នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

អាជ្ញាធរជាតិអប្សរា និង​គ្រឹះស្ថាន​អង្គរ ប្រកាសបិទរមណីយដ្ឋានអង្គរលើកទី២

2021/07/30 01:01:00 pm        351
Facebook Telegram Linkin
សៀមរាប ៖ អាជ្ញាធរជាតិអប្សរា និង​គ្រឹះស្ថាន​អង្គរ បានប្រកាសបិទមិនឲ្យ​ចូលទស្សនា​ប្រាសាទនានា​ទាំងភ្ញៀវជាតិ និងអន្ដរជាតិ នៅក្នុងរមណីយដ្ឋានអង្គរ ជាបណ្តោះអាសន្នជាលើកទី២ រយៈពេល២អាទិត្យទៀត ដើម្បីទប់ស្កាត់ការឆ្លងរាលដាល នៃមេរោគកូវីដ-១៩ ប្រភេទដែលតា (Delta) ក្នុងសហគមន៍ ។ការប្រកាសបិទនេះ ចាប់ពីថ្ងៃទី៣០ខែកក្កដា ដល់ថ្ងៃទី១២ខែសីហា ឆ្នាំ២០២១នេះ។លោក ឡុង កុសល អគ្គនាយករង និងជាអ្នកនាំពាក្យអាជ្ញាធរជាតិអប្សរា បាន​ឲ្យដឹង​នៅថ្ងៃទី៣០ខែកក្កដានេះថា ដោយអនុលោមតាមសេចក្តីសម្រេចរាជរដ្ឋាភិបាល ស្តីពីការបិទខ្ទប់ភូមិសាស្ត្រខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ខេត្តឧត្តរមានជ័យ ខេត្តព្រះវិហារ និងខេត្តសៀមរាប អាជ្ញាធរជាតិអប្សរា និងគ្រឹះស្ថានអង្គរ បានសម្រេចបិទការលក់សំបុត្រ ចូលទស្សនា ប្រាសាទអង្គរ ក៏ដូចជាការចូលទស្សនាតាមប្រាសាទនានា នៅក្នុងឧទ្យាអង្គរជាបណ្ដោះអាសន្នចំនួន២សប្ដាហ៍ ដោយចាប់ពីថ្ងៃទី៣០ខែកក្កដា ដល់ថ្ងៃទី១២ខែសីហា ឆ្នាំ២០២១នេះ។ អាជ្ញាធរជាតិអប្សរា បានជូនដំណឹងដល់ក្រសួង ស្ថាប័នជាតិ អន្តរជាតិ អាជ្ញាធរដែនដី មន្ទីរអង្គភាព សមាគមទីភ្នាក់ងារទេសចរណ៍ សមាគម​មគ្គុទ្ទេសក៍​ទេសចរណ៍ សមាគមដឹកជញ្ជូនភ្ញៀវទេសចរ ក្រុមហ៊ុនទេសចរណ៍ ភ្ញៀវទេសចរជាតិ-អន្តរជាតិ សាធារណជន ព្រមទាំងប្រជាពលរដ្ឋទាំងអស់ ឲ្យបានដឹងពីការប្រកាសបិទនេះ។អាជ្ញាធរទាំងពីរនេះ បានបញ្ជាក់ថា ការសម្រេចបិទការលក់សំបុត្រចូលប្រាសាទនានា នៅក្នុងរមណីយដ្ឋានបុរាណមួយនេះ ដើម្បីទប់ស្កាត់ការឆ្លងរាលដាល នៃមេរោគកូវីដ-១៩បំម្លែងថ្មីប្រភេទដែលតា (Delta)ចូលក្នុងសហគមន៍។លោក បានបន្ដថា បើទោះបី រមណីយដ្ឋានអង្គរទាំងមូលត្រូវបានបិទ មិនអោយចូលទស្សនា​ជាបណ្ដោះអាសន្នក្ដី ប៉ុន្ដែសម្រាប់ក្រុមការងារ នៃអាជ្ញាធរជាតិអប្សរា នៅតែបន្ដបំពេញការងារ ធ្វើការជួសជុល និងអភិរក្ស និងអភិវឌ្ឍន៍នៅក្នុងតំបន់រមណីយដ្ឋានអង្គរដដែល។ជាមួយគ្នានេះដែរ រដ្ឋបាលខេត្តសៀមរាប ក៏បានចេញសេចក្តីសម្រេចកំណត់"តំបន់ ក្រហម" ក្នុងភូមិសាស្ត្រឃុំកំពង់ឃ្លាំង និង "តំបន់លឿងទុំ"នៅក្នុងភូមិសាស្ត្រឃុំកៀនសង្កែ ឃុំដានរុន ស្រុកសូទ្រនិគម ខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ក្នុងភូមិសាស្ត្រខេត្តសៀមរាប។សូមបញ្ជាក់ថា កាលពីខែមេសាឆ្នាំ២០២១នេះ អាជ្ញាធរជាតិអប្សរា និង​គ្រឹះស្ថាន​អង្គរ ក៏បានប្រកាស​រួមគ្នាពីការផ្អាកលក់សំបុត្រ និងការចូលទស្សនារមណីយដ្ឋានអង្គរចំនួន២៣ថ្ងៃម្ដងមកហើយ ដោយក្នុងនោះ ចាប់ពីថ្ងៃទី០៧ រហូតដល់ថ្ងៃទី២៨ ខែមេសាឆ្នាំ២០២១ បន្ទាប់ពីរដ្ឋាភិបាល ប្រកាសផ្អាកតំបន់ទេសចរណ៍ទូទាំងប្រទេស ដើម្បីទប់ស្កាត់ការរាលដាលជំងឺកូវីដ-១៩៕អត្ថបទ ៖ សាវី

អាមេរិកទទួលស្គាល់ការខិតខំប្រឹងប្រែងរបស់គ្រួពេទ្យកម្ពុជា ក្នុងកិច្ចការប្រយុទ្ធប្រឆាំង និងជំងឺកូវីដ១៩

2021/07/30 05:36:43 am        292
Facebook Telegram Linkin
ភ្នំពេញ ៖ ភារធារីអាមេរិកប្រចាំនៅកម្ពុជា បានថ្លែងកោតសរសើរ និងទទួលស្គាល់​ចំពោះកិច្ច​ខិតខំ​ប្រឹងប្រែង របស់ក្រុមគ្រូពេទ្យកម្ពុជា លើកិច្ចការងារទប់ស្កាត់ នៃការរីករាលដាលនូវមេរោគសាកល​កូវីដ១៩ បានឆាប់រហ័ស បើទោះបីជាការទប់ស្កាត់នេះពុំទាន់ជោគជ័យ​ធំធេងក្តី ក៏ប៉ុន្តែកម្ពុជា​រៀបចំ​បានយ៉ាងល្អ និងឆាប់រហ័សផងដែរ​ចំពោះប្រព័ន្ធការពារនូវមេរោគដ៏សាហាវមួយនេះ។ថ្លែងក្នុងឱកាសទទួលនូវវ៉ាក់សាំងកូវីដ-១៩ Johnson & Johnson ដែលជាជំនួយរបស់រដ្ឋាភិបាល និងប្រជាជនអាមេរិក តាមរយៈមជ្ឈមណ្ឌលកូវ៉ាក់ មកដល់ព្រលានយន្តហោះអន្តរជាតិភ្នំពេញ​ថ្ងៃទី៣០ ខែកក្កដា ឆ្នាំ២០២១នេះ លោក ភារធារី (ឯកអគ្គរដ្ឋទូតស្តីទី) បានលើកឡើងថា ទាំង​អង្គការ​សុខភាពពិភពលោក ក្រុមគ្រូពេទ្យរបស់កម្ពុជា បានខិតខំយ៉ាងខ្លាំងក្នុងកិច្ចការពារទប់ស្កាត់​នៃការរីករាលដាលនូវមេរោគកូវីដ១៩ នៅប្រទេសកម្ពុជា តាមរយៈកិច្ចខិតខំប្រឹងប្រែងនេះ សហរដ្ឋអាមេរិក​នៅតែធ្វើជាដៃគូដ៏ល្អ និងបន្តផ្តល់ឧបករណ៍នានាដល់កម្ពុជាដើម្បីបញ្ចប់ នៃការរីករាលដាលនៃមេរោគនេះ។សូមបញ្ជាក់ថា តាមរយៈមជ្ឈមណ្ឌលកូវ៉ាក់ សហរដ្ឋអាមេរិក បានប្រកាសផ្តល់វ៉ាក់សាំងចំនួន ១លានដូសដល់រាជរដ្ឋាភិបាល និងប្រជាជនកម្ពុជា។ វ៉ាក់សាំងដែលមកដល់កម្ពុជា នាព្រឹកថ្ងៃនេះ មានចំនួន៥០ម៉ឺនដូស ដោយឡែកចំនួន៥០ម៉ឺនដូសទៀត នឹងដឹកមកដល់នៅថ្ងៃទី២ ខែសីហាខាងមុខ។ថ្លែងនៅក្នុងឱកាសទទូល នូវវ៉ាក់សាំងនេះដែរ ឯកឧត្តម បណ្ឌិត ម៉ម ប៊ុនហេង រដ្ឋមន្រ្តីក្រសួង​សុខាភិបាល​កម្ពុជា បានលើកឡើងថា អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់​សហរដ្ឋអាមេរិក ចំពោះប្រជាជនកម្ពុជា និងនៅក្នុងតំបន់ ក្នុងពេលកំពុងតែប្រឹងងើបចេញ​ពីជំងឺ​រាតត្បាតយ៉ាងធ្ងន់ធ្ងរនេះ។រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំប្រទេស បានដាក់ចេញ​ផែន​ការ​ផ្តល់វ៉ាក់​សាំងជូនប្រជាពលរដ្ឋ ជាផែនការយុទ្ធសាស្ត្រមួយក្នុងការប្រយុទ្ធប្រឆាំង​នឹង​ជំងឺ​កូវីដ-១៩។ កម្ពុជា ក៏បានស្វះស្វែងយ៉ាងខ្លាំងក្នុងការរកវ៉ាក់សាំងមកចាក់ជូនប្រជាពលរដ្ឋរបស់ខ្លួន ដោយរហូតមកដល់ពេលពេលបច្ចុប្បន្ននេះ រាជរដ្ឋាភិបាលកម្ពុជា បានមានវ៉ាក់សាំងជាង ១៧លាន​ដូសហើយ ដែលក្នុងនោះមានទាំងការផ្តល់ជំនួយ និងការបញ្ជាទិញជាដើម។សូមបញ្ជាក់ផងដែរថា រហូតមកដល់ថ្ងៃនេះ មានប្រទេសជាមិត្តចំនួន៤ហើយ​បាន​ផ្តល់ជំនួយ​ជា​វ៉ាក់សាំងមកកម្ពុជា ដោយក្នុងនោះមានប្រទេសចិន ផ្តល់វ៉ាក់សាំងជាង ២លានដូស ជប៉ុន ១លានដូស អាមេរិក ១លានដូស និងអង់គ្លេស ៤១ម៉ឺន ៥ពាន់ដូស៕អត្ថបទ ៖ បាន ចក់

ប្រធានមន្ទីរសុខាភិបាលរាជធានី ស្នើប្រជាពលរដ្ឋធ្វើតេស្តរកកូវីដ-១៩ ដោយខ្លួនឯង បើ លទ្ធផលវិជ្ជមាន សូមជូនដំណឹងមកអាជ្ញាធរសង្កាត់-ខណ្ឌ

2021/07/30 11:39:08 am        407
Facebook Telegram Linkin
ភ្នំពេញ ៖ ប្រធានមនី្ទរសុខាភិបាលរាជធានីភ្នំពេញ ឯកឧត្តម វេជ្ជបណ្ឌិត ងី មានហេង បានសើ្នឲ្យបងប្អូនប្រជាពលរដ្ឋ ដែលរស់នៅក្នុងរាជធានីភ្នំពេញទាំងអស់ បានធ្វើតេស្តរកមេរោគកូវីដ-១៩ ដោយខ្លួនឯង បើទទួលបានលទ្ធផលវិជ្ជមាន សូមជូនដំណឹងមកអាជ្ញាធរភូមិ សង្កាត់ ខណ្ឌ ឬ មន្ត្រីសុខាភិបាលដែលនៅជិតបំផុតជាបន្ទាន់។ឯកឧត្តមវេជ្ជបណ្ឌិត ងី មានហេង បានឲ្យដឹងទៀតថា ការធ្វើតេស្តរកឃើញលទ្ធផលវិជ្ជមានកូវីដ-១៩ របស់​បងប្អូនប្រជាពលរដ្ឋ សូមកុំលាក់លៀមនូវតេស្តវិជ្ជមានកូវីដ១៩របស់បងប្អូន។ ការប្រកាសលទ្ធផល គឺជាការចូលរួមទប់ស្កាត់ការរាតត្បាតនៃជំងឺកូវីដ-១៩នៅក្នុងរាជធានីភ្នំពេញ។ ជាពិសេសការអនុវត្តព្យាបាលតាមផ្ទះនេះ បានចាប់ផ្តើមតាំងពីខែមេសា និងខែឧសភា ឆ្នាំ២០២១ រហូតមកដល់សព្វថ្ងៃនេះ ក្នុងរាជធានីភ្នំពេញ មានអ្នកជំងឺកូវីដ-១៩កម្រិតសម្រាល ចំនួនជាង៣០០០នាក់ហើយ ត្រូវបានដាក់ឲ្យសម្រាកព្យាបាលនៅតាមផ្ទះ។ឯកឧត្តម ប្រធានមនី្ទរសុខាភិបាលរាជធានីភ្នំពេញ បានបញ្ជាក់ទៀតថា អ្នកខ្លះបានធ្វើតេស្តកូវីដ-១៩រួចរាល់ហើយ លទ្ធផលបង្ហាញថាគាត់វិជ្ជមានកូវីដ-១៩ លាក់លៀមមិនរាយការណ៍មកអាជ្ញាធរ និងមន្រី្តសុខាភិបាលនោះទេ ប៉ុន្តែនៅពេលមានបញ្ហាកើតឡើង គាត់ស្រែកប្រកាសឡើងឡូឡា។ ការបិទបាំងនិងលាក់លៀមនូវលទ្ធផលវិជ្ជមានកូវីដ-១៩របស់បុគ្គលនោះ គឺគាត់បានរំលោភ​លើ​អនុក្រិត្យដែលបានណែនាំរួចហើយ។ អ្នកដែលធ្វើតេស្តរកកូវីដ១៩រួច មានវិជ្ជមានកូវីដ-១៩ មិនប្រាប់អាជ្ញាធរដែន និងមន្រី្តសុខាភិបាល​ដែលនៅកៀកបំផុត បានន័យថាគាត់មិនបានបំពេញកាតព្វកិច្ចជាពលរដ្ឋល្អនោះទេ ត្រូវតែធ្វើនិងចូលរួមអនុវត្តន៍ដើម្បីកាត់ផ្តាច់ការចម្លងមេរោគកូវីដ-១៩៕អត្ថបទ រដ្ឋា 

គម្រោងមណ្ឌលព្យាបាលអ្នកជំងឺកូវីដ១៩ កម្រិត​ស្រាលនៅភូមិខ្លាកូនថ្មី ខេត្ដបន្ទាយមានជ័យ អាចដាក់ពលករបានជាង៣.០០០នាក់

2021/07/29 12:21:22 pm        406
Facebook Telegram Linkin
បន្ទាយមានជ័យ ៖ គម្រោងមណ្ឌលព្យាបាលអ្នកជំងឺកូវីដ១៩ ​កម្រិត​ស្រាល មួយកន្លែងផ្សេងទៀត​ ដែលបាន​នឹង​កំពុងរៀបចំ​​ទាំងថ្ងៃទាំងយប់ ស្ថិតនៅចំណុចភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ អាចដាក់ពលករបានជាង៣.០០០នាក់។ឯកឧត្ដម អ៊ុ រាត្រី អភិបាលខេត្តបន្ទាយមានជ័យ ​បានឲ្យដឹងថា មណ្ឌលព្យាបាលអ្នកជំងឺកូវីដ១៩ កម្រិតស្រាលនៅភូមិខ្លាកូនថ្មីនេះ មានផ្ទៃដី២ហិកតា ហើយមានរោង២ ដែលមានទំហំ១ហិកតា​ដែល​សាងសង់​ដោយក្រុមការងាររបស់នាយឧត្តមសេនីយ៍ ខេង សុមេធ អគ្គស្នងការរង​នគរបាល​ជាតិ និងជាប្រធានអនុគណៈកម្មការសាងសង់​នៃគណៈកម្មការជាតិប្រយុទ្ធនឹងជំងឺកូវីដ១៩ បាននឹងកំពុងសម្រុកធ្វើការសាងសង់និងជួសជុលអតីតសំណង់រោងចក្រមួយនេះ ទាំងថ្ងៃទាំងយប់ ដើម្បីសម្រួលឲ្យបានឆាប់ហើយរួចរាល់សំរាប់ទទួលពលករវិលត្រលប់មកពីប្រទេសថៃបានស្នាក់នៅធ្វើចត្តាឡីស័ក ក៏ដូចជាស្នាក់នៅព្យាបាលអ្នកជំងឺផងដែរ ។ជាមួយគ្នានោះដែរ គណៈកម្មការប្រយុទ្ធនឹងជំងឺកូវីដ១៩ ខេត្តបន្ទាយមានជ័យ ដោយបានមានការ​គាំទ្រ​ពីថ្នាក់លើ បាននឹងកំពុងសាងសង់​បន្ថែមមណ្ឌលចត្តាឡីស័ក ២កន្លែងផ្សេងទៀត ក្នុងភូមិសាស្រ្តខេត្តបន្ទាយមានជ័យ សំរាប់ត្រៀមបន្ត ខណៈមណ្ឌលនេះនៅពេលសង់រួចអាច​មាន​តម្រូវខ្វះខាត។ក្នុងស្រុកព្រះនេត្រព្រះ បានត្រៀមកំពុងរៀបចំមណ្ឌលចត្តាឡីស័កថ្មី១កន្លែងទៀត នៅវិទ្យាល័យ ហ៊ុន សែន ទឹកជោរឃុំទឹកជោរ សម្រាប់ទទួលពលករខ្មែរ ដែលបញ្ជូនត្រឡប់ពីប្រទេសថៃ ក្នុងស្រុកនេះដែរអាចដាក់ចំណុះបានជិត២.០០០នាក់។ មណ្ឌលផ្សេងទៀតចំនួន៣កន្លែង ១,នៅវិទ្យាល័យហ៊ុន សែន ជប់វារី ឃុំជប់វារី(ទីរួមស្រុក) ២,វិទ្យាល័យហ៊ុន សែន ឈ្នួរមានជ័យ ឃុំឈ្នួរមានជ័យ ៣,នៅវិទ្យាល័យទឹកជោរឃុំទឹកជោរនេះ សម្រាប់ដាក់ពលករមកពីប្រទេសថៃ។នឹងស្រុកមង្គលបូរី មានមណ្ឌលចត្តាឡីស័កធំៗ៣កន្លែង គឺ ១/នៅវិទ្យាល័យមង្គលបូរី។២/នៅវិទ្យាល័យហ៊ុន សែនមង្គលបូរី នៅឃុំឬស្សីក្រោក។ ៣/វិទ្យាល័យ ភ្នំធំ នៅឃុំអូរប្រាសាទ ដែលអាចដាក់ពលករវិលពីប្រទេសថៃចំនួនជាង២.០០០នាក់ ។គួរបញ្ជាក់ថា នៅខេត្តបន្ទាយមានជ័យ មានមណ្ឌលចត្តាឡីស័កជាង២០កន្លែង នៅទូទាំង៩ស្រុក/ ក្រុង៕អត្ថបទ ៖ ឃិនសារិទ្ធ

គ្រូពេទ្យប្រមាណ៤០០នាក់របស់មនី្ទរសុខាភិបាលរាជធានីភ្នំពេញ នឹង​ចូលរួម​យុទ្ធនាការ​ចាក់វ៉ាក់​សាំងកូវីដ-១៩ ជូនកុមារនិងយុវវ័យ

2021/07/29 10:38:46 am        342
Facebook Telegram Linkin
ភ្នំពេញ ៖ ឯកឧត្តម វេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញបា្រប់BTV ព័ត៌មាននាព្រឹកថ្ងៃទី២៩ ខែកក្កដា ឆ្នាំ២០២១នេះថា ក្រុមការងារគ្រូពេទ្យប្រមាណ៤០០នាក់រ​បស់​មនី្ទរសុខាភិបាលរាជធានីភ្នំពេញ នឹងចូលរួមក្នុងយុទ្ធនាការចាក់វ៉ាក់សាំងកូវីដ-១៩ ប្រភេទស៊ីណូវ៉ាក់ ជូនកុមារ និងយុវវ័យ​អាយុចាប់ពី១២ឆ្នាំ ដល់អាយុក្រោម១៨ឆ្នាំ ដោយ​អនុវត្តនូវយុទ្ធសាស្រ្ត​ផ្ការីក របស់​សម្តេចតេជោ ហ៊ុន សែន នាយករដ្ឋមន្រី្ត ចាប់ពីថ្ងៃទី១ ខែសីហា ឆ្នាំ២០២១។ឯកឧត្តមវេជ្ជបណ្ឌិត ងី មានហេង បាន​ឲ្យ​ដឹងទៀតថា ក្នុងយុទ្ធនាការចាក់វ៉ាក់សាំងកូវីដ-១៩ ជូនកុមារ និងយុវវ័យ អាយុចាប់ពី១២ឆ្នាំ រហូតដល់១៧ឆ្នាំនេះ គឺមានថ្នាក់ជាតិ និងថ្នាក់មន្ទីរ។ ដោយឡែកថ្នាក់ជាតិ គឺរៀបចំចាត់ចែងចាក់វ៉ាក់សាំងកូវីដ-១៩ នៅមនី្ទរពេទ្យរដ្ឋថ្នាក់ជាតិទាំងអស់។ និយាយដោយឡែកថ្នាក់មនី្ទរសុខាភិបាលរាជធានីភ្នំពេញ មានចំនួន៣៩ទីតាំង គឺមាន៧មនី្ទរពេទ្យ​បង្អែក និង៣២មណ្ឌលសុខភាព និងក្រុមការងារគ្រូពេទ្យចំនួនសរុបប្រមាណ៤០០នាក់ ត្រៀម​ទទួល​ចាក់វ៉ាក់សាំងកូវីដ-១៩ជូនកុមារ និងយុវវ័យ ក្នុងនោះសម្រាប់មនី្ទរពេទ្យបង្អែក ក៏បែងចែក​ក្រុមការងារគ្រូពេទ្យជា២ក្រុម។ ដូច្នេះក្នុងយុទ្ធនាការចាក់វ៉ាក់សាំងកូវីដ-១៩ ជូនកុមារខាងលើចាប់ពីថ្ងៃទី១ ខែសីហា ឆ្នាំ២០២១ ខាង​មុខនេះ ក៏តម្រូវឲ្យមាតា បិតា អាណាព្យាបាល យកឯកសារមកជាមួយពេលមក​ចាក់វ៉ាក់​សាំងកូវីដ-១៩ផងដែរ។ឯកឧត្តមវេជ្ជបណ្ឌិត ងី មានហេង បានបញ្ជាក់ទៀតថា សម្រាប់យុទ្ធនាការចាក់វ៉ាក់សាំងកូវីដ-១៩ ប្រភេទស៊ីណូវ៉ាក់ ដល់កុមារ និងយុវវ័យ អាយុចាប់ពី១២ឆ្នាំ ដល់អាយុក្រោម១៨ឆ្នាំ ខាងមុខនេះ សូមអំពាវនាវដល់មាតា បិតា ឬអាណាព្យាបាល ត្រូវអនុវត្តន៍វិធានការសុខាភិបាល ពាក់ម៉ាស់ រក្សាគម្លាតសុវតិ្ថភាពចាប់ពី១,៥ម៉ែត្រឡើង លាងដៃ​ញឹកញាប់ ដើម្បីការពារការចម្លងវីរុសកូវីដ-១៩ នៅតាមទីតាំងចាក់វ៉ាក់សាំង៕អត្ថបទ រដ្ឋា

ខេត្តមណ្ឌលគិរីមានអ្នកជាសះស្បើយពីជំងឺកូវីដ១៩ ជាង២០០នាក់ ខណៈអាជ្ញាធរបន្តចាក់វ៉ាក់សាំងជូនពលរដ្ឋបានប្រមាណ១ម៉ឺននាក់បន្ថែមទៀត

2021/07/28 11:30:01 am        352
Facebook Telegram Linkin
មណ្ឌលគិរី៖ ខេត្តមណ្ឌលគិរីនៅតែបន្តរកឃើញអ្នកវិជ្ជមានជំងឺកូវីដ១៩រៀងរាល់ថ្ងៃ ប៉ុន្តែតួលេខអ្នកឆ្លងថ្មីហាក់មានការថមថយ មិនមានច្រើនដូចពេលមុននោះទេ ពោលគឺចំនួនក្រោម១០នាក់ក្នុងមួយថ្ងៃ ។ ទន្ទឹមនេះ ក្រុមគ្រូពេទ្យជួរមុខបានខិតខំជាខ្លាំងព្យាបាលអ្នកជំងឺឲ្យជាសះស្បើយច្រើននាក់ ដោយគិតត្រឹមល្ងាចម្សិលមិញ អ្នកជំងឺកូវីដ១៩បានសះស្បើយ ត្រឡប់ទៅផ្ទះវិញ សរុបចំនួន២០៨នាក់ហើយ ខណៈអ្នកឆ្លងថ្មីមាន០៦នាក់ប៉ុណ្ណោះ ។នាយករដ្ឋបាលសាលាខេត្តមណ្ឌលគិរី លោក ស៊ន សារុន បានថ្លែងប្រាប់តាមទូរស័ព្ទថា គិត​រហូត​មកដល់ពេលនេះ ខេត្តមណ្ឌលគិរីមានអាត្រាអ្នកឆ្លងជំងឺកូវីដ១៩សរុប​ចំនួន៣១០ករណី អ្នកជាសះស្បើយ២០៨ករណី អ្នកស្លាប់០២ករណី កំពុងសម្រាកព្យាបាល១០០ករណី ។ ចំពោះអ្នកកំពុងចត្តាឡីស័កវិញ នៅក្នុងមណ្ឌលមាន៤៣ករណី ចំណែកនៅតាមផ្ទះ៦៥៧ករណី ។លោក បន្តថា សម្រាប់ខេត្តមណ្ឌលគិរី​បានអនុវត្តការចាក់វ៉ាក់សាំងជូនមន្ត្រី​រាជការ​និង​ប្រជាពលរដ្ឋ​ចំនួន៣វគ្គហើយ ដោយកាលពីវគ្គទី១ និងវគ្គទី២ បានអនុវត្តក្នុងក្រុងសែនមនោរម្យ បានចំនួន​ជាង​៦ពាន់នាក់ (ពីរដូស) ចំណែកនៅវគ្គទី៣នេះគឺអនុវត្តតាមបណ្ដាស្រុក ក្នុងនោះនៅស្រុកកែវសីមា បានចាក់ដូសទី១ជូនពលរដ្ឋប្រមាណ១ម៉ឺននាក់ ​ហើយយុទ្ធនាការនេះមិនទាន់បញ្ចប់ទេ ដោយ​អនុវត្ត​តាមបណ្ដាស្រុកផ្សេងៗទៀត ៕អត្ថបទ ៖ អ៊ិត ភីរុណ

កូនឈើប្រណិតចំនួនជាង៤០០ដើម ត្រូវបានដាំឡើងវិញ នៅតំបន់ការពារអភិរក្សសហគមន៍ ដែនជម្រកសត្វព្រៃសង្ឃរុក្ខាវ័ន

2021/07/27 04:28:59 am        701
Facebook Telegram Linkin
ឧត្តរមានជ័យ ៖ កូនឈើប្រណិតប្រភេទដើមក្រញូង ធ្នុងជាង៤០០ដើម ត្រូវបាន​ដាំបន្ថែមឡើងវិញ ក្នុងតំបន់ការពារអភិរក្សសហគមន៍ដែនជម្រកសត្វព្រៃសង្ឃរុក្ខាវ័ន ដើម្បី​លើកកម្ពស់ទ្រទ្រង់​ជីវចម្រុះ​បរិស្ថាន​ក្នុងតំបន់នេះ ឲ្យមានភាពល្អប្រសើរឡើងបន្ថែមទៀត។លោក ភួង លីណា ប្រធានមន្ទីរបរិស្ថានខេត្តឧត្តរមានជ័យ បានលើកឡើងថា ការដាំកូនឈើ​ប្រណិតៗ​ ប្រភេទដើមក្រញូង​នឹងដើមធ្នុង ចំនួនជាង៤០០ដើម នាពេលនេះ​គឺ​មានការចូលរួមគាំទ្រ​ពីក្រុមការងារយុវជនគ្រូពេទ្យស្ម័គ្រចិត្តរបស់ឯកឧត្តម ហ៊ុន ម៉ានី រួមទាំងមន្រ្តីមូលដ្ឋានស្រុកអន្លង់វែង កងកម្លាំងវរសេនាតូច០៩៥ បាន​សហការណ៍រួមកម្លាំគ្នា ដើម្បី​បង្កើត​កម្មពិធីនេះឡើង​ក្នុង​គោល​បំណង​ថែរក្សាបរិស្ថានធនធានធម្មជាតិជីវៈចម្រុះ ក្នុងតំបន់នេះ​ ឲ្យមានល្អប្រសើរឡើងបន្ថែមទៀត ដែលមានផ្ទៃដីដាំដុះប្រមាណ​៤ហិកតា។លោក បន្តថា ការដាំនឹងស្តារ​គម្រប​ព្រៃឈើឡើងវិញ​គឺ​មាន​អត្ថប្រយោជន៍​ច្រើន​អាចជួយដល់​ការ​ទាក់ទាញ​នូវប្រភព​ទឹក​ភ្លៀងទប់​ទល់​ការ​បម្រែបម្រួល​អាកាសធាតុ​នឹង​ជា​ជម្រក​ដ៏សំខាន់​របស់​សត្វព្រៃ​ ដ៏​​កម្រគ្រប់ប្រភេទ​ដែលរស់នៅក្នុងតំបន់ផងដែរ៕អ​ត្ថបទ សារិទ្ធ 

ការជួញដូរមនុស្ស និងអាជីវកម្មផ្លូវភេទនៅតែបន្តកើនឡើងបើទោះបីស្ថិតក្នុងស្ថានភាពកូវីដ១៩ យ៉ាងណាក៏ដោយ

2021/07/27 10:26:23 am        541
Facebook Telegram Linkin
ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បន្ត​អំពាវនាវ​ទៅដល់បងប្អនប្រជាពលរដ្ឋ និងដៃគូពាក់ព័ន្ធទាំងអស់រួមគ្នាប្រយុទ្ធប្រឆាំង​អំពើ​ជួញដូរ​មនុស្សនៅតាមមូលដ្ឋានបន្ថែម ខណៈឆមាសទី១ ឆ្នាំ២០២១នេះ បទល្មើសជួញដូរមនុស្ស និង​អាជីវកម្មផ្លូវភេទ មានការកើនឡើងរហូតទៅដល់១៩៨ករណី បើទោះបីប្រទេសកំពុងស្ថិតនៅក្នុង​ស្ថានការណ៍​ផ្ទុះរីករាលដាននូវមេរោគកូវីដ១៩ក៏ដោយនោះ។តាមរយៈផេកហ្វេសបុកផ្ទាល់ កាលពីម្សិលមិញ សម្តេចក្រឡាហោម ស ខេង ប្រធាន​គណៈកម្មាធិការជាតិ​ប្រយុទ្ធប្រឆាំងអំពើជួញដូរមនុស្ស បានលើកឡើងថា «សូមបងប្អូន​ប្រជា​​ពលរដ្ឋ បន្តចូលរួមសហការជាមួយអាជ្ញាធរ និងមន្រ្តីពាក់ព័ន្ធទាំងអស់នៅក្នុងការងារ​ប្រយុទ្ធប្រឆាំង​អំពើជួញដូរមនុស្សនេះ នៅតាមមូលដ្ឋានរបស់បងប្អូន តាមរយៈការមិនប្រព្រឹត្តអំពើល្មើស ការរាយ​ការណ៍​អំពីអំពើល្មើស និងការចូលរួម​ផ្សព្វផ្សាយ ពន្យល់ អប់រំណែនាំដល់​សាច់ញាតិ បងប្អូន អ្នកភូមិផងឱ្យមានការយល់ដឹងពីគ្រោះថ្នាក់នៃអំពើជួញដូរមនុស្ស ដែលស្ដែងឡើង​តាម​រយៈអាពាហ៍ពិពាហ៍​មិនស្របច្បាប់​ទៅក្រៅប្រទេស ការធ្វើចំណាកស្រុកខុសច្បាប់ និងការប្រើ​ឧបាយកល​ទុច្ចរិត​អូសទាញ ឃោសនា ក្រោមរូបភាពផ្សេងទៀតរបស់ជនល្មើសជាដើមនោះ»។ជាមួយគ្នានោះសម្ដេចក្រឡាហោម ស ខេង ក៏បានណែនាំទៅដល់ ថ្នាក់ដឹកនាំ មន្រ្តីរាជការ គ្រប់​ក្រសួងស្ថាប័នថ្នាក់ជាតិ និងថ្នាក់ក្រោមជាតិ ទាំងអស់ត្រូវបង្កើនប្រសិទ្ធភាពបំពេញការងារ ប្រយុទ្ធប្រឆាំងអំពើជួញដូរមនុស្សនេះបន្ថែមទៀត ជាពិសេសនៅក្នុងអំឡុងពេល​នៃ​ការ​រីករាលដាល​ជំងឺកូវីដ-១៩ដ៏គ្រោះថ្នាក់ទាំងនៅក្នុងប្រទេស​កម្ពុជា និងនៅក្រៅប្រទេស។បើតាមការលើកឡើងរបស់សម្តេចក្រឡាហោម ស ខេង បានបញ្ជាក់បន្ថែមទៀតថា ចាប់ពីខែមករា ដល់ខែមិថុនា ឆ្នាំ២០២១នេះ នាយកដ្ឋានប្រឆាំងការជួញដូរមនុស្ស និងការពារអនីតិជន និង​ស្នងការ​ដ្ឋាននគរបាលរាជធានី-ខេត្ត នៃអគ្គស្នងការដ្ឋាននគរបាលជាតិ នាយកដ្ឋានប្រឆាំង​បទល្មើស​បច្ចេកវិទ្យា កងរាជអាវុធហត្ថលើផ្ទៃប្រទេស បានតាមដានស្រាវជ្រាវ បង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ សរុបបាន១៩៨ករណី លើ៦៣ករណី កើនឡើងចំនួន ១៣៥ករណី ធៀបនឹងឆ្នាំ២០២០ ដោយឃាត់ខ្លួនជនសង្ស័យបញ្ជូនទៅសាលាដំបូងចំនួន ២៩១នាក់ និងបាន​សង្រ្គោះជនរងគ្រោះចំនួន ៧២១នាក់ ក្នុងនោះមាន អាយុក្រោម១៥ឆ្នាំ ៨៨នាក់ អាយុ១៥-១៧ឆ្នាំ ៦៣នាក់ និងអាយុពី១៨ឆ្នាំឡើងទៅចំនួន ៥៧០នាក់ និងបានប្រគល់ឱ្យមន្ទីរសង្គមកិច្ច ២៥នាក់ និងប្រគល់ឱ្យគ្រួសារ ៦៩៦នាក់។ នៅក្នុងរយៈពេលនេះដែរ ស្នងការដ្ឋាននគរបាលរាជធានី-ខេត្ត បានល្បាតឃ្លាំមើលគោលដៅ សង្ស័យមានសកម្មភាពអាជីវកម្មផ្លូវភេទបានចំនួន១.០៧៤លើក លើគោលដៅ៣១៨គោលដៅ មានចំនួនមនុស្សសរុបចំនួន ១.២៤៩នាក់ ក្នុងនោះមានស្រ្តី ១.០៣៦នាក់ និងបានធ្វើ​សកម្មភាព​បង្ការ ទប់ស្កាត់អំពើជួញដូរមនុស្ស និងអំពើធ្វើអាជីវកម្មផ្លូវភេទ តាមគោលដៅបម្រើសេវាកំសាន្ត ដែលអាចបង្កប់សេវាផ្លូវភេទ ដោយចុះធ្វើបច្ចុប្បន្នភាពទិន្នន័យស្ថិតិ និងធ្វើកិច្ចសន្យាហាមឃាត់ ការប្រព្រឹត្តបទល្មើស​សញ្ចារ កម្ម និងផ្សព្វផ្សាយច្បាប់ស្ដីពី ការបង្រ្កាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ដល់ម្ចាស់អាជីវកម្ម និងបុគ្គលិកធ្វើការក្នុងហាងម៉ាស្សា និងខារ៉ាអូខេជាដើម៕អត្ថបទបាន ចក់

អាជ្ញាធរខេត្តក្រចេះ បន្តយុទ្ធនាការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋនៅក្រមខណ្ឌទូទាំងខេត្ត

2021/07/26 04:50:37 pm        590
Facebook Telegram Linkin
ក្រចេះ ៖ នៅព្រឹកថ្ងៃទី២៦ ខែកក្កដា ឆ្នាំ២០២១នេះ រដ្ឋបាលខេត្តក្រចេះ បានសម្រេចផ្ដល់វ៉ាក់សាំង ការពារជំងឺកូវីដ-១៩ ជូនប្រជាពលរដ្ឋនៅក្នុងក្រមខណ្ឌទូទាំងខេត្តបន្ថែមទៀត បន្ទាប់ពីយុទ្ធនាការ ចាក់វ៉ាក់សាំងជូនប្រជាពលរដ្ឋ នៅក្នុងក្រុងក្រចេះ ស្រុកឆ្លូង និងស្រុក ព្រែកប្រសព្វរួចមក។យុទ្ធនាការចាក់វ៉ាក់សាំងកូវីដ-១៩នេះ និងបន្តចាក់ជូនបងប្អូនប្រជាពលរដ្ឋរស់នៅតាមបណ្ដា​ឃុំនានា ក្នុងស្រុកចិត្របុរី ស្រុកសំបូរ និងស្រុកស្នួល ក្នុងខេត្តក្រចេះ ដែលមានអាយុ ចាប់ពី១៨ឆ្នាំឡើង​ទៅ ដោយផ្អែកលើគោលការស្ម័គ្រចិត្ត និងចាប់ផ្ដើមពីថ្ងៃទី២៦ ខែកក្កដា ឆ្នាំ២០២១នេះទៅ ពេលព្រឹកពីម៉ោង ៨:០០នាទី ដល់ម៉ោង ១២:០០នាទី និងពេលរសៀល ពីម៉ោង ១៤:០០នាទី ដល់ម៉ោង ១៧:០០នាទី។នៅក្នុងចំណោមស្រុកទាំង៣ ក្នុងនោះស្រុកចិត្របុរី មានប្រជាពលរដ្ឋរស់នៅក្នុងឃុំ ចំនួន៩ត្រូវចាក់, ស្រុកសំបុរ មានឃុំចំនួន ៨ ត្រូវចាក់ និងស្រុកស្នួល មានប្រជាពលរដ្ឋរស់នៅ ក្នុងឃុំចំនួន ៦ ដែលត្រូវចាក់ចាក់វ៉ាក់សាំងការពារកូវីដ-១៩។ដោយឡែកសម្រាប់ស្រុកចិត្របុរី បានដំណើរការចាក់នៅព្រឹកថ្ងៃទី២៦ កក្កដានេះ ប្រព្រឹត្តទៅក្រោម​អធិបតីភាពឯកឧត្តម វ៉ា ថន អភិបាលនៃគណៈអភិបាលខេត្តក្រចេះ និងដោយមានការ ចូលរួម​ពី​យុវជនសហភាពសហព័ន្ធយុវជនកម្ពុជា (សសយក) ​និងយុវជនស្រឡាញ់សន្តិភាព ប្រជា​ការពារ​ភូមិ និងបងប្អូនប្រជាពលរដ្ឋយ៉ាងច្រើនកុះករ។ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ មានប្រសាសន៍ថា ដើម្បីរួមគ្នាទប់ស្កាត់ ការឆ្លងរីករាលដាលនៃជំងឺកូវីដ១៩ ប្រមុខរាជរដ្ឋាភិបាល នៃព្រះរាជាណាចក្រកម្ពុជា ដឹកនាំដោយសម្ដេចតេជោ ហ៊ុន សែន នាយករដ្ឋមន្រ្តី បានផ្ដល់នូវវ៉ាក់សាំង ចាក់ជូន​ដល់​មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងប្រទេស ដោយមិនគិតថ្លៃឡើយ គឺដើម្បីជួយសង្រ្គោះអាយុជីវិតប្រជាពលរដ្ឋរបស់ខ្លួន ។ ឯកឧត្តម បានក្រើនរំលឹកដល់ប្រជាពលរដ្ឋឱ្យអនុវត្តវិធានការ ការពារ របស់ប្រមុខរាជរដ្ឋាភិបាល គឺ (៣ការពារ ៣កុំ) ទោះបីជាទទួលបានការចាក់វ៉ាក់សាំងរួចរាល់ហើយក៏ដោយ ព្រោះជំងឺកូវីដ១៩នេះ ពិតជាសាហាវណាស់ តែបើយើងបានទទួលវ៉ាក់សាំង គឺងាយស្រួលក្នុង ការព្យាបាល ដោយត្រូវស្តាប់តាមការណែនាំរបស់គ្រូពេទ្យ។ ឯកឧត្តម បានបន្តថា បើទោះពុកម៉ែបងប្អូនបានចាក់ថ្នាំវ៉ាក់សាំងដូសទី១ ឬ បានចាក់ដូសទី២ រួចរាល់ហើយក៏ដោយ ក៏ត្រូវរក្សាវិធានការ (៣ការពារ ៣កុំ) របស់ប្រមុខរាជរដ្ឋាភិបាល ឲ្យបានខ្ជាប់ខ្ជួន ទើបអាចរួចខ្លួនពីជំងឺកូវីដ១៩ប្រភេទថ្មី ( COVID-19 Delta) ដែលមានប្រភពមកពីក្រៅប្រទេស ។គូសបញ្ជាក់ថា គិតចាប់ពីថ្ងៃទី១២ ខែកក្កដា ឆ្នាំ២០២១ រហូតមកដល់ថ្ងៃទី២៥ ខែកក្កដា ឆ្នាំ២០២១ ការចាក់វ៉ាក់សាំងការពារជំងឺកូវីដ-១៩ ក្នុងក្រុងស្រុកចំនួន៣ រួមមាន ក្រុងក្រចេះ ស្រុកព្រែកប្រសព្វ និងស្រុកឆ្លូង គិតត្រឹមវេលាម៉ោង ៥:០០នាទីរសៀល ការចាក់វាំក់សាំងទាំង២ប្រភេទ សរុបមានចំនួន ២៦,៦៩២ដូស ស្មើនឹងប្រជាពលរដ្ឋ ២៦,៦៩២ នាក់ ក្នុងនោះស្រី ១៣,៦១២ នាក់៕

ទេសរដ្ឋមន្រ្តី លី ធុជ ៖ សម្ដេចតេជោមិនត្រឹមតែស្វែងរកសុខសន្តិភាពជូនជាតិប៉ុណ្ណោះទេ ថែមទាំងជួយសង្រ្គោះជីវិតពលរដ្ឋកម្ពុជាឲ្យរួចផុតជំងឺកូវីដ

2021/07/26 08:46:43 am        382
Facebook Telegram Linkin
ស្វាយរៀង ៖ ឯកឧត្តមទេសរដ្ឋមន្រ្តី លី ធុជ បានលើកឡើងកាលព្រឹកថ្ងៃទី២៦ខែកក្កដាឆ្នាំ២០២១ ថា«សម្ដេចតេជោមិនត្រឹមតែស្វែងរកសុខសន្តិភាពជូនជាតិមាតុភូមិប៉ុណ្ណោះទេថែមទាំងជួយសង្រ្គោះ អាយុជីវិតប្រជាពលរដ្ឋកម្ពុជាឲ្យរួចផុតជំងឺកូវីដ១៩។ក្នុងឱកាសដែលឯកឧត្តមទេសរដ្ឋមន្រ្តី បាន​ចុះពិនិត្យនិងលើកទឹកចិត្តដល់សកម្មភាព​ការចាក់វ៉ាក់​សាំង​បង្ការជំងឺកូវីដ-១៩ ជូនប្រជាពលរដ្ឋក្រុងបាវិត ខេត្តស្វាយរៀង នៅមណ្ឌលវិទ្យាល័យជីភូ និងវិទ្យាល័យបាវិត ព្រមទាំងបានជួបសំណេះសំណាល និងសាកសួរ​សុខទុក្ខបងប្អូនប្រជាពលរដ្ឋ និងក្រុមគ្រូពេទ្យនៅទីនោះផងដែរ ។ឯកឧត្តម ទេសរដ្ឋមន្រ្តី បន្តទៀតថា សម្តេចតេជោ នាយករដ្ឋមន្ត្រី តែងតែយកចិត្តទុកដាក់​ខ្ពស់​ចំពោះ​សុខុមាលភាព​របស់បងប្អូនប្រជាពលរដ្ឋកម្ពុជា​ ជាពិសេស​ការទប់ស្កាត់ការរីករាលដាល​ជំងឺ​ឆ្លងកូវីដ-១៩ ​និងខិតខំប្រឹងប្រែងស្វែងរកវ៉ាក់សាំង​បង្ការចាក់ជូនប្រជាពលរដ្ឋឲ្យបាន គ្រប់ៗគ្នា និង​ដោយ​ឥតគិតថ្លៃដែល។ ទេសរដ្ឋមន្រ្តី លី ធុជ បានចាត់ទុកថា ​«វ៉ាក់សាំងសម្តេចតេជោ គឺជាវ៉ាក់សាំង​ជីវិត» ជួយបងប្អូនឲ្យ​រួចផុត​ពីជំងឺចង្រៃនេះ ។ឯកឧត្តម ទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះក្រុមគ្រូពេទ្យ​មកពី​បញ្ជាការ​ដ្ឋាន​កងទ័ពពិសេសដែលបាន​បញ្ជូន​ក្រុមគ្រូពេទ្យ​មកជួយចាក់វ៉ាក់សាំងនៅក្រុងបាវិត ព្រមទាំង​បាន​ជម្រុញ​ឲ្យ​ឪពុកម្ដាយទាំងអស់ ត្រូវនាំកូនដែលមានអាយុចាប់ពី១២-១៧ឆ្នាំមកចាក់វ៉ាក់សាំងចាប់​ពីថ្ងៃទី០១ ខែសីហា ឆ្នាំ២០២១ឲ្យបានគ្រប់ៗគ្នា តបតាមការអំពាវនាវដ៏ខ្ពង់ខ្ពស់បំផុត​របស់​សម្ដេចតេជោហ៊ុនសែន នាយករដ្ឋមន្ត្រី ។ឆ្លៀតក្នុងឱកាសនោះ ឯកឧត្តម ទេសរដ្ឋមន្រ្តី បានសម្តែងនូវការដឹងគុណ និង​កត្តញ្ញូតាធម៌​ជូន​ចំពោះ​សម្តេចតេជោ នាយករដ្ឋមន្ត្រី ដែលបានដឹកនាំរាជរដ្ឋាភិបាលកម្ពុជា និងគណបក្សប្រជាជនកម្ពុជា មិនត្រឹមតែស្វែងរកសុខសន្តិភាព​ជូនជាតិមាតុភូមិប៉ុណ្ណោះទេ ថែមទាំងជួយសង្គ្រោះដល់អាយុជីវិតរបស់ប្រជាជនកម្ពុជាទៀតផង។ទន្ទឹមនឹងនោះ ឯកឧត្តមទេសរដ្ឋមន្រ្តី លី ធុជ ក៏បានដឹកនាំក្រុមការងារអញ្ជើញចុះសាកសួរសុខទុក្ខ ប្រជាពលរដ្ឋ និងអាជ្ញាធរមូលដ្ឋានសង្កាត់ច្រកម្ទេស ក្រុងបាវិត ព្រមទាំងចែកគ្រឿង​ឧបភោគបរិភោគ និងថវិកាជូនដល់គ្រួសារក្រីក្រដែលកំពុងជាប់ធ្វើចត្តាឡីស័ក៕អត្ថបទ ៖ សារិទ្ធ

បណ្ដាញសង្គម

ព័ត៌មានថ្មីៗ

ចំហេះព្រៃបន្តរាលដាលនៅអេស្ប៉ាញ និងព័រទុយហ្គាល់ ខណៈកម្ដៅខ្លាំងក្លាលេបត្របាក់អឺរ៉ុបខាងត្បូង
08/19/2025 12:08 PM
Facebook Telegram Linkin
ទំនុកចិត្តឧស្សាហកម្មរបស់ប្រទេសថៃ ដាំក្បាលចុះដល់កម្រិតទាបបំផុត ក្នុងរយៈពេល ៣ឆ្នាំ
08/19/2025 12:08 PM
Facebook Telegram Linkin
អតីតពលករមកពីថៃ កំពុងទទួលការបណ្តុះបណ្តាលជំនាញវិជ្ជាជីវៈដោយឥតគិតថ្លៃពីកម្មវិធីរបស់រាជរដ្ឋាភិបាល
08/19/2025 12:08 PM
Facebook Telegram Linkin
ឯកឧត្តម ហ៊ុន ម៉ានី៖ «កម្ពុជាប្រកាន់ជំហរដោះស្រាយបញ្ហាដោយសន្តិវិធីផ្តល់តម្លៃលើការអនុវត្តច្បាប់អន្តរជាតិ និងយន្តការចរចាតាមផ្លូវការទូត»
08/19/2025 12:08 PM
Facebook Telegram Linkin
ឯកឧត្តមកិត្តិសេដ្ឋាបណ្ឌិត ជាម យៀម៖ និសិ្សតជ័យលាភីអាហារូបករណ៍នឹងក្លាយជាមូលធនមនុស្សដ៏មានតម្លៃបំផុតចូលរួមកសាងសង្គម សេដ្ឋកិច្ចកម្ពុជា
08/19/2025 12:08 PM
Facebook Telegram Linkin
គិតត្រឹមពាក់កណ្តាលខែសីហាឆ្នាំ២០២៥ ស្ពានឆ្លងកាត់​ទន្លេបាសាក់​(ចាក់អង្រែ​ក្រោម-ព្រែកប្រា) សាងសង់បាន៤១% ហើយ ខណៈគម្រោងនេះត្រៀម​បញ្ចប់​នៅ​ដើម​ឆ្នាំ២០២៨​ខាងមុខ
08/19/2025 12:08 PM
Facebook Telegram Linkin
រដ្ឋមន្រ្ដីក្រសួងទេសចរណ៍៖ កម្ពុជារង់ចាំភ្ញៀវទេសចរចិនដែលពោរពេញដោយក្តីស្រឡាញ់ និងចង់ស្វែងយល់ពីវប្បធម៌សម្បូរបែបកាន់តែច្រើននៅកម្ពុជា
08/19/2025 11:08 AM
Facebook Telegram Linkin
ក្រុមរដ្ឋមន្ត្រីស្តាំនិយមជ្រុលរបស់អ៊ីស្រាអែល ព្រមានប្រឆាំងនឹងកិច្ចព្រមព្រៀងហ្កាហ្សា ជាមួយក្រុមហាម៉ាស
08/19/2025 11:08 AM
Facebook Telegram Linkin
អ្នកនាំពាក្យអាជ្ញាធរអប្សរា៖ ភ្ញៀវទេសចរជាតិ និងអន្តរជាតិ​ទៅ​ទស្សនា​ខេត្តសៀមរាប​នៅ​រក្សា​បាន​កំណើន បើទោះបីកម្ពុជាជួបសភាពការណ៍ជម្លោះព្រំដែន
08/19/2025 11:08 AM
Facebook Telegram Linkin
លោក Rutte៖ ការធានាសន្តិសុខអ៊ុយក្រែន កំពុងនៅក្នុងការពិចារណា ប៉ុន្តែសមាជិកភាពណាតូ មិនត្រូវបានពិភាក្សាទេ
08/19/2025 11:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.