BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

រថយន្តស៊េរីទំនើប Range Rover បើកបរក្នុងល្បឿនលឿន បុករបាំងថ្មពុះចែកទ្រូងផ្លូវរងការខូចខាត

ភ្នំពេញ៖ បុរសម្នាក់បើករថយន្តស៊េរីទំនើបម៉ាកRenge Rover ក្នុងល្បឿនលឿនបានជ្រុលបុករបាំងថ្មពុះចែកទ្រូកផ្លូវពេញទំហឹងបណ្ដាលឲ្យរបាំងថ្មខូចខាតអស់ចំនួនពីរកង់ ចំណែករថយន្តរងការខូចខាតខ្ទិចមួយកំណត់មុខ។ ហេតុការណ៍នេះ បង្កការភ្ញាក់ផ្អេីលនៅវេលាម៉ោង៣ទាបភ្លឺឈានចូលថ្ងៃទី២៩ ខែមករាឆ្នាំ ២០២៣ នៅតាមបណ្ដោយមហាវិថីព្រះសីហនុ កែងផ្លូវ១១៣ ស្ថិតក្នុងសង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ។តាមប្រពភពព័ត៌មានពីកន្លែងកើតហេតុបានហើយដឹងថា មុនកើតហេតុគេឃើញបុរសម្នាក់ បើករថយន្តស៊េរីទំនើប ម៉ាក RANGE ROVER ពណ៌ខ្មៅ ពាក់ស្លាកលេខភ្នំពេញ 2BU-8802 ធ្វើដំណើរតាមបណ្ដោយមហាវិថីព្រះសីហនុ ទិសដៅពីលិចទៅកើតក្នុងល្បឿនលឿន លុះមកដល់ចំណុចកើតហេតុ បានរេចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យរបាំងថ្មខូចខាតអស់ចំនួនពីរកង់ចំណែករថយន្តខ្ទេចមួយកំណត់មុខ រងការខូចខាត តែសំណាងល្អមិនបណ្ដាលឲ្យមានមនុស្សរងរបួសឡើយ។ ក្រោយកើតហេតុសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំធ្វើការដោះស្រាយគ្នាតាមច្បាប់៕ អត្ថបទ៖ កុម្ភ:

សកម្មភពឆក់ទ្រព្យសម្បត្តិពលរដ្ឋ នៅតំបន់វត្តស្ទឹងមានជ័យ នៅតែជាកត្តាបង្កភាពភ័យខ្លាចដល់ពលរដ្ឋ ព្រោះឧស្សាហ៍កើតមាន

ភ្នំពេញ ៖ បទល្មើសឆក់ទ្រព្យនៅតែជាកត្តាប្រឈម និងមានការព្រួយបារម្ភពីសំណាក់បងប្អូនពលរដ្ឋអ្នកដំណើរទូទៅទាំងអស់ ដែលបានធ្វើដំណើរតាមតំរាយដងផ្លូវសាធារណះនានា ក្នុងភូមិសាស្ត្ររាជធានីភ្នំពេញ ខណៈសកម្មភាពឆក់ ក៏នៅតែបន្តកើតមានជារឿយៗឥតល្ហែររៀងរាល់យប់ថ្ងៃ បើទោះបីជា កងកម្លាំងសមត្ថកិច្ចពាក់ព័ន្ធ បានពង្រាយកម្លាំងរបស់ខ្លួនជាច្រើន ក្នុងការចេញល្បាតពួនស្ទាក់ ដើម្បីការពារ និងត្រៀមទប់ស្កាត់សកម្មភាពការណ៍បទល្មើសនានាកុំអោយកើតមានក៏ដោយ ។ នៅចំណុចទល់មុខវត្តស្ទឹងមានជ័យ ក៏ដូចជាក្រោមស្ពានអាកាសស្ទឹងមានជ័យជាដើម គឺជាទីតាំងដែលក្រុមជនសង្ស័យតែងធ្វើសកម្មភាពឆក់ទ្រព្យសម្បត្តិរបស់បងប្អូនពលរដ្ឋអ្នកដំណើរ បានសម្រេចជាញឹកញាប់បំផុត បង្កអោយមានជាភាពភ័យខ្លាច និងមានការព្រួយបារម្ភពីសំណាក់ពលរដ្ឋដែលជិះធ្វើដំណើរឆ្លងកាត់តំប់នោះ ខណៈដែលក្រុមមន្ត្រីសមត្ថកិច្ច ហាក់នៅមិនមានវិធានការក្នុងការទប់ស្កាត់លើភាពអសន្តិសុខទាំងនោះ អោយមានប្រសិទ្ធិភាពនៅឡើយទេ ពោលគឺក្រោយការកើតមានរឿងហេតុ បានត្រឹមចុះទៅពិនិត្យទីតាំងកើតហេតុ នឹងនាំជនរងគ្រោះទៅដាក់ពាក្យបណ្តឹងប៉ុណ្ណោះ បើចំពោះការប្រើវិធានការទប់ស្កាត់កុំអោយកើតមានសកម្មភាពបទល្មើសវិញ គឺហាក់នៅមិនទាន់មានផ្លែផ្កាដើម្បីផ្តល់ជាភាពកក់ក្តៅ ដល់ពលរដ្ឋនៅឡើយនោះទេ ។ជាក់ស្តែង កាលពីវេលាម៉ោង១១យប់ ថ្ងៃទី២៤ ខែមករា ឆ្នាំ២០២៣ មានក្រុមជនសង្ស័យមួយក្រុមធំមានគ្នាជាច្រើននាក់ និងជិះម៉ូតូជាច្រើនគ្រឿង បានធ្វើសកម្មភាពឆក់កាបូបស្ពាយដែលមានលុយជាច្រើនលានរៀល និងទ្រព្យសម្បត្តិមួយចំនួន ពីបុរសជាជីវករលក់ដូរម្នាក់បានសម្រេចហើយជិះរត់គេចខ្លួនដោយសុវត្ថិភាព បង្កអោយមានការភ្ញាក់ផ្អើលជាខ្លាំង នៅចំណុចមុខវត្តស្ទឹងមានជ័យ តាមបណ្តោយផ្លូវព្រះមុន្នីរ៉េត ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ ។ ជនរងគ្រោះមានគ្នា២នាក់ប្តីប្រពន្ធ និងជិះម៉ូតូម្នាក់មួយគ្រឿងផ្សេងគ្នា ដែលពួកគេជាអាជីវករលក់ដូរផ្លែឈើ នៅផ្សារដើមគរ ។ បើតាមប្រភពព័ត៌មាន ពី ស្ត្រីជាប្រពន្ធ អោយដឹងថា នៅមុនពេលកើតហេតុ គឺពួកគាត់ទើបត្រឡប់ពីផ្សារបំណងជិះម៉ូតូទៅផ្ទះវិញ ដោយប្តីរបស់គាត់ជាអ្នកស្ពាយកាបូបលុយ ជិះម៉ូតូនៅខាងមុខ ហើយគាត់ជិះម៉ូតូមួយគ្រឿងទៀតនៅខាងក្រោយ ត្រសងគ្នា ។ លុះធ្វើដំណើរដល់ចំណុចកើតហេតុ ស្រាប់តែលិចមុខក្រុមជនសង្ស័យមួយក្រុមមានគ្នាជាច្រើននាក់ និងជិះម៉ូតូជាច្រើនគ្រឿង បានជិះទៅគៀកម៉ូតូជនរងគ្រោះជាប្តី រួចធ្វើសកម្មភាពឆក់យកកាបូបស្ពាយចំហៀងរបស់គាត់ ហើយជិះរត់គេចតែម្តង ។ ភ្លាមៗនោះ បុរសជាប្តី បានព្យាយាមជិះម៉ូតូដេញតាមក្រុមខាងលើដែរ ប៉ុន្តែក្រុមជនសង្ស័យជិះម៉ូតូលឿនៗពេក ធ្វើអោយរូបគេដេញមិនទាន់ ហើយក្រុមទាំងនោះក៏រត់គេចខ្លួនបាត់ស្រមោលអស់សូន្យឈឹងតែម្តង ។ក្រោយកើតហេតុ កម្លាំងសមត្ថកិច្ច បានចុះដល់ទីតាំងកើតហេតុ នឹងបាននាំជនរងគ្រោះទាំង២នាក់ប្តីប្រពន្ធ ទៅដក់ពាក់បណ្តឹងនៅប៉ុស្តិ៍រដ្ឋបាលនគរបាលស្ទឹងមានជ័យទី១ ផងដែរ ។ តាមការបញ្ជាក់ពី ជនរងគ្រោះជាប្រពន្ធ អោយដឹងថា ៖ ទ្រព្យសម្បត្តិដែលមាននៅក្នុងកាបូបដែលប្តីរបស់គាត់ស្ពាន គឺមានលុយខ្មែរសរុបជាង១០លានរៀល និងទូរស័ព្ទ IPhone 13 pro Max មួយគ្រឿង រួមទាំងឯកសារប៉ុងបញ្ជីរទូទាត់លុយកាក់មួយចំនួនធំទៀតផងដែរ ៕ លីហេង

រថយន្ត២គ្រឿងបុកគ្នាយ៉ាងពេញទំហឹង នៅចំណុចផ្លូវបំបែកជាបួនបណ្ដាលឱ្យក្រឡាប់

ភ្នំពរញ៖ បើករថយន្តក្នុងល្បឿនលឿនដោយខ្វះការប្រុងប្រយ័ត្ន ខណៈដល់ចំណុចផ្លូវបំបែកជាបួន មិនបន្ថយល្បឿន បណ្ដាលឲ្យរថយន្តបុកគ្នាយ៉ាងពេញទំហឹងមួយគ្រឿងក្រឡាប់តែសំណាងល្អមិនមានអ្នករបួសឡើយ ក្នុងហេតុការណ៍នេះ។ហេតុការណ៍នេះបានកើតឡើងកាលពីវេលាម៉ោង២និង១០នាទី រំលងអធ្រាត្រ ឈានចូលថ្ងៃទី២៤ ខែមករា ឆ្នាំ២០២៣ ស្ថិតនៅផ្លូវបំបែកជាបួន ផ្លូវលេខ១១៣ កែងផ្លូវលេខ២៨៨ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តម៉ាក អាល់ហ្វាត ពណ៌ស ពាក់ផ្លាកលេខ ភ្នំពេញ 2AY-4061 បើកបរតាមបណ្តោយផ្លូវលេខ១១៣ ក្នុងទិសដៅពីត្បូងទៅជើង។ លុះដល់ម៉ោងកើតហេតុ ស្រាប់តែមានរថយន្តហាយឡេនដឺមួយគ្រឿង ពណ៌ទឹកប្រាក់ ពាក់ផ្លាកលេខ ភ្នំពេញ 2AH-5827 ធ្វើដំណើរតាមបណ្តោយផ្លូវលេខ២៨៨ ទិសដៅពីលិចទៅកើត ក្នុងល្បឿនលឿន មិនប្រយ័ត្នក៏បានបុករថយន្តអាល់ហ្វាតពេញទំហឹង បណ្តាលដោយអាល់ហ្វាតក្រឡាប់ ។ ចំណែករថយន្តហាយឡេនដឺ មិនទាន់អស់ល្បឿន បានបុកបង្គោលស្លាកលេខផ្លូវ បណ្តាលឲ្យខូចខាតផងដែរ។ក្រោយពេលកើតហេតុ សមត្ថកិច្ចជំនាញចរាចរណ៍ បានធ្វើការវាស់វែង និងយករថយន្តទាំង២គ្រឿង ទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំភាគីទាំងសងខាងចូលខ្លួនដោះស្រាយតាមផ្លូវច្បាប់នៅពេលក្រោយ៕ អត្ថបទ៖ កុម្ភៈ

ចូលឆ្នាំចិនឆ្នាំនេះ គ្រោះថ្នាក់ចរាចរណ៍រយៈពេល ៣ថ្ងៃមានអ្នកស្លាប់ ១៨នាក់

ភ្នំពេញ៖ តួលេខគ្រោះថ្នាក់ចរាចរណ៍នៅទូទាំងប្រទេស សម្រាប់រយៈពេល៣ថ្ងៃនៃបុណ្យចូលឆ្នាំប្រពៃណីចិន និងវៀតណាមនាឆ្នាំ២០២៣នេះ បានបង្ហាញឲ្យដឹងថា មានមនុស្ស ១៨នាក់ បានស្លាប់ និងរបួសធ្ងន់ស្រាល ៦៥នាក់។របាយការណ៍ពីនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានបង្ហាញឲ្យដឹងថា រយៈពេល៣ថ្ងៃនៃបុណ្យចូលឆ្នាំប្រពៃណីចិន និងវៀតណាមនាឆ្នាំ២០២៣នេះ គ្រោះថ្នាក់ចរាចរណ៍នៅទូទាំងប្រទេសបានបណ្ដាលឲ្យមានមនុស្ស ១៨នាក់បានស្លាប់ និងរបួសធ្ងន់ស្រាល ៦៥នាក់។ របាយការណ៍បង្ហាញថា នៅថ្ងៃសែនចូលឆ្នាំចិនថ្ងៃទី២១ ខែមករា ឆ្នាំ២០២៣ មានអ្នកស្លាប់ដោយសារគ្រោះថ្នាក់ចរាចរណ៍ចំនួន ៣នាក់ និងរបួសធ្ងន់ស្រាលចំនួន ១៤នាក់។ ចំពោះនៅថ្ងៃចូលឆ្នាំចិនទី១ គឺថ្ងៃទី២២ ខែមករា ឆ្នាំ២០២៣ មានមនុស្សស្លាប់ចំនួន ៥នាក់ របួសធ្ងន់ស្រាលចំនួន ៣៣នាក់ និងនៅថ្ងៃទី២៣ ខែមករា ឆ្នាំ២០២៣ គ្រោះថ្នាក់ចរាចរណ៍ទូទាំងប្រទេសបានកើតឡើងចំនួន ១៥លើក បណ្តាលឲ្យមនុស្សចំនួន ១០នាក់ស្លាប់ និងរបួសចំនួន ១៨នាក់។ នេះបើតាមតួលេខគ្រោះថ្នាក់ចរាចរណ៍គិតត្រឹមម៉ោង៤រសៀលថ្ងៃទី២៣ ខែមករានេះ។របាយការណ៍បញ្ជាក់ថា មូលហេតុដែលបណ្តាលឲ្យមានគ្រោះថ្នាក់ចរាចរណ៍ទាំងនោះ គឺមានកត្តាល្បឿន វ៉ាជែង និងអ្នកបើកបរខ្លះមានស្ថានភាពស្រវឹង៕ អត្ថបទ ៖ ប្រាក់ វ៉ាន់ដា

សកម្មភាពក្មេងទំនើង នៅតែបន្តបង្កជាភាពភ័យខ្លាចដល់ពលរដ្ឋ ក្នុងសង្កាត់ស្ទឹងមានជ័យ១

ភ្នំពេញ ៖ មានការបង្ហោះចែកចាយពេញលើបណ្តាញសង្គមហ្វេសបុកអំពីសកម្មភាព ក្រុមក្មេងទំនើងមួយក្រុមធំ មានគ្នាជាច្រើននាក់ ជិះម៉ូតូប្រមាណ ២០គ្រឿងបានធ្វើសកម្មភាពយកដុំថ្មទៅគប់បំផ្លាញហាងកាហ្វេមួយកន្លែង យ៉ាងសាហាវ និងអាណាធិបតេយ្យ បង្កអោយបងប្អូនពលរដ្ឋរស់នៅក្បែរតំបន់ ក៏ដូចជាអ្នកដែលបានឃើញការបង្ហោះ មានការភ័យខ្លាចជាខ្លាំងអំពីសកម្មភាពទំនើង និងអសន្តិសុខទាំងអស់នេះ ។សកម្មភាពនេះ ត្រូវបានពលរដ្ឋម្នាក់ ថតបានតាមរយៈកាមេរ៉ាសុវត្ថិភាពនៅទល់មុខចំណុចកើតហេតុ ដែលបានកើតឡើងកាលពីវេលាម៉ោង២១ និង៣៩នាទីយប់ថ្ងៃទី១៤ ខែមករា ឆ្នាំ២០២៣ នៅចំណុចហាងកាហ្វេមួយកន្លែង ស្ថិតតាមបណ្តោយផ្លូវប៉េតុង ក្នុងភូមិទ្រា២ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។ ផ្អែកតាមគណនេយ្យហ្វេសបុកមួយដែល មានឈ្មោះ Hak បានបង្ហោះវីឌីអូរលើបណ្តាញសង្គម អំពីសកម្មភាពខាងលើ នដោយបានសរសេរភ្ជាប់នឹងខ្លឹមសារថា៖ “មុននេះបន្តិចវេលាម៉ោង ២១:៣៩នាទីយប់ មានករណីក្មេងទំនើងមួយក្រុមមានគ្នាជិត ២០ម៉ូតូបាននាំគ្នាជិះមកគប់ហាងកាហ្វេមួយកន្លែងនៅភូមិទ្រា២ សង្កាត់ស្ទឹងមានជ័យ១ ខណ្ឌមានជ័យ សូមអាជ្ញាធរជួយតាមដានស្រាវជ្រាវករណីនេះផង។” ក្រោយមានការបង្ហោះវីឌីអូរទាំងនេះរួចមក ឃើញថា មានពលរដ្ឋជាច្រើន បានចូលទៅធ្វើការ Comment និង share ចែករំលែកជាបន្តបន្ទាប់ ដោយសម្តែងនូវការព្រួយបារម្ភ និងភ័យខ្លាច ព្រោះខ្លាចសកម្មភាពនេះ អាចកើតឡើង លើរូបខ្លួនដោយយថាហេតុនៅថ្ងៃណាមួយ ។ ក្នុងនោះ ក៏មានពលរដ្ឋជាច្រើនចូលទៅសម្តែងមតិ ដោយស្នើអោយកម្លាំងមានសមត្ថកិច្ចទាំងអស់ មេត្តាជួយស្រាវជ្រាវតាមចាប់ក្រុមខាងលើ យកទៅផ្តន្ទាទោស ផងដែរ ជៀសវៀងទុកអោយពួកគេនៅមានស៊េរីភាព ដើរអ៊ុកឡុក ដល់ពលរដ្ឋស្លូតត្រង់ដទៃផ្សេងទៀតនៅក្នុងសង្គម ។ ពាក់ព័ន្ធនឹងបញ្ហាសកម្មភាពទំនើងខាងលើនេះដែរ លោកវរសេនីយ៍ឯក អ៊ុក បូនីន អធិការ នៃអធិការដ្ឋាននគរបាលខណ្ឌមានជ័យ បានប្រាប់ BTV តាមរយៈប្រព័ន្ធតេឡេក្រាម នាព្រឹកថ្ងៃទី១៦ មករា ឆ្នាំ២០២៣នេះអោយដឹងថា ករណីនេះ លោកទទួលបានហើយ ហើយបច្ចុប្បន្នកម្លាំងជំនាញរបស់អធិការដ្ឋាននគរបាល ក៏នឹងកំពុងបើកការស្រាវជ្រាវ ដើម្បីកំណត់មុខសញ្ញា ក្នុងការតាមចាប់ក្រុមខាងលើយកមកអនុវត្តទោសទណ្ឌនៅពេលខាងមុខផងដែរ ។ សូមបញ្ជាក់ថា ជុំវិញករណីដដែលនេះ គេសង្គេតឃើញ គណនេយ្យហ្វេសបុកផ្ទាល់ខ្លួន របស់លោក ហែម ដារិទ្ធិ អភិបាលខណ្ឌមានជ័យ បានបង្ហោះកាលពីថ្ងៃទី១៥ ខែមករា ឆ្នាំ២០២៣ ដោយមានសរសេរខ្លឹមសារថា “បើបងប្អូនខ្ញុំ គេងមិនលក់ នៅមិនសុខ ខ្ញុំក៏ដូចបងប្អូនដែរ ក្នុងនាមជាអភិបាលខណ្ឌ ១រូបដែលគ្រប់គ្រង នៃខណ្ឌមានជ័យនេះ ខ្ញុំសូមប្រកាស់ជាសាធារណៈដល់បងប្អូន..កងកំលាំងគ្រប់ប្រភេទក្នុងខណ្ឌយើង អោយចេញតាមចាប់ជនល្មើសទាំងនេះមិនគិតថាជាកូននាក់ណាក៏ដោយត្រូវចាប់យកមកសាលាខណ្ឌមានជ័យ ខ្ញុំបាទនឹងផ្តល់ជូនជាថវិកាលើកចិត្តចំនួន ៥,000,000រៀល ដល់បងប្អូនយើងដែលចាប់បានជនបង្កទាំងអស់នេះនៅសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។" គួរបញ្ជាក់ផងដែរថា បើទោះជារៀងរាល់ថ្ងៃគេតែងសង្គេតឃើញ មានកងកម្លាំងសមត្ថកិច្ច និងក្រុមអាជ្ញាធរខណ្ឌមានជ័យ នៅបន្តសកម្មភាពចុះល្បាតពួនស្ទាក់ជាប្រចាំក្នុងមូលដ្ឋាន ដើម្បីការពារសន្តិសុខសុវត្ថិភាពជូនពលរដ្ឋក៏ដោយ ក៏សកម្មភាពក្មេងទំនើង និងអសន្តិសុខមួយចំនួន នៅតែបន្តកើតមានដដែល ក្នុងភូមិសាស្ត្រសង្កាត់ស្ទឹងមានជ័យទី១ មិនថា អំពើលួច ឆក់ ហិង្សា ឬក្មេងទំនើងនោះឡើយ ជាក់ស្តែងដូចករណីខាងលើ ដែលមិនមែនជាលើកទី១នោះឡើយ ។ សង្កាត់ស្ទឹងមានជ័យទី១ គឺជាភូមិសាស្ត្រមានលក្ខណះតំបន់ស្មុគស្មាញច្រើន ពិសេសនៅតំបន់ភូមិមច្ឆា ក្រោយវត្តចង្ក្រានតាព្រហ្ម ហៅវត្តស្ទឹងមានជ័យតែម្តង គឺជាតំបន់ប្រមូលផ្តុំទៅ ដោយក្មេងទំនើង និងក៏ជាតំបន់ដែលសកម្មបំផុត ក្នុងការចែកចាយគ្រឿងញៀនផងដែរ ៕ អត្ថបទ៖ លីហេង

អគ្គិភ័យឆេះរថយន្តបែនដឹកដីអស់២គ្រឿង ទាំងកណ្តាលអធ្រាត្រ នៅសង្កាត់បឹងទំពុនទី២

ភ្នំពេញ៖ រថយន្តបែនដឹកដី២គ្រឿង ចតនៅក្នុងឃ្លាំង សម្រាប់ជួលដឹកដី ត្រូវបានអគ្គិភ័យឆាបឆេះស្ទើរទាំងស្រុង តែសំណាងល្អមិនបណ្ដាលឲ្យមានមនុស្សរងរបួសឡើយ។ហេតុការណ៍នេះបានកើតឡើង កាលពីវេលាម៉ោង១២រំលងអធ្រាត្រ ឈានចូលថ្ងៃទី១២ ខែមករា ឆ្នាំ២០២៣ ស្ថិតនៅឃ្លាំងជួល សម្រាប់ដាក់រថយន្តមួយកន្លែង នៅចំណុចផ្លូវចូលតាមស្ថានីយ៍បូមទឹកបឹងទំពុន ស្ថិតនៅក្នុងភូមិត្នោតជ្រុំ ស្ថិតនៅក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។យោងតាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញអណ្តាតភ្លើងឆាបឆេះចេញពីរថយន្តបែនដឹកដីមួយគ្រឿង នៅក្នុងចំណោមរថយន្តដឹកដីជាច្រើនគ្រឿង ដែលស្ថិតនៅក្នុងឃ្លាំងខាងលើ។ ភ្លាមៗនោះអ្នកបើករថយន្តបែនដឹកដីម្នាក់ ដែលកំពុងគេងក្នុងរថយន្តមួយគ្រឿងទៀតបានឃើញភ្លើងឆេះ ក៏ស្រែកហៅគ្នាអោយនាំគ្នាជួយពន្លត់ ប៉ុន្តែអណ្តាតភ្លើងខ្លាំងពេកមិនអាចគ្រប់គ្រងបាន ទើបនាំគ្នាផ្តល់ដំណឹងទៅកាន់សមត្ថកិច្ចមូលដ្ឋាន ដើម្បីសុំជំនួយពីរថយន្តពន្លត់អគ្គិភ័យ។ក្រោយទទួលដំណឹងនេះភ្លាម ការិយាល័យនគរបាលបង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០៣គ្រឿង មកកាន់ទីតាំងកើតហេតុ ធ្វើការអន្តរាគមន៍បាញ់ពន្លត់ភ្លាមៗ។ ក្នុងហេតុការណ៍ អគ្គិភ័យនេះ ត្រូវបានរលត់ទាំងស្រុងក្រោយការអន្តរាគមន៍របស់មន្ត្រីជំនាញ ក្នុងនោះរថយន្តបែនដឹកដីចំនួន២គ្រឿងត្រូវបានឆាបឆេះស្ទើរទាំងស្រុង។ចំពោះមូលហេតុនៃការឆាបឆេះ មន្ត្រីជំនាញបានសាកសួរទៅកាន់អ្នកម្ចាស់រថយន្តបែនដឹកដី និងបានបញ្ជាក់ថា សង្ស័យបណ្តាលមកពីការឆ្លងចរន្តនៃអាគុយរថយន្ត ទើបបង្កជាអគ្គិភ័យឆាបឆេះតែម្តង៕ អត្ថបទ៖កុម្ភៈ

អគ្គិភ័យឆេះរថយន្តទំនើប ៣គ្រឿង ក្នុងឃ្លាំងរថយន្តមួយកន្លែង នៅសង្កាត់ផ្សារដេប៉ូទី១

ភ្នំពេញ៖ អគ្គិភ័យឆេះរថយន្តសេរីទំនើបចំនួន ០៣គ្រឿង ក្នុងឃ្លាំងស្ទុករថយន្តមួយកន្លែងបង្កការភ្ញាក់ផ្អើលយ៉ាងខ្លាំង តែសំណាងល្អមិនបណ្ដាលឲ្យមនុស្សរងរបួស និងមិនរាលដាលដល់ផ្ទះពលរដ្ឋផ្សេងទៀតឡើយ។ ហេតុការណ៍នេះបានកើតឡើងកាលពីវេលាម៉ោង៥ព្រឹក ថ្ងៃទី១០ ខែមករា ឆ្នាំ២០២៣ ស្ថិតនៅចំណុចឃ្លាំងលេខ២៣៤ ស្ថិតនៅតាមបណ្តោយផ្លូវ១៨៨ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញផ្សែងហ៊ុយចេញពីឃ្លាំងខាងក្រោយ នៃទីតាំងកើតហេតុ បន្ទាប់មកស្រាប់តែមានអណ្តាតភ្លើងឆាបឆេះរថយន្តមួយគ្រឿងម៉ាក Lexus LM300h បង្កការភ្ញាក់ផ្អើលយ៉ាងខ្លាំង។ ភ្លាមៗនោះប្រជាពលរដ្ឋ បានយកបំពុងឧស្ម័នបាញ់ពន្លត់ជាបឋម ប៉ុន្តែដោយសារតែឆាបឆេះខ្លាំង បណ្តាលឲ្យរាលដាលទៅដល់រថយន្តចំនួន ២គ្រឿងទៀតម៉ាក ប៊េនលី និង 4Runner ទើបប្រជាពលរដ្ឋ ទាក់ទងទៅកាន់សមត្ថកិច្ចមូលដ្ឋាន ដើម្បីសុំការអន្តរាគមន៍ពីរថយន្តពន្លត់អគ្គិភ័យ។ ក្រោយពីទទួលដំណឹងនេះ ការិយាល័យនគរបាលបង្ការពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យអន្តរាគមន៍ភ្លាមៗផងដែរ។ នៅក្នុងហេតុការណ៍អគ្គិភ័យនេះ មិនបានបណ្តាលឲ្យនរណាម្នាក់រងរបួសនោះទេ ចំពោះមូលហេតុនៃការឆាបឆេះ សមត្ថកិច្ចជំនាញកំពុងធ្វើការស្រាវជ្រាវ។ មន្ត្រីការិយាល័យបង្ការ និងពន្លត់អគ្គិភ័យបានឲ្យដឹងថា អគ្គិភ័យដែលបានឆាបឆេះឃ្លាំងស្តុករថយន្ត ដោយប្រើប្រាស់រថយន្តពន្លត់អគ្គិភ័យ អស់ចំនួន១៧គ្រឿង បាញ់ទឹកអស់ទាំង១៧គ្រឿង ទើបគ្រប់គ្រងអគ្គិភ័យបានរលត់ជាស្ថាពរ៕ អត្ថបទ៖ កុម្ភៈ

សមត្ថកិច្ចនឹងពង្រឹងវិធានការទប់ស្កាត់ឱ្យកាន់តែខ្លាំងនៅឆ្នាំនេះ ខណៈករណីបទល្មើសគ្រឿងញៀន កើនឡើងកាលពីឆ្នាំមុន

ភ្នំពេញ៖ ក្នុងឆ្នាំ២០២២ ការបង្ក្រាបបទល្មើសគ្រឿញៀន មានការកើនឡើងជាងឆ្នាំ២០២១ សមត្ថកិច្ចពាក់ព័ន្ធ នឹងពង្រឹងវិធានការទប់ស្កាត់ការជួញដូរគ្រឿងញៀនកាន់តែខ្លាំងបន្ថែមទៀត នៅឆ្នាំ២០២៣ ។នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំង គ្រឿងញៀន បានប្រាប់BTVនៅថ្ងៃនេះថា ជាលទ្ធផលនៃយុទ្ធនាការប្រយុទ្ធប្រឆាំងគ្រឿងញៀនខុសច្បាប់ លើកទី៧ ឆ្នាំ២០២២ ការបង្ក្រាបគ្រឿងញៀន មានជាង៦ពាន់ករណី កើនឡើងជាង ៤០ករណី ប្រៀបធៀបនឹងឆ្នាំ២០២១, កាចាប់យកសាធាតុញៀនមានទម្ងន់ជាង ១៤តោន កើនឡើងជាង ១០តោន ធៀបនឹងឆ្នាំ២០២១ និងឃាត់ខ្លួនជនសង្ស័យមានជាង ១ម៉ឺននាក់ជាដើម ។នាយកឧត្តមសេនីយ៍ បានបញ្ជាក់ថា ការកើនឡើងនៃការជួញដូរគ្រឿងញៀននៅឆ្នាំ២០២២ គឺ ដោយសារក្រុមឧក្រិដ្ឋជនអន្តរជាតិ បានលបលួចទឹកដីកម្ពុជា ជាមូលដ្ឋានធ្វើការចរាចរគ្រឿងញៀនឆ្លង កាត់ដើម្បីឆ្ពោះទៅរកប្រទេសទី៣ ។ដើម្បីទប់ស្កាត់ជួញដូរគ្រឿងញៀនក្នុងឆ្នាំ២០២៣នេះ នាយឧត្តមសេនីយ៍ មាស វិរិទ្ធ បានលើក ឡើងពីផែនការសំខាន់រួមមាន៖ អាជ្ញាធរជាតិប្រយុទ្ធប្រឆាំងគ្រឿងញៀន នៅបន្តអនុវត្តគោលនយោបាយ ប្រយុទ្ធប្រឆាំងការជួញដូរគ្រឿងញៀនរបស់រាជរដ្ឋាភិបាល, អាជ្ញាធរជាតិប្រយុទ្ធប្រយុទ្ធប្រឆាំងគ្រឿងញៀន បានស្នើទៅរាជរដ្ឋាភិបាល ពីគោលនយោបាយថ្មីមួយទៀត គឺការបង្កើតកសាងភូមិ-ឃុំ/សង្កាត់ ស គ្មានគ្រឿងញៀន នៅតាមខេត្តជាប់ព្រំដែន និងការបំពេញបន្ថែមចំណុចខ្វះខាតនៅឆ្នាំ២០២២ជាដើម៕អត្ថបទ៖ ទូច សោភ័ណ

Updat៖ ករណីហិង្សាបណ្ដាលឱ្យផ្ទុះអាវុធមួយគ្រាប់រងរបួសក្មេងៗចំនួន០៣ នាក់

ភ្នំពេញ៖ ជនសង្ស័យចំនួន០៣នាក់ត្រូវបានសមត្ថកិច្ចឃាត់ខ្លួន បញ្ជូនទៅកាន់ប៉ុស្តិ៍នគរបាលរដ្ឋបាលគោករកា បន្ទាប់ពីពាក់ព័ន្ធនៅក្នុងករណីហិង្សារហូតឈានដល់បាញ់បោះ និងបង្កស្នាមរបួសដល់មនុស្ស០៣នាក់។ ហេតុការណ៍នេះ បានកើតឡើងកាលពីវេលាម៉ោង៩និង៣០នាទីយប់ ថ្ងៃទី៣ ខែមករា ឆ្នាំ២០២៣ ស្ថិតនៅ ភូមិអណ្តូង៣ សង្កាត់គោករកា ខណ្ឌព្រែកព្នៅ រាជធានីភ្នំពេញ។យោងតាមលោកអនុសេនីយ៍ឯក អ៊ុន ផុស នាយរងប៉ុស្តិ៍ទទួលផែនព្រហ្មទណ្ឌនៃប៉ុស្តិ៍រដ្ឋបាលគោករកា បានឲ្យដឹងថា រហូតមកដល់ពេលនេះ កម្លាំងសមត្ថកិច្ចបានឃាត់ខ្លួនជនសង្ស័យចំនួន ០៣នាក់ ដែលភាគីពីរនាក់បង្កហិង្សារហូតឲ្យជនបង្កដែលកាន់កាប់អាវុធឈានដល់ផ្ទុះអាវុធមួយគ្រាប់ ប្រើប្រាស់អាវុធម៉ាក់lock ដើម្បីគំរាម។ ក៏ប៉ុន្តែជាអកុសលបាញ់មួយគ្រាប់សំដៅទៅផ្លូវបេតុងបណ្ដាលឱ្យបំណែកបេតុងខ្ទាតទៅត្រូវ ក្មេងៗចំនួនបីនាក់ដែលកំពុងអង្គុយលេងក្បែរនោះ។លោកនាយរងប៉ុស្តិ៍ បានឲ្យដឹងថា មុនឈានដល់ករណីហិង្សានិងផ្ទុះអាវុធនេះដំបូងឡើយគឺយុវជនពីរនាក់ដែលត្រូវបាននគរបាលឃាត់ខ្លួនដែរនោះចោទទៅលើបុរសម្នាក់ដែលជាមន្រ្តីយោធាមានអាវុធ ថាយកដបទឹកសុទ្ធគប់ទៅលើពួកគេ ពេលនោះបុរសដែលកាន់កាប់អាវុធឆ្លើយថាមិនដឹងនោះទេ ស្រាប់តែបុរសពីរនាក់នោះហក់ទៅបង្កហិង្សារហូតឱ្យបុរសកាន់អាវុធសម្រេចចិត្តបាញ់មួយគ្រាប់ចុចទៅផ្លូវបេតុងដើម្បីគំរាម។សូមបញ្ជាក់ផងដែរ បើតាមប្រភពព័ត៌មានពីប្រជាពលរដ្ឋនៅកន្លែងកើតហេតុ បានអោយដឹងថា នៅមុនពេលកើតហេតុ មានក្មេងមួយក្រុមអង្គុយលេងហ្គេមតាមទូរស័ព្ទដៃ នៅចំណុចកើតហេតុ ស្រាប់តែមានជនសង្ស័យ៣នាក់ ដើរមកជិតរួចប្រើអោយទៅទិញអីវ៉ាន់ (គ្រឿងញៀន) តែក្មេងៗទាំងនោះបដិសេធ មិនព្រមទៅតាមបញ្ជា ជនសង្ស័យក៏បានដើរទៅវិញបាត់។ក្មេងប្រុសម្នាក់ក្នុងចំណោមក្មេងរងគ្រោះ បានឲ្យដឹងថា ខ្លួនបានទៅផ្ទះ រួចត្រឡប់មកទិញអីញាំ ស្រាប់តែប្រទះឃើញជនបង្ក ឈ្លោះគ្នាជាមួយក្មេងៗឯទៀត ខ្លួនក៏ដើរចេញ ភ្លាមៗនោះជម្លោះកាន់តែខ្លាំង ធ្វើអោយជនបង្កខឹងដកកាំភ្លើងបាញ់មួយគ្រាប់ទៅដី បណ្តាលឲ្យខ្ទាតត្រូវក្មេងៗ ដែលកំពុងលេងសប្បាយជុំគ្នានៅក្នុងភូមិ ចំនួន០៥នាក់ រួមទាំងខ្លួនម្នាក់ សរុប០៦នាក់ របួសធ្ងន់៣នាក់ និងស្រាល៣នាក់។តាមសម្តីក្មេងរងគ្រោះ បានបន្ថែមថា កន្លងមកជនបង្ក ធ្លាប់បានដកកាំភ្លើង ភ្ជង់គំរាមគេរួចម្តងមកហើយ។បច្ចុប្បន្នជនសង្ស័យទាំង០៣នាក់ ត្រូវបានសមត្ថកិច្ចឃាត់ខ្លួនកំពុងធ្វើការសាកសួរនិងកសាងសំណុំរឿងចាត់ការតាមនីតិវិធី៕ អត្ថបទ៖ កុម្ភៈ

ក្រុមអ្នកប្រើលំពែង និងដំបង វាយដំលើមនុស្សមួយក្រុមនៅខណ្ឌមានជ័យ ត្រូវបានឃាត់ខ្លួន

ភ្នំពេញ៖ ក្រុមយុវជនទំនើងមួយក្រុម ដែលបានប្រើដំបង និងលំពែង វាយទៅលើមនុស្សប្រុសស្រីមួយក្រុម កាលពីវេលាម៉ោង ៤ជិតភ្លឺនាថ្ងៃទី៣ ខែមករា ឆ្នាំ២០២៣នេះ ត្រូវបានកម្លាំងសមត្ថកិច្ចខណ្ឌមានជ័យ បើកការស្រាវជ្រាវតាមចាប់ខ្លួន បានអស់ហើយក្រោយការធ្វើសកម្មភាពរួចប្រមាណ ៦ម៉ោង។ ករណីនេះ កើតឡើងនៅមុខផ្ទះលក់ទឹកកកមួយកន្លែង ស្ថិតតាមបណ្តោយផ្លូវបេតុង ក្នុងភូមិដំណាក់ធំ១ សង្កាត់ស្ទឹងមានជ័យ២ ខណ្ឌមានជ័យ។ អំពើហិង្សានេះ បានបង្កឱ្យមានការភ្ញាក់ផ្អើលជាខ្លាំង នៅលើបណ្តាញសង្គម ក្រោយពីមានហ្វេសប៊ុកមួយ បានបង្ហោះវីឌីអូឃ្លីប ដែលយកចេញពីកាមេរ៉ាសុវត្ថិភាព ដែលបង្ហាញពីសកម្មភាពយ៉ាងសាហាវរបស់ក្រុមក្មេងទំនើងទាំងនេះ។ បន្ទាប់ពីមានករណីនេះកើតឡើង កម្លាំងសមត្ថកិច្ចចម្រុះដែលដឹកនាំដោយលោក ហែម ដារិទ្ធិ អភិបា លខណ្ឌមានជ័យ និងលោកវរសេនីយ៍ទោ អ៊ុក បូនីន អធិការនគរបាលខណ្ឌ បានចុះពិនិត្យជាក់ស្តែងដល់ទីតាំងកើតហេតុ និងបានបើកការស្រាវជ្រាវ រហូតឈានទៅចាប់ខ្លួនក្រុមក្មេងទំនើងទាំងនេះ ដល់ផ្ទះរបស់ពួកគេតែម្តង។ អធិការខណ្ឌមានជ័យ លោកវរសេនីយ៍ទោ អ៊ុក បូនីន ឱ្យដឹងបន្ថែមថា បច្ចុប្បន្នជនសង្ស័យទាំង ០៣ ត្រូវឃាត់ខ្លួនបណ្តោះអាសន្ន នឹងត្រៀមកសាងសំណុំរឿងបញ្ចូនទៅតុលាការផងដែរ៕ អត្ថបទ៖ លីហេង

បណ្ដាញសង្គម

ព័ត៌មានថ្មីៗ

ឯកឧត្តម គន់ គីម៖ ក្នុងអាណត្តិរបស់រាជរដ្ឋាភិបាលដឹកនាំដោយសម្តេចធិបតី នឹងខិតខំសាងសង់ផ្ទះជូនអតីតយុទ្ធជនជាង២ពាន់គ្រួសារនៅទូទាំងប្រទេស

ឯកឧត្តម ប៉ែន បូណា៖ «នេះជាពេលវេលាដែលខ្មែរគ្រប់គ្នាជួយចូកជួយចែវ កុំយកជើងរាទឹក»

ឥណ្ឌាប្រាប់ថា ខ្លួននឹងមិនស្តារសន្ធិសញ្ញាទឹក Indus ជាមួយប៉ាគីស្ថានទេ

អាមេរិកនឹងយកនាវាផ្ទុកយន្តហោះទី៣ ទៅកៀកនឹងតំបន់មានជម្លោះ នៅមជ្ឈិមបូព៌ា

រុស្ស៊ីចុះហត្ថលេខាលើកិច្ចព្រមព្រៀងវិនិយោគជាមួយមីយ៉ាន់ម៉ា ខណៈមើលឃើញប្រេង និងឧស្ម័ន នៅសមុទ្រ

លោកជំទាវ ភឿង សកុណា៖ នៅលើទឹកដីពិសិដ្ឋនេះ មានតំណក់ញើស និងឈាមរបស់បុព្វបុរសខ្មែរដែលយើងត្រូវចាំបាច់ការពារ

ក្រសួងសុខាភិបាល៖ បុរសអាយុ៥២ឆ្នាំម្នាក់បានស្លាប់ដោយសារជំងឺផ្ដាសាយបក្សី H5N1

ភាពតានតឹង នៅមជ្ឈិមបូព៌ា ធ្វើឲ្យវិនិយោគិនប្រុងប្រយ័ត្ន ដោយពិចារណាពីសេណារីយ៉ូអាក្រក់បំផុត

រដ្ឋមន្ត្រីការពារជាតិអ៊ីស្រាអែល៖ យោធាបានសម្លាប់ប្រមុខអង្គភាពប៉ាឡេស្ទីន ក្នុងក្រុមប្រដាប់អាវុធបរទេសរបស់ IRGC

គណៈប្រតិភូក្រសួងវប្បធម៌ និងវិចិត្រសិល្បៈ នាំយកអំណោយ និងសាកសួរសុខទុក្ខកងទ័ពនៅទិសយោធភូមិភាគទី៤

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877