BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

គ.ជ.ប.ប្រកាសឲ្យពលរដ្ឋទៅពិនិត្យ និងចុះឈ្មោះបោះឆ្នោតថ្មីនាពាក់កណ្តាលខែតុលាដល់ចុងខែវិច្ឆិកាខាងមុខ

ភ្នំពេញ ៖ គណៈកម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប.បានប្រកាសអំពាវនាវដល់បងប្អូនប្រជាពលរដ្ឋខ្មែរ ដែលមានអាយុចាប់ពី ១៨ឆ្នាំឡើងទៅ អញ្ជើញទៅពិនិត្យ និងចុះឈ្មោះបោះឆ្នោតថ្មី ដែលនឹងប្រព្រឹត្តិទៅចាប់ពីថ្ងៃទី ១២ ខែតុលា រហូតដល់ថ្ងៃទី៣០ ខែវិច្ឆិកា ឆ្នាំ២០២១ខាងមុខនេះ ។យោងតាមសេចក្តីជូនដំណឹងរបស់គណៈកម្មាធិការជាតិរៀបចំការបោះឆ្នោត ដែលទូរទស្សន៍ BTV ទទួលបាននាព្រឹកថ្ងៃទី២ ខែកញ្ញា ឆ្នាំ២០២១នេះ បានឲ្យដឹងថា ការពិនិត្យឈ្មោះ និងចុះឈ្មោះបោះឆ្នោត ឆ្នាំ២០២១នេះ នឹងប្រព្រឹត្តិទៅតាមសាលាឃុំ-សង្កាត់ និងនៅតាមភូមិមួយចំនួននៅតាមឃុំ-សង្កាត់ដោយ ចាប់ពីថ្ងៃទី១២ ខែកញ្ញានេះ ដល់ខែចុងខែវិច្ឆិកា ឆ្នាំ២០២១ខាងមុខនេះ។សេចក្តីជូនដំណឹង បានបន្តទៀតថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ នេះ មានគោលដៅធានាឲ្យបញ្ជីឈ្មោះបោះឆ្នោត មានភាពពេញលេញ ភាពត្រឹមត្រូវ និងមានបច្ចុប្បន្នភាព ប្រកបដោយសុវត្ថិភាពតាមរយៈការស្រង់ និងលុបឈ្មោះបោះឆ្នោត សម្រាប់បុគ្គលបានមរណភាព បុគ្គល ដែលបានដកហូតសិទ្ធិបោះឆ្នោតជាបណ្តោះអាសន្ន និងបុគ្គលដែលបានផ្លាស់លំនៅឋាន ឬទីសំណាក់ ចេញពីឃុំ-សង្កាត់ផ្សេង ដោយមានឯកសារជាសំអាងត្រឹមត្រូវ និងច្បាស់លាស់ ដើម្បីលុបចេញពីបញ្ជីបោះ ឆ្នោតជាដើមនោះ។តាមរយៈសេចក្តីជូនដំណឹង បានបញ្ជាក់ឲ្យដឹងទៀតថា ការកែតម្រូវឈ្មោះ ឬទិន្នន័យអ្នកបោះឆ្នោត តាមសំណើរបស់សាមីខ្លួនដោយផ្អែកលើឯកសារសំអាងត្រឹមត្រូវ។ ការចុះឈ្មោះ បោះឆ្នោតដោយសំដៅលើ ប្រជាពលរដ្ឋខ្មែរដែលមានសិទ្ធិបោះឆ្នោត ហើយមិនទាន់បានចុះឈ្មោះបោះ ឆ្នោតពីមុនមក.ប្រជាពលរដ្ឋខ្មែរដែលមានអាយុ១៨ឆ្នាំឡើង (កើតមុនឬកើតត្រឹមថ្ងៃទី៦ ខែមិថុនាឆ្នាំ២០០៤)ប្រជាពលរដ្ឋខ្មែរដែលមានការផ្លាស់ប្តុរលំនៅឋាន ឬ ទីសំណាក់ចូលក្នុងឃុំ-សង្កាត់ថ្មី ហើយត្រូវ ទៅចុះឈ្មោះបោះឆ្នោតនៅតាមឃុំ សង្កាត់ដែលសាមីខ្លួនកំពុងរស់នៅ ឬស្នាក់អាស្រ័យជាដើមនោះ។ជាមួយគ្នានោះដែរ គ.ជ.ប.ក៏បានសង្ឃឹមយ៉ាងម៉ុតមាំផងដែរថា ប្រជាពលរដ្ឋខ្មែរទាំងអស់ដែល មានលក្ខខណ្ឌនឹងឯកសារគ្រប់គ្រាន់ នឹងបានយល់ពីសារៈសំខាន់នៃការ «ចុះបញ្ជីឈ្មោះ និងការចុះឈ្មោះបោះឆ្នោត» នឹងអញ្ជើញទៅគ្រប់ៗគ្នាផងដែរ។សូមបញ្ជាក់ថា ប្រទេសកម្ពុជា នឹងធ្វើការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤ របស់ខ្លួននៅឆ្នាំ២០២២ ខាងមុខនេះ ដោយមានគណបក្សនយោបាយជាច្រើន ដែលបានចុះបញ្ជីជាផ្លូវការនៅក្រសួងមហាផ្ទៃ នឹងចូលរួមប្រកួតប្រជែងស្របទៅតាមប្រទេសលទ្ធិប្រជាធិបតេយ្យ សេរីពហុបក្សផងដែរ៕អត្ថបទ បាន ចក់

អាជ្ញាធររាជធានីភ្នំពេញ ត្រៀមរៀបចំបើកសាលារៀនឡើងវិញ ក្នុងពេលឆាប់ៗនេះ

ភ្នំពេញ ៖ អភិបាលរាជធានីភ្នំពេញ ជំរុញឲ្យអាជ្ញាធរខណ្ឌទាំង១៤ និងអង្គភាពពាក់ព័ន្ធ រៀបចំសំអាតអនាម័យបរិស្ថាននៅតាមសាលា ដើម្បីត្រៀមបើកសាលារៀនឡើងវិញ។ថ្លែងក្នុងកិច្ចប្រជុំតាមរយៈការបញ្ជូនរូបភាព និងសម្លេងផ្ទាល់ជាមួយអាជ្ញាធរខណ្ឌទាំង១៤ កាលពីល្ងាចថ្ងៃទី០១ ខែកញ្ញាឆ្នាំ២០២១ នៅសាលារាជធានីភ្នំពេញ ដើម្បីពិភាក្សាលើការរៀបចំបើកសាលារៀនឲ្យដំណើរការឡើងវិញ ក្រោយពីបានស្រាកស្រាន្តដោយជំងឺកូវីដ-១៩ ឯកឧត្ដម ឃួង ស្រេង អភិបាលរាជធានីភ្នំពេញ បានជំរុញឲ្យអាជ្ញាធរខណ្ឌទាំង១៤ និងអង្គភាពពាក់ព័ន្ធមួយចំនួនទៀត ត្រូវរៀបចំចាត់ចែងសំអាតអនាម័យ បរិស្ថាននៅក្នុងសាលានានានៅមូលដ្ឋានរបស់ខ្លួនឲ្យបានស្អាត ដើម្បីត្រៀមបើកសាលារៀនឡើងវិញទៅតាមអនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រី ក្រោយសិស្សានុសិស្សខកខាតមិនបានចូលរៀនយូរណាស់មកហើយ ដោយសារការរីករាលដាលជំងឺកូវីដ-១៩ ។ឯកឧត្ដម ឃួង ស្រេង មានប្រសាសន៍លើកឡើងថា មកដល់ពេលនេះ ស្ថានភាពជំងឺកូវីដ-១៩ បានថមថយហើយ យើងអាចបើកសាលារៀនឲ្យសិស្សានុសិស្សបានចូលរៀនវិញហើយ ពិសេសនៅកន្លែងដែលមានហានិភ័យទាប ។ ដូច្នេះលោកជំរុញឲ្យអាជ្ញាធរអាជ្ញាធរខណ្ឌទាំង១៤ ត្រូវដឹកនាំក្រុមការងារចុះសំអាតអនាម័យបរិស្ថាន ជាមួយនឹងការបាញ់ថ្នាំសម្លាប់មេរោគនៅក្នុងទីតាំងសាលាឲ្យបានស្អាត។ បន្ថែម ពីនេះទៀត រដ្ឋបាលរាជធានីភ្នំពេញនឹងសុំអន្តរាគមន៍ពីកងទ័ពដើម្បីបាញ់ថ្នាំសម្លាប់មេរោគនៅក្នុងសាលាបន្ថែមទៀតនៅពេលធ្វើពិធីបើកសាលាឲ្យចូលរៀនឡើងវិញនោះ។ឯកឧត្ដម ឃួង ស្រេង បានបញ្ជាក់ផងដែរថា សាលារៀនមួយចំនួនត្រូវបានរដ្ឋបាលរាជធានីភ្នំពេញ និងក្រសួងសុខាភិបាលយកជាទីតាំងសម្រាប់ធ្វើជាកន្លែងចត្តាឡីស័ក និងធ្វើជាកន្លែងព្យាបាលជំងឺកូវីដ-១៩ តែចាប់ពីពេលនេះតទៅ លោកជំរុញឲ្យអាជ្ញាធរខណ្ឌ និងស្ថាប័នពាក់ព័ន្ធ ត្រូវបញ្ជូនអ្នកជំងឺនៅតាមសាលារៀនទាំងនោះ ទៅដាក់នៅមណ្ឌលព្យាបាលផ្សេងវិញ ដូចជានៅទីតាំងរៀបអាពាហ៍ពិពាហ៍ ព្រីមៀរ សែនសុខជាដើម ។គួរបញ្ជាក់ថា មកដល់ពេលនេះ នៅវិទ្យាល័យ ហ៊ុន សែន បុរី ១០០ខ្នង មានអ្នកជំងឺកូវីដ-១៩កំពុងសម្រាកព្យាបាលប្រមាណជាង១០នាក់ និងនៅវិទ្យាល័យជា ស៊ីម សាមគ្គី មានអ្នកជំងឺប្រមាណជាង ១០០នាក់ប៉ុណ្ណោះ ដែលត្រូវបញ្ជូនពួកគាត់ទៅកាន់មណ្ឌលព្យាបាលផ្សេងវិញ ដើម្បីទុកទីតាំងសាលានេះ ឲ្យសិស្សានុសិស្សបានចូលរៀនជាធម្មតាឡើងវិញ៕អត្ថបទ ៖ ប្រាក់ វ៉ាន់ដា

កម្ពុជាបន្ដរកឃើញមនុស្ស៤១៦នាក់ឆ្លងកូវីដ-១៩ ខណៈអ្នកជំងឺ៣៨៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៤១៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៣៨៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៣០៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១២នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៩២៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨៩ ៥០០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៩៣ ៩២៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អ្នកជំងឺកូវីដ-១៩ សម្រាកព្យាបាលនៅពហុកីឡដ្ឋានជាតិអូឡាំពិក បានថយចុះនៅត្រឹមជាង ១១០០នាក់

ភ្នំពេញ ៖ លោកវេជ្ជបណ្ឌិត ញឹប អង្គាបុស្ស បានប្រាប់BTV ព័ត៌មាន នាព្រឹកថ្ងៃទី១ ខែកញ្ញា ឆ្នាំ២០២១នេះថា សព្វថ្ងៃមណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក មានអ្នកជំងឺថយចុះច្រើន ពីជាង៣៦០០នាក់ ឥលូវនៅសល់តែជាង១១០០នាក់ប៉ុណ្ណោះ។លោកសាស្រ្តាចារ្យវេជ្ជបណ្ឌិត ញឹប អង្គាបុស្ស នាយកមនី្ទរពេទ្យកុមារជាតិ និងជាអ្នកគ្រប់គ្រងមណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក បានបន្តថា មណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក បានចាប់ផ្តើមដំណើរការក្នុងខែមេសា ឆ្នាំ២០២១ ដោយរៀបចំដំបូងសម្រាប់ទទួលអ្នកជំងឺកូវីដ-១៩ ឲ្យចូលមកសម្រាកព្យាបាលមានចំនួនជាង១០០០គ្រែ សម្រាប់ព្យាបាលអ្នកជំងឺស្រាល។ ប៉ុន្តែក្រោយបុណ្យចូលឆ្នាំប្រពៃណីខ្មែរ សង្កេតឃើញថា កំណើនកើនឡើងនៃការឆ្លងមេរោគកូវីដ-១៩ មានចំនួនច្រើន ជាពិសេសក្នុងរាជធានីភ្នំពេញ និងខេត្តកណ្តាល។ ដូច្នេះរាជរដ្ឋាភិបាល ក៏បានពង្រីកមណ្ឌលព្យាបាលជំងឺកូវីដ-១៩បន្ថែមទៀត។ យើងក៏មានគោលដៅពង្រីកឲ្យបានចំនួនជិត៥០០០គ្រែ សម្រាប់មណ្ឌលព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិកនេះ។អ្នកគ្រប់គ្រងមណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក បានលើកឡើងទៀតថា មួយរយៈចុងក្រោយជំងឺកូវីដ-១៩ ក្នុងប្រទេសកម្ពុជា មានការថយចុះ ហើយការថយចុះក៏អាចមកពីមូលហេតុចំនួន០២ គឺទី១.ប្រជាជន បានចូលរួមចាក់វ៉ាក់សាំងបង្ការជំងឺកូវីដ-១៩ បើតាមសិ្ថតិរបស់ក្រសួងសុខាភិបាល ការចាក់វ៉ាក់សាំងបានចំនួនជាង៩លាននាក់មកហើយ សម្រាប់ប្រជាជនអាយុចាប់ពី១៨ឆ្នាំឡើងទៅ ហើយកុមារ អាយុចាប់ពី១២ឆ្នាំ រហូតដល់អាយុ១៧ឆ្នាំ ក៏ចាក់វ៉ាក់សាំង បានចំនួនជិត២លាននាក់ផងដែរ។ ដូច្នេះប្រជាជន មានប្រព័ន្ធការពារខ្លួនបានប្រសើរ ធ្វើឲ្យការឆ្លងមេរោគកូវីដ-១៩ ក៏វាអាចថយចុះបន្តិតផងដែរ។ បច្ចុប្បន្នរាជរដ្ឋាភិបាលកម្ពុជា ជាពិសេសសម្តេចតេជោ ហ៊ុន សែន នាយករដ្ឋមន្រី្ត ជម្រុញការចាក់វ៉ាក់សាំងកូវីដ-១៩ ដូសលើកទី៣ សម្រាប់ជួយប្រជាជន។ ហើយសម្លឹងឃើញថា ជាទូទៅប្រជាពលរដ្ឋ ហាក់មានទម្លាប់មួយប្រសើរជាងមុនក្នុងការរស់នៅ ពិសេសក្នុងបរិបទជំងឺកូវីដ-១៩ ទាំងការរក្សាគម្លាត ទាំងអនាម័យ ទាំងការមិនចូលទៅកន្លែងអ៊ូអរច្រើន ថ្វីត្បិតថាមានបុគ្គលខ្លះគាត់មិនអនុវត្ត ប៉ុន្តែតាមការសង្កេតឃើញរបស់លោកសាស្រ្តាចារ្យ គឺប្រជាពលរដ្ឋយើងបានចូលរួមអនុវត្តវិធានការ៣កុំ ៣ការពារ បានល្អប្រសើរច្រើន។ជាចុងក្រោយលោកសាស្រ្តាចារ្យ ញឹប អង្គាបុស្ស សង្ឃឹម និងសុំឲ្យបងប្អូនប្រជាជនកម្ពុជាទាំងអស់ ដែលគ្រប់លក្ខខណ្ឌចាក់វ៉ាក់សាំងការពារជំងឺកូវីដ-១៩ ទាំងប្រជាពលរដ្ឋវ័យចាស់ សូមមកចាក់ដូសជម្រុញឲ្យបានគ្រប់ៗគ្នា តាមកាលវិភាគ និងទីកន្លែងដែលគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានជម្រាបជូន។ ដោយឡែកកុមារអាយុចាប់ពី១២ឆ្នាំ រហូតដល់អាយុ១៧ឆ្នាំ ក៏សូមអញ្ជើញចូលរួមមកចាក់វ៉ាក់សាំងឲ្យបានគ្រប់គ្នា ហើយអ្នកដែលមិនបានចាក់សោះ នៅសល់ខ្លះៗដែល (ដោយសារបញ្ហាសុខភាព និងបញ្ហាផ្សេងៗ) ខកខានមិនបានចាក់វ៉ាក់សាំង សូមអញ្ជើញមកចាក់វ៉ាក់សាំងកូវីដ-១៩ទាំងអស់គ្នា នៅតាមមណ្ឌលដែលរដ្ឋាភិបាលបានរៀបចំជូន។ ហើយក៏សុំកុំភ្លេចផងដែរ បើទោះបីបងប្អូនប្រជាពលរដ្ឋ បានចាក់វ៉ាក់សាំង ៣ដូស ឬចាក់វ៉ាក់សាំង បានច្រើនគ្នាក៏ដោយ ក៏មិនមានន័យថា វាអត់ឆ្លងមេរោគកូវីដ-១៩នោះទេ គ្រាន់តែវាអាចកាត់ បន្ថយ អត្រាឆ្លង កាត់បន្ថយអត្រាឈឺធ្ងន់ ហើយក៏អាចកាត់បន្ថយអត្រាស្លាប់។ ដូច្នេះបងប្អូនប្រជាពលរដ្ឋទាំងអស់ ត្រូវអនុវត្តជារៀងរាល់ថ្ងៃ៕អត្ថបទ រដ្ឋា

ឯកឧត្តម ហ៊ុន ម៉ានី ៖ កម្ពុជាមានសមត្ថភាពគ្រប់គ្រាន់ក្នុងការដោះបញ្ហាតូចធំទាំងអស់ឲ្យតែមានភាពសាមគ្គីគ្នា

ភ្នំពេញ ៖ ប្រធានសហភាពសហព័ន្ធយុវជនកម្ពុជា ដែលហៅកាត់ថា ស.ស.យ.ក. ឯកឧត្តម ហ៊ុន ម៉ានី បានលើកឡើងថា មិនថាបញ្ហាតូច ឬធំនោះឡើយ គឺកម្ពុជាមានសមត្ថភាពដោះស្រាយបានទាំងអស់ ឲ្យតែយើងទាំងអស់គ្នា រួមចិត្ត រួមគំនិត និងមាននូវបេះដូងខ្មែរតែមួយដូចគ្នា បើទោះកម្ពុជាបានកំពុងជួបនូវវិបត្តិកូវីដ១៩ក្តី ប៉ុន្តែកម្ពុជាបានរួមគ្នាដោះស្រាយ និងប្រយុទ្ធប្រឆាំងយ៉ាងស្វិតស្វាញនូវជំងឺនេះ ថែមទាំងមានវ៉ាក់សាំងគ្រប់គ្រាន់ ដើម្បីចាក់ជូនដល់បងប្អូនប្រជាពលរដ្ឋគ្រប់រូបផងដែរ។តាមរយៈផេកហ្វេសបុកផ្ទាល់ខ្លួន នាព្រឹកថ្ងៃទី១ ខែកញ្ញា ឆ្នាំ២០២១នេះ ឯកឧត្តមហ៊ុន ម៉ានី បានលើកឡើងថា ផុសចេញពីទឹកចិត្តរបស់ឯកឧត្តម និងភរិយា ព្រមទាំងក្រុមគ្រួសារ សូមផ្ញើនូវសេចក្តីនឹករឭក និងថ្លែងអំណរគុណជូនចំពោះ អ៊ុ ពូ មីង បងប្អូនជាកងកម្លាំងនគរបាល នៃស្នងការដ្ឋាននគរបាលរាជធានីភ្នំពេញទាំងអស់ តាមរយៈអំណោយជាស្បៀងអាហារ អាវភ្លៀង និងថ្នាំពេទ្យមួយចំនួននៅពេលនេះ។ឯកឧត្តម បានបន្តថា កងកម្លាំងនគរបាលជាតិបានបំពេញបេសកកម្មដ៏ថ្លៃថ្លា ក្នុងការថែររក្សាសណ្តាប់ធ្នាប់ និងសន្តិសុខសង្គម ហើយសកម្មភាពទាំងនេះ ពិតជាមានតម្លៃណាស់សម្រាប់ភាពសុខសាន្តរបស់យើងទាំងអស់គ្នា។ កងកម្លាំងនគរបាលជាតិរបស់យើង មិនថាក្នុងដំណាក់កាលមុនកូវីដ១៩ ក្នុងពេលកូវីដ ឬតទៅមុខ គឺបានលះបង់កម្លាំងកាយ ពេលវេលាពីគ្រួសារ មិនថាថ្ងៃក្តៅ ភ្លៀង ឬថ្ងៃសម្រាក ហើយមិនថាក្នុងពេលស្ងប់ស្ងៀម ឬពេលចលាចលណាមួយក្នុងការអនុវត្តការងារដើម្បីជួយសម្រួលចរាចរណ៍ ថែរក្សាសណ្ដាប់ធ្នាប់ សុខសុវត្ថិភាព សុខដុមរមនា សម្រាប់ប្រជាជនក្នុងរាជធានីភ្នំពេញជាដើម។ឯកឧត្តម បានលើកឡើងថា«ពិតណាស់នៅពេលនេះ យើងទាំងអស់គ្នាកំពុងជួបការលំបាកដោយសារវិបត្តិនេះ។ ប៉ុន្តែយើងពិតជាមានភព្វសំណាង ដោយយើងទាំងអស់គ្នាទទួលបាននូវការការពារ និងភាពកក់ក្តៅពីរាជរដ្ឋាភិបាល ក្រោមការដឹកនាំប្រកបដោយភាពឈ្លៀសវៃរបស់សម្តេចតេជោ។ ក្នុងនោះការទទួលបាននូវវ៉ាក់សាំងបង្ការកូវីដ ១៩ ជូនដល់ អ៊ុំពូមីង បងប្អូន និងក្រុមគ្រួសារបានបង្ហាញពីការគិតគូរយ៉ាងខ្លាំងរបស់រាជរដ្ឋាភិបាល។ មិនតែប៉ុណ្ណោះ ទោះបីជាស្ថិតក្នុងការលំបាក ក៏ជីវភាពរបស់បងប្អូនត្រូវបានដាក់ជាអាទិភាព ពោលគឺប្រាក់បៀវត្ស និងប្រាក់បំណាច់នានារបស់កងកម្លាំងទាំងអស់ត្រូវបានរក្សាស្ថានភាពដដែល។ ការដើរឆ្លងនូវវិបត្តិនេះ ដោយខ្មែរខ្លួនឯង ឆ្លុះបញ្ចាំងថា យើងមានសមត្ថភាពគ្រប់គ្រាន់ក្នុងការដោះស្រាយបញ្ហា ទោះតូច ឬធំ ឲ្យតែយើងទាំងអស់គ្នា រួមចិត្ត រួមគំនិត និងមាននូវបេះដូងខ្មែរតែមួយដូចគ្នា»។សូមបញ្ជាក់ថា នៅព្រឹកថ្ងៃទី០១ ខែកញ្ញា ឆ្នាំ២០២១ ឯកឧត្តម ហ៊ុន ម៉ានី និងលោកជំទាវ ព្រមទាំងសប្បុរសជន បានអញ្ជើញប្រគល់អំណោយជូនដល់ស្នងការដ្ឋាននគរបាលរាជធានីភ្នំពេញ ដោយអំណោយទាំងនោះ រួមមាន ថវិកាចំនួន ៣,០០០ (បីពាន់) ដុល្លារ អង្ករចំនួន ១៤.៥ តោន ត្រីខកំប៉ុងចំនួន ២០០កេស អាវភ្លៀងចំនួន ១,០០០អាវ ភេសជ្ជៈកូកាកូឡាចំនួន ២០០កេស ទឹកសម្លាប់មេរោគចំនួន ២ ធុង និងវីតាមីនC ចំនួន ៥កេស សម្រាប់ ប្រើប្រាស់ ក្នុងការបង្ការ និង ទប់ស្កាត់ ការឆ្លងរីករាលដាលនៃជំងឺកូវីដ-១៩ ។ អំណោយសប្បុរសធម៌នេះ បានប្រគល់ជូនដោយផ្ទាល់ដល់ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញ។តាមរយៈផេកហ្វេសបុកនេះដែរ ឯកឧត្តម ហ៊ុន ម៉ានី បានលើកឡើងផងដែរថា អំណោយដ៏តិចតួចរបស់ឯកឧត្តម និងក្រុមគ្រួសារនៅពេលនេះ គ្រាន់តែអាចជួយសម្រួលជីវភាព អ៊ុំ ពូមីង បងប្អូន បានមួយកម្រិតតែប៉ុណ្ណោះ តែវាពិតជាបានបង្ហាញថា គ្រប់ពេលវេលា យើងទាំងអស់គ្នាតែងតែគិតដល់ និងអរគុណចំពោះកិច្ចប្រឹងប្រែងទាំងនេះ៕អត្ថបទបាន ចក់

គិតត្រឹមខែសីហា ឆ្នាំ២០២១ កម្ពុជាមានវ៉ាក់សាំងបង្ការជំងឺកូវីដ-១៩ ចំនួន២៧លានដូស

ភ្នំពេញ ៖ នាឱកាសដែរលោកជំទាវ វេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល និងជាប្រធានក្រុមការងារ ប្រតិបតិ្តការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ នាព្រឹកថ្ងៃទី៣១ ខែសីហា ឆ្នាំ២០២១នេះ បានអញ្ជើញមកទទួលការមកដល់វ៉ាក់សាំងបង្ការជំងឺកូវីដ-១៩ ប្រភេទ ស៊ីណូវ៉ាក់ ចំនួន០២លានដូស ដែលជាការបញ្ជាទិញរបស់រាជរដ្ឋាភិបាលកម្ពុជា បានបញ្ជាក់ថា គិតត្រឹមខែសីហា ឆ្នាំ២០២១ កម្ពុជា មានវ៉ាក់សាំងបង្ការជំងឺកូវីដ-១៩ ចំនួន២៧លានដូស។លោកជំទាវ វេជ្ជបណ្ឌិត យក់ សម្បតិ្ត បានឲ្យដឹងទៀតថា យើងមានវ៉ាក់សាំងកូវីដ-១៩ ចំនួន២៧លានដូស ដោយរាប់បញ្ចូលទាំងការបញ្ជាទិញ និងវ៉ាក់សាំងជំនួយ។ ប្រមុខរាជរដ្ឋាភិបាល បានសម្រេចជាគោលការណ៍ឲ្យក្រសួងសុខាភិបាល និងគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្របខណ្ឌទូទាំងប្រទេស គិតគូរបញ្ជាទិញវ៉ាក់សាំងចំនួន៥លានដូសទៀត ពីក្រុមហ៊ុន ស៊ីណូវ៉ាក់ ដែលត្រូវដឹកមកដល់ព្រះរាជាណាចក្រកម្ពុជា នាខែកញ្ញា ឆ្នាំ២០២១ខាងមុខនេះ។ មកដល់ថ្ងៃនេះ ផែនការចាក់វ៉ាក់សាំងក្នុងប្រទេសកម្ពុជា បានដើរលឿនមែនទែន ទន្ទឹមនឹងនោះសម្តេចតេជោ ហ៊ុន សែន នាយករដ្ឋមន្រ្តីកំណត់ឲ្យក្រសួងអប់រំ យុវជន និងកីឡា ធ្វើការពិភាក្សា និងពិនិត្យលទ្ធភាព ថាតើទីតាំងណាចាក់វ៉ាក់សាំងបាន១០០% មិនមានការឆ្លងមេរោគកូវីដ-១៩នោះទេ នឹងរៀបចំឲ្យមានការបើកសាលារៀនឡើងវិញ ដើម្បីឲ្យសិស្សានុសិស្ស បានចូលរៀនឡើងវិញ។ ដូច្នេះហើយដូសជំរុញនេះ នៅចំពោះមុខយើងនឹងចាក់វ៉ាក់សាំងជូនដល់ក្រុមជួរមុខ (មន្រ្តីសុខាភិបាល កងកម្លាំងមានសមត្ថកិច្ចដែលប្រតិបត្តិការផ្ទាល់ជាមួយទីតាំងដែលប្រឈម) ទៅអនាគតសម្តេចតេជោ ហ៊ុន សែន លោកបានគិតគូរម៉ត់ចត់ក្នុងការផ្តល់ដូសជំរុញ ជូនដល់ប្រជាពលរដ្ឋគ្រប់មូលដ្ឋានទាំងអស់។ ឥលូវយើងយកប្រជាជន ចំនួន១០លាននាក់ជាគោល ទៅថ្ងៃខាងមុខទៀតយើងនឹងចាក់ដូសជំរុញ នៃចំនួនប្រជាជនទាំង១០លាននាក់ ហើយសម្រាប់កុមារអាយុចាប់ពី១២ឆ្នាំ រហូតដល់អាយុក្រោម១៨ឆ្នាំ មកដល់ថ្ងៃនេះ យើងចាក់វ៉ាក់សាំងជូនពួកគាត់ បានចំនួនជិត១លានកន្លះហើយ។ ដូច្នេះនាខែកញ្ញា ភាពស៊ាំរបស់វ៉ាក់សាំងទៅលើសរីរាង្គមនុស្ស កាន់តែបន្តថែមទៀត យើងនឹងបន្តផ្តល់វ៉ាក់សាំងដូសទី៣ ទៅលើប្រជាជនទាំងអស់ យ៉ាងតិចក៏១២លាននាក់ផងដែរ។លោកជំទាវ វេជ្ជបណ្ឌិត យក់ សម្បតិ្ត បានសង្ក់តធ្ងន់ថា វ៉ាក់សាំងដែលបានមកដល់កម្ពុជា ក្នុងខែសីហា ឆ្នាំ២០២១ គឺអត់មានរក្សាទុកទេ។ សម្តេចតេជោ បានបញ្ជាទាំងយប់ ឲ្យក្រុមការងារចម្រុះទាំងអស់ ដើម្បីធ្វើយ៉ាងណាឲ្យបងប្អូន នៅជួរមុខបានទទួលវ៉ាក់សាំងគ្រប់ៗគ្នា។ក្នុងនាមមន្រ្តីក្រសួងសុខាភិបាល ក៏ដូចជាគណៈកម្មការប្រយុទ្ធប្រឆាំងនឹងជំងឺកូវីដ-១៩ ជាពិសេសប្រមុខរាជរដ្ឋាភិបាល និងក្រសួងសុខាភិបាល តែងតែផ្ញើសារតាមរយៈប្រព័ន្ធព័ត៌មានជារៀងរាល់ថ្ងៃទាំងអស់ ដោយក្រើនរំលឹកប្រជាពលរដ្ឋ កុំព្រងើយកន្តើយ កុំផ្តេកផ្តួលទៅលើលទ្ធផលដែលយើងកំពុងគ្រប់គ្រងសភាពការណ៍បាន ព្រោះថាប្រទេសជិតខាងយើង មិនទាន់ធូរស្រាលនោះទេ ហើយក៏មានការផ្ទុះរីករាលដាលជំងឺកូវីដ-១៩ខ្លាំងណាស់។ ប៉ុន្តែកម្ពុជា មានការគ្រប់គ្រងច្បាស់លាស់ មានគោលនយោបាយក្នុងការទប់ស្កាត់បានត្រឹមត្រូវ និងមានការចូលរួមយ៉ាងសស្រាក់សស្រាំពីគ្រប់ផ្នែកទាំងអស់ ទាំងអាជ្ញាធរមូលដ្ឋាន ទាំងប្រជាពលរដ្ឋនៅក្នុងសហគមន៍។ ដូច្នេះយើងអាចគ្រប់គ្រងសភាពការណ៍បាន ក៏ប៉ុន្តែមិនមែនបានន័យថាទាំងស្រុងនោះទេ តែយើងគ្រប់គ្រងឲ្យមានស្ថេរភាព ដោយគ្មានការផ្ទុះរីករាលដាលទ្រង់ទ្រាយធំ។ ដូចនេះប្រជាពលរដ្ឋទាំងអស់ ត្រូវតែអនុវត្តវិធានការណ៍ ៣កុំ ៣ការពារឲ្យបានខ្ជាប់ខ្ជួន៕អត្ថបទ រដ្ឋា

សម្តេចតេជោ ប្រាប់ទៅក្រសួងអប់រំពិភាក្សាជាមួយអាជ្ញាធររាជធានី-ខេត្តបើកសាលារៀនមួយចំនួនឡើងវិញ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានប្រាប់ទៅក្រសួងអប់រំ យុវជន និងកីឡាធ្វើការពិភាក្សាជាមួយអភិបាលរាជធានី-ខេត្តទាំងអស់ ដើម្បីធ្វើការពិចារណាក្នុងការបើកសាលារៀនមួយចំនួនឡើងវិញ ជាពិសេសសាលារៀននៅតាមជនបទ ឬជាទីកន្លែងដែលពុំមានការណីឆ្លងរីករាលដាលនៃមេរោគកូវីដ១៩។តាមរយៈសារសំឡេងរបស់សម្តេចតេជោ ហ៊ុន សែន នាព្រឹកថ្ងៃទី៣១ ខែសីហានេះ បានបញ្ជាក់ថា ការបិទសាលារៀននៅទូទាំងប្រទេសគឺវាបានអូសបន្លាយអស់រយៈពេលជាយូរណាស់មកហើយ ហើយការបិទនេះ ក៏វាអាចនឹងធ្វើឲ្យសិស្សានុសិស្សខ្លះមានការខ្ចិលបោះបង់សាលារៀន និងធុញទ្រានចំពោះការសិក្សានេះផងដែរ។ ដូច្នេះក្រសួងអប់រំគប្បីធ្វើការពិភាក្សាជាមួយអាជ្ញាធររាជធានី-ខេត្តធ្វើការបើកសាលារៀនមួយចំនួនឡើងវិញ ប៉ុន្តែការបើកនេះ គឺក៏ត្រូវធ្វើការរក្សាគម្លាត និងអនុវត្តវិធានការឲ្យបានខ្ជាប់ខ្ជួនរបស់ក្រសួងសុខាភិបាលដែលបានណែនាំនាពេលកន្លងទៅ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី បានលើកឡើងផងដែរថា ខណៈប្រទេសកំពុងស្ថិតនៅក្នុងស្ថានភាពលំបាកក៏ពិតមែន ប៉ុន្តែបើប្រទេសមានការបិទសាលារៀនបន្តទៀត ដោយពុំបានធ្វើការវែកញែកឲ្យច្បាស់លាស់ត្រង់កន្លែងមានការឆ្លង និងកន្លែងមិនមានការឆ្លងនោះ វានឹងធ្វើឲ្យសិស្សមានការបោះបង់ចោលសាលារៀន បើទោះបីជាយើងបានបង្កើតការរៀនពីចម្ងាយក្តី ក៏ប៉ុន្តែសិស្សានុសិស្សដែលនៅទីតាមជនបទពួកគាត់មានការប្រឈមនឹងអ៊ិនធើណែត ឬ សិស្សខ្លះពុំមានលទ្ធភាពរៀនជាដើម។ការស្នើសុំរបស់សម្តេចតេជោ ហ៊ុន សែន នាយករដ្ឋមន្រ្តីឲ្យមានការបើកសាលារៀនមួយចំនួនឡើងវិញនេះ គឺដោយសារតែប្រទេសកម្ពុជាយើងបានធ្វើការចាក់វ៉ាក់សាំងជូនដល់កុមារអាយុចាប់ពី១២ ឆ្នាំដល់អាយុក្រោម១៨ឆ្នាំ បានជាងមួយលានបួនសែននាក់ និងមនុស្សចាប់ពី១៨ឆ្នាំឡើងទៅបានជិត១០លាននាក់ហើយផងដែរ។ប៉ុន្តែទោះជាយ៉ាងណាក៏ដោយការបើកនូវសាលាឡើងវិញនេះ គឺនឹងមិនទូលំទូលាយនោះឡើយពោលគឺបើកត្រងកន្លែងជនបទ និងកន្លែងដែលពុំមានការផ្ទុះនូវជំងឺកូវីដ១៩នេះតែប៉ុណ្ណោះ៕អត្ថបទ បាន ចក់

ពលករខ្មែរ ឆ្លងដែនមកពីថៃ តាមច្រកខេត្តបន្ទាយមានជ័យ មានការថយចុះច្រើន

ភ្នំពេញ៖ នារយៈពេលចុងក្រោយនេះ ស្ថានភាពនៃការឆ្លងដែនរបស់ពលករខ្មែរ មកពីប្រទេសថៃ តាមច្រកខេត្តបន្ទាយមានជ័យ មានការថយចុះជាបន្តបន្ទាប់ ខណៈអត្រានៃការរកឃើញអ្នកឆ្លងជំងឺកូវីដ១៩ ក្នុងខេត្តមួយនេះ ក៏មានតួលេខទាបជាងមុន នៅចុងខែសីហានេះ ។ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានថ្លែងថា បន្ទាប់ពីរាជរដ្ឋាភិបាល បានសម្រេចបើកព្រំដែនឲ្យពលករត្រឡប់មកពីប្រទេសថៃ ចូលស្រុកកំណើតវិញ កាលពីថ្ងៃទី១៣ ខែសីហា ឆ្នាំ២០២១ គឺនៅច្រកខេត្តបន្ទាយមានជ័យ គឺពលករឆ្លងដែនមកពីថៃ ចន្លោះពី៤០០ ទៅ៥០០នាក់ បានរកឃើញពលករក្នុងចំណោមនេះ ប្រមាណ១០ភាគរយ មានវិជ្ជមានកូវីដ១៩ ។ ឯកឧត្តម បន្តថា ប៉ុន្តែរយៈពេលចុងក្រោយនេះ ចំនួនពលករឆ្លងដែននកពីប្រទេសថៃ តាមច្រកខេត្តបន្ទាយមានជ័យ បានមានការថយចុះ ហើយសម្រាប់ពលករដែលទើបត្រឡប់មកពីថៃទាំងអស់នោះ ក៏បានចូលរួមសហកាល្អជាមួយអាជ្ញាធរ ក្នុងការទប់ស្កាត់ការឆ្លងរាលដាលនៃជំងឺកូវីដ១៩ ពិសេសប្រភេទបំប្លែងថ្មីដែលតា (Delta) ដោយពួកគេបានឲ្យមន្ត្រីសុខាភិបាលពិនិត្យធ្វើសំណាក និងធ្វើចត្តាឡីស័កបានត្រឹមត្រូវគ្រប់គ្នា និងអ្នកមានវិជ្ជមានក៏នាំទៅសម្រាកព្យាបាល ។ ឯកឧត្តមអភិបាល បញ្ជាក់ថា សម្រាប់រយៈពេលដូចគ្នានេះ សកម្មភាពការលួចនាំ ពលករឆ្លងដែនទៅមកប្រទេសថៃ ដោយខុសច្បាប់ពីសំណាកពួកមេខ្យល់ក៏គ្មាននោះដែរ នៅតាមច្រកនានា ក្នុងភូមិសាស្ត្រខេត្តបន្ទាយមានជ័យ ខណៈកម្លាំងព្រំដែន បាននិងកំពុងពង្រឹងការពារយ៉ាងតឹងរឹង ក្នុងការទប់ស្កាត់សកម្មភាពលួចឆ្លងដែននេះ ។សេចក្តីប្រកាសព័ត៌មានរដ្ឋបាលខេត្តបន្ទាយមានជ័យ បានឲ្យដឹងថា នៅចុងខែសីហា ឆ្នាំ២០២១ ចំនួនអ្នកវិជ្ជមានកូវីដ១៩ នៅក្នុងខេត្តមានការថយចុះច្រើន គឺមួយថ្ងៃអាជ្ញាធររកឃើញនៅក្រោម១០០នាក់ ឬលើស១០០នាក់តិចតួច ខុសប្លែកពីដើមខែ និងពាក់កណ្ដាលខែ ដែលរកឃើញប្រមាណពីជាង ២០០នាក់ ទៅ៦០០នាក់ ។ កាលពីថ្ងៃទី២៩ ខែសីហា អាជ្ញាធរបានរកឃើញអ្នកឆ្លងជំងឺកូវីដ១៩ ចំនួន១១៣នាក់ មានទាំងអ្នកពាក់ព័ន្ធព្រឹត្តិការណ៍សហគមន៍២០កុម្ភៈ និងពលករត្រឡប់មកពីប្រទេសថៃ និងមានអ្នកជាសះស្បើយចំនួន ៦៣នាក់ ។ ប៉ុន្តែយ៉ាងណា បច្ចុប្បន្ន អាជ្ញាធរខេត្តមិនទាន់បានបន្ធូរបន្ថយ ឬបញ្ចប់នៃការបិទខ្ទប់ផ្សារមួយចំនួន និងដាក់តំបន់ដែលបានរកឃើញការឆ្លងរាលដាលខ្លាំង នៃជំងឺកូវីដ១៩ ទៅជាតំបន់ក្រហម រួមទាំងអនុវត្តនូវបំរាមគោចរនៅពេលយប់នោះទេ ។យោងតាមសេចក្តីប្រកាសព័ត៌មាន របស់ក្រសួងសុខាភិបាល កាលពីថ្ងៃទី២៨ ខែសីហា ឆ្នាំ២០២១ បានឲ្យដឹងថា ខេត្តបន្ទាយមានជ័យ រហូតមកដល់ពេលនេះ បានរកឃើញអ្នកវិជ្ជមានកូវីដ១៩ ប្រភេទបំប្លែងថ្មីដែលតា ចំនួន៣២៥នាក់ ខណៈនៅទូទាំងប្រទេសកម្ពុជា បានរកឃើញសរុបចំនួន ១ ៧៥២នាក់ ប៉ះពាល់រាជធានីខេត្ត ចំនួន២៣ លើកលែងតែខេត្តកែប និងក្រចេះ ៕

លោកជំទាវ ឱ វណ្ណឌីន ថ្លែងថា ការចាក់ដូសទី៣ នឹងធ្វើឲ្យអង់ឌីគ័ររបស់មនុស្សកាន់តែខ្លាំងអាចតទល់កូវីដបំប្លែងថ្មីប្រភេទ ដែលតាបាន

ភ្នំពេញ ៖ លោកជំទាវ ឱ វណ្ណឌីន បានថ្លែងថា ការចាក់វ៉ាក់សាំងប្រឆាំងកូវីដ១៩ នូវដូសទី៣ ឬក៏ដូសជំរុញ វានឹងធ្វើឲ្យសរីរាង្គរបស់មនុស្សកាន់តែខ្លាំង ហើយវាអាចទប់ទល់ជាមួយមេរោគកូវីដ១៩ បំប្លែងថ្មីប្រភេទDeltaបានផងដែរ ខណៈការចាក់ដូសទី៣ នឹងចាក់ជូនដល់បងប្អូនប្រជាពលរដ្ឋទូទៅ ចាប់ពីអាយុ១២ ឆ្នាំឡើងទៅ ផ្តើមចេញពីខែសីហាឆ្នាំ២០២១នេះ រហូតដល់ពាក់កណ្តាលឆ្នាំ២០២២។ថ្លែងប្រាប់អ្នកសារព័ត៌មាន ខណៈនាំអំណោយរបស់សម្តេចតេជោ ហ៊ុន សែន នាយករដ្ឋមន្រ្តី ជាថវិកាចំនួន១០លានរៀល និងគ្រឿងឧបភោគបរិភោគមួយចំនួនទៀត ជូនដល់បុគ្គលស្ម័គ្រចិត្តចាក់វ៉ាក់សាំងកូវីដលេខរៀងទី៩លាន ស្ថិតនៅខេត្តត្បូងឃ្មុំ កាលពីថ្ងៃទី២៩ ម្សិលមិញនេះ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចនៃការចាក់វ៉ាក់សាំងកូវីដ១៩ ក្របខណ្ឌទូទាំងប្រទេស បានបញ្ជាក់បន្ថែមថា ក្រោយធ្វើការចាក់វ៉ាក់សាំងនូវដូសទី៣ហើយ កម្លាំងនៃវ៉ាក់សាំងនឹងធ្វើការរុញច្រានឲ្យសន្ទុះកងការពារ ឬឌ័គ័ររបស់មនុស្សយើងឲ្យខ្លាំងឡើងវិញ ហើយវាចាំបាច់បំផុតក្នុងការពិចារណាចាក់នូវដូសជំរុញនេះឲ្យបានគ្រប់ៗគ្នា ជាពិសេសគឺក្រុមគ្រូពេទ្យជូរមុខ និងមន្រ្តីស្រួចជាដើម។សូមបញ្ជាក់ថា រាជរដ្ឋាភិបាលបានចាត់ទុកគោលនយោបាយចាក់វ៉ាក់សាំងកូវីដ១៩ គឺជាយុទ្ធសាស្រ្តគន្លឹះដ៏សំខាន់មួយ និងជាខ្សែក្រវ៉ាត់ការពារទី១ សំខាន់ជាងគេ ដើម្បីការពារអាយុជីវិតប្រជាជន ក៏ដូចជាដើម្បីបង្កើតឲ្យបាននូវភាពសុំាក្នុងសហគមន៍ទប់ទល់នឹងមេរោគកូវីដ១៩ សំដៅឈានឆ្ពោះទៅបើកដំណើរការប្រទេសជាតិពេញលេញឡើងវិញ គ្រប់វិស័យ និងការរស់នៅជាមួយមេរោគនេះ តាមបែបគន្លងថ្មីជាដើមនោះ។ការចាក់ដូសទី៣ ឬដូសជំរុញនេះ រាជរដ្ឋាភិបាលបានសម្រេចយកវ៉ាក់សាំង AstraZeneca) ចាក់ជូនដល់មន្រ្តីសុខាភិបាល និងមន្រ្តីបម្រើការជួរមុខក្នុងការប្រយុទ្ធនឹងជំងឺកូវីដ១៩ នៅតាមតំបន់ដែលមានហានិភ័យខ្ពស់ នៃការឆ្លងរាលដាលនៃមេរោគកូវីដ១៩ ប្រភេទដែលតា កាលពីដើមខែសីហា កន្លងទៅថ្មីៗនេះ ខណៈការចាក់នូវដូសទី៣នេះ វាបានបង្កើនបាននូវប្រព័ន្ធការពាររាងកាយកាន់តែរឹងមាំ ក្នុងការទប់ទល់នឹងមេរោគកូវីដ១៩ប្រភេទដែលតា និងបំប្លែងថ្មីផ្សេងៗទៀតបានយ៉ាងល្អផងដែរ។យ៉ាងណាក៏ដោយលោកជំទាវ ឱ វណ្ណឌីន បានថ្លែងថា ការចាក់វ៉ាក់សាំងនូវដូសទី៣ ឬដូសជំរុញនេះមិនទាន់បានបើកជាទូលំទូលាយសម្រាប់បងប្អូនប្រជាពលរដ្ឋទូទាំងប្រទេសនៅឡើយទេ ដោយលោកជំទាវ អះអាងថា ប្រមុខរាជរដ្ឋាភិបាលកំពុងតែគិតពិចារណា និងយកចិត្តទុកដាក់ខ្ពស់លើករណីនេះ ប៉ុន្តែទោះជាយ៉ាងណាក៏ដោយ ជាជំហានបឋមគឺរាជរដ្ឋាភិបាលពន្លឿងចាក់មនុស្សឲ្យបាន១០លាននាក់ ឲ្យរួចរាល់ជាមុនសិនទើបនឹងគិតគួរបន្តទៀតនោះ៕អត្ថបទ បាន ចក់

ផ្លែមៀនប៉ៃលិនចំនួន៥តោន អំណោយសម្តេចតេជោ និងសម្តេចកិត្តិព្រឹទ្ធបណ្ឌិតត្រូវបានប្រគល់ជូនរដ្ឋបាលខេត្តសៀមរាប

សៀមរាប ៖ ផ្លែមៀនប៉ៃលិន ចំនួន៥តោន ដែលជាអំណោយរបស់សម្តេចតេជោ ហ៊ុន សែន និងសម្តេចកិតិព្រឹទ្ធបណ្ឌិត ត្រូវបានប្រគល់ជូនរដ្ឋបាលខេត្តសៀមរាប និងត្រូវបានដឹកជញ្ជូនមកដល់សាលាខេត្តសៀមរាប ដោយឧត្តមសេនីយ៍ឯក គង់ ប៊ុនលី មេបញ្ជាររងកងអង្គរក្ស នាថ្ងៃទី២៨ ខែសីហា ឆ្នាំ២០២១នេះ ។លោក នាក់ ណេរ៉ុន អភិបាលរងខេត្តសៀមរាប ដែលមានវត្តមានទទួលស្វាគមន៍ទទួលអំណោយដ៏ថ្លៃថ្លានេះ បានថ្លែងអំណរអរគុណដ៏ជ្រាលជ្រៅបំផុត ជូនចំពោះសម្ដេចតេជោ ប្រមុខនៃរាជរដ្ឋាភិបាលកម្ពុជា និងសម្តេចកិត្តិព្រឹទ្ធបណ្ឌិត ដែលបានចាត់តំណាងនាំយកផ្លែមៀនចំនួន៥តោន ផ្តល់ជូនរដ្ឋបាលខេត្តសៀមរាប ដើម្បីចាត់ចែងឧបត្ថម្ភជូនដល់កងកម្លាំងអាវសជួរមុខ កងកម្លាំងសមត្ថកិច្ច មន្ត្រីរាជការនៃបណ្តាក្រុង-ស្រុក និងមន្ទីរ-អង្គភាពជុំវិញខេត្ត រួមទាំងឧបត្ថម្ភឲ្យបានដល់ផងដែរ អ្នកកំពុងធ្វើចត្តាឡីស័ក នៅតាមមណ្ឌលនានាក្នុងខេត្តសៀមរាប។អភិបាលរងខេត្តសៀមរាប បានបញ្ជាក់ថា អ្វីដែលត្រូវបានបង្កប់នៅក្នុងអំណោយផ្លែមៀននេះ គឺការរួមសុខរួមទុក្ខរបស់ថ្នាក់ដឹកនាំជាមួយប្រជាពលរដ្ឋនៅក្នុងស្ថានភាពនៃវិបត្តិកូវីដ-១៩ ក្នុងនោះគោលដៅសំខាន់ គឺជួយសម្រាលការខូចខាត ចេញពីបញ្ហាប្រឈមទីផ្សាររបស់ប្រជាកសិករដាំដំណាំមៀន (តាង៉ែន) ដែលក្នុងរដូវប្រមូលផលឆ្នាំនេះ ត្រូវបានស្ថិតក្នុងស្ថានភាពនៃការបាត់បង់ទីផ្សារ យ៉ាងធ្ងន់ធ្ងរនោះ ដែលនេះគឺជាគុណភាពគំរូរបស់ថ្នាក់ដឹកនាំកំពូល និងជាសម្បត្តិធនាគារមនសិកានៃសង្គមកម្ពុជា។ក្នុងនាមថ្នាក់ដឹកនាំខេត្ត កម្លាំងសមត្ថកិច្ច មន្ត្រីរាជការ និងប្រជាពលរដ្ឋក្នុងខេត្តសៀមរាប លោក នាក់ ណេរ៉ុន បានបួងសួងដល់វត្ថុស័ក្ដិសិទ្ធិក្នុងលោក និងបារមីព្រះមហាក្សត្រខ្មែរគ្រប់ជំនាន់ សូមជួយថែរក្សាព្រះរាជាណាចក្រកម្ពុជា គោរពជូនពរជូនសម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធ ប៊ុន រ៉ានី-ហ៊ុនសែន ប្រធានកាកបាទក្រហមកម្ពុជា សូមសម្តេចទាំងទ្វេព្រមទាំងបុត្រាបុត្រី ចៅប្រុសចៅស្រី ប្រកបដោយពុទ្ធពរបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕Ngin Kimleng

បណ្ដាញសង្គម

ព័ត៌មានថ្មីៗ

អតីតមន្ត្រី CIA ត្រូវបានចោទប្រកាន់ពីបទលួចដុំមាសមានតម្លៃរាប់លានដុល្លារពីរដ្ឋាភិបាលសហព័ន្ធ

ប្រមុខចារកម្មតាមអ៊ីនធឺណិតអង់គ្លេសហៅ AI ថា ជា «កម្លាំងដែលមិនអាចបញ្ឈប់បាន» និងព្រមានអំពី រុស្ស៊ី

កូវ៉ែតនិយាយថា ប្រព័ន្ធការពារដែនអាកាសរបស់ខ្លួន កំពុងស្ទាក់ចាប់មីស៊ីល និងការវាយប្រហារដោយ យានដ្រូន

UN ព្រួយបារម្ភយ៉ាងខ្លាំងចំពោះការសម្លាប់ជនស៊ីវិលហ្កាហ្សាដោយអ៊ីស្រាអែល នៅជិតខ្សែបន្ទាត់បទឈប់បាញ់

ជនជាតិហ្គាណា ៣០០នាក់ វិលត្រឡប់មកពីអាហ្វ្រិកខាងត្បូងវិញ បន្ទាប់ពីមានភាពតានតឹងប្រឆាំងជនអន្តោប្រវេសន៍

ផ្ទុះស៊ីទែនស្តុកគីមីនៅរដ្ឋវ៉ាស៊ីនតោន បានបណ្តាលឲ្យមនុស្សយ៉ាងតិច ២នាក់ ស្លាប់ និង ៩នាក់ បាត់ខ្លួន

ន័រវែសនឹងចូលរួមកម្មវិធីទប់ស្កាត់នុយក្លេអ៊ែរដឹកនាំដោយប្រទេសបារាំង

អារ៉ាប៊ីសាអ៊ូឌីតផ្តល់ជំនួយដល់ប្រទេសយេម៉ែននូវផលិតផលប្រេងដែលមានតម្លៃ ១៥០លានដុល្លារ អាមេរិក

មន្ត្រីជាន់ខ្ពស់ក្រុមហេសបូឡាបដិសេធការរំសាយអាវុធ ខណៈអ៊ីស្រាអែលបន្តវាយប្រហារនៅភាគខាងត្បូងលីបង់

នាយករដ្ឋមន្ត្រីអ៊ីរ៉ាក់ជំរុញឲ្យក្រុមប្រដាប់អាវុធធ្វើប្រតិបត្តិការ ក្រោមអំណាចរបស់រដ្ឋ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

គ.ជ.ប.ប្រកាសឲ្យពលរដ្ឋទៅពិនិត្យ និងចុះឈ្មោះបោះឆ្នោតថ្មីនាពាក់កណ្តាលខែតុលាដល់ចុងខែវិច្ឆិកាខាងមុខ

អាជ្ញាធររាជធានីភ្នំពេញ ត្រៀមរៀបចំបើកសាលារៀនឡើងវិញ ក្នុងពេលឆាប់ៗនេះ

កម្ពុជាបន្ដរកឃើញមនុស្ស៤១៦នាក់ឆ្លងកូវីដ-១៩ ខណៈអ្នកជំងឺ៣៨៦នាក់ទៀត ត្រូវបានព្យាបាលជាសះស្បើយ

អ្នកជំងឺកូវីដ-១៩ សម្រាកព្យាបាលនៅពហុកីឡដ្ឋានជាតិអូឡាំពិក បានថយចុះនៅត្រឹមជាង ១១០០នាក់

ឯកឧត្តម ហ៊ុន ម៉ានី ៖ កម្ពុជាមានសមត្ថភាពគ្រប់គ្រាន់ក្នុងការដោះបញ្ហាតូចធំទាំងអស់ឲ្យតែមានភាពសាមគ្គីគ្នា

គិតត្រឹមខែសីហា ឆ្នាំ២០២១ កម្ពុជាមានវ៉ាក់សាំងបង្ការជំងឺកូវីដ-១៩ ចំនួន២៧លានដូស

សម្តេចតេជោ ប្រាប់ទៅក្រសួងអប់រំពិភាក្សាជាមួយអាជ្ញាធររាជធានី-ខេត្តបើកសាលារៀនមួយចំនួនឡើងវិញ

ពលករខ្មែរ ឆ្លងដែនមកពីថៃ តាមច្រកខេត្តបន្ទាយមានជ័យ មានការថយចុះច្រើន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

គ.ជ.ប.ប្រកាសឲ្យពលរដ្ឋទៅពិនិត្យ និងចុះឈ្មោះបោះឆ្នោតថ្មីនាពាក់កណ្តាលខែតុលា​ដល់​ចុង​ខែវិច្ឆិកា​ខាងមុខ

អាជ្ញាធររាជធានីភ្នំពេញ ត្រៀមរៀបចំបើកសាលារៀនឡើងវិញ ក្នុងពេលឆាប់ៗនេះ

អ្នកជំងឺកូវីដ-១៩ សម្រាកព្យាបាលនៅពហុកីឡដ្ឋានជាតិអូឡាំពិក បានថយចុះនៅ​ត្រឹមជាង​ ១១០០នាក់

គិតត្រឹមខែសីហា ឆ្នាំ២០២១ កម្ពុជាមានវ៉ាក់សាំងបង្ការជំងឺកូវីដ-១៩ ចំនួន២៧លានដូស

សម្តេចតេជោ ប្រាប់ទៅក្រសួងអប់រំពិភាក្សាជាមួយអាជ្ញាធររាជធានី-ខេត្តបើកសាលារៀន​មួយចំនួន​ឡើងវិញ

ពលករខ្មែរ ឆ្លងដែនមកពីថៃ តាមច្រកខេត្តបន្ទាយមានជ័យ មានការថយចុះច្រើន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

គ.ជ.ប.ប្រកាសឲ្យពលរដ្ឋទៅពិនិត្យ និងចុះឈ្មោះបោះឆ្នោតថ្មីនាពាក់កណ្តាលខែតុលាដល់ចុងខែវិច្ឆិកាខាងមុខ

អ្នកជំងឺកូវីដ-១៩ សម្រាកព្យាបាលនៅពហុកីឡដ្ឋានជាតិអូឡាំពិក បានថយចុះនៅត្រឹមជាង ១១០០នាក់

សម្តេចតេជោ ប្រាប់ទៅក្រសួងអប់រំពិភាក្សាជាមួយអាជ្ញាធររាជធានី-ខេត្តបើកសាលារៀនមួយចំនួនឡើងវិញ