BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

មន្ត្រីជំនាញសុខាភិបាល ទទូចដល់យុវវ័យកុំជួបជុំគ្នាក្នុងថ្ងៃទិវានៃក្តីស្រលាញ់ ដើម្បីទប់ស្កាត់កូវីដ-១៩

ភ្នំពេញ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានអំពាវនាវយ៉ាងទទូចដល់យុវវ័យមួយចំនួន កុំឱ្យជួបជុំប្រមូលផ្ដុំគ្នាក្នុងថ្ងៃទិវានៃក្តីស្រលាញ់ ព្រោះអាចបង្កឱ្យមាន ការឆ្លងជំងឺកូវីដ១៩ ពិសេសជំងឺអូមីក្រុង ដែលកំពុងធ្វើចរាចរណ៍យ៉ាងសកម្មនៅក្នុងប្រទេសកម្ពុជា។តាមរយៈសារសំឡេង កាលពីម្សិលមិញ លោកជំទាវវេជ្ជបណ្ឌិត ឱ វណ្ណឌីន បានលើកឡើងថា ទោះថ្ងៃនៃក្តីស្រលាញ់ ពុំមែនជាប្រពៃណីទំនៀបទម្លាប់ខ្មែរក៏ដោយ ប៉ុន្តែប្រជាពលរដ្ឋ ជាពិសេសយុវវ័យ ខ្មែរមួយចំនួន បានប្រើប្រាស់ថ្ងៃនេះ ជាថ្ងៃជួបជុំគ្នា ពិសាអាហារជាមួយគ្នា ដើម្បីបង្ហាញនូវក្តីស្រលាញ់ របស់ខ្លួនទៅកាន់បុគ្គលណាម្នាក់ ឬច្រើននាក់ ដែលខ្លួនស្រលាញ់។លោកជំទាវ បានបញ្ជាក់ថា នៅក្នុងបរិបទ នៃការរាតត្បាតជំងឺកូវីដ-១៩ ជាពិសេសអូមីក្រុងនេះ ពលរដ្ឋ និងយុវ័យ កុំភ្លេចខ្លួនឱ្យសោះ ព្រោះថា អូមីក្រុង កំពុងតែចរាចរណ៍យ៉ាងសកម្មនៅក្នុងសហគមន៍ ហើយដូច្នេះត្រូវរួមគ្នាទប់ស្កាត់ការចម្លងបន្ថែមទៀត ដោយអនុវត្តនូវវិធានការ ៣កុំ និង៣ការពារ ហើយគួរ នាំមនុស្សជាទីស្រលាញ់របស់ខ្លួនទៅចាក់វ៉ាក់សាំងកូវីដ-១៩ ដូសទី៣ ឬដូសជំរុញឱ្យបានគ្រប់ៗគ្នា ដើម្បី ផ្តល់នូវក្តីស្រលាញ់ពិតៗជូនដល់ពួកគេនាពេលនេះវិញទើបជាការចាំបាច់។លោកជំទាវ បានបញ្ជាក់ទៀតថា ការឆ្លងរាតត្បាត និងការបំប្លែងខ្លួននៃវីរុសកូវីដ-១៩ នៅតែជា កង្វល់ របស់បណ្តាប្រទេសនៅលើពិភពលោក ក្នុងនោះ ក៏មានប្រទេសកម្ពុជាផងដែរ។ ជាក់ស្ដែង គិតត្រឹម ថ្ងៃទី១៣ ខែកុម្ភៈនេះ មានមនុស្សជិត៤០០លាននាក់ហើយ ដែលបានឆ្លងវីរុសកូវីដ-១៩ និងមនុស្សជាង ៥លាននាក់ បានស្លាប់បាត់បង់ជីវិតដោយសារជំងឺកូរវីដ-១៩ ហើយកម្ពុជា ក៏មានអ្នកឆ្លងសរុបជាង១២ ម៉ឺន ៣ពាន់នាក់ និងស្លាប់ចំនួនជាងបីពាន់នាក់ដែរ។ ហើយចុងក្រោយនេះ ទោះបីជាកម្ពុជា ពុំមានអ្នកស្លាប់ ប៉ុន្តែបានរកឃើញអ្នកឆ្លងថ្មីរាប់រយនាក់ទៀត ដែលសុទ្ធតែជាប្រភេទអូមីក្រុងទាំងអស់៕

អាជ្ញាធរបន្ទាយមានជ័យ ដាំដើមឈើនៅតំបន់៣ ជាង៣ម៉ឺនដើម និងបិទបញ្ចប់ការដាំ

បន្ទាយមានជ័យ៖ អាជ្ញាធរខេត្តបន្ទាយមានជ័យ បានបិទបញ្ចប់ការដាំដើមឈើ នៅក្នុងដីព្រៃលិចទឹកតំបន់៣ ដែលបានរងការកាប់ទន្ទ្រានហើយ ដោយកូនឈើត្រូវបានដាំនោះមានចំនួន៤ប្រភេទ ស្មើនឹងជាង ៣ ៣០០០ដើម ។ឯកឧត្តម អ៊ុំ រាត្រី អភិបាលខេត្តបន្ទាយមានជ័យ នៅថ្ងៃទី១៤ ខែកុម្ភៈ ឆ្នាំ២០២២នេះ មានប្រសាសន៍ថា ព្រៃលិចទឹកតំបន់៣ នៅក្នុងខេត្តបន្ទាយមានជ័យ បានរងការកាប់ទន្ទ្រាន មាននៅឃុំប្រាសាទ ឃុំភ្នំលៀប ស្រុកព្រះនេត្រព្រះ និងឃុំសំបួរ ស្រុកមង្គលបូរី ដោយពលរដ្ឋចំនួន ៦៥១គ្រួសារ បានស្ម័គ្រចិត្តប្រគល់ដីជូនរដ្ឋវិញ ស្មើនឹង ៤ ២៦២.៦៧ហិកតា ។ឯកឧត្តម បន្តថា សម្រាប់ដីតំបន់៣ ដែលត្រូវកាប់ឆ្ការដោយខុសច្បាប់នោះ ត្រូវបានអាជ្ញាធរធ្វើការដាំដើមឈើឡើងវិញចំនួន ៨លើក ស្មើនឹង៣៣ ៣៨០ដើម ក្នុងនោះមាន គុម្ពឫស្សី ដើមរាំងទឹក គ្រាប់ត្នោត និងរំដេញ ។ឯកឧត្តម អ៊ុំ រាត្រី បានបន្តថា អាជ្ញាធរខេត្តក៏បានលើកស្លាកប៉ាណូបានចំនួន ៦ផ្ទាំង(គ្រប់តាមផែនការ៦/៦) បានចាក់បង្គោលសសរបានចំនួន ២៦បង្គោល, ចុះតម្រង់បង្គោល២២បង្គោល និងបានបោះបង្គោល ៤៨បង្គោល (គ្រប់តាមផែនការ ៤៨/៤៨) ។អភិបាលខេត្តបន្ទាយមានជ័យ បានបញ្ជាក់ថា អាជ្ញាធរនឹងបន្តចុះពិនិត្យ និងស្រាវជ្រាវទីតាំងជាក់ស្តែងក្នុងភូមិសាស្ត្រស្រុកទាំង២ ដែលមានការរុករានទន្ទ្រានកាន់កាប់ អាស្រ័យផលដើម្បីកំណត់និយាមកាលើប្លង់ទីតាំងដី រួចកំណត់អត្តសញ្ញាណដី អត្តសញ្ញាណមនុស្ស ដែលពាក់ព័ន្ធដើម្បីចាត់វិធានការផ្លូវច្បាប់ និងសហការជាមួយក្រុមការងារថ្នាក់ជាតិ បោះបង្គោលរង៤៥ដើម (រវាងបង្គោលមេ) ចន្លោះ៥០០ម៉ែត្រមួយដើម តាមគ្រប់ច្រកចេញចូលទៅកាន់តំបន់៣ និងជំរុញការចុះបញ្ជីដីនៅតំបន់ព្រៃលិចទឹកតំបន់៣ជាដីរដ្ឋ ។គួរបញ្ជាក់ថា ពាក់ព័ន្ធការកាប់ទន្ទ្រាន និងកាន់កាប់ដីព្រៃលិចទឹកក្នុងតំបន់៣ ដោយខុសច្បាប់ ស្ថិតក្នុងភូមិសាស្ត្រខេត្តបន្ទាយមានជ័យ តុលាការដំបូងខេត្ត បានអញ្ជើញអភិបាលស្រុកព្រះនេត្រព្រះ បំភ្លឺក្នុងករណី រួមទាំងមានការឃាត់ខ្លួនមេឃុំផងដែរ ៕

ខេត្តឧត្ដរមានជ័យ ផ្ដល់រង្វាន់ម៉ូតូដល់សិស្សប្រឡងបាក់ឌុបជាប់និទ្ទេសអេ (A)

ឧត្តរមានជ័យ៖ សិស្សដែលប្រឡងសញ្ញាបត្រមធ្យមសិក្សា ទុតិយភូមិ ឆ្នាំ២០២០-២០២១កន្លងមកនេះ លទ្ធផលទទួលបាននិទ្ទេសអេA ត្រូវបានឯកឧត្តម ប៉ែន កុសល្យ អភិបាលខេត្តឧត្តរមានជ័យ ផ្ដល់រង្វាន់ម៉ូតូជូនម្នាក់មួយគ្រឿង នៅតាមលំនៅដ្ឋានផ្ទាល់ខ្លួនរបស់សិស្សនៅថ្ងៃម្សិលមិញនេះ ។ក្នុងឱកាសសំណេះសំណាលនាពេលនោះដែរឯកឧត្ដម ប៉ែន កុសល្យ ក៏បានធ្វើការវាយតម្លៃខ្ពស់ចំពោះក្មួយៗជាសិស្សានុសិស្ស ក៏ដូចលោកគ្រូអ្នកគ្រូ និងមាតាបិតាអាណាព្យាបាល សិស្ស ទាំងអស់ ដែលបានចូលរួមចំណែកក្នុងការបណ្តុះបណ្តាលធនធានមនុស្សបានល្អ នៅក្នុងខេខេត្តឧត្តរមានជ័យ ជាពិសេសដើម្បីអនាគតខ្លួនឯងផងក្រុមគ្រួសារផង និងប្រទេសជាតិយើងផង ឲ្យស្របតាមពាក្យស្លោកថា យុវជនជាសសរទ្រូងនៃប្រទេសជាតិ ។ឯកឧត្តម អភិបាលខេត្ត ក៏បានផ្តាំផ្ញើផងដែរដល់ក្មួយៗជាសិស្សានុសិស្សដែលទទួលបានរង្វាន់ នាពេលនេះ សូមក្មួយៗត្រូវយកចិត្តទុកដាក់រៀនសូត្របន្តទៀតឲ្យបានប្រសើរ ដើម្បីអនាគតរបស់ខ្លួនមានភាពភ្លឺស្វាង ។ម្យ៉ាងវិញទៀតត្រូវចូលរួមគោរពច្បាប់ចរាចរណ៍ ពេលបើកម៉ូតូត្រូវពាក់មួកសុវត្ថិភាពឲ្យបានខ្ជាប់ខ្ជួន និងត្រូវគោរពគំនូសសញ្ញាចរាចរណ៍ និងផ្លាកសញ្ញាចរាចរណ៍តាមដងផ្លូវដើម្បីគេចផុតពីគ្រោះថ្នាក់ចរាចរណ៍ ដែលកើតជាយថាហេតុទាំងឡាយ និងត្រូវជៀសឱ្យឆ្ងាយពីគ្រឿងញៀនអាចនាំឲ្យខូចអនាគតក្នុងការសិក្សារបស់ក្មួយៗផងដែរ។សូមបញ្ជាក់ថា រង្វាន់ម៉ូតូដែលចែកផ្តល់ជូនសិស្សានុសិស្សដែលប្រឡងបាក់ឌុបជាប់និទ្ទេសAនៅពេលនេះមាន ឈ្មោះ ជា ស្រីខូច ភេទស្រី រៀននៅវិទ្យាល័យតេជោ សំរោងនៅក្រុងសំរោង និងឈ្មោះ វើយ ចន្នី ប្រុស រៀននៅវិទ្យាល័យហ៊ុនសែនពង្រ នៅស្រុកចុងកាល់៕អត្ថបទ៖ ឃិនសារិទ្ធ

ជនបរទេសថា ការជួយសង្គ្រោះមនុស្សលើនាវា MS Westerdam ក្លាយជាការចងចាំក្នុងចិត្តជានិច្ច

ភ្នំពេញ៖ ព្រឹត្តិការណ៍ដ៏សំខាន់ក្នុងជួយសង្រ្គោះរបស់រាជរដ្ឋាភិបាលកម្ពុជា ចំពោះការអនុញ្ញាតឲ្យនាវា MS Westerdam ចូលចត ក្រោយប្រទេសជាច្រើនបដិសេធ គិតត្រឹមថ្ងៃទី១៤ ខែកុម្ភៈ ឆ្នាំ២០២២ មានរយៈពេល២ឆ្នាំកន្លងផុតក៏ពិតមែន ក៏មានជនបរទេស បានលើកឡើងថា ការជួយសង្គ្រោះមនុស្សលើនាវានេះ ជាទ្វើមនុស្សធម៌ និងក្លាយជាការចងចាំក្នុងចិត្តរបស់អ្នកទេសចរណ៍ជានិច្ច។ស្របពេលថ្ងៃនេះ ជាខួបពីរឆ្នាំនៃព្រឹត្តិការណ៍នាវាខ្នាតយក្សMS Westerdam ត្រូវបានសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អនុញ្ញាតឲ្យនាវាទេសចរណ៍ខ្នាតយក្សរបស់អាមេរិក ចូលសំចតនៅកំពង់ផែសមុទ្រប្រទេសកម្ពុជា បន្ទាប់ពីនាវានេះ មានអ្នកទេសចរណ៍ជាងពីរពាន់នាក់ ដែលមកពីចម្រុះជាតិសាសន៍ត្រូវបានបណ្តាប្រទេសនៅក្នុងតំបន់ ក៏ដូចជាពិភពលោក បានបដិសេធមិនឲ្យចូលសំចត ដោយសារតែមានភាពភ័យខ្លាចមេរោគកូវីដ១៩នោះ មានជនបរទេសដែលមកកម្សាន្តនៅកម្ពុជា បានលើកឡើងចំពោះទង្វើដែលគិតគូរ និងខ្វល់ខ្វាយចំពោះអ្នកទេសចរណ៍លើនាវាខ្នាតយក្ស គឺជាគំរូឆ្លុះបញ្ចាំងអំពីការជួយគ្នាទៅវិញទៅមករបស់កម្ពុជា ចំពោះជាតិសាសន៍ដ៏ទៃទោះក្នុងស្ថានភាពរាតត្បាតជាសកលនៃជំងឺកូវីដ១៩។ពួកគេ បានលើកឡើងថា ប្រសិនមិនមានការជួយជ្រោមជ្រែងពីរាជរដ្ឋាភិបាលកម្ពុជាទេ គឺអ្នកទេសចរណ៍ទាំងនោះមិនអាចមានលទ្ធភាពត្រឡប់ទៅកាន់ស្រុកកំណើតរបស់ខ្លួនឡើយ។ ពួកគេ បន្តថា ការសម្រេចចិត្តដ៏ត្រឹមត្រូវរបស់រាជរដ្ឋាភិបាលចំពោះនាវាខ្នាតយក្សនេះនឹងក្លាយជាការចងចាំចំពោះអ្នកទេសចរណ៍ជានិច្ច។គួរបញ្ជាក់ថា តាមរយៈកាយវិការរបស់រាជរដ្ឋាភិបាលកម្ពុជា បានបង្ហាញពីសមានចិត្តដ៏ជ្រាលជ្រៅបំផុតលើផ្នែកការងារមនុស្សធម៌របស់ប្រមុខរាជរដ្ឋាភិបាលកម្ពុជា ជាពិសេស សម្តេចតេជោ ហ៊ុន សែន ដែលកាយវិការនេះបានបង្ហាញផងដែរថា ទោះបីក្នុងកាលៈទេសៈណាក៏ដោយរាជរដ្ឋាភិបាលកម្ពុជា ដែលដឹកនាំដោយសម្តេចតេជោ មានស្មារតីខ្ពស់បំផុតក្នុងការចូលរួមដោះស្រាយបញ្ហារបស់ពិភពលោក និងគ្មានការរើសអើងពូជសាសន៍ និងជាតិសាសន៍ដទៃនោះឡើយ។ ក្នុងនោះ ការអនុញ្ញាតឲ្យនាវាទេសចរណ៍ខ្នាតយក្សនេះចូលចតនៅកម្ពុជា ក៏មានអតីតប្រធានាធិបតីអាមេរិក លោក ដូណាល់ ត្រាំ, ប្រធានអង្គការសុខភាពពិភពលោក លោក អាដាណម ហ្គែប្រេយេសឹស, អគ្គលេខាធិការនៃអង្គការទេសចរណ៍ពិភពលោក (UNWTO) លោក ហ៊្សូរ៉ាប់ ប៉ូឡូលីកាស់វីលី, និងអង្គទូតនានាប្រចាំនៅកម្ពុជាសុទ្ធតែបានថ្លែងអំណរគុណដល់សម្តេចតេជោ ហ៊ុន សែន និងប្រកាសចងចាំចំពោះកាយវិការ ប្រកបដោយមនុស្សធម៌មួយនេះយ៉ាងជ្រាលជ្រៅផងដែរ៕ អត្ថបទ៖ សេក ឧត្តម

ពលរដ្ឋបន្តមកតេស្តPCR រកកូវីដ១៩ មានកំណើនកើនឡើង ខណៈព្រួយបារម្ភពីការឆ្លងអូមីក្រុង

ភ្នំពេញ៖ បច្ចុប្បន្នចំនួនប្រជាពលរដ្ឋដែលមានបញ្ហាសុខភាព ទៅធ្វើតេស្ត PCR នៅរាជធានីភ្នំពេញកំពុងមានការកើនឡើង។ ជាក់ស្ដែងសម្រាប់មន្ទីរពេទ្យមិត្តភាពខ្មែរ-សូវៀត គឺមានចំនួនប្រជាពលរដ្ឋទៅធ្វើតេស្តរហូតដល់ក្នុងរង្វង់ ៣០០នាក់ក្នុងមួយថ្ងៃ។ ការកើនឡើងនេះ គឺចាប់ផ្ដើមតាំងពីខែដើមខែកុម្ភៈមកម្ល៉េះ។សម្រាប់មន្ទីរពេទ្យមិត្តភាពខ្មែរ-សូវៀត គឺមានប្រជាពលរដ្ឋទៅធ្វើតេស្តរហូតដល់ប្រមាណ ៣០០នាក់ក្នុងមួយថ្ងៃចាប់តាំងពីដើមខែកុម្ភៈមក ដោយកន្លងទៅចំនួនប្រជាពលរដ្ឋទៅធ្វើតេស្តច្រើនបំផុតត្រឹម ៥០នាក់ ក្នុងមួយថ្ងៃប៉ុណ្ណោះ។ ចំនួននេះអាចលើសពី ៣០០នាក់ទៅទៀត បើសិនជាមន្ទីរពេទ្យពុំមានកំណត់ចំនួនមនុស្ស។ នេះជាការលើកឡើងរប់សវេជ្ជបណ្ឌិត ឆន សុធារី អនុប្រធានមណ្ឌលកូវីដ-១៩ នៃមន្ទីរពេទ្យមិត្តភាពខ្មែរ-សូវៀត។ សម្រាប់ភូមិសាស្រ្តរាជធានីភ្នំពេញ គឺអនុញ្ញាតឱ្យប្រជាពលរដ្ឋអាចទៅធ្វើតេស្ត PCR ដោយមិនគិតថ្លៃនៅទីតាំងចំនួន ៣ គឺនៅទីតាំង កោះពេជ្រ វិហារយេស៊ូគ្រឹះស្ទឹងមានជ័យ និងក្នុងមនី្ទរពេទ្យមិត្តភាពខ្មែរ-សូវៀត។ ចំណែកឯកទីតាំងព្យាបាលជំងឺកូវីដ-១៩ គឺមានចំនួន ២ទីតាំង គឺមនី្ទរពេទ្យមិត្តភាពខ្មែរ-សូវៀត និងមណ្ឌលព្យាបាលជំងឺកូវីដ-១៩ ស្តាតអូឡាំពិក។ នេះបើផ្អែកលើការបញ្ជាក់របស់លោក វេជ្ជបណ្ឌិត ងី មានហេង ជាមួយក្រុមការងារ BTV កាលពីសប្ដាហ៍មុន។ក្នុងពេលបច្ចុប្បន្ននេះ ការឆ្លងកូវីដ-១៩ ជាពិសេសវីរុសបំប្លែងថ្មី អូមីក្រុង នៅកម្ពុជា ក៏កើនឡើងជាបន្តបន្ទាប់ផងដែរ។ ជាក់ស្ដែងសម្រាប់ថ្ងៃទី ១១ កុម្ភៈ ក្រសួងសុខាភិបាល ប្រកាសករណីវិជ្ជមាន ៣០០ករណី និងថ្ងៃទី ១២ កុម្ភៈមានការរកចំនួន ៤០១ករណី ជាប្រភេទអូមីក្រុងទាំងអស់។ជាវិធានការបន្ទាន់រាជធានីភ្នំពេញ ក៏បានចេញសេចក្ដីណែនាំជាបន្តបន្ទាប់ ដោយបញ្ជាក់ពីការផាកពិន័យ តាមមាត្រា២ នៃប្រកាសអន្តរក្រសួង ចុះថ្ងៃទី ១៩ ខែមីនា ឆ្នាំ២០២១របស់ក្រសួងសេដ្ឋកិច្ច និងក្រសួងសុខាភិបាល ស្ដីពីការពិន័យជាប្រាក់ចំពោះបុគ្គល ឬនីតិបុគ្គលដែលប្រព្រឹត្តិអំពើល្មើសនឹងវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត។ លើសពីនេះ គឺការដាក់ពន្ធនាគារ ស្របតាមមាត្រា ១០មាត្រា ១១ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។ រដ្ឋបាលរាជធានីភ្នំពេញ ក៏បានចេញសេចក្ដីណែនាំបន្ថែម ដោយមានចំណុចមួយបញ្ជាក់ការកំណត់ចំនួនមនុស្សនៅតាមទីតាំងប្រមូលផ្ដុំ ដូចជាពិធីមង្គលការ ភោជនីយដ្ឋាន ពិធីបុណ្យទាន ដោយត្រូវកំណត់ចំនួនមនុស្សមិនឱ្យលើស ៧នាក់ក្នុង ១ តុនោះទ្បើយ៕ អត្ថបទ៖ គឹមហុក

មនុស្សវ័យចាស់សម្រុកទៅចាក់វ៉ាក់សាំងដូសទី៤ ខណៈអូមីក្រុងកំពុងរីករាលដាលក្នុងសហគមន៍

ភ្នំពេញ៖ ខណៈមេរោគបំប្លែងអូមីក្រុង កំពុងរីករាលដាលក្នុងសហគមន៍ ពលរដ្ឋរស់នៅក្នុងរាជធានីភ្នំពេញ ដែលមានអាយុពី៦០ឆ្នាំឡើងទៅ នៅថ្ងៃនេះ សម្រុកទៅចាក់វ៉ាក់សាំងដូសទី៤ ដើម្បីទប់ទល់នឹងការវាយ លុកពីជំងឺកូវីដ-១៩។ពលរដ្ឋអាយុពី៦០ឆ្នាំឡើងមកទទួលការចាក់វ៉ាក់សាំងកូវីដ នៅមន្ទីរពេទ្យបង្អែកច្បារអំពៅ រាជធានីភ្នំពេញ នៅថ្ងៃទី១៤ ខែកុម្ភៈនេះ បានប្រាប់BTVឱ្យដឹងថា បន្ទាប់ពីចាក់វ៉ាក់សាំងដូសទី៤រួច គឺបានរួមចំណែកកាត់បន្ថយការភ័យខ្លាចឆ្លងជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង ដែលកំពុងរីករាលដាលក្នុងសហគមន៍។ បើទោះបីភាគច្រើនពួកគាត់នៅផ្ទះក្តី តែការចាក់វ៉ាក់សាំងកូវីដ-១៩ មានសារសំខាន់ណាស់ ដោយពួគេ បានបញ្ជាក់ថា ជំងឺកូវីដ-១៩ ប្រៀបដូចជាស្រមោលអន្ទោលតាមប្រាណ មានតែវ៉ាក់ សាំង និងវិធានការសុខាភិបាល ៣កុំ ៣ការពារ ទើបអាចទប់ទល់បាន។បច្ចុប្បន្នយុទ្ធនាការចាក់វ៉ាក់សាំងកូវីដ-១៩ ប្រភេទPfizer ដូសទី៤ ជូនក្រុមអាទិភាព និងពលរដ្ឋ អាយុ១៨ឆ្នាំឡើង គឺអនុវត្តនៅតែរាជធានីភ្នំពេញប៉ុណ្ណោះ ព្រោះវ៉ាក់សាំងនេះ ត្រូវផ្ទុកក្នុងសីតុណ្ហភាពត្រជាក់ដក៨០អង្សាសេ។ សម្រាប់បណ្តារាជធានី-ខេត្តផ្សេងទៀត នឹងចាប់ផ្តើមអនុវត្តនៅពេលខាងមុខ បន្ទាប់ពីកម្ពុជាទទួលបានប្រព័ន្ធត្រជាក់ពីអង្គការUnicef ជាផ្គត់ផ្គង់។រាជរដ្ឋាភិបាលកម្ពុជា បានចាត់ទុកការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោម វិធានការសុខាភិបាលចាំបាច់ដទៃទៀត ដែលនឹងបង្ការការរាតត្បាត ការចម្លងជំងឺកូវីដ-១៩ និងកាត់បន្ថយ ផលប៉ះពាល់នៃជំងឺកូវីដ-១៩ ទៅលើវិស័យសេដ្ឋកិច្ច និងសង្គម។ បច្ចុប្បន្នកម្ពុជា រកវ៉ាក់សាំងកូវីដ-១៩ បានជាង៤៣លានដូស រាប់បញ្ចូលទាំងការបញ្ជាទិញពីប្រទេសចិន ជំនួយតាមយន្តការកូវ៉ាក់ និងបណ្តាប្រទេសផ្សេងៗមួយចំនួនទៀត៕អត្ថបទ៖ ទូច សោភ័ណ

ពលរដ្ឋមានមោទនភាពសម្តេចតេជោ ទទួលពានសន្តិភាពស៊ុនហាក់ ជានិមិត្តរូបសន្តិភាពសម្រាប់ពិភពលោក

ភ្នំពេញ៖ ប្រជាពលរដ្ឋ បានបង្ហាញពីទឹកចិត្តរំភើបសប្បាយរីករាយ និងមានមោទនភាពចំពោះសម្តេចតេជោ ដែលទទួលបានពានរង្វាន់សន្តិភាពស៊ុនហាក់ ឆ្នាំ២០២២ ដែលជាពានអន្តរជាតិ សម្រាប់បុគ្គលបានលះបង់ ដើម្បីបុព្វហេតុសន្តិភាព និងបំផុសគំនិតមនុស្សជាតិស្វែងរកសន្តិភាពពិភពលោក។ពលរដ្ឋបានថ្លែងប្រាប់ BTV ថា នៅថ្ងៃទី១៤ ខែកុម្ភៈ យើងទាំងអស់គ្នាពិតជាមានការគាំទ្រ និងមានការគោរពស្រឡាញ់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាខ្លាំងណាស់ ខណៈសម្តេចតេជោ ត្រូវបានមេដឹកនាំ អតីតមេដឹកនាំប្រទេស ក៏ដូចបណ្តាប្រជាជនបណ្តាប្រទេសលើពិភពលោក បានផ្តល់កិត្តិយសយកសម្តេច ធ្វើជានិមិត្តរូបនៃសន្តិភាពសម្រាប់ពិភពលោកទាំងមូល ហើយស័ក្ដិសមទទួលពានរង្វាន់សន្តិភាពស៊ុនហាក់ឆ្នាំ២០២២នេះ។សូមបញ្ជាក់ថា នៅក្នុងដំណើរចូលរួមបំពេញទស្សនកិច្ចផ្លូវការរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា ទៅកាន់នៅទីក្រុងសេអ៊ូល សាធារណៈកូរ៉េចាប់ពីថ្ងៃទី១០ដល់ថ្ងៃទី១៣ ខែកុម្ភៈឆ្នាំ២០២២ ដើម្បីធ្វើជាសហប្រធាននៃកិច្ចប្រជុំកំពូលពិភពលោកឆ្នាំ២០២២ ដែលផ្តោតពីសន្តិភាពនៅឧបទ្វីបកូរ៉េ ជាមួយឯកឧត្តម បាន គីមូន អតីតអគ្គលេខាធិការអង្គការសហប្រជាជាតិ នោះ គឺមានមេដឹកនាំ អតីតមេដឹកនាំប្រទេស និងអ្នកជំនាញមកពីបណ្តាប្រទេស ចំនួនប្រមាណ១០០ប្រទេស អញ្ជើញចូលរួមផងដែរ៕ អត្ថបទ៖ ស៊ុម សុខជា

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

កំពង់ស្ពឺ៖ អតីតសកម្មជនគណបក្សនយោបាយនានាជាង១០០នាក់ នៅឃុំតាសាល ស្រុកឱរ៉ាល់ ខេត្តកំពង់ស្ពឺ បានសម្រេចចូលរួមជីវភាពនយោបាយជាមួយគណបក្សប្រជាជនកម្ពុជា បន្ទាប់ពីពួកគេទាំងនោះ អស់ជំនឿចំពោះមេដឹកនាំគណបក្សរបស់ខ្លួនពូកែតែនិយាយ និងសន្យាតែមិនពូកែធ្វើ ខណៈបក្សប្រជាជនកម្ពុជា បានសន្យាហើយធ្វើ និងអភិវឌ្ឍន៍ពិតនៅក្នុងភូមិ ឃុំរបស់ពួកគេជាបន្តបន្ទាប់។នៅក្នុងពិធីប្រកាសបញ្ចូលសមាជិកថ្មី របស់គណបក្សប្រជាជនកម្ពុជាចំនួន១១៨នាក់ នាថ្ងៃទី១៣ ខែកុម្ភៈ ម្សិលមិញនេះ ឯកឧត្តម យឿន យឿត អនុប្រធានក្រុមការងារចុះជួយស្រុកឱរ៉ាល់ និងជាប្រធានក្រុមការងារចុះជួយឃុំតាសាល បានថ្លែថា បងប្អូនដែលជាអតីតសកម្មជនរបស់គណបក្សសង្រ្គោះជាតិ គណបក្សសម្ព័ន្ធដើម្បីប្រជាធិបតេយ្យ (LDP) គណបក្សហ៊្វុនស៊ិនប៉ិច និងគណបក្សមួយចំនួនទៀត បានសម្រេចចូលជាសមាជិកគណបក្សប្រជាជនកម្ពុជា បន្ទាប់ពីពួកគេមើលឃើញពីភាពដឹកនាំពិតប្រាកដរបស់គណបក្សប្រជាជន។ឯកឧត្តម បានបន្តទៀតថា ក្នុងរយៈពេលប៉ុន្មានឆ្នាំចុងក្រោយនេះ នៅក្នុងស្រុកឱរ៉ាល់ខេត្តកំពង់ស្ពឺ មានមន្រ្តី និងសកម្មជនគណបក្សដទៃទៀត បានសម្រេចចូលរួមជីវភាពនយោបាយជាមួយ គណបក្សប្រជាជនកម្ពុជាជាបន្តបន្ទាប់ ជាក់ស្តែងដូចថ្ងៃនេះជាដើម ពួកគេបានមកដោយស្រេចតែចិត្តដោយគ្មានការបង្ខិតបង្ខំនោះឡើយ ដោយសារតែពួកគាត់បានឃើញការសន្យាពិត និយាយពិត និងធ្វើពិត ជាពិសេសថ្នាក់ដឹកនាំគ្រប់លំដាប់ថ្នាក់ បានរស់នៅជាមួយប្រជាជនជានិច្ច ខណៈប្រទេសជាតិមានទុក្ខលំបាកដូចករណីជួបប្រទះ និងបញ្ហាកូវីដ១៩ ជាដើមនោះ។ឯកឧត្តម យឿន យឿត បានលើកឡើងថា តាមរយៈសមិទ្ធផលដែលគណបក្សបន្សល់ទុករយៈពេល ៤៣ ឆ្នាំកន្លងមកនេះ គឺផ្ដើមពីជ័យជម្នះ៧មករា ដែលគណបក្សប្រជាជនកម្ពុជា បានសម្រេចនូវការផ្លាស់ប្តូរសង្គមយ៉ាងធំធេង ដោយពុំអាចនឹកស្មានដល់។ ឯកឧត្តម បានបន្តថា កម្ពុជាបានប្រែក្លាយពីវាលពិឃាតនៃរបបប្រល័យពូជសាសន៍ ពីសមរភូមិនៃសង្គ្រាមដ៏រ៉ាំរ៉ៃ ពីការបែកបាក់ជាតិ និងការបែងចែកទឹកដី ពីគំនរផេះផង់ ទៅជាទឹកដីដែលមានសន្តិភាព ឯកភាព ស្ថិរភាព សេរីភាព ប្រជាធិបតេយ្យ នីតិរដ្ឋ និងអភិវឌ្ឍន៍លើគ្រប់វិស័យ ដែលធ្វើឱ្យប្រជាជនគ្រប់រូបបានរស់នៅយ៉ាងសុខដុមរមនា ក្រោមដំបូលនៃរដ្ឋធម្មនុញ្ញតែមួយ និងម្លប់ដ៏ត្រជាក់នៃអង្គព្រះមហាក្សត្រ។ឯកឧត្តម បានបញ្ជាក់ថា ការបញ្ចូលសមាជិកថ្មីនេះ ដើម្បីពង្រឹង និងបង្កើនការត្រៀមលក្ខណៈសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ខាងមុខ៕អត្ថបទ៖ បាន ចក់

សម្ដេចតេជោ និងសហប្រធាននៃកិច្ចប្រជុំកំពូលសន្តិភាពពិភពលោកឆ្នាំ២០២២ អញ្ជើញចុះហត្ថលេខាលើសេចក្តីប្រកាសនៃមហាសន្និបាត

ភ្នំពេញ៖ នៅព្រឹកថ្ងៃទី១៣ ខែកុម្ភៈ នេះ បន្ទាប់ពីពិធីបើកសន្និបាតនៃក្រុមប្រឹក្សា កិច្ចប្រជុំកំពូលពិភពលោកដើម្បីសន្តិភាពនៃសម័យកិច្ចប្រជុំពិភពលោកឆ្នាំ២០២២ ស្ដីអំពីសន្តិភាព នៅឧបទ្វីបកូរ៉េរួចហើយនោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា រួមជាមួយនឹងសហប្រធាននៃកិច្ចប្រជុំកំពូលសន្តិភាពពិភពលោក និងបណ្ដាមេដឹកនាំជាច្រើនទៀត បានចុះហត្ថលេខាលើសេចក្តីប្រកាសស្ដីពីលទ្ធផល នៃមហាសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) និងមហាសន្និបាត នៃក្តីសង្ឃឹមមួយលាននាក់ នៃសន្តិភាពនៅ ឧបទ្វីបកូរ៉េ។ក្នុងនោះ ប្រមុខរដ្ឋ ប្រមុខរដ្ឋាភិបាលពេលបច្ចុប្បន្ន និងអតីតប្រមុខរដ្ឋ រដ្ឋាភិបាលសមាជិកសភា អ្នកតំណាងជាន់ខ្ពស់ មេដឹកនាំសាសនា អ្នកសិក្សា អ្នកដឹកនាំធុរកិច្ច និងសារព័ត៌មាន ស្ត្រីទីមួយ ថ្នាក់ដឹកនាំស្ត្រី និងសិល្បករ ដែលបានចូលរួមក្នុងកិច្ចប្រជុំកំពូលពិភពលោកឆ្នាំ ២០២២នេះ បានសម្រេចធ្វើការរួមគ្នាដើម្បី៖ ១/ជំរុញប្រទេសកូរ៉េទាំង២ និងសហគមន៍អន្តរជាតិឲ្យស្វែងរកយន្តការ ការទូតទ្វេភាគី និងពហុភាគី ដើម្បីជៀសវាងជម្លោះយោធា ពង្រឹង ស្ថិរភាព និងភាពអាចព្យាករណ៍បាន ព្រមទាំងបង្កើនការយល់គ្នាទៅវិញទៅមក និងការទុកចិត្តគ្នាទៅវិញទៅមក ដើម្បីកសាងឲ្យបានសម្រេចនូវសន្តិភាពនៅឧបទ្វីបកូរ៉េ ដោយគ្មាននុយក្លេអ៊ែ និងសន្តិភាពពេញលេញ។២/អំពាវនាវឲ្យភាគីពាក់ព័ន្ធបន្តជជែកពិភាក្សាគ្នា ក្នុងន័យស្ថាបនាដោយគោរពគ្នាទៅវិញទៅមក និងទទួលស្គាល់ផលប្រយោជន៍ផ្នែកសន្តិសុខ និងកង្វល់របស់គ្នាទៅវិញទៅមក ដោយផ្អែកលើបេតិកភណ្ឌវប្បធម៌រួមរបស់កូរ៉េទាំងពីរ។៣/លើកកម្ពស់វិធានការកសាងទំនុកចិត្ត កម្មវិធីកសាងទំនុកចិត្តនិងការការពារការទូតដែលពាក់ព័ន្ធនឹងភាគីពាក់ព័ន្ធសំខាន់ៗ ដែលកំពុងធ្វើការលើបញ្ហាឧបទ្វីបកូរ៉េ។៤/អំពាវនាវឲ្យភាគីពាក់ព័ន្ធទាំងអស់បញ្ចប់ជាផ្លូវការនូវផ្នត់គំនិតសង្គ្រាម និងការធ្វើការរួមគ្នា ដើម្បីគាំទ្រការអំពាវនាវរបស់ប្រធានាធិបតី មូន ចេអ៊ីន ដើម្បីបញ្ចប់សង្រ្គាមកូរ៉េ សំដៅបើកទំព័រថ្មីសម្រាប់វប្បធម៌សន្តិភាព និងគ្មានអំពើហិង្សា។៥/លើកសំណើ និងវេទិកាសម្រាប់ការសន្ទនា និងការពិគ្រោះយោបល់បែបស្ថាបនា ដោយផ្អែកលើស្មារតីនៃមិត្តភាព និងភាតរភាព ដែលបម្រើឲ្យផលប្រយោជន៍របស់ប្រជាជនកូរ៉េ និងកសាងមាគ៌ាឆ្ពោះទៅរកសន្ធិសញ្ញាសន្តិភាពនៅឧបទ្វីបកូរ៉េ។៦/រិះរកមធ្យោបាយដើម្បីប្រែក្លាយតំបន់គ្មានយោធា(DMZ)ទៅជាឧទ្យានសន្តិភាព តាមរយៈការដាក់ពង្រាយអ្នកយាមដែលមិនមែនជាកងទ័ព និងការអភិវឌ្ឍរបៀងវប្បធម៌ និងគម្រោងទេសចរណ៍រួមគ្នា ដើម្បីលើកកម្ពស់វិបុលភាពរួមនៅកូរ៉េទាំងពីរ។៧/លើកទឹកចិត្តភាគីពាក់ព័ន្ធឲ្យបង្កើតគម្រោងសហប្រតិបត្តិការក្នុងវិស័យទេសចរណ៍ កីឡាវប្បធម៌ និងការអប់រំ នៅកូរ៉េខាងជើង និងបណ្ដាលប្រទេសផ្សេងទៀត។៨/បង្កើតកិច្ចសហប្រតិបត្តិការពហុវិស័យ ដើម្បីជំរុញកិច្ចសហប្រតិបត្តិការសន្តិសុខស្បៀង និងសុខភាពសាធារណៈ ជាពិសេសរវាងឧបទ្វីបកូរ៉េ និងតំបន់ទន្លេមេគង្គ និងបណ្ដាលប្រទេសផ្សេងទៀតតាមរយៈគម្រោងឧទ្យានសន្តិភាពមេគង្គ។៩/ធ្វើកិច្ចការឆ្ពោះទៅរកភាពប្រក្រតី នៃទំនាក់ទំនងរវាងកូរ៉េទាំងពីរ ដើម្បីអនុញ្ញាតឲ្យប្រជាជនទទួលបានផលប្រយោជន៍ជាអតិបរមា ពីសក្តានុពលមិនអាចកាត់ថ្លៃបានដែលរដ្ឋទាំងពីរត្រូវផ្ដល់ជូន ជាពិសេសក្នុងវិស័យនយោបាយ សេដ្ឋកិច្ច វប្បធម៌មនុស្សធម៌ ការថែទាំសុខភាព អប់រំសង្គម(យុវជន និងកីឡា) និងវិស័យហេដ្ឋារចនាសម្ព័ន្ធ។១០/ពង្រឹងកិច្ចសន្ទនា និងកិច្ចសហប្រតិបត្តិការពហុភាគី លើការតភ្ជាប់វប្បធម៌ និងឧស្សាហកម្មឌីជីថល និងនាវានុវត្តន៍ ដើម្បីប្រើប្រាស់តួនាទីសំខាន់របស់សហគមន៍អន្តរជាតិក្នុងការលើកកម្ពស់សន្តិភាពស្ថេរភាព និងវិបុលភាពនៅឧបទ្វីបកូរ៉េ។១១/លើកទឹកចិត្តឲ្យសហគមន៍អន្តរជាតិគាំទ្រគោលការណ៍មិនអត់អោនដាច់ខាតចំពោះសង្គ្រាមការធានាសន្តិសុខទៅវិញទៅមកនិងវិបុលភាពរួម និងធ្វើឲ្យកិច្ចខិតខំប្រឹងប្រែងបន្តឆ្ពោះទៅរកដំណោះស្រាយសន្តិភាព និងវប្បធម៌ថ្មី នៃការផ្សះផ្សានៅឧបទ្វីបកូរ៉េ៕

ស្ពានបេតុងឆ្លងស្ទឹងសែនប្រវែង១៨០ម៉ែត្រ តភ្ជាប់ស្រុកសន្ទុក និងស្រុកកំពង់ស្វាយ នឹងសាងសង់រួចស្ថាពរនៅចុងឆ្នាំ២០២៣

កំពង់ធំ៖ នៅព្រឹកថ្ងៃទី១៣ ខែកុម្ភៈ ឆ្នាំ២០២២ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច អញ្ជើញបើកការដ្ឋានសាងសង់ស្ពានសម្តេចជោតេ ស្ថិតនៅភូមិកាល់មេឃ ឃុំត្បូងក្រពើ ស្រុកសន្ទុក។ ក្នុងឱកាសនេះដែរ លោកជំទាវកិត្តិសង្គហបណ្ឌិត លើកឡើងថា ស្ពាននេះគឺជាការឆ្លើយតបតាមសំណូមពររបស់ប្រជាពលរដ្ឋ ដែលបានស្នើសុំសម្តេចតេជោ នាយករដ្ឋមន្ត្រី ក្នុងអំឡុងពេលដែល សម្តេចបានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ មជ្ឈមណ្ឌល សាសនា វប្បធម៌ ទេសចរណ៍ សំពៅត្រៃលោក សំពៅត្រៃលក្ខណ៍កាលពីឆ្នាំ២០១៣។ដើម្បីឆ្លើយតបសំណូមពររបស់ប្រជាពលរដ្ឋ សម្តេចតេជោ បានប្រគល់ជូន លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងលោកជំទាវឧកញ៉ា អ៊ឹង ស៊ីស៊្រុន ព្រមទាំង ឯកឧត្តម លោកជំទាវ ឧកញ៉ា លោក លោកស្រី សប្បុរសជននានា ដើម្បីជាជំហរក្នុងការ សាងសង់ស្ពាននេះឡើងជូនប្រជាពលរដ្ឋបានប្រើប្រាស់តាមតម្រូវការ។ លោកជំទាវ បន្តថា ស្ពាននេះមានប្រវែង ១៨០ម៉ែត្រ ទទឹង ៨,៨ម៉ែត្រ កំពស់កណ្ដាលស្ពានដល់ធ្នឹមបណ្តោយ ១២២ម៉ែត្រ សសរស្ពានមានចំនួន ៣០ដើម សសរបង្កាន់ដៃស្ពាន ចំនួន ១៣២ដើម និងកំពស់បង្កាន់ដៃស្ពាន១.៣ម៉ែត្រ (បូកទាំងឃឿន) ហើយគ្រោងនឹងសាងសង់រួចរាល់ជាស្ថាពរចំណាយពេល ២៤ខែ គឺត្រឹមចុងឆ្នាំ២០២៣ខាងមុខនេះ។ សារៈសំខាន់នៃការតភ្ជាប់រវាងស្រុកទាំងពីរ បានជួយសម្រួលដល់ការធ្វើដំណើរក្នុងជីវភាពប្រចាំថ្ងៃរបស់ប្រជាពលរដ្ឋ សិស្សានុសិស្ស សម្រួលដល់ការដឹកកសិផលរបស់បងប្អូនប្រជាកសិករ ការដោះដូរទំនិញ ទៅកាន់ទីផ្សារ ដែលចំណេញពេលវេលា ចំណេញថវិកា ក្នុងការធ្វើដំណើរមកកាន់ទីរួមខេត្ត ក៏ដូចជា ជំរុញឲ្យទេសចរណ៍ចូលមកកាន់មជ្ឈមណ្ឌល សាសនា វប្បធម៌ ទេសចរណ៍សំពៅត្រៃលោកត្រៃលក្ខណ៍ផងដែរ ។លោកជំទាវក៏បានគោរពអបអរសាទរយ៉ាងស្មោះអស់ពីដួងចិត្ត ក្នុងឱកាសដែលសម្តេចតេជោ ហ៊ុន សែន នាយករដ្ឋមន្ត្រីកម្ពុជា ទទួលបានពានរង្វាន់ «សន្តិភាពស៊ុនហាក់ - SUNHAK PEACE PRIZE 2022) ពីមូលនិធិសន្តិភាពស៊ុនហាក់ របស់ប្រទេសកូរ៉េខាងត្បូង កាលពីព្រឹកថ្ងៃទី១២ ខែកុម្ភៈ ឆ្នាំ២០២២ នៅទីក្រុងសេអ៊ូល ប្រទេសកូរ៉េខាងត្បូង។លោកជំទាវ ក៏បានផ្តាំផ្ញើរដល់ក្រុមជាង ត្រូវបំពេញការងារឲ្យបានហ្មត់ចត់ ត្រូវគោរពតាមបទដ្ឋាននៃសំណង់ ក្នុងការសាងសង់ស្ពាន សាងសង់ឲ្យមានភាពរឹងមាំ ជាប់ល្អ និងធ្វើការដោយប្រុងប្រយ័ត្ន ជៀសវាងគ្រោះថ្នាក់ដែលកើតមានជាយថាហេតុ ។លោកជំទាវ ក៏បានអំពាវនាវឲ្យបងប្អូនទាំងអស់គ្នាត្រូវបង្កើនការប្រុងប្រយ័ត្នខ្ពស់ ការរៀនរស់នៅ ធ្វើការជាមួយកូវីដ ១៩ តាមគន្លងថ្មី ដោយរក្សារគម្លាត និងគោរពតាមវិធានការរបស់ក្រសួងសុខាភិបាល គឺ ៣ការពារ ៣កុំ ខណៈដែល វីរ៉ុសប្រភេទ អូមីក្រុង បាននឹងកំពុងបន្តកើនឡើងជាលំដាប់៕

បណ្ដាញសង្គម

ព័ត៌មានថ្មីៗ

អេស្ប៉ាញរកឃើញមនុស្សស្លាប់ខ្ពស់បំផុតពាក់ព័ន្ធនឹងកម្តៅក្នុងខែឧសភា ចាប់តាំងពីឆ្នាំ ២០១៥

អគ្គិភ័យ និងការខូចខាត បានកើតមាននៅអាកាសយានដ្ឋានគូវែត ក្រោយការវាយប្រហាររបស់អ៊ីរ៉ង់

ឥណ្ឌាអនុម័តមូលនិធិជាង ១ពាន់លានដុល្លារ ដើម្បីជួយក្រុមហ៊ុនអាកាសចរណ៍ ស្របពេលប្រេងយន្តហោះឡើងថ្លៃ

ក្រុមអ្នកតាំងលំនៅនិគមន៍អ៊ីស្រាអែលវាយប្រហាររថយន្តដឹកគ្រួសារប៉ាឡេស្ទីននៅតំបន់វ៉េសប៊ែង

ឈីលីកម្ទេចបណ្តាញលាងលុយកខ្វក់ដែលមានការជាប់ពាក់ព័ន្ធនឹងក្រុមឧក្រិដ្ឋជន Tren de Aragua

អរិភាពនៅតំបន់ឈូងសមុទ្រឡើងកម្តៅជាថ្មី ខណៈកិច្ចប្រជុំសន្តិភាពអាមេរិក-អ៊ីរ៉ង់ជាប់គាំង

កូដកម្មជុំវិញកំណែទម្រង់ការងារ ធ្វើឲ្យប៉ះពាល់ដល់រថភ្លើង ជើងហោះហើរ និងសាលារៀននៅព័រទុយហ្គាល់

ចិនច្រានចោលអំណះអំណាងការងារដោយបង្ខំ ជាការឆ្លើយតបនឹងសំណើពន្ធអាមេរិក

វិមានក្រឹមឡាំង៖ រុស្ស៊ីនឹងបន្តវាយប្រហារអ៊ុយក្រែនជាប្រព័ន្ធ ក្រោយការវាយប្រហារដ្រូននៅទីក្រុង St Petersburg

អ្នកវិទ្យាសាស្រ្តព្រមានថា បាតុភូតអែល នីញ៉ូ អាចនឹងវាយប្រហារតំបន់ភាគខាងត្បូងប្រេស៊ីលក្នុងឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មន្ត្រីជំនាញសុខាភិបាល ទទូចដល់យុវវ័យកុំជួបជុំគ្នាក្នុងថ្ងៃទិវានៃក្តីស្រលាញ់ ដើម្បីទប់ស្កាត់កូវីដ-១៩

អាជ្ញាធរបន្ទាយមានជ័យ ដាំដើមឈើនៅតំបន់៣ ជាង៣ម៉ឺនដើម និងបិទបញ្ចប់ការដាំ

ខេត្តឧត្ដរមានជ័យ ផ្ដល់រង្វាន់ម៉ូតូដល់សិស្សប្រឡងបាក់ឌុបជាប់និទ្ទេសអេ (A)

ជនបរទេសថា ការជួយសង្គ្រោះមនុស្សលើនាវា MS Westerdam ក្លាយជាការចងចាំក្នុងចិត្តជានិច្ច

ពលរដ្ឋបន្តមកតេស្តPCR រកកូវីដ១៩ មានកំណើនកើនឡើង ខណៈព្រួយបារម្ភពីការឆ្លងអូមីក្រុង

មនុស្សវ័យចាស់សម្រុកទៅចាក់វ៉ាក់សាំងដូសទី៤ ខណៈអូមីក្រុងកំពុងរីករាលដាលក្នុងសហគមន៍

ពលរដ្ឋមានមោទនភាពសម្តេចតេជោ ទទួលពានសន្តិភាពស៊ុនហាក់ ជានិមិត្តរូបសន្តិភាពសម្រាប់ពិភពលោក

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

មន្ត្រីជំនាញសុខាភិបាល ​ទទូច​ដល់យុវវ័យកុំជួបជុំគ្នាក្នុងថ្ងៃទិវានៃក្តីស្រលាញ់ ដើម្បីទប់ស្កាត់កូវីដ-១៩

អាជ្ញាធរបន្ទាយមានជ័យ ដាំដើមឈើនៅតំបន់៣ ជាង៣ម៉ឺនដើម និងបិទបញ្ចប់ការដាំ

ខេត្តឧត្ដរមានជ័យ ផ្ដល់រង្វាន់ម៉ូតូដល់សិស្សប្រឡងបាក់ឌុបជាប់និទ្ទេសអេ (A)

ជនបរទេសថា ការជួយសង្គ្រោះមនុស្សលើនាវា MS Westerdam ក្លាយជាការចងចាំក្នុងចិត្តជានិច្ច

ពលរដ្ឋបន្តមកតេស្តPCR រកកូវីដ១៩ មានកំណើនកើនឡើង ខណៈព្រួយបារម្ភពីការឆ្លងអូមីក្រុង

មនុស្សវ័យចាស់សម្រុកទៅចាក់វ៉ាក់សាំងដូសទី៤ ខណៈអូមីក្រុងកំពុងរីករាលដាលក្នុងសហគមន៍

ពលរដ្ឋ​មាន​មោទនភាព​សម្តេចតេជោ ទទួលពានសន្តិភាពស៊ុនហាក់ ជានិមិត្តរូប​សន្តិភាព​សម្រាប់​ពិភពលោក

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

មន្ត្រីជំនាញសុខាភិបាល ទទូចដល់យុវវ័យកុំជួបជុំគ្នាក្នុងថ្ងៃទិវានៃក្តីស្រលាញ់ ដើម្បីទប់ស្កាត់កូវីដ-១៩

ពលរដ្ឋមានមោទនភាពសម្តេចតេជោ ទទួលពានសន្តិភាពស៊ុនហាក់ ជានិមិត្តរូបសន្តិភាពសម្រាប់ពិភពលោក