នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី
TOP STORY | សម្ដេចតេជោ​ចេញសារដាស់តឿន​ដល់ជនរួមជាតិ​កម្ពុជា​ត្រៀម​ខ្លួន​វាយ​ចោរ​ឈ្លាន​ពាន​ទឹក​ដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា
ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយ​ទប់ស្កាត់ និង​បំផ្លាញ​មហិច្ឆតា​នយោបាយ​របស់​ក្រុម​ជ្រុល​និយមមួយក្តាប់តូច ដែលតែងតែបញ្ឆេះកំហឹងជាតិសាសន៍»
គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

នយោបាយ​ និង ការអភិវឌ្ឍន៍

ប្រភព៖ ក្រុមហ៊ុនឥណ្ឌាតែមួយគត់ ប្រើសារធាតុផ្សំមានជាតិពុលកម្រិតឧស្សាហកម្ម ក្នុងថ្នាំទឹក

2023/06/28 11:26:25 am        227
Facebook Telegram Linkin
ឥណ្ឌា៖ យោងតាមប្រភពពីរដែលដឹងអំពីបញ្ហាពាក់ព័ន្ធនឹងការប្រើប្រាស់សារធាតុផ្សំផលិតថ្នាំ បានប្រាប់ទីភ្នាក់ងារសារប័ត៌មាន Reuters ថា ក្រុមហ៊ុនផលិតស៊ីរ៉ូក្អករបស់ប្រទេសឥណ្ឌា ដែលប្រទេសអ៊ូសបេគីស្ថាន បាននិយាយកាលពីឆ្នាំមុនថា បានបំពុលកុមារ១៩នាក់នោះ បានប្រើសារធាតុពុលកម្រិតឧស្សាហកម្មជាជាងប្រភេទឱសថដែលស្របច្បាប់។បើតាមការរាយការណ៍ដោយសារព័ត៌មាន Reuters បានឲ្យដឹងថា ក្រុមហ៊ុន Marion Biotech បានទិញធាតុផ្សំអាល់កុលរាវប្រូពីឡែន ហ្គ្លីកូល(PG) ពីក្រុមហ៊ុន Maya Chemtech India។ យោងតាមប្រភព នៅក្រុមហ៊ុន ដែលដឹងពីការស៊ើបអង្កេតលើក្រុមហ៊ុន Marion បានប្រាប់ថា ក្រុមហ៊ុន Maya នេះ មិនមានអាជ្ញាប័ណ្ណក្នុងការលក់សារធាតុផ្សំថ្នាក់ឱសថនោះទេ ហើយមានកិច្ចព្រមព្រៀងត្រឹមចែកចាយក្នុងកម្រិតឧស្សាហកម្មតែប៉ុណ្ណោះ។ប្រភពដែលបមិនបញ្ចេញឈ្មោះ បាននិយាយថា៖ «យើងមិនបានដឹងថា ក្រុមហ៊ុន Marion នឹងប្រើសារធាតុផ្សំនោះ ដើម្បីផលិតស៊ីរ៉ូក្អកទឹកទេ។ គេមិនបានប្រាប់យើងថា តើសារធាតុផ្សំរបស់យើងនេះ ត្រូវបានគេប្រើនៅទីណាដែរនោះឡើយ»។ប្រភពទាំងពីរបាននិយាយថា ស៊ីរ៉ូនេះត្រូវបានផលិតឡើងជាមួយនឹងសារធាតុ PG កម្រិតឧស្សាហកម្ម ជាសារធាតុពុលដែលត្រូវបានប្រើប្រាស់យ៉ាងទូលំទូលាយនៅក្នុងសារធាតុសាប៊ូរាវ ប្រឆាំងនឹងការកក ថ្នាំលាប ឬថ្នាំស្រោប និងដើម្បីបង្កើនប្រសិទ្ធភាពថ្នាំសម្លាប់សត្វល្អិត។ យោងតាមប្រភពពីក្រុមហ៊ុន ឲ្យដឹងថា ក្រុមហ៊ុន Maya មិនប្រឈមមុខនឹងការចោទប្រកាន់នោះទេ ប៉ុន្តែការស៊ើបអង្កេតកំពុងបន្តធ្វើ។ការវិភាគមួយ កាលពីឆ្នាំមុនដោយក្រសួងសុខាភិបាលរបស់ប្រទេសអ៊ូសបេគីស្ថាន បានបង្ហាញថា ស៊ីរ៉ូក្អកដែលផលិតដោយក្រុមហ៊ុន Marion, Ambronol និង DOK-1 Max មានផ្ទុកជាតិពុល ក្នុងបរិមាណដែលមិនអាចទទួលយកបាននៃសារធាតុឌីអេទីឡែន (DEG) និងអេទីឡែន (EG) ដែលជាសារធាតុប្រើក្នុងផលិតផល តែមិនមែនសម្រាប់មនុស្សនោះទេ។ស្ថាប័នត្រួតពិនិត្យឱសថរបស់ប្រទេស បានឲ្យដឹង កាលពីខែមីនាថា ការធ្វើតេស្តនៅក្នុងខែមករាដោយមន្ទីរពិសោធន៍របស់រដ្ឋាភិបាលឥណ្ឌាបានរកឃើញសំណាកចំនួន ២២នៃថ្នាំទឹក ដែលផលិតដោយក្រុមហ៊ុន Marion ត្រូវបានក្លែងបន្លំ និងមានភាពមិនត្រឹមត្រូវ។ អាជ្ញាធរនៅក្នុងរដ្ឋ Uttar Pradesh ដែលក្រុមហ៊ុន Marion មានមូលដ្ឋាននោះទីនោះ បានលុបចោលអាជ្ញាប័ណ្ណរបស់ក្រុមហ៊ុន Marion នៅក្នុងខែមីនានោះ។ នគរបាលបានចាប់ខ្លួនបុគ្គលិករបស់ក្រុមហ៊ុន ៣នាក់ ដែលក្រោយមកត្រូវបានដោះលែងឲ្យនៅក្រៅឃុំ និងចេញដីកាចាប់ខ្លួននាយកក្រុមហ៊ុន ២នាក់៕

សម្ដេចតេជោ បន្តអំពាវនាវដល់ម្ចាស់ផ្ទះជួល កុំដំឡើងថ្លៃចំពោះកម្មករនិយោជិត

2023/06/28 11:16:13 am        159
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បន្តអំពាវនាវដល់ម្ចាស់ផ្ទះជួលទាំងអស់កុំដំឡើងថ្លៃផ្ទះ ជួលចំពោះកម្មករ-កម្មការិនី ខណៈរាជរដ្ឋភិបាលបានផ្ដល់ការអនុគ្រោះ និងឧបត្ថម្ភជាច្រើន ដើម្បីសម្រួលដល់ជីវភាពកម្មករនិយោជិត នាពេលកន្លងមក​ ដូចជា​ការមិនដំឡើងថ្លៃទឹក និងថ្លៃភ្លើងជាដើម។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ជាថ្មីបែបនេះ ក្នុងឱកាសអញ្ជើញ​ចុះជួប​សំណេះសំណាលជាមួយកម្មករនិយោជិត២ ម៉ឺននាក់នៅតំបន់ព្រៃស្ពឺ ខណ្ឌពោធិ៍សែនជ័យ នាព្រឹកថ្ងៃទី២៨ ខែមិថុនា ឆ្នាំ២០២៣នេះ។សម្ដេចតេជោ ក៏បានថ្លែងអំណរគុណដល់ម្ចាស់ផ្ទះជួលទាំងអស់ទាំងនៅរាជធានីភ្នំពេញ និង​បណ្ដាខេត្ត​ដែលមានរោងចក្រ​ សហគ្រាស​ និង​មានកម្មករនិយោជិត​ធ្វើការ​ និងស្នាក់នៅ ដែល​នាពេលកន្លងមក ​យោគយល់​តាមការអំពាវនាវរបស់​សម្ដេច ​មិន​បាន​ដំឡើងថ្លៃផ្ទះជួល ហើយបើ​ដំឡើងឡើង​ក៏មានការដំឡើងតិចតួច​ប៉ុណ្ណោះ ក្នុងរយៈពេលកន្លងមកនេះ។ សូមជម្រាបថា សម្ដេចតេជោ ហ៊ុន សែន ក្នុងនាមជាប្រមុខដឹកនាំប្រទេសកម្ពុជា បានយកចិត្ត​ទុកដាក់​ខ្ពស់ចំពោះសុខទុក្ខកម្មករនិយោជិត​នៅទូទាំងប្រទេស។ ​សម្ដេចតេជោ តែងតែ​ចុះជួបសួរសុខទុក្ខកម្មករនិយោជិតដោផ្ទាល់ ​ដើម្បីប្រមូលបញ្ហា​យកមកដោះស្រាយ និងពិនិត្យ​លើវឌ្ឍនភាពការងារដែលរាជរដ្ឋាភិបាលបានដាក់ចេញ ដើម្បីធានាថា​កម្មករ-កម្មការិនី​ធ្វើការ​ប្រកបដោយសេចក្ដីសុខសុវត្ថិភាព៕អត្ថបទ៖ វ៉ន ដារ៉ា

សិក្ខាសាលាអំពាវនាវឲ្យមានកិច្ចសហប្រតិបត្តិការពីប្រព័ន្ធផ្សព្វផ្សាយ ដើម្បីជំរុញការអភិវឌ្ឍរួម

2023/06/28 11:05:53 am        110
Facebook Telegram Linkin
សិក្ខាសាលាសម្រាប់ថ្នាក់ដឹកនាំប្រព័ន្ធផ្សព្វផ្សាយគណបក្សនយោបាយសាកល ជាវេទិកាតាមបណ្តាញអ៊ីនធឺណិតរយៈពេល៣ថ្ងៃ រៀបចំដោយនាយកដ្ឋានអន្តរជាតិរបស់គណបក្សកុម្មុនីសចិន បានបើកកាលពីថ្ងៃអង្គារក្នុងទីក្រុងប៉េកាំង។ អ្នកចូលរួមជាង៤០នាក់ ទទួលបន្ទុកផ្នែកប្រព័ន្ធផ្សព្វផ្សាយដំណើរការដោយគណបក្សនយោបាយចំនួន៣០មកពីប្រទេសចំនួន១៦ រួមមានទាំងប្រទេសកម្ពុជា ទុយនីស៊ី ទួរគី បារាំង អេស្បាញ និងចក្រភពអង់គ្លេស បានចូលរួមព្រឹត្តិការណ៍នេះ។ នៅក្នុងសុន្ទរកថាដែលបានថ្លែងនៅក្នុងពិធីបើកសិក្ខាសាលា លោក Guo Yezhou អនុប្រធាននាយកដ្ឋានអន្តរជាតិនៃគណៈកម្មាធិការកណ្តាលបក្សកុម្មុយនីសចិន បាននិយាយថា បក្សកុម្មុនីសចិន តែងតែ ផ្សារភ្ជាប់ទៅនឹងសារៈសំខាន់ដែលមិនអាចខ្វះបានចំពោះទំនាក់ទំនងអន្តរជាតិ និងការងារសាធារណៈ។លោកបានគូសបញ្ជាក់ពីទិដ្ឋភាពនៃការផ្លាស់ប្តូរដ៏ស្មុគ្រស្មាញក្នុងស្ថានភាពអន្តរជាតិ និងការវិវត្តន៍ដ៏ជឿនលឿននៃបដិវត្តន៍ផ្នែកព័ត៌មានវិទ្យា បក្សកុម្មុនីសចិនមានឆន្ទៈពង្រឹងការផ្លាស់ប្តូរ ការរៀនពីគ្នាទៅវិញទៅមកជាមួយគណបក្សនយោបាយមកពីប្រទេសផ្សេងៗគ្នាលើទស្សនៈជាទូទៅ និងការងារជាសាធារណៈ ពង្រីកកិច្ចសហប្រតិបត្តិការរវាងគណបក្សនយោបាយ និងប្រព័ន្ធផ្សព្វផ្សាយ បង្កើនការផ្គត់ផ្គង់ព័ត៌មានជាវិជ្ជមាន ពង្រឹងសំឡេងនៃភាពត្រឹមត្រូវ និងយុត្តិធម៌ក្នុងពិភពលោក ជំរុញការអភិវឌ្ឍន៍ និងវឌ្ឍនភាពនៃអារ្យធម៌មនុស្សជាតិ។ ការលើកឡើងរបស់លោក Guo ត្រូវបានស្វាគមន៍យ៉ាងកក់ក្ដៅពីវាគ្មិនផ្សេងៗទៀតក្នុងពិធីបើកព្រឹត្តិការណ៍នេះ។លោក សួស យ៉ារ៉ា អនុប្រធានទី១ នៃគណៈកម្មាធិការទទួលបន្ទុកទំនាក់ទំនងខាងក្រៅរបស់គណបក្សប្រជាជនកម្ពុជា បានគាំទ្រក្នុងការបង្កើតយន្តការផ្លាស់ប្តូរទស្សនៈរបស់គណបក្សនយោបាយ និងប្រព័ន្ធផ្សព្វផ្សាយ និងពង្រឹងភាពជាដៃគូរវាងគណបក្សនយោបាយ និងប្រយុទ្ធប្រឆាំងម៉ាស៊ីនផ្សព្វផ្សាយប្រព័ន្ធផ្សព្វផ្សាយរបស់ប្រទេសលោកខាងលិចដែលក្តោបយកព័ត៌មានមិនពិត ការផ្តល់ព័ត៌មានខុស និង ព័ត៌មានក្លែងក្លាយ៕

សម្ដេចតេជោ៖ «អ្នកទោសណាក៏ដោយបើមានអន្តរាគមន៍ពីបរទេស គឺគ្មានការបន្ធូរបន្ថយឡើយ»

2023/06/28 11:03:23 am        124
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសជាថ្មីម្តងទៀតថា អ្នកទោសណាក៏ដោយឱ្យតែ ​មានការអន្តរាគមន៍ ឬលូកដៃពីបរទេស​នោះ គឺគ្មានការបន្ធូរបន្ថយ ឬលើកលែងទោសឡើយ ខណៈការធ្វើនេះ ក៏ដើម្បីលុបបំបាត់ការជ្រៀតជ្រែកពីបរទេសលើកិច្ចការងារផ្ទៃក្នុងរបស់កម្ពុជា។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ជាថ្មីបែបនេះ ក្នុងឱកាសអញ្ជើញចុះជួបសំណេះសំណាលជាមួយកម្មករនិយោជិត ២ ម៉ឺននាក់នៅតំបន់ព្រៃស្ពឺ ខណ្ឌពោធិ៍សែនជ័យ នាព្រឹកថ្ងៃទី២៨ ខែមិថុនា ឆ្នាំ២០២៣នេះ។សម្ដេចតេជោ មានប្រសសន៍ថា ប្រទេសកម្ពុជា ធ្លាប់រងគ្រោះដោយសារទង្វើបែបនេះ ប្រជាពលរដ្ឋ​រាប់លាន​នាក់​បានស្លាប់ ដោយសារតែមានការលូកដៃពីបរទេសចូលកិច្ចការងារផ្ទៃក្នុងរបស់កម្ពុជា។ ដូច្នេះការចាត់វិធានការមិនលើកឡើងចំពោះជនជាប់ទោសដែល​បរទេសអន្តរាគមន៍នេះ ក៏ជា​សារផ្ដាំមួយ​ទៅបរទេសមួយចំនួនដែលតែងតែចង់លូកដៃ​ចូលកិច្ចការផ្ទៃក្នុងរបស់កម្ពុជាដែរ។ សូមជម្រាបថា សម្ដេចតេជោ ហ៊ុន សែន តែងតែមានទឹកចិត្តសន្ដោសប្រណី ​នឹងលើកលែង​ទោស​ចំពោះក្រុមប្រឆាំងជាប់ទោសទាំងអស់ដែលដឹងកំហុស ហើយចាកចេញ​ពី​ជនក្បត់ជាតិ​នៅ​ក្រៅប្រទេស ដើម្បីងាកមកធ្វើការងារជាមួយរាជរដ្ឋាភិបាលក្នុង​ការ​អភិវឌ្ឍ​ប្រទេសកម្ពុជា​ឱ្យមានការរីកចម្រើនទៅមុខ៕ អត្ថបទ៖ វ៉ន ដារ៉ា

ផ្សែងឆេះព្រៃនៅកាណាដា បន្តគ្របដណ្តប់រាលដល់អឺរ៉ុបហើយ

2023/06/28 10:58:46 am        98
Facebook Telegram Linkin
កាណាដា៖ ផ្សែងអ័ព្ទដ៏ក្រាស់បង្កឡើងដោយចំហេះព្រៃដែលមិនអាចបញ្ឈប់បាន នៅក្នុងប្រទេសកាណាដា មិនត្រឹមតែគ្របដណ្តប់ទីក្រុងនានារបស់សហរដ្ឋអាមេរិក ដោយក្នុងនោះមានទាំងទីក្រុងឈីកាហ្គោផងដែរនោះ តែឥឡូវនេះ បានហុយទៅដល់តំបន់អឺរ៉ុបហើយ ព្រោះបើយោងតាមសេវាកម្មត្រួតពិនិត្យបរិយាកាស Copernicus របស់សហភាពអឺរ៉ុប កាលពីថ្ងៃអង្គារ (ទី២៧ ខែមិថុនា) បានឲ្យដឹងថា ចំហេះព្រៃដែលកំពុងឆេះរាលដាលយ៉ាងសន្ធោសន្ធៅនៅភាគខាងកើត និងភាគខាងលិចកាណាដា បានបញ្ចេញឧស្ម័នកាបូនិកចំនួន ១៦០លានតោន។នៅសហរដ្ឋអាមេរិក បើយោងតាមសេវាអាកាសធាតុជាតិ តាមរយៈបណ្ដាញសង្គម Twitter បានឲ្យដឹងថា គុណភាពខ្យល់ ដោយភាគច្រើននៅទូទាំងភាគកណ្តាលប៉ែកខាងលិចនៃសហរដ្ឋអាមេរិក គឺមិនល្អសម្រាប់សុខភាពនោះឡើយ ដោយស្ថានភាពនេះ នឹងបន្តមានទៀត ហើយបើយោងតាមក្រុមហ៊ុនបច្ចេកវិទ្យា IQAir នៅប្រទេសស្វីស បានឲ្យដឹងថា យ៉ាងហោចណាស់នៅថ្ងៃអង្គារនេះ គុណភាពខ្យល់របស់ទីក្រុងឈីកាហ្គោ (Chicago) ត្រូវបានចាត់ទុកថា មានសភាពអាក្រក់បំផុតក្នុងពិភពលោក។ផ្សែងចេញពីចំហេះព្រៃរបស់ប្រទេសកាណាដា បានគ្របដណ្ដប់លើមជ្ឈមណ្ឌលទីក្រុងសំខាន់ៗជាច្រើនក្នុងខែមិថុនា ក្នុងនោះរួមទាំងទីក្រុងញូវយ៉ក និងតូរ៉ង់តូ ដោយធ្វើឲ្យផ្ទៃមេឃមានពណ៌លឿងទុំដ៏គួរឲ្យភ្ញាក់ផ្អើល ហើយឥឡូវនេះ ផ្សែងបានហោះរសាត់ឆ្លងកាត់មហាសមុទ្រអាត្លង់ទិកខាងជើង។ ការឆេះកាន់តែអាក្រក់ទៅៗ នៅក្រុងកេបិក (Quebec) និងអង់តារីយ៉ូ (Ontario) ទំនងជានឹងធ្វើឲ្យមេឃអាប់អួរ និងថ្ងៃលិចពណ៌លឿងទុំយ៉ាងពេញលេញនៅអឺរ៉ុប ក្នុងសប្តាហ៍នេះ។ តែទោះបីជាយ៉ាងណាក៏ដោយ អ្នកជំនាញម្នាក់បានលើកឡើងថា ដោយសារតែផ្សែងត្រូវបានគេព្យាករថា នឹងស្ថិតនៅរយៈកម្ពស់ខ្ពស់ក្នុងបរិយាកាសនោះ ផ្សែងនេះទំនងជាមិនប៉ះពាល់ដល់ផ្ទៃគុណភាពខ្យល់នោះទេ។រដូវកាលភ្លើងឆេះព្រៃឆ្នាំនេះ គឺជារដូវកាលដ៏អាក្រក់បំផុត ក្នុងកំណត់ត្រា នៅប្រទេសកាណាដា ដោយផ្ទៃដីទំហំប្រហែល ៧៦.០០០គីឡូម៉ែត្រក្រឡា កំពុងត្រូវបានឆេះនៅទូទាំងភាគខាងកើត និងភាគខាងលិចកាណាដា ហើយបើយោងតាមមជ្ឈមណ្ឌលចំហេះព្រៃអន្តរទ្វីបកាណាដា បានឲ្យដឹងទំហំនោះ គឺធំជាងតំបន់ដែលបានឆេះ ក្នុងឆ្នាំ ២០១៦ ២០១៩ ២០២០ និងឆ្នាំ២០២២៕

UN ពិភាក្សាអំពីការតាំងទីលំនៅរបស់អ៊ីស្រាអែលនិងអំពើហិង្សានៅ West Bank

2023/06/28 10:53:30 am        90
Facebook Telegram Linkin
UN៖ ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃអង្គារ បានជួបប្រជុំគ្នាដើម្បីពិភាក្សាអំពីភាពតានតឹងនៅមជ្ឈិមបូព៌ា ជាពិសេសសកម្មភាពការតាំងលំនៅឋាននិងការផ្ទុះឡើងអំពើហិង្សានៅតំបន់គ្រប់គ្រង West Bank។ ក្នុងអំឡុងកិច្ចប្រជុំក្រុមប្រឹក្សាសន្តិសុខ ឯកអគ្គរដ្ឋទូតរងរបស់សហរដ្ឋអាមេរិក លោក Robert Wood បាននិយាយថា ទីក្រុងវ៉ាស៊ីនតោននឹងធ្វើការជាមួយប្រទេសអ៊ីស្រាអែល និងអាជ្ញាធរដែនដីប៉ាឡេស្ទីន ដើម្បីកាត់បន្ថយភាពតានតឹង និងស្តារការទុកចិត្តគ្នាឡើងវិញ និងជួយបង្កើតលក្ខខណ្ឌសម្រាប់ការវិលត្រឡប់មករកកិច្ចចរចា។លោក Wood បាននិយាយថា យើងអំពាវនាវឱ្យភាគីទាំងអស់អត់ធ្មត់ពីសកម្មភាពឯកតោភាគី រួមទាំងសកម្មភាពការតាំងលំនៅឋាន ការបណ្តេញចេញ និងការរុះរើលំនៅឋានពលរដ្ឋប៉ាឡេស្ទីន អំពើភេរវកម្ម និងការញុះញង់ឱ្យមានអំពើហិង្សា ដែលទាំងអស់នេះបង្កើតឲ្យស្ថានការណ៍កាន់តែឆាបឆេះ។ ការវាយប្រហារដោយបាញ់រះរបស់ក្រុមហាម៉ាស ដែលបានបណ្តាលឲ្យជនស៊ីវិលអ៊ីស្រាអែល ៤ នាក់ស្លាប់ នៅខាងក្រៅតំបន់តាំងទីលំនៅក្នុងទឹកដីដែលគ្រប់គ្រងដោយអ៊ីស្រាអែល បានបង្កឱ្យមានការចូលលុកលុយដោយហឹង្សាជាច្រើនថ្ងៃ ទៅក្នុងភូមិនិងក្រុងនានារបស់ប៉ាឡេស្ទីន ដោយក្រុមអ្នកតាំងទីលំនៅជនជាតិជ្វីហ្វ។ នគរបាលអ៊ីស្រាអែល បាននិយាយថា ជនសង្ស័យ១២ នាក់ត្រូវបានចាប់ខ្លួននៅក្នុងឧបទ្ទហេតុចុងក្រោយនេះ៕

សម្ដេចតេជោ៖ បើការបង្ក្រាបគ្រឿងញៀនបានច្រើនមិនមែនជាសញ្ញាថាជោគជ័យ នៃការទប់ស្កាត់បទល្មើសនេះទេ

2023/06/28 10:51:12 am        181
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា កម្ពុជាមិនមែនជាប្រទេសផលិតទេ តែគ្រឿងញៀនបានរុលចូលមកប្រទេសរបស់យើងយ៉ាងច្រើន ដែលត្រូវតែខិតខំប្រឹងប្រែងស្រាវជ្រាវបង្ក្រាបទប់ស្កាត់ឱ្យបាន។សម្តេចតេជោ ប្រមុខនៃរាជរដ្ឋភិបាលបានលើកឡើងទាក់ទិននឹងបទល្មើសគ្រឿងញៀន យ៉ាងដូច្នេះ ខណៈបន្តអញ្ជើញចុះជួបសំណេះសំណាលជាមួយកម្មករ ​និយោជិតសរុបជិត ២ម៉ឺននាក់ នៅតំបន់ព្រៃស្ពឺ ​ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី២៨មិថុនានេះ ។សម្តេច បានគូសបញ្ជាក់ថា បើការបង្ក្រាបបទល្មើសមួយនេះ បានច្រើនមិនមែនជាសញ្ញាបង្ហាញថា ជាលទ្ធផលល្អ ឬជាជោគជ័យនៃការទប់ស្កាត់បទល្មើសគ្រឿងញៀននៅឡើយទេ។សូមបញ្ជាក់ថា រយៈពេលចុងក្រោយនេះ អនុវត្តតាមបទបញ្ជារបស់នាយឧត្តមសេនីយ៍សន្តិបណ្ឌិត នេត សាវឿន ​​អគ្គស្នងការនគរបាលជាតិ ​និងនាយឧត្តមសេនីយ៍ ម៉ក់ ជីតូ អគ្គស្នងការរងទទួល​ផែន​ប្រឆាំងបទល្មើសគ្រឿងញៀន ​និងក្រោមការដឹកនាំផ្ទាល់ពី ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន កម្លាំងជំនាញមន្ទីរប្រឆាំងគ្រឿងបាន ចុះប្រតិបត្តិការ​បង្ក្រាប​បទល្មើសគ្រឿងញៀន ​ដូចភ្លៀងរលឹមនៅទូទាំង​ប្រទេស​ជារៀងរាល់ថ្ងៃ ជាពិសេសបង្ក្រាប​បានបទល្មើសជួញដូរ​គ្រឿងញៀន​ធំៗជាបន្តបន្ទាប់។សន្និបាតបូកសរុបត្រួតពិនិត្យលទ្ធផលការងារគ្រឿងញៀន ឆ្នាំ២០២២ និងលើកទិសដៅបន្តរបស់​អាជ្ញាធរជាតិប្រយុទ្ធប្រឆាំងគ្រឿងញៀន ថ្មីៗនេះ យោងតាមរបាយការណ៍ ​បានឲ្យដឹងថា អាជ្ញាធរជាតិ​ប្រយុទ្ធប្រឆាំងគ្រឿងញៀន ​បានបន្តសហការសម្របសម្រួលជាមួយស្ថាប័ន អង្គភាព​អនុវត្តច្បាប់ទាំងក្នុងក្របខ័ណ្ឌជាតិ​ និងអន្តរជាតិ​ ក្នុងការពង្រឹងការអនុវត្តវិធានការច្បាប់ ក៏ដូចជាវិធានការរដ្ឋបាល។គណៈកម្មការ បង្ការ ទប់ស្កាត់ និងបង្ក្រាបគ្រឿងញៀនខុសច្បាប់​តាមច្រកនៃយុទ្ធនាការ​ប្រយុទ្ធ​ប្រឆាំង​គ្រឿងញៀន​ខុសច្បាប់ បានបន្តការងារតាមគោលការណ៍​ដឹកនាំរបស់​គណៈបញ្ជាការ​យុទ្ធនាការ ក្នុងការពង្រឹងប្រសិទ្ធភាពអនុវត្តច្បាប់ និងឈានទៅបំផ្លាញអង្គការ​ចាត់តាំង​ឧក្រិដ្ឋ​ជនគ្រឿងញៀន​ ដោយបង្កើនកិច្ចសហប្រតិបត្តិការជាមួយអន្តរជាតិ ​តំបន់ អនុតំបន់ ពិសេស​សហការយ៉ាងជិតស្និទ្ធជាមួយប្រទេសជិតខាង​ ដើម្បីទប់ស្កាត់ការចរាចរ​គ្រឿងញៀន​គ្រប់ប្រភេទ ឆ្លងកាត់តំបន់ព្រំដែន៕

ប្រមុខNATO៖ សង្គ្រាមរបស់លោកPutin នៅអ៊ុយក្រែន បានធ្វើឱ្យមានការបែកចែកកាន់តែជ្រៅនៅក្នុងប្រទេសរុស្ស៊ី

2023/06/28 10:47:40 am        97
Facebook Telegram Linkin
រុស្ស៊ី៖ អគ្គលេខាធិការសម្ព័ន្ធយោធាណាតូ លោក Jens Stoltenberg បាននិយាយកាលពីថ្ងៃអង្គារថា ព្រឹត្តិការណ៍ដែលបានកើតឡើងនៅក្នុងប្រទេសរុស្ស៊ីកាលពីចុងសប្តាហ៍ បានបង្ហាញថាសង្រ្គាមនៅអ៊ុយក្រែនបានធ្វើឱ្យមានការបែងចែកកាន់ជ្រាលជ្រៅនៅក្នុងប្រទេសរុស្ស៊ី ប៉ុន្តែសម្ព័ន្ធមិត្តរបស់អ៊ុយក្រែន នៅតែមិនអាចមើលស្រាលលើរុស្ស៊ីបានទេ ហើយត្រូវតែបន្តគាំទ្រអ៊ុយក្រែន ។ការអធិប្បាយរបស់លោក Stoltenberg បានធ្វើឡើងបន្ទាប់ពីការទទួលទានអាហារពេលល្ងាចជាមួយមេដឹកនាំរដ្ឋសមាជិកសម្ព័ន្ធយោធាណាតូជាច្រើននៅទីក្រុងឡាអេ ប៉ុន្មានថ្ងៃបន្ទាប់ពីកងកម្លាំងទាហានស៊ីឈ្នួលក្រុមហ៊ុន Wagner បានចូលគ្រប់គ្រងរយៈពេលខ្លីមជ្ឈមណ្ឌលទីបញ្ជាការយុទ្ធសាស្ត្រសម្រាប់សង្គ្រាមនៅអ៊ុយក្រែនរបស់រុស្ស៊ី និងក្បួនដំណើរចូលទៅកាន់ទីក្រុងមូស្គូ មុនពេលត្រឡប់មកវិញ ជាការប្រឈមមុខដ៏កម្រចំពោះមេដឹកដឹកនាំយោធារបស់ខ្លួន។ថ្លែងនៅក្នុងសន្និសីទសារព័ត៌មាន លោក Stoltenberg បាននិយាយថា វាឆាប់ពេកក្នុងការសន្និដ្ឋានលើលទ្ធផលនៃសកម្មភាពរបស់កងទ័ពក្រុមហ៊ុន Wagner ទៅកាន់ប្រទេសបេឡារុស ប៉ុន្តែបានបញ្ជាក់ថា សម្ព័ន្ធភាពនេះ បានត្រៀមខ្លួនជាស្រេចដើម្បីការពារខ្លួនប្រឆាំងការគំរាមកំហែងណាមួយ។ លោក Stoltenberg និងនាយករដ្ឋមន្ត្រីប្រទេសហូឡង់ លោក Mark Rutte ដែលជាសហប្រធានរៀបចំអាហារពេលល្ងាចការងារ នៅទីក្រុងឡាអេ សម្រាប់មេដឹកនាំមួយក្រុមតូច នៅមុនកិច្ចប្រជុំនៃប្រទេសសម្ព័ន្ធមិត្តពេញលេញនៅទីក្រុង Vilnius ប្រទេសលីទុយអានី នៅថ្ងៃទី ១១-១២ ខែកក្កដា។ ដោយនិយាយជាមួយ លោក Stoltenberg ប្រធានាធិបតីលីទុយអានី លោក Gitanas Nauseda បាននិយាយថា ការដាក់ពង្រាយទាហានស៊ីឈ្នួលរបស់ក្រុមហ៊ុន Wagner នៅក្នុងប្រទេសបេឡារុស ប្រឈមនឹង«គ្រោះថ្នាក់កាន់តែខ្លាំងនៃអស្ថិរភាព» នៅក្នុងប្រទេសជិតខាង។ ប្រធានាធិបតីប៉ូឡូញ លោក Andrzej Duda បាននិយាយថា ចំណាត់ការនេះ ទាមទារការឆ្លើយតបដ៏ម៉ឺងម៉ាត់ពីសម្ព័ន្ធយោធាណាតូ៕

សម្តេចតេជោប្រកាសផ្តល់រង្វាន់២០ម៉ឺនដុល្លារ ដល់អង្គភាពណាបាញ់យន្តហោះគ្មានមនុស្សបើក ហោះចូលទឹកដីកម្ពុជា

2023/06/28 10:40:58 am        446
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ប្រកាសផ្ដល់រង្វាន់ចំនួន២០ម៉ឺនដុល្លារ​ដល់អង្គភាពយោធាណា ដែលបានបាញ់ទម្លាក់យន្តហោះគ្មានមនុស្សបើក ដែលហោះចូលទឹកដីកម្ពុជា ។ថ្លែងនៅក្នុងឱកាសអញ្ជើញចុះជួបសំណេះសំណាលជាមួយកម្មករ និយោជិតសរុប១៨,៣១នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី២៨ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានបញ្ជាឲ្យកងទ័ពដែលបានបញ្ជូន និងប្រចាំនៅតំបន់ភូមិភាគទី១ទាំង​អស់ត្រូវតែបាញ់ដ្រូន ​និងយន្តហោះគ្មានមនុស្សបើកនេះ ឲ្យខាងតែបាន ខណៈការហោះចូលជា​រឿយៗ​ក្នុងទឹកដីកម្ពុជាជាប់នឹងព្រំដែនវៀតណាមនាពេលប៉ុន្មានថ្ងៃមកនេះ គឺជាការឈ្លានពាន និង​បំពាន​នូវ​អធិបតេយ្យ​កម្ពុជា​សុទ្ធសាធ។ជាមួយគ្នានោះដែរ​សម្តេចតេជោ ​ក៏បានអំពាវនាវ​យ៉ាង​ទទូច​ដល់​ប្រទេស​ណា​ក៏ដោយដែលបាន ឧបត្ថម្ភ​នូវ​សម្ភារៈដ្រូន និង​យន្តហោះ​គ្មានមនុស្សបើកទាំង​នេះ​ដល់​ក្រុម​ឧទ្ទាម​ទាំងនោះ​សូម​បញ្ឈប់ជាបន្ទាន់ ​ខណៈបញ្ហានេះ​វាមិនមែនជាករណី​លេងសើច​នោះទេ ​វាគឺជាបញ្ហា​ភេរវកម្ម។ទាក់ទងនឹងបញ្ហាដ្រូន និងយន្តហោះគ្មានមនុស្សបើកចូលទឹកដីកម្ពុជា​នេះដែរ ​សម្តេច​ ក៏​បាន​ស្តីបន្ទោស​ដល់មេភូមិភាគទី១ថា ជាមេទ័ព​កំសាក​ដោយ​មិន​ហ៊ាន​បាញ់​ទម្លាក់​ចំពោះដ្រូន ដែល​បាន​ហោះ​ចូលតំបន់​ស្រុកកោះញែក ខេត្តមណ្ឌលគិរី ចំនួន៥គ្រឿង​កាលពីយប់មិញផងដែរ។សម្តេច បានលើកឡើងថា អស់លោកធ្វើទ័ពស្លូតពេកហើយ ​គេហោះចូលដីយើងប៉ុន្មាន​ថ្ងៃ​ត្រឹម​យកកាំភ្លើងសេកាសេបាញ់ ​ដូច្នេះ​សម្តេច​សូមបញ្ជាឲ្យដាក់សំណាញ់មេឃ​បាញ់ទម្លាក់ដ្រូន និង​យន្តហោះទាំងនោះ ឲ្យខាងតែបាន ដើម្បីឲ្យដឹងប្រភពច្បាស់លាស់ថា​វាចេញពីខាងណាមក។សូមបញ្ជាក់ថា កាលពី​ម្សិលមិញ​សម្តេចតេជោ​ បាន​បញ្ជាឱ្យ​នាយឧត្តមសេនីយ៍ ហ៊ីង ប៊ុនហៀង បញ្ចេញកម្លាំង​យោធា​ចំនួន​៥០០នាក់ ​និងអាវុធទំនើប២០០ដើម​ទៅកាន់តំបន់ភូមិភាគ១ ដើម្បី​ត្រៀមបាញ់ដ្រូន ​និងយន្តហោះគ្មាន​មនុស្ស​បើកចូល​ទឹកដី​កម្ពុជា ខណៈសម្តេច ​បានដាក់ការ​សង្ស័យថា​ដ្រូន ទាំងនោះជារបស់ក្រុមឧទ្ទាម ឬជនជាតិភាគតិច​ម៉ុងតាញ៉ា ដែល​បានវាយ​ប្រហារ​ដល់អាជ្ញាធរវៀតណាម កាល​ពីពាក់កណ្តាលខែមិថុនាកន្លងទៅ ​ហើយបាក់​ទ័ពរត់ចូល​លាក់ខ្លួន​ក្នុងព្រំដែនកម្ពុជា៕អត្ថបទ៖ បាន ចក់

តុលាការក្រុងញូវយ៉កបង្រួបសំណុំរឿងក្លែងបន្លំរបស់Trump ដោយច្រានចោលលោកស្រី Ivanka Trump ជាចុងចោទ

2023/06/28 10:30:22 am        121
Facebook Telegram Linkin
អាមេរិក៖ តុលាការឧទ្ធរណ៍ទីក្រុងញូវយ៉កកាលពីថ្ងៃអង្គារបានបង្រួមបណ្តឹងរដ្ឋប្បវេណីរបស់រដ្ឋអាជ្ញាលោកស្រី Letitia James ដែលចោទប្រកាន់លោក Donald Trump និងអាជីវកម្មគ្រួសាររបស់លោកពីបទក្លែងបន្លំ "គួរឲ្យភ្ញាក់ផ្អើល" ហើយបានច្រានចោលការអះអាងទាំងអស់ប្រឆាំងនឹងកូនស្រីច្បងរបស់អតីតប្រធានាធិបតីអាមេរិក រូបនេះ។   ខណៈបដិសេធការអះអាងរបស់លោក Trump ក្នុងការច្រានចោលករណីនេះ ផ្នែកបណ្តឹងឧទ្ធរណ៍នៅ សង្កាត់ Manhattan បាននិយាយថាលក្ខន្តិកៈនៃការកំណត់បានរារាំងលោកស្រី James ពីការប្តឹងជុំវិញប្រតិបត្តិការដែលបានកើតឡើងមុនថ្ងៃទី ១៣ ខែកក្កដា ឆ្នាំ ២០១៤ ឬថ្ងៃទី ៦ ខែកុម្ភៈ ឆ្នាំ ២០១៦អាស្រ័យលើចុងចោទ។តុលាការក៏បាននិយាយផងដែរថា ការទាមទារទាំងអស់ប្រឆាំងនឹងកូនស្រីច្បងរបស់លោក Trump គឺ លោកស្រី Ivanka Trump គួរតែត្រូវបានច្រានចោល ដោយសារតែរឿងហួសពេលវេលាយូរពេក។ ខ្លួនបានបញ្ជូនសំណុំរឿងនេះទៅចៅក្រមជំនុំជម្រះដើម្បីកំណត់ថាការទាមទារមួយណាគួរត្រូវបានទាត់ចោល។  លោកស្រី James បានចោទប្រកាន់លោក Donald Trump ពីបទកុហកធនាគារផ្ដល់ប្រាក់កម្ចី និងក្រុមអ្នកធានាពីឆ្នាំ ២០១១ ដល់ឆ្នាំ ២០២១ អំពីតម្លៃទ្រព្យសកម្មនៅអង្គការ Trump ឬ Trump Organization ក៏ដូចជាទ្រព្យសម្បត្តិសុទ្ធផ្ទាល់ខ្លួនរបស់លោក ដើម្បីទទួលបានលក្ខខណ្ឌល្អប្រសើរពីអ្នកធនាគារ និងក្រុមអ្នកធានា។ ដោយត្រូវបានដាក់កាលពីខែកញ្ញាឆ្នាំមុន បន្ទាប់ពីការស៊ើបអង្កេតរយៈពេល៣ឆ្នាំ បណ្តឹងរបស់លោកស្រី James ស្វែងរកការខូចខាតយ៉ាងហោចណាស់ ២៥០លានដុល្លារ និងដើម្បីបញ្ឈប់ Trumps កុំឲ្យដំណើរការអាជីវកម្មនៅញូវយ៉ក។ កូនប្រុសពេញវ័យរបស់លោក Trump គឺ Donald Jr. និង Eric ក៏ជាជនដែលត្រូវចោទផងដែរ៕

បណ្ដាញសង្គម

ព័ត៌មានថ្មីៗ

[BREAKING NEWS ] ឧបនាយករដ្ឋមន្រ្តី និងជារដ្ឋមន្រ្តីក្រសួងសាធារណការ ត្រូវបានតែងតាំងជានាយករដ្ឋមន្រ្តីស្តីទី ក្រោយព្យួរតំណែងលោកស្រី Paetongtarn
07/01/2025 03:07 PM
Facebook Telegram Linkin
សភាកម្ពុជា និងអារ៉ាប៊ីសាអូឌីតពង្រឹងទំនាក់ទំនង ដើម្បីផលប្រយោជន៍កាន់តែច្រើនជូនប្រជាពលរដ្ឋ
07/01/2025 03:07 PM
Facebook Telegram Linkin
មនុស្សជាច្រើននាក់ បានស្លាប់ក្នុងបាតុកម្មដ៏ហិង្សាជាច្រើនថ្ងៃនៅប្រទេសតូហ្គោ
07/01/2025 03:07 PM
Facebook Telegram Linkin
សម្ដេចតេជោ បន្តប្រាប់ការពិតទៅសមាជិករដ្ឋសភាជប៉ុន ករណីថៃបាញ់សម្លាប់យោធិនកម្ពុជា និងបិទព្រំដែនជាឯកតោភាគី
07/01/2025 02:07 PM
Facebook Telegram Linkin
ទិន្នផលត្រីឆមាសទី១ឆ្នាំ២០២៥ កើនឡើងជាង៣ពាន់តោន លើសឆមាសទី១ឆ្នាំ២០២៤ ដោយសារការបង្ក្រាបបទល្មើសនេសាទបានច្រើន
07/01/2025 02:07 PM
Facebook Telegram Linkin
រដ្ឋមន្ត្រីការបរទេសអេហ្ស៊ីប ពិភាក្សាបញ្ហានុយក្លេអ៊ែរអ៊ីរ៉ង់ជាមួយរដ្ឋមន្ត្រីអ៊ីរ៉ង់ និងប្រមុខIAEA
07/01/2025 02:07 PM
Facebook Telegram Linkin
WB៖ កំណើនភាពក្រីក្រក្នុងតំបន់ជម្លោះ ធ្វើឱ្យមនុស្ស ១ពាន់លាននាក់ ទូទាំងពិភពលោក ស្រេកឃ្លាន
07/01/2025 02:07 PM
Facebook Telegram Linkin
ក្រុមប្រឹក្សាធម្មនុញ្ញ បែងចែងក្រុមនៃក្រុមប្រឹក្សាធម្មនុញ្ញ អាណត្តិ៣ឆ្នាំ លើកទី១០
07/01/2025 02:07 PM
Facebook Telegram Linkin
កម្ពុជានឹងរៀបចំវេទិកា និងកម្មវិធីសហគ្រិនស្ត្រីអាស៊ានឆ្នើមនាខែកញ្ញាខាងមុខ ដើម្បី​លើក​ស្ទួយ​លើ​វិស័យ​ធុរកិច្ច
07/01/2025 02:07 PM
Facebook Telegram Linkin
ក្រុមការងារចលនាកសាងសមាជិកគណបក្សមូលដ្ឋានរាជធានី-ខេត្តចុះផ្តល់អំណោយជូនកងទ័ពជួរមុខនៅខេត្តព្រះវិហារ
07/01/2025 02:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.