នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងអភិវឌ្ឍន៍ជនបទ កំពុងពង្រីកការស្ថាបនាផ្លូវនៅតំបន់ដាច់ស្រយាល តាមតម្រូវការពលរដ្ឋ
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន

នយោបាយ​ និង ការអភិវឌ្ឍន៍

សម្ដេចតេជោ ហ៊ុន សែន៖«អង្គរសង្ក្រាន្តមិនមែនជាការចៃដន្យ ប៉ុន្តែកើតឡើងបានម្ដងទៀតដោយសារកត្តា៦យ៉ាង»

2023/04/14 01:49:38 pm        358
Facebook Telegram Linkin
សៀមរាប៖​ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា មានប្រសាសន៍ថា ការរៀបចំឡើងវិញនៃព្រឹត្តិការណ៍អង្គរសង្ក្រាន្តក្នុងឆ្នាំ២០២៣នេះ បានបង្កើតនូវព្រឹត្តិការណ៍នៃការជួបជុំរវាងមនុស្ស ជាមួយនឹងបេតិកភណ្ឌរូបី អរូបីជាមួយគ្នា។ទម្រង់ជាច្រើនបានជួបជុំគ្នា បានប្រមូលផ្ដុំគ្នានៅក្នុងអង្គរសង្ក្រាន្តរយៈពេល ៣ ថ្ងៃនេះ ដែលនេះជាការបង្កើតនូវស្ថានភាពដ៏ល្អប្រសើរធ្វើឱ្យរស់ឡើងវិញនូវទីកន្លែងដែលធ្លាប់តែស្ងប់ស្ងាត់ និងក្លាយទៅជាកន្លែងដែលទាក់ទាញសម្រាប់ភ្ញៀវទេសចរណ៍ផងដែរ។ សម្ដេចតេជោ ហ៊ុន សែន បានមានប្រសាសន៍បែបនេះ ក្នុងឱកាសសម្ដេចតេជោនាយករដ្ឋមន្រ្តី និងសម្ដេចគតិព្រឹទ្ធបណ្ឌិត បានអញ្ជើញបើកជាផ្លូវការព្រឹត្តិការណ៍អង្គរសង្ក្រាន្តឆ្នាំ២០២៣ នៅលើទឹកដីអង្គរ ខេត្តសៀមរាប នាព្រឹកថ្ងៃទី១៤ ខែមេសា ឆ្នាំ២០២៣នេះ។ សម្ដេចតេជោនាយករដ្ឋមន្ត្រីបានគូសបញ្ជាក់ថាមានកត្តា ៦យ៉ាង ដែលនាំឱ្យកម្ពុជាអាចរៀបចំអង្គរសង្ក្រាន្តឆ្នាំនេះឡើងក្នុងនោះរួមមាន កត្តាទី១ ៖ កត្តាសន្តិភាព ដែលគ្របដណ្ដប់ប្រទេសរបស់យើង បានផ្ដល់ឱកាសសប្បាយរីករាយសម្រាប់ប្រជាពលរដ្ឋ អាចធ្វើអ្វីទៅតាមបំណងរបស់ខ្លួន ដោយស្របតាមច្បាប់។កត្តាទី២៖ ភាពជោគជ័យលើកូវីដ-១៩ ដែលពុំមានការឆ្លងធ្ងន់ធ្ងរ។ ទោះជាយ៉ាងនេះក្ដី សម្ដេចក៏នៅតែអំពាវនាវឱ្យប្រជាពលរដ្ឋ និងក្រុមគក្រូពេទ្យបន្តយកចិត្តទុកដាក់លើបញ្ហាអនាម័យ និងការការពារខ្លួន។ កត្តាទី៣៖ ហេដ្ឋារចនាសម្ព័ន្ធតភ្ជាប់ ដែលធ្វើឱ្យប្រជាពលរដ្ឋអាចធ្វើដំណើរពីកន្លែងមួយទៅកន្លែងមួយ តាមរយៈសមិទ្ធផលផ្លូវថ្នល់ជាច្រើនខ្សែ។ កត្តាទី៤៖ មធ្យោបាយធ្វើដំណើរ ទាំងផ្ទាល់ខ្លួន និងសេវាឈ្នួល រួមទាំងការសេវាដឹកជញ្ជូនដែលរដ្ឋបានផ្ដល់ជូនផងដែរ។ កត្តាទី៥៖ ជីវភាពល្អប្រើសើរនៃប្រជាពលរដ្ឋ ដែលអាចមានលទ្ធភាពធ្វើដំណើរកម្សាន្តបានក្នុងឱកាសបុណ្យចូលឆ្នាំ។ ដោយឡែកកត្តាសំខាន់មួយទៀត ជាកត្តាទី៦ គឺតាមរយៈសកម្មភាព និងទិសដៅរបស់សហភាពសហព័ន្ធយុវជនកម្ពុជា ដែលបានចូលរួមយ៉ាងសំខាន់តាមរយៈការខិតខំប្រឹងប្រែង និងការចូលរួមរបស់យុវជនប្រមាណជា ៥០០០នាក់ក្នុងការធ្វើសកម្មភាពនៅទីនេះ។ ជាមួយគ្នានេះ សម្ដេចក៏បានថ្លែងកោតសរសើរ និងវាយតម្លៃខ្ពស់ចំពោះឆន្ទៈរបស់ស.ស.យ.ក. ក្នុងការលះបង់កន្លងមក។គួរបញ្ជាក់ថា ព្រឹត្តិការណ៍អង្គរសង្ក្រាន្ត ត្រូវបានអាក់ខានតាំងពីឆ្នាំ២០១៩ មកដោយសារការរីករាលឆ្លងនៃវិបត្តិកូវិដ-១៩។ ការប្រារព្ធឡើងវិញនៃឱកាសនេះ ស្របពេលខួប ១០ ឆ្នាំនៃព្រឹត្តិការណ៍អង្គរសង្ក្រាន្ត៕

សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត អញ្ជើញបើកព្រឹត្តិការណ៍អង្គរសង្ក្រាន្ត ២០២៣ នៅបរិវេណប្រាសាទបាយ័ន ខេត្តសៀមរាប

2023/04/14 07:38:52 am        258
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញដល់ទីតាំងពិធីបើកព្រឹត្តិការណ៍អង្គរសង្ក្រាន្ត លើកទី១០ ឆ្នាំ២០២៣ នៅបរិវេណប្រាសាទបាយ័ន ខេត្តសៀមរាប ព្រឹកថ្ងៃទី១៤ ខែមេសា ឆ្នាំ២០២៣ នេះ ។

រដ្ឋសភា បើកកិច្ចប្រជុំពិនិត្យសំណើអនុម័តសេចក្តីព្រាងច្បាប់ពាណិជ្ជកម្មព្រំដែនរវាងកម្ពុជា-វៀតណាម

2023/04/12 10:14:59 am        198
Facebook Telegram Linkin
ភ្នំពេញ៖ នៅថ្ងៃទី១២ ខែមេសា ឆ្នាំ២០២៣ សម្ដេចពញាចក្រី ហេង សំរិន ប្រធានរដ្ឋសភា បានអញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា ដើម្បីធ្វើការពិភាក្សា និងអនុម័ត លើសេចក្តីព្រាងច្បាប់ចំនួនបី រួមមាន៖ សេចក្តីព្រាងច្បាប់ ស្តីពីសារពើពន្ធ, សេចក្តីព្រាងច្បាប់ ស្តីពីលទ្ធកម្មសាធារណៈ និងសេចក្តីព្រាងច្បាប់លើកិច្ចព្រមព្រៀងស្តីពី ​ពាណិជ្ជកម្មតាមព្រំដែន រវាងរាជរដ្ឋាភិបាលកម្ពុជា ​និងរដ្ឋាភិបាលវៀតណាម។ គណៈកម្មាធិការអចិន្ត្រៃយ៍រដ្ឋសភា សម្រេចនឹងបន្តសម័យប្រជុំលើកទី៩ នីតិកាលទី៦ លើ​សេចក្តីព្រាងច្បាប់ទាំងបីនេះ នៅព្រឹកថ្ងៃ១៩ ខែមេសា ខាងមុខនេះ។

សម្តេចតេជោ ហ៊ុន សែន បញ្ចប់មុខតំណែងមន្ត្រីជាន់ខ្ពស់ នៃរដ្ឋលេខាធិការដ្ឋានអាកាសចរស៊ីវិល ដែលអាងអំណាចប្រើប្រាស់អាវុធគំរាមកំហែងអ្នកដទៃ

2023/04/11 09:12:05 am        659
Facebook Telegram Linkin
ភ្នំពេញ៖ សម្តចតេជោ ហ៊ុន សែន នាយករដ្ឋមន្រ្តី តាមរយៈតេឡេក្រាមនៅមុននេះបន្តិច បាន​ចេញ​អនុក្រឹត្យសម្រេចបញ្ចប់មុខតំណែងលោក បែល វ៉ាន់ដែត ពីអគ្គនាយករង នៃ​អគ្គនាយកដ្ឋាន​រដ្ឋបាល និងកិច្ចការទូទៅ នៃរដ្ឋលេខាធិការដ្ឋានអាកាសចរស៊ីវិល បន្ទាប់​ពី​បុគ្គល​រូប​នេះ អាងអំណាចហើយបានយកអាវុធទៅគំរាមកំហែងអ្នកទន់ខ្សោយកាលពីកន្លងទៅនេះ។បន្ថែម​លើអនុក្រឹត្យនោះសម្តេចតេជោ ហ៊ុន សែន មានប្រសាសន៍ថា “បើតុលា​ការ​មិន​ចាត់​ការ​តាម​ផ្លូវ​ច្បាប់​ទេ​ទុក​ឲ្យ​ខ្ញុំដាក់​វិន័យ​តាម​ផ្លូវ​រដ្ឋសិន។​ អាង​មាន​អំណាច​ប្រើប្រាស់​អាវុធ​គំរាម​អ្នក​ទន់​ខ្សោយ”​។សម្តេចតេជោ ហ៊ុន សែន ព្រមានថា “នេះជា​សារព្រមាន​ចំពោះ​មន្ត្រី​ទាំង​អស់​សូម​កុំអា​ង​អំណាច​ធ្វើ​បាប​អ្នកទន់ខ្សោយ ជាពិសេសសូមកុំប្រើប្រាស់អាវុធខុសច្បាប់”។គួរបញ្ជាក់ថា កាលពីយប់ថ្ងៃទី២៩ ខែមីនា ឆ្នាំ២០២៣កន្លងទៅនេះ បុគ្គល បែល វ៉ាន់ដែត បានយកកាំភ្លើងទៅគំរាមកំហែងដល់បុរសម្នាក់បន្ទាប់ពីមានករណីគ្រោះថ្នាក់ចរាចរណ៍រវាងរថយន្ត រ៉េងរ៉ូវើ ពណ៌ស និងរថយន្ត Ford Ranger ពណ៌ខ្មៅ រហូតធ្វើឲ្យម្ចាស់រថយន្ត រ៉េងរ៉ូវើ ខឹងជិះតាមដល់មុខផ្ទះ និងដកកាំភ្លើងភ្ជង់លើម្ចាស់រថយន្ត Ford Ranger តែម្តង។បន្ទាប់ពីមានហេតុការណ៍កើតឡើងជនរងគ្រោះមានឈ្មោះ ឆៃ វ៉ាន់ម៉ូលីវ័ន្ត ភេទប្រុស អាយុ២៣ឆ្នាំ ជានិស្សិត បានប្តឹងទៅនគរបាលក្នុងមូលដ្ឋាន ទើបនគរបាលខណ្ឌឫស្សីកែវ ស្រាវជ្រាវឃាត់ខ្លួន យកមកសួរនាំនៅនគរបាលខណ្ឌ។ បន្ទាប់ពីឃាត់ខ្លួនជនសង្ស័យ សមត្ថកិច្ចបានដកហូតអាវុធខ្លី១ដើម ម៉ាកGlook ពណ៌ខ្មៅ គ្រាប់១៣គ្រាប់ គ្មានច្បាប់អនុញ្ញាត , រថយន្តមួយគ្រឿងម៉ាក រ៉េងរ៉ូវើ ពណ៌ស ពាក់ស្លាកលេខ ភ្នំពេញ 2BL-0199។ ក្រោយពីចាប់ខ្លួនហើយ ភាគីទាំងពីរបានព្យាយាមសម្របសម្រួលបញ្ចប់វិវាទនៅក្រៅប្រព័ន្ធតុលាការ នៅប៉ុស្តិ៍នគបាលរដ្ឋបាលសង្កាត់ ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ប៉ុន្តែមិនព្រមព្រៀងគ្នា ទើបនគរបាលសម្រេចកសាងសំណុំរឿងមកតុលាការ ដើម្បីចាត់ការតាមមនីតិវិធី។ បើតាមព័ត៌មានក្នុងស្រុកបានចុះផ្សាយថា លោកស្រី អ៊ុក រ៉េតគន្ធា ចៅក្រមស៊ើបសួរក្នុងសំណុំរឿងខាងលើនេះ បានដោះលែងជនសង្ស័យឈ្មោះ បែល វ៉ាន់ដែតដោយគ្រាន់តែដាក់ជនសង្ស័យរូបនេះ ឲ្យស្ថិតក្រោមការត្រួតពិនិត្យតាមផ្លូវតុលាការតែប៉ុណ្ណោះ ក្រោយពីលោក លឹម ប៊ុនហេង ព្រះរាជអាជ្ញារងអមសាលាដំបូងរាជធានីភ្នំពេញ បានចោទប្រកាន់ជនសង្ស័យនេះពីបទ គំរាមសម្លាប់ និងបទកាន់កាប់អាវុធដោយគ្មានការអនុញ្ញាត កាលពីព្រឹកថ្ងៃទី៣១ ខែមិនា ឆ្នាំ២០២៣កន្លងទៅនេះ។សម្តេចតេជោ ហ៊ុន សែន បញ្ជាឲ្យរដ្ឋមន្រ្តីក្រសួងយុត្តិធម៌ ធ្វើការជាមួយតុលាការកុំឲ្យជនល្មើស ឈ្មោះ បែល វ៉ាន់ដែត រួចផុតពីសំណាញ់ច្បាប់ និងនៅក្រៅឃុំមុនកាត់ទោសឲ្យសោះ ដើម្បីកុំ​ឲ្យ​ជន​ល្មើសដែលមានឈ្មោះខាងលើនេះ តាមគំរាមកំហែងដល់អ្នកដទៃទៀត៕(ដោយ៖ បាន ចក់)

អាជ្ញាធរកម្ពុជា-ថៃ កំពុងសម្របសម្រួលការសម្រុកឆ្លងដែនរបស់ពលករខ្មែរ ដើម្បីមកចូលរួមពិធីបុណ្យចូលឆ្នាំខ្មែរ

2023/04/10 11:58:15 am        64
Facebook Telegram Linkin
បន្ទាយមានជ័យ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានចាត់ឲ្យ លោក ង៉ោ ម៉េងជ្រួន អភិបាលរងខេត្ត រួមជាមួយ លោក គាត ហ៊ុល អភិបាលក្រុងប៉ោយប៉ែត សហការជាមួយអាជ្ញាធរថៃ រកដំណោះស្រាយជូនដល់បងប្អូនពលករខ្មែរជាច្រើនពាន់នាក់ ដែលកំពុងកកស្ទះនៅច្រកទ្វារព្រំដែនអន្តរជាតិប៉ោយប៉ែត-ខ្លងឡឹក ដើម្បីសម្របសម្រួលឲ្យបងប្អូនពលករដែលសម្រុកមកពីប្រទេសថៃកុំឲ្យមានការកកស្ទះរង់ចាំយូរ។ ជាមួយបញ្ហានៃការកកស្ទះខាងលើនេះ គឺបងប្អូនកំពុងរង់ចាំខាងទឹកដីថៃ ដើម្បីពិនិត្យបំពេញបែបបទឆ្លងដែនមកកម្ពុជា ហើយសមត្ថកិច្ចកម្ពុជា បានយកចិត្តទុកដាក់ ដើម្បីសម្របសម្រួលពន្លឿននីតិវិធីឲ្យបងប្អូនឆាប់បានទៅដល់ផ្ទះសម្បែងនៅស្រុកកំណើតខ្លួនរបស់ខ្លួន៕

ឯកឧត្តម ហ៊ុន ម៉ានី ជូនដំណើរយុវជនស្ម័គ្រចិត្ត ទៅកាន់ខេត្តសៀមរាប ដើម្បីត្រៀមចូលរួមក្នុងព្រឹតិ្តការណ៍អង្គរសង្រ្កាន្ត

2023/04/10 11:49:06 am        336
Facebook Telegram Linkin
ភ្នំពេញ៖  ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នាព្រឹកថ្ងៃទី១០ ខែមេសា ឆ្នាំ២០២៣នេះ បានអញ្ជើញជូនដំណើរយុវជនស្ម័គ្រចិត្តប្រមាណ៥០០នាក់ ក្នុងចំណោមយុវជនជាង៧០០នាក់ ដោយធ្វើដំណើរចាកចេញ ពីរាជធានីភ្នំពេញ ទៅកាន់ខេត្តសៀមរាប ដើម្បីត្រៀមចូលរួមក្នុងព្រឹត្តិការណ៍អង្គរសង្រ្កាន្ត នាពេលខាងមុខនេះ។ ឯកឧត្តម ហ៊ុន ម៉ានី ថ្លែងអំណរគុណដល់យុវជន ដែលបានស្ម័គ្រចិត្តចូលរួមក្នុងព្រឹតិ្តការណ៍អង្គរសង្រ្កាន្ត។ ជាពិសេសព្រឹត្តិការណ៍អង្គរសង្រ្កាន្តតែងតែមានការគាំទ្រយ៉ាងខ្លាំង ពីសំណាក់ក្រុមយុវជនស្ម័គ្រចិត្ត ដែលជាកម្លាំងស្នូលយ៉ាងសំខាន់ ក្នុងការជំរុញឲ្យមហាព្រឹត្តការណ៍មួយនេះ ប្រព្រឹត្តទៅបានយ៉ាងរលូន។ ពីមួយឆ្នាំទៅមួយឆ្នាំ អង្គរសង្រ្កាន្តត្រូវបានដឹកនាំអនុវត្តន៍ដោយឈរលើគោលការណ៍ចូលរួមដោយស្ម័គ្រចិត្ត ពីយុវជនគ្រប់ទិសទី ដែលពួកគាត់បានធ្វើការងារនេះ តាំងពីការរៀបចំគម្រោង ការអនុវត្តន៍ និងការដឹកនាំទៅតាមក្រុមតាមផ្នែកតូចៗជាច្រើនជារៀងរាល់ឆ្នាំ នៃការរៀបចំអង្គរសង្រ្កាន្ត ។ឯកឧត្តមបន្តថា សហភាពសហព័ន្ធយុវជនកម្ពុជា តែងតែធ្វើការសម្ភាសន៍ ចម្រាញ់ និងសម្រាំងជាច្រើនដំណាក់កាល ដើម្បីឲ្យសមស្របទៅតាមតម្រូវការងារ ជាងនេះទៅទៀត ក្រុមការងារជំនាញតាមផ្នែកនីមួយៗ ក៏ដូចជាតួនាទី និងភារកិច្ចរបស់យុវជនស្ម័គ្រចិត្តនីមួយៗយ៉ាងជាក់លាក់។ ទោះបីជាយុវជនចូលរួមជាការស្ម័គ្រចិត្តក៏ពិតមែន តែការអនុវត្តការងារ គឺមានភាពច្បាស់លាស់ ម្ចាស់ការ ដោយមានវិជ្ជាជីវៈ និងទំនួលខុសត្រូវខ្ពស់។លោក ភឹម ម៉ាដូណា អនុប្រធានក្រុមការងារដឹកជញ្ជូនក្នុងព្រឹតិ្តការណ៍អង្គរសង្រ្កាន្ត បានឲ្យដឹងថា នេះជាឆ្នាំទី៥ហើយ ដែលលោកបានសម្របសម្រួលចូលរួមក្នុងព្រឹតិ្តការណ៍ដ៏មហាអស្ចារ្យនេះ ដែលទទួលបន្ទុកលើក្រុមការងារដឹកជញ្ជូននេះ។ ហើយថ្ងៃនេះ ជាការចេញដំណើរលើកទី២ ដែលលើកទី១ បានចេញដំណើរ មានចំនួនជាង៤០នាក់។ ព្រឹកនេះក្នុងផែនការត្រូវចេញដំណើរជាង៧០០នាក់ ប៉ុន្តែសមាសភាពអញ្ជើញមកផ្ទាល់មានចំនួនតែ៥២២រូបទេ ដោយសារតែក្រុមការងារមួយចំនួនលោក បានអញ្ជើញចេញដំណើរទៅមុន។ គួរបញ្ជាក់ថា ការងារស្ម័គ្រចិត្តព្រឹត្តិការណ៍អង្គរសង្រ្កាន្តនេះ បានបង្កើតឱកាសសម្រាប់យុវជនសរុបប្រមាណ ៥,០០០នាក់ ចូលរួមកិច្ចការសង្គម ដែលជាឱកាសរៀនសូត្រដ៏ល្អមួយសម្រាប់ពួកគាត់ក្នុងការអភិវឌ្ឍទាំងជំនាញរឹង (ការសម្តែង ការលេងល្បែងប្រជាប្រិយ) និងជំនាញទន់ (ការដឹកនាំក្រុមទំនាក់ទំនង ការដោះស្រាយឧបសគ្គ)។ មិនតែប៉ុណ្ណោះ វាក៏ជាឱកាសសម្រាប់យុវជនក្នុងការផ្សាភា្ជប់ទំនាក់ទំនង និងបង្កើតបណ្តាញទាក់ទងដ៏ធំមួយ។ តាមរយៈបទពិសោធន៍ទាំងនេះ នឹងអាចធ្វើឲ្យពួកគេកាន់តែមានសមត្ថភាពក្នុងការបំពេញការងារក្នុងវិជ្ជាជីវៈរបស់ខ្លួននៅអនាគតផងដែរ៕(អត្ថបទ៖ រដ្ឋា)

កម្ពុជា ស្វាគមន៍ក្រុមហ៊ុនឥណ្ឌាលើការបណ្តុះបណ្តាលជំនាញវិជ្ជាជីវៈដល់យុវជនកម្ពុជា

2023/04/08 03:12:49 pm        387
Facebook Telegram Linkin
ភ្នំពេញ៖ ដោយសារឥណ្ឌាជាប្រទេសឈានមុខគេ ក្នុងវិស័យបច្ចេកវិទ្យាព័ត៌មាន និង ការ​អភិវឌ្ឍ​ជំនាញ ក្រសួងការងារ និងបណ្តុះបណ្តាលវិជ្ជាជីវៈ បានស្វាគមន៍ដល់ក្រុមហ៊ុនបច្ចេកវិទ្យាព័ត៌មាន ក៏​ដូចជាដៃគូដែលធ្វើការពាក់ព័ន្ធនឹងការអភិវឌ្ឍន៍ជំនាញ និងបណ្តុះបណ្តាលវិជ្ជាជីវៈ របស់​ឥណ្ឌា​ទាំងអស់ ចូលរួមសហការជាមួយក្រសួងការងារ ដើម្បីកសាងធនធានមនុស្សផ្នែកជំនាញវិជ្ជាជីវៈ ទៅ​ដល់​យុវជនកម្ពុជា សម្រាប់ឆ្លើយតបទៅនឹងតម្រូវការទីផ្សារការងារ ដែល​នឹង​គាំទ្រ​ដល់​ការ​វិនិយោគ។ ក្នុងឱកាសអញ្ជើញចូលរួមក្នុងកម្មពិធីប្រគល់ពានរង្វាន់ ផីនណាកុលប្រចាំឆ្នាំ២០២៣ នាឱកាស​ខួប​លើក​ទី៧០ នៃទំនាក់ទំនងការទូតរវាងឥណ្ឌា និងកម្ពុជា និងដើម្បីអបអរសាទរខួបលើកទី ៧៥ នៃការទទួលបានឯករាជ្យភាពរបស់ប្រទេសឥណ្ឌា និងការលើកកម្ពស់ពាណិជ្ជកម្ម វប្បធម៌ និង​ទេសចរណ៍រវាងឥណ្ឌា និងកម្ពុជា កាលពីល្ងាចថ្ងៃទី៧ មេសា ឆ្នាំ២០២៣កន្លងទៅ ឯកឧត្តម​បណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងអំណរគុណ ចំពោះ​ស្ថាន​កុងស៊ុលកិត្តិយសឥណ្ឌា និងសភាពាណិជ្ជកម្មឥណ្ឌា ដែលបាន​សហការ​រៀបចំ​កម្ម​វិធី​ដ៏​មាន​សារៈសំខាន់នេះ ដោយកំណត់យកប្រធានបទ ឱកាសវិនិយោគសម្រាប់ក្រុមហ៊ុនឥណ្ឌា នៅ​ក្នុង​វិស័យបណ្តុះបណ្តាលជំនាញវិជ្ជាជីវៈ និងឧស្សាហកម្ម ៤.០ ដើម្បី​ធ្វើ​ការ​ពិភាក្សា​ចែក​រំលែក​បទ​ពិសោធន៍ល្អ សំដៅធ្វើឱ្យប្រសើរឡើងនូវបរិយាកាសធុរកិច្ច វិនិយោគ ភាពប្រកួតប្រជែង ការ​ទទួលខុសត្រូវសង្គម និងដើម្បីបង្កភាពទាក់ទាញវិនិយោគទុនពីបរទេសបន្ថែមទៀតមកកម្ពុជា ជា​ពិសេស​មកពីឥណ្ឌា។ឯកឧត្តមបានលើកឡើងថា ក្រោម​ការ​ដឹកនាំ​ប្រកប​ដោយ​គតិ​បណ្ឌិត​របស់​សម្តេច​តេជោនាយករដ្ឋ​មន្រ្តី ហ៊ុន សែន ដែលមានគោលការណ៍គ្រឹះក្នុងការរក្សាឱ្យបាននូវសុខសន្តិភាព កម្ពុជា​អាច​ធានា​បាន​នូវ​ស្ថិរភាពសង្គម និងការអភិវឌ្ឍលើគ្រប់វិស័យ ធានានូវ​ទំនុក​ចិត្ត​ដល់​អ្នក​វិនិយោគិន​ទាំង​ក្នុង​ និង​ក្រៅ​ប្រទេសកាន់តែជឿទុកចិត្តយ៉ាងមុតមាំក្នុងការបណ្តាក់ទុនវិនិយោគ និងធ្វើ​ឱ្យ​សេដ្ឋកិច្ច​កម្ពុជា​មាន​កំណើនថេរ ព្រមទាំងបានបង្កើត និងបង្កើនឱកាសការងារជាច្រើនជូនប្រជាពលរដ្ឋ។ មិន​តែ​ប៉ុណ្តោះ រាជរដ្ឋាភិបាលតែងតែយកចិត្តទុកដាក់ខ្ពស់ក្នុងការអភិវឌ្ឍទីផ្សារការងារ ដែល​មាន​ប្រាក់​ចំណូល​ខ្ពស់, មានលក្ខខណ្ឌការងារល្អប្រសើរ ដោយផ្តោត​លើការ​លើក​កម្ពស់​សុខុមាលភាព​កម្មករ​និយោជិត​ទាំងក្នុងនិងក្រៅប្រព័ន្ធ សំដៅលើកកម្ពស់ជីវភាពរស់នៅរបស់ប្រជាពលរដ្ឋ និង​លើក​កម្ពស់សកម្មភាពធុរកិច្ច និងការវិនិយោគប្រកបដោយចីរភាព។ ឯកឧត្តមបណ្ឌិត អ៊ិត សំហេង បានធ្វើការវាយការ​វាយ​តម្លៃ​ខ្ពស់​ចំពោះ​កិច្ច​សហប្រតិបត្តិការ​ដ៏​ល្អ​រវាង​ប្រទេសឥណ្ឌា និងប្រទេសកម្ពុជា ដែលបានចូលរួមចំណែកអភិវឌ្ឍសេដ្ឋកិច្ច សង្គម​កម្ពុជា​លើ​គ្រប់​វិស័យ ជាពិសេសកិច្ចសហប្រតិបត្តិការបណ្តុះបណ្តាលបច្ចេកទេស និងវិជ្ជាជីវៈ ដែល​កន្លង​មក​ភាគី​ឥណ្ឌា​បានផ្តល់អាហារូបករណ៍រាប់រយកន្លែងសម្រាប់សិក្ខាកាមរបស់កម្ពុជា។ ឯកឧត្តម​សង្ឃឹមថា តាមរយៈវេទិកាកម្មវិធីនាថ្ងៃនេះ នឹងបង្កើន​នូវ​ភាព​ជឿទុក​ចិត្ត​ដល់​បណ្តា​ក្រុម​ហ៊ុន​ឥណ្ឌា បង្កើនការវិនិយោគ និងទាក់ទាញអ្នកវិនិយោគទុនថ្មីៗថែមទៀតជាក់ជាមិនខាន៕

ឯកឧត្តម​ វេង ​សាខុន ៖​សន្តិភាព​ ស្ថិរភាពសង្គម ធ្វើអោយកម្ពុជាមានឱកាសអភិវឌ្ឍន៍ប្រទេសរីកចម្រើនទាំងវិស័យ​ពុទ្ធចក្រ និងអាណាចក្រ

2023/04/08 11:39:00 am        81
Facebook Telegram Linkin
ត្បូងឃ្មុំ៖​ ឯកឧត្តម វេង សាខុន រដ្ឋមន្រ្តី ប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាល​ចុះមូលដ្ឋានស្រុកតំបែរខេត្តត្បូងឃ្មុំ និងស្រុកកំពង់សៀម ខេត្តកំពង់ចាម មានប្រសាសន៍ថា សុខសន្តិភាព​ និងស្ថិរភាពសង្គម ក្រោមការដឹកនាំរបស់សម្តេចតេជោ​ ហ៊ុន ​សែន នាយករដ្ឋមន្ត្រី ធ្វើអោយកម្ពុជាមានឱកាសអភិវឌ្ឍន៍ប្រទេសរីកចម្រើនទាំងវិស័យអាណាចក្រ​ និងពុទ្ធចក្រ។ថ្លែងក្នុងពិធីបញ្ចុះខណ្ឌសីមា សម្ពោធឆ្លងព្រះវិហារ និងសមិទ្ធផលនានាក្នុងវត្តវណ្ណៈគិរីសេដ្ឋា ហៅវត្តត្រពាំងព្រីង ស្ថិតនៅភូមិត្រពាំងព្រីង ឃុំត្រពាំងព្រីង ស្រុកតំបែរ ខេត្តត្បូងឃ្មុំ និងមានការអញ្ជើញចូលរួមដោយសមាជិក សមាជិកាក្រុមការងាររាជរដ្ឋាភិបាល​ អាជ្ញាធរមូលដ្ឋាន និងប្រជាពលរដ្ឋជាង ៤០០នាក់ នៅព្រឹកថ្ងៃទី០៨ ខែមេសា ឆ្នាំ២០២៣នេះ ឯកឧត្តម វេង សាខុនបានចូលរួមអបអរសាទរដល់ព្រះសង្ឃ និងប្រជាពលរដ្ឋនៅស្រុកតំបែរដែលទទួលបាននូវសមិទ្ធផលថ្មីៗជាបន្តបន្ទាប់ ជាក់ស្តែងព្រឹកនេះមានការសម្ពោធឆ្លងព្រះវិហារថ្មីមួយបន្ថែមទៀត ដែលបង្ហាញពីភាពរីកចម្រើន និងការអភិវឌ្ឍន៍ឥតឈប់ឈរ។ឯកឧត្តមបានពាំនាំនូវបណ្តាំផ្ញើសាកសួរសុខទុក្ខរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងតែគិតគូរពីជីវភាព និងស្ថានភាពរស់នៅរបស់ប្រជាពលរដ្ឋគ្រប់ៗរូប។ឯកឧត្តម ក៏បានលើកឡើងពីគុណសម្បត្តិនៃសន្តិភាព និងស្ថិរភាពសង្គម ដែលនាំឱ្យប្រទេសកម្ពុជាមានឱកាសអភិវឌ្ឍន៍លើគ្រប់វិស័យ រួមទាំងវិស័យសាសនាផងដែរ។ឯកឧត្តមក៏បានលើកឡើងពីការយកចិត្តទុកដាក់របស់រាជរដ្ឋាភិបាល ក្នុងការជួយគាំទ្រជាសាច់ប្រាក់ដល់ប្រជាពលរដ្ឋក្រីក្រនិងងាយរងគ្រោះ ជាពិសេសនៅក្នុងដំណាក់កាលរីករាលដាលនៃជំងឺកូវីដ-១៩។ លើសពីនេះរាជរដ្ឋាភិបាលបានផ្តល់ការគាំទ្ររបបសន្តិសុខសង្គមជូនដល់បុគ្គលិក សេដ្ឋកិច្ចក្រៅប្រព័ន្ធ និងផ្តល់ការការពារសិទ្ធិក្នុងការងារតាមរយៈមេធាវីសម្តេចតេជោ។ ក្រៅពីនេះរាជរដ្ឋាភិបាលក៏កំពុងគិតគូរពង្រីកហេដ្ឋារចនាសម្ព័ន្ធសំខាន់ៗបន្ថែមទៀតដូចជាផ្លូវល្បឿនលឿន រថភ្លើងល្បឿនលឿន កំពង់ផែទឹកជ្រៅ និងព្រលានយន្តហោះអន្តរជាតិខ្នាតធំ ដើម្បីពន្លឿនការអភិវឌ្ឍន៍សេដ្ឋកិច្ចឱ្យមានភាពធន់ និងធានាបាននូវចីរភាព។ ឯកឧត្តមបានអំពាវនាវដល់ប្រជាពលរដ្ឋយើងទាំងអស់ដែលរស់នៅក្នុងឃុំត្រពាំងព្រីង ជាពិសេសប្រជាពលរដ្ឋដែលរស់នៅក្នុងស្រុកតំបែរ ខេត្តត្បូងឃ្មុំត្រូវបន្តការគាំទ្រ និងទៅបោះឆ្នោតជូនគណបក្សប្រជាជនកម្ពុជា ដែលមានសម្តេចតេជោហ៊ុន សែន ជាប្រធានគណបក្ស ក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ កុំបីខានទាំងអស់គ្នា។គួរបញ្ជាក់ថា ព្រះវិហារដែលត្រូវសម្ពោធនាពេលនេះ មានទំហំ ១៧ម៉ែត្រគុណនឹង២៤ម៉ែត្រ ចំណាយថវិកាកសាងចំនួន ៤៨១ ៩៣១ដុល្លារអាមេរិក និង ១០៨លានរៀល។ ជាមួយនឹងការដាក់សម្ពោធឆ្លងព្រះវិហារនេះ ឯកឧត្តមបាននាំយកបច្ច័យជាថវិការបស់ឯកឧត្តម និងលោកជំទាវ រួមជាមួយនឹងសមាជិកក្រុមការងារចុះមូលដ្ឋានស្រុកតំបែរ សរុបចំនួន ៣០លានរៀលប្រគេនដល់ព្រះសង្ឃ ព្រះចៅអធិការវត្តត្រពាំងព្រីងសម្រាប់ធ្វើការទូទាត់ថ្លៃជំពាក់ជាងកន្លងមក ជូនសាលាបឋមសិក្សាត្រពាំងស្រង៉ែ ចំនួន ៥,៥ លានរៀល និងសាលាបឋមសិក្សាបង្ហើរខ្លែងចំនួន៣លានរៀល សម្រាប់កសាងរបងសាលា និងការចាក់ដីបំពេញទីធ្លាសាលា ព្រមទាំងផ្តល់ជូនពុទ្ធបរិស័ទចំណុះជើងវត្តដែលបានអញ្ជើញចូលរួមនាព្រឹកនេះចំនួនជាង ៤០០នាក់ផងដែរ៕

សម្តេចតេជោ ហ៊ុន សែន ប្រកាសឧបត្ថម្ភថវិកា២ ម៉ឺនដុល្លារ និងផ្តល់សញ្ញាតិខ្មែរដល់កីឡាករប្រដាល់ជនជាតិប្រេស៊ីល Thiago Teixeira

2023/04/08 11:01:53 am        1548
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នៅមុននេះបន្តិច តាមរយៈតេឡេក្រាម បានប្រកាសផ្តល់ប្រកាសឧបត្ថម្ភថវិកា លើកទឹកចិត្ត ដល់កីឡាករប្រដាល់ Thiago Teixeira សញ្ជាតិប្រេស៊ីល នូវថវិកាចំនួន ២០,០០០ដុល្លារអាមេរិក(ពីរម៉ឺនដុល្លារ)។សម្តេចតេជោ ហ៊ុន សែន បញ្ជាក់ថា «មួយវិញទៀត ប្រសិនបើមិនខុសទាស់ផ្នែកផ្លូវច្បាប់ណាមួយរបស់ប្រេស៊ីលទេ ខ្ញុំនឹងស្នើទៅព្រះមហាក្សត្រ ដើម្បីផ្តល់សញ្ជាតិខ្មែរជូនកីឡាករ Thiago»៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨

2023/04/08 09:40:50 am        205
Facebook Telegram Linkin
ភ្នំពេញ៖ នៅព្រឹកថ្ងៃទី០៨ ខែមេសា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា​ បាបអញ្ជើញសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨ នៅមជ្ឍមណ្ឌលកោះពេជ្រ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន មានប្រសាសន៍ថា​ កន្លងមកសម្តេច​ធ្លាប់បាន​លើក​ឡើង​ពីស្ថានភាព​ខ្វះ​អាចារ្យ សម្រាប់សកម្មភាពពិធីនានា បម្រើឱ្យប្រពៃណី វប្បធម៌ខ្មែរ តាមទម្រង់មួយជាក់លាក់ តែ​ពេលនេះស្ថានភាពកង្វះអាចារ្យមានល្អប្រសើរ។- សម្តេចតេជោ ហ៊ុន សែន បញ្ជាក់ថា សាសនាបានស្លាប់ រួម​ទាំង​ការ​ស្លាប់​របស់​ប្រជាពលរដ្ឋ​ផងដែរ ក្នុងសម័យប៉ុលពត ក្នុងនោះទីអារាមសាសនា ក៏ត្រូវបានកម្ទេចចោលគ្មានសល់ តែ​ស្ថានភាព​នេះ បាន​រួចរស់ឡើងវិញដោយស្មារតី នៃថ្ងៃជ័យជំនះ ៧មករា។- សម្តេចតេជោ ហ៊ុន សែន បញ្ជាក់ថា វាជារឿងពិតមួយមិនអាចប្រកែកបាន នៅពេល​អាណាចក្រ​ជួប​ប្រទះ​គ្រោះ​មហន្តរាយ ផ្នែកពុទ្ធចក្រក៏រងគ្រោះផងដែរ ដូចជា​ករណី​រដ្ឋ​ប្រហារ​ឆ្នាំ​១៩៧០-១៩៧៥ និងពីឆ្នាំ១៩៧៥ នៃរបបកម្ពុជាប្រជាធិបតេយ្យប៉ុលពត។- សម្តេចតេជោ ហ៊ុន សែន បញ្ជាក់ថា ពេលដែលប្រជាពលរដ្ឋមានជីវភាពធូរធា ប្រជា​កសិករ​បង្ក​បង្កើន​ផលបានល្អប្រសើរ ទីវត្តអារាមក៏រីកចម្រើន ហើយចង្ហាន់បិណ្ឌបាត្ររបស់ព្រះសង្ឃ ក៏​សំបូរ​ពោរពាសដែរ ដែលចំណុចនេះហើយ គឺជាអ្វី​ដែល​យើង​តែង​លើក​ឡើង​ថា​«ពុទ្ធសាសនា​ផ្សារ​ភ្ជាប់​នឹង​សង្គម ឬសាសនា និងរដ្ឋ»។- សម្តេចតេជោ ហ៊ុន សែន បញ្ជាក់ថា គ្រប់សាសនាទាំងអស់ សុទ្ធតែ​បង្រៀន​ឱ្យ​ប្រជាពលរដ្ឋ​ប្រព្រឹត្តិ​អំពើ​ល្អ។ សាសនា​ គឺផ្នែកមួយដ៏សំខាន់ មិនអាចខ្វះបាននៅក្នុងសង្គម។- សម្តេចតេជោ ហ៊ុន សែន បញ្ជាក់ថា អាចារ្យ អាចារិនី មានសារៈសំខាន់ណាស់ ក្នុងវិស័យ​ព្រះ​ពុទ្ធសាសនា។ អាចារ្យ អាចារិនី គឺជាចាស់ទុំ សម្រាប់រៀបចំក្នុងពិធីជាប្រពៃណីរបស់ខ្មែរ តាមទម្រង់មួយដែលបានកំណត់ និងបន្តទៅជំនាន់ក្រោយៗទៀត។- សម្តេចតេជោ ហ៊ុន សែន បានផ្តាំផ្ញើដល់ អាចារ្យ អាចារិនី ក្នុងពិធីមង្គលការ ត្រូវសម្របសម្រួលជាមួយម្ចាស់ដើមការ ជៀសវាងការខ្វែងគំនិតគ្នាក្នុងពិធីមង្គលការ។ ក្នុងករណីម្ចាស់ដើមការ តម្រូវឱ្យអាចារ្យធ្វើតាមប្រពៃណីភូមិឋានគាត់ ត្រូវតែសម្របសម្រួលតាមនោះ។- សម្តេចតេជោ ហ៊ុន សែន បញ្ជាក់ថា ក្នុងជីវិតនយោបាយរបស់សម្តេចតែងតែជោគជ័យជារៀងរហូតមក តែសម្តេចមិនទាន់ប្រកាសថា «ខ្លួនជាគ្រូជោគជ័យទេ» ហើយក៏មិនទាន់អាចទៅបង្រៀនអ្នកដទៃពីភាពជោគជ័យនោះដែរ។- សម្តេចតេជោ ហ៊ុន សែន ប្រកាសលើកទឹកឱ្យបន្តមានការបង្ហាត់បង្រៀន បណ្តុះផ្នត់គំនិតវិជ្ជមាន និងជោគជ័យ ដល់ស្រទាប់មហាជនខ្មែរ តែក៏ត្រូវជៀសវាងនូវពាក្យពេចន៍ខ្លះៗដែលមានភាពរសើប និងបង្កបញ្ហាដល់សង្គម។- សម្តេចតេជោ ហ៊ុន សែន ប្រកាសទៅបុគ្គលពាល ជ្រកក្រោមព្រះពុទ្ធសាសនា ហៅ«អាខ្មៅ» រកឱ្យឃើញជុំរិញការចោទប្រកាន់ទៅលោក ជេម សុក ហៅសុខសុគន្ធ ថាបានទទួលលុយចំនួន ១០ម៉ឺនដុល្លារអាមេរិកពីសម្តេចតេជោ ហ៊ុន សែន ។ ...[]បើសុំទោស រួចខ្លួន បើមិនសុំទោសទេ សម្តេចនៅហៅ«អាខ្មៅ»ជារៀងរហូត។- សម្តេចតេជោ ហ៊ុន សែន ប្រកាសឱ្យមានការប្រុងប្រយ័ត្នជាប់ជានិច្ចចំពោះឧបាយកលទុច្ចរិតរបស់បុគ្គលប្រឆាំងមួយចំនួនតូច ដែលចញ្ចឹមចិត្ត និងមានបំណងបង្កមហន្តរាយដល់សង្គម និងបំផ្លាញសុខសន្តិភាព។- សម្តេចតេជោ ហ៊ុន សែន ប្រកាសថា នាពេលបច្ចុប្បន្ននេះ ទោះកម្ពុជាជួបនឹងវិបត្តិសេដ្ឋកិច្ច ប្រជាពលរដ្ឋជួបការលំបាកបន្តិចមែន តែគ្មានប្រជាពលរដ្ឋណាម្នាក់ស្លាប់ដោយអត់បាយ និងគ្មានការគិតគូរពីរដ្ឋអំណាចគ្រប់ជាន់ថ្នាក់នោះទេ។- សម្តេចតេជោ ហ៊ុន សែន ថ្លែងអំណរគុណដល់ប្រជាពលរដ្ឋដែលនៅតែទុកចិត្ត និងជឿជាក់លើការដឹកនាំរបស់គណបក្សប្រជាជនកម្ពុជា។- សម្តេចតេជោ ហ៊ុន សែន សង្ឃឹមជឿជាក់ថា ប្រជាពលរដ្ឋ នៅតែជឿជាក់ និងបោះឆ្នោតជូនគណបក្សប្រជាជនកម្ពុជាគ្រប់ការបោះឆ្នោតទាំងអស់។- សម្តេចតេជោ ហ៊ុន សែន ប្រកាសឱ្យរួមគ្នាការពារសន្តិភាព សន្តិសុខ សណ្តាប់ធ្នាប់ និងរបៀបរៀបរយសង្គម ដើម្បីកម្ពុជាឆ្ពោះទៅកាន់វឌ្ឍនភាពលើគ្រប់វិស័យបន្ថែមទៀត។- សម្តេចតេជោ ហ៊ុន សែន ប្រកាសថា នៅសល់តែរយៈពេលជាង ២០ថ្ងៃទៀតប៉ុណ្ណោះ កម្ពុជា នឹងឈានទៅដល់ភាពជាម្ចាស់ផ្ទះរៀបចំកីឡាស៊ីហ្គេម និងអាស៊ានប៉ារ៉ាហ្គេម ក្រោមមូលបទ«កីឡាក្រោមម្លប់ នៃសុខសន្តិភាព»...[] បើគ្មានសន្តិភាពទៀត យើងមិនអាចរៀបចំព្រឹត្តិការណ៍កីឡាធំៗទាំងនេះបានឡើយ។- សម្តេចតេជោ ហ៊ុន សែន បញ្ជាក់ថា សន្តិភាពអាចរក្សាបាន តាមតែរយៈតួនាទីរបស់គណបក្សប្រជាជនកម្ពុជាតែប៉ុណ្ណោះ។-សម្តេចតេជោបញ្ជាក់ថា «គណបក្សផ្សេងៗ គ្មានបក្សណាអាចរក្សា ការពារសុខសន្តិភាពបានឡើយ...[]បក្សខ្លះនៅផ្ទះស្លឹកសោះ តែសន្យាធ្វើផ្ទះឱ្យគេ..»។- សម្តេចតេជោ ហ៊ុន សែន ជំរុញឲ្យគ្រប់ផ្នែកពាក់ព័ន្ធរួមគ្នាផ្សព្វផ្សាយ បញ្ជ្រាប ខ្លឹមសារ អប់រំ គោលនយោបាយភូមិ-ឃុំ-សង្កាត់មានសុវត្ថិភាពរួមមាន៖ គ្រឿងញៀន ល្បែងស៊ីសង ... និងសុវត្ថិភាពចរាចរណ៍ឱ្យបានទូលំទូលាយ ដើម្បីកាត់បន្ថយអត្រាស្លាប់ និងរបួសឱ្យស្ថិតនៅក្នុងកម្រិតតិចតួចបំផុត។- សម្តេចតេជោ ហ៊ុន សែន បញ្ជាក់បន្ថែមដល់ធនាគារ និងមីក្រូហិរញ្ញវត្ថុ ឱ្យមានការយោគយល់ខ្ពស់ដល់ប្រជាពល ដែលមិនមានលទ្ធភាពពិតប្រាកដ ដើម្បីសងបំណុលត្រលប់ទៅវិញ ក្នុងកាលៈទេសៈលំបាកក្រោយវិបត្តិ នៃជំងឺកូវីដ-១៩ និងវិបត្តិសេដ្ឋកិច្ចនាពេលបច្ចុប្បន្ន។- សម្តេចតេជោ ហ៊ុន សែន អំពាវនាវដល់ធនាគារ និងគ្រឹះស្ថានមីក្រូហិរញ្ញវត្ថុទាំងអស់ ឱ្យអនុវត្តចំណាត់ការតាមផ្លូវច្បាប់ដោយគ្មានការលើកលែង ចំពោះបក្សនយោបាយ ឬបុគ្គលណាក៏ដោយ ដែលញុះញង់ និងឃោសនាប្រជាពលរដ្ឋ មិនឱ្យសងត្រឡប់ ឬចេញមកនិយាយបំផុសចលនាមិនឱ្យសងបំណុល។- សម្តេចតេជោ ហ៊ុន សែន បានជំរុញឱ្យ«គ្រូជោគជ័យ»ប្រឹងប្រែងរៀនសូត្រពីរបៀបនិយាយឡើងវិញ និងសិក្សាអក្សរសាស្ត្រខ្មែរឱ្យបានច្បាស់លាស់ មុននឹងនិយាយ ឬធ្វើបទបង្ហាញផ្សេងៗ។- សម្តេចតេជោបានផ្តល់ទស្សនៈថា «ចង់និយាយឱ្យគេស្តាប់ ត្រូវមើលឱ្យច្បាស់ថានរណាកំពុងនៅពីមុខ ឬកំពុងស្តាប់យើង»។- សម្តេចតេជោ ហ៊ុន សែន បានបញ្ជាក់ថា នៅលើលោកនេះគ្មាននរនាចេះអស់នោះទេ ឬដឹងសព្វគ្រប់ទេ ដោយសម្តេចចាត់ទុកមនុស្សទាំងអស់ជាគ្រូរបស់សម្តេច ឱ្យតែពួកគេចេះជាង ឬមានគំនិតថ្មីជាងសម្តេច ដែលអាចឱ្យសម្តេចរៀនសូត្របាន។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤៧នាទី

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងការពារជាតិកម្ពុជាច្រានចោលទាំងស្រុងការចោទប្រកាន់ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃដោយសារការផ្ទុះគ្រាប់មីន
07/23/2025 10:07 PM
Facebook Telegram Linkin
ឯកឧត្តមសាស្រ្តាចារ្យ ឈាង រ៉ា អញ្ជើញប្រកាសដាក់ឱ្យប្រើប្រាស់នីតិវិធីប្រតិបត្តិស្តង់ដាជាតិ សម្រាប់ប្រព័ន្ធកត់ត្រាជំងឺមហារីក បែបប្រជាសាស្ត្រ
07/23/2025 08:07 PM
Facebook Telegram Linkin
ជំនួយស្បៀងអាហារដល់ពលរដ្ឋនីហ្សេរីយ៉ា ១,៣លាននាក់ ស្ថិតក្នុងហានិភ័យ ដោយសារអស់ស្តុក
07/23/2025 08:07 PM
Facebook Telegram Linkin
ឯកឧត្តម ហេង រតនា៖គ្រាប់មីនដែលទាហានថៃជាន់បណ្តាលឲ្យដាច់ជើងនៅតំបន់មុំបីជាមីនចាស់បើមីនថ្មីមិនត្រឹមតែដាច់ជើងទេគឺអាចដល់ស្លាប់
07/23/2025 08:07 PM
Facebook Telegram Linkin
ម្លប់ ទឹក និងភេសជ្ជៈ ជួយតំបន់បាល់កង់ទប់ទល់នឹងរលកកម្តៅធ្ងន់ធ្ងរនារដូវក្តៅ
07/23/2025 08:07 PM
Facebook Telegram Linkin
គណៈប្រតិភូអ៊ុយក្រែនជួបប្រធានាធិបតីទួរគីលោក Erdogan មុនកិច្ចប្រជុំជាមួយរុស្ស៊ី
07/23/2025 08:07 PM
Facebook Telegram Linkin
អ៊ីតាលី និងអាល់ហ្សេរី ព្រមព្រៀងធ្វើការ ដើម្បីដោះស្រាយបញ្ហាអំពើភេរវកម្ម និងជនអន្តោប្រវេសន៍
07/23/2025 08:07 PM
Facebook Telegram Linkin
EU នឹងដាក់វិធានការតបតលើទំនិញអាមេរិក ដើម្បីបញ្ចៀសការដំឡើងពន្ធ
07/23/2025 08:07 PM
Facebook Telegram Linkin
ទិវាវាយតម្លៃទទួលស្គាល់ គាំទ្រដល់ SME ប្រើប្រាស់សេវាកម្មវាយតម្លៃទទួលស្គាល់ក្នុងដំណើរការអាជីវកម្ម
07/23/2025 08:07 PM
Facebook Telegram Linkin
បាតុករលីបង់ នៅទីក្រុងបេរូតនាំគ្នាតវ៉ាប្រឆាំងវិបត្តិស្រេកឃ្លាននៅតំបន់ហ្កាហ្សា
07/23/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.