាងសង់បានប្រព្រឹត្តទៅយ៉ាងសកម្ម។ឯកឧត្តម បានថ្លែងបន្ថែមថា កំណាត់ផ្លូវនេះមាន ៤គន្លង មានទទឹង២៣ម៉ែត្រសម្រាប់តំបន់ជនបទ និង ២៨ម៉ែត្រសម្រាប់ទីប្រជុំជន។ កំណាត់ផ្លូវនេះ មានដាំលម្អដើមត្របែកព្រៃ នៅចំកណ្ដាលទ្រូងផ្លូវ ប្រមាណជាង១ម៉ឺនដើម ចាប់ក្រុងបាត់ដំបង រហូតដល់ក្រុងសិរីសោភ័ណ។ដោយឡែកផ្លូវវាងក្រុងបាត់ដំបង មានដាំលម្អដើមក្ងោកនៅអមសងខាងផ្លូវរាប់ពាន់ដើម ដើម្បី​ការពារ​ការទន្ទ្រានដីចំណីផ្លូវ បង្កើនសោភ័ណភាព ​និងជួយទាក់ទាញអ្នកបើកបរ ក៏ដូចជា​អ្នក​ធ្វើដំណើរ​ឱ្យទទួលបាននូវអារម្មណ៍ស្រស់ស្រាយផងដែរ។ឯកឧត្តមរដ្ឋលេខាធិការប្រចាំការ បានថ្លែងបន្តថា កំណាត់ផ្លូវនេះ ជាគោលការណ៍​នឹងទទួល​បានការ​ថែទាំរយៈពេលមួយឆ្នាំពីដៃគូជប៉ុន គិតចាប់ពីថ្ងៃប្រកាសដាក់ឲ្យប្រើប្រាស់ជាផ្លូវការនេះទៅ។ ហើយចំពោះអ្នករំលោភបំពានលើដីចំណីផ្លូវនឹងត្រូវចាត់វិធានការតាមផ្លូវច្បាប់ជាធរមាន។ជាមួយគ្នានេះ ឯកឧត្តម បានឱ្យដឹងទៀតថា បច្ចុប្បន្ននេះ វិស័យដឹកជញ្ជូននៅកម្ពុជា មានតម្លៃថ្លៃ​ជាង​បណ្ដាប្រទេសជិតខាង ដូច្នេះបន្ទាប់ពីផ្លូវវាងក្រុងបាត់ដំបងនេះ​បើក​ឱ្យ​ធ្វើ​ចរាចរណ៍​នឹង​​ជួយ​បង្កើនល្បឿននៃការដឹកជញ្ជូនទំនិញ កាត់បន្ថយថ្លៃប្រេង និងការចំណាយផ្សេងៗ។គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ គឺជាគម្រោងក្រោមកម្ចីឥណទាន សម្បទានពីរដ្ឋាភិបាលជប៉ុន ​តាមរយៈទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា ដែលផ្តើម សាងសង់ចេញពីព្រែកក្តាម រហូតដល់ក្រុងប៉ោយប៉ែត ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង ខេត្តបន្ទាយមានជ័យ មានប្រវែងសរុប៣៦៦ គីឡូម៉ែត្រ គ្រោងចំណាយថវិកាប្រមាណ ៥០០ លានដុល្លារ ហើយការស្ថាបនាត្រូវបានបែងចែកជាបីផ្នែកធំៗគឺ ភាគខាងជើង ភាគខាងត្បូង និងភាគកណ្តាល។ផ្លូវជាតិលេខ៥ គឺជាផ្លូវយុទ្ធសាស្ត្រយ៉ាងសំខាន់ ជាផ្លូវអាស៊ានហាយវេលេខ១ ហើយក៏ជាផ្លូវរបៀង​សេដ្ឋកិច្ចកើត-លិច ទី២ដ៏មានសក្ដានុពលសម្រាប់ប្រកួតប្រជែងពាណិជ្ជកម្ម ទេសចរណ៍ ភស្តុភារ កម្ម​ វិនិយោគ និងសេដ្ឋកិច្ចនៃមហាតំបន់មេគង្គ GMS ដែលតភ្ជាប់រវាង បាងកក-ភ្នំពេញ-ហូជីមិញ៕

ក្រុម​ប្រឹក្សាធម្មនុញ្ញ ​ផ្សព្វផ្សាយ​ពីសៀវភៅគុណ​តម្លៃរដ្ឋធម្មនុញ្ញ ​អបអរខួបទី២៨ឆ្នាំ

2021/09/23 01:15:01 pm        251
Facebook Telegram Linkin
ភ្នំពេញ ៖ ក្រុមប្រឹក្សារដ្ឋធម្មនុញ្ញ បានផ្សព្វផ្សាយពីសៀវភៅគុណតម្លៃរដ្ឋធម្មនុញ្ញកម្ពុជា ដើម្បី​អបអរ​សាទរ​ទិវារំលឹកខួប ២៨ឆ្នាំ​ នៃការប្រកាសឲ្យប្រើរដ្ឋធម្មនុញ្ញ​នៃព្រះរាជាណណាចក្រកកម្ពុជា និង​ធ្វើការ​បោះពុម្ភ ដើម្បីចែកជូនទៅគ្រប់ក្រសួងស្ថាប័នរដ្ឋ ​គណបក្សនយោបាយ អង្គការ​​មិនមែន​រដ្ឋាភិបាលជាតិ និងអន្តរជាតិ ស្ថានទូត រួមទាំងគ្រឹះស្ថានអប់រំ ទាំងសាធារណៈ និងឯកជន រួមទាំង​ស្ថាប័នពាក់ព័ន្ធមួយចំនួនទៀត ។ក្នុងឱកាសផ្សព្វផ្សាយសៀវភៅរដ្ឋធម្មនុញ្ញ ចំនួន១០ម៉ឺនក្បាល និងសៀវភៅគុណតម្លៃរដ្ឋធម្មនុញ្ញ នៅថ្ងៃទី២៣ ខែកញ្ញា ឆ្នាំ២០២១ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធាន​ក្រុម​ប្រឹក្សា​ធម្មនុញ្ញ មានប្រសាសន៍ថា ការបោះពុម្ពសៀវភៅនេះ ​គឺមានលក្ខណៈកាន់តែពិសេស និងកាន់តែ​ងាយស្រួល​ថែមទៀត ដោយបន្ថែមនូវកំណត់សម្គាល់បង្ហាញនូវកម្រងមាត្រារដ្ឋធម្មនុញ្ញទាំងអស់ តាមលំដាប់លេខរៀងនៃមាត្រានីមួយៗ ដែលត្រូវបានធ្វើវិសោធនកម្ម ដើម្បីសម្រួលដល់អ្នក​ប្រើប្រាស់​ឲ្យមានភាពងាយស្រួលមួយកម្រិតថែមទៀត អាចមើលឃើញក្នុងពេលតែមួយ នូវ​ខ្លឹមសារ​នៃមាត្រាដើម និងខ្លឹមសារវិសោធនកម្មនៃមាត្រានោះ ទោះបីជាមាត្រានោះ ត្រូវបានធ្វើ​វិសោធនកម្ម​ប៉ុន្មានលើកក៏ដោយ ។ឯកឧត្តម បន្តថា ដោយយល់ឃើញឧត្តមប្រយោជន៍នៃរដ្ឋធម្មនុញ្ញ ក្រុមប្រឹក្សារដ្ឋធម្មនុញ្ញ និង​ក្រសួងអប់រំ យុវជន និងកីឡា កាលពីឆ្នាំ២០១៩ បានឯកភាពដាក់​បញ្ចូល​បទប្បញ្ញត្តិគ្រឹះមួយចំនួន ក្នុងកម្មវិធីសិក្សាកម្រិតបឋម ធម្យម និងថ្នាក់ទុតិយភូមិ ដោយបច្ចុប្បន្ន គណៈកម្មការចម្រុះ​នៃស្ថាប័ន​ទាំងពីរ បានរៀបចំខ្លឹមសាររួចរាល់អស់ហើយ រងចាំតែការ​បោះពុម្ព​បញ្ចូល ទៅក្នុងសៀវភៅ​សិក្សាថ្មី​តែប៉ុណ្ណោះ ។ឯកឧត្តម អ៊ឹម ឈុនលឹម បានបញ្ជាក់ថា ក្នុងបរិបទនៃសុខសន្តិភាពពេញលេញ និងឯកភាពជាតិ រដ្ឋធម្មនុញ្ញឆ្នាំ១៩៩៣ បានផ្តល់នូវសមិទ្ធផលធំៗ ​សម្រាប់កម្ពុជា មានជាអាទិ៍១. កម្ពុជាឈាន​ឡើង​ជាសង្គមនីតិរដ្ឋ, ២.កម្ពុជាវិវត្តឈានឡើងជាសង្គមប្រជាធិបតេយ្យសេរីពហុបក្ស, ៣. កម្ពុជា អនុវត្តតាមប្រព័ន្ធសេដ្ឋកិច្ចទីផ្សារ ទន្ទឹមនឹងការយកចិត្តទុកដាក់ ជួយឲ្យជីវភាពរស់នៅរបស់ ប្រជាពលរដ្ឋ​មានកម្រិតសមរម្យ និង៤. កម្ពុជាជាដែនដីធ្វើឲ្យរស់ឡើងវិញ ព្រមទាំងថែរក្សានិង ពង្រីកវប្បធម៌ទំនៀមទម្លាប់ប្រពៃណីល្អរបស់ជាតិ។ឯកឧត្តម ប្រធានក្រុមប្រឹក្សាធម្មនុញ្ញ បានបន្ថែមថា សម្រាប់សមិទ្ធផលជាតិធំៗ ក្រោមដំបូល​នៃរដ្ឋ​ធម្មនុញ្ញ ឆ្នាំ១៩៩៣ ដែលកំពុងប្រារព្ធពិធីអបអរសាទរនេះ គឺជាមរតកជាតិ សម្រាប់ពលរដ្ឋខ្មែរ ក្នុងពេលបច្ចុប្បន្ន និងពេលអនាគត បន្តថែរក្សាឲ្យបានគង់វង្ស ​និងប្រើប្រាស់ធ្វើជាធនធាន ដើម្បី​បន្តបេសកកម្មជាប្រវត្តិសាស្ត្រ ធ្វើឲ្យសម្រេចគោលដៅកម្ពុជា ​សម្រាប់ឆ្នាំ២០៣០ និងសម្រាប់​ឆ្នាំ២០៥០ ៕អ​ត្ថបទ ៖ សុខរិទ្ធិ

កុមារកម្ពុជាដែលមានឪពុកម្តាយធ្វើការនៅថៃ មានឱកាសសិក្សា និង​ចូល​មណ្ឌលថែទាំ​ដូចកុមារថៃ​ដែរ

2021/09/23 12:19:54 pm        308
Facebook Telegram Linkin
ភ្នំពេញ ៖ អ្នកស្រី Treenuch Thienthong រដ្ឋមន្ត្រីក្រសួងអប់រំ នៃព្រះរាជាណាចក្រថៃឡង់ដ៍ បានអះអាងថា នាពេលកន្លងមក រហូតដល់បច្ចុប្បន្ននេះ រាជរដ្ឋាភិបាលថៃ បានយកចិត្តទុកដាក់ខ្ពស់ចំពោះកុមារកម្ពុជា ដែលមានឪពុកម្តាយធ្វើការនៅប្រទេសថៃ ដោយពួកគេបានមានឱកាសសិក្សាសាលារដ្ឋ ទទួលអាហារូបត្ថម្ភ និងមណ្ឌលថែទាំកុមារ ដូចនឹងកុមារជនជាតិថៃ យ៉ាងដូច្នេះដែរ។ថ្លែងនៅក្នុងកិច្ចជំនួបជាមួយឯកឧត្តមបណ្ឌិត សុខ សុក្រឹត្យា រដ្ឋលេខាធិការក្រសួងទេសចរណ៍ កាលពីថ្ងៃទី២២ ខែកញ្ញា ម្សិលមិញ នៅទីក្រុងបាងកកប្រទេសថៃ អ្នកស្រី Treenuch Thienthong បានលើកឡើងងថា «កន្លងមកកុមារកម្ពុជាដែលជាកូនពលករចំណាកស្រុក ត្រូវបាន​រាជ​រដ្ឋាភិបាលថៃ ផ្តោតការយកចិត្តទុកដាក់ ផ្តល់ឱកាសក្នុងការសិក្សាអប់រំនៅតាមសាលារដ្ឋ និង​មណ្ឌលថែទាំកុមារ ដោយពួកគេទទួលបានការយកចិត្តទុកដាក់​ផ្តល់​អាហារូបត្ថម្ភគ្រប់គ្រាន់​ដូចកុមារដទៃទៀតផងដែរ»។ជាមួយគ្នានោះដែរអ្នកស្រី បានសន្យាថា ក្រសួងអប់រំថៃ នឹងបន្តជួយបណ្តុះបណ្តាល​ផ្នែកធន់ធាន​មនុស្សដល់ប្រទេសកម្ពុជាដដែល ខណៈគម្រោងវិទ្យាស្ថានបច្ចេកវិទ្យាកំពង់ស្ពឺ ដែលជាព្រះរាជ​ឩបត្ថម្ភ​ដ៏ថ្លៃថ្លារបស់ព្រះ​អង្គម្ចាស់​ក្សត្រិយ៍ មហាចក្រី សិរិនថន ដែលបច្ចុប្បន្ននេះ កំពុងបំពេញ​បេសកកម្មក្នុងការបណ្តុះបណ្តាលជំនាញបច្ចេកទេស ដល់និស្សិតកម្ពុជា ជាច្រើននាក់​ដើម្បី​ពង្រឹង​ធនធានមនុស្សឆ្លើយតបទៅនឹងតម្រូវការការងារបច្ចុប្បន្ននៅកម្ពុជាជាដើមនោះ។ថ្លែងនៅក្នុងកិច្ចជំនួបនោះដែរឧត្តមបណ្ឌិត សុខ សុក្រឹត្យា បានលើកឡើងថា រាជរដ្ឋាភិបាលកម្ពុជា ពិតជាអរគុណយ៉ាងខ្លាំងចំពោះរាជរដ្ឋាភិបាលថៃ តាមរយៈក្រសួងអប់រំថៃ ដែលបានជួយបណ្តុះ​បណ្តាល​ដល់និស្សិតកម្ពុជានាពេលកន្លង ទៅរហូតដល់សព្វថ្ងៃនេះ ហើយឯកឧត្តម​ក៏បានបន្តស្នើសុំ​រដ្ឋមន្ត្រីអប់រំថៃ ឲ្យជួយបណ្តុះបណ្តាលជំនាញវិជ្ជាជីវៈ​ទេសចរណ៍​ដោយសារធនធានមនុស្ស​ខាងផ្នែក​ទេសចរណ៍នៅមានកម្រិត អាចប្រឈមនឹងការខ្វះខាតនាពេលខាងមុខ​នៅពេលដែល​កម្ពុជា​បើកទទួលទេសចរអន្តរជាតិ និងវិស័យទេសចរណ៍ពិភពលោកបើកដំណើរការ​ឡើងវិញ​ផងដែរ។នៅក្នុងកិច្ចជំនួបនោះដែរ ឧត្តមបណ្ឌិត សុខ សុក្រឹត្យា និងរដ្ឋមន្រ្តីក្រសួងអប់រំថៃ ក៏បានប្តេជ្ញាបន្ត​ជំរុញ​ទំនាក់ទំនងរវាងកម្ពុជា-ថៃ ឲ្យកាន់តែល្អប្រសើរ ជាពិសេសបង្កើតឲ្យមានកិច្ច​សហប្រតិបត្តិការល្អ​ទាំងផ្នែករដ្ឋ និងឯកជន និងប្រជាជនតាមរយៈការបង្កើតឱ្យមានកម្មវិធីជំរុញ​ការអភិវឌ្ឍធនធានមនុស្សឲ្យស្របតាមតម្រូវការទីផ្សារជំនាន់ថ្មីផងដែរ៕អត្ថបទ ៖ បាន ចក់

សម្តេចក្រឡាហោម ស ខេង ជួបពិភាក្សាការងារជាមួយតំណាងក្រសួងនគរបាលវៀតណាម

2021/09/23 12:00:44 pm        467
Facebook Telegram Linkin
ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅព្រឹកថ្ងៃទី២៣ ខែកញ្ញា ឆ្នាំ២០២១នេះ បានជួបជាមួយឧត្តមសេនីយ៍ត្រី ង្វៀន ហាយសឺន ប្រធានស្ថានតំណាងក្រសួងនគរបាលអមស្ថានទូតវៀតណាមប្រចាំនៅកម្ពុជា ដើម្បីពិភាក្សាការងារមួយចំនួនមុននិងបញ្ចប់អាណត្តិការងាររបស់លោកនៅកម្ពុជា។នៅក្នុងកិច្ចជំនួបនោះ សម្ដេចក្រឡាហោម ស ខេង បានសម្ដែងការស្វាគមន៍ និងវាយតម្លៃខ្ពស់ ព្រមទាំងកោតសរសើរចំពោះលោកឧត្តមសេនីយ៍ត្រី ង្វៀន ហាយសឺន ដែលបានខិតខំបំពេញ​តួនាទីយ៉ាងសកម្ម ក្នុងនាមជាប្រធានស្ថានតំណាង​ក្រសួងនគរបាលវៀតណាម ប្រចាំនៅ​ព្រះរាជាណាចក្រ​កម្ពុជា ដែលមានទីតាំងនៅក្នុងស្ថានទូតវៀតណាមប្រចាំនៅកម្ពុជា។សម្ដេចបន្តថា ក្រសួងមហាផ្ទៃកម្ពុជា និងក្រសួងនគរបាលវៀតណាម តែងតែមានកិច្ច​សហប្រតិបត្តិការជាមួយគ្នាយ៉ាងល្អប្រសើរ និងបន្តនូវកិច្ចសហប្រតិបត្តិការនេះជាបន្តទៀត​ទៅ​អនាគត។សម្ដេចក៏មានសេចក្ដីសង្ឃឹមយ៉ាងមុតមាំថា អ្នកបន្តអាណត្តិការងារក្រោយពីលោកឧត្តមសេនីយ៍ត្រី នឹងបន្តនូវអ្វីដែលជាសមិទ្ធផលដែលក្រសួងទាំងពីរមាននាពេលកន្លងមក និងពង្រីកិច្ច​សហប្រតិបត្តិការ​ឱ្យកាន់តែមានវឌ្ឍនភាពល្អប្រសើរថែមទៀត។ថ្លែងនៅក្នុងជំនួបនោះដែរ លោកឧត្តមសេនីយ៍ត្រី ង្វៀន ហាយសឺន ក៏បាន ង្ហាញពីភាពរីករាក និងវាយតម្លៃខ្ពស់ ចំពោះកិច្ចសហប្រតិបត្តិការដ៏ល្អរវាងក្រសួងទាំងពីរនៅ​ក្នុង​អាណត្តិការងារ៣ឆ្នាំ​កន្លងមកនេះ។លោកបានជម្រាបសម្ដេចក្រឡាហោមដែរថា ក្រោយពីបញ្ចប់អាណត្តិការងារនៅកម្ពុជា លោកនឹង​បន្ត​ខិតខំដើរ​តួនាទីក្នុងការផ្សាភ្ជាប់ទំនាក់ទំនងរវាងសាកលវិទ្យាល័យជាតិបាត់ដំបង និង​សាកល​វិទ្យាល័យ​កាន់ធើវៀតណាម ដើម្បីលើកកម្ពស់វិស័យអប់រំប្រទេស​ទាំងពីរឲ្យកាន់​តែល្អ​ប្រសើផងដែរ៕អត្ថបទ ៖ បាន ចក់

ទំនប់អាងស្តុបទឹកពីរទីតាំងក្នុងក្រុងសំរោង កំពុងមានការចាប់​អារម្មណ៍​ខ្លាំង​ពី​​វិស័យ​ទេសចរ​ក្នុងស្រុក

2021/09/23 11:38:03 am        424
Facebook Telegram Linkin
ឧត្តរមានជ័យ ៖ លោកស្រី ធិននីមន្នីរស្មី ប្រធានមន្ទីរទេសចរខេត្តឧត្តរមានជ័យ បានលើកឡើងថា ទំនប់អាងស្តុបទឹកពីរទីតាំងស្ថិតនៅក្នុងក្រុងសំរោង ខេត្តឧត្តរមានជ័យ គឺទំនប់អាងស្តុបទឹកត្រពាំងខ្ទុំ និងទំនប់អាងស្តុបទឹកត្រពាំងវេង មានការចាប់អារម្មណ៍យ៉ាងខ្លាំង ពីវិស័យទេសចរក្នុងស្រុក ខណៈដែលមានជំនន់ទឹកភ្លៀង បានហូរកាត់ក្នុងតំបន់នេះម្តងៗ នៅពេលរដូវវស្សា។លោកស្រី បានឲ្យដឹងទៀតថា អាជ្ញាធរខេត្តក៏ដូចជាអាជ្ញាធរក្រុងសំរោងគ្រោង​និងធ្វើការរៀបចំ​តំបន់ទាំងពីរទីតាំងខាងលើនេះ ឲ្យក្លាយជាតំបន់រមណីយដ្ឋានទេសចរណ៍​មួយឲ្យមានការ​ទាក់ទាញ​ការចាប់អារម្មណ៍​ពីសំណាក់ភ្លៀវទេសចរ​ក្នុងស្រុក​ មកទស្សនាកំសាន្តនៅតំបន់នេះ។តំបន់នេះនៅរដូវវស្សាម្តងៗ​ មានប្រភពទឹកច្រើនបានហូរកាត់លើដងផ្លូវទំនប់បង្ហៀរ​ទឹក ដែល​ជា​កត្តា​នាំឲ្យពលរដ្ឋជាច្រើន​បានមកលេង​កំសាន្ត​រាងរាល់ថ្ងៃចុងសប្តាហ៍ ​ប្រជាពលរដ្ឋរស់នៅក្បែរតំបន់នោះ អាចប្រកបមុខរបរលក់ដូររកចំណូល​បាន​ពីវិស័យទេសចរ​ក្នុង​បរិបទកូវីដ-១៩នេះ នាឱកាសបុណ្សកាន់បិណ្ឌភ្ជុំបិណ្ឌផងដែរ។សូមបញ្ជាក់ថា ក្នុងតំបន់ខាងលើទាំងពីរទីតាំងនេះ ​គឺសុទ្ធតែមានប្រាង្គប្រាសាទ​បុរាណខ្មែរ​ដែល​បានលាក់កំបាំងខ្លួន នៅកណ្តាលព្រៃ ក្នុងភូមិដាច់ស្រយាល ​មួយ​គឺប្រាង្គប្រាសាទ​ព្រះនាង​សក់ក្រអូប នឹងប្រសាទល្បើក ដែលជាស្នាដៃរបស់បុព្វបុរស​ក្សត្រខ្មែរ​ជំនាន់មុនៗ​ បាន​បន្សល់​ទុក​។ប្រជាពលរដ្ឋតែងតែមានជំនឿតៗគ្នាមកថា ជាកន្លែងដែល​ស័ក្ដិសិទ្ធិ​បំផុត​ បច្ចុប្បន្ន​ត្រូវបានខាង​មន្ទីរវប្បធម៌ ​និងវិចិត្រសីល្បៈខេត្ត កំពុងតែធ្វើការ​ត្រួសត្រាយ​សំអាតព្រៃ​ ដែលនៅជុំវិញប្រាសាទ​ ដើម្បី​ធ្វើការអភិរក្ស និងបង្ហាញរូបរាងឲ្យទេសចរបានស្គាល់ និងទស្សនា នាពេលខាងមុខ​នេះផងដែរ៕អត្ថបទ ៖ ឃិនសារិទ្ធ

ក្រសួងពាណិជ្ជកម្ម និងGIZ បើកសិក្ខាសាលាផ្សព្វផ្សាយច្បាប់ស្តីពីកិច្ចការពារអ្នកប្រើប្រាស់

2021/09/23 10:31:38 am        128
Facebook Telegram Linkin
ភ្នំពេញ ៖ សមាជិកនៃគណៈកម្មការជាតិការពារអ្នកប្រើប្រាស់ (NCCP) នៅព្រឹកថ្ងៃទី២៣ ខែកញ្ញា ឆ្នាំ២០២១នេះ បានជួបជាមួយសភាពាណិជ្ជកម្មកម្ពុជា ដើម្បីពិភាក្សា និងផ្សព្វផ្សាយច្បាប់​ស្តីពី​កិច្ច​ការពារអ្នកប្រើប្រាស់។ អង្គប្រជុំនេះ បានប្រារព្ធធ្វើឡើងក្រោមវត្តមានរបស់ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ដោយមានអ្នកចូលរួមប្រមាណ១៥០នាក់ ព្រឹត្តិការណ៍នេះ​ត្រូវបានរៀប​ចំឡើង​ក្នុងទម្រង់កូនកាត់ និងសហការរៀបចំជាមួយទីភ្នាក់ងារកិច្ចសហប្រតិបត្តិការអាល្លឺម៉ង់ (GIZ)។ឯកឧត្តម ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក​នៃអគ្គនាយកដ្ឋានការពារ​អ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប) បានលើកឡើងថា សិក្ខា​សាលា​នេះ ​មានគោលបំណងចែករំលែកក្រមសីលធម៌ធុរកិច្ចតាមប្រព័ន្ធអនឡាញ សម្រាប់​អាស៊ាន ដែលបានបង្កើតឡើងដើម្បីលើកទឹកចិត្តដល់ការអនុវត្តធុរកិច្ចដោយត្រឹមត្រូវនៅក្នុង បរិយាកាស​ពាណិជ្ជកម្ម​អេឡិចត្រូនិកដែលកំពុងវិវត្ត។ ឯកឧត្តម បានឲ្យដឹងថា ចាប់តាំងពីច្បប់នេះត្រូវបានអនុម័តដាក់ឲ្យប្រើប្រាស់មក អគ្គនាយកដ្ឋាន ក.ប.ប បានរៀបចំនូវវគ្គបណ្តុះបណ្តាលពង្រឹងសមត្ថភាពជូនដល់មន្រ្តីស៊ើបអង្កេតនៃអគ្គនាយក ក.ប.ប បានចំនួនជាច្រើនលើក រួមទាំងការបណ្តុះបណ្តាលតាមប្រព័្ធអនឡាញផងដែរ។នៅក្នុងអង្គពិធីនេះ ឯកឧត្តមរដ្ឋមន្រ្តី ប៉ាន សូរស័ក្តិ បានអំពាវនាវដល់អ្នកធ្វើធុរកិច្ចទាំងឡាយ ដែល​មិន​ទាន់បាន​អនុវត្តនូវកាតព្វកិច្ចការពារអ្នកប្រើប្រាស់ សូមយកចិត្តទុកដាក់អនុវត្តនូវការតព្វកិច្ចទាំង​នោះស្របតាមច្បាប់ និងបទប្បញ្ញត្តិជាធរមានទាំងអស់គ្នា ដើម្បីរួមចំណែកជាមួយស្ថាប័ន​មាន​សមត្ថកិច្ចនិងអ្នកប្រើប្រាស់ ក្នុងការកសាងសង្គមយើងឱ្យមានសុខដុមនីយកម្ម និងមានការអភិវឌ្ឍ​ប្រកបដោយនិរន្តរភាព។ ជាមួយគ្នានេះ ឯកឧត្តម បានលើកទឹកចិត្តដល់អ្នកប្រើប្រាស់ធ្វើសេច ក្តីរាយការណ៍ពីធុរជនទាំង​ឡាយណា​ដែលប្រព្រឹត្តសកម្មភាពមិនសុចរិតក្នុងធុរកិច្ចមកកាន់ក្រសួងពាណិជ្ជកម្ម ឬ​គណៈកម្មាធិការជាតិការពារអ្នកប្រើប្រាស់ តាមរយៈអគ្គនាយកដ្ឋាន ក.ប.ប. ដើម្បីស្វែងរក​ដំណោះស្រាយ​បញ្ហារួមគ្នាឱ្យបានទាន់ពេលវេលា។សូមបញ្ជាក់ថា ច្បាប់ស្តីពីកិច្ចការពារអ្នកប្រើប្រាស់ ត្រូវបានប្រកាសឱ្យប្រើតាមព្រះរាជក្រម នាដើម​ខែវិច្ឆិកា ឆ្នាំ២០១៩។ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការ​ក្លែងបន្លំ ដើរតួនាទីជាស្ថាប័នអនុវត្តសំខាន់ និងត្រូវបានប្រគល់នូវភារកិច្ចទាក់ទង​នឹងការការ​ពារ​អតិថិជន អនុលោម តាមបទប្បញ្ញត្តិនៃច្បាប់នេះ គណៈកម្មាធិការជាតិការពារអ្នកប្រើប្រាស់ គឺជា​ស្ថាប័នគោលនយោបាយខ្ពស់ជាងគេ ហើយបច្ចុប្បន្នមានក្រសួងពាក់ព័ន្ធចំនួនប្រាំពីរ៕អត្ថបទ ៖ ឈិត បូរ៉ាវី 

ពលរដ្ឋរីករាយមកវត្ដធ្វើបុណ្យភ្ជុំបិណ្ឌប្រពៃណីជាតិខ្មែរ តែមិនភ្លេចវិធានការពារជំងឺកូវីដ-១៩

2021/09/22 01:08:54 pm        316
Facebook Telegram Linkin
ព្រះសីហនុ ៖ នៅវត្ដក្រោម ស្ថិតក្នុងសង្កាត់លេខ៣ ក្រុងព្រះសីហនុ ថ្ងៃទី២២ ខែកញ្ញា ឆ្នាំ២០២១ នាក្នុងឱកាសបុណ្យភ្ជុំបិណ្ឌ ប្រពៃណីជាតិខ្មែរ ដែលជាថ្ងៃកាន់បិណ្ឌ មានពលរដ្ឋជាពុទ្ធសាសនិក បានអញ្ជើញមកធ្វើបុណ្យនៅវត្ដអារាម យ៉ាងច្រើនកុះករ ដោយមានការប្រុងប្រយ័ត្នខ្ពស់​ចំពោះការ​ចូលរួមធ្វើបុណ្យផង និងចូលរួមប្រយុទ្ធប្រឆាំង និងទប់ស្កាត់ការឆ្លងរាលដាល ជំងឺកូវីដ-១៩ ក្នុងសហគមន៍។ប្រជាពលរដ្ឋ​ពុទ្ធបរិស័ទ​ដែលចូលរួម​កាន់បិណ្ឌ​ បានលើកឡើងថា ​គាត់​មានសេចក្ដីរីករាយ​ចំពោះ​រាជរដ្ឋាភិបាល អាជ្ញាធរមូលដ្ឋាន ដែលបាន​អនុញ្ញាត​ឱ្យប្រជាពលរដ្ឋ បានធ្វើបុណ្យកាន់បិណ្ឌ ឬ​បុណ្យភ្ជុំបិណ្ឌ នៅក្នុងបរិបទជំងឺកូវីដ-១៩នេះ ហើយពួកគាត់​ក៏មិនភ្លេចខ្លួនដែរចំពោះការអនុវត្ដ នូវវិធានការ ការពារ ក្នុងក្នុងការចូលរួមប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ និងសម្របខ្លួន​រស់នៅបែបគន្លងថ្មី ដោយ​មានអនាម័យ ការប្រុងប្រយ័ត្នខ្ពស់ ។ដើម្បីបើកឱកាសប្រគេនព្រះសង្ឃ ជូនពុទ្ធបរិស័ទបំពេញកុសលតាមសទ្ធាជ្រះថ្លា តាមជំនឿ និងចូលរួមចំណែកថែរក្សា នូវប្រពៃណីទំនៀមទម្លាប់ ជំនឿសាសនា វប្បធម៌ ដែលជាអត្ដសញ្ញាណដ៏ថ្លែថ្លារបស់ជាតិ ឱ្យបានគង់វង្ស និងរៀបចំបុណ្យ កាន់បិណ្ឌ ភ្ជុំបិណ្ឌ និង​កឋិនទានឱ្យដំណើរការ និងប្រព្រឹត្ដទៅស្របតាមទំនៀមទម្លាប់និងប្រពៃណីព្រះពុទ្ធសាសនា និងចូលរួមបដិបត្ដិតាមសេចក្ដីណែនាំនានារបស់រាជរដ្ឋាភិបាល ក្រសួងសុខាភិបាល តាមការ​ជាក់ស្ដែង​នៃទីកន្លែងនីមួយៗ ក្នុងការអនុវត្ដវិធានការចាំបាច់នានា​សំដៅកាត់ផ្ដាច់​និងទប់ស្កាត់​ការឆ្លងរាលដាលនៃជំងឺកូវីដ១៩ នៅក្នុងសហគមន៍ រដ្ឋបាលខេត្ដព្រះសីហនុ សូមធ្វើាការណែនាំ មន្ទីរ អង្គភាព រដ្ឋបាលក្រុង ស្រុក រដ្ឋបាលឃុំ សង្កាត់ ត្រូវផ្សព្វផ្សាយអំពី ខ្លឹមសារពិធីបុណ្យ​ទាំងពីរនេះ ឱ្យបានជ្រូតជ្រាបដល់មន្ដ្រីរាជការក្រោមឱវាទ និងបងប្អូន​ប្រជាពលរដ្ឋ​ជាពុទ្ធសាសនិក បានចូលរួមបំពេញកុសលជាប្រពៃណីនៅតាមវត្ដអារាម ឬនៅក្នុងអង្គភាពរបស់ខ្លួន ដោយត្រូវ​អនុវត្ដវិធាន​ការការពារនានា របស់ក្រសួងសុខាភិបាល គឺត្រូវពាក់ម៉ាស ធ្វើការវាស់កម្ដៅ រក្សា​អនាម័យ លាងដៃជាមួយសាប៊ូ ឬអាល់កុល និងរក្សាគម្លាត សុវត្ថិភាពសង្គម-បុគ្គល។ គ្រប់វត្ដអារាម ត្រូវអនុវត្ដឱ្យបានម៉ឺងម៉ាត់នូវវិធានការ “៣កុំ និង៣ការពារ” និងវិធានការសុខា ភិបាលឱ្យ​បានខ្ជាប់ខ្ជួន ដើម្បីចូលរួមទប់ស្កាត់ឱ្យបាននូវការឆ្លងរាលដាលជំងឺកូវីដ១៩ ទៅក្នុងសហគមន៍។ យោងតាម សេចក្ដីជូនដំណឹងលេខ ០២១/២១ ស.ណ.ន ចុះថ្ងៃទី២០ ខែកញ្ញា ឆ្នាំ២០២១ របស់រដ្ឋបាលខេត្ដព្រះសីហនុ ស្ដីពីការរៀបចំបុណ្យកាន់បិណ្ឌ ភ្ជុំបិណ្ឌ និងបុណ្យកឋិនទាន។សូមបញ្ជាក់ថា បូណ្យកាន់បិណ្ឌ ភ្ជុំបិណ្ឌ ជាបុណ្យប្រពៃណីព្រះពុទ្ធសាសនា ដ៏សំខាន់របស់​សាសនិក​ជនខ្មែរគ្រប់ៗរូប។ ពិធីបុណ្យនេះ ប្រារព្វធ្វើឡើងដើម្បីឧទ្ទិសកុសលជូនដល់​វិញ្ញាណក្ខន្ធ​នៃអ្នកមានគុណទាំងឡាយ មានមាតាបិតា ជីដូនជីតា គ្រូ​ឧបជ្ឈាយាចារ្យ​ បុព្វបុរសជាតិ និងបងប្អូនជនរួមជាតិទាំងឡាយ ដែលបានលាចាកលោកនេះទៅកាន់លោកខាងមុខ។ ម្ស៉ាងទៀត ពិធីបុណ្យនេះ ក៏ជាឱកាសដ៏ល្អសម្រាប់ការជួបជុំឪពុកម្ដាយ បងប្អូន​ញាតិមិត្ដ សាច់​សាលោហិត ដែលរស់នៅទី ផ្សេងៗគ្នា និងអាចស្វែងយល់ពីសុខទុក្ខ និងដំណើរ​ប្រព្រឹត្ដិ​ទៅ​ក្នុងជីវភាពរស់នៅប្រចាំថ្ងៃ ​រវាងគ្នានឹងគ្នាទៅវិញទៅមក ព្រមទាំងអាចបាននូវសាមគ្គីភាព​ដ៏ទូលំទូ​លាយផង៕អត្ថបទ ៖ ប៊ុនថា

ឧត្តមសេនីយ៍ឯក ហ៊ុន ម៉ាណែត ជួបពិភាក្សាការងារជាមួយអនុព័ន្ធយោធាវៀតណាម​ប្រចាំនៅ​កម្ពុជា

2021/09/22 11:19:39 am        349
Facebook Telegram Linkin
ភ្នំពេញ ៖ នៅទីបញ្ជាការកងទ័ពជើងគោក នៃកងយោធពលខេមរភូមិន្ទ កាលពីរសៀលថ្ងៃទី២១ ខែកញ្ញាម្សិលមិញ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក បានអនុញ្ញាតឱ្យលោកវរសេនីយ៍ឯកពិសេស ង្វៀន ថាញ់ជីញ អនុព័ន្ធយោធានៃសាធារណរដ្ឋសង្គមនិយមវៀតណាមប្រចាំនៅកម្ពុជា ចូលជួបពិភាក្សាការងារ​ទាក់ទង​នឹងការវាយតម្លៃលទ្ធផលកិច្ចសហប្រតិបត្តិការផ្នែកយោធា ដែលសម្រេចបានកន្លងមក និងការកំណត់ទិសដៅបន្តសម្រាប់បណ្តាឆ្នាំខាងមុខ។ថ្លែងក្នុងជំនួបនេះ លោកអនុព័ន្ធយោធាវៀតណាម បានជម្រាបជូន ឯកឧត្តម អគ្គមេបញ្ជាការរង មេបញ្ជាការកងទ័ពជើងគោកអំពីលទ្ធផលប្រកបដោយផ្លែផ្កានៃកិច្ចសហប្រតិបត្តិការរវាងក្រសួងការពារជាតិនៃសាធារណរដ្ឋសង្គមនិយមវៀតណាម និងកងទ័ពជើងគោកនៃកងយោធពលខេមរភូមិន្ទ ក៏ដូចជាអំពីបញ្ហាប្រឈមមួយចំនួនដែលបានជួបប្រទះកន្លងមក ក្នុងកាលៈទេសៈនៃការឆ្លងរាត​ត្បាត​នៃជំងឺកូវីដ-១៩ ។លោក ក៏បានបញ្ជាក់បន្ថែមផងដែរអំពីការបន្តខិតខំប្រឹងប្រែង​ធ្វើយ៉ាងណាឱ្យកិច្ច​សហប្រតិបត្តិការ​លើការងារ​ហ្វឹកហ្វឺន​បណ្តុះបណ្តាលធនធានមនុស្ស អាចដំណើរការទៅបានដោយគ្មានការរាំងស្ទះ និងរលូនសមស្របទៅមុខ ជាពិសេសការសម្របទៅនឹងបែបបទគន្លងប្រក្រតីថ្មី។នៅក្នុងកិច្ចជំនួបនេះ ឧត្តមសេនីយ៍ឯក ហ៊ុន ម៉ាណែត បានសម្តែងការសាទរចំពោះទំនាក់ទំនង​កិច្ច​សហប្រតិបត្តិការដ៏ល្អ និងជិតស្និទ្ធរវាងរដ្ឋាភិបាលកងទ័ព និងប្រជាជននៃប្រទេសទាំងពីរ ក្នុង​រយៈកាលកន្លងមកនេះ ជាពិសេសការជួយឧបត្ថម្ភគាំទ្រគ្នាទៅវិញទៅមកនៅចំពោះ​មុខការ​ឆ្លង​រីករាល​ដាលនៃជំងឺកូវីដ-១៩ ដែលជាបញ្ហាប្រឈមរួម និងបានគូសបញ្ជាក់អំពីសារៈសំខាន់​នៃ​កិច្ចខិតខំប្រឹងប្រែងរួមគ្នារវាងកងទ័ពទាំងពីរក្នុងការបន្តថែរក្សារឹតចំណងមិត្តភាព សាមគ្គីភាព ព្រមជាមួយនឹងការពង្រឹង និងពង្រីកកិច្ចសហប្រតិបត្តិការឱ្យបានកាន់តែរីកចម្រើនប្រសើរ​ឡើង​សម្រាប់បណ្តាឆ្នាំខាងមុខ ស្របតាមទិសដៅរបស់ក្រសួងការពារជាតិនៃប្រទេសទាំងពីរ សំដៅធានា​បាននូវសន្តិភាព និងវិបុលភាពសម្រាប់ប្រជាជាតិនីមួយៗ ក៏ដូចជាតំបន់ទាំងមូលជាដើមនោះ៕អត្ថបទ ៖ បាន ចក់

សាលារៀននៅភ្នំពេញ បានដំណើរការទៅយ៉ាងប្រសើរ នឹងឈានដល់បើកបន្ថែមទៀត

2021/09/21 05:04:40 am        396
Facebook Telegram Linkin
ភ្នំពេញ ៖ មកដល់ពេលនេះដំណើរការសាលារៀនឡើងវិញ នៅក្នុងរាជធានីភ្នំពេញ មានភាពល្អប្រសើរច្រើន ដែលអាចឈានទៅរកការបើកសាលារៀនបន្ថែមទៀត។លោក ហែម ស៊ីណារ៉េត ប្រធានមន្ទីរអប់រំ យុវជននិងកីឡារាជធានីភ្នំពេញ បានឱ្យដឹងនៅថ្ងៃទី២១ ខែកញ្ញា ឆ្នាំ២០២១ថា មកដល់ពេលនេះ ដំណើរការសាលារៀនឡើងវិញ នៅក្នុងរាជធានីភ្នំពេញ មានភាពល្អប្រសើរច្រើន ដែលអាចឈានទៅរកការបើកសាលារៀនបន្ថែមទៀត។ប្រធានមន្ទីរអប់រំ បានបន្ថែមថា សាលារៀនកម្រិតអនុវិទ្យាល័យ និងវិទ្យាល័យបានបើកដំណើរ​ការចំនួន ១៥៧ទីតាំងហើយ ទាំងសាលារដ្ឋ និងសាលាឯកជន។ចំពោះការដំណើរការឡើងវិញ សាលារៀនកម្រិតអនុវិទ្យាល័យ និងវិទ្យាល័យនេះ ក៏មានបញ្ហាបន្តិច​ដែរក្រោយបើកបានប៉ុន្មានថ្ងៃ ដោយមានយុទ្ធនាការយកសំណាកក៏បានរកឃើញ​សិស្សមួយ​ចំនួនតូច​មានវិជ្ជមាន ប៉ុន្តែមិនបានបិទសាលាទាំងមូលវិញទេ គឺបិទត្រឹមថ្នាក់រៀន ហើយ​បន្តតាម​ដាន​អ្នកពាក់ព័ន្ធរហូតមកដល់ពេលនេះ មិនមានបញ្ហាអ្វីដែលឈាន​ដល់ការរីករាលដាល​ជំងឺកូវីដ១៩ ក្នុងសាលារៀននោះទេ ជារួមគឺមានភាពល្អប្រសើរឡើងវិញហើយ។សិស្សានុសិស្សរៀននៅវិទ្យាល័យច្បារអំពៅ បានលើកឡើងថា ការសិក្សាដោយផ្ទាល់ឡើងវិញនេះ មានសារៈសំខាន់ណាស់ គ្រាន់តែយើងត្រូវកែប្រែទម្លាប់សិក្សាមួយចំនួនធំ ដើម្បីអនុវត្តវិធាន​ការផ្សេងៗក្នុងការទប់ស្កាត់កូវីដ។ចំពោះលោកគ្រូអ្នកគ្រូដែលបង្រៀនដោយផ្ទាល់នាពេលនេះ ក៏បានខិតខំបង្រៀនផង និងណែនាំ ក៏ដូចជាអនុវត្តវិធានការផ្សេងៗផង ធ្វើយ៉ាងណាមិនឱ្យសិស្សក្នុងថ្នាក់រៀនរបស់ខ្លួនឆ្លងជំងឺ ដែលប៉ះពាល់ការសិក្សានោះឡើយ។សូមបញ្ជាក់ថា គ្រឹះស្ថានសិក្សាកម្រិតអនុវិទ្យាល័យ និងវិទ្យាល័យ នៅរាជធានីភ្នំពេញ​មាន​ចំនួនសរុប ២២៧ទីតាំង ក្នុងនោះគ្រឹះស្ថានសាធារណៈមាន ៦៨ ទីតាំង និងគ្រឹះស្ថានឯកជន​មានចំនួន ១៥៩ទីតាំង ហើយមកដល់ពេលនេះ បានបើកដំណើរការចំនួន១៥៧ទីតាំងហើយ ទាំងសាលារដ្ឋ និងសាលាឯកជន៕អត្ថបទ ៖ប្រាក់ វ៉ាន់ដា 

បណ្ដាញសង្គម

ព័ត៌មានថ្មីៗ

ណាតូបង្ហាញក្ដីបារម្ភពីការបង្កើនសមត្ថភាពយោធាដ៏ធំរបស់ចិន និងសក្តានុពលសម្រាប់ការក្រសោបយកកោះតៃវ៉ាន់មកគ្រប់គ្រង
06/26/2025 10:06 AM
Facebook Telegram Linkin
លោក Zelenskiy ជជែកជាមួយលោក Trump ក្នុងជំនួបកំពូលណាតូ អំពីកិច្ចសហប្រតិបត្តិការការពារជាតិ
06/26/2025 10:06 AM
Facebook Telegram Linkin
នាយឧត្តមសេនីយ៍ផុតលេខផ្កាយមាស៥ ហ៊ុន សែន ប្រកាសទទួលយកសំណើរជាអគ្គភស្តុភាជាន់ខ្ពស់ សម្រាប់កម្លាំងប្រដាប់អាវុធ
06/26/2025 10:06 AM
Facebook Telegram Linkin
ភាគខាងត្បូងប្រទេសចិន បន្តជួបព្យុះភ្លៀងដ៏ខ្លាំងក្លា ពីរសប្តាហ៍បន្ទាប់ពីព្យុះទីហ្វុង Wutip
06/26/2025 09:06 AM
Facebook Telegram Linkin
ចារកម្មអ៊ុយក្រែន៖ រុស្ស៊ី គ្រោងបង្ហាត់កងកម្លាំងចិន ឱ្យចេះពីវិធីផ្ដួលសព្វាវុធរបស់អាមេរិក និងណាតូ
06/26/2025 09:06 AM
Facebook Telegram Linkin
ការវាយប្រហាររបស់អ៊ីស្រាអែលបានសម្លាប់មនុស្សជិត៨០នាក់ ខណៈលោកTrump បង្ហាញពីវឌ្ឍនភាពក្នុងការចរចានៅហ្កាហ្សា
06/26/2025 09:06 AM
Facebook Telegram Linkin
វិមានក្រឹមឡាំង៖ លោក Putin នឹងមិនទៅចូលរួមកិច្ចប្រជុំកំពូល BRICS នៅប្រេស៊ីល សប្ដាហ៍ក្រោយនេះទេ
06/26/2025 09:06 AM
Facebook Telegram Linkin
សម្តេចតេជោ ហ៊ុន សែន ប្រាប់ដល់កងទ័ពទាំងឡាយថា កុំខ្លាចចំពោះការវាយប្រហារ​នឹង​សត្រូវ​ដែល​ឈ្លានពានយើងឲ្យសោះ
06/26/2025 09:06 AM
Facebook Telegram Linkin
លោកTrump ចំអកឱ្យអ៊ីរ៉ង់ចំពោះកិច្ចពិភាក្សានៅសប្តាហ៍ក្រោយថា កម្មវិធីនុយក្លេអ៊ែត្រូវដើរថយក្រោយច្រើនទសវត្សរ៍
06/26/2025 09:06 AM
Facebook Telegram Linkin
លោក Trump បង្ហើបពីលទ្ធភាពដែលលោក Putin អាចវាយលុកលើប្រទេសផ្សេងទៀតហួសពីអ៊ុយក្រែន
06/26/2025 09:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.