នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

Putin អះអាងជាថ្មីដល់ មេដឹកនាំពិភពលោកដែលគាំទ្ររុស្ស៊ីថា ការក្តាប់អំណាចរបស់លោកនៅតែរឹងមាំ

2023/07/05 12:28:54 pm        131
Facebook Telegram Linkin
រុស្ស៊ី៖ លោក វ្ល៉ាឌីមៀ ពូទីន បានព្យាយាមបង្ហាញរូបភាពនៃភាពរឹងមាំនៅចំពោះមុខការកិច្ចប្រជុំតាមអ៊ីនធឺណិតរបស់មេដឹកនាំជាមិត្តជាមួយទីក្រុងមូស្គូកាលពីថ្ងៃអង្គារ ចំពោះអ្វីជាការបង្ហាញខ្លួនលើកដំបូងរបស់មេដឹកនាំរុស្ស៊ីនៅលើឆាកពិភពលោក ចាប់តាំងពីលោកបានប្រឈមចំពោះការបះបោរប្រដាប់អាវុធកាលពីចុងខែមុន។ ការអត្ថាធិប្បាយដែលបានធ្វើឡើងនៅក្នុងអំឡុងសុន្ទរកថា ទៅកាន់មេដឹកនាំដែលចូលរួមក្នុងអង្គការកិច្ចសហប្រតិបត្តិការសៀងហៃ (SCO) រៀបចំដោយនាយករដ្ឋមន្ត្រីឥណ្ឌា លោក Narendra Modi បានធ្វើឡើងប៉ុន្មានថ្ងៃបន្ទាប់ពីលោក Putin បានផ្សព្វផ្សាយការបះបោរដែលបានចាប់ផ្តើមដោយក្រុមទាហានស៊ីឈ្នួល Wagner ។ព្រឹត្តិការណ៍នេះ ត្រូវបានគេមើលឃើញយ៉ាងទូលំទូលាយថា ជាការគំរាមកំហែងដ៏សំខាន់បំផុតចំពោះអំណាចដែលមេដឹកនាំបែបអតហ្តាធិបតេយ្យបានប្រឈម ហើយបានធ្វើឱ្យដៃគូនិងគូប្រជែងរបស់លោក Putin មានការងឿងឆ្ងល់ថាតើលោកមានការគ្រប់គ្រងតឹងរ៉ឹងប៉ុណ្ណា ជាងមួយឆ្នាំក្នុងការវាយលុកដ៏ត្រដាបត្រដួសរបស់លោកទៅលើអ៊ុយក្រែន។ លោកPutin បានប្រើពេលវេលារបស់លោកដើម្បីនិយាយនៅកាន់កិច្ចប្រជុំកំពូលរយៈពេលមួយថ្ងៃដើម្បីផ្តល់ចម្លើយរបស់លោកចំពោះសំណួរនេះ។ លោកបាននិយាយតាមរយៈបណ្តាញវីដេអូថា សាមគ្គីភាព និងការទទួលខុសត្រូវខ្ពស់ចំពោះជោគវាសនាប្រទេសជាតិ ត្រូវបានបង្ហាញយ៉ាងច្បាស់ដោយមជ្ឈដ្ឋាននយោបាយរុស្ស៊ី និងសង្គមទាំងមូល ដោយចេញមកខាងក្រៅជារណសិរ្សរួបរួមប្រឆាំងការប៉ុនប៉ងបះបោរប្រដាប់អាវុធ។លោក Putin បានថ្លែងទៅកាន់មេដឹកនាំចូលរួម ដែលរួមមាន លោក Xi Jinping ប្រធានាធិបតីចិន លោក Alexander Lukashenko ប្រធានាធិបតីបេឡារុស និងលោក Ebrahim Raisi ប្រធានាធិបតីអ៊ីរ៉ង់ថា «ខ្ញុំយកឱកាសនេះ ដើម្បីថ្លែងអំណរគុណដល់សហការីរបស់ខ្ញុំមកពីបណ្តាប្រទេស អង្គការកិច្សសហប្រតិបត្តិការសៀងហៃ ដែលបានបង្ហាញការគាំទ្រចំពោះសកម្មភាពដឹកនាំរបស់រុស្ស៊ី៕

អ៊ុយក្រែនរាយការណ៍ថា ទទួលបានលទ្ធផលជាផ្លែផ្កាប៉ុន្មានថ្ងៃនៅក្នុងការវាយបក

2023/07/05 12:26:22 pm        107
Facebook Telegram Linkin
រុស្ស៊ី៖ មន្ត្រីសន្តិសុខជាន់ខ្ពស់ម្នាក់បាននិយាយថា ការវាយបករបស់អ៊ុយក្រែនទៅលើកងកម្លាំងរុស្ស៊ី បានទទួលលទ្ធផលផ្លែផ្កាជាពិសេស ក្នុងរយៈពេលប៉ុន្មានថ្ងៃកន្លងទៅនេះ ហើយកងទ័ពអ៊ុយក្រែនកំពុងបំពេញភារកិច្ចចម្បងរបស់ពួកគេ។ ការអត្ថាធិប្បាយនេះធ្វើឡើងដោយ លោក Oleksiy Danilov លេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន ដែលជាការវាយតម្លៃវិជ្ជមានចុងក្រោយរបស់ទីក្រុងគីវ នៃការវាយបករយៈពេលមួយខែ ទោះបីជាទីក្រុងមូស្គូ មិនបានទទួលស្គាល់ការដណ្តើមបានរបស់អ៊ុយក្រែនក៏ដោយ។ អនុរដ្ឋមន្ត្រីការពារជាតិអ៊ុយក្រែនលោកស្រី Hanna Maliar ក៏បានរាយការណ៍ពីការដណ្តើមបានទីតាំងនៅជុំវិញទីក្រុង Bakhmut ដែលត្រូវបានបំផ្លាញ ទោះបីជាមានការតស៊ូរបស់រុស្ស៊ីយ៉ាងខ្លាំងក្លាក៏ដោយ។ លោក Danilov ប្រធានក្រុមប្រឹក្សាសន្តិសុខ និងការពារជាតិអ៊ុយក្រែន បានសរសេរនៅលើបណ្តាញ Twitter ថា នៅក្នុងដំណាក់កាលនៃអរិភាពដ៏សកម្មនេះ កងកម្លាំងការពារជាតិអ៊ុយក្រែនកំពុងបំពេញភារកិច្ចដូចជាការបំផ្លាញចំនួនកម្លាំងកងទ័ព យុទ្ធោបករណ៍ ឃ្លាំងផ្ទុកប្រេងឥន្ធនៈ យានយន្តយោធា ប៉ុស្តិ៍ទីបញ្ជាការ កាំភ្លើងធំ និងកងកម្លាំងការពារដែនអាកាសកងទ័ពរុស្ស៊ី ។ អ្នកនាំពាក្យទីបញ្ជាការយោធាភាគខាងត្បូងលោក Valeriy Shershen បាននិយាយថា កងទ័ពអ៊ុយក្រែនបានរុលទៅមុខរហូតដល់ពីរគីឡូម៉ែត្រក្នុងទិសដៅទីក្រុង Berdiansk ទោះបីជាមានការទប់ទល់របស់រុស្ស៊ីយ៉ាងខ្លាំងក៏ដោយ។ នៅទីក្រុង Makiivka ជាទីក្រុងមួយនៅក្នុងផ្នែកគ្រប់គ្រងដោយរុស្ស៊ីនៅតំបន់ Donetsk យោធាអ៊ុយក្រែនបាននិយាយថា ខ្លួនបានបំផ្លាញការប្រមូលផ្តុំកងកម្លាំងរុស្ស៊ី។ ពាក់ព័ន្ធនឹងរឿងរ៉ាវនៃការប្រយុទ្ធនៅសមរភូមិ ក្រសួងការពារជាតិរុស្ស៊ីបាននិយាយថា កងកម្លាំងរបស់ខ្លួនបានបញ្ឈប់កងកម្លាំងអ៊ុយក្រែននៅក្នុងតំបន់ចំនួនប្រាំនៃតំបន់ Donetsk ភាគខាងកើត។ ក្រសួងក៏បានរាយការណ៍ពីការវាយលុកនៅក្បែរទីក្រុង Lyman និងរំខានដល់ប្រតិបត្តិការរបស់សត្រូវនៅក្នុងទីក្រុង Zaporizhzhia ជាទីដែលអ៊ុយក្រែននិយាយថា កងកម្លាំងរបស់ខ្លួនដណ្តើមកាន់កាប់ភូមិមួយចំនួន៕

ពលរដ្ឋពេញចិត្តនិងគាំទ្រចំពោះគោលនយោបាយរបស់គណបក្សប្រជាជនកម្ពុជា

2023/07/05 12:20:52 pm        170
Facebook Telegram Linkin
ភ្នំពេញ៖ ប្រជាពលរដ្ឋនៅរាជធានីភ្នំពេញ បានបង្ហាញការពេញពេញចិត្ត និងគាំទ្របំផុតចំពោះការដាក់ចេញ នូវគោលនយោបាយរបស់គណបក្សប្រជាជនកម្ពុជា សម្រាប់អាណត្តិក្រោយនេះ ដែលជាគោលនយោ បាយការពារ និងលើកស្ទួយដល់ផលប្រយោជន៍ពលរដ្ឋ ក៏ដូចជាសង្គមជាតិទាំងមូល ។ប្រជាពលរដ្ឋ បានលើកឡើងថា ការរៀបចំគោលនយោបាយដ៏ត្រឹមត្រូវ គឺជាកត្តានាំមកនូវសុខ​សន្តិភាព និងការអភិវឌ្ឍឥតឈប់ឈរនៅក្នុងប្រទេស ហើយគោលនយោបាយរបស់​គណបក្សប្រជាជនកម្ពុជា ​គឺបានគិតតូរយ៉ាងត្រឹមត្រូវ​ និងច្បាស់លាស់បំផុត សម្រាប់ឧត្តម​ប្រយោជន៍ជាតិ និងប្រជាជនកម្ពុជា ។ ចំណុចសំខាន់ៗនៃគោលនយោបាយ រួមមាន ថែរក្សា ការពារសន្តិភាព សន្តិសុខ សណ្តាប់ធ្នាប់ និងសុវត្ថិភាពសង្គម ដើម្បីធានាភាពសុខសាន្តរបស់ប្រជាពលរដ្ឋ និងការអភិវឌ្ឍប្រទេសជាតិ, ផ្តល់សេវា សាធារណៈជូនប្រជាពលរដ្ឋប្រកបដោយតម្លាភាព ​ងាយស្រួល និងជឿទុកចិត្ត, បន្តដំឡើងប្រាក់បៀវត្សរ៍ ជូនមន្រ្តីរាជការ និងកងកម្លាំងប្រដាក់អាវុធ ​បន្តអភិវឌ្ឍន៍​គ្រប់ឃុំ សង្កាត់ ឱ្យមានផ្លូវគមនាគមន៍កាន់តែល្អ ​និងបន្តអនុវត្តគោលនយោបាយភូមិ/ឃុំ/មានសុវត្ថិភាព ជាដើម ៕អត្ថបទ ៖ លីហេង

អង្គការកិច្ចសហប្រតិបត្តិការសៀងហៃ ដាក់បញ្ចូលប្រទេសអ៊ីរ៉ង់ ជាសមាជិកពេញសិទ្ធិ

2023/07/05 12:19:27 pm        120
Facebook Telegram Linkin
អ៊ីរ៉ង់៖ ទង់ជាតិរបស់ប្រទេសអ៊ីរ៉ង់ ត្រូវបាបង្ហូត នៅបរិវេណលេខាធិការរដ្ឋានអង្គការកិច្ចសហប្រតិបត្តិការសៀងហៃ នៅក្នុងទីក្រុងប៉េកាំង កាលពីថ្ងៃអង្គារ ខណៈប្រទេសនេះក្លាយជាសមាជិកទី៩ របស់អង្គការនេះ។ អគ្គលេខាធិការអង្គការសកិច្ចសហប្រតិបត្តិការសៀងហៃ លោក Zhang Ming និងឯកអគ្គរដ្ឋទូតអ៊ីរ៉ង់ប្រចាំប្រទេសចិន លោក Mohsen Bakhtiar បានចូលរួមនៅក្នុងពិធី ប្រារព្ធការដាក់បញ្ចូលពេញសិទ្ធប្រទេសអ៊ីរ៉ង់ ទៅក្នុងអង្គការកិច្ចសហប្រតិបត្តិការសៀងហៃ។ សេចក្តីសម្រេចចាប់ផ្តើមដាក់បញ្ចូលប្រទេសអ៊ីរ៉ង់ ជាសមាជិកពេញសិទ្ធិ ត្រូវបានប្រកាសនៅឯកិច្ចប្រជុំលើកទី២១ របស់ក្រុមប្រឹក្សាប្រមុខរដ្ឋនៃអង្គការកិច្ចសហប្រតិបត្តិការសៀងហៃ ក្នុងរដ្ឋធានី Dushanbe ( ឌូសានបេ)ប្រទេសតាហ្ស៊ីគីស្ថាន កាលពីខែកញ្ញា ឆ្នាំ២០២១។ តាមរយៈការចូលរួមយ៉ាងសកម្ម នៅក្នុងគំនិតផ្តួចផ្តើមដឹកនាំដោយអង្គការកិច្ចសហប្រតិបត្តិការសៀងហៃ ប្រទេសអ៊ីរ៉ង់ អាចទាញយកអត្ថប្រយោជន៍ភូមិសាស្ត្ររបស់ខ្លួនដើម្បីក្លាយជាមជ្ឈមណ្ឌលឆ្លងកាត់ដ៏សំខាន់ និងសម្របសម្រួលពាណិជ្ជកម្មរវាងភាគខាងកើតនិងខាងលិច។ ប្រទេសអ៊ីរ៉ង់ អាចអភិវឌ្ឍហេដ្ឋារចនាសម្ព័ន្ធថាមពល ជំរុញពាណិជ្ជកម្មថាមពល និងពង្រឹងសន្តិសុខថាមពលនៅក្នុងតំបន់។ លើសពីនេះអង្គការកិច្ចសហប្រតិបត្តិការសៀងហៃ មានតួនាទីយ៉ាងសំខាន់ក្នុងការដោះស្រាយអំពើភេរវកម្ម និងភាពជ្រុលនិយម។ ឯកអគ្គរដ្ឋទូតអ៊ីរ៉ង់បាននិយាយថា អ៊ីរ៉ង់ និងការចូលរួមរបស់ខ្លួននៅក្នុងអង្គារ SCO នេះពង្រឹងកិច្ចសហប្រតិបត្តិការសន្តិសុខក្នុងតំបន់។ ចាប់តាំងពីការចាប់ផ្តើមរបស់ខ្លួននៅទីក្រុងស៊ាងហៃ ក្នុងឆ្នាំ ២០០១ អង្គការកិច្ចសហប្រតិបត្តិការសៀងហៃ បានពង្រីកពីអង្គការតំបន់ដែលមានសមាជិកចំនួន៦ ទៅជាអង្គការពិភពលោកដែលមានឥទ្ធិពលកើនឡើង។ នៅឆ្នាំ ២០១៧ ប្រទេសឥណ្ឌា និងប៉ាគីស្ថាន បានចូលរួមជាសមាជិកពេញសិទ្ធិក្នុងអំឡុងពេលជុំដំបូងនៃការពង្រីករបស់អង្គការកិច្ចសហប្រតិបត្តិការសៀងហៃ៕

ចិនជំរុញឲ្យជប៉ុន ផ្អាកការសម្រេចចិត្តបញ្ចេញទឹកនៅរោងចក្រ Fukushima ចូលទៅសមុទ្រ

2023/07/05 12:16:24 pm        107
Facebook Telegram Linkin
ចិន៖ យោងតាមប្រព័ន្ធផ្សព្វផ្សាយរដ្ឋ CCTV បានឲ្យដឹងថា ឯកអគ្គរដ្ឋទូតចិនប្រចាំប្រទេសជប៉ុន លោក Wu Jianghao (អ៊ូ ជាំងហាវ) បានទទូចឲ្យទីក្រុងតូក្យូផ្អាកការបញ្ចេញទឹកមានសារធាតុពុលពីរោងចក្រ Fukushima ដែលត្រូវបានបំផ្លាញឲ្យរេលកយក្សស៊ូណាមិ ចូលទៅក្នុងមហាសមុទ្រភ្លាមៗនៅមុនការសម្រេចលើចំណាត់ការមួយដែលត្រូវបានគេរំពឹងមកពីទីភ្នាក់ងារថាមពលអាតូមិកអន្តរជាតិ( IAEA)។ កាលពីល្ងាចថ្ងៃអង្គារ បន្ទាប់ពីការពិនិត្យឡើងវិញរយៈពេល២ឆ្នាំ ទីភ្នាក់ងារឃ្លាំមើលនុយក្លឹអ៊ែររបស់អង្គការសហប្រជាជាតិ បានផ្តល់ការអនុម័តដល់ប្រទេសជប៉ុន ដើម្បីបញ្ចេញទឹកមានសារធាតុវិទ្យុសកម្មដែលបានធ្វើប្រព្រឹត្តកម្មរួច ទោះបីជាមានការជំទាស់ខ្លាំងក្លាពីសំណាក់ប្រទេសចិននិងពលរដ្ឋនៅក្នុងតំបន់ក៏ដោយ។ទីភ្នាក់ងារថាមពលអាតូមិកអន្តរជាតិ (IAEA) បាននិយាយថា រោងចក្រនេះ បានធ្វើស្របទៅតាម ស្តង់ដារសុវត្ថិភាពពិភពលោក។  រដ្ឋាភិបាលជប៉ុននៅតែអះអាងថា ដំណើរការគឺមានសុវត្ថិភាព ខណៈខ្លួនបានធ្វើប្រព្រឹត្តកម្មទឹករួចហើយ ដែលគ្រប់គ្រាន់ដើម្បីបំពេញអាងទឹកមានទំហំ ប៉ុនអាងទឹកអូឡាំពិកចំនួន៥០០ ដែលប្រើប្រាស់ដើម្បីធ្វើឲ្យត្រជាក់បង្គោលរោងចក្រ Fukushima បន្ទាប់ពីវាត្រូវបានបំផ្លាញដោយរញ្ជួយដី និងបណ្តាលមកពីរលកយក្សស៊ូណាមិ។ ទីក្រុងប៉េកាំង តាមរយៈ ស្ថានទូតរបស់ខ្លួន នៅក្នុងប្រទេសជប៉ុន បាននិយាយថា អង្គការឃ្លាំមើលនុយក្លេអ៊ែរអង្គការសហប្រជាជាតិ មិនគួមានការអនុម័តឲ្យបញ្ចេញទឹកនេះទេ៕

លោក Xi ផ្ដោតលើសុវត្ថិភាព និងការការពារទ្រព្យសម្បត្តិប្រជាពលរដ្ឋជាចម្បងក្នុងការទប់ស្កាត់គ្រោះមហន្តរាយទឹកជំទំនន់

2023/07/05 12:12:24 pm        66
Facebook Telegram Linkin
ចិន៖ លោកប្រធានាធិបតីចិន Xi Jinping បានទាមទារឲ្យក្រុមរដ្ឋអាជ្ញារគ្រប់ជាន់ថ្នាក់ទាំងអស់ត្រូវតែផ្ដល់អាទិភាពជាចម្បងដើម្បីធានាសុវត្ថិភាព និងការការពារទ្រព្យសម្បត្តិរបស់ប្រជាជន និង ព្យាយាមបង្កើនកិច្ចខិតប្រឹងប្រែងជួយទប់ស្កាត់ទឹកគ្រោះមហន្តរាយទឹកជំនន់។  លោក Xi បានធ្វើអត្ថាធិប្បាយក្នុងការណែនាំដ៏សំខាន់នេះ បន្ទាប់ពីភ្លៀងធ្លាក់ខ្លាំងនៅតែបន្តប៉ះពាល់ដល់តំបន់ជាច្រើន រួមទាំងទីក្រុងឆុងឈីង ភាគនិរតីរបស់ប្រទេសចិន ដែលបណ្ដាលឲ្យមានមនុស្សបាត់បង់ជីវិត និងបាត់បង់ទ្រព្យសម្បត្តិ។  លោកបានតម្រូវឲ្យទីស្នាក់ការកណ្តាលគ្រប់គ្រងទឹកជំនន់ និងសង្គ្រោះគ្រោះរាំងស្ងួតរបស់រដ្ឋ និងក្រសួង គ្រប់គ្រងគ្រាអាសន្ន និងធនធានទឹក ដើម្បីបង្កើនការសម្របសម្រួល ពង្រឹងការពិគ្រោះយោបល់ និងការស្រាវជ្រាវ និងជំរុញព្រមានជាមុនឲ្យជាក់លាក់ និងការព្យាករណ៍។  លោក Xi បានគូសបញ្ជាក់ថា ក្រុមមន្ត្រីដឹកនាំគ្រប់លំដាប់ថ្នាក់ត្រូវតែដឹកនាំក្នុងការប្រយុទ្ធប្រឆាំងនឹងទឹកជំនន់ រក្សាសុវត្ថិភាព និងទ្រព្យសម្បត្តិរបស់ប្រជាជនជាអាទិភាព ហើយខិតខំកាត់បន្ថយការខាតបង់គ្រប់ប្រភេទទាំងអស់ ៕

បណ្ដុំអង្គការសមាគមសង្គមស៊ីវិល អំពាវនាវពលរដ្ឋកុំជឿតាមការញុះញង់របស់ក្រុមប្រឆាំងពីការបោះឆ្នោត

2023/07/05 12:10:38 pm        114
Facebook Telegram Linkin
ភ្នំពេញ៖ បណ្ដុំអង្គការសមាគមសង្គមស៊ីវិល បានអំពាវនាវដល់ប្រជាពលរដ្ឋកុំជឿតាមការញុះញង់​របស់ក្រុមប្រឆាំងដែលតែងតែមានបំណងអាក្រក់ចង់បំផ្លាញការបោះឆ្នោតនៅក្នុងប្រទេសកម្ពុជា ដែលនឹងប្រព្រឹត្តទៅនាថ្ងៃទី ២៣ ខែកក្កដា ឆ្នាំ២០២៣ខាងមុខនេះ។ លោក ហេង សំណាង ប្រធានបណ្តុំអង្គការសមាគមសង្គមស៊ីវិល បានថ្លែងប្រាប់ទូរទស្សន៍ BTV នាព្រឹកថ្ងៃទី ៥ ខែកក្កដា ឆ្នាំ២០២៣នេះថា ដើម្បីលុបបំបាត់ឱ្យអស់នូវនយោបាយអាក្រក់​របស់​ក្រុមប្រឆាំង ជាពិសេសក្រុមប្រឆាំងនៅក្រៅប្រទេស បណ្ដុំអង្គការសមាគមសង្គមស៊ីវិល បាន​បន្តធ្វើវេទិកាសាធារណៈ ក្រោមប្រធានបទ «គុណតម្លៃនៃការថែរក្សាសុខសន្ដិភាព និងការអភិវឌ្ឍ» ជាមួយប្រជាពលរដ្ឋនៅក្នុងមូលដ្ឋានស្រុកព្រៃកប្បាស ខេត្តតាកែវ នាថ្ងៃទី៧ ខែកក្កដា ឆ្នាំ ២០២៣នេះ។លោកថ្លែងថា តាមរយៈវេទិកានេះ ក្រុមការងាររបស់អង្គការសង្គមស៊ីវិល បានពន្យល់ប្រជាពលរដ្ឋ​ឱ្យយល់កាន់តែច្បាស់ថែមទៀតអំពីនយោបាយអាក្រក់របស់ក្រុមប្រឆាំងនៅក្រៅប្រទេស ជា​ពិសេសបំណងអាក្រក់របស់ក្រុមប្រឆាំង ​ដែលឃោសនាមិនឱ្យពលរដ្ឋទៅបោះឆ្នោត ឬទៅ​បោះឆ្នោត​គូសសន្លឹកឆ្នោតចោលជាដើម ​ដែលនេះជាទង្វើអាក្រក់ចង់បំផ្លាញលទ្ធិប្រជាធិបតេយ្យ និង​សុខសន្ដិភាពរបស់ប្រទេសកម្ពុជា។សូមជម្រាបថារយៈពេលកន្លងមកនេះ បណ្ដុំអង្គការសមាគមសង្គមស៊ីវិល បានធ្វើវេទិកា​សាធារណៈចំនួន ៦ ​លើករួចមកហើយជាមួយប្រជាពលរដ្ឋនៅរាជធានីភ្នំពេញ ​និងខេត្តតាកែវ លើប្រធានបទ «លុបបំបាត់នយោបាយខ្មៅកខ្វក់របស់ក្រុមប្រឆាំងនៅក្រៅប្រទេស»។ តាមរយៈវេទិកានេះយុវជនសង្គមស៊ីវិលបានអំពាវនាវដល់ពលរដ្ឋនៅក្នុងមូលដ្ឋានរួមគ្នាថែរក្សាសុខសន្ដិភាពរបស់ប្រទេសកម្ពុជា ​ដើម្បីមានការអភិវឌ្ឍរីកចម្រើន​ទៅមុខបន្ថែមទៀត៕អត្ថបទ៖វ៉ន ដារ៉ា

បេក្ខជននាំមុខក្នុងការបោះឆ្នោតជ្រើសរើសមេដឹកនាំកោះតៃវ៉ាន់និយាយថា លោកអាចបន្តរក្សាសន្តិភាពជាមួយចិនបាន

2023/07/05 12:03:13 pm        105
Facebook Telegram Linkin
តៃវ៉ាន់៖ បេក្ខជនមេដឹកនាំឈានមុខរបស់កោះតៃវ៉ាន់ លោក វីលៀមឡៃ (William Lai) បានសរសេរនៅក្នុងសារព័ត៌មាន Wall Street Journal នៅថ្ងៃពុធនេះ ថាលោកអាចនៅបន្តរក្សាសន្តិភាពជាមួយចិន ប្រសិនបើលោកត្រូវបានជ្រើសរើស ដោយបានបញ្ជាក់ជាថ្មីពីឆន្ទៈរបស់លោកសម្រាប់ការជជែកពិភាក្សាដោយគ្មានបុរេលក្ខខណ្ឌ និងសន្យាពង្រឹងវិស័យការពារជាតិ។ លោក Lai ដែលជាមេដឹកនាំលំដាប់ទី២របស់កោះតៃវ៉ាន់ និងជាបេក្ខជនសម្រាប់គណៈបក្សកាន់អំណាចប្រជាធិបតេយ្យជឿនលឿន បាននាំមុខក្នុងការស្ទង់មតិមុនការបោះឆ្នោត ដែលនឹងធ្វើឡើងនៅថ្ងៃទី១៣ខែមករាឆ្នាំ២០២៤ ។ មេដឹកនាំលោកស្រី សៃ-អ៊ីងវិន (Tsai Ing-wen) មិនអាចចូលរួមប្រកួតប្រជែងជាថ្មីទៀតបានទេ ក្រោយកាន់តំណែង២អាណត្តិរួចមក។ នៅក្នុងបទអត្ថាធិប្បាយមួយ លោក Lai បាននិយាយថា ទោះបីជាមានហានីភ័យផ្នែកយោធា និងសេដ្ឋកិច្ចពីប្រទេសចិនរួមទាំងសកម្មភាពឆ្មក់ចូលតាមដែនអាកាសស្ទើររាល់ថ្ងៃពីចិនជិតកោះនេះក៏ដោយ ចំណុចអាទិភាពជាច្រើនរបស់លោក នៅតែផ្ដោតលើគោលនយោបាយ ជោគជ័យ និងរក្សាស្ថិរភាព។ លោកបានបន្ថែមថា លោកនឹងគាំទ្រស្ថានភាពជាក់ស្ដែងទូទាំងសមុទ្រតៃវ៉ាន់ ដែលផ្ដល់ផលប្រយោជន៍ច្រើនបំផុតដល់ទាំងសាធារណរដ្ឋចិន ជាឈ្មោះជាផ្លូវការរបស់កោះតៃវ៉ាន់ទាំងសហគមន៍អន្តរជាតិ ។ លោកនឹងពុំច្រានចោលលទ្ធភាពនៃការសន្ទនា ដោយគ្មានបុរេលក្ខខណ្ឌ ដែលបានផ្អែកលើគោលនយោបាយនៃការផ្ដល់ការយោគយល់គ្នា និងគោរភាពថ្លៃថ្នូរទៅវិញទៅមក។យោងតាមប្រភពការទូតមួយចំនួន គេរំពឹងថា លោក Lai នឹងទៅបំពេញទស្សនកិច្ចនៅសហរដ្ឋអាមេរិក នៅខែក្រោយនេះ ដែលបេក្ខជនតំណែងមេដឹកនាំតែងធ្វើដើម្បីពិភាក្សាពីរបៀបវារៈគោលនយោបាយរបស់ខ្លួន៕

ឯកឧត្តម ហ៊ុន ម៉ាណែត៖ ការកាត់បន្ថយចរន្តប្រឆាំងគឺជាគោលដៅយកប្រៀបឈ្នះរយៈពេលវែង

2023/07/05 12:03:03 pm        105
Facebook Telegram Linkin
​ភ្នំពេញ៖ ឯកឧត្តម ហ៊ុន ម៉ាណែត បានលើកឡើងថា ការកាត់បន្ថយចរន្តប្រឆាំង ព្រមទាំងពង្រឹង និងពង្រីក ចរន្តគាំទ្រ គឺជាគោលដៅអាទិភាព របស់គណបក្សប្រជាជនកម្ពុជា ដើម្បីធានា​នូវប្រៀបឈ្នះ របស់គណបក្សក្នុងរយៈពេលវែង ដែលការកាត់បន្ថយចរន្តប្រឆាំងនេះ គឺមិនសំដៅលើគណបក្សប្រឆាំងនោះទេ គឺ កាត់បន្ថយការមិនសប្បាយចិត្តពីសំណាក់ប្រជាពលរដ្ឋ ។តាមរយៈវីដេអូឃ្លីប រយៈពេលជាងមួយនាទី ដែលត្រូវបានបង្ហោះលើឆាណែល Telegram និង Facebook នៅព្រឹកថ្ងៃទី៥ ខែកក្កដា នេះ ឯកឧត្តម ហ៊ុន ម៉ាណែត បានបញ្ជាក់ថា ការកាត់បន្ថយចរន្ត ប្រឆាំង ​គឺសំដៅដល់ការកាត់បន្ថយការមិនសប្បាយចិត្តរបស់ប្រជាពលរដ្ឋ ដូច្នេះត្រូវពង្រីកនូវ​ចរន្តគាំទ្រ ​តាមរយៈការរំលេចអ្វីដើម្បីពលរដ្ឋ​ ធ្វើឱ្យពលរដ្ឋមានភាពកក់ក្តៅក្នុងចិត្ត ។ឯកឧត្តម ហ៊ុន ម៉ាណែត បានលើកឡើងទៀតថា បើគ្រប់គ្នាបង្កើតចរន្តគាំទ្រច្រើន ទាំងអស់គ្នា នឹង មានលំនឹង ដែលជាគោលដៅ​ និងជាអ្វីដែលត្រូវធ្វើ ដើម្បីសុខសន្តិភាព ​ស្ថិរភាព មិនថាអ្នកមាន​តួនាទី ឬ មិនមានតួនាទីទេ ដរាបណាគណបក្សប្រជាជនកម្ពុជា នៅដឹកនាំប្រទេស រក្សាសន្តិភាពបាន រក្សាលំនឹង បានពលរដ្ឋនឹងបានសុខទាំងអស់គ្នា ៕អត្ថបទ៖ បាន ចក់

សហភាពអឺរុបចង់បានជំហានជាក់ស្តែងពីប្រទេសកូសូវ៉ូ មុនពេលដកទណ្ឌកម្មចេញ

2023/07/05 11:51:16 am        84
Facebook Telegram Linkin
EU៖ ប្រេសិតពិសេសសហភាពអឺរ៉ុប លោក Miroslav Lajcak បាននិយាយកាលពីថ្ងៃអង្គារ (ទី៤ ខែកក្កដា) ក្នុងអំឡុងពេលទស្សនកិច្ចទៅកាន់ទីក្រុង Pristinaថា សហភាពអឺរ៉ុប នឹងមិនដកទណ្ឌកម្មនយោបាយ និងសេដ្ឋកិច្ចលើកូសូវ៉ូទេ ប្រសិនបើរដ្ឋាភិបាល មិនបន្ថយភាពតានតឹងនៅភាគខាងជើង។បណ្តាប្រទេសសហភាពអឺរុប បានដាក់វិធានការទណ្ឌកម្មប្រឆាំងនឹងប្រទេសកូសូវ៉ូ ក្រោយពីរដ្ឋាភិបាលរបស់លោកនាយករដ្ឋមន្ត្រី Albin Kurti មិនបានអនុវត្តតាមសំណើរបស់ប្លុកនេះ និងសហរដ្ឋអាមេរិក ដើម្បីបន្ធូរបន្ថយភាពតានតឹងនៅតំបន់ភាគខាងជើងនៃប្រទេសដែលបានជួបប្រទះភាពតានតឹងផ្នែកជនជាតិភាគតិចដ៏អាក្រក់បំផុត ក្នុងរយៈពេលជាង ១ទសវត្សរ៍មកនេះ។វិធានការទាំងនេះ រួមមានការផ្អាកដំណើរទស្សនកិច្ចរបស់មន្ត្រីកូសូវ៉ូទៅកាន់ប្រទេសជាសមាជិកសហភាពអឺរ៉ុប និងការកាត់បន្ថយជំនួយសេដ្ឋកិច្ចដ៏សំខាន់។ លើសពីនេះទៅទៀតនោះ វិធានការបន្ថែម ត្រូវបានគំរាមកំហែង ប្រសិនបើលោកKurti មិនផ្លាស់ប្តូរជំហររបស់ខ្លួន។លោក Lajcak បានថ្លែងនៅក្នុងទីក្រុង Pristina បន្ទាប់ពីកិច្ចប្រជុំរយៈពេល៣ម៉ោង ជាមួយលោកKurtiថា៖«បំណងប្រាថ្នារបស់ខ្ញុំ គឺមិនមានការដាក់ទណ្ឌកម្មទេ»។ ជាការឆ្លើយតប លោក Kurti បានសម្តែងនូវជំនឿជាក់របស់ខ្លួនថា វិធានការដាក់ទណ្ឌកម្មរបស់ EU ប្រឆាំងនឹងកូសូវ៉ូ គឺអយុត្តិធម៌ ហើយបង្កើតការសន្ទនាដែលមិនស្មើភាពគ្នា។តំបន់ភាគខាងជើងនៃកូសូវ៉ូ ដែលជាទីរស់នៅរបស់ជនជាតិស៊ែរប៊ី ៥០.០០០នាក់ កាលពីពេលថ្មីៗនេះ បានជួបប្រទះភាពតានតឹងខ្ពស់បំផុតរបស់ខ្លួន ចាប់តាំងពី Pristina បានប្រកាសឯករាជ្យពីប្រទេសស៊ែរប៊ីក្នុងឆ្នាំ២០០៨៕

បណ្ដាញសង្គម

ព័ត៌មានថ្មីៗ

យោធាអ៊ីស្រាអែល បានបំផ្លាញអគារប្រហែល ១.២៥០ នៅក្នុងទីក្រុង Gaza ចាប់តាំងពីខែសីហា
10/01/2025 04:10 PM
Facebook Telegram Linkin
មន្ទីរពេទ្យមិត្តភាព ខ្មែរ-សូវៀត សហការជាមួយ ក្រុមគ្រូពេទ្យអូស្ត្រាលី ជួយព្យាបាល និងវះកាត់ជំងឺរោគស្ត្រី
10/01/2025 04:10 PM
Facebook Telegram Linkin
កាសែត Guardian៖ សហភាពអឺរ៉ុប កំពុងពិភាក្សាអំពីការផ្លាស់ប្តូរគោលនយោបាយឆ្ពោះទៅបេឡារុស
10/01/2025 04:10 PM
Facebook Telegram Linkin
អ៊ីស្រាអែលដាក់ពង្រាយនគរបាល៥០០នាក់នៅកំពង់ផែ ត្រៀមសម្រាប់ការទៅដល់នៃក្បួននាវាដឹកជំនួយរបស់សកម្មជន
10/01/2025 04:10 PM
Facebook Telegram Linkin
កងទ័ព៖យានដ្រូនមិនស្គាល់អត្តសញ្ញាណ ត្រូវបានរកឃើញនៅភាគឦសានប្រទេសប៉ូឡូញ
10/01/2025 04:10 PM
Facebook Telegram Linkin
នាយកដ្ឋានប្រយុទ្ធនឹងជំងឺឆ្លង ឆ្លើយតប ចំពោះការលើកឡើងថា ការចាក់វ៉ាក់សាំងកូវីដ-១៩ អាចបង្កជំងឺមហារីក
10/01/2025 04:10 PM
Facebook Telegram Linkin
ប្រជាជនហ្កាហ្សា កំពុងប្រឈមនឹងការខ្វះខាតទឹក ខណៈដែលការវាយប្រហាររបស់អ៊ីស្រាអែល រំខានការផ្គត់ផ្គង់
10/01/2025 04:10 PM
Facebook Telegram Linkin
៩ខែ ឆ្នាំនេះ ច្រកទ្វារព្រំដែនអន្តរជាតិបាវិត មានភ្ញៀវចម្រុះជាតិសាសន៍ជាង១លាននាក់បានធ្វើដំណើរឆ្លងកាត់
10/01/2025 04:10 PM
Facebook Telegram Linkin
ក្រុមហ៊ុនសាជីវកម្ម៖ បុគ្គលិកព្រលានយន្តហោះកូរ៉េខាងត្បូង នឹងធ្វើកូដកម្មពីថ្ងៃទី១ ខែតុលា
10/01/2025 04:10 PM
Facebook Telegram Linkin
កម្ពុជា-ម៉ាឡេស៊ី សហការរួមគ្នាជំរុញ​កំណើនភ្ញៀវទេសចរ​រវាង​ប្រទេសទាំងពីរ​ឱ្យ​កាន់​តែ​ច្រើន​ឡើង​ថែម​ទៀត
10/01/2025 04:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.