នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា
សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់​ដល់អាជ្ញាធរមូលដ្ឋានឱ្យ​បង្ក្រាប​ Online Scams ឱ្យទាល់តែអស់​ជាដាច់ខាត​ប្រកបដោយស្មារតីទទួលខុសត្រូវខ្ពស់បំផុត

នយោបាយ​ និង ការអភិវឌ្ឍន៍

គណបក្សនយោបាយ និងក្រសួងស្ថាប័ននានាបន្តគោរពព្រះវិញ្ញាក្ខន្ធសម្តេចក្រុមព្រះ នរោត្តម រណឫទ្ធិ

2021/12/07 03:02:32 pm        461
Facebook Telegram Linkin
ភ្នំពេញ៖ ថ្នាក់ដឹកនាំគណបក្សនយោបាយ ក្រសួង ស្ថាប័ន និងអង្គទូតនានានៅកម្ពុជា នៅរសៀលថ្ងៃទី៧ ខែធ្នូ ឆ្នាំ២០២១នេះ បានបន្តដឹកនាំមន្រ្តីរបស់ខ្លួនដាក់កម្រងផ្កា និងគោរពព្រះវិញ្ញាណក្ខន្ធ ព្រះសពសម្តេចក្រុមព្រះ នរោត្តម រណឫទ្ធិ ព្រះប្រធានក្រុម ឧត្តមប្រឹក្សាផ្ទាល់ព្រះមហាក្សត្រ ខណៈព្រះសពព្រះអង្គនឹងត្រូវបូជារំលាយនៅព្រឹកវេលាម៉ោង៩ ថ្ងៃទី៨ ខែធ្នូ ស្អែកនេះ ក្រោមព្រះរាជាធិបតីដ៏ខ្ពង់ខ្ពស់ របស់ព្រះករុណាជាអង្គម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត និងសម្តេចព្រះមហាក្សត្រី ព្រះវរាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ និងថ្នាក់ដឹកនាំជាតិ ជាច្រើនរូបទៀត។ព្រះសពរបស់សម្តេចក្រុមព្រះ នរោត្តម រណឫទ្ធិ នឹងធ្វើការរំកិលដង្ហែរតាមមហាវិថីព្រះនរោត្តម ឆ្ពោះទៅកាន់មេរុ នៅមុខវត្តបទុមវតី ដើម្បីធ្វើការបូជារំលាយព្រះសព តាមបែបសាសនា និងប្រពៃណីរាជវង្សានុវង្ស នៅព្រឹថ្ងៃទី៨ ខែធ្នូ ឆ្នាំ២០២១នេះ ក្រោយពី​តម្កល់​ធ្វើបុណ្យ​តាមបែប​ព្រះពុទ្ធសាសនាអស់រយៈពេលបួនថ្ងៃមកនេះ។សូមបញ្ជាក់សម្តេចក្រុមព្រះ នរោត្តម រណឫទ្ធិ ព្រះប្រធានក្រុម ឧត្តមប្រឹក្សាផ្ទាល់ព្រះមហាក្សត្រ និងជាអតីតព្រះប្រធានគណបក្សហ៊្វុនស៊ិនប៉ិច អតីតនាយករដ្ឋមន្រ្តីទី១ និងជាអតីតប្រធាន​រដ្ឋសភា​នៃព្រះរាជាណាចក្រកម្ពុជា​ ព្រះអង្គបានយាងសោយព្រះទិវង្គត ​នៅថ្ងៃទី២៨ ខែ វិច្ឆិកា ឆ្នាំ២០២១កន្លងទៅនេះ នៅប្រទេសបារាំង ​ក្នុងព្រះជន្មាយុ៧៧ព្រះវស្សាដោយព្រះរោគាពាធ។ព្រះសពរបស់សម្តេចក្រុមព្រះ នរោត្តម រណឫទ្ធិ បានយាងដង្ហែ មកដល់ព្រះរាជាណាចក្រកម្ពុជា នៅថ្ងៃអាទិត្យទី៥ ខែធ្នូ ឆ្នាំ២០២១ វេលាម៉ោង ១១ ថ្ងៃត្រង់ខាងកាលពីម្សិលមិញ តាមរយៈ​យន្ត​ហោះពិសេស​ពីប្រទេសបារាំង ​ខណៈព្រះសពព្រះអង្គបានកំពុងតំកល់ធ្វើបុណ្យ​តាមបែបសាសនា​នៅអតីតព្រះតំណាក់ព្រះអង្គ នៅផ្លូវសម្តេចប៉ាន់ខាងក្រោយព្រះបរមរាជវាំង ស្ថិតនៅសង្កាត់បឹងរាំង ខណ្ឌដូនពេញ រាជធានីភ្នំពេញ។ការទ្រង់សោយទិវង្គតរបស់សម្តេចក្រុមព្រះនរោត្តម រណឫទ្ធិនេះដែរ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញសារាចរណែនាំ ​ប្រកាសកាន់ទុក្ខចំពោះព្រះសពរបស់ព្រះអង្គ ដោយកំណត់យកថ្ងៃទី៨ ខែធ្នូ ឆ្នាំ២០២១ដដែលនេះ ជាថ្ងៃកាន់ទុក្ខផ្លូវការ ព្រមទាំងណែនាំ​ឲ្យគ្រប់​ក្រសួង ស្ថាប័ន សាលារៀន មន្ទីរពេទ្យរបស់រដ្ឋ ឯកជនទាំងអស់ និងមន្រ្តីរាជកា កងកម្លាំងប្រដាប់​អាវុធ​គ្រប់ប្រភេទ គ្រប់ទីវត្តអារាម ព្រមទាំងប្រជាជននៅទូទាំងប្រទេស ត្រូវមានការបង្ហូតទង់ជាតិត្រឹមពាក់កណ្តាលនៃដងទង់ជាតិ និងផ្អាកការសម្តែង​និងចាក់ផ្សាយ​ទស្សនីយភាព​ផ្សេងៗ​ដែលមានលក្ខណៈសប្បាយ​គគ្រឹកគគ្រេង​ផងដែរ៕អត្ថបទ៖ បាន ចក់

រង្វង់មូលស្រអែមមានលំនាំគោបុរៈទី៥នៃប្រាសាទព្រះវិហារ ត្រូវបានសម្ពោធដាក់ឱ្យប្រើប្រាស់

2021/12/08 09:09:46 am        288
Facebook Telegram Linkin
ព្រះវិហារ៖ រង្វង់មូលស្រអែម ដែលមានសំណង់លំនាំគោបុរៈទី៥ របស់ប្រាសាទព្រះវិហារ បានសម្ពោធដាក់ឲ្យប្រើប្រាស់ហើយ ដើម្បីជាកែសម្រួលស្ថានភាពចរាចរណ៍ និងលើកនូវសោភណ្ឌភាពតំបន់ប្រជុំជនស្រអែម មុននឹងឡើងទៅដល់ប្រាសាទព្រះវិហារ។រង្វង់មូលស្រអែម ស្ថិតក្នុងឃុំស្រអែម ស្រុកជាំក្សាន្ត ខេត្តព្រះវិហារ បានសម្ពោធដាក់ឲ្យ​ប្រើប្រាស់​ជា​ផ្លូវការ​ហើយ​នៅ​ល្ងាចថ្ងៃទី០៦ ខែធ្នូ ឆ្នាំ២០២១​ ក្រោមអធិបតីភាពដ៏ខ្ពង់ខ្ពស់​ ឯកឧត្ដម មាស សុភា ទេស រដ្ឋ​មន្ដ្រី​ទទួល​បន្ទុក​បេសកកម្ម​ពិសេស និងជាប្រធានក្រុមការងរាជរដ្ឋាភិបាល​ចុះមូលដ្ឋាន​ខេត្តព្រះវិហារ ​និងថ្នាក់ដឹកនាំ ​មន្ដ្រីរាជការខេត្ត ​ជាមួយនឹង​ការ​ចូល​រួមរបស់ប្រជាពលរដ្ឋជាច្រើន​កុះករ​ផងដែរ។ឯកឧត្ដម មាស សុភា មានប្រសាសន៍ថា រង្វង់មូលស្រអែម កើតឡើងពីការចូលរួមពី​សប្បុរសជន​នានា ក៏​ដូច​ជា​ថ្នាក់​ដឹកនាំ កម្លាំងមានសមត្ថកិច្ច ដោយបានចូលរួមជាថវិកា រហូតស្ថាបនារង្វង់​មូល​ស្រអែម​នេះ​ បានជោគជ័យ និង​បាន​ដាក់​សម្ពោធ​ដាក់ឲ្យប្រើប្រាស់នាពេលនេះ។ឯកឧត្ដម មាស សុភា បញ្ជាក់ថា ទីតាំងនេះពីមុនគឺមានលក្ខណៈ​ស្មុគស្មាញ​ពិបាក​ក្នុង​ការធ្វើដំណើរ ប៉ុន្តែក្រោយពីស្ថាបនារង្វល់មូលស្រអែមនេះរួច ទីតាំងនេះមានសណ្ដាប់ធ្នាប់ល្អប្រសើរ ដែលជា​ទី​ទាក់​ទាញភ្ញៀវជាតិ​ និងអន្តរជាតិ មកលេងកំសាន្តនៅស្រុកជាំក្សាន្តនេះផងដែរ ។ឯកឧត្ដម មាស សុភា ក៏បានបញ្ជាក់ថា ការសាងសង់រង្វង់មូលស្រអែមនេះត្រូវឆ្លងកាត់នីតិវិធីជាច្រើន ដូចជាការ​ស្នើ​សុំ​ទៅ​ក្រសួងវប្បធម៌ ស្នើសុំទៅអាជ្ញាធរជាតិព្រះវិហារ ​និងឆ្លងកាត់ការរចនាប្លង់ដ៏ពិបាកផងដែរ។លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឲ្យដឹងថា សំណង់ដ៏គួរជាទី​ស្ញប់ស្ញែង​នេះ គឺមានកា​រ​ផ្តួចផ្តើម​កសាង​ឡើងដោយថ្នាក់ដឹកនាំខេត្ត និង​សប្បុរសជន ដោយ​មិន​បាន​ប្រើ​ប្រាស់​ថវិកា​ជាតិ​នោះ​ឡើយ។លោក សំ លាងទ្រី បានបន្ថែមថា រង្វង់មូលស្រអែម មាន​អង្កត់​ផ្ចិត​ប្រវែង ៤០ ម៉ែត្រ កំពស់ ៦.៤ ម៉ែត្រ ផ្ទៃក្រឡា១២៥៦ ម៉ែត្រការ៉េ ​និងមាន​បរិមាត្រប្រវែង ១២៥.៦៦ ម៉ែត្រ ។ រូប​សំណាក​តួប្រាសាទ​នៅចំកណ្តាលរង្វង់មូលនេះ គឺយកលំនាំតាមគោបុរៈទី៥ នៃប្រាសាទព្រះវិហារ ​ហើយរូបសំណាក​ដែល​​ស្ថិត​នៅចំកណ្តាលរង្វង់មូលនេះទៀតសោតមានទំហំស្មើនឹង ៧០% នៃតួប្រាសាទដើម។ រង្វង់មូលស្រអែម​ មាន​ទីតាំង ស្ថិតនៅលើផ្លូវជាតិលេខ៦២​ ដែលជាចំណុចផ្លូវប្រសព្វផ្លូវបែកជា៣ ក្នុងការធ្វើដំណើរឡើងទៅប្រាសាទព្រះវិហារ ​ទៅខេត្ត​ឧត្ដរមានជ័យ និងក្រុងព្រះវិហារ៕

កម្ពុជានឹងទទួលអ្នកដំណើរអន្តរជាតិតាមផ្លូវអាកាសច្រើនថែមទៀត នៅពាក់កណ្តាលខែធ្នូនេះ

2021/12/07 02:05:52 pm        524
Facebook Telegram Linkin
ភ្នំពេញ៖ អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល បានឲ្យដឹងនៅថ្ងៃនេះថា កម្ពុជានៅពាក់កណ្តាលខែធ្នូ ឆ្នាំ២០២១នេះ នឹងចាប់ផ្តើមមានកំណើនអ្នកដំណើរអន្តរជាតិ ដែលជាភ្ញៀវទេសចរ អ្នកដំណើរអន្តរជាតិ និងអ្នកវិនិយោគអន្តរជាតិមកកម្ពុជាច្រើនថែមទៀត ខណៈនៅពាក់កណ្តាលខែធ្នូនេះដែរ បណ្តាក្រុមហ៊ុនអាកាសចរណ៍ ដែលបានស្នើបើកជើងហោះហើរមកកម្ពុជានោះ នឹងចាប់ផ្តើមបើកសកម្មភាពហោះហើរត្រង់មកកម្ពុជាឡើងវិញស្របៗគ្នា។ឯកឧត្តម ជា អូន រដ្ឋលេខាធិកា និងជាអ្នកនាំពាក្យនៃរដ្ឋលេខាធិការដ្ឋានអាកាសចរណ៍ស៊ីវិលកម្ពុជា បានថ្លែង​ប្រាប់​ BTVនៅថ្ងៃទី ៧ខែធ្នូនេះថា នៅក្នុងអំឡុងពេលនេះ ក្រុមហ៊ុនអាកាសចរណ៍​ដែលកំពុងបានបើក​ដំណើរ​ការ​សកម្ម​ដឹក​អ្នក​ដំណើរអន្តរជាតិមកកម្ពុជា បច្ចុប្បន្ន គឺសំគាល់​ឃើញមាន ក្រុមហ៊ុនអាកាសចរណ៍ Angkor air , Cambodia Airline , និងSingapore airline ជាដើម បានដំណើរការដឹកអ្នកដំណើរអន្តរ​ជាតិក្នុងមួយថ្ងៃៗ​មាន​ចំនួន​ប្រមាណ​ពី​ ៦០០​នាក់​ទៅ ១០០០នាក់ ហើយចំនួននេះ ​នឹងកើនឡើងរហូតដល់ទៅ៣ដងទៀត ឬច្រើនជាងនេះ ចាប់ពី​ពាក់​កណ្តាល​ខែ​ធ្នូ​នេះ​តទៅ។ឯកឧត្តម ជា អូន បន្តថា សម្រាប់ក្រុមហ៊ុនអាកាសចរណ៍ ដែលបានស្នើសុំពង្រីកជើងហោះហើរត្រង់មកកម្ពុជា​បន្ថែម​ នៅ​ក្នុងអំឡុងពេលនេះ រួមមាន៖ Singapore Airlineស្នើពង្រីកជើងហោះហើរត្រង់សឹង្ហបូរី កម្ពុជា ហើយក្រុមហ៊ុន Malaysia Airline, Jet Star និងAir Asia បានចាប់ផ្តើមស្នើបើកជើងត្រង់ម៉ាឡេស៊ី កម្ពុជាចាប់ពីពាក់កណ្តាល​ខែ​ធ្នូ​នេះ​ត​ទៅដែរ។សូមបញ្ជាក់ថា បើតាមការអោយដឹងពី ឯកឧត្តម ម៉ៅ ហាវណ្ណាល់ រដ្ឋមន្រ្តី​ទទួល​បន្ទុក​រដ្ឋលេខាធិការ​ដ្ឋាន​អាកាសចរ​ស៊ីវិល​ កាលពីចុងខែវិច្ឆិកានេះថា ​គិតត្រឹមដំណាច់ខែវិច្ឆិកា មានក្រុមហ៊ុន​អាកាស​ចរណ៍​ចំនួន ៦បានស្នើសុំបើកជើង​ហោះ​ហើរ​ត្រង់​មកកម្ពុជា ​ហើយក្រុមហ៊ុនទាំងនោះរួមមាន៖ ទី១ ក្រុមហ៊ុន Smile Airway ស្នើបើកជើង​ហោះហើរភ្នំពេញ-​ថៃ​ ចំនួន៤ជើងក្នុងមួយសប្តាហ៍ ទី២ក្រុមហ៊ុនBangkok Airway ស្នើសុំបើកហោះត្រង់ភ្នំពេញ-ថៃ ចំនួន​១០​ជើង​ក្នុង​មួយ​សប្តាហ៍ ទី៣ ក្រុមហ៊ុន Air Asia បើកហោះហើរភ្នំពេញ-ថៃ ចំនួន៣ជើងក្នុងមួយសប្តាហ៍ ទី៤ ក្រុមហ៊ុនPhillipine airline ស្នើបើកហោះត្រង់កម្ពុជា-ហ្វីលីពីន ១ជើងក្នុងមួយសប្តាហ៍ ទី៥ ក្រុមហ៊ុនអាកាសចរណ៍កាតៃ ស្នើបើកហោះត្រង់ហុងកុង-កម្ពុជា ១ជើងក្នុងមួយសប្តាហ៍ និងទី៦ ក្រុមហ៊ុន Singapore Airline ស្នើសុំបើកជើងហោះហើរលើកំណាត់ផ្លូវភ្នំពេញ-សឹង្ហបូរី ចំនួន ១៤ជើងក្នុងមួយសប្តាហ៍ និងស្នើហោះត្រង់សៀមរាប-សឹង្ហបូរី ៧ជើងក្នុងមួយសប្តាហ៍។នាយឧត្តមសេនីយ៍ ម៉ៅ ហាវណ្ណាល់ បន្តថា បើគិតនៅមុនថ្ងៃ ប្រមុខថ្នាក់ដឹកនាំរាជរដ្ឋាភិបាល​ប្រកាស​បើក​ប្រទេស​វិញកាលពីថ្ងៃទី១៥ ខែវិច្ឆិកានេះ ចំនួនអ្នកដំណើរចេញចូលមាន​ប្រមាណ ៣៥៣៩នាក់​ក្នុងមួយសប្តាហ៍​ ហើយ​នៅ​ក្រោយ​ថ្ងៃប្រមុខថ្នាក់ដឹកនាំរាជរដ្ឋាភិបាល​ប្រកាស​បើក​ប្រទេសវិញ ​ក្នុងរយៈពេល១សប្តាហ៍ដំបូង​ ចំនួន​អ្នក​ដំណើរអន្តរជាតិ​ចេញ​ចូល​មក​កម្ពុជា​បានកើនដល់ ៩០៣១នាក់ ក្នុងមួយសប្តាហ៍៕អត្ថបទ ស៊ុម សុខជា

សប្បុរសជនបរិច្ចាកថវិកាផ្ទាល់ខ្លួន ជួលជុលផ្លូវមួយខ្សែក្រាលថ្មមិច ជូនប្រជាពលរដ្ឋងាយស្រួលដំណើរ

2021/12/07 06:44:59 am        297
Facebook Telegram Linkin
ភ្នំពេញ ៖ សប្បុរជនលោក ជឿន មុន្នីរាក់ ជាម្ចាស់គំរោងផ្ទះល្វែងសំណង់ល្អពិត បានចូលរួមជាមួយរាជរដ្ឋាភិបាល ក្នុងសកម្មភាពមនុស្សធម៌ ដោយការចូលរួមចែករំលែកនូវថវិកាផ្ទាល់ខ្លួន ជួយដល់ប្រជាពលរដ្ឋក្នុង​សម័យកូវីដ១៩។ជាក់ស្ដែងនៅព្រឹកថ្ងៃទី០៧ខែធ្នូ ឆ្នាំ២០២១នេះផង លោក ជឿន មុន្នីរាក់ និងលោក ផាន ចន្ថា បាន​ជួសជុល​ផ្លូវមួយខ្សែប្រ និងក្រាលថ្មមិច​ជូនប្រជាពលរដ្ឋងាយស្រួលដំណើរជាងមុន ​ស្ថិតនៅ ភូមិត្រពាំងរំចេង សង្កាត់ចោមចៅ១ ខណ្ឌពោធិ៍សែនជ័យ ក្រុងភ្នំពេញ ដោយចំណាយថវិកាផ្ទាល់ខ្លួន ដើម្បីសម្រួលការលំបាករបស់បងប្អូនប្រជាពលរដ្ឋនៅក្នុងភូមិ។សូមបញ្ជាក់ផងដែរថា ផ្លូវមួយខ្សែរនេះ ដោយមានការសំណូមពរពីប្រជាពលរដ្ឋជាច្រើន ហើយបាន​លើកឡើងថា ផ្លូវមួយខ្សែនេះ ខូចដោយសាររដូវវស្សា មាន​ក្រឡុក​ពិបាក​ធ្វើ​ដំណើរ​ប្រកប​របរ អាជីវកម្ម និងទៅធ្វើការរបស់បងប្អូនប្រជាពលរដ្ឋ ទើប​លោកសម្រេចចិត្តចំណាយ​ថវិកាផ្ទាល់ខ្លួន​របស់​លោក​ជួសជុល​តែម្តង​ ដោយ​សុំ​ការ​អនុញ្ញាត​ពី​អាជ្ញាធរ​ផងដែរ៕ អត្ថបទ៖ ​កុម្ភៈ

ទូតវៀតណាមសរសើរកម្ពុជា ដែលទទួលបានជោគជ័យ ក្នុងការចាក់វ៉ាក់សាំងបង្ការកូវីដដល់ប្រជាជន

2021/12/07 12:24:24 pm        374
Facebook Telegram Linkin
ភ្នំពេញ៖ ក្នុងជំនួបជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភាឯកឧត្តម ង្វៀន ហុយតាំង (H.E.Mr. Nguyen Huy Tang) ឯកអគ្គរដ្ឋទូតនៃសាធារណរដ្ឋសង្គមនិយមវៀតណាម បានកោតសរសើរកម្ពុជា ដែលបានចាក់វ៉ាក់សាំងជូនប្រជាពលរដ្ឋ ទទួលជោគជ័យរហូតធ្វើឲ្យប្រទេសក្លាយជាទីសុវត្ថិភាពសម្រាប់អ្នកទេសចរ។សម្តេចពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា នៅថ្ងៃទី៧ ខែធ្នូ ឆ្នាំ២០២១ បានអនុញ្ញាតឱ្យឯកឧត្តម ង្វៀន ហ៊ុយតាំង (Nguyen Huy Tang ) ឯកអគ្គរដ្ឋទូតថ្មីនៃសាធារណរដ្ឋសង្គមនិយមវៀតណាម ប្រចាំនៅកម្ពុជា ចូលជួបសម្តែងការ​គួរសម​នៅ​វិមានរដ្ឋសភា។ ក្នុងឱកាសនេះ ឯកអគ្គរដ្ឋទូត វៀតណាម បានវាយតម្លៃខ្ពស់ និងអបអរសាទរ​ចំពោះការ​អភិវឌ្ឍរបស់ប្រទេសកម្ពុជា ដែលបានផ្លាស់ប្តូរមុខមាត់ពីមួយថ្ងៃទៅមួយថ្ងៃ។ ឯកអគ្គរដ្ឋទូត វៀតណាម បានសម្ដែងនូវការកោតសរសើរចំពោះ​នយោបាយចាក់វ៉ាក់សាំង​របស់​រាជរដ្ឋាភិបាលកម្ពុជា នៅក្នុងការប្រយុទ្ធប្រឆាំងនឹងជំងឺកូវីដ-១៩ ដែលទទួលបានជោគជ័យ​យ៉ាង​ធំធេង ធ្វើឲ្យកម្ពុជាមានលទ្ធភាពបើកប្រទេសឡើងវិញ​និងក្លាយជាទីកន្លែង​សុវត្ថិភាព​សម្រាប់​អ្នកទេសចរ និងបានអរគុណចំពោះកម្ពុជាដែលបានផ្តល់ថវិកា និងបរិក្ខាពេទ្យដល់ប្រទេស​វៀតណាម​នៅក្នុងការទប់ស្កាត់ជំងឺកូវីដ-១៩ នាពេលកន្លងមក។ នាឱកាសនោះដែរ សម្តេចប្រធានរដ្ឋសភា មានប្រសាសន៍ថា បេសកកម្មការទូតថ្មីរបស់ឯកឧត្តម​ឯកអគ្គរដ្ឋទូត ​នៅកម្ពុជាពិតជាមានសារសំខាន់ខ្លាំងណាស់ ក្នុងការបន្តពូនជ្រុំលើកកម្ពស់​ទំនាក់ទំនង​មិត្តភាព និងកិច្ចសហប្រតិបត្តិការដ៏ល្អ ​ដែលមានស្រាប់​ រវាងប្រទេសទាំងពីរកម្ពុជា-វៀតណាម ឱ្យកាន់តែល្អប្រសើរថែមមួយកម្រិតទៀត។ សម្តេចបន្តថា ក្នុងនាមរដ្ឋសភាកម្ពុជា ​សូមកោតសរសើរដល់កិច្ចសហប្រតិបត្តិការលើគ្រប់វិស័យ ដែល​រដ្ឋាភិបាល​ប្រទេសទាំងពីរ ​បានរួមគ្នាសម្រេចបានក្នុងអាណត្តិជាបន្តបន្ទាប់មកនេះ សំដៅនាំ​មកនូវផលប្រយោជន៍ដល់ប្រជាជាតិទាំងសងខាង។បន្ថែមលើសពីនេះ ឯកអគ្គរដ្ឋទូតវៀតណាម ​បានសន្យាចំពោះសម្ដេចប្រធានរដ្ឋសភាថា ក្នុង​បេសកកម្មកាទូត​នៅកម្ពុជា ​ឯកឧត្តមនឹងខិតខំប្រឹងប្រែងអស់ពីកម្លាំងកាយចិត្តដើម្បីពូនជ្រុំ​ទំនាក់ទំនង​កិច្ចសហប្រតិបត្តិការជាមួយកម្ពុជា​ឲ្យបានកាន់តែរីកចម្រើនឡើងថែមទៀត ទាំង​វិស័យការទូត សង្គម សេដ្ឋកិច្ច ពាណិជ្ជកម្ម កសិកម្ម៕ អត្ថបទ៖ សេក ឧត្តម

មីយ៉ាន់ម៉ាស្វះស្វែងរកកិច្ចសហការល្អឡើងវិញជាមួយអាស៊ាន

2021/12/07 06:44:38 am        594
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងរដ្ឋមន្ត្រីការបរទេស មីយ៉ាន់ម៉ា នៅថ្ងៃនេះ បានពិភាក្សាគ្នាយ៉ាងស៊ីជម្រៅ អំពីទំនាក់ទំនងសហប្រតិបត្តិការទាំងទ្វេភាគី និងក្នុងក្របខណ្ឌអាស៊ាន ដើម្បីធ្វើយ៉ា​ងណា​ឱ្យមានកិច្ចសហការល្អឡើងវិញនៅក្នុងតំបន់។ មីយ៉ាន់ម៉ាស្វះស្វែងរកកិច្ចសហការល្អឡើងវិញ ជាមួយអាស៊ាន។សម្ដេចតេជោ នឹងអញ្ជើញទៅធ្វើទស្សនកិច្ចប្រទេសនេះ នៅដើមខែក្រោយខណៈពេលដែលវិបត្តិ​នយោបាយ​ក្នុងប្រទេសនេះ កំពុងរីកធំឡើង។នៅថ្ងៃទី០៧ ខែធ្នូនេះ សម្ដេចតេជោហ៊ុន សែន នាយករដ្ឋមន្ត្រីនៃកម្ពុជា នឹងជាប្រធានអាស៊ាន ឆ្នាំ២០២២បានជួប​ពិភាក្សាការងារជាមួយឯកឧត្តម វុនណា ម៉ោងលីន (Wunna Maung Lwin) រដ្ឋមន្ត្រីការបរទេស ​មី​យ៉ា​ន់​ម៉ា​ និង​ជា​បេសកជន​ពិសេស​របស់​ប្រធាន​ក្រុមប្រឹក្សារដ្ឋ និង​ជា​នាយករដ្ឋមន្ត្រីមីយ៉ាន់ម៉ា ​ដែល​នៅក្នុងជំនួបនេះ សម្តេចតេជោ ​និង​ឯកឧត្ដម វុនណា បានពិភាក្សាគ្នា​អំពីកិច្ចសហប្រតិបត្តិការទ្វេភាគីរវាងកម្ពុជា និងមីយ៉ាន់ម៉ា។ លើសពីនោះ​ទៀ​ត ​ស​ម្ដេ​ច ​​និ​ង​ឯ​ក​ឧ​ត្ដ​ម ​វុន​ណា​ ក៏​បា​ន​ពិភាក្សា​គ្នា​អំ​ពី​បញ្ហា​អាស៊ាន​ផង​ដែរ ​ដើម្បី​ស្វែង​រ​កមធ្យោបាយ​ធ្វើយ៉ាងណាឱ្យអាស៊ាន​មានកិច្ចសហប្រតិបត្តិការល្អ ​និងសាមគ្គីភាពល្អ។ក្នុងឱកាសនោះដែរ ឯកឧត្តម វុនណា ក៏បានគោរពជូនសម្ដេចតេជោ នូវលិខិតរបស់ឯកឧត្ដមប្រធាន​ក្រុម​ប្រឹក្សារដ្ឋ​ និង​ជានាយករដ្ឋមន្ត្រី នៃសាធារណរដ្ឋសហភាពមីយ៉ាន់ម៉ា ​ជូន​សម្ដេចតេ​ជោ ដើម្បី​អញ្ជើញ​សម្ដេច​តេ​ជោ​ទៅធ្វើ​ទស្សនកិច្ច ​នៅសហភាពមីយ៉ាន់ម៉ា ​នៅថ្ងៃទី៧-៨ ​ខែមករា ឆ្នាំ២០២២ នេះ។ជាការឆ្លើយតប​ សម្ដេចតេជោ បានទទួលយកនូវការ​អញ្ជើញ​ ហើយសម្ដេច នឹងអញ្ជើញ​ទៅ​ធ្វើ​ទស្សនកិច្ចនៅសហភាពមីយ៉ាន់ម៉ាតាមការអញ្ជើញ​នេះ។ឯកឧត្ដម វុនណា ម៉ោងលីន រដ្ឋមន្ត្រីការបរទេសរបស់មីយ៉ាន់ម៉ា បាន​អញ្ជើញមកទស្សនកិច្ច​នៅ​កម្ពុជា កាលពីម្សិលមិញ ដែល​ដំណើរទស្សនកិច្ចតបតាម​ការអញ្ជើញរបស់កម្ពុជា ក្នុង​គោលដៅ​សំខាន់លើការរិះរកនូវដំណោះស្រាយពាក់ព័ន្ធ ​នឹងអាស៊ាន។ ឆ្នាំ២០២២ គឺជាឆ្នាំដែលកម្ពុជា ត្រូវធ្វើជាម្ចាស់នៃកិច្ចប្រជុំរបស់អាស៊ាន។សម្តេចតេជោ ហ៊ុន សែន ក្នុងនាមជា ប្រធានអាស៊ាន បានដាក់ចេញគោលដៅពង្រឹងកិច្ច​សហប្រតិបត្តិការអាស៊ានឡើងវិញ ​ជាពិសេសចង់ឃើញសមាសភាពមីយ៉ាន់ម៉ា នៅ​ក្នុងកិច្ចប្រជុំមួយនេះ ក្រោយអវត្តមាននៅឆ្នាំ២០២១ ។សម្តេចតេជោ ហ៊ុន សែន ក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១​ នៅខេត្តព្រៃវែង កាលពីម្សិលមិញ បានបញ្ជាក់ថា ​ដំណើរទស្សនកិច្ចរបស់សម្តេចទៅកាន់ប្រទេសមីយ៉ាន់ម៉ា គឺនឹង​មានកិច្ចពិភាក្សាជាមួយមេដឹកនាំ​មីយ៉ាន់ម៉ា ​ដើម្បីស្វែងរកគន្លឹះឱ្យអាស៊ាន មានសមាជិក​គ្រប់​ចំនួន​ក្នុង​កិច្ច​ប្រជុំឡើងវិញ។សម្តេចតេជោ ហ៊ុន សែន បានថ្លែងថា អាស៊ានមិនគួរបែកបាក់ ព្រោះតែប្រទេសដទៃនោះឡើយ ដូច្នេះ​ការពង្រឹង អាស៊ានឡើងវិញ ​ជាកិច្ចការដ៏ចាំបាច់​នៅពេលកម្ពុជា​ធ្វើជាម្ចាស់ផ្ទះអាស៊ាន​ឆ្នាំ២០២២៕ អត្ថបទ៖ មុត សុទ្ធ

ថ្នាក់ដឹកនាំក្រសួង ស្ថាប័ននានា ចូលរួមគោរពព្រះវិញ្ញាណក្ខន្ធសម្តេចក្រុមព្រះ នរោត្តម រណឬទ្ធិ

2021/12/06 08:34:18 am        496
Facebook Telegram Linkin
ភ្នំពេញ៖ នៅរសៀលថ្ងៃទី០៦ ខែធ្នូ ឆ្នាំ២០២១នេះ ថ្នាក់ដឹកនាំជាន់ខ្ពស់នៃស្ថាប័នកំពូលរបស់ជាតិទាំង៤ មន្ត្រីនៃបណ្តាក្រសួងស្ថាប័នរបស់រាជរដ្ឋាភិបាលកម្ពុជា បានដឹកនាំមន្ត្រីនៃក្រសួងស្ថាប័នរបស់ខ្លួន ចូលរួមគោរពព្រះវិញ្ញាណក្ខន្ធសម្តេចក្រុមព្រះ នរោត្តម រណឬទ្ធិ ព្រះប្រធានក្រុម ឧត្តមប្រឹក្សាផ្ទាល់ព្រះមហាក្សត្រ និងជាអតីតព្រះប្រធានគណបក្សហ៊្វុនស៊ិនប៉ិច អតីតនាយករដ្ឋមន្រ្តីទី១ និងជាអតីតប្រធានរដ្ឋសភា នៃព្រះរាជាណាចក្រកម្ពុជា។ស្ថាប័នក្រុមប្រឹក្សាធម្មនុញ្ញា ដឹកនាំដោយ ឯកឧត្តម អ៊ឹម ឈុនលឹម ប្រធានក្រុមប្រឹក្សាធម្មនុញ្ញា នៃព្រះរាជាណាចក្រកម្ពុជា អមដោយមន្ត្រីជាន់ខ្ពស់ជាច្រើនរូបទៀតនៃក្រុមប្រឹក្សាធម្មនុញ្ញា។ស្ថាប័នកំពូលរបស់ជាតិ ព្រឹទ្ធសភា ដឹកនាំដោយ សម្តេចវិបុលសេនាភក្តីសាយ ឈុំ ប្រធានព្រឹទ្ធសភា នៃព្រះរាជណាចក្រកម្ពុជា អមដំណើរដោយសមាជិក សមាជិកា មន្ត្រីជាន់ខ្ពស់នៃព្រឹទ្ធសភា។ស្ថាប័នរដ្ឋសភា ដឹកនាំដោយសម្តេចអគ្គមហាពញ្ញាចក្រី ហេង សំរិន ប្រធានរដ្ឋសភា នៃព្រះរាជា​ណា​ចក្រកម្ពុជា អមដំណើរដោយសមាជិក សមាជិកា មន្ត្រីជាន់ខ្ពស់ជាច្រើនរូបទៀត​នៃ​ស្ថាប័ន​រដ្ឋសភា ស្ថាប័នរាជរដ្ឋាភិបាល​ដឹកនាំដោយ​សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា អមដំណើរដោយមន្ត្រីជាន់ខ្ពស់នៃរាជរដ្ឋាភិបាល​កម្ពុជាជាច្រើនរូបទៀត ។ រួមទាំងរដ្ឋមន្ត្រីនៃក្រសួងស្ថាប័ននានា ​ក៏បានដឹកនាំមន្ត្រីរបស់ខ្លួន ចូលរួម​គោរព​ព្រះវិញ្ញាណក្ខន្ធសម្តេចក្រុមព្រះ នរោត្តម រណឬទ្ធិ ជាបន្តបន្ទាប់ផងដែរ។ព្រះសពសម្តេចក្រុមព្រះ តំកល់ធ្វើបុណ្យនៅព្រះរាជដំណាក់ព្រះអង្គរយៈពេល៤ថ្ងៃ ក្រោយ​ដង្ហែពីប្រទេសបារាំងមកដល់កម្ពុជា ​នៅថ្ងៃទី០៥ ខែធ្នូ ឆ្នាំ២០២១ និងមានពិធីព្រះរាជទានព្រះភ្លើង បួជាដោយព្រះករុណាព្រះមហាក្សត្រនៅថ្ងៃទី០៨ ខែធ្នូ ឆ្នាំ២០២១ខាងមុខនេះ៕

អាជ្ញាធរមីន រៀបចំពិធីវាយកូនហ្គោលមិត្តវិស័យមីន ដើម្បីថ្លែងអំណរគុណដល់ម្ចាស់ជំនួយ ដែលជួយដល់កម្ពុជា តាំងពីឆ្នាំ១៩៩២មក

2021/12/06 06:59:04 am        715
Facebook Telegram Linkin
ភ្នំពេញ៖ ឯកឧត្តមទេសរដ្ឋមន្ដ្រី លី ធុជ អនុប្រធានទី១អាជ្ញាធរមីន បានបញ្ជាក់ថា ការរៀបចំពិធីវាយកូនហ្គោលមិត្តវិស័យមីន និងទទួលទានអាហារសាមគ្គី ក្នុងក្របខណ្ឌគ្រួសារវិស័យមីន នៅទីលានវាយកូនហ្គោលហ្គាដិនស៊ីធី កាលពីថ្ងៃទី០៤ ខែធ្នូ កន្លងមកនេះ បានទទួលដោយជោគជ័យគួរជាទីមោទនៈ។កម្មវិធីនេះ មានការចូលរួមពីទេសរដ្ឋមន្រ្តី រដ្ឋមន្រ្តី ថ្នាក់ដឹកនាំពីក្រសួងស្ថាប័ននានា អង្គទូតប្រចាំកម្ពុជា ដៃគូរអភិវឌ្ឍន៍ អង្គការសប្បុរសធម៌ សមាគម និងវិស័យឯកជនជាតិ/អន្តរជាតិ និងមិត្ដវិស័យមីនជាច្រើនទៀតចូលរួមផងដែរ។ក្នុងឱកាសនោះ ឯកឧត្តមទេសរដ្ឋមន្ដ្រី បានថ្លែងអំណរគុណយ៉ាងជ្រាលជ្រៅជូនចំពោះក្រុមហ៊ុន​ឯកជន​មួយចំនួនដែលចូលរួមឧបត្ថម្ភគាំទ្រដល់ដំណើរការរៀបចំព្រឹត្តិការណ៍នេះកើតឡើង ដោយទទួលការអបអរសាទរពីមិត្តវិស័យមីនទាំងអស់ រួមមាន៖១/. លោក Larry Kao អ្នកគ្រប់គ្រងប្រចាំប្រទេសនៃ Manhattan & Medtecs២/. Prince Foundation៣/. លោក Mao Saravuth នាយកប្រតិបត្តិនៃក្រុមហ៊ុន IQPS Trading៤/. លោក Anthony S. Gadlardi អ្នកគ្រប់គ្រងប្រចាំប្រទេសនៃក្រុមហ៊ុន SEARA Sports Systems៥/. លោក Luis Moniz នាយកគ្រប់គ្រងនៃក្រុមហ៊ុន HGB luxury Division៦/. លោក Mr T. Mohan នាយកគ្រប់គ្រងសារព័ត៌មាន Khmer Times៧/. លោក Sochhath Gno អ្នកគ្រប់គ្រងសាខានៃក្រុមហ៊ុន SCG៨/. លោក Salah Essa នាយកក្រុមហ៊ុន Management Venture Asia (Cambodia) Co. Ltdជាមួយគ្នានេះ ឯកឧត្តមទេសរដ្ឋមន្ដ្រី លី ធុជ បានបញ្ជាក់ថា ការរៀបចំព្រឹត្តិការណ៍នេះ គឺដើម្បី​អំពាវឲ្យ​មានការយកចិត្តទុកដាក់បន្ថែម និងបន្តជួយគាំទ្រដល់វិស័យសកម្មភាពមីន​មនុស្សធម៌​នៅកម្ពុជា ក្នុងគោលដៅឱ្យកម្ពុជារួចចាកផុតទុក្ខពីគ្រាប់មីន និងសំណល់ជាតិផ្ទុះពីសង្គ្រាម ក៏ដូចជា​កាត់បន្ថយអត្រាគ្រោះថ្នាក់ដោយសារមីន និងគ្រាប់មិនទាន់ផ្ទុះឲ្យនៅកំរិតអប្បបរមា និងឈានទៅ​លប់បំបាត់​ឲ្យអស់គ្រាប់មីនពីទឹកដីកម្ពុជានៅឆ្នាំ២០២៥ ដូចការតាំងចិត្តដែលមានចែង​នៅក្នុង​ផែនការ​យុទ្ធសាស្ត្រជាតិ​សកម្មភាពមីន ២០១៨-២០២៥។ឯកឧត្តម បានបន្តទៀតថា "ការវាយគ្រាប់បាល់កាន់តែច្រើន ជំនាញរបស់អ្នកកាន់តែរីកចម្រើន ប៉ុន្ដែវាខុសពីការវាយគ្រាប់មីន ពេលអ្នកប៉ះគ្រាប់មីន អ្នកនឹងមិនមានឱកាសវាយវាម្តង ទៀតទេ ឬបើអ្នកនៅរស់ អ្នកនឹងមិនចង់វាយវាទៀតទេ..." រឿងនេះ​បានកើតឡើងចំពោះមនុស្សជិត ៦៥,០០០នាក់ ដែលត្រូវបានស្លាប់ ពិការ និងរងរបួសដោយសារគ្រាប់មីន និងសំណល់ជាតិផ្ទុះ​ពី​សង្គ្រាមនៅកម្ពុជា។ក្នុងនាមរាជរដ្ឋាភិបាល និងប្រជាជនកម្ពុជា បានវាយតម្លៃខ្ពស់ចំពោះការចូលរួមពីដៃគូអភិវឌ្ឍ ប្រទេស​ជាមិត្ត និងអង្គការសប្បុរសធម៌នានា ដែលបាននិងកំពុងផ្តល់វិភាគទានដ៏ថ្លៃថ្លា និងមានតម្លៃ បើគិតជាថវិកាដ៏ច្រើន​សន្ធឹកសន្ធាប់ ​ឧបករណ៍សម្ភារៈ​ និងការកសាងសមត្ថភាព សម្រាប់វិស័យ​សកម្មភាពមីននៅកម្ពុជា ព្រមទាំងបានផ្តល់ភាពជាដៃគូយ៉ាងសំខាន់ៗ ក្នុងការចូលរួម​ការងារ​ថែរក្សាសន្តិភាព ​ការ​សង្គ្រោះជីវិត​ ការកាត់បន្ថយភាពក្រីក្រ ​និងការស្តារសេដ្ឋកិច្ច-សង្គម ដែលអ្វីដែល​សម្តេចតេជោ នាយករដ្ឋមន្រ្តី បានលើកឡើងថា “យើងទាំងអស់គ្នា ​បានចាប់ផ្តើមរួមគ្នា ហើយយើង នឹងបញ្ចប់ការងាររបស់យើងជាមួយគ្នា ដើម្បី​ឆ្ពោះទៅរកកម្ពុជា​គ្មាន​មីនឆ្នាំ​២០២៥ ខាងមុខ៕

កម្ពុជាលុបចោលការហាមឃាត់អ្នកដំណើរ ដែលឆ្លងកាត់ប្រទេសតំបន់អាហ្វ្រិកចំនួន ១០ចូលកម្ពុជា

2021/12/06 06:16:59 am        517
Facebook Telegram Linkin
ភ្នំពេញ៖ នៅយប់​ម្សិលមិញនេះ ក្រសួងសុខាភិបាលកម្ពុជា បានចេញសេចក្ដីប្រកាសលុបចោលការហាមអ្នកដំណើរ ឬអ្នកដែលឆ្លងកាត់ប្រទេសតំបន់អាហ្វ្រិកចំនួន១០ ចូលកម្ពុជាជាធម្មតា ខណៈបណ្តាប្រទេសទាំងនោះកំពុងជួបការឆ្លងរាតត្បាតវីរុសបំប្លែងថ្មី អូមីក្រុង (B.1.1.529)ក៏ដោយ។បើតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់បន្ថែមនៅ​ក្នុង​ពិធីសម្ពោធដាក់​ឲ្យ​ប្រើ​ប្រា​ស់​ជាផ្លូវការផ្លូវជាតិលេខ១១ និងផ្លូវថ្មីវាងក្រុងព្រៃវែង​ នៅថ្ងៃទី៦ ខែធ្នូ ឆ្នាំ២០២១ ថា កម្ពុជា​អនុញ្ញាត​បើក​ទទួល​បណ្តា​អ្នក​ដំណើរ​ឆ្លង​កាត់​ប្រទេសនៅតំបន់អាហ្វឹ្រក​ចំនួន ១០ចូលមកកម្ពុជា ​ប៉ុន្តែយើងក៏ត្រូវពង្រឹងការត្រួតពិនិត្យនិងធ្វើតេស្តវីរុសកូវីដ-១៩​ ឱ្យ​បាន​ត្រឹម​ត្រូវ​នៅ​ពេលអ្នកដំណើរអន្តរជាតិទាំងនោះ ​មកដល់កម្ពុជា។សម្តេចតេជោ ហ៊ុន សែន មានប្រសាសន៍ថា ការបើកទទួលអ្នកដំណើរឆ្លងកាត់បណ្តាប្រទេសនៅ​តំបន់​អាហ្រ្វឹកនោះ​​ គឺធ្វើ​ឡើង​ដើម្បី​លុបបំបាត់ការ​រើសអើង​ជាតិសាសន៍នានា​ នៅលើពិភពលោក។សូមបញ្ជាក់ថា​ តាមសេចក្តីប្រកាសព័ត៌មានក្រសួងសុខាភិបាល បានឲ្យដឹងថា ដោយបានទទួលការ​ឯកភាពពី សម្តេច​តេ​ជោ ហ៊ុន សែន នាយករដ្ឋមន្ត្រីនៃកម្ពុជា​ ពាក់ព័ន្ធនឹងវីរុសបំប្លែងថ្មី អូមីក្រុង នៅពេលនេះ ក្រសួងសុខាភិបាល​សម្រេច​លុប​ចោល​ការ​ហាម​ឃាត់​អ្នកដំណើរ ឬអ្នកដែលបាន​ឆ្លងកាត់​ប្រទេសចំនួន ១០​នៅទ្វីបអាហ្វ្រិក ឬមានប្រវត្តិធ្វើដំណើរទៅប្រទេសទាំង១០នោះ ក្នុង​អំឡុ​ងពេល៣សប្តាហ៍មុន ធ្វើដំណើរចូលប្រទេសកម្ពុជា ហើយប្រទេសទាំង១០នោះរួមមាន៖ ប្រទេស Botswana, Eswatini, Lesotho, Mozambique, Namibia, South Africa, Zimbabwe, Malawi, Angola, និង Zambia។សេចក្តីប្រកាសព័ត៌មានបានបញ្ជាក់ថា សម្រាប់អ្នកដំណើរ ឬអ្នកដែលបានឆ្លងកាត់ប្រទេសចំនួន១០ ខាងលើ ឬ​មានប្រវត្តិ​ធ្វើ​ដំណើរ​ទៅប្រទេសទាំង១០នោះ ឬ ឆ្លងកាត់បណ្តាប្រទេសផ្សេងទៀត​ដែល​ចាត់ទុកថាជា «ប្រទេស​ដែលមានការព្រួយបារម្ភ» អំឡុង​ពេល២សប្តាហ៍មុននេះ ពេលធ្វើ​ដំណើ​រ​ចូលប្រទេសកម្ពុជា ត្រូវអនុវត្តតាម​លក្ខខ័ណ្ឌ​មួយចំនួនដូចជា៖១៖ អ្នកដំណើរដែលបានចាក់វ៉ាក់សាំងកូវីដ១៩ ពេញលេញ ត្រូវ​បង្ហាញ​វិញ្ញាបនបត្រ​បញ្ជាក់ថា​គ្មាន​ជំងឺកូវីដ-១៩ ដោយតេស្ត PCR ក្នុងរយៈពេល៧២ម៉ោង​ មុនពេលមកដល់កម្ពុជា ដែលទទួលស្គាល់​ដោយ​អាជ្ញាធរសុខាភិបាលនៃប្រទេសសាមី​ ឬប្រទេសសំណាក់​ចុង​ក្រោយ​មុន​ចាក​ចេញមកកាន់​កម្ពុជា ហើយ​ក្នុងករណីពេលដល់កម្ពុជា​ បើការធ្វើតេស្តរហ័សរកឃើញ វិជ្ជមានកូវីដ១៩ ត្រូវ​យក​សំណាក​បន្ត​ទៅធ្វើតេស្ត PCR និងត្រូវធ្វើចត្តាឡីស័កដាច់ នៅទីកន្លែងដែលកំណត់ដោយក្រសួង​សុខា​ភិបាល ឬអាជ្ញាធរមាន​សមត្ថ​កិច្ច ​និងផ្តល់ការព្យាបាលត្រឹមត្រូវ។ សម្រាប់អ្នកដំណើរធ្វើតេស្ត អវិជ្ជមាន ត្រូវ​បន្តធ្វើចត្តាឡីស័ក​ដាច់ដោយឡែក ​រយៈពេល៧ថ្ងៃ និង​ធ្វើ​តេស្ត PCR នៅថ្ងៃទី៦ នៃការ​ធ្វើចត្តាឡីស័ក។ព្រមជាមួយគ្នានោះ អ្នកដំណើរជាជនបរទេស ​ត្រូវកក់សណ្ឋាគារ​សម្រាប់​ការ​ធ្វើ​ចត្តាឡី​ស័ក​រយៈពេល៧ថ្ងៃ។ក្នុងករណី អ្នក​ដំណើរមិន​បាន​កក់សណ្ឋាគារ​ ត្រូវទៅ​កាន់​បញ្ជរ​ធនាគារ​ ដើម្បីតម្កល់ប្រាក់១០០០ ដុល្លារ​អាម៉រិក​ សម្រាប់​ធានា​ចំណាយ​ទាំងអស់​លើ​ការ​ធ្វើចត្តាឡីស័ក ​នៅ​ទីកន្លែងដែលកំណត់​ដោយ​ក្រសួងសុខាភិបាល​ ឬអាជ្ញាធរ​មូល​ដ្ឋាន។ អ្នកដំណើរដែលពុំទាន់បានចាក់វ៉ាក់សាំងកូវីដ-១៩​ ពេញលេញ ត្រូវបង្ហាញវិញ្ញាបនបត្រ​បញ្ជាក់​ថា គ្មានជំងឺកូវីដ-១៩​ (តេស្ត PCR) ក្នុងរយៈពេល ៧២ម៉ោង ​មុនពេលមកដល់កម្ពុជា ហើយ​ត្រូវ​ធ្វើ​ចត្តាឡីស័ក​រយៈពេល១៤ថ្ងៃ។ អ្នកដំណើរជាជនបរទេស ត្រូវបានលើកទឹកចិត្តឱ្យមានប័ណ្ណសន្យារ៉ាប់រងសុខភាព សម្រាប់​ព្យាបាល​ជំងឺកូវីដ-១៩៕អត្ថបទ ស៊ុមសុខជា

អ្នកនយោបាយស្វាគមន៍ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តី

2021/12/06 12:35:05 pm        608
Facebook Telegram Linkin
​ភ្នំពេញ៖ អ្នកនយោបាយមកពីគណបក្សផ្សេងគ្នា បានស្វាគមន៍ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តី ដោយបានលើកឡើងថា បេក្ខភាពរបស់ឯកឧត្តម នឹងក្លាយជាការប្រកួតប្រជែងផ្នែកបញ្ញា ស្មារតី និងទស្សនៈនយោបាយនាពេលអនាគត។ បន្ទាប់ពីមានការប្រកាសជាសាធារណៈរបស់សម្តេចតេជោ ហ៊ុន សែន នាយករដ្ឋមន្រ្តី គាំទ្រឯកឧត្តម ហ៊ុន ម៉ាណែត ជាបេក្ខជននាយករដ្ឋមន្រ្តី កាលពីដើមខែនេះ លោក ពេជ្យ ស្រស់ ប្រធានគណបក្ស យុវជនកម្ពុជា បានបង្ហាញការស្វាគមន៍ចំពោះបេក្ខភាពរបស់ឯកឧត្តម ហ៊ុន ម៉ាណែត ដោយបានលើកឡើងថា ការដាក់បេក្ខភាពនេះ គឺជាការសម្រេចផ្ទៃក្នុងគណបក្សសាមី។ លោក ពេជ្យ ស្រស់ បានចាត់ទុកការដាក់ បេក្ខជនជំនាន់ក្រោយ គឺជាការត្រៀមខ្លួនរបស់លោក ជាប្រធានគណបក្សមួយរូប ដើម្បីប្រកួតប្រជែង តំណែងនាយករដ្ឋមន្រ្តីនាពេលអនាគត។លោក បានបញ្ជាក់ថា ក្នុងនាមរូបលោកផ្ទាល់ គឺស្វាគមន៍គ្រប់បេក្ខភាពគណបក្សនយោបាយទាំង អស់ ដោយការប្រកួតប្រជែងទៅលើបញ្ញាស្មារតី និងលើទីលានទស្សនៈនយោបាយផ្ចាល់ខ្លួនជាដើម។ដោយឡែកលោក គុជ លី ប្រធានគណបក្សខ្មែរតែមួយ បានលើកឡើងផងដែរថា ការដាក់បេក្ខភាព​អ្នកជំនាន់ក្រោយ គឺជាការជំរុញ និងលើកទឹកចិត្តទៅដល់យុវជនឲ្យចូលរួមសមរភូមិនយោបាយ ដើម្បី​ត្រៀមចូលរួមប្រកួតប្រជែងជាមួយបេក្ខភាពឯកឧត្តម ហ៊ុន ម៉ាណែត ហើយនេះ បាន​ឆ្លុះបញ្ចាំង​ពី​លម្ហប្រជាធិបតេយ្យ​របស់កម្ពុជា​ កាន់តែល្អប្រសើរថែមទៀតផងដែរ។លោក ប៉ៃ សំបូរ អគ្គលេខាធិការវេទិកាសម្ព័ន្ធសង្គមស៊ីវិល ​បានលើកឡើងថា ដើម្បីជំរុញឲ្យ​លទ្ធិប្រជាធិបតេយ្យ​មានភាពពេញលេញ ការរៀបចំបេក្ខភាពប្រកួតប្រជែង​អ្នក​នយោបាយ​ជំនាន់ក្រោយ គឺជាការបោះជំហាន នៃបរិបទនយោបាយរបស់កម្ពុជា​ ឲ្យកាន់តែប្រសើរជាងមុន។យ៉ាងណាមិញ បើទោះបីមានការគាំទ្រពីសម្តេចតេជោ ហ៊ុន សែន ចំពោះឯកឧត្តម ហ៊ុន ម៉ាណែត ជា​បេក្ខភាពនាយករដ្ឋមន្រ្តីនាពេលអនាគតក៏ពិតមែន ប៉ុន្តែតំណែងនាយករដ្ឋមន្រ្តីនេះ ដាច់ខាត គឺត្រូវឆ្លងកាត់ដំណើរការបោះឆ្នោត។ឯកឧត្តម ហ៊ុន ម៉ាណែត ចន្លោះឆ្នាំ១៩៩៩ បានបញ្ចប់ការសិក្សានៅសាលាបណ្ឌិតយោធា ក្នុងទី ក្រុង West Point សហរដ្ឋអាមេរិក ​ហើយលោកជាជនជាតិកម្ពុជាដំបូងគេ ដែលបានចូលរៀន​នៅ​សាលា West Point ខណៈឯកឧត្តម​ ក៏បានចូលបម្រើការងារកងទ័ពរួចទៅហើយ ​នៅ​ក្នុង​កង​យោធពលខេមរ ភូមិន្ទ តាំងពីឆ្នាំ១៩៩៥ ៕អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់
05/28/2026 09:05 PM
Facebook Telegram Linkin
រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន
05/28/2026 09:05 PM
Facebook Telegram Linkin
រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS
05/28/2026 08:05 PM
Facebook Telegram Linkin
មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»
05/28/2026 08:05 PM
Facebook Telegram Linkin
ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU
05/28/2026 08:05 PM
Facebook Telegram Linkin
ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ
05/28/2026 08:05 PM
Facebook Telegram Linkin
កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង
05/28/2026 08:05 PM
Facebook Telegram Linkin
លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen
05/28/2026 08:05 PM
Facebook Telegram Linkin
នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ
05/28/2026 08:05 PM
Facebook Telegram Linkin
កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា
05/28/2026 08:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.