នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

អាជ្ញាធរខេត្តព្រះវិហារថា បទល្មើសព្រៃឈើក្នុងខេត្តថយចុះ និងជនល្មើសតែងត្រូវចាប់បញ្ជូនទៅតុលាការ

2022/02/15 03:45:13 pm        778
Facebook Telegram Linkin
ភ្នំពេញ៖ អាជ្ញាធរខេត្តព្រះវិហារ បានអះអាងថា បញ្ហាបទល្មើសការលួចកាប់ទន្ទ្រានព្រៃឈើ នៅក្នុងខេត្តព្រះវិហារ មានការថយចុះគួរឲ្យកត់សម្គាល់ ខណៈអ្នកប្រព្រឹត្តិល្មើស តែងត្រូវបានធ្វើការអប់រំ និងបញ្ជូនទៅតុលាការ ចាត់ការតាមនីតិវិធីច្បាប់ ក្នុងសន្និសីទសារព័ត៌មានស្តីពី វឌ្ឍនភាពមូលដ្ឋានឃុំសង្កាត់ និងលើកទិសដៅអនុវត្តបន្ត​របស់​ខេត្តព្រះវិហារ ​នៅថ្ងៃទី១៥ ខែកុម្ភៈ ឆ្នាំ២០២២ នាទីស្ដីការគណៈរដ្ឋមន្ត្រី លោក អ៊ុង វុទ្ធី អភិបាលរង​ខេត្តព្រះវិហារ មានប្រសាសន៍ថា ព្រៃឈើនៅក្នុងខេត្តព្រះវិហារ កំពុងគ្រប់គ្រងដោយ​ក្រសួង​បរិស្ថាន និងក្រសួងកសិកម្មរុក្ខាប្រមាញ់ ​និងនេសាទ គឺគ្រាន់តែស្ថិតក្នុងដែនបរិស្ថាន​មាន​រហូត​ដល់​ប្រមាណ ១លានហិកតា ។លោក បានបន្តថា ក្នុងដែនព្រៃការពារទាំងអស់នោះ តែងកើតមាននូវបទល្មើសព្រៃឈើ ប៉ុន្តែ​អាជ្ញាធរ និងអ្នកពាក់ព័ន្ធដែលប្រចាំការទីនោះ ​បានធ្វើការទប់ស្កាត់ ​និងបង្ក្រាបជាបន្តបន្ទាប់ ហើយ​ក៏​មានបញ្ជូនទៅតុលាការ នូវបទល្មើសធំៗផងដែរ ។លោក អ៊ុង វុទ្ធី បានបញ្ជាក់ថា ក្រៅពីបញ្ហាបទល្មើសព្រៃឈើថយចុះ ចំពោះការលួចបរបាញ់សត្វព្រៃ ក៏មានការថយចុះផងដែរ ​ដោយពលរដ្ឋបានយល់ដឹងច្រើន ​ពីការអភិរក្សថែរក្សាសត្វព្រៃ ទុក​ដើម្បី​បម្រើ​ដល់វិស័យទេសចរណ៍ ​ដែលពួកគាត់អាចរកប្រាក់ចំណូលពីវិស័យនេះ ហើយសម្រាប់អ្នក​ប្រព្រឹត្ត​ល្មើសវិញ ក៏ត្រូវបានឃាត់ខ្លួនធ្វើការអប់រំ ​ប៉ុន្តែមិនមានការផ្ដន្ទាទោសអ្វីនោះទេ ។ ជាមួយគ្នានេះ លោកអភិបាលរង បានអំពាវនាវដល់ប្រជាពលរដ្ឋ បន្តជួយថែរក្សាការពារព្រៃឈើ និងសត្វព្រៃ ​មិនថាតែនៅក្នុងខេត្តព្រះវិហារ ​គឺនៅទូទាំងប្រទេស​ ដើម្បីបម្រើដល់វិស័យទេសចរណ៍ ឬ​ផលប្រយោជន៍ផ្សេងៗទៀត ៕

សាលារដ្ឋមួយចំនួននៅខេត្តកណ្តាល សហការជាមួយអាណាព្យាបាលសិស្ស ដើម្បីពង្រឹងគុណភាពអប់រំ

2022/02/15 01:26:41 pm        1112
Facebook Telegram Linkin
កណ្ដាល៖ អនុវត្តការណែនាំរបស់ក្រសួងអប់រំយុវជន និងកីឡា នៅពេលនេះ បណ្តាសាលារៀនមួយចំនួនខេត្តកណ្តាល ចាប់ផ្តើមបង្កើតគណៈកម្មការគ្រប់គ្រងសាលារៀនតាមបែបថ្មី ដោយតម្រូវអោយសហគមន៍ និងបណ្តាអាណាព្យាបាលមាតាបិតាសិស្សរួមគ្នាស្ម័គ្រចិត្តចូលរួមអភិវឌ្ឍន៍សាលា និងពង្រឹងគុណភាពការអប់រំសិស្ស ស្របពេលបណ្តាសាលាកំពុងជួបប្រឈមការលំបាកដោយសារការរាតត្បាតមេរោគកូវីដ១៩ និងអូមីក្រុង។បើតាមលោក ទី ដាណា នាយកសាលាវិទ្យាល័យ ហ៊ុន សែន តាខ្មៅ ខេត្តកណ្តាល បានថ្លែងប្រាប់BTV នៅថ្ងៃទី១៥ ខែកុម្ភៈនេះ ថា បច្ចុប្បន្នវិទ្យាល័យហ៊ុនសែនតាខ្មៅ សម្រេច​ទទួល​យក​គម្រោង GEP (ជីប) គម្រោងកែលំអរការអប់រំនៅចំណេះទូទៅ របស់ក្រសួងអប់រំយុវជន និងកីឡា ទៅធ្វើការគ្រប់គ្រងសាលាតាមរបៀបថ្មី ហើយការអនុវត្តគម្រោងGEPនេះ សាលាបាន​តម្រូវអោយសហគមន៍ និងបណ្តាអាណាព្យាបាលសិស្សរួមគ្នាស្ម័គ្រចិត្តចូលរួមផងដែរ​ដើម្បី​ជួយអភិវឌ្ឍន៍សាលា​ និងពង្រឹងគុណភាពអប់រំសិស្សានុសិស្សអោយមានគុណភាព ​ខណៈការរៀន និងការបង្រៀននៅតាមសាលារៀនមួយចំនួនបានកំពុងជួបប្រឈមការរំខានខ្លាំងដោយសារការរាតត្បាតកូវីដ១៩ អូមីក្រុង ​និងការសង្គមជាដើម។ដើម្បីចូលរួមជួយអភិវឌ្ឍន៍សាលា និងការបណ្តុះបណ្តាលសិស្សានុសិស្សអោយមានសមត្ថភាព និង​គុណភាពល្អនេះ​ បណ្តាតំណាងសហគមន៍ និង​អាណាព្យាបាលសិស្ស បាន​លើកឡើងថា យើង​មាន​សប្បាយចិត្តអនុវត្តតាមគោលការណ៍ណែនាំសាលា ហើយក្នុងនាមអាណាព្យាបាលយើង​ក៏ត្រូវតាម​ដានការសិក្សាកូនជាមួយគ្រូអោយបាន​ដិតដល់ ចៀសវាង​ការទៅរៀនតែមិនចូលសាលា និងការចម្លងមេរោគកូវីដ១៩ ​ចូលក្នុងសាលារៀនជាដើម។សូមបញ្ជាក់ថា ដើម្បីជម្រុញការគ្រប់គ្រងអភិវឌ្ឍន៍សាលារៀន​ និងការរៀន ការបង្រៀន​សិស្សានុសិស្ស​អោយមានគុណភាព ក្រសួងអប់រំយុវជន និងកីឡា បានបង្កើតគម្រោងគ្រប់គ្រង​សាលាតាមបែបថ្មីចំនួន២ប្រភេទគម្រោង​ រួមមាន៖ គម្រោង SIEP(ស្យីប) ឬហៅថា គម្រោងកែលំ​អរការអប់រំនៅមធ្យមសិក្សា ​និងគម្រោង ឬហៅ GEP(ជីប) គម្រោងកែលំអរការអប់រំ​នៅចំណេះទូទៅ ។បើតាមបញ្ជាក់ពីអ្នកនាំពាក្យក្រសួងអប់រំ ៖ បច្ចុប្បន្ន នៅទូទាំងប្រទេស មានថ្នាក់ដឹកនាំសាលារៀន​ប្រមាណជាង ១០០កន្លែង គឺបានទទួលអនុវត្តគម្រោងSIEP ឬហៅគម្រោង កែលំអរការអប់រំ​នៅ​មធ្យមសិក្សា ​និងមានថ្នាក់ដឹកនាំសាលារៀនប្រមាណ៣០០កន្លែង ​កំពុង​ទទួលយកអនុវត្តគម្រោង GEP ឬហៅ ​គម្រោងកែលំអរការអប់រំនៅចំណេះទូទៅ ដើម្បី​ជម្រុញការ​គ្រប់គ្រង​អោយ​មាន​ការ​អភិវឌ្ឍ និងការបង្រៀនមានគុណភាព ​ខណៈបច្ចុប្បន្ននៅទូទាំង​ខេត្តកណ្តាល​មាន​សាលារៀន​ប្រមាណ ១៨សាលា អនុវត្ត​គម្រោង GEP ​ហើយសាលាចំនួន៩ទៀតអនុវត្តគម្រោង SIEP ៕ អត្ថបទ ស៊ុម សុខជា

ដីចំការជិត៣០ហិកតានៅស្រុកវ៉ារិនត្រូវបានប្រគល់ជូនប្រជាពលរដ្ឋធ្វើចំការ ក្រោយបោសម្អាតមីនរួចរាល់

2022/02/15 01:04:54 pm        764
Facebook Telegram Linkin
សៀមរាប៖ ធនាគារភ្នំពេញពាណិជ្ជ បានសហការជាមួយអង្គការកណ្ដុរហិតមីន APOPO ប្រគល់ដីចំការទំហំជិត ៣០ហិកតា ជូនប្រជាពលរដ្ឋចំនួន ១៦គ្រួសារនៅស្រុកវ៉ារិន ខេត្ដសៀមរាប ដើម្បីឱ្យពួកគាត់ប្រកបរបរកសិកម្មចិញ្ចឹមជីវិត ក្រោយពេលធនាគារនេះ ផ្ដល់ថវិកាដល់អង្គការអាប៉ូប៉ូធ្វើការសំអាតគ្រាប់មីន និងគ្រាប់យុទ្ធភ័ណ្ឌមិនទាន់ផ្ទុះរួចរាល់។ពិធីប្រគល់នេះ ធ្វើឡើងនៅទីតាំងដីផ្ទាល់ ស្ថិតនៅភូមិខ្នារផ្ទោល ឃុំស្រែណូយ ស្រុកវ៉ារិន ខេត្ដសៀមរាប កាលពីថ្ងៃរសៀលទី១៤ខែកុម្ភៈម្សិលមិញនេះ ។លោក ញក់ គឹមស្រូយ នាយករងប្រតិបត្តិជាន់ខ្ពស់នៃធនាគារ ភីភីស៊ីប៊ែង បានមានប្រសាសន៍ថា ការប្រគល់ដីនេះ ជាលើកទី២ហើយ ថវិកាឧបត្ថម្ភប្រតិបត្តិការឆ្នាំ២០២១ មានការចូលរួម​ពី​អតិថិជន​និងក្រុមការរបស់ធនាគារ សប្បុរសជនទាំងអស់បានធ្វើឲ្យមូលនិធិសរុប​កើនឡើង​ដល់​មួយ​ម៉ឺន​ដុល្លារ ​បាន​ជួយឧបត្ថម្ភថវិកាជួយដល់អង្គការអាប៉ូប៉ូ ដើម្បីសម្អាតគ្រាប់មីន និងគ្រាប់មិនទាន់ផ្ទុះ​លើដីចំការប្រជាពលរដ្ឋនៅតំបន់នោះ។លោក បាបន្ដថា ក្នុងនាមជាសប្បុរសជនពិជាមានសេចក្ដីសោមនស្សដែលបានឃើញ ការ​បរិច្ចាគ​របស់យើងដល់អង្គការដែលមានតម្លាភាពបំផុតក្នុងការជួយសង្គ្រោះជីវិតប្រជាជនកម្ពុជា។លោក បានបញ្ជាក់ថា នៅក្នុងឆ្នាំ២០២២នេះ ធនាគារ​ភីភីស៊ីប៊ែង នឹងព្យាយាមរិះរកមធ្យោបាយ​ផ្សេងៗដើម្បីរួមចំណែកឧបត្ថម្ភដល់ APOPO ក្នុងការបោសសម្អាតគ្រាប់មីន និងគ្រាប់យុទ្ធភ័ណ្ឌមិន​ទាន់​ផ្ទុះ​នៅក្នុងខេត្ដសៀមរាបបន្ដទៀត។អ្នកភូមិខ្នារផ្ទោលចំនួនពីរនាក់ក្នុងចំណោម១៦គ្រួសារ ដែលទទួលបានដីធ្លីដោយផ្ទាល់ បានសម្តែង​ការធូរសប្បាយចិត្ដក្នុងទទួលបានដីដែលបានសម្អាតគ្រប់មីនត្រូវបានបញ្ចប់ដោយសុវត្ថិភាព។ គាត់បានលើកឡើងថា ​កន្លងមកការរស់នៅក៏​ដូចប្រកបរបរចិញ្ចឹមជីវិត ជួប​ភ័យខ្លាចដោយ​សារមានគ្រាប់មីន និងគ្រាប់យុទ្ធភ័ណ្ឌមិនទាន់ផ្ទុះបង្កប់នៅក្នុងដី ប៉ុន្ដែនាពេលនេះ​ពួកគាត់​បាន​ធូរស្រាល​ក្នុងចិត្តណាស់ ហើយអាចរស់នៅក្នុងប្រកបជីវិតធម្មតា​និងមានសុវត្ថិភាព​គ្រប់គ្នា​ជារៀងរាល់ថ្ងៃ។ពួកគេបាន ថ្លែងអំណរគុណដល់ធនាគារ PPCBank និង​អង្គការAPOPOដែលបានសហការគ្នា​ដើម្បី​ធ្វើឱ្យ​ជីវិតពួកគេកាន់តែមានសុវត្ថិភាព​ និងធានាដល់​អនាគត​របស់​យើងផ​ងដែរ៕

អភិបាលខេត្តកំពង់ឆ្នាំង ចាត់វិធានការក្តៅចំពោះអ្នកយកសំរាមបោះចោលតាមទីសាធារណៈ

2022/02/15 12:51:42 pm        660
Facebook Telegram Linkin
កំពង់ឆ្នាំង៖ អភិបាលខេត្តកំពង់ឆ្នាំង ដាក់បទបញ្ជាឱ្យអាជ្ញាធរក្រុងស្រុកទាំង០៨ នៃខេត្តកំពង់ឆ្នាំង តាមចាប់អ្នកបោះសំរាមចោលពាសវាលពាសកាលតាមទីសាធារណៈដោយមិនព្រមចូលរួមក្នុងការ រក្សាអនាម័យ បរិស្ថាន មកពិន័យឱ្យរៀងចាល។ ការចេញបទបញ្ជាក្តៅនាថ្ងៃនេះ គឺក្រោយពីអាជ្ញាធរក្រុងស្រុកបានណែនាំជាច្រើនលើកច្រើនសារ តែអ្នកទម្លាប់បោះចោលសំរាមតាមទីសាធារណៈទាំងនោះនៅមិនស្តាប់។ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានបន្តថា កន្លងមកឯកឧត្តម បានឱ្យអាជ្ញាធរ​ក្រុងស្រុកចេញសេចក្តីផ្សព្វផ្សាយ និងណែនាំជាច្រើនលើក​ ដល់ពលរដ្ឋមួយចំនួនតូច ដែលមាន​ទម្លាប់អាក្រក់ យកសំរាមពីផ្ទះរបស់ខ្លួន ​ទៅបោះចោលនៅតាមសួនច្បារ ​កន្លែងកំសាន្ត តាមផ្លូវ​សាធារណៈ និងតាមមាត់ទន្លេជាដើម ​ដោយអោយពួកគាត់បញ្ឈប់ទម្លាប់អាក្រក់នេះ ហើយចូលរួម​ក្នុងការ​ថែរក្សាអនាម័យ ​សម្អាតបរិស្ថានជាមួយអាជ្ញាធរ។ ក៏ប៉ុន្តែទោះជាមានការផ្សព្វផ្សាយ និងណែនាំច្រើនដងយ៉ាងណាក្តី ក៏ពលរដ្ឋមួយចំនួនតូចនៅតែ​ប្រព្រឹត្តិទង្វើ​អាក្រក់នេះដដែល ​ធ្វើអោយតាមមាត់ទន្លេ តាមផ្លូវសាធារណៈ​ តាមសួនច្បារ និង​កន្លែងកំសាន្តនានា ​មានសំរាមពាសវាលពាសកាល។ កន្លងមក អាជ្ញាធរក្រុងស្រុក ក៏បានប្រមូល​សំអាត​សំរាមនៅតាមទីសាធារណៈជាញឹកញាប់​ ក៏ប៉ុន្តែសំរាមនៅតែមានមិនចេះអស់ ដោយ​សារ​ពួកគាត់​មិនចូលរួម។ឯកឧត្តម បន្តថា ក្នុងនាមគណៈបញ្ជាការរដ្ឋបាលខេត្តកំពង់ឆ្នាំង ឯកឧត្តម បានឱ្យអភិបាលរង​ខេត្តម្នាក់ បញ្ជាទិញកាមេរ៉ា​សុវត្ថិភាព បំពាក់តាមទីតាំងមួយចំនួនក្នុងក្រុងកំពង់ឆ្នាំង ដើម្បីចាប់រូបភាព​អ្នកយកសំរាមមកបោះចោល​ ហើយអនុវត្តវិធានការផាកពិន័យឱ្យធ្ងន់ម្តង ទើបរៀងចាល៕

អាជីវករលក់ដូរក្នុងផ្សារនៅរាជធានីភ្នំពេញ មានទំនុកចិត្តជាងមុន បន្ទាប់ពីបានចាក់វ៉ាក់សាំងដូសទី៤ រួច

2022/02/15 12:32:11 pm        621
Facebook Telegram Linkin
ភ្នំពេញ៖ អាជីវករលក់ដូរបណ្តាផ្សារក្នុងនៅរាជធានីភ្នំពេញ មានទំនុកចិត្តជាងមុន ក្នុងការរស់នៅតាមបែបគន្លងថ្មី ជាមួយជំងឺកូវីដ-១៩ បន្ទាប់ពីពួកគាត់ទទួលបានការចាក់វ៉ាក់សាំងដូសទី៤ រួចរាល់។បន្ទាប់ពីចាក់វ៉ាក់សាំងដូសទី៤រួច អាជីវករលក់ដូរបណ្តាផ្សារក្នុងរាជធានីភ្នំពេញ នៅថ្ងៃទី១៥ ខែកុម្ភៈនេះ បានប្រាប់ BTV ឱ្យដឹងថា ការចាក់វ៉ាក់សាំងដូសទី៤ ពិតជារឿងសំខាន់ ព្រោះជួយ​បង្កើន​អង់ទីគ័របន្ថែមទៀត​ទប់ទល់​នឹងការវាយលុកពីជំងឺកូវីដ-១៩​ ជាពិសេសមេរោគបំប្លែងថ្មី អូមីក្រុង។ លើសពីនេះវ៉ាក់សាំងក៏​បានជួយបង្កើនទំនុកចិត្ត កាត់បន្ថយភាពភ័យខ្លាចពីការឆ្លងជំងឺកូវីដ-១៩ ក្នុងការប្រកប​របរ​ប្រចាំថ្ងៃផងដែរ​។លោក ឯក និមល ប្រធាន​គណៈកម្មការគ្រប់គ្រងផ្សារ​បឹងកេងកង​ បានឱ្យដឹងដែរថា សម្រាប់​អាជីវករ​លក់ដូរ​ក្នុងផ្សារបឹងកេងកងភាគច្រើន​បានទៅទទួលការចាក់វ៉ាក់សាំងដូសទី៤​ រួចរាល់ ខណៈជីវករមួយចំនួនទៀត មិនទាន់ដល់ពេលត្រូវចាក់ ​និងបញ្ហាសុខភាព។ក្រៅពីនេះ លោក បន្តក្រើនរំលឹក ​អាជីវរកត្រូវបន្តអនុវត្តវិធានសុខាភិបាល​ ៣កុំ ៣ការពារ បើទោះបីចាក់វ៉ាក់សាំងដូសទី៤រួចក្តី។រាជរដ្ឋាភិបាលកម្ពុជា ចាត់ទុកការចាក់វ៉ាក់សាំងកូវីដ-១៩ ​គឺជាមធ្យោបាយមួយ ក្នុងចំណោម​វិធាន​ការ​សុខាភិបាលចាំបាច់ដទៃទៀត ​ដែលនឹងបង្ការការរាតត្បាត ​ការចម្លងជំងឺកូវីដ-១៩ និងកាត់​បន្ថយ​ផល​ប៉ះពាល់នៃជំងឺកូវីដ-១៩ ទៅលើវិស័យសេដ្ឋកិច្ច និងសង្គម។ បច្ចុប្បន្នកម្ពុជា រកវ៉ាក់សាំងកូវីដបានជាង ៤៣លានដូស រាប់បញ្ជូលទាំងការបញ្ជាទិញពីប្រទេសចិន ជំនួយតាមយន្តការកូវ៉ាក់ ​និងបណ្តាប្រទេសផ្សេងៗមួយចំនួនទៀត។សម្រាប់ពលរដ្ឋមិនទាន់ចាក់វ៉ាក់សាំង រាប់ពីដូសទី១ ដល់ដូសទី៤ អាចទៅទទួលការចាក់វ៉ាក់​សាំង​កូវីដ ​បាននៅទីតាំងសុខាភិបាលសាធារណៈ​ ដោយភ្ជាប់​ទៅ​ជាមួយកាត់ចាក់វ៉ាក់សាំង អត្ត​សញ្ញាណប័ណ្ណ ​និងឯកសារពាក់ព័ន្ធផ្សេងៗមួយ​ចំនួនទៀត៕ អត្ថបទ៖ទូច សោភ័ណ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យព្យាបាល ជំងឺជូន ពលរដ្ឋស្រុកកងមាសដោយឥតគិតថ្លៃ

2022/02/15 12:18:17 pm        381
Facebook Telegram Linkin
កំពង់ចាម៖ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានចុះអប់រំ ផ្សព្វផ្សាយវិធានការការពារជំងឺកូវីដ-១៩ បំប្លែងថ្មី និងបន្តបន្ទាប់ និងពិនិត្យ ព្យាបាលជំងឺ ចែកថ្នាំពេទ្យ ជូនប្រជាពលរដ្ឋ ដោយឥតគិតថ្លៃ មកពី១១ឃុំ ក្នុងស្រុកកងមាស ខេត្តកំពង់ចាម។ឯកឧត្តម លេង ផាលី រដ្ឋលេខាធិការក្រសួងផែនការ និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី កាលពីថ្ងៃទី១៣ ខែកុម្ភៈ កន្លងមក បាននាំយកអំណាយដ៏ថ្លៃថ្លារបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងដឹកនាំក្រុមការងារគ្រូពេទ្យស្ម័គ្រចិត្តចំនួន ៤៨៩នាក់ បានចុះអប់រំផ្សព្វផ្សាយបង្ការជំងឺកូវីដ-១៩ កំពុងរៀនរស់នៅធម្មតា តាមគន្លងប្រក្រតីភាពថ្មី ។ឯកឧត្តម លេង ផាលី បានសង្កត់ធ្ងន់ថា ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ទាំងអស់ បាននាំគ្នារួមសុខរួមទុក្ខជាមួយប្រជាពលរដ្ឋគ្រប់កាលៈទេសៈ ដើម្បីរួបរួមគ្នាធ្វើអំពើល្អ ដើម្បីផលប្រយោជន៍ប្រជាពលរដ្ឋ ជាតិ និងមាតុភូមិ​របស់យើង ក្នុងការចូលរួមកាត់បន្ថយ ភាពក្រីក្រជាមួយរាជរដ្ឋាភិបាលមួយចំណែកផងដែរ។ បញ្ហាសុខភាព គឺជា​មូលដ្ឋានគ្រឹះដើម្បីឆ្ពោះទៅរកភាពជោគជ័យ សុភមង្គល ជូនគ្រួសារ និងសង្គមជាតិ។ ការងារមនុស្សធម៌ចុះជួយប្រជាពលរដ្ឋ រៀងរហូតមក គឺកើតចេញពីការឧបត្ថម្ភគាំទ្រ និងការចង្អុលបង្ហាញផ្ទាល់ពីសំណាក់ ឯកឧត្តម ហ៊ុន ម៉ានី ដែលលោកតែងតែខ្វល់ខ្វាយគិតគូរ និងរួមសុខរួមទុក្ខជាមួយប្រជាពលរដ្ឋដែលជួបការលំបាកគ្រប់កាលទេសៈ។មានមតិស្វាគមន៍ទៅកាន់ប្រជាពលរដ្ឋ ក្នុងឃុំកងតាណឹង ឯកឧត្តម អ៊ុន ចាន់ដា អភិបាលខេត្ត និងឯកឧត្តម ថោង បូរ៉ាន់ ប្រធានក្រុមការងារថ្នាក់ជាតិចុះជួយមូលដ្ឋានស្រុក កងតាណឹង បានកោតសរសើរ និងវាយតម្លៃខ្ពស់ដល់ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រៀបបានដូចមន្ទីរពេទ្យចល័តមួយ ដែលមានគ្រូពេទ្យជំនាញៗ និងមានបទពិសោធន៍ល្អ ក្នុងនិងក្រៅប្រទេស មានឧបករណ៍វេជ្ជសាស្រ្តទំនើបៗ របៀបរបបធ្វើការល្អមានគុណភាព ថែមទាំងបានលះបង់ទាំងធនធានមនុស្ស ធនធានហិរញ្ញវត្ថុ និងពេលវេលា ដើម្បីជួយដល់ប្រជាពលរដ្ឋជាតិ និងមាតុភូមិរបស់យើងដោយមិនខ្លាចពីការនឿយហត់​ឡើយ ។ប្រជាពលរដ្ឋ បានថ្លែងអំណរ គុណជាខ្លាំងជូនចំពោះឯកឧត្តម ហ៊ុន ម៉ានី និងថ្នាក់ដឹកនាំ សមាជិក សមាជិកានៃក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ព្រមទាំងក្រុមការងារ និងទទួលយកពុទ្ធពរទាំងបួនប្រការរបស់ព្រះពុទ្ធ។សូម​បញ្ជាក់ផងដែរថា ការចុះពិនិត្យនិងព្យាបាលជំងឺជូនប្រជាពលរដ្ឋគឺជាស្មារតីមនុស្សធម៌​សុទ្ធសាធ​ ដែលស្តែងចេញពីសេចក្តីស្រឡាញ់បងប្អូនប្រជាពលរដ្ឋក្នុងនាមជាឈាមជ័រខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ​ អនាគតតែមួយ​ ពោលគឺការព្យាបាលមិនប្រកាន់បក្សពួក សាសនា ឬនិន្នាការ​នយោបាយណាមួយឡើយ​ សំដៅ​ចូលរួមកាត់​បន្ថយ​ភាព​ក្រីក្ររបស់ ប្រជាពលរដ្ឋ មួយចំណែកផងដែរ៕ រូបភាព អត្ថបទ រដ្ឋា

កម្ពុជាត្រៀមរួចរាល់ដើម្បីដឹកនាំកិច្ចប្រជុំចង្អៀតថ្នាក់រដ្ឋមន្រ្តីការបរទេសអាស៊ាន

2022/02/15 11:51:55 am        446
Facebook Telegram Linkin
ភ្នំពេញ៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងក្នុងនាមប្រេសិតពិសេសរបស់កម្ពុជាជាប្រធានអាស៊ានឆ្នាំ២០២២ នឹងធ្វើជាម្ចាស់ផ្ទះដឹកនាំកិច្ចប្រជុំចង្អៀតរដ្ឋមន្រ្តីការបរទេសអាស៊ានលើកដំបូង រយៈពេល៣ថ្ងៃ ចាប់ពីថ្ងៃ ទី១៥-១៧ ខែកុម្ភៈ ឆ្នាំ២០២២ នៅសណ្ឋាគារ​ សូហ្វីតែល រាជធានីភ្នំពេញ ជាទម្រង់ចូលរួមផ្ទាល់ និងតាមប្រព័ន្ធវីដេអូ។តាមការគ្រោងទុក ពាក់ព័ន្ធនឹងកិច្ចប្រជុំចង្អៀតថ្នាក់រដ្ឋមន្រ្តីការបរទេសអាស៊ានរយះពេល៣ថ្ងៃ នា​ល្ងាចនេះ​នឹងមានការទទួលស្វាគមន៍វត្ត​មានរបស់រដ្ឋមន្រ្តីការបរទេសអាស៊ានដែលអញ្ជើញ​ចូលរួម​ដោយផ្ទាល់នៅកម្ពុជាពីសំណាក់លោកជំទាវ អ៊ាត សោភា រដ្ឋលេខាធិការក្រសួងការបរទេស។ ដោយឡែកនៅព្រឹកថ្ងៃទី១៦ស្អែក ​នឹងចាប់ផ្តើមដំណើរការជាផ្លូវការកិច្ចប្រជុំចង្អៀតថ្នាក់រដ្ឋមន្រ្តី​ការ​បរទេស​អាស៊ាន ហើយកិច្ចប្រជុំ​នេះនឹង​បន្តដល់ថ្ងៃទី១៧ មួយព្រឹកដូចគ្នា បន្ទាប់ពីនោះនៅ​រសៀល​ថ្ងៃដដែល ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសកម្ពុជានឹងធ្វើ​សន្និសីទ​សារព័ត៌មាន​ជុំវិញលទ្ធផលនៃកិច្ចប្រជុំចង្អៀត​ដែលបានធ្វើឡើងរយៈពេល២ថ្ងៃកន្លងមក។ កិច្ចប្រជុំចង្អៀតរដ្ឋមន្រ្តីការបរទេសអាស៊ាន ​នឹងពិនិត្យមើលឡើងវិញនូវការសម្រេចនានារបស់​ថ្នាក់​ដឹកនាំនៅ​ក្នុងកិច្ចប្រជុំកំពូលអាស៊ានលើកទី៣៨ ​និងលើកទី៣៩ សំដៅធ្វើការផ្លាស់ប្តូរទស្សនៈគ្នា​លើមធ្យោបាយ ​ដើម្បីពង្រឹងបន្ថែមទៀតនូវទំនាក់ទំនង​ខាង​ក្រៅជាមួយដៃគូសន្ទនានានា ខណៈពេល​អាស៊ាន​បានថែរក្សា ​និងលើកកម្ពស់មជ្ឈភាព សាមគ្គីភាព ​និងឯកភាពអាស៊ាន ព្រមទាំង​ពិភាក្សាគ្នា​អំពីរបៀប និងវិធីសាស្រ្ត ដើម្បីកៀរគរកិច្ចខិតខំប្រឹងប្រែងរួមគ្នាក្នុងការកសាង​សហគមន៍អាស៊ានមួយ ដែលកាន់តែធន់រឹងមាំប្រកប​ដោយថាមពល ហើយពោរពេញដោយ​សន្តិភាព ​និងវិបុលភាព។ទោះបីជាយ៉ាងណាក៏ដោយ ក្នុងឋានៈកម្ពុជាជាប្រធានអាស៊ានឆ្នាំ២០២២ ឯកឧត្តម ឧបនាយក​រដ្ឋមន្ត្រី ប្រាក់ សុខុន គ្រោងនឹងលើកឡើងអំពីសមិទ្ធផលសំខាន់ៗ ដែលនឹងត្រូវសម្រេចបាន​ក្នុង​អំឡុងពេលភាពជាប្រធានអាស៊ានរបស់កម្ពុជា ​ក្រោមមូលបទ «អាស៊ាន រួមគ្នាធ្វើ៖ ដោះស្រាយ​បញ្ហា​ប្រឈម​ទាំងអស់គ្នា» ​ដើម្បីឆ្លើយតបទៅនឹងបញ្ហាប្រឈមជាយុទ្ធសាស្រ្ត ដែលកំពុងកើត​ឡើង​នៅក្នុងតំបន់ រួមមាន ការគ្រប់គ្រងជំងឺរាតត្បាតកូវីដ-១៩ ប្រកបដោយប្រសិទ្ធភាព និងដំណើរ​ការស្តារ​ឡើងវិញ​ប្រកប​ដោយបរិយាប័ន្ន ​ការប្រកួត​ប្រជែង​ភូមិសាស្រ្ត-នយោបាយ​ បញ្ហាជាប្រពៃណី និងមិនប្រពៃណី​ដែលមានស្រាប់ ​និងការពង្រឹងភាពស្អិតរមួត ​មជ្ឈភាព ​និងភាពធន់រឹងមាំ​របស់​អាស៊ាន៕អត្ថបទ៖ សេក ឧត្តម

រដ្ឋមន្ត្រីការបរទេសជប៉ុន៖ ឯកឧត្តម ហ៊ុន ម៉ាណែត ជាអ្នកនយោបាយជាន់ខ្ពស់ប្រកបដោយទស្សនវិស័យ

2022/02/15 11:35:38 am        406
Facebook Telegram Linkin
ភ្នំពេញ៖ រដ្ឋមន្ត្រីការបរទេសជប៉ុន បានថ្លែងកោតសរសើរឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោកថា មិនត្រឹមតែបញ្ញាវ័ន្តផ្នែកសេដ្ឋកិច្ច នៅកម្ពុជាប៉ុណ្ណោះទេ តែគឺជាអ្នកនយោបាយជាន់ខ្ពស់ប្រកបដោយទស្សនវិស័យវែងឆ្ងាយផងដែរ។ក្នុងជំនួបជាមួយឧត្តមសេនីយ៍ឯក ហ៊ុន ម៉ាណែត កាលពីម្សិលមិញ នៅទីស្តីការក្រសួងការ បរទេសជប៉ុន លោក ហាយ៉ាស៊ី យ៉ូស៊ីម៉ាសា (HAYASHI Yoshimasa) បានបង្ហាញនូវចំណាប់អារម្មណ៍ និងទស្សនៈផ្ទាល់ខ្លួនថា «ឯកឧត្តម ហ៊ុន ម៉ាណែត មិនត្រឹមតែ​ជា​បញ្ញាវ័ន្តផ្នែកសេដ្ឋកិច្ចប៉ុណ្ណោះទេ ប៉ុន្តែក៏​ជាអ្នកនយោបាយជាន់ខ្ពស់ប្រកប​ដោយទស្សនវិស័យ​ផងដែរ»។ លោក បានបង្ហាញអំពីការប្តេជ្ញាចិត្ត របស់ជប៉ុនក្នុងការបន្តជួយដល់ដំណើរការកសាង និង​អភិវឌ្ឍប្រទេសកម្ពុជា ​ឱ្យបានរីកចម្រើនរុងរឿងតទៅមុខទៀត ហើយបន្តគាំទ្រកម្ពុជា ក្នុងគ្រប់​កាលៈទេសៈទាំងអស់ ខណៈកម្ពុជា គឺជាប្រទេសស័ក្តិសមជា ដៃគូយុទ្ធសាស្ត្រជប៉ុននោះ។ប្រមុខការទូតជប៉ុនរូបនេះ បានសម្តែងការគាំទ្រផងដែរចំពោះដំណើរការបោះឆ្នោតនៅកម្ពុជា នាឆ្នាំ២០២៣ ស្របតាមគោលការណ៍ប្រជាធិបតេយ្យ។ ហើយមិនតែប៉ុណ្ណោះ ក៏បាន​សម្តែង​នូវការ​គាំទ្រ ​ចំពោះកិច្ចខិតខំប្រឹងប្រែងរបស់កម្ពុជា​ ក្នុងការដោះស្រាយបញ្ហាមីយ៉ាន់ម៉ា ក្នុងនាមជា​ប្រធាន​អាស៊ាន ឆ្នាំ២០២២ ​ជាពិសេសបានវាយតម្លៃខ្ពស់ចំពោះភាពច្នៃប្រឌិតរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា លើការកែច្នៃសភាពការណ៍ ដើម្បីស្វែងរកដំណោះស្រាយ​ចំពោះវិបត្តិនេះ ដែលនេះ គឺជាចំណុចគន្លឹះ និងជាជោគជ័យនៃសិល្បៈដឹកនាំរបស់សម្តេចតេជោ នៅក្នុងការបំពេញតួនាទីដោះស្រាយកិច្ចការអន្តរជាតិផងដែរ។ឧត្តមសេនីយ៍ឯក ហ៊ុន ម៉ាណែត បានសម្តែងភាពរីករាយចំពោះការស្វាគមន៍យ៉ាងកក់ក្តៅចំពោះ គណៈប្រតិភូកងទ័ពជើងគោកកម្ពុជា និងបានអរគុណដល់រាជរដ្ឋាភិបាល ​កងកម្លាំងស្វ័យការពារ និងប្រជាជនជប៉ុន ដែលតែងមានសមានចិត្តជួយឧបត្ថម្ភគាំទ្រកម្ពុជាជាប់រហូតមក ទាំងក្នុង​ដំណើរ​ការស្វែងរកសន្តិភាពក្នុងទស្សវត្សរ៍ឆ្នាំ៨០ បេសកកម្មថែរក្សាសន្តិភាព ក្នុងទស្សវត្សរ៍ឆ្នាំ៩០ ហើយជប៉ុនជាប្រទេសមួយក្នុងចំណោមប្រទេសដែលបានចូលរួមយ៉ាងសកម្ម​ក្នុងការស្តារកសាង និងអភិវឌ្ឍកម្ពុជាលើគ្រប់វិស័យ។ តបតាមការអញ្ជើញរបស់រាជរដ្ឋាភិបាលជប៉ុន ឧត្តមសេនីយ៍ឯក ហ៊ុន ម៉ាណែត បាននឹងកំពុងដឹក នាំគណៈប្រតិភូជាន់ខ្ពស់កងទ័ពជើងគោក បំពេញទស្សនកិច្ចផ្លូវការរយៈពេល៤ (ថ្ងៃទី១៤-១៧ ខែកុម្ភៈ នេះ) នៅក្នុងប្រទេសជប៉ុន ស្របពេលដែលប្រទេសទាំងពីរ បានឯកភាពគ្នាប្រារព្ធខួប​ទី​៣០ឆ្នាំ នៃប្រតិបត្តិការរក្សាសន្តិភាព (PKO) របស់ជប៉ុននៅកម្ពុជា ហើយដែលប្រតិបត្តិការនេះ ជា​ប្រតិបត្តិការក្រៅប្រទេសលើកទី១ របស់កងកម្លាំងស្វ័យការពារជប៉ុន ក្នុងក្របខ័ណ្ឌអង្គការ​សហប្រជាជាតិ៕អត្ថបទ៖ បាន ចក់ 

នាយឧត្តមសេនីយ៍ ឆៃ ស៊ីណារិទ្ធ រំលឹកដល់នគរបាលទាំងអស់ មិនត្រូវប្រើប្រាស់​សិទ្ធិអំណាច ធ្វើឲ្យ​ប៉ះពាល់​ដល់ពលរដ្ឋឡើយ

2022/02/14 01:51:21 pm        828
Facebook Telegram Linkin
ភ្នំពេញ៖ នាយឧត្តមសេនីយ៍ ឆៃ ស៊ីណារិទ្ធ អគ្គស្នងការរងនគរបាលជាតិ នៅថ្ងៃនេះ បានរំលឹកដល់មន្ដ្រីនគរបាលទាំងអស់ ត្រូវអនុវត្តគោរពប្រតិបត្តិទៅតាមច្បាប់កំណត់ ហើយមិនត្រូវប្រើប្រាស់សិទ្ធិអំណាចរបស់ខ្លួន ធ្វើឲ្យប៉ះពាល់ដល់ប្រជាពលរដ្ឋនោះឡើយ។ក្នុងឱកាសអញ្ជើញបើកវគ្គបំប៉នជំនាញសន្ដិសុខផ្ទៃក្នុង និងវគ្គបំប៉នជំនាញចរាចរណ៍ផ្លូវគោក នៅសាលានគរបាលជាតិមិត្តភាពកម្ពុជា-វៀតណាម នាយឧត្តមសេនីយ៍ ឆៃ ស៊ីណារិទ្ធ បានថ្លែងថា មន្ដ្រីនគរបាល​មិនត្រូវរំលោភបំពាន​លើប្រជាពលរដ្ឋស្លូតត្រង់ ដែលមិនបានអនុវត្តផ្ទុយពីច្បាប់​ជា​ដាច់ខាត ហើយ«កងកម្លាំងនគរបាលដែលជាមន្ដ្រីអនុវត្តច្បាប់ ត្រូវតែយល់ដឹងច្បាស់អំពីច្បាប់ គោរព​អនុវត្តប្រតិបត្តិគំរូរបស់យើងលើការអនុវត្តច្បាប់។នាយឧត្តមសេនីយ៍ បានបន្ថែមទៀតថា មនុស្សមួយចំនួនបានប្រព្រឹត្តកំហុស ហើយមិនបានទទួល​ស្គាល់​កំហុសនោះទេ ពោលគាត់តែងតែដោះបន្ទុកនូវអ្វីដែលគាត់បានប្រព្រឹត្ត ដូច្នេះ​មន្ដ្រី​នគរបាល​ត្រូវតែយល់ច្បាស់អំពីច្បាប់ ​ពិសេសអ្វីដែលជាធាតុផ្សំបទល្មើស ​ភស្ដុតាង ដើម្បី​កុំ​ឲ្យមនុស្ស​ខិលខូចមួយចំនួនរួចផុតពីច្បាប់ ក្រោយអនុវត្តខុសច្បាប់ ខណៈយើងធ្វើកិច្ចការងារ​ជំនាញ យើងត្រូវសិក្សាឲ្យដល់ ឬសគល់របស់វា សម្ដៅ​ធ្វើយ៉ាងមិនឲ្យការអនុវត្តវិធានការច្បាប់ទៅលើបុគ្គល​ដែលប្រព្រឹត្តនូវបទល្មើស ​ជាជនទុច្ចរិតឲ្យត្រូវទៅ​នឹងទម្រង់ទាំងអស់នេះ។ជាមួយគ្នានោះដែរ នាយឧត្តមសេនីយ ក៏បានណែនាំដល់មន្ដ្រីនគរបាលទាំងអស់ ត្រូវចូលរួមថែ​រក្សាសន្ដិភាព ​ដែលស្វែងរកបានដោយលំបាក ​ព្រោះបើគ្មានសុខសន្ដិភាព គឺគ្មានការ​អនុវត្ត​នោះឡើយ។ ក្នុងនាមកងកម្លាំងនគរបាលជាតិ ​មិនត្រូវក្បត់​មនសិកា មិនក្បត់ឧត្តមគតិប្រទេសជាតិ មិនត្រូវក្បត់ផលប្រយោជន៍ប្រទេសជាតិ ​និងប្រជាពលរដ្ឋនោះទេ ។យោងតាមរបាយការណ៍របស់លោកឧត្តមសេនីយ៍ឯក អ៊ុ អុន អនុប្រធានសេនាធិការ និងជានាយក​សាលា​នគរបាលជាតិមិត្តភាពកម្ពុជា-វៀតណាម​ បានឲ្យដឹងថា​ ក្នុងវគ្គបំប៉នជំនាញសន្ដិសុខផ្ទៃ ក្នុង​មានសិក្ខាកាមចំនួន ១០០នាក់ មកពីស្នងការដ្ឋាននគរបាលរាជធានី-ខេត្ត​ និងនាយកដ្ឋាន ចំនួន៣២។ ដោយឡែក វគ្គបំប៉នជំនាញចរាចរណ៍ផ្លូវគោក ​មានសិក្ខាកាមចំនួន ១០០នាក់ មកពីស្នងការដ្ឋាននគរបាលរាជធានី-ខេត្ត និងនាយកដ្ឋានចំនួន២៦។លោកឧត្តមសេនីយ៍ឯក អ៊ុ អុន បានបញ្ជាក់ថា ​គ្រប់ការសិក្សាតាមវគ្គនីមួយៗ សាលា​តម្រូវ​ឲ្យមានការប្រឡងបញ្ចប់វគ្គ​ ពេលសិក្សាមេរៀននីមួយៗទាំងទ្រឹស្តី​ ការអនុវត្តជាក់ស្តែងលើទីលាន គ្រូតម្រូវធ្វើតេស្ត ដើម្បី​ស្ទាបស្ទង់​សមត្ថភាពរបស់សិក្ខាកាម ​និងផ្តល់ពិន្ទុជូនសិក្ខាកាមម្នាក់ៗ ដោយ​បូក​ជាមួយវិន័យ ​សិលធម៌​ ការសាមគ្គីភាព ពលកម្មអនាម័យ ការរស់នៅជាមូលដ្ឋានគ្រឹះ ក្នុង​ការផ្តល់​វិញ្ញាបនបត្រ​បញ្ជាក់ការសិក្សាជូននៅពេលបញ្ចប់វគ្គ៕ អត្ថបទ៖ បាន ចក់

ក្រុមការងារបក្សប្រជាជនចុះមូលដ្ឋានឃុំខ្នារពោធិ៍ ខេត្តសៀមរាប ផ្ដល់រង្វាន់ដល់សិស្សនិទ្ទេស A

2022/02/14 01:41:08 pm        896
Facebook Telegram Linkin
សៀមរាប៖ ឯកឧត្តម សឹង សំណាង សមាជិកគណៈកម្មាធិការកណ្តាលគណបក្សប្រជាជន ជាអនុប្រធានក្រុមការ ងារចុះជួយមូលដ្ឋានស្រុកសូទ្រនិគម និងជាប្រធានក្រុមការងារគណបក្សចុះមូលដ្ឋានឃុំខ្នារពោធិ៍ បានចុះជួបសំណេះសំណាល និងចែករង្វាន់ជូនសិស្សប្រឡងជាប់និទ្ទេស A និងនិទ្ទេសផ្សេងទៀត ។ក្នុងពិធីនេះសំណេះសំណាលជាមួយសិស្ស ក្នុងស្រុកសូទ្រនិគម ខេត្តសៀមរាប កាលពីម្សិលមិញ ឯកឧត្តម សឹង សំណាង បានអបអរសាទរសិស្សានុសិស្ស ដែលជា​ជ័យលាភី​ប្រឡងជាប់សញ្ញបត្រ​មធ្យមសិក្សាទុតិយភូមិ សម្រាប់ឆ្នាំសិក្សា២០២០-២០២១ កន្លងមកនេះ។ ឯកឧត្តម បានថ្លែងអំណរគុណ យ៉ាងជ្រាលជ្រៅបំផុតចំពោះអាជ្ញាធរពាក់ព័ន្ធ លោកគ្រូ អ្នកគ្រូ មាតាបិតា អាណាព្យាបាល សិស្សទាំងអស់ ​ដែលបានខិតខំ​លះបង់​កម្លាំងកាយ ប្រាជ្ញា ស្មារតី ក្នុងការ​ជួយជំរុញ និងបង្ហាត់បង្រៀនសិស្ស ​ដែលនេះជាការលះបង់ដ៏ខ្លាំងក្លាបំផុត ក្នុង​បរិបទ​នៃការរីករាល​ដាលជំងឺកូវីដ-១៩ ​ដើម្បីធ្វើយ៉ាងណាឲ្យសិស្សានុ ​សិស្ស ​បានក្លាយជាពលរដ្ឋល្អ ជា​ទំពាំងស្នងឫស្សី និងជាសសរទ្រូងដ៏​រឹងមាំ​សម្រាប់ប្រទេសជាតិ ។ឯកឧត្តម ​បានអំពាវនាវដល់យុវជនឱ្យចូលរួមធ្វើជាយុវជនបន្តវេន សិស្សល្អ​ កូនល្អ ​មិន​ប្រព្រឹត្តអំពើអបាយមុខ ​និងចូលរួមជួយការងារសង្គមក្នុងសហគមន៍ ​ឲ្យបានសកម្ម ដើម្បីកែប្រែ​មុខ​មាត់​សហគមន៍។ ពាក់ព័ន្ធ​នឹងបញ្ហាជំងឺកូវីដ-១៩ ឯកឧត្ដម​ បានអំពាវនាវដល់ពលរដ្ឋឱ្យពលរដ្ឋ ចូលប្រយុទ្ធប្រឆាំង​ឱ្យបានខ្លាំងក្លា ខណៈអូមីក្រុង កំពុងមានសកម្មភាពចម្លងក្នុងសហគមន៍ហើយនោះ ដោយ​អនុវត្ត​វិធានការ សុខាភិបាលនានា ​និងវិធានការ ​៣ការពារ ៣កុំ ។លោក គឿន ឈឹង ​សមាជិកក្រុមប្រឹក្សាឃុំខ្នារពោធិ៍ ​បានឲ្យដឹងថា ​លទ្ធផល ​នៃការប្រឡង​សញ្ញាបត្រ​មធ្យម​សិក្សាទុតិយភូមិ ឆ្នាំសិក្សា២០២០-២០២១ ​ក្នុងឃុំនេះ មានសិស្សប្រឡងជាប់​សរុប ៥២នាក់ និងសិស្ស​ទទួល​បាននិទ្ទេស A ម្នាក់។ជាការលើកទឹកចិត្ត ឯកឧត្តម សឹង សំណាង បានផ្តល់ជា​ថវិកា​ដល់សិស្សទាំងអស់ ​លោកគ្រូ អ្នកគ្រូ ក្រុមប្រឹក្សាភូមិឃុំ ​និងក្រុមប្រជាការពារ។ ​ឯកឧត្តម ​បាន​ប្រគល់​ជូន​បេក្ខនារី ដែល បានប្រឡង​ជាប់​និទ្ទេស A នូវកុំព្យូទ័រយួរ១គ្រឿង ​ដែល​ជា​ការ​ឧបត្ថម្ភ​តាមរយៈលោក ​គុជ ស៊ីនិត ​អនុប្រ​ធាន​ក្រុមការងារចុះជូយមូលដ្ឋានស្រុកសូទ្រនិគម ​និងជាអនុប្រធានក្រុមការងារគណបក្សចុះជួយមូល ដ្ឋានឃុំខ្នារពោធិ៍៕ អត្ថបទ៖ សៅ ភិរុណ 

បណ្ដាញសង្គម

ព័ត៌មានថ្មីៗ

អេស្ប៉ាញរកឃើញមនុស្សស្លាប់ខ្ពស់បំផុតពាក់ព័ន្ធនឹងកម្តៅក្នុងខែឧសភា ចាប់តាំងពីឆ្នាំ ២០១៥
06/03/2026 09:06 PM
Facebook Telegram Linkin
អគ្គិភ័យ និងការខូចខាត បានកើតមាននៅអាកាសយានដ្ឋានគូវែត ក្រោយការវាយប្រហាររបស់អ៊ីរ៉ង់
06/03/2026 08:06 PM
Facebook Telegram Linkin
ឥណ្ឌាអនុម័តមូលនិធិជាង ១ពាន់លានដុល្លារ ដើម្បីជួយក្រុមហ៊ុនអាកាសចរណ៍ ស្របពេលប្រេងយន្តហោះឡើងថ្លៃ
06/03/2026 08:06 PM
Facebook Telegram Linkin
ក្រុមអ្នកតាំងលំនៅនិគមន៍អ៊ីស្រាអែលវាយប្រហាររថយន្តដឹកគ្រួសារប៉ាឡេស្ទីននៅតំបន់វ៉េសប៊ែង
06/03/2026 08:06 PM
Facebook Telegram Linkin
ឈីលីកម្ទេចបណ្តាញលាងលុយកខ្វក់ដែលមានការជាប់ពាក់ព័ន្ធនឹងក្រុមឧក្រិដ្ឋជន Tren de Aragua
06/03/2026 08:06 PM
Facebook Telegram Linkin
អរិភាពនៅតំបន់ឈូងសមុទ្រឡើងកម្តៅជាថ្មី ខណៈកិច្ចប្រជុំសន្តិភាពអាមេរិក-អ៊ីរ៉ង់ជាប់គាំង
06/03/2026 08:06 PM
Facebook Telegram Linkin
កូដកម្មជុំវិញកំណែទម្រង់ការងារ ធ្វើឲ្យប៉ះពាល់ដល់រថភ្លើង ជើងហោះហើរ និងសាលារៀននៅព័រទុយហ្គាល់
06/03/2026 08:06 PM
Facebook Telegram Linkin
ចិនច្រានចោលអំណះអំណាងការងារដោយបង្ខំ ជាការឆ្លើយតបនឹងសំណើពន្ធអាមេរិក
06/03/2026 08:06 PM
Facebook Telegram Linkin
វិមានក្រឹមឡាំង៖ រុស្ស៊ីនឹងបន្តវាយប្រហារអ៊ុយក្រែនជាប្រព័ន្ធ ក្រោយការវាយប្រហារដ្រូននៅទីក្រុង St Petersburg
06/03/2026 08:06 PM
Facebook Telegram Linkin
អ្នកវិទ្យាសាស្រ្តព្រមានថា បាតុភូតអែល នីញ៉ូ អាចនឹងវាយប្រហារតំបន់ភាគខាងត្បូងប្រេស៊ីលក្នុងឆ្នាំនេះ
06/03/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.