នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

បេសកកម្មអវកាសយានិកឯកជនលើកទី២ របស់ SpaceX ហោះទៅកាន់ស្ថានីយអវកាស ISS

2023/05/22 11:14:15 am        212
Facebook Telegram Linkin
អាមេរិក៖ យានចម្លង SpaceX បានចាកចេញ កាលពីថ្ងៃអាទិត្យ (ទី២១ ឧសភា) ដែលដឹកសុទ្ធតែក្រុមអវកាសយានិកឯកជនទាំងអស់ជាលើកទី២ ឆ្ពោះទៅកាន់ស្ថានីយអវកាសអន្តរជាតិ (ISS)។យាន Falcon 9 និង Dragon បានចាកចេញពីស្ថានីយអវកាស Kennedy នៅក្រុង Cape Canaveral រដ្ឋ Florida ដោយដឹកសមាជិកនាវិករបស់យានបេសកកម្ម Axiom Mission 2 (AX-2) ទៅស្នាក់នៅ នៅឯសា្ថនីយ៍អវកាស ISS រយៈពេលមួយសប្តាហ៍។យានបេសកកម្ម AX-2 ត្រូវបានបញ្ជាដោយអតីតអវកាសយានិករបស់អង្គការ NASA លោកស្រី Peggy Whitson និងដឹកពីឡុតដែលជាអតិថិជនបង់ប្រាក់ លោក John Shoffner និងអ្នកឯកទេសបេសកកម្ម លោក Ali Alqarni និងលោកស្រី Rayyanah Barnawi ដែលតំណាងឲ្យប្រទេសអារ៉ាប៊ីសាអ៊ូឌីត។លោកស្រី Barnawi ដែលជាអ្នកវិទ្យាសាស្ត្រជំនាញក្នុងការស្រាវជ្រាវកោសិកាដើមមហារីក គឺជាអវកាសយានិកស្ត្រីដំបូងរបស់ប្រទេសអារ៉ាប៊ីសាអ៊ូឌីត ដែលធ្វើដំណើរទៅកាន់ ISS ជាកន្លែងដែលនាងនឹងផ្តោតលើការជំរុញការស្រាវជ្រាវជំងឺមហារីកសុដន់។ក្រុមយានិកទាំងនោះ ត្រូវបានគេរំពឹងថា នឹងទៅដល់ស្ថនីយអវកាស ISS នៅព្រឹកថ្ងៃចន្ទ (ទី២២ ឧសភា) នេះ ដែលនៅទីនោះ ពួកគេនឹងធ្វើការស្រាវជ្រាវ និងពិសោធន៍វិទ្យាសាស្ត្រ។កាលពីខែមេសាឆ្នាំមុន យាន SpaceX ដែលបានចាកចេញដោយដឹកសុទ្ធតែក្រុមអវកាសយានិកឯកជនទាំងអស់ដំបូងគេមិនធ្លាប់មាន បានបាញ់បង្ហោះទៅកាន់ស្ថានីយអវកាស ISS ដែលការបាញ់បង្ហោះនេះ ត្រូវបានសាទរដោយនាយកប្រតិបត្តិឧស្សាហកម្ម និង NASA ថា ជាព្រឹត្តិការណ៍ដ៏សំខាន់ ក្នុងការធ្វើពាណិជ្ជកម្មនៃគន្លងផែនដីទាប៕

ភាពតានតឹងកើនឡើងខ្លាំង ខណៈសហរដ្ឋអាមេរិក បង្កឲ្យមានការប្រឈមដាក់គ្នាក្នុងក្រុមប្រទេស G7

2023/05/22 11:05:37 am        324
Facebook Telegram Linkin
ជប៉ុន៖ ក្រុមប្រទេសG7 បានបញ្ចប់ការជួបជុំរយៈពេល៣ថ្ងៃកាលពីថ្ងៃអាទិត្យនៅក្នុងទីក្រុង Hiroshima ខណៈក្រុមបាតុករបានចេញតវ៉ាពេញដងផ្លូវប្រឆាំងនឹងវិធានការចុងក្រោយរបស់ប្លុកនេះ ដឹកនាំដោយសហរដ្ឋអាមេរិក ដែលប៉ះពាល់សន្តិភាពពិភពលោក។ ក្រុមអ្នកវិភាគនិយាយថា ឥទ្ធិពលរបស់សហរដ្ឋអាមេរិក តែមួតគត់បង្កើតឲ្យមានការបែកបាក់កាន់តែខ្លាំងនៅក្នុងក្រុមនេះនិងលើសពីនេះទៀត។ ការរួបរួមគ្នា និងការស្របមតិគ្នា តានតឹងខ្លាំង អំឡុងកិច្ចប្រជុំកំពូល G7 ដែលបានធ្វើឡើងនៅក្នុងទីក្រុងភាគខាងលិចប្រទេសជប៉ុន។កិច្ចប្រជុំកំពូលនេះបានលុបលើប្រធានបទជាច្រើន ប៉ុន្តែគួរឲ្យសោកស្ដាយដែលបានបញ្ចប់ទៅដោយផ្ដោតលើការជ្រៀតជ្រែកកិច្ចការផ្ទៃក្នុងរបស់ប្រទេសដទៃនិងរារាំងការអភិវឌ្ឍន៍របស់ទាំងនោះ។ សេចក្ដីថ្លែងការណ៍របស់ក្រុមមេដឹកនាំ G7 នៅទីក្រុង Hiroshima ដែលបានប្រកាសយ៉ាងឆាប់រហ័សកាលពីថ្ងៃសៅរ៍ បានលាបពណ៌យ៉ាងខ្លាំងទៅលើប្រទេសចិន ។ អ្នកនាំពាក្យក្រសួងការបរទេសចិន បាននិយាយកាលពីថ្ងៃសៅរ៍ ថា ប្រទេសចិន បានទាត់ចោល និងប្រឆាំងដាច់ខាតចំពោះការប៉ុនប៉ងរបស់ក្រុមប្រទេស G7 ដែលបានលាបពណ៌ម និងវាយប្រហារប្រទេសចិន និងជ្រៀតជ្រែកដោយបើកចំហលើកិច្ចការផ្ទៃក្នុងរបស់ប្រទេសចិន និងបានច្រានចោលកិច្ចប្រជុំកំពូលដែលប្រទេសជប៉ុន

លោក Modi និង Blinken នឹងជួបជាមួយមេដឹកនាំកោះប៉ាស៊ិហ្វិក នៅប៉ាពួនូវ៉ែលហ្គីណេ

2023/05/22 10:35:35 am        254
Facebook Telegram Linkin
ប៉ាពួនូវ៉ែលហ្គីណេ៖នាយករដ្ឋមន្ត្រីឥណ្ឌាលោក Narendra Modi និងរដ្ឋមន្ត្រីការបរទេសសហរដ្ឋអាមេរិក លោក Antony Blinken បានទៅដល់ប្រទេសប៉ាពួនូវ៉ែលហ្គីណេហើយ នៅមុនកិច្ចប្រជុំជាមួយមេដឹកនាំកោះប៉ាស៊ីហ្វិក ដើម្បីពិភាក្សាអំពីពាណិជ្ជកម្ម បម្រែបម្រួលអាកាសធាតុ និងសន្តិសុខ ក្នុងតំបន់ នៅថ្ងៃចន្ទ (ទី២២ ខែឧសភា) នេះ។លោក Modi ដែលត្រូវបានទទួលនៅឯអាកាសយានដ្ឋាន កាលពីល្ងាចថ្ងៃអាទិត្យ ដោយនាយករដ្ឋមន្ត្រីប៉ាពួនូវ៉ែលហ្គីណេ លោក James Marape នឹងបើកកិច្ចប្រជុំទ្វេភាគី នៅព្រឹកថ្ងៃចន្ទនេះ មុនពេលធ្វើជាម្ចាស់ផ្ទះកិច្ចប្រជុំកំពូល ក្នុងតំបន់ជាមួយមេដឹកនាំកោះប៉ាស៊ីហ្វិកចំនួន១៤រូប។លោក Blinken ត្រូវបានគរំពឹងថា នឹងចុះហត្ថលេខាលើកិច្ចព្រមព្រៀងកិច្ចសហប្រតិបត្តិការលើវិស័យការពារជាតិរវាងសហរដ្ឋអាមេរិក និងប៉ាពួនូវ៉ែលហ្គីណេ ហើយនឹងរៀបចំកិច្ចប្រជុំជាមួយមេដឹកនាំកោះប៉ាស៊ីហ្វិក នាពេលរសៀលផងដែរ។នាយករដ្ឋមន្ត្រីកោះសូឡូម៉ុង លោក Manasseh Sogavare នាយករដ្ឋមន្ត្រីកោះសាម៉ូអា លោក Fiame Naomi Mataafa នាយករដ្ឋមន្ត្រីកោះវ៉ានូទូ លោក Alatoi Ishmael Kalsakau និងប្រធានាធិបតីនូវ៉ែលកាឡេដូនី លោក Louis Mapou ស្ថិតក្នុងចំណោមមេដឹកនាំកោះប៉ាស៊ីហ្វិក ដែលបានមកដល់កាលពីថ្ងៃអាទិត្យ។ នាយករដ្ឋមន្ត្រីប្រទេសនូវ៉ែលហ្សេឡង់ លោក Chris Hipkins និងរដ្ឋមន្ត្រីប៉ាស៊ីហ្វិករបស់អូស្ត្រាលីលោក Pat Conroy ក៏នឹងមានវត្តមាន ក្នុងកិច្ចប្រជុំនេះផងដែរ។រដ្ឋាភិបាលរបស់ប៉ាពួញូវហ្គីណេ បានឲ្យដឹងនៅក្នុងសេចក្តីថ្លែងការណ៍មួយ នៅថ្ងៃចន្ទនេះថា លោក Blinken នឹងចុះហត្ថលេខាលើកិច្ចព្រមព្រៀងសហប្រតិបត្តិការការពារជាតិ និងកិច្ចព្រមព្រៀងផ្គត់ផ្គង់នាវា ដែលនឹងអនុញ្ញាតឲ្យនាវាឆ្មាំឆ្នេរសមុទ្ររបស់សហរដ្ឋអាមេរិកជាមួយមន្ត្រីប៉ាពួនូវ៉ែលហ្គីណេ ធ្វើការល្បាត នៅតំបន់សេដ្ឋកិច្ចផ្តាច់មុខរបស់ខ្លួន។រដ្ឋមន្ត្រីការបរទេសអាមេរិក លោក Antony Blinken នឹងជំនួសប្រធានាធិបតី លោក ចូ បៃដិន (Joe Biden) សម្រាប់កិច្ចប្រជុំកំពូលស្របគ្នា នៅប៉ាពួនូវ៉ែលហ្គីណេ ជាមួយមេដឹកនាំលោក Marape និងប៉ាស៊ីហ្វិក នៅថ្ងៃចន្ទនេះ ជាកន្លែងដែលគាត់ត្រូវបានគេរំពឹងថា នឹងចុះហត្ថលេខាលើកិច្ចព្រមព្រៀងសន្តិសុខជាមួយប្រទេសកោះទាំងនេះ។សម្រាប់លោក Modi បន្ទាប់ពីជួបជាមួយលោក Marape រួចរាល់ លោកនឹងធ្វើដំណើរទៅកាន់ប្រទេសអូស្ត្រាលី នៅថ្ងៃអង្គារ ដើម្បីពិភាក្សាជាមួយនាយករដ្ឋមន្ត្រីរបស់ប្រទេសនេះ លោក Anthony Albanese ដើម្បីបញ្ចប់ដំណើរទស្សនកិច្ចបីប្រទេសរបស់លោក៕

សម្ដេចតេជោ សង្ឃឹមថាមិត្តភក្ដិបរទេសនឹងគោរពការសម្រេចចិត្តរបស់ប្រជាជនកម្ពុជា

2023/05/22 10:33:07 am        350
Facebook Telegram Linkin
ព្រះសីហនុ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានផ្ញើសារនយោបាយដោយសង្ឃឹមថា មិត្តភក្ដិបរទេសរបស់យើង នឹងគោរពការសម្រេចចិត្តរបស់ប្រជាជនកម្ពុជា ដើម្បីសេចក្តីសុខរបស់ប្រជាជនកម្ពុជា គោរពការជ្រើសរើសរបស់ប្រជាជនកម្ពុជា។ក្នុងឱកាសអញ្ជើញជាអធិបតីក្នុងពិធីសំណេះ សំណាលជាមួយកម្មករនិយោជិត,ទស្សនាពិព័រណ៍សមិទ្ធផល និងពិធីសម្ពោធដាក់ឱ្យដំណើរការរោងចក្រផលិតសំបកកង់ ដើម្បីអបអរសាទរខួបលើកទី១០ នៃគំនិតផ្តួចផ្តើមខ្សែក្រវ៉ាត់មួយ ផ្លូវមួយ នៅតំបន់សេដ្ឋកិច្ចពិសេស ក្រុងព្រះសីហនុ នាព្រឹកថ្ងៃទី២២ឧសភានេះ សម្ដេចបានបញ្ជាក់ថា សេរីភាពរបស់មនុស្សគឺចាប់ផ្ដើម​ពីការរស់រានមានជីវិតឡើងវិញ ហើយបន្ទាប់ពីនេះទៅបានមានសិទ្ធិនយោបាយសិទ្ធិអ្វីៗគ្រប់យ៉ាង រួមទាំងសិទ្ធិទទួលបានចំណីអាហារ ឬសិទ្ធិនេះសិទ្ធិនោះ ប៉ុន្តែអ្នកខ្លះនិយាយតែអំពីសិទ្ធិមនុស្សទេ ក៏ប៉ុន្តែសិទ្ធិរស់រានមានជីវិតគេមិនហ៊ាននិយាយឡើយ។ ដូច្នេះសម្តេចសង្ឃឹមថា មិត្តភក្កិបទេសរបស់យើងនឹងគោរពការ សម្រេចចិត្តរបស់ប្រជាជនកម្ពុជា ។ការដែលសម្តេចតេជោប្រមុខរាជរដ្ឋាភិបាលបានលើកឡើងបែបនេះ ដោយសារជានិច្ចកាល​មិត្តភក្តិបរទេសខ្លះតែងតែបានចាប់ដៃជាន់ជើងរាជរដ្ឋាភិបាលកម្ពុជា ដោយនៅពីក្រោយអំពើខុសច្បាស់ក្នុងគោលដៅផ្តួលរំលំរាជរដ្ឋាភិបាលស្របច្បាប់។ដូច្នះការអំពាវនាវឱ្យមិត្តភក្តិបរទេសគោពសម្រេចចិត្តរបស់ប្រជាជនកម្ពុជា ដោយការបោះឆ្នោតជ្រើសតាំងតំណាងរាស្ត្រនីតិកាលទី៧ នឹងមកដល់នៅថ្ងៃ២៣កក្កដាខាងមុខនេះ ដើម្បីឱ្យការបោះឆ្នោតបានប្រព្រឹត្តិទៅដោយសេរី ត្រឹមត្រូវ តម្លាភាព យុត្តិធម៌ និងនាំមកនូវសេចក្តីសុខនិងការអភិវឌ្ឍជូនប្រជាជនកម្ពុជា ជាអង្វែងតទៅមុខទៀត៕

កិច្ចព្រមព្រៀងបទឈប់បាញ់នៅស៊ូដង់ បង្កើនក្ដីសង្ឃឹមសម្រាប់ភាពធូរស្រាលនៅក្នុងរដ្ឋធានីខាទូម

2023/05/22 10:30:09 am        213
Facebook Telegram Linkin
ស៊ូដង់៖ ប្រជាពលរដ្ឋបាននិយាយថា គេអាចលឺសន្ធឹកនៃការវាយប្រយុទ្ធគ្នាដ៏ខ្លាំងក្លារវាងក្រុមជម្លោះរបស់ប្រទេសស៊ូដង់ នៅក្នុងរដ្ឋធានីខាទូម (Khartoum) កាលពីថ្ងៃអាទិត្យ បន្ទាប់ពីកិច្ចព្រមព្រៀងបទឈប់បាញ់ ក្រោមការសម្របសម្រួលពីអារ៉ាប៊ីសាអ៊ូឌីត និងសហរដ្ឋអាមេរិក រយៈពេលមួយសប្ដាហ៍បានបង្កើនក្ដីសង្ឃឹមថាជម្លោះដែលមានអាយុកាល៥សប្ដាហ៍មកនេះ នឹងធូរស្រាល។  កិច្ចព្រមព្រៀងបទឈប់បាញ់ ដែលត្រូវបានចុះហត្ថលេខាដោយកងទ័ពនិងគូប្រជែងកងកម្លាំងគាំទ្ររហ័សប៉ារ៉ា បន្ទាប់ពីជំនួបពិភាក្សានៅក្នុងទីក្រុង Jeddah របស់ប្រទេសអារ៉ាប៊ីសាអ៊ូឌីត ដែលចូលជាធរមាននៅល្ងាចថ្ងៃចន្ទនេះ ដោយមានការឃ្លាំមើលពីយន្តការដែលត្រូវបានគាំទ្រជាអន្តរជាតិ។ កិច្ចព្រមព្រៀងនេះ ក៏បានអនុញ្ញាតឲ្យមានការដឹកជញ្ជូនជំនួយមនុស្សធម៌ចូលក្នុងប្រទេសនេះផងដែរ។ បទឈប់បាញ់ដដែលៗ ដែលបានប្រកាសចាប់តាំងពីជម្លោះបានចាប់ផ្ដើមផ្ទុះឡើងកាលពីថ្ងៃទី១៥មេសា បានបរាជ័យក្នុងការបញ្ឈប់ការវាយប្រយុទ្ធគ្នា ប៉ុន្តែកិច្ចព្រមព្រៀងទីក្រុង Jeddah ក្លាយជាកិច្ចព្រមព្រៀងដំបូងដែលភាគីទាំង២បានចុះហត្ថលេខាលើបទឈប់បាញ់មួយបន្ទាប់ពីការចរចា។សង្រ្គាមនេះ គេបានមើលឃើញមនុស្សប្រមាណ១,២លាននាក់ បានរត់ភៀសខ្លួនចេញពីលំនៅឋានរបស់ពួកគេ ដោយខ្លះនៅក្នុងប្រទេសស៊ូដង់ ឬ ខ្លះរត់គេចចូលទៅក្នុងបណ្ដាប្រទេសជិតខាង នាំឲ្យមានវិបត្តិមនុស្សធម៌ ដែលគំរាមកំហែងដល់ស្ថិរភាពក្នុងតំបន់។ យោងតាមអង្គការសុខភាពពិភពលោក មនុស្សចំនួន៧០៥នាក់ បានស្លាប់ និងយ៉ាងហោចណាស់៥,២៨៧នាក់ បានរងរបួសទោះបីជាចំនួនអ្នកស្លាប់ត្រូវគេជឿថាមានខ្ពស់ច្រើនជាងនេះក៏ដោយ៕

ការប្រមូលផ្តុំគ្នាគាំទ្ររដ្ឋាភិបាល ក្នុងរដ្ឋធានីប្រទេសម៉ុលដូវ៉ា ចូលរួមដោយមនុសរាប់ម៉ឺននាក់

2023/05/22 10:09:45 am        103
Facebook Telegram Linkin
ម៉ុលដូវ៉ា៖ ប្រជាជនប្រទេសម៉ុលដូវ៉ា រាប់ម៉ឺនាក់ បានមកប្រមូលផ្តុំគ្នានៅក្នុងរដ្ឋធានី Chisinau កាលពីថ្ងៃអាទិត្យដើម្បីគាំទ្រការជំរុញរបស់រដ្ឋាភិបាលគាំទ្រប្រទេសលោកខាងលិចចំពោះអឺរ៉ុប ក្នុងពេលនូវអ្វីដែលក្រុមមន្ត្រីនិយាយថា ជាការប្រឹងប្រែងរបស់រុស្ស៊ី ដើម្បីធ្វើឲ្យមានអស្ថរិរភាពប្រទេសរបស់ពួកគេ។ ប្រទេសម៉ុលដូវ៉ា ទទួលរងផលប៉ះពាល់ខ្លាំងពីការវាយលុករបស់ទីក្រុងមូស្គូ លើប្រទេសជិតខាងអ៊ុយក្រែន ដែលទីក្រុង Chisinau បានថ្កោលទោសដដែលៗ និងបានដាក់ពាក្យស្នើសុំចូលជាសមាជិកសហភាពអឺរ៉ុប។ ប្រធានាធិបតីលោកស្រី Maia Sandu បានចោទប្រកាន់រុស្ស៊ីពីបទព្យាយាមបំផ្លាញការធ្វើសមាហរណ៍កម្មជាមួយអឺរ៉ុប ដោយបង្កការតវ៉ាប្រឆាំងរដ្ឋាភិបាល និងការឃោសនា។ ទីក្រុងមូស្គូ បានបដិសេធការជ្រៀតជ្រែកនៅក្នុងកិច្ចការរបស់ប្រទេសម៉ុលដូវ៉ា។ លោកស្រី Sandu និយាយនៅការការជួបជុំដែលត្រូវបានរៀបចំដោយរដ្ឋាភិបាល និងបានប្រមូលផ្តុំគ្នានៅទីលានកណ្តាលថា ប្រជាជនម៉ុលដូវ៉ា ជាប្រជាជនអឺរ៉ុប ហើយក្នុងរយៈពេល៧ឆ្នាំ យើងត្រូវតែក្លាយជាសមាជិកពេញសិទ្ធរបស់សហភាពអឺរ៉ុប។ នគរបាលនិយាយថា ក្រុមបាតុករជាង៧៥.០០០នាក់ បានមកចូលរួម។ លោកស្រី Sandu និយាយថា ប្រទេសម៉ុលដូវ៉ា មិនចង់នៅជាយតំបន់អឺរ៉ុបនោះទេ និងបានសន្យាថា ប្រទេសម៉ុលដូវ៉ានឹងក្លាយជាសមាជិកសហភាពអឺរ៉ុបនៅត្រឹមឆ្នាំ២០៣០។ ប្រធាសភាអឺរ៉ុបលោកស្រី Roberta Metsola បានធ្វើដំណើរទស្សនកិច្ចនៅរដ្ឋធានី Chisinau ក៏បានថ្លែងទៅកាន់អ្នកប្រមូលផ្តុំ ដោយនិយាយថា អឺរ៉ុបនឹងស្វាគមន៍ប្រទេសម៉ុលដូវ៉ា ដោយដៃទាំងពីរនិងបើកបេះដូងគាំទ្រ។លោកស្រីនិយាយថា នេះគឺនិយាយពីពួកយើងទាំងពីរ អ្នកនឹងនាំយកផ្នែកមួយរបស់ប្រទេសម៉ុលដូវ៉ា មកកាន់អឺរ៉ុប អ្នកនឹងធ្វើឲ្យអឺរ៉ុបកាន់តែខ្លាំង។ ក្រុមបាតុករ បានអំពាវនាវដល់មេដឹកនាំនយោបាយរបស់ប្រទេសម៉ុលដូវ៉ា ឲ្យធ្វើវិសោធនកម្មរដ្ឋធម្មនុញ្ញក្នុងការបញ្ជាក់យ៉ាងជាក់លាក់ពីទិសដៅអឺរ៉ុបចំពោះប្រទេសនេះ៕

អ៊ុយក្រែន ទទួលបានការគាំទ្រផ្នែកការទូត និងយោធាពីប្រទេស G7

2023/05/22 10:04:17 am        120
Facebook Telegram Linkin
អ៊ុយក្រែន៖ ប្រធានាធិបតីអ៊ុក្រែន លោក Volodymyr Zelenskyy បានបញ្ចប់យុទ្ធនាការផ្នែកការទូតដ៏ជោគជ័យ នៅក្នុងទីក្រុង Hiroshima កាលពីថ្ងៃអាទិត្យទី២១ ខែឧសភា ដោយនាំត្រឡប់ទៅកាន់ប្រទេសវិញនូវការទទួលបានអាវុធ គ្រាប់រំសេវថ្មីៗ និងការគាំទ្រផ្នែកការទូតឥតងាករេរបស់សម្ព័ន្ធមិត្តប្រទេស G7។ លោកទទួលបាននិមិត្តរូបដ៏មានឥទ្ធិពលនៅទីក្រុង Hiroshima ស្របជាមួយនឹងភាពរន្ធត់នៃសង្គ្រាម ដើម្បីដាក់សម្ពាធលើដៃគូ និងអ្នកជាប់ពាក់ព័ន្ធនានាក្នុងមធ្យោបាយដូចគ្នាក្នុងការគាំទ្រការការពាររបស់លោក ប្រឆាំងការវាយលុករយៈពេល១៥ខែរបស់រុស្ស៊ី។  ទោះជាយ៉ាងណា លោក Zelesnkyy អាចអះអាងពីជ័យជំនះលើសមរភូមិជួរមុខជាច្រើន ដោយទទួលបានការគាំទ្ររបស់សហរដ្ឋអាមេរិកសម្រាប់ការផ្គត់ផ្គង់យន្តហោះប្រយុទ្ធទំនើប និងឱកាសដើម្បីទាក់ទាញ    បណ្តាប្រទេសមិនមែនសម្ព័ន្ធមិត្តដ៏មានឥទ្ធិពលផ្សេងទៀត ដូចជាប្រទេសឥណ្ឌា ដែលមិនបានថ្កោលទោសការវាយលុករបស់រុស្ស៊ី។លោកបានប្រើប្រាស់ប្រវត្តិសាស្ត្រនៃភាពរំជួលចិត្តនៅទីក្រុង Hiroshima ដើម្បីជំរុញប្រទេសក្នុងភាពអស់សង្ឃឹមរបស់លោកជុំវិញការបំផ្លាញប្រទេសលោក រួមទាំងសមរភូមិជួរមុខទីក្រុងBakhmut ដែលកងទ័ពរុស្ស៊ីបានអះអាងទទួលបានការគ្រប់គ្រងនាពេលបច្ចុប្បន្ន។លោកZelenskyy បានបដិសេធថា កងទ័ពរុស្ស៊ីបច្ចុប្បន្នពុំបានចូលកាន់កាប់ទីក្រុង Bakhmut នោះទេ ទោះបីជាលោកទទួលស្គាល់ថា ពួកគេស្ថិតនៅក្នុងទីក្រុងនេះក៏ដោយ៕

លោក Mitsotakis អបអរជាមួយអ្នកគាំទ្រ បន្ទាប់ពីឈ្នះការបោះឆ្នោតជាតិយ៉ាងច្រើនលើសលប់នៅក្រិក

2023/05/22 10:00:05 am        118
Facebook Telegram Linkin
ក្រិក៖ គណបក្សប្រជាធិបតេយ្យថ្មី (New Democracy ) ដែលកំពុងកាន់អំណាចរបស់ប្រទេសក្រិក បានដណ្តើមបានជ័យជម្នះយ៉ាងច្រើនលើសលប់ នៅក្នុងការបោះឆ្នោតសភា កាលពីថ្ងៃអាទិត្យ (ទី២១ ឧសភា) ប៉ុន្តែនៅខ្វះកម្រិតតិចតួចដែលជាតម្រូវការក្នុងការបង្កើតរដ្ឋាភិបាលដោយខ្លួនឯង។ដោយសន្លឹកឆ្នោតភាគច្រើនត្រូវបានរាប់រួច គណបក្សលទ្ធិប្រជាធិបតេយ្យថ្មីអភិរក្សនិយម បាននាំមុខយ៉ាងសម្បើម ៤០,៨% ដោយយកឈ្នះក្រុមឆ្វេងនិយមរ៉ាឌីកាល់ Syriza ដែលបានគ្រប់គ្រងប្រទេសពីឆ្នាំ២០១៥ ដល់ឆ្នាំ២០១៩ ដែលទទួលបានសំឡេងឆ្នោត ២០,១%។មនុស្សរាប់ពាន់នាក់ បានប្រមូលផ្តុំគ្នានៅខាងក្រៅទីស្នាក់ការកណ្តាលនៃគណបក្សលទ្ធិប្រជាធិបតេយ្យថ្មី (New Democracy) ក្នុងទីក្រុងអាតែន (Athens) ដោយធ្វើការអបអរសាទរ នៅពេលដែលមេដឹកនាំគណបក្ស លោក Kyriakos Mitsotakis បានចេញមកស្វាគមន៍ក្រុមមនុស្សដ៏ច្រើនសន្ធឹកសន្ធាប់នោះ។លោក Mitsotakis បានថ្លែងប្រាប់អ្នកគាំទ្រថា៖ «យើងមានកាតព្វកិច្ចជាធម្មតាក្នុងការក្រោកឡើងក្នុងឱកាសនេះ។ យើងនឹងរួមគ្នាផ្តល់ឲ្យមានការតតាំងបន្ទាប់ទៀត ដែលនឹងចាប់ផ្តើមនៅថ្ងៃស្អែក ដូច្នេះនៅក្នុងការបោះឆ្នោតបន្ទាប់ ដូចដែលប្រជាពលរដ្ឋបានសម្រេចចិត្តរួចហើយ ប្រជាធិបតេយ្យថ្មីស្វយ័ភាព (គណបក្ស) នឹងត្រូវបានបញ្ជាក់តាមរបៀបគណនាឲ្យបានជាក់លាក់ផងដែរ»។ ក្រសួងមហាផ្ទៃក្រិក បានព្យាករថា គណបក្សប្រជាធិបតេយ្យថ្មី (New Democracy) អាចឈ្នះអាសនៈចំនួន ១៤៥ ក្នុងសភា ដែលខ្វះ ៦សំឡេងដែលជាសំឡេងភាគច្រើនដាច់ខាត។នៅថ្ងៃចន្ទ ទី២២ ខែឧសភា ប្រធានាធិបតីក្រិក លោកស្រី Katerina Sakellaropoulou នឹងផ្តល់ឱកាសដល់គណបក្សធំៗទាំង៣ គឺគណបក្សប្រជាធិបតេយ្យថ្មី (New Democracy), គណបក្ស Syriza, និងគណបក្ស Socialist PASOK ក្នុងបក្សនីមួយៗ មានរយៈពេល ៣ថ្ងៃ ដើម្បីបង្កើតរដ្ឋាភិបាលចម្រុះ។ប្រសិនបើគណបក្សទាំងអស់ មិនអាចសម្រេចបានទេ លោកស្រី Sakellaropoulou នឹងតែងតាំងរដ្ឋាភិបាលចាំផ្ទះ ដើម្បីរៀបចំការបោះឆ្នោតថ្មីប្រមាណជាមួយខែក្រោយ៕

សម្តេចតេជោ ចំអកឲ្យបក្សនយោបាយមួយចំនួន តែងតែសន្យាខ្យល់ក្នុងការដំឡើងប្រាក់ខែដល់កម្មករ

2023/05/22 09:47:36 am        94
Facebook Telegram Linkin
ព្រះសីហនុ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចំអកឲ្យគណបក្សនយោបាយមួយចំនួន ដែលតែងតែអួតអាង និងសន្យាក្នុងការដំឡើងប្រាក់ខែដល់បងប្អូនកម្មករ-កម្មការិនី ពេលដែលពួកគេទាំងនោះ ជាប់ឆ្នោតធ្វើជានាយករដ្ឋមន្រ្តី ហើយសម្តេច បានហៅការសន្យាទាំងនោះ គឺជាការសន្យា«ខ្យល់»។ថ្លែងនៅក្នុងឱកាសអញ្ជើញជាអធិបតីក្នុងកម្មវីធីចំនួន៣ នៅក្នុងតំបន់សេដ្ឋកិច្ចពិសេសក្រុងព្រះសីហនុ រួមមាន៖ទី១-កម្មវិធីសំណេះសំណាលជាមួយបងប្អូនកម្មករនិយោជិត, ទី២-ទស្សនាពិព័រណ៍សមិទ្ធផល,ទី៣-ពិធីសម្ពោធដាក់ឱ្យដំណើរការរោងចក្រផលិតសំបកកង់ដើម្បីអបអរសាទរខួបលើកទី១០ នៃគំនិតផ្តួចផ្តើមខ្សែក្រវ៉ាត់មួយផ្លូវមួយនៅតំបន់សេដ្ឋកិច្ចពិសេសក្រុងព្រះសីហនុ នាព្រឹកថ្ងៃទី២២ ខែឧសភា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា គណបក្សប្រជាជនកម្ពុជា​ដូចមិនដែលបានសន្យាខ្យល់ដូចគណបក្សណានោះទេ មានតែនិយាយពិតធ្វើពិត ប៉ុន្តែធ្វើជាដំណាក់កាលៗ។យ៉ាងណាក៏ដោយនៅកម្មវិធីនោះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានអំពាវនាវវដល់បងប្អូនកម្មករ-កម្មការិនីបន្តចូលរួមការពារសុខសន្តិភាពឲ្យខាងតែបានផងដែរ ខណៈមានសន្តិភាពនេះ គឺមានតែគណបក្សប្រជាជនកម្ពុជាទេ ដែលអាចថែរក្សាបាន ហើយមានតែគណបក្សប្រជាជនទេ ដែលជាអ្នកការពារនូវឆ្នាំងបាយរបស់បងប្អូនកម្មករ-កម្មការិនីនោះ៕អត្ថបទបាន ចក់

លោក Bidenនិងលោក McCarthy គ្រោងជួបពិភាក្សាគ្នានៅថ្ងៃចន្ទនេះ ស្ដីពីការបង្កើនកម្រិតបំណុលអាមេរិក

2023/05/22 09:33:27 am        135
Facebook Telegram Linkin
អាមេរិក៖ យោងតាមន្ត្រីមសេតវិមាន ការពិភាក្សាកម្រិតបុគ្គលិកជុំវិញការបង្កើនកម្រិតបំណុល និងកញ្ចប់ថវិការរវាងសេតវិមាន និងសមាជិកសភាមកពីគណបក្សសាធារពរដ្ឋ នឹងបន្តនៅថ្ងៃចន្ទនេះ បន្ទាប់ពីលោកប្រធានាធិបតី Joe Biden និងប្រធានសភា លោក Kevin McCarthy បានសន្ទនាតាមទូរស័ព្ទកាលពីរសៀលថ្ងៃអាទិត្យ ។ មន្ត្រីខាងលើបានបន្ថែមថា លោក Biden និងលោក McCarthy នឹងជួបគ្នានៅថ្ងៃចន្ទនេះ ។លោក McCarthy បាននិយាយថា ការសន្ទនាតាមទូរស័ព្ទជាមួយលោក Biden ដែលទើបត្រឡប់មកពីចូលរួមកិច្ចប្រជុំកំពូលG7 នៅប្រទេសជប៉ុន គឺជាការពិភាក្សាប្រកបដោយផ្លែផ្កា។ ក្នុងជំនួបជាមួយក្រុមអ្នកសារព័ត៌មានរយៈពេល១៨នាទីនៅវិមានកាពីតូល សមាជិកសភាគណបក្សសាធារណរដ្ឋមកពីរដ្ឋ California បាននិយាយថា ខណៈពេលវេលានៃកិច្ចប្រជុំកំពុងដំណើរការនៅឡើយ ជំនួបនោះទំនងជានឹងកើតឡើងនៅរសៀលថ្ងៃចន្ទនេះ។ពុំមានក្ដីរំពឹងថានឹងមានក្រុមមេដឹកនាំសភាផ្សេងទៀតទេចូលរួមទេ។ការបង្ហាញសុទ្ធិដ្ឋិនិយមបន្ថែមទៀតពីលោក McCarthy បានកើតឡើង បន្ទាប់ពីលោកប្រធានាធិបតី បានចេញការព្រមានដ៏ម៉ឺងម៉ាត់ មួយកាលពីព្រឹកថ្ងៃអាទិត្យ ថាសមាជិកសភាមកពីគណបក្សសាធារណរដ្ឋអាចប្រើការខកខានសងបំណុលជាតិដើម្បីបំផ្លាញនយោបាយរបស់លោក និងបានទទួលស្គាល់ថាពេលវេលាជិតអស់ហើយក្នុងការប្រើប្រាស់សកម្មភាពឯកតោភាគីដើម្បីបង្កើនកម្រិតប្រាក់កម្ចីសហម្ព័ន្ធ ខណៈកាលកំណត់ឈានទៅដល់កិច្ចព្រមព្រៀងកាន់តែជិតចូលមកដល់៕

បណ្ដាញសង្គម

ព័ត៌មានថ្មីៗ

ឯកឧត្តមកិត្តិសេដ្ឋាបណ្ឌិត ជាម យៀប បាន​អនុញ្ញាត​ឱ្យ​សមាគម​និស្សិតសិ​ស្ស​ខេត្តព្រៃវែង​ចូលជួប​សម្តែង​ការ​គួរសម និងផ្តល់អនុសាសន៍
10/01/2025 10:10 AM
Facebook Telegram Linkin
ភ្នំភ្លើង Taal របស់ហ្វីលីពីន បានផ្ទុះបញ្ចេញសំណុំផេះជាង ២គីឡូម៉ែត្រ ស្របពេលរញ្ជួយដីយ៉ាងខ្លាំងក្លា
10/01/2025 10:10 AM
Facebook Telegram Linkin
សាច់ញាតិយំសោកចំពោះកុមារបាត់ខ្លួនជាច្រើននាក់ ក្រោយបាក់រលំសាលារៀននៅឥណ្ឌូនេស៊ី
10/01/2025 10:10 AM
Facebook Telegram Linkin
សហរដ្ឋអាមេរិកចាប់ផ្តើមនិរទេសជនជាតិអ៊ីរ៉ង់រាប់រយនាក់ បន្ទាប់ពីកិច្ចព្រមព្រៀងដ៏កម្រជាមួយទីក្រុងតេអេរ៉ង់
10/01/2025 10:10 AM
Facebook Telegram Linkin
កំណាត់ផ្លូវជាតិលេខ៥៥ត្រង់ចំណុចភ្នំ១៥០០បាក់ដីគ្របលើផ្លូវ ដោយសារភ្លៀងជាប់ៗគ្នាខ្លាំងពេក
10/01/2025 10:10 AM
Facebook Telegram Linkin
ក្រសួងការងារ និយោជក តំណាងកម្មករនិយោជិត និងដៃគូអភិវឌ្ឍន៍រួមគ្នារក​ដំណោះ​ស្រាយ​បញ្ហា​ប្រឈម​ដើម្បីជំ​រុញការលើកកម្ពស់អាទិភាពជំនាញ និងផលិតភាពការងារនៅកម្ពុជា
10/01/2025 09:10 AM
Facebook Telegram Linkin
លោក Trump៖ សាកលវិទ្យាល័យ Harvard នឹងបង់ប្រាក់៥០០លានដុល្លារក្នុងកិច្ចព្រមព្រៀងជាមួយរដ្ឋបាលលោក
10/01/2025 09:10 AM
Facebook Telegram Linkin
រដ្ឋមន្ត្រីក្រសួងទេសចរណ៍កម្ពុជា ស្នើក្រុមហ៊ុនអាកាសចរណ៍ Malaysia Airlines និង​ក្រុម​ហ៊ុន​អាកាស​ចរណ៍​ផ្សេងទៀតបង្កើនចំនួនជើងហោះហើរត្រង់ពីកូឡាឡាំពួមកភ្នំពេញ និងបង្កើត​ជើង​ហោះហើ​រ​ត្រង់​ថ្មីមកកាន់ខេត្តសៀមរាប និងខេត្តព្រះសីហនុ
10/01/2025 09:10 AM
Facebook Telegram Linkin
[UPDATE] ខេត្តសេប៊ូ របស់ហ្វីលីពីន បានប្រកាស "ស្ថានភាពគ្រោះមហន្តរាយ" ដោយសាររញ្ជួយដីដ៏ខ្លាំងក្លា
10/01/2025 09:10 AM
Facebook Telegram Linkin
សម្តេចធិបតី ណែនាំឲ្យគ្រប់កន្លែងសិក្សាអប់រំទាំងអស់ជំរុញ​ចលនា​សិស្ស​ និង​បង្កើត​កម្ម​វិ​ធី​ក្រៅ​ម៉ោង​សិក្សា​ចុះសួរសុខទុក្ខមនុស្សចាស់
10/01/2025 09:10 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.