នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

មន្រ្តីជំនាញ៖ ការដំឡើងពន្ធថ្នាំជក់ អាចកាត់បន្ថយអ្នកឆ្លងជំងឺកូវីដ-១៩ និងផលប៉ះពាល់សេដ្ឋកិច្ច

2021/11/25 01:21:22 pm        853
Facebook Telegram Linkin
ភ្នំពេញ ៖ មន្រ្តីជំនាញ បានឲ្យដឹងថា ការដំឡើងពន្ធថ្នាំជក់ ជាវិធានការឈ្នះ-ឈ្នះ កាត់បន្ថយអ្នកឆ្លងជំងឺកូវីដ-១៩ និងផលប៉ះពាល់សេដ្ឋកិច្ចជាតិ។ក្នុងកម្មវិធីប្រកួតនិយាយសាធារណៈវគ្គ​ផ្ដាច់ព្រ័ត្រ​ ក្រោមប្រធានបទ”វិធានការពន្ធថ្នាំជក់ និងជំងឺកូវីដ-១៩” ស្ថិតនៅមជ្ឈមណ្ឌលសហប្រតិបត្តិការកម្ពុជា-កូរ៉េ នាថ្ងៃទី២៥ខែវិច្ឆិកានេះ លោកវេជ្ជបណ្ឌិត មុំ គង់ នាយកប្រតិបត្តិអង្គការចលនា ដើម្បីសុខភាពកម្ពុជា បានឱ្យដឹងថា ការ​ដំឡើងពន្ធថ្នាំជក់ ជាវិធានការឈ្នះ-ឈ្នះ ​ដើម្បីឆ្លើយតបទៅនឹងជំងឺកូវីដ-១៩ ​និងសេដ្ឋកិច្ចជាតិ ពោលគឺមិនត្រឹមតែជួយកាត់បន្ថយជំងឺកូវីដ-១៩ ប៉ុណ្ណោះទេ ថែមទាំងជួយបង្កើនចំណូលពន្ធរដ្ឋ និងជួយដល់ការអភិវឌ្ឍប្រទេសថែមទៀតផង។ លើសពីនេះ លោកបន្តថា ហេតុផលដែលត្រូវដំឡើងពន្ធគឺដោយសារ អត្រាពន្ធថ្នាំជក់​នៅ​កម្ពុជា​មានកម្រិតទាបខ្លាំងណាស់ ​ត្រឹមតែ២៨% ប៉ុណ្ណោះ បើធៀបទៅនឹងប្រទេសអាស៊ាន​មួយចំនួន​ដែល​មាន​អត្រាពន្ធលើផលិតផលថ្នាំជក់ ​លើសពី៥០% ធៀបនៃតម្លៃបារីលក់រាយ។សម្រាប់បេក្ខជនជ័យលាភីលេខ១ សយ ស្រីនិច្ច ដែលបានចូលក្នុងកម្មវិធីខាងលើ ​បានឱ្យដឹងដែរថា មូលហេតុដែលចូលរួមកម្មវិធីនេះ ​គឺដើម្បីអប់រំផ្សព្វផ្សាយដល់ពលរដ្ឋ ​និងជាពិសេសយុវវ័យ ឱ្យយល់​ដឹងបន្ថែមទៀតពីផលប៉ះពាល់ដោយសារថ្នាំជក់។យោង​តាម​ការ​សិក្សា​ស្រាវជ្រាវ​មួយរបស់ការអង្គការសហប្រជាជាតិ ​ស្ដីពីការវិនិយោគលើការត្រួត​ពិនិត្យ​ផលិតផលថ្នាំជក់ឆ្នាំ២០១៩​ បានបង្ហាញថា ​កម្ពុជា​នឹង​ទទួល​ចំណូល​ពន្ធបន្ថែម ២៣៥ លានដុល្លារ សហរដ្ឋអាម៉េរិច ​ក្នុងរយៈពេល៥ឆ្នាំខាងមុខ​ និង​ជាង​៩រយលានដុល្លារ​សហរដ្ឋ​អាម៉េរិច ក្នុងរយៈពេល១៥ឆ្នាំខាងមុខ​ ប្រសិនបើប្រទេសកម្ពុជា ដំឡើងពន្ធលើផលិតផលថ្នាំជក់​រហូតដល់ ៧៥%នៃតំលៃបារីលក់រាយ។ យ៉ាងណាក៏ដោយ បច្ចុប្បន្នរាជរដ្ឋាភិបាលកម្ពុជា​កំពុង​រៀបចំវិធាន​ការ​ជា​បន្ត​បន្ទាប់ ទាក់ទង​នឹងថ្នាំជក់នេះ៕អត្ថបទ៖ទូច សោភ័ណ 

អាជីវកម្ម KTV រាង្គសាល ឌីស្កូតែកមួយចំនួននៅភ្នំពេញ ត្រៀមបើកដំណើរការក្រោយថ្ងៃទី៣០ វិច្ឆិកា

2021/11/25 12:35:27 pm        1203
Facebook Telegram Linkin
ភ្នំពេញ ៖ បន្ទាប់ពីក្រសួងទេសចរណ៍ជូនដំណឹងអោយរដ្ឋបាលរាជធានីខេត្ត ត្រៀមរៀបចំបើកដំណើរអាជីវកម្មខារ៉ាអូខេ KTV ក្លឹប​កម្សាន្តរង្គសាល ឌីស្កូតែកឡើងវិញ នៅក្រោយថ្ងៃទី៣០ ខែវិច្ឆិកានេះ នៅពេលមានម្ចាស់អាជីវកម្មទាំងអស់ បានរៀបចំទីតាំងរួចរាល់ ដើម្បីត្រៀមបើកដំណើរវិញ ក្រោមការអនុវត្តយ៉ាង​ខ្ជាប់ខ្ជួន​តាម​វិធាន​សុវត្ថិ​ភាពទេសចរណ៍ និងនីតិវិធីប្រតិបត្តិស្តង់ដារអប្បបរមា SOP ។បើតាមតំណាងម្ចាស់អាជីវកម្ម Millionaire បានថ្លែងប្រាប់ BTV នៅថ្ងៃទី២៥ ខែវិច្ឆិកានេះថា មូលដ្ឋាន​អាជីវកម្ម​ទេស​ចរណ៍ទាំងបីប្រភេទរបស់លោក ក៏ដូច មូលដ្ឋានអាជីវកម្មទេសចរណ៍​នានាទៀត​ នៅក្នុងរាជធានីភ្នំពេញ ​ត្រូវបាន​ថ្នាក់​ដឹក​នាំមន្ត្រីជំនាញទេសចរណ៍​រាជធានី​ចុះត្រួត​ពិនិត្យដើម្បីត្រៀមបើកឡើងវិញក្រោយថ្ងៃទី៣០​ ខែវិច្ឆិកា។តំណាងអាជីវកម្មទេសចរណ៍រូបនេះ បន្តថា ជារួមយើងមានការអរគុណប្រមុខថ្នាក់​ដឹកនាំ​រាជ​រដ្ឋាភិបាលជាខ្លាំង ​ដែល​​ប្រកាស​ឱ្យម្ចាស់អាជីវកម្ម​ដែល​មានហានីភ័យ​ខ្ពស់ រៀបចំ​ទីតាំង​ត្រៀមខ្លួន​បើកឡើងវិញ ​ខណៈ​បណ្តាអាជីវកម្ម​ទាំង​នោះ​រួមមាន​ ខារ៉ាអូខេ KTV ក្លឹបកម្សាន្តរង្គសាល ឌីស្កូតែកជាដើម​ រងការបិទជិត២ឆ្នាំកន្លងមកនេះ។បើតាមលោក ម៉ម វាសនា ប្រធានមន្ទីរទេសចរណ៍រាជធានីភ្នំពេញ បានថ្លែងប្រាប់ BTV នៅថ្ងៃទី២៥ ខែវិច្ឆិកានេះថា នៅពេលថ្មីៗរដ្ឋបាលរាជធានីភ្នំពេញ បានផ្សព្វផ្សាយអំពីការដាក់ឱ្យអនុវត្តវិធាន​សុវត្ថិភាព​ទេសចរណ៍​សម្រាប់​អាជីវកម្ម​បៀហ្គា​ឌិន​ ខារ៉ាអូខេ ​ក្លឹបកម្សាន្តរង្គសាល-ឌីស្កូតែក ហើយ​មាន​បណ្តាម្ចាស់អាជីវកម្ម ​និងអ្នកគ្រប់គ្រងអាជីវកម្មទាំងនោះ​ប្រមាណ​ជាង១០០​ទីតាំងគឺបានដឹង និង​បាន​ត្រៀម​លក្ខណៈសម្បត្តិគ្រប់គ្រាន់​ពីវិធាន​សុវត្តិភាពស្របតាមនីតិវិធី​ស្តង់ដារ​អប្បបរមា(SOP) ស្រប​តាម​គន្លងប្រក្រតីភាពថ្មី ​ត្រៀមបើកក្រោយថ្ងៃទី៣០ ​ខែវិច្ឆិកា ឆ្នាំ២០២១។លោក ម៉ម វាសនា បន្តថា អនុវត្តតាមសេចក្តីណែនាំ​ក្រសួង​ទេសចរណ៍ផង និងរដ្ឋបាលរាជ​ធានី​ភ្នំពេញផ​ង នៅពេលនេះ យើងបន្តចុះវាយតំលៃទីតាំងអាជីវកម្មដែល​បានត្រៀម​បើក​មួយ​ចំនួន​ហើយ។តាមសេចក្តីជូនដំណឹងរបស់ក្រសួងទេសចរណ៍ បានបញ្ជាក់ថាក្រោយការចុះត្រួតពិនិត្យ​សម្រេច​អនុញ្ញាត​អោយ​បើក​​ឡើងវិញនេះដែរ​ គ្រប់រដ្ឋបាល​រាជធានី​ខេត្ត​ត្រូវ​រៀប​ចំ​យន្ត​ការ​បន្ត​ត្រួតពិនិត្យ​តាម​ដាន​បន្ថែម​ទៀត​អោយ​បាន​ហ្មត់​ចត់​លើ​ការ​អនុវតវិធាន​សុវត្ថិភាពទេសចរណ៍ និង​នីតិវិធីប្រតិបត្តិស្តង់ដារអប្បបរមាSOP ​សម្រាប់អាជីវកម្មខារ៉ាអូខេ (KTV) ​ក្លឹប​កម្សាន្ត រង្គសាល ឌីស្កូតែក ​ហើយក្នុងករណីម្ចាស់អាជីវកម្មទាំងនោះ​មិនបានអនុវត្តត្រឹមត្រូវតាមវិធាន​ និងនីតិវិធី SOP នេះ​ទេ រដ្ឋបាលរាជធានីខេត្តត្រូវចាត់វិធានការនានា បន្ថែមតម្រូវអោយបិទអាជីវកម្ម និង​ត្រូវ​ទទួល​ខុសត្រូវនៅចំពោះ​មុខ​ច្បាប់៕អត្ថបទ ៖ ស៊ុម សុខជា

របាំទេពមនោរម្យ នឹងសម្តែងក្នុងព្រឹតិ្តការណ៍បិទមហោស្រពវប្បធម៌អាស៊ី-អឺរ៉ុប ២០២១ នៅថ្ងៃស្អែកនេះ

2021/11/25 12:21:18 pm        556
Facebook Telegram Linkin
ភ្នំពេញ ៖ ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ត្រៀមយកសិល្បៈទស្សនីយភាព (របាំទេពមនោរម្យ) មកសម្តែងក្នុងព្រឹតិ្តការណ៍បិទមហោស្រពវប្បធម៌អាស៊ី-អឺរ៉ុប ២០២១ នាថ្ងៃទី២៦ ខែវិចិ្ឆកា ឆ្នាំ២០២១ ស្អែកនេះ។ ដោយឡែកការតាំងពិព័រណ៍នៅសារមនី្ទរជាតិ បន្តរហូតដល់ថ្ងៃទី៣០ ខែវិចិ្ឆកា ឆ្នាំ២០២១ ទើបបិទបញ្ចប់ការតាំងពិព័រណ៍។ឯកឧត្តមបណ្ឌិត គឹម ពីនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈប្រាប់ BTVនៅថ្ងៃទី២៥ ខែវិចិ្ឆកា ឆ្នាំ​២០២១នេះថា សិល្បៈទស្សនីយភាពក្រសួងវប្បធម៌ នឹង​ធ្វើ​ពិធី​បិទ​នាថ្ងៃទី២៦​ ខែវិចិ្ឆកា ឆ្នាំ២០២១ស្អែកនេះ ​ទន្ទឹម​នឹង​នោះ​ក្រសួង​ក៏​បានយករបាំទេពមនោរម្យ មក​សម្តែងក្នុងព្រឹតិ្តការណ៍បិទមហោស្រពវប្បធម៌អាស៊ី និងអឺរ៉ុប ២០២១ ដែល​ជា​ព្រឹតិ្តការណ៍​អម ផ្លូវការ​មួយក្នុងចំណោមព្រឹតិ្តការណ៍អមផ្សេងៗទៀត នៃASEM13​ ដោយបង្ហាញពី​ភាព​ជំរុញ​នៃ​វប្ប​ធម៌ និងការផ្លាស់ប្តូរសិល្បៈរវាងអាស៊ី និងអឺរ៉ុប។ ដោយឡែកនៅសារមនី្ទរជាតិ នឹងបញ្ចប់ការតាំងពិព័រណ៍នៅថ្ងៃទី៣០ ខែ​វិចិ្ឆកា ឆ្នាំ២០២១។ សិល្បៈទស្សនីយភាពទាំង៣ ដូចជាការសម្តែងរបាំប្រពៃណី របាំសហសម័យ និងតន្រី្ត គឺដំណើរ​ការ​បាន​ល្អ និងការចាក់បញ្ចាំងខ្សែភាព ​ក៏ដំណើរការបានល្អ និងការតាំងពិព័រណ៍ក៏បន្ត​រហូត​ដល់​ថ្ងៃទី៣០ ខែវិចិ្ឆកា ​ឆ្នាំ​២០២១​ឲ្យភ្ញៀវជាតិ ​និងអន្តរជាតិចូលទស្សនា ​ដោយឥតគិតថ្លៃ។ឯកឧត្តម បណ្ឌិត បានបន្តទៀតថា មហោស្រពវប្បធម៌អាស៊ី និងអឺរ៉ុប ២០២១ ក្រោមចំណងជើងថា អាស៊ី និង​អឺរ៉ុប​ ចំណងវប្បធម៌​ គឺជាមហោស្រពសិល្បៈចម្រុះ​ ដែលប្រព្រឹតិ្តទៅចាប់ពីថ្ងៃទី២២ ដល់ថ្ងៃទី២៦ ខែវិចិ្ឆកា ឆ្នាំ២០២១ នៅរាជ​ធានីភ្នំពេញ ​ប្រទេសកម្ពុជា ​និងតាមប្រព័ន្ធអនឡាញ។ នៅឆ្នាំនេះ ព្រឹតិ្តការណ៍ជាង៣០ ​ដែលមានសិល្បករអាស៊ី ​និងអឺរ៉ុប ​ជាង១០០នាក់ នឹងបង្ហាញ​អំពីភាព​ចម្រុះនៃវប្បធម៌​ ដ៏សម្បូរបែប ​និងការសហការប្រកបដោយ​ភាព​ច្នៃ​ប្រឌិត​ដ៏​អស្ចារ្យ​ពីអាស៊ី និងអឺរ៉ុប ​តាមរយៈការសម្តែងល្ខោន របាំ តន្រី្ត ​ការតាំងពិព័រណ៍ ​និងវេទិការជជែកពិភាក្សា។តាមរយៈនៃព្រឹតិ្តការណ៍ដ៏ប្រវតិ្តសាស្រ្តដែលប្រទេសកម្ពុជា ទើបតែចាប់ផ្តើមធ្វើលើកទី១នេះ ឯកឧត្តមបណ្ឌិត គឹម ពីនន់ ក៏រំពឹងថាកម្ពុជា ​នឹងទាក់ទាញភ្ញៀវទេសចរ អ្នកវិនិយោគិន ជាពិសេស​ចំណង​ទាក់ទង​រវាងប្រជាជន ​និង​ប្រជា​ជន​អឺរ៉ុប កាន់តែស្វែងយល់ពីគ្នា​តាមរយៈការ​សម្តែង​សិល្បៈចម្រុះនេះផងដែរ៕អត្ថបទ៖ រដ្ឋា

រដ្ឋ​សភាបោះ​ឆ្នោត​ជ្រើស​តាំង​ឯកឧត្ដម ជាម យៀប ជា​អនុ​ប្រធាន​ទី​១​រដ្ឋ​សភា ​ជំនួស​ឯកឧត្ដម ងួន ញ៉ិល ដែល​បាន​ទទួល​មរណភាព

2021/11/25 04:46:04 am        384
Facebook Telegram Linkin
ភ្នំពេញ៖ ឯកឧត្ដម ជាម យៀប ប្រធាន​គណៈកម្មាធិការ​​សេដ្ឋកិច្ច ហិរញ្ញវត្ថុ ធនាគារ និង​សវនាកម្ម នៃ​រដ្ឋសភា ត្រូវ​បាន​បោះ​ឆ្នោត​ជ្រើស​តាំង​ជា​អនុ​ប្រធាន​ទី​១​ស្ថាប័ន​រដ្ឋ​សភា​នៅ​ព្រឹក​ថ្ងៃ​នេះ។ការ​បោះ​ឆ្នោត​ជ្រើស​តាំង​នេះ ត្រូវ​បាន​ធ្វើ​ឡើង​នៅ​ក្នុង​​សម័យប្រជុំរដ្ឋសភាលើកទី៦ នីតិកាលទី៦ នៅព្រឹកនេះ ដោយ​សមាជិក​សភា​រហូត​ដល់ ១០៧​សំឡេង បាន​បោះ​ឆ្នោត​គាំ​ទ្រ​បេក្ខភាព​របស់​ឯកឧត្ដម ជាម យៀប ឱ្យ​ធ្វើ​ជាអនុប្រធានទី១រដ្ឋសភា។ឯកឧត្តម ជាម យៀប នឹង​កាន់​តំណែង​ជាអនុប្រធានទី១រដ្ឋសភា បន្ទាប់​ពីឯកឧត្តម ងួន ញ៉ិល អតីតអនុប្រធានទី១​នៃ​រដ្ឋសភា បានទទួលមរណភាពកាលពីដើមខែវិច្ឆិកា​នេះ។ស្ថិត​ក្នុង​វ័យ ៧៥​ឆ្នាំ ឯកឧត្ដម ជាម យៀប បាន​ជាប់​ឆ្នោត​ជា​តំណាង​រាស្ត្រ​មណ្ឌល​ខេត្ត​ព្រៃវែង​ចាប់​តាំង​ពី​ការ​បោះ​ឆ្នោត​ឆ្នាំ​១៩៩៣​មក។មុន​ក្លាយ​ជា​តំណាង​រាស្ត្រ​មណ្ឌល​ខេត្ត​ព្រៃវែង ឯកឧត្ដម ជាម យៀប គឺ​ជា​អតីត​អភិបាល​ខេត្ត​ព្រៃវែង​ផង​ដែរ​នៅ​ចន្លោះ​ឆ្នាំ​​១៩៨០ ដល់​ឆ្នាំ​១៩៨៧ ហើយ​បាន​ឡើង​កាន់​តំណែង​ជា​រដ្ឋ​មន្ត្រី​ក្រសួង​ទេសចរណ៍​នៅ​ចន្លោះ​ឆ្នាំ​១៩៨៨ រហូត​ដល់​ឆ្នាំ​១៩៩៣៕អត្ថបទ ៖ សេក ឧត្ដម

ប្រទេសអូស្រ្តាលី និងUNDP ប្តេជ្ញាអមដំណើរជាមួយកម្ពុជាជានិច្ច ក្នុងការបោសសម្អាតមីនឲ្យអស់ពីកម្ពុជា

2021/11/25 10:44:00 am        266
Facebook Telegram Linkin
បាត់ដំបង៖ រដ្ឋាភិបាលអូស្រ្តាលី តាមរយៈស្ថានទូតរបស់ខ្លួនប្រចាំនៅកម្ពុជា និងកម្មវិធីអភិវឌ្ឍន៍របស់អង្គការសហប្រជាជាតិ ដែលហៅកាត់ថាUNDP បានប្តេជ្ញាចិត្តអមដំណើរជាមួយកម្ពុជាជានិច្ច ក្នុងការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ខណៈកម្ពុជាមានគម្រោងថានឹងបោសសម្អាតឲ្យអស់នូវសំណល់ជាតិផ្ទុះនេះ ក្នុងឆ្នាំ២០២៥ខាងមុខ ដោយនឹងប្រើប្រាស់ថវិកាប្រមាណជាង ៣០០លានដុល្លារអាមេរិកទៀត។ថ្លែងប្រាប់ទូរទស្សន៍BTV ក្នុងដំណើរ ចុះត្រួតពិនិត្យលទ្ធផលបោសសម្អាតមីន និង ជួបសំណេះសំណាលជាមួយប្រជាពលរដ្ឋ ដែលជាអ្នកទទួលផលពីដីដែលរំដោះចេញពីគ្រាប់មីន នៅភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង កាលពីថ្ងៃទី២៤ ខែវិច្ឆិកា ឆ្នាំ២០២១ម្សិលមិញនេះ លោក Andreas Zurbrugg តំណាងស្ថានទូតអូស្ត្រាលីប្រចាំកម្ពុជា និងលោកស្រី Sonali Dayaratne តំណាង UNDP ប្រចាំនៅកម្ពុជា បានលើកឡើងដូចៗគ្នាថា រដ្ឋាភិបាលអូស្រ្តាលី និងUNDP នឹងមិនបោះបង់គម្រោងរបស់ខ្លួនចោលនោះទេ ក្នុងការសហការជួយដល់ប្រទេសកម្ពុជា ក្នុងការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ។ថ្លែងប្រាប់ទូរស្សន៍ BTV ក្នុងឱកាសចុះត្រួតពិនិត្យនោះដែរ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានលើកឡើងថា រាជរដ្ឋាភិបាលកម្ពុជាបានចំណាយថវិកាជាង ១៨០លានដុល្លារ និងបណ្តាប្រទេសជាមិត្តបានជួយជាង ២០០លានដុល្លារហើយ ក្នុងការបោសមសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ ដោយបានរំដោះដីចេញពីគ្រាប់មីន និងយុទ្ធភ័ណ្ឌទាំងនេះបានជាង ២២ម៉ឺនហិកតានៅ ទូទាំងប្រទេស ខណៈដីដែលនៅសល់គ្រប់មីន និងសំណល់ជាតិផ្ទុះជាង ២០ម៉ឺនហិកតាទៀត កំពុងបន្តរំដោះដោយក្រុមប្រតិបត្តិករCMAC និងមានការជួយជ្រោមជ្រែងពីប្រទេសម្ចាស់ជំនួយផងដែរ។បើតាមឯកឧត្តម ហេង រតនា ប្រតិភូរាជរដ្ឋាភិបាល និងជាអគ្គនាយកមជ្ឈមណ្ឌលកំចាត់មីនកម្ពុជា ដែលហៅកាត់ថា CMACបានឲ្យដឹងផងដែរថា នាពេលបច្ចុប្បន្នប្រទេសកម្ពុជាមានគ្រប់មីន និងសំណល់ជាតិផ្ទុះរាប់ពាន់គីឡូម៉ែត្រក្រឡាទៀត ហើយក្រុមប្រតិបត្តិករCMAC បានសហការគ្នា ជាមួយអង្គការ និងប្រទេសម្ចាស់ជំនួយជាច្រើនទៀតកំពុងធ្វើការបោសសម្អាតដោយនឹងធ្វើយ៉ាងណាឲ្យអស់នូវគ្រាប់ទាំងនេះចេញពីផ្ទៃដីកម្ពុជា នៅក្នុងឆ្នាំ២០២៥ ស្របតាមគម្រោងរបស់រាជរដ្ឋាភិបាល។ បើតាមការលើកឡើងរបស់ ឯកឧត្តម ហេង រតនា ថវិកាដែលនឹងត្រូវចំណាយសម្រាប់បោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះដែលនៅសេសសល់នេះ គឺប្រហែលជា ៣០០លានដុល្លារអាមេរិកទៀត៕ អត្ថបទ៖ បាន ចក់

អភិបាលខេត្តតាកែវ ណែនាំមន្រ្តីរាជការឱ្យធ្វើជាគំរូដល់ពលរដ្ឋស្ដីពីការសម្អាតអនាម័យបរិស្ថាន

2021/11/24 04:04:25 pm        307
Facebook Telegram Linkin
តាកែវ ៖ អភិបាលខេត្តតាកែវ ឯកឧត្តម អ៊ូច ភា បានធ្វើការណែនាំដល់មន្រ្តីរាជការនៅក្នុងខេត្តទាំងអស់ ត្រូវតែធ្វើជាគំរូល្អមុនគេ ស្ដីពីការសម្អាតអនាម័យបរិស្ថាន នៅតាមមន្ទីរស្ថាប័នរបស់ខ្លួនឱ្យបានស្អាត ដើម្បីឱ្យប្រជាពលរដ្ឋយកតម្រាប់តាម។នៅក្នុងទិវាអនាម័យបរិស្ថានជាតិ ២៣ វិច្ឆិកា កាលពីម្សិលមិញ ដែលមានការចូលរួមពីសំណាក់ សិស្សនិស្សិត និងមន្រ្តីរាជការរាប់រយនាក់ ឯកឧត្តមអភិបាលខេត្តតាកែវ បានធ្វើការណែនាំអប់រំដល់ប្រជាពលរដ្ឋឱ្យសម្អាតលំនៅឋានរបស់ខ្លួនឱ្យស្អាត កុំចោលសំរាម​ផ្ដេសផ្ដាស​ពាសវាលពាសកាល ​មន្រ្តីរាជការ ​គប្បីធ្វើជាគំរូមុនគេ ​តាមរយៈការសម្អាតមន្ទីរ ស្ថាប័ន​របស់ខ្លួន ​ដែលបម្រើការឱ្យមានអនាម័យ​ ស្អាត គ្មានការចោលសំរាមនៅខាងមុខ​ ឬក្បែរ ហើយនៅតាមទីសាធារណៈ ​ដែលមន្ទីរ ស្ថាប័ន ឬអាជ្ញាធរក្រុងស្រុកទទួលខុសត្រូវ ត្រូវតែ​ធ្វើការ​ថែទាំ និងសម្អាតឱ្យបានជាប់ជាប្រចាំ​ ឱ្យមានសោភ័ណភាព។ឯកឧត្តម បានបន្តថា នៅពេលដែលមន្ទីរ​ ស្ថាប័នរបស់រដ្ឋ និងទីកន្លែងសាធារណៈមាន​សោភ័ណ​ភាព​ស្រស់ស្អាត​ ប្រជាពលរដ្ឋ នឹងយកគំរូតាម ​ហើយនៅតាមទីសាធារណៈ ជាពិសេសនៅតាម​សួនច្បារ​ និងមានប្រជាពលរដ្ឋដើរលេងកម្សាន្ត និងនាំគ្នាហាត់ប្រាណកាន់តែច្រើន​ទៀត​ជាក់​ជា​ពុំខាន។ឯកឧត្តម អ៊ូច ភា បានបន្ថែមថា បរិស្ថានអនាម័យល្អស្អាត​ គឺផ្តើមចេញពីយើងម្នាក់ៗ​ បើកាល ណា​យើងមានទម្លាប់ល្អ ​គឺធ្វើឱ្យយើងរស់នៅក្នុងស្ថានភាពបរិស្ថានល្អ ដែលនាំឱ្យយើងមានសុខភាពល្អ​មិនមាន​ជំងឺ​តម្កាត់​កើតឡើងផ្សេងកើតឡើងទៅលើខ្លួនយើងផងដែរ៕អត្ថបទ៖ គុជ វិភាគ 

ផ្ទះសម្តេចតេជោ១៥០ខ្នងទៀត នឹងត្រូវសាងសង់សម្រាប់អតីតយុទ្ធជននៅខេត្តកំពង់ឆ្នាំង

2021/11/24 03:54:51 pm        398
Facebook Telegram Linkin
កំពង់ឆ្នាំង ៖ ឯកឧត្តមទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា បានឱ្យដឹងថា ផ្ទះសម្តេចតេជោ ហ៊ុន សែន ចំនួន១៥០ខ្នងទៀត នឹងត្រូវសាងសង់​នៅក្នុងឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង សម្រាប់ផ្តល់ជូនអតីតយុទ្ធជន។ក្នុងពិធីប្រកាសតែងតាំងឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ជាប្រធាន​កិត្តិយស​សមាគម​អតីតយុទ្ធជន និងលោក អ៊ុំ សុភា មេបញ្ជាការយោធា ជាប្រធានសមាគមអតីតយុទ្ធជន ខេត្តកំពង់ឆ្នាំង នៅថ្ងៃទី២៤ ខែវិច្ឆិកានេះ ឯកឧត្តមទេសរដ្ឋមន្ត្រី គន់ គីម នៅចុងខែធ្នូ ឆ្នាំ២០២១នេះ ផ្ទះសម្តេចតេជោ ហ៊ុន សែន ចំនួន១៥០ខ្នងផ្ទះទៀត នឹងត្រូវសាងសង់ក្នុងទឹកដីខេត្តកំពង់ឆ្នាំង សម្រាប់​ផ្តល់ជូនអតីតយុទ្ធជន ដែលកន្លងមកបានខិតខំបូជាជីវិត ដើម្បីសុខសន្តិភាព និងបូរណភាពទឹកដី។ឯកឧត្ដម បានលើកឡើងថា សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជានិច្ចជាកាលតែងតែគិតគូរដល់សុខទុក្ខអតីតយុទ្ធជន ​និងណែនាំឱ្យឯកឧត្តម ក្នុងនាម​ជាអគ្គលេខាធិការ ដែលជាសេនាធិការឱ្យសម្តេចតេ ចុះជួប និងដោះស្រាយបញ្ហាជូន​អតីត​យុទ្ធជន​ជា​បន្តបន្ទាប់​នៅទូទាំងប្រទេស។ឯកឧត្តម បានបន្តថា ក្នុងឆ្នាំកន្លងមក សមាគមអតីតយុទ្ធជនខេត្ត ​បានចុះប្រគល់ថវិកាបេឡា​មរណៈ​សង្គ្រោះជូន​ដល់គ្រួសារសព ​ចំនួន៦៧សព​ ស្មើនឹងថវិកា២៦៨លានរៀល បានសហការ​ជា​មួយ​បេឡាជាតិអតីតយុទ្ធជន​ បើកប្រាក់ធានារ៉ាប់រងរបបសន្តិសុខសង្គម​ ចំនួន១៣សព ស្មើនឹងថវិកាជាង១៣៣លានរៀល ។ បានចុះប្រគល់ផ្ទះជូនដល់អតីតយុទ្ធជន និងគ្រួសារក្រីក្រ​ជួបការលំបាក ចំនួន០៨ខ្នងផ្ទះ ក្រុងកំពង់ឆ្នាំង ចំនួន០២ខ្នងផ្ទះ ស្រុកទឹកផុស ចំនួន០៤ខ្នងផ្ទះ ស្រុកកំពង់លែង ចំនួន០១ខ្នងផ្ទះ និងស្រុកជលគីរី ចំនួន០១ខ្នងផ្ទះ។ បានចុះសំណេះសំណាល និងនាំយកអំណោយរបស់ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ឧត្ថម្ភអតីតយុទ្ធជន និងគ្រួសារជួបការលំបាក ចំនួន៨៧គ្រួសារ។ បានរៀបចំកម្លាំង កងកម្លាំងប្រដាប់អាវុធទាំង៣ សហការការពារដីសម្បទានសង្គមកិច្ចពីរទីតាំង ក្នុងស្រុកសាមគ្គីមានជ័យ ដែលមានផ្ទៃដីសរុបចំនួនជាង២០០០ហិកតា។ឯកឧត្តមទេសរដ្ឋមន្ដ្រី បានណែនាំឱ្យថ្នាក់ដឹកនាំសមាគមគ្រប់ថ្នាក់ ត្រូវបន្តការចុះសួរសុខ​ទុក្ខ​អតីត​យុទ្ធជន ដើម្បីស្វែងយល់ពីស្ថានភាពជីវភាព ​សុខភាព ​និងមានវិធានការជួយពួកគេ ពេល​មាន​បញ្ហាឱ្យទាន់ពេលវេលា ​យកចិត្តទុកដាក់អ្នករងផលប៉ះពាល់ពីជំងឺកូវីដ-១៩ ៕អត្ថបទ៖ ហុង វាស្នា 

បណ្ដាវិទ្យាល័យមួយចំនួននៅខេត្តកណ្ដាល បង្កើនម៉ោងបង្រៀនបំប៉នសិស្សត្រៀមប្រឡង

2021/11/24 03:24:50 pm        400
Facebook Telegram Linkin
កណ្ដាល ៖ បណ្តាលោកគ្រូអ្នកគ្រូនៅតាមវិទ្យាល័យមួយចំនួន នៅខេត្តកណ្តាល បានស្ម័គ្រចិត្តបង្កើនម៉ោងបង្រៀនបំប៉នសិស្សថ្នាក់ទី១២ យ៉ាងសកម្ម ដើម្បីជួយពង្រឹងសមត្ថភាពសិស្សានុសិស្សត្រៀមប្រឡងសញ្ញាបត្រមធ្យមសិក្សាទុតិយភូមិ ដែលនឹងឈានចូលមកដល់នៅថ្ងៃទី២៧ ខែធ្នូឆ្នាំ២០២១នេះ។បើតាមលោកគ្រូអ្នកគ្រូនៅវិទ្យាល័យ ហ៊ុន សែន តាខ្មៅ ក្រុងតាខ្មៅខេត្តកណ្តាល ក៏ដូចជាគ្រូ​បង្រៀន​នៅ​វិទ្យា​ល័យ​ផ្សេងៗ​ទៀត បានថ្លែងប្រាប់ BTV នៅថ្ងៃទី២៤ខែវិច្ឆិកានេះថា នៅក្នុងអំឡុងថ្ងៃប្រឡងបាក់ឌុបជិតឈានមកដល់នេះ បណ្តា​​គ្រូតាមមុខវិជ្ជាដែលត្រូវប្រឡង បានបង្កើនម៉ោងបង្រៀនបំប៉នសម្រាប់សិស្សថ្នាក់ទី១២បន្ថែម ​ទៅ​តាមការណែនាំ​របស់​​ប្រមុខថ្នាក់​ដឹកនាំរាជរដ្ឋាភិបាលផង ​និងតាមការណែនាំរបស់ក្រសួងអប់រំ យុវជន និងកីឡា ​ខណៈការបង្រៀន និង​ការ​រៀន​​នៅក្នុងឆ្នាំនេះ គឺបានជួបការរំខានច្រើន ដោយសារវិបត្តិកូវីដ១៩។បើតាមសិស្សថ្នាក់ទី១២ ថ្លែងថា ការរៀនបំប៉នចំណេះដឹងបន្ថែមបូកនឹងថ្ងៃសៅរ៍-អាទិត្យផងដែរនេះ គឺពិតជាមាន​សារ​​សំខាន់ណាស់​ ដោយសារគ្រប់លោកគ្រូអ្នកគ្រូបានលើកយកសំណួរ លំហាត់​គន្លឹះ​ជាច្រើនដែលសិស្សមាន​ចម្ងល់​យក​មកដោះស្រាយពន្យល់​ប្រាប់​សិស្សទាំងអស់គ្នា ហើយ​តាម​រយៈការបង្រៀន និងការៀននេះ គឺជាការធ្វើឱ្យ​សិស្ស​មាន​ចំណេះ​ដឹងបន្ថែមដ៏សំខាន់​ដើម្បីត្រៀមខ្លួន​បន្ថែមសម្រាប់ការប្រឡងនៅថ្ងៃទី២៧ខែធ្នូនេះ។សម្រាប់ ឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា បានថ្លែងថា ការប្រឡង​បាក់​ឌុប​ឆ្នាំ២០២១នេះ នឹង​ត្រូវរៀបចំ​តាម​ទម្រង់ដូចឆ្នាំមុនៗ និងត្រូវបន្តអនុវត្តន៍តាមគោល​ការណ៍​ច្បាប់ យុត្តិធម៌ តម្លាភាព ​និង​លទ្ធផល​ទទួល​យក​បានស្រប នឹងវិធានការសុវត្ថិភាពសុខភាព។ឯកឧត្តម បន្តថា​ គិតត្រឹមមកដល់ពេល ​ការប្រឡងសញ្ញាបត្រមធ្យមសិក្សទុតិយភូមិ​ បាក់ឌុបនេះ មាន​បេក្ខជន​ប្រឡង ១១៥,១៣៩នាក់ ក្នុងនោះនារី ​មាន៦០,៦៦១នាក់ ហើយបានបែងចែង​មណ្ឌល​ប្រឡង​ចំនួន ២០៥មណ្ឌល និង​មាន​បន្ទប់​ប្រឡងចំនួន​ ៤៦៥១បន្ទប់ ​ហើយការប្រឡងបាក់ឌុប ត្រូវបន្ត​អនុវត្តន៍គោលការណ៍ច្បាប់ យុត្តិធម៌​ តម្លាភាព ​និង​លទ្ធផល​ទទួលយកបាន ស្រប​នឹង​វិធានការ​សុវត្ថិភាពសុខភាព៕អត្ថបទ ស៊ុម សុខជា

ការប្រើប្រាស់សេវាដឹកជញ្ជូនសាធារណៈរថយន្តក្រុង និងកាណូតមានការកើនឡើង​ក្រោយ​បើក​ឡើងវិញ

2021/11/24 03:15:36 pm        227
Facebook Telegram Linkin
ភ្នំពេញ ៖ បន្ទាប់ពីរដ្ឋាករស្វយ័តដឹកជញ្ជូនរបស់រដ្ឋបាលរាជធានីភ្នំពេញ សម្រេចបើកដំណើការឡើងវិញ សេវាដឹកជញ្ជូនសាធារណៈរថយន្តក្រុង និងកាណូត ចាប់ពីដើមខែនេះមក ប្រជាពលរដ្ឋជាច្រើនបានចាប់អារម្មណ៍ប្រើប្រាស់សេវានេះ។សេវាដឹកជញ្ជូនសាធារណៈរថយន្តក្រុង និងកាណូត មានការប្រើប្រាស់កើនឡើងពីមួយទៅមួយថ្ងៃ ដោយពលរដ្ឋយល់ឃើញថា ​ការប្រើប្រាស់សេវានេះ មានភាពងាយស្រួល និងការចំណាយ​ថវិកាមានភាពសមរម្យ។ពលរដ្ឋ ដែលប្រើប្រាស់សេវាកាណូតសាធារណៈ នៅថ្ងៃនេះ បានប្រាប់BTVថា មូលហេតុ​ដែលពួកគេជិតកាណូត ព្រោះអាចស្រូបខ្យល់អាកាសបរិសុទ្ធ គយគន់ទេសចរភាពតាមដងទន្លេ កាត់បន្ថយភាព តានតឹងក្នុងអាម្មណ៍ ​ហើយមានសុវត្ថិភាពជាងការដំណើរតាមផ្លូវគោក។ពួកគេបានអគុណចំពោះរាជរដ្ឋាភិបាល ​ដែលបានបើកដំណើរការឡើវិញនូវសេវាដឹកជញ្ជូន សាធារណៈការណូត និងរថយន្តក្រុងនេះ។លោក សុខ បូរ៉ា អ្នកគ្រប់គ្រងកាណូត នៃរដ្ឋាករស្វយ័តដឹកជញ្ជូនសាធារណៈរាជធានីភ្នំពេញ​ បាន ឲ្យដឹងដែរថា ​គិតចាប់ពីថ្ងៃដំណើរការឡើងវិញនូវសេវាដឹកជញ្ជូនសាធារណៈទាំងពីរនេះ​ ពលរដ្ឋ បានធ្វើដំណើរតាមការណូត មានការកើនឡើងពីមួយថ្ងៃទៅមួយថ្ងៃ ពោលក្នុងសប្តាហ៍ទី១ និងទី២ នៃខែវិច្ឆិកានេះ មានប្រមាណជាង១០០នាក់ ហើយក្នុងសប្តាហ៍ទី៣ កើនឡើងដល់ជាង២០០នាក់។កន្លងទៅថ្មីៗនេះ រដ្ឋាករស្វយ័តដឹកជញ្ជូនរបស់រដ្ឋបាលរាជធានីភ្នំពេញ​ បានជូនដំណឹង ស្តីពីការ ដាក់ឱ្យ​ដំណើរការឡើងវិញ ​សេវាដឹកជញ្ជូនសាធារណៈរថយន្តក្រុង ​និងកាណូត ​ចាប់ពីថ្ងៃទី២ ខែវិច្ឆិកាតទៅ។ លក្ខខណ្ឌនៃការជិះរថយន្តក្រុង និងកាណូត អ្នកដំណើរទាំងអស់ត្រូវគោរពតាមវិធានសុខាភិបាល ដោយត្រូវបង្ហាញបណ្ណចាក់វ៉ាក់សាំងសម្រាប់មនុស្សពេញវ័យ ពាក់ម៉ាស ​លាងដៃនឹងអាល់កុល វាស់កម្ដៅ ​ស្គែន QR Code ​និងអង្គុយតាមកៅអី ដែលបានរៀបចំ៕អត្ថបទ៖ ទូច សោភ័ណ

ប្រទះឃើញថាសលោហៈនៅប្រាសាទអង្គរវត្ត មានទំហំអង្កត់ផ្ចិត ៦២ ស.ម

2021/11/24 02:48:28 pm        204
Facebook Telegram Linkin
សៀមរាប ៖ កាលពីព្រឹកថ្ងៃទី២៣ ខែវិច្ឆិកា ឆ្នាំ២០២១នេះ ក្រុមការងារអាជ្ញាធរជាតិអប្សរា បានប្រទះឃើញថា សលោហៈកប់ក្នុងដីនៅចន្លោះរានហាល និងបណ្ណាល័យខាងត្បូងប្រាសាទអង្គរវត្ត។ ថាសលោហៈនេះ មានទំហំអង្កត់ផ្ចិត ៦២ស.ម ជម្រៅបាតថាស ៣ ស.ម ផ្ទៃបាតរាងមូល និងរីកមាត់ឡើងមកលើបន្តិច និងបត់រាបស្មើ ដោយផ្នែកខាងចុងមានរាងក្បាច់កោងតូចៗពទ័្ធជុំវិញ។ នៅលើផ្ទៃថាសទាំងមូលនេះ ពុំឃើញមានក្បាច់លម្អ រឺអក្សរអ្វីដែលអាចឲ្យយើងកំណត់​ពី​អាយុកាល​នៃវត្ថុនេះ​អោយបានច្បាស់លាស់នៅឡើយទេ។បច្ចុប្បន្ន ក្រុមចុះបញ្ជីនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បានយកមករក្សាទុកជាបណ្តោះអាសន្ន នៅមជ្ឈមណ្ឌលជាតិអាជ្ញាធរជាតិអប្សរា ដើម្បី​ធ្វើការ​ចុះបញ្ជី និងកំណត់អត្តសញ្ញាណវត្ថុបុរាណនេះជាដំបូងសិន ​មុននឹងលាងសម្អាត និងជួសជុលតាមបច្ចេកទេសជំនាញជួសជុលវត្ថុបុរាណជាបន្តទៀត៕

បណ្ដាញសង្គម

ព័ត៌មានថ្មីៗ

ព្រះសង្ឃ និងពុទ្ធបរិសទ្ធនៅសៀមរាប រួមគ្នាយកអំណោយចែកជូនវីរកងទ័ពនៅព្រំដែនកម្ពុជា-ថៃ
08/17/2025 05:08 PM
Facebook Telegram Linkin
សម្ដេច ម៉ែន សំអន អញ្ជើញចូលថ្វាយបង្គំ ថ្វាយភួងផ្កា ថ្វាយរបាំ ដល់ព្រះប្រតិមាទើបប្រទះឃើញ នៅសារមន្ទីរខេត្តកំពង់ធំ
08/17/2025 04:08 PM
Facebook Telegram Linkin
សម្តេច ម៉ែន សំអន អញ្ជើញបួងសួងសុំសេចក្តីសុខ សេចក្តីចម្រើនជូនជាតិ និងប្រជាពលរដ្ឋ នៅប្រាសាទសំបូរព្រៃគុក
08/17/2025 04:08 PM
Facebook Telegram Linkin
លោក Trump នឹងជួបលោកZelensky នៅអាមេរិក បន្ទាប់ពីកិច្ចពិភាក្សាដោយជោគជ័យ ជាមួយលោក Putin
08/17/2025 03:08 PM
Facebook Telegram Linkin
ចំនួនអ្នកស្លាប់កើនឡើង ខណៈចំហេះព្រៃនៅតែបន្តឆាបឆេះពាសពេញអឺរ៉ុបភាគខាងត្បូង
08/17/2025 03:08 PM
Facebook Telegram Linkin
ទឹកជំនន់នៅភាគខាងជើងប្រទេសចិន សម្លាប់មនុស្ស៨នាក់ និងបាត់ខ្លួន៤នាក់
08/17/2025 02:08 PM
Facebook Telegram Linkin
បណ្ដាប្រទេសអារ៉ាប់ និងឥស្លាម ថ្កោលទោសការលើកឡើងរបស់លោក Netanyahu ដែលចង់ពង្រីកអ៊ីស្រាអែលកាន់តែអស្ចារ្យ
08/17/2025 01:08 PM
Facebook Telegram Linkin
BREAKING NEWS! រញ្ជួយដីដ៏ខ្លាំងក្លាវាយប្រហារឥណ្ឌូនេស៊ី បានបណ្តាលឲ្យមនុស្សរាប់សិបនាក់រងរបួស និងពីរនាក់របួសធ្ងន់
08/17/2025 01:08 PM
Facebook Telegram Linkin
ពលរដ្ឋខ្មែរនិងព្រះសង្ឃ ជាង ១០០០អង្គ/នាក់ ជួបជុំគ្នាបាតុកម្ម សុំឱ្យសហគមន៍អន្តរជាតិ អន្តរាគមន៍ឱ្យប្រទេសថៃ គោរពបទឈប់បាញ់ និងដោះលែងកងទ័ពកម្ពុជាដោយឥតលក្ខខណ្ឌ
08/17/2025 01:08 PM
Facebook Telegram Linkin
មន្ត្រីសង្ឃខេត្តសៀមរាប នាំយកជំនួយសប្បុរសជននៅអាមេរិក ជូនកងទ័ពជួរមុខ ក្នុងខេត្តឧត្តរមានជ័យ
08/17/2025 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.