BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

ឡាវអរគុណកម្ពុជាបានជួយផ្ដល់ជំនួយថវិកា និងវ៉ាក់សាំងស៊ីណូវ៉ាក់ ដើម្បីប្រយុទ្ធប្រឆាំងនឹងជំងឺកូវីដ-១៩

ភ្នំពេញ៖ រដ្ឋមន្រ្តីក្រសួងសុខាភិបាល នៃសាធារណរដ្ឋប្រជាធិបតេយ្យប្រជាមានិតឡាវ ដែលអមដំណើរនាយករដ្ឋមន្រ្តីឡាវ ផ្តើមមកបំពេញទស្សនកិច្ចនៅកម្ពុជា បានថ្លែងអរគុណដល់កម្ពុជា បានផ្តល់ជំនួយថវិកា និងវ៉ាក់សាំងដើម្បីប្រយុទ្ធប្រឆាំងនឹងជំងឺកូវីដ-១៩។ថ្លែងក្នុងឱកាសជួបសំដែងការគួរសម និងពិភាក្សាការងាររវាងឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាលនៃព្រះរាជាណាចក្រកម្ពុជា ជាមួយឯកឧត្តម Bounfeng Phoummalaysith (ប៊ូហ្វេង ភូម៉ាល័យសិទ្ធ) រដ្ឋមន្រ្តីក្រសួងសុខាភិបាល នៃសាធារណរដ្ឋប្រជាធិបតេយ្យប្រជាមានិតឡាវ នៅទីសី្តការក្រសួងសុខាភិបាល ព្រឹកថ្ងៃទី៣០ ខែវិចិ្ឆកា ឆ្នាំ២០២១នេះ។ក្នុងជំនួបពិភាក្សាគ្នានេះភាគីទាំងពីរកម្ពុជា-ឡាវ បានផ្តោតសំខាន់លើការរៀនសូត្រ និងបទពិសោធន៍ពីគ្នា លើការងារផ្សេងៗ ក្នុងការឆ្លើយតបបន្ទាន់លើការងារទប់ស្កាត់ជំងឺកូវីដ-១៩។ អ្វីដែលរដ្ឋមន្រី្តក្រសួងសុខាភិបាលឡាវ ថ្លែងក្នុងជំនួបនេះ គឺសូមថ្លែងអំណរគុណយ៉ាងជ្រាវជ្រៅជាទីបំផុតជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តនៃព្រះរាជាណាចក្រកម្ពុជា ដែលមានទឹកចិត្តសប្បុរសធម៌ ក្នុងការផ្តល់ជំនួយជូនដល់សាធារណរដ្ឋប្រជាធិបតេយ្យប្រជាមានិតឡាវ។ជាមួយគ្នានោះដែរ ឯកឧត្តមសាស្រ្តាចារ្យ ម៉ម ប៊ុនហេង បានជម្រាបជូនរដ្ឋមន្រី្តក្រសួងសុខាភិបាលឡាវថា សម្តេចតេជោ ហ៊ុន សែន នាយករដ្ឋមន្រី្ត សម្រេចផ្តល់ជាអំណោយមនុស្សធម៌ដ៏ថ្លៃថ្លា នូវវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន៥០ម៉ឺនដូស និងរថយន្តដឹកវ៉ាក់សាំងចំនួន០២គ្រឿង និងថវិកា១៣លានដុល្លារ ដើម្បីធ្វើជាអំណោយមនុស្សធម៌ជូនទៅដល់ឡាវ។ក្រោយជំនួបសម្តែងការគួរសម និងពិភាក្សាការងារខាងលើនេះលោកជំទាវវេជ្ជបណ្ឌិត ឱ វណ្ណឌីន អ្នកនាំពាក្យ និងជារដ្ឋលេខាធិការក្រសួងសុខាភិបាល បានប្រាប់បណ្តាញអ្នកសារព័ត៌មានថា ភាគីឡាវ ក៏បានសុំរៀនសូត្រពីកម្ពុជា ទន្ទឹមនឹងនោះភាគីទាំងពីរ ក៏ចែករំលែកនូវបទពិសោធន៍ក្នុងការចាក់វ៉ាក់សាំងកូវីដ-១៩ ហើយការចាក់វ៉ាក់សាំងកូវីដ-១៩នេះ គឺជាឧបករណ៍ដ៏សំខាន់ សម្រាប់ប្រយុទ្ធប្រឆាំងនឹងជំងឺកូវីដ-១៩។ ភាគីឡាវ បានបញ្ជាក់ថា អំណោយមនុស្សធម៌ដ៏ថ្លៃថ្លារបស់សម្តេចតេជោ នាយករដ្ឋមន្រី្តនៃព្រះរាជាណាចក្រកម្ពុជា នាពេលមុននេះ ដែលបានផ្តល់នូវសំភារៈឧបករណ៍វេជ្ជសាស្រ្ត ក៏ដូចជាវ៉ាក់សាំងបង្ការជំងឺកូវីដ-១៩ ចំនួន២០ម៉ឺនដូស គឺឡាវបានយកទៅចាត់ចែងប្រើប្រាស់ប្រកបដោយប្រសិទ្ធភាព។ ដោយបានប្រើបា្រស់ទៅដល់ប្រជាជនដែលរស់នៅក្នុងខេត្តចំប៉ាសាក់ និងទីប្រជុំជនមួយចំនួនទៀត។ ឯកឧត្តម រដ្ឋមន្រី្តសុខាភិបាលឡាវ ក៏រំពឹងទុកថា ក្រោយពីទទួលបាននូវអំណោយសារជាថ្មី នូវវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន៥០ម៉ឺនដូស ដែលនឹងរៀបចំពិធីប្រគល់ និងទទួល នៅព្រឹកថ្ងៃទី៣ ខែធ្នូ ឆ្នាំ២០២១ខាងមុខនេះ នៅច្រកព្រំដែនកម្ពុជា-ឡាវ នាខេត្តស្ទឹងត្រែង នឹងយកអំណោយនេះទៅចាត់ចែងប្រើប្រាស់ឲ្យបានសមស្របនាពេលបន្តទៀតដើម្បីជាគុណប្រយោជន៍ធ្វើឲ្យប្រសើរឡើងនូវការងារឆ្លើយតបទៅនឹងជំងឺកូវីដ-១៩ នៅក្នុងប្រទេសឡាវ។ទន្ទឹមនឹងនោះឡាវក៏រំពឹងថា តាមរយៈការពង្រីកការចាក់វ៉ាក់សាំងបង្ការជំងឺកូវីដ-១៩ នៅតាមតំបន់ដាច់ស្រយាល។ ពិព្រោះថាឡាវ បានចាប់ផ្តើមចាក់វ៉ាក់សាំងពីតំបន់ទីប្រជុំជន ហើយបច្ចុប្បន្ននេះក៏កំពុងពង្រីក ទៅកាន់តំបន់ដាច់ស្រយាលផ្សេងៗ។ ដូច្នេះឯកឧត្តម រដ្ឋមន្រី្តឡាវសូមរៀនសូត្រពីកម្ពុជា ក្នុងការស្វែងរកអ្នកដែលជួបការលំបាក រកទីកន្លែងចាក់វ៉ាក់សាំងបង្ការជំងឺកូវីដ-១៩ ដើម្បីផ្តល់នូវវ៉ាក់សាំងបង្ការជំងឺកូវីដ-១៩ជូនទៅប្រជាពលរដ្ឋឡាវ ឲ្យបានច្រើន។ ហើយឡាវ ក៏សង្ឃឹមថា ក្នុងឆ្នាំ២០២២ខាងមុខនេះ នឹងពង្រីកការចាក់វ៉ាក់សាំងបង្ការជំងឺកូវីដ-១៩ ទៅដល់ក្រុមមនុស្សអាយុផ្សេងៗ ទៅតាមលំដាប់ផងដែរ៕ អត្ថបទ រដ្ឋា

អាជ្ញាធរជាតិអប្សរា រៀបចំវគ្គបណ្ដុះបណ្ដាលការរៀបចំសណ្ដាប់ធ្នាប់ថ្ម តាមប្រាសាទដល់ភ្នាក់ងារទេសចរណ៍

សៀមរាប៖ ដោយសារកត្តាធម្មជាតិ និងអាយុកាលនៃថ្ម បានធ្វើឱ្យថ្មនៅតាមប្រាសាទជាច្រើនប្រឈមនឹងហានិភ័យខ្ពស់។ ឆ្លើយតបនឹងបញ្ហានេះ អាជ្ញាធរជាតិអប្សរាបានបង្កើតកម្មវិធីបណ្តុះបណ្តាលជាច្រើន ដើម្បីអភិវឌ្ឍន៍ធនធានមនុស្សជាអ្នកបន្តវេននាពេលអនាគត។ភ្នាក់ងារទេសចរណ៍ដែលកំពុងធ្វើការជាប់ជាប្រចាំនៅតាមប្រាសាទ ក៏មានភារកិច្ចចូលរួមជាចាំបាច់ក្នុងការផ្តល់ព័ត៌មានឱ្យបានទាន់ពេលវេលាដល់អ្នកជំនាញអភិរក្ស ពិសេសទាក់ទងនឹងការអភិរក្សថ្ម។ ក្នុងន័យនេះ វគ្គបណ្តុះបណ្តាលអំពីការរៀបចំសណ្តាប់ធ្នាប់ថ្មនៅតាមប្រាសាទ រៀបចំឡើងក្នុងគោលបំណងពង្រឹងសមត្ថភាពជំនាញជូនភ្នាក់ងារទេសចរណ៍ ដើម្បីជាចំណេះដឹងផ្នែកជំនាញបច្ចេកទេស និងយល់ដឹងពីស្ថានភាពថ្មប្រាសាទទាំងទ្រឹស្តី និងការអនុវត្តជាក់ស្ដែងនៅទីតាំងផ្ទាល់។ វគ្គបណ្តុះបណ្តាលនេះ មានរយៈពេល៤សប្ដាហ៍ គិតចាប់ពីថ្ងៃទី២៩ ខែវិច្ឆិកា ឆ្នាំ២០២១នេះតទៅ ដែលមានទីតាំងនៅប្រាសាទព្រះគោ ដោយមានសិក្ខាកាមចូលរួមចំនួន២០រូប៕

អាណាព្យាបាលបន្តនាំកុមារតូចទៅទទួលវ៉ាក់សាំងដូសទី២ តាមការកំណត់របស់គ្រូពេទ្យ

ភ្នំពេញ ៖ អាណាព្យាបាល នៅថ្ងៃទី៣០ខែវិច្ឆិកានេះ បានបន្តនាំកុមារអាយុពី៥ឆ្នាំឡើង ទៅទទួលការចាក់វ៉ាក់សាំងកូវីដ-១៩ ដូសទី២តាមការកំណត់របស់គ្រូពេទ្យ។អាណាព្យាលបាល ដែលនាំកូនមកទទួលការចាក់វ៉ាក់សាំងកូវីដ-១៩ នៅមន្ទីរពេទ្យបង្អែករាជធានី ភ្នំពេញ នៅថ្ងៃទី៣០ ខែវិច្ឆិកានេះ បានប្រាប់BTឲ្យដឹងថា ការចាក់វ៉ាក់សាំងពិតជារឿងសំខាន់ ព្រោះវានឹងអាចការពារកុំឲ្យឆ្លងជំងឺកូវីដ-១៩ ជាពិសេសពេលកូនៗទៅសាលារៀន។ពួកគេបានបន្តថា បច្ចុប្បន្នជំងឺកូវីដ-១៩ នៅតែជាបញ្ហាប្រឈម ព្រោះមេរោគកូវីដបំប្លែងខ្លួនថ្មីៗ រហូត ដូច្នេះត្រូវតែប្រុងប្រយ័ត្នទាំងអស់គ្នា ដោយអនុវត្តវិធានការសុខាភិបាល ៣កុំ ៣ការពារ។កុមារមកចាក់វ៉ាក់សាំងកូវីដ បានឲ្យដឹងដែរថា ក្រោយពីចាក់វ៉ាក់សាំងរួចសុខភាពធម្មតា ហើយសប្បាយចិត្តព្រោះអាចចូលសាលារៀនវិញបាន ជួបមិត្តរួមថ្នាក់ និងលោកគ្រូ អ្នកគ្រូ ស្តាប់តាមការ ណែនាំរបស់ឪពុកម្តាយ ការពារកុំឲ្យឆ្លងជំងឺកូវីដ-១៩។លោកវេជ្ជបណ្ឌិត ឃុន ទ្រី អនុប្រធានមន្ទីរពេទ្យបង្អែករាជធានីភ្នំពេញ បានឲ្យដឹងដែរថា ពលរដ្ឋមិនទាន់ទទួលបានចាក់វ៉ាក់សាំង រាប់ទាំងកុមារអាយុពី៥ឆ្នាំឡើងទៅ គឺអាចមកទទួលការការចាក់វ៉ាក់សាំង នៅទីតាំងមន្ទីរពេទ្យបង្អែករាជធានីភ្នំពេញនេះបាន បើទោះបីពលរដ្ឋរស់នៅកន្លែងណាក៏ដោយ។នៅកម្ពុជាការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំបាច់ដទៃទៀត ដែលនឹងបង្ការការរាតត្បាតការចម្លង និងកាត់បន្ថយផលប៉ះពាល់នៃជំងឺកូវីដ-១៩ ទៅលើ វិស័យសេដ្ឋកិច្ច និងសង្គម។បច្ចុប្បន្នកម្ពុជា បានបើកដំណើរការប្រទេសឡើងវិញតាមបែបគន្លងថ្មី បន្ទាប់ពីទទួលបានជោគជ័យលើនយោបាយចាក់វ៉ាក់សាំងជូនប្រជាជន បានជាង១៤លាននាក់លើចំនួនប្រជាជន ១៦លាននាក់៕អត្ថបទ៖ ទូច សោភ័ណ

ប្រមុខការទូតកម្ពុជា នឹងបំពេញទស្សនកិច្ចនៅប្រទេសចិន រយៈពេល៣ថ្ងៃ

ភ្នំពេញ៖ នៅថ្ងៃទី៣ ខែធ្នូខាងមុខនេះ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស នឹងអញ្ជើញដឹកនាំគណៈប្រតិភូទៅបំពេញទស្សនកិច្ច នៅប្រទេសចិនរយៈពេល៣ថ្ងៃ។ នេះបើតាមសេចក្តីប្រកាសព័ត៌មានរបស់ក្រសួងការបរទេស។តបតាមការអញ្ជើញរបស់ ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្រ្តីការបរទេសនៃសាធារណរដ្ឋប្រជាមានិតចិន ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិនៃកម្ពុជា នឹងដឹកនាំគណៈប្រតិភូអញ្ជើញទៅបំពេញទស្សនកិច្ចផ្លូវការនៅទីក្រុងហាងចូវ ខេត្តជឺជាំង សាធារណរដ្ឋប្រជាមានិតចិន ចាប់ពីថ្ងៃទី០៣ ដល់ថ្ងៃទី០៥ ខែធ្នូ ឆ្នាំ២០២១ ។ក្នុងឱកាសនៃដំណើរទស្សនកិច្ចផ្លូវការ ឯកឧត្តមឧបនាយករដ្ឋមន្រ្តី ប្រាក់ សុខុន នឹងមានជំនួបទ្វេភាគីជាមួយឯកឧត្តម វ៉ាង យី ដើម្បីពិភាក្សាអំពីទំនាក់ទំនងទ្វេភាគី និងកិច្ចសហប្រតិបត្តិការទៅលើវិស័យផ្សេងៗ រួមមាន៖ វិស័យការស្តារឡើងវិញក្រោយជំងឺរាតត្បាតកូវីដ-១៩ សេដ្ឋកិច្ច ពាណិជ្ជកម្ម ទេសចរណ៍ អប់រំ សុខាភិបាល កសិកម្ម និងការពារជាតិ ក៏ដូចជាបញ្ហាតំបន់ និងអន្តរជាតិ ដែលជាចំណាប់អារម្មណ៍ និងក្តីបារម្ភរួម ។ដំណើរទស្សនកិច្ចផ្លូវការនេះ នឹងពង្រឹងបន្ថែមទៀតនូវភាពជាដៃគូយុទ្ធសាស្រ្តគ្រប់ជ្រុងជ្រោយ រវាងប្រទេសទាំងពីរទំនាក់ទំនង មិត្តភាពជាប្រពៃណីដ៏យូរលង់ សាមគ្គីភាព ភាតរភាព និងកិច្ចសហប្រតិបត្តិការជាក់លាក់ព្រមទាំងជំរុញកិច្ចសហប្រតិបត្តិការក្នុងក្របខ័ណ្ឌពហុភាគីសម្រាប់ ផលប្រយោជន៍គ្នាទៅវិញទៅមករបស់ប្រជាជននៃប្រទេសទាំងពីរ៕អត្ថបទ៖ សេក ឧត្តម

ដីព្រៃលិចទឹកតំបន់៣ជិត ២ពាន់ហិកតាក្នុងស្រុកកំពង់លែង ត្រូវបានក្រុមចម្រុះថ្នាក់ជាតិដកហូតជាសម្បត្តិរដ្ឋវិញ

កំពង់ឆ្នាំង៖ ដីព្រៃលិចទឹកតំបន់៣ទំហំជិត ២ពាន់ហិកតា ស្ថិតក្នុងស្រុកកំពង់លែង ត្រូវបានក្រុមការងារចម្រុះរបស់រាជរដ្ឋាភិបាលដឹកនាំដោយឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ បានដកហូតមកទុកជាសម្បត្តិរដ្ឋវិញដោយគ្មានលក្ខខ័ណ្ឌ។យុទ្ធនាការដកហូតនេះ បានប្រព្រឹត្តិទៅនាព្រឹកថ្ងៃទី២៩ ខែវិច្ឆិកា ឆ្នាំ២០២១ ក្រោយពីសម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញបទបញ្ជាយ៉ាងម៉ឺងម៉ាត់ឱ្យចាត់វិធានការណ៍ច្បាប់ចំពោះបុគ្គលដែលទន្ទ្រានដីរដ្ឋ។ក្រោយពីពិនិត្យស្ថានភាពជាក់ស្តែងលើទីតាំងល្មើសរួចមក ឯកឧត្តម ជា សុផារ៉ា បានសម្រេចដកហូតដីព្រៃលិចទឹកតំបន់៣ប្រមាណជិត២ពាន់ហិកតា ស្ថិតក្នុងភូមិគោកព្រះ ឃុំច្រណូក ពីបុគ្គលដែលបានឈូសបំផ្លាញយកដីជាកម្មសិទ្ធិផ្ទាល់ខ្លួន មកទុកជាសម្បត្តិរដ្ឋវិញដោយឥតលក្ខខ័ណ្ឌ។ឯកឧត្ដម ជា សុផារ៉ា បញ្ជាក់ថា បើទោះបីដីទាំងនោះបាន និងកំពុងអាស្រ័យផលស្រូវក៏ដោយ រដ្ឋបាលខេត្ត និងមន្ទីរពាក់ព័ន្ធ ត្រូវចុះដាំកូនព្រៃឈើលិចទឹកឡើងវិញ ដោយក្នុង ១ហិកតាត្រូវដាំកូនឈើព្រៃលិចទឹកចំនួន១០០ដើម ក្នុងនោះមានដើមរាំង ដើមច្រកែង ដើមម្តេញ និងដើមសណ្តាន់ ហើយបន្តថែរក្សាឱ្យមាននិរន្តរភាពជាចាំបាច់។ឯកឧត្ដមឧបនាយករដ្ឋមន្ត្រី ក៏បានបញ្ជាឱ្យចាប់ខ្លួនទាំងអស់រាល់បុគ្គលណាដែលមានចេតនារារាំងដំណើរការដកហូតដីព្រៃលិចទឹកនេះ ឬមានការតវ៉ាតាមរូបភាពណាក៏ដោយ។ឯកឧត្ដម ជា សុផារ៉ា ក៏បានណែនាំទៅក្រសួងធនធានទឹក និងឧតុនិយម ត្រូវធ្វើផ្លាកកំណត់សម្គាល់ និងចង្អុលបង្ហាញប្រជាពលរដ្ឋពីទីតាំងដីព្រៃលិចទឹកតំបន់៣ ដើម្បីកុំឱ្យមានការទន្ទ្រានបន្ត ជាពិសេសត្រូវអនុវត្ត និងចាត់វិធានការទាំងអស់ខាងលើឱ្យទាន់ពេលក្នុងរយៈពេល ១សប្តាហ៍គិតចាប់ពីថ្ងៃចុះយុទ្ធនាការតទៅ។រដ្ឋបាលខេត្តកំពង់ឆ្នាំង នឹងបន្តស្រាវជ្រាវនៅកន្លែងរុករានព្រៃលិចទឹកតំបន់២ និងតំបន់៣បន្តទៀត នៅក្នុងស្រុកបរិបូណ៌ ស្រុកជលគីរី ក៏ដូចជាតំបន់ផ្សេងទៀត ដើម្បីដកហូតដីព្រៃលិចទឹកទាំងនោះមកទុកជាសម្បត្តិរដ្ឋវិញ និងបន្តការដាំដុះកូនព្រៃឈើលិចទឹកឡើងវិញ នៅតាមតំបន់ដែលរងការឈូសបំផ្លាញ។ចំណែកស្នងការនគរបាលខេត្តកំពង់ឆ្នាំងវិញ កំពុងបន្តនីតិវិធីកោះហៅបុគ្គលពាក់ព័ន្ធចំនួន ១៣នាក់ជាម្ចាស់ដី មកសាកសួរព័ត៌មានជាបន្តបន្ទាប់។ក្នុងចំណោមបុគ្គលដែលរំលោភយកដីព្រៃលិចទឹកទាំង ១៣នាក់ខាងលើ គេសង្កេតឃើញមានឪពុករបស់ព្រះរាជអាជ្ញារងម្នាក់ នៅសាលាដំបូងខេត្តកំពង់ឆ្នាំង, ស្នងការរងនគរបាលខេត្តកំពង់ឆ្នាំង, អតីតមេបញ្ជាការប៉េអឹមស្រុកកំពង់លែង, មន្ត្រីសាលាស្រុកកំពង់លែង, និងអ្នកមានបុណ្យស័ក្តិមួយចំនួននៅក្នុងខេត្តកំពង់ឆ្នាំងផងដែរ ៕ អត្ថបទ៖ ហុង វាស្នា

ពលរដ្ឋនៅសៀមរាប បន្ដទៅពិនិត្យ និងចុះឈ្មោះបោះឆ្នោត ខណៈសល់មួយថ្ងៃទៀតនឹងបញ្ចប់យុទ្ធនាការនេះ

សៀមរាប៖ ស្របពេលដែលការពិនិត្យឈ្មោះ និងចុះឈ្មោះបោះឆ្នោតនឹងត្រូវបិទបញ្ចប់នៅថ្ងៃទី៣០ ខែវិច្ឆិកា ឆ្នាំ២០២១នេះ ប្រជាពលរដ្ឋនៅខេត្ដសៀមរាប បានបន្ដទៅពិនិត្យឈ្មោះ និងចុះឈ្មោះបោះឆ្នោត ដើម្បីចូលរួមបោះឆ្នោតក្រុមប្រឹក្សាឃុំសង្កាត់អាណត្ដិទី៥ នៅឆ្នាំ២០២២ខាងមុខ។ប្រជាពលរដ្ឋម្នាក់ រស់នៅឃុំពាក់ស្នែង ស្រុកអង្គរធំ បានលើកឡើងថា ការចុះឈ្មោះបោះឆ្នោត និងពិនិត្យឈ្មោះបោះឆ្នោតនេះ មានសារៈសំខាន់ណាស់ ដើម្បីមានឈ្មោះចូលរួមបោះឆ្នោតក្រុមប្រឹក្សាឃុំសង្កាត់ ដែលមានរយៈពេល៥ឆ្នាំម្ដង ដូចនេះក្នុងនាមប្រជាពលរដ្ឋម្នាក់ត្រូវបំពេញតួនាទីរបស់ខ្លួន ដើម្បីជ្រើសរើសថ្នាក់ដឹកនាំដែលពួកគាត់ស្រលាញ់។លោក បានបន្ដថា កន្លងមកលោកមានឈ្មោះបោះឆ្នោត នៅការិយាល័យបោះឆ្នោតក្នុងក្រុងសៀមរាប ប៉ុន្ដែដោយសារលោកប្ដូរទីលំនៅថ្មីនៅឃុំពាក់ស្នែង ទើបលោកត្រូវចុះឈ្មោះថ្មីនៅការិយាល័យឃុំពាក់ស្នែងស្រុកអង្គរធំវិញ។លោកបន្ថែមថា ក្នុងនាមជាពលរដ្ឋម្នាក់ត្រូវមានឈ្មោះបោះឆ្នោតមិនថា ការបោះឆ្នោតក្រុមប្រឹក្សាឃុំសង្កាត់ ឬបោះជ្រើសរើសតំណាងរាស្ដ្រនោះទេ។ដោយឡែកលោក វ៉ាង វណ្ណរ៉េត ជាពលរដ្ឋមួយរូបទៀតនៅឃុំពាក់ស្នែង លោកបានឱ្យដឹងថា លោកទៅពិនិត្យឈ្មោះបោះឆ្នោតនេះ ដោយបារម្ភខ្លាចបាត់ឈ្មោះរបស់លោកនៅក្នុងបញ្ជីបោះឆ្នោត ដែលធ្លាប់បានចុះឈ្មោះកន្លងមក ព្រោះការបោះឆ្នោតក្រុមប្រឹក្សាឃុំសង្កាត់អាណត្ដិទី៥នេះ នឹងចាប់ផ្ដើមនាពេលឆាប់ៗខាងមុខនេះ ។លោកថា លោកត្រូវពិនិត្យឈ្មោះជាមុន ដើម្បីបំពេញតួនាទីរបស់ខ្លួន ក្នុងការជ្រើសរើសថ្នាក់ដឹកនាំនៅមូលដ្ឋានប្រកបដោយភាពត្រឹមត្រូវ។ លោកបន្ដថា លោកមិនអាចបាត់ឈ្មោះ ឬអាក់ខានក្នុងការចូលរួមបោះឆ្នោតក្រុមប្រឹក្សាឃុំសង្កាត់ អាណត្ដិទី៥នេះបានទេ ព្រោះការបោះឆ្នោតនេះមានរយៈពេល៥ឆ្នាំម្ដង។លោកបានអំពាវដល់ប្រជាពលរដ្ឋត្រូវទៅចុះឈ្មោះ និងពិនិត្យឈ្មោះបោះឆ្នោត ខណៈដែល គជប នឹងបិទបញ្ជីឈ្មោះបោះឆ្នោតនេះនៅថ្ងៃទី៣០ខែវិច្ឆិកា ពោលនៅសល់តែមួយថ្ងៃទៀតប៉ុណ្ណោះ។ប្រធានលេខាធិការដ្ឋានរៀបចំការបោះឆ្នោតខេត្ដសៀមាប លោក នឹម វ៉ាន់សំ មានប្រសាសន៍ថា ចាប់តាំងពីថ្ងៃទី១២ ខែតុលា ដល់ថ្ងៃទី២៨ខែវិច្ឆិកាឆ្នាំ២០២១នេះ មានប្រជាពលរដ្ឋនៅខេត្ដនេះ បានទៅពិនិត្យឈ្មោះ និងចុះឈ្មោះបោះឆ្នោតនេះ មានជាង៨០ភាគរយ ក្នុងនោះអ្នកចុះថ្មីមានចំនួន ៣១,៥៣៨នាក់។ជាមួយគ្នានោះ មានពលរដ្ឋផ្ទេរពីចូលពីក្រៅឃុំមានចំនួន ៨,២៤៨នាក់ ប្ដូររការិយាល័យក្នុងឃុំ មានចំនួន ៤,០៧៦នាក់ និងប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោតចាប់ពីថ្ងៃទី១២ ខែតុលា ដល់ថ្ងៃទី២៨ខែវិច្ឆិកានេះ មានចំនួនសរុប៥៨៧,៦៨៥នាក់ ។ គជប នឹងបិទបញ្ចប់ការពិនិត្យ និងចុះឈ្មោះបោះឆ្នោតនេះ លោកបានអំពាវដល់ប្រជាពលរដ្ឋទៅចុះឈ្មោះ និងពិនិត្យមើលឈ្មោះរបស់ខ្លួនបន្ដទៀត ដែលមានទីតាំងនៅតាមឃុំសង្កាត់នីមួយៗ ឬអាចមើលឈ្មោះបោះឆ្នោតតាមគេហទំព័រ https://www.voterlist.nec.gov.kh។លោក បញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្ដិទី៥ នឹងធ្វើឡើងនៅថ្ងៃអាទិត្យទី៥ ខែមិថុនា ឆ្នាំ២០២២ខាងមុខ៕អត្ថបទ ៖ សាវី

អង្គការ JMAS របស់ជប៉ុន សន្យាបន្តចូលរួមបោសសំអាតមីននៅកម្ពុជា

ភ្នំពេញ៖ អង្គការ JMAS របស់ប្រទេសជប៉ុន បានបង្ហាញនូវគម្រោង និងសន្យាបន្តចូលរួមធ្វើការបោសសំអាតគ្រាប់មីន និងយុទ្ធភ័ណ្ឌមិនទាន់ផ្ទុះ បន្សល់ទុកពីសម័យសង្គ្រាម នៅក្នុងប្រទេសកម្ពុជា ដើម្បីឲ្យផ្ទៃដីមានសុវត្ថិភាព ក្នុងការផ្ដល់ជូនប្រជាពលរដ្ឋធ្វើការដាំដុះដំណាំផ្សេងៗ និងឲ្យសម្រេចបានតាមគោលដៅ ។ក្នុងជំនួបជាមួយឯកឧត្តម លី ធុជ អនុប្រធានទី១ អាជ្ញាធរមីនកម្ពុជា នៅថ្ងៃទី២៩ ខែវិច្ឆិកា ឆ្នាំ២០២១ លោក YOSHIOKA Yoshito ប្រធានអង្គការ JMAS ថ្មីប្រចាំកម្ពុជា បានថ្លែងអំណរគុណ ដល់រាជរដ្ឋាភិបាលកម្ពុជា ដែលបានផ្តល់កិច្ចគាំទ្រដល់អង្គការ JMAS ចាប់តាំងពីឆ្នាំ២០០៦ លើការងារសកម្មភាពមីនមនុស្សធម៌ ក្នុងខេត្តបន្ទាយមានជ័យ ស្ទឹងត្រែង និងខេត្តបាត់ដំបង ។លោកបានបន្តថា ដោយការសហការនេះ គឺមានភាពយ៉ាងជិតស្និទ្ធិជាមួយមជ្ឈមណ្ឌលកំចាត់មីនកម្ពុជា (CMAC) ក្រោមជំនួយឧបត្ថម្ភគាំទ្រពីរាជរដ្ឋាភិបាល និងប្រជាជនជប៉ុន ហើយជាបន្តទៀតអង្គការ JMAS នឹងចូលរួមជួយគាំទ្រដល់ការងារបោសសម្អាតមីននៅកម្ពុជា រហូតដល់កម្ពុជាបានសម្រេចនូវគោលដៅរបស់ខ្លួន ។ក្នុងឱកាសនោះ ឯកឧតម្តម លី ធុជ មានប្រសាសន៍ថា ជប៉ុនបានចូលរួមគាំទ្រស្វែងរកសុខសន្តិភាព និងការអភិវឌ្ឍជូនដល់ប្រជាជន និងប្រទេសកម្ពុជា ក្នុងនោះជប៉ុនបានចូលរួមយ៉ាងសកម្ម ដល់ការងារសកម្មភាពមីនមនុស្សធម៌នៅកម្ពុជា ដើម្បីផ្តល់ដីសម្រាប់បង្កបង្កើនផល ជួយសង្រ្គោះអាយុជីវិត និងលើកកម្ពស់ជីវភាពរស់នៅរបស់ប្រជាជនកម្ពុជា ។ឯកឧត្តមបន្តថា សមិទ្ធផលសម្រេចបាន នៃការងារបោសសម្អាតមីន បន្ទាប់ពីការដួលរលំនៃរបបកម្ពុជាប្រជាធិបតេយ្យ ហើយរាជរដ្ឋាភិបាលកម្ពុជា បានចាត់ការងារបោសសម្អាតមីនជាការងារអាទិភាពមួយក្នុងកិច្ចគាំពារសន្តិភាព និងការអភិវឌ្ឍជូនជាតិមាតុភូមិ ។ ហើយរាជរដ្ឋាភិបាល បានដាក់ចេញចក្ខុវិស័យយ៉ាងច្បាស់លាស់ ដើម្បីបញ្ចប់ការងារបោសសម្អាតមីនឲ្យអស់ត្រឹមឆ្នាំ២០២៥ ដូចមាន ចែងក្នុងផែនការយុទ្ធសាស្រ្តជាតិសកម្មភាពមីន២០១៨-២០២៥ ព្រមទាំងបាននិងកំពុងខិតខំរិះរកនូវវិធីសាស្រ្តកាត់បន្ថយផ្ទៃដី ក៏ដូចជាកាត់បន្ថយការប្រើប្រាស់ធនធានបោសសម្អាតមីន ដោយសហការជាមួយប្រទេសជាមិត្តនិងដៃគូអភិវឌ្ឍន៍ ៕អត្ថបទ បាន សុខរិទ្ធិ

ស៊ីម៉ាក់៖ ការបោសសម្អាតមីនក្នុងខេត្តកែប នឹងបញ្ចប់នៅដើមឆ្នាំក្រោយ

កែប៖ កងកម្លាំងនៃមជ្ឈមណ្ឌលបោសកម្ចាត់មីនកម្ពុជា (CMAC) ក្រោមជំនួយគាំទ្រថវិកាពីប្រទេសណ័រវ៉េស តាមរយៈអង្គការ NPA ប្រចាំនៅកម្ពុជា នឹងធ្វើការបោសសម្អាតមីននៅក្នុងខេត្តកែប ឲ្យបានចប់សព្វគ្រប់នៅដើមឆ្នាំក្រោយ។ក្នុងឱកាសអញ្ជើញចុះហត្ថលេខាលើកិច្ចសហប្រតិបត្តិការគម្រោង “ខេត្តកែបគ្មានគ្រាប់មីន” រវាងស៊ីម៉ាក់ និងអង្គការ NPA នៅថ្ងៃទី២៩ ខែវិច្ឆិកានេះ ឯកឧត្តម ហេង រតនា អគ្គនាយកមជ្ឈមណ្ឌលកម្ចាត់មីនកម្ពុជា បានឱ្យដឹងថា ក្នុងខេត្តកែបមានចម្ការមីនចំនួន៨ ដែលស្មើនឹងទំហំផ្ទៃក្រឡាជាង៩០ហិកតា ហើយរហូតមកដល់ពេលនេះ បោសសម្អាតបានចំនួន៤ចម្ការ នៅសល់៤ចម្ការទៀត នឹងបញ្ចប់នៅខែកុម្ភៈ ឆ្នាំ២០២២។ឯកឧត្តម បានបន្តថា ផែនការបោសសម្អាតមីន នៅក្នុងកែបនេះ គ្រោងធ្វើឲ្យរួចរាល់នៅឆ្នាំនេះ ប៉ុន្តែដោយសារបញ្ហាជំងឺកូវីដ-១៩ ទើបនាំឲ្យអូសបន្លាយពេលដល់ឆ្នាំក្រោយ ហើយអង្គការ NPA បានសន្យាថានឹ ងជួយបោសសម្អាតឲ្យរួចរាល់។ឯកឧត្តម ហេង រតនា បានបញ្ជាក់ថា សម្រាប់គម្រោងរបស់អង្គការ NPA រំដោះចម្ការមីននៅក្នុងខេត្តកែបនេះ គឺអនុវត្តតែការបោសសម្អាតមីន និងគ្រាប់យុទ្ធភណ្ឌមិនទាន់ផ្ទុះប៉ុណ្ណោះ ខណៈនៅខេត្តមួយចំនួនទៀត ក្រោយពីសម្អាតមីនរួច មានការជួយកសាងនូវហេដ្ឋារចនាសម្ព័ន្ធផ្សេងៗផងដែរ។ឯកឧត្តម បានបន្ថែមថា កម្លាំងស៊ីម៉ាក់ មានមហិ្ឆតាបន្តភារកិច្ចបោសសម្អាតតំបន់រងផលប៉ះពាល់ ដោយសារគ្រាប់មីន ឱ្យក្លាយជាខេត្តគ្មានគ្រាប់មីន ដូចជាខេត្តកំពត តាកែវ កំពង់ស្ពឺ ព្រះសីហនុ និងខេត្តកោះកុង បន្តបន្ទាប់ចាប់ពីឆ្នាំ២០២២ទៅ ហើយអង្គភាពស៊ីម៉ាក់ នឹងខិតខំអនុវតតាមផែនការយុទ្ធសាស្ត្រជាតិរបស់រាជរដ្ឋភិបាល ដោយសហការជាមួយអាជ្ញាធរមីន និងដៃគូអភិវឌ្ឍន៍ ដើម្បីព្រះរាជាណាចក្រកម្ពុជា អស់ការគំរាមកំហែងដោយសារគ្រាប់មីនប្រឆាំងមនុស្ស ត្រឹមចុងឆ្នាំ២០២៥ ៕អត្ថបទ៖ បាន សុខរិទ្ធ

សម្តេចក្រឡាហោម ស ខេង៖ ការបង្កើតការិយាល័យច្រកចេញ-ចូលតែមួយគឺដើម្បីកាត់បន្ថយអំពើពុករលួយ

ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានអះអាងថា ការបង្កើតការិយាល័យច្រកចេញ-ចូលតែមួយ គឺធ្វើឡើងដើម្បីកាត់បន្ថយអំពើពុករលួយ និងផ្តល់ភាពងាយស្រួល ក្នុងការបំរើផលប្រយោជន៍ដល់បងប្អូនប្រជាពលរដ្ឋឲ្យកាន់តែល្អប្រសើបន្ថែមទៀត ។ថ្លែងប្រាប់អ្នកសារព័ត៌មានក្រោយពីចុះត្រួតពិនិត្យ ប៉ុស្តិ៍រដ្ឋបាលនគរបាលដីឥដ្ឋ ការិយាល័យច្រក ចេញ-ចូលតែមួយនៅសាលាស្រុកកៀនស្វាយ ខេត្តកណ្តាល និងការចុះត្រួតពិនិត្យកន្លែងបណ្តុះបណ្តាលរបស់នគរបាលនៃរាជបណ្ឌិត្យសភានគរបាល ជាមួយលោក គ្រឹស្ទាន បើហ្គើ ឯកអគ្គរដ្ឋទូតអាល្លឺម៉ង់ប្រចាំនៅកម្ពុជា នាព្រឹកថ្ងៃទី២៩ ខែវិច្ឆិកាឆ្នាំ២០២១នេះ សម្តេចក្រឡាហោម ស ខេង បានលើកឡើងថា កាលពីមិនទាន់មានការិយាល័យ ច្រកចេញ-ចូលតែមួយគឺបងប្អូនប្រជាពលរដ្ឋពិបាកក្នុងកិច្ចការពឹងពាក់ដល់អាជ្ញាធរ លើសេវាសាធារណៈផ្សេងៗ ហើយមួយវិញទៀតក៏បានកាត់បន្ថយរឿងអសកម្មរបស់អាជ្ញាធរមូលដ្ឋានផងដែរ។សម្តេចក្រឡាហោម ស ខេង បានបញ្ជាក់បន្ថែមទៀតថា ក្រោយពីបង្កើតនូវការិយាល័យច្រកចេញ ចូលតែមួយនេះមក គឺមន្រ្តីទាំងអស់បានខិតខំធ្វើការបំរើបងប្អូនយ៉ាងយកចិត្តទុកដាក់បំផុត ហើយប្រសិនបើមិនបំរើពួកគាត់ឲ្យបានស្រួលបួល និងទាន់ពេលវេលាទេនោះ បងប្អូនប្រជាពលរដ្ឋអាចមានសិទ្ធទៅប្ដឹងការិយាល័យមួយទៀតគឺការិយាល័យប្រជាពលរដ្ឋ ហើយថ្នាក់លើនឹងចាត់វិធានការដល់ពួកគេភ្លាមៗផងដែរ។បើតាមសម្តេចក្រឡាហោម ស ខេង បានបញ្ជាក់បន្ថែមទៀតថា ការិយាល័យច្រកចេញ-ចូលតែ មួយនេះនឹងធ្វើឡើងគ្រប់ស្រុកខេត្ត-ខណ្ឌទាំងអស់ នៅទូទាំងប្រទេស ខណៈខេត្តដែលបានធ្វើគ្រប់ស្រុក ទើបតែបានបួនរាជធានី-ខេត្តតែប៉ុណ្ណោះ ក្នុងនោះមានរាជធានីភ្នំពេញ ខេត្តកណ្តាល ខេត្តកំពង់ចាម និងខេត្តបាត់ដំបង៕អត្ថបទ ៖ បាន ចក់

រាជរដ្ឋាភិបាលបង្កើតក្រុមការងារចុះពិនិត្យស្រាវជ្រាវការទន្រ្ទានដីព្រៃលិចទឹកនៅតំបន់បឹងទន្លេសាប

ភ្នំពេញ ៖ ឧបនាយករដ្ឋមន្រ្តី ជា សុផារ៉ា ចេញសេចក្តីសម្រេចបង្កើតក្រុមការងារចុះពិនិត្យ និងស្រាវជ្រាវការទន្ទ្រានដីព្រៃលិចទឹកនៅតំបន់ទន្លេសាប។ឯកឧត្តម ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានចេញសេចក្តីសម្រេចមួយបង្កើតក្រុមការងារចុះពិនិត្យ និងស្រាវជ្រាវការទន្ទ្រានដីព្រៃលិចទឹកនៅតំបន់ទន្លេសាប ស្ថិតនៅខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប និងខេត្តកំពង់ធំ។ក្រុមការងារត្រូវបានបែងចែកជា៦ក្រុមធំៗ ក្នុងនោះរួមមាន ក្រុមទទួលបន្ទុកខេត្តកំពង់ឆ្នាំង ក្រុមទទួលបន្ទុកខេត្តពោធិ៍សាត់ ក្រុមទទួលបន្ទុកខេត្តបាត់ដំបង ក្រុមទទួលបន្ទុកខេត្តបន្ទាយមានជ័យ និងសៀមរាប ក្រុមទទួលបន្ទុកខេត្តកំពង់ធំ និងក្រុមទទួលសម្របសម្រួល និងបូកសរុប។ក្រុមការងារទទួលបន្ទុកខេត្ត សហការសម្របសម្រួលជាមួយ ក្រសួងធនធានទឹកនិងឧតុនិយម ក្រសួងកសិកម្ម រុក្ខាប្រមាញ់និងនេសាទ ក្រសួងបរិស្ថាន អាជ្ញាធរទន្លេសាប អាជ្ញាធរដែនដី និងអង្គភាពមានសមត្ថកិច្ចពាក់ព័ន្ធ ចុះពិនិត្យ និងស្រាវជ្រាវការទន្ទ្រានដីព្រៃលិចទឹកនៅតំបន់ទន្លេសាប ស្ថិតនៅខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប និងខេត្តកំពង់ធំ រាយការណ៍វឌ្ឍនភាពការងារជាប្រចាំជួនក្រុមទទួលបន្ទុកសម្របសម្រួលនិងបូកសរុបបំពេញភារកិច្ចផ្សេងទៀតតាមការប្រគល់ជូនរបស់ថ្នាក់ដឹកនាំក្រសួង។ក្រុមទទួលបន្ទុកសម្របសម្រួល និងបូកសរុបគឺមានភារកិច្ច បូកសរុបលទ្ធផលការងារចុះពិនិត្យនិងស្រាវជ្រាវការទន្ទ្រានដីព្រៃលិចទឹកនៅតំបន់ទន្លេសាបស្ថិតនៅខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប និងខេត្តកំពង់ធំ រាយការណ៍វឌ្ឍនភាពការងារជាប្រចាំជូនថ្នាក់ដឹកនាំក្រសួងបំពេញភារកិច្ចផ្សេងទៀតតាមការប្រគល់ជូនរបស់ថ្នាក់ដឹកនាំក្រសួង។ក្រុមការងារមានសិទ្ធិប្រើប្រាស់មន្ត្រីក្រោមឱវាទឱ្យជួយការងារតាមការចាំបាច់ ដើម្បីធ្វើយ៉ាងណាត្រូវទប់ស្កាត់ និងបង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ។សូមបញ្ជាក់ផងដែរថា ការបង្កើតក្រុមការងារខាងលើនេះ បន្ទាប់ពីសម្តេចតេជោនាយករដ្ឋមន្ត្រី តាមរយៈសារជាសម្លេង កាលពីថ្ងៃទី ២៨ វិច្ឆិកា ឆ្នាំ២០២១ បានបញ្ជាអោយមន្ត្រីពាក់ព័ន្ធត្រូវទប់ស្កាត់ជាបន្ទាន់នូវសកម្មភាពកាប់ទន្ទ្រានព្រៃលិចទឹកដីនៅតំបន់បឹងទន្លេសាប ដែលក្នុងនោះសម្តេចបានលើកចំៗចំពោះអតីតអភិបាលខេត្តកំពង់ឆ្នាំង ទំនងជាឯកឧត្តម ឈួរ ចាន់ឌឿន ដែលបានទន្រ្ទានដី ព្រៃលិចទឹកប្រមាណជាង ២ពាន់ហិចតា ដោយសម្តេចបញ្ជាឲ្យរឹបអូសជាកម្មវត្ថុសម្រាប់ការដាំ ព្រៃឈើឡើងវិញទុកជាសម្បត្តិរដ្ឋ ហើយអ្នកប្រព្រឹត្តិខុសច្បាប់ត្រូវទទួលទោសដោយគ្មានការលើកលែង៕ អត្ថបទ៖ ដាវណ្ណ

បណ្ដាញសង្គម

ព័ត៌មានថ្មីៗ

រដ្ឋមន្ត្រីការបរទេសយេម៉ែន៖ អ៊ីរ៉ង់លើកទឹកចិត្តក្រុមហ៊ួទីឲ្យអូសបន្លាយពេលសង្គ្រាម និងបដិសេធសន្តិភាព

អង្គការលើកលែងទោសអន្តរជាតិនិយាយថា អ៊ីស្រាអែលមានចេតនាបង្អត់អាហារដល់ប្រជាជនប៉ាឡេស្ទីន នៅហ្កាហ្សា

រដ្ឋមន្ត្រីអាល្លឺម៉ង់ និយាយថា ចិន «កាន់តែបង្កើនឥទ្ធិពលខ្លាំងឡើងៗ» នៅអាស៊ីប៉ាស៊ីហ្វិក

ឯកឧត្តមបណ្ឌិតសភាចារ្យ ហង់ជួន ណារ៉ុន ជួបសំណេះសំណាល និងរៀបចំសាងសង់ផ្ទះ ព្រមទាំងប្រគល់ម៉ូតូជូនវីរកងទ័ពនៅជួរមុខ ផុន សុធា នៅភូមិរាយប៉ាយកណ្តាល ស្រុកកងមាស

មេដឹកនាំរបស់ស៊ីរី សង្ឃឹមមានកិច្ចព្រមព្រៀងជាមួយកងជីវពលឃឺដ ដើម្បីទប់ស្កាត់ជម្លោះ

រដ្ឋមន្ត្រីក្រសួងទេសចរណ៍៖ កម្ពុជាកំពុងធ្វើពិពិធកម្មទីផ្សារទេសចរណ៍អន្តរជាតិឱ្យមានលក្ខណៈទូលំទូលាយ និងចាប់យកទីផ្សារទេសចរណ៍មូស្លីម

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះព្យាបាលជំងឺជូនបងប្អូនជនភៀសសឹកតាមបន្ទាត់ព្រំដែន ក្នុងខេត្តឧត្តរមានជ័យ

ក្នុងឱកាសខួប ៥ឆ្នាំ នៃកីឡដ្ឋានខេត្តកំពង់ស្ពឺ ឯកឧត្តម ហ៊ុន ម៉ានី បង្ហើបពីតម្រុយថ្មី

ដើមឈើអាយុកាលចន្លោះពី ១០ម៉ឺនឆ្នាំ ទៅ២លានឆ្នាំ ត្រូវបានកំណាយរកឃើញនៅស្រុកសេសាន ខេត្តស្ទឹងត្រែង

មនុស្ស ៣នាក់ស្លាប់ និងជាង ២០នាក់ទៀតរងរបួស នៅក្នុងការវាយប្រហាររបស់រុស្សីលើទីក្រុង Kharkiv របស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឡាវអរគុណកម្ពុជាបានជួយផ្ដល់ជំនួយថវិកា និងវ៉ាក់សាំងស៊ីណូវ៉ាក់ ដើម្បីប្រយុទ្ធប្រឆាំងនឹងជំងឺកូវីដ-១៩

អាជ្ញាធរជាតិអប្សរា រៀបចំវគ្គបណ្ដុះបណ្ដាលការរៀបចំសណ្ដាប់ធ្នាប់ថ្ម តាមប្រាសាទដល់ភ្នាក់ងារទេសចរណ៍

អាណាព្យាបាលបន្តនាំកុមារតូចទៅទទួលវ៉ាក់សាំងដូសទី២ តាមការកំណត់របស់គ្រូពេទ្យ

ប្រមុខការទូតកម្ពុជា នឹងបំពេញទស្សនកិច្ចនៅប្រទេសចិន រយៈពេល៣ថ្ងៃ

ពលរដ្ឋនៅសៀមរាប បន្ដទៅពិនិត្យ និងចុះឈ្មោះបោះឆ្នោត ខណៈសល់មួយថ្ងៃទៀតនឹងបញ្ចប់យុទ្ធនាការនេះ

អង្គការ JMAS របស់ជប៉ុន សន្យាបន្តចូលរួមបោសសំអាតមីននៅកម្ពុជា

ស៊ីម៉ាក់៖ ការបោសសម្អាតមីនក្នុងខេត្តកែប នឹងបញ្ចប់នៅដើមឆ្នាំក្រោយ

សម្តេចក្រឡាហោម ស ខេង៖ ការបង្កើតការិយាល័យច្រកចេញ-ចូលតែមួយគឺដើម្បីកាត់បន្ថយអំពើពុករលួយ

រាជរដ្ឋាភិបាលបង្កើតក្រុមការងារចុះពិនិត្យស្រាវជ្រាវការទន្រ្ទានដីព្រៃលិចទឹកនៅតំបន់បឹងទន្លេសាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឡាវអរគុណកម្ពុជាបានជួយផ្ដល់ជំនួយថវិកា និងវ៉ាក់សាំងស៊ីណូវ៉ាក់ ដើម្បីប្រយុទ្ធប្រឆាំងនឹងជំងឺកូវីដ-១៩

អាជ្ញាធរជាតិអប្សរា រៀបចំវគ្គបណ្ដុះបណ្ដាលការរៀបចំសណ្ដាប់ធ្នាប់ថ្ម តាមប្រាសាទដល់ភ្នាក់ងារទេសចរណ៍

អាណាព្យាបាលបន្តនាំកុមារតូចទៅទទួលវ៉ាក់សាំងដូសទី២ តាមការកំណត់របស់គ្រូពេទ្យ

ប្រមុខការទូតកម្ពុជា នឹងបំពេញទស្សនកិច្ចនៅប្រទេសចិន រយៈពេល៣ថ្ងៃ

ពលរដ្ឋនៅ​សៀមរាប បន្ដទៅ​ពិនិត្យ និង​ចុះ​ឈ្មោះ​បោះ​ឆ្នោត ខណៈ​សល់​មួយ​ថ្ងៃ​ទៀត​នឹង​បញ្ចប់​យុទ្ធនាការ​នេះ

អង្គការ JMAS របស់ជប៉ុន សន្យាបន្តចូលរួមបោសសំអាតមីននៅកម្ពុជា

ស៊ីម៉ាក់៖ ការបោសសម្អាតមីនក្នុងខេត្តកែប នឹងបញ្ចប់នៅដើមឆ្នាំក្រោយ

សម្តេចក្រឡាហោម ស ខេង៖ ការបង្កើតការិយាល័យ​ច្រក​ចេញ-ចូល​តែ​មួយ​គឺ​ដើម្បី​កាត់​បន្ថយ​អំពើ​ពុក​រលួយ

រាជរដ្ឋាភិបាលបង្កើតក្រុមការងារចុះពិនិត្យស្រាវជ្រាវការទន្រ្ទានដីព្រៃលិចទឹកនៅតំបន់បឹងទន្លេសាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋនៅសៀមរាប បន្ដទៅពិនិត្យ និងចុះឈ្មោះបោះឆ្នោត ខណៈសល់មួយថ្ងៃទៀតនឹងបញ្ចប់យុទ្ធនាការនេះ

សម្តេចក្រឡាហោម ស ខេង៖ ការបង្កើតការិយាល័យច្រកចេញ-ចូលតែមួយគឺដើម្បីកាត់បន្ថយអំពើពុករលួយ