នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

រដ្ឋមន្រ្តីការពារជាតិរុស្ស៊ីទាមទារឲ្យមានការបញ្ជូនអាវុធ និងគ្រាប់រំសេវកាន់តែលឿនទៅកាន់សមរភូមិមុខ

2023/06/09 12:34:31 pm        175
Facebook Telegram Linkin
រុស្ស៊ី៖ កាលពីថ្ងៃព្រហស្បតិ៍ម្សិលមិញ រដ្ឋមន្រ្តីក្រសួងការពារជាតិរុស្ស៊ី លោក Sergei Shoigu បានទាមទារឲ្យមានការបញ្ជូនអាវុធ និងគ្រាប់រំសេវកាន់តែលឿនដល់កងកងកម្លាំងដែលចូលរួមធ្វើសង្រ្គាមនៅប្រទេសអ៊ុយក្រែ។  លោក Shoigu បាននិយាយប្រាប់ក្រុមមន្រ្តីភស្តុភារ និងក្រុមអ្នកតំណាងឧស្សាហកម្មយោធាថា រថពាសដែកថ្មី យានប្រយុទ្ធថ្មើរជើង និងរថក្រោះ ត្រូវការយ៉ាងបន្ទាន់នៅសមរភូមិមុខ ។  លោកបានលើឡើងផងដែរថា កងកម្លាំងរុស្ស៊ី បានរារាំងការវាយបករបស់អ៊ុយក្រែននៅតំបន់ Zaporizhzhia កាលពីថ្ងៃព្រហស្បតិ៍ម្សិលមិញ ។  ទោះបីជាយ៉ាងណាក៏ដោយ ទីភ្នាក់ងារព័ត៌មានរ៉យទ័រ ពុំអាចបញ្ជាក់ផ្ទៀងផ្ទាត់ដោយឯករាជ្យបាននោះទេ ពីលទ្ធផលនៅសមរភូមិមុខ ។  លោក Shoigu និយាយថា គ្រាន់តែចូលរួមប្រយុទ្ធរយៈពេល ២ម៉ោងប៉ុណ្ណោះ ទាហានរបស់ពួកយើងបានបំផ្លាញរថក្រោះ ៣០គ្រឿង និងយានប្រយុទ្ធថ្មើរជើង ១០គ្រឿង ។ គ្រឿងយុទ្ធោបករណ៍បែបនេះ ត្រូវការបន្ទាន់នៅទីនោះ ។ ពួកយើងត្រូវតែប្រញាប់បញ្ជូនទៅកាន់ទីនោះ ។  ខណៈពេលនោះដែរ ក្រសួងការពារជាតិរុស្ស៊ី បានបញ្ចេញរូបភាពវីដេអូឃ្លីបយានដ្រូនបន្ថែមទៀតផងដែរ ដោយបង្ហាញឲ្យឃើញអ្វីដែលពួកគេនិយាយថា គឺជាការវាយប្រហាររបស់រុស្ស៊ី ទៅលើរថក្រោះអ៊ុយក្រែននៅតំបន់ Zaporizhzhia ៕

មេធាវី៖ អតីតនាយករដ្ឋមន្ត្រីប៉ាគីស្ថាន ត្រូវបានអនុញ្ញាតឲ្យនៅក្រៅឃុំពីបទចោទប្រកាន់ករណីឃាតកម្ម

2023/06/09 12:02:22 pm        142
Facebook Telegram Linkin
ប៉ាគីស្ថាន៖ មេធាវីរបស់អតីតនាយករដ្ឋមន្ត្រីប៉ាគីស្ថានបាននិយាយថា លោក Imran Khan ត្រូវបានធានាឲ្យនៅក្រៅឃុំកាលពីថ្ងៃព្រហស្បតិ៍ទី៨ ខែមិថុនា ពីតុលាការជាន់ខ្ពស់ទីក្រុងអ៊ីស្លាម៉ាបាត ជុំវិញបទចោទប្រកាន់ករណីឃាតកម្មថ្មី ដែលមានន័យថា លោកពុំអាចត្រូវបានគេឃាត់ខ្លួនសាជាថ្មីនោះទេ នៅក្នុងការជាប់ទាក់ទង់ជាមួយបទចោទប្រកាន់ទាំងឡាយសម្រាប់រយៈពេល១៤ថ្ងៃបន្ទាប់។ លោក Khan ត្រូវបានឃាត់ខ្លួន កាលពីថ្ងៃទី៩ ខែឧសភា ហើយត្រូវបានឃុំខ្លួនរយៈពេល៣ថ្ងៃ ដែលបង្កឲ្យមានការតវ៉ាហិង្សាដោយក្រុមអ្នកគាំទ្ររបស់លោក។ នៅពេលនេះ លោកត្រូវបានដោះលែងឲ្យនៅក្រៅឃុំ ក្នុងករណីព្រហ្មទណ្ឌជាបន្តបន្ទាប់។មេធាវីរបស់លោក គឺលោក Gohar Khan បាននិយាយថា លោកបានធ្វើដំណើរទៅកាន់រដ្ឋធានីពីទីក្រុងកំណើតLahoreរបស់លោក ដើម្បីស្វែងរកការនៅក្រៅឃុំ ក្នុងករណីឃាតកម្ម និងបន្ថែមពេលការនៅក្រៅឃុំរបស់លោកក្នុងបទចោទរាប់សិបករណីផ្សេងទៀត ដើម្បីបញ្ចៀសការចាប់ខ្លួនជាថ្មី។ មេធាវីរបស់លោក ម្នាក់ទៀតលោក Naeem Haider បាននិយាយថា លោកបានទទួលការអនុញ្ញាតឲ្យនៅក្រៅឃុំ ក្នុងគ្រប់ករណីផ្សេងៗទៀតទាំងអស់ ដែលលោកបានស្នើសុំ។ការចាប់ខ្លួនកាលពីថ្ងៃទី៩ ខែឧសភារបស់លោក Khan លើបទចោទប្រកាន់អំពើពុករលួយ ដែលលោក បានបដិសេធនោះ បានបង្កការតវ៉ាដោយក្រុមអ្នកគាំទ្ររបស់លោក ដែលបានរើកកាយទីតាំងយោធា ដែលបង្កើនការព្រួយបារម្ភថ្មីអំពីស្ថិរភាពរបស់ប្រទេសមានអាវុធនុយក្លេអ៊ែរ ដែលមានប្រជាជន២២០លាននាក់នេះ ខណៈប្រទេសកំពុងព្យាយាមក្នុងវិបត្តិសេដ្ឋកិច្ចដ៏អាក្រក់បំផុតរបស់ខ្លួនក្នុងរយៈពេលជាច្រើនទសវត្សរ៍មកនេះ។  កាលពីថ្ងៃពុធ នគរបាល បានដាក់លោកក្នុងការជាប់ពាក់ព័ន្ធជាមួយករណីឃាតកម្មលើមេធាវីម្នាក់ ដែលស្វែងរកការចោទប្រកាន់ពីបទញុះញង់ឲ្យមានការប៉ះបោរប្រឆាំងនឹងរូបលោក៕

សម្តេចតេជោ៖ អ្នកខ្លះរិះគន់រដ្ឋាភិបាលថា បញ្ជូនខ្មែរឲ្យទៅខ្ញុំគេ តែខ្លួនបែជាទៅរៃអង្គាស់អ្នកដែលធ្វើខ្ញុំគេទៅវិញ

2023/06/09 10:50:01 am        268
Facebook Telegram Linkin
កំពង់ឆ្នាំង៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចំអកឲ្យគណបក្សខ្លះ​ជាពិសេសគណបក្សប្រឆាំង ដែលតែងតែរិះគន់ដល់រាជរដ្ឋាភិបាលជារឿយៗថា បាន​បញ្ជូនបងប្អូនប្រជាពលរដ្ឋខ្មែរឲ្យទៅធ្វើការនៅស្រុកគេ ប៉ុន្តែពួកក្រុមទាំងនោះ បែជានាំគ្នាទៅរៃអង្គាស់លុយពីបងប្អូនពលរដ្ឋខ្មែរ ដែលកំពុងធ្វើការនៅទីនោះទៅវិញ ជាក់ស្តែងដូចជានៅប្រទេសកូរ៉េជាដើម។សម្តេចតេជោ ហ៊ុន សែន បានលើកឡើងថា អ្នកខ្លះនិយាយពីដៀល រាជរដ្ឋាភិបាលថា បញ្ជូនពលរដ្ឋខ្លួនឲ្យទៅខ្ញុំគេ តែខ្លួនបែជាទៅយកលុយពីអ្នកដែលកំពុងធ្វើខ្ញុំគេនោះទៅវិញ។ តែទោះជាយ៉ាងណាក៏ដោយពេលនេះបងប្អូនដែលកំពុងនៅក្រៅប្រទេសគេនោះ ពួកគាត់​លែងចាញ់​បោក​ពួកខ្លួនតទៅទៀតហើយ ​បើទោះបីជាខិតខំច្រៀង និងនិយាយយ៉ាងណា​ក៏ដោយនោះ។ការថ្លែងរបស់សម្តេចនេះគឺបានធ្វើឡើង ក្នុងឱកាសបន្តអញ្ជើញចុះជួបសំណេះសំណាល​ជា​មួយកម្មករ កម្មការិនីសរុបចំនួន១៨០៥៧នាក់ មកពីរោងចក្រសហគ្រាសចំនួន១១ នៅស្រុកកំពង់ត្រឡាច ​និងស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី៩ ខែមិថុនា ឆ្នាំ២០២៣នេះ៕អត្ថបទ៖ បានចក់

សម្ដេចតេជោ៖ ត្រូវរួមគ្នារក្សាសន្តិភាព ខណៈសន្ដិភាពពិបាករកខ្លាំងណាស់

2023/06/09 10:44:30 am        226
Facebook Telegram Linkin
កំពង់ឆ្នាំង៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា បានអំពាវនាវដល់​កម្មការកម្មការិនី និងម្ចាស់រោងចក្រសហគ្រាសទាំងអស់ ចូលរួមថែរក្សាសន្តិភាព​របស់ប្រទេស​កម្ពុជា ជាមួយរាជរដ្ឋាភិបាល ពីព្រោះតម្លៃនៃសន្ដិភាពមានសារៈសំខាន់ខ្លាំងណាស់ ដែលប្រទេស​ជាច្រើននៅលើពិភពលោក​កំពុងចង់បាន ប៉ុន្ដែមិនអាចរកសន្ដិភាពបានឡើយ ហើយកំពុងរងគ្រោះ​ដោយ​សារសង្គ្រាម បង្ហូរឈាម ក្នុងនោះមានប្រជាពលរដ្ឋជាច្រើនកំពុងរងគ្រោះរហូតដល់ស្លាប់ និងកុមារកំព្រាជាដើម។ សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវបែបនេះ ក្នុងឱកាសអញ្ជើញចុះជួប​សំណេះសំណាល​ជាមួយកម្មករ កម្មការិនីសរុបជិត ២ ម៉ឺននាក់ទៀត នៅតាមបណ្ដារោងចក្រ​សហគ្រាសចំនួន ១១ នៅក្នុងខេត្តកំពង់ឆ្នាំង នាថ្ងៃទី៩ ខែមិថុនា ឆ្នាំ២០២៣នេះ។សម្តេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋ និងឪពុកម្ដាយកម្មករកម្មការិនី​ទាំងអស់ដែលបានចូលរួមជាមួយរាជរដ្ឋាភិបាលក្នុងការថែរក្សាសន្ដិភាពរបស់ប្រទេសកម្ពុជា និង​ចូលរួមលុបបំបាត់សង្គ្រាមចេញពីប្រទេសកម្ពុជា ធ្វើឱ្យប្រទេសកម្ពុជាមានការអភិវឌ្ឍរីក​ចម្រើន​ដូចសព្វថ្ងៃនេះ។ សូមជាម្រាបថា ប្រទេសកម្ពុជា ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្រ្ដី​នៃកម្ពុជា សម្ដេចបានដាក់ចេញនូវគោលនយោបាយ និងយុទ្ធសាស្រ្ដ ដូចជានយោបាយ ឈ្នះ ឈ្នះ ដោយបានបញ្ចប់សង្គ្រាមស៊ីវិលទាំងស្រុងនៅក្នុងប្រទេសកម្ពុជា និងបានអនុវត្តយុទ្ធសាស្រ្ដ​ចតុកោណ​ដោយជោគជ័យ​ដឹកនាំប្រទេសកម្ពុជាផ្លាស់ប្ដូរមុខមាត់ថ្មី ​មានការអភិវឌ្ឍលើគ្រប់វិស័យ គួរជាទីមោទនៈបំផុត៕ អត្ថបទ វ៉ន ដារ៉ា

គុយបាបដិសេធរបាយការណ៍របស់សារព័ត៌មានWSJ ស្តីពីការមានមូលដ្ឋានចារកម្មចិន នៅលើកោះនេះ

2023/06/09 10:12:33 am        105
Facebook Telegram Linkin
គុយបា៖ប្រទេសគុយបា កាលពីថ្ងៃព្រហស្បតិ៍ (ទី៨ ខែមិថុនា) បានបដិសេធពីការមាននូវកិច្ចព្រមព្រៀងណាមួយរវាងកោះនេះ និងប្រទេសចិន ដើម្បីសាងសង់កន្លែងលួចស្តាប់អេឡិចត្រូនិច នៅលើកោះ ដែលមានចម្ងាយប្រហែល ១០០ម៉ាយល៍ (១៦០គីឡូម៉ែត្រ) ពីរដ្ឋផ្លរីដា (Florida) ដូចអ្វីដែលសារព័ត៌មាន Wall Street Journal (WSJ) បានធ្វើសេចក្ដីរាយការណ៍នោះឡើយ។អនុរដ្ឋមន្ត្រីការបរទេសគុយបា លោក Carlos Fernandez de Cossio បាននិយាយនៅក្នុងសេចក្តីថ្លែងការណ៍មួយថា នេះគឺជារបាយការណ៍កុហក ដែលបង្កើតឡើងដោយមន្ត្រីសហរដ្ឋអាមេរិក ដើម្បីធ្វើឲ្យប្រទេសមានអស្ថិរភាព ហើយនិងធ្វើឲ្យការបិទផ្លូវសេដ្ឋកិច្ច និងពាណិជ្ជកម្មដែលមានអាយុកាលជាច្រើនទសវត្សរ៍មកហើយកាន់តែអាក្រក់ទៅៗ។លោកអនុរដ្ឋមន្ត្រីរូបនោះ បានថ្លែងថា៖ «យើងបដិសេធនូវវត្តមានយោធាបរទេសណាមួយ នៅតំបន់អាមេរិកឡាទីន និងតំបន់សមុទ្រការ៉ាអ៊ីព (Caribbean) ក្នុងនោះរួមទាំងមូលដ្ឋាន និងកងកម្លាំងយោធាជាច្រើនរបស់សហរដ្ឋអាមេរិកផងដែរ»។សារព័ត៌មាន Wall Street Journal (WSJ) បានរាយការណ៍ដោយដកស្រង់សម្តីមន្ត្រីអាមេរិកដែលដឹងពីចារកម្មសម្ងាត់ថា ការដំឡើងទីកន្លែងចារកម្ម នឹងអនុញ្ញាតឲ្យទីក្រុងប៉េកាំងប្រមូលផ្តុំការប្រាស្រ័យទាក់ទងអេឡិចត្រូនិកពីសហរដ្ឋអាមេរិកភាគអាគ្នេយ៍ ដែលជាកន្លែងតាំងមូលដ្ឋានទ័ពអាមេរិកជាច្រើន ក៏ដូចជាត្រួតពិនិត្យចរាចរណ៍នាវាផងដែរ។ សារព័ត៌មានដដែល បានឲ្យដឹងទៀតថា ក្រុមមន្ត្រីបាននិយាយថា ប្រទេសទាំងពីរ បានឈានដល់កិច្ចព្រមព្រៀងជាគោលការណ៍ ដោយប្រទេសចិននឹងបង់ប្រាក់ឲ្យគុយបា«ជាច្រើនពាន់លានដុល្លារ» ដើម្បីជាថ្នូរឲ្យសាងសង់ស្ថានីយលួចស្តាប់ការណ៍សម្ងាត់នេះ៕

លោក Biden និងលោក Sunak ព្រមព្រៀងលើផែនការថ្មីសម្រាប់កិច្ចសហប្រតិបត្តិការសេដ្ឋកិច្ចអង់គ្លេស-អាមេរិក

2023/06/09 10:02:45 am        163
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden និងនាយករដ្ឋមន្ត្រីអង់គ្លេស លោក Rishi Sunak បាននិយាយកាលពីថ្ងៃព្រហស្បតិ៍ថា ប្រទេសទំាងពីរ នឹងធ្វើជាដៃគូលើបច្ចេកវិទ្យាឈានមុខ ថាមពលស្អាត និងរ៉ែសំខាន់ៗ ខណៈមេដឹកនាំទំាងពីរពង្រឹងសម្ព័ន្ធភាពសន្តិសុខជាប្រវត្តិសាស្ត្រ។ លោក Biden និងលោក Sunnak បានចុះហត្ថលេខាលើ«សេចក្តីប្រកាសមហាសមុទ្រអាត្លង់ទិក» ដែលលោក Sunak បានចាត់ទុកថាជាភាពជាដៃគូសេដ្ឋកិច្ចប្រភេទដំបូងរបស់ខ្លួនលើបញ្ញាសប្បនិមិត្ត (AI) និងទំនាក់ទំនងពាណិជ្ជកម្ម និងសេដ្ឋកិច្ចផ្សេងទៀត ខណៈមេដឹកនាំអង់គ្លេស បានធ្វើទស្សនកិច្ចជាផ្លូវការទៅកាន់សេតវិមាន។ភាពជាដៃគូសន្តិសុខ និងយោធាជាយូរអង្វែងរបស់អង់គ្លេសនិងសហរដ្ឋអាមេរិក បានពង្រឹងក្នុងពេលសង្គ្រាមរុស្ស៊ីនៅអ៊ុយក្រែន និងការបង្ហាញឥរិយាបថកាន់តែបំពារបំពានកាន់តែច្រើនរបស់ប្រទេសចិននៅតំបន់អាស៊ី ប៉ុន្តែកិច្ចព្រមព្រៀងពាណិជ្ជកម្មសេរីដែលមានក្តីសង្ឃឹមច្រើនពុំបានលេចចេញជារូបរាងនោះទេ។ លោក Biden បានថ្លែងទៅកាន់អ្នកសារព័ត៌មានថាភាពជាដៃគូសេដ្ឋកិច្ចរបស់យើង គឺមានភាពរឹងមាំអស្ចារ្យ ជាប្រភពនៃភាពរឹងមាំដែលភ្ជាប់គ្រប់អ្វីៗទាំងអស់ដែលយើងបានធ្វើរួមគ្នា។ លោក Sunak និយាយថា ខ្ញុំដឹងថាមនុស្សមួយចំនួនមានការងឿងឆ្ងល់ថាតើអង់គ្លេសនឹងជាដៃគូប្រភេទណា បន្ទាប់ពីខ្លួនចាកចេញពីសហភាពអឺរ៉ុប ដោយប្រកាសពីកិច្ចព្រមព្រៀងថ្មី។ ខ្ញុំសូមនិយាយថា សូមវិនិច្ឆ័យពួកយើងដោយសកម្មភាពរបស់យើង។ចក្រភពអង់គ្លេស បានចាកចេញពីសហភាពអឺរ៉ុបកាលពីថ្ងៃទី៣១ ខែមករា ឆ្នំ២០២០។ លោក Sunak ដែលបានចូលកាន់តំណែងកាលពីខែតុលា បន្ទាប់ពីអំឡុងពេលនៃអស្ថិរភាពនយោបាយមិនធ្លាប់មានពីមុនមកនៅក្នុងប្រទេស បានជំរុញដើម្បីពង្រឹងទំនាក់ទំនងពាណិជ្ជកម្មរវាងអាមេរិកនិងអង់គ្លេសទោះបីជាមានការរំពឹងទុកដ៏ស្ងាត់ស្ងៀមសម្រាប់កិច្ចព្រមព្រៀងពាណិជ្ជកម្មក្រោយការចាកចេញរបស់អង់គ្លេសពីសហភាពអឺរ៉ុបក៏ដោយ។ លោក Biden និងលោក Sunak បានចាប់ផ្តើមការចរចា លើកិច្ចព្រមព្រៀងរ៉ែដ៏សំខាន់ដែលអាចអនុញ្ញាតរ៉ែផលិតយានយន្តអគ្គិសនី ត្រូវផលិតនៅអង់គ្លេស ដែលត្រូវរាប់បញ្ចូលឥណ្ឌទានពន្ធសម្រាប់យានយន្តថាមពលស្អាត ត្រូវផ្តបានផ្តល់ឲ្យក្រោមច្បាប់កាត់បន្ថយអតិផរណារបស់លោក Biden៕

ប្រធានាធិបតីម៉ិកស៊ិកយកការរួបរួមជាសំខាន់ សម្រាប់ការចូលសម្របសម្រួល ក្នុងការប្រជែងស្នងតំណែងពីលោក

2023/06/09 09:59:39 am        121
Facebook Telegram Linkin
ម៉ិកស៊ិក៖ ប្រធានាធិបតីម៉ិកស៊ិក លោក Andres Manuel Lopez Obrador នៅសប្តាហ៍នេះ បានចូលធ្វើអន្តរាគមន៍ សម្រាប់ការប្រណាំងប្រជែងគ្នាដ៏ខ្លាំងក្លា ដើម្បីស្នងតំណែងបន្តពីរូបលោក ដោយអ្នកខាងក្នុងគណបក្ស បាននិយាយថា លោកមានគោលបំណងការពារការបែកបាក់ដែលអាចនឹងកើតមាន និងការពារមូលដ្ឋានអំណាចនយោបាយ ដែលលោកបានសាងឡើង។រដ្ឋមន្ត្រីការបរទេស លោក Marcelo Ebrard បានដាក់សម្ពាធអស់ជាច្រើនខែ ក្នុងការឲ្យគូប្រជែងដែលមានបំណងចង់បានការតែងតាំងជាបេក្ខជនប្រធានាធិបតីពីគណបក្សចលនាសង្គ្រោះជាតិ (MORENA) ដែលកំពុងកាន់អំណាច លាលែងពីតំណែងសិន មុននឹងធ្វើយុទ្ធនាការ ហើយយោងតាមប្រភពពីគណបក្សចំនួនបីដែលដឹងពីរឿងរ៉ាវនេះ បានឲ្យដឹងថា នៅទីបំផុត លោក Lopez Obrador នៅសប្ដាហ៍នេះ បានស្របនឹងគំនិតនោះ។ ប្រភពបាននិយាយថា នៅឯកន្លែងអាហារពេលល្ងាចជាមួយថ្នាក់ដឹកនាំគណបក្ស នៅទីក្រុងម៉ិកស៊ិកូស៊ីធី (Mexico City) កាលពីថ្ងៃចន្ទដើមសប្ដាហ៍នេះ លោក Lopez Obrador បានស្នើឲ្យគូប្រជែងរបស់គណបក្ស MORENA លាលែងពីតំណែង ដើម្បីធានាបាននូវសមរភូមិប្រកួតប្រជែងស្មើភាព ហើយថា គណបក្ស នៅចុងសប្តាហ៍នេះ សម្រេចនូវច្បាប់សម្រាប់ដំណើរការជ្រើសរើស។កាលពីព្រឹកថ្ងៃព្រហស្បតិ៍ ពេលត្រូវបានសួរពីអ្វីដែលត្រូវបានពិភាក្សា នៅឯអាហារពេលល្ងាចរបស់គណបក្ស MORENA នោះ លោក Lopez Obrador បានឆ្លើយថា៖ «យើងបាននិយាយអំពីតម្រូវការ ដើម្បីបន្តរក្សាការរួបរួម ដើម្បីធានាឲ្យមានការផ្លាស់ប្តូរ សម្រាប់ប្រទេសម៉ិកស៊ិក»។គណបក្សចលនាសង្គ្រោះជាតិ (MORENA) ត្រូវបានគេរំពឹងថា នឹងជ្រើសរើសបេក្ខភាពឆាប់ៗ នៅក្នុងខែកញ្ញា។ ការបោះឆ្នោតជ្រើសរើសប្រធានាធិបតីបន្ទាប់របស់ប្រទេសម៉ិកស៊ិក គឺនៅខែមិថុនា ឆ្នាំ២០២៤៕

មនុស្សរាប់រយនាក់ ត្រូវបានជួយសង្រ្គោះចេញពីលំនៅឋានលិចទឹក ខណៈអ៊ុយក្រែនច្រានចោលរបាយការណ៍ស្តីពីការវាយបក

2023/06/09 09:45:30 am        168
Facebook Telegram Linkin
អ៊ុយក្រែន៖ មនុស្សរាប់រយនាក់ ត្រូវបានជួយសង្គ្រោះចេញពីដំបូលផ្ទះនានា ២ថ្ងៃបន្ទាប់ពី ទឹកហូរចេញពីទំនប់វារីអគ្គិសនីដែលត្រូវបានបំផ្លាញបានជន់លិចភូមិឋាន ដីកសិកម្ម ផ្លូវថ្នល់ ជាច្រើននៅក្នុងតំបន់ Khersonភាគខាងត្បូងខណៈអ៊ុយក្រែនច្រានចោលរបាយការណ៍នានាដែលថាយោធារបស់ខ្លួនបានចាប់ផ្ដើមបើកការវាយបកលើកងកម្លាំងរុស្ស៊ីនោះ។  វីដេអូពីលើអាកាសបានបង្ហាញតំបន់នានាជាទីដែលទឹកជន់លិចលំនៅឋានមើលឃើញតែដំបូល។ អភិបាលតំបន់នេះ បាននិយាយថា ផ្ទៃដីប្រមាណ៦០០គីឡូម៉ែត្រក្រឡា  ត្រូវបានទឹកលិចកាលពីថ្ងៃព្រហស្បតិ៍ ។ ការបាក់ទំនប់ទឹក Nova Kakhovka បានកើតឡើង ខណៈអ៊ុយក្រែន ត្រៀមវាយបកដែលទំនងជាដំណាក់កាលសំខាន់បន្ទាប់ ក្នុងសង្រ្គាម ដែលបានឆក់យកជីវិតមនុស្សរាប់ម៉ឺននាក់ លំនៅឋានរាប់លានខ្នងដួលរាបដល់ដី និងទីក្រុងទាំងមូលត្រូវបានបំផ្លាញ ចាប់តាំងពីប្រតិបត្តិការសឹកពិសេសរបស់រុស្ស៊ី កាលពីថ្ងៃទី២៤ខែកុម្ភៈឆ្នាំមុន។  ដោយសំអាងប្រភពពីមន្ត្រីជាន់ខ្ពស់មួយរូប និងទាហានម្នាក់នៅជិតសមរភូមិមុខ សារព័ត៌មាន NBC បាននិយាយថា កាវាយបកបានចាប់ផ្ដើមហើយ។ អ៊ុយក្រែន និយាយថា ទឹកជំនន់នេះ នឹងបណ្ដាលឲ្យមនុស្សរាប់លាននាក់គ្មានទឹកទទួលទាន បំផ្លិចបំផ្លាញដីកសិកម្មរាប់ម៉ឺនហិចតា និងធ្វើឲ្យប្រព័ន្ធធានារាស្ត្រយ៉ាងហោចណាស់៥០ម៉ឺនហិចតាក្លាយជាវាលរហោឋាន៕

សម្តេចតេជោ ប្រកាសទទួលអ្នកគ្រប់និន្នាការទំាងអស់ចង់ចូលជាមួយបក្សប្រជាជន លើកលែងតែទណ្ឌិតក្បត់ជាតិបីជំនាន់

2023/06/09 09:27:15 am        447
Facebook Telegram Linkin
កំពង់ឆ្នាំង៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បានប្រកាសថា សម្តេចនឹងទទួលស្វាគមន៍ជានិច្ចចំពោះបុគ្គលទាំងឡាយណា ដែលចង់ចូលរួមជីវភាពនយោបាយជាមួយគណបក្សប្រជាជនកម្ពុជា ប៉ុន្តែលើកលែងតែទណ្ឌិតក្បត់ជាតិម្នាក់គត់ដែលសម្តេចមិនទទួលយកជាដាច់ខាត។ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ កម្មការិនីសរុបចំនួន១៨០៥៧នាក់ មកពីរោងចក្រសហគ្រាសចំនួន១១ នៅស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី៩ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន បានបញ្ជាក់ថា សម្តេចសូមស្វាគមន៍ ចំពោះសមាជិក-សមាជិកា និងអ្នកគាំទ្រគ្រប់និន្នាការទាំងអស់ ដែលមាន​បំណង​មករួមរស់ជាមួយគណបក្សប្រជាជនកម្ពុជា ដើម្បីរួមគ្នាក៏សាងប្រទេសជាតិឲ្យកាន់​តែរីកចម្រើនបន្ថែមទៀត។ជាមួយគ្នានោះដែរសម្តេចតេជោ ហ៊ុន សែន ក៏បានប្រកាសជាថ្មីម្ដងទៀតដែរថា សម្ដេចនឹង​ធ្វើការលើកលែងទោសឲ្យបុគ្គលទាំងឡាយណាដែលធ្វើការផ្ដាច់ខ្លួន ចេញពីទណ្ឌិតក្បត់ជាតិ​បីជំនាន់ ខណៈអ្នកដែលនៅបន្តដង្ហែជាមួយក្បត់ជាតិខាងលើនេះ សម្តេចចាត់ទុកថា ជាអ្នកក្បត់ជាតិដែរ៕អត្ថបទបាន ចក់

អាស៊ាននឹងធ្វើសមយុទ្ធយោធារួមគ្នាលើកដំបូង នៅក្បែរឥណ្ឌូនេស៊ី ក្នុងសមុទ្រចិនខាងត្បូង

2023/06/09 08:53:05 am        112
Facebook Telegram Linkin
ឥណ្ឌូនេស៊ី៖ យោងតាមប្រទេសឥណ្ឌូនេស៊ី ដែលជាប្រធានសមាគមប្រជាជាតិអាស៊ីអាគ្នេយ៍ ឬអាស៊ាន (ASEAN) បានឲ្យដឹងកាលពីថ្ងៃព្រហស្បតិ៍ថា (ទី៨ ខែមិថុនា)ថា ប្លុកនេះនឹងធ្វើសមយុទ្ធយោធារួមគ្នាលើកដំបូងមិនធ្លាប់មាន នៅសមុទ្រចិនខាងត្បូង ជាសមយុទ្ធសន្តិសុខពហុភាគីចុងក្រោយបង្អស់ ដែលធ្វើឡើង ក្នុងពេលដែលកំពុងកើតមានភាពតានតឹង និងភាពមិនច្បាស់លាស់ នៅក្នុងតំបន់។ការសម្រេចនេះត្រូវបានធ្វើឡើងនៅក្នុងកិច្ចប្រជុំនៃមេបញ្ជាការយោធានៃសមាគមប្រជាជាតិអាស៊ីអាគ្នេយ៍ ឬអាស៊ាន (ASEAN) ដែលមានសមាជិក១០ប្រទេស នៅប្រទេសឥណ្ឌូនេស៊ី ដែលនឹងធ្វើជាម្ចាស់ផ្ទះរៀបចំសមយុទ្ធនេះ នៅសមុទ្រ Natuna ខាងជើង ដែលជាដែនទឹកស្ថិតចុងខាងត្បូងនៃសមុទ្រចិនខាងត្បូង។ប្រមុខយោធារបស់ប្រទេសឥណ្ឌូណេស៊ី លោកឧត្តមនាវីឯក Yudo Margono បានប្រាប់ទីភ្នាក់ងារសារព័ត៌មានរដ្ឋ Antara ថា សមយុទ្ធនេះនឹងធ្វើឡើងក្នុងខែកញ្ញា ហើយនឹងមិនរួមបញ្ចូលការហ្វឹកហ្វឺនប្រតិបត្តិការប្រយុទ្ធណាមួយនោះឡើយ។ លោក Margono បាននិយាយថា គោលបំណងគឺការពង្រឹង «ភាពអព្យាក្រឹតរបស់អាស៊ាន»។ឯកភាពរបស់អាស៊ានអស់រយៈពេលជាច្រើនឆ្នាំមកហើយ ត្រូវបានសាកល្បងដោយការប្រជែងគ្នា រវាងសហរដ្ឋអាមេរិក និងប្រទេសចិន ដែលកំពុងបង្កើតឲ្យមានឡើង នៅសមុទ្រចិនខាងត្បូង។ សមាជិករបស់អាស៊ាន រួមមានវៀតណាម ហ្វីលីពីន ប្រ៊ុយណេ និងម៉ាឡេស៊ី បានប្រជែងអះអាងសិទ្ធិជាមួយទីក្រុងប៉េកាំង ដែលអះអាងនូវអធិបតេយ្យភាពលើមហាសមុទ្រដ៏ធំល្វឹងល្វើយ ដោយក្នុងនោះមានរួមបញ្ចូលផ្នែកខ្លះនៃតំបន់សេដ្ឋកិច្ចផ្តាច់មុខ (EEZ) របស់ប្រទេសឥណ្ឌូនេស៊ីផងដែរ។អ្នកនាំពាក្យយោធាឥណ្ឌូនេស៊ី លោក Julius Widjojono បាននិយាយថា សមយុទ្ធនេះ គឺទាក់ទងទៅនឹង «ហានិភ័យខ្ពស់នៃគ្រោះមហន្តរាយ នៅអាស៊ី ជាពិសេសអាស៊ីអាគ្នេយ៍»៕

បណ្ដាញសង្គម

ព័ត៌មានថ្មីៗ

ជនប៉ាឡេស្ទីនជួបជុំគ្នានៅផ្ទះបាយស៊ុបក្នុងទីក្រុង Nuseirat តំបន់ហ្កាហ្សា ដើម្បីទទួលបានចំណីអាហារ
09/29/2025 04:09 PM
Facebook Telegram Linkin
រដ្ឋអាជ្ញាសាធារណៈនៃប្រទេសហ្ស៊កដានី គ្រោងនឹងពិនិត្យមើលករណីដែលពាក់ព័ន្ធនឹងមូលនិធិភាតរភាពមូស្លីម
09/29/2025 04:09 PM
Facebook Telegram Linkin
NATO៖ វត្តមាន នៅបាល់ទិក ត្រូវបានបង្កើន ក្រោយការប្រទះឃើញយានដ្រូនអានាមិក នៅដាណឺម៉ាក
09/29/2025 04:09 PM
Facebook Telegram Linkin
ពលរដ្ឋវៀតណាមរំឭកភាពរន្ធត់នៅពេលយប់ ខណៈព្យុះទីហ្វុង Bualoi បោកបក់ដល់ដីគោក
09/29/2025 04:09 PM
Facebook Telegram Linkin
អាមេរិក និងអ៊ីស្រាអែល ជិតឈានដល់កិច្ចព្រមព្រៀង ជុំវិញផែនការរបស់លោក Trump ដើម្បីបញ្ចប់សង្គ្រាម នៅហ្កាហ្សា
09/29/2025 04:09 PM
Facebook Telegram Linkin
កំណើនសេដ្ឋកិច្ចយឺត ការនាំចេញ និងទេសចរណ៍ធ្លាក់ចុះ តម្រូវការក្នុងស្រុកខ្សោយ និងពន្ធអាមេរិក ក្លាយជាបន្ទុករបស់នាយករដ្ឋមន្ត្រីថៃថ្មី
09/29/2025 04:09 PM
Facebook Telegram Linkin
លោក Trump នឹងជួបមេដឹកនាំគណបក្សសាធារណរដ្ឋ និងប្រជាធិបតេយ្យ ខណៈការបិទរដ្ឋាភិបាលអាមេរិកខិតជិតមកដល់
09/29/2025 04:09 PM
Facebook Telegram Linkin
បណ្តាប្រទេសនៅអឺរ៉ុប ថ្កោលទោសការវាយប្រហារទ្រង់ទ្រាយធំរបស់រុស្ស៊ី លើអ៊ុយក្រែន
09/29/2025 04:09 PM
Facebook Telegram Linkin
លោកKellogg៖ អាមេរិកមិនទាន់សម្រេចចិត្តផ្គត់ផ្គង់មីស៊ីល Tomahawks ដល់ណាតូ ដើម្បីបញ្ជូនទៅអ៊ុយក្រែនទេ
09/29/2025 04:09 PM
Facebook Telegram Linkin
អតីតយុទ្ធជននិងនិវត្តជន៖ ផ្ទះនិងដីកសិកម្មដែលរាជរដ្ឋាភិបាលផ្ដល់ជូនបានជួយកែប្រែជីវភាពគ្រួសារ
09/29/2025 03:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.