BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

ព្រហ្មទណ្ឌកំរិតស្រាលរាជធានីស្រាវជ្រាវចាប់ខ្លួនជនសង្ស័យ០២នាក់ករណីលួចម៉ូតូ

ភ្នំពេញ ៖ ការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋានននគរបាលរាជធានីភ្នំពេញ ស្រាវជ្រាវចាប់ខ្លួនជនសង្ស័យ ០២នាក់ករណីលួចម៉ូតូប្រជាពលរដ្ឋ ។ដោយមានការបញ្ជាពីឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ កាលពីថ្ងៃទី១៩ ខែតុលា ឆ្នាំ២០២៣ វេលាម៉ោង ១៣ និង ៣០ នាទី កម្លាំងការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋានននគរបាលរាជធានីភ្នំពេញ ស្រាវជ្រាវឃាត់ខ្លួនជនសង្ស័យ ០២ នាក់ នៅចំណុចផ្លូវលំ ភូមិ១៤ សង្កាត់បឹងកក់១ ខណ្ឌទួលគោក រាជធានីភ្នំពេញ ចាប់យកម៉ូតូចំនួន ០១គ្រឿង ជាមធ្យោបាយជិះធ្វើសកម្មភាព និងមួកសុវត្ថិភាព ពណ៌ ស ១ ។ជនសង្ស័យទាំង ០២នាក់ ១-ឈ្មោះ ហេង ជា ភេទ ប្រុស អាយុ ២៧ ឆ្នាំ ជនជាតិ ខ្មែរ មុខរបរ រើសអេតចាយ មានទីលំនៅផ្ទះគ្មានលេខ ផ្លូវរថភ្លើង សង្កាត់បឹងកក់១ ខណ្ឌទួលគោក រាជធានីភ្នំពេញ ។ ២-ឈ្មោះ ហួន ដា ភេទ ប្រុស អាយុ ៣៧ ឆ្នាំជនជាតិ ខ្មែរ មុខរបរ រើសអេតចាយមានទីលំនៅផ្ទះគ្មានលេខ ផ្លូវរថភ្លើង សង្កាត់បឹងកក់១ ខណ្ឌទួលគោក រាជធានីភ្នំពេញ ពាក់ព័ន្ធ អំពើលួចម៉ូតូ ១គ្រឿង ម៉ាក ហុងដា សេ១២៥ ពណ៌ខ្មៅ សេរីឆ្នាំ២០២៣ ពាក់ផ្លាកលេខ បាត់ដំបង ១AT-០៧៧២ នៅចំណុចការដ្ឋានសំណង់ ផ្លូវលេខ៣៣៩ ក្រុម១៥ ភូមិ៤ សង្កាត់បឹងកក់១ ខណ្ឌទួលគោក រាជធានីភ្នំពេញ កាលពីថ្ងៃទី១៣ ខែតុលា ឆ្នាំ២០២៣ វេលាម៉ោង ០២ និង ៣០ នាទី ។វត្ថុតាងម៉ូតូ ម៉ាក ហុងដា សេ១២៥ ពណ៌ ខ្មៅ ស៊េរីឆ្នាំ២០១២ ពាក់ផ្លាកលេខមណ្ឌលគីរី ១A-៣១៦២ ចំនួន ០១ គ្រឿង មួកសុវត្ថិភាព ពណ៌ ស ចំនួន ០១ ។ចំណែកជនរងគ្រោះឈ្មោះ វ៉ាន់ ប៊ីឡុង ភេទ ប្រុស អាយុ ២១ ឆ្នាំ ជនជាតិ ខ្មែរ មុខរបរ កម្មករសំណង់ ទីលំនៅបច្ចុប្បន្នស្នាក់នៅក្នុងការដ្ឋានសំណង់ ផ្លូវលេខ៣៣៩ ក្រុម១៥ ភូមិ៤ សង្កាត់បឹងកក់១ ខណ្ឌទួលគោក រាជធានីភ្នំពេញ ។សមត្ថកិច្ចការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋាននគរបាលរាជធានីភ្នំពេញប្រាប់ឲ្យដឹងថា កាលពីថ្ងៃកើតហេតុជនសង្ស័យជិះម៉ូតូមកដល់ចំណុចកើតហេតុក៏បានឃើញ ទ្វារការដ្ឋានសំណង់ចំហទ្វារមិនមានចាក់សោ និងខាងក្នុងមានម៉ូតូមួយគ្រឿង ម៉ាក ហុងដាសេ១២៥ ពណ៌ ខ្មៅ សេរីឆ្នាំ២០២៣ ពាក់ផ្លាកលេខបាត់ដំបង ១AT-០៧៧២ ចតទុកនៅខាងក្នុងនិងមានកូនសោម៉ូតូជាប់នឹងម៉ូតូស្រាប់ ឃើញស្ងាត់ពុំមានមនុស្ស ជនសង្ស័យឈ្មោះ ហួន ដា ក៏ឈប់ម៉ូតូរង់ចាំនៅខាងក្រៅនិងជាអ្នកមើលផ្លូវ ហើយឈ្មោះ ហេង ជា ក៏ចុះពីលើម៉ូតូរបស់បក្ខពួក ដើរចូលទៅក្នុងការដ្ឋានសំណង់ធ្វើសកម្មភាពលួចយកម៉ូតូបានសម្រេច នាំគ្នាគេចខ្លួនបាត់អស់ ។ ចំពោះជនសង្ស័យ និងវត្ថុតាងកម្លាំងការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕ ដោយ ៖ តារាវុទ្ធី

រណ្តៅរ៉ែមាសអាណាធិបតេយ្យនៅឃុំរមទម ស្រុករវៀង ដែលមានជម្រៅឆក់យកជីវិតមនុស្សម្នាក់ទៀតហើយ

ព្រះវិហារ៖ កន្លងមក និងបច្ចុប្បន្នសកម្មភាពជីកកកាយរុករក និងបូមយករ៉ែមាសកើតមានពេញបន្ទុកក្នុងស្រុករវៀង និងឈ្មួញជាច្រើននាក់ជីកកកាយរុករក ធ្វើអាជីវកម្មរ៉ែមាសរាប់រយរណ្ដៅ ដោយខ្លះប្រើប្រាស់សាធាតុគីមី ដោយខុសច្បាប់ ស្ថិតក្នុងតំបន់ភ្នំលុង ភូមិរំដេង ឃុំរមទម ស្រុករវៀង ។ជាក់ស្ដែងកាលពីព្រឹកថ្ងៃទី១៩ ខែតុលា ឆ្នាំ២០២៣ មានបុរសម្នាក់ បានពុលស្លាប់ ខណៈពេលចុះទៅក្នុងរណ្តៅរុករករ៉ែមាស ដែលមានជម្រៅចាប់ពី៥០ទៅ៦០ម៉ែត្រចុះក្រោម កើតឡើងនៅភូមិរំដេង ឃុំរមទម ស្រុករវៀងខេត្តព្រះវិហារ។បើតាមសាក្សីមួយម្នាក់ដែលមានឈ្មោះ យន់ ដារ៉ា ហៅចិន បាននិយាយរៀបរាប់ថា នៅវេលាទៀបភ្លឺថ្ងៃទី១៩ ខែតុលា ឆ្នាំ២០២៣ ឈ្មោះ ចេន ភក្ដី ហៅភ័ក្រ ដែលមានអាយុ៣៦ ឆ្នាំ បានបបួលខ្លួនចុះទៅរករ៉ែមាសក្នុងរណ្តៅមួយដែលឪពុកទៅពុកខ្លួនទុកចោលជាយូរមកហើយ នៅពេលឈ្មោះ ភ័ក្រ ជាអ្នកចុះហើយខ្លួនជាអ្នកនៅលើគោកក្បែរមាត់រណ្ដៅ ពេលចុះទៅបានមួយសន្ទុះជាមួយ និងសម្ភារៈមួយចំនួនភ្ជាប់ទៅនឹងខ្លួន ដើម្បីស្វែងរករ៉ែមាសក៏ឮសំឡេងស្រែក ពីក្នុងរណ្ដៅអោយអ្នកនៅខាងលើជួយផងគាត់ពុលហើយ ។ ភ្លាមនោះ អ្នកនៅខាងលើក៏បានចុះទៅជួយ ប៉ុន្តែអ្នកដែលចុះទៅមុនបានរបូតដៃធ្លាក់ចុះទៅខាងក្រោមបាត់ភ្លាមៗ រូបលោកក៏បានទូរស័ព្ទប្រាប់បងប្អូនក្នុងភូមិ ដើម្បីមកជួយសង្គ្រោះ ប៉ុន្តែការជួយសង្គ្រោះអ្នកដែលធ្លាក់ចុះទៅក្នុងរណ្ដៅរ៉ែមាសមិនអាចជួយបានទេ ព្រោះមានទឹកជ្រៅ។ សាក្សីដដែល បានបន្ដទៀតថា អស់រយៈពេលជាច្រើនម៉ោង ដោយប្រើប្រាស់ម៉ូទ័របូមទឹកចេញពីរណ្ដៅរ៉ែមាសឱ្យរីងអស់ទឹក ទើបបងប្អូនប្រជាពលរដ្ឋនាំគ្នាចុះទៅរកសពឃើញហើយក៏នាំគ្នាយល់សពមកខាង លើដើម្បីឲ្យមន្ត្រីជំនាញធ្វើកោសលវិច័យផងដែរ ។ក្រោយពីបានទទួលព័ត៌មាន កម្លាំងជំនាញចុះពិនិត្យ សហការជាមួយព្រហ្មទណ្ឌ បានចុះទៅដល់កន្លែងកើតហេតុ ដោយមានការសហការពីអាជ្ញាធរ ភូមិ ឃុំ និងមន្រ្តីមណ្ឌលសុខភាពភ្នំដែក ក្រោមការដឹកនាំរបស់អភិបាលស្រុករវៀង និងសម្របសម្រួលដោយលោកព្រះរាជអាជ្ញារង គឹម សំលេង ផងដែរ។តាមសន្និដ្ឋានរបស់ពេទ្យ និងជំនាញ បានបញ្ជាក់ថា សាកសពឈ្មោះ ចែន ភក្តី ហៅ ភ័ក្រ្ត ភេទប្រុស អាយុ៣៦ឆ្នាំ រស់នៅភូមិ ឃុំកើតហេតុខាងលើ បានស្លាប់ដោយសារការធ្វេសប្រហែសធ្លាក់ក្នុងរណ្តៅរ៉ែមាសបណ្តាយឲ្យស្លាប់ខ្លួនឯង។សូមបញ្ជក់ថា នាពេលបច្ចុប្បន្ន ការធ្វើអាជីវកម្មរុករករ៉ែមាស ពីសំណាក់ក្រុមហ៊ុន ឬឈ្មួយតូចធំ និងពលរដ្ឋមានច្បាប់ និងអត់ច្បាប់ បានកើតឡើងព្រោងព្រាតនៅតាមតំបន់មួយចំនួន នៃខេត្តព្រះវិហារ ហើយការរុករករ៉ែនេះ តែងបង្កជាបញ្ហា និងគ្រោះថ្នាក់មានស្លាប់ និងរបួសនៅពេលរុករករ៉ែ ៕

មនុស្សរាប់រយនាក់ ប្រមូលផ្តុំគ្នានៅក្រុងញ៉ូវយ៉ក ទាមទារឲ្យដោះលែងចំណាប់ថ្នូរអ៊ីស្រាអែល នៅហ្គាហ្សា

ក្រុមបាតុកររាប់រយនាក់ បានមកប្រមូលផ្តុំគ្នា នៅទីលាន Times Square ទីក្រុងញ៉ូវយ៉ក កាលពីថ្ងៃព្រហស្បតិ៍ ដើម្បីទាមទារឲ្យដោះលែងចំណាប់ថ្នូរដែលត្រូវបានចាប់ដោយក្រុមហាម៉ាស់ អំឡុងការវាយប្រហារដ៏ឃោឃៅកាលពីថ្ងៃទី៧ ខែតុលា ទៅលើប្រទេសអ៊ីស្រាអែល។ ការតវ៉ានេះនៅទីលាន Times Square ត្រូវបានរៀបចំដោយក្រុមប្រឹក្សាអាមេរិកអ៊ីស្រាអែលដែលមិនរកប្រាក់កម្រៃ តំណាងឲ្យពលរដ្ឋអាមេរិកអ៊ីស្រាអែល នៅក្នុងសភាសហរដ្ឋអាមេរិក រួមមានទាំងសមាជិកព្រឹទ្ធសភាពសហរដ្ឋអាមេរិក លោក Chuck Schumer ជាមេដឹកនាំមានសំឡេងភាគច្រើននៅព្រឹទ្ធសភាជនជាតិជ្វីហ្វដំបូងគេនៅក្នុងប្រវត្តិសាស្ត្រ ដោយប្តេជ្ញាឈរជាមួយអ៊ីស្រាអែល និងវាយបកប្រឆាំងក្រុមហាមម៉ាស់។ នៅកន្លែងប្រមូលផ្តុំគ្នា ឯកអគ្គរដ្ឋទូតអ៊ីស្រាអែល ប្រចាំអង្គការសហប្រជាជាតិលោក Gilad Erdan បានរិះគន់ដំណើរទស្សនកិច្ចរបស់អគ្គលេខាធិការអង្គការសហប្រជាជាតិ លោក Antonio Guterres ទៅកាន់ព្រំដែនតំបន់ Rafah ឆ្លងកាត់ពីប្រទេសអេហ្ស៊ីបទៅកាន់តំបន់ហ្គាហ្សា នៅថ្ងៃសុក្រនេះ ។

ការផ្តល់ជំនួយសំខាន់ៗសម្រាប់តំបន់ហ្កាហ្សា នឹងត្រូវពន្យារពេល ខណៈពលរដ្ឋប៉ាឡេស្ទីន ប្រឈមនឹងស្ថានភាពកាន់តែអាក្រក់

ការផ្គត់ផ្គង់ជំនួយមនុស្សធម៌ ដែលកំណត់សម្រាប់ជនស៊ីវិល នៅតំបន់ហ្កាហ្សា នៅតែស្ថិតក្នុងកម្រិតទាបនៅឡើយ ខណៈការព្រួយបារម្ភកើនឡើងកាន់តែខ្លាំង អំពីស្ថានភាពកាន់តែអាក្រក់ទៅៗសម្រាប់ចំនួនប្រជាជន ដែលជាប់គាំងនៅក្នុងតំបន់ឡោមព័ទ្ធមួយនេះ។ ប្រភពជាច្រើនបានប្រាប់សារព័ត៌មាន CNN កាលពីថ្ងៃព្រហស្បតិ៍ (១៩ តុលា) ថា ច្រកព្រំដែនឆ្លងកាត់ រ៉ាហ្វាហ្វ ដ៏សំខាន់ មិនត្រូវបានរំពឹងថានឹងបើកនៅថ្ងៃសុក្រនេះ សម្រាប់ក្បួនជំនួយដំបូងឡើយ ប៉ុន្តែក្រុមមន្ត្រីអាមេរិកបាននិយាយថា ស្ថានការណ៍នៅតែមានភាពរលូន។ ការជួសជុលផ្លូវ គឺត្រូវការជាចាំបាច់នៅផ្នែកឆ្លងកាត់របស់អេហ្ស៊ីប ហើយក៏នៅមានកង្វល់អំពីភាពប្រាកដ ដែលថាការដឹកជញ្ជូនអាចមាននិរន្តរភាព ហើយមិនមែនជាការបញ្ជូនទៅបានតែមួយលើកនោះទេ។ប្រជាជននៅតំបន់ហ្កាហ្សាទាំងមូល ត្រូវបានកាត់ផ្តាច់ការផ្គត់ផ្គង់អគ្គិសនី អាហារ ប្រេងឥន្ធនៈ និងទឹកអស់រយៈពេលជាងមួយសប្តាហ៍ ក្រោម «ការឡោមព័ទ្ធទាំងស្រុង» ដែលបញ្ជាដោយអ៊ីស្រាអែល បន្ទាប់ពីការវាយប្រហារភេរវកម្មថ្ងៃទី៧ ខែតុលា របស់ក្រុមហាម៉ាស ដែលបានសម្លាប់ពលរដ្ឋខ្លួនរាប់ពាន់នាក់មក៕

កងទ័ពអាមេរិក ចោទប្រកាន់ពលបាលឯក Travis King ពីបទរត់ចោលជួរកងទ័ព

កងទ័ពសហរដ្ឋអាមេរិក បានចោទប្រកាន់ពលបាលឯក ត្រាវីស ឃីង (Travis King) ពីបទរត់ចោលជួរទ័ព កាលពីថ្ងៃព្រហស្បតិ៍ (១៩ តុលា) បន្ទាប់ពីបុរសរូបនេះបានរត់គេចខ្លួនទៅកាន់ប្រទេសកូរ៉េខាងជើង ហើយត្រូវបានឃុំខ្លួននៅទីនោះអស់រយៈពេលពីរខែ នេះបើយោងតាមឯកសារចោទប្រកាន់ ដែលសារព័ត៌មាន រ៉យទ័រ ទទួលបាន។សំណុំរឿងរបស់កងទ័ពអាមេរិក ប្រឆាំងនឹងលោក ឃីង ដែលមិនត្រូវបានគេរាយការណ៍ពីមុននោះ រួមមានការចោទប្រកាន់ចំនួន ៨ករណីផ្សេងគ្នា ក្រោមក្រមយុត្តិធម៌យោធា ដោយបង្កើតឲ្យមានការតស៊ូផ្លូវច្បាប់យ៉ាងសំខាន់សម្រាប់ទាហានវ័យ ២៣ឆ្នាំរូបនេះ បន្ទាប់ពីការដោះលែងពីមន្ទីរឃុំឃាំងកូរ៉េខាងជើង កាលពីកញ្ញា មក។ លោកឃីង បានលួចរត់ចូលទៅប្រទេសកូរ៉េខាងជើង កាលពីថ្ងៃទី១៨ ខែកក្កដា ខណៈកំពុងធ្វើដំណើរល្បាតស៊ីវិលនៃតំបន់សន្តិសុខរួម (JSA) នៅតាមព្រំដែនដែលមានកម្លាំងខ្លាំងរវាងប្រទេសកូរ៉េទាំងពីរ។ ការដោះលែងរបស់ទាហានអាមេរិករូបនេះដោយកូរ៉េខាងជើង កាលពីខែកញ្ញា បានធ្វើឡើងស្របតាមការចរចារនៅពីក្រោយឆាកជាច្រើនសប្តាហ៍ ដែលនាំឱ្យរដ្ឋាភិបាលស៊ុយអែត នាំយកលោកឃីង ពីកូរ៉េខាងជើង ហើយឆ្លងកាត់ព្រំដែនចូលទៅក្នុងប្រទេសចិន ដើម្បីប្រគល់ឱ្យឯកអគ្គរដ្ឋទូតសហរដ្ឋអាមេរិក៕

នគរបាលប្រទេសហៃទី ចាប់ខ្លួនជនសង្ស័យក្នុងឃាតកម្មលើប្រធានាធិបតីលោក Jovenel Moise

នគរបាលជាតិ បាននិយាយកាលពីថ្ងៃព្រហស្បតិ៍ថា នគរបាលប្រទេសហៃទី បានចាប់ខ្លួនអតីតមន្ត្រីយុត្តិធម៌លោក Joseph Felix Badio ក្នុងករណីឃាតកម្មលើប្រធានាធិបតីលោក ហ្សូវ៉ិនណែល ម៉យអ៊ីស (Jovenel Moise) ។លោក Badio ត្រូវបានចោទប្រកាន់ដោយការស៊ើបអង្កេតពីការចេញបញ្ជាឲ្យអ្នកវាយប្រហារ ដែលបានធ្វើសកម្មភាពវាយប្រហារកាលពីខែកក្កដា ឆ្នាំ២០២១។ យោងតាមសាក្សី នៅកន្លែងកើតហេតុ បានឲ្យដឹងថា នគរបាលប្រដាប់អាវុធ បានស្ទាក់ចាប់លោក Badio ខណៈលោកកំពុងបើកបររថយន្តចេញពីចំណតរថយន្តនៅផ្សារទំនើបមួយកន្លែង ក្នុងតំបន់ Petion-Ville ជាយក្រុងព័រអូប្រាំង កាលពីរសៀលថ្ងៃព្រហស្បតិ៍។ លោក Badio ត្រូវបានក្រុមមន្ត្រី និងក្រុមសិទ្ធមនុស្សប្រទេសហៃទី គិតថាជាជនសង្ស័យសំខាន់ម្នាក់ ក្នុងផែនការឃាតកម្ម ដែលត្រូវបានចោទប្រកាន់ពីបទឃាតកម្ម ឃាតកម្មដែលបានប៉ុនប៉ង និងចោរកម្មប្រដាប់អាវុធ។ លោក Moise ត្រូវបានបាញ់សម្លាប់ នៅក្នុងបន្ទប់ដេករបស់លោក បន្ទាប់ពីក្រុមប្រដាប់អាវុធមួយក្រុមសម្រុកចូលទៅក្នុងលំនៅឋានរបស់លោក នៅតំបន់ភ្នំ ខាងលើទីក្រុងព័រអូប្រាំង។ ក្រុមអ្នកស៊ើបអង្កេត បានចោទប្រកាន់ លោក Badio ពីការចេញបញ្ជាឲ្យអ្នកវាយប្រហារជនជាតិកូឡំប៊ី អនុវត្តការវាយប្រហារដ៏ឃោឃៅនេះ។

ប្រមុខការពារជាតិ៖ កងទ័ពអ៊ីស្រាអែល នឹងចូលទៅតំបន់ហ្កាហ្សា ក្នុងពេលឆាប់ៗនេះ

រដ្ឋមន្ត្រីការពារជាតិអ៊ីស្រាអែល លោក Yoav Gallant បានប្រាប់កងទ័ព ដែលបានប្រមូលផ្តុំនៅព្រំដែនតំបន់ហ្កាហ្សា កាលពីថ្ងៃព្រហស្បតិ៍ (១៩ តុលា) ថា ពួកគេនឹងអាចមើលឃើញតំបន់ហ៊ុមព័ទ្ធរបស់ប៉ាឡេស្ទីន «ពីខាងក្នុង» ឆាប់ៗនេះ ដោយសំដៅដល់ការវាយលុកតាមដីគោក ដែលគេរំពឹងទុក ក្នុងគោលបំណងបំផ្លាញក្រុមហាម៉ាស ថាអាចនឹងខិតជិតមកដល់។អ៊ីស្រាអែល បានវាយលុកតំបន់ហ្កាហ្សា ដោយការវាយប្រហារតាមអាកាសបន្ថែមទៀត កាលពីថ្ងៃព្រហស្បតិ៍ ជុំវិញការវាយប្រហារថ្ងៃទី៧ តុលា ដោយខ្មាន់កាំភ្លើងក្រុមហាម៉ាស ដែលបានសម្លាប់ជនជាតិអ៊ីស្រាអែលចំនួន ១៤០០នាក់។ អ៊ីស្រាអែល បានដាក់មនុស្ស ២,៣លាននាក់ នៃតំបន់ហ្កាហ្សា ស្ទ្រីប ឱ្យស្ថិតនៅក្រោមការឡោមព័ទ្ធ ព្រមទាំងបានទម្លាក់គ្រាប់បែក ក្នុងការវាយប្រហារ ដែលបានសម្លាប់មនុស្សរាប់ពាន់នាក់ និងធ្វើឱ្យមនុស្សជាងមួយលាននាក់គ្មានផ្ទះសម្បែង។លោក Gallant បានប្រាប់ក្រុមទាហានថា «ពេលនេះ អ្នកមើលឃើញតំបន់ហ្កាហ្សា ពីចម្ងាយ ប៉ុន្តែអ្នកអាចនឹងមើលឃើញទីក្រុងនេះពីខាងក្នុង នៅពេលឆាប់ៗនេះ ហើយបញ្ជាក៏នឹងមកដល់ក្នុងពេលខាងមុខផងដែរ»។ សូមបញ្ជាក់ថា កងទ័ពមិនត្រូវបានគេរំពឹងថា នឹងចូលក្នុងតំបន់នេះ ពេលដែលមេដឹកនាំបរទេសកំពុងធ្វើទស្សនកិច្ចនោះទេ។ ភ្លាមៗបន្ទាប់ពីសេចក្តីថ្លែងការណ៍របស់លោក Gallant នាយករដ្ឋមន្ត្រីអ៊ីស្រាអែល លោក Benjamin Netanyahu បានចេញវីដេអូមួយ ដោយបង្ហាញរូបលោក កំពុងនៅជាមួយក្រុមកងទ័ព នៅជិតព្រំដែន ហើយសន្យាថានឹងទទួលជ័យជម្នះ។ រដ្ឋមន្ត្រីការបរទេសហ្ស៊កដានី លោក Ayman Safadi បានប្រាប់ក្រុមអ្នកយកព័ត៌មាននៅទីក្រុង អាម៉ាន់ ថា «ការចង្អុលបង្ហាញទាំងអស់របស់អ៊ីស្រាអែលនោះ គឺមានន័យថា សោកនាដកម្មដ៏អាក្រក់បំផុត នឹងខិតជិតមកដល់ហើយ»៕

របាយការណ៍របស់UN៖ ក្រុមជនអន្ធពាលហៃទី គ្រប់គ្រងសាលារៀន និងគ្លីនិក ខណៈដែលរដ្ឋាភិបាលអវត្តមាន

ក្រុមជនអន្ធពាលហៃទីគ្រប់គ្រងសាលារៀន គ្លីនិក និងមូលនិធិជំនួសរដ្ឋាភិបាលដែលអវត្តមានកាន់តែខ្លាំងឡើង បើទោះបីជាក្រុមឧក្រិដ្ឋជនរបស់ពួកគេជួយមេដឹកនាំក្រុមអន្ធពាល ប្រមូលថវិកា និងទិញផ្ទះប្រណីតដែលមានអាងហែលទឹកនៅក្នុងប្រទេសក្រីក្របំផុតនៃអឌ្ឍគោលនេះក៏ដោយ។នោះគឺជាការរកឃើញមួយនៃរបាយការណ៍ដ៏ទូលំទូលាយរបស់អង្គការសហប្រជាជាតិ ដែលបានចេញផ្សាយ កាលពីថ្ងៃពុធ។របាយការណ៍១៥៦ទំព័រពីក្រុមអ្នកជំនាញរបស់UNបានឲ្យដឹងថា៖«ក្រុមជនអន្ធពាលកាន់តែរឹងមាំ កាន់តែសម្បូរបែប ប្រដាប់អាវុធកាន់តែប្រសើរ និងមានស្វ័យភាពកាន់តែច្រើន»។ របាយការណ៍នោះ បានចង្អុលបង្ហាញពីការជួញដូរអាវុធដែលរកកម្រៃបានយ៉ាងច្រើនពីសហរដ្ឋអាមេរិក ដែលផ្តល់ឲ្យក្រុមជនអន្ធពាល នូវអាវុធដ៏ប្រល័យយ៉ាងច្រើន។ក្រុមអ្នកជំនាញនេះ បានរិះគន់ការហាមឃាត់អាវុធរបស់អង្គការសហប្រជាជាតិ «គ្មានប្រសិទ្ធភាព» ហើយបានបញ្ជាក់ថា មានប្រទេសមួយចំនួនឆ្លើយតបទៅនឹងសំណើ ដើម្បីតាមដានអាវុធដែលរឹបអូសបានទាំងនោះ។ក្រុមជនអន្ធពាល បានកាន់តែរឹងមាំឡើង ដោយរួមបញ្ចូលគ្នា នៅក្នុងរដ្ឋធានីជុំវិញសម្ព័ន្ធភាព G9 និង G-Pep ខណៈដែលការប្រយុទ្ធគ្នា កាន់តែកើនឡើងនៅលើដីស្រែចំការភាគខាងជើងសំខាន់ៗ។

ពលរដ្ឋតំបន់ហ្កាហ្សា ប្រឈមនឹងស្ថានភាពកាន់តែយ៉ាប់យ៉ឺន ខណៈខ្វះប្រេងឥន្ធនៈ និងទឹក

ពលរដ្ឋប៉ាឡេស្ទីនមួយចំនួនដែលបានភៀសខ្លួនចេញពីតំបន់សង្គ្រាមបានសម្រុកទៅផ្សាររបស់ទីក្រុងខាន់យូនីស(Khan Younis) ដើម្បីទិញទំនិញស្តុកទុកតាមលទ្ធភាព ស្របពេលដែលស្ថានភាពមនុស្សធម៌ដ៏ធ្ងន់ធ្ងរនៅក្នុងតំបន់ហ្កាហ្សាកាន់តែអាក្រក់ទៅពីមួយថ្ងៃទៅមួយថ្ងៃ។ ក្រុមអាជីវករបាននិយាយថា ដោយសារកង្វះអគ្គិសនីខ្លាំង និងការផ្គត់ផ្គង់សំខាន់ៗដូចជាទឹក អាហារ ប្រេងឥន្ធនៈ និងធនធានវេជ្ជសាស្ត្រ ចំនួនទំនិញនៅផ្សារនេះ កំពុងថយចុះយ៉ាងឆាប់រហ័ស។អគ្គលេខាធិការអង្គការសហប្រជាជាតិ លោក Antonio Guterres បានអំពាវនាវឲ្យមានបទឈប់បាញ់មនុស្សធម៌ជាបន្ទាន់ ដើម្បីកាត់បន្ថយ ទុក្ខវេទនារបស់មនុស្ស ដែលកំពុងកើតឡើងនៅក្នុងតំបន់នេះ។ ចំនួនអ្នកស្លាប់ និងរបួសដែលចេះកើនឡើង និងស្ថានភាពកាន់តែយ៉ាប់យ៉ឺន បញ្ជាក់យ៉ាងច្បាស់អំពីតម្រូវការបន្ទាន់ សម្រាប់ការដោះស្រាយជម្លោះដ៏មហន្តរាយនេះ។ ប្រភពពីកងកម្លាំងសន្តិសុខអេហ្ស៊ីបបាននិយាយថារថយន្តដឹកទំនិញជាង ១០០គ្រឿងកំពុងរង់ចាំនៅជិតច្រកព្រំដែនរ៉ាហ្វា(Rafah)ក្នុងទឹកដីអេហ្ស៊ីបកាលពីថ្ងៃព្រហស្បតិ៍ ទោះបីជាវាមិនត្រូវបានគេរំពឹងថាជំនួយនឹងចូលទៅដល់មុនថ្ងៃសុក្រក៏ដោយ ។ ការខាតបង់របស់មនុស្សក្នុងជម្លោះដ៏យូរអង្វែងនេះ គឺមិនអាចប៉ានស្មានបាន ក្នុងនោះ ជនជាតិប៉ាឡេស្ទីនចំនួន ៣.៤៧៨នាក់ បានស្លាប់នៅក្នុងការវាយប្រហាររបស់អ៊ីស្រាអែលលើតំបន់ហ្កាហ្សា និងជាង១.៤០០នាក់ បានស្លាប់នៅក្នុងប្រទេសអ៊ីស្រាអែល។ពិភពលោកឈរមើលដោយអស់ដង្ហើម ដោយសង្ឃឹមថានឹងមានការបញ្ចប់យ៉ាងឆាប់រហ័សចំពោះអំពើហិង្សា និងរកឃើញផ្លូវឆ្ពោះទៅរកសន្តិភាពសម្រាប់ប្រជាជននៅតំបន់ហ្កាហ្សា៕

ជនភៀសខ្លួនប៉ាឡេស្ទីននៅជំរំតង់និយាយថា ពួកគេចង់មានបទឈប់បាញ់ ដើម្បីត្រឡប់ទៅផ្ទះវិញ

ជនភៀសខ្លួនប៉ាឡេស្ទីនម្នាក់ឈ្មោះអាស្មាសាបា (Asmaa Sabah) ដែលកំពុងរស់នៅក្នុងជំរំតង់មួយនៅទីក្រុយខាន់យូនីស(Khan Younis) បាននិយាយកាលពីថ្ងៃព្រហស្បតិ៍១៩ តុលា ថាស្ថានភាពបច្ចុប្បន្នរបស់អ្នកស្រី ធ្វើឲ្យនឹកឃើញដល់ការភៀសខ្លួនរបស់ជនជាតិប៉ាឡេស្ទីនកាលពីឆ្នាំ១៩៤៨។ខណៈកំពុងអង្គុយជុំកូនៗក្នុងជំរំតង់ អ្នកស្រី Sabah និយាយថា យើងបានចាកចេញពីផ្ទះទៅស្នាក់នៅក្នុងជម្រកតង់ ដូចដូនតារបស់យើងដែរ។ យើងទាំងអស់គ្នា មិនស្មានទេ ថាអាចមកស្នាក់នៅក្នុងជំរំតង់នៅទីនេះ។ ជំរំតង់ចំនួន១២០កន្លែង ត្រូវបានដំឡើងនៅក្នុងជំរំមួយដែលបានបង្កើតឡើងនៅបរិវេណទីស្នាក់ការកណ្តាល របស់ទីភ្នាក់ងារការងារនិងជំនួយរបស់អង្គការសហប្រជាជាតិ UNRWA ក្នុងទីក្រុងខាន់ យូនីស (Khan Younis) ដើម្បីធ្វើជាផ្ទះសម្រាប់អ្នកមកដល់ពីភាគខាងជើងតំបន់ហ្កាហ្សា។ ប្រជាពលរដ្ឋក្នុងតំបន់ហ្កាហ្សា ធន់នឹងជំងឺជាច្រើនឆ្នាំមកហើយ ដោយបានរួចជីវិតពីសង្គ្រាមរវាងក្រុមហាម៉ាស និងអ៊ីស្រាអែល ការបិទផ្លូវ និងការអត់ការងារធ្វើនៅក្នុងតំបន់មួយក្នុងចំណោមតំបន់ជាច្រើនដែលមានប្រជាជនច្រើនបំផុតនៅលើពិភពលោក។ ប៉ុន្តែការវាយប្រហាររបស់ពួកហាម៉ាសនៅថ្ងៃទី៧ ខែតុលា ដែលជាការប្រឆាំងដ៏ធំបំផុតប្រឆាំងនឹងអ៊ីស្រាអែលចាប់តាំងពីសង្រ្គាម យ៉ុម គីបពួ (Yom Kippur) ពីថ្ងៃទី៦ខែតុលា ១៩៧៣ ដល់ថ្ងៃទី២៥ តុលា ១៩៧៣ បន្ទាប់មកការវាយប្រហារដ៏ខ្លាំងក្លាបំផុតមិនធ្លាប់មានរបស់អ៊ីស្រាអែលលើតំបន់ហ្កាហ្សាបានបង្កើតឲ្យមានជាវិបត្តិដ៏ធ្ងន់ធ្ងរ ស្របពេលប្រជាជនប៉ាឡេស្ទីនរាប់សែននាក់នៅភាគខាងជើងត្រូវបានគេបញ្ជាឱ្យភៀសខ្លួនទៅកាន់តំបន់រងការឡោមព័ទ្ធភាគខាងត្បូង៕

បណ្ដាញសង្គម

ព័ត៌មានថ្មីៗ

កាណាដា ថាខ្លួននឹងមិនទទួលយកកិច្ចព្រមព្រៀងពាណិជ្ជកម្មជាមួយអាមេរិក ក្នុងតម្លៃតបស្នងដ៏ខ្ពស់ឡើយ

រុស្ស៊ី បន្ថែមបញ្ជីហាមឃាត់ការចូលក្នុងប្រទេស ជាការឆ្លើយតបទៅនឹងទណ្ឌកម្មថ្មីរបស់អឺរ៉ុប

អាមេរិកជំរុញប្រធានាធិបតីស៊ីរី កែប្រែគោលនយោបាយ បើមិនដូច្នេះទេ លោកនឹងការបាត់បង់ការគាំទ្រពីអន្តរជាតិ

ចារកម្មអ៊ុយក្រែន៖ រុស្ស៊ីនឹងចាយប្រាក់ជាង ១សែនកោដិដុល្លារ ត្រៀមធ្វើ "សង្រ្គាមទ្រង់ទ្រាយធំ" នាពេលខាងមុខ

គ្រឿងញៀនជាង ២៤៧គីឡូក្រាម ត្រូវបានដុតបំផ្លាញចោល ក្នុងឱកាស ទិវាអន្តរជាតិប្រយុទ្ធប្រឆាំងគ្រឿងញៀន នៅខេត្តស្វាយរៀង

មេដឹកនាំក្រុមហេសបូឡា ជំរុញឲ្យប្រទេសអារ៉ាប់ និងរដ្ឋឥស្លាម ធ្វើសកម្មភាពគាំទ្រតំបន់ហ្កាហ្សា

ប្រធានាធិបតី៖ អ៊ីរ៉ង់នឹងបន្តការចម្រាញ់សារធាតុអ៊ុយរ៉ានីញ៉ូម ស្របតាមច្បាប់អន្តរជាតិ

ជប៉ុនមិនថ្កោលទោសអ៊ីស្រាអែល ជុំវិញការវាយប្រហារនិងលុកលុយប្រទេសស៊ីរី

សហរដ្ឋអាមេរិក ដាក់ទណ្ឌកម្មថ្មីទៅលើក្រុមហ៊ួទី នៅប្រទេសយេ់ម៉ែន

ផ្លូវអភិវឌ្ឍន៍ជនបទ បាន និងកំពុងប្រែក្លាយជីវភាពប្រជាពលរដ្ឋអោយធូរធារ និងបង្ករលក្ខណៈងាយស្រួលក្នុងការធ្វើដំណើររបស់ពួកគាត់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877