នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

ក្រុមការងាររាជរដ្ឋាភិបាល ចុះមូលដ្ឋានខណ្ឌទួលគោក បើកការដ្ឋានជួសជុលផ្លូវ៣ខ្សែជូនប្រជាពលរដ្ឋ

2023/06/30 12:41:26 pm        396
Facebook Telegram Linkin
ភ្នំពេញ៖ ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្រ្តី ប្រធានក្រុមការងាររាជរដ្ឋាភិបាលចុះមូល ដ្ឋានខណ្ឌទួលគោក រាជធានីភ្នំពេញ នៅថ្ងៃទី៣០ ខែមិថុនានេះ បានអញ្ជើញជាអធិបតីភាពក្នុងពិធីបើក ការដ្ឋានជួសជុលផ្លូវ៣ខ្សែ ប្រវែងជាង៩០០ម៉ែត្រ ស្ថិតនៅសង្កាត់បឹងសាឡាង ។ឯកឧត្តម ឱម យ៉ិនទៀង បានមានប្រសាសន៍ឱ្យដឹងថា ការបើកការដ្ឋានជួសជុសផ្លូវនេះ គឺដើម្បី ឆ្លើយតប​ទៅ​នឹងតម្រូវការរបស់​ប្រជាពលរដ្ឋនៅក្នុងមូលដ្ឋាន សម្រាប់កាត់បន្ថយការលំបាក​ក្នុង​ការធ្វើដំណើរ ។ឯកឧត្តម បានបន្តថា ក្រោមការដឹកនាំដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋ មន្រ្តីកម្ពុជា បានធ្វើការអភិវឌ្ឍប្រទេសជាតិឱ្យរីកចម្រើនគ្រប់វិស័យ តាមរយៈការអនុវត្តគោល​នយោបាយ ឈ្នះ ឈ្នះ ​និងយុទ្ធសាស្រ្តចតុកោណដំណាក់កាលទី៤ ​របស់រាជរដ្ឋាភិបាល ដើម្បី​ធានាបាននូវស្ថិរភាព សង្គម សុខសន្តិភាព​ និងអធិបតេយ្យជាតិជាដើម។ប្រជាពលរដ្ឋ បានលើកឡើងដែរថា បច្ចុប្បន្ន ក្នុងមូលដ្ឋានសង្កាត់បឹងសាឡាង ​មានអភិវឌ្ឍន៍​រីក ចម្រើន​ជាងមុន ពលរដ្ឋរស់នៅសុខស្រួល ក្រោមម្លប់សន្តិភាព។ ពួកគេប្ដេជ្ញាបន្តគាំទ្រការដឹកនាំ របស់គណបក្សប្រជាជនកម្ពុជា ​ដើម្បីធានានិរន្តរភាពសុខសន្តិភាព​ និងការអភិវឌ្ឍរីកចម្រើនទៅមុខ ។រាជរដ្ឋាភិបាលក្រោមការដឹកនាំពីគណបក្សប្រជាជនកម្ពុជា ​តែងតែយកចិត្តទុកដាក់ពីសុខទុក្ខ ប្រជាពលរដ្ឋគ្រប់កាលៈទេសៈ។ ​ដោយការមើលឃើញប្រការទាំងនេះ ​ទើបប្រជាពលរដ្ឋខ្មែរ ផ្តល់​ទំនុកចិត្ត បោះឆ្នោតគាំទ្រគណបក្សប្រជាជនកម្ពុជា ដឹកនាំរាជរដ្ឋាភិបាលក្នុងរយៈពេល៦​អាណត្តិ​កន្លងមកហើយ​ ហើយនឹងបន្តគាំទ្រនៅអាណត្តិនេះ និងអាណត្តិក្រោយៗទៀតផងដែរ៕ អត្ថបទ៖ ទូច សោភ័ណ

ប្រជាជនអាមេរិកជាង ១០០លាននាក់ គ្រោះថ្នាក់រាលដាលផ្សែងចំហេះព្រៃពីកាណាដា

2023/06/30 12:27:28 pm        181
Facebook Telegram Linkin
អាមេរិក៖ ប្រជាជនអាមេរិក ជិតមួយភាគបី ជួបប្រទះគុណភាពខ្យល់មិនល្អកាលពីថ្ងៃព្រហស្បតិ៍ ខណៈផ្សែងពីចំហេះព្រៃពីប្រទេសកាណាដា អូសបន្លាយពេល បានរាលដាលនៅពាសពេញផ្ទៃមេឃនៅភាគខាងលិច និងភាគខាងកើត ដែលបណ្តាលមានសុខភាពមិនល្អ ហើយនៅកន្លែងមួយចំនួនស្ថិតក្នុងស្ថានភាពគ្រោះថ្នាក់។អង្គភាពសេវាអាកាសធាតុជាតិបាននិយាយថា ការព្រមានពីគុណភាពខ្យល់បានចូលជាធរមាន រហូតដល់ពាក់កណ្តាលអធ្រាត្រសម្រាប់តំបន់ភាគច្រើននៅសហរដ្ឋអាមេរិក ដែលបានលាតសន្ធឹងចាប់ពីរដ្ឋ Wisconsin និងភាគខាងជើងរដ្ឋ Illinois រហូតដល់រដ្ឋ Michigan និងលាតសន្ធឹងចូលទៅក្នុងទីក្រុង New York និងតំបន់ East Coast។ប្រជាជនអាមេរិកជាង ១០០ លាននាក់ ត្រូវបានជំរុញឱ្យកំណត់សកម្មភាពនៅខាងក្រៅលំនៅឋានរយៈពេលយូរ ហើយប្រសិនបើចាំបាច់ សូមពាក់ម៉ាស់ ប្រសិនបើពួកគេមានជំងឺសួត ឬផ្លូវដង្ហើម។ កុមារ និងមនុស្សចាស់ក៏ត្រូវបានណែនាំឱ្យកាត់បន្ថយ ឬចៀសវាងសកម្មភាពដែលនឿយហត់។ ប្រជាជនដែលរស់នៅក្នុងទីក្រុងធំៗរបស់សហរដ្ឋអាមេរិកដូចជា ទីក្រុងញូវយ៉ក ឈីកាហ្គោ និងហ្វីឡាដែលហ្វៀ អាចមើលឃើញផ្ទៃមេឃស្រអាប់ និងមានក្លិនឆ្ងៀមអុសឆេះពេញមួយថ្ងៃ។អភិបាលក្រុងញូវយ៉ក លោក Eric Adams បាននិយាយនៅលើបណ្តាញ Twitter កាលពីថ្ងៃព្រហស្បតិ៍ ថា សូមមានការប្រុងប្រយ័ត្នជាមូន ។ ប្រសិនបើអ្នកមានស្ថានភាពសុខភាព រួមមានលក្ខខណ្ឌផ្លូវដង្ហើម ដូចជាជំងឺហឺត សូមកាត់បន្ថយពេលវេលារបស់អ្នកនៅខាងក្រៅ៕

បណ្តាប្រទេសមូស្លីម ប្រតិកម្មយ៉ាងខ្លាំងចំពោះការដុតគម្ពីរគូរ៉ាននៅស៊ុយអែត

2023/06/30 12:23:53 pm        171
Facebook Telegram Linkin
ឥស្លាម ៖ ប្រទេសកាន់សាសនាឥស្លាម បានប្រតិកម្មយ៉ាងខ្លាំងចំពោះការដុតគម្ពីរគូរ៉ាន ដោយបុរសម្នាក់នៅក្នុងការជួបជុំមួយក្នុងរដ្ឋធានី ស្តុកខូម(Stockholm) ប្រទេសស៊ុយអែតកាលពីថ្ងៃពុធ។ នៅរដ្ឋធានី Baghdad ប្រទេសអ៊ីរ៉ាក់ ក្រុមអ្នកតវ៉ាបានសម្រុកចូលស្ថានទូតស៊ុយអែត កាលពីថ្ងៃព្រហស្បតិ៍។ រដ្ឋាភិបាលប្រទេសម៉ារ៉ុក បានកោះហៅឯកអគ្គរដ្ឋទូតរបស់ខ្លួនប្រចាំប្រទេសស៊ុយអែតត្រឡប់មកវិញ។ ប្រធានាធិបតីទួរគីលោក Recep Tayyip Erdogan បាននិយាយនៅក្នុងសុន្ទរកថាតាមទូរទស្សន៍ថា អ្នកទាំងឡាយណាដែលប្រព្រឹត្តបទឧក្រិដ្ឋនេះ ដែលអនុញ្ញាតឱ្យទង្វើនេះស្ថិតនៅក្រោមសេរីភាពនៃការគិតក្លែងក្លាយ នឹងមិនសម្រេចបានគោលដៅរបស់ពួកគេឡើយ។ប្រទេសស៊ុយអែតបានដាក់ពាក្យស្នើសុំចូលជាសមាជិកសម្ព័ន្ធយោធាណាតូ ប៉ុន្តែប្រទេសទួរគីដែលជាសមាជិក នៅពុំទាន់អនុម័តឲ្យចូលជាសមាជិករបស់ក្រុង Stockholm នៅឡើយ។ ទីក្រុងអង់ការ៉ាអះអាងថា ស៊ុយអែតគាំទ្រក្រុមសកម្មប្រយុទ្ធឃឺដ ដែលមានបំណងផ្តាច់ខ្លួនពីប្រទេសទួរគី។ ប្រទេសទាំងពីរមានផែនការជួបពិភាក្សាគ្នានៅសប្តាហ៍ក្រោយ។ ប៉ុន្តែប្រទេសគី មិនបន្ទន់ជំហររបស់ខ្លួននោះទេបន្ទាប់ពីមានឧបទ្ទវហេតុនេះកើតឡើង។ សារព័ត៌មានរ៉យទ័រ បានរាយការណ៍ថាសភាប្រទេសហុងគ្រីបានសម្រេច ពន្យារពេលការបោះឆ្នោតលើការផ្តល់សច្ចាប័នលើសមាជិកភាពសម្ព័ន្ធយោធាណាតូរបស់ប្រទេសស៊ុយអែត រហូតដល់សប្តាហ៍ក្រោយ ឬសប្តាហ៍ក្រោយៗទៀត។ ប្រទេសហុងគ្រីក៏ជាសមាជិកសម្ព័ន្ធណាតូផងដែរ។ស៊ុយអែត ចង់ចូលរួមជាមួយសម្ព័ន្ធភាពយោធានេះ មុនពេលកិច្ចប្រជុំកំពូលបន្ទាប់របស់ខ្លួន ដែលគ្រោងនឹងចាប់ផ្តើមនៅថ្ងៃទី ១១ ខែកក្កដា។ ប៉ុន្តែការវិវឌ្ឍន៍ចុងក្រោយបំផុតនេះ បានធ្វើឱ្យស្ថានភាពកាន់តែលំបាកសម្រាប់ប្រទេសនៅអារ៉ុបខាងជើងមួយនេះ។

Mike Pence អតីតអនុប្រធានាធិបតិអាមេរិក ធ្វើទស្សនកិច្ចដ៏ភ្ញាក់ផ្អើលទៅអ៊ុយក្រែន

2023/06/30 12:21:32 pm        160
Facebook Telegram Linkin
អ៊ុយក្រែន៖ អតីតអនុប្រធានាធិបតីសហរដ្ឋអាមេរិក លោក Mike Pence ដែលកំពុងឈរឈ្មោះសម្រាប់ការតែតាំងរបស់គណបក្សសាធារណៈរដ្ឋ ក្នុងការបោះឆ្នោតប្រធានាធិបតីឆ្នាំ២០២៤ បានធ្វើទស្សនកិច្ចដ៏ភ្ញាក់ផ្អើល ទៅកាន់ប្រទេសអ៊ុយក្រែនកាលពីថ្ងៃព្រហស្បតិ៍ ដើម្បីជួបជាមួយប្រធានាធិបតីអ៊ុយក្រែន លោក Volodymyr Zelenskiy ។លោក Pence បានសន្យាបន្តផ្តល់ឲ្យអ៊ុយក្រែននូវការគាំទ្រដែលពួកគេត្រូវការសម្រាប់អំឡុងពេលជម្លោះនេះ។ យោងតាមប្រព័ន្ធផ្សព្វផ្សាយ CNN បានឲ្យដឹងថា លោក Pence បានធ្វើទស្សនកិច្ចទៅកាន់ទីក្រុងនិងភូមិចំនួន៣ នៅជិតទីក្រុងគីវ មានទីក្រុង Bucha, Irpin និងភូមិ Moschun ដើម្បីពិនិត្យមើលការបំផ្លាញពីការបាញ់ផ្លោងរបស់រុស្ស៊ី ចាប់តាំងពីការវាយលុកកាលពីខែកុម្ភ:ឆ្នាំមុន។ លោក Pence គឺជាបេក្ខជនប្រធានាធិបតីគណបក្សសាធារណៈរដ្ឋដំបូងគេ ដែលមកជួបលោក Zelenskiy អំឡុងយុទ្ធនាការ។ លោក Pence គឺជាអ្នករិះគន់ឥតសំចៃចំពោះប្រធានាធិនបតីរុស្ស៊ី លោក Vladimir Putin និងជាអ្នកគាំទ្រពេញទំហឹងចំពោះអ៊ុយក្រែន ខណៈលោកប្រឈមជាមួយអតីតមេដឹកនាំរបស់លោក អតីតប្រធានាធិបតី Donald Trump សម្រាប់ការតែងតាំងរបស់គណបក្សសាធារណៈរដ្ឋ៕

លោក Blinken៖ កិច្ចខិតខំប្រឹងប្រែងនៅបន្តដើម្បីឈានដល់កិច្ចព្រមព្រៀងសន្តិភាព ខណៈកិច្ចចរចា អាមេនី-អាស៊ែបៃហ្សង់ បានបញ្ចប់

2023/06/30 12:18:31 pm        94
Facebook Telegram Linkin
អាមេរិក៖ រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយថា ការខិតខំប្រឹងប្រែងនៅតែបន្តដើម្បីឈានដល់កិច្ចព្រមព្រៀងចុងក្រោយដើម្បីបញ្ចប់ជម្លោះជុំវិញបញ្ហាតំបន់ Nagorno-Karabakh(ណាហ្គ័រណូ-ខារ៉ាបាក់) ខណៈកិច្ចពិភាក្សារវាងរដ្ឋមន្ត្រីការបរទេសអាមេនី និងអាស៊ែបៃហ្សង់ ដែលរៀបចំដោយទីក្រុងវ៉ាស៊ីនតោន បានបញ្ចប់កាលពីថ្ងៃព្រហស្បតិ៍ ទី២៩ ខែមិថុនា។លោក Blinken និយាយថា បញ្ហាលំបាកបំផុតមួយចំនួននៅតែមិនទាន់បានដោះស្រាយ ដោយមិនបាននិយាយលម្អិតអំពីបញ្ហាទាំងនោះទេ។ ចាប់តាំងពីការប្រយុទ្ធគ្នាខ្លាំង បានបញ្ចប់ជាមួយបទឈប់បាញ់សម្របសម្រួលដោយរុស្ស៊ីក្នុងឆ្នាំ ២០២០ ភាគីទាំងពីរបាននិងកំពុងពិភាក្សាអំពីកិច្ចព្រមព្រៀងសន្តិភាពដែលនឹងរួមបញ្ចូលកិច្ចព្រមព្រៀងស្តីពីព្រំដែន ការដោះស្រាយការខ្វែងគំនិតគ្នាជុំវិញតំបន់ហ៊ុមព័ទ្ធ និងការបែកបាក់ទំនាក់ទំនង។លោក Blinken បាននិយាយថា មានភាពរីកចម្រើននៅក្នុងកិច្ចពិភាក្សា រួមមានកិច្ចព្រមព្រៀងលើឯកសារបន្ថែមមួយចំនួន ព្រមទាំងការយល់ដឹងស៊ីកាន់តែស៊ីជម្រៅអំពីជំហរនានាលើបញ្ហាមិនដាច់ស្រេចផ្សេងទៀត ព្រមទាំងការទទួលស្គាល់ថា នៅមានការងារលំបាកដែលត្រូវធ្វើ ដើម្បីឈានដល់កិច្ចព្រមព្រៀងចុងក្រោយ។ តំបន់ Nagorno-Karabakh ដែលត្រូវបានទទួលស្គាល់ជាអន្តរជាតិថាជាផ្នែកមួយរបស់ប្រទេសអាស៊ែបៃហ្សង់ គឺជាប្រភពនៃជម្លោះរវាងតំបន់ជិតខាង Caucasus (កូកាស) ចាប់តាំងពីច្រើនឆ្នាំមកហើយដែលនាំទៅរកការដួលរលំសហភាពសូវៀតក្នុងឆ្នាំ ១៩៩១ និងរវាងជនជាតិភាគតិចអាមេនី និងអាស៊ែបៃហ្សង់ទួរគី(Turkic Azeris) អស់រយៈពេលជាងមួយសតវត្សមកហើយ។ លោក Bayramov កាលពីសប្តាហ៍មុនបាននិយាយថាឣាស៊ែបៃហ្សង់ នឹងមិនទទួលយកការទាមទារពីប្រទេសអាមេនីក្នុងការផ្តល់ការធានាបានសន្តិសុខពិសេសសម្រាប់ពលរដ្ឋអាមេនីប្រមាណ ១២០.០០០ នាក់ដែលរស់នៅក្នុងតំបន់ហ៊ុមព័ទ្ធនោះទេ៕

អ៊ីរ៉ាក់ អារ៉ាប់រួម និងបណ្តាប្រទេសម៉ូស្លីមផ្សេងទៀត ថ្កោលទោសការដុតគម្ពីរកូរ៉ាន នៅរដ្ឋធានីស្តុកខូម

2023/06/30 12:13:43 pm        127
Facebook Telegram Linkin
អារ៉ាប់៖ ប្រទេសអ៊ីរ៉ាក់ អារ៉ាប់រួម និងប្រទេសម៉ូស្លីមជាច្រើនផ្សេងទៀត បានថ្កោលទោសការដុតច្បាប់ចម្លងនៃគម្ពីរកូរ៉ាន នៅទីក្រុងស្តុកខូម (Stockholm) ប្រទេសស៊ុយអែត ខណៈដែលប្រជាជនម៉ូស្លីមទូទាំងពិភពលោក បានប្រារព្ធពិធីបុណ្យ Eid al-Adha ដែលជាពិធីបុណ្យដ៏សំខាន់មួយរបស់អ្នកកាន់សាសនាឥស្លាម។បុរសម្នាក់ដែលត្រូវបានប្រាប់ថាជាជនជាតិអ៊ីរ៉ាក់ បានហែក និងដុតគម្ពីរកូរ៉ាន នៅខាងក្រៅវិហារឥស្លាម នាកណ្តាលទីក្រុងស្តុកខូម (Stockholm) ក្នុងអំឡុងបាតុកម្មមួយ ដែលទទួលបានការអនុញ្ញាតពីរដ្ឋាភិបាលស៊ុយអែត កាលពីថ្ងៃពុធ (ទី២៨ ខែមិថុនា) ដោយទង្វើនេះ បានបង្កជាកំហឹង ក្នុងប្រទេស នៅមជ្ឈិមបូព៌ា និងអាហ្វ្រិកខាងជើង។បើយោងតាមការផ្សាយពីបណ្ដាញសារព័ត៌មានអ៊ីរ៉ាក់ បាតុករអ៊ីរ៉ាក់រាប់សិបនាក់ បានសម្រុកចូលស្ថានទូតស៊ុយអែត នៅទីក្រុងបាកដាដ បន្ទាប់ពីមានការអំពាវនាវឲ្យធ្វើបាតុកម្មដោយកំហឹង ពីសំណាក់បព្វជិតស៊ីអ៊ីតដ៏មានឥទ្ធិពល លោក Muqtada al-Sadr ( ម៉ុតតាដា អាល់សាដ)។ប្រទេសម៉ារ៉ុកបានកោះហៅត្រឡប់មកវិញនូវឯកអគ្គរដ្ឋទូតរបស់ខ្លួនប្រចាំនៅប្រទេសស៊ុយអែត ដើម្បីតវ៉ាដោយមិនមានពេលវេលាកំណត់ និងបានកោះអញ្ជើញភារធារីរបស់ស៊ុយអែត ប្រចាំនៅទីក្រុងរ៉ាបាត (Rabat) ដើម្បីមកស្ដាប់នូវការបង្ហាញពីការថ្កោលទោសយ៉ាងខ្លាំងរបស់ព្រះរាជាណាចក្រនេះ ចំពោះការវាយប្រហារនេះ និងការបដិសេធរបស់ខ្លួន ចំពោះទង្វើដែលមិនអាចទទួលយកបាននេះ ហើយប្រទេសលីបង់ ស៊ូដង់ និងហ្ស៊កដានី កាលពីថ្ងៃព្រហស្បតិ៍ (ទី២៩ ខែមិថុនា) ក៏ត្រូវបានដាក់បញ្ចូលក្នុងបញ្ជីប្រទេសដែលបានកោះហៅក្រុមអ្នកការទូតជាន់ខ្ពស់ស៊ុយអែត នៅក្នុងដីរបស់ខ្លួនរៀងៗខ្លួនដែរ។ក្រសួងការបរទេសរបស់ប្រទេសអ៊ីរ៉ង់ បានឲ្យដឹងនៅក្នុងសេចក្តីថ្លែងការណ៍ថា ចំណាត់ការដែលត្រូវបានអនុញ្ញាតដោយតុលាការស៊ុយអែត គឺជាការ «បង្កហេតុ មិនឆ្លាត និងមិនអាចទទួលយកបាន» ជាពិសេសក្នុងអំឡុងពេលធម្មយាត្រា Hajj(ហាជី) និងពិធីបុណ្យ Eid al-Adha របស់ម៉ូស្លីម។ រីឯក្រសួងការបរទេសស៊ូដង់បានពណ៌នាការធ្វើបែបនេះថា ជា «ទង្វើដ៏អាម៉ាស់ និងបង្កហេតុដល់ប្រជាជនម៉ូស្លីម ជុំវិញពិភពលោក ក្នុងឱកាសនៃការប្រារព្ធពិធីបុណ្យ Eid al-Adha»។នគរបាលស៊ុយអែត បានចោទប្រកាន់បុរស ដែលបានដុតកម្ពីរពិសិដ្ឋនេះ ពីបទបង្កជម្លោះ ប្រឆាំងនឹងក្រុមជនជាតិភាគតិច ឬជាតិសាសន៍៕

មនុស្សជាង៤០០នាក់ ត្រូវបានចាប់ខ្លួន នៅប្រទេសបារាំង បន្ទាប់ពីការតវ៉ាកើតចេញពីនគរបាលបាញ់សម្លាប់យុវជនម្នាក់

2023/06/30 11:21:18 am        138
Facebook Telegram Linkin
បារាំង៖ រដ្ឋមន្ត្រីក្រសួងមហាផ្ទៃ លោក ហ្សេនរ៉ាល់ ដាម៉ាណាំង (Gérald Darmanin) បានប្រាប់ទូរទស្សន៍ BFMTV ថា មនុស្សយ៉ាងហោចណាស់៤២១នាក់ ត្រូវបានចាប់ខ្លួនទូទាំងប្រទេសបារាំង ចាប់ពីយប់ថ្ងៃព្រហស្បតិ៍ មកដល់ព្រឹកថ្ងៃសុក្រនេះ ខណៈរលកនៃការតវ៉ាបានរាលដាលពាសពេញប្រទេស ក្រោយនគរបាលបានបាញ់សម្រាប់ក្មេងប្រុសជំទង់ម្នាក់ ។ ទីក្រុងធំៗនៅក្នុងប្រទេសបារាំង បានជួបប្រទះកុបកម្មយប់ទី៣ ខណៈលោកប្រធានាធិបតី Emmanuel Macron បានព្យាយាមពន្លត់កំហឹងសាធារណៈដែលកំពុងក្ដៅគគុកបង្កឡើងដោយនគរបាលបានបាញ់សម្លាប់យុវជនម្នាក់កូនកាត់អាល់ហ្សេរី -ម៉ារ៉ុក អំឡុងត្រួតពិនិត្យចរាចរណ៍។ ក៏មានការប៉ះទង្គិចគ្នាត្រូវបានរាយការណ៍ផងដែរ រវាងក្រុមយុវជន និងក្រុមមន្ត្រីនគរបាល នៅក្នុងរដ្ឋធានីព្រុចសែល ប្រទេសបែលហ្ស៊ិក ជាទីដែលមនុស្ស១០នាក់ ត្រូវបានចាប់ខ្លួនកាលពីល្ងាចថ្ងៃព្រហស្បតិ៍ ហើយប្រតិបត្តិការផ្នែកដឹកជញ្ជូនសាធារណៈមួយចំនួនរបស់រដ្ឋធានីនេះ ក៏ត្រូវបានផ្អាកផងដែរ។ ភាពចលាចល នៅក្នុងប្រទេសបារាំង នៅពេលនេះ បានធ្វើឲ្យគេនឹកឃើញដល់កុបកម្មកាលពីឆ្នាំ២០០៥ ដែលធ្វើឲ្យរំជើបរំជួលទូទាំងប្រទេសជាច្រើនសប្ដាហ៍ និងបានបង្ខំឲ្យលោកប្រធានាធិបតី ហ្សាកស៊ីរ៉ាក(Jacques Chirac) ប្រកាសដាក់ប្រទេសក្នុងគ្រាអាសន្ន ដោយកាលនោះ មនុស្សជាង៦.០០០នាក់ ត្រូវបានចាប់ខ្លួន៕

មន្ទីរបញ្ចកោណ ៖ បាឡុងចារកម្មរបស់ចិន ពុំបានប្រមូលទិន្នន័យជុំវិញសហរដ្ឋអាមេរិកទេ

2023/06/30 11:12:33 am        102
Facebook Telegram Linkin
អាមេរិក៖ មន្ទីរបញ្ចកោណបាននិយាយកាលពីថ្ងៃព្រហស្បតិ៍ ២៩ មិថុនា ថា បាឡុងចារកម្មចិនដែលត្រូវបានបាញ់ទម្លាក់ដោយយន្តហោះចម្បាំងរបស់អាមេរិកលើមហាសមុទ្រអាត្លង់ទិកកាលពីខែកុម្ភៈ ពុំបានប្រមូលព័ត៌មានស៊ើបការណ៍សម្ងាត់អីនោះទេ ខណៈបាឡុងនោះបានហោះនៅទូទាំងសហរដ្ឋអាមេរិក។ អ្នកនាំពាក្យមន្ទីរបញ្ចកោណលោក ផាត រ៉ៃឌ័រ (Pat Ryder) បាននិយាយថា វាជាការវាយតម្លៃរបស់យើងនៅពេលនេះ ដែលបាឡុងនោះពុំបានប្រមូលអ្វីទេ ដោយគ្រាន់តែហោះឆ្លងកាត់សហរដ្ឋអាមេរិក ឬហោះហើរលើសហរដ្ឋអាមេរិកប៉ុណ្ណោះ ។ លោក រ៉ៃឌ័រ បាននិយាយថា សហរដ្ឋអាមេរិក បានចាត់វិធានការដើម្បីកាត់បន្ថយការប្រមូលព័ត៌មានសម្ងាត់ដោយបាឡុង។ លោករ៉ៃឌ័រ បាននិយាយដោយគ្មានការពន្យល់បន្ថែមថា ពិតណាស់កិច្ចខិតខំប្រឹងប្រែងដែលយើងបានធ្វើបានរួមចំណែកចំពោះរឿងនោះ ។ បាឡុងដ៏ធំដោយមានផ្ទុកគ្រឿងអេឡិចត្រូនិចដ៏ធំបានហោះពីលើសហរដ្ឋអាមេរិកពីរដ្ឋអាឡាស្កា (Alaska)នៅភាគពាយព្យ ទៅកាន់រដ្ឋ សោយខារ៉ូឡាយណា (South Carolina) នៅភាគខាងកើតកាលពីចុងខែមករា ដល់ដើមខែកុម្ភៈឆ្នាំនេះ ដោយឆ្លងកាត់ពីលើមូលដ្ឋានយោធាដ៏រសើប និងជំរុញឲ្យមានការព្រួយបារម្ភថាទីក្រុងប៉េកាំងកំពុងស្វែងរកព័ត៌មានសម្ងាត់សំខាន់ៗ។បាឡុងនោះត្រូវបានបាញ់ទម្លាក់កាលពីថ្ងៃទី៤ ខែកុម្ភៈ នៅក្បែរឆ្នេរសមុទ្រ South Carolina ហើយត្រូវបានស្រង់ចេញពីមហាសមុទ្រអាត្លង់ទិកដោយយោធាអាមេរិក ដែលបានសិក្សាវត្ថុបន្ទុករបស់បាឡុងនេះ តាំងពីពេលនោះមក។ ឧបទ្ទវហេតុនេះបានជំរុញឲ្យមានភាពតានតឹងថ្មីនៅក្នុងទំនាក់ទំនងរវាងទីក្រុងប៉េកាំង និងវ៉ាស៊ីនតោន ដោយរដ្ឋមន្ត្រីការបរទេសលោក Antony Blinken បានលុបចោលដំណើរទស្សនកិច្ចដែលបានគ្រោងទុកជាយូរមកហើយទៅកាន់ប្រទេសចិនកាលពីខែកុម្ភៈដែលមានគោលបំណងធ្វើឲ្យប្រសើរឡើងនូវទំនាក់ទំនងទ្វេភាគី ៕

មេដឹកនាំសហភាពអឺរ៉ុប គាំទ្រការប្តេជ្ញាចិត្តផ្នែកសន្តិសុខសម្រាប់អ៊ុយក្រែន

2023/06/30 11:09:35 am        155
Facebook Telegram Linkin
អឺរ៉ុប៖ មេដឹកនាំសហភាពអឺរ៉ុបបានប្រកាសកាលពីថ្ងៃព្រហស្បតិ៍ថា ពួកគេនឹងធ្វើការប្តេជ្ញាចិត្តរយៈពេលវែងដើម្បីពង្រឹងសន្តិសុខរបស់ប្រទេសអ៊ុយក្រែន ខណៈប្រធានាធិបតីលោក Volodymyr Zelenskiy បានជំរុញឱ្យមេដឹកនាំអឺរ៉ុបចាប់ផ្តើមការងារលើជុំទណ្ឌកម្មថ្មីលើប្រទេសរុស្ស៊ី។ នៅក្នុងកិច្ចប្រជុំកំពូលនៅទីក្រុងប្រ៊ុចសែល មេដឹកនាំបានរំលឹកឡើងវិញនូវការថ្កោលទោសចំពោះសង្គ្រាមរបស់រុស្ស៊ីនៅអ៊ុយក្រែន ហើយបាននិយាយថាសហភាពអឺរ៉ុប និងប្រទេសជាសមាជិករបស់ខ្លួន ត្រៀមខ្លួនរួចជាស្រេចដើម្បីរួមចំណែកដល់ការប្តេជ្ញាចិត្តដែលនឹងជួយប្រទេសអ៊ុយក្រែនការពារខ្លួនក្នុងរយៈពេលវែង។នៅក្នុងឯកសារដែលសង្ខេបសេចក្តីសន្និដ្ឋាននៃកិច្ចប្រជុំកំពូល មេដឹកនាំបាននិយាយថាពួកគេនឹងពិចារណាឲ្យបានឆាប់រហ័សនូវទម្រង់នៃការប្តេជ្ញាចិត្តទាំងនេះ។ លោក Josep Borrell ប្រធានគោលនយោបាយការបរទេសរបស់ប្លុកនេះ បាននិយាយថាពួកគេអាចបង្កើតការគាំទ្រពីសហភាពអឺរ៉ុបដែលមានស្រាប់ ដូចជាមូលនិធិសម្របសម្រួលសន្តិភាពអឺរ៉ុប ដែលបានផ្តល់ហិរញ្ញប្បទានរាប់ពាន់លានអឺរ៉ូលើអាវុធសម្រាប់ប្រទេសអ៊ុយក្រែន និងបេសកកម្មបណ្តុះបណ្តាលសម្រាប់កងទ័ពអ៊ុយក្រែន។អ៊ុយក្រែនបានអះអាងថា វិធីដ៏ល្អបំផុតដើម្បីធានាបានសន្តិសុខផ្ទាល់របស់ខ្លួន ហើយដែលអឺរ៉ុបត្រូវធ្វើសម្រាប់ខ្លួនដើម្បីចូលជាសមាជិកសម្ព័ន្ធយោធាណាតូ។ ប៉ុន្តែទីក្រុង Kyiv បានទទួលស្គាល់ថា វាមិនអាចទៅរួចនោះទេក្នុងពេលអំឡុងសង្គ្រាម ហើយសម្ព័ន្ធណាតូ មានខ្វែងគំនិតគ្នាលើបញ្ហាថាតើខ្លួនអាចអនុញ្ញាតឲ្យសំណើរបស់អ៊ុយក្រែនក្លាយជាការពិតបាន ឆាប់ប៉ុណ្ណានៅពេលបន្ទាប់៕

យានិកអ៊ីតាលីត្រឡប់មកដល់ផែនដីវិញ បន្ទាប់ពីមានការហោះហើរពាណិជ្ជកម្មលើកដំបូងដ៏មិនគួរឲ្យជឿរបស់យានចម្លង Virgin Galactic

2023/06/30 11:04:49 am        168
Facebook Telegram Linkin
អ៊ីតាលី៖ អាកាសយានិកបុរស ៣រូបមកពីប្រទេសអ៊ីតាលី បានហោះឡើងចម្ងាយជាង ៥០ម៉ាយល៍ (៨០គីឡូម៉ែត្រ) ពីលើវាលខ្សាច់របស់រដ្ឋញូវម៉ិកស៊ីកូ (New Mexico) សហរដ្ឋអាមេរិក កាលពីថ្ងៃព្រហស្បតិ៍ (ទី២៩ ខែមិថុនា) នៅលើយន្តហោះរ៉ុក្កែតរបស់ក្រុមហ៊ុន Virgin Galactic ដែលជាការហោះហើរលើកដំបូងរបស់ក្រុមហ៊ុនដោយការបង់ប្រាក់ពីអតិថិជន ដែលធ្វើដំណើរទៅកៀកនឹងទីអវកាស គិតចាប់តាំងពីមហាសេដ្ឋីអង់គ្លេសលោក Richard Branson បានបង្កើតក្រុមហ៊ុននេះ ក្នុងឆ្នាំ២០០៤។មន្ត្រីកងទ័ពអាកាសអ៊ីតាលី ២នាក់ និងវិស្វករអវកាសមកពីក្រុមប្រឹក្សាស្រាវជ្រាវជាតិ (CNR) របស់ប្រទេសអ៊ីតាលី បានជិះយានអវកាសលំដាប់ទី២ រយៈពេលខ្លីជាមួយសមាជិកយានិកករបស់យន្តហោះរ៉ុក្កែត Virgin Galactic ៣នាក់ ដែលក្នុងនោះ ២នាក់ បានបើកយាន VSS Unity នៅពេលដែលយាននោះ ត្រូវបានបាញ់បង្ហោះ ក្នុងរយៈកំពស់យ៉ាងខ្ពស់ពីផ្ទៃនៃយានតួភ្លោះ ដែលដឹកយន្តហោះរ៉ុក្កែតនោះ។វិស្វករអវកាសមកពីក្រុមប្រឹក្សាស្រាវជ្រាវជាតិ (CNR) លោក Pantaleone Carlucci បាននិយាយក្នុងអំឡុងសន្និសីទសារព័ត៌មានថា៖ «វាពិតជាមិនគួរជឿសោះ។ ការបង្កើនល្បឿន ការហោះឡើង និងបន្ទាប់មក មីក្រូទំនាញ ហើយខ្ញុំត្រូវផ្តោតអារម្មណ៍ជាមួយនឹងការធ្វើតេស្តសាកល្បងរបស់ខ្ញុំ ជាមួយនឹងក្តារបន្ទះទ្រាប់ជង្គង់របស់ខ្ញុំ ប៉ុន្តែខ្ញុំក៏ឆ្លៀតឱកាសមើលទៅខាងក្រៅដែរ ហើយទិដ្ឋភាពគឺអស្ចារ្យណាស់»។ប្រមាណជា ៧៥នាទីបន្ទាប់ពីការចាកចេញពីដីជាមួយនឹងយានមេ យានអវកាស VSS Unity បានហោះត្រឡប់មកកាន់ចំណុចចាប់ផ្តើមវិញ ដោយសុវត្ថិភាពលើផ្លូវរត់នៅឯ Spaceport America ដែលជាអគារគ្រប់គ្រងដោយរដ្ឋ នៅជិតទីក្រុង Truth or Consequences របស់រដ្ឋញូវម៉ិកស៊ីកូ (New Mexico)៕

បណ្ដាញសង្គម

ព័ត៌មានថ្មីៗ

កិច្ចប្រជុំព្រំដែនភូមិភាគកម្ពុជា-ថៃ (RBC) គ្រោងនឹងត្រូវធ្វើនៅក្នុងអំឡុងខែតុលា
09/30/2025 06:09 PM
Facebook Telegram Linkin
មេដឹកនាំវ៉េណេស៊ុយអេឡា ត្រៀមប្រកាសដាក់ប្រទេសក្នុងគ្រាអាសន្ន ដោយសារការគំរាមរបស់អាមេរិក
09/30/2025 05:09 PM
Facebook Telegram Linkin
ស៊ុយអែតមិនបានបញ្ជាក់ព័ត៌មានអំពីការផ្គត់ផ្គង់យន្តហោះចម្បាំងដល់អ៊ុយក្រែនទេ
09/30/2025 05:09 PM
Facebook Telegram Linkin
នគរបាលអាល្លឺម៉ង់ ចាប់ខ្លួនបុរសជនជាតិស៊ីរី ដែលត្រូវសង្ស័យពីបទឧក្រិដ្ឋកម្មប្រឆាំងមនុស្សជាតិ
09/30/2025 05:09 PM
Facebook Telegram Linkin
ផ្លូវជាច្រើនខ្សែនៅខេត្តស្វាយរៀងត្រូវបានជួសជុលកែលម្អឡើងវិញដើម្បីសម្រួលការប្រើប្រាស់របស់ពលរដ្ឋ
09/30/2025 05:09 PM
Facebook Telegram Linkin
វិមានក្រឹមឡាំងសង្ឃឹមថា ផែនការសន្តិភាពហ្កាហ្សារបស់លោក Trumpនឹងត្រូវអនុវត្ត
09/30/2025 05:09 PM
Facebook Telegram Linkin
ការបំផ្ទុះគ្រាប់បែកក្នុងរថយន្ត នៅក្រៅទីស្នាក់ការកងកម្លាំងសន្តិសុខប៉ាគីស្ថាន សម្លាប់មនុស្សយ៉ាងតិច ៨នាក់
09/30/2025 05:09 PM
Facebook Telegram Linkin
ក្រសួងវប្បធម៌ និងវិចិត្រសិល្បៈ នឹងរៀបចំបើកពិព័រណ៍ «ស្នាដៃមត៌កមនុស្សរស់‍‍» រយៈពេល០៣ថ្ងៃ
09/30/2025 05:09 PM
Facebook Telegram Linkin
កម្ពុជា ព្រុយណេ ប្តេជ្ញាពង្រឹងកិច្ចសហប្រតិបត្តិការទ្វេភាគីលើវិស័យទេសចរណ៍
09/30/2025 05:09 PM
Facebook Telegram Linkin
ប្រធានមនី្ទរអប់រំរាជធានី៖“កូនល្អ សិស្សល្អ មិត្តល្អ” គឺជាមូលបទដ៏សំខាន់នៃបុគ្គលិកលក្ខណៈក្លាយជាពលរដ្ឋល្អ
09/30/2025 05:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.