BTV NEWS

ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់

អាជ្ញាធររាជធានីភ្នំពេញ បន្តប្រតិបត្តិការបោសសម្អាត Online Scams ត្រួតពិនិត្យ ៨០ ទីតាំងទៀត និងផាកពិន័យម្ចាស់ទីតាំងរស់នៅប្រមូលផ្ដុំចំនួន ៤ទីតាំង

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

សន្តិសុខ និង សង្គម

សមត្ថកិច្ចមន្ទីរប្រឆាំងគ្រឿងញៀនផ្ទុះអាវុធ០៣គ្រាប់ បណ្តាលអោយពលរដ្ឋម្នាក់ រងរបួសធ្ងន់ក្នុងថ្លុកឈាម

ភ្នំពេញ ៖ មន្ត្រីសមត្ថកិច្ចមួយក្រុមមានស្លៀកឯកសណ្ឋាននគរបាល និងខ្លះស៊ីវិល បានផ្ទុះអាវុធចំនួន០៣គ្រាប់ បណ្តាលអោយពលរដ្ឋម្នាក់ជាបុរស បានរងរបួសធ្ងន់ធ្ងរ ក្នុងថ្លុកឈាម ត្រូវបានបញ្ចូនទៅសង្គ្រោះនៅមន្ទីរពេទ្យ ។ ហេតុការណ៍នេះ បានកើតឡើង កាលពីវេលាម៉ោង១៩ និង២០នាទីយប់ថ្ងៃទី១ ខែមីនា ឆ្នាំ២០២៣ នៅតាមបណ្តោយផ្លូវប៉េតុងមួយកន្លែង ក្នុងភូមិដំណាក់សង្កែរ សង្កាត់ព្រែកកំពិស ខណ្ឌដង្កោ រាជធានីភ្នំពេញ ។ លោកវរសេនីយ៍ទោ ជាង ហុកសែ អធិការងទទួលផែនយុត្តិធម៌ នៃអធិការដ្ឋាននគរបាលខណ្ឌដង្កោ បានប្រាប់ BTV តាមរយៈទូរស័ព្ទ នាយប់ថ្ងៃកើតខាងលើនេះ អោយដឹងថា ៖ ករណីនេះ គឺជាការផ្ទុះពីសំណាក់មន្ត្រីសមត្ថកិច្ច នៃមន្ទីរប្រឆាំងគ្រឿង អគ្គស្នងការដ្ឋាននគរបាលជាតិ ដោយបណ្តាលអោយពលរដ្ឋម្នាក់រងរបួសធ្ងន់ធ្ងរ ប៉ុន្តែលោកអធិការរង មិនទាន់អាចបញ្ជាក់បានទេ ថាមុនឈានដល់មានការមានផ្ទុះអាវុធនេះផ្តើមចេញពីប្រតិបត្តិការចុះបង្ក្រាបអ្វីមួយ ឬកើតឡើងដោយហេតុផលណាមួយអោយប្រាកដនោះទេ ខណះលោកបញ្ជាក់ថា កំណត់អត្តសញ្ញាណរថយន្ត និងសមត្ថកិច្ចដែលបានផ្ទុះអាវុធ បានអស់ហើយ ។ គួរបញ្ជាក់ថា តាមការអះអាងរបស់ពលរដ្ឋជិតខាង អោយដឹងថា នៅមុនកើតហេតុ គេសង្គេតឃើញ មានមន្ត្រីសមត្ថកិច្ចមួយក្រុមធំ មានសណ្ឋាន និងស៊ីវិល ប្រដាប់ដោយអាវុធខ្លី បានចុះទៅប៉ងចាប់បុរសជារងគ្រោះ តែទំនងជាជាមានការប្រទូស្តសារាយគ្នា ទើបភាគីសមត្ថកិច្ចបានផ្ទុះអាវុធបណ្តាលអោយជនរងគ្រោះរងរបួសតែម្តង ។ ភ្លាមៗនោះ ជនរងគ្រោះ បានរត់សំដៅចូលទៅក្នុងផ្ទះ ហើយក្រុមសមត្ថកិច្ចក៏រត់ប៉ងទៅចាប់ឃាត់ត្រឡប់មកវិញ តែត្រូវពលរដ្ឋក្បែរ ជួយអន្តរាគមន៍មិនអោយមានការឃាត់ ទើបកម្លាំងចម្រុះទាំងនោះ សម្រេចចាកចេញពីកន្លែងកើតហេតុតែម្តងទៅ ។ ជនរងគ្រោះមានឈ្មោះ មុំសុខ មៀន អាយុ២៨ ឆ្នាំ មុខរបរដើរទិញលក់របស់អេតចាយចាស់ៗ ។ យ៉ាងណាមិញ បច្ចុប្បន្ន កម្លាំងសមត្ថកិច្ចជំនាញ កំពុងពិនិត្យវិច្ច័យ នៅកន្លែងកើតហេតុ នឹងសាកសួរកំណត់ព័ត៌មានបន្ថែមជុំវិញរឿងហេតុដែលបានកើតឡើង ៕ ដោយ ៖ លីហេង

អគ្គនាយកដ្ឋានគយ ឃាត់រថយន្ដស៊េរីទំនើបមួយគ្រឿង ជ្រកក្រោមពាក់ស្លាកលេខនគរបាល សង្ស័យគ្មានពន្ធឲ

ភ្នំពេញ៖ អគ្គនាយកដ្ឋានគយ និងរដ្ឋករកម្ពុជា បានចុះឃាត់រថយន្ដស៊េរីទំនើបមួយគ្រឿង ពាក់ស្លាកលេខនគរបាល ដែលម្ចាស់ចតទុកនៅផ្ទះ សួររកឯកសារពាក់ព័ន្ធនិងរថយន្ដ ប៉ុន្តែម្ចាស់រថយន្តមិនមានឯកសារគ្រប់ មន្ត្រីជំនាញនៃអគ្គនាយកដ្ឋានគយ ក៏សម្រេចឃាត់រថយន្ដនោះ ដោយសង្ស័យថារថយន្ដអត់ពន្ធ។ប្រតិបត្តិការឃាត់រថយន្ដនេះ បានធ្វើឡេីងកាលពីវេលាម៉ោង ៥ល្ងាចថ្ងៃទី២៨ ខែកុម្ភៈ ឆ្នាំ២០២៣ នៅតាមបណ្ដោយផ្លូវ១៣៦ ចំនុចមុខផ្ទះគ្មានលេខ នៅជាប់ឱសថស្ថាន ហេង ហេង ផ្សារតាប៉ាង សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។ប្រភពពីកន្លែងកើតហេតុបានប្រាប់អោយដឹងថា រថយន្ត ម៉ាកCadillac escalade ពណ៌ខ្មៅ ពាក់ស្លាក នគរបាល 2-7898 គឺម្ចាស់តែងតែយកមកចតនៅទីនោះជាប្រចាំ ហើយម្ចាស់រថយន្ត គឺជាមន្ត្រីនគរបាល នៅនាយកដ្ឋានព្រហ្មទណ្ឌក្រសួងមហាផ្ទៃ។ប្រភពពីអ្នកជិតស្និទ្ធនៃម្ចាស់រថយន្តបានប្រាប់អោយដឹងថា រថយន្តខាងលើជារថយន្តមានឯកសារត្រឹមត្រូវ គ្រាន់តែម្ចាស់រថយន្ត បំពាក់ស្លាកនគរបាល ដេីម្បីបម្រើនៅអង្គភាព។គួរបញ្ជាក់ដែរលថា រថយន្ដខាងលេីត្រូវអគ្គនាយកដ្ឋានគយ និង រដ្ឋករកម្ពុជា ចុះមកឃាត់ និងត្រួតពិនិត្យ រកឯកសារពាក់ព័ន្ធរបស់រថយន្ត ប៉ុន្តែម្ចាស់រថយន្តមិនមានឯកសារគ្រប់គ្រាន់បង្ហាញទៅកាន់មន្ត្រីជជំនាញគយនិងរដ្ឋករកម្ពុជា ទេីបមន្ត្រីជំនាញសម្រេចនាំយករថយន្តទៅរក្សាទុកននៅអគ្គនាយកដ្ឋានគយ និងរដ្ឋករកម្ពុជា ដើម្បីដោះស្រាយ និងចាត់ការបន្តតាមនិតិវិធី៕ អត្ថបទ៖ កុម្ភៈ

បុរសចំណាស់ជាឃាតក យកខ្សែភ្លើងឆក់សម្លាប់ប្រពន្ធនៅខណ្ឌពោធិ៍សែនជ័យ ត្រូវបានសមត្ថកិច្ច បញ្ជូនទៅដល់តុលាការហើយ

ភ្នំពេញ៖ កម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានបញ្ជូនខ្លួន បុរសជាឃាតក សម្លាប់ប្រពន្ធរបស់ខ្លួន ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ នារសៀលថ្ងៃទី២៧ ខែកុម្ភៈ ឆ្នាំ២០២៣នេះ។សូមបញ្ជាក់ថា កាលពីរសៀលថ្ងៃទី២៥ ខែកុម្ភៈ ឆ្នាំ២០២៣ កន្លងទៅ បើតាមការបញ្ជាក់ពីមន្ត្រីជំនាញ បានឲ្យដឹងថា ករណីអាណិកជនខ្មែរ-អាមេរិក វ័យ៦៨ឆ្នាំ ដែលបានយកខ្សែភ្លើងឆក់សម្លាប់ប្រពន្ធនៅក្នុងបុរី KC ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ត្រូវសមត្ថកិច្ចចាប់ខ្លួន នៅព្រំដែនកម្ពុជា-ថៃ។សមត្ថកិច្ច បានបញ្ជាក់ឱ្យដឹងថា ជនសង្ស័យជាឃាតកមានឈ្មោះ មូល ណេត អាយុ៦៨ឆ្នាំ ជាអាណិកជនខ្មែរ-អាមេរិក បានរត់គេច ខ្លួនក្រោយកើតហេតុ កាលពីព្រឹកថ្ងៃទី២៤ ខែកុម្ភៈ ឆ្នាំ២០២៣។ ចំណែកប្រពន្ធដែលស្លាប់ ឈ្មោះ កែវ ស្រីមុំ អាយុ៣៨ឆ្នាំ អាចកើតឡើងដោយសារភ្លើងប្រចណ្ឌ ទើបហ៊ានធ្វើអំពើឃាតកម្មដ៏ឃោរឃៅបែបនេះ។សូមបន្ថែមថា បើតាមការបញ្ជាក់របស់ម្ដាយជនរងគ្រោះ បានឱ្យដឹងថា ដើមឡើយគាត់ឮសំឡេងឈ្លោះប្រកែកគ្នារវាងជនរងគ្រោះនឹងប្ដី លុះមួយសន្ទុះក្រោយមកបុរសជាប្ដីបានចាក់សោចេញក្រៅ រួចជិះម៉ូតូទៅបាត់។ ក្រោយមកក្មួយរបស់ជនរងគ្រោះបានចូលទៅក្នុងផ្ទះ ហើយឃើញជនរងគ្រោះដេកនៅក្នុងបន្ទប់ទឹក ប៉ុន្ដែស្មានតែសន្លប់ក៏លើកមកដាក់លើសាឡុង ទើបដឹងថាស្លាប់ ហើយបង្កឲ្យមានការភ្ញាក់ផ្អើលតែម្ដង។ បច្ចុប្បន្នជនត្រូវចោទ ត្រូវបានតំណាងអយ្យការចោទប្រកាន់ជាផ្លូវការ រួចបញ្ជូនទៅចៅក្រមស៊ើបសួរសម្រេចឃុំខ្លួនជាបណ្ដោះអាសន្ន នៅពន្ធនាគារ (ម១)៕ អត្ថបទ៖ កុម្ភៈ

អគ្គីភ័យឆេះកាស៊ីណូនៅក្បែរច្រកទ្វារព្រែកចាក សង្ស័យបណ្តាលមកពីទុស្សេចរន្តអគ្គិសនី

កំពត៖ កាស៊ីណូដែលទើបនឹងសាងសង់ឈ្មោះថា កាស៊ីណូខ្ញុំ ដែលមានទីតាំងស្ថិតក្នុងភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ក្បែរច្រកទ្វារព្រំដែនអន្តរជាតិព្រែកចាក ត្រូវបានអគ្គីភ័យឆាបឆេះបង្កការភ្ញាក់ផ្អើល កាលពីព្រឹកថ្ងៃទី២៧ ខែកុម្ភៈ ឆ្នាំ២០២៣។ សមត្ថកិច្ចនៃអាជ្ញាធរស្រុកកំពង់ត្រាចសហការជាមួយម្ចាស់កាស៊ីណូ បានពន្លត់រហូតទទួលជោគជ័យ ជាមួយការខូចខាតទ្រព្យសម្បត្តិមួយចំនួនផងដែរ។លោក ឃឹម សាមី អភិបាលរងស្រុកកំពង់ត្រាច បានប្រាប់ឱ្យដឹងថា កាលពីវេលាម៉ោង១០ព្រឹកថ្ងៃទី២៧ ខែកុម្ភៈ មានករណីអគ្គីភ័យឆាបឆេះកាស៊ីណូមួយកន្លែងស្ថិតក្នុងភូមិថ្កូវ ឃុំឫស្សីស្រុកខាងលិច ដោយក្រុមអ្នកពន្លត់សង្ស័យអាចបណ្តាលមកពីទុស្សេចរន្តអគ្គិសនី។ ហើយនៅវេលាម៉ោង១២ថ្ងៃត្រង់ ភ្លើងបានរលត់ទៅវិញបន្ទាប់ពីរថយន្ត២គ្រឿងរបស់រដ្ឋបាលស្រុករួមសហការជាមួយរថយន្តរបស់ម្ចាស់កាស៊ីណូ បាញ់ទឹកពន្លត់អស់ជាច្រើនស៊ីទែនរួចមក។ លោកអភិបាលរង ស្រុកបានបញ្ជាក់ថា ការខូចខាតមានទំហំប៉ុនណាមិនទាន់ដឹងនៅឡើយទេ តែតាមមើលឃើញជាក់ស្តែងគឺបន្ទប់ចំនួន៣ នៅជាន់ខាងលើបានឆេះរោល៕

អគ្គិភ័យឆាបឆេះរោងចក្រផលិតនំប៉័ងមួយកន្លែងនៅ សង្កាត់ការកាប២ បណ្ដាលឲ្យបុរសជនជាតិចិនម្នាក់រងរបួសធ្ងន់

ភ្នំពេញ៖ ទីតាំងរោងចក្រផលិតនំប៉័ងមួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ កម្លាំងសមត្ថកិច្ចចេញរថយន្តពន្លត់អគ្គិភ័យជាច្រើនគ្រឿងទៅដល់ទីតាំងដើម្បីជួយអន្តរាគមន៍ពន្លត់ ជៀសវាងរាលដាលដល់ទីតាំងផ្សេងទៀត។ក៏ប៉ុន្តែបណ្ដាលឲ្យបុរសម្នាក់រងរបួសធ្ងន់បញ្ជូនទៅសង្គ្រោះនៅមន្ទីរពេទ្យភ្លាមៗ។ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោង ០១ និង១៥នាទីរំលងអធ្រាតឈានចូលថ្ងៃទី ២៦ ខែកុម្ភៈ ឆ្នាំ ២០២៣ នៅចំណុចរោងចក្រផលិតនំប៉័ងមួយកន្លែង ស្ថិតនៅតាមបណ្ដោយផ្លូវលំ មូលដ្ឋានសង្កាត់ការកាប២ ខណ្ឌពោធិ៍សែនជ័យ រាជធានីភ្នំពេញ។តាមប្រភពព័ត៌មានបានឲ្យដឹងថាទីតាំងរោងចក្រផលិតនំបុ័ងនេះគឺមានកម្មករធ្វើជាពីវេណ កាលពីវេលាម៉ោង ១២យប់ឈានចូលថ្ងៃទី ២៦ខែកុម្ភៈ ២០២៣ ក្រុមវេណទី០១ ចេញពីធ្វើការមិនទាន់មានការឆាប់ចេញនៅឡើយទេ។ ខណៈវេលាដល់ម៉ោង០១និង ១៥ នាទីស្រាប់តែមានផ្សែងហ៊ុយចេញពីខាងក្នុងនៃរោងចក្រ បង្កជាអណ្ដាតភ្លើងពេលនោះក្រុមកម្មករបាននាំគ្នាយកបំពង់ពន្លត់អគ្គិភ័យបាញ់ពន្លត់តែមិនអាចគ្រប់គ្រងបានឡើយ។ដោយអណ្ដាតភ្លើងឆាប់ឆេះយ៉ាងសន្ធោរសន្ធៅ ខ្លាំងឡើងខ្លាំងឡើង។ ភ្លាមៗនោះបានរាយការណ៍ទៅអាជ្ញាធរមូលដ្ឋានអាជ្ញាធរមូលដ្ឋានបានទំនាក់ទំនងទៅមន្ត្រីជំនាញការិយាល័យបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តជាច្រើនគ្រឿងមកដល់ទីតាំងកាត់ហេតុដើម្បីជួយបាញ់ពន្លត់។លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានឱ្យដឹងថាពេលទទួលបានដំណឹងភ្លាមៗលោកបានបញ្ចេញរថយន្តគ្រប់គោលដៅដើម្បីជួញជួយអន្តរាគមន៍ តែទោះជាយ៉ាងណាអណ្ដាតភ្លើងបានឆាប់ឆេះខ្លាំងទៅហើយដោយសម្ភារៈខាងក្នុងរោងចក្រភាគច្រើនជាតិប័រនិងម្សៅ ដូច្នេះវាឆាបឆេះយ៉ាងសន្ធោសន្ធៅ ធ្វើឱ្យមន្ត្រីអាជ្ញាធរលំបាកក្នុងការជួយបាញ់ពន្លត់ឱ្យទាន់ពេលវេលា។ក្នុងប្រតិបត្តិការនេះដែរទីតាំងរោងចក្រផលិតនំប៉័ងត្រូវបានអគ្គីភ័យឆាបឆេះបំផ្លាញសម្ភារៈខាងក្នុងអស់ស្ទើរទាំងស្រុងនិងបណ្ដាលឲ្យបុរសជនជាតិចិនម្នាក់រងរបួស។ នឹងប្រើប្រាស់រថយន្តពន្លត់អគ្គិភ័យអស់ជាច្រើនគ្រឿងរួមមានរថយន្តរបស់ស្នងការដ្ឋាននគរបាលរាជធានីភ្នំពេញ រថយន្តស្រាបៀរកម្ពុជា រថយន្តក្រសួងមហាផ្ទៃ និងរថយន្តក្រុមហ៊ុនឯកជន OCIC ចេញជួយអន្តរាគមន៍។ចំពោះមូលហេតុមន្ត្រីជំនាញសន្និដ្ឋានជំហានដំបូងអាចបណ្ដាលមកពីឆ្លងចរន្តអគ្គីសនី តែយ៉ាងណាមន្ត្រីជំនាញធ្វើការស្រាវជ្រាវបន្តទៀតដើម្បីរកមូលហេតុច្បាស់លាស់៕ អត្ថបទ៖ កុម្ភៈ

Update៖ ករណីឆេះបន្ទប់ខុនដូនៅសង្កាត់ទន្លេបាសាក់ថ្ងៃមិញគឺឆេះចំបន្ទប់អ្នកគ្រប់គ្រងអគារខុនដូនោះ

ភ្នំពេញ៖ ករណីអគ្គីភ័យដែលបានឆាបឆេះបន្ទប់ខុនដូថ្ងៃមិញនៅសង្កាត់ទន្លេបាសាក់ ខណ្ឌចំការមន ត្រូវបានមន្ត្រីសមត្ថកិច្ចជំនាញបញ្ជាក់ថា បណ្តាលមកពីការឆ្លងចរន្តអគ្គីសនី ដោយបានឆាបឆេះបំផ្លាញទ្រព្យសម្បត្តិមួយចំនួននៅក្នុងបន្ទប់ខាងលើ ហើយម្ចាស់បន្ទប់ជាអ្នកគ្រប់គ្រងអគារខុនដូខាងលើផ្ទាល់។ បន្ទប់ខុនដូឆាបឆេះលេខ C1508 ជាបន្ទប់ស្ថិតនៅជាន់ទី១៥ នៃអគារខុនដូ ECC-EASTVIEW ដោយមានម្ចាស់បន្ទប់ឈ្មោះ Judy ភេទប្រុស អាយុ ៣១ឆ្នាំជាជនជាតិចិន។ ក្នុងហេតុការណ៍ខាងលើនេះ សមត្ថកិច្ចជំនាញបានប្រើប្រាស់រថយន្តពន្លត់អគ្គីភ័យអស់ចំនួន ០៣គ្រឿង ក្នុងចំណោមរថយន្តជាច្រើនដែលបានចុះអន្តរាគមន៍ដល់ទីតាំងកើតហេតុ និងបានប្រើពេលវេលាអស់ជិត ១ម៉ោង ដើម្បីគ្រប់គ្រងស្ថានការណ៍ឆាបឆេះអោយរលត់សូន្យ ១០០ភាគរយ។ ក្នុងហេតុការណ៍ដដែលមិនមានបណ្តាលឲ្យមនុស្សណាម្នាក់រងរបួសនោះឡើយ។ គួររំលឹកថា ករណីអគ្គីភ័យនេះបានកើតឡើងកាលពីវេលាម៉ោង ១៣ និង៤០នាទីថ្ងៃទី២៥ ខែកុម្ភៈ ឆ្នាំ២០២៣ ស្ថិតតាមបណ្ដោយផ្លូវលេខ៤១ ក្បែរអគ្គស្នងការដ្ឋាននគរបាលជាតិ ក្នុងភូមិ១០ សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕ អត្ថបទ៖ លីហេង

វិស័យមីក្រូហិរញ្ញវត្ថុរួមចំណែកលើកកម្ពស់ការទទួលបានសេវាទឹកស្អាត និងអនាម័យនៅកម្ពុជា

ភ្នំពេញ៖ សមាគមមីក្រូហិរញ្ញវត្ថុកម្ពុជា (CMA) និងអង្គការ Water.org បានប្រកាសពីកិច្ចសហការរយៈពេលពីរឆ្នាំ ដើម្បីលើកកម្ពស់លទ្ធភាពទទួលបានហិរញ្ញប្បទានសម្រាប់សេវាទឹកស្អាត និងអនាម័យដល់សហគ្រាសធុនតូច និងមធ្យម និងប្រជាជនក្នុងប្រទេសកម្ពុជា។ ភាពជាដៃគូនេះមានគោលបំណងពង្រឹងសមត្ថភាពរបស់សមាជិក សមាគមមីក្រូហិរញ្ញវត្ថុកម្ពុជាក្នុងការអភិវឌ្ឍ និងផ្តល់ជូននូវផលិតផលឥណទានទឹកស្អាត និងអនាម័យដល់អតិថិជនរបស់ពួកគេ សំដៅដល់ការលើកកម្ពស់បរិយាបន្នហិរញ្ញវត្ថុ និងធ្វើឱ្យប្រសើរឡើងលទ្ធភាពទទួលបានសេវាទឹកស្អាត និងអនាម័យក្នុងប្រទេសកម្ពុជា។ កង្វះទឹកស្អាត និងអនាម័យជាបញ្ហាសំខាន់ក្នុងប្រទេសកម្ពុជា ជាពិសេសនៅតាមតំបន់ជនបទ។ ដើម្បីដោះស្រាយបញ្ហានេះ កិច្ចសហការរវាងសមាគមមីក្រូហិរញ្ញវត្ថុកម្ពុជា និងអង្គការ Water.org នឹងផ្តោតលើការកសាងសមត្ថភាពដល់គ្រឹះស្ថានហិរញ្ញវត្ថុដែលជាសមាជិករបស់សមាគម ដើម្បីអនុវត្តកម្មវិធីការអភិវឌ្ឍឥណទានទឹកស្អាត ក្នុងនោះ គ្រឹះស្ថានហិរញ្ញវត្ថុដែលចូលរួមនឹងទទួលបានជំនួយបច្ចេកទេសក្នុងការអភិវឌ្ឍ និងកែលម្អផលិតផលហិរញ្ញវត្ថុសម្រាប់ទឹកស្អាត និងអនាម័យផងដែរ។ ការអនុវត្តកម្មវិធី ការអភិវឌ្ឍឥណទានទឹកស្អាត ក៏នឹងជួយដល់គ្រឹះស្ថានមីក្រូហិរញ្ញវត្ថុក្នុងការរក្សាបានអតិថិជនរបស់ខ្លួន និងគុណភាពនៃប្រាក់កម្ចី ដោយធានាបាននូវនិរន្តរភាពអាជីវកម្ម ដែលគាំទ្រដល់ការអភិវឌ្ឍវិស័យហិរញ្ញវត្ថុប្រកបដោយនិរន្តរភាព និងប្រកបដោយទំនួលខុសត្រូវ។ កិច្ចសហការរវាង CMA និងអង្គការ Water.org រួមចំណែកលើកកម្ពស់បរិយាបន្នហិរញ្ញវត្ថុ និងជួយដល់អតិថិជនព្រមទាំងគ្រួសារពួកគេមានភាពប្រសើរឡើងនូវគុណភាពជីវិត និងសុខភាពល្អជាងមុនតាមរយៈលទ្ធភាពទទួលបានសេវាទឹកស្អាត និងអនាម័យដែលមានលក្ខណៈល្អប្រសើរ។ លោក សុខ វឿន ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជាបានមានប្រសាសន៍ថា ការសហការនេះដើម្បីបង្កើនលទ្ធភាពទទួលបានសេវាឥណទានទឹកស្អាត និងអនាម័យដល់សហគ្រាសធុនតូច និងមធ្យម និងប្រជាជនក្នុងប្រទេសកម្ពុជា” និងចូលរួមចំណែកពង្រឹងសមត្ថភាពរបស់សមាជិក តាមរយៈការផ្តល់ជូននូវផលិតផលឥណទានទឹកស្អាត និងអនាម័យដល់អតិថិជនរបស់ពួកគេ ដែលនឹងជះឥទ្ធិពលយ៉ាងខ្លាំងដល់ការទទួលបានទឹកស្អាត និងអនាម័យនៅក្នុងសហគមន៍ ព្រមទាំងលើកកម្ពស់បរិយាប័ន្នហិរញ្ញវត្ថុ។»លោកស្រី Griselda (Gay) Santos នាយិកានៃអង្គការ Water.org ប្រចាំតំបន់អាស៊ីអាគ្នេយ៍មានប្រសាសន៍ថា តាមរយៈការផ្តល់ដំណោះស្រាយផ្នែកហិរញ្ញវត្ថុ ដើម្បីដោះស្រាយបញ្ហាប្រឈមលើការទទួលបានទឹកស្អាត និងអនាម័យគឺនឹងអាចលើកកំពស់គុណភាពជីវិត និងសុខភាពប្រជាជនក្នុងប្រទេសកម្ពុជា»។ កិច្ចសហការរវាង CMA និង Water.org គឺជាជំហានវិជ្ជមានមួយឆ្ពោះទៅរកការរួមចំណែក ដល់ការសម្រេចបាននូវគោលដៅស្តីពីលទ្ធភាពទទួលបានសេវាទឹកស្អាត និងអនាម័យរបស់ប្រជាជន ១០០ភាគរយក្នុងប្រទេសកម្ពុជា នៅតំបន់ជនបទត្រឹមឆ្នាំ២០២៥ ទន្ទឹមនឹងការលើកកម្ពស់បរិយាប័ន្នហិរញ្ញវត្ថុផងដែរ៕ អត្ថបទ៖ ដាវណ្ណ

គិតក្នុងខែកុម្ភៈនេះបេក្ខជនជិត ៨០០នាក់ទទួលបានលទ្ធផលល្អតាមរយៈវេទិកាការងារ

ភ្នំពេញ៖ មជ្ឈមណ្ឌលការងាររាជធានីភ្នំពេញនៃក្រសួងការងារ និងបណ្តុះបណ្តាលវិជ្ជាជីវៈបានឲ្យដឹង គិតក្នុងខែកុម្ភៈ ឆ្នាំ២០២៣ នេះនៅរាជធានីភ្នំពេញមានក្រុមហ៊ុន សហគ្រាសចំនួន២៤ បានផ្តល់ឱកាសការងារចំនួនជាង ២,៨០០កន្លែងជូនដល់អ្នកកំពុងស្វែងរកការងារធ្វើនៅក្នុងកម្មវិធីវេទិកាការងារ ក្នុងនោះអ្នកសម្ភាសន៍ជាប់ការងារមានចំនួន ៧៩៨នាក់។ លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញកាលពីរសៀលថ្ងៃទី២៤ កុម្ភៈ ឆ្នាំ២០២៣កន្លងទៅ បានឲ្យទូរទស្សន៍ព័ត៌មាន ប៊ីធីវី ដឹងថា នៅក្នុងខែកុម្ភៈនេះ ក្រុមហ៊ុនចូលរួមប្រកាសជ្រើសរើសបុគ្គលិកតាមរយៈវេទិកាការងារមានចំនួន ២៤ក្រុមហ៊ុនដោយផ្តល់ឱកាសការងារចំនួន ២,៨៨៩កន្លែងស្មើនឹង ៥៥១មុខតំណែង។ លោកឲ្យដឹងទៀតថា ក្នុងនោះទទួលបានអ្នកចុះឈ្មោះចូលបម្រើការងារចំនួន ៨៩៨នាក់ (ស្រី ៤៥៨នាក់)។ ជាលទ្ធផលល្អក្នុងកម្មវិធីនេះចំនួន ៧៩៨នាក់ក្នុងនោះស្រី ៣៤៤នាក់។ ពាក់ព័ន្ធវេទិកាការងារនេះដែរ លោកប្រធានបានបញ្ជាក់ថា មជ្ឈមណ្ឌលការងាររាជធានីភ្នំពេញនឹងបន្តរៀបចំរៀងរាល់សប្ដាហ៍ នៃវេទិកាការងារនៅខែបន្តបន្ទាប់ទៀត និងរួមមានទាំងវគ្គបណ្ដុះបណ្ដាលជំនាញទន់, វគ្គបណ្ដុះបណ្ដាលការត្រៀមលក្ខណៈសម្បត្តិចូលទីផ្សារជូនដល់យុវជន សិស្ស និស្សិតដោយឥតគិតថ្លៃផងដែរ។ សូមបញ្ជាក់ថា វេទិកាការងារត្រូវបានរៀបចំដោយអនុវត្តយ៉ាងម៉ត់ចត់ នូវវិធានការបង្ការអនាម័យស្របតាមការណែនាំរបស់ក្រសួងសុខាភិបាល «៣ការពារ និង៣កុំ» ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ ដើម្បីអាចធានាបាននូវសុវត្ថិភាព និងទំនុកចិត្តក្នុងការជ្រើសរើសកម្លាំងពលកម្ម និងទទួលបានឱកាសការងារ សម្រាប់ភាគីនិយោជក និងអ្នកស្វែងរកការងារ។ វេទិកាការងារនេះ ជាផ្នែកមួយនៃយន្តការរបស់រដ្ឋាភិបាលក្នុងការផ្ដល់ឱកាសដល់សាធារណៈជនទូទៅ ជាពិសេសយុវជនដែលចង់ស្វែងការងារធ្វើ អ្នកស្វែងរកកន្លែងកម្មសិក្សា ឬអ្នកចង់ផ្លាស់ប្តូរការងារអាចទទួលបានកាន់តែងាយស្រួល ដោយចំណេញពេលវេលា និងនៅមួយកន្លែង៕

សំណង់ខុនដូមួយកន្លែងនៅសង្កាត់ព្រែកលៀបកំពុងសង់លយចូលក្នុងទន្លេពលរដ្ឋស្នើអាជ្ញាធរជួយទប់ស្កាត់

ភ្នំពេញ៖ សំណង់ខុនដូមួយកន្លែងនៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ កំពុងសាងសង់លយចូលក្នុងផ្ទៃទន្លេមេគង្គ ដោយឃើញស្ថានភាពមិនល្អបែបនេះប្រជាពលរដ្ឋរស់នៅតំបន់នោះបានថតរូបភាព និងសរសេរខ្លឹមសារខ្លះៗបង្ហោះតាមសង្គមហ្វេសប៊ុក ដើម្បីស្នើសុំអោយអាជ្ញាធរពាក់ព័ន្ធមេត្តាជួយអន្តរាគមន៍ទប់ស្កាត់អោយទាន់ពេលវេលា។ ប្រជាពលរដ្ឋរស់នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ រៀបរាប់អោយ BTV ដឹងនាថ្ងៃទី២៤ ខែកុម្ភៈ ឆ្នាំ២០២៣ ថា ពួកគាត់រស់នៅតំបន់នេះរាប់ឆ្នាំហើយ មិនមានជនណាម្នាក់ហ៊ានសាងសង់សំណង់រំលោភបំពានដីចំណីទន្លេនោះទេ ទើបតែមួយរយៈពេលនេះគឺមានគេហ៊ានដាក់គ្រឿងចក្រជីកកកាយ ចាក់ដី ចាក់ថ្ម បុកគ្រឹះ ដើម្បីសាងសង់សំណង់ខុនដូដ៏ធំទៀតផងដល់ទៅក្នុងផ្ទៃទន្លេ។ ពលរដ្ឋឈ្មោះ ជ្រូក ឈុនថៃ ភេទប្រុស អាយុ ៧៨ឆ្នាំ រស់នៅក្បែរនោះលើកឡើងថា លោកពូក៏មានក្បាលដីកម្មសិទ្ធិនៅជាប់ទីនោះដែរ ដោយឡែកដីជាប់ទន្លេខាងដីរបស់គាត់នោះ គឺគាត់អាស្រ័យផលដោយដាំដំណាំ បន្លែបង្ការផ្សេងៗតាំងពីឆ្នាំ១៩៧៩ មកម្ល៉េះ ដោយមិនហ៊ានសាងសង់សំណង់ធំដុំ ឬរឹងមាំនោះឡើយ។ ដោយឡែកម្ចាស់ដីដែលកំពុងសាងសង់សំណង់ខុនដូននាបច្ចុប្បន្ននេះ ទើបតែមកទិញដីនៅជិតដីរបស់គាត់មួយរយៈក្រោយប៉ុណ្ណោះ ស្រាប់តែហ៊ានដាក់គ្រឿងចក្រ ជីកកាយចាក់ដី ចាក់ថ្ម បុកគ្រឹះចូលមកក្នុងដីចំណីទន្លេ និងរំលោភចូលដីអាស្រ័យរបស់គាត់ជិតមួយម៉ែត្រទៀត។ បញ្ហានេះគាត់ក៏បានដាក់ពាក្យបណ្តឹងទៅកាន់សាលាខណ្ឌជ្រោយចង្វារ តាំងពីថ្ងៃទី៧ ខែកុម្ភៈ ឆ្នាំ២០២៣ មកម្ល៉េះរហូតមកដល់ថ្ងៃទី២៤ ខែកុម្ភៈ ឆ្នាំ២០២៣នេះ មិនទាន់ដោះស្រាយជូនគាត់នៅឡើយ។ លោកពូ ជ្រូក ឈុនថៃ រស់នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ រៀបរាប់បន្តថា បើទោះបីមានពាក្យបណ្តឹងជំទាស់បែបនេះ ម្ចាស់សំណង់ខុនដូនៅបន្តចាក់ដី ចាក់ថ្ម បុកគ្រឹះសាងសង់ធ្វើព្រងើយ។ បញ្ហានេះរូបគាត់ក៏បានទូរស័ព្ទរាយការណ៍ជូនអាជ្ញាធរខណ្ឌជ្រោយចង្វារ ក៏ភាគីម្ខាងទៀតនៅតែបន្តសកម្មភាពដដែល។ ពាក់ព័ន្ធនឹងករណីនេះ BTV បានទូរស័ព្ទទៅលោក លឹម សុភា អភិបាលខណ្ឌជ្រោយចង្វារដែរ ដើម្បីសូមការបញ្ជាក់ព័ត៌មានបន្ថែម ប៉ុន្តែទូរស័ព្ទមិនចូល ខណៈលោក កៅ សារ៉ាវុធ អភិបាលរងទទួលបន្ទុកការងារសំណង់ឆ្លើយតបតាមរយៈTelegram ថា “ទទួលបានអរគុណ“។ ចំណែកភាគីខុនដូ BTV មិនអាចទាក់ទងបាននោះទេដោយសារគ្មានលេខទំនាក់ទំនង។ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ចុះហត្ថលេខាដោយឯកឧត្តម លឹម គានហោ កាលពីអំឡុងឆ្នាំ២០២០ ជម្រាបជូនឯកឧត្តម លោកជំទាវ អភិបាល នៃគណៈអភិបាលគ្រប់រាជធានី-ខេត្ត សុំជួយទប់ស្កាត់ការរំលោភចាក់ដីលុបចំណីមាត់ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបួ អនុក្រឹត្យលេខ ៥៨ អនក្រ.បក ចុះថ្ងៃទី២៤ ខែកក្កដា ឆ្នាំ២០១៥ ស្តីពីការគ្រប់គ្រងអាងទន្លេ។ សេចក្តីជូនដដែលលើកឡើងថា យោងតាមស្ថានភាពសេដ្ឋកិច្ចនៃព្រះរាជាណាចក្រកម្ពុជា មានការរីកចម្រើនក្នុងរយៈពេលប៉ុន្មានឆ្នាំចុងក្រោយនេះ បានធ្វើឲ្យមានកំណើន នៃការសាងសង់គួរឲ្យកត់សម្គាល់។ ទន្ទឹមនឹងការរីកចម្រើននេះ យើងក៏សង្កេតឃើញមានសកម្មភាពអវិជ្ជមានមួយចំនួន ដូចជាការរំលោភចាក់ដីលុប ចំណីមាត់ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបួ ដែលជាសម្បត្តិសាធារណៈរបស់រដ្ឋ។ ផ្តើមចេញពីសកម្មភាពខាងលើនេះ ក្រសួងធនធានទឹក និងឧតុនិយម មានការព្រួយបារម្ភជាខ្លាំង ចំពោះបញ្ហាដែលអាចកើតឡើងដល់លទ្ធភាព នៃការរំដោះទឹក និងបង្កជាគ្រោះមហន្តរាយទឹកជំនន់ដោយសារចំណីមាត់ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបួ ឬ តំបន់ផ្ទៃរងទឹកភ្លៀងមួយចំនួនត្រូវបានរំលោភ ចាក់ដីលុប និងការសាងសង់បិទផ្លូវទឹកនានា ដោយពុំស្របតាមលិខិតបទដ្ឋានគតិយុត្តជាធរមាន។ ដូចបានជម្រាបជូនខាងលើ សូមឯកឧត្តម លោកជំទាវ អភិបាល នៃគណៈអភិបាលគ្រប់រាជធានី-ខេត្ត ជ្រាប និងមានវិធានការសមស្រប ដើម្បីជួយទប់ស្កាត់ការរំលោភចាក់ដីលុបចំណីមាត់ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបូ ដែលមិនស្របតាមលិខិតបទដ្ឋានគតិយុត្តិបានកំណត់៕ អត្ថបទ៖ តារាវុទ្ធី

អាជ្ញាធរខណ្ឌដូនពេញ បានបន្តចុះរៀបចំសណ្ដាប់ធ្នាប់ជាប្រចាំទាំងយប់ទាំងថ្ងៃក្នុងមូលដ្ឋាន

ភ្នំពេញ៖ អាជ្ញាធរខណ្ឌដូនពេញបានបន្តយកចិត្តទុកដាក់ ពីបញ្ហាសណ្ដាប់ធ្នាប់សាធារណៈ និងបរិស្ថានអនាម័យ ទាំងយប់ទាំងថ្ងៃ ដើម្បីរក្សាសោភ័ណភាពទីក្រុងភ្នំពេញ ព្រោះមូលដ្ឋានខណ្ឌដូនពេញ ជាទីប្រជុំជននិងរមណីយដ្ឋានជាច្រើននិងមានភ្ញៀវជាតិ និងអន្តរជាតិច្រើនផងដែរ។ជាក់ស្ដែងនាវេលាម៉ោង៨ និង៣០នាទីយប់ថ្ងៃទី២២ ខែកុម្ភៈ ឆ្នាំ២០២៣ លោក ចាប ឌីណា អភិបាលរង នៃគណៈអភិបាលខណ្ឌដូនពេញ បានដឹកនាំមន្ដ្រីក្រោមឱវាទ ចុះល្បាតនិងរៀបចំសណ្ដាប់ធ្នាប់ តាមបណ្ដោយផ្លូវ ១១៨ ផ្លូវលេខ១៣០ ផ្លូវលេខ១៣៦ និងផ្លូវលេខ៥ ដើម្បីរៀបសន្តិសុខ សណ្តាប់ធ្នាប់ និងរបៀបរៀបរយក្នុងការធ្វើអាជីវកម្ម។លោកអភិបាលរង បានមានប្រសាសន៍ថា ការធ្វើអាជីវកម្មរដ្ឋបាលខណ្ឌមិនមានការហាមឃាត់ទេ តែត្រូវរក្សាបានសណ្តាប់ធ្នាប់ របៀបរៀបរយ អនាម័យបរិស្ថានល្អ និងកុំឲ្យប៉ះពាល់អ្នកដ៏ទៃ។ អាជ្ញាធរសូមអរគុណចំពោះការចូលរួមរបស់បងប្អូនប្រកបអាជីវកម្មទាំងអស់គ្នាជាមួយអាជ្ញាធរ៕ អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ

ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា

កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស

របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញការប្រព្រឹត្តិ ចំពោះនាវាមនុស្សធម៌ឆ្ពោះទៅហ្កាហ្សា

WHO៖ ករណីសង្ស័យជំងឺ Ebola ធ្លាក់ចុះ ក្រោយមនុស្សរាប់រយនាក់ត្រូវបានដកចេញ

ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ

អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី

មនុស្សយ៉ាងតិច ១៥នាក់រងរបួស ដោយសារព្យុះនៅជប៉ុន ខណៈមានការអំពាវនាវឲ្យជម្លៀស

លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី

លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

សមត្ថកិច្ចមន្ទីរប្រឆាំងគ្រឿងញៀនផ្ទុះអាវុធ០៣គ្រាប់ បណ្តាលអោយពលរដ្ឋម្នាក់ រងរបួសធ្ងន់ក្នុងថ្លុកឈាម

អគ្គនាយកដ្ឋានគយ ឃាត់រថយន្ដស៊េរីទំនើបមួយគ្រឿង ជ្រកក្រោមពាក់ស្លាកលេខនគរបាល សង្ស័យគ្មានពន្ធឲ

អគ្គីភ័យឆេះកាស៊ីណូនៅក្បែរច្រកទ្វារព្រែកចាក សង្ស័យបណ្តាលមកពីទុស្សេចរន្តអគ្គិសនី

អគ្គិភ័យឆាបឆេះរោងចក្រផលិតនំប៉័ងមួយកន្លែងនៅ សង្កាត់ការកាប២ បណ្ដាលឲ្យបុរសជនជាតិចិនម្នាក់រងរបួសធ្ងន់

Update៖ ករណីឆេះបន្ទប់ខុនដូនៅសង្កាត់ទន្លេបាសាក់ថ្ងៃមិញគឺឆេះចំបន្ទប់អ្នកគ្រប់គ្រងអគារខុនដូនោះ

វិស័យមីក្រូហិរញ្ញវត្ថុរួមចំណែកលើកកម្ពស់ការទទួលបានសេវាទឹកស្អាត និងអនាម័យនៅកម្ពុជា

គិតក្នុងខែកុម្ភៈនេះបេក្ខជនជិត ៨០០នាក់ទទួលបានលទ្ធផលល្អតាមរយៈវេទិកាការងារ

សំណង់ខុនដូមួយកន្លែងនៅសង្កាត់ព្រែកលៀបកំពុងសង់លយចូលក្នុងទន្លេពលរដ្ឋស្នើអាជ្ញាធរជួយទប់ស្កាត់

អាជ្ញាធរខណ្ឌដូនពេញ បានបន្តចុះរៀបចំសណ្ដាប់ធ្នាប់ជាប្រចាំទាំងយប់ទាំងថ្ងៃក្នុងមូលដ្ឋាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

សមត្ថកិច្ចមន្ទីរប្រឆាំងគ្រឿងញៀនផ្ទុះអាវុធ០៣គ្រាប់ បណ្តាលអោយពលរដ្ឋម្នាក់ រងរបួសធ្ងន់ក្នុងថ្លុកឈាម

អគ្គនាយកដ្ឋាន​គយ​ ឃាត់​រថយន្ដ​ស៊េរី​ទំនើប​មួយ​គ្រឿង​ ជ្រកក្រោមពាក់​ស្លាក​លេខ​នគរបាល​ សង្ស័យគ្មានពន្ធឲ

អគ្គីភ័យឆេះកាស៊ីណូនៅក្បែរច្រកទ្វារព្រែកចាក សង្ស័យបណ្តាលមកពីទុស្សេចរន្តអគ្គិសនី

អគ្គិភ័យឆាបឆេះរោងចក្រផលិតនំប៉័ងមួយកន្លែងនៅ សង្កាត់ការកាប២ បណ្ដាលឲ្យបុរសជនជាតិចិនម្នាក់រងរបួសធ្ងន់

វិស័យ​មីក្រូហិរញ្ញវត្ថុ​រួមចំណែក​លើកកម្ពស់​ការ​ទទួលបាន​សេវា​ទឹកស្អាត និង​អនាម័យ​នៅ​កម្ពុជា​

គិត​ក្នុង​ខែ​កុម្ភៈ​នេះ​បេក្ខជន​ជិត ៨០០​នាក់​ទទួល​បាន​លទ្ធផល​ល្អ​តាមរយៈ​វេទិកា​ការងារ​

អាជ្ញាធរខណ្ឌដូនពេញ បានបន្តចុះរៀបចំសណ្ដាប់ធ្នាប់ជាប្រចាំទាំងយប់ទាំងថ្ងៃក្នុងមូលដ្ឋាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អគ្គនាយកដ្ឋានគយ ឃាត់រថយន្ដស៊េរីទំនើបមួយគ្រឿង ជ្រកក្រោមពាក់ស្លាកលេខនគរបាល សង្ស័យគ្មានពន្ធឲ

វិស័យមីក្រូហិរញ្ញវត្ថុរួមចំណែកលើកកម្ពស់ការទទួលបានសេវាទឹកស្អាត និងអនាម័យនៅកម្ពុជា

គិតក្នុងខែកុម្ភៈនេះបេក្ខជនជិត ៨០០នាក់ទទួលបានលទ្ធផលល្អតាមរយៈវេទិកាការងារ