BTV NEWS

នៅត្រីមាសទី១ ឆ្នាំនេះកម្ពុជានាំចេញផលិតផលសម្លៀកបំពាក់ ស្បែកជើង និងសម្ភារៈធ្វើដំណើរ មានទឹកប្រាក់ជាង ៣.៨០០ លានដុល្លារ

រដ្ឋសម្រេចលុបបំបាត់កម្រៃស្កែនកុងតឺន័រទាំងស្រុងចាប់ពីខែឧសភាតទៅ ដើម្បីសម្រួលពាណិជ្ជកម្មក្នុងស្រុក

កូនផ្សោតទន្លេមេគង្គទើបកើតថ្មី ១ក្បាលទៀត នាំមកក្តីសង្ឃឹមសម្រាប់ការអភិរក្សនៅដើមឆ្នាំ២០២៦

ធនាគារជាតិ ដាក់ឱ្យប្រើប្រាស់ប្រព័ន្ធវដ្តករសាស្រ្តហិរញ្ញវត្ថុ ដើម្បីបង្កើនការយល់ដឹងដល់ភាគីពាក់ព័ន្ធ

សេដ្ឋកិច្ច និង កសិកម្ម

អាជីវកម្មតូចៗនិងរបរក្នុងសេដ្ឋកិច្ចក្រៅប្រព័ន្ធរងផលប៉ះពាល់ខ្លាំងពីព្រឹត្តិការណ៍សហគមន៍២០កុម្ភៈ

ភ្នំពេញ ៖ គិតមកដល់ពេលនេះ រយៈពេលជិត ១ខែហើយ ក្រោយព្រឹត្តិការណ៍សហគមន៍ ២០ កុម្ភៈ ជំងឺកូវីដ១៩ នៅបន្ត ការរីករាលដាល ដែល ត្រូវបានអ្នកជំនាញក្នុងវិស័យសេដ្ឋកិច្ច លើកឡើងថា ប្រជាពលរដ្ឋដែលស្ថិត នៅក្នុង សេដ្ឋកិច្ចក្រៅប្រព័ន្ធ ដូចជា ប្រកបរបររត់ម៉ូតូកង់បី និងអ្នកបម្រើតាមភោជនីយដ្ឋានប្រមាណ ៨៥ ទៅ៩០ភាគរយ រងផលប៉ះពាល់វិបត្តិសេដ្ឋកិច្ចក្នុងគ្រួសារ និងថយចុះនូវប្រាក់ចំណូលប្រចាំថ្ងៃ។ឯកឧត្តមបណ្ឌិត គី សេរីវឌ្ឍន៍ អ្នកវិភាគសេដ្ឋកិច្ច កាលពីរសៀលថ្ងៃទី១៦ ខែមីនា ឆ្នាំ២០២១កន្លងទៅ មាន ប្រសាសន៍ថា ការរីករាលដាលសហគមន៍នេះ គឺមានទ្រង់ទ្រាយធំ ហើយ ទាក់ទងនឹង ការបិទបញ្ចប់នៅក្នុងការឆ្លងសហគមន៍នេះ ហាក់ដូចជាមិនទាន់មានភាពកំណត់ច្បាស់នៅឡើយ ហើយអ្វីដែល ធ្វើឱ្យប៉ះពាល់ទៅដល់វិស័យសេដ្ឋកិច្ចជាងគេ គឺក្តីព្រួយបារម្ភរបស់ប្រជាពលរដ្ឋដែលមិនបានចេញ ក្រៅហើយពេល នោះឯង ជាចំណុចធ្វើឱ្យការចាយរបស់របស់ប្រជាពលរដ្ឋទៅក្នុងសេដ្ឋកិច្ចថមថយ និងឈានទៅ ដល់ការធ្លាក់ចុះនៃ កម្លាំងផលិតក្នុងវិស័យសេដ្ឋកិច្ច។ក្រៅពីរបរដែលប៉ះពាល់ខាងលើនេះ លោក សេរីវឌ្ឍន៍ បានបញ្ជាក់ទៀតថា ក្នុងរយះពេល១ខែនេះ វិស័យ កសិកម្មនៅកម្ពុជា ក៏មានការស្រុតចុះដែរ សម្រាប់អ្នកធ្វើស្រែ ចម្ការ និងការនាំផលិតផលចេញដូចជា ស្វាយ ដំឡូងជាដើមទៅប្រទេសថៃហើយ ត្រូវបានគេបន្ទាបថ្លៃ។ជាមួយគ្នានេះ លោកបានលើកឡើងនូវដំណោះស្រាយដើម្បីចូលរួមការពារពីជំងឺកូវីដនេះថា ត្រូវចូលរួម ការពារឱ្យបាន ល្អប្រសើរតាមការណែនាំរបស់ក្រសួងសុខាភិបាល។ ចំពោះការលក់ដូររបស់ប្រជាពលរដ្ឋ ត្រូវឱ្យ មានធម្មតាកុំឱ្យបិទតែត្រូវរក្សាអនាម័យ និងស្តង់ដារគម្លាតទៅតាមការណែនាំរបស់ក្រសួងសុខាភិបាល។ដោយឡែក រាជរដ្ឋាភិបាល គួរតែមានការឧបត្ថម្ភមួយចំនួនទៅលើក្រុមអ្នកផ្គត់ផ្គង់សេវា ព្រោះអ្នកទាំង នោះក៏រងផលប៉ះពាល់ តាមរយៈការរៀបចំឥណទានឡើងវិញ ដូចជា ការបង់ប្រាក់ធនាគារ ព្រោះពួកគាត់រក ចំណូលផ្គត់ផ្គង់ក្នុងគ្រួសារមិនបានគ្រប់គ្រាន់ផង ទម្រាំទៅដល់ការបង់ធនាគារទៀត។ លោក ជឿថា រដ្ឋគួរតែ ពិចារណាលើបញ្ហានេះ ដើម្បីដោះស្រាយនូវវិបត្តិនេះ។ យ៉ាងណាមិញ អ្នកវិភាគសេដ្ឋកិច្ចបានអំពាវនាវទៅដល់ប្រជាពលរដ្ឋ និងជនរួមជាតិទាំងអស់ មេត្តាចូលរួម ទប់ស្កាត់ការរីករាលដាលនៃជំងឺឆ្លងកូវីដ១៩ និងកាត់បន្ថយការជួបជុំគ្នា ព្រោះថា នៅតាមតំបន់មួយចំនួនធំ នៅតែ មានការជួបជុំគ្នា ហើយមិនមានការភ័យខ្លាច ការមិនពាក់ម៉ាស មិនគោរពតាមច្បាប់ថ្មីរបស់ រដ្ឋាភិបាល ក្នុងវិបត្តិ កូវីដ ដែលធ្វើឱ្យមានការឆ្លងពីមួយទៅមួយ។ គិតចាប់ពីព្រឹត្តិការណ៍សហគមន៍ ២០កុម្ភៈ រហូតត្រឹមថ្ងៃទី១៦ ខែមីនា ឆ្នាំ២០២១នេះ បានរកឃើញអ្នក ឆ្លងថ្មីនៃវីរុសកូវីដ-១៩ ចំនួនសរុបជាង ១ពាន់នាក់៕អត្ថបទ ៖ ឈិត បូរ៉ាវី

ចំនួនរៀបចំឥណទានឡើងវិញនៅតាមគ្រឹះស្ថានមីក្រូហិរញ្ញវត្ថុ នឹងកើនឡើង

ភ្នំពេញ ៖ តំណាងសមាគមមីក្រូហិរញ្ញវត្ថុកម្ពុជា (CMA) រំពឹងថា នៅក្នុងពេលឆាប់ៗនេះ ការរៀបចំឥណទានជូនអតិថិជន នឹងមានចំនួនការកើនឡើងជាបន្តទៀត ខណៈដែលប្រជាពលរដ្ឋនូវរងការប៉ះពាល់ ដោយសាររីករាលដាលនៃជំងឺកូវីដ-១៩ នេះ។លោក កាំង តុងងី ប្រធាននាយកដ្ឋានទំនាក់ទំនង សមាគមមីក្រូហិរញ្ញវត្ថុកម្ពុជា (CMA) បានថ្លែងលើកឡើងក្នុងកិច្ចសម្ភាសន៍ ជាមួយភ្នាក់ងារអ្នកយកព័ត៌មាន BTV ស្តីពីស្ថានភាពអតិថិជនដែលរងការប៉ះពាល់ និងកិច្ចដំណើរការរបស់សមាជិកមីក្រូហិរញ្ញវត្ថុ នៅថ្ងៃទី ១៦ ខែ មីនា ឆ្នាំ ២០២១ នេះថា ផ្អែកតាមទិន្នន័យរបស់សមាគម ក្នុងមួយសប្តាហ៍ ការរៀបចំឥណទានឡើងវិញមានចំនួនថេរ ក្នុងរង្វង់ ១ពាន់អតិថិជន ក្នុងនោះ ចំពោះការផ្ទុះរលកនៃជំងឺកូវីដ-១៩, ព្រឹត្តិការណ៍២០ កុម្ភៈ ចុងក្រោយនេះ សមាគមមិនទាន់ទទួលបានព័ត៌មានផ្លូវការនៅឡើយ ។លោក បញ្ជាក់ថា បើផ្អែកតាមស្ថានភាពសេដ្ឋកិច្ចប្រចាំថ្ងៃ យើងសង្កេតឃើញថា អតិថិជនមួយចំនួន បានរងនូវការប៉ះពាល់ ដោយសារព្រឹត្តិការណ៍២០កុម្ភៈ នេះហើយ ក្នុងនោះ សមាគមមីក្រូហិរញ្ញវត្ថុកម្ពុជា រំពឹងថា ក្នុងពេលឆាប់ៗនេះ នឹងមានការកើនឡើងនៃការៀបចំឥណទានឡើងវិញជូនអតិថិជន ។ចំណែក លោក ផល វ៉ាន់ឌី នាយកប្រតិបត្តិសមាគមមីក្រូហិរញ្ញវត្ថុកម្ពុជា (CMA) បានបញ្ជាក់បន្ថែមថា ស្ថិតនៅក្នុងស្ថានការណ៍នេះ សមាគមមីក្រូហិរញ្ញវត្ថុកម្ពុជា ក៏ដូចរាជរដ្ឋាភិបាល ក្នុងនោះសមាគមក៏មានការបារម្ភអំពីសុខុមាលភាព របស់អតិថិជន និងប្រាក់ចំណូលរបស់ពួកគាត់ផងដែរ ។ សមាគមនឹងបន្តចូលរួមជាមួយរាជរដ្ឋាភិបាល ធ្វើយ៉ាងណាទប់ស្កាត់កុំឲ្យមានការរីករាល ដើម្បីឲ្យវិបត្តិនេះត្រឡប់មកល្អប្រសើរឡើងវិញ តែចំណែកស្ថានភាពនៃការប៉ះពាល់ចុងក្រោយនេះ ប្រសិនបើមានតម្រូវការរៀបចំឥណទានឡើងវិញ សមាគមនិងជជែកពិភាក្សា អំពីការបន្តរៀបចំជូនអតិថិជន។សូមបញ្ជាក់ថា ជុំវិញការរៀបចំឥណទាន របស់គ្រឹះស្ថានមីក្រូហិរញ្ញវត្ថុ និងរួមបញ្ចូលធនាគារចំនួន៤ផ្សេងទៀត ក្នុងនោះ សម្រាប់អតិថិជនរងផលប៉ះពាល់ដោយជំងឺកូវីដ-១៩, គិតត្រឹមខែ កុម្ភៈ ឆ្នាំ ២០២១ មានអតិថិជនប្រមាណជា ២៩ ម៉ឺននាក់ ទទួលបានការអនុម័តរៀបចំឥណទានឡើងវិញ ដែលមានទំហំឥណទានសរុប ១ ៤០០ លានដុល្លារអាមេរិក ៕ អត្ថបទ៖ សុន រ៉ាឌី

គណៈកម្មការមូលបត្រ ចេញគោលការណ៍ថ្មី ដើម្បីជំរុញដល់ប្រសិទ្ធភាពក្នុងមូលបត្រកម្ពុជា

ភ្នំពេញ ៖ គណៈកម្មការមូលបត្រកម្ពុជា ចេញគោលការណ៍ណែនាំ ពីលក្ខខណ្ឌតម្រូវ លើភាពរឹងមាំហិរញ្ញវត្ថុ នៃក្រុមហ៊ុនសមភាគី កណ្តាល និងឈ្មួញជើងសាឧបករណ៍និស្សន្ទ ដើម្បីជម្រុញប្រកបដោយសណ្តាប់ធ្នាប់ និងប្រសិទ្ធភាពនៅក្នុងទីផ្សារមូលបត្រ ។ទម្រង់របាយការណ៍របស់ក្រុមហ៊ុនសមភាគី កណ្តាល និងឈ្មួញ ជើងសារឧបករណ៍និស្សន្ទ រួមមាន សម្រាប់ទម្រង់របាយការណ៍ ប្រចាំថ្ងៃ, ក្រុមហ៊ុនសមភាគីកណ្តាល និង ឈ្មួញជើងសា ឧបករណ៍និស្សន្ទ ត្រូវរៀបចំជូនគណៈកម្មការមូលបត្រកម្ពុជា នូវរបាយការណ៍មូលធនសុទ្ធប្រចាំថ្ងៃ ក្នុងទម្រង់ ដូចកំណត់ក្នុង ឧបសម្ព័ន្ធ ១ នៃគោលការណ៍ណែនាំ។ ចំណែកទម្រង់របាយការណ៍ប្រចាំសប្តាហ៍, ឈ្មួញជើងសាឧបករណ៍ និស្សន្ទត្រូវរៀបចំជូន គណៈកម្មការមូលបត្រកម្ពុជា ជាប្រចាំសប្តាហ៍នៃខែនីមួយៗ នូវរបាយការណ៍ ស្តីពីការជួញ ដូរឧបករណ៍ និស្សន្ទ ។ដោយឡែកទ្រង់របាយការណ៍ប្រចាំខែ, ក្រុមហ៊ុនសមភាគីកណ្តាលត្រូវរៀបចំជូន គណៈកម្មការមូលបត្រ កម្ពុជានូវរបាយការណ៍ ប្រចាំខែក្នុងទម្រង់មាន ៖ របាយការណ៍សន្ទនីយភាព មានរបាយការណ៍ស្តីពីការជួញដូរ ឧបករណ៍និស្សន្ទ និង ឈ្មួញជើងសាឧបករណ៍ និស្សន្ទ ត្រូវរៀបចំនូវរបាយការណ៍ប្រចាំខែក្នុងទម្រង់ដូចជា ៖ របាយការណ៍សន្ទនីយភាព, របាយ ការណ៍ស្តីពីការជួញដូរឧបករណ៍និស្សន្ទ, របាយការណ៍សរុប ស្តីពីការដាក់ ឬដកសាច់ប្រាក់របស់អតិថិជន, របាយការណ៍ ធនាគារ នៃគណនីសាច់ប្រាក់អតិថិជនឧបករណ៍និស្សន្ទ ។ចំពោះទម្រង់របាយការណ៍ប្រចាំឆមាស, ក្រុមហ៊ុនសមភាគីកណ្តាល និងឈ្មួញជើងសាឧបករណ៍និស្សន្ទ ត្រូវរៀប ចំជូន គណៈកម្មការមូលបត្រកម្ពុជា នូវរបាយការណ៍ប្រចាំឆមាសក្នុងទម្រង់រួមមាន ៖ របាយការណ៍ស្តីពី ការត្រួតពិនិត្យផ្ទៃក្នុង, របាយការណ៍ អំពីនិយោជិត, បុគ្គលទទួលបានការទទួលស្គាល់គុណវឌ្ឍ និងភ្នាក់ងារនៃ ក្រុមហ៊ុនសមភាគីកណ្តាល, របាយ ការណ៍អំពីនិយោជិត, របាយការណ៍ស្តីពីការវាយតម្លៃរបស់បុគ្គលិកជំនាញ ផ្នែកច្បាប់ លើអនុលោមភាពតាមច្បាប់, របាយ ការណ៍ស្តីពីការដោះស្រាយវិវាទ និងពាក្យបណ្តឹងជាដើម ។ ចំណែកទម្រង់របាយការណ៍ ប្រចាំឆ្នាំ, ក្រុមហ៊ុនសមភាគីកណ្តាល និងឈ្មួញជើងសាឧបករណ៍និស្សន្ទ ត្រូវរៀបចំជូនគណៈកម្មការ មូលបត្រកម្ពុជា នូវរបាយការណ៍ប្រចាំឆ្នាំស្តីពីសមិទ្ធផល និងបញ្ហាប្រឈម ដែលអនុវត្តតាមផែនការអាជីវកម្ម ដែលបានតម្កល់នៅ គណៈកម្មការមូលបត្រកម្ពុជា ។ ដូច្នេះគោល ការណ៍ណែនាំ ពីលក្ខខណ្ឌតម្រូវលើភាពរឹងមាំហិរញ្ញវត្ថុ នៃក្រុមហ៊ុនសមភាគីកណ្តាល និងឈ្មួញជើងសាឧបករណ៍និស្សន្ទ ជំរុញប្រកបដោយសណ្តាប់ធ្នាប់ និងប្រសិទ្ធភាព នៅក្នុងវិស័យមូលបត្រនេះ ៕អត្ថបទ៖ សុន រ៉ាឌី

វិស័យឯកជនរំពឹងទុកក្រោយវ៉ាក់សាំង នឹងមានការវិនិយោគកាន់តែច្រើនមកកម្ពុជា

ភ្នំពេញ ៖ ស្របពេលដែលកម្ពុជាទទួលបានវ៉ាក់សាំងការពារវីរុសកូវីដ១៩ លោកអនុប្រធានសភាពាណិជ្ជកម្មកម្ពុជា បានឱ្យដឹងថា វិស័យឯកជនមានជំនឿចិត្ត និងទឹកចិត្ត ជាពិសេសអ្នកវិនិយោគពីក្រៅនឹងលែងព្រួយបារម្ភពីការឆ្លងរាតត្បាតនៃជំងឺដ៏កាចសាហាវនេះ ដែលធ្វើឱ្យពួកគេនឹងចូលមកកម្ពុជាងាយស្រួល។កាលពីរសៀលថ្ងៃទី១០មីនា កន្លងទៅនេះ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានលើកឡើងថា នេះ ជារឿងមួយល្អដែលយើងមានវ៉ាក់សាំង ព្រោះជាក្តីសង្ឃឹមទាំងអស់គ្នា មិនថាតែវិស័យឯកជនទេ គឺប្រជាជនក្នុងពិភពលោកទាំងមូលតែម្តង។ លោក បន្តថា ដូច្នេះអ្វីដែលគួរត្រៀមបម្រុង និងត្រូវរៀបចំ គឺធនធានមនុស្ស ព្រោះថា នៅថ្ងៃខាងមុខនឹងមានវិនិយោគិនកាន់តែច្រើនមកវិនិយោគនៅកម្ពុជា ជាពិសេសខណៈដែលកិច្ចព្រមព្រៀងពាណិជ្ជកម្មសេរីកម្ពុជា-ចិន(FTA)គ្រោងនឹងចូលជាធរមានក្នុងឆ្នាំនេះ បន្ទាប់ពីភាគីទាំងពីរបញ្ចប់នីតិវិធីផ្ទៃក្នុងរួច។ឯកឧត្តម ប៉ែន សុវិជាតិ អនុរដ្ឋលេខាធិការ នៃក្រសួងពាណិជ្ជកម្ម បានមានប្រសាសន៍ថា កិច្ចព្រមព្រៀងពាណិជ្ជកម្មសេរីកម្ពុជា-ចិន បច្ចុប្បន្នឯកសារទាំងអស់ត្រូវបានដាក់បញ្ជូនទៅគណៈរដ្ឋមន្ត្រីរួចហើយ ត្រៀមនឹងប្រជុំពេញអង្គក្នុងពេលឆាប់ៗនេះ បន្ទាប់ពីកូវីដស្ងប់។ ឯកឧត្តម បានបញ្ជាក់ថា ការចាក់វ៉ាក់សាំងនៅកម្ពុជា បានបង្ហាញពីសញ្ញាណនៃការងើបឡើងវិញនៃសកម្មភាពសេដ្ឋកិច្ច ទោះជានៅក្រោមរូបភាពប្រក្រតីភាពនៃទម្រង់ថ្មីក៏ដោយ។ ការចាក់វ៉ាក់សាំងសំរាប់មហាជនទូទៅដែល រដ្ឋាភិបាលទើបនឹងប្រកាសអនុវត្តថ្មីៗនេះនឹងធ្វើឱ្យមជ្ឈដ្ឋានធុរៈជនវិនិយោគិនប្រជាជនទូទៅមានទំនុកចិត្តនិងជំនឿចិត្តកាន់តែខ្លាំងឡើងដល់ការវិលទៅរកប្រក្រតីភាពឡើងវិញក្នុងវិស័យសេដ្ឋកិច្ច ពិសេសសកម្មភាពពាណិជ្ជកម្ម ទាំងពាណិជ្ជកម្មក្នុងស្រុកនិងអន្តរជាតិ។ ទំនុកចិត្តនេះ នឹងបង្កឱ្យមានការកម្រើកឡើងវិញកាន់តែប្រសើរឡើងនូវសកម្មភាពទីផ្សារ ដែលជំរុញដោយកំណើននូវតំរូវការ និងការបញ្ជាទិញកាន់តែសកម្មជាងមុន៕អត្ថបទ៖ ឈិត បូរ៉ាវី

ពលរដ្ឋខេត្តស្វាយរៀង ស្នើឱ្យមន្ត្រីជំនាញចុះពិនិត្យចំណីអាហារឱ្យបានញឹកញាប់

ស្វាយរៀង ៖ សុខភាព និងម្ហូបអាហារ មនុស្សគ្រប់រូបប្រាថ្នាចង់បានទាំងអស់គ្នា ដើម្បីទ្រទ្រង់រាងកាយ គប្បីមន្ត្រី ជំនាញបន្ថែមការចុះត្រួតពិនិត្យរកសារធាតុគីមី នៅលើម្ហូបអាហារឱ្យបានញឹកញាប់ ដែលអាចធ្វើបាន ដើម្បី សុខភាពទាំងអស់គ្នា។ក្រុមអ្នកលក់ដូរនៅផ្សារជីភូ សង្កាត់ព្រៃអង្គុញ ក្រុងបាវិត ខេត្តស្វាយរៀង បានសម្ដែងអំណរគុណ ចំពោះសាខាកាំកុងត្រូលខេត្ត ដែលបានចុះពិនិត្យគ្រឿងឧបភោគ បរិភោគ ចំណីអាហារ និងបានសំណូមពរ បន្ថែមដល់សាខា បើមានឱកាស គួរចុះពិនិត្យបន្ថែមទៀត ដើម្បីស្វែងរកសារធាតុគីមីនៅលើចំណីអាហារ សំដៅបញ្ចៀសការមានបញ្ហាសុខភាពចំពោះអ្នកទទួលទាន។ពួកគេ បានឱ្យដឹងថា បច្ចុប្បន្ន ការដាក់តាំងលក់បន្លែ ផ្លែឈើ គ្រឿងឧបភោគ បរិភោគ នៅតាមផ្សារ នៅខ្វះអនាម័យ ដោយអ្នកលក់ មិនបានរៀបចំឱ្យបានសមរម្យ ឯគ្រឿងកំប៉ុង ត្រូវបានដាក់តាំងលក់ដោយ គ្មានសណ្តាប់ធ្នាប់។ក្រុមអាជីវករ បានសំណូមពរដល់មន្ត្រីជំនាញ បន្តអប់រំអាជីវករ ឱ្យរៀបតាំងលក់ផលិតផលឱ្យមាន សណ្តាប់ធ្នាប់បើអាចធ្វើបាន ពីព្រោះទីតាំងលក់សម ល្មម អាចរៀបចំបាន ពិសេស ឧស្សាហ៍លាងសម្អាត បរិវេណក្នុងផ្សារផង ដោយកន្លងមកទីលានបរិវេណផ្សារធុំក្លិនឆ្អេះឆ្អាបខ្លាំងណាស់។នៅពេលចុះពិនិត្យទំនិញ គ្រឿងឧបភោគ បរិភោគ ចំណីអាហារ ក្នុងផ្សារជីភូ ក្រុងបាវិត កាលពីម្សិល មិញ មន្ត្រីរសាខាកាំកុងត្រូល បាននាំគ្រឿងឧបភោគ បរិភោគ គ្រឿងកំប៉ុង ចំនួន១៧សំណាក ទៅវិភាគ ពិសោធន៍ តាមបទដ្ឋានបច្ចេកទេស រកសារធាតុគីមី ដោយទទួលបានលទ្ធផលវិជ្ជមានល្អ និងប្រកាសឱ្យពល រដ្ឋប្រើប្រាស់តាមតម្រូវការ៕

ឯកឧត្តម ប៊ុន ហុន នាំអំណោយសម្តេចក្រឡាហោម ស ខេង ផ្តល់ជូនពលរដ្ឋរងគ្រោះដោយជំនន់ នៅស្រុកគាស់ក្រឡ

បាត់ដំបង ៖ ឯកឧត្តម ប៊ុន ហុន ប្រធានក្រុមការងារថ្នាក់កណ្តាល ចុះជួយស្រុកគាស់ក្រឡ ព្រមទាំងក្រុមការងារចុះជួយឃុំឆ្នាល់មាន់ បាននាំយកអំណោយសម្តេចក្រឡាហោម ស ខេង និងលោកជំទាវ ផ្តល់ជូនដល់ប្រជាពលរដ្ឋរងគ្រោះដោយជំនន់ទឹកភ្លៀង នៅភូមិសំរោង និងភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង នៅថ្ងៃទី៣១ ខែតុលា ម្សិញមិញនេះ ។អំណោយទាំងនោះ បានផ្តល់ជូនប្រជាពលរដ្ឋរងគ្រោះចំនួន៣៩១គ្រួសារ ដោយក្នុងមួយគ្រួសារទទួលបាន មី ទឹកបរិសុទ្ធ ថ្នាំពេទ្យ និងគ្រឿងឧបភោគ បរិភោគមួយចំនួនទៀត។ ក្នុងនាមសម្ដេចក្រឡាហោម និងលោកជំទាវ ឯកឧត្តម ប៊ុន ហុន ក៏បានប្រគល់ថវិកាជូនគ្រួសារសពជនរងគ្រោះដោយករណីលង់ទឹក ចំនួន ៤០០០០០រៀល ព្រមទាំងគ្រឿងឧបភោគ បរិភោគ មួយចំនួនទៀត។ឯកឧត្តម ប៊ុន ហុន បានផ្តាំផ្ញើសួរសុខទុក្ខពីសំណាក់ប្រមុខរាជរដ្ឋាភិបាល ក៏ដូចជាសម្តេចក្រឡាហោម ស ខេង និងលោកជំទាវ ដែលជានិច្ចជាកាល សម្ដេច និងលោកជំទាវ តែងតែយកចិត្តទុកដាក់ចំពោះជីវភាពរស់នៅ និងសុខទុក្ខរបស់ប្រជាពលរដ្ឋគ្រប់ពេលវេលា គ្រប់កាលៈទេសៈ។ឯកឧត្តម ប៊ុន ហុន ក៏បានអំពាវនាវប្រជាពលរដ្ឋក៏ដូចជាអាជ្ញាធរគ្រប់លំដាប់ថ្នាក់ចូលរួមថែរក្សាការពារសេចក្តីសុខ សន្តិភាព ដែលជាមូលដ្ឋានគ្រឹះនៃការអភិវឌ្ឍប្រទេសជាតិ ក្រោមកិច្ចដឹកនាំប្រកបដោយគតិបណ្ឌិត របស់រាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្រ្តី ជាប្រមុខដឹកនាំ និងបានផ្តាំផ្ញើឱ្យបង្កើនការប្រុងប្រយ័ត្នខ្ពស់ចំពោះករណីគ្រោះធម្មជាតិដូចជា គ្រោះទឹកជំនន់ ជាពិសេសបន្តប្រុងប្រយ័ត្ន នាអំឡុងពេលទឹកស្រុកចុះនេះ និងប្រុងប្រយ័ត្នចំពោះករណីជំងឺកូវីដ–១៩ ៕

នគរបាលប្រឆាំងបទល្មើសសេដ្ឋកិច្ចដុតកម្ទេចចោលនូវសាច់គ្រួចខុសច្បាប់ជាង២តោនដែលនាំចូលពីប្រទេសវៀតណាម

ភ្នំពេញ៖ នគរបាលប្រឆាំងបទល្មើសសេដ្ឋកិច្ច នៃអគ្គស្នងការនគរបាលជាតិ សហការជាមួយមន្ត្រីកាំកុង ត្រូលបានធ្វើការគ្នាដុតកម្ទេចចោលនៅសាច់គ្រួចខុសច្បាប់ដែលនាំមកពីប្រទេសវៀតណាមលក់នៅកម្ពុជាប្រមាណជាងពីរតោន ក្រោយពីរឹបអូសបានពីឈ្មួញទុច្ចរិតប៉ុន្មានម៉ោងក្រោយមក។យោងតាមរបាយការណ៍របស់នាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានឲ្យដឹងថា តាមអនុសាសន៍របស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងក្រោមការបញ្ជាផ្ទាល់របស់ ឯកឧត្តមឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច និងផ្អែកតាមការស្រាវជ្រាវស៊ើបអង្កេតរបស់មន្ត្រីជំនាញ នៅវេលាម៉ោង៥និង២០នាទីទៀបភ្លឺ ថ្ងៃទី៦ ខែវិច្ឆិកា ឆ្នាំ២០១៨នេះ កម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច សហការជាមួយអគ្គនាយកដ្ឋានកាំកុងត្រូល ក្រោមការ សម្របសម្រួលនីតិវិធីពីលោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបង្រា្កប ករណីនាំចូលសាច់សត្វគ្រួចគ្មានច្បាប់អនុញ្ញាតពីប្រទេសវៀតណាម ដឹកតាមរថយន្តកូរ៉េ ១គ្រឿងម៉ាកHYUNDIA ស្លាកលេខ 3E 5868 នៅចំណុចផ្លូវ ជា សុផារ៉ា សង្កាត់ទួលសង្កែ ខណ្ឋឬស្សីកែវ រាជធានីភ្នំពេញ។ក្រោយពីការត្រួតពិនិត្យសមត្ថកិច្ចចម្រុះ បានឆែកឆេរជាក់ស្តែងរកឃើញសាច់សត្វគ្រួចគ្មានច្បាប់អនុញ្ញាតិ ប្រមាណជាង២តោនកន្លះ។ចំពោះវត្ថុតាងទាំងអស់ខាងលើ លោកព្រះរាជអាជ្ញារង ខាំ សុផារី បានសម្រេចឲ្យដកហូតរក្សាទុកជាបណ្ដោះអាសន្ន និងយកសាច់សត្វក្រូច គ្មានច្បាប់អនុញ្ញាតិទៅដុតបំផ្លាញចោលនៅទីលានចាក់សំរាមបឹងជើងឯក និងបាននាំខ្លួនអ្នកបើកបររថយន្តចំនួន 01នាក់មកនាយកដ្ឋាន ដើម្បីបន្តនីតិវិធី៕

កសិករក្នុងខេត្តកំពង់ចាម កំពុងមមាញឹកដាំដំណាំបន្លែ បន្ទាប់ពីទឹកស្រក

កំពង់ចាម ៖ ប្រជាកសិករ រស់នៅតាមដងទន្លេ នៃស្រុកកោះសូទិន ខេត្តកំពង់ចាម កំពុងមមាញឹក បង្កបង្កើនផល ដំណាំផ្សេងៗតាមទម្លាប់ ខណៈដែលទឹកទន្លេ ចាប់ផ្តើមស្រកទៅវិញ ដែលការដាំដុះដំណាំ ទាំងនោះ គឺធ្វើ តាមបែបធម្មជាតិ មិនប្រើប្រាស់សារធាតុគីមីនោះទេ។ប្រជាកសិករ រស់នៅតាមដងទន្លេតូច ក្នុងឃុំមហាលាភ ស្រុកកោះសូទិន ខេត្តកំពង់ចាម បន្ទាប់ពី ទឹកស្រក បាននឹងកំពុងមមាញឹកក្នុងការដាំដំណាំ ដូចជា ត្រសក់ ត្រឡាច ននោង ល្ពៅ ម្រះ ស្ពៃក្ងោក សណ្តែកកួរ មមាញ និងត្រប់វែង ជាដើម ដែលជាទម្លាប់ និងអាចលក់យកកម្រៃផ្គត់ផ្គង់ជីវភាពគ្រួសារ។ប្រជាកសិករ បានឱ្យដឹងថា ទឹកទន្លេជារៀងរាល់ឆ្នាំ បានលិចដីចម្ការរបស់កសិករតំបន់នោះ ដែល នោះ គឺជាអំណោយផលល្អបំផុត ដោយសារទឹកបាននាំដីល្បាប់មកដាក់លើដីចម្ការ ផ្ដល់នូវជីជាតិសម្រាប់ ការដាំដំណាំឱ្យទទួលបានទិន្នផលខ្ពស់។ប្រជាកសិករ បានឱ្យដឹងថា ដំណាំដែលពួកគេដាំ គឺងាយស្រួលក្នុងការលក់ ដោយសារមានអ្នកមក បញ្ជាទិញដល់ចម្ការតែម្ដង ព្រោះថា ដំណាំមិនប្រើសារធាតុគីមី ដែលធ្វើឱ្យប៉ះពាល់ដល់សុខភាពអ្នកទទួល ទាននោះទេ។មន្ត្រីជំនាញ នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ចាម បានឱ្យដឹងថា ដើម្បីទទួល បានទិន្នផលខ្ពស់ កសិករ គប្បីជ្រើសរើសពូជល្អ ធ្វើដីឱ្យបានត្រឹមត្រូវ ដោយត្រូវភ្ជួរដីពីរបីដង ហាលចោល កន្លះខែសិន ទើបរាស់ឱ្យស្អាត ហើយកាប់រណ្តៅដាំដោយដាក់ជីលាមកគោទ្រាប់បាត និងត្រូវថែទាំ ស្រោច ទឹក ជ្រុំគល់ ដកស្មៅ និងក្ដិចស្លឹកចាស់ៗចោលជាប្រចាំ នោះតែក្នុងរយៈពេលពី១ខែកន្លះ ទៅ២ខែ គឺអាច ប្រមូលផលបានហើយ៕

មន្ត្រីជាន់ខ្ពស់បក្សប្រជាជនកម្ពុជាស្នើសមាជិកបក្សបន្តពង្រឹងចលនាយុវជន នៅមូលដ្ឋានឲ្យកាន់តែរឹងមាំ

ភ្នំពេញ ៖ ឯកឧត្តម ប៉ាន សូរស័ក្តិ អនុប្រធានក្រុមការងារ គណៈកម្មាធិការកណ្តាលគណបក្សប្រជាជនកម្ពុជា ចុះជួយខេត្តកំពង់ចាម បានអំពាវនាវដល់សមាជិក សមាជិកា បន្តយកចិត្តទុកដាក់ពង្រឹងចលនា យុវជន នៅក្នុងរចនាសម្ព័ន្ធរបស់គណបក្សគ្រប់ថ្នាក់ ពិសេសនៅតាមមូលដ្ឋានឃុំ/ភូមិ ដោយចាត់ទុកកម្លាំងយុវជនជាសំឡេងដ៏មានសក្តានុពល ក្នុងការគាំទ្រគណបក្ស ប្រកបដោយចីរភាពរយៈពេលវែង។នៅក្នុងពិធីប្រកាសទទួលភារកិច្ចផ្លូវការរបស់លោក ផេន សុផល ជាប្រធានក្រុមការងារថ្នាក់កណ្តាលចុះជួយស្រុកបាធាយ បន្ថែមលើស្រុកព្រៃឈរ ដែលរៀបចំឡើងកាលពីថ្ងៃទី៧ មេសា ឆ្នាំ២០១៩កន្លងទៅ ឯកឧត្តម ប៉ាន សូរស័ក្តិ បានសំណូមពរដល់សមាជិកទាំងអស់ ធ្វើការប្រកាន់ខ្ជាប់គោលជំហរមុតមាំ ក្នុងការអនុវត្តកម្មវិធីនយោបាយរបស់គណបក្ស និងកម្មវិធីនយោបាយរបស់រដ្ឋាភិបាលឲ្យកាន់តែល្អ និងមានប្រសិទ្ធភាពខ្ពស់ សំដៅបង្កើនប្រជាប្រិយភាពរបស់គណបក្ស ដើម្បីរក្សានិងបង្កើនប្រៀបឈ្នះ ក្នុងការបោះឆ្នោតជ្រើសរើសក្រុមប្រឹក្សា និងការបោះឆ្នោតជ្រើសតាំងតំណាងរាស្ត្រ នៅបណ្តាឆ្នាំខាងមុខ។មានប្រសាសន៍ក្នុងពិធី នាឱកាសនោះ ឯកឧត្តមឧបនាយករដ្ឋមន្ត្រី យឹម ឆៃលី សមាជិកអចិន្ត្រៃយ៍គណៈកម្មាធិការ កណ្តាលគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះជួយខេត្តកំពង់ចាម បានផ្តាំផ្ញើដល់ក្រុមការងារថ្នាក់កណ្តាល និងសមាជិកាទាំងអស់ គោរពតាមលក្ខន្តិកៈ រចនាសម្ព័ន្ធ និងសេចក្តីសម្រេចរបស់មហាសន្និបាតគណបក្សប្រជាជនកម្ពុជា ដូចជា ខិតខំពង្រឹង និងពង្រីកសមាជិកបក្សទាំងបរិមាណ និងគុណភាព ក្តាប់ឱ្យបាននូវឧបាយកល និងចលនាបំផ្លិចបំផ្លាញរបស់ក្រុមអមិត្ត ពិសេសការធ្វើបដិវត្តពណ៌។យោងតាមរបាយការណ៍គណៈពង្រឹងមូលដ្ឋាន បានបង្ហាញថា ស្រុកបាធាយមានផ្ទៃដីសរុបជិតមានប្រជាជនរស់នៅសរុបជាង ២ម៉ឺន ៧ពាន់គ្រួសារ ស្មើនឹងជាង១២ម៉ឺននាក់ ព្រមទាំងមានសមាជិកបក្សជិត៥ម៉ឺននាក់៕

រមណីយដ្ឋានវិស្សមកាលតារាសាគរនឹងក្លាយជាផ្នែកមួយនៃពិធីបុណ្យសមុទ្រចុងឆ្នាំនេះ

កោះកុង ៖ ក្រសួងទេសចរណ៍គ្រោងរៀបចំរមណីយដ្ឋានតារាសាគរ ស្ថិតនៅក្នុងស្រុកបុទុមសាគរ ខេត្តកោះកុង ជាផ្នែកមួយសម្រាប់ធ្វើជាទីតាំងរៀបចំពិធីបុណ្យសមុទ្រលើកទី៧ ជុំទី២ នៅខេត្តកោះកុង ដែលនឹងប្រព្រឹត្តទៅចាប់ពីថ្ងៃទី ១៤–១៦ ខែធ្នូ ឆ្នាំ២០១៨ខាងមុខ។តាមការប្រកាសរបស់ក្រសួងទេសចរណ៍ បានឲ្យដឹងថា ពិធីបុណ្យសមុទ្រលើកនេះ នឹងធ្វើឡើងក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត។ រាជរដ្ឋាភិបាលចេញសេចក្ដីសម្រេចស្ដីពី ការបង្កើតគណៈកម្មការអន្តរក្រសួង ដើម្បីរៀបចំពិធីបុណ្យសមុទ្រ ឆ្នាំ២០១៨ ក្រោមប្រធានបទ «ឆ្នេរស្អាត ពលរដ្ឋរមណីយ» ដែលមានលោក ថោង ខុន ជាប្រធាន និងលោកស្រី មិថុនា ភូថង ជាអនុប្រធានអចិន្ត្រៃយ៍។ក្នុងកិច្ចប្រជុំលើកទី២ នៃការត្រៀមរៀបចំបុណ្យសមុទ្រនៅខេត្តកោះកុង នៅសាលាខេត្តកោះកុងកាលពីថ្ងៃទី៣០ ខែកញ្ញា កន្លងមកនេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងលោកស្រី មិថុនា ភូថង អភិបាលខេត្តកោះកុង បានបញ្ជាក់ថា ទីរួមខេត្តកោះកុង និងតារាសាគរ បាន និងកំពុងរៀបចំការងារជាច្រើន ក្នុងការត្រៀមខ្លួនទទួលប្រជាពលរដ្ឋ និងភ្ញៀវទេសចរជាតិ អន្តរជាតិ ក្នុងឱកាសពិធីបុណ្យសមុទ្រ នាចុងឆ្នាំ២០១៨ ខាងមុខនេះ។ឯកឧត្តមរដ្ឋមន្ត្រី បានណែនាំដល់រដ្ឋបាលខេត្ត និងមន្ទីរទេសចរណ៍ខេត្តកោះកុង ត្រូវខិតខំបំពេញការងារ ប្រកបដោយប្រសិទ្ធភាព និងពន្លឿនឲ្យទាន់ពេលបុណ្យសមុទ្រ ទាំងផ្នែកស្នាក់នៅ អនាម័យគុណភាពចំណីអាហារ ពិសេសត្រូវយកចិត្តទុកដាក់លើបញ្ហាបង្គន់អនាម័យ បញ្ហាសំរាម ដាច់ខាតមិនត្រូវឱ្យមានសំរាម ឬក្រដាសក្រោមតុនៅតាមភោជនីយដ្ឋាន អាហារដ្ឋាន ពិសេស ត្រូវរៀបចំខ្សែទស្សនកិច្ចនៅតាមរមណីយដ្ឋាន និងសហគមន៍ទេសចរណ៍ ដូចជាជីផាត អារ៉ែង តាតៃ ពាមក្រសោបជាដើម។លោក បន្តថា “បញ្ហាស្នាក់នៅ ម្ហូបអាហារនៅតាមភោជនីយដ្ឋាន អាហារដ្ឋាន បដិសណ្ឋារកិច្ច សុវត្ថិភាព សន្តិសុខ សណ្ដាប់ធ្នាប់ ការធ្វើដំណើររបស់ភ្ញៀវជាដើម សុទ្ធតែត្រូវបានយកចិត្តទុកដាក់ ដើម្បីធានា ជូនភ្ញៀវទេសចរ ឱ្យទទួលបាននូវភាពសប្បាយរីករាយលើសពីពិធីបុណ្យសមុទ្រមុនៗ”។លោក ថោង ខុន បានបញ្ជាក់យ៉ាងដូច្នេះ ថា «ពិធីបុណ្យសមុទ្រនៅខេត្តកោះកុងលើកនេះ មានភាពពិសេសលើសពីលើកមុន នោះគឺមានទាំងការរៀបចំកម្មវិធីកម្សាន្តសប្បាយនានា នៅទីរួមខេត្តកោះកុងផង និងមានព្រឹត្តិការណ៍ប្រកួតកីឡាវាយកូនគោលពានរង្វាន់ សម្ដេចតេជោនាយករដ្ឋមន្ត្រី ដើម្បីអបអរសាទរពិធីបុណ្យសមុទ្រផងដែរ»។លោកស្រី មិថុនា ភូថង ក៏បានឲ្យដឹងដែរថា មកពេលនេះ រដ្ឋបាលខេត្តកោះកុង និងមន្ទីរពាក់ព័ន្ធនានា បាននិងកំពុងញាប់ ដៃញាប់ជើងក្នុងការអនុវត្តការងារនានា ដើម្បីតៀមឲ្យទាន់ពេលវេលាពិធីបុណ្យសមុទ្រមកដល់។លោកស្រីអភិបាលខេត្ត ក៏បានធានាជូនពីបញ្ហាសន្តិសុខសណ្ដាប់ និងការសម្រួលដោះស្រាយបញ្ហានានា ជូនភ្ញៀវទេសចរដែលឆ្លងទៅទស្សនានៅប្រទេសថៃ ហើយភ្ញៀវពីថៃក៏អាចមកទស្សនាខេត្តកោះកុង ក្នុងឱកាសពិធីបុណ្យសមុទ្រខាងមុខផងដែរ៕

បណ្ដាញសង្គម

ព័ត៌មានថ្មីៗ

ប្រធានជំនួយ UN ធ្វើដំណើរទៅកាន់សូម៉ាលី ខណៈកង្វះខាតស្បៀងអាហារ និងមូលនិធិកាន់តែធ្ងន់ធ្ងរ

អង្គភាពអ្នកនាំពាក្យរាជរដ្ឋាភិបាលបន្តបេសកកម្មតម្រង់ទិសស្ដីពី «ប្រសិទ្ធភាពព័ត៌មាន និងការគ្រប់គ្រងសាធារណមតិ»

រូបិយប័ណ្ណរបស់អ៊ីរ៉ង់ធ្លាក់ដល់កម្រិតទាបបំផុត ខណៈបន្តមានបទឈប់បាញ់ផុយស្រួយជាមួយអាមេរិក

ហេតុការណ៍ដេញចាក់នៅតំបន់ជនជាតិជ្វីហ្វទីក្រុងឡុងដ្រ៍ បណ្តាលឲ្យមនុស្ស ២នាក់ រងរបួស

ចិននឹងហាមឃាត់ការលក់យានដ្រូន នៅទីក្រុងប៉េកាំង ដោយសារក្ដីបារម្ភផ្នែកសន្តិសុខ

ផ្កាថ្មប៉ប្រះទឹក Abrolhos របស់ប្រេស៊ីល ធ្លាក់ចុះ ១៥ភាគរយ ក្នុងរយៈពេលជាង ១៨ឆ្នាំ

រុស្ស៊ី៖ ការចាកចេញពី OPECរបស់អារ៉ាប់រួម នឹងបង្កើនផលិតកម្មសកល ធ្វើឲ្យតម្លៃប្រេងធ្លាក់ចុះនៅពេលអនាគត

សង្រ្គាមនៅអ៊ុយក្រែនបង្កើនការប្រើប្រាស់រថពាសដែកផលិតនៅប្រទេសស៊ុយអែត

រុស្ស៊ី៖ ការផ្គត់ផ្គង់យានដ្រូនអឺរ៉ុបដល់អ៊ុយក្រែន អាចមានផលវិបាកមិនអាចព្យាករបាន

សីតុណ្ហភាពកើនឡើងនៅប្រទេសឥណ្ឌា ជំរុញតម្រូវការកង្ហា និងម៉ាស៊ីនត្រជាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

អាជីវកម្មតូចៗនិងរបរក្នុងសេដ្ឋកិច្ចក្រៅប្រព័ន្ធរងផលប៉ះពាល់ខ្លាំងពីព្រឹត្តិការណ៍សហគមន៍២០កុម្ភៈ

ចំនួនរៀបចំឥណទានឡើងវិញនៅតាមគ្រឹះស្ថានមីក្រូហិរញ្ញវត្ថុ នឹងកើនឡើង

គណៈកម្មការមូលបត្រ ចេញគោលការណ៍ថ្មី ដើម្បីជំរុញដល់ប្រសិទ្ធភាពក្នុងមូលបត្រកម្ពុជា

វិស័យឯកជនរំពឹងទុកក្រោយវ៉ាក់សាំង នឹងមានការវិនិយោគកាន់តែច្រើនមកកម្ពុជា

ពលរដ្ឋខេត្តស្វាយរៀង ស្នើឱ្យមន្ត្រីជំនាញចុះពិនិត្យចំណីអាហារឱ្យបានញឹកញាប់

ឯកឧត្តម ប៊ុន ហុន នាំអំណោយសម្តេចក្រឡាហោម ស ខេង ផ្តល់ជូនពលរដ្ឋរងគ្រោះដោយជំនន់ នៅស្រុកគាស់ក្រឡ

នគរបាលប្រឆាំងបទល្មើសសេដ្ឋកិច្ចដុតកម្ទេចចោលនូវសាច់គ្រួចខុសច្បាប់ជាង២តោនដែលនាំចូលពីប្រទេសវៀតណាម

កសិករក្នុងខេត្តកំពង់ចាម កំពុងមមាញឹកដាំដំណាំបន្លែ បន្ទាប់ពីទឹកស្រក

មន្ត្រីជាន់ខ្ពស់បក្សប្រជាជនកម្ពុជាស្នើសមាជិកបក្សបន្តពង្រឹងចលនាយុវជន នៅមូលដ្ឋានឲ្យកាន់តែរឹងមាំ

រមណីយដ្ឋានវិស្សមកាលតារាសាគរនឹងក្លាយជាផ្នែកមួយនៃពិធីបុណ្យសមុទ្រចុងឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ចំនួន​រៀបចំ​ឥណទាន​ឡើងវិញ​នៅ​តាម​គ្រឹះស្ថាន​មីក្រូហិរញ្ញវត្ថុ​ នឹង​កើនឡើង

គណៈកម្មការ​មូល​ប​ត្រ ចេញ​គោលការណ៍​ថ្មី ​ដើម្បី​ជំរុញ​ដល់​ប្រសិទ្ធភាព​ក្នុង​មូល​ប​ត្រ​កម្ពុជា

វិស័យ​ឯកជន​រំពឹងទុក​ក្រោយ​វ៉ាក់សាំង ​នឹង​មាន​ការ​វិនិយោគ​កាន់​តែច្រើន​មក​កម្ពុជា

ពលរដ្ឋ​ខេត្តស្វាយរៀង ស្នើឱ្យ​មន្ត្រី​ជំនាញ​ចុះ​ពិនិត្យ​ចំណីអាហារ​ឱ្យ​បាន​ញឹកញាប់​

ឯកឧត្តម ប៊ុន ហុន នាំ​អំណោយ​សម្តេច​ក្រឡាហោម ​ស ខេង​ ផ្តល់​ជូន​ពលរដ្ឋរងគ្រោះដោយ​ជំនន់ នៅ​ស្រុក​គាស់ក្រឡ

កសិករ​ក្នុង​ខេត្តកំពង់ចាម ​កំពុង​មមាញឹក​ដាំ​ដំណាំ​បន្លែ ​បន្ទាប់ពី​ទឹក​ស្រក

រមណីយដ្ឋាន​វិស្សមកាល​តារា​សាគរ​នឹង​ក្លាយ​ជា​ផ្នែក​មួយ​នៃ​ពិធីបុណ្យ​សមុទ្រ​ចុងឆ្នាំ​នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចំនួនរៀបចំឥណទានឡើងវិញនៅតាមគ្រឹះស្ថានមីក្រូហិរញ្ញវត្ថុ នឹងកើនឡើង

គណៈកម្មការមូលបត្រ ចេញគោលការណ៍ថ្មី ដើម្បីជំរុញដល់ប្រសិទ្ធភាពក្នុងមូលបត្រកម្ពុជា

វិស័យឯកជនរំពឹងទុកក្រោយវ៉ាក់សាំង នឹងមានការវិនិយោគកាន់តែច្រើនមកកម្ពុជា

ពលរដ្ឋខេត្តស្វាយរៀង ស្នើឱ្យមន្ត្រីជំនាញចុះពិនិត្យចំណីអាហារឱ្យបានញឹកញាប់

ឯកឧត្តម ប៊ុន ហុន នាំអំណោយសម្តេចក្រឡាហោម ស ខេង ផ្តល់ជូនពលរដ្ឋរងគ្រោះដោយជំនន់ នៅស្រុកគាស់ក្រឡ

កសិករក្នុងខេត្តកំពង់ចាម កំពុងមមាញឹកដាំដំណាំបន្លែ បន្ទាប់ពីទឹកស្រក

រមណីយដ្ឋានវិស្សមកាលតារាសាគរនឹងក្លាយជាផ្នែកមួយនៃពិធីបុណ្យសមុទ្រចុងឆ្នាំនេះ