នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យ UHS

2023/05/18 08:43:15 am        437
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាល(University of Health Science )ចំនួន ១,៣៩៦នាក ដែលធ្វើឡើងនៅសណ្ឋាគារសុខាភ្នំពេញ រាជធានីភ្នំពេញ នៅព្រឹកថ្ងៃទី១៨ ខែឧសភា ឆ្នាំ២០២៣នេះ។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បានមានប្រសាសន៍ថា រាជរដ្ឋាភិបាលបានវិនិយោគច្រើនទៅលើការបណ្ដុះបណ្ដាលធនធានមនុស្សលើវិស័យសុខាភិបាលនៅក្នុងប្រទេសកម្ពុជា។ ជាមួយគ្នានេះ រាជរដ្ឋាភិបាលក៏បាន វិនិយោគអស់ថវិកាជាច្រើនផងដែរ លើហេដ្ឋារចនាពាក់ព័ន្ធនានាបន្ថែមទៀតលើវិស័យនេះ ដើម្បីផ្ដល់សេវាសុខាភិបាលគ្រប់គ្រាន់ដល់ប្រជាពលរដ្ឋនៅទូទាំងប្រទេសកម្ពុជា។សម្តេចតេជោ ហ៊ុន សែន ណែណាំឱ្យ លោកបណ្ឌិត រត្ន័ សណ្ដាប់ អ្នកជំនាញអារ្យធម៌ខ្មែរ ធ្វើការសិក្សាស្រាវជ្រាវឱ្យបានច្បាស់ទាក់ទងនឹងពុទ្ធទំនាយនូវការលើកឡើងអំពីពាក្យថា «វាល៣»។ ប៉ុន្ដែពាក្យវាល៣នេះ សម្ដេចតេជោ កត់សម្គាល់ឃើញជារួមមាន៖ វាលទី១ គឺសង្គ្រាម កម្ពុជាបានឆ្លងផុតរួចហើយ វាលទី២ វាលអត់ឃ្លាន ក៏បានឆ្លងផុត និងទី៣ វាលជំងឺ ដែលវាលទី៣នេះ គឺពិបាកនឹងឆ្លងផុតណាស់។សម្តេចតេជោ ហ៊ុន សែន បានកោតសរសើរដល់និស្សិតពេទ្យ ដែលបានស្ម័គ្រចិត្តចូលរួមប្រយុទ្ធប្រឆាំងនឹងជំងឺកូវីដ-១៩ ជាមួយក្រុមគ្រូពេទ្យយុវជនស្ម័គ្រចិត្ត សម្តេចតេជោ នាអំឡុងពេលកម្ពុជាកំពុងប្រឈមនឹងជំងឺរាតត្បាតនេះ ដើម្បីជួយដល់ប្រជាពលរដ្ឋកម្ពុជា។សម្តេចតេជោ ហ៊ុន សែន បានបញ្ជាក់ថា បច្ចុប្បន្នប្រទេសកម្ពុជាក្លាយជាកន្លែងសម្រាប់ប្រទេសធំៗ មួយចំនួននៅលើពិភពលោកចុះមកធ្វើការសិក្សាស្រាវជ្រាវលើការអនុវត្តយន្តការសុខាភិបាលដើម្បីលុបបំបាត់ជំងឺមួយចំនួនដោយជោគជ័យ ក្នុងនោះមានដូចជាជំងឺគ្រុនស្វិតដៃជើងជាដើម។ សម្ដេចបញ្ជាក់ថា បច្ចុប្បន្នកម្ពុជាក៏កំពុងអនុវត្តយន្តការដើម្បីលុបបំបាត់ជំងឺគ្រុនចាញ់​ពីប្រទេសកម្ពុជាផងដែរ។សម្តេចតេជោ ហ៊ុន សែន បានលើកឡើងពីការខិតខំរបស់ប្រទេសកម្ពុជាដែលដឹកនាំដោយសម្ដេចផ្ទាល់ ក្នុងការគ្រប់គ្រងស្ថានការជំងឺកូវីដ-១៩ ដែលើកំពុងមានការរីករាលដាលខ្លាំង។ នាអំឡុងពេលនោះ មានសារព័ត៌មានមួយចំនួនបានវាយប្រហារមកកាន់ប្រទេសតូចដូចជាកម្ពុជា និងឡាវជាដើម ក្នុងការមិនអាចគ្រប់គ្រងជំងឺកូវី១-១៩បាន ប៉ុន្ដែផ្ទុយទៅវិញកម្ពុជាបានគ្រប់គ្រងកូវីដ-១៩ បានល្អជាងប្រទេសអ្នកមានមួយចំនួនទៅវិញ។លទ្ធផលនេះ សម្ដេចបានណែនាំឱ្យមានការ ចង់ក្រងទុកនូវការអនុវត្តការងារគ្រប់គ្រងកូវីដ-១៩ របស់កម្ពុជា ទាក់ទងនឹងការ ចាត់ចែងគ្រប់គ្រង និងធ្វើសកម្មភាពនៃការគ្រប់គ្រងកូវីដ-១៩។សម្តេចតេជោ ហ៊ុន សែន មានការសោកស្ដាយចំពោះប្រទេសមហាអំណាចមួយចំនួន បាននាំគ្នាចំណាយថវិកាជាច្រើនដើម្បីតែផលិតអាវុធ ដើម្បីធ្វើសង្គ្រាម។សម្ដេចបញ្ជាក់ថា បើសិនជាប្រទេសមហាអំណាចទាំងនោះ បែរមកចំណាយថវិកាមួយភាគលើការផលិតសម្ភារសុខាភិបាលនោះ ពិភពលោកនឹងមានភាពធូស្បើយពីជំងឺរាតត្បាតផ្សេងៗមិនខាន។សម្តេចតេជោ ហ៊ុន សែន បានអបអរសាទរដល់និស្សិតពេទ្យទទួលបានជ័យលាភីនាថ្ងៃនេះ។ ប៉ុន្ដែទោះបីជាទទួលបានលទ្ធផលលើការសិក្សាលើជំនាញ សម្ដេចតេជោ ជំរុញដល់និស្សិតទាំងអស់បន្តខិតខំពង្រឹងសមត្ថភាពលើផ្នែកឌីជីថលើវិស័យរបស់ខ្លួន រួមជាមួយនឹងការអនុវត្តការងារប្រកបដោយក្រមសីលធម៌ខ្ពស់ ដើម្បីពង្រឹងប្រសិទ្ធភាពលើវិស័យសុខាភិបាលរបស់កម្ពុជាបន្ថែមទៀត។សម្តេចតេជោ ហ៊ុន សែន បានអបអរសាទរដែលកម្ពុជាបានរៀបចំតាំងពីចាប់ផ្ដើម រហូត ដល់បិទបញ្ចប់ព្រឹត្តិការណ៍ស៊ីហ្គេមលើកទី៣២ប្របកបដោយជោគជ័យ។ ជាមួយគ្នានេះ ការសម្រេចចិត្តរបស់សម្ដេចលើការគ្រប់គ្រង និងរៀបចំព្រឹត្តិការណ៍នេះជាពិសេសការចំណាយចំពោះប្រតិភូកីឡា និងអត្តពលិកដោយមិនគិតថ្លៃ រួមនឹងការអនុញ្ញាតឱ្យការផ្សព្វផ្សាយដោយមិនគិតថ្លៃ គឺជាការសម្រេចចិត្តដ៏ត្រឹមត្រូវ និងបន្សល់ទុកនូវកេរ្តិ៍ឈ្មោះដ៏យូរអង្វែងជាប្រវត្តិសាស្រ្ដសម្រាប់កម្ពុជា។សម្តេចតេជោ ហ៊ុន សែន នាយករដ្ឋមន្រ្តី ខណៈកម្ពុជាកំពុងជាប់រវល់ប្រជុំអាស៊ាន ហើយរាជរដ្ឋាភិបាលឲ្យ ផ្អាកបុណ្យអុំទូក គេថាយើងអត់លុយ ដល់ពេលយើងបើកព្រឹត្តិការណ៍កីឡាស៊ីហ្គេមមិនយកលុយ គេនិយាយ​តិះដៀល​នេះតិះដៀល នោះ។សម្តេចតេជោ ហ៊ុន សែន ចំអកឲ្យបុគ្គលមួយចំនួន ដែលធ្វើនយោបាយបន់ឲ្យសម្តេចស្លាប់នោះ សូមរង់ចាំទៅជាតិក្រោយចុះ ដោយសម្តេច បានសង្កត់ធ្ងន់ថា«បើអ្នកធ្វើនយោបាយរង់ចាំហ៊ុន សែន ស្លាប់សូមរង់ចាំទៅជាតិក្រោយចុះ»។

សម្តេចតេជោ ហ៊ុន សែន អញ្ជើញប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យ UHS

2023/05/18 07:49:05 am        468
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់ និស្សិតពេទ្យបញ្ចប់ការសិក្សាពីសាកលវិទ្យាល័យវិទ្យាសាស្ត្រសុខាភិបាល(University of Health Science )ចំនួន ១,៣៩៦នាក ដែលធ្វើឡើងនៅសណ្ឋាគារសុខាភ្នំពេញ រាជធានីភ្នំពេញ នៅព្រឹកថ្ងៃទី១៨ ខែឧសភា ឆ្នាំ២០២៣នេះ។

បទវិភាគ៖ ការចោទប្រកាន់ដោយគ្មានមូលដ្ឋានរបស់លោក កង សាវាង្ស

2023/05/17 01:13:09 pm        689
Facebook Telegram Linkin
មានការចោទប្រកាន់ដោយគ្មានមូលដ្ឋានមួយពីមនុស្សមួយក្រុមតូចដែលស្រេចឃ្លានអំណាច​អស់រយៈពេលជាង ៣ទសវត្សរ៍មកហើយ ដោយតែងពោលថា ជាបុគ្គលដែលស្រលាញ់ប្រទេសជាតិ និងប្រជាជនរបស់ខ្លួន នោះគឺលោក កង សាវាង្ស ដែលជាបុគ្គលិក ​សម្រប​សម្រួល​ផ្នែក​ឃ្លាំមើល​ការ​បោះឆ្នោត​នៃ​អង្គការ​ខុមហ្វ្រែល​ (Comfrel) ដែល​ជា​អង្គការ​មិនមែនរដ្ឋាភិបាល​ដ៏​ចំណាស់​មួយ​ ដែល​ធ្វើកិច្ច​ការងារពង្រឹង​លទ្ធិប្រជាធិបតេយ្យនៅ​កម្ពុជា​តាមរយៈ​ការ​បោះឆ្នោត ចាប់តាំង​ពី​កម្ពុជា​បាន​រៀបចំ​ការ​បោះឆ្នោត​លើក​ដំបូង​មកម្ល៉េះ និងបក្សពួករបស់លោក។ លោក កង សាវាង្ស តែងប្រើប្រាស់វោហារសព្វ របស់ខ្លួនដើម្បីបោកប្រាស់ក្រុមមនុស្ស​ស្មោះត្រង់​ដោយតែងតែតាំងខ្លួនជាអ្នកចេះអ្នកដឹងហើយទៅបង្រៀនអ្នកឯទៀត។ ថ្មីៗនេះលោកបានពោលថា «អ្នកខ្លះ​គាត់​លើកឡើង​ថា ​មិនហ៊ាន​ចូល​រួមទេ ដោយសារ​មាន​អាជ្ញាធរ​ក្នុងកន្លែង​ខ្លះ​បានប្រាប់​ថា ស្ថាប័ន [ខុមហ្វ្រែល] ហ្នឹង​ជា​ស្ថាប័ន​ប្រឆាំង​នឹង​រដ្ឋាភិបាល ឬក៏​ជា​ស្ថាប័ន​ដែល​ឃុបឃិត​នឹង​បរទេស​អីអ៊ីចឹង។ នេះ​ជារឿង​មួយ​ដែល​មាន​ការ​លំបាក​ដែរ។ ចំណុច​ដែលជា​ឧបសគ្គ​ធំ​សម្រាប់​ស្ថាប័ន​ដែល​បាន​លើកឡើង​ហ្នឹង​ក្នុង​ការ​ផ្តល់​លទ្ធភាព​ជូន​ពលរដ្ឋ​ហ្នឹង​គឺ គាត់​បាន​សម្តែងអំពីការ​ព្រួយបារម្ភ​ក្នុង​ការ​ចូលរួម​ហ្នឹង​ ខ្លាច​ក្រែង​លោ​មាន​ការ​ចោទប្រកាន់​លើ​ពួកគាត់​អី​ជាដើម»។​ លោក កង សាវាង្សបន្ថែមពីនេះ កាលពីពេលថ្មីៗនេះ លោក កង សាវាង្ស បានលើកឡើងថា «ច្បាប់បោះឆ្នោតជ្រើសរើសតាំងតំណាងរាស្ត្រមិនបានកំណត់ថា គណបក្សត្រូវយកឯកសារដើមទៅចុះឈ្មោះឡើយ»។ តើការលើកឡើងរបស់លោកនេះសំអាងទៅលើអ្វីដែរទៅ ឬនិយាយដើម្បីតែបោកប្រាស់អ្នកមិនដឹងរឿង? យោងតាមការស្រាយបំភ្លឺរបស់​ក្រុមប្រតិកម្មព័ត៌មាន របស់គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី១៤ ខែឧសភា ឆ្នាំ២០២៣ បានឱ្យដឹងថា គ.ជ.ប មិនបានកែប្រែនីតិវិធីរបស់ខ្លួនទេ ហើយឯកសារដើមដែល គ.ជ.ប តម្រូវក្នុងការដាក់ពាក្យ គឺមានដូចយោងក្នុងច្បាប់ ការណែនាំរបស់ក្រសួងមហាផ្ទៃ និង គ.ជ.ប។តើមានច្បាប់ និងការណែនាំណាខ្លះដែលបានបញ្ជាក់អំពីនីតិវិធីនៃការចុះឈ្មោះបោះឆ្នោតនេះ?បើយើងសង្កេតមើលទៅលើច្បាប់ និងការណែនាំមួយចំនួនយើងនឹងអាចមើលឃើញថា ការលើកឡើងខាងលើរបស់បុគ្គលិកអង្គការ​ខុមហ្វ្រែល គឺមានចេតនាចោទប្រកាន់ និងញុះញង់ ដោយយោងទៅតាមច្បាប់ ស្តីពីការបោះឆ្នោតជ្រើសតាំងតំណាងរាស្ត្រ ក្នុងកថាខណ្ឌទី២ នៃមាត្រា ២៧ បានចែងថា «ដើម្បីចុះបញ្ជីគណបក្សនយោបាយឈរឈ្មោះបោះឆ្នោតជ្រើសតាំង​តំណាង​រាស្ត្រជាផ្លូវការ គណបក្សនយោបាយ ត្រូវធ្វើពាក្យសុំចុះបញ្ជីគណបក្សនយោបាយឈរ​ឈ្មោះបោះឆ្នោត តាមបែបបទកំណត់ដោយ គ.ជ.ប មក គ.ជ.ប យ៉ាងយូរ៧០ (ចិតសិប) ថ្ងៃ មុនថ្ងៃបោះឆ្នោត ដោយភ្ជាប់មកជាមួយនូវឯកសារចំនួន ១០ប្រភេទ ដោយប្រភេទទី១ គឺសេចក្តី​ចម្លងលិខិតបញ្ជាក់ការចុះបញ្ជីគណបក្សនយោបាយនៅក្រសួងមហារផ្ទៃ ១ច្បាប់ តែម្ដង»។ ស្របពេលជាមួយគ្នានោះ សេចក្តីជូនដំណឹងលេខ ០៤៤ គ.ជ.ប ស.ជ.ណ ចុះថ្ងៃទី២៦ ខែមេសា ឆ្នាំ២០១៨ ស្ដីពីការរៀបចំបែបបទសម្រាប់ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ និងសេចក្តីជូនដំណឹងលេខ ០៤៤ គ.ជ.ប ស.ជ.ណ ចុះថ្ងៃទី២៦ ខែមេសា ឆ្នាំ២០១៨ ពីការរៀបចំបែបបទសម្រាប់ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨​ បានបញ្ជាក់យ៉ាងច្បាស់នៅក្នុងខ្លឹមសារលិខិតដោយបានរំលេចថា «គណបក្សនយោបាយត្រូវភ្ជាប់សេចក្តីចម្លងលិខិតបញ្ជាក់ការចុះបញ្ជីគណបក្សនយោបាយនៅក្រសួងមហាផ្ទៃ ដែលមានបញ្ជាក់នីត្យានុកូលកម្ម ដោយរដ្ឋបាលរាជធានី ខេត្ត ក្រុង ស្រុក ខណ្ឌ»។ តើលោក កង សាវាង្ស មិនដឹង​ ឬធ្វើមិនដឹងអំពីអត្ថន័យនៃពាក្យ «សេចក្តីចម្លងលិខិតបញ្ជាក់ការចុះបញ្ជីគណបក្សនយោបាយនៅក្រសួងមហាផ្ទៃដែលតម្រូវឱ្យមានការបញ្ជាក់នីត្យានុកូលកម្ម ដោយរដ្ឋបាលរាជធានី ខេត្ត ក្រុង ស្រុក ខណ្ឌ»? ដូច្នេះ​ ដើម្បីកុំឱ្យមិនដឹង និងចេះតែនិយាយតទៅទៀត យើងគប្បីគូសរំលេចផងដែរថា សេចក្តីចម្លងលិខិតបញ្ជាក់ការចុះបញ្ជីគណបក្សនយោបាយ នៅក្រសួងមហាផ្ទៃដែល គ.ជ.ប តម្រូវក្នុងការដាក់ពាក្យ គឺសំដៅទៅលើប្រកាសស្តីពីការចុះឈ្មោះក្នុងបញ្ជីគណបក្សនយោបាយ នៅក្រសួងមហាផ្ទៃ ដែលមានបញ្ជាក់នីត្យានុកូលកម្ម មិនមែនគ្រាន់តែថតចម្លង (កូពី) ជាការស្រេចនោះទេ។ គ្រាន់តែយើងជាប្រជាជនធម្មតាទៅបញ្ជាក់អត្តសញ្ញាណប័ណ្ណ ឬសំបុត្រ​កំណើត យើងបានដឹងទៅហើយថា ច្បាប់ដើម ជាតម្រូវការចាំបាច់សម្រាប់បញ្ជាក់​លិខិត​សម្រាប់ការ​ប្រើប្រាស់ជាផ្លូវការណាមួយ ទម្រាំខ្លួនជាអ្នកឈរឈ្មោះបោះឆ្នោតដោយប្រជាលរដ្ឋ និងអ្នកដែលប្រកាស់ក្ដែងៗថា ខ្លួនមានសម្ថភាពបណ្ដុះបណ្ដាលគេនោះ មិនដឹងទេឬទាក់ទង​ទៅនឹងបញ្ហាបញ្ជាក់ផ្លូវការបែបនេះ ស្របពេលដែលមានសេចក្ដីណែនាំជាច្រើន​អមជាមួយ​ទៀត​នោះ បើមិនទាំងដឹងច្បាស់អំពីនីតិវិធីបែបនេះផង តើអាចឈរឈ្មោះឱ្យប្រជាពលរដ្ឋបោះឆ្នោត​ដោយរបៀបណាទៅ? ជាងនេះទៅទៀត ក្រសួងមហាផ្ទៃក៏បានចេញសេក្ដីណែនាំលិខិតលេខ ៨៩៥ សជណ ចុះថ្ងៃទី២៩ ខែមីនា ឆ្នាំ២០២៣ ត្រេទី១ និងត្រេទី២ ដែលបានគូសបញ្ជាក់ក្នុងការជួយ​សម្របសម្រួលដល់បេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ របស់គណបក្ស​នយោបាយដែលបានចុះបញ្ជីត្រឹមត្រូវតាមច្បាប់ ​សម្រាប់យកទៅប្រើប្រាស់​តាមការចាំបាច់ដោយមិនគិតកម្រៃនោះឡើយ។សេចក្ដីបំភ្លឺរបស់​ គ.ជ.បលោក កង សាវាង្ស កន្លងមកតែងតែរិះគុណជាបន្ត​បន្ទាប់​មក​លើការរៀបចំ រហូតដល់មិនចូលរួមសង្កេតការណ៍ថ្នាក់ជាតិនៅឆ្នាំ២០១៨ ព្រោះមិនមានបក្សពួករបស់ខ្លួននៅទីនោះ ពោលគឺគណបក្សសង្រ្គោះជាតិត្រូវបានរំសាយចោលដោយដីការរបស់តុលាការ។ រហូតដល់ឆ្នាំ២០២៣ នេះ លោកក៏បានសម្រេចចិត្តចូលរួមសង្កេតការណ៍ឡើងវិញដោយយកហេតុផលថា ដោយសារឆន្ទៈប្រជាពលរដ្ឋ។ តើដោយសារឆន្ទៈប្រជាពលរដ្ឋ​ ឬបក្សពួកមួយក្ដាប់តូចរបស់ខ្លួន? នេះបើតាមសង្កេតមើលឱ្យជិតទៅ គឺជា​មហិច្ឆតា​របស់បក្សពួករបស់លោក ដោយយើងអាច​និយាយបានថាពួកគេដឹងអំពីលទ្ធផលរួចទៅហើយ ថាមិនអាចទៅរួច ដូច្នេះពួកគេប្រឹងប្រែង​ចូលដើម្បីរិះគុណ ​និងធ្វើឱ្យអាប់អោនដល់កិត្តិយសរបស់ស្ថាប័នជាតិទៀតផង។ លោក កន សាវាង្ស អ្នកសម្របសម្រួលផ្នែកឃ្លាំមើលការបោះឆ្នោតនៃអង្គការខុមហ្វ្រែល (Comfrel) លើកឡើងថា ​លោកមានការសោកស្តាយ បើសិនជាគណបក្សភ្លើងទៀនមិនមានវត្តមាន និងថា​ការណ៍នេះក៏នឹងអាចធ្វើឱ្យបាត់បង់សន្លឹកឆ្នោតដែរ ដោយសារតែមិនមាន​គណបក្ស​ជម្រើស​សម្រាប់អ្នកបោះឆ្នោតដែលគាំទ្រគណបក្សមួយនេះ។ ការពិតទៅគណបក្សដែលមិនទាំងដឹងអំពីនីតិវីធីនៃការចុះឈ្មោះផងនោះ មិនស័ក្តិសមនឹងទទួល​បានសន្លឹកឆ្នោតពីប្រជាពលរដ្ឋនោះឡើយ។ ហើយយើងក៏សូមអំពាវនាវដល់ប្រជាពលរដ្ឋទាំងអស់​ចុះឈ្មោះ​បោះឆ្នោត​ឱ្យបានគ្រប់គ្នាផងដែរ មិនដូច្នោះទេ លោកអ្នកនឹងមានអាចបោះឆ្នោត​បានដូច​គណបក្សដែល​មិន​អាចចូលរួមបានអញ្ចឹងដែរ ព្រោះប្រទេសមានច្បាប់ដែលគ្រប់គ្នា​ត្រូវតែគោរព មិនមែនចេះតែនឹកឃើញហើយនិយាយនោះឡើយ៕

សម្តេចតេជោ ហ៊ុន សែន៖ កាលស៊ីហ្គេមលើកទី២០ឆ្នាំ១៩៩៩ កម្ពុជាចំណាត់ថ្នាក់លេខ១០ ជាមួយនឹង០មេដាយ

2023/05/17 11:21:54 am        452
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី តាមរយៈសារតេឡេក្រាម នៅព្រឹកថ្ងៃទី១៧ ខែឧសភានេះ បានបញ្ជាក់ថា «កាលពីសុីហ្គេមលើកទី២០ ឆ្នាំ១៩៩៩ កម្ពុជា ស្ថិតនៅចំណាត់ថ្នាក់លេខ១០ជាមួយនឹង០មេដាយ»។សម្តេចបន្តថា សុីហ្គេមលើកទី៣២ ឆ្នាំ២០២៣ កម្ពុជាទទួលបានមេដាយសរុប ២៨២ ដោយឈរលំដាប់ទី៤ខាងមេដាយមាស និងឈរលំដាប់ទី៣ខាងមេដាយច្រើន (សូមមើលតារាងប្រៀបធៀប)។សម្តេចបញ្ជាក់ថា «នេះជាសមិទ្ធិផលរបស់ប្រជាជាតិទាំងមូល ដែលប្រឹងងើបឈរឡើងក្នុងការកសាងជាតិនិយាយជារួម និងក្នុងវិស័យកីឡានិយាយដោយឡែក»៕

អនុប្រធានគណបក្សរួមសាងជាតិថៃ៖ នាយករដ្ឋមន្រ្តីថៃ អាចលាឈប់ពីនយោបាយ ក្រោយចាញ់ការបោះឆ្នោត

2023/05/16 12:03:50 pm        430
Facebook Telegram Linkin
ថៃ៖ អនុប្រធានគណបក្សរួមសាងជាតិថៃលោក Thanakorn Wangboonkongchana និយាយកាលពីថ្ងៃចន្ទថា លោកមិនគិតថាលោកនាយករដ្ឋមន្រ្តីកំពុងកាន់អំណាច Prayut Chan-o-chaនឹងបន្តអាជីពនយោបាយរបស់លោកទៀតឡើយ ក្រោយគណបក្សរបស់ពួកគេ ទទួលរងបរាជ័យនៅការបោះឆ្នោតសកលក្នុងប្រទេសមួយនេះ ។  លោក Thanakorn បាននិយាយប្រាប់សារព័ត៌មានក្នុងស្រុកថា គាត់ពុំទាន់បានលើកឡើងពីចំណុចនេះទេ ប៉ុន្តែលោកគិតថា គាត់អាចនឹងលាឈប់ពីនយោបាយ ។ លោកនិយាយបែបនេះ គឺចង់សំដៅលើលោក Prayut វ័យ ៦៩ឆ្នាំ ដែលឡើងដណ្តើមតំណែងនាយករដ្ឋមន្រ្តីក្រោមឈ្មោះគណបក្សថៃរួមសាងជាតិថៃ ។  លទ្ធផលបឋមចុងក្រោយពីគណៈកម្មាធិការជាតិរៀបចំការបោះឆ្នោតថៃ បង្ហាញថា គណបក្សប្រជែងរបស់លោក គឺគណបក្សបោះជំហានទៅមុខ និងគណបក្សភឿថៃ ឈរនៅចំណាត់ថ្នាក់កំពូលទាំង ២នៃការប្រកួតប្រជែងបោះឆ្នោតកាលពីថ្ងៃអាទិត្យ ។  គណបក្សបោះជំហានទៅមុខ ឈរលំដាប់ថ្នាក់លេខ ១ ទទួលបានសំឡេង ១៥២អាសនៈ បន្ទាប់មកគឺគណបក្សភឿថៃ ឈរនៅលំដាប់ថ្នាក់លេខ ២ ទទួលបានសំឡេង ១៤១អាសនៈ ។ សម្រាប់គណបក្សថៃរួមសាងជាតិថៃវិញ ឈរនៅលំដាប់ថ្នាក់លេខ ៥ ទទួលបានសំឡេងឆ្នោតត្រឹមតែ ៣៦អាសនៈប៉ុណ្ណោះ  ទោះបីជាយ៉ាងណាក៏ដោយ លោក Thanakorn នៅតែបង្ហាញការគាំទ្រដល់លោកឧត្តមសេនីយ៍ Prayut និងបានចែករំលែកការស្ងើចសរសើររបស់លោកដល់ឧត្តមសេនីយ៍ចូលនិវត្តន៍រូបនេះ ដែលបានធ្វើជានាយករដ្ឋមន្រ្តីអស់រយៈពេលជាង ៨ឆ្នាំ ។  លោក Thanakornនិយាយថា គាត់បានធ្វើការជូនប្រទេសជាតិអស់មួយជីវិតរបស់គាត់ ។ គាត់បម្រើប្រទេសជាតិអស់រយៈពេលប្រហែល ៨ឆ្នាំ ក្នុងនាមជានាយករដ្ឋមន្រ្តី ។ ខ្ញុំមានជំនឿថា ប្រជាពលរដ្ឋថៃទូទាំងប្រទេសដឹងថា គាត់បានធ្វើការច្រើនណាស់សម្រាប់ប្រទេសមួយនេះ ហើយនិងដឹងថា គាត់ពុំដែលប្រូឡូកប្រឡាក់អ្វីនោះទេ សូម្បីតែអំពើពុករលួយ ៕

FBI ត្រូវបានរិះគន់ដោយរដ្ឋអាជ្ញាពិសេស សម្រាប់ការស៊ើបអង្កេតពាក់ព័ន្ធលោក Trump និងរុស្ស៊ី

2023/05/16 11:02:05 am        415
Facebook Telegram Linkin
អាមេរិក៖ របាយការណ៍មួយដែលត្រូវបានទន្ទឹងរង់ចាំជាយូរមកហើយ បានរិះគន់យ៉ាងចាស់ដៃលើដំណោះស្រាយរបស់ទីភ្នាក់ងារចារកម្ម FBI ក្នុងការស៊ើបអង្កេតលើការចោទប្រកាន់ពីទំនាក់ទំនងរវាងប្រទេសរុស្ស៊ី និង យុទ្ធនាការបោះឆ្នោតឆ្នាំ២០១៦ របស់លោក Trump។ក្នុងរបាយការណ៍កម្រាស់៣០៦ទំព័រ រដ្ឋអាជ្ញាពិសេស លោក John Durham  បាននិយាយថា ការស៊ើបអង្កេតរបស់ទីភ្នាក់ងារនេះមិនពេញលក្ខណៈតាមការវិភាគ។ លោកបានលើកឡើងថា ទីភ្នាក់ងារ FBI ពុំមានភស្តុតាងជាក់លាក់នៃការឃុបឃិតរវាងយុទ្ធនាការរបស់លោក Donald Trump  និងប្រទេសរុស្ស៊ី មុនចាប់ផ្ដើមការស៊ើបអង្កេត។FBI និយាយថា ខ្លួនបានដោះស្រាយបញ្ហាជាច្រើនដែលបានបង្ហាញនៅក្នុងរបាយការណ៍នេះ។ នៅក្នុងរបាយការណ៍ លោក Durham ដែលត្រូវបានតែងតាំងដោយអតីតរដ្ឋមន្ត្រីក្រសួងយុត្តិធម៌ លោក William Barr កាលពីឆ្នាំ២០១៩ បានចោទប្រកាន់ទីភ្នាក់ងារ FBI ពីបទប្រមូលព័ត៌មានចារកម្មមិនច្បាស់លាស់ពុំមានវិភាគនិងខ្វះកិច្ចសហការ។  របាយការណ៍នេះ បានបញ្ជាក់ពីភាពខុសប្លែកគ្នាយ៉ាងខ្លាំងលើវិធីដែលទីភ្នាក់ងារ FBI បានដោះស្រាយការស៊ើបអង្កេតលើលោក Trump នៅពេលប្រៀបធៀបទៅនឹងការស៊ើបអង្កេតសំខាន់ៗ ដូចជា ការពាក់ព័ន្ធទៅនឹងគូប្រជែងការបោះឆ្នោតឆ្នាំ២០១៦ របស់លោក គឺលោកស្រី Hillary Clinton៕

ចិនកាត់ទោសពលរដ្ឋអាមេរិកវ័យ ៧៨ឆ្នាំឲ្យជាប់ពន្ធនាគារអស់មួយជីវិតពីបទចារកម្ម

2023/05/16 10:58:01 am        330
Facebook Telegram Linkin
ចិន៖ ពលរដ្ឋអាមេរិកវ័យ៧៨ឆ្នាំលោក John Shing-Wan Leung ដែលជាអ្នករស់នៅអចិន្ត្រៃយ៍ ក្នុងទីក្រុងហុងកុង ត្រូវបានតុលាការចិនកាត់ទោសឲ្យជាប់ពន្ធនាគារអស់មួយជីវិតពីបទចារកម្ម កាលពីថ្ងៃចន្ទ។តុលាការនៅភាគអាគ្នេយ៍នៃទីក្រុង Suzhou មិនបានផ្តល់ព័ត៌មានលម្អិតបន្ថែមអំពីការចោទប្រកាន់លើរូបលោកនោះឡើយ។ យោងព័ត៌មានចេញពីតុលាការ បានឲ្យដឹងថា លោក Leung ត្រូវបានចាប់ខ្លួននៅក្នុងទីក្រុងនេះ កាលពីពីរឆ្នាំមុន ដោយការិយាល័យ ក្នុងតំបន់នៃទីភ្នាក់ងារប្រឆាំងការស៊ើបការណ៍សម្ងាត់របស់ប្រទេសចិន។តាមសេចក្តីថ្លែងការណ៍របស់តុលាការប្រជាជនកម្រិតមធ្យម ដែលត្រូវបានបង្ហោះនៅលើបណ្ដាញសង្គម WeChat បានសរសេរថា៖ «គាត់ (លោក Leung) ត្រូវបានរកឃើញថា មានទោសពីបទចារកម្ម ដោយគាត់ត្រូវបានកាត់ទោសឲ្យជាប់ពន្ធនាគារអស់មួយជីវិត [និង] ដកហូតសិទ្ធិធ្វើនយោបាយអស់មួយជីវិត»។គេមិនទាន់ដឹងច្បាស់ទេថា លោក Leung រស់នៅទីណា ក្នុងពេលចាប់ខ្លួននោះទេ។ អ្នកនាំពាក្យស្ថានទូតអាមេរិកប្រចាំទីក្រុងប៉េកាំង បាននិយាយថា ពួកគេបានដឹងពីដំណឹងនេះហើយ ដោយពួកគេបានបញ្ជាក់ថា ក្រសួងការបរទេសមិនមានអាទិភាពអ្វីធំដំជាងសុវត្ថិភាព និងសន្តិសុខរបស់ពលរដ្ឋអាមេរិក នៅក្រៅប្រទេសនោះឡើយ។ក្នុងសន្និសីទសារព័ត៌មាន នៅទីក្រុងវ៉ាស៊ីនតោនឌីស៊ី កាលពីថ្ងៃចន្ទ ក្រសួងការបរទេស បានបដិសេធមិនធ្វើអត្ថាធិប្បាយលើករណីនេះ ដោយលើកឡើងពីការព្រួយបារម្ភអំពីឯកជនភាព។ការជំនុំជម្រះក្ដីបិទទ្វារគឺជារឿងធម្មតា នៅក្នុងប្រទេសចិន ហើយព័ត៌មានលម្អិតមួយចំនួន ជាធម្មតាត្រូវបានប្រកាសជាសាធារណៈសម្រាប់ករណីរសើប ដូចជាករណីដែលពាក់ព័ន្ធនឹងការចោទប្រកាន់ពីបទចារកម្មជាដើម៕

សេចក្តីរាយការណ៍៖ រុស្ស៊ីឃុំខ្លួនអតីតបុគ្គលិកស្ថានទូតអាមេរិក

2023/05/16 10:54:56 am        302
Facebook Telegram Linkin
រុស្ស៊ី៖ យោងតាមទីភ្នាក់ងារសារព័ត៌មានរដ្ឋរុស្ស៊ី TASS បានឲ្យឹងថា អតីតបុគ្គលិកម្នាក់របស់ស្ថានទូតសហរដ្ឋអាមេរិក នៅក្នុងប្រទេសរុស្ស៊ី ត្រូវបានឃុំខ្លួននៅក្នុងមជ្ឈមណ្ឌលឃុំឃាំងទីក្រុងមូស្គូ ពីបទរួមគំនិត។ទីភ្នាក់ងារព័ត៌មានបានរាយការណ៍ថា លោក Robert Shonov ត្រូវបានចាប់ខ្លួនដោយអង្គភាពសន្តិសុខសហព័ន្ធសហព័ន្ធរុស្ស៊ី ហើយត្រូវបានបញ្ជូនត្រឡប់ទៅកាន់មជ្ឈមណ្ឌលឃុំឃាំងបណ្តោះអាសន្ន។ទីភ្នាក់ងារ និយាយថា លោកប្រឈមការជាប់ពន្ធនាគារ៨ឆ្នាំ។ ស្ថានទូតបានប្រាប់សារព័ត៌មានរ៉យទ័រថា ស្ថានទូតបានដឹងពីការរាយការណ៍នោះ ប៉ុន្តែពុំមានអ្វីបន្ថែមដើម្បីបែងចែកនៅពេលនេះ។យោងតាមការរាយការណ៍របស់សារព័ត៌មាន TASS បានឲ្យដឹងថា លោក Shonov ត្រូវបានឃុំខ្លួននៅក្នុងទីក្រុងកំពង់ផែ Valdivostok ហើយបន្ទាប់ពីការសាកសួរ លោកត្រូវបានចោទប្រកាន់ដោយមានការសហការលើគោលការណ៍សម្ងាត់ជាមួយរដ្ឋបរទេស ឬអន្តរជាតិ ឬអង្គការបរទេស។ទីភ្នាក់ងារសារព័ត៌មាន បាននិយាយថា ក្រុមមន្ត្រី បានស្នើសុំឲ្យឃុំខ្លួន លោក Shonov រយៈពេល៣ខែ។ ពុំមានកាលបរិច្ឆេទរបស់តុលាការត្រូវបានកំណត់ឡើយ។ អ្នកសារព័ត៌មានអាមេរិក លោក Evan Gershkovich ជាអ្នកដែលត្រូវបានចាប់ខ្លួនកាលពីខែមីនា ខណៈបម្រើការឲ្យសារព័ត៌មាន the Wall Street Journal ត្រូវបានចោទប្រកាន់ពីបទចារកម្ម ក៏ត្រូវបានឃុំខ្លួននៅពន្ធនាគារ Lefortovo នៅក្នុងទីក្រុងមូស្គូ។

ទួរគីប្រឈមការបោះឆ្នោតជុំទី២ដ៏ស្វិតស្វាញ បន្ទាប់ពីលោក Erdogan មិនអាចទទួលបានសំឡេងឈ្នះភាគច្រើនដាច់ខាត

2023/05/16 10:51:42 am        294
Facebook Telegram Linkin
ទួរគី៖ ប្រទេសទួរគី នឹងរៀបចំការបោះឆ្នោតបន្តនៅថ្ងៃទី២៨ខែឧសភា បន្ទាប់ពីមេដឹកនាំកាន់តំណែងជាច្រើនអាណត្តិលោក Recep Tayyip Erdogan ត្រូវបានបង្ខំឲ្យចូលក្នុងជុំទី២ ដោយមានសំឡេងនាំមុខគូប្រជែងរបស់លោក តិចតួចគឺលោក Kemal Kilicdaroglu។ ពុំមានបេក្ខជនណាមួយទទួលបានសំឡេងគាំទ្រដែលត្រូវការចំនួន ៥០% ដើម្បីកាន់តំណែងប្រធានាធិបតីទាំងស្រុងនោះទេ បន្ទាប់ពីហិបឆ្នោតត្រូវបានបើក១០០% នេះបើយោងតាមក្រុមប្រឹក្សាបោះឆ្នោតជាន់ខ្ពស់របស់ប្រទេសទួរគី។ ប្រធានក្រុមប្រឹក្សាលោក Ahmet Yener បាននិយាយថា ហិប ឆ្នោតទាំងអស់នៅក្នុងប្រទេសត្រូវបានបើក ហើយអត្រាអ្នកទៅបោះឆ្នោតមាន៨៨,៩២% ។  ប៉ុន្តែ ពេលនេះលោក Kilicdaroglu ប្រឈមសមរភូមិដ៏លំបាក ដើម្បីយកឈ្នះការបោះឆ្នោតនៅជុំទី២ បន្ទាប់ពីលោក Erdogan ទទួលបានប្រជាបិ្រយភាពខ្ពស់ជាងក្នុងការស្ទង់មតិការបោះឆ្នោតដែលបានលើកឡើងមុនការបោះឆ្នោត។ លោក Ahmet Yenerប្រធានក្រុមប្រឹក្សាបោះឆ្នោតជាន់ខ្ពស់របស់ប្រទេសទួរគី បាននិយាយថា លទ្ធផលផ្លូវការនៃការបោះឆ្នោតសម្រាប់ប្រទេសទួរគីនឹងត្រូវប្រកាសនៅថ្ងៃសុក្រសប្ដាហ៍នេះ៕

លោកវ៉ាង យី៖ ការអភិវឌ្ឍរបស់ចិន គឺជាកម្លាំងកំណើនសម្រាប់សន្តិភាព និងស្ថិរភាពពិភពលោក

2023/05/16 10:48:27 am        47
Facebook Telegram Linkin
ចិន៖ លោក វ៉ាងយី នាយកការិយាល័យគណៈកម្មការកិច្ចការបរទេសនៃគណៈកម្មាធិការកណ្តាលបក្សកុម្មុយនីស្តចិន(CPC) បាននិយាយកាលពីថ្ងៃចន្ទថា ការអភិវឌ្ឍរបស់ប្រទេសចិនគឺជាកម្លាំងកំណើនសម្រាប់សន្តិភាព និងកត្តាស្ថិរភាពពិភពលោកដែលកំពុងកើនឡើង។លោក វ៉ាង ក៏ជាសមាជិកការិយាល័យនយោបាយនៃគណៈកម្មាធិការកណ្តាលបក្សកុម្មុនីស្តចិនផងដែរនោះ បានថ្លែងដូច្នេះអំឡុងកិច្ចពិភាក្សាជាមួយរដ្ឋមន្ត្រីការបរទេសនិងពាណិជ្ជកម្មប្រទេសហុងគ្រី លោក Peter Szijjarto ដែលកំពុងធ្វើទស្សនកិច្ច ។អ្នកការទូតជាន់ខ្ពស់ចិន បានវាយតម្លៃខ្ពស់ចំពោះគោលនយោបាយជាមិត្តភាពរបស់ប្រទេសហុងគ្រីចំពោះប្រទេសចិន ដោយបាននិយាយថា នេះស្របទៅនឹងផលប្រយោជន៍របស់ប្រទេសនិងប្រជាជនខ្លួន ជាផលប្រយោជន៍រួមរបស់ប្រទេសចិន និងអឺរ៉ុប និងជានិន្នាការនៃគ្រប់កាលៈទេសៈ។លោក វ៉ាង បានកត់សំគាល់ថា ភាគីទាំងពីរ បានគោរព ទុកចិត្ត យោគយល់និងគាំទ្រគ្នា ដែលកំពុងជំរុញទំនាក់ទំនងទ្វេរភាគីចូលក្នុងអំឡុងពេលដ៏ល្អបំផុតក្នុងប្រវត្តិសាស្ត្រ។ លោកបានបញ្ជាក់ជាថ្មី ចំពោះការគាំទ្ររបស់ប្រទេសចិន សម្រាប់ស្វ័យភាពជាយុទ្ធសាស្ត្ររបស់អឺរ៉ុប ដែលកំពុងជំរុញឲ្យប្រទេសសហភាពអឺរ៉ុបរួមទាំងប្រទេសហុងគ្រីការពារពហុភាគីនិយមពិតប្រាកដ ជំរុញប្រជាធិបតេយ្យបនីយកម្មនៃទំនាក់ទំនងអន្តរជាតិ និងជំរុញប្រព័ន្ធអភិបាលកិច្ចឆ្ពោះទៅរកគោលដៅសមហេតុផល។ លោក Szijjarto និយាយថាកិច្ចសហប្រតិបត្តិការ ចិន-ហុងគ្រី និងចិន-អឺរ៉ុប គឺជាឱកាសមួយជាជាងហានីភ័យ ហើយប្រទេសហុងគ្រីស្វាគមន៍ការវិនិយោគដែលកើនឡើងរបស់ប្រទេសចិននៅក្នុងប្រទេស ត្រៀមពង្រឹងកិច្ចសហប្រតិបត្តិការបន្ថែមទៀតជាមួយប្រទេសចិន ក្នុងវិស័យជាច្រើនដើម្បីជំរុញទំនាក់ទំនងរវាងប្រទេសទាំងពីរឈានទៅរកកម្រិតថ្មីមួយ៕

បណ្ដាញសង្គម

ព័ត៌មានថ្មីៗ

មន្ត្រីអាមេរិក៖ អ៊ីស្រាអែល និងហេសបូឡា ព្រម​ព្រៀង​មាន​​បទ​ឈប់បាញ់ចាប់ពីថ្ងៃទី១៩ ខែមិថុនា
06/19/2026 08:06 PM
Facebook Telegram Linkin
លោក Trump បញ្ជាក់​ថា សង្គ្រាមធ្វើឲ្យ​អ៊ីរ៉ង់ខ្សោយ និង​បដិសេធ​ការ​រិះគន់​របស់​ក្រុម​ប្រជាធិបតេយ្យ​
06/19/2026 08:06 PM
Facebook Telegram Linkin
មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់
06/19/2026 08:06 PM
Facebook Telegram Linkin
ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន
06/19/2026 08:06 PM
Facebook Telegram Linkin
ទីភ្នាក់ងារទេសចរណ៍ចិនចាប់​ផ្ដើម​ដំណើរកម្សាន្តជាក្រុមទៅ​ជប៉ុនឡើងវិញ តែ​ខ្លះបញ្ឈប់ការលក់ក្រោយ​មក​
06/19/2026 08:06 PM
Facebook Telegram Linkin
លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យ​មាន «បទឈប់បាញ់គ្រប់ជ្រុងជ្រោយ​»
06/19/2026 08:06 PM
Facebook Telegram Linkin
ការបំផ្ទុះគ្រាប់បែក ២ផ្សេងគ្នា បណ្តាលឲ្យ​នគរបាល​រងរបួស ក្នុងខេត្ត Yala និង​ Pattani របស់​​ថៃ
06/19/2026 08:06 PM
Facebook Telegram Linkin
ទីភ្នាក់ងារតាមដាន៖ ការឆ្លងកាត់របស់​នាវា នៅ​ចក្រសមុទ្រ​ Hormuz កើនឡើង ក្រោយ​មាន​កិច្ចព្រមព្រៀង
06/19/2026 07:06 PM
Facebook Telegram Linkin
ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់
06/19/2026 07:06 PM
Facebook Telegram Linkin
រញ្ជួយដីកម្រិត ៦,៣រ៉ិចទ័រ កើត​មាន​នៅ​តំបន់ចុងបូព៌ារបស់រុស្ស៊ី ស្រប​ពេលមានការរញ្ជួយបន្តបន្ទាប់
06/19/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.