នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS | កម្ពុជា និងថៃឯកភាពឈប់បាញ់គ្នា និងត្រលប់ទៅអនុវត្តបទឈប់បាញ់តាមរយៈការសម្របសម្រួលរបស់ប្រធានាធិបតីអាមេរិក
តម្លៃសេវាអ៊ីនធឺណិតនឹងទាបជាងមុន បន្ទាប់ពីកម្ពុជាតបណ្តាញប្រព័ន្ធអ៊ីនធឺណិតពីហុងកុង
វេទិកានយោបាយអាស៊ី-អឺរ៉ុប ស្នើឱ្យភាគីជម្លោះគោរពចំពោះកិច្ចព្រមព្រៀងសន្តិភាពនានា និង​ធម្មនុញ្ញ UN
ក្រសួងរៀងចំដែនដី នឹងបង្កើតសួនបន្ថែមក្នុងទីក្រុង ឆ្លើយតបនឹងកំណើនពលរដ្ឋក្នុងទីក្រុង

នយោបាយ​ និង ការអភិវឌ្ឍន៍

ពលរដ្ឋជិត៤០០នាក់ នៅស្រុករមាសហែក ខេត្តស្វាយរៀង បានបញ្ចប់ការព្យាបាលជំងឺកូវីដ១៩

2021/09/17 03:56:52 pm        771
Facebook Telegram Linkin
ស្វាយរៀង ៖ អ្នកជំងឺចំនួន៣៩៥នាក់ ស្ថិតនៅភូមិសាស្ត្រភូមិកំពង់ត្រាច និងភូមិតាត្រាវ ឃុំកំពង់ត្រាច ស្រុករមាសហែក ខេត្តស្វាយរៀង បានបញ្ចប់ការព្យាបាលជំងឺ បន្ទាប់ពីពួកគាត់បាន ឆ្លងជំងឺកូវីដ១៩ ដោយមិនដឹងខ្លួន ហើយនៅបន្តលក់ដូរនៅក្នុងផ្សារកំពង់ត្រាច កាលពីប៉ុន្មានសប្តាហ៍មុននេះ។លោកស៊ូ ម៉ុល អភិបាលស្រុករមាសហែក ខេត្តស្វាយរៀង នៅថ្ងៃទី១៧ ខែកញ្ញា ឆ្នាំ២០២១ នេះ បានប្រាប់តាមសារតេឡេក្រាមឲ្យដឹងថា​ អ្នកជំងឺចំនួន៣៩៥នាក់​ដែលបានរងឆ្លងជំងឺកូវីដ១៩​ ពីក្រុមអាជីវករមួយក្រុម ដែលប្រកបរកស៊ីលក់ដូរនៅក្នុងផ្សារកំពង់ត្រាច កាលពីប៉ុន្មានសប្តាហ៍មុន បច្ចុប្បន្នបានជាសះស្បើយអស់ហើយ ​នឹងបានចាកចេញទៅប្រកបរបរផ្សេងៗ នៅតាមគ្រួសារ បន្ទាប់ពីក្រុមគ្រូពេទ្យបានយកចិត្តទុកដាក់ពិនិត្យតាមដាន និងព្យាបាលដល់ពួកគាត់ ។លោក បានបន្តថា នៅក្នុងព្រឹត្តិការណ៍ ឆ្លងជំងឺកូវីដ១៩ ទៅលើពលរដ្ឋជិត៤០០នាក់ នៅក្នុងភូមិសាស្ត្រឃុំកំពង់ត្រាច ត្រូវបានរដ្ឋបាលខេត្តបិទខ្ទប់ភូមិចំនួន២ រួមមាន ភូមិ តាត្រាវ ភូមិកំពង់ត្រាច និងផ្សារមួយកន្លែងមនុស្សចំនួនជាង៥ពាន់នាក់ ត្រូវបានរដ្ឋបាលខេត្ត និង​ក្រុមគ្រូពេទ្យកងរាជអាវុធហត្ថលើផ្ទៃប្រទេសចុះយកសំណាក និងដាក់អោយធ្វើចត្តាឡីស័ក ក្រោមការឃ្លាំមើលពីក្រុមគ្រូពេទ្យ ។ លោកអភិបាលស្រុក បានបញ្ជាក់ថា នៅក្នុងព្រឹត្តិការណ៍សហគមន៍២០កុម្ភៈ រមាសហែក មាន​ពលរដ្ឋបានវិលចូលមកភូមិសាស្រ្តស្រុកវិញ ប្រមាណជាង ៥ពាន់នាក់ ក្នុងនោះ​​រដ្ឋបាលខេត្ត​បានតម្រូវឲ្យពួកគាត់ធ្វើចត្តាឡីស័ក រយៈពេល១៤ ថ្ងៃនឹង២១ ថ្ងៃនៅកន្លែងប្រមូលផ្ដុំ​ និងនៅ​តាមគ្រួសារ​រួចរាល់ហើយដែរ ខណៈពលរដ្ឋចំនួន៨នាក់បានឈឺស្លាប់ ហើយភូមិទាំង២ និងផ្សារកំពង់ត្រាច ត្រូវបានបើកឲ្យក្រុមអាជីវករប្រកបរបរឡើងវិញ បន្ទាប់ពីរដ្ឋបាលខេត្ត​ ចុះធ្វើជីវៈសុវត្ថិភាព និងបាញ់ថ្នាំសម្លាប់មេរោគ ៕អត្ថបទ ៖ ភា សា​រិទ្ធ

លេខាធិការដ្ឋានរៀបចំការបោះឆ្នោតខេត្តសៀមរាប ទទួលសម្ភារៈអនាម័យបង្ការជំងឺកូវីដ-១៩

2021/09/17 03:35:32 pm        595
Facebook Telegram Linkin
សៀមរាប ៖ រដ្ឋបាលខេត្តសៀមរាប គាំទ្រនិងជម្រុញឲ្យស្ថាប័នជំនាញ អាជ្ញាធរមូលដ្ឋានឃុំសង្កាត់ និងក្រុមការងារ ត្រូវយកចិត្តទុកដាក់ដល់កិច្ចការពារហានិភ័យនៃការឆ្លង និងការចម្លងជម្ងឺកូវីដ-១៩ ក្នុងអំឡុងពេលនៃការកំណត់យុទ្ធនាការរៀបចំបញ្ជីឈ្មោះ និងចុះឈ្មោះបោះឆ្នោត ឆ្នាំ២០២១ ខាងមុខ ។នៅថ្ងៃទី១៧ ខែកញ្ញា ឆ្នាំ២០២១ រដ្ឋបាលខេត្តសៀមរាប បានផ្តល់សម្ភារៈអនាម័យ សម្រាប់​ប្រើប្រាស់​ការពារ ការឆ្លងនិងការចម្លងជម្ងឺកូវីដ-១៩ រួមមាន ម៉ាស់ចំនួន ២០កេស ,ស្រោមដៃ ៥០កេស និង អាល់កុល ៧៥០លីត្រ ដោយយោងតាមសំណើររបស់លេខាធិការដ្ឋាន​រៀបចំការ​បោះឆ្នោត​ខេត្តសៀមរាប។លោក នឹម វ៉ាន់សំ ប្រធានលេខាធិការដ្ឋានរៀបចំការបោះឆ្នោតខេត្តសៀមរាប បានឲ្យដឹងថា៖ សម្ភារៈអនាម័យទាំងនេះ នឹងត្រូវបានបែងចែកជូនដល់ក្រុមប្រឹក្សាឃុំ សង្កាត់ និង ក្រុមការងារចុះ​ឈ្មោះ​បោះឆ្នោត សម្រាប់ប្រើប្រាស់ក្នុងអំឡុងពេលនៃការបើកពិនិត្យបញ្ជីឈ្មោះ និងចុះឈ្មោះបោះ​ឆ្នោតឆ្នាំ២០២១ ដែលនឹងត្រូវអនុវត្តនៅតាមមូលដ្ឋានឃុំ-សង្កាត់ ក្នុងក្របខ័ណ្ឌទូទាំងប្រទេស ចាប់ពីថ្ងៃទី ១២ខែតុលា រហូតដល់ថ្ងៃទី ៣០ខែវិច្ឆិកា ២០២១ ក្នុងគោលបំណងរៀបចំបញ្ជី​បោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២។លោក ពិន ប្រាកដ អភិបាលរងខេត្តសៀមរាប មានប្រសាសន៍ថា ព្រឹត្តិការណ៍សហគមន៍២០កុម្ភៈ វាកំពុងស្ថិតនៅជាបញ្ហាប្រឈមយ៉ាងខ្លាំង ដូច្នេះហើយការងារប្រយុទ្ធប្រឆាំងទប់ស្កាត់ និងកាត់ផ្តាច់​ខ្សែចម្លងនៃជម្ងឺកូវីដ-១៩ វាជាកម្មវត្ថុដ៏សំខាន់ នៅក្នុងយុទ្ធនាការនៃការរៀបចំបញ្ជីបោះឆ្នោតនោះ។ អំណោយជាសម្ភារៈក្នុងការប្រយុទ្ធប្រឆាំងជម្ងឺកូវីដ-១៩នេះ គឺជាការចែករំលែករបស់រដ្ឋបាលខេត្ត ដែលបានមកពីការជួយឧបត្ថម្ភពីសំណាក់បងប្អូនសប្បុរសជន។ កន្លងមក សម្ភារៈអនាម័យទាំងនេះ ត្រូវបានបែងចែកជូនទៅតាមមណ្ឌលចត្តាឡីស័ក និងរដ្ឋបាលក្រុង-ស្រុកផងដែរ។លោកអភិបាលរងខេត្តសៀមរាប បានបន្ថែមថា ក្រុមចុះឈ្មោះបោះឆ្នោត គ្រប់ឃុំ សង្កាត់ទាំងអស់ បើទោះជាបានទទួលការចាក់វាក់សាំងបង្ការការឆ្លងជម្ងឺកូវីដ-១៩គ្រប់ដុសស្តង់ដារយ៉ាងណាក៏ដោយ តែត្រូវប្រតិបត្តិឲ្យបាន​ខ្ជាប់ខ្ជួន​វិធានការរបស់ប្រមុខរាជរដ្ឋាភិបាល ៣កុំ ៣ការពារ និង សេចក្តី​ណែនាំ​របស់ក្រសួងសុខាភិបាល ឲ្យបានជាប់ជាប្រចាំ។ ការធ្វេសប្រហែស គឺជាឱកាសនៃការឆ្លង និងចម្លងកូវីដ-១៩៕អត្ថបទ ៖ គឹមឡេង 

កាកបាទក្រហម ប្រគល់អំណោយទៅជនមានពិការភាព កុមារកំព្រារ និងទទួលអំណោយពីសប្បុរសជន

2021/09/17 08:18:26 am        381
Facebook Telegram Linkin
ភ្នំពេញ ៖ នាព្រឹកថ្ងៃទី១៧ ខែកញ្ញានេះ នៅទីស្នាក់ការកណ្តាលកាកបាទក្រហមកម្ពុជា លោកជំទាវ ពុំ ចន្ទីនី អគ្គលេខាធិការ និងលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា ទទួលជួបសវនាការ និងប្រគល់អំណោយមនុស្សធម៌ ជូនមជ្ឈមណ្ឌល, អង្គការ, សមាគម, ដែលមានជនពិការ និងកុមារកំព្រាចំនួន៤នៅក្នុងរាជធានីភ្នំពេញ។មជ្ឈមណ្ឌលបណ្តុះបណ្តាលវិជ្ជាជីវៈជនមានពិការភាពភ្នែក, បុរីទារក និងកុមារជាតិ, អង្គការ​លើកស្ទួយប្រជាពលរដ្ឋ, និងសមាគមកុមារកំព្រា ទទួលបានអំណោយពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមមាន ៖ សម្ភារៈប្រឆាំងជំងឺកូវីត១៩ និងគ្រឿង​ឧបភោគបរិភោគមួយចំនួន ដើម្បីប្រើប្រាស់ និងផ្គត់ផ្គង់ក្នុងជីវភាពប្រចាំថ្ងៃ។ ដោយមជ្ឈមណ្ឌល, អង្គការ, សមាគម ដែលមានជនពិការភាព និងកុមារកំព្រានីមួយៗទទួលបាន ៖ ម៉ាសចំនួន២កេស, អង្ករចំនួន៥០០គីឡូក្រាម, និងភេសជ្ជៈចំនួន១០០កេស។ក្នុងឱកាសនោះ លោកជំទាវ អគ្គលេខាធិការរងទី១ បាននាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តាំផ្ញើការសួរសុខទុក្ខ ក្តីអាណិតស្រលាញ់ ចំពោះ​ជនមាន​ពិការភាព កុមារនិងបុគ្គលិកទាំងអស់ ជាពិសេសការកោតសរសើរចំពោះទឹក​ចិត្ត​ដ៏ថ្លៃថ្លា​របស់គ្រូ-បុគ្គលិកដែលបានយកអស់កម្លាំងកាយ-ចិត្តបណ្តុះបណ្តាលជំនាញ មើលថែទាំ ចិញ្ចឹម​បីបាច់ ផ្តល់ភាពកក់ក្តៅ និងផ្តល់ការអប់រំ ប្រកបដោយទឹកចិត្តមនុស្សធម៌ និងក្តីអាណិតស្រឡាញ់ ទៅដល់ពួកគេទាំងនោះ។សូមជម្រាប់ផងដែរថា បន្ទាប់ពីធ្វើការប្រគល់អំណោយទៅដល់ ជនមានពិការភាព និងកុមារ​កំព្រាររួចលោកជំទាវ ពុំ ចន្ទីនី និង លោកជំទាវ ម៉ែន នារីសោភ័គ បានទទួលជួបសវនាការ និងទទួលជំនួយពីសប្បុរសជនផ្សេងៗចំនួន៤ស្ថានប័នទៀត។ទី១ ទទួលជួបសវនាការ និងទទួលអំណោយ ពីធនាគារវិនិយោគ និងអភិវឌ្ឍន៍កម្ពុជា ភីអិលស៊ី (BIDC) នូវថវិកាចំនួន ២០.០០០ ដុល្លារ សម្រាប់ជួយដល់ប្រជាពលរដ្ឋ ក្នុងការកាត់បន្ថយ​ហានិភ័យ​ពីការឆ្លងជំងឺកូវីដ-១៩។ ទី២ ទទួលជួបសវនាការ និងទទួលអំណោយពីក្រុមហ៊ុន គីណូឃែរខនស៊ូមមឺ (ខេមបូឌៀ) ដែលអំណោយទាំងនោះរួមមាន ៖ ខ្ញីទឹកឃ្មុំឌូឌីវី ចំនួន៣០០០ប្រអប់, ច្រាសដុសធ្មេញមនុស្សចាស់ និងក្មេងចំនួន ៤៨០០ដើម,ឡាមកោរពុកមាត់ចំនួន២៤០០ដើម, កន្រៃ្តកាត់ក្រចកចំនួន៣៦០០ដើម, ដំបៀតចំនួន៣៦០០ដើម។ សរុបជាទឹកប្រាក់ចំនួន ១៥.៤៨០ ដុល្លារអាមេរិក។ទី៣ ទទួលជួបសវនាការ និងទទួលអំណោយសប្បុរសធម៌ពីសមាគមនារីកម្ពុជា ដើម្បីសន្តិភាព និងអភិវឌ្ឍន៍ និងសាខាសមាគមនារី ក្រសួង /ស្ថាប័ន រាជធានី-ខេត្តទូទាំងប្រទេស នូវអំណោយជាថវិកាចំនួន ១៤.០០០ ដុល្លារ សម្រាប់សាងសង់ផ្ទះជូនអតីតយុទ្ធជនកម្ពុជាក្រីក្រ។ និងទី៤ ទទួលជួបសវនាការ និងទទួលអំណោយមនុស្សធម៌ពីក្រុមហ៊ុន អេស ខេ សេវេន ខាមបូឌា ឯ.ក នៅអាល់កុលលាងដៃចំណុះ១លីត្រ ចំនួន៥០០កេស ស្មើនិង៦០០០ដប និងអាល់កុលលាងដៃកញ្ចប់បន្ថែម ចំណុះ២លីត្រ ចំនួន២០០កេស ស្មើនិង១២០០កញ្ចប់។ក្នុងឱកាសនោះដែរ លោកជំទាវអគ្គលេខាធិការ បានពាំនាំប្រសាសន៍សួរសុខទុក្ខ និងថ្លែងអំណរគុណយ៉ាងជ្រាលជ្រៅ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ចំពោះក្រុមហ៊ុនទាំងអស់ខាងលើ ដែលឧបត្ថម្ភ​គាំទ្រដល់កាកបាទ​ក្រហមកម្ពុជា និងសូមថ្លែងអំណរគុណយ៉ាងជ្រាលជ្រៅចំពោះសប្បុរសជនគ្រប់មជ្ឈដ្ឋាន ដែលបានឧបត្ថម្ភអំណោយជាស្បៀងសម្ភារៈ និងថវិកាជូនកាកបាទក្រហមកម្ពុជាជាបន្តបន្ទាប់ ដែលនេះបានបង្កលក្ខណៈដល់កាកបាទក្រហមកម្ពុជា ក្នុងការចូលរួមទទួលខុសត្រូវ​ទប់ស្កាត់​ការ​ចម្លងវីរុសកូវីដ-១៩។ទន្ទឹមនឹងស្ថានភាពដ៏លំបាកនេះដែរ លោកជំទាវ បានផ្តាំផ្ញើបន្ថែម សូមបន្តចូលរួមប្រយុទ្ធប្រឆាំង​នឹងជំងឺកូវីដ-១៩ ដោយអនុវត្តនូវ ៣ការពារ និង ៣កុំ ឱ្យបានខ្ជាប់ខ្ជួន៕អត្ថបទ ៖ សំ ងីម

សម្តេចតេជោ នៅតែលើកទឹកចិត្តឲ្យមានការព្យាបាលកូវីដ១៩ នៅតាមផ្ទះ

2021/09/17 02:55:10 pm        451
Facebook Telegram Linkin
ភ្នំពេញ ៖ ក្នុងឱកាសអញ្ជើញបើកយុទ្ធនាការចាក់ថ្នាំបង្ការជំងឺកូវីដ១៩ ដល់កុមារចាប់ពីអាយុ ៦ឆ្នាំដល់ក្រោម ១២ឆ្នាំ នៅវិមានសន្តិភាព នៅព្រឹកថ្ងៃទី១៧ កញ្ញា សម្តេចតេជោ ហ៊ុន សែន នាយករដ្ឋមន្ត្រី នៅតែលើកទឹកចិត្តដល់អ្នកឆ្លងកូវីដ១៩ ឲ្យ​មានការព្យាបាលតាមផ្ទះ ដោយការ​ព្យាបាល​នៅតាមផ្ទះនេះ គេបានអនុវត្តតាំងពីដើមទី នៅប្រទេសជឿនលឿន ដូចជាបារាំង អាមេរិកជាដើម។ដូច្នេះ សម្តេចលើកទឹកចិត្តអោយនៅព្យាបាលតាមផ្ទះ ប៉ុន្តែការដែល​ប្រុងប្រយ័ត្ន​គឺ​បញ្ហាប្រភេទជំងឺដែលតា។សម្ដេច បានមានប្រសាសន៍ថា ការព្យាបាលកូវីដ១៩ ឥឡូវនេះ​បើពិនិត្យ​ទៅ​មាន​ស្ថានភាព៣បែប គឺការព្យាបាលតាមមន្ទីរពេទ្យ តាមផ្ទះ និងតាមតំបន់។ដូច្នេះការលើកទឹកចិត្ត​ឲ្យ​ព្យាបាលតាមផ្ទះ ទី១ អ្នកដែលមានស្ថានភាពធ្ងន់គួរព្យាបាលនៅតាមមន្ទីរពេទ្យ កាន់តែមានការថយ​ចុះដោយសារអត្រា​នៃការចាក់វ៉ាក់សាំងកាន់តែមានការគ្របដណ្តប់ដែលធ្វើឲ្យ​អត្រាឈឺធ្ងន់​ នៅតាម​មន្ទីរពេទ្យ​មាន​ការធ្លាក់ចុះ ។សូមបញ្ជាក់ថា ទាក់ទងនឹងស្ថានភាពឆ្លងរីករាលដាលកូវីដ១៩ នៅកម្ពុជាបើតាមរបាយការណ៍ របស់ ក្រសួងសុខាភិបាល បានឲ្យដឹងថា បានរកឃើញករណីអ្នក​ឆ្លងថ្មី ៦៩៨នាក់ទៀត (ប្រាំបួនរយកៅសិបប្រាំបីនាក់ ) ជាសះស្បើយ ៤៦៥នាក់ (បួនរយហុកសិបប្រាំនាក់ )និងស្លាប់១១នាក់ (ដប់មួយនាក់) ករណីឆ្លងសហគមន៍៥៤៧នាក់ ( ប្រាំរយសែសិបប្រាំពីរនាក់ )អ្នក​ដំណើរពីបរទេស ១៥១នាក់ (មួយរយហាសិបមួយនាក់ )។ដោយគិតត្រឹមព្រឹកថ្ងៃទី១៧ខែកញ្ញានេះ អ្នកឆ្លងសរុបមានចំនួន ១០២.៨៣៤នាក់(ដប់ម៉ឺន ពីរពាន់ប្រាំបីរយសាមសិបបួននាក់ ) អ្នកជាសះស្បើយ ៩៦.២៧៥នាក់ (ប្រាំបួនម៉ឺនប្រាំមួយពាន់ពីររយចិតសិបប្រាំនាក់ )និងអ្នកស្លាប់២.០៨៩នាក់ (ពីរពាន់ប៉ែតសិបប្រាំបួននាក់)៕អត្ថបទ មុត សុទ្ធ 

ថៃស្នើកម្ពុជា បញ្ជូនពលករខ្មែរចាក់វ៉ាក់សាំងរួច ទៅធ្វើការក្នុងប្រទេសខ្លួន ខណៈគេកំពុងខ្វះកម្លាំងពលកម្ម

2021/09/17 01:31:19 pm        777
Facebook Telegram Linkin
ភ្នំពេញ ៖ អាជ្ញាធរនៃប្រទេសថៃ បានស្នើដល់រាជរដ្ឋាភិបាលកម្ពុជា ជួយបញ្ជូនពលករខ្មែរ ដែលបានចាក់វ៉ាក់សាំងបង្ការមេរោគកូវីដ១៩ រួចរាល់ហើយនោះ ទៅធ្វើការនៅតាមរោងចក្រ ក្នុងប្រទេសរបស់ខ្លួន ខណៈប្រទេសគេបានកំពុងប្រឈមខ្លាំង ក្នុងការខ្វះកម្លាំងពលកម្មនោះ។ ក្នុងជំនួបជាមួយ សុខ សុក្រឹត្យា រដ្ឋលេខាធិការកក្រសួងទេសចរណ៍ កាលពីថ្ងៃទី១៦ ខែកញ្ញា ឆ្នាំ២០២១ ឯកឧត្តម Niphon BUNYAMANEE អនុរដ្ឋមន្ត្រីក្រសួងមហាផ្ទៃថៃ បានថ្លែងកោតសរសើរ ចំពោះវិធានការដោះស្រាយវិបត្តិកូវីដ-១៩ របស់រាជរដ្ឋាភិបាលកម្ពុជា ដែលមានសម្តេចតេជោ ជាប្រមុខដឹកនាំ ។ជាមួយគ្នានោះអនុរដ្ឋមន្ត្រីក្រសួងមហាផ្ទៃថៃ បានស្នើដល់រាជរដ្ឋាភិបាលកម្ពុជា សហការ​រៀបចំ​លក្ខខណ្ឌ​ពិសេសណាមួយ ក្នុងការបញ្ជូនពលករខ្មែរ ដែលបានចាក់វ៉ាក់សាំងការពារជំងឺកូវីដ-១៩ រួចរាល់ ដើម្បីទៅធ្វើការនៅប្រទេសថៃវិញ ព្រោះនៅតាមរោងចក្រឧស្សាហកម្ម និងរោងចក្រ​ផលិតកម្ម​ផ្សេងៗ​នៅប្រទេសថៃ កំពុងប្រឈមការខ្វះខាតកម្លាំងពលកម្ម ។ក្នុងឱកាសនោះ ឯកឧត្តមបណ្ឌិត សុខ សុក្រឹត្យា បានស្នើភាគីថៃ កំណត់វិធានសុវត្ថិភាព​លើការ​ធ្វើ​ពាណិជ្ជកម្មនៅតាមព្រំដែនកម្ពុជា-ថៃ និងពង្រឹងកិច្ចសហប្រតិបត្តិការ លើការផ្លាស់ប្តូរ​ទំនិញតាម​ព្រំដែន សហការក្នុងការទប់ស្កាត់ការជួញដូរមនុស្សឆ្លងកាត់ព្រំដែននៃប្រទេសទាំងពីរ និង​អាជ្ញាធរថៃ ជួយជំរុញយុទ្ធនាការចាក់វ៉ាក់សាំងជូនពលករខ្មែរ ដោយឥតគិតថ្លៃផង ។កាលពីពេលថ្មីៗ រដ្ឋមន្ត្រីក្រសួងសុខាភិបាលថៃ ក៏បានកោតសរសើររាជរដ្ឋាភិបាលកម្ពុជា ពាក់ព័ន្ធវិធានការទប់ស្កាត់ការឆ្លងរាលដាលនៃជំងឺកូវីដ១៩ ហើយបានចាត់ទុកកម្ពុជា ជាប្រទេសមានសុវត្ថិភាពបំផុត នៅក្នុងតំបន់អាស៊ាន ក្នុងការទទួលភ្ញៀវទេសចរណ៍បរទេស ៕អត្ថបទ បាន ចក់

អភិបាលខេត្តកំពត ៖ ដីរបស់រដ្ឋត្រូវតែរដ្ឋជាអ្នកកាន់កាប់គ្រប់គ្រង់ តែបើដីឯកជន រដ្ឋបាលខេត្តត្រូវចុះបញ្ជីជូនម្ចាស់គេ

2021/09/16 02:59:47 pm        537
Facebook Telegram Linkin
កំពត ៖ ឯកឧត្តម ជាវ តាយ បានបញ្ជាក់ថា ចាប់តាំងពីថ្ងៃចូលកាន់តំណែងជាអភិបាលខេត្តកំពត ឯកឧត្តមមិនដែលប៉ះពាល់ដីរដ្ឋ ឬដីបុគ្គលណានោះទេ ព្រោះដីរបស់រដ្ឋត្រូវតែរដ្ឋជាអ្នកកាន់កាប់គ្រប់គ្រង់ តែបើដីឯកជន រដ្ឋបាលខេត្តត្រូវធ្វើការចុះបញ្ជីចេញប័ណ្ណកម្មសិទ្ធិជូនម្ចាស់គេដែរ។ ការលើកឡើងបែបនេះ របស់អភិបាលខេត្តកំពត ក្នុងកិច្ចប្រជុំជំរុញនិតិវិធីដោះដូរតារាងបាល់បោះ ជាមួយពហុកីឡដ្ឋានថ្មីសាងសង់ដោយក្រុមហ៊ុន អេស អា វី(SRV) គ្រុបនៅព្រឹកថ្ងៃទី១៦ ខែកញ្ញា ឆ្នាំ២០២១។ ឯកឧត្តម បានបន្តថា ចំពោះករណីពហុកីឡដ្ឋានថ្មីស្ថិតក្នុងសង្កាត់បឹងទូក ក្រុងបូកគោ ដែលជាប់ពាក់ព័ន្ធនឹងកិច្ចសន្យាសាងសង់ និងដោះដូររវាងរវាង ក្រសួងអប់រំយុវជន និងកីឡា និងក្រុមហ៊ុន SRV Grup,Co.ltd រដ្ឋបាលខេត្តមិនមានសិទ្ធិក្នុងការសម្រេចនោះទេ មានតែក្រសួងអប់រំ និងក្រសួងហិរញ្ញវត្ថុ ប៉ុណ្ណោះទើបមានសិទ្ធិសម្រេចបញ្ចប់រឿងជាមួយក្រុមហ៊ុនបាន។ នៅពេលដែលមានការសម្រេចពីក្រសួងទាំងពីរ នឹងក្រុមហ៊ុនរួច ទើបរដ្ឋបាលខេត្ត​មានសិទ្ធ​ក្នុងការ​ចុះបញ្ជី​ចេញប័ណ្ណកម្មសិទ្ធជូនដល់ក្រុមហ៊ុន។ប៉ុន្តែកិច្ចប្រជុំនាពេលនេះ​ ដើម្បីពិភាក្សាប្រមូល​ធាតុ​ចូល​ពីជំនាញ និងអាជ្ញាធរពាក់ព័ន្ធឲ្យបានលម្អិត ដើម្បីជំរុញ​នីតិវិធី​នឹងឈានទៅបញ្ចប់បញ្ហា​ដែលជាប់​គាំងអស់ជាង១០ឆ្នាំមកនោះ។តាមរបាយការណ៍ បានឲ្យដឹងថា ក្នុងអំឡុងឆ្នាំ២០០៧ ក្រុមហ៊ុន SRV Grup,Co.ltd បានដាក់សំណើ​សុំប្ដូរទីតាំង​ដីទីលានបាល់បោះទំហំ ១៤២៦ម៉ែត្រការ៉េ និងដីទីលានបាល់ទាត់ទំហំ ៣២៥០០ម៉ែត្រការ៉េ​ នៅក្រុងកំពត​ ជាថ្នូរនឹងដីទីលានពហុកីឡដ្ឋាន​បាល់ទាត់ថ្មី បច្ចុប្បន្ន​នៅភូមិបឹងទូក ក្រុងបូកគោ ដែលមានទំហំ៥ម៉ឺនម៉ែត្រការ៉េ។ក្នុងកិច្ចសន្យានោះក្រុមហ៊ុនត្រូវកសាងនូវហេដ្ឋារចនាសម្ព័ន្ធពាក់ព័ន្ធ នឹងវិស័យកីឡាជាច្រើន។ ប៉ុន្តែដោយសារការអនុវត្តរបស់ក្រុមហ៊ុនមិនឆ្លើយតបតាមកិច្ចសន្យា លក្ខណៈស្តង់ដារ បទដ្ឋាន​បច្ចេកទេស នៃសំណង់សម្រាប់បម្រើវិស័យកីឡា និងអូសបន្លាយពេលវេលាផងនោះ រាជរដ្ឋាភិបាល​ក៏បានឯកភាពជាគោលការណ៍ ​តាមសំណើរបស់ក្រសួងអប់រំយុវជន និងកីឡា គឺអនុញ្ញាតឲ្យប្ដូរតែទីតាំងដីបាល់បោះ ទំហំ១៤២៦ម៉ែត្រការ៉េ ប៉ុណ្ណោះ ហើយដីទីលាន​កីឡាបាល់ទាត់​ទំហំ៣២.៥០០ម៉ែត្រការ៉េ ត្រូវដកហូតយកមករក្សាជាទ្រព្យសម្បត្តិរដ្ឋវិញ រហូតសព្វថ្ងៃនេះ។ ប៉ុន្តែបញ្ហាត្រង់ថា ពហុកីឡដ្ឋានថ្មីនៅក្រុងបូកគោ របស់ក្រុមហ៊ុន នៅមិនទន់បានចុះបញ្ជីថាជាកម្មសិទ្ធិរបស់ភាគីណានៅឡើយ ដោយសារដំណោះស្រាយក្នុងកិច្ចសន្យារវាងក្រសួងអប់រំ និងភាគីក្រុមហ៊ុនមិនទាន់មានការឯកភាពគ្នា៕

កម្ពុជានឹងធ្វើជាម្ចាស់ផ្ទះ កិច្ចប្រជុំអាស៊ីអឺរ៉ុបលើកទី១៣ នៅថ្ងៃទី២៥និង២៦ខែវិច្ឆិកាខាងមុខនេះ

2021/09/16 02:34:21 pm        494
Facebook Telegram Linkin
ភ្នំពេញ ៖ កិច្ចប្រជុំអាស៊ីអឺរ៉ុបលើកទី១៣ ដែលកម្ពុជាធ្វើជាម្ចាស់ផ្ទះ នឹងរៀបចំឡើងតាមប្រព័ន្ធអនឡាញ នៅថ្ងៃទី ២៥និង២៦ខែវិច្ឆិកាឆ្នាំ២០២១ខាងមុខនេះ នឹងមានការអញ្ជើញចូលរួមពីបណ្តាមេដឹកនាំនៃប្រទេស និងស្ថាប័នជាសមាជិកចំនួន៥៣។ ឯកឧត្តម លុយ ដេវីដ រដ្ឋលេខាធិការក្រសួងការបរទេស និងកិច្ចសហប្រតិបត្តិការអន្តរជាតិ និងជា​អនុប្រធានគណៈកម្មការជាតិរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ បានបញ្ជាក់ថា កិច្ច​ប្រជុំកំពូលអាស៊ីអឺរ៉ុបលើកទី១៣ ដែលកម្ពុជាធ្វើជាម្ចាស់ផ្ទះ នឹងរៀបចំឡើងនៅថ្ងៃទី ២៥ និង ២៦ខែវិច្ឆិកា ឆ្នាំ២០២១ខាងមុខនេះ តាមប្រពន្ធ័អនឡាញ។ ឯកឧត្តមបន្តថា កិច្ចប្រជុំនេះ ត្រូវបានលើកពេលជាច្រើនដងដោយសារតែកម្ពុជា និងសមាជិក ASEM ចង់រៀបចំកិច្ចប្រជុំនេះ ដោយផ្ទាល់ ប៉ុន្តែមកដល់ពេលនេះ ស្ថានភាពវិបត្តិកូវីដ១៩ នៅតែបន្តឆ្លងរាតត្បាត ដូច្នេះមិនអាចអោយកម្ពុជា ក៏ដូចជាប្រទេស​ជាសមាជិករៀបចំកិច្ចប្រជុំ​ដោយផ្ទាល់បានទេ។ នេះជាការបញ្ជាក់របស់ឯកឧត្តម ក្នុងវេទិកាពិភាក្សាសារព័ត៌មានតាម ប្រព័ន្ធហ្សូម (Zoom Meeting) រៀបចំធ្វើទ្បើងដោយក្លឹបអ្នកកាសែតកម្ពុជា នៅថ្ងៃទី១៦ ខែកញ្ញា ឆ្នាំ២០២១ ក្រោមប្រធានបទ “ការរៀបចំកិច្ចប្រជុំកំពូលអាស៊ី-អឺរ៉ុប” ។ឯកឧត្តម លុយ ដេវីដេ បានបន្តទៀតថា កិច្ចប្រជុំកំពូលអាស៊ីអឺរ៉ុប ដែលធ្វើឡើងរយៈពេល២ ថ្ងៃខាង មុខនេះនឹងរៀបចំឡើង ផ្តោតលើអន្តរកម្មនៃគំនិតសំខាន់ៗចំនួន ៤ គឺពហុភាគី កំណើន ការអភិវឌ្ឍប្រកបដោយចីរភាព និងវិបុលភាព។ជាមួយគ្នានោះដែរ កិច្ចប្រជុំកំពូលASEM នឹងផ្តល់នូវអត្ថប្រយោជន៍សំខាន់ៗចំនួន៤ដល់កម្ពុជា ក្នុងនាមជាម្ចាស់ផ្ទះ ទី១.បង្ហាញពីភាពចាស់ទុំខាងផ្នែក នយោបាយការទូត និងជាឱកាស​លើក​មុខមាត់កម្ពុជា​លើឆាកអន្តរជាតិ ទី២. ការពង្រឹងកិច្ចសហប្រតិបត្តិការរវាងប្រទេស​ជាសមាជិកទី៣ បង្ហាញពិភលោកថា កម្ពុជា មានស្ថិរភាពនយោបាយ ពេញលេញ និងទី៤ កម្ពុជាបានបង្ហាញពី​អរិយធ៌ម វប្បធម៌ ទាក់ទាញទេសចរណ៍ វិនិយោគិនបរទេស។ឯកឧត្តម មាស សុភ័ណ្ឌ អនុរដ្ឋលេខាធិការក្រសួងព័ត៌មាន ក៏បានបញ្ជាក់ពីសារៈសំខាន់នៃតួនាទី​របស់​អ្នកសារព័ត៌មានក្នុងការចូលរួមចំនែកផ្សព្វផ្សាយព័ត៌មាន​ជុំវិញព្រឹត្តិការណ៍​ជាប្រវត្តិសាស្រ្ត​ដោយផ្តោតលើ៣ដំណាក់កាលសំខាន់ គឺទី១សកម្មភាពមុនពេលកិច្ចប្រជុំមកដល់ ដូចជា​ការ​ផ្សព្វផ្សាយ​អត្ថបទ បទយកការណ៍ កិច្ចពិភាក្សា ពាក់ព័ន្ធ ទី២ ក្នុងអំឡុងពេលកិច្ចប្រជុំ និងទី៣ ក្រោយកិច្ចប្រជុំដោយត្រូវគឺចងក្រងឯកសារលទ្ធផល និង បញ្ហាពាក់ព័ន្ធនឹងកិច្ចប្រជុំ។ ឯកឧត្តម ក៏បានបន្ថែមដែរថា នៅក្នុងកិច្ចប្រជុំកំពូលASEM ក៏នឹងមានវេទិកានិពន្ធនាយកដោយ​នឹង​មានការចូលរួមពីសំណាក់និពន្ធនាយក មកពីប្រទេសជាសមាជិក ហើយប្រធានបទសំខាន់នោះគឺ ទី១ ការពង្រឹងកិច្ចសហប្រតិបត្តិ ប្រយុទ្ធប្រឆាំងព័ត៌មានក្លែងក្លាយ ទី២ ការចែករំលែក​នូវអ្វីដែល​ជា​បទពិសោធន៍របស់អ្នកសារព័ត៌មាន ទី៣ វេទិការសាធារណៈ ពិភាក្សាតុមូល អំពីតួនាទីអ្នក​សារព័ត៌មាន​ក្នុងសម័យឌីជីថលលើព័ត៌មានមិនពិត និង ព័ត៌មានប្រជាពលរដ្ឋ ។សូមបញ្ជាក់ថា កម្ពុជាបានក្លាយជាសមាជិក នៃកិច្ចប្រជុំកំពូលអាស៊ី-អឺរ៉ុប នៅឆ្នាំ២០០៤ និងត្រូវបាន​ផ្តល់សេចក្តីទុកចិត្តឱ្យធ្វើជាម្ចាស់ផ្ទះ នៃកិច្ចប្រជុំកំពូលអាស៊ី-អឺរ៉ុប លើកទី១៣នេះ ដោយនឹង​មានការចូលរួមពីសំណាក់ថ្នាក់ដឹកនាំកំពូល នៃប្រទេសនៅតំបន់អឺរ៉ុប និងអាស៊ី លេខាធិការដ្ឋាន​អាស៊ាន និងសហភាពអឺរ៉ុបចំនួន៥៣ប្រទេស និងដៃគូ៕អត្ថបទ ៖ ដាវណ្ណ

សម្តេចតេជោ ៖ ឆ្លើយទៅមនុស្សមួយចំនួនថាការចូលប្រជុំ Zoom ប៉ុន្មានថ្ងៃមុន ជាការជូនសារទៅក្រុមឧទ្ទាមឲ្យភ្លឺភ្នែក

2021/09/16 12:53:35 pm        325
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានឆ្លើយទៅមនុស្សមួយចំនួនដែល​បានចូលខម៉ិនសួរការដែលសម្តេចបានចូលប្រជុំ Zoom ប៉ុន្មានថ្ងៃមុន ជាមួយក្រុមប្រឆាំងនោះ សម្តេចឆ្លើយតបថា ការចូលZOOMនោះជាការជូនសារទៅក្រុមឧទ្ទាមឲ្យភ្លឺភ្នែក​ថា កន្លែងណាក៏មានមនុស្សរបស់សម្តេចដែរ ។ សម្តេចបានបញ្ជាក់ថា សូមប្រយ័ត្នកុំធ្វើសកម្មភាពណាមួយប្រឆាំងផលប្រយោជន៍ជាតិ។សម្តេចតេជោ បានបញ្ជាក់បន្ថែមថា សម្តេចពិតជាបានចូលប្រជុំតាម Zoom មែន ហើយពេលនេះ​គ្មានរឿងនយោបាយដែលត្រូវដោះស្រាយ ដោយការចរចានោះទេ អ្វីដែលត្រូវធ្វើគឺ​អ្នកមាន​ទោសត្រូវជាប់គុក២ភាគ៣សិន ចាំគិតដល់ការលើកលែងទោស ឬបន្ធូបន្ថយទោស។ការឆ្លើយតបច្បាស់ៗរបស់សម្តេចតេជោ ហ៊ុន សែន បានធ្វើឡើង ក្រោយពីក្រុមឧទ្ទាមក្រៅច្បាប់​បានវិភាគលើកខ្លួនឯងថា សម្តេចមានបំណងចង់​ចរចាជាមួយក្រុមពួកឧទ្ទាម ទើបចូលទៅក្នុងតាម Zoom បែបនេះ។សម្តេចតេជោ ហ៊ុន សែន បានឆ្លើយតបតាម Facebook របស់សម្តេចផ្ទាល់ ជាមួយខ្លឹមសារថា «សម្តេចបានធ្វើច្រើនណាស់ហើយក្នុងរឿងបង្រួបបង្រួមជាតិ តែពួកក្បត់ជាតិវាមិនយល់អំពីការ​បង្រួបបង្រួមជាតិទេ។ ពេលនេះគ្មានរឿងនយោបាយដែលត្រូវដោះស្រាយ ដោយការចចានោះទេ។ អ្វីដែលត្រូវធ្វើគឺអ្នកមានទោសត្រូវ ជាប់គុក២ទៅ៣សិន ចាំគិតដល់ការលើកលែងទោស ឬបន្ធូរបន្ថយទោស។សម្រាប់ដំណើរការនយោបាយយើងបាន និងកំពុងឈានទៅបោះឆ្នោតឃុំសង្កាត់២០២២ និងបោះឆ្នោតថ្នាក់ជាតិ២០២៣ ដោយមានការចូលរួមពីបក្សនយោបាយ ទាំងគណបក្សចាស់ និងគណបក្សដែលទើបបង្កើតថ្មីយ៉ាងច្រើន។ សុំកុំយល់ខុសថា សម្តេចចូលក្នុង Zoom ជាមួយបងប្អូនថ្ងៃមុនថា ជាការផ្តល់សញ្ញាសម្រាប់ការ​ចរចា​ឲ្យសោះ តែការចូលទៅនោះចង់​ជូនសារទៅក្រុមឧទ្ទាមឲ្យភ្លឺភ្នែកថា នៅកន្លែងណាក៏មានមនុស្សរបស់ ហ៊ុន សែន ដែរ សូមប្រុងប្រយ័ត្នកុំធ្វើសកម្មភាពណាមួយ ប្រឆាំងជាមួយផលប្រយោជន៍ជាតិ។សូមឈប់ស្រមើស្រមៃថា បក្សដែលតុលាការរំលាយនឹងរស់ឡើងវិញ .ហ៊ុន សែន នឹងលើកលែង​ទោសឲ្យ. ហ៊ុន សែន នឹងបើកការចរចារកដំណោះស្រាយនយោបាយ. ហ៊ុន សែន ខ្លាចអន្តរជាតិ។ល។ សង្ឃឹមថាការបកស្រាយនេះ នឹងធ្វើឲ្យអ្នកវិភាគល្ងង់ទូនិងអ្នករង់ចាំការយោគយល់​ពីហ៊ុន សែន​ឬហ៊ុន សែនភ័យខ្លាចបាន​ភ្លឺស្វាងឡើងវិញបន្ទាប់ពីសន្លប់ធំអស់ប៉ុន្មាន​ថ្ងៃក្រោយzoom ៕អត្ថបទ ៖ មុត សុទ្ធ

ប្រមុខការពារជាតិកម្ពុជា ៖ ការធ្វើទំនើបកម្មនៅក្នុងមូលដ្ឋានសមុទ្ររាម គឺដើម្បីសន្តិសុខជាតិ និងទំនាក់ទំនងអន្តរជាតិ

2021/09/16 12:16:53 pm        268
Facebook Telegram Linkin
ភ្នំពេញ ៖ ជាថ្មីម្តងទៀតសម្តេចពិជ័យសេនាទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិកម្ពុជា បានបញ្ជាក់ទៅកាន់ភាគីអាមេរិកថា ការដែលរាជរដ្ឋាភិបាលធ្វើទំនើបកម្មមូលដ្ឋានសមុទ្ររាម ស្ថិតនៅខេត្តព្រះសីហនុនោះ គឺធ្វើឡើងដើម្បីអភិវឌ្ឍន៍មូលដ្ឋានរាមក្នុងបុព្វហេតុសន្តិសុខ សន្តិភាព និងកិច្ចសហប្រតិបត្តិការក្នុងតំបន់ និងអន្តរជាតិតែប៉ុណ្ណោះ គ្មានអ្វីលើសពីហ្នឹងនោះឡើយ។ការអះអាងជាថ្មីម្តងទៀតរបស់ប្រមុខការពារជាតិកម្ពុជានេះ គឺបានធ្វើឡើងនៅក្នុងកិច្ចជំនួប​ជាមួយ​លោក Patrick Murphy ឯកអគ្គរដ្ឋទូតអាមេរិក និងលោក វរសេនីយ៍ឯក Thang Ly ប្រធាន​ការិយាល័យ​អនុព័ន្ធ​យោធាអាមេរិកថ្មីប្រចាំកម្ពុជាកាលពីថ្ងៃទី១៥ ខែកញ្ញា ឆ្នាំ២០២១ ម្សិលមិញនេះ នៅទីស្តីការគណៈរដ្ឋមន្រ្តី។ឆ្លើយតបទៅនឹងការព្រួយបារម្ភរបស់លោក Patrick Murphy ទាក់ទងនឹងការកសាងមូលដ្ឋានរាម​របស់កម្ពុជា​នោះ សម្តេចពិជ័យសេនា ទៀ បាញ់ បានថ្លែងថា «រាជរដ្ឋាភិបាលកម្ពុជា​បានខិតខំ​ស្វះស្វែងរកដៃគូអភិវឌ្ឍន៍ ដើម្បីអភិវឌ្ឍមូលដ្ឋានរាមក្នុងបុព្វហេតុ​សន្តិសុខ សន្តិភាព និងកិច្ច សហប្រតិបត្តិការក្នុងតំបន់និងអន្តរជាតិ។ កន្លងមកតបតាមការស្នើសុំរបស់ស្ថានទូត និងការិយាល័យអនុព័ន្ធយោធាអាមេរិកប្រចាំកម្ពុជា ក្រសួងការពារជាតិបានស្វាគមន៍ និងអនុញ្ញាតជូននាយទាហានដឹកនាំក្រុមការងារចូលរួមបំពេញ​ទស្សនកិច្ច នៅមូលដ្ឋានសមុទ្ររាម និងទីបញ្ជាការសន្តិសុខលម្ហសមុទ្រថ្មី២លើក បានដំណើរការ​ប្រកប​ដោយលទ្ធផលជាផ្លែផ្កា មានទំនុកចិត្តគ្នាទៅវិញទៅមកផងដែរ»។យ៉ាងណាក៏ដោយសម្តេចពិជ័យសេនាទៀ បាញ់ ក៏បានលើកឡើងផងដែរថា នៅក្នុងឆ្នាំ២០២០-២០២១នេះ ទោះបីមានការរីករាលដាលជំងឺកូវីដ-១៩ និងមានភាពរអាក់រអួលកិច្ចការមួយចំនួនក្តី ប៉ុន្តែកិច្ចសហប្រតិបត្តិការយោធាទ្វេភាគីប្រទេសទាំងពីរនៅតែបន្តកិច្ចសហការតាមលទ្ធភាព និងស្ថានភាពជាក់ស្តែង ដែលអាចដំណើរការបានតាមគន្លងប្រក្រតីភាពថ្មី តាមរយៈកិច្ចប្រជុំការ​ប្រាស្រ័យ​ទំនាក់ទំនងទៅវិញទៅមក។ ជាមួយគ្នានោះសម្តេចពិជ័យសេនា និងលោក ឯកអគ្គរដ្ឋទូត ក៏បានប្តេជ្ញារួមគ្នាលើកកម្ពស់កិច្ច សហប្រតិបត្តិការទ្វេភាគីលើវិស័យយោធាក្នុងការពង្រឹង និងពង្រីកចំណង មិត្តភាព ទំនាក់ទំនងល្អឱ្យកាន់តែមានភាពរីកចម្រើនថែមទៀតផងដែរ។នៅក្នុងកិច្ចជំនួបនោះដែរ លោកឯកអគ្គរដ្ឋទូត បានរំលឹកពីការជួយវ៉ាក់សាំងចំនួន១លាន​ដូសតាម​រយៈយន្តការ COVAC ជូនក្រសួងសុខាភិបាលកម្ពុជា ដើម្បីចូលរួមចំណែកប្រយុទ្ធនឹងជំងឺកូវីដ១៩ និងនៅថ្ងៃនេះសហរដ្ឋអាមេរិក បានប្រកាសផ្តល់ជំនួយបន្ថែម ដល់កម្ពុជានូវថវិកាចំនួន ១០០,០០០ដុល្លារ​អាមេរិក និងឧបករណ៍សម្ភារៈវេជ្ជសាស្ត្រមួយចំនួនផ្សេងទៀត ដោយសហការ​ជាមួយអង្គការ សុខភាពពិភពលោក UNICEF។ជាការឆ្លើយតបសម្តេចពិជ័យសេនា ថ្លែងអំណរគុណចំពោះរដ្ឋាភិបាលសហរដ្ឋអាមេរិក ដែលបាន​ផ្តល់​អំណោយវ៉ាក់សាំងបង្ការជំងឺកូវីដ-១៩ ប្រភេទ Johnson&Johnson ជូនរដ្ឋាភិបាលកម្ពុជា តាមរយៈយន្តការ COVAC និង ប្រកាសផ្តល់ជំនួយថ្មីៗបន្ថែមទៀតនៅថ្ងៃនេះ គឺជាការរួមចំណែក​ប្រយុទ្ធនឹងជំងឺកូវីដ-១៩នៅប្រទេសកម្ពុជានោះ៕អត្ថបទ បាន ចក់

ក្រសួងសុខាភិបាល ទទួលអំណោយម៉ាស់ សម្ភារៈឧបករណ៍បាញ់សម្លាប់មេរោគកូវីដ-១៩ ពីក្រុមហ៊ុនទាំង៣

2021/09/16 11:59:37 am        248
Facebook Telegram Linkin
ភ្នំពេញ ៖ ក្រសួងសុខាភិបាល ព្រឹកថ្ងៃទី១៦ ខែកញ្ញា ឆ្នាំ២០២១នេះ បានទទួលជំនួយ​របស់​ក្រុមហ៊ុន​ចំនួន០៣ ដែលបានរួមគ្នា គឺក្រុមហ៊ុន LHR ASEAN Investment Co.Ltd, ក្រុមហ៊ុន CC Blue Sea Travel Tour Co.,Ltd និងក្រុមហ៊ុន KN Marble Co., Ltd ជូនក្រសួងសុខាភិបាល ដើម្បីប្រើប្រាស់​ក្នុងការ​ការពារទប់ស្កាត់ និងឆ្លើយតបការរាតត្បាតជំងឺកូវីដ-១៩។អំណោយដែលក្រុមទាំង៣បានរួមគ្នា ប្រគល់ជូនក្រសួងនាថ្ងៃនេះ រួមមាន ម៉ាស់ប្លូស៊ី ចំនួន២៥០០០, ទឹកសម្លាប់មេរោគ LH Clean Anolyte ចំណុះ៥លីត្រ ចំនួន៣០០ពីដុង ស្មើនិង១៥០០លីត្រ និងចំណុះ៣០លីត្រ ចំនួន៥០ពីដុង ស្មើនិង១៥០០លីត្រ, ស្រ្ពាយដបទឹកសម្លាប់មេរោគ ចំណុះ០.៥លីត្រ ចំនួន២៤០ដប, ទឹកបរិសុទ្ធប្លូស៊ី អង់ទីអុកស៊ីដង់ ចំនួន២៣០កេស, និងម៉ាស៊ីនផ្សែងសម្លាប់មេរោគ ចំនួន៦០គ្រឿង (ម៉ាស៊ីនធំ ចំនួន២០គ្រឿង និងម៉ាស៊ីនតូច ចំនួន៤០គ្រឿង។លោកឧកញ៉ា ឡេង ហ៊ួរ អគ្គនាយករង LHR ASEAN Investment Co.Ltd តំណាងក្រុមហ៊ុនទាំង៣ ក៏សូមសម្តែងនូវ ការកោតសរសើរចំពោះរាជរដ្ឋាភិបាលកម្ពុជា និងក្រសួងសុខាភិបាល ដែល​បាន​ខិតខំប្រឹងប្រែងមិនខ្លាចនឿយហត់ ក្នុងការទប់ស្កាត់ការរាតត្បាត ជំងឺកូវីដ-១៩ ក៏ដូចជា​ការពារ​សុខភាពរបស់ប្រជាជនកម្ពុជាទាំងមូល។លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារ ប្រតិបតិ្តការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ បានថ្លែងនូវទឹកចិត្តសប្បុរសធម៌ ដ៏ថ្លៃថ្លារបស់លោកឧកញ៉ា ឡេង ហ៊ួរ លោកឧកញ៉ា ឡេង ស្រ៊ួយហៀង និងលោក ឌី ហឿងញ៉ែន ជាអគ្គនាយកក្រុមហ៊ុន ត្រូវបានចងចាំទុក​ដោយរាជ​រដ្ឋា​ភិបាលកម្ពុជា និងមន្រី្តសុខាភិបាលព្រមទាំងអ្នករងគ្រោះដោយជំងឺកូវីដ-១៩។ លោកជំទាវ វេជ្ជបណ្ឌិត យក់ សម្បត្តិ ក៏សូមថ្លែងអំណរគុណ យ៉ាងជ្រាលជ្រៅចំពោះជំនួយ​មនុស្ស​ធម៌ដ៏ថ្លៃថ្លានេះ គឺជាកាយវិការនៃវប្បធម៌ចែករំលែកជាមួយ រាជរដ្ឋាភិបាលកម្ពុជា ក្រោមការដឹកនាំ​ដ៏ឈ្លាសវៃ និងប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រី្ត ជាពិសេស​ក្នុងកាលៈទេសៈបច្ចុប្បន្នដែលយើង បាននឹងកំពុងខិតខំប្រឹងប្រែងរួមគ្នា ដើម្បីជំរុញវិធានការ ការពារ ទប់ស្កាត់ និងឆ្លើយតបការរាលដាល នៃជំងឺកូវីដ-១៩ នៃព្រឹតិ្តការណ៍សហគមន៍ ២០ កុម្ភៈ៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

បារាំងប្រកាសគាំទ្រការអំពាវនាវរបស់នាយករដ្ឋមន្ត្រី អាន់វ៉ា អ៊ីប្រាហ៊ីម ក្នុងការបង្កើតឱ្យកម្ពុជា-ថៃ មានបទឈប់បាញ់ភ្លាមៗហើយជំរុញភាគីទាំងពីរឱ្យបញ្ឈប់ការប្រយុទ្ធភ្លាមៗ និងត្រឡប់ទៅរកការសន្ទនាវិញ
12/14/2025 08:12 PM
Facebook Telegram Linkin
TOP STORY | សម្ដេចតេជោ៖ ការផ្អាកការធ្វើដំណើរចេញចូលកម្ពុជា-ថៃ គឺ​គួរ​ធ្វើ​តែ​តាម​ផ្លូវ​គោក​ប៉ុណ្ណោះ​ ផ្លូវ​អាកាសអាចធ្វើដំណើរបានធម្មតា
12/14/2025 07:12 PM
Facebook Telegram Linkin
កងទ័ពនារីនៃកងពលតូចដឹកជញ្ជូនលេខ៩៩ បន្តនាំយកគ្រឿងឧបភោគបរិភោគ និងថវិកាឧបត្ថម្ភជូនដល់វីរកងទ័ព
12/14/2025 05:12 PM
Facebook Telegram Linkin
មកទល់រសៀលនេះ យោធាថៃ​បន្តការ​បាញ់​ប្រហារ​មក​លើ​ដែន​អធិបតេយ្យ​ភាព​កម្ពុជា​ក្នុង​ភូមិ​សាស្រ្ដ​យោធភូមិទី៤ និងទី៥
12/14/2025 05:12 PM
Facebook Telegram Linkin
ជនភៀសសឹកកម្ពុជាកើនជាង ៣៩ម៉ឺននាក់ ខណៈមានអ្នកស្លាប់១១នាក់ ដោយសារ​ថៃឈ្លានពាន
12/14/2025 05:12 PM
Facebook Telegram Linkin
BREAKING NEWS | ម៉ោង១៦:០៤នាទី យោធាថៃបានបាញ់​ប្រហារ​មក​លើ​កម្ពុជា​ដោយ ​ប្រើប្រាស់​គ្រាប់បែកចង្កោមយ៉ាងច្រើនសន្ធឹកសន្ធាប់ ក្នុងភូមិសាស្ត្រប្រាសាទតាមាន់ធំ
12/14/2025 05:12 PM
Facebook Telegram Linkin
[BREAKING NEWS] មនុស្ស ១០នាក់ បានស្លាប់ ក្នុងការបាញ់ប្រហារទ្រង់ទ្រាយធំនៅឆ្នេរប្រទេសអូស្រ្តាលី
12/14/2025 04:12 PM
Facebook Telegram Linkin
គោលនយោបាយប្រឆាំងជនអន្តោប្រវេសន៍ កាន់តែខ្លាំងក្លាឡើងនៅទូទាំងទ្វីបអឺរ៉ុប
12/14/2025 04:12 PM
Facebook Telegram Linkin
ភាពភ័យខ្លាចគ្របដណ្ដប់ក្រុង Uvira របស់កុងហ្គោ ខណៈហិង្សាក្រុមឧទ្ទាម សម្លាប់មនុស្សរាប់រយនាក់
12/14/2025 04:12 PM
Facebook Telegram Linkin
រុស្ស៊ី បើកការវាយប្រហារផ្លូវអាកាសទ្រង់ទ្រាយធំ ធ្វើឱ្យអ៊ុយក្រែន ដាច់ចរន្តអគ្គិសនីទូទាំងប្រទេស
12/14/2025 04:12 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.