នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

កូរ៉េខាងជើង រិះគន់ចំណាត់ការរបស់អាមេរិក នាំយកនាវាមុជទឹកបំពាក់មីស៊ីលបាលីស្ទីក មកកាន់ឧបទ្វីបកូរ៉េ

2023/07/10 10:33:39 am        111
Facebook Telegram Linkin
កូរ៉េខាងជើង៖ កូរ៉េខាងជើង នៅថ្ងៃចន្ទនេះ បានរិះគន់ជាអ្វីដែលខ្លួនចាត់ទុកថាជាចំណាត់ការមួយធ្វើឡើងដោយសហរដ្ឋអាមេរិក ដើម្បីបង្ហាញនាវាមុជទឹកបំពាក់មីស៊ីលនុយក្លេអ៊ែរមកកាន់ដែនទឹក នៅជិតឧបទ្វិបកូរ៉េ ដោយនិយាយថា វានឹងបង្កើតស្ថានភាពមួយដែលនាំយកមកនូវជម្លោះនុយក្លេអ៊ែរខិតកាន់តែជិតការពិត។ អ្នកនាំពាក្យក្រសួងការពារជាតិនៅក្នុងសេចក្តីថ្លែងការណ៍ ដែលដកស្រង់ដោយទីភ្នាក់ងារសារព័ត៌ផ្លូវការ KCNA បានឲ្យដឹងថា ប្រទេសកូរ៉េខាងជើង បានអះអាងថា យន្តហោះស៊ើបការណ៍សហរដ្ឋអាមេរិក កាលពីពេលថ្មីៗនេះ បានបំពានដែនអកាសរបស់ខ្លួន នៅជិតឆ្នេរភាគខាងកើត។អ្នកនាំពាក្យនិយាយថា គ្មានការធានាទេថា ឧបទ្ទវហេតុដ៏ភ្ញាក់ផ្អើលនៅកន្លែងដែលយន្តហោះឈ្លបយកការណ៍ជាយុទ្ធសាស្ត្ររបស់កងកម្លាំងសហរដ្ឋអាមេរិក ត្រូវបានបាញ់ទម្លាក់នៅលើសមុទ្រខាងកើត នឹងមិនកើតឡើងនោះទេ។ សេចក្តីថ្លែងការណ៍ បានលើកឡើងថា មានឧបទ្ទវហេតុកាលពីពេលមុនៗ នៃការបាញ់ទម្លាក់ឬស្ទាក់ចាប់យន្តហោះអាមេរិក របស់ប្រទេសកូរ៉េខាងជើង នៅព្រំដែនជាមួយកូរ៉េខាងត្បូង និងនៅជិតឆ្នេរ។ ប្រទេសកូរ៉េខាងជើងតែងតែត្អូញត្អែរអំពីយន្តហោះឈ្លបយកការណ៍របស់អាមេរិក នៅជិតឧបទ្វិបនេះ។ ទីភ្នាក់ងារ KCNA បានរាយការណ៍ថា ចំណាត់ការដោយសហរដ្ឋអាមេរិក ដើម្បីណែនាំអាវុធនុយក្លេអ៊ែរយុទ្ធសាស្ត្រមកកាន់ឧបទ្វិបកូរ៉េ គឺជាការគំរាមនុយក្លេអ៊ែរពិតប្រាកដប្រឆាំងប្រទេសកូរ៉េខាងជើង និងបណ្តាប្រទេសក្នុងតំបន់ និងបង្ហាញពីការគំរាមដ៏ខ្លាំងក្លាចំពោះសន្តិភាព។នាវាមុជទឹកបំពាក់មីស៊ីលតម្រង់គោលដៅដើរដោយថាមពលនុយក្លេអ៊ែររបស់សហរដ្ឋអាមេរិក បានមកដល់កំពង់ផែ Busan ប្រទេសកូរ៉េខាងត្បូងកាលពីខែមុន៕

ក្មេងស្រីទី២ បានស្លាប់ បន្ទាប់ពីមានហេតុការណ៍រថយន្តបុកចូលសាលាបឋមសិក្សា នៅទីក្រុងឡុងដ្រ៍

2023/07/10 10:29:13 am        73
Facebook Telegram Linkin
អង់គ្លេស៖ នគរបាល បាននិយាយកាលពីថ្ងៃអាទិត្យ (ទី៩ ខែកក្កដា) ថា ពេលនេះ ក្មេងស្រីទី២ម្នាក់ទៀត អាយុ ៨ឆ្នាំម្នាក់ បានស្លាប់ បន្ទាប់ពីមានហេតុណ៍ការណ៍រថយន្តមួយ បានបុកចូលអគារ នៅឯសាលាបឋមសិក្សា នៅភាគខាងត្បូងទីក្រុងឡុងដ៍ ប្រទេសអង់គ្លេស កាលពីថ្ងៃព្រហស្បតិ៍ (ទី៦ ខែកក្កដា)។ប្រព័ន្ធផ្សព្វផ្សាយក្នុងស្រុក បានរាយការណ៍ថា សិស្សានុសិស្ស បានរៀបចំពិធីជប់លៀងពិសាតែបញ្ចប់ឆមាសជាមួយឪពុកម្តាយ និងគ្រូបង្រៀន ក្នុងសួនច្បាររបស់សាលារៀនត្រៀម (Study Prep School) នៅសង្កាត់ Wimbledon ដែលមានចម្ងាយមិនដល់ ១ម៉ាយល៍ (ជាង ១,៦០៩គីឡូម៉ែត្រ) ពីកន្លែងនៃការប្រកួតកីឡាវាយកូនបាល់ដែលកំពុងតែប្រព្រឹត្តទៅ។នគរបាលបាននិយាយថា អ្នកបើកបររថយន្ត ភេទស្រីវ័យ ៤៦ឆ្នាំ ដែលជាអ្នករស់នៅតំបន់នោះ ត្រូវបានចាប់ខ្លួននៅកន្លែងកើតហេតុ ពីបទសង្ស័យថា បង្កហេតុឲ្យមានមនុស្សបាត់បង់ជីវិត ដោយសារការបើកបរប្រកបដោយគ្រោះថ្នាក់ តែនគរបាល បានបញ្ជាក់បន្ថែម នៅថ្ងៃព្រហស្បតិ៍នោះថា ឧបទ្ទវហេតុនេះ មិនមាន«ពាក់ព័ន្ធនឹងភេរវកម្មនោះទេ»។ពេលកើតហេតុភ្លាមៗ នោះថ្ងៃព្រហស្បតិ៍នោះ កុមារី Selena Lau ត្រូវបានបញ្ជាក់ថា ស្លាប់ដោយសាររបួសរបស់ក្មេងស្រីនោះ ហើយនគរបាលបាននិយាយថា ក្មេងស្រីទី២ ដែលមានឈ្មោះថា Nuria Sajjad បានស្លាប់ កាលពីថ្ងៃអាទិត្យ។គ្រួសាររបស់ក្មេងស្រីបានរៀបរាប់នៅក្នុងសេចក្តីថ្លែងការណ៍មួយថា ក្មេងស្រីនេះ តំណាងឲ្យក្តីរីករាយ ចិត្តល្អ និងក្ដីសប្បុរស ហើយនាងទទួលបានការស្រឡាញ់ពីអ្នកជុំវិញខ្លួននាងគ្រប់គ្នា៕

Biden ចាប់ផ្តើមដំណើរទស្សនកិច្ច៣ប្រទេសដោយមានទីឈប់ចតដំបូងនៅអង់គ្លេស

2023/07/10 10:25:44 am        69
Facebook Telegram Linkin
អង់គ្លេស៖ ប្រធានាធិនតីសហរដ្ឋអាមេរិក លោក Joe Biden បានមកដល់ចក្រភពអង់គ្លេស ដោយចាប់ផ្តើមដំណើរទស្សកិច្ចរយៈពេល៣ថ្ងៃ ដែលនឹងត្រូវបានផ្តោតសំខាន់លើកិច្ចប្រជុំកំពូលសម្ព័ន្ធយោធាណាតូ ក្នុងប្រទេសលីទុយអានី ក្នុងគោលបំណងបង្ហាញពីសាមគ្គីភាពជាមួយប្រទេសអ៊ុយក្រែន ក្នុងការប្រយុទ្ធរបស់ខ្លួនប្រឆាំងរុស្ស៊ី ខណៈនៅមិនទាន់ទទួលទីក្រុងគីវ ជាសមាជិករបស់សម្ព័ន្ធនេះនៅឡើយ។ ប៉ុន្តែបញ្ហាប្រឈមនានានៃការកសាងសាមគ្គីភាពក្នុងចំណោមប្រទេសជាសមាជិកចំនួន៣១ប្រទេសរបស់សម្ព័ន្ធយោធាណាតូ បានបញ្ជាក់នៅក្នុងការអំពាវនាវមួយរវាងលោក Biden និងប្រធានាធិបតីទួរគី លោក Tayyip Erdogan មុនពេលកិច្ចប្រជុំកំពូលរបស់សម្ព័ន្ធមិត្តនេះនៅក្នុងប្រទេសលីទុយអានី នៅសប្តាហ៍នេះ ជាមួយនឹងបំណងរបស់ប្រទេសស៊ុយអែតសម្រាប់សមាជិកភាពក្នុងសម្ព័ន្ធមិត្តប្រទេសលោកខាងលិច ជាចំនុចបន្តនៃការមិនចុះសម្រុងគ្នា។លោក Biden នឹងជួបជាមួយនាយករដ្ឋមន្ត្រីអង់គ្លេស លោក Rishi Sunak នៅវិមាន10 Downing Street នៅថ្ងៃចន្ទនេះ។ បន្តមកលោកនឹងធ្វើដំណើរទៅកាន់ប្រសាទ Windsor Castle ដើម្បីចូលគាល់ព្រះមហាក្សត្រឆាលស៍។ ជំនួបជាមួយព្រះមហាក្សត្រឆាលស៍ ត្រូវបានគេរំពឹងថា រួមមាន គំនិតផ្តួចផ្តើមអាកាសធាតុ ដែលនឹងផ្តល់ឲ្យលោក Biden នូវគំនិតកាន់តែទូលំទូលាយពីមហាក្សត្រដែលបន្តគ្រងរាជពីមាតារបស់ព្រះអង្គ ម្ចាស់ក្សត្រី Elizabeth បន្ទាប់ពីការយាងចូលព្រះពិរាល័យ កាលពីខែកញ្ញា។លោក Biden នឹងធ្វើដំណើរទៅកាន់ ទីក្រុងវីលញូស (Vilnius ) ប្រទេសលីទុយអានី នៅយប់ថ្ងៃចន្ទ និងពិភាក្សាជាមួយមេដឹកនាំសម្ព័ន្ធយោធាណាតូ នៅទីនោះនៅថ្ងៃអង្គារ និងថ្ងៃពុធ។ លោកBiden និងសម្ព័ន្ធយោធាណាតូ មានបំណងបង្ហាញការគាំទ្រសម្រាប់អ៊ុយក្រែន និងផ្តល់ឲ្យលោក Volodymyr Zelenskiy ប្រធានាធិបតី នូវគំនិតសម្រាប់អ្វីដែលនឹងត្រូវធ្វើ ដើម្បីទទួលបានសមាជិកភាពណាតូ នៅពេលណាមួយ ក្នុងពេលអនាគត៕

ចិនគ្រោងវិនិយោគប្រាក់១,៤៤ពាន់លានដុល្លារសម្រាប់ការផលិតរថយន្តអគ្គិសនីនៅក្នុងប្រទេសថៃ

2023/07/10 10:09:10 am        126
Facebook Telegram Linkin
ចិន៖ ក្រុមហ៊ុនផលិតរថយន្តអគ្គិសនីរបស់ចិនកំពុងហូរចូលទៅក្នុងប្រទេសថៃ ដោយសន្យាវិនិយោគក្នុងទំហំទឹកប្រាក់១,៤៤ពាន់លានដុល្លារអាមេរិក ក្នុងការសាងសង់រោងចក្រផលិតរថយន្តនៅក្នុងទីផ្សារផលិតរថយន្តធំបំផុតរបស់ប្រទេសនៅអាស៊ីអាគ្នេយ៍មួយនេះ ដែលធ្លាប់បានវាយលុកទីផ្សារយ៉ាងខ្លាំងដោយក្រុមហ៊ុននានារបស់ជប៉ុន។ រលកនៃការវិនិយោគថ្មីនេះត្រូវបានគាំទ្រដោយរដ្ឋាភិបាលរបស់ប្រទេសថៃ ដែលបានដាក់ចេញនូវការលើកទឹកចិត្ត និងផ្តល់ការប្រឹក្សាដល់ក្រុមហ៊ុនចិន ដោយមានគោលដៅផ្លាស់ប្តូរប្រហែល ៣០% នៃផលិតកម្មរថយន្តប្រចាំឆ្នាំរបស់ប្រទេសនេះទៅជារថយន្ត អគ្គិសនី ឬEV នៅឆ្នាំ ២០៣០។  ក្រុមហ៊ុន Great Wall Motor របស់ប្រទេសចិន បានវាយលុកដំបូងលើទីផ្សារប្រទេសថៃកាលពីឆ្នាំ២០២០ នៅពេលខ្លួនបានទិញរោងចក្រពីក្រុមហ៊ុន General Motors ដែលនឹងចំណាយប្រាក់ ចំនួន២២,៦ ពាន់លានបាត ស្មើរនឹង ៦៤៧,៣៨ លានដុល្លារ ដោយក្លាយទៅជាមជ្ឈមណ្ឌលផលិតកម្មក្នុងតំបន់សម្រាប់រថយន្ត EV និងរថយន្តកូនកាត់ឬ hybrid។   ក្រុមហ៊ុនផលិតរថយន្តនេះនឹងចាប់ផ្តើមផលិតរថយន្ត Ora Good Cat EV ដ៏ពេញនិយមរបស់ខ្លួននៅក្នុងប្រទេសថៃនៅឆ្នាំក្រោយ ហើយក៏កំពុងនាំយកក្រុមហ៊ុនបុត្រសម្ព័ន្ធរបស់ខ្លួនផងដែរគឺ MIND Electronics, HYCET និង Nobo Auto ដែលផលិតគ្រឿងអេឡិចត្រូនិច ប្រព័ន្ធបញ្ជូនថាមពល និងកន្លែងអង្គុយ។ គូប្រជែងរបស់ចិន SAIC Motor ដែលជាម្ចាស់ក្រុមហ៊ុន MG Motor និងមានភាពជាដៃគូជាមួយក្រុមហ៊ុនថៃ Charoen Pokphand Group បានបើកដំណើរការរថយន្ត EV ដំបូងរបស់ខ្លួននៅក្នុងប្រទេសនេះកាលពីឆ្នាំ ២០១៩ ។ ក្រុមហ៊ុនបាននិយាយកាលពីខែមេសាថា ខ្លួនកំពុងវិនិយោគ ៥០០ លានបាត ដើម្បីពង្រីករោងចក្រដែលមានស្រាប់របស់ខ្លួនសម្រាប់គ្រឿងបន្លាស់របស់រថយន្ត EV និងការផលិតអាគុយ៕

សម្តេចតេជោ ហ៊ុន សែន៖ ការចូលរួមរបស់ចិនក្លាយជាកម្លាំងចលករដ៏សំខាន់ សម្រាប់គាំទ្រដល់ប្រទេសកំពុងអភិវឌ្ឍន៍

2023/07/10 10:07:44 am        112
Facebook Telegram Linkin
សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានថ្លែងដោយជឿជាក់ថា ការ​ចូលរួមដ៏សកម្មរបស់ចិន តាមរយៈការជំរុញសមាហរណកម្មតំបន់ និង ការបន្ត​លើកស្ទួយ​ពហុភាគី​និយម បានក្លាយជាកម្លាំងចលករដ៏សំខាន់សម្រាប់គាំទ្រដល់ប្រទេសកំពុងអភិវឌ្ឍន៍។សម្តេចតេជោ ប្រមុខរាជរដ្ឋាភិបាលកម្ពុជាបានថ្លែងបែបនេះក្នុង “កិច្ចប្រជុំជាន់ខ្ពស់លើកទី ១ នៃ​វេទិកាស្តី​ពីសកម្មភាពសកល សម្រាប់ការអភិវឌ្ឍរួម» នៅព្រឹកថ្ងៃទី១០ ខែ កក្កដា ឆ្នាំ ២០២៣ តាមរយៈ​ប្រព័ន្ធវីដេអូដែលកិច្ចប្រជុំរៀបចំឡើងដោយឯកឧត្តម ស៊ី ជីនពីង (Xi Jinping) ប្រធានាធិបតី នៃសាធារណរដ្ឋប្រជាមានិតចិន។សម្តេចបានថ្លែងថា ពិតណាស់ថា, យើងបាននិងកំពុងងើបចេញពីវិបត្តិជំងឺកូវីដ-១៩, ប៉ុន្តែ ស្ថានភាព​សេដ្ឋកិច្ច និងការអភិឌ្ឍសកលបន្តប្រឈមនឹងបញ្ហាកាន់តែស្មុគស្មាញ និង ស្រួច​ស្រាល់​ឡើង​ៗ ទាំងក្នុងទិដ្ឋភាពសេដ្ឋកិច្ច,សង្គមនិងបរិសា្ថន)។នៅក្នុង​បរិបទខាងលើនេះ, យើងបានមើលឃើញយ៉ាងច្បាស់ពីការចូលរួមយ៉ាងសកម្មរបស់ សាធារណរដ្ឋ​ប្រជាមានិតចិន តាមរយៈការជំរុញសមាហរណកម្មតំបន់ និង ការ​បន្ត​លើក​ស្ទួយ​ពហុភាគី​និយម ជាពិសេសការដាក់ចេញនូវ «គំនិតផ្ដួចផ្ដើមអភិវឌ្ឍន៍សកល (GDI)» និង «គំនិត​ផ្តួចផ្តើម សន្តិសុខសកល (GSI)» ដោយ ឯកឧត្តមប្រធានាធិបតី ស៊ី ជីនពីង, ដែល​បាន​និង​កំពុង​ក្លាយ​ជាកម្លាំងចលករដ៏សំខាន់ សម្រាប់គាំទ្រដល់បណ្តាប្រទេសកំពុងអភិវឌ្ឍ ក្នុង​ការ​ស្ដារ​សង្គម-សេដ្ឋកិច្ច ឡើងវិញ និងការសម្រេចឱ្យបាននូវរបៀបវារៈ ឆ្នាំ២០៣០។សម្ដេចតេជោ បានមានប្រសាសន៍ថា «នៅក្នុង​បរិការណ៍​សកលបច្ចុប្បន្ន​ដែល​មាន​និន្នាការ​បែក​ខ្ញែក​ទៅ​ជាពហុប៉ូល, ការលើកកម្ពស់​ការជួយបំពេញឱ្យគ្នាទៅវិញទៅមក សម្រាប់អភិវឌ្ឍន៍ ពិត​ជា​មាន​ភាព​ចំបាច់ មិនអាចខ្វះបាន តាមរយៈ​ការដាក់​ចេញ​នូវ​សកម្មភាព​អនុវត្ត​ជាក់​ស្ដែង​លើ​ការ​អភិវឌ្ឍ​មូល​ធនមនុស្ស, កាត់បន្ថយ​គម្លាតឌីជីថល, ការពង្រឹងច្រវាក់ផ្គត់ផ្គង់ និង ផលិតកម្មតំបន់ និងសកល, ការជំរុញការវិនិយោគ ដោយផ្ទាល់, ការសាងសង់ហេដ្ឋារចនាសម្ព័ន្ធ, ការ​អភិវឌ្ឍ​វិស័យ​ហិរញ្ញវត្ថុ និងការអភិវឌ្ឍសេដ្ឋកិច្ចបៃតង និងភាពធន់ទៅនឹងអាកាសធាតុ ព្រមទាំង​ការ​គាំទ្រ​ផ្នែកហិរញ្ញប្បទាន ដើម្បីចូលរួមដោះស្រាយ នូវបញ្ហាប្រឈម និង ចាប់​ឱ្យ​បាន​នូវ​កាលានុវត្ត​ភាព​នៅក្នុង​ប្រទេសនីមួយៗ។»តាមរយៈសុន្ទរកថានេះ សម្តេចបានបង្ហាញការយល់ឃើញថា យើងគប្បីគួរមានក្របខណ្ឌរួមមួយ ដែល​គិតគូរលម្អិតអំពីយុទ្ធសាស្ត្រ និងយន្តការសហប្រតិបត្តិការ ជាពិសេស ការរៀបចំផែនការ និងកា​រផ្គត់ផ្គង់ហិរញ្ញប្បទាន សម្រាប់គម្រោងអាទិភាពនានា សំដៅធានា​ឱ្យ​បាន​នូវ​ប្រសិទ្ធភាព​ក្នុង​ការ​អនុវត្តគំនិតផ្ដួចផ្ដើមទាំងនេះ ។នៅក្នុងក្របខណ្ឌទ្វេភាគី កម្ពុជា និងចិន បានខិតខំលើកកម្ពស់កិច្ចសហប្រតិបត្តិការដល់ កម្រិត​កំពូល ក្លាយជា «កិច្ចសហប្រតិបត្តិការត្បូងពេជ្រ» និង បានដាក់ចេញនូវ «សេចក្តីថ្លែងការណ៍រួម ស្តីពីការកសាងសហគមន៍វាសនារួមកម្ពុជា-ចិននៅក្នុងយុគសម័យថ្មី (២០២៤-២០២៨)» ។ សម្តេចជឿជាក់ថា ការលើកកម្ពស់កិច្ចសហប្រតិបត្តិការកម្ពុជា-ចិននេះ នឹងបំពេញ​បន្ថែម​ដល់​គំនិត​ផ្តួច​ផ្តើមនានា សម្រាប់ការអភិវឌ្ឍសកលឱ្យកាន់តែមានប្រសិទ្ធភាពខ្ពស់៕ អត្ថបទ៖ មុត សុត 

អ្នកជំនាញUNមកដល់ហុងឌុយរ៉ាស ដើម្បីស្វែងរកការបង្កើតបេសកកម្មប្រឆាំងអំពើពុករលួយ

2023/07/10 10:00:49 am        98
Facebook Telegram Linkin
ហុងឌុយរ៉ាស៖ អាជ្ញាធរហុងឌុយរ៉ាស បានប្រកាសកាលពីថ្ងៃអាទិត្យថា បេសកកម្មរបស់ក្រុមអ្នកជំនាញUN បានមកដល់ប្រទេសហុងឌូរ៉ាស ដើម្បីត្រួតពិនិត្យពីការដំឡើងបេសកកម្មអន្តរជាតិប្រឆាំងអំពើពុករលួយនៅក្នុងប្រទេសអាមេរិកកណ្តាលនេះ ដែលញាំញីដោយអំពើពុករលួយរាលដាល ដែលបានធ្វើឲ្យភាពក្រីក្រ និងអន្តោប្រវេសន៍កាន់តែធ្ងន់ធ្ងរឡើង។  ប្រធានាធិបតីឆ្វេងនិយម លោកស្រី ស៊ីអូម៉ារ៉ា កាស្រ្តូ ( Xiomara Castro) បានសន្យាក្នុងអំឡុងយុទ្ធនាការរបស់លោកស្រីក្នុងការតែងតាំងគណៈកម្មការប្រឆាំងអំពើពុករលួយ ដែលគេស្គាល់ថា ជាគណៈកម្មការអន្តរជាតិប្រឆាំងនឹងអំពើពុករលួយ និងនិទណ្ឌភាពក្នុងប្រទេសហុងឌូរ៉ាស (CICIH)។ រយៈពេលមួយឆ្នាំកន្លះ បន្ទាប់ពីការឡើងកាន់តំណែង ក្រុមសង្គមស៊ីវិលមានការខកចិត្តនឹងការពន្យារពេលក្នុងដំណើរការនេះ ដោយសាររដ្ឋាភិបាល និងអង្គការសហប្រជាជាតិ មិនទាន់ឈានដល់កិច្ចព្រមព្រៀងស្តីពីវិសាលភាពនៃគណៈកម្មការដែលមានសក្តានុពល៕

លោក Zelenskiy ៖ កងកម្លាំងអ៊ុយក្រែនបានវាយរុលទៅមុខនិងបានគ្រប់គ្រងតំបន់ភាគខាងត្បូងក្រុងបាកមូដ

2023/07/10 09:56:49 am        133
Facebook Telegram Linkin
អ៊ុយក្រែន៖ ទាហានអ៊ុយក្រែន បានវាយសម្រុកតាមរយៈយុទ្ធនាការដណ្ដើមមកវិញនូវដែនដីទាំងឡាយដែលរុស្ស៊ី បានគ្រប់គ្រងនៅក្នុងភាគអាគ្នេយ៍កាលពីថ្ងៃអាទិត្យ ខណៈលោកប្រធានាធិបតី វ៉ូឡូឌីមៀ ហ្សេឡិនស្គី (Volodymyr Zelenskiy) បាននិយាយនៅក្នុងការអត្ថាធិប្បាយនៅក្នុងពេលចាកផ្សាយតាមទូរទស្សន៍ថា កងកម្លាំងប្រទេសរបស់លោកបានដណ្ដើមគ្រប់គ្រងដែនដីដំបូងបន្ទាប់ពីការវាយបកទៅមុខមានសភាពយឺតយ៉ាវ។  កងទ័ពរុស្ស៊ី និយាយថា ការវាយប្រហារដ៏ខ្លាំងក្លាបានកក្រើកពេញតំបន់នានានៅខាងក្រៅភាគខាងកើតទីក្រុងបាកមូដ (Bakhmut) ដែលត្រូវបានកងកម្លាំងទាហានស៊ីឈ្នួលរុស្ស៊ីដណ្ដើមកាន់កាប់កាលពីខែឧសភា បន្ទាប់ពីសមរភូមិប្រយុទ្ធដ៏ក្ដៅគគុកជាច្រើនខែ។ មេដឹកនាំតំបន់ ឆេកឈ្នី( Chechen) លោក រុំាំហ្សាន កាឌីរ៉ូ (Ramzan Kadyrov) បាននិយាយថា មួយក្នុងចំណោមអង្គភាពជាច្រើនរបស់លោកត្រូវបានដាក់ពង្រាយក្នុងតំបន់នេះ។ ដោយត្រូវបានបំពាក់កាន់តែច្រើនដោយគ្រឿងសព្វាវុធទំនើបៗ របស់លោកខាងលិច បន្ទាប់ពីសង្រ្គាមមានរយៈពេលជាង៥០០ថ្ងៃ អ៊ុយក្រែន បានបើកការវាយលុកដែលបានរំពឹងទុកផ្ដោតលើការដណ្ដើមយកមកវិញនូវភូមិឋានមួយចំនួន ក្នុងភាគនិរតី ។ កងកម្លាំងរបស់ខ្លួនក៏បានព្យាយាមដណ្ដើមតំបន់នានាជុំវិញទីក្រុង Bakhmut យកមកវិញផងដែរ។ អនុរដ្ឋមន្ត្រីការពារជាតិអ៊ុយក្រែន លោកស្រី ហាណាម៉ាលីយ៉ា (Hanna Maliar) បានសរសេរលើតេឡេក្រាមថា ការវាយប្រយុទ្ធគ្នាដ៏ខ្លាំងក្លាបានកើនឡើងក្នុងតំបន់២នៅភាគអាគ្នេយ៍។  លោក Zelenskiy ត្រូវបានផ្ដល់បទសម្ភាសន៍នៅលើបណ្ដាញទូរទស្សន៍ ABC របស់សហរដ្ឋអាមេរិក មុនកិច្ចប្រជុំកំពូលរបស់សម្ព័ន្ធយោធាណាតូ នៅសប្ដាហ៍នេះ ក្នុងប្រទេសលីទុយអានី ជាទីដែលអ៊ុយក្រែនសង្ឃឹមថានឹងទទួលបានការចង្អុលបង្ហាញដ៏ច្បាស់លាស់អំពីទាំងអនាគតនៃការចូលជាសមាជិក ក្នុងសម្ព័ន្ធយោធារបស់លោកខាងលិចមួយនេះ ទាំងការធានាសន្តិសុខឲ្យអ៊ុយក្រែន៕

ឯកឧត្តម ហ៊ុន ម៉ាណែត៖ គោលនយោបាយគណបក្សប្រជាជនមិនគិតអំពីអ្នកមានអ្នកក្រនោះទេ

2023/07/10 08:55:28 am        217
Facebook Telegram Linkin
ឯកឧត្តម ហ៊ុន ម៉ាណែត បេក្ខភាពនាយករដ្ឋមន្រ្តី នៃកម្ពុជានាពេលអនាគត បានថ្លែងអះអាងថា គោលនយោបាយ​របស់គណបក្សប្រជាជនកម្ពុជា មិនដែលគិតអំពីអ្នកមាន អ្នកមធ្យម និងអ្នកក្រ ដូចការ​លាបពណ៌របស់ជនមួយចំនួនតូចនោះឡើយ ខណៈគោលនយោបាយបក្សប្រជាជន ឬ​រាជរដ្ឋាភិបាល​មាន​តែខិតខំពង្រឹង ជីវភាព​របស់​ប្រជាពលរដ្ឋ​ឲ្យ​កាន់​តែ​ រីកចម្រើន​បន្ថែម​ទៀត​តាំង​ពី​ដើម​រហូត​មក។តាមរយៈវិដេអូឃ្លីជាង ៦នាទី ដែលបានបង្ហោះលើបណ្តាញសង្គមតេលេក្រាម និង​ហ្វេសបុក​នាព្រឹក​ថ្ងៃទី១០ ខែកក្កដា ឆ្នាំ២០២៣ ឯកឧត្តម ហ៊ុន ម៉ាណែត បានបញ្ជាក់ថា រាជ​រដ្ឋាភិបាល​ដែលដឹកនាំ​ដោយគណបក្សប្រជាជនកម្ពុជា​ពុំដែលគិតអំពីវណ្ណៈនោះទេ ពោល​គឺ​គិត​បង​ប្អូន​ប្រជាពលរដ្ឋ​ទាំង​អស់ជាខ្មែរតែ មួយ​ជា​ពិសេស​អ្នក​ដែល​មាន​ជីវភាព​ក្រីក្រ គឺ​ត្រូវ​បាន​គិត​គួរ​ច្រើន​ជាង​គេ ដើម្បីធ្វើយ៉ាងណាឲ្យពួកគាត់ក្លាយទៅជាអ្នកមានជីវភាពមធ្យម ឬ​ក្លាយ​ទៅ​ជា​អ្នក​មាន​ធូរធារនៅក្នុងសង្គម។ឯកឧត្តម ហ៊ុន ម៉ាណែត បានបញ្ជាក់បន្ថែមទៀតថា គោលដៅដ៏ធំរបស់រាជរដ្ឋាភិបាល គឺអភិវឌ្ឍន៍ ប្រទេស​ឲ្យកាន់តែរីកចម្រើនបន្ថែមទៀត កាត់បន្ថយភាពក្រីក្រ គឺកាត់បន្ថយអត្រាអ្នកក្រីក្រ មាន​ន័យ​ថា​ជួយ​អ្នកក្រីក្រ​ឲ្យចេញពីចំណាត់ថ្នាក់ ដែលគេចាត់ទុកថាជាអ្នកក្រីក្រនោះ ធ្វើយ៉ាង​ណា​ឲ្យ​ចំណូល​របស់​ពួកគាត់កាន់តែច្រើនឲ្យកូនគាត់ ឬចៅគាត់មានឱកាសកាន់តែល្អ ហ្នឹង​ហើយ​ដែល​រាជ​រដ្ឋាភិបាលត្រូ​វជួយ និងត្រូវយកចិត្តទុកដាក់គ្រប់កាលៈទេសៈទាំងអស់នោះ។ តាមរយៈវិដេអូឃ្លីបដដែលនេះដែរ ឯកឧត្តម ហ៊ុន ម៉ាណែត ក៏បានលើកឡើងផងដែរថា អ្នក​មាន​ជីវភាព​ធូរធារ អ្នកមានជីវភាពមធ្យម និងអ្នកមានជីវភាពខ្សត់ខ្សោយមិនត្រូវស្អប់គ្នាទេ ត្រូវ​យក​អាសា​គ្នា​ទៅ​វិញទៅមក ហើយអ្វីដែលរាជរដ្ឋាភិបាលដឹកនាំដោយសម្តេចតេជោ ដោយ​គណបក្ស​ប្រជាជន​កម្ពុជា ផ្តោតលើគោលនយោបាយក្នុងការជួយអ្នកទាំង៣នេះ ឱ្យរីកចម្រើទាំងអស់គ្នា ព្រោះ​ទាំង៣នេះជាជនជាតិខ្មែរ ជាប្រជាពលរដ្ឋខ្មែរដែលចូលរួម ដើម្បីឱ្យខ្មែរយើងខ្លាំង និង​រីក​ចម្រើន៕ អត្ថបទ៖ បាន ចក់ សូមស្ដាប់ប្រសាសន៍ឯកឧត្ដម ហ៊ុន ម៉ាណែតតាមរយៈLink https://t.me/btvnewscambodia/103751

ឯកឧត្តមបណ្ឌិត ម៉ឹង មករា ដឹកនាំយុវជនគណបក្សចំនួន ៥០០០នាក់ ធ្វើយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧

2023/07/09 01:25:58 pm        410
Facebook Telegram Linkin
កំពង់ចាម៖ ឯកឧត្តមបណ្ឌិត ម៉ឹង មករា ប្រធានក្រុមការងារជនបង្គោល គណបក្សប្រជាជនកម្ពុជា ចុះជួយ ស្រុកជើងព្រៃ ខេត្តកំពង់ចាម នាថ្ងៃទី៨ ខែកក្កដា ម្សិលមិញនេះ បានដឹកនាំយុវជន​គណបក្សចំនួន ៥០០០នាក់ ធ្វើយុទ្ធនាការឃោសនាបោះឆ្នោតជ្រើសតាំង​តំណាងរាស្ត្រ នីតិកាលទី៧ ឆ្នាំ២០២៣ ដោយមានការសហការ និងចូលរួមពីថ្នាក់ដឹកនាំ និងសកម្មជនគណបក្សស្រុកជើងព្រៃ ខេត្តកំពង់ចាម ផងដែរ។ ឯកឧត្តមបណ្ឌិត ម៉ឹង មករា បានដាស់តឿនរំលឹកដល់សកម្មជនបក្ស ក្នុងនាមគណបក្សដែលមាន​ភាពចាស់ទុំ សូមឱ្យសកម្មជនគណបក្សទាំងអស់គោរពយ៉ាងខ្ជាប់ខ្ជួនតាមច្បាប់ ​បទបញ្ជា និងនីតិវិធីនៃការបោះឆ្នោត ​ដើម្បីធានាឱ្យការបោះឆ្នោតប្រព្រឹត្តទៅដោយជោគជ័យ ប្រកប​ដោយលក្ខណៈសេរី ត្រឹមត្រូវ និងយុត្តិធម៌។ ឯកឧត្តមបណ្ឌិត ម៉ឹង មករា ក៏បានលើកទឹកចិត្ដដល់ថ្នាក់ដឹកនាំ សមាជិក សមាជិកាគណបក្ស​ទាំងអស់ ធ្វើខ្លួនជាកម្លាំងចលករក្នុងការពង្រឹងការងារឃោសនាអប់រំគោលនយោបាយបក្ស និង​បំផុសចលនាមហាជនក្នុងមូលដ្ឋាន ឲ្យមកចូលរួមរស់ជីវភាពនយោបាយជាមួយ​គណបក្ស​ប្រជាជនកម្ពុជា​ ដែលជាគណបក្សធំជាងគេ ​មានសមាជិកច្រើនជាងគេ មានគោលនយោបាយ​ច្បាស់លាស់ និងមានសក្តានុពលភាពជាងគេ ក្នុងការគ្រប់គ្រង ដឹកនាំ និងកសាងប្រទេសជាតិ ឱ្យមានសុខសន្តិភាព និងការអភិវឌ្ឍជានិរន្តរ៍។ គណបក្សប្រជាជនកម្ពុជា ជាគណបក្សដែលមិនប្រកាន់និន្នាការនយោបាយ ពូជសាសន៍ ពណ៌សម្បុរ ប៉ុន្តែជាគណបក្សដែលប្រកាន់ខ្ជាប់នូវគោលជំហរ​ សុខដុមនីយកម្ម ធ្វើឲ្យ​ការដឹកនាំ​ប្រកប​ដោយសាមគ្គីភាព ឯកភាពផ្ទៃក្នុង ​និងរក្សាបាននូវគោលនយោបាយរបស់ខ្លួន ស្របតាម​សម័យកាលជានិច្ច។ គណបក្សប្រជាជនកម្ពុជា ​ជាគណបក្សដែលប្រសូតចេញពីប្រជាជន ដើម្បីប្រជាជន បម្រើប្រជាជន និងធ្វើអ្វីគ្រប់យ៉ាងដើម្បីបុព្វជាតិមាតុភូមិ និងប្រជាជន។ប្រជាពលរដ្ឋអាចមានលទ្ធភាពប្រកបអាជីវកម្មចិញ្ចឹមគ្រួសារ មានកម្មសិទ្ធិដីធ្លី លំនៅឋាន សាលារៀន មន្ទីរពេទ្យ វត្តអារាម និងអាចធ្វើដំណើរគ្រប់ទីកន្លែងទៅបាន ក៏អាស្រ័យដោយ​ប្រទេសជាតិ​មានសុខសន្តិភាព ឯកភាពជាតិ ឯកភាពទឹកដី និងមានការអភិវឌ្ឍពេញលេញ ក្រោមការដឹកនាំដ៏ឈ្លាសវៃ និង​ប៉ិនប្រសព្វ​របស់សម្តេចតេជោ នាយករដ្ឋមន្ត្រី និងជាប្រធាន គណបក្សប្រជាជនកម្ពុជា។ក្រោមការចង្អល់បង្ហាញដ៏ខ្ពង់ខ្ពស់ពីសំណាក់ ឯកឧត្តមបណ្ឌិត ហ៊ុន ម៉ាណែត នាពេលកន្លងមក​ក្រុមការងារជនបង្គោល ​ចុះជួយស្រុកជើងព្រៃ ដឹកនាំដោយ ឯកឧត្តមបណ្ឌិត ម៉ឹង មករា បានរួមចំណែកចុះជួយប្រជាពលរដ្ឋ រួមមាន៖ ​ការកសាងផ្លូវថ្នល់ សាលារៀន​ មន្ទីរពេទ្យ វត្តអារាម ទំនប់ទឹក ប្រឡាយទឹក ស្រះទឹក ការដាំកូនឈើ ​ព្រមទាំងការងារសេដ្ឋកិច្ចសង្គម រួមមាន​វិស័យសុខាភិបាល វិស័យអប់រំ ជាពិសេស វិស័យកសិកម្ម ដែលជា​សសរស្ដម្ភ​សេដ្ឋកិច្ចជាតិ​ដ៏មានសារៈសំខាន់សម្រាប់គ្រួសារប្រជាពលរដ្ឋនៅជនបទ។ ឯកឧត្តមបណ្ឌិត ម៉ឹង មករា ក៏បានថ្លែងលើកទឹកចិត្ត នឹងស្នើសុំឲ្យប្រជាពលរដ្ឋចូលរួម​បោះឆ្នោត​ឱ្យបានគ្រប់ៗគ្នានៅ ខែកក្កដា ខាងមុខនេះ ជាពិសេសូមបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ នៅថ្ងៃទី២៣ ខែកក្កដា ឆ្នាំ២០២៣ នេះ​ ដើម្បីបន្តគាំទ្រ សម្ដេចអគ្គ​មហា​សេនាបតីតេជោ ហ៊ុន សែន ធ្វើជានាយករដ្ឋមន្ត្រី នៅអាណិត្តទី៧ និងគាំទ្រ បក្ខភាព ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី នាពេលអនាគត ​ដើម្បីដឹកនាំរក្សាសុខសន្តិភាព និងការអភិវឌ្ឍជាតិមាតុភូមិយើងឱ្យកាន់តែរីកចម្រើនជានិរន្តរ៍។ ដោយឡែកនៅក្នុងខេត្តកំពង់ចាម ប្រជាពលរដ្ឋដែលមានឈ្មោះក្នុងបញ្ជីបោះឆ្នោតជ្រើស​តាំង​តំណាងរាស្ត្រ ​នីតិកាលទី៧ ឆ្នាំ២០២៣ ​មានចំនួន ៦៥២,៥៤០ នាក់ មានការិយាល័យបោះឆ្នោត​សរុបចំនួន ១,៦៨២ និងមានគណបក្សនយោបាយឈរឈ្មោះបោះឆ្នោត ចំនួន១២ រួមមាន៖១.គណបក្សសំបុកឃ្មុំសង្គមប្រជាធិបតេយ្យ២. គណបក្សខ្មែរតែមួយ ,៣.គណបក្សសញ្ជាតិកម្ពុជា ,៤.គណបក្សខ្មែររួបរួមជាតិ៥.គណបក្សកម្លាំងប្រជាធិបតេយ្យ៦.គណបក្សខ្មែរឈប់ក្រ ៧.គណបក្សហ៊្វុនស៊ិនប៉ិច ៨.គណបក្សធម្មាធិបតេយ្យ ,៩.គណបក្សប្រជាធិបតេយ្យមូលដ្ឋាន១០.គណបក្សយុវជនកម្ពុជា ១១.គណបក្សសញ្ជាតិដើមប្រជាធិបតេយ្យកម្ពុជា១២.គណបក្សប្រជាជនកម្ពុជា

សម្តេចតេជោ ហ៊ុន សែន ប្រកាសដល់ពលរដ្ឋស្វែងរកព័ត៌មានពីសម្តេច ឬការស្នើសុំជួយ ការផ្តល់មតិផ្សេងៗពីពលរដ្ឋ តាមរយៈបណ្តាញសង្គមផ្លូវការ telegram ,twitter,TikTok

2023/07/09 06:10:02 am        519
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសជូនបងប្អូនជនរួមជាតិ នៅយប់ថ្ងៃទី០៨ ខែកក្កដានេះថា ពេលមុនពលរដ្ឋស្វែងរកការផ្តល់ព័ត៌មានឬ រកការជួយពីសម្តេចតាមរយៈហ្វេសបុក។ ពេលនេះសម្តេចបានបញ្ចប់ការប្រើហ្វេសបុកដោយខ្លួនឯងដោយងាកទៅប្រើតេឡេក្រាមធ្វីសធឺ តិកតុក(telegram,twitter,TikTok)ជំនួសវិញ។ដើម្បីទទួលបានព័ត៌មានពីសម្តេច ផ្តល់មតិឲ្យសម្តេច ឬស្នើសុំឲ្យសម្តេចជួយសូមបង្កើតប្រសិនមិនទាន់មាននិងសូមភ្ជាប់ជាមួយបណ្តាញទាំង៣ខាងលើនេះរបស់សម្តេច។ បណ្តាញទាំង៣(telegram,twitter,TikTok) បើកឲ្យចូលមានមតិបានគ្រប់បណ្តាញ។ សម្តេចតេជោក៏ស្នើសូមឲ្យគ្រប់ស្ថាបន័ទាំងថ្នាក់ជាតិនិងថ្នាក់ក្រោមជាតិកងកម្លាំងប្រដាប់អាវុធគ្រប់ប្រភេទដែលធ្លាប់មានក្រុមតាមដានផេកហ្វេកបុករបស់សម្តេច ទៅតាមដានគណនីTelegram,twitter,TikTok របស់សម្តេចវិញព្រោះមតិប្រជាជនមាននៅតាមបណ្តាញទាំង៣នេះ។សម្តេចតេជោ បន្តថា បើទោះជាសម្តេចបោះបង់ចោលហ្វេសបុក ប៉ុន្តែសម្តេចនៅតែមានលទ្ធភាពទទួលយោបល់និងសំណូមពរប្រជាជនបានកាន់តែទូលំទូលាយជាងមុនតាមរយៈបណ្តាញសង្គមទាំង៣នេះគឺtelegram ,twitter ,TikTok ។បងប្អូន កាន់តែងាយស្រួល និង ទទួលបានព័ត៌មានកាន់តែលឿន ពីសម្ដេចតេជោ នាយករដ្ឋមន្ត្រី ដោយគ្រាន់តែ Scan QR Code ឬ ចុចចូលទៅតាមបណ្តាញតភ្ជាប់សង្គមផ្សេងៗខាងក្រោម៖

បណ្ដាញសង្គម

ព័ត៌មានថ្មីៗ

អេស្ប៉ាញរកឃើញមនុស្សស្លាប់ខ្ពស់បំផុតពាក់ព័ន្ធនឹងកម្តៅក្នុងខែឧសភា ចាប់តាំងពីឆ្នាំ ២០១៥
06/03/2026 09:06 PM
Facebook Telegram Linkin
អគ្គិភ័យ និងការខូចខាត បានកើតមាននៅអាកាសយានដ្ឋានគូវែត ក្រោយការវាយប្រហាររបស់អ៊ីរ៉ង់
06/03/2026 08:06 PM
Facebook Telegram Linkin
ឥណ្ឌាអនុម័តមូលនិធិជាង ១ពាន់លានដុល្លារ ដើម្បីជួយក្រុមហ៊ុនអាកាសចរណ៍ ស្របពេលប្រេងយន្តហោះឡើងថ្លៃ
06/03/2026 08:06 PM
Facebook Telegram Linkin
ក្រុមអ្នកតាំងលំនៅនិគមន៍អ៊ីស្រាអែលវាយប្រហាររថយន្តដឹកគ្រួសារប៉ាឡេស្ទីននៅតំបន់វ៉េសប៊ែង
06/03/2026 08:06 PM
Facebook Telegram Linkin
ឈីលីកម្ទេចបណ្តាញលាងលុយកខ្វក់ដែលមានការជាប់ពាក់ព័ន្ធនឹងក្រុមឧក្រិដ្ឋជន Tren de Aragua
06/03/2026 08:06 PM
Facebook Telegram Linkin
អរិភាពនៅតំបន់ឈូងសមុទ្រឡើងកម្តៅជាថ្មី ខណៈកិច្ចប្រជុំសន្តិភាពអាមេរិក-អ៊ីរ៉ង់ជាប់គាំង
06/03/2026 08:06 PM
Facebook Telegram Linkin
កូដកម្មជុំវិញកំណែទម្រង់ការងារ ធ្វើឲ្យប៉ះពាល់ដល់រថភ្លើង ជើងហោះហើរ និងសាលារៀននៅព័រទុយហ្គាល់
06/03/2026 08:06 PM
Facebook Telegram Linkin
ចិនច្រានចោលអំណះអំណាងការងារដោយបង្ខំ ជាការឆ្លើយតបនឹងសំណើពន្ធអាមេរិក
06/03/2026 08:06 PM
Facebook Telegram Linkin
វិមានក្រឹមឡាំង៖ រុស្ស៊ីនឹងបន្តវាយប្រហារអ៊ុយក្រែនជាប្រព័ន្ធ ក្រោយការវាយប្រហារដ្រូននៅទីក្រុង St Petersburg
06/03/2026 08:06 PM
Facebook Telegram Linkin
អ្នកវិទ្យាសាស្រ្តព្រមានថា បាតុភូតអែល នីញ៉ូ អាចនឹងវាយប្រហារតំបន់ភាគខាងត្បូងប្រេស៊ីលក្នុងឆ្នាំនេះ
06/03/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.