នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបន្តបើកឱ្យឆ្លងកាត់រហូតដល់ថ្ងៃទី១ ខែតុលា ឆ្នាំ២០២៥ ដោយសារទឹកទន្លេបន្តហក់ឡើង និងដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

នយោបាយ​ និង ការអភិវឌ្ឍន៍

សម្តេចតេជោ បញ្ជាក់ជាថ្មី កុំឱ្យមានការភ័ន្តច្រឡំអំពីកាលបរិច្ឆេទថ្ងៃចាប់ផ្តើមនៃនបាយឈ្នះ-ឈ្នះ

2023/02/27 10:47:41 am        233
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសថា «សូមឱ្យបំបាត់ការភ័ន្តច្រឡំ អំពីកាលបរិច្ឆេទនៃនយោបាយ ឈ្នះ ឈ្នះ ដែលថា នយោបាយឈ្នះ-ឈ្នះបានចាប់ផ្តើមនៅឆ្នាំ១៩៩៨ នោះ។ក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និង គរុនិស្សិតបច្ចេកទេស ជ័យលាភី នៃវិទ្យាស្ថានជាតិបណ្តុះបណ្តាលបច្ចេកទេស សរុបចំនួន ៥.៤៥០ នាក់ នៅមជ្ឈមណ្ឌលសន្និបាតនិងពិព័រណ៍អន្តរជាតិជ្រោយចង្វា នាព្រឹកថ្ងៃទី២៧កុម្ភៈនេះ សម្តេចតេជោ ហ៊ុន សែន បានរំលឹកថា នយោបាយឈ្នះ-ឈ្នះ បានចាប់ផ្តើមអនុវត្តកាលនៅឆ្នាំ​១៩៩៨ នោះជាការខុស និងសូមឱ្យមានការកែតម្រូវក្នុងក្របខណ្ឌទូទាំងប្រទេស។សម្តេចបញ្ជាក់ថា នយោបាយ ឈ្នះ-ឈ្នះ បានចាប់ផ្តើម នៅឆ្នាំ១៩៩៦ និងបញ្ចប់នៅឆ្នាំ១៩៩៨។សម្តេចតេជោ បានបន្តរំលឹកថាខ្មែរក្រហមបើទោះខ្លាំងយ៉ាងណាក៏ដោយ ក៏មិន អាចគ្រប់គ្រង​កម្លាំងរបស់ខ្លួនបាន ទាំងអស់ដែរ។ សម្តេចថា អ៊ុនតាក៏ចូលមកកម្ពុជា និងចាយលុយ អស់យ៉ាង​ច្រើន​សន្ធឹកសន្ធាប់ បានដកចេញពីកម្ពុជាវិញ ដោយបន្សល់ទុកឱ្យកម្ពុជា មានតំបន់ត្រួតត្រាច្រើន និងមានការផ្ទុះអាវុធគ្រប់ទីកន្លែង។សម្តេចបានប្រកាសថា នយោបាយឈ្នះ ឈ្នះ និងការកាត់ទោស មេដឹកនាំជាន់ខ្ពស់ និង អ្នកទទួលខុសត្រូវខ្ពស់បំផុត ខ្មែរក្រហម មិនមែនចែងក្នុងកិច្ចព្រមព្រៀងសន្តិភាពទីក្រុងប៉ារីសទេ។ ទាក់ទងនឹងនយោបាយឈ្នះ-ឈ្នះនេះ សម្តេចក៏បានផ្ញើសារដល់គ្រូអួត ខាងកិច្ចព្រមព្រៀង​សន្តិភាពទីក្រុងប៉ារីស សូមយល់ឱ្យច្បាស់ កុំ ចេះតែប៉ប៉ោចប៉ប៉ោចតាម ប្រព័ន្ធផ្សព្វផ្សាយ ដោយ មិនដឹងរឿងពិតជាក់ស្តែង៕

សម្តេចតេជោ៖ កម្ពុជានឹងចុះកិច្ចព្រមព្រៀងទីផ្សាសេរីជាមួយប្រទេសអារ៉ាប់អេមីរ៉េត នាពេលដ៏ខ្លីខាងមុខនេះ

2023/02/27 10:39:15 am        165
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានថ្លែងថា ក្នុងរយៈពេលដ៏ខ្លីខាងមុខនេះកម្ពុជា នឹងចុះកិច្ចព្រមព្រៀងទីផ្សាសេរីជាមួយប្រទេសអារ៉ាប់អេមីរ៉េត ហើយក៏កំពុងត្រៀមខ្លួនចុះទីផ្សាសេរីនេះជាមួយប្រទេសមួយចំនួនទៀតផងដែរ ខណៈបច្ចុប្បន្នកម្ពុជាបានចុះកិច្ចព្រមព្រៀងទីផ្សាសេរីជាមួយប្រទេស ចំនួនពីររួចមកហើយ គឺប្រទេសចិន និងកូរ៉េខាងត្បូង។ថ្លែងនៅក្នុងអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងគរុនិស្សិតបច្ចេកទេសជ័យលាភី នៃវិទ្យាស្ថានជាតិបណ្តុះបណ្តាលបច្ចេកទេស សរុបចំនួន ៥.៤៥០នាក់ នាព្រឹកថ្ងៃទី២៧ ខែកុម្ភៈ ឆ្នាំ២០២៣នេះ នៅមណ្ឌលសន្និបាត និងពិព័រណ៍អន្តរជាតិ​ជ្រោយចង្វារ សម្តេចតេជោ ហ៊ុន សែន បានបញ្ជាក់ថា កម្ពុជានឹងមានកិច្ច​ព្រមព្រៀង​ទីផ្សាសេរីជាមួយប្រទេសជាមិត្តជាច្រើនទៀតដើម្បីផល ប្រយោជន៍របស់ប្រជាជន និងប្រទេសកម្ពុជា ហើយក៏ស្របពេលដែលកម្ពុជា​កំពុងផ្តល់ឱកាសកាន់តែច្រើន​ក្នុងការបណ្តុះ​បណ្តាល​ជំនាញដល់ប្រជាជនរបស់ខ្លួនផងដែរ។សូមបញ្ជាក់ថា កម្ពុជាបានចុះកិច្ចព្រមព្រៀងទីផ្សាសេរីជាមួយ និងប្រទេសចិន កាលពីថ្ងៃទី១ ខែ មករា ឆ្នាំ២០២២កន្លងទៅនេះ ខណៈជាមួយប្រទេសកូរ៉េខាងត្បូងនាថ្ងៃទី១ ខែធ្នូ ឆ្នាំ២០២២ ហើយបាន ចុះកិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយជាតំបន់(RCEP) នៅថ្ងៃទី១ ខែមករា ឆ្នាំ២០២២ ផងដែរ។ ក្រោយកម្ពុជាបានចុះកិច្ចព្រមព្រៀងជាមួយបណ្តាប្រទេសខាងលើនេះ បានជំរុញឲ្យពាណិជ្ជកម្ម និងវិនិយោគរបស់កម្ពុជាកាន់តែច្រើនបន្ថែមទៀត។សម្តេចតេជោ ហ៊ុន សែន បានបញ្ជាក់ផងដែរថា ការដែលបរទេសសម្រេចមក​ដាក់ទុនធ្វើការ​វិនិយោគជាមួយប្រទេសកម្ពុជានេះគឺដោយសារកម្ពុជាមានសុខសន្តិភាព គ្មានអំពើភេរវកម្ម គ្មានភាពវឹកវរអំពីស្ថានភាពនយោបាយជាដើម៕អត្ថបទ៖ បាន ចក់

សម្តេចតេជោ៖ អ្នកដែលចង់កំចាត់សម្តេចចោល គឺមិនទាន់ចាប់កំណើតក្នុងផ្ទៃម្តាយគេនោះទេ

2023/02/27 10:32:30 am        204
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងជាថ្មីម្តងទៀតថា នាពេលបច្ចុប្បន្ន​នេះអ្នក ដែលចង់កំចាត់សម្តេចចោលនោះ គឺមិនទាន់បានចាប់កំណើតក្នុងផ្ទៃម្តាយ​របស់គេនោះទេ ខណៈសម្តេចបានមានប្រសាសន៍បែបនេះ គឺចង់ចំអកឲ្យបុគ្គលពាលម្នាក់ ដែលកំពុងរត់ចោលស្រុកនោះ។ថ្លែងនៅក្នុងអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងគរុនិស្សិតបច្ចេកទេសជ័យលាភី នៃវិទ្យាស្ថានជាតិបណ្តុះបណ្តាលបច្ចេកទេស សរុបចំនួន ៥.៤៥០នាក់ នាព្រឹកថ្ងៃទី២៧ ខែកុម្ភៈ ឆ្នាំ២០២៣នេះ នៅមណ្ឌលសន្និបាត និងពិព័រណ៍​អន្តរជាតិជ្រោយចង្វារ សម្តេចតេជោ ហ៊ុន សែន បានសង្កត់ធ្ងន់ថា មានកូនក្មេង​ម្នាក់(បុគ្គល ស៊ន ដារ៉ា) ដែលកំពុងរស់នៅក្រៅប្រទេសនោះ កំពុងធ្វើឬក និង​មហិច្ឆតា​ស្មើនឹងមេរបស់ខ្លួន ហើយក៏បានតាំងខ្លួនថា ចង់កំចាត់សម្តេចចោលផងដែរនោះ។ទាក់ទងនឹងក្មេងពាលម្នាក់នេះសម្តេចតេជោ ក៏បានមានប្រសាសន៍នាពេលកន្លងទៅផងដែរ ដោយសម្តេចបានលើកឡើងថា សម្តេចពិតជាគួរឲ្យហួសចិត្ត ចំពោះបុគ្គល ស៊ន ដារ៉ា បានលើកជាយោបល់បើកការចរចាជាមួយសម្តេចដោយភ្ជាប់មកជាមួយ​លក្ខខ័ណ្ឌ​៤​ ក្នុងនោះលក្ខខ័ណ្ឌទីមួយគឺ ស៊ន ដារ៉ា ត្រូវតែធ្វើជាបេក្ខជននាយករដ្ឋមន្ត្រី របស់គណបក្ស​ប្រជាជនទើប ស៊ន ដារ៉ា ព្រមចូលរួមជាមួយគណបក្សប្រជាជន។ ស៊ន ដារ៉ា បាននិយាយថា​គាត់ជា​សត្វ ឥន្ទ្រី​ដែលពេលមុនគាត់ថា ហ៊ុន ម៉ាណែត ជាសត្វគីង្គក់។នេះជាការប្រៀបធៀបបែបប្រមាថ។ គាត់បានបន្ថែមថា ព្រហ្មលិខិតបានបង្កើត ហ៊ុន សែន មកសម្រាប់បង្រ្កាបប៉ុល ពតឯព្រះបាន​បង្កើតស៊ន ដារ៉ាមកដើម្បីបង្រ្កាបហ៊ុន សែន។ ពេលនោះសម្តេចបាន ផ្តាំទៅ ស៊ន ដារ៉ាវិញថា កុំថាឡើយចង់ក្លាយជាបេក្ខជននាយករដ្ឋមន្ត្រីរបស់គណបក្យប្រជាជន សូម្បីតែចង់ក្លាយជា​សមាជិក​គណបក្យប្រជាជនក៏មិនបានផងព្រោះ ស៊ន ដារ៉ា កំពុងមានរឿងនៅតុលាការ។សម្តេចបាន​សង្កត់ធ្ងន់ទៀតថា«ក្មួយលើកខ្លួនឯងហួសជ្រុលហើយ។ ឯពាក្យក្មួយថា​ព្រះបង្កើតក្មួយ​មកដើម្បីបង្រ្កាបហ៊ុន សែនតាមការគិតរបស់ពូអ្នកដែលបង្រ្កាបហ៊ុន សែន បានមកដល់ពេលនេះមិនទាន់កើតចេញពីផ្ទៃម្តាយនៅឡើយទេ។ ក្មួយកំពុងចាត់ទុកខ្លួនឯងជាសត្វឥន្ទ្រីជាអ្នកមានបុណ្យតើក្មួយចេះ​ខ្មាសអៀន​ទេ​នៅពេលនិយាយដល់រឿងរបៀបនេះ។ ឈប់បានឈប់ទៅក្មួយអាណិតឪពុកម្តាយដែល​ខំដង្ហើយហៅកូន។សព្វថ្ងៃក្មួយជួយខ្លួនឯងមិនបានផងចង់ក្លាយខ្លួនជានាយករដ្ឋមន្ត្រី ឬចង់មកបង្ក្រាបហ៊ុន សែន គឺរឿងយល់សប្តិទាំងថ្ងៃ»។ក្នុងអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងគរុនិស្សិត​បច្ចេកទេសជ័យ​លាភីនោះដែរ សម្តេចតេជោ ក៏បានចំអកឲ្យបុគ្គលស៊ន ដារ៉ា និងមេរបស់ខ្លួន ថាមិនទាន់ដឹងអីផងអាមេ និងអាកូន ដណ្តើមគ្នាធ្វើជានាយករដ្ឋមន្រ្តីបាត់ហើយ៕អត្ថបទ៖ បាន ចក់

សម្តេចតេជោ៖ សម័យបក់ផ្លិតបានទៅឆ្ងាយចង់អស់ពីយើងគ្រប់ៗគ្នាហើយនាពេលបច្ចុប្បន្ន

2023/02/27 10:17:07 am        257
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងថា សម័យបក់ផ្លិតវាបានទៅឆ្ងាយ​ពីយើងគ្រប់គ្នាចង់អស់ហើយ ខណៈសព្វថ្ងៃគឺមានភ្លើងអគ្គិសនីស្ទើតែគ្រប់ទីកន្លែង ពោលគឺ​ជាង៩០ភាគរយ​នៃភូមិនៅទូទាំងប្រទេសតែម្តង។ថ្លែងនៅក្នុងអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងគរុនិស្សិតបច្ចេកទេសជ័យលាភី នៃវិទ្យាស្ថានជាតិបណ្តុះបណ្តាលបច្ចេកទេស សរុបចំនួន ៥.៤៥០នាក់ នាព្រឹកថ្ងៃទី២៧ ខែកុម្ភៈ ឆ្នាំ២០២៣នេះ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ សម្តេចតេជោ ហ៊ុន សែន បានលើកឡើងថា សព្វថ្ងៃនេះអគ្គិសនីស្ទើតែមានគ្រប់ទីកន្លែង ហើយប្រជាពលរដ្ឋបានប្រើប្រាស់ នូវកង្ហា និងម៉ាស៊ីនត្រជាក់ជំនួសនូវផ្លិត ដោយកាលមុនទៅទៅណាកន្លែងណាក៏មានផ្លិតជាប់នឹងដៃដែរ។នៅក្នុងឱកាសនោះដែរ សម្តេចតេជោ ហ៊ុន សែន ក៏បានលើកឡើងផងដែរថា នាពេលបច្ចុប្បន្ននេះ ប្រទេសកម្ពុជាកំពុងមានសុខសន្តិភាព និងការអភិវឌ្ឍលើគ្រប់វិស័យជាបន្តបន្ទាប់ ហើយវិស័យ​អគ្គិសនី ទឹកស្អាត ក៏បានកំពុងពង្រីងជាបន្តបន្ទាប់បន្ថែមទៀតឲ្យគ្រប់ភូមិឃុំ នៅទូទាំងប្រទេស៕អត្ថបទ៖ បាន ចក់

សម្ដេចតេជោ ហ៊ុន សែន ប្រើប្រាស់យុទ្ធវិធី ៣ យ៉ាង ធ្វើឱ្យអង្គការចាត់តាំងខ្មែរក្រហមរលាយ

2023/02/27 10:06:48 am        199
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន មានប្រសាសន៍បញ្ជាក់ថា កាលពីឆ្នាំ១៩៧៩ ដល់ឆ្នាំ១៩៧៥ ប្រទេសកម្ពុជាបែងចែកជាពីរ ដល់ឆ្នាំ ១៩៧៥ ដល់ ១៩៧៩ ជារបបប្រល័យពូជសាសន៍ប៉ុល ពត ក៏ប៉ុន្ដែ ប៉ុល ពត ក៏គ្មានសមត្ថភាពគ្រប់គ្រងទឹកដីទាំងអស់ដែរ។ឆ្នាំ ១៩៧៩ ដល់ឆ្នាំ១៩៩៣ កម្ពុជាមួយបានបែងចែកតំបន់ត្រួតត្រា ៤ តំបន់ ឡើងវិញ ក្នុងនោះតំបន់គ្រប់គ្រងទី១ គឺរដ្ឋកម្ពុជា តំបន់ត្រួតត្រាទី២ គឺខ្មែរក្រហម តំបន់ត្រួតត្រាទី៣ គឺហ្វុនសិនប៉ិកតំបន់ត្រួតត្រាទី៤ គឺរណសិរ្សរំដោះជាតិប្រជាពលរដ្ឋខ្មែរ។ សម្ដេចបញ្ជាក់ថា ក្នុងឆ្នាំ១៩៩៣ កម្លាំង៣ បានរួបរួមគ្នា គឺ រដ្ឋកម្ពុជា ហ៊្វុនស៊ិនប៉ិច និងរណសិរ្សរំដោះជាតិប្រជាពលរដ្ឋខ្មែរ មកចូលរួមរដ្ឋាភិបាលចម្រុះជាមួយគ្នា ប៉ុន្ដែពេលនោះប្រទេសកម្ពុជានៅតែបែងចែកជាតំបន់ត្រួតត្រា ២ និងកម្លាំងប្រដាប់អាវុធ ២ រដ្ឋាភិបាល ២ ទៅទៀត ដោយ ខៀវ សំផន បោះទាំងលុយចាយនៅតំបន់អន្លង់វែង។ រវាងរដ្ឋាភិបាលដែលម្ខាងដែលចេញពីការបោះឆ្នោតរៀបរៀងដោយអ៊ុនតាក់តាមរយៈការបោះឆ្នោត ក្នុងតំណាក់កាលនោះ ក៏បានសាកល្បងប្រើកម្លាំងយោធា រៀបទាំងការសាកល្បងវាយចូលប៉ៃលិន ប៉ុន្ដែទីចុងបំផុតមិនអាចឈរជើងបានទេ។ សម្ដេចតេជោបញ្ជាក់ថា ដូច្នេះសម្ដេចបានប្រើនូវយុទ្ធសាស្រ្ដនយោបាយ ឈ្នះ ឈ្នះ ដែលដាក់ចេញ ចំណុចសំខាន់ចំនួន ៣ បន្ទាប់ពីសម្ដេចបានហៅអ្នកពាក់ព័ន្ធនាពេលនោះមកជួប ក្នុងនោះទី១ ធានាជីវិត និងរូបកាយរបស់គេ អ្នកដែលផ្ដាច់ខ្លួនចេញពីខ្មែរក្រហមមិនត្រូវបានចាប់ចង់ ធ្វើបាប ឬសម្លាប់ទេ ទី២ធានាអាជីព និងមុខរបរ បានសេចក្ដីថា អ្នកចុះចូលបើធ្លាប់ធ្វើការងារអ្វីគឺបន្ត​ធ្វើការងារនោះវិញ និងទី៣ ធានាកម្មសិទ្ធិលើទ្រព្យសម្បត្តិរបស់គេ ទាំងចលនទ្រព្យ និងអចលនទ្រព្យ។ ចំណុចទាំង៣នេះ គឺគ្រប់គ្រាន់ដើម្បីធ្វើឱ្យអង្គការចាត់តាំង នយោបាយ និងយោធារសប់ខ្មែរក្រហម រលំរលាយ។ អ៊ីចឹង ការធ្វើនយោបាយ ឈ្នះ ឈ្នះ មិនមែនធ្វើតែ​នៅថ្ងៃទី២៩ ខែធ្នូ ឆ្នាំ ១៩៩៨ ទេ គឺដំណើការនេះប្រតិបត្តិករ​ទាំងឡាយត្រូវផ្សងព្រេង​ជាមួយគ្រោះថ្នាក់ ដើម្បីគោលដៅក្នុងការបញ្ចប់សង្គ្រាម រហូតទទួលបានជោគជ័យ ដែលកម្ពុជាមិនធ្លាប់មានក្នុងរយៈពេល ៥០០ ឆ្នាំកន្លងមកនេះ៕

ប្រសាសន៍សំខាន់ៗរបស់សម្តេចតេជោ ក្នុងឱកាសអញ្ជើញជាអធិបតី ប្រគល់សញ្ញាបត្រជូនដល់គរុនិស្សិតបច្ចេកទេស

2023/02/27 09:33:24 am        256
Facebook Telegram Linkin
ភ្នំពេញ៖ ប្រសាសន៍សំខាន់ៗរបស់សម្តេចតេជោ ហ៊ុន សែន នាយករដ្ឋមន្ត្រី ក្នុងឱកាសអញ្ជើញជាអធិបតីដ៏ខ្ពង់ខ្ពស់ ប្រគល់សញ្ញាបត្រជូនដល់គរុនិស្សិតបច្ចេកទេស និងនិស្សិតនៃវិទ្យាស្ថានជាតិបណ្តុះបណ្តាលបច្ចេកទេស នៅមជ្ឈមណ្ឌលសន្និបាត និងពិព័រណ៍ជ្រោយចង្វារ នៅថ្ងៃទី២៧ ខែកុម្ភៈ ឆ្នាំ២០២៣។ក្នុងឱកាសនោះ សម្តេចតេជោ ហ៊ុន សែន មានប្រសាសន៍ថា គិតត្រឹមថ្ងៃទី២៧ ខែកុម្ភៈ ឆ្នាំ២០២៣នេះ សល់រយៈពេលតែ ៦៨ថ្ងៃទៀតប៉ុណ្ណោះ នៃដំណើរឆ្ពោះទៅធ្វើម្ចាស់ផ្ទះ នៃការប្រកួតកីឡាស៊ីហ្គេម លើកទី៣២ ដែលត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ បន្ទាប់ពីកម្ពុជាបានរង់ចាំព្រឹត្តិការណ៍នេះជាង៦០ឆ្នាំមកហើយ។សម្តេចតេជោ ហ៊ុន សែន បានរំលឹកអតីកាល នៃការបណ្តុះបណ្តាលជំនាញបច្ចេកទេសនៅកម្ពុជា ដែលពេលនោះ គឺមានការលំបាកខ្លាំងណាស់។ សម្តេចតេជោ បានដឹកនាំការធ្វើកំណែទម្រង់ចាប់ពីឆ្នាំ១៩៨៥មក រហូតដល់មានលទ្ធផលល្អប្រសើរមកទល់ពេលបច្ចុប្បន្ននេះ។សម្តេចតេជោ ហ៊ុន សែន ប្រកាសថា អតីតកាលខេត្តក្រចេះ គឺជាខេត្តមួយដែលមានកំណែទម្រង់លំបាក ក្នុងនោះរួមាន៖ កំណែទម្រង់បញ្ហាដីធ្លីផងដែរ។ ខេត្តក្រចេះ គឺជាខេត្តផលិតទូកកាណូត តែពេលនោះគឺផលិតពីឈើ មិនមែនពីដែកដូចពេលបច្ចុប្បន្ននេះឡើយ ក៏ប៉ុន្តែអ្វីៗបានកែទម្រង់កាន់តែល្អប្រសើរឡើង។សម្តេចតេជោ ហ៊ុន សែន ប្រកាសថា ប្រសិនបើគ្មានរដ្ឋប្រហារឆ្នាំ១៩៧០ មិនដឹងប្រទេសកម្ពុជាមានការរីកចម្រើនដល់ណានោះទេ..!។ សម្តេចបញ្ជាក់ថា ពេលនោះ ប្រជាពលរដ្ឋកម្ពុជា មានប្រាក់ចំណូលច្រើនជាងប្រជាជនប្រទេសកូរ៉េខាងត្បូងទៅទៀត តែពេលនេះកូរ៉េខាងត្បូងបានទៅមុខយ៉ាងឆ្ងាយ ដោយសារកំហុស នៃការធ្វើរដ្ឋប្រហារទម្លាក់អង្គសម្តេចឪ។សម្តេចតេជោ ហ៊ុន សែន ប្រកាសថា គ្មានបរទេសណា ទៅវិនិយោគនៅប្រទេស ដែលគ្មានសន្តិភាព និងគ្មានស្ថិរភាពនយោបាយនោះទេ។ សម្តេចបញ្ជាក់ថា លំហ នៃសុខសន្តិភាព គឺជាកត្តាហុតផលដល់ប្រជាជនយ៉ាងពិតប្រាកដ។សម្តេចតេជោ ហ៊ុន សែន ប្រកាសដល់បរទេស និងផ្នែកពាក់ព័ន្ធនានា សូមកុំមើលកម្ពុជាតែមួយជ្រុងណាមួយនោះឡើយ។ កម្ពុជាបានប្រឹងប្រែងយ៉ាងខ្លាំង ធ្វើឱ្យល្អប្រសើរឡើង នៃទំនាក់ទំនង កម្រិតការទូត និងផ្នែកពាក់ព័ន្ធផ្សេងៗទៀត ដើម្បីវឌ្ឍនភាពកម្ពុជា ក្រោមម្លប់នៃសុខសន្តិភាព។សម្តេចតេជោ ហ៊ុន សែន ប្រកាសថា ជំនាញបច្ចេកទេស គឺជាជំនាញត្រូវនឹងតម្រូវការចាំបាច់ នៃសង្គមបច្ចុប្បន្ន ដែលយើងត្រូវបង្កើន និងពង្រឹងឱ្យកាន់តែល្អប្រសើរថែមទៀត។ ទន្ទឹមនឹងនោះ សម្តេចក៏សូមឱ្យមានការចាប់អារម្មណ៍លើជំនាញវិជ្ជាជីវៈដូនតាដូចជា៖ ចម្លាក់ តម្បាញ...ជាដើម ដែលរដ្ឋកំពុងតែគាំពារ និងលើកទឹកចិត្ត។សម្ដេចតេជោ ហ៊ុន សែន ប្រកាសថា ការបណ្ដុះបណ្ដាលជំនាញវិជ្ជាជីវៈនេះមានតម្រូវការកាន់តែធំ ដូច្នេះទើបសម្ដេចតេជោបានដាក់ចេញផែនការគោនយោបាយឱ្យក្រសួងការងារ និងស្ថាប័នពាក់ព័ន្ធធ្វើការបណ្ដុះបណ្ដាលលើជំនាញវិជ្ជាជីវៈនេះដល់សិស្សនិស្សិតកម្ពុជាប្រមាណ ១,៥ លាននាក់នៅឆ្នាំក្រោយ។សម្ដេចតេជោ ហ៊ុន សែនប្រកាសថា នៅថ្ងៃនេះបានចែកសញ្ញាបត្រដល់និស្សិតជយលាភីជាង ៥ ពាន់នាក់ ខណៈ ពេលឥឡូវនេះតម្រូវការជំនាញបច្ចេកទេស មានតម្រូវការកាន់តែធំឡើងៗ ពិសេសទាក់ទងនឹងក្រុមហ៊ុន វិនិយោគបរទេសដែលកំពុងមានតម្រូវការជំនាញបច្ចេកទេសនេះខ្លាំង។សម្តេចតេជោ ហ៊ុន សែន បានថ្លែងថា សម័យបក់ផ្លិតវាបានទៅឆ្ងាយពីយើងគ្រប់គ្នាចង់អស់ហើយ ខណៈសព្វថ្ងៃគឺមានភ្លើងអគ្គិសនីស្ទើតែគ្រប់ទីកន្លែង ពោលគឺជាង៩០ភាគរយនៃភូមិនៅទូទាំងប្រទេសតែម្តង។សម្តេចតេជោ ហ៊ុន សែន ប្រកាសថា កម្ពុជា គឺជាប្រទេសនាំចេញគ្រាប់ស្វាចន្ទីមិនទាន់កែច្នៃច្រើនរហូតដល់ ១លានតោន ក្នុងមួយឆ្នាំ ខណៈដែលគ្រាប់ស្វាយចន្ទីកែច្នៃរួចមានកម្រិតតិចតួចនៅឡើយ ដែលផលិតទាំងនោះ សម្រាប់តម្រូវការនៅក្នុងស្រុកតែប៉ុណ្ណោះ។សម្ដេចតេជោ ហ៊ុន សែនបញ្ជាក់ថា នាពេលខាងមុខ កម្ពុជាកំពុងទាក់ទាញអ្នកវិនិយោគមកកាន់ប្រទេសកម្ពុជា សម្ដេចតេជោ តែងតែប្រាប់ទៅបរទេសឱ្យអ្នកវិនិយោគយកចិត្តទុកដាក់លើការវិយោគលើឧស្សាហកម្មកែឆ្នៃ ដែលធនធានកម្ពុជាមានស្រាប់ ផ្នែកនេះទៅមុខកម្ពុជា នឹងក្លាយទៅជាអ្នកខ្លាំងមួយក្នុងចំណោមអ្នកខ្លាំងលើការចែកចាយនេះ។សម្តេចតេជោ ប្រកាសថា កម្ពុជាមិនទាន់មានសមត្ថភាពក្នុងការកែច្នៃផលិតកសិកម្មបានច្រើននៅឡើងទេ ដូចជា៖ ស្រូវ អង្ករជាច្រើន ដែលទាមទារឱ្យមានកិច្ចខិតខំប្រឹងប្រែង និងការចូលរួមវិនិយោគពីដៃគូសហការនានា។សម្តេចតេជោ ហ៊ុន សែន ប្រកាសថា ពីមុនកសិកម្មស្រូវនៅកម្ពុជា គ្រាន់តែធ្វើឡើងដើម្បីហូបគ្រប់គ្រាន់តែប៉ុណ្ណោះ។ មកទល់ពេលកម្ពុជាសល់ស្រូវ-អង្ករយ៉ាងច្រើន ដែលទាមឱ្យមានការវិនិយោគ និងផ្តល់ទុនដល់រោងម៉ាស៊ីនកិនស្រូវ ដើម្បីកែច្នៃ និងសម្ងួត។សម្ដេចតេជោ ហ៊ុន សែន បញ្ជាក់ថា កម្ពុជាចង់ទាក់ទាញអ្នកវិនិយោគមកវិនិយោគលើការកែច្នៃវត្ថុធាតុដើម ដែលមានក្នុងស្រុក ពីព្រោះកម្ពុជាមានធនធានសម្រាប់កែច្នៃ ប៉ុន្ដែនៅខ្វះសម្ភារៈបច្ចេកទេសសម្រាប់ការ​កែច្នៃ​លើផលិតផលនានា ដែលមាននៅក្នុងស្រុកក្នុងនោះមានដូចជា ស្រូវអង្ក កៅស៊ូ ដំឡូងមី និងគ្រាប់ស្វាយចន្ទីជាដើម។សម្តេចតេជោ ហ៊ុន សែន បញ្ជាក់ថា ក្រុមហ៊ុនជប៉ុនឈ្មោះ មីនីបៀ ពីដាក់ទុនវិនិយោគនៅកម្ពុជាតែខ្ទង់ ៣០លានដុល្លារអាមេរិកប៉ុណ្ណោះ តែពេលនេះទំហំវិនិយោគមានប្រមាណ១០០០លានដុល្លារអាមេរិកទៅហើយ ដែលទំហំផលិតម៉ូទ័ររបស់មីនីបៀនៅកម្ពុជាប្រហាក់ប្រហែលនឹងការផលិតនៅប្រទេសថៃ។សម្ដេចតេជោ ហ៊ុន សែន ថ្លែងថា បច្ចុប្បន្ននៅកម្ពុជា កំពុងមាន ក្រុមហ៊ុនរថយន្តជាច្រើនក្នុងនោះមាន ក្រុមហ៊ុនក្រុមហ៊ុនហ្វត ហ៊ីយ៉ាន់ដាយ និងនាពេលខាងមុខនឹងបើកក្រុមហ៊ុន តូយ៉ូតា នៅតំបន់សេដ្ឋកិច្ចភ្នំពេញបន្ថែមទៀត។សម្ដេចតេជោ ហ៊ុន សែន បញ្ជាក់ថា កាលពីថ្ងៃមុនបណ្ដាអ្នកវិនិយោគក្រុមហ៊ុនធំៗដែលធ្វើដំណើរមកជាមួយប្រធានាធិបតីអាល្លឺម៉ង់ គឺមានបំណង់យកក្រុមហ៊ុនធំៗមកវិនិយោគនៅកម្ពុជា ដែលនេះគឺជាក្របខណ្ឌគោលនយោបាយក្នុងវិស័យឧស្សាហកម្មកម្ពុជា ដែលកំពុងត្រូវការអ្នកជំនាញបច្ចេកទេសជាច្រើននាពេលបច្ចុប្បន្ននេះ និងពេលអនាគត។សម្ដេចតេជោ ហ៊ុន សែន បញ្ជាក់ថា គ្មានការអភិវឌ្ឍណាមួយអាចរស់នៅបានក្រៅដំបូលសន្ដិភាពនោះទេ ដូច្នេះប្រទេសកម្ពុជា ត្រូវរក្សាឱ្យបាននូវសន្ដិភាព និងស្ថេរភាពនយោបាយ ព្រោះគ្មានអ្នកវិនិយោគណាមួយចូលមកវិនិយោគក្នុងប្រទេសដែលមានសង្គ្រាមនោះទេ។សម្តេចតេជោ ហ៊ុន សែន ប្រកាសថា «ហេតុអ្វី ហ៊ុន សែន បែរជាទៅតមាត់ជាមួយកូនក្មេងម្នាក់ទៅវិញ...!»។ ត្រង់ចំណុចនេះសម្តេចបញ្ជាក់ថា ដោយមានចាំបាច់ ទើបសម្តេចត្រូវធ្វើកិច្ចការនេះ ហើយនយោបាយគេធ្វើពេលនេះ គឺសម្រាប់៤-៥ឆ្នាំខាងមុខឯណោះ ទាល់កម្រិតសម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិទើបយល់។សម្ដេចតេជោ ហ៊ុន សែន ប្រកាសថា «សូមឱ្យបំបាត់ការភ័ន្តច្រឡំ នយោបាយ ឈ្នះ ឈ្នះ បានចប់នៅឆ្នាំ ១៩៩៨ គឺជាការបញ្ចប់នូវការអនុវត្ត ហើយបានចាប់ផ្ដើមអនុវត្តកាលពីខែកុម្ភៈ ឆ្នាំ១៩៩៦ ឯនោះ ដែលក្នុងពេលអនុវត្តសម្ដេចតេជោ បានចុះដោយផ្ទាល់តាមមូលដ្ឋានក្នុងការធ្វើសមាហរណកម្ម»។សម្តេចតេជោ ហ៊ុន សែន បញ្ជាក់ថា ពីអតីតកាលមក កម្ពុជាមានការបែកដាក់ច្រើនណាស់ ធ្វើឱ្យប្រទេសជាតិធ្លាក់ចូលទៅក្នុងជ្រោះ នៃគ្រោះមហន្តរាយ និងបង្កការលំបាកដល់ប្រជាពលរដ្ឋគ្រប់បែបយ៉ាង។សម្ដេចតេជោ ហ៊ុន សែន បានបញ្ជាក់ថា ជំនាន់នេះអ្នកបង្ក្រាបសម្ដេច គឺមិនទាន់កើតចេញពីពោះម្ដាយនៅឡើយទេ ហើយបើអ្នកមិនទាន់ចេះនយោបាយទេ សូមកុំចង់ធ្វើនយោបាយ។សម្តេចតេជោ ហ៊ុន សែន បានប្រកាសថា កូនក្មេងម្នាក់កំពុងរស់នៅក្រៅប្រទេស កំពុងចូលស៊ង នៃអន្ទាក់របស់សម្តេច ហើយក្មេងរូបនោះ រង់ចាំមើលលទ្ធផលរបស់ខ្លួននាពេលអនាគត។ សម្តេចតេជោ ហ៊ុន សែន បញ្ជាក់ថា «កូនក្មេងនោះ ដំឡើងឬក និងមហិច្ឆតាស្មើនឹងមេរបស់ខ្លួន តាមរយៈការទាមទារចង់ធ្វើជានាយករដ្ឋមន្ត្រី សម្រាប់ក្រុមរបស់គេ..[].»។សម្តេចតេជោ ហ៊ុន សែន ប្រកាសថា ខ្មែរក្រហមទោះខ្លាំងយ៉ាងណាក៏ដោយ ក៏មិនអាចគ្រប់កម្លាំងរបស់ខ្លួនបានទាំងអស់ដែរ។ អ៊ុនតាក់ចូលមកកម្ពុជា និងចាយលុយអស់យ៉ាងច្រើនសន្ធឹកសន្ធាប់ បានដកចេញពីកម្ពុជាវិញ ដោយបន្សល់ទុកឱ្យកម្ពុជាមានតំបន់ត្រួតត្រាច្រើន និងមានការផ្ទុះអាវុធគ្រប់ទីកន្លែង។សម្តេចតេជោ ហ៊ុន សែន ប្រកាសថា មិនយូរទេ កម្ពុជានឹងចាកចេញពីប្រទេសដែលមានកម្រិតការអភិវឌ្ឍតិចតួច ដែលចំណុចនេះ សម្តេចតេជោ ហ៊ុន សែន បែរជាមានការព្រួបារម្ភទៅវិញទេ ដោយសារអត្រាការប្រាក់ដែលកម្ពុជាខ្ចី នឹងលែងជាហិរញ្ញប្បទានសម្បទានទៀតហើយ គឺការប្រាក់ខ្ពស់ជាងមុន។សម្តេចតេជោ ហ៊ុន សែន ប្រកាសថា រាជរដ្ឋាភិបាកសម្រចបញ្ចេញថវិកាសាងសង់ស្ពាន ដែលមានតម្លៃប្រមាណ ២៣០លានដុល្លារអាមេរិក(ពីរទៅពីរមក) ដោយឆ្លងកាត់ខេត្តកណ្តាល ព្រៃវែង និងចូលទៅកាន់ខេត្តស្វាយរៀង ក្នុងគម្រោងផ្លូវល្បឿនលឿនភ្នំពេញ-បាវិត ដើម្បីសម្រួលដល់ការចំណាយអ្នកប្រើប្រាស់ផ្លូវល្បឿនលឿន។សម្តេចតេជោ ហ៊ុន សែន ប្រកាសអបអរសាទរ និងកោតសរសើរជាថ្មីដល់ចៅៗ ដែលទទួលបានជ័យជំនះក្នុងការប្រកួតកីឡាបាល់ទះមិត្តភាពអន្តរជាតិកម្ពុជា-បារាំង (យុវជនអាយុក្រោម ១៩ឆ្នាំ U19) ដែលទើបបានប្រកួតចប់នៅវិមានពហុកីឡដ្ឋានជាតិអូឡាំពិកកាលពីពេលថ្មីៗនេះ។ សម្តេចតេជោ ហ៊ុន សែន ជូនពរជូនពរចៅៗ ទទួលបានជោគជ័យក្នុងការប្រកួតនៅពេលក្រោយជាបន្តទៀត។សម្តេចតេជោ ហ៊ុន សែន ប្រកាសថា នយោបាយឈ្នះឈ្នះ និងការកាត់ទោសមេដឹកនាំជាន់ខ្ពស់ និងអ្នកទទួលខុសត្រូវខ្ពស់បំផុតខ្មែរក្រហម មិនមែនចែងក្នុងកិច្ចព្រមព្រៀងសន្តិភាពទីក្រុងប៉ាវីសទេ។ សម្តេចតេជោ ហ៊ុន សែន បានផ្ញើសារដល់គ្រូអួតខាងកិច្ចព្រមព្រៀងសន្តិភាពទីក្រុងប៉ារីសយល់ឱ្យច្បាស់ កុំចេះតែប៉ប៉ាចប៉ប៉ោចតាមប្រព័ន្ធផ្សព្វផ្សាយ ដោយមិនដឹងរឿងពិតជាក់ស្តែង៕

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ដល់គរុនិស្សិតបច្ចេកទេស និងនិស្សិតជាង ៥ពាន់នាក់

2023/02/27 07:26:34 am        280
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយក​រដ្ឋមន្ត្រី អញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និង គរុនិស្សិតបច្ចេកទេស ជ័យលាភី នៃវិទ្យាស្ថានជាតិបណ្តុះបណ្តាលបច្ចេកទេស សរុប ចំនួន ៥.៤៥០ នាក់ នាព្រឹកថ្ងៃទី២៧ ខែកុម្ភៈ ឆ្នាំ២០២៣ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ។គរុនិស្សិតបច្ចេកទេសរួមមានកម្រិតមូលដ្ឋាន កម្រិតឧត្តម និងនិស្សិតបច្ចេកវិទ្យាសរុបចំនួន ៥,៤៥០នាក់ ស្រី ៤២៧នាក់។ ក្នុងនោះគរុនិស្សិត និងនិស្សិត​មានពិការភាពចំនួន ៩នាក់ជាបុរស និងនិស្សិតអាហារូបករណ៍សម្តេចតេជោនាយករដ្ឋមន្ត្រីចំនួន​២៩នាក់ ក្នុងចំណោម ១៧០នាក់៕

ឯកឧត្តម ហ៊ុន ម៉ាណែត៖ការអប់រំបណ្តុះបណ្តាលបច្ចេកទេស និងវិជ្ជាជីវៈមានតួនាទីសំខាន់ក្នុងការអភិវឌ្ឍមូលធនមនុស្ស

2023/02/26 04:20:05 pm        261
Facebook Telegram Linkin
ភ្នំពេញ៖ ឯកឧត្តមបណ្ឌិត ហ៊ុន ម៉ាណែត បានថ្លែងថា ការអប់រំបណ្តុះបណ្តាលបច្ចេកទេស និង​វិជ្ជាជីវៈ(TVET) មានតួនាទីយ៉ាងសំខាន់ដោយមិនអាចខ្វះបាននោះឡើយ ក្នុងការ​អភិវឌ្ឍមូល​ធនមនុស្ស ខណៈកម្មវិធីនេះ រាជរដ្ឋាភិបាលកម្ពុជាដែលដឹកនាំ​ដោយគណបក្សប្រជាជនកម្ពុជានោះ បានកំពុងយកចិត្តទុកដាក់យ៉ាងខ្លាំង ដើម្បីផលប្រយោជន៍ប្រជាជន។ក្នុងឱកាសសំណេះសំណាលជាមួយនឹងសាស្ត្រាចារ្យលោកគ្រូ អ្នកគ្រូនៅតាមគ្រឺះស្ថាន​អប់រំ​បណ្តុះបណ្តាល​បច្ចេកទេស និងវិជ្ជាជីវៈសាធារណៈ និងឯកជន នាថ្ងៃទី២៦ ខែកុម្ភៈ ឆ្នាំ២០២៣នេះ ឯកឧត្តម ហ៊ុន ម៉ាណែត បានលើកឡើងថា «ការអប់រំបណ្តុះបណ្តាលបច្ចេកទេស និងវិជ្ជាជីវៈ(TVET) មានតួនាទីសំខាន់មិនអាចខ្វះបានក្នុងការអភិវឌ្ឍមូលធនមនុស្ស។ រាជរដ្ឋាភិបាលដឹកនាំដោយគណបក្សប្រជាជនកម្ពុជាបានខិតខំពង្រឹង និងពង្រីកការវិនិយោគ​និង​ការធ្វើបរិវត្តកម្ម TVET ដើម្បីផលិតមូលធនមនុស្សប្រកប​ដោយចំណេះដឹងទាំងផ្នែករឹង​ និងផ្នែកទន់ សំដៅឆ្លើយតបទៅនឹងតម្រូវការរបស់ទីផ្សារការងារក្នុងវិស័យ​ឧស្សាហកម្ម ​ទិសដៅអភិវឌ្ឍសង្គម-សេដ្ឋកិច្ច ​ជាពិសេសការប្រែប្រួលបច្ចេកវិទ្យា នៃបដិវត្តឧស្សាហកម្ម ៤.០»។ឯកឧត្តមបណ្ឌិត បានលើកឡើងទៀតថា នៅក្នុងឆ្នាំ ២០២៣នេះ កម្ពុជាកំពុង​បន្តរៀបចំ​ទិវាជាតិ​អប់រំ​បណ្តុះបណ្តាលបច្ចេកទេស ​និងវិជ្ជាជីវៈលើកទី៦ (TVET DAY) ក្រោមប្រធានបទ «TVET ផ្តល់​ជំនាញ និងការងារសមរម្យ» ក្នុងគោលបំណងលើកកម្ពស់ការអប់រំបណ្តុះបណ្តាលបច្ចេកទេស និង​វិជ្ជាជីវៈ ព្រមទាំងដើម្បីធ្វើការផ្សព្វផ្សាយទៅដល់សិស្សានុសិស្ស និស្សិត យុវជន មាតាបិតា អាណាព្យាបាល ​កម្មករនិយោជិត​ និយោជក និងផ្នែកឯកជនព្រមទាំងសាធារណជន ឱ្យបានយល់​ដឹងកាន់តែច្បាស់អំពីសារៈសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈក្នុងការអភិវឌ្ឍ​កម្លាំងពលកម្មជំនាញប្រកបដោយគុណភាព និងប្រសិទ្ធភាពឱ្យឆ្លើយតបទៅនឹងតម្រូវ​ការទីផ្សារ​ការងារទាំង​នៅក្នុងស្រុក ​និងក្រៅប្រទេសជាដើម។ជាមួយគ្នានោះដែរឯកឧត្តម ហ៊ុន ម៉ាណែត ក៏បានកោតសសើរចំពោះកិច្ចខិតខំប្រឹងប្រែង​របស់​ថ្នាក់ដឹកនាំ សាស្ត្រាចារ្យ លោកគ្រូ អ្នកគ្រូ នៅតាមគ្រឹះស្ថានអប់រំបណ្ដុះបណ្ដាលបច្ចេកទេស និង​វិជ្ជាជីវៈសាធារណៈ និងឯកជន ដែលជាសមាជិក-សមាជិកា គណបក្សប្រជាជនកម្ពុជាទាំងអស់ ដែលបានរួមគ្នាជួយដល់ការអភិវឌ្ឍគ្រឹះស្ថាន TVET ទាំងគ្រឹះស្ថានសាធារណៈ ​និងឯកជនបានចំនួន ១០៧ គ្រឹះស្ថាន ដោយមានសិក្ខាកាមសិស្ស​និស្សិតបានបញ្ចប់ការសិក្សាចំនួនជាង ៦ម៉ឺននាក់​រៀងរាល់ឆ្នាំ នៅទូទាំងប្រទេសផងដែរ។ក្នុងឱកាសនោះដែរឯកឧត្តម ហ៊ុន ម៉ាណែត ក៏បានរំលឹកផងដែរថា ចាប់តាំងពីថ្ងៃចាប់​បដិសន្ធិ​នៅថ្ងៃទី២៨ ខែមិថុនា ឆ្នាំ១៩៥១ គណបក្សប្រជាជនកម្ពុជា គឺជាបក្សនយោបាយមួយប្រកប​ដោយ​ភាព​ចាស់ទុំ និងភាពស្មោះត្រង់នៅក្នុងបុព្វហតុជាតិ ​មាតុភូមិ និងប្រជាជន ព្រមទាំងមានថ្នាក់ដឹកនាំ​ប្រកបដោយយុទ្ធសាស្ត្រ យុទ្ធវិធី ភាពឈ្លាសវៃ និងភាពច្នៃប្រឌិត ហើយតែងប្រកាន់ខ្ជាប់នូវមាគ៌ា​ដឹកនាំ​តាមគោលការណ៍ «សមូហភាពដឹកនាំ បុគ្គលទទួលខុសត្រូវ» ព្រមទាំងមានគោល​នយោបាយ​ច្បាស់លាស់ ​សំដៅបម្រើផលប្រយោជន៍ប្រជាជន និងការអភិវឌ្ឍន៍ជាតិផងដែរ។ ឯកឧត្តម បានបន្តទៀតថា គណបក្សបានសម្រេចនូវសមិទ្ធផលចម្បងៗជាច្រើន​សន្ធឹកសន្ធាប់​ចាប់​តាំង​ពីក្រោយថ្ងៃ ៧មករា ឆ្នាំ១៩៧៩មក​ដូចជា ការស្រោចស្រង់ជីវិតប្រជាពលរដ្ឋចេញ​ពីការ​កាប់សម្លាប់របស់របបប៉ុលពត, ការទប់ស្កាត់ការវិលត្រលប់មកវិញនៃរបបប្រល័យ​ពូជសាសន៍​ប៉ុលពត និង តស៊ូប្រយុទ្ធនឹងសត្រូវរួមរបស់ជាតិខ្មែរគឺសង្គ្រាម និងការបែកបាក់ផ្ទៃក្នុង ដែលបាន​កើតមានទ្បើងលើ​ទឹកដីអង្គរនៃយើងជាង៥០០ ឆ្នាំមកហើយរហូតសម្រេចបានការបញ្ចប់​ទាំង​ស្រុងនូវអរិភាពទាំងនេះ និងទទួលបានសន្តិភាពពេញលេញទូទាំងផ្ទៃប្រទេស តាមរយៈនយោបាយ​ឈ្នះឈ្នះរបស់សម្តេតេជោ ​ដោយមានការចូលរួមពីសំណាក់ថ្នាក់ដឹកនាំគ្រប់ជាន់ថ្នាក់ និងសមាជិក-សមាជិកាគណបក្សប្រជាជនកម្ពុជាទាំងអស់។ ដូចនេះ សូមប្រជាពលរដ្ឋទាំងអស់ចូលរួមបន្តថែរក្សាសុខសន្តិភាពនេះ ឱ្យបានស្ថិតស្ថេរគង់វង្ស​សម្រាប់ខ្មែរយើងគ្រប់ជំនាន់ជានិច្ចនិរន្តន៍តរៀងទៅ៕អត្ថបទ៖ បាន ចក់

ឯកឧត្ដម ហ៊ុន ម៉ា​ណែ​ត​៖ វិស័យ​ឯកជនគឺជា​ដៃគូ​ដ៏​សំខាន់​របស់​រដ្ឋាភិបាល ក្នុង​ការនាំ​កម្ពុជា​ឱ្យ​ពិភពលោក​បាន​ស្គាល់​ថែមទៀត

2023/02/25 05:49:13 pm        575
Facebook Telegram Linkin
​ភ្នំពេញ៖ វិស័យ​ឯកជន​គឺជា​ដៃគូ​ដ៏​សំខាន់​របស់​រាជរដ្ឋាភិបាល ​នៅក្នុង​ការនាំយក​សក្តានុពល​របស់​កម្ពុជា​ឱ្យ​ពិភព​លោក​បាន​ស្គាល់​ច្បាស់ និង​ចាប់​អារម្មណ៍ រួម​ទាំង​ការ​រក្សា​បាន​នូវ​ស្ថិរភាព​ម៉ាក្រូ​សេដ្ឋកិច្ច​ជាតិ តាមរយៈ​ការ​ធ្វើ​ពិពិធ​កម្ម​សេដ្ឋកិច្ច ការបង្កើន​ភាព​ប្រកួតប្រជែង និង​ការបង្កើត​ការងារ​ជូន​ប្រជាពលរដ្ឋ​។ នេះ​បើ​តាម​ឯកឧត្តម​បណ្ឌិត ហ៊ុន ម៉ា​ណែ​ត ថ្លែង​ក្នុង​ពិធី​សំណេះសំណាល និង ពិសា​អាហារ​សាមគ្គី​ជាមួយ​សហគ្រិន​វ័យក្មេង​នៅ​ថ្ងៃទី​២៥ ខែកុម្ភៈ ឆ្នាំ​២០២៣​។​ ​ក្រៅពី​លើកឡើង​បែបនេះ​ឯកឧត្ដម ក៏បាន​កោតសរសើរ​ចំពោះ​សហគ្រិន​វ័យក្មេង​កម្ពុជា​ទាំងអស់ ដែល​បាន​ដឹកនាំ និង​រក្សាបាន​នូវ​វឌ្ឍនភាព​អាជីវកម្ម​-​ធុរកិច្ច​ល្អ​ប្រសើរ និង​ថែមទាំង​បាន​ទាក់ទាញ​រំហូរ​វិនិយោគ​ពី​បរទេស​នា​ពេល​កន្លងមក ទោះបីជា​ត្រូវ​ប្រឈម​នឹង​ផលវិបាក​ជាច្រើន​ក្នុង​អំឡុង​ពេល​វិបត្តិ​នៃ​ជំងឺ​កូ​វីដ​-១៩ ក៏ដោយ​។​ ​ឯកឧត្ដម​ក៏បាន​ចូលរួម​សាទរ ដែល​អង្គការ​ឃ្លាំមើល​ការ​លាង​សម្អាត​ប្រាក់ និង​ឧក្រិដ្ឋកម្ម​ហិរញ្ញវត្ថុ​អន្តរជាតិ​(FATF) បាន​ប្រកាស​ជា​ផ្លូវការ​ក្នុង​ការ​ដក​ប្រទេស​កម្ពុជា​ចេញពី​បញ្ជី​ប្រផេះ​ នៃ​ក្រុម​ប្រទេស​ដែល​មាន​ហានិភ័យ​ខាង​លាង​លុយកខ្វក់​។ ឯកឧត្ដម​ក៏​បាន​គោរព​ថ្លែងអំណរគុណ​ចំពោះ​សម្តេច​តេ​ជោ​នាយក​រដ្ឋមន្ត្រី និង​សម្តេច​ក្រ​ទ្បា​ហោម ឧបនាយករដ្ឋមន្ត្រី ព្រមទាំង​ថ្នាក់ដឹកនាំ​នៃ​ក្រុមការងារ​ចំពោះ​កិច្ច ព្រមទាំង​ស្ថាប័ន​មាន​សមត្ថកិច្ច និង​អាជ្ញាធរ​គ្រប់លំដាប់​ថ្នាក់ ដែល​បាន​ខិតខំ​យ៉ាង​សស្រាក់សស្រាំ​បំពេញការ​ងារ​នេះ​ ដោយ​ពុំ​គិតពី​ការ​នឿយហត់​រហូត​សម្រេច​បាន​នូវ​ការនាំមក ​នូវ​ភាព​ស្អាតស្អំ​របស់​ប្រទេស​កម្ពុជា​នៅលើ​ឆាក​អន្តរជាតិ​។ ការណ៍​នេះ​ពិតជា​នឹងចូលរួម​ចំណែក​ក្នុងការ​ផ្តល់ នូវ​ផល​ប្រយោជន៍​ផ្នែក​សេដ្ឋកិច្ច​ដ៏​សំខាន់​ដល់​កម្ពុជា ជាពិសេស​សម្រាប់​វិស័យ​ឯកជន​ផ្ទាល់​ ក្នុង​ការ​រក្សា​លំនឹង​នៃ​រំហូរ​ហិរញ្ញវត្ថុ និង​ការដោះដូរ​ពាណិជ្ជកម្ម​នា​នា​ទៅកាន់​ទូទាំង​សាកលលោក​។ ​ក្នុង​ពិធី​នោះដែរ​ឯកឧត្ដម​ក៏​បាន​ផ្ដល់​ជា​ទស្សនវិស័យ​ផ្ទាល់ខ្លួន ​អំពី​ភាពជា​ដៃគូ​រវាង​រាជរដ្ឋាភិបាល និង​វិស័យ​ឯកជន និង​ការលើកកម្ពស់​វិស័យ​ឯកជន ក្នុងនោះ​មាន​កត្តា​អាទិភាព​ចំនួន ៣ ដែលមាន​ដូចជា ទី​១.​ក្របខណ្ឌ​គោលនយោបាយ​៖ សំដៅ​ទៅលើ​ចក្ខុវិស័យ​ជួយ​សម្រួល​ដល់​ប្រតិបត្តិការ និង​ការ​រីក​ច​ម្រើន​របស់​វិស័យ​ឯកជន ហើយ​រាជរដ្ឋាភិបាល​ដែល​ដឹកនាំ​ដោយ​គណបក្ស​ប្រជាជន​កម្ពុជា ​បានធ្វើ​ការងារ​យ៉ាងច្រើន​សន្ធឹកសន្ធាប់ ​បម្រើ​ដល់​ការរីកលូតលាស់​មកដល់​សព្វថ្ងៃនេះ ហើយក៏​នឹង​បន្ត​វាយតម្លៃ និង​កែសម្រួល​ដាក់​ចេញ​នូវ​គោលនយោបាយ​ជា​បន្តបន្ទាប់​ទៀត ដើម្បី​ធ្វើយ៉ាងណា​ឱ្យ​បរិយាកាស​ធុរកិច្ច​នៅ​កម្ពុជា​កាន់តែ​មាន​ភាព​ប្រកួតប្រជែង ងាយស្រួល និង​មាន​ថ្លៃដើម​ទាប​។ ទី​២.​ក្របខណ្ឌ​យន្តការ​អនុវត្ត​៖ សំដៅ​ទៅលើ​ការលើកទឹកចិត្ត​ឱ្យ​វិស័យ​ឯកជន​ដើរតួនាទី​ក្នុងការ​អនុវត្ត​ផ្ទាល់​ដោយមាន​ការគាំទ្រ​ពីរាជ​រដ្ឋា​ភិ​បាល​។ ទី​៣.​ការអនុវត្ត​ជាក់ស្តែង​៖ សំដៅ​ទៅលើ​ការធានា​ឱ្យ​បាន​នូវ​ការអនុវត្ត​ជាក់ស្តែង​ដោយ​រលូន ជាការ​ឆ្លុះបញ្ចាំង​ទៅនឹង​ផែនការ​ដែល​បាន​គូស​វៀស ហើយ​ការអនុវត្ត​នេះ​ទាមទារ​នូវ​នីតិវិធី​ច្បាស់លាស់ ងាយស្រួល រស់​រវើក និង​តម្លាភាព រួមជាមួយ​នឹង​កត្តា​មនុស្ស​ដែលមាន​ការយល់ដឹង និង​មានបទពិសោធន៍​ជាក់ស្តែង ជាពិសេស​កត្តា​តុល្យភាព​រវាង​មន្ត្រី​រដ្ឋ និង​ផ្នែក​ឯកជន​។ ​ឯកឧត្ដម​ក៏បាន​អំពាវនាវ​ដល់​សហគ្រិន​ទាំងអស់​ បន្ត​ចូលរួម​ជាមួយ​រាជរដ្ឋាភិបាល​ក្នុង​ការពង្រីក​ការ​វិនិយោគ​ នៅក្នុង​វិស័យ​សំខាន់ៗ​ដែលមាន​តម្លៃបន្ថែម​ខ្ពស់ ដើម្បី​ចូលរួម​កាត់បន្ថយ​ភាពក្រីក្រ និង​បន្ត​បង្កើត​ឱកាស​ការងារ​បន្ថែមជូ​ន​ប្រជាពលរដ្ឋ ជាពិសេស​សម្រាប់​យុវជន​ស្របតាម​គោល​នយោបាយ​របស់​រាជ​រដ្ឋាភិបាល​។ ឯកឧត្ដម​ក៏បាន​លើកទឹកចិត្ត​ឱ្យ​សហគ្រិន​ទាំងអស់​ឱ្យ​បង្កើន​សមត្ថភាព​, ពង្រឹង​ភាព​ប្រកួតប្រជែង និង​សូម​ខិតខំ​ទាញ​យក​អត្ថប្រយោជន៍​ឱ្យ​បាន​ជា​អតិបរមា​ពី​គោលនយោបាយ ក៏ដូចជា​វិធានការ​លើកទឹកចិត្ត​នានា​របស់​រាជរដ្ឋាភិបាល​ចំពោះ​វិស័យ​ឯកជន ជាពិសេស​តាមរយៈ​ការវិនិយោគ​នៅក្នុង​វិស័យ​អាទិភាព ដើម្បី​ទទួលបាន​ការលើកទឹកចិត្ត​ផ្នែក​សារពើពន្ធ​, ការទទួលបាន​ការបណ្តុះ​បណ្តាល​សហគ្រិនភាព​, ការអភិវឌ្ឍ​ជំនាញ​, និង​ការទាញយក​អត្ថប្រយោជន៍​ពី​កិច្ចព្រមព្រៀង​ពាណិជ្ជកម្ម​សេរី ​ជាមួយ​បណ្តា​ប្រទេស​នានា​ជាដើម​។ ​ឯកឧត្ដម​បន្តថា ក្រៅពី​ការបង្កើត​ទ្រព្យ និង​រកប្រាក់​ចំណេញ​, សហគ្រិន​ទាំងអស់​ក៏ត្រូវ​បណ្តុះ​គំនិត​ចូលរួមចំណែក​ក្នុង​កិច្ចការ​សង្គម ព្រម​ជាមួយនឹង​ការចាប់យក​បច្ចេកវិទ្យា​ឌីជីថល​នៅក្នុង​អាជីវកម្ម​ប្រកប ដោយ​ភាព​ច្នៃប្រឌិត និង​នវានុវត្តន៍ ដែល​អាច​នាំមក​នូវ​ផលិតភាព​ខ្ពស់ និង​តម្លៃបន្ថែម​កាន់​តែ​ច្រើន​ដល់​សេដ្ឋកិច្ចជាតិ​។​ ​ឯកឧត្ដម​បានស្នើ​ដល់​សភាពាណិជ្ជកម្ម​កម្ពុ​ជា​បន្ត​ផ្តល់​ការគាំទ្រ និង​កិច្ចសហការ​ជិតស្និទ្ធ​ជាមួយ​ភាគី​ពាក់ព័ន្ធ​ទាំងអស់ ជាពិសេស​សហគ្រាស​ថ្មីៗ ដើម្បី​ពង្រឹង និង​ពង្រីក​បណ្តាញ​ទំនាក់ទំនង​ការងារ​, ចែករំលែក​នូវ​ចំណេះដឹង និង​បទពិសោធន៍ ព្រមទាំង​ចូលរួមចំណែក​ជាមួយ​រាជរដ្ឋាភិបាល ក្នុង​ការ​កសាង​ប្រព័ន្ធ​អេកូឡូស៊ី​សហគ្រិនភាព​ឱ្យ​កាន់​តែមាន​ភាពរឹងមាំ ទូលំទូលាយ រស់​រវើក និង​ប្រកបដោយ​បរិ​យាប​ន្ន​៕

សម្តេច​តេ​ជោ ហ៊ុន សែន ផ្ញើ​សារ​ទៅ​ស៊ន ដា​រ៉ា កុំ​ចង់​ក្លាយជា​បេក្ខជន​នាយករដ្ឋមន្ត្រី សូម្បីតែ​ចង់​ក្លាយជា​សមាជិក​គណបក្ស​ប្រជាជន​ក៏​មិនបាន​ផង

2023/02/25 04:07:41 pm        558
Facebook Telegram Linkin
ភ្នំពេញ៖ ​សម្តេចតេ​ជោ ហ៊ុន សែន ប្រកាសប្រាប់​ទៅ​បុគ្គល​ឈ្មោះ ស៊ន ដា​រ៉ា​ថា កុំថាឡើយ​ក្មួយ​ចង់​ក្លាយ​ជា​បេក្ខជន​នាយករដ្ឋមន្ត្រី​របស់​គណបក្ស​ប្រជាជន ​សូម្បីតែ​ចង់​ក្លាយ​ជា​សមាជិក​គណបក្ស​ប្រជាជន​ក៏​មិនបាន​ផង​។យោងតាមសារសម្តេចតេជោ ហ៊ុន សែន តាមFacebook នៅរសៀលថ្ងៃទី២៥ ខែកុម្ភៈនេះថា ភ្ញាក់ពីដេកមកឃើញនាគទេពបញ្ជូនវីដេអូដែលស៊ន ដារ៉ានិយាយ។ ក្នុងការនិយាយនោះ ស៊ន ដារ៉ា បាន​បញ្ជាក់ ពីការគាំទ្ររបស់ឪពុក ម្តាយខ្លួនចំពោះខ្ញុំដែលខ្ញុំសូមអរគុណចំពោះប្អូនប្រុសប្អូន ស្រីដែលជាឪពុកម្តាយស៊ន ដារ៉ាសម្រាប់ការគាំទ្រកន្លងមក។សម្ដេចបញ្ជាក់ថា អ្វីដែលគួរឲ្យហួសចិត្ត ស៊ន ដារ៉ា បានលើក​ជា​យោបល់បើ​ក​ការ​ចរចា​ជា​មួយ​ខ្ញុំដោ​យ​ភ្ជា​ប់មកជាមួយលក្ខខណ្ឌ ៤ក្នុងនោះលក្ខខណ្ឌទីមួយ គឺ ស៊ន ដារ៉ា ត្រូវ​តែ​ធ្វើ​ជា​បេក្ខជន​នាយក​រដ្ឋ​មន្ត្រី​របស់​គណបក្ស​​ប្រជាជនទើប ស៊ន ដារ៉ា ព្រម​ចូលរួម​ជា​មួយ​គណបក្ស​ប្រជាជន។ ស៊ន ដារ៉ា បាន​និយាយ​ថា គាត់​ជា​សត្វ​ឥន្ទ្រីដែលពេលមុនគាត់ថា ហ៊ុន ម៉ាណែត ជា​សត្វ​គីង្គក់។​ នេះ​ជា​ការ​ប្រៀបធៀប​បែប​ប្រមាថ។ គាត់បានបន្ថែមថា ព្រហ្មលិខិតបានបង្កើត ហ៊ុន សែន មក​សម្រាប់​បង្រ្កាប​ប៉ុល ពត ឯ​ព្រះ​បានបង្កើត ស៊ន ដារ៉ា មក​ដើម្បី​បង្រ្កាប​ ហ៊ុន សែន ។ សម្ដេចតេជោបញ្ជាក់ថា ពូ​សូម​ផ្តាំ​ទៅ​ក្មួយ​ស៊ន ដារ៉ា វិញ​ថា​ កុំ​ថា​ឡើយ​ក្មួយ​ចង់​ក្លាយ​ជា​បេក្ខជន​នាយក​រដ្ឋ​មន្ត្រី​របស់​គណបក្ស​ប្រជាជន​សូម្បី​តែ​ចង់​ក្លាយ​ជា​សមាជិក​គណបក្ស​ប្រជាជន​ក៏​មិន​បាន​ផង​ព្រោះ​ក្មួយ​កំពុង​មាន​រឿង​នៅ​តុលាការ ។​ ក្មួយ​លើក​ខ្លួន​ឯង​ហួស​ជ្រុល​ហើយ ។ ឯ​ពាក្យ​ក្មួយ​ថា​ព្រះ​បង្កើត​ក្មួយ​មក​ ដើម្បី​បង្រ្កាប ហ៊ុន សែន​ តាម​ការ​គិត​របស់​ពូអ្នក​ដែល​បង្រ្កាប ហ៊ុន សែន បាន​មក​ដល់​ពេល​នេះ​មិន​ទាន់​កើត​ចេញ​ពី​ផ្ទៃ​ម្តាយ​នៅ​ឡើយ​ទេ។ ក្មួយ​កំពុង​ចាត់​ទុក​ខ្លួនឯ​ង​ជា​សត្វ​ឥន្ទ្រី​ជា​អ្នក​មា​នបុណ្យតើក្មួយចេះខ្មាស​អៀន​ទេ​នៅ​ពេល​និយាយ​ដល់​រឿង​របៀប​នេះ។​ ឈប់​បាន​ឈប់​ទៅ​ក្មួយ​អាណិត​ឪពុក​ម្តាយ​ដែ​ល​ខំ​ដង្ហើយ​ហៅកូន។ សព្វ​ថ្ងៃ​ក្មួយ​ជួយ​ខ្លួន​ឯង​មិន​បាន​ផង​ចង់​ក្លាយ​ខ្លួន​ជា​នាយករដ្ឋ​មន្ត្រី​ ឬ​ចង់​មក​បង្ក្រាប​ ហ៊ុន សែន គឺ​រឿង​យល់​សប្តិទាំង​ថ្ងៃ​៕ 

បណ្ដាញសង្គម

ព័ត៌មានថ្មីៗ

លទ្ធផល នៃការចុះឆែកឆេរឃ្លាំងនៅស្ទឹងមានជ័យ កម្លាំងចម្រុះរកឃើញទំនិញនាំចូលពីថៃ និងចិនជាង៧០តោន មិនបង់ពន្ធ
10/04/2025 08:10 PM
Facebook Telegram Linkin
រដ្ឋមន្ត្រីការបរទេសតាលីបង់អាហ្វហ្គានីស្ថាន គ្រោងនឹងបំពេញទស្សនកិច្ចនៅឥណ្ឌា ជាលើកដំបូង
10/04/2025 05:10 PM
Facebook Telegram Linkin
ទួរគីចាប់ឃុំខ្លួនមនុស្សជាង ៩១នាក់ ក្នុងការវាយឆ្មក់ទូទាំងប្រទេស ជុំវិញការពាក់ព័ន្ធនឹងរដ្ឋប្រហារឆ្នាំ ២០១៦
10/04/2025 05:10 PM
Facebook Telegram Linkin
ផ្សែងហុយពេញតំបន់ហ្កាហ្សានៅពេលព្រឹកព្រលឹម បន្ទាប់ពីក្រុមហាម៉ាសឆ្លើយតបនឹងផែនការរបស់លោក Trump
10/04/2025 05:10 PM
Facebook Telegram Linkin
ពលរដ្ឋខ្មែរនៅក្រៅប្រទេសលើកទឹកចិត្ត និងនាំយកអំណោយផ្ដល់ជូនកងទ័ព និងពលរដ្ឋ​នៅ​ព្រំដែន​កម្ពុជា-ថៃ
10/04/2025 05:10 PM
Facebook Telegram Linkin
ទស្សនាវដ្តីអាមេរិក៖ អ៊ុយក្រែនទំនងជាមិនទទួលបានមីស៊ីល Tomahawk ទេ
10/04/2025 05:10 PM
Facebook Telegram Linkin
ប្រជាជនស៊ីរីជាច្រើន មិនបានដឹងពីការបោះឆ្នោតសភាលើកដំបូង ចាប់តាំងពីការដួលរលំរបបរបស់ លោក Assad
10/04/2025 05:10 PM
Facebook Telegram Linkin
សម្ដេចសង្គហបណ្ឌិត ម៉ែន សំអន អញ្ជើញបិទវគ្គបណ្ដុះបណ្ដាល «គ្រូបង្គោល​លើការងារ​មហាជន​រាជធានី-ខេត្ត»
10/04/2025 04:10 PM
Facebook Telegram Linkin
ប៊ុលហ្គារី ទទួលបានយន្តហោះចម្បាំង F-16ថ្មី ចំនួន ២គ្រឿង
10/04/2025 03:10 PM
Facebook Telegram Linkin
កងកម្លាំងសហរដ្ឋអាមេរិក បានសម្លាប់មនុស្ស ៤នាក់ ក្នុងការវាយប្រហារថ្មីលើទូករត់ពន្ធគ្រឿងញៀន
10/04/2025 03:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.