BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

បារាំងកោតសរសើរនយោបាយវ៉ាក់សាំងរបស់សម្តេចតេជោ ដែលបានទប់ស្កាត់កូវីដ-១៩ នាំទៅដល់ការបើកព្រំដែនឡើងវិញ

ភ្នំពេញ ៖ ឯកអគ្គរដ្ឋទូតថ្មីនៃសាធារណរដ្ឋបារាំង បានសំដែងនូវការអបអរសាទរ និងកោតសរសើរចំពោះកម្ពុជាដែលសម្តេចតេជោ នាយករដ្ឋមន្ដ្រី បានដឹកនាំឈានឆ្ពោះមកកាន់ការអភិវឌ្ឍយ៉ាងខ្លាំង និងនយោបាយវ៉ាក់សាំងរបស់សម្តេច ដែលបានទប់ស្កាត់កូវីដ-១៩ ហើយនាំទៅដល់ការបើកប្រទេសឡើងវិញ។ឯកឧត្តម ហ្សាក ប៉ីយេ(Jaques Pellet) ឯកអគ្គរដ្ឋទូតថ្មីនៃសាធារណរដ្ឋបារាំងប្រចាំកម្ពុជា បានថ្លែងបែបនេះ ត្រូវបានសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាអនុញ្ញាតឱ្យក្នុងចូលជួបសំដែងការគួរនៅវិមានសន្តិភាព នៅព្រឹកថ្ងៃទី២៤វិច្ឆិកានេះ ។ឯកឧត្ដម បានបន្ថែមថា៖ នៅក្នុងព្រះរាជាណាចក្រកម្ពុជា គឺមានក្រុមហ៊ុនបារាំងប្រមាណជាង ៤០០ក្រុមហ៊ុន ហើយក្រុមហ៊ុនទាំងនោះ ពិតជាមានសេចក្ដីរីករាយយ៉ាងខ្លាំង ចំពោះជោគជ័យនៃការចាក់ស្រោចវ៉ាក់សាំង រីករាយចំពោះការបើកដំណើរការប្រទេស ឲ្យមានលំហូរឡើងវិញរួមទាំងការហោះហើរដំណើរការសេដ្ឋកិច្ចពាណិជ្ជកម្ម ។ឯកឧត្តម ក៏បានគោរពថ្លែងអំណរគុណយ៉ាងជ្រាលជ្រៅជាទីបំផុត ជូនចំពោះសម្តេច ដែលបានអនុញ្ញាតឲ្យឯកឧត្តមបានចូលជួបសំដែងការគួរសមមុនមួយថ្ងៃ នៃកិច្ចប្រជុំកំពូលអាស៊ី-អឺរ៉ុប ហើយឯកឧត្តម បានជម្រាបជូនសម្ដេចថា ឯកឧត្ដម ម៉ា ក្រុង ប្រធានាធិបតីបារាំង នឹងអញ្ជើញចូលរួមក្នុងកិច្ចប្រជុំនេះ ហើយនៅឆ្នាំក្រោយនេះកម្ពុជានឹងធ្វើជាប្រធានអាស៊ាននោះ បារាំងក៏នឹងធ្វើជាប្រធានប្តូរវេនអឺរ៉ុប។ក្នុងន័យនេះ ឯកឧត្តម បានមានប្រសាសន៍ថា៖ ឯកឧត្តមនឹងជំរុញពង្រឹងកិច្ចសហប្រតិបត្តិការរវាងប្រទេសទាំងពីរផង និងរវាងអាស៊ាន និងអឺរ៉ុប គឺធ្វើយ៉ាងណាឲ្យកិច្ចសហប្រតិបត្តិការរវាងតំបន់ទាំងពីរជាកិច្ចសហប្រតិបត្តិការដែលគ្មានការប្រឈម។ ផ្ទុយទៅវិញ គឺជាកិច្ចសហប្រតិបត្តិការ ប្រកបដោយបរិយាប័ន្ន និងស្ថិរភាព។ជាការឆ្លើយតប សម្ដេចតេជោ បានសម្ដែងនូវការស្វាគមន៍ និងអបអរសាទរជូនចំពោះឯកឧត្តម ហ្សាក ប៉ីយេ ដែលត្រូវបានតែងតាំង ជាឯកអគ្គរដ្ឋទូតវិសាមញ្ញ និងពេញសមត្ថភាព ប្រចាំនៅកម្ពុជា។ សម្តេច ក៏បានថ្លែងអំណរគុណចំពោះការវាយតម្លៃនូវនយោបាយវ៉ាក់សាំងរបស់កម្ពុជាហើយក៏បានថ្លែងអំណរគុណផងដែរ ចំពោះការចូលរួមរបស់ឯកឧត្ដម ម៉ា ក្រុង ក្នុងកិច្ចប្រជុំអាស៊ី-អឺរ៉ុប ដែលកម្ពុជាជាប្រធាននៅថ្ងៃស្អែកនេះ ។សម្ដេចក៏បានយល់ស្របជាមួយ ឯកឧត្ដម ហ្សាក ប៉ីយេ ចំពោះកិច្ចសហប្រតិបត្តិការទាំងទ្វេភាគី ពហុភាគី ហើយក្នុងកិច្ចសហប្រតិបត្តិការទ្វេភាគី កម្ពុជានិងបារាំង គប្បីធ្វើយ៉ាងណា ជំរុញកិច្ចសហប្រតិបត្តិការ ឲ្យកាន់តែស៊ីជម្រៅថែមទៀត នៅលើគ្រប់វិស័យដែលអាចធ្វើទៅបាន រួមទាំងកិច្ចសហប្រតិបត្តិការនៅក្នុងក្របខ័ណ្ឌក្រោមច្បាប់អន្តរជាតិ។ពាក់ព័ន្ធនឹងកិច្ចសហប្រតិបត្តិការរវាងអាស៊ាន និងអឺរ៉ុប សម្ដេចតេជោ បានយល់ស្របជាមួយឯកឧត្តមទូតថ្មី ហើយថា អាស៊ាននិងអឺរ៉ុប គប្បីសហការគ្នាជំរុញកិច្ចសហការលើវិស័យផ្សេងៗទៀត ឲ្យប្រកបដោយបរិយាប័ន្ននិងស្ថិរភាព៕អត្ថបទ មុត សុទ្ធ

សម្តេចតេជោ ៖ ពាណិជ្ជកម្មកម្ពុជា និងវៀតណាម បានបំពេញឱ្យគ្នាទៅវិញទៅមក

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ថា ពាណិជ្ជកម្ម រវាងប្រទេសទាំងពីរកម្ពុជានិងវៀតណាម បានបំពេញឱ្យគ្នាទៅវិញទៅមក ជាពិសេសនៅក្នុងអំឡុងពេលនៃវិបត្តិកូវីដ-១៩។សម្តេចតេជោ មានប្រសាសន៍ក្នុងឱកាសអនុញ្ញាតឱ្យឯកឧត្តម ង្វៀនហ៊ុយតាំង (Nguyen Huy Tang) ឯកអគ្គរដ្ឋទូតថ្មី នៃសាធារណរដ្ឋសង្គមនិយមវៀតណាមប្រចាំកម្ពុជា ចូលជួបសំដែងការគួរសម នៅវិមានសន្តិភាព នាព្រឹកថ្ងៃទី២៤វិច្ឆិកា។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានប្រាប់ដល់ក្រុមអ្នកព័ត៌មានថា៖ នៅក្នុងជំនួបនេះ ជាមួយនឹងការស្វាគមន៍ដល់វត្តមានឯកអគ្គរដ្ឋទូតថ្មីរូបនេះ សម្តេចបានរំលឹកថា ពាណិជ្ជកម្មរវាងប្រទេសទាំងពីរ កម្ពុជា-វៀតណាម គឺបានបំពេញឱ្យគ្នាទៅវិញទៅមក ជាពិសេសនៅក្នុងអំឡុងពេលនៃកូវីដ-១៩ ដែលកំពុងរីករាលដាលនៅក្នុងពិភពលោក។ក្នុងឱកាសចូលជួបសម្តែងការគួរសមជាមួយសម្ដេចតេជោ ឯកឧត្ដម ង្វៀន ហ៊ុយតាំង មានប្រសាសន៍ថា ឯកឧត្តមពិតជាមានសេចក្ដីរីករាយ ដែលមានកិត្តិយសត្រូវតែងតាំង ជាឯកអគ្គរដ្ឋទូតវិសាមញ្ញ និងពេញសមត្ថភាព នៅព្រះរាជាណាចក្រកម្ពុជា។ឯកឧត្តម ក៏បានពាំនាំនូវពាក្យផ្តាំផ្ញើសួរសុខទុក្ខពីថ្នាក់ដឹកនាំវៀតណាម និងបានគោរពជំរាបជូនសម្តេចនូវការថ្លែងអំណរគុណចំពោះកម្ពុជា ដែលបានជួយវៀតណាមក្នុងពេលកន្លងមក ក៏ដូចជាថ្មីៗនេះ បានជួយវៀតណាម ក្នុងការផ្គត់ផ្គង់នូវបរិក្ខារពេទ្យក៏ដូចជាវ៉ាក់សាំងប្រយុទ្ធប្រឆាំងនឹងកូវីដ-១៩។ ឯកឧត្ដម ក៏បានគោរពវាយតម្លៃខ្ពស់និងសម្ដែងការសាទរដល់ការអភិវឌ្ឍរបស់កម្ពុជា ហើយក៏បានកោតសរសើរចំពោះនយោបាយចាក់ស្រោចវ៉ាក់សាំងប្រយុទ្ធប្រឆាំង នឹងជំងឺកូវីដ-១៩ដែលទទួលបានជោគជ័យយ៉ាងធំធេង ។ នៅក្នុងឱកាសនោះ ឯកឧត្តបានគោរពជម្រាបជូនសម្ដេចថា ក្នុងបេសកកម្មការទូតនៅកម្ពុជា ឯកឧត្តមនឹងខិតខំប្រឹងប្រែងឱ្យអស់ពីកម្លាំងកាយចិត្តដើម្បីពូនជ្រំទំនាក់ទំនងរវាងកម្ពុជានិងវៀតណាមឲ្យកាន់តែធំធាត់ ជាពិសេសតាមរយៈវិស័យនយោបាយការទូតសន្តិសុខការពារជាតិពាណិជ្ជកម្មវិស័យសេដ្ឋកិច្ចវិស័យកសិកម្ម ការប្រយុទ្ធប្រឆាំងនឹងជំងឺកូវីដ-១៩ ក៏ដូចជាវិស័យដទៃទៀត។ជាចុងបញ្ចប់នៃជំនួប សម្តេច ក៏បានស្នើឲ្យឯកឧត្តម ឯកអគ្គរដ្ឋទូតថ្មីវៀតណាម ជំរុញឲ្យមានការហោះហើរត្រង់រវាងកម្ពុជានិងវៀតណាមឡើងវិញ ក៏ដូចជាជូនពរ ឲ្យឯកឧត្តម ង្វៀន ហ៊ុយតាំង ទទួលបានជោគជ័យក្នុងបេសកកម្មការទូតនៅកម្ពុជា៕អត្ថបទ មុត សុទ្ធ

ប្រមុខរាជរដ្ឋាភិបាល ណែនាំឱ្យថែទាំមនុស្សចាស់អំឡុងពេលអាកាសធាតុចុះត្រជាក់ខ្លាំងចាប់ពីខែក្រោយ

កំពង់ចាម៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានណែនាំទៅអាជ្ញាធរទូទាំងប្រទេស និងមហាជនទូទៅ ឱ្យយកចិត្តទុកដាក់ថែទាំមនុស្សចាស់ អំឡុងពេលកម្ពុជាទទួលរងសីតុណ្ហភាពចុះត្រជាក់ខ្លាំងចាប់ពីខែក្រោយរហូតដល់ខែកុម្ភៈឆ្នាំក្រោយនេះ។សម្ដេចតេជោ ហ៊ុន សែន បានអំពាវនាវបែបនេះនៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នៅព្រឹកថ្ងៃនេះ។សម្ដេចតេជោ ហ៊ុន សែន ថ្លែងថា៖ «នៅកន្លែងខ្លះធ្លាក់ចុះរហូតដល់ ១៥អង្សា។ អ៊ីចឹង សម្រាប់មនុស្សចាស់ ត្រូវយកចិត្តទុកដាក់។ កូនចៅដែលមានជីដូនជីតាឪពុកម្ដាយចាស់ ត្រូវយកចិត្តទុកដាក់ថែទាំគ្រប់គ្រាន់ អាវរងារភួយមុង»។សម្ដេចតេជោ ហ៊ុន សែន ថ្លែងបន្តថា៖ «អាជ្ញាធរត្រូវពិនិត្យ ធ្វើអន្តរាគមន៍សម្រាប់មនុស្សចាស់ដែលអត់មានទីពឹង មានប៉ុន្មាន? ខិតខំដោះស្រាយអាវរងាឱ្យគាត់ ខិតខំដោះស្រាយភួយមុងឱ្យគាត់។ ទៅខ្ញុំប្រគល់ភារកិច្ចដល់អស់លោក។ គ្រប់ខេត្តទាំងអស់នៅទូទាំងប្រទេស ត្រូវពិនិត្យភ្លាម ធ្វើអន្តរាគមន៍ភ្លាម ព្រោះមនុស្សចាស់រងារ ហើយត្រូវយកចិត្តទុកដាក់បំផុតនៅពេលរដូវរងារមកដល់»។«អ៊ីចឹង សូមបន្ទុកបណ្ដាក់លើបញ្ហាសុខភាពមនុស្សចាស់លើក្រុមគ្រួសារនីមួយៗ ទៅលើអាជ្ញាធរ ទៅលើព្រះសង្ឃតាមទីអារាមដែលមានចាស់ៗស្នាក់នៅសុំសីល»។ក្រសួងធនធានទឹក និងឧតុនិយម បានប្រកាសកាលពីថ្ងៃម្សិលមិញថា កម្ពុជានឹងទទួលរងសីតុណ្ហភាពចុះត្រជាក់ខ្លាំងនៅទូទាំងប្រទេសចាប់ពីសប្ដាហ៍ទី១ខែក្រោយនេះ រហូតដល់ខែកុម្ភៈ ឆ្នាំ២០២២ខាងមុខនេះ។បើតាមក្រសួងធនធានទឹក និងឧតុនិយម តំបន់ជួរភ្នំ និងតំបន់ខ្ពង់រាបភាគឦសានរបស់ប្រទេសកម្ពុជា អាចចុះត្រជាក់ខ្លាំងរហូតដល់ ១៥អង្សារនៅក្នុងរយៈពេល ៣ខែខាងមុខនេះ៕

គ.ជ.ប រំលឹកពលរដ្ឋដែលមិនទាន់មានឈ្មោះក្នុងបញ្ជីបោះឆ្នោត ឱ្យរួសរាន់ទៅចុះឈ្មោះ

ភ្នំពេញ ៖ ខណៈការពិនិត្យបញ្ជីឈ្មោះ និងការចុះឈ្មោះបោះឆ្នោត នឹងត្រូវបិទបញ្ចប់ក្នុងរយៈពេលមួយសប្តាហ៍ទៀត អ្នកនាំពាក្យគ.ជ.ប បានក្រើនរំលឹកដល់ប្រជាពលរដ្ឋ ដែលមានអាយុពី១៨ឆ្នាំឡើង ឱ្យរួសរាន់ទៅចុះ ឈ្មោះឲ្យបានគ្រប់ៗគ្នា។ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី ២៣ ខែវិច្ឆិកានេះ បានប្រាប់BTVឲ្យដឹងថា គិតចាប់ពីថ្ងៃដំណើរការចុះឈ្មោះបោះឆ្នោត រហូតដល់ថ្ងៃទី ២២ ខែវិច្ឆិកានេះ ពលរដ្ឋជាង៤សែននាក់ បានទៅចុះឈ្មោះបោះឆ្នោតថ្មី ហើយឯកឧត្តម បានអំពាវនាវដល់ពលរដ្ឋ ដែលមានអាយុពី១៨ឆ្នាំឡើង ត្រូវរួសរាន់ទៅចុះឈ្មោះឲ្យបានគ្រប់ៗគ្នា ខណៈមួយសប្តាហ៍ ទៀតប៉ុណ្ណោះ ដំណើរការចុះឈ្មោះ នឹងត្រូវបិទបញ្ចប់។នៅឆ្នាំ២០២១នេះ គ.ជ.ប ចាប់ផ្តើមពិនិត្យបញ្ជីឈ្មោះ និងការចុះឈ្មោះបោះឆ្នោត ចាប់ពីថ្ងៃទី១២ ខែតុលា រហូតដល់ថ្ងៃទី៣០ខែវិច្ឆិកា ឆ្នាំ២០២១។ ដំណើរការនេះ ធ្វើឡើងរៀងរាល់ថ្ងៃ រួមទាំងថ្ងៃសៅរ៍ និងថ្ងៃអាទិត្យ ពេលព្រឹកចាប់ពីម៉ោង៧៖០០នាទី ដល់ម៉ោង១១៖៣០នាទី និងពេលរសៀលចាប់ពីម៉ោង ២៖០០នាទី ដល់ម៉ោង ៥៖៣០នាទី នៅតាមសាលាឃុំ-សង្កាត់ និងទីតាំងមួយចំនួនទៀតក្នុងឃុំ-សង្កាត់។តាមការប៉ាន់ស្មានរបស់គ.ជ.ប ពលរដ្ឋដែលមានអាយុពី១៨ឆ្នាំឡើងទៅ មិនទាន់មានឈ្មោះក្នុង បញ្ជីបោះឆ្នោតថ្មី មានចំនួនជាង១លាននាក់។ ដំណើការការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណិត្តទី៥ នឹងប្រព្រឹត្តិទៅនៅថ្ងៃទី០៥ ខែមិថុនា ឆ្នាំ២០២២៕អត្ថបទ៖ ទូច សោភ័ណ

សិល្បករចំនួន៣៧រូប បង្ហាញស្នាដៃក្នុងពិព័រណ៍សិល្បៈ នៃមហោស្រពវប្បធម៌អាស៊ី និងអឺរ៉ុប២០២១

ភ្នំពេញ ៖ សិល្បករចំនួន៣៧រូបមកពីទ្វីបអាស៊ី និងអឺរ៉ុប បាននាំយកស្នាដៃមកបង្ហាញតាមរយៈប្រធានបទធំៗ ចំនួន៦ គឺ Happy Head, Sahaka playground, Encoutering Culture, The longest voyage, Thing that count, ll Nodo: A Sketch of hope នៃមហោស្រពវប្បធម៌អាស៊ី និងអឺរ៉ុប២០២១ នៅសារមនី្ទរជាតិ។នៅក្នុងពិធីសម្ពោធពិព័រណ៍សិល្បៈ នៃមហោស្រពវប្បធម៌អាស៊ី និងអឺរ៉ុប ២០២១ នៅសារមនី្ទរជាតិ កាលពីល្ងាចថ្ងៃទី២២ ខែវិចិ្ឆកា ឆ្នាំ២០២១ ក្រោមវត្តមានលោកជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ ជាមួយឯកឧត្តមតំណាងក្រសួងការបរទេស និងសហប្រតិបតិ្តការអន្តរជាតិ លោកជំទាវ ឯកអគ្គរដ្ឋទូត Carmen Moreno ប្រមុខបេសកកម្ម នៃសហភាពអឺរ៉ុប ប្រចាំនៅកម្ពុជា ដោយមានការសហការរវាងភាគីក្រសួងវប្បធម៌ និងវិចិត្រសិល្បៈ សហភាពអឺរ៉ុប និងមូលនិធិអាស៊ី អឺរ៉ុប ដើម្បីរៀបចំមហោស្រពវប្បធម៌អាស៊ី និងអឺរ៉ុប ដែលបង្ហាញពីភាពចម្រុះ នៃវប្បធម៌ និងការផ្លាស់ប្តូរសិល្បៈរវាងអាស៊ី និងអឺរ៉ុប។លោក ឆាយ វិសុទ្ធ ប្រធាននាយកដ្ឋានសារមនី្ទរ បានឲ្យដឹងថា សារមនី្ទរជាតិកម្ពុជា ពិតជាទទួលបាននូវកិតិ្តយសខ្លាំងណាស់ដែលគណៈកម្មាធិការរៀបចំព្រឹតិ្តការណ៍របស់ក្រសួងវប្បធម៌ និងវិចិត្រសិល្បៈ និងក្រុមការងារ ASEM បានសម្រេចជ្រើសយកទីតាំងសារមនី្ទរជាតិ នៃកម្ពុជា សម្រាប់ការរៀបចំពិព័រណ៍មិនអចិន្ត្រៃយ៍អបអរកិច្ចប្រជុំកំពូលអាស៊ី និងអឺរ៉ុប លើកទី១៣។ក្នុងនាមលោក ជានាយកសារមនី្ទរជាតិ យល់ឃើញថា ទីតាំងនេះពិតជាស័កិ្តសមណាស់សម្រាប់ការរៀបចំព្រឹតិ្តការណ៍ពិព័រណ៍មិនអចិន្ត្រៃយ៍នេះ ព្រោះសារមនី្ទរជាតិ ជាទីតាំងអនុស្សាវរីយ៍មួយសតវត្សរ៍ នៃកេរ្តិ៍ដំណែលជាតិ ដ៏មហាសាលមួយដែលបានបន្សល់ទុកតាំងពីសម័យអាណានិគមបារាំងមក។លោក បានបញ្ជាក់ទៀតថា បើទោះជាស្ថានភាពនៃការរីករាលដាលនៃជំងឺកូវីដ-១៩ ពុំទាន់បានគ្រប់គ្រងទាំងស្រុង ប៉ុន្តែឥទិ្ធពលនៃជំងឺនេះពុំបានធ្វើឲ្យរាំងស្ទះដល់ដំណើរការនៃការរៀបចំព្រឹតិ្តការណ៍នានា នៃកិច្ចប្រជុំកំពូលអាស៊ី និងអឺរ៉ុប លើកទី១៣នេះឡើយ។ ជាក់ស្តែងការរៀបចំពិព័រណ៍បង្ហាញស្នាដៃសិល្បៈអបអរកិច្ចប្រជុំនេះ បានធ្វើឡើងក្នុងបរិបទពីរ គឺតាមរយៈអនឡាញ និងការតាំងផ្ទាល់នៅក្នុងសារមនី្ទរជាតិកម្ពុជា។ ការរៀបចំពិព័រណ៍ផ្ទាល់នេះ មានការចូលរួមពីសិល្បករ ចំនួន៣៧រូប មកពីទ្វីបអាស៊ី និងអឺរ៉ុប បាននាំយកស្នាដៃមកបង្ហាញតាមរយៈប្រធានបទធំៗ ចំនួន៦។ ស្នាដៃសិល្បៈទាំងអស់នេះជាស្នាដៃចម្លាក់ រូបថត រូបគំនូរ ឬគ្រឿងអលង្ការ វីដេអូខ្លី ដែលឆ្លុះបង្ហាញបទពិសោធន៍នៃការធ្វើដំណើរឆ្លងទ្វីប ស្ថានភាពរស់នៅប្រចាំថ្ងៃ និងការទទួលឥទិ្ធពលគំនិតរវាងសិល្បករ នៃទ្វីបទាំងពីរ។ ជារួមខ្លឹមសារ នៃពិព័រណ៍នេះ បានបង្ហាញពីសាមគ្គីភាព និងចំណងមិត្តភាពលើវិស័យវប្បធម៌ នៃបណ្តាប្រទេសក្នុងទ្វីបអាស៊ី និងអឺរ៉ុប៕អត្ថបទ៖ រដ្ឋា

អាជ្ញាធរខេត្តកំពង់ធំ ប្រារព្ធទិវាបរិស្ថានជាតិ ដើម្បីផ្សព្វផ្សាយពីការគ្រប់គ្រងកាកសំណល់រឹង

កំពង់ធំ៖ នៅថ្ងៃទី២៣ ខែវិច្ឆិកា ឆ្នាំ២០២១ អាជ្ញាធរខេត្តកំពង់ធំ រួមជាមួយមន្ទីរបរិស្ថានខេត្ត ប្រារព្ធទិវាអនាម័យបរិស្ថានជាតិ ២៣ វិច្ឆិកា ដើម្បីផ្សព្វផ្សាយពីការគ្រប់គ្រងកាកសំណល់រឹង នៅតាមទីប្រជុំជន និងបង្កើនអនាម័យជនបទ។ក្នុងពិធីនេះ លោក ចាន់ តារា អភិបាលរងខេត្តកំពង់ធំ លើកឡើងថា ទិវាអនាម័យបរិស្ថានជាតិ គឺជាទិវាមួយដែលយើងទាំងអស់គ្នាត្រូវមានការយល់ដឹងពីភាពស្រស់ស្អាតនៃបរិស្ថាន គ្មានសំរាម ដែលផ្តោតលើការគ្រប់គ្រង និងប្រើប្រាស់កាកសំណល់រឹង រួមជាមួយការទុកដាក់ឲ្យបានត្រឹមត្រូវ ដែលប្រែក្លាយខេត្តកំពង់ធំទាំងមូល ជាពិសេសទីក្រុង និងទីប្រជុំជននៅតាមបណ្តាស្រុក ឃុំ ទាំង អស់ ក្លាយជាភូមិស្អាត គ្មានសំរាម។ ទិវានេះមិនមែនជាឱកាសសម្រាប់តែការផ្សព្វផ្សាយប៉ុណ្ណោះទេ ប៉ុន្តែជាពេលដែលត្រូវផ្លាស់ប្តូរ ឥរិយាបថនៃការស្ដាប់ ការណែនាំឱ្យទៅជាការអនុវត្តជាក់ស្ដែងក្នុងការគ្រប់គ្រងសំរាម និង សំណល់រឹង នៅគ្រប់ទីកន្លែងដែលយើងរស់នៅ។ បង្កើនការអនុវត្តការគ្រប់គ្រងសំរាម និងសំណល់រឹងជាប្រចាំដោយភាពម្ចាស់ការនៅក្នុងសង្គម គ្រប់ស្រទាប់វ័យ (កុមារ យុវវ័យ វ័យកណ្តាល និងមនុស្សចាស់) នៅតាមទីសាធារណៈ ទីផ្សារ ទីប្រជុំជន មន្ទីរ អង្គភាព ផ្ទះសម្បែង រោងចក្រ សហគ្រាស សិប្បកម្ម អាជីវកម្ម មណ្ឌលកំសាន្ត ភោជនីយដ្ឋាន អាហារដ្ឋាន តូបលក់អីវ៉ាន់ផ្សេងៗ។ ការគ្រប់គ្រងសំរាម និងសំណល់រឹងនឹងចូលរួមចំណែកយ៉ាងសំខាន់ជាសកលក្នុងការកាត់បន្ថយការបំភាយឧស្ម័នផ្ទះកញ្ចក់ ទៅ ក្នុងបរិយាកាស។ ជាមួយគ្នានេះ អាជ្ញាធរខេត្តនឹងលើកទឹកចិត្ត និងគាំទ្រដល់ស្ថាប័នឯកជន សហគ្រាស និងអាជីវកម្មណាដែលមានបំណងចង់បង្កើតជាសិប្បកម្ម ឬ រោងចក្រកែច្នៃសំណល់រឹងឱ្យទៅជាឧបករណ៍ ប្រើប្រាស់ ឬថាមពល បម្រើសេចក្តីត្រូវការនៅក្នុងសង្គមផងដែរ។ លោក តុប កក្កដា ប្រធានមន្ទីរបរិស្ថានខេត្តកំពង់ធំ លើកឡើងដែរថា ការប្រមូលសំរាម និងកាកសំណល់រឹង គឺជាកិច្ចការងារស្នូលសំខាន់របស់មន្ទីរបរិស្ថានដែលត្រូវអនុវត្តន៍ទូលំទូលាយទូទាំងខេត្ត ប៉ុន្តែដោយមន្រ្តីរបស់មន្ទីរបរិស្ថានមានចំនួនតិច ក្រសួងបរិស្ថានបានចេញអនុវក្រឹត្យស្តីពី ការគ្រប់គ្រងសំរាម និងសំណលរឹងតាមទីប្រជុំជន ព្រមទាំងប្រកាសស្តីពីការផ្ទេរមុខងារតាមបែបប្រតិភូកម្មប្រគល់មុខងារ គ្រប់គ្រងសំរាម និងសំណល់រឹងទីប្រជុំជនជូនរដ្ឋបាលក្រុង ស្រុក ជាស្ថាប័នគ្រប់គ្រងអនុវត្តផ្ទាល់ ដើម្បីធានាបាននូវប្រសិទ្ធភាព និងសោភ័ណភាពបរិស្ថានល្អ។ លោកបន្ដថា ចំពោះស្ថាប័ន (នីតិបុគ្គល) ណាដែលមានស្នាដៃល្អ ជាគម្រូក្នុងការគ្រប់គ្រងសំរាម និង សំណល់រឹងទីប្រជុំជន រក្សាអាម័យបរិស្ថានបានល្អ! មន្ទីរបរិស្ថាននឹងស្នើសុំក្រសួងបរិស្ថានចេញជាប័ណ្ណ សរសើរជូនបុគ្គល (រូបវន្តបុគ្គល) របស់ស្ថាប័ននានាក្នុងខេត្តកំពង់ធំ ដែលមានស្នាដៃឆ្នើមក្នុងការគ្រប់គ្រងសម្រាម និងសំណល់រឹងទីប្រជុំជន តាមរយៈការស្នើសុំរបស់ប្រធានអង្គភាពសាមីផងដែរ៕

សម្ដេចតេជោ ហ៊ុន សែន៖ មិត្តចិនផ្ដល់ឥណទានដោយគោរពនូវការចង់បានរបស់កម្ពុជា

កំពង់ចាម៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងថា ប្រទេសចិនតែងតែផ្ដល់ឥណទានទៅតាមគម្រោងដែលកម្ពុជាបានស្នើឡើង ដែលសម្ដេចចាត់ទុកថា ជាចំណុចពិសេសខុសពីប្រភពទុនដទៃទៀត។សម្ដេចតេជោ ហ៊ុន សែន បានថ្លែងបែបនេះនៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នៅព្រឹកថ្ងៃនេះ។សម្ដេចតេជោ ហ៊ុន សែន ថ្លែងថា៖ «អ៊ីចឹងធ្វើឱ្យយើងត្រូវបន្តស្នើសុំមិត្តចិនជួយបន្តទៀត ហើយមិត្តចិននឹងបន្តជួយទៅតាមគម្រោងដែលយើងបានដាក់។ ចំណុចល្អពិសេសរបស់មិត្តចិន គឺនៅត្រង់ថា កន្លែងណាជាអាទិភាពរបស់កម្ពុជា កម្ពុជាសុំដាក់គម្រោងហ្នឹងទៅ ដោយមានការសិក្សាហ្មត់ចត់»។ប្រមុខរាជរដ្ឋាភិបាលកម្ពុជា ថ្លែងបន្តថា៖ «មិត្តចិនផ្ដល់ឥណទានដោយគោរពនូវការចង់បានរបស់កម្ពុជា។ នេះជាចំណុចពិសេសដែលខុសប្លែកពីប្រភពទុនដទៃ ដែលយើងថា ចង់ទៅនេះ គេថា ចង់ទៅនោះ។ ចំណុចខុសគ្នាគឺនៅកន្លែងហ្នឹង។ យើងចង់បាននៅហ្នឹង មិត្តចិនដាក់នៅហ្នឹង»។សម្ដេចតេជោ ហ៊ុន សែន បានបញ្ជាក់ថា កម្ពុជាត្រូវការទុន ឬឥណទានបន្ថែមទៀតពីប្រទេសចិន ដើម្បីគាំទ្រដល់គម្រោងកសាងហេដ្ឋារចនាសម្ព័ន្ធនានាពេលខាងមុខ បន្ទាប់ពីកម្ពុជាចំណាយថវិកាអស់ខ្ទង់ ២ ៣០០លានដុល្លារទៅលើការដោះស្រាយបញ្ហាជំងឺកូវីដ-១៩។សម្ដេចតេជោ ហ៊ុន សែន បញ្ជាក់បន្ថែមទៀតថា ការចំណាយថវិកាទៅលើការដោះស្រាយវិបត្តិកូវីដ-១៩កន្លងមកនេះ បានធ្វើឱ្យខកខានដល់គម្រោងសាងសង់ស្ពានជាង ២០ទៀត ដែលសម្ដេចគ្រោងសាងសង់ឱ្យបានកាន់តែឆ្លងកាត់ទន្លេ ឬស្ទឹងនានា៕

សម្ដេចតេជោ ហ៊ុន សែន ថ្លែងថា កម្ពុជាចំណាយជាង ២ ៣០០លានដុល្លារលើការដោះស្រាយបញ្ហាជំងឺកូវីដ-១៩

កំពង់ចាម៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងថា រាជរដ្ឋាភិបាលបានចំណាយថវិការហូតដល់ជាង ២ ៣០០លានដុល្លារសម្រាប់ដោះស្រាយបញ្ហានៃការរីករាលដាលនៃជំងឺកូវីដ-១៩ នៅក្នុងរយៈពេលជិត២ឆ្នាំកន្លងមកនេះ។សម្ដេចតេជោ ហ៊ុន សែន បានថ្លែងបញ្ជាក់បែបនេះនៅអំឡុងពេលសម្ដេចអញ្ជើញសម្ពោធដាក់ឱ្យប្រើប្រាស់ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នៅព្រឹកថ្ងៃនេះ។សម្ដេចតេជោ ហ៊ុន សែន ថ្លែងថា៖ «ខ្ញុំសោកស្ដាយណាស់នៅត្រង់ថា អាកូវីដ-១៩នេះ វាបានស៊ីស្ពានរបស់ខ្ញុំប្រហែលជា ២០ស្ពាន។ អាហ្នឹងគិតតម្លៃខ្ពស់ផង»។សម្ដេចតេជោ ហ៊ុន សែន ថ្លែងបន្តថា៖ «ប៉ុន្តែ អត់នឹកស្មានថា អាកូវីដវាទទួលទានអស់ ២៣០០លាន ដើម្បីដោះស្រាយបញ្ហាកូវីដ។ អីចឹងធ្វើឱ្យយើងត្រូវបន្តស្នើសុំមិត្តចិនជួយបន្តទៀត ហើយមិត្តចិននឹងបន្តជួយទៅតាមគម្រោងដែលយើងបានដាក់»។ប្រមុខរាជរដ្ឋាភិបាលកម្ពុជាបញ្ជាក់ថា នៅមុនផ្ទុះការឆ្លងរីករាលដាលនៃជំងឺកូវីដ-១៩ សម្ដេចគ្រោងសាងសង់ស្ពានជាច្រើនឆ្លងកាត់ទន្លេ និងស្ទឹងនានានៅទូទាំងប្រទេស បន្ទាប់ពីកម្ពុជាទទួលបានប្រាក់សន្សំច្រើន៕

កម្ពុជាចំណាយថវិកា ៨០លានដុល្លារអាមេរិក សាងសង់មនី្ទរពេទ្យកម្រិតអន្តរជាតិនៅតំបន់កប់ស្រូវ

ភ្នំពេញ ៖ កម្ពុជាចំណាយថវិកា ៨០លានដុល្លារ ដើម្បីសាងសង់មនី្ទរពេទ្យសាកលវិទ្យាល័យ វិទ្យាសាស្រ្តសុខាភិបាល កម្រិតអន្តរជាតិដំបូងគេ នៅតំបន់កប់ស្រូវ ក្រោមហិរញ្ញប្បទានកម្ចីពីធនាគារ នៃសាធារណរដ្ឋកូរ៉េ។នាទីសី្តការក្រសួងរសៀលថ្ងៃទី២២ ខែវិចិ្ឆកា ឆ្នាំ២០២១ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល បានអនុញ្ញាតឲ្យលោក គឹម ហ៊ុន (Kim Hoon) តំណាងសម្ព័ន្ធក្រុមហ៊ុន Inje (Inje Joint Venture) ដែលទទួលបានជោគជ័យក្នុងការដេញថ្លៃគម្រោងសាងសង់មនី្ទរពេទ្យសាកលវិទ្យាល័យ វិទ្យាសាស្រ្តសុខាភិបាល ចូលជួបសម្តែងការគួរសម និងពិភាក្សាការងារអំពីការអនុវត្តន៍គម្រោងមនី្ទរពេទ្យសាកលវិទ្យាល័យ វិទ្យាសាស្រ្តសុខាភិបាល ក្រោមហិរញ្ញប្បទានកម្ចីពីធនាគារ នៃសាធារណរដ្ឋកូរ៉េ។ក្នុងជំនួបពិភាក្សាការងារនេះ ភាគីទាំងពីរ បានផ្តោតសំខាន់លើការងារសាងសង់មនី្ទរពេទ្យសាកលវិទ្យាល័យ វិទ្យាសាស្រ្តសុខាភិបាល ដែលជាមនី្ទរពេទ្យមួយធំ ដំបូងគេក្នុងប្រទេសកម្ពុជា ក្រោមហិរញ្ញប្បទានកម្ចីពីធនាគារកូរ៉េ និងការចូលរួមថវិកាពីរាជរដ្ឋាភិបាលកម្ពុជា ក៏ជាមនី្ទរពេទ្យមួយ សម្រាប់បម្រើការដល់និសិ្សត និងផ្តល់នូវសេវាព្យាបាលជូនដល់ប្រជាពលរដ្ឋ និងជនបរទេស។ សម្រាប់គម្រោងសាងសង់មន្ទីរពេទ្យនេះ ទទួលបានការអនុញ្ញាតពីប្រមុខរាជរដ្ឋាភិបាល ក៏ដូចជាក្រសួងសេដ្ឋកិច្ច និងហិរញ្ញវត្ថុ ដែលមានទីតាំងស្ថិតក្នុងតំបន់កប់ស្រូវ មានទំហំផ្ទៃដីជាង ២ហិកតា និងចំណាយទឹកប្រាក់៨០លានដុល្លារអាមេរិក ក្នុងនោះទឹកប្រាក់ ៦៦លានដុល្លារអាមេរិក គឺជាប្រាក់កម្ចីធនាគារកូរ៉េ និងថវិកាបដិភាគរបស់រាជរដ្ឋាភិបាល ចំនួន១៤លានដុល្លារអាមេរិក សរុបថវិកាសាងសង់មនី្ទរពេទ្យសាកលវិទ្យាល័យវិទ្យាសាស្រ្តសុខាភិបាល ចំនួន៨០លានដុល្លារអាមេរិក។ក្រោយជំនួបពិភាក្សាការងារនេះ ភាគីទាំងពីរ បានពិនិត្យលើឯកសារមួយចំនួនពាក់ព័ន្ធលើការងារបច្ចេកទេស ក្នុងរយៈពេលដែលប្រតិភូកូរ៉េ បានអញ្ជើញមកទស្សនកិច្ច និងសិក្សាទីតាំងជាក់ស្តែង និងស្នើខាងភាគីកូរ៉េ អញ្ជើញពិនិត្យមើលស្ថានភាពមនី្ទរពេទ្យនានាក្នុងប្រទេសកម្ពុជា ដើម្បីផ្គត់ផ្គង់ការងារសាងសង់មនី្ទរពេទ្យសាកលវិទ្យាល័យវិទ្យាសាស្រ្តសុខាភិបាល ដំណើរការស្របតាមបរិបទរបស់ព្រះរាជាណាចក្រកម្ពុជា៕អត្ថបទ ៖ ភ័ណ្ឌ រដ្ឋា

កម្ពុជា និងឡាវប្ដេជ្ញាបន្តសហការបង្ក្រាបបទល្មើសគ្រឿងញៀនឆ្លងកាត់ព្រំដែន

ភ្នំពេញ ៖ អាជ្ញាធរនៃប្រទេសកម្ពុជា និងប្រទេសឡាវ បានប្ដេជ្ញាបន្តសហការគ្នា ក្នុងកាបង្ក្រាបបទល្មើសគ្រឿងញៀនឆ្លងកាត់ព្រំដែន ខណៈបទល្មើសប្រភេទនេះ តែងតែត្រូវបានសមត្ថកិច្ចព្រំដែនបង្ក្រាបបាន និងរឹបអូសគ្រឿងញៀនបានជាច្រើនគីឡូក្រាម ។បើយោងតាមសេចក្តីប្រកាសព័ត៌មាន ស្តីពីលទ្ធផលកិច្ចប្រជុំវាយតម្លៃលទ្ធផលកិច្ចសហប្រតិបត្តិការឆ្នាំ២០២០-២០២១ និងចុះហត្ថលេខាលើកំណត់ហេតុ នៃកិច្ចសហប្រតិបត្តិការឆ្នាំ២០២២ រវាងក្រសួងមហាផ្ទៃកម្ពុជា និងក្រសួងសន្តិសុខសាធារណៈឡាវ នៅថ្ងៃទី២២ ខែវិច្ឆិកា ឆ្នាំ២០២១ បានឲ្យដឹងថា តាមរយៈការបង្ក្រាបបទល្មើសគ្រឿងញៀន ឲ្យបានជោគជ័យនោះ ភាគីទាំងពីរ ត្រូវពង្រីកវិសាលភាពការ ផ្លាស់ប្ដូរព័ត៌មាន ដើម្បីបង្ការទប់ស្កាត់ និងបង្ក្រាបសកម្មភាពគ្រឿងញៀន ដឹកជញ្ជូនគ្រឿងញៀនខុសច្បាប់ ដែលកើតឡើងតាមបណ្ដោយព្រំដែន ។ក្នុងកិច្ចព្រមព្រៀងគ្នាដែលចុះហត្ថលេខាដោយសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម វីល័យ ឡាំខាំហ្វង រដ្ឋមន្ត្រីក្រសួងសន្តិសុខសាធារណៈឡាវ នោះ ក៏បានប្ដេជ្ញាបន្តបង្កើនការគ្រប់គ្រង និងត្រួតពិនិត្យតាមបណ្ដោយព្រំដែន ក្នុងដែនសមត្ថកិច្ចរៀងៗខ្លួន និងចាត់វិធានការទាន់ពេលវេលា ក្នុងការទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ ជាពិសេសការ លួចឆ្លងដែនខុសច្បាប់ និងសកម្មភាពផ្សេងទៀត ដែលផ្ទុយនឹងបទប្បញ្ញត្តិព្រំដែន ។ ក្រៅពីនោះ ភាគីទាំងពីរ បានបន្តយកចិត្តទុកដាក់ត្រួតពិនិត្យ និងសម្រួលការចេញ-ចូល តាមច្រក ទ្វារអន្តរជាតិ ស្របតាមនីតិវិធីជាធរមាន រួមទាំងការផ្លាស់ប្តូរពាណិជ្ជកម្ម ទេសចរណ៍ ការពិនិត្យព្យាបាល ជំងឺ ការសួរសុខទុក្ខបងប្អូន និងការចូលរួមពិធីផ្សេងៗតាមប្រពៃណី ព្រមទាំងសហការដោះស្រាយបាតុភាពនានា តាមបណ្ដោយព្រំដែន ឈរលើស្មារតីមិត្តភាព សាមគ្គីភាព និងការគោរពអធិបតេយ្យគ្នាទៅវិញទៅមក ។ក្នុងឱកាសនោះ សម្ដេចក្រឡាហោម និងឯកឧត្តម វីល័យ ឡាំខាំហ្វង បានសម្ដែងនូវការកោត សរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់អាជ្ញាខេត្តជាប់ព្រំដែន និងកងកម្លាំងអនុវត្តច្បាប់ នៃប្រទេសទាំងពីរ ទោះបីស្ថិតក្នុងស្ថានភាពប្រឈមដ៏ស្មុគស្មាញ បង្កឡើងដោយជំងឺកូវីដ១៩ យ៉ាងណាក្តី ក៏នៅតែបន្តកិច្ចសហការជិតស្និទ ក្នុងការថែរក្សាបរិយាកាសសន្តិសុខតាមបន្ទាត់ព្រំដែនបាយយ៉ាងល្អ ប្រសើរ រួមចំណែកបង្កលក្ខខណ្ឌអំណោយផលដល់ការប្រកបជីវភាពរស់នៅរបស់ប្រជាជន និងការយក ចិត្តទុកដាក់ខ្ពស់ ក្នុងការកិច្ចសហការបង្ការ ទប់ស្កាត់ និងបង្រ្កាបឧក្រិដ្ឋកម្មឆ្លងដែនគ្រប់ប្រភេទ ៕អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

អគ្គនាយកស៊ីម៉ាក់៖ គ្រាប់មីន PMN-2 ថៃដាក់បង្ហាញប្រតិភូបរទេសចោទកម្ពុជា ជាគ្រាប់មីនជាន់មិនផ្ទុះនោះទេ

លោក Zelensky៖ រុស្ស៊ីធ្វើឱ្យស្មុគស្មាញដល់ការបញ្ចប់សង្រ្គាម ខណៈលោកTrump ជំរុញអ៊ុយក្រែនឱ្យយល់ព្រមលើកិច្ចព្រមព្រៀងសន្តិភាពក្រុងមូស្គូ

ទំនិញខូចគុណភាពជាង៥តោន នាំចូលពីថៃ ឆ្លងប្រទេសឡាវ ចូលមកកម្ពុជា ត្រូវបានសមត្ថកិច្ចចម្រុះបង្ក្រាបដុតកំទេចចោល

ស.អ.ក ខេត្តកំពង់ស្ពឺ នាំយកថវិកាបេឡាមរណសង្គ្រោះជូនគ្រួសារសពសមាជិកអតីតយុទ្ធជន៣គ្រួសារ

អាកាសយានដ្ឋានអន្តរជាតិតេជោ ស្វាគមន៍ និងត្រៀមខ្លួនទទួលភ្ញៀវទេសចរ និងធុរជនជាតិ និងអន្តរជាតិ ពីគ្រប់ទិសទីនៅលើពិភពលោក

លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន

ក្រុមការងាររាជរដ្ឋាភិបាលចុះមូលដ្ឋានឃុំកណ្តឹងស្រុកបាទី ខេត្តតាកែវនិងរដ្ឋបាលឃុំកណ្តឹងប្រារព្វពិធីផ្សព្វផ្សាយពីបញ្ហាគ្រឿងញៀន និង ពិធីបង្សុកូលឧទ្ទិសកុសលដល់វិញ្ញាណក្ខន្ធវិរះកងទ័ពកម្ពុជាដែលបានពលីជីវិតក្នុងសមរភូមិ

ហ្វីលីពីន និងអូស្ត្រាលី ចាប់ផ្តើមសមយុទ្ធដ៏ធំបំផុតមិនធ្លាប់មាន នៅជិតសមុទ្រចិនខាងត្បូង

ទីក្រុងគីវ៖ រុស្ស៊ីបាញ់យាន ៨៥គ្រឿង និងមីស៊ីល ១គ្រាប់ លើអ៊ុយក្រែន ប៉ុន្មានម៉ោងក្រោយមានជំនួប Trump-Putin

ផ្ទុះរោងចក្រ នៅតំបន់ Ryazan របស់រុស្ស៊ី បណ្ដាលឲ្យមនុស្ស ១១នាក់ស្លាប់ និង ១៣០នាក់របួស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

បារាំងកោតសរសើរនយោបាយវ៉ាក់សាំងរបស់សម្តេចតេជោ ដែលបានទប់ស្កាត់កូវីដ-១៩ នាំទៅដល់ការបើកព្រំដែនឡើងវិញ

សម្តេចតេជោ ៖ ពាណិជ្ជកម្មកម្ពុជា និងវៀតណាម បានបំពេញឱ្យគ្នាទៅវិញទៅមក

ប្រមុខរាជរដ្ឋាភិបាល ណែនាំឱ្យថែទាំមនុស្សចាស់អំឡុងពេលអាកាសធាតុចុះត្រជាក់ខ្លាំងចាប់ពីខែក្រោយ

គ.ជ.ប រំលឹកពលរដ្ឋដែលមិនទាន់មានឈ្មោះក្នុងបញ្ជីបោះឆ្នោត ឱ្យរួសរាន់ទៅចុះឈ្មោះ

សិល្បករចំនួន៣៧រូប បង្ហាញស្នាដៃក្នុងពិព័រណ៍សិល្បៈ នៃមហោស្រពវប្បធម៌អាស៊ី និងអឺរ៉ុប២០២១

អាជ្ញាធរខេត្តកំពង់ធំ ប្រារព្ធទិវាបរិស្ថានជាតិ ដើម្បីផ្សព្វផ្សាយពីការគ្រប់គ្រងកាកសំណល់រឹង

សម្ដេចតេជោ ហ៊ុន សែន៖ មិត្តចិនផ្ដល់ឥណទានដោយគោរពនូវការចង់បានរបស់កម្ពុជា

សម្ដេចតេជោ ហ៊ុន សែន ថ្លែងថា កម្ពុជាចំណាយជាង ២ ៣០០លានដុល្លារលើការដោះស្រាយបញ្ហាជំងឺកូវីដ-១៩

កម្ពុជាចំណាយថវិកា ៨០លានដុល្លារអាមេរិក សាងសង់មនី្ទរពេទ្យកម្រិតអន្តរជាតិនៅតំបន់កប់ស្រូវ

កម្ពុជា និងឡាវប្ដេជ្ញាបន្តសហការបង្ក្រាបបទល្មើសគ្រឿងញៀនឆ្លងកាត់ព្រំដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

បារាំងកោតសរសើរនយោបាយវ៉ាក់សាំងរបស់សម្តេចតេជោ ដែលបានទប់ស្កាត់កូវីដ-១៩ នាំទៅដល់ការបើកព្រំដែនឡើងវិញ

សម្តេចតេជោ ៖ ពាណិជ្ជកម្មកម្ពុជា និងវៀតណាម​ បានបំពេញឱ្យគ្នាទៅវិញទៅមក

គ.ជ.ប រំលឹកពលរដ្ឋដែលមិនទាន់មានឈ្មោះក្នុងបញ្ជីបោះឆ្នោត ឱ្យរួសរាន់ទៅចុះឈ្មោះ

សិល្បករចំនួន៣៧រូប បង្ហាញស្នាដៃក្នុងពិព័រណ៍សិល្បៈ នៃមហោស្រពវប្បធម៌អាស៊ី និងអឺរ៉ុប២០២១

អាជ្ញាធរខេត្តកំពង់ធំ ប្រារព្ធទិវាបរិស្ថានជាតិ ដើម្បីផ្សព្វផ្សាយពីការគ្រប់គ្រងកាកសំណល់រឹង

សម្ដេច​តេជោ ហ៊ុន សែន៖ មិត្ត​ចិន​ផ្ដល់​ឥណទាន​ដោយ​គោរព​នូវ​ការ​ចង់​បាន​របស់​កម្ពុជា

សម្ដេច​តេជោ ហ៊ុន សែន ថ្លែង​ថា កម្ពុជា​ចំណាយ​ជាង ២ ៣០០​លាន​ដុល្លារ​លើ​ការ​ដោះ​ស្រាយ​បញ្ហា​ជំងឺ​កូវីដ-១៩

កម្ពុជាចំណាយថវិកា ៨០លានដុល្លារអាមេរិក សាងសង់មនី្ទរពេទ្យកម្រិតអន្តរជាតិនៅតំបន់កប់ស្រូវ

កម្ពុជា និងឡាវប្ដេជ្ញាបន្តសហការបង្ក្រាបបទល្មើសគ្រឿងញៀនឆ្លងកាត់ព្រំដែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ៖ ពាណិជ្ជកម្មកម្ពុជា និងវៀតណាម បានបំពេញឱ្យគ្នាទៅវិញទៅមក

សម្ដេចតេជោ ហ៊ុន សែន៖ មិត្តចិនផ្ដល់ឥណទានដោយគោរពនូវការចង់បានរបស់កម្ពុជា

សម្ដេចតេជោ ហ៊ុន សែន ថ្លែងថា កម្ពុជាចំណាយជាង ២ ៣០០លានដុល្លារលើការដោះស្រាយបញ្ហាជំងឺកូវីដ-១៩