BTV NEWS

នគរបាលនៅអាកាសយានដ្ឋានអន្តរជាតិភ្នំពេញ ឃាត់ខ្លួនជនបរទេសម្នាក់ ពាក់ព័ន្ធករណីដឹកជញ្ជូនកញ្ឆាក្រៀមឆ្លងដែនជិត ២០គីឡូក្រាម

ក្រុមក្មេងទំនើងជាង៤០នាក់ ត្រូវសមត្ថកិច្ចបញ្ជូនទៅពន្ធនាគារ អ្នកនាំពាក្យព្រមានថា "បើមិនកែ គឺគុក!"

នាយកដ្ឋានប្រឆាំងបទល្មើសបច្ចេកវិទ្យា បង្រ្កាបករណីឆបោកក្រោមរូបភាពទិញលក់ម៉ូតូតាមអនឡាញ

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

សន្តិសុខ និង សង្គម

កងរាជអាវុធហត្ថខេត្តតាកែវ កាប់បំផ្លាញដំណាំកញ្ឆាខុសច្បាប់ជិត ១ម៉ឺនដើមនៅតាមជួរភ្នំស្រុកគីរីវង់

តាកែវ៖ កម្លាំងសមត្ថកិច្ចកងរាជអាវុធហត្ថខេត្តតាកែវ បានបើកយុទ្ធនាការចុះកាប់បំផ្លាញដំណាំកញ្ឆា ដែលក្រុមជនខិលខូចលួចដាំនៅតាមជួភ្នំ នៅក្នុងស្រុកគីរីវង់ រយៈពេលពេញមួយថ្ងៃម្សិលមិញនេះ ដោយធ្វើការកាប់បំផ្លាញដំណាំកញ្ឆាខុសច្បាប់ បានជិត១ម៉ឺនដើម។ប្រតិបត្តិការចុះកាប់បំផ្លាញដំណាំកញ្ឆាខុសច្បាប់នេះ ដឹកនាំដោយលោក ខាន់ សុខា អភិបាលរងខេត្តនិងលោក ង៉ែត ចន្ធី មេបញ្ជាការរងកងរាជអាវុធហត្ថខេត្ត ដោយមានការសម្របសម្រួលពីលោកព្រះរាជអាជ្ញារងខេត្តតាកែវ ញ៉ាន បូរី។លោកវរៈសេនីយ៍ឯក ង៉ែត ចន្ធី មេបញ្ជាការរងកងរាជអាវុធខេត្តតាកែវ បានថ្លែងឲ្យដឹងថា កំលាំងរបស់លោកបានចុះរុករកឃើញទីតាំងដាំកញ្ឆាខុសច្បាប់ចំនួន២កន្លែង កន្លែងទី០១ នៅត្រង់ចំណុចខាងកាប់ថ្មជ្រោះទួងទូង ស្ថិតនៅភូមិស្លា ឃុំតាអូរស្រុកគីរីវង់ខេត្តតាកែវ។ ទីតាំអនេះយើងបានកាប់បំផ្លាញកញ្ឆាស្រស់ចោលចំនួន៥៣៦០ដើម ផ្ទៃដី២៥៩ម៉ែត្រការេ ស្មើចំនួន០៦ទីតាំង,អាងស្តុបទឹកចំនួន០៤ ។ កន្លែងទី០២ ត្រង់ចំណុចភ្នំថ្មត្រួត ស្ថិតនៅភូមិឈើទាលភ្លោះ ឃុំព្រៃអំពក ស្រុកគីរីវង់ ខេត្តតាកែវ។លទ្ធផលកាប់បំផ្លាញកព្ឆាស្រស់ចោលចំនួន២៩៨៩ដើម ស្មើ០៦ទីតាំងផ្ទៃដី១១០០ ម៉ែត្រការេអាងស្តុកទឹកចំនួន០៣ ក្រោយពីកាប់បំផ្លាញរួចកម្លាំងយើងបានដុតបំផ្លាញចោលនៅនឹងកន្លែងទីតាំងផ្ទាល់តែម្ដង។លោកមេបញ្ជាការរងកងរាជអាវុធហត្ថខេត្តតាកែវ បានថ្លែងបន្តថា កំលាំងកងរាជអាវុធហត្ថខេត្តតាកែវ កំពុងតែធ្វើការស្រាវជ្រាវមុខសញ្ញាជនល្មើសដែលនៅពីក្រោយជាអ្នកផ្ដល់ពូជកញ្ឆានិងផ្ដល់លុយឲ្យប្រជាជនឡើងមកដាំ និងអ្នកពាក់ព័ន្ធនានា ដើម្បីចាប់ខ្លួនយកមកផ្ដន្ទាទោសទៅតាមច្បាប់ ។ការងារនេះ សមត្ថកិច្ចកងរាជអាវុធហត្ថ និងបន្តធ្វើដូចភ្លៀងរលឹម ជាពិសេសដោយមានគោលការណ៍ណែនាំពីព្រះរាជអាជ្ញាអោយស្រាវជ្រាវម្ចាស់ចំការ អ្នកកាន់កាប់ដីអាស្រ័យផល យើងសង្ឃឹមថា និងចាប់បានមុខសញ្ញាក្នុងពេលឆាប់ៗខាងមុខនេះ៕អត្ថបទ៖ គុជ វិភាគ

សារធាតុញៀនសារធាតុគីមីផ្សំ និងសារធាតុគីមីចំនួនជាង៩០តោន នឹងត្រូវកម្ទេចចោលនៅឆ្នាំនេះ

ភ្នំពេញ៖ សារធាតុញៀន សារធាតុគីមីផ្សំ និងសារធាតុគីមីពាក់ព័ន្ធបទល្មើស ចំនួនជាង៩០តោន នឹងត្រូវកម្ទេចចោលនៅឆ្នាំនេះ ទៅតាមវគ្គៗ ដាច់ដោយឡែកពីគ្នាដោយការដុតកម្ទេច និងបន្សាប។របាយការណ៍របស់អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ដែលBTVទទួល បាននៅថ្ងៃនេះ បានបង្ហាញថា នៅឆ្នាំនេះ សាលារាជធានីភ្នំពេញ បានសម្រេចឱ្យបំផ្លាញចោលនូវសារធាតុញៀន សារធាតុគីមីផ្សំ និងសារធាតុគីមី ចំនួនជាង៩០តោន ៨០គីឡូក្រាម ក្នុងនោះ សារធាតុញៀន ចំនួនជាង៩តោន ៩០០គីឡូក្រាម។របាយការណ៍ បានបញ្ជាក់ថា សារធាតុញៀន និងសារធាតុគីមី ដែលត្រូវកម្ទេចដោយវិធីដុត មាន ចំនួនជាង ៦តោន៨០០គីឡូក្រាម និងសារធាតុញៀន សារធាតុគីមីផ្សំ និងសារធាតុគីមី ដែលត្រូវកម្ទេច ដោយវិធីបន្សាបមានចំនួនជាង៨៣តោន ៨០០គីឡូក្រាម។របាយបាយការណ៍ បានបញ្ជាក់ទៀតថា សារធាតុញៀន ដែលត្រូវបានរឹបអូស និងត្រូវកម្ទេចចោល មានដូចជាប្រភេទ ហេរ៉ូអ៊ីន កូកាអ៊ីន ថ្នាំគ្រវី កាទីណូន មេតំហ្វេតាមីន កេតាមីន នីមេតាហ្សេប៉ាម និង កញ្ឆា ខណៈថ្ងៃទី២៦ ខែមិថុនានេះ គឺជាទិវាអន្តរជាតិប្រយុទ្ធប្រឆាំងគ្រឿងញៀន៕អត្ថបទ៖ យន់ វ៉ាន់

បទល្មើសនេសាទក្នុងអាងទន្លេមេគង្គ ក្នុងភូមិសាស្ដ្រខេត្តស្ទឹងត្រែង បានថយចុះបណ្ដើរៗ

ស្ទឹងត្រែង៖ នាយខណ្ឌរដ្ឋបាលជលផលស្ដីទីខេត្តស្ទឹងត្រែង បានបញ្ជាក់ថា បើប្រៀបធៀបនឹងឆ្នាំកន្លងទៅ បទល្មើសជលផល មានការថយចុះជាបណ្តើរៗ ពីមួយឆ្នាំទៅមួយឆ្នាំ ទាំងនេះក៏ដោយសារមានការជួយជ្រោមជ្រែងពីកងកម្លាំង ស្ថាប័នពាក់ព័ន្ធ ប្រជាសហគមន៍ និងជាពិសេសពីថ្នាក់ដឹកនាំកំពូលៗក្នុងខេត្ត។គិតចាប់ពីថ្ងៃ០១ ខែឧសភា មកដល់ថ្ងៃទី២២ ខែមិថុនា ឆ្នាំ២០២២ ក្នុងរដូវបិទនេសាទ ក្នុងភូមិ សាស្ដ្រខេត្តស្ទឹងត្រែង តាមការឱ្យដឹងពីលោក ស្រី សមវិចិត្រ នាយខណ្ឌរដ្ឋបាលជលផលខេត្តស្ទឹងត្រែង ឃាត់បានប្រជានេសាទឲ្យធ្វើកិច្ចសន្យាចំនួន ៨៥នាក់ និងរឹបអូសបាននៅឧបករណ៍ស្មើសច្បាប់ជាច្រើន ប្រភេទយកមកបំផ្លាញចោល។លោក បានឱ្យដឹងថា ក្នុងការចុះពិនិត្យ ស្ថានភាពតំបន់អភិរក្សនៅតាមដងទន្លេ ក្នុងភូមិសាស្ត្រខេត្តស្ទឹងត្រែង បានរឹបអូសឧបករណ៍នេសាទខុស ច្បាប់ក្នុងរដូវបិទនេសាទ យកម្ទេចចោល ក្នុងនោះមានដូចជា មងបណ្តែត សន្ទូចរនង ក្បាលឆក់ អាគុយ ទូកម៉ាស៊ីន របាំងព្រួល លូសាច់អួន លបប្រើស និងសាច់អួន ហើយថ្មីៗនេះ ក៏បានលែងត្រីបបែលយក្សទឹកសាប ចំនួន០៣ក្បាល និងត្រីមេពូជប្រមាណ ១២០គីឡូ ក្រាមចូលក្នុងទឹកទន្លេធម្មជាតិវិញផងដែរ។លោក បានបន្តថា ក្រៅពីការធ្វើកិច្ចសន្យាចំពោះក្រុមនេសាទ និងកម្ទេចឧបករណ៍នេសាទខុស ច្បាប់មន្ត្រីជលផល បានចុះផ្សព្វផ្សាយពីច្បាប់ ស្ដីពីជលផល និងលិខិតបទដ្ឋានគតិយុត្តផ្សេងៗ ដល់ប្រជាសហគមន៍ ចំនួន៣៥ និងផ្សព្វផ្សាយពីរដូវបិទនេសាទឱ្យប្រជាជនបានជ្រួតជ្រាប តាមវិទ្យុ ទូរទស្សន៍ ផ្សាយតាមមេក្រូ ខិត្តប័ណ្ណ បណ្តាញទំនាក់ទំនងសង្គម និងជួបពួកគេផ្ទាល់តាមខ្នងផ្ទះនីមួយៗថែមទៀត។ ជាមួយគ្នានោះ មន្ត្រីជលផល ក៏បានចុះល្បាតជាប្រចាំនៅតាមតំបន់អភិរក្សសត្វផ្សោតទាំងបួនអន្លង់ ដើម្បី បង្ការទប់ស្តាត់ និងបង្ក្រាបបទល្មើសជលផលមិនឱ្យកើតមានបន្តទៀត៕ អត្ថបទ៖ មាស ផល្លា

ព្រះរាជអាជ្ញាខេត្តតាកែវថ្មី ចាប់ផ្ដើមបង្ក្រាបទីតាំងលេងល្បែងស៊ីសងខុសច្បាប់ ឃាត់ខ្លួនមនុស្សចំនួន ១៣នាក់

តាកែវ៖ ក្នុងរយៈពេលប៉ុន្មានថ្ងៃកន្លងមកនេះ កំលាំងអាវុធហត្ថខេត្តតាកែវ ទទួលបទបញ្ជាពីលោក ឯក ឆេងហ៊ួត ព្រះរាជអាជ្ញាខេត្តតាកែវថ្មី ចុះបង្ក្រាបទីតាំងល្បែងខុសច្បាប់ នឹងចាប់ខ្លួនអ្នកញៀនល្បែងចំនួន១៣នាក់ បញ្ជូនទៅតុលាការចាត់ការតាមនីតិវិធីនៃច្បាប់ ។លោក ង៉ែត ចន្ធី មេបញ្ជាការរងកងរាជអាវុធហត្ថខេត្តតាកែវ ដែលបានដឹកនាំកំលាំងចុះទៅចាប់អ្នកញៀនល្បែងដល់ទីតាំងល្បែងនៅតាមបណ្ដាលស្រុកមួយចំនួននៅក្នុងខេត្តតាកែវ បានថ្លែងប្រាប់ទូរទស្សន៍BTV ឱ្យដឹងថា កម្លាំងកងរាជអាវុធហត្ថរបស់មន្ទីរស្រាវជ្រាវ និងបង្ក្រាបបទល្មើសខេត្តតាកែវ ចំនួន ១៦នាក់ ដោយមានការដឹកនាំសម្របសម្រួលនីតិវិធីពីលោក ស្រ៊ីវ គឹមស្រស់ ព្រះរាជអាជ្ញារងខេត្តតាកែវ ចុះបង្ក្រាបទីតាំងជល់មាន់ភ្នាល់ដាក់ប្រាក់ខុសច្បាប់តាមទូរទស្សន៍អនឡាញ នៅតាមបណ្ដាលស្រុកមួយចំនួនក្នុងខេត្តតាកែវ ដោយបានធ្វើការឃាត់ខ្លួនមនុស្សចំនួនជាង១០នាក់ បញ្ជូនទៅកាន់តុលាការ ដើម្បីចាត់ការទៅតាមច្បាប់។លោក ឯក ឆេងហ៊ួត បានថ្លែងប្រាប់ទូរទស្សន៍ប៊ីធីវី ថា មនុស្សទាំង១៣នាក់ដែលសម្ថកិច្ចបានចាប់បញ្ជូនមកអយ្យការ ត្រូវបានលោកចោទប្រកាន់ពីបទលេងល្បែងស៊ីសង ហើយបានបញ្ជូនទៅចៅក្រមស៊ើបសួរ ដើម្បីចាត់ការទៅតាមច្បាប់»។ពាក់ព័ន្ធនឹងសំណុំរឿងនេះ លោក អ៊ាក ផល្លា ប្រធានសាលាដំបូងខេត្តតាកែវ បានថ្លែងឱ្យដឹងថា លោកមិនទាន់បានឃើញសំណុំរឿងអ្នកលេងល្បែងស៊ីសងខុសច្បាប់នេះបញ្ជូនមកចៅក្រមនៅឡើយទេ ។បើយោងតាមប្រភពពីបងប្អូនប្រជាពលរដ្ឋនៅក្នុងខេត្តតាកែវ ខេត្តតាកែវ នាពេលបច្ចុប្បន្ននេះ កំពុងតែល្បីល្បាញរឿងលេងល្បែងស៊ីសងខុសច្បាប់ នៅតាមបណ្ដាលក្រុងស្រុកទាំង១០ ជាពិសេសនៅក្នុងស្រុកបាទី ស្រុកគីរីវង់ ស្រុកត្រាំកក់ និងក្រុងដូនកែវ។ទីតាំងល្បែងជល់មាន់តាមអនឡាញ និងល្បែងឡូតូ ឆ្នោតវៀតណាម បានបើកយ៉ាងរំភើយដោយគ្មានការរំខានពីអាជ្ញាធរ និងសមត្ថកិច្ចមូលដ្ឋាន ជាពិសេសសមត្ថកិច្ចនគបាលគឺបណ្ដាលមកពីមន្រ្តីទាំងអស់នោះ បានទទួលសំណែនក្រាស់ក្រែលពីមេល្បែងស៊ីសង ។ក្រុមប្រជាពលរដ្ឋក្នុងខេត្តតាកែវ បានសំណូមពរដល់លោកព្រះរាជអាជ្ញាខេត្តតាកែវថ្មី ឯក ឆេងហ៊ួត ដែលទើបនឹងផ្លាស់មកពីខេត្តកំពត ហើយដែលមានស្នាដៃល្អកន្លងមក នឹងធ្វើការបង្រ្កាបក្រុមលេងល្បែងស៊ីសងខុសច្បាប់នេះ ដោយគ្មានប្រណី ជាពិសេសកាស៊ីណូនៅភ្នំដិន ដែលបើកលេងជល់មាន់ យ៉ាងចំហ និងមេល្បែងដុះស្នឹមដ៏ធំនៅក្នុងស្រុកត្រាំកក់ «អង់តាសោម» ដែលមានបងប្រុសជាស្នងការរងធ្វើជាខ្នងបង្អែក៕

អគ្គិភ័យឆាប់ឆេះផ្ទះប្រជាពលរដ្ឋ ៤ខ្នង នៅសង្កាត់ស្វាយប៉ាក ខណ្ឌឬស្សីកែវ

ភ្នំពេញ៖ ផ្ទះប្រជាពលរដ្ឋប្រភេទសំណង់ឈើប្រកស័ង្កសី ត្រូវបានអគ្គិភ័យឆាប់ឆេះអស់ចំនួន ០៤ខ្នងផ្ទះ វេលាម៉ោង១០និង៤០នាទី ព្រឹកថ្ងៃទី២១ ខែមិថុនា ឆ្នាំ២០២២ នៅចំណុចភូមិស្វាយប៉ាក ក្រុម០៥ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។តាមប្រភពព័ត៌មាន បានឱ្យដឹងថា នៅមុនពេលកើតហេតុឃើញមានអណ្ដាតភ្លើងឆេះចេញពីក្នុងផ្ទះពលរដ្ឋ ហើយបាននាំគ្នារត់ចេញក្រៅ នាំគ្នាយកបំពង់ពន្លត់អគ្គិភ័យជួយអន្តរាគមន៍បាញ់ពន្លត់តែពុំអាចគ្រប់គ្រងបាន។ ភ្លាមៗនោះអាជ្ញាធរខណ្ឌ បានទាក់ទៅកម្លាំងនគរបាលជំនាញចេញរថយន្តពន្លត់អគ្គិភ័យជាច្រើនគ្រឿង ដល់ទីតាំងកើតហេតុ។សូមបញ្ជាក់ផងដែរ នៅចំណុចលើបឹងកំផ្លោកនេះ មានផ្ទះពលរដ្ឋសាងសង់នៅលើបឹងកំផ្លោក ជិត១០ខ្នងផ្ទះ ត្រូវបានអគ្គិភ័យឆាប់ឆេះ និងរាលដាលឆេះអស់ចំនួន០៤ខ្នងផ្ទះ។មន្រ្តីអគ្គិភ័យ បានឲ្យដឹងថា ក្នុងហេតុការណ៍ដោយផ្ទះពលរដ្ឋប្រភេទសំណង់ឈើប្រកស័ង្ហសី ដូច្នេះអណ្ដាតភ្លើងឆាបឆេះលឿន ធ្វើឲ្យមន្រ្តីជំនាញ លំបាកក្នុងការបាញ់ទឹកពន្លត់ឲ្យបានទាន់ពេលវេលា ប៉ុន្តែសំណាងល្អមិនបណ្ដាលឲ្យមានមនុស្សរងរបួសឡើយ។ក្នុងគ្រោះអគ្គិភ័យនេះ រថយន្តពន្លត់អគ្គិភ័យបានមកដល់ទីតាំងកើតហេតុជាច្រើនគ្រឿង និងបានប្រើប្រាស់រថយន្តពន្លត់អគ្គិភ័យអស់ជាច្រើនគ្រឿងទើបរលត់ជាស្ថាពរ។ ចំពោះមូលដ្ឋាន មន្ត្រីជំនាញបានបញ្ជាក់ជំហានដំបូងថា បណ្ដាលមកពីឆ្លងចរន្តអគ្គីសនី៕ អត្ថបទ៖ កុម្ភៈ

អាជ្ញាធរខណ្ឌដូនពេញ ចុះឃាត់ខ្លួនក្មេងស្ទាវដែលប្រមូលផ្ដុំគ្នានៅសួនច្បារវត្តបុទមវត្តី ជាច្រើននាក់

ភ្នំពេញ៖ ក្រោយមានការសំណូមពរពីបងប្អូនប្រជាពលរដ្ឋ និងមានករណីក្រុមក្មេងស្ទាវទាំងនេះ បានប្រមូលផ្ដុំគ្នាបង្កហិង្សាវៃមនុស្សបណ្ដាលឲ្យរងរបួស ថែមទាំងកាប់កម្ទេចម៉ូតូផងដែរនោះ កម្លាំងគណៈបញ្ជាការឯកភាពខណ្ឌដូនពេញ បានដាក់កម្លាំងចុះប្រតិបត្តិការ ឃាត់ខ្លួនក្រុមក្មេងស្ទាវ បានជាច្រើននាក់ និងដកហូតមធ្យោបាយធ្វើដំណើរជាច្រើនគ្រឿង។ប្រតិបត្តិការនេះ បានធ្វើឡើងនៅវេលាម៉ោង៣យប់ទៀបភ្លឺ ឈានចូលថ្ងៃទី២០ ខែមិថុនា ឆ្នាំ២០២២ ស្ថិតនៅតាមបណ្តោយផ្លូវសម្តេចសុធារស លើសួនច្បារវត្តបុទមវត្តី ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។តាមប្រភពពីមន្រ្តីសាលាខណ្ឌដូនពេញ បានឱ្យដឹងថា ក្នុងរង្វង់ប្រតិបត្តិការនេះកម្លាំងបានធ្វើការឃាត់មនុស្សបាន ៥១នាក់ ស្រី ១៧នាក់ ប្រុស ៣៤នាក់ ភេទទី៣ ០១នាក់ សំភារៈ រួមមាន ម៉ូតូ ១៩គ្រឿង កង់បី ០៥គ្រឿង (passapp) យកទៅសាលាខណ្ឌដូនពេញ ដើម្បីធ្វើការអប់រំ ណែនាំនិងធ្វើកិច្ចសន្យាដោយហៅអាណាព្យាបាលមកទើបឲ្យត្រឡប់ទៅវិញ។ ព្រោះថាក្រុមទាំងនេះ អ្នកខ្វះធ្វើជាអ្នកដឹកជញ្ជូន អ្នកខ្លះទៀតដូចជាគ្មានភារកិច្ចអ្វីនោះទេ បានមកប្រមូលផ្ដុំគ្នា ពពាក់ពពូនគ្នាដាច់យប់មិនចូលផ្ទះ បង្កជាភាពអសន្តិសុខ។គួរបញ្ជាក់ផងដែរនៅវេលាម៉ោង៣ទៀបភ្លឺ ឈានចូលថ្ងៃទី១៩ ខែមិថុនា ឆ្នាំ២០២២ មានក្រុមក្មេងស្ទាវមួយក្រុម ប្រដាប់ដោយដុំថ្ម និងដំបងក្រលាស់ បានព្រួតគ្នាវាយទៅលើយុវជន និងយុវតី បណ្តាលឱ្យរងរបួសធ្ងន់ស្រាល នៅសួនច្បារវត្តបុទមវត្តី ក្នុងសង្កាត់ចតុមុខ ខណ្ឌដូនពេញ ហេតុការនេះហើយ ដែលបង្កភាពអសន្តិសុខ ហើយពលរដ្ឋបានសំណូមពរដល់អាជ្ញាធរពាក់ព័ន្ធគួរមានវិធានការ។ក្រោយទទួលបានព័ត៌មាន លោក សុខ ពេញវុធ អភិបាលខណ្ឌដូនពេញ ក៏បានដឹកនាំកម្លាំងក្រោមឱវាទ ប្រជុំនិងរៀបចំផែនការបង្ការទប់ស្កាត់ក្មេងទំនើង ដែលអុកឡុកក្នុងមូលដ្ឋាន កាលពី វេលាម៉ោង ៨និង៣០ព្រឹក នៅថ្ងៃទី១៩ ខែមិថុនា ឆ្នាំ២០២២ មានសមាសភាពចូលរួមលោកអភិបាលរង នៃគណៈអភិបាលខណ្ឌដូនពេញ, លោកអធិការនគរបាលខណ្ឌ , លោកមេបញ្ជាការកងរាជអាវុធហត្ថខណ្ឌ, លោកនាយករដ្ឋបាលខណ្ឌ, លោកប្រធានសាធារណៈការខណ្ឌ និងលោក លោកស្រីចៅសង្កាត់ទាំង១១ និងលោកនាយប៉ុស្តិ៍នគរបាលសង្កាត់ទាំង១១៕ អត្ថបទ៖កុម្ភៈ

អាជ្ញាធរខណ្ឌឬស្សីកែវ ឆ្មក់ចុះបង្ក្រាបទីតាំងជល់មាន់ និងល្បែងអាប៉ោង ឃាត់ខ្លួនមនុស្ស៤នាក់ ដកហូតមាន់១៦ក្បាល និងរថយន្តម៉ូតូ

ភ្នំពេញ ៖ ក្រោយទទួលបានព័ត៌មាន និងសេចក្ដីរាយការណ៍ច្បាស់ការពីទីតាំងសង្វៀនជល់មាន់ និង ល្បែងអាប៉ោងដ៏ធំមួយកន្លែង កំពុងតែជុំគ្នាលេងយ៉ាងអានាធិបតេយ្យ ត្រូវបានកម្លាំងគណៈបញ្ជការឯកភាពខណ្ឌឬស្សីកែវ ដាក់កម្លាំងធ្មក់ចុះបង្ក្រាប ឃាត់ខ្លួនមនុស្សចំនួន៤នាក់ ដកហូតមាន់ចំនួន ១៦ក្បាល សម្ភារៈល្បែងអាប៉ោង សម្ភារៈសម្រាប់ជល់មាន់ រថយន្តចំនួន០២គ្រឿង ម៉ូតូកង់បីឥណ្ឌា ចំនួន២គ្រឿង និងម៉ូតូចំនួន ០៩គ្រឿង។ប្រតិបត្តិការនេះ បញ្ជាផ្ទាល់ដោយលោក ឯក ឃុនដឿន អភិបាលនៃគណៈអភិបាលខណ្ឌឬស្សីកែវ ដឹកនាំកម្លាំងគណៈបញ្ជាការឯកភាពខណ្ឌឬស្សីកែវ ចុះឆ្មក់បង្ក្រាបទីតាំងសង្វៀនជល់មាន់ និងល្បែងស៊ីសងអាប៉ោង ធ្វើឡើងនៅវេលាម៉ោង៣និង២០នាទីរសៀលថ្ងៃទី១៤ ខែមិថុនា ឆ្នាំ២០២២ ស្ថិតនៅដីឡូ ផ្លូវ៩៨ ភូមិទួលថ្ងាន់ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។លោក ឯក ឃុនដឿន អភិបាលខណ្ឌបានឲ្យដឹងថា មុនឈានដល់ការចុះឆ្មក់បង្ក្រាបទីតាំងនេះបានសម្រេច ដោយទទួលបានសេចក្ដីរាយការណ៍ និងព័ត៌មានច្បាស់ការ រួចហើយបានចាត់កម្លាំងចុះច្បាមស្រាវជ្រាវ កំណត់ទីតាំងបាន ឡោមព័ន្ធចុះបង្ក្រាប់តែម្ដង។លោកអភិបាល បានបញ្ជាក់ថា ក្រោយប្រតិបត្តិការទីតាំងរោងជល់មាន់នេះដែលធ្វើពីដែកប្រកស័ង្កសី គឺឲ្យកម្លាំងរុះរើចេញឲ្យអស់មិនឲ្យកើតមានឡើងវិញឡើយ។ក្រោយពេលបញ្ចប់ប្រតិបត្តិការទាំងមនុស្ស និងវត្ថុតាងត្រូវបានកម្លាំងនាំយកទៅអធិការនគរបាលខណ្ឌឬស្សីកែវ ដើម្បីបន្តនីតិវិធី៕អត្ថបទ៖ កុម្ភៈ

គោអ្នកភូមិចំនួន ១២ក្បាល បានងាប់ជាបន្តបន្ទាប់ នៅក្នុងការដ្ឋានប្រមូលស្រល់របស់ក្រុមហ៊ុន ហ្វូជីសាន នៅឃុំដាក់ដាំ

មណ្ឌលគិរី៖ សត្វគោរបស់អ្នកភូមិចំនួន១២ក្បាល បានងាប់ជាបន្តបន្ទាប់នៅក្នុងការដ្ឋានប្រមូលស្រល់របស់ក្រុមហ៊ុន ហ្វូជីសាន ដែលមានទីតាំង នៅឃុំ ដាក់ដាំ ស្រុកអូររាំង ខេត្តមណ្ឌលគិរី នៅព្រឹកថ្ងៃទី១៤ ខែមិថុនា ឆ្នាំ២០២២នេះ ។លោក អ៊ុ ណាគ្រី តំណាងរបស់ក្រុមហ៊ុនខាងលើ បានឱ្យដឹងថា សត្វគោមួយហ្វូងនេះតែងតែមកក្នុងការដ្ឋានរាល់ថ្ងៃ វាជាគោរបស់អ្នកភូមិនៅជិតៗនេះ វាតែងមកជ្រកម្លប់ កន្លះម៉ោង វាស៊ីស្មៅវិញហើយ មិនដែលមានបញ្ហាអីទេ ទើបតែនៅព្រឹកថ្ងៃទី១៤ នេះម៉ោងប្រហែល៦ព្រឹក កម្មករបំរើការក្នុងការដ្ឋានប្រទះឃើញសត្វគោទាំងនោះងាប់ ហើយក៏បានរាយការណ៍ទៅសមត្ថកិច្ច។ សត្វគោទាំង១២ក្បាល ដែលងាប់ត្រូវបានមន្ត្រីជំនាញសន្និដ្ឋានថា ពុលថ្នាំ បច្ចុប្បន្ន សមត្ថកិច្ចកំពុងធ្វើការស្រាវជ្រាវ រកមូលហេតុនៃការពុល។ នេះបើយោងតាមការបញ្ជាក់ពី លោក សូ សុវណ្ណ ស្នងការរង នៃស្នងការដ្ឋាននគបាលខេត្តមណ្ឌលគិរី ៕

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៩លើក,ស្លាប់ ៦នាក់,របួស ៦នាក់

ភ្នំពេញ៖ របាយការណ៍នគរបាលផ្លូវគោកចេញផ្សាយថា គ្រោះថ្នាក់ចរាចរណ៍នៅថ្ងៃទី១៣ ខែ មិថុនា ឆ្នាំ២០២២នេះ កើតឡើងចំនួន ៩លើក បណ្តាលឲ្យមនុស្សចំនួន ៦នាក់ស្លាប់ និងរងរបួសធ្ងន់ចំនួន ៦នាក់។គ្រោះថ្នាក់ចរាចរណ៍កើតនៅរាជធានី-ខេត្ត ចំនួន ៣ មានដូចជា៖ ខេត្តកំពង់ ចាម ស្លាប់ ១នាក់ , ខេត្តកណ្តាល ស្លាប់ ៤នាក់ និងភ្នំពេញ ស្លាប់ ១នាក់ និងរបួស ៦នាក់៕

នគរបាលធ្វើការបង្ហាញមុខជនសង្ស័យម្នាក់ ដែលជាឈ្មួញជួញដូរអាវុធ ប្រភេទដាវ សាម៉ូរ៉ៃ

ភ្នំពេញ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានបង្ហាញមុខជនសង្ស័យម្នាក់ ជាឈ្មួញជួញដូរអាវុធខុសច្បាប់ ប្រភេទដាវ សាម៉ូរ៉ៃ នៅព្រឹកថ្ងៃទី១២ ខែមិថុនា ឆ្នាំ២០២២នេះ រួចបញ្ជូនខ្លួនទៅអយ្យការអមសាលាដំបូងរាជធានីភ្នំពេញ ដើម្បីបន្តចាត់ការតាមនីតិវិធី។ជនសង្ស័យមាន ឈ្មោះ ទីវ ឈុនទី ភេទ ប្រុស អាយុ ២៤ ឆ្នាំ មុខរបរលក់ដូរ ស្នាក់នៅផ្ទះជួលលេខ៣៧០ បន្ទប់លេខ១០៧ ផ្លូវលេខ៦៧បេតេ ភូមិត្នោតជ្រុំ២ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។ប្រតិបត្តិការនេះ ធ្វើឡើងដោយមានការសម្របសម្រួលពី លោក ម៉ុត ដារ៉ា ព្រះរាជអាជ្ញារង នៃអយ្យការអម សាលាដំបូងរាជធានីភ្នំពេញ និងលោក វរសេនីយ៍ឯក ប៊ុត សត្យា នាយការិយាល័យព្រហ្មទណ្ឌកម្រិតស្រាល ដឹកនាំកម្លាំងស្រាវជ្រាវឃាត់ខ្លួនជនសង្ស័យ នៅ វេលា ម៉ោង៥ល្ងាចថ្ងៃទី១០ ខែមិថុនា ឆ្នាំ២០២២ នៅចំណុចស្ថានីយប្រេងឥន្ធនៈPTTផ្លូវមុន្នីរ៉េត សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។តាមប្រភពព័ត៌មានពីមន្រ្តីជំនាញ បានឲ្យដឹងថា នៅមុនឈានដល់ការឃាត់ខ្លួនជនសង្ស័យ ដោយជនសង្ស័យឈ្មោះ ទីវ ឈុនទី បានផ្សព្វផ្សាយដាក់លក់ដាវសាំម៉ូរ៉ៃ នៅលើគណនីហ្វេសប៊ុករបស់ឈ្មោះ Seven Tii និងតាមផេកឈ្មោះ Seven CamboSamoria ក្នុង១ដើមតម្លៃ៥០ដុល្លារ ហើយឲ្យអតិថិជនដែលចង់ទិញដាវសាំម៉ូរ៉ៃអាចទំនាក់ទំនង តាមទូរសព្ទ័ដៃលេខ ផ្ទាល់ខ្លួនបាន។មន្រ្តីជំនាញ បានបន្តទៀតថា ថ្ងៃទី១០ ខែមិថុនា ឆ្នាំ២០២២ជនសង្ស័យបានយកដាវសាម៉ូរ៉ៃ ប្រវែង ៧០សង់ទីម៉ែត្រ ទៅប្រគល់ឲ្យអតិថិជននៅចំណុចស្ថានីយ៍ប្រេងឥន្ធនៈPTTផ្លូវមុន្នីរ៉េត សង្កាត់ស្ទឹងមានជ័យ២ ក៏ត្រូវសមត្ថកិច្ចឃាត់ខ្លួន និងចាប់យកដាវសាំម៉ូរ៉ៃ ប្រវែង ៧០សង់ទីម៉ែត្រ ចំនួន ០១ដើម បញ្ជូនទៅប៉ុស្តិ៍នគរបាលរដ្ឋបាលស្ទឹងមានជ័យ២ ដើម្បីធ្វើការសាកសួររហូតដល់ វេលាម៉ោង១០ និង ៤០នាទីយប់ថ្ងៃទី១០ ខែមិថុនាឆ្នាំ២០២២ ដោយមានការអនុញ្ញាតដោយផ្ទាល់មាត់តាមរយៈទូរសព្ទ័ដៃពីលោក ម៉ុត ដារ៉ា ព្រះរាជអាជ្ញារង នៃអយ្យការអម សាលាដំបូងរាជធានីភ្នំពេញ កម្លាំងការិយាល័យព្រហ្មទណ្ឌបាននាំជនសង្ស័យឈ្មោះ ទីវ ឈុនទី ដោយសហការជាមួយសមត្ថកិច្ចប៉ុស្តិ៍នគរបាល រដ្ឋបាលបឹងទំពុន២ និងមានការអនុញ្ញាតពីម្ចាស់ផ្ទះជួលផងនោះ បានធ្វើការឆែកឆេរបន្ទប់ស្នាក់នៅរបស់ជនសង្ស័យបន្ទប់លេខ១០៧ ផ្ទះជួលលេខ៣៧០ ផ្លូវលេខ៦៧បេតេ ភូមិត្នោតជ្រុំ២ សង្កាត់បឹង ទំពុន២ ខណ្ឌមានជ័យ រាជធានីភ្នំពេញ នៅចំពោះមុខជនសង្ស័យ រកឃើញវត្ថុតាំងដាវសាម៉ូរ៉ៃចំនួន ១៩០ដើមបន្ថែមទៀត៕ អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

កម្ពុជាមានសុទិដ្ឋិនិយមថាទោះបិទការនាំចូលប្រេងឥន្ធនៈ និងឧស្ម័នពីថៃ ក៏អាចរក្សាការផ្គត់ផ្គង់តម្រូវការបាន

បរិយាកាសគំរាមកំហែង កើតមានកាន់តែខ្លាំងនៅសហរដ្ឋអាមេរិក បន្ទាប់ពីការវាយប្រហារលើអ៊ីរ៉ង់

ឧស្សាហកម្មដឹកជញ្ជូនកំពុងប្រុងប្រយ័ត្នខ្ពស់នៅមជ្ឈិមបូព៌ា ខណៈអ៊ីរ៉ង់ ថ្លឹងថ្លែងសងសឹកអាមេរិក

ការដំឡើងពន្ធ៥០%របស់សហរដ្ឋអាមេរិកលើសម្ភារៈប្រើប្រាស់ក្នុងផ្ទះ ចូលជាធរមាន

រាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត នឹងខិតខំសាងសង់ផ្ទះជូនអតីតយុទ្ធជនជាង ២ពាន់គ្រួសារនៅទូទាំងប្រទេស

ផ្សារហ៊ុនសកលធ្លាក់ចុះ ខណៈពាណិជ្ជករបារម្ភពីស្ថានការណ៍ក្រោយការវាយប្រហារអាមេរិក លើអ៊ីរ៉ង់

អ៊ុយក្រែន៖ ការវាយប្រហាររបស់រុស្ស៊ីលើទីក្រុងគីវសម្លាប់មនុស្ស៥នាក់ និងបង្កអគ្គិភ័យឆាបឆេះ

ម្ចាស់កសិដ្ឋាននៅខេត្តកំពង់ស្ពឺ កំពុងពង្រីកផលិតកម្ម គាំទ្រដល់គោលនយោបាយរាជរដ្ឋាភិបាល

ការវាយប្រហាររបស់អាមេរិកលើអ៊ីរ៉ង់ អាចប៉ះពាល់ដល់សេដ្ឋកិច្ចអាមេរិក ក្នុងពេលដ៏ផុយស្រួយ

ទិន្នន័យជើងហោះហើរ បង្ហាញក្រុមហ៊ុនអាកាសចរណ៍ជាច្រើនចៀសពីលំហរអាកាសនៅមជ្ឈិមបូព៌ា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កងរាជអាវុធហត្ថខេត្តតាកែវ កាប់បំផ្លាញដំណាំកញ្ឆាខុសច្បាប់ជិត ១ម៉ឺនដើមនៅតាមជួរភ្នំស្រុកគីរីវង់

សារធាតុញៀនសារធាតុគីមីផ្សំ និងសារធាតុគីមីចំនួនជាង៩០តោន នឹងត្រូវកម្ទេចចោលនៅឆ្នាំនេះ

បទល្មើសនេសាទក្នុងអាងទន្លេមេគង្គ ក្នុងភូមិសាស្ដ្រខេត្តស្ទឹងត្រែង បានថយចុះបណ្ដើរៗ

ព្រះរាជអាជ្ញាខេត្តតាកែវថ្មី ចាប់ផ្ដើមបង្ក្រាបទីតាំងលេងល្បែងស៊ីសងខុសច្បាប់ ឃាត់ខ្លួនមនុស្សចំនួន ១៣នាក់

អគ្គិភ័យឆាប់ឆេះផ្ទះប្រជាពលរដ្ឋ ៤ខ្នង នៅសង្កាត់ស្វាយប៉ាក ខណ្ឌឬស្សីកែវ

អាជ្ញាធរខណ្ឌដូនពេញ ចុះឃាត់ខ្លួនក្មេងស្ទាវដែលប្រមូលផ្ដុំគ្នានៅសួនច្បារវត្តបុទមវត្តី ជាច្រើននាក់

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៩លើក,ស្លាប់ ៦នាក់,របួស ៦នាក់

នគរបាលធ្វើការបង្ហាញមុខជនសង្ស័យម្នាក់ ដែលជាឈ្មួញជួញដូរអាវុធ ប្រភេទដាវ សាម៉ូរ៉ៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កងរាជអាវុធហត្ថខេត្តតាកែវ កាប់បំផ្លាញដំណាំកញ្ឆាខុសច្បាប់ជិត ១ម៉ឺន​ដើមនៅតាមជួរភ្នំស្រុកគីរីវង់

សារធាតុញៀនសារធាតុគីមីផ្សំ និងសារធាតុគីមីចំនួនជាង៩០តោន នឹងត្រូវកម្ទេចចោលនៅឆ្នាំនេះ

បទល្មើសនេសាទក្នុងអាងទន្លេមេគង្គ ក្នុងភូមិសាស្ដ្រខេត្តស្ទឹងត្រែង បានថយចុះបណ្ដើរៗ

ព្រះរាជអាជ្ញាខេត្តតាកែវថ្មី ចាប់ផ្ដើមបង្ក្រាបទីតាំងលេងល្បែងស៊ីសងខុសច្បាប់ ឃាត់ខ្លួនមនុស្សចំនួន ១៣នាក់

អគ្គិភ័យឆាប់ឆេះផ្ទះប្រជាពលរដ្ឋ ៤ខ្នង នៅសង្កាត់ស្វាយប៉ាក ខណ្ឌឬស្សីកែវ

អាជ្ញាធរខណ្ឌដូនពេញ ចុះឃាត់ខ្លួនក្មេងស្ទាវដែលប្រមូលផ្ដុំគ្នានៅសួនច្បារវត្តបុទមវត្តី ជាច្រើននាក់

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៩លើក,ស្លាប់ ៦នាក់,របួស ៦នាក់

នគរបាលធ្វើការបង្ហាញមុខជនសង្ស័យម្នាក់ ដែលជាឈ្មួញជួញដូរអាវុធ ប្រភេទដាវ សាម៉ូរ៉ៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កងរាជអាវុធហត្ថខេត្តតាកែវ កាប់បំផ្លាញដំណាំកញ្ឆាខុសច្បាប់ជិត ១ម៉ឺនដើមនៅតាមជួរភ្នំស្រុកគីរីវង់