ADB ប្រកាស​ផ្ដល់ជំនួយ​ជាង​ម្ភៃ​លាន​ដុល្លារ​បន្ថែម​ដល់​កម្ពុជា​

168

ភ្នំពេញ៖ ទឹកប្រាក់​ជាង​ម្ភៃ​លាន​ដុល្លារ​ត្រូវ​ធនាគារអភិវឌ្ឍន៍អាស៊ី ហៅ​កាត់ ADB ប្រកាស​ផ្ដល់​ជា​ជំនួយ​ដល់ កម្ពុជា​។ នេះ​បើតាម​សេចក្ដីប្រកាស​ព័ត៌មាន​របស់ ADB ចេញផ្សាយ​នៅ​ថ្ងៃទី​២៤ ខែឧសភា​។​

ជំនួយ​ទាំងនេះ មាន​៧,៦៤​លាន​ដុល្លារ​ជា​ឥណទាន​សម្បទាន សម្រាប់​គាំទ្រ​ដល់​ការសាងសង់​ឧទ្យាន ថាមពល​ពន្លឺព្រះអាទិត្យ​កម្លាំង​១០០​មេ​ហ្គា​វ៉ា​ត់​នៅ​កម្ពុជា​។ ក្រៅពីនេះ ADB ក៏​នឹង​ផ្ដល់ជូន​ឥណទាន សម្បទាន​បន្ថែមចំនួន​១១​លាន​ដុល្លារ និង​៣​លាន​ដុល្លារ​ទៀត ជា​ហិរញ្ញប្បទាន​ឥត​សំណង​។ ថវិកា ទាំងនេះ ADB ទទួលបាន​ពី​មូលនិធិ​អាកាសធាតុ​យុទ្ធសាស្ត្រ តាមរយៈ​កម្មវិធី​ពង្រីក​ថាមពល​កកើត ឡើងវិញ​។​

ADB ក៏​គ្រោង​នឹង​ផ្ដល់​ហិរញ្ញប្បទាន​ឥត​សំណង​ចំនួន​៥០​ម៉ឺន​ដុល្លារ​បន្ថែម សម្រាប់​គម្រោង​ជំនួយ​ប​ច្ចេ ក​ទេស ដែល​ថវិកា​៥០​ម៉ឺន​ដុល្លារ​នេះ​បានមកពី​មូលនិធិ e-Asia និង​ភាពជា​ដៃគូ​ចំណេះដឹង នៃ​សា​ធារ ណ​រដ្ឋ​កូរ៉េ​ដើម្បី​គាំទ្រ​ដល់​ការអភិវឌ្ឍ​សមត្ថភាព​របស់​អគ្គិសនី​កម្ពុជា​(EDC) និង​អាជ្ញាធរ​អគ្គិសនី​កម្ពុជា (EAC)​ផងដែរ​។​

ប្រភព​ដដែល​បញ្ជាក់បន្ថែម​ថា កម្មវិធី​ជួយ​រៀបចំ​គម្រោង​ឧទ្យាន​ជាតិ​ថាមពល​ពន្លឺព្រះអាទិត្យ​នេះ ទទួលបាន​ពី​ហិរញ្ញប្បទាន​ឥត​សំណង​របស់​រដ្ឋាភិបាល​កាណាដា និង​សិង្ហ​បុរី​។​

លោក Pradeep Tharakan ប្រធាន​ក្រុម​អ្នកឯកទេស​ខាង​ផ្នែក​ការប្រែប្រួល​អាកាសធាតុ​របស់ ADB បានឱ្យដឹងថា ការ​មាន​ប្រភព​ថាមពល​ដែល​គួរឱ្យ​ជឿជាក់​បាន មាន​និរន្តរភាព និង​តម្លៃ​សមរម្យ មាន សារៈសំខាន់​ខ្លាំងណាស់​សម្រាប់​ការអភិវឌ្ឍ​សេដ្ឋកិច្ច​របស់​ប្រទេស​ដែល​កំពុងមាន​ការរីក​ចម្រើន​យ៉ាង​ឆាប់រហ័ស​ដូចជា​កម្ពុជា​។ លោក​បន្ថែមថា ជំនួយ​ទាំងនេះ នឹង​ជួយ​ឱ្យ​កម្ពុជា​សម្រេចបាន​នូវ​គោលដៅ កាត់បន្ថយ​ឧស្ម័ន​ផ្ទះ​កញ្ចក់​នៅក្នុង​ប្រទេស​កម្ពុ​ជា ដែល​បាន​ចុះ​កិច្ចព្រមព្រៀង​ស្ដីពី​អាកាសធាតុ​នៅ​ទី ក្រុងប៉ារីស​ផងដែរ​៕