នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

លោក នេតានយ៉ាហ៊ូ ប្រកាសបញ្ចប់ប្រតិបត្តិការក្នុងទីក្រុងចេនីន ២ថ្ងៃ ក្រោយវាយប្រហារសម្លាប់ជនជាតិប៉ាឡេស្ទីន១២នាក់

2023/07/05 10:36:25 am        94
Facebook Telegram Linkin
អ៊ីស្រាអែល៖ លោកនាយករដ្ឋមន្ត្រីអ៊ីស្រាអែល បេនចាមីន នេតានយ៉ាហ៊ូ (Benjamin Netanyahu) បាននិយាយកាលពីថ្ងៃអង្គារថា កងកម្លាំងការពារជាតិអ៊ីស្រាអែល (IDF) បានបញ្ចប់ប្រតិបត្តិការប្រឆាំងអំពើភេវនិយម នៅក្នុងទីក្រុង ចេនីន (Jenin) តំបន់ វ៉ែសបែង (West Bank )។  កងកម្លាំងអ៊ីស្រាអែល បានចាប់ផ្ដើមដកចេញពីជំរំជនភៀសខ្លួនក្រុងចេនីន ក្នុងតំបន់វ៉ែសបែងដែលអ៊ីស្រាអែលគ្រប់គ្រង។ ការដកកម្លាំងចេញនេះ បានបញ្ចប់ប្រតិបត្តិការដ៏ធំរយៈពេល២ថ្ងៃអំឡុងពេលដែលជនជាតិប៉ាឡេស្ទីន១២នាក់ និងទាហានអ៊ីស្រាអែលម្នាក់បានស្លាប់ ។  គេបានលឺស្នូរសំឡេងគ្រាប់កាំភ្លើង និងការផ្ទុះ ពាសពេញជំរំចេនីន ខណៈដំណឹងនៃការដកកម្លាំងនេះ បានកើតមានឡើងកាលពីល្ងាចថ្ងៃអង្គារ។  យោធាអ៊ីស្រាអែល បាននិយាយថាក្រោយមកខ្លួនបានស្ទាក់ចាប់រ៉ូកែត៥គ្រាប់ដែលបានបាញ់សំដៅទៅកាន់អ៊ីស្រាអែល ភាគខាងត្បូង ពីសំណាក់ក្រុមសកម្មប្រយុទ្ធប៉ាឡេស្ទី ក្នុងតំបន់កាហ្សា Gaza។  តែពុំមានក្រុមណាមួយចេញមុខទទួលអះអាងភ្លាមៗទេថាខ្លួនជាអ្នកបាញ់រ៉ូកែតទាំងនោះ។  ខណៈមានការដកកងកម្លាំងរបស់អ៊ីស្រាអែលចេញពីទីក្រុងនេះ ក្រុមមន្ត្រីសុខាភិបាលប៉ាឡេស្ទីន បានរាយការណ៍ថា បុរសជនជាតិប៉ាឡេស្ទីនម្នាក់បានស្លាប់ដោយសារកងកម្លាំងអ៊ីស្រាអែល ។ ក្រុមមន្ត្រីខាងលើនិយាយថាបុរសរងគ្រោះរូបនេះ គឺជាជនជាតិប៉ាឡេស្ទីនទី១២ ដែលបានស្លាប់ក្នុងទីក្រុងនេះ ចាប់តាំងពីថ្ងៃចន្ទមក៕

សម្ដេចតេជោ បញ្ជាឱ្យស្រាវជ្រាវចាប់ខ្លួនជនទុច្ចរិតដែលណែនាំពលរដ្ឋឱ្យគូសសន្លឹកឆ្នោតខុសឱ្យបាន

2023/07/05 07:31:59 am        367
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា នាយប់ថ្ងៃទី ៤ ខែកក្កដា ឆ្នាំ២០២៣នេះ បានចេញសារសំឡេងពិសេសដោយញ្ជាឱ្យសមត្ថកិច្ច និងក្រសួងពាក់ព័ន្ធស្រាវជ្រាវឃាត់ខ្លួនឱ្យបាននូវជនទុច្ចរិតក្លែងបន្លំជាថ្នាក់ដឹកនាំគណបក្សប្រជាជនកម្ពុជា បានទៅណែនាំ អ្នកបោះឆ្នោតឱ្យគូសសន្លឹកឆ្នោតខុស ក្លាយទៅជាសន្លឹកឆ្នោតមិនបានការ។សម្ដេចតេជោ ហ៊ុន សែន បានថ្លែងថា ទង្វើបែបនេះទាមទារឱ្យគ្រប់គណបក្សនយោបាយទាំងអស់ ត្រូវតែបង្រៀនប្រជាពលរដ្ឋ សមាជិកសមាជិការបស់ខ្លួនឱ្យចេះគូសសន្លឹកឆ្នោត ដើម្បីជាសន្លឹកឆ្នោតបានការ។សម្ដេចតេជោ បញ្ជាក់ថា ក្រុមជនក្លែងបន្លំទាំងនោះបានទៅពន្យល់ប្រជាពលរដ្ឋឱ្យគូសច្រើនដង​លើសពីមួយ ពីរ ឬបី គឺមានន័យថា បង្ហាញពីការស្រឡាញ់ពេញចិត្តចំពោះ​គណបក្សប្រជាជនកម្ពុជា។ទង្វើនេះធ្វើឱ្យប្រជាពលរដ្ឋដែលស្រឡាញ់គណបក្សប្រជាជនគូសសន្លឹកឆ្នោតកាន់តែច្រើនដើម្បីបង្ហាញពីក្ដីស្រឡាញ់ ដែលទង្វើនេះវិធីសាស្រ្ដរបស់ក្រុមជនក្លែងបន្លំមានបំណងបំផ្លាញការបោះឆ្នោត។ សម្ដេចតេជោ បានអំពាវនាវទាំងសមាជិកសមាជិកាគណបក្សប្រជាជនកម្ពុជា និង​បណ្ដាគណបក្សនយោបាយដទៃទៀតរួមគ្នាដើម្បីពន្យល់ដល់ប្រជាពលរដ្ឋឱ្យគូសសន្លឹកឆ្នោតឱ្យបានត្រឹមត្រូវ។ សម្ដេចញ្ជាក់ថា កិច្ចការងារនេះគឺជាកិច្ចការដែលត្រូវធ្វើរួមគ្នាធ្វើ ដើម្បីឱ្យការ​បោះឆ្នោតជ្រើស​តាំងតំណាងរាស្រ្ដនីតិកាលទី៧ ឆ្នាំ២០២៣នេះ ធានាបាននូវភាពរលូន និងជោគជ័យសម្រាប់ប្រទេសកម្ពុជាទាំងមូល។ សម្ដេចតេជោ បានបញ្ជាឱ្យក្រសួងប្រៃសណីយ៍ និងទូរគមនាគមន៍ ធ្វើការស្រាវជ្រាវលើករណី​នេះផងដែរ ពីព្រោះក៏មានក្រុមជនអាក្រក់បង្រៀនគូសសន្លឹក​ឆ្នោតតាមអនឡាញ (Online)ឱ្យគូសសន្លឹកឆ្នោតខុសនេះផងដែរ។ សម្ដេចតេជោបញ្ជាឱ្យធ្វើការស្រាវជ្រាវជាបន្ទាន់ថា តើនណាខ្លះប្រើប្រាស់អនឡាញ ដើម្បីធ្វើការងារនេះដើម្បីរកឱ្យឃើញចំពោះមុខសញ្ញានេះ។ចំណែកអ្នកដែលក្លែងបន្លំដែលតាំងខ្លួនជាគណបក្សប្រជាជនកម្ពុជាហើយទៅបង្រៀនប្រជាពលរដ្ឋឱ្យគូសសន្លឹកឆ្នោតខុស គឺត្រូវចាប់ខ្លួនឱ្យបានដើម្បីចូលរួមដោះស្រាយលើការងារ​របស់​គណៈកម្មាធិការជាតិ​រៀបចំការបោះឆ្នោត (គ.ជ.ប) និងជួយទៅដល់សមត្ថកិច្ច​ក្នុងការអនុវត្តការងារ​រៀបចំ​ការបោះឆ្នោតឱ្យបានត្រឹមត្រូវទៅតាមច្បាប់។ សម្ដេចតេជោបញ្ជាក់ថា ដូច្នេះត្រូវធ្វើការរួមគ្នាដើម្បីប្រទេសជាតិកម្ពុជាទាំងមូល​ទទួលបាន​សេចក្ដីសុខសាន្តហើយត្រូវចាប់ឱ្យបានចំពោះជនដែលប្រព្រឹត្តល្មើស ជាពិសេសគណបក្សប្រជាជន​កម្ពុជា ត្រូវតែទទួលខុសត្រូវទៅលើការ​ចាប់នណាដែលបន្លំខ្លួន​ជាមនុស្សរបស់គណបក្ស​ប្រជាជនកម្ពុជា​ណែនាំប្រជាជនឱ្យទៅគូសសន្លឹកឆ្នោតខុសនេះ។ សម្ដេចបញ្ជាក់ថា ជនទុច្ចរិតនេះ គឺមិនត្រូវទទួលបានការអត់ឱននោះឡើយ៕អត្ថបទ៖ វ៉ន ដារ៉ា

មនុស្សរាប់រយនាក់ភៀសខ្លួនចេញពីជំរំ ក្រុង Jenin ក្នុងពេលប្រតិបត្តិការរបស់អ៊ីស្រាអែល

2023/07/04 02:07:24 pm        147
Facebook Telegram Linkin
អ៊ីស្រាអែល៖ កងកម្លាំងប្រទេសអ៊ីស្រាអែល បាននិយាយថា ការវាយលុកដាក់គោលដៅលើក្រុមសកម្មប្រយុទ្ធនៅក្នុងទីក្រុង Jenin អាចមានរយៈពេលច្រើនថ្ងៃ ជាប្រតិបត្តិការមួយក្នុងចំណោមប្រតិបត្តិការធំបំផុតនៅតំបន់ West Bank ដែលធ្វើឡើងក្នុងរយៈពេល ២០ ឆ្នាំមកនេះ។ ពលរដ្ឋនៅជំរំ ត្រូវបានគេមើលឃើញថាបានភៀសខ្លួនចេញពីអំពើហិង្សាកាលពីថ្ងៃចន្ទ ដែលរួមមានការប្រយុទ្ធគ្នាដោយកាំភ្លើងជាមួយក្រុមអ្នកប្រយុទ្ធសកម្មប្រយុទ្ធ ព្រមទាំងការវាយប្រហារដោយយានដ្រូន ដែលអាជ្ញាធរប៉ាឡេស្ទីននិយាយថាបាន បណ្តាលឲ្យមនុស្សមួយចំនួនស្លាប់។ ជំរំដែលមានប្រជាជនរស់នៅច្រើនមានតាំងពីឆ្នាំ១៩៤៨ លទ្ធផល បណ្តាលមកពីសង្គ្រាម រួមជាមួយការបង្កើតរដ្ឋអ៊ីស្រាអែល។ បច្ចុប្បន្ននេះ អ៊ីស្រាអែលអះអាងថាវាជាកន្លែងដ៏ក្តៅគគុកសម្រាប់ក្រុមសកម្មប្រយុទ្ធកងពលតូចទីក្រុង Jenin ហើយបានបញ្ជូនទាហានរាប់រយនាក់ចូល និងធ្វើការវាយប្រហារជាច្រើនថ្ងៃ។ស្ត្រីម្នាក់និយាយថា ទាហានអ៊ីស្រាអែលឈរក្បែររថយន្តសង្គ្រោះមួយគ្រឿង ខណៈពលរដ្ឋក្នុងតំបន់ត្រូវបានគេប្រាប់ឱ្យចាកចេញពីលំនៅឋាននិងទ្រព្យសម្បត្តិរបស់ពួកគេ មុនពេលនាំទៅកាន់មន្ទីរពេទ្យនេះ។ វីដេអូ ដែលបានចេញផ្សាយដោយនគរបាលអ៊ីស្រាអែល បានអះអាងបង្ហាញពីការចាប់ខ្លួនធ្វើឡើងជាផ្នែកមួយនៃប្រតិបត្តិការ ដោយបង្ហាញមុខព្រាលៗដើម្បីការពារការកំណត់អត្តសញ្ញាណ។ រយៈពេលជាងមួយឆ្នាំ ការវាយឆ្មក់របស់កងទ័ពនៅក្នុងទីក្រុងដូចជាទីក្រុង Jenin បានក្លាយជាទម្លាប់។ មានការវាយប្រហារដ៏ឃោរឃៅជាបន្តបន្ទាប់របស់ពប៉ាឡេស្ទីនមកលើអ៊ីស្រាអែល និងការវាយសម្រុកដោយក្រុមអ្នកតាំងលំនៅជនជាតិជ្វីហ្វ មកលើភូមិរបស់ប៉ាឡេស្ទីន។ នាយករដ្ឋមន្ត្រីអ៊ីស្រាអែលលោក Benjamin Netanyahu កាលពីថ្ងៃចន្ទបានប្តេជ្ញាបន្តប្រតិបត្តិការនេះរយៈពេលយូរបហរសិនបើចាំបាច់ ដោយបានហៅទីក្រុង Jenin ថាជា សំបុកសម្រាប់សកម្មភាពភេរវកម្ម។

ប្រធានាធិបតីឥណ្ឌូនេស៊ីទទួលបានការស្វាគមន៍យ៉ាងកក់ក្តៅក្នុងទីក្រុងស៊ីដនី អំឡុងដំណើរទស្សនកិច្ចនៅអូស្រ្តាលី

2023/07/04 02:04:10 pm        124
Facebook Telegram Linkin
ឥណ្ឌូនេស៊ី៖ នៅថ្ងៃអង្គារនេះ ប្រធានាធិបតីឥណ្ឌូនេស៊ីលោក Joko Widodoត្រូវបានស្វាគមន៍ដោយនាយករដ្ឋមន្រ្តីអូស្រ្តាលី លោក Anthony Albaneseក្នុងពិធីស្វាគមន៍ដ៏កក់ក្តៅមួយនៅទីក្រុងស៊ីដនី ។  ឈរថតរូបសម្រាប់សារព័ត៌មានជាមួយលោក Albanese និងអគ្គទេសាភិបាអូស្រ្តាលីលោក David Hurleyលោក Widodoបានធ្វើអធិការកិច្ចឆ្មាំកិត្តិយស និងស្ងើចសរសើរទេសភាពកំពង់ផែ Sydney Harbour ។  បញ្ហាសេដ្ឋកិច្ច ការបន្ធូរបន្ថយទិដ្ឋាការធុរកិច្ចសម្រាប់ពលរដ្ឋឥណ្ឌូនេស៊ី និងបញ្ហាសន្តិសុខក្នុងតំបន់ នឹងត្រូវលើកយកមកពីពិភាក្សាអំឡុងជំនួបរបស់ភាគីទាំង ២ ។ នេះបើយោងតាមការអះអាងរបស់ក្រសួងការបរទេសអូស្រ្តាលី ។  នៅមុនកិច្ចប្រជុំនៅថ្ងៃអង្គារនេះដែរ រដ្ឋមន្រ្តីការបរទេសអូស្រ្តាលី លោកស្រី Penny Wongនិយាយថា នឹងមានការផ្លាស់ប្តូរមួយចំនួនលើច្បាប់ផ្តល់ទិដ្ឋាការសម្រាប់ពលរដ្ឋឥណ្ឌូនេស៊ី  ទិន្នន័យពីរដ្ឋាភិបាលអូស្រ្តាលី បានឲ្យដឹងថា ឥណ្ឌូនេស៊ី គឺជាប្រទេសដៃគូពាណិជ្ជកម្មធំបំផុតទី១៣របស់អូស្រ្តាលី និងការវិនិយោគរបស់អូស្រ្តាលីនៅឥណ្ឌូនេស៊ី គិតជាទឹកប្រាក់សរុប២,៨៧ពាន់លានដុល្លារ ក្នុងនោះធ្យូងថ្ម ត្រូវបាននាំចេញខ្ពស់ជាងគេ ៕

កងទ័ពជើងទឹកចិនទៅទស្សនកិច្ចនៅប្រទេសនីហ្ស៊េរីយ៉ារយៈពេល៥ថ្ងៃ

2023/07/04 01:51:04 pm        168
Facebook Telegram Linkin
នីហ្ស៊េរីយ៉ា៖ កងនាវាចរណ៍នៃកងទ័ពរំដោះប្រជាជន (PLA) ដឹកនាំដោយនាវាចម្បាំងNanning បានទៅដល់ប្រទេសនីហ្ស៊េរីយ៉ា កាលពីថ្ងៃអាទិត្យសម្រាប់ដំណើរទស្សនកិច្ចដ៏កម្រមួយរបស់យោធាចិនទៅកាន់ឆ្នេរសមុទ្រអាត្លង់ទិកនៃទ្វីបអាហ្រ្វិក ជាទីដែលទីក្រុងប៉េកាំង បានខិតខំប្រឹងប្រែងជាយូរមកហើយដើម្បីពង្រីកឥទ្ធិពលរបស់ខ្លួន។ស្ថានទូតចិន បានឱ្យដឹងនៅក្នុងសេចក្តីថ្លែងការណ៍មួយកាលពីថ្ងៃចន្ទថា ឯកអគ្គរដ្ឋទូតចិនប្រចាំប្រទេសនីហ្ស៊េរីយ៉ា បានសាទរចំពោះដំណើរទស្សនកិច្ចរយៈពេល៥ថ្ងៃថា ជាព្រឹត្តិការណ៍សំខាន់មួយក្នុងការទំនាក់ទំនង ហើយកងទ័ពជើងទឹកនីហ្ស៊េរីយ៉ា បានបង្ហាញពីឆន្ទៈក្នុងការធ្វើការជាមួយប្រទេសចិន ដើម្បីដោះស្រាយការគំរាមកំហែងផ្នែកសន្តិសុខដែនសមុទ្រ និងរក្សាស្ថិរភាពនៅឈូងសមុទ្រហ្គីណេ។ .កងនាវាចរណ៍នីហ្ស៊េរីយ៉ា បាននិយាយនៅក្នុងសេចក្តីថ្លែងការណ៍មួយថា នាវាពិឃាត និងនាវាចម្បាំងដែលអមដំណើរSanya រួមជាមួយនឹងនាវាផ្គត់ផ្គង់ Weishanhu បានទៅដល់កំពង់ផែ Lagos ដោយនាវាNanningចតនៅកំពង់ផែនេះ រហូតដល់ថ្ងៃព្រហស្បតិ៍។អាហ្រ្វិកខាងលិចដែលសម្បូរដោយប្រេង គឺជាផ្នែកមួយនៃឈូងសមុទ្រហ្គីណេ ហើយជាអ្នកនាំចេញប្រេងឆៅដ៏សំខាន់របស់ពិភពលោក។ឈូងសមុទ្រហ្គីណេដែលត្រូវបានពិពណ៌នាដោយការិយាល័យដែនសមុទ្រអន្តរជាតិថា ជាផ្លូវដឹកជញ្ជូនដ៏គ្រោះថ្នាក់ និងសំខាន់បំផុតមួយរបស់ពិភពលោក គ្របដណ្តប់លើផ្ទៃដី ១១.០០០ គីឡូម៉ែត្រក្រឡា (៤ ២៤៧ម៉ាយក្រឡា) និងលាតសន្ធឹងពីអង់ហ្គោឡាទៅដល់សេណេហ្គាល់។ចាប់តាំងពីឆ្នាំ២០២១មក ករណីប្លន់តាមសមុទ្រ បានធ្លាក់ចុះដោយសារតែកិច្ចសហប្រតិបត្តិការក្នុងចំណោមប្រទេសក្នុងតំបន់ និងការដាក់ពង្រាយនាវាកងទ័ពជើងទឹកបរទេស។ នេះបើយោងតាមក្រុមប្រឹក្សាសន្តិសុខអង្គការសហប្រជាជាតិ៕

ចិននឹងរឹតបន្តឹងការនាំចេញសម្ភារៈផលិតបន្ទះអេឡិចត្រូនិក ខណៈអាមេរិកពិចារណាលើការទប់ស្កាត់ថ្មី

2023/07/04 01:42:52 pm        147
Facebook Telegram Linkin
ចិន៖ ក្រសួងពាណិជ្ជកម្មរបស់ប្រទេសចិន បានប្រកាសកាលពីថ្ងៃចន្ទ (ទី៣ ខែកក្កដា) ថា ប្រទេសចិននឹងគ្រប់គ្រងលើការនាំចេញលោហធាតុមួយចំនួន ដែលត្រូវបានប្រើប្រាស់យ៉ាងទូលំទូលាយ នៅក្នុងឧស្សាហកម្មបន្ទះអេឡិកត្រូនិក ដែលនេះជាសកម្មភាពដ៏ខ្លាំងក្លាចុងក្រោយបំផុត ក្នុងសង្គ្រាមដែលកំពុងកើនឡើង ជុំវិញការចូលទៅប្រើប្រាស់មីក្រូឈីបទំនើប រវាងទីក្រុងប៉េកាំង និងសហរដ្ឋអាមេរិក។ការគ្រប់គ្រង ដែលប្រទេសចិនបាននិយាយថា មានគោលបំណងការពារសន្តិសុខ និងផលប្រយោជន៍របស់ជាតិ នឹងតម្រូវឲ្យក្រុមហ៊ុននាំចេញស្វះស្វែងរកការអនុញ្ញាត ដើម្បីដឹកជញ្ជូននូវផលិតផលហ្គាលីយ៉ូម និងហ្គេម៉ានីញ៉ូមមួយចំនួន។បើយោងតាមការរាយការណ៍ពីប្រព័ន្ធផ្សព្វផ្សាយ បានឲ្យដឹងថា ការសម្រេចដើម្បីគ្រប់គ្រងការនាំចេញនៃវត្ថុធាតុកម្រដែលទីក្រុងប៉េកាំងចាត់ទុកថាជាសកម្មភាពយុទ្ធសាស្ត្រនេះ បានកើតឡើងនៅក្នុងខណៈពេលដែលក្រុងវ៉ាស៊ីនតោន កំពុងពិចារណាលើការរឹតបន្តឹងថ្មី ចំពោះការដឹកជញ្ជូនមីក្រូឈីបបច្ចេកវិទ្យាជាន់ខ្ពស់ទៅកាន់ប្រទេសចិន។ជាមួយគ្នានេះ សហរដ្ឋអាមេរិក និងប្រទេសហូឡង់ ក៏គ្រោងនឹងបង្ហាញភាពមិនសប្បាយចិត្តដល់ក្រុមហ៊ុនផលិតបន្ទះអេឡិកត្រូនិករបស់ប្រទេសចិននៅរដូវក្តៅនេះផងដែរ ដោយការរឹតបន្តឹងបន្ថែមទៀតលើការលក់ឧបករណ៍ផលិតបន្ទះសៀគ្វី ដែលជាផ្នែកនៃកិច្ចប្រឹងប្រែង ដើម្បីការពារបច្ចេកវិទ្យារបស់ខ្លួន កុំឲ្យប្រទេសចិនប្រើប្រាស់ពង្រឹងវិស័យយោធារបស់ខ្លួន៕

រាជរដ្ឋាភិបាលប្រកាសបង្កើនប្រាក់ឧបត្ថម្ភជូនកម្មករនិយោជិត និងមន្រ្តីរាជការជាស្រ្តីមានផ្ទៃពោះ

2023/07/04 01:13:45 pm        319
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា នៅថ្ងៃទី៤ ខែកក្កដា ឆ្នាំ ២០២៣នេះ បានប្រកាសជាផ្លូវការ បង្កើន​ប្រាក់ឧបត្ថម្ភជូនកម្មករនិយោជិត មន្រ្តីរាជការជាស្រ្តី និងស្រ្តីនៃគ្រួសារដែលមានបណ្ណសមធម៌​ក្នុងពេលមានផ្ទៃពោះរហូតដល់កូនអាយុ ២ឆ្នាំ។ នេះបើយោងតាមសេក្ដីប្រកាសព័ត៌មានចុះថ្ងៃទី៤ ខែកក្កដា ឆ្នាំ២០២៣នេះ។ការប្រកាសប្រកាសជាផ្លូវការបង្កើនប្រាក់ឧបត្ថម្ភជូនកម្មករនិយោជិត មន្រ្តីរាជការជាស្រ្តី និង​ស្រ្តីនៃគ្រួសារដែលមានបណ្ណសមធម៌ក្នុងពេលមានផ្ទៃពោះរហូតដល់កូនអាយុ២ឆ្នាំនេះ បាន​កើតឡើង​តាមរយៈគោលនយោបាយច្បាស់លាស់របស់រាជរដ្ឋាភិបាល ក្រោមការដឹកនាំរបស់​សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា ​ដែលសម្ដេច តែងតែយកចិត្តទុកដាក់ និងចុះជួបសួរសុខទុក្ខដោយផ្ទាល់ជាមួយកម្មករនិយោជិត។ សេចក្ដីប្រកាសព័ត៌មានបញ្ជាក់ថា កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារ​អាយុក្រោម​២ឆ្នាំ​ដំឡើងកម្រិតប្រាក់ ឧបត្ថម្ភទ្វេដង ​សម្រាប់ការពិនិត្យផ្ទៃពោះមុនសម្រាល, ការសម្រាលកូន១​ និងគិតគូរបន្ថែមសម្រាប់ករណីកូនភ្លោះ, និងការពិនិត្យសុខភាពក្រោយសម្រាល និង​យកកូនទៅទទួលថ្នាំបង្ការរហូតដល់កូនមានអាយុ២ឆ្នាំ។ចំណែកការផ្ដល់ប្រាក់ឧបត្ថម្ភបន្ថែមជូនកម្មករនិយោជិតជាស្ត្រីដែលជាសមាជិក ប.ស.ស ក្នុង​អំឡុងពេល ​មានផ្ទៃពោះ រហូតដល់កូនអាយុ២ឆ្នាំ ​និងដែលប្រើប្រាស់សេវានៅតាម មូលដ្ឋាន​សុខាភិបាល សាធារណៈរាជរដ្ឋាភិបាលផ្តល់ប្រាក់ឧបត្ថម្ភសម្រាប់ការពិនិត្យ​ផ្ទៃពោះមុន​សម្រាល​ចំនួន ៤ដង និងការពិនិត្យសុខភាពក្រោយសម្រាល និងយកកូនទៅទទួលថ្នាំបង្ការ​រហូតដល់អាយុ២ឆ្នាំ ចំនួន១០ដង ដូចការផ្តល់ជូនស្ត្រីនៃគ្រួសារមានបណ្ណសមធម៌ដែរ និងដំឡើង​ប្រាក់ឧបត្ថម្ភទ្វេដង សម្រាប់ការសម្រាលកូន១ និងគិតគូរបន្ថែមសម្រាប់ករណីកូនភ្លោះ។រីឯការផ្តល់ប្រាក់ឧបត្ថម្ភមាតុភាពបន្ថែមជូនមន្ត្រីរាជការ មន្ត្រីកម្មសិក្សា និងមន្ត្រីជាប់កិច្ចសន្យា ជាស្រ្ដីក្នុងអំឡុង​ពេលមានផ្ទៃពោះ រហូតដល់កូនអាយុ២ឆ្នាំ ដែលប្រើប្រាស់សេវានៅតាមមូលដ្ឋាន​សុខាភិបាលសាធារណៈ រាជរដ្ឋាភិបាលផ្តល់ប្រាក់ឧបត្ថម្ភសម្រាប់ការពិនិត្យផ្ទៃពោះមុនសម្រាល ចំនួន៤ដង ​និងការពិនិត្យសុខភាព ក្រោយសម្រាល ​និងយកកូនទៅទទួលថ្នាំបង្ការ រហូតដល់​អាយុ២ឆ្នាំ ចំនួន ១០ដង ដូចការផ្តល់ជូនស្ត្រីនៃគ្រួសារមានបណ្ណសមធម៌ដែរ, និងផ្តល់ប្រាក់​ឧបត្ថម្ភសម្រាប់ការសម្រាលកូន ​និងករណីកូនភ្លោះ​ ដូចការផ្តល់ជូន កម្មករនិយោជិត ជាស្ត្រីដែលជាសមាជិក ប.ស.ស ដែរ។ សេចក្ដីប្រកាសបញ្ជាក់ថា៖«ការដំឡើងកម្រិត និងផ្តល់ការឧបត្ថម្ភបន្ថែមខាងលើនឹងចាប់ផ្តើម​អនុវត្តពីថ្ងៃទី១ ខែសីហា ឆ្នាំ២០២៣ តទៅ»៕អត្ថបទ៖ វ៉ន ដារ៉ា

ឯកឧត្តម ប៉ាន សូរស័ក្តិ ប្រាប់សមាជិកបក្សថា មានតែគណបក្សប្រជាជនកម្ពុជាមួយគត់ ដែលរួមសុខទុក្ខជាមួយគ្រប់ពេល

2023/07/04 01:00:33 pm        143
Facebook Telegram Linkin
ភ្នំពេញ៖ ឯកឧត្តម ប៉ាន សូរស័ក្តិ បេក្ខជនតំណាងរាស្រ្តខេត្តកំពង់ចាម និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ លើកឡើងថា មានតែគណបក្សប្រជាជនកម្ពុជាតែមួយគត់ ដែលបានជួយសង្រ្គោះប្រជាជនកម្ពុជាចេញពីរបបប្រល័យពូជសាសន៍ និងសុខចិត្តនៅខាំស្មៅ ក្រាញននាល រួមសុខទុក្ខជាមួយប្រជាជនគ្រប់កាលៈទេសៈ ដោយមិនដែលរត់ចោលប្រជាជនកម្ពុជាម្ដងណាឡើយ។ ក្នុងឱកាសដឹកនាំសមាជិក សមាជិកាគណបក្សប្រជាជនកម្ពុជា ចុះផ្សព្វផ្សាយកម្មវិធីនយោបាយ​របស់គណបក្សប្រជាជនកម្ពុជា និងបង្ហាញអំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជា ដល់សមាជិក សមាជិកាគណបក្សនៅស្នាក់ការគណបក្សឃុំសណ្ដែក ស្រុកបាធាយ ខេត្តកំពង់ចាម ក្នុងថ្ងៃទី៤ នៃយុទ្ធនាការឃោសនាបោះឆ្នោត នាព្រឹកថ្ងៃទី៤ កក្កដា ឆ្នាំ២០២៣នេះឯកឧត្តម បានរំឮកពីគុណបំណាច់របស់គណបក្សប្រជាជនកម្ពុជា ក្រោមការដឹកនាំប្រកបដោយគតិបណ្ឌិត​របស់ សម្តេចតេជោនាយករដ្ឋមន្រ្តី ដែលបាននាំមកនូវភាពរីកចម្រើននៅទូទាំងប្រទេស ជាពិសេស​ក្នុងមូលដ្ឋានស្រុកបាធាយផ្ទាល់ ដោយបាននាំមកនូវការអភិវឌ្ឍហេដ្ឋារចនាសម្ព័ន្ធ ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត អណ្ដូងទឹក ភ្លើងអគ្គិសនី ប្រព័ន្ធព័ត៌មាន រោងចក្រកសិដ្ឋាន សំណង់តូចធំ មណ្ឌលពាណិជ្ជកម្ម សាលារៀន មន្ទីរពេទ្យ វត្តអារាម។ល។ ដែលជាសក្ខីភាព​មួយបង្ហាញថា កម្ពុជា បាននិងកំពុងធ្វើដំណើរទៅមុខលើមាគ៌ាដ៏ត្រឹមត្រូវប្រកប​ដោយក្តីសង្ឃឹម​ជឿជាក់ តាមរយៈការចូលរួមរបស់ប្រជាជនកម្ពុជាគ្រប់ៗគ្នា។ ឯកឧត្តមបេក្ខជនតំណាងរាស្រ្ត បន្ថែមថា សមិទ្ធផលទាំងនេះ សុទ្ធតែបានមកពីផ្លែផ្កានៃសន្តិភាព ដោយ​ការយកអាយុជីវិតធ្វើជាដើមទុន ​និងពលិកម្មដ៏ធំធេងរបស់សមាជិក សមាជិកាគណបក្ស​ប្រជាជនកម្ពុជា ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្ស។ ឆ្លៀតក្នុងឱកាសនោះ ឯកឧត្តម បានអំពាវនាវទៅចូលរួមបោះឆ្នោត នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ ​ឱ្យបានគ្រប់ៗគ្នា ហើយត្រូវបោះឆ្នោតជូនគណបក្សប្រជាជនកម្ពុជា ដែល​មានលេខរៀងទី១៨ និងមានរូបសញ្ញាទេវតាបាចផ្កាជាសម្គាល់ ​ដើម្បីរក្សាសុខសន្តិភាព ការអភិវឌ្ឍ និងភាពរីកចម្រើនបន្តទៀត៕

ពលរដ្ឋសង្កេតឃើញបរិយាកាសល្អ នៃយុទ្ធនាការឃោសនាបោះឆ្នោត៤ថ្ងៃមកនេះ

2023/07/04 12:54:02 pm        52
Facebook Telegram Linkin
ភ្នំពេញ៖ ប្រជាពលរដ្ឋនៅរាជធានីភ្នំពេញ បានបង្ហាញការយល់ឃើញថា រយៈពេល៤ថ្ងៃ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ ​នីតិកាលទី៧នេះ គឺមានភាពល្អប្រសើរ ទាំងការដង្ហែក្បួនតាម ដងផ្លូវរបស់គណបក្សនយោបាយនីមួយៗ រួមទាំងក្រុមអ្នកគាំទ្រ បានគោរព និងប្រកាន់ភ្ជាប់នូវឥរិយាបទល្អផងដែរ ។ ប្រជាពលរដ្ឋបានលើកឡើងថា រយៈពេល៤ថ្ងៃនេះ ពួកគេត់បានសម្លឹងឃើញថា គណបក្ស​ប្រជាជនកម្ពុជា ​គឺមាន​សម្ទុះខ្លាំង​នៃក្រុមអ្នកគាំទ្រ ដែលបានចូលរួមក្នុងការឃោសនា លើស​គណបក្សនយោយបាយនានាដទៃ។ ហើយកត្តា ​ដែលនាំឱ្យពលរដ្ឋច្រើនគាំទ្រគណបក្សនេះ គឺដោយសារពួកគេ ​បានមើលឃើញពីការដឹកនាំប្រទេស ​ប្រកបដោយសុខសន្តិភាព និងមានការអភិវឌ្ឍ ។ សមាជិកគណបក្សប្រជាជនកម្ពុជា សង្កាត់អូរឫស្សី៤ បានឱ្យដឹងថា ពលរដ្ឋស្ទើរតែទាំងអស់​ ដែល រស់នៅក្នុងមូលដ្ឋានសង្កាត់ ​គឺសុទ្ធសឹងតែបានគាំទ្រគណបក្សប្រជាជនកម្ពុជា​ ពិសេសនោះ គឺ​គាំទ្រសម្តេចតេជោ នាយករដ្ឋមន្ត្រី និងឯកឧត្តមបណ្ឌិត ហ៊ុន ម៉ាណែត ដែលជា​បេក្ខភាព​នាយករដ្ឋមន្ត្រីបន្តវេន ដើម្បីបន្តដឹកនាំប្រទេសទៅមុខបន្តទៀត ។សូមបញ្ជាក់ថា យុទ្ធនាការ ​នៃការឃោសនាបោះឆ្នោតជ្រើសតាំងតំណាងរាស្ត្រ ​នីតិកាលទី៧ បាន​ឈានចូលដល់ថ្ងៃទី៤ហើយ ខណៈយុទ្ធនាការនេះ ​នឹងប្រព្រឹត្តិទៅរយៈពេល២១ថ្ងៃ ​គិតចាប់ពីថ្ងៃទី ០១ ដល់ថ្ងៃទី២១ ខែកក្កដា នេះ ហើយនៅថ្ងៃទី២៣ ខែកក្កដា គឺជាថ្ងៃបោះឆ្នោត ៕ អត្ថបទ៖ លីហេង

អ្នកសង្កេតការណ៍មើលឃើញយុទ្ធនាការឃោសនាបោះឆ្នោតអាណត្តិនេះ កាន់តែប្រសើរជាងមុន

2023/07/04 12:42:56 pm        139
Facebook Telegram Linkin
ភ្នំពេញ៖ ក្រុមអ្នកសង្កេតការណ៍ជាតិ និងបណ្តាញសង្គមស៊ីវិលកម្ពុជា បានសង្កេតឃើញថារយៈពេល ៤ ថ្ងៃនៃសកម្មភាពយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ ២០២៣នេះ គណបក្សនយោបាយ និងអ្នកគាំទ្រកាន់មានភាពចាស់ទុំ និងបានធ្វើសកម្មភាពឃោសនាកាន់តែប្រសើរជាងអាណត្តិមុនៗទៅទៀត។ លោក សាខុន ប៉ូរិន អគ្គលេខាធិការរងនៃសហព័ន្ធនិស្សិតបញ្ញាវ័ន្តប្រជាធិបតេយ្យកម្ពុជា ឬហៅថា ក្រុមកែវភ្នែកយុត្តិធម៌ ដែលតែងតែចូលរួមសង្កេតការណ៍រៀងរាល់ការបោះឆ្នោតបានប្រាប់ BTV News នៅថ្ងៃទី៤ ខែកក្កដានេះថា សហព័ន្ធរបស់លោកមានអ្នកសង្កេតការណ៍បោះឆ្នោតជាង ១ ពាន់នាក់ សម្រាប់សង្កេតការណ៍តាមបណ្តារាជធានី-ខេត្ត ក្នុងយុទ្ធនាការឃោសនាបោះឆ្នោត​អាណត្តិនេះ។ លោកបន្តថា នាអំឡុងយុទ្ធនាការឃោសនានេះ ក្រុមការងាររបស់លោកសង្កេតឃើញ​បណ្តា​អ្នកនយោបាយមកពីគណបក្ស​ទាំង១៨ បាន​ធ្វើសកម្មភាព​ឃោសនា​មាន​ឥរិយាបថ​ចាស់​ទុំជាង​អាណត្តិមុនៗ ​និងគោរពគ្នាទៅវិញទៅមក។ លោក ទុំប៉ែន វីរៈវិទូ ប្រធានបណ្តាញសង្គមស៊ីវិលកម្ពុជា លើកឡើងថា យុទ្ធនាការបោះឆ្នោត​រយៈពេល៤ថ្ងៃកន្លង​មកនេះ សកម្មភាពឃោសនារកសំឡេងឆ្នោត​របស់​គណបក្សនយោបាយ​ទាំងអស់ គឺអនុវត្តបានល្អតាមច្បាប់ហើយអ្នកនយោបាយគ្រប់រូបគោរព​ក្រមសីលធម៌គ្នា​ទៅវិញទៅមក ដែល​នេះ​ឆ្លុះបញ្ចាំង​ពី​យុទ្ធនាការឃោសបោះឆ្នោត​ក្នុងអាណត្តិ​មានភាព​កាន់តែប្រសើរជាងមុន។សូមជម្រាបថា យុទ្ធនាការឃោសនាបោះឆ្នោតជ្រើសតាំងតំណាងរាស្រ្ត ​នីតិកាលទី៧ ឆ្នាំ២០២៣ មានរយៈពេល២១ ថ្ងៃ ចាប់ពីថ្ងៃទី១ ដល់ថ្ងៃទី២១ ​ខែ កក្កដា ឆ្នាំ២០២៣នេះ ខណៈការបោះឆ្នោត​នឹង​ប្រព្រឹត្តទៅ នាថ្ងៃទី២៣ កក្កដា​ខាងមុខនេះ ​ដែល​នឹង​មាន​ប្រជាពលរដ្ឋចូលរួម​បោះឆ្នោតជាង ៩លាន៧សែននាក់៕អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

មន្ទីរពេទ្យអន្តរជាតិ វីអ ចតុមុខ (VR Chaktomuk International Hospital) នៅមហាវិថីសម្តេច ហ៊ុន សែន ត្រូវបានបើកការដ្ឋានសាងសង់
10/01/2025 02:10 PM
Facebook Telegram Linkin
រូបផ្កាយរណប៖ កូរ៉េខាងជើង ត្រៀមធ្វើក្បួនដង្ហែយោធាទ្រង់ទ្រាយធំក្នុងខួបបង្កើតបក្ស នៅថ្ងៃទី១០ ខែតុលា
10/01/2025 02:10 PM
Facebook Telegram Linkin
កម្ពុជា-សិង្ហបុរី មានទស្សនៈរួមគ្នាក្នុងការពង្រីកកិច្ចសហប្រតិបត្តិការទេសចរណ៍ កាន់តែស៊ីជម្រៅ
10/01/2025 02:10 PM
Facebook Telegram Linkin
កំហឹងបាតុករម៉ាដាហ្គាស្កា នៅមិនទាន់រលត់ ទោះជារដ្ឋាភិបាលព្រមរំសាយក៏ដោយ
10/01/2025 02:10 PM
Facebook Telegram Linkin
ក្រុមប្រឹក្សារាជធានី-ខេត្ត កំពុងពង្រឹងច្បាប់ទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ
10/01/2025 01:10 PM
Facebook Telegram Linkin
លោក Trump ប្រាប់ប្រមុខទ័ពថា ទីក្រុងនានារបស់សហរដ្ឋអាមេរិក គួរតែក្លាយជាកន្លែងហ្វឹកហ្វឺនយោធា
10/01/2025 01:10 PM
Facebook Telegram Linkin
សាខាកាកបាទក្រហមកម្ពុជាខេត្តក្រចេះ នាំយកអំណោយចែកជូនប្រជាពលរដ្ឋរងគ្រោះដោយទឹក​ជំនន់​រហ័ស និងគ្រួសារកងទ័ពជួរមុខចំនួន ១០៤គ្រួសារ
10/01/2025 12:10 PM
Facebook Telegram Linkin
ភ្លៀងធ្លាក់ នៅតែបន្តទូទាំងប្រទេសវៀតណាម ខណៈអូ្នកស្លាប់ពីព្យុះ Bualoi ឡើងដល់ជិត ៣០នាក់
10/01/2025 12:10 PM
Facebook Telegram Linkin
ឧបនាយករដ្ឋមន្រ្តី ហ៊ុន ម៉ានី គោរពវិញ្ញាណក្ខន្ធសព ព្រឹទ្ធាចារ្យកីឡា កែវ សារិន
10/01/2025 12:10 PM
Facebook Telegram Linkin
អ្នកស្រុកនៅម៉ិកស៊ិកភាគកណ្តាល ជម្នះបញ្ហាលំបាកក្នុងការបាត់បង់សម្ភារៈបន្ទាប់ពីទឹកជំនន់
10/01/2025 12:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.