សម្តេចតេជោ៖ កម្ពុជាមិនអនុញ្ញាតឱ្យមានការញាំញី ដោយជម្លោះសាសនាលើទឹកដីរបស់ខ្លួននោះឡើយ
សម្តេចតេជោ ហ៊ុន សែន អញ្ជើញជាអធិបតីក្នុងពិធីអបអរសាទរខួប១០០ឆ្នាំ នៃវត្តមានសាសនាគ្រិស្តនៅកម្ពុជា
សម្តេចតេជោ ហ៊ុន សែន អញ្ជើញជាអធិបតីភាពប្រគល់សញ្ញាបត្រជូននិស្សិតសាកលវិទ្យាល័យវេស្ទើនជាង ៣ពាន់នាក់
កម្ពុជាបានអនុញ្ញាតឱ្យវិនិយោគទុន ១០០% សម្រាប់ផ្លូវដែកល្បឿនលឿនថ្មីពីភ្នំពេញ ទៅកាន់ទីក្រុងហូជីមិញ

នយោបាយ​ និង ការអភិវឌ្ឍន៍

ពីរថ្ងៃក្នុងថ្ងៃចូលឆ្នាំចិន ភ្ញៀវទេសចរដើរកម្សាន្តនៅខេត្តសៀមរាបប្រមាណ ៧២.៩១៥ នាក់

2023/01/23 07:56:20 am        40
សៀមរាប៖ ចំនួនភ្ញៀវទេសចរ ដើរកម្សាន្តតាមរមណីយដ្ឋាននានាក្នុងខេត្តសៀមរាប គិតចាប់ពីថ្ងៃទី ២១-២២ ខែ មករា ឆ្នាំ២០២៣ មានចំនួនប្រមាណ ៧២.៩១៥ នាក់ ។នេះបើយោងតាមមន្ទីរទេសចរណ៍ខេត្ដសៀមរាបចេញផ្សាយ ដែលទូរទស្សន៍BTV News ទទួលបាននៅថ្ងៃនេះ ។ក្នុងរបាយការណ៍របស់មន្ទីរទេសចរណ៍ខេត្ដសៀមរាប បានឱ្យដឹងថា ទេសចរជាតិ និងបងប្អូន​ប្រជាពលរដ្ឋ​ក្នុងខេត្ត មានចំនួនប្រមាណ ៦៤.០០០ នាក់ ដែលធ្វើដំណើរកម្សាន្តជា​លក្ខណៈគ្រួសារ​ទៅកាន់ ៖- រមណីយដ្ឋានអង្គរមានចំនួនប្រមាណ ៤២.៥០០ នាក់ - រមណីយដ្ឋានឧទ្យានជាតិភ្នំគូលែនមានចំនួប្រមាណ ៥.៦០០ នាក់- តំបន់ទន្លេសាបមានចំនួនប្រមាណ ២.៥០០ នាក់- សហគមន៍ទេសចរណ៍-អេកូទេសចរណ៍និងតំបន់ផ្សេងៗមានចំនួនប្រមាណ ១៣.៤០០ នាក់ ។ក្នុងនោះ ភ្ញៀវទេសចរបរទេសផ្ទៃក្នុង មានចំនួន ៨.៩១៥ នាក់ ៕ 

សម្តេចតេជោ ហ៊ុន សែន អញ្ជើញជាអធិបតីសំណេះសំណាល និងប្រគល់សញ្ញាបត្រជូននិស្សិត CUS ជិត៧ពាន់នាក់

2023/01/23 07:44:54 am        64
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពក្នុងពិធីប្រគល់សញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) ជិត ៧ពាន់នាក់ ដែលបានបញ្ចប់ការសិក្សាដោយជោគជ័យ នៅព្រឹកថ្ងៃទី២៣ ខែមករា ឆ្នាំ២០២៣នេះ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC។និស្សិតជ័យលាភីដែលត្រូវទទួលសញ្ញាបត្រនេះរួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចំនួនសរុប ៦,៧៩១នាក់ នារី ២,៩៤០នាក់ មកពី សាខា (ភ្នំពេញ កំពង់ចាម កំពង់ធំ និងកំពត)។ ក្នុងចំណោមនិស្សិតជ័យលាភីនេះ មាននិស្សិតអាហារូបករណ៍សម្តេចតេជោ និងសម្តេចកិតិ្តព្រឹទ្ធបណ្ឌិត ចំនួន ១៧៨នាក់ នារី ១០៥នាក់ផងដែរ។ក្នុងចំណោមនិស្សិតជ័យលាភីទាំងអស់ អ្នកមានការងារធ្វើ មានចំនួន ៦,៥៦២នាក់ ស្មើនឹងជិត ៩៧ភាគរយ រួមមានកម្រិតបរិញ្ញាបត្ររង ចំនួន ៤០៦នាក់ ស្មើនឹងជាង ៩២ភាគរយ, កម្រិតបរិញ្ញាបត្រ ចំនួន ៤,២៧៩នាក់ ស្មើជាង ៩៦ភាគរយ, កម្រិតបរិញ្ញាបត្រជាន់ខ្ពស់ ចំនួន ១,៨៧៦នាក់ ស្មើនឹងជិត ៩៩ភាគរយ និងកម្រិតបណ្ឌិត ចំនួន ១នាក់ ស្មើ ១០០%៕

ឯកឧត្តម វង សូត ណែនាំ​ក្រុមការងារ​ជីក​ស្ដារ​ប្រឡាយ​ត្រូវ​ធ្វើតាម​លក្ខណៈ​បច្ចេកទេស​ធានា​ដល់​ការរំដោះ​ទឹក

2023/01/21 02:21:16 pm        96
ស្វាយរៀង៖ ឯកឧត្តម វង សូត រដ្ឋមន្ត្រីក្រសួង​សង្គមកិច្ច​អតីត​យុទ្ធជន ​និង​យុវនីតិសម្បទា ក្នុងពេល​ចុះ​ពិនិត្យ​ការងារ​ជីក​ស្ដារ​ប្រឡាយ​រំដោះ​ទឹក​នៅ​ជុំវិញ​ផ្ទះ​អតីត​យុទ្ធជន ​៤០០​ខ្នង​ក្នុង​ភូមិ​ជីកដី ឃុំ​អណ្ដូង​ត្របែក ស្រុក​រមាសហែក ខេត្តស្វាយរៀង​ថ្ងៃទី​២១ មករា ឆ្នាំ​២០២៣ នេះ​បាន​ណែនាំ​ដល់​ក្រុមការងារ​ជីក​ស្ដារ​ប្រឡាយ​រំដោះ​ទឹក​ត្រូវ​ធ្វើ​ឲ្យ​បាន​ត្រឹមត្រូវ​ទៅតាម​ប្លង់​គោល​ ដើម្បី​ធានា​ដល់​ការ​រំដោះ​ទឹក ​និង​សំណល់​រាវ​។​ ​ឯកឧត្តម​បាន​បញ្ជាក់ថា ​គោលនយោបាយ​លើកកម្ពស់​សុខុមាលភាព​របស់​អតីត​យុទ្ធជន​គ្រួសារ អតីត​យុទ្ធជន​ត្រូវ​បាន​រាជរដ្ឋាភិបាល​យកចិត្ត​ទុកដាក់ ពិសេស​ជម្រក​ស្នាក់នៅ ក្នុង​នោះ​ខេត្ត​ស្វាយរៀង​ត្រូវ​បាន​រាជរដ្ឋាភិបាល​ផ្ដល់​ផ្ទះ​ចំនួន ​៤០០​ខ្នង​សម្រាប់​អតីត​យុវជន គ្រួសារ​អតីត​យុទ្ធជន និង​គ្រួសារ​មានគុណ​បំណាច់​ចំពោះ​ប្រទេសជាតិ ក្នុង​នោះ​រដ្ឋ​បាល​ខេត្ត​រួម​ និង​មន្ទីរ​អង្គភាព​ជុំវិញ​ខេត្ត ស្រុក ក្រុង​បាន​ចូលរួម​ឧបត្ថម្ភ​បន្ថែម​លើ​ស្បៀងអាហារ ​ពូជ​ដំណាំ​ ពូជ​សត្វ ​ដើម្បី​ធ្វើ​ការ​ដាំដុះ ​និង​ចិញ្ចឹម ​សំដៅ​កែ​លំអ​បន្ថែម​លើ​របប​ដែល​រាជរដ្ឋាភិបាល​ឧបត្ថម្ភ ជាក់ស្ដែង​ថ្ងៃនេះ​ក្នុងនាម​រូប​ខ្ញុំ​ផ្ទាល់ ក្រុម​គ្រួសារ និង​សហការី​បាន​ផ្ដល់​ថវិកា​ចំនួន ​១​ម៉ឺន ​៧​ពាន់​ដុល្លារ​សម្រាប់​ជីក​ស្តារ​ប្រឡាយ​រំដោះ​ទឹក​ចេញពី​ភូមិ​ជា​សក្ខីភាព។ ​​អតីត​ព្រិន្ទបាលឯក ម៉ី ស៊ឿ​ន និង​លោក ព្រំ សា​វី យុទ្ធជន​ពិការ​បាន​មាន​ចំណាប់អារម្មណ៍​ដោយ​សំដែង​នូវ​ការ​សប្បាយ​រីករាយ​ ចំពោះ​ប្រមុខ​រាជរដ្ឋាភិបាល​សម្ដេច​អគ្គមហាសេនាបតី​តេ​ជោ ហ៊ុន សែន ដែល​បាន​ផ្តល់​ទីជម្រក​ស្នាក់នៅ ពិសេស​ថ្ងៃនេះ​តាមរយៈ​ឯកឧត្ដម ​វង សូត រដ្ឋមន្ត្រី​ក្រសួង​សង្គមកិច្ច​អតីត​យុទ្ធជន​ និង​យុវនីតិសម្បទា​ បាន​ផ្ដល់​ថវិកា​ជួយ​ជីស្តារ​ប្រឡាយ​រំដោះ​ទឹក​ចេញពី​ភូមិ ខណៈ​ដែល​នៅ​រដូវវស្សា​ក្នុង​ភូមិ​ទាំងមូល​ បាន​រង​ប៉ះពាល់​ជំនន់​ទឹកភ្លៀងធ្វើ​ឲ្យ​ភោគផល​ដំណាំ​ខូច​ខាត ពិសេស​ប៉ះពាល់​ដល់​សុខភាព​មនុស្ស​ និង​សត្វ ផ្ទះសំបែង ​និង​កន្លែង​ស្នាក់នៅ​ផង​ដែរ​។ ​សូម​បញ្ជាក់​ថា​ ប្រព័ន្ធ​រំដោះ​ទឹក​ដែល​ក្រុមការងារ​កំពុក​ជីក​ស្ដារ​នេះ​ គឺជា​ការឆ្លើយតប​របស់​ឯកឧត្តម​រដ្ឋមន្ត្រី​ក្រសួង​សង្គមកិច្ច​អតីត ​និង​យុវនីតិ​សម្បទា ចំពោះ​តំណាង​គ្រួសារ​អតីតយុទ្ធជន​បាន​ស្នើសុំ នៅក្នុង​ពិធី​ចែក​អំណោយ​ដល់​អតីត​យុទ្ធជន​ដែល​រស់នៅ​ក្នុងភូមិ​ជីកដី​តំបន់​ផ្ទះ ​៤០០​ខ្នង​កាលពី​កាលពី​ប៉ុន្មាន​ខែ​មុននេះ៕ ​អត្ថបទ៖ ភា សារិទ្ធ

សម្តេចតេជោ៖ កម្ពុជា-ថៃ ឯកភាពគ្នាក្នុងការរៀបចំពិនិត្យនិងបោះបង្គោលព្រំដែនឡើងវិញ

2023/01/20 01:07:14 pm        92
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងឯកអគ្គរាជទូតថៃ បានឯកភាពគ្នាថា នឹងជំរុញឱ្យគណៈកម្មការព្រំដែនរួម រៀបចំពិនិត្យបង្គោលព្រំដែន និងបោះបង្គោលព្រំដែនរវាង​ប្រទេសទាំង២ឡើងវិញ។ក្នុងឱកាសអនុញ្ញាតឲ្យឯកឧត្តមបណ្ឌិត ឆឺតគៀតអាត់ថាកន ឯកអគ្គរដ្ឋរាជទូតថៃថ្មី ចូលជួប​សំដែង​ការគួរសមនៅវិមានសន្តិភាព នាព្រឹកថ្ងៃទី២០មករានេះដែរ ​សម្តេចតេជោ ​ប្រមុខរាជរដ្ឋាភិបាល​កម្ពុជា​ និងឯកអគ្គរាជទូត បានឯកភាពគ្នា​ក្នុងការជំរុញឲ្យ​គណៈកម្មការព្រំដែនរួម ដើម្បីរៀបចំ​ពិនិត្យ​បង្គោលព្រំដែន និងបោះបង្គោលព្រំដែនឡើងវិញ ​ព្រមទាំងការដោះមីនចេញ​ពី​ព្រំដែន ​ដើម្បី​សុវត្ថិភាព​របស់​ប្រជាជន​ទាំងសងខាង ​ក្នុងការចេញចូលរកស៊ី ​និងត្រួតពិនិត្យព្រំដែន​នៅ​កន្លែងចាំបាច់​ដើម្បីជំរុញការឆ្លងកាត់របស់​ប្រជាពលរដ្ឋ និងការឆ្លងកាត់ទំនិញជាពិសេស​ដោយ​ចាត់ទុក​ការបើកច្រកព្រំដែនស្ទឹងបត់ គឺត្រូវធ្វើឱ្យ​លឿន ហើយច្រកផ្សេងៗទៀត​ក៏ត្រូវជំរុញបើក​ដោយ​ពុំរង់ចាំ​កាល​កំណត់នោះទេ។សម្ដេចតេជោ នាយករដ្ឋមន្ត្រី​ក៏​បាន​ថ្លែង​អំណរគុណ​ចំពោះភាគីថៃ ដែលបានជំរុញការវិនិយោគ ការ​បណ្តុះបណ្តាលធនធានមនុស្ស និងអស់​គុណ​ដល់ព្រះអង្គម្ចាស់សុរិនថន ដែលបានផ្ដល់​អាហារូបករណ៍​និង​ការ​ហ្វឹកហ្វឺន​ដល់​មជ្ឈមណ្ឌល​កំពង់ឈើទាល នៅខេត្តកំពង់ធំ និងខេត្តកំពង់ស្ពឺ។ជាមួយគ្នានោះដែរសម្ដេច បានឯកភាពគ្នាជាមួយភាគីថៃ ជំរុញឲ្យក្រសួងយុត្តិធម៌​ពិចារណាបញ្ជូន​អ្នកទោស​ដែល​ស្ម័គ្រ​ចិត្តត្រឡប់​ទៅ​ប្រទេស​របស់​គេវិញដោយ​មិន​រង់ចាំការ​ធ្វើ​បត្យាប័ន និងផ្លាស់ប្ដូរ​អ្នកទោសទៅវិញទៅមកដោយយោងទៅលើការស្ម័គ្រចិត្ត៕អត្ថបទ៖ មុត​ សុទ្ធ

សម្តេចតេជោ សម្រេចដាក់ឈ្មោះផ្លូវពីរខ្សែនៅកម្ពុជា តាមឈ្មោះអតីតប្រធានាធិបតីឥណ្ឌូនេស៊ី

2023/01/20 12:56:47 pm        91
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចជ្រើសរើសយកផ្លូវពីរខ្សែ នៅក្នុងប្រទេសកម្ពុជា ដាក់ឈ្មោះអតីតប្រធានាធិបតីឥណ្ឌូនេស៊ី ស៊ូកាណូ និងអាលីអាឡាតាស់ ដើម្បីជាការចងចាំគុណបំណាច់របស់ថ្នាក់ដឹកនាំទាំងពីរនេះ ដែលបានជួយកម្ពុជា ឱ្យមានសន្តិភាពរហូតដល់ថ្ងៃនេះ ។សម្តេចតេជោ ហ៊ុន សែន ក្នុងឱកាសអនុញ្ញាតឱ្យឯកឧត្តម ស៊ូឌីម៉ាន់ ហាសេង ឯកអគ្គរដ្ឋទូតឥណ្ឌូ នេស៊ី ប្រចាំកម្ពុជា ចូលជួបសំដែងការគួរសម និងជម្រាបលា នៅថ្ងៃទី២០ ខែមករានេះ បាន​រំលឹកពីគុណ សម្បត្តិរបស់អតីតប្រធានាធិបតីឥណញ្ឌូនេស៊ី ដែលមានទំនាក់ទំនងល្អ ចាប់ផ្ដើម​កសាង​ទំនាក់ទំនង​ជាមួយព្រះករុណា ព្រះបរមរតនកោដ្ឋ ​ហើយបន្តបន្ទាប់មកទៀត ទំនាក់ទំនងនេះ ត្រូវបានពូនជ្រុំ ជាពិសេស ក្នុងឱកាសជួយខ្នះខ្នែង ក្នុងការពាំនាំសុខសន្តិភាពជូនដល់កម្ពុជា តាម​រយៈការនាំ​ទៅដល់កិច្ចព្រមព្រៀងសន្តិភាពទីក្រុងប៉ារីស និងធ្វើឲ្យកម្ពុជាមានសុខ​សន្តិភាព​រហូត​មកដល់ពេលនេះ ។ នេះបើតាមការឱ្យដឹងរបស់​ឯកឧត្ដម ស្រ៊ី ថាមរុង្គ រដ្ឋមន្ត្រីប្រតិភូអមនាយក​រដ្ឋមន្ត្រី ។សម្ដេចតេជោ បានសំដែងការអរគុណចំពោះការពីសំណាក់ប្រធានាធិបតីឥណ្ឌូនេស៊ី ចំពោះជោគ ជ័យ និង​ការដឹកនាំអាស៊ានរបស់សម្ដេច ​និងការរៀបចំកិច្ចប្រជុំកំពូលអាស៊ាន និងកិច្ចប្រជុំកំពូល​ពាក់ព័ន្ធកន្លងមក ​ប្រកបដោយជោគជ័យ​ ហើយក៏បានអរគុណផងដែរ ចំពោះការវាយតម្លៃប្រកប​ដោយ​វិជ្ជមានដល់ការរីកចម្រើនរបស់កម្ពុជា។សម្តេចតេជោ បានបញ្ជាក់ថា ​ជោគជ័យនៃការរៀបចំកិច្ចប្រជុំកំពូលអាស៊ាន​ លើកទី៤០-៤១ មិន អាច​កាត់ផ្ដាច់ពីការចូលរួមពីប្រទេសឥណ្ឌូនេស៊ី ​និងប្រទេសជាមិត្តដទៃទៀតទេ ជាពិសេសការ​ដែលប្រទេសឥណ្ឌូនេស៊ី ​បានគាំទ្រឲ្យប្រទេសទីម័រខាងកើត​ បានចូលជាសមាជិកអាស៊ាន ហើយអាច​នឹងចូលរួម ប្រជុំកំពូលនៅក្នុងឆ្នាំនេះ។សម្ដេចតេជោ បានអរគុណចំពោះឥណ្ឌូនេស៊ី ដែលបានជួយបណ្ដុះបណ្ដាលធនធានមនុស្ស ជាពិ សេស​ក្នុងការ​ហ្វឹកហ្វឺន​កសាងសមត្ថភាពដល់កងទ័ពកម្ពុជា​ ពីសំណាក់កងទ័ពឥណ្ឌូនេស៊ី ។ឯកអគ្គរដ្ឋទូតឥណ្ឌូនេស៊ី ​បានអរគុណដល់រាជរដ្ឋាភិបាលកម្ពុជា ​ជាពិសេសសម្ដេចតេជោដែល បាន​សម្រេចដាក់ឈ្មោះផ្លូវពីរខ្សែ ដោយយកឈ្មោះថ្នាក់ដឹកនាំរបស់ឥណ្ឌូនេស៊ី ​គឺឯកឧត្តមស៊ូកាណូ និង​ឯកឧត្តម អាលីឡាតាស់ ដែលជាការបង្ហាញអំពីទំនាក់ទំនងមិត្តភាពដ៏ជិតស្និទ្ធ រវាងប្រទេសទាំងពីរ។ឯកឧត្តម បានអរគុណចំពោះការជួយសម្រួលក្នុងការចាក់វ៉ាក់សាំង​ជូនដល់ប្រជាជនឥណ្ឌូនេស៊ី ដែលរស់​នៅក្នុងប្រទេសកម្ពុជា ។ឯកឧត្តម បានបញ្ជាក់ថា ក្នុងរយៈពេលជាង៤ឆ្នាំ ​ដែលបំពេញភារកិច្ចនៅក្នុងប្រទេសកម្ពុជា បាន​កត់សម្គាល់​ឃើញការរីកចម្រើនជាលំដាប់របស់ប្រទេសកម្ពុជា​ ជាពិសេសលើសុខសន្តិភាព ស្ថិរភាព និងការអភិវឌ្ឍរីកចម្រើន​ និងសាទរចំពោះជោគជ័យ ​នៃកំណើនសេដ្ឋកិច្ច ពាណិជ្ជកម្ម បន្ទាប់ពីបានងើប ផុតពីវិបត្តិកូវីដ-១៩ ៕ អត្ថបទ៖ មុត សុទ្ធ 

គណៈកម្មាធិការបក្សប្រជាជនកម្ពុជា តាមក្រសួងនិងរាជធានី-ខេត្តចេញញ្ញត្តិថ្កោលទោស​បក្សភ្លើងទៀន

2023/01/20 12:44:09 pm        43
ភ្នំពេញ៖ គណៈកម្មាធិការគណបក្សប្រជាជនកម្ពុជា នៅតាមក្រសួង ស្ថាប័ន និងតាមរាជធានី-ខេត្ត បានចេញញត្តិដាច់ដោយឡែកពីគ្នា គាំទ្រចំពោះសេចក្តីថ្លែងការណ៍របស់គណបក្សប្រជាជនកម្ពុជា និងថ្កោលទោស យ៉ាងដាច់អហង្ការចំពោះគណបក្សភ្លើងទៀន ដែលបានធ្វើឲ្យប៉ះពាល់យ៉ាងធ្ងន់ធ្ងរ​បំផុតដល់ភាពត្រឹមត្រូវ​ និងសេចក្តីថ្លៃថ្នូររបស់គណបក្សប្រជាជនកម្ពុជា។យោងតាមញ្ញត្តិរបស់ក្រសួង ស្ថាប័ន និងតាមរាជធានី-ខេត្ត ដែលBTV​ ទទួលបាន បានបញ្ជាក់ថា សេចក្តីថ្លែងការណ៍​របស់គណបក្សភ្លើងទៀន ​កាលពីពេលថ្មីៗនេះ បានធ្វើឲ្យប៉ះពាល់យ៉ាងខ្លាំង​ចំពោះសេចក្តីថ្លៃថ្នូរ ​របស់គណបក្សប្រជាជនកម្ពុជា ដែលជាគណបក្សកាន់អំណាចស្រប​ទៅ​តាមលទ្ធិប្រជាធិបតេយ្យសេរីពហុបក្ស ។ញ្ញត្តិទាំងនោះ បានបញ្ជាក់បន្ថែមថា «ការថ្លែងការណ៍របស់គណបក្សភ្លើងទៀន ​គឺជាការប្រមាថ កាតទាន និងចោទប្រកាន់ទាំងបំពាន​ ខុសពីការពិត ​ទៅលើគណបក្សប្រជាជនកម្ពុជា ដែលមិន​អាចទទួលយកបានឡើយ និងបានសំណូមពរឱ្យមានវិធានការច្បាប់ចំពោះគណបក្សភ្លើងទៀន និង​គ្រប់បុគ្គលបានប្រព្រឹត្តល្មើសច្បាប់ ។សេចក្តីថ្លែងការណ៍ទាំងនោះ បានបញ្ជាក់ទៀតថា ​សេចក្តីថ្លែងការណ៍របស់គណបក្សភ្លើងទៀន មាន​ចរិត​បំផ្លើស​ផ្ទុយ​ពីការពិត មានចេតនាទុច្ចរិត​ ទម្លាក់កំហុសដោយអសុទ្ធចិត្ត ​មួល​បង្កាច់​ផ្ទុយ​ពី​សច្ចភាព ​ចំពោះរាជរដ្ឋាភិបាលកម្ពុជា ​និងចំពោះគណបក្សប្រជាជនកម្ពុជា ដែល​ជា​គណបក្ស​កំពុងកាន់អំណាច និងដឹកនាំរាជរដ្ឋាភិបាលកម្ពុជា។ នៅក្នុងឱកាសអញ្ជើញពិនិត្យមើលវឌ្ឍនភាព ​នៃការសាងសង់ «មន្ទីរពេទ្យជាតិតេជោសន្ដិភាព» ក្នុងរាជធានីភ្នំពេញ កាលពីម្សិលមិញ ​សម្តេចតេជោ ហ៊ុន សែន​ នាយករដ្ឋមន្រ្តី និងជាប្រធាន​គណបក្សប្រជាជនកម្ពុជា ​បានប្រកាសថា​ ចាប់ពីថ្ងៃនេះតទៅ​ សម្តេចនឹងមិនមានការលើកលែង ឬអត់ឱន ដល់អ្នក ​ដែលជេរប្រមាថគណបក្សប្រជាជនកម្ពុជា ​និងរាជរដ្ឋាភិបាលឡើយ និង​បាន​ផ្ដាំផ្ញើ​ដល់បរទេសកុំឱ្យលូកដៃ ​ចូលក្នុងករណីនេះ ​ពីព្រោះប្រទេសកម្ពុជាជាប្រទេសឯករាជ្យ ។នៅក្នុងញ្ញត្តិរបស់គណៈកម្មាធិការគណបក្សប្រជាជនកម្ពុជា ​ក្រសួង​ និងរាជធានី-ខេត្ត ​និងក្រុមមេ ធាវី ​របស់រាជរដ្ឋាភិបាល ​ក៏បានប្រកាសគាំទ្រយ៉ាង​ពេញទំហឹង​លើប្រសាសន៍របស់ ​សម្តេចតេជោ ហ៊ុន សែន ​នាយករដ្ឋមន្ត្រីកម្ពុជា ​ចំពោះវិធានការនានា ​ដើម្បីការពារភាពស្អាតស្អំ និងកិត្តិយស​ជូនគណបក្សប្រជាជនកម្ពុជាផងដែរ។ ក្នុងញ្ញត្តិក៏បានប្ដេជ្ញាចិត្តរួបរួមសាមគ្គីគ្នាជុំវិញរាជរដ្ឋាភិបាល​ ក្រោមដំបូល​ នៃរដ្ឋធម្មនុញ្ញ និង​ក្រោមម្លប់ នៃអង្គព្រះមហាក្សត្រជាទីគោរពសក្ការៈ​ ដ៏ខ្ពង់ខ្ពស់បំផុត ​ដើម្បីចូលរួមការពារសន្តិ ភាព និង​បន្តអភិវឌ្ឍន៍​ប្រទេសជាតិឲ្យកាន់តែរីកចំរើនបន្ថែមទៀតផងដែរ៕អត្ថបទ៖ បាន ចក់ 

សម្តេចតេជោ៖ ចាប់ពីថ្ងៃនេះតទៅនឹងមិនលើកលែងដល់អ្នកជេរប្រមាថគណបក្សប្រជាជននិង​រាជរដ្ឋាភិបាល​ឡើយ

2023/01/19 01:28:09 pm        66
ភ្នំពេញ៖ សម្ដេច​តេជោ ហ៊ុន សែន នាយក​រដ្ឋមន្ដ្រី​ បាន​បញ្ជាក់​ថា ចាប់ពីថ្ងៃនេះតទៅ នឹងមិនមាន​ការលើកលែង អត់ឱន ដល់អ្នក​ដែលជេរប្រមាថ​គណបក្សប្រជាជនកម្ពុជា និង​រាជរដ្ឋា​ភិបាល​ឡើយ។ សម្ដេច​ ក៏បាន​​ផ្ដាំផ្ញើ​ដល់​បរទេស​កុំ​លូក​ដៃចូល​ក្នុង​ករណី​នេះ​ពីព្រោះ​ប្រទេស​កម្ពុជា​ជា​ប្រទេស​ឯករាជ្យ​។សម្ដេចតេជោ មាន​ប្រសាសន៍​ក្នុងឱកាស​អញ្ជើញ​ពិនិត្យ​មើល​វឌ្ឍនភាពនៃការសាងសង់ «មន្ទីរពេទ្យជាតិ​​តេជោសន្ដិភាព» និង​សំណេះសំណាលជាមួយ​កម្មករ​សំណង់នៅក្នុង​ការដ្ឋាន​មន្ទីរពេទ្យនេះប្រមាណ ១២០០ នាក់ស្ថិតនៅសង្កាត់គោករកា ​ខណ្ឌព្រែកព្នៅ រាជធានីភ្នំពេញ នាថ្ងៃទី១៩ ខែកមរានេះ។ សម្ដេច​ បាន​​ទទូច​ចំពោះ​អ្នក​ទាំង​ឡាយកុំយក​​រឿង​អ្វីៗ​សុទ្ធតែជារឿង​នយោបាយ​ទាំងអស់​ ដូចជា​ករណី​បុគ្គល​ចេញ​សែកគ្មាន​ប្រាក់​ គឺ​តុលាការ​ត្រូវ​ចាត់​វិធានការ​​តាម​ច្បាប់​។ ប៉ុន្ដែ​បើ​នៅ​បន្ត​ជេរប្រមាថ​ដល់​គណបក្ស​ប្រជាជន ​និង​រាជរដ្ឋា​ភិបាល​ គឺ​នឹង​​ចាត់វិធានការតាម​តុលាការ​មិនលើក​ឡែងឡើយ​​​។ក្នុង​ឱកាស​នេះ​សម្តេចតេជោ ហ៊ុន សែន ក៏បាន​ប្រកាសលើកលែងទោសដល់លោក ហូរ វ៉ាន់ ដែល​កំពុង​ដង្ហែតាមតាមទណ្ឌិតមេឧទ្ទាមនៅក្រៅប្រទេស ​ប្រសិន​បើចង់ចូលមកកាន់ប្រទេសកម្ពុជា និង​ប្រកាស​លើកលែងទោស។ ប៉ុន្តែ​សម្ដេច​ បញ្ជាក់ថា​ ចំពោះ​ករណី​អ្នក​ដែល​ជេរប្រមាថ​គណបក្ស​ប្រជាជន​កម្ពុជា សម្ដេច ​បញ្ជាក់​ថា​ ចាប់ពីថ្ងៃនេះតទៅនឹង​មិន​លើកលែង​ឡើយ​ដោយ​សម្ដេច​បញ្ជា​ឱ្យនាយកដ្ឋានប្រឆាំងបទល្មើសបច្ចេកវិទ្យា​ពិនិត្យ​លើ​ក្រុម​ជេរប្រមាថនេះ៕អត្ថបទ៖ វ៉ន ដារ៉ា

ថៃប្តេជ្ញានឹងជំរុញទំនាក់ទំនងកិច្ចសហប្រតិបត្តិការរវាងរដ្ឋសភាកម្ពុជា-ថៃ ឱ្យកាន់តែរឹងមាំ

2023/01/19 10:00:48 am        39
ភ្នំពេញ៖ ឯកអគ្គរាជទូតថ្មីប្រទេសថៃប្រចាំកម្ពុជា ប្តេជ្ញានឹងជំរុញទំនាក់ទំនងកិច្ចសហប្រតិបត្តិការរវាងរដ្ឋសភាកម្ពុជា-ថៃឱ្យកាន់តែរឹងមាំ។ការប្តេជ្ញារបស់ឯកឧត្តម ឈើតគៀត អាតថាករ ឯកអគ្គរាជទូតថ្មីថៃប្រចាំកម្ពុជា ក្នុងពេលអញ្ជើញសម្តែងការគួរសមចំពោះសម្តេចពញាចក្រី ហេង សំរិន ប្រធានរដ្ឋសភានៃកម្ពុជា នៅថ្ងៃទី១៩ ខែមករា ឆ្នាំ២០២៣នេះ នៅវិមានរដ្ឋសភា។នាឱកាសនោះ ឯកឧត្តម ឯកអគ្គរាជទូត បានថ្លែងអំណរគុណយ៉ាងជ្រាលជ្រៅចំពោះសម្តេចប្រធានរដ្ឋសភា បានអនុញ្ញាតឱ្យឯកឧត្តម ជួបសម្តែងការគួរសម និងជាការផ្តល់កិត្តិយសយ៉ាងធំធេង ដែលបានមកបំពេញបេសកកកម្មការទូតនៅកម្ពុជា។ ឯកឧត្តម ឯកអគ្គរដ្ឋទូត បានវាយតម្លៃខ្ពស់ចំពោះការរីកចម្រើនឥតឈររបស់កម្ពុជា និងសូមអបអរសាទរចំពោះជោគជ័យដែលកម្ពុជារៀបចំកិច្ចប្រជុំកំពូលអាស៊ាន និងមហាសន្និបាតអន្តរសភាអាស៊ាន(AIPA)។ជាមួយគ្នា ឯកឧត្តម ឯកអគ្គរាជទូត ប្តេជ្ញាថានឹងខិតខំបំពេញបេសកកម្មដ៏ឧត្តុង្គឧត្តមនេះ នៅក្នុងការ​ពង្រឹងពង្រីកចំណងមិត្តភាពនិងកិច្ចសហប្រតិបត្តិការប្រទេសទំាងពីរ និងរវាងរដ្ឋសភាប្រទេសទាំង​ពីរ​ឱ្យកាន់តែរឹងមាំផងដែរ។សម្តេចប្រធានរដ្ឋសភា មានសេចក្តីសោមនស្សរីករាយ និងសូមស្វាគមន៍ អបអរសាទរចំពោះ ឯកឧត្តម ឯកអគ្គរាជទូត ដែលត្រូវបានរាជរដ្ឋាភិបាលថៃ តែងតាំងជាឯកអគ្គរាជទូតវិសាមញ្ញ និងពេញ​សមត្ថភាពប្រចាំកម្ពុជា។ សម្តេចប្រធានរដ្ឋសភា គូសបញ្ជាក់ថា ប្រទេសទាំងពីរ​បាន​ភ្ជាប់ចំណងការទូតជាមួយគ្នាជាង៧៣ឆ្នាំមកហើយ ហើយទំនាក់ទំនង និងកិច្ចសហប្រតិបត្តិការនេះ ត្រូវបានបន្តពូនជ្រុំដោយថ្នាក់ដឹកនាំនៃប្រទេសទាំងពីរជាបន្តបន្ទាប់។សម្តេចប្រធានរដ្ឋសភា បានគូសបញ្ជាក់ថា បេសកកម្មការទូតរបស់ឯកអគ្គរាជទូត​នៅកម្ពុជា​នេពេលនេះ ពិតជាមានសារសំខាន់ដល់ការបន្តជំរុញ លើកកម្ពស់ទំនាក់ទំនងមិត្តភាព និងកិច្ច​សហប្រតិបត្តិការរវាងប្រទេសជិតខាងទំាងពីរ ដែលមានស្រាប់ឱ្យបានកាន់តែ​ល្អប្រសើរថែម​មួយកម្រិតទៀត។សម្តេចប្រធានរដ្ឋសភា លើកឡើងថា បច្ចុប្បន្នទំនាក់ទំនងមិត្តភាពជាប្រពៃណី និង​កិច្ច​សហប្រតិបត្តិការរវាងប្រទេសទាំងពីរ មានការរីកចម្រើនយ៉ាងខ្លាំងគួរអោយកត់សម្គាល់ ទាំងវិស័យនយោបាយ ការទូត សេដ្ឋកិច្ច ពាណិជ្ជកម្ម វិនិយោគ វប្បធម៌ ទេសចរណ៍រួមទំាងវិស័យ​ផ្សេងៗ​ទៀតជាច្រើន។ ជាក់ស្តែងរាជរដ្ឋាភិបាលទាំងពីរ បានដាក់ចេញនូវផែនការដើម្បីសម្រេច​បានទំហំពាណិជ្ជកម្មទ្វេភាគី ចំនួន១៥ពាន់លានដុល្លារអាមេរិក នៅឆ្នាំ២០២៥ ហើយការអនុវត្តជាក់​ស្តែងមានកំណើនវិជ្ជមាន។ ដោយឡែកសម្រាប់រដ្ឋសភានៃប្រទេសទាំងពីរ បានបន្តអនុវត្តជាមួយគ្នាយ៉ាងខ្ជាប់ខ្ជួននូវ​គោល​ការណ៍គាំទ្រគ្នាទៅវិញទៅមក និងកិច្ចសហប្រតិបត្តិការទាំងនៅលើវេទិកាអន្តរសភាក្នុងតំបន់ និងសកលលោក ហើយការគាំទ្រគ្នាទៅវិញទៅមកលើវិស័យការទូតសភារបស់រដ្ឋសភា​ប្រទេស​ទាំងពីរបាននាំមកនូវប្រសិទ្ធភាពយ៉ាងធំធេងដល់ការ រួមចំណែកលើកកម្ពស់កិច្ចសហប្រតិបត្តិការ​របស់​ស្ថាប័ន​នីតិប្រតិបត្តិ​ប្រទេសទាំងពីរផងដែរ៕អត្ថបទ សេក ឧត្តម 

សម្តេចតេជោ ហ៊ុន សែន អញ្ជើញពិនិត្យមើលវឌ្ឍនភាពនៃការសាងសង់«មន្ទីរពេទ្យជាតិតេជោសន្ដិភាព»

2023/01/19 07:35:59 am        111
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញពិនិត្យមើលវឌ្ឍនភាពនៃការសាងសង់«មន្ទីរពេទ្យជាតិតេជោសន្ដិភាព» ដែលមានទីតាំងស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ ព្រមទាំងសំណេះសំណាលជាមួយកម្មករសំណង់នៅក្នុងការដ្ឋានមន្ទីរពេទ្យនេះប្រមាណ ១.២០០នាក់។អគារ«មន្ទីរពេទ្យជាតិតេជោសន្ដិភាព»មានចំនួន១១អគារដែលមានអគារព្យាបាល និងសង្គ្រោះបន្ទាន់(E)មានទំហំ ៧,៤៨០ ម៉ែត្រការ៉េ,អគារព្យាបាលកម្រិតធ្ងន់(H1និង H2)មានគ្រែសរុបចំនួន៥២៧គ្រែ, អគារព្យាបាលកម្រិតស្រាល(H3,H4,H5,H6និងH7)មានគ្រែសរុប៨,៩៦៩ គ្រែ,គ្រែបុគ្គលិកពេទ្យប្រចាំការមានចំនួន៤៦គ្រែនិងគ្រែបុគ្គលិកស្នាក់នៅចំនួន២០៦ គ្រែ,អគារបច្ចេកទេស(T1),អគារបច្ចេកទេស (T2),អគារផ្គត់ផ្គង់និងព័ត៌មាន(A)មានទំហំ២,៨៣៥ ម៉ែត្រការ៉េ,អគារស្នាក់នៅសម្រាប់បុគ្គលិក (S)មានគ្រែសរុបចំនួន ២៣៤ គ្រែ។ ចំណតរថយន្តមានផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួនច្បារព័ណ៌បៃតងទំហំ ៤,៤៩០ ម៉ែត្រការ៉េ ។មន្ទីរពេទ្យជាតិតេជោសន្ដិភាពនេះស្ថាបនាដោយក្រុមហ៊ុន ស៊ីជេអ៊ីស៊ី CJEC.co,Ltd សហការជាមួយសាលារាជធានីភ្នំពេញ។ មន្ទីរពេទ្យជាតិតេជោសន្ដិភាពនេះត្រូវបានរដ្ឋបាលរាជធានីភ្នំពេញបើកការដ្ឋានសាងសង់កាលពីថ្ងៃទី១៤ ខែកុម្ភៈ ឆ្នាំ២០២២ ។មន្ទីរពេទ្យជាតិដ៏ធំមួយនេះគ្រោងនឹងបញ្ចប់ការសាងសង់ រួចជាស្ថាពរនិងដាក់ឲ្យដំណើរការជាផ្លូវការនៅខែមិថុនាឆ្នាំ២០២៣។ «មន្ទីរពេទ្យជាតិ តេជោសន្ដិភាព» នឹងក្លាយជាមន្ទីរពេទ្យជាតិធំជាងគេនៅប្រទេស កម្ពុជាដែលនឹងផ្ដល់នូវសេវាគ្រប់ផ្នែកទាំងអស់ ជូនប្រជាពលរដ្ឋទូទាំងប្រទេស ។ ក្នុងករណីមានជំងឺឆ្លងលក្ខណៈទ្រង់ទ្រាយធំមន្ទីរពេទ្យជាតិដ៏ធំមួយនេះអាចមានលទ្ធភាពទទួលអ្នកជំងឺដោយមិនមានការព្រួយបារម្ដនោះទេដោយមន្ទីរពេទ្យនេះបំពាក់សម្ភារៈបរិក្ខារវេជ្ជសាស្ត្រទំនើបៗស្របតាមលក្ខណៈស្តង់ដារ៕

ទស្សនៈអ្នកអាន៖ «ច្បាប់នៅលើលោកនេះ​គ្មានការ​អត់ឱន​ចំពោះ​អ្នក​ដែល​ចេញ​សែក​ស្អុយ​ ដើម្បី​សងលុយជំពាក់គេទេ»!

2023/01/18 02:36:24 pm        29
លោក ថាច់ សេដ្ឋា គឺជាអ្នកនយោបាយ ប៉ុន្តែរឿងរ៉ាវ​ដែល​កើត​ឡើង​ចំពោះ​គាត់​ពេល​នេះ​គឺ​ជា​រឿង​ផ្ទាល់​ខ្លួន មិនមែនជារឿងនយោបាយនោះឡើយ។ អ្នកចូលចិត្តលេងល្បែងហើយជំពាក់លុយគេ មិន​មែនជារឿងចម្លែក ចំណែកអ្នកចេញសែកស្អុយ (សែកគ្មានលុយ) ដើម្បី​សងថ្លៃ​ជំពាក់​គេ​ហើយ​ត្រូវ​សមត្ថកិច្ចចាប់ខ្លួនតាមដីការបស់តុលាការក៏មិនមែនជារឿងថ្មីថ្មោងនោះដែរ។ មិន​ថា​តែ​នៅ​កម្ពុជា​ទេ សូម្បីតែប្រទេសផ្សេងណាក៏ដោយ ក៏គេត្រូវ​ចាត់​វិធាន​ការ​បែប​នេះ​ដោយ​មិន​លើក​លែង​ឡើយ​ ចំពោះជនបោកប្រាស់ដែលចេញសែកស្អុយដើម្បីសងលុយជំពាក់​ ពីព្រោះ​នេះ​ជា​អំពើ​បោ​​កប្រាស់។នៅកម្ពុជា មាន​ករណី​បែប​នេះ​ធ្លាប់​បាន​កើត​ឡើង​ជា​ច្រើន​លើក​ច្រើន​សារ​មក​ហើយ​ចំពោះ​បុគ្គល​ជា​ច្រើន​ដែល​ជាអ្នករកស៊ី រឺមន្ត្រីគ្រាក់ៗពាក់ផ្កាយ ។ល។ ​រឿងបែបនេះរឹត​តែ​មិនមែន​ជា​រឿង​នយោបាយ​ទាល់​តែសោះ។ ដូច្នេះ សូមអ្នកនយោបា​យ​មួយ​ចំនួន និង​តំណាង​អង្គការ​សង្គម​ស៊ីវិល​មួយ​ក្តាប់​តូច ក៏ដូចជាអ្នកដែលតាំងខ្លួនថាជាអ្នកវិភាគឯករាជទាំងឡាយ «មើលឲ្យជាក់ សឹមញាក់​ចិញ្ចឹម»​ នេះប្រសិនបើចង់ឲ្យសម្តីរបស់ខ្លួនមានតម្លៃដែលគេអាច​ស្តាប់​បាន។ ការនិយាយទាំង​ទទឹង​ទិស​ដោយមិនបានដឹងសាច់រឿង និងមិនបានស៊ើបអង្កេតសូម្បីតែបន្តិច គឺជាពាក្យ​សម្តី​មុសារ​ដែល​និយាយដើម្បីស៊ីអារម្មណ៍និងបម្រើឲ្យរបៀបវារៈនយោបាយរបស់ខ្លួនតែប៉ុណ្ណោះ។នៅកម្ពុជា ពិតជាសម្បូរណាស់អ្នកនយោបាយ សង្គមស៊ីវិល និង​អ្នក​វិភាគ​ឯករាជ​ដែល​ផ្អៀង​ផ្កាប់​មុខ​ ហើយចូលចិត្តនិយាយតាមការយល់ឃើញរបស់ខ្លួន ដោយ​មិន​បាន​ផ្អែក​លើ​ការ​ស្រាវជ្រាវ ដើម្បី​រក​ព័ត៌មានពិត យកមកធ្វើជាមូលដ្ឋានសោះឡើយ។ ក្រុមអ្នកនយោបាយ សង្គមស៊ីវិល និង​អ្នក​វិភាគផ្កាប់មុខ ទាំងអស់នោះ គឺជាប្រភពបំពុលសង្គមដ៏គួរឲ្យខ្លាច។ ពួកគេ​មិន​បាន​នាំ​ព័ត៌មាន​ពិត​ ដើម្បី​ឲ្យប្រជាពលរដ្ឋយល់សាច់រឿង នោះទេ ប៉ុន្តែពួកគេចូលចិត្ត​និយាយ​ឲ្យ​មនុស្ស​យល់​ច្រឡំ ច្របូកច្របល់ ដោយគ្មានមូលដ្ឋានសំអាងច្បាស់លាស់។ឲ្យតែមានរឿងអ្វីកើតឡើងចំពោះអ្នកនយោបាយប្រឆាំង ពួកគេក៏ផ្តើមសន្និដ្ឋានភ្លាមថា ជា​រឿង​នយោបាយ មិនថារឿង នោះជារឿងព្រហ្មទណ្ឌ រឿងរដ្ឋប្បវេណី រឿងផឹកស៊ីវ៉ៃតប់គ្នា ឬសូម្បី​តែ​គ្រោះ​ថ្នាក់​ចរាចរណ៍ក៏ពួកគេអាច​អូស​ចូលក្នុងរឿង នយោបាយដែរ។តើនៅក្នុងប្រទេសណាមួយដែលអ្នកនយោបាយមានអភ័យឯកសិទ្ធិអាចរួចផុតពីសំណាញ់ច្បាប់? តើ​នៅប្រទេសណាដែលអ្នកចេញសែកស្អុយដើម្បីសងលុយជំពាក់គេត្រូវរួចខ្លួន រាប់ទាំង​អ្នក​នយោបាយ​ផង? គឺប្រាកដជាគ្មានឡើយនៅលើលោកីយ៍យើង នេះ។ ប៉ុន្តែចម្លែកអីតែនៅកម្ពុជា ក្រុមអង្គការសង្គមស៊ីវិលដែលជ្រកក្រោម​ស្លាកការពារសិទ្ធិមនុស្សមួយ​ចំនួន​បែរ​ជា​ការពារ​អ្នក​នយោបាយ​ប្រព្រឹត្តល្មើសច្បាប់ទៅវិញ ដោយខិតខំទាញ​រឿង​រ៉ាវ​គ្រប់​បែប​យ៉ាង​ឲ្យ​ចូល​ក្នុង​រឿង​នយោបាយ ដើម្បីទម្លាក់កំហុសទៅលើរដ្ឋាភិបាលគណបក្សកាន់អំណាច។មហាជនទូទៅតែងតែកត់សំគាល់ឃើញាក្រុមនេះតែងអនុវត្តនូវស្តង់ដាពីរក្នុងគ្រប់បញ្ហា៖ « នៅ​ម្ខាង គេអំពាវនាវឲ្យមាននីតិរដ្ឋនិងចង់ឲ្យគ្រប់គ្នាស្មើភាពចំពោះមុខច្បាប់ ប៉ុន្តែនៅម្ខាងទៀត ពួក​គេ​ចេញ​មុខកាងអ្នកនយោបាយនិងសកម្មជនប្រព្រឹត្តខុសច្បាប់ ព្រោះតែ​អ្នក​នោះ​ជា​គូ​កន​របស់​ខ្លួន»។ «នៅម្ខាង ពួកគេអំពាវនាវឲ្យអាជ្ញាធរ​អនុវត្តច្បាប់ឲ្យបានតឹងរ៉ឹងចំពោះជនល្មើស ប៉ុន្តែ​នៅ​ម្ខាង​ទៀត ពួកគេចង់ឲ្យបន្ធូរបន្ថយ ឬលើកលែងទោសចំពោះបក្សពួក និងគូក​ន​របស់​ខ្លួន​ដែល​ប្រព្រឹត្ត​ខុស​ច្បាប់»។ «នៅម្ខាង ពួកគេអំពាវនាវឲ្យមន្ត្រីរាជការ កម្លាំងប្រដាប់អាវុធ ព្រះសង្ឃ ស្ថិត​នៅ​អព្យាក្រឹត្យ ប៉ុន្តែពួកគេខ្លួនឯង ដែលជាសង្គមស៊ីវល ឬជាអ្នកវិភាគឯករាជ បែរជា​ផ្អៀង​ក្រឡាប់​មេឃ»។ «នៅម្ខាង ពួកគេតាំងខ្លួនជាអ្នកការពារសិទ្ធិមនុស្សនិងចង់ឲ្យគេគោរព សិទ្ធិ​របស់​ខ្លួន​គ្រប់​បែប​យ៉ាង ប៉ុន្តែនៅម្ខាងទៀត ពួកគេចេញ​មុខ​ការពារ​អ្នក​បញ្ចេញ​មតិ​បំពាន​ ឬ​ប្រមាថ​ដល់​អ្នក​ដទៃ​យ៉ាង​កំរោល ឬពួកគេខ្លួនឯងនិយាយសន្និដ្ឋានទម្លាក់កំហុសលើគេដោយគ្មានភស្តុតាង»។ដោយហេតុតែបេសកកម្មរបស់ពួកគេគឺដើម្បីតែទម្លាក់កំហុសមកលើអាជ្ញាធររដ្ឋាភិបាល ពួ​ក​គេ​ពិត​ជា​បា​ន​បង្ហាញ​នូវ​ភាព​ទុច្ចរិត​យ៉ាង​ចំហ​ និង​ឥត​អៀន​ខ្មាស​បែប​នេះ​ហើយ​ទើប​បាន​ជា​សម្តី​របស់​ពួក​គេ​ចេះតែបន្តសាបដូចទឹកទន្លេដោយមនុស្សកាន់តែតិចទៅៗឲ្យតម្លៃនិងយកត្រចៀកស្តាប់។ងាកមកនិយាយពីករណី ថាច់ សេដ្ឋា វិញ ! នរណាក៏ដឹងដែរថា គាត់​ជា​អ្នក​ញៀន​ល្បែង​មិន​ចាញ់​អេង ឆៃអ៊ាង ឡើយ។ ​ គេអាចស្រមៃឃើញថា មនុស្សដែលញៀនល្បែង យក​កាស៊ីណូ​ជា​ផ្ទះ​សម្បែង តើជាមនុស្សប្រភេទណា? នៅពេលដែលចាញ់ល្បែងអស់ពីខ្លួន មធ្យោបាយ​មាន​តែ​មួយ​ គឺ​ខ្ចី​ប្រាក់ពី​ប្រភពណាក៏ដោយឲ្យតែអាចខ្ចីបាន។ ​អេង ឆៃអ៊ាង និង ថាច់ សេដ្ឋា អាចមាន​សំណាង​ជាង​អ្នកញៀនល្បែងដទៃដោយសារតែខ្លួនជ្រកក្រោមស្លាកបក្សប្រឆាំង ដែល​អាច​ប្រមូល​លុយ​បាន​ពីអ្នកគាំទ្រក្រោមបុព្វហេតុនយោនបាយ។ ប៉ុន្តែតាមការពិត លុយដែល​ប្រមូល​បាន​ភាគ​ច្រើន​គឺ​យក​ទៅលេងល្បែង។ ទោះជាយ៉ាងណា លុយដែល​បាន​មក​ពី​ការ​បោក​ប្រាស់​អ្នកគាំទ្រ​នៅតែ​មិ​នគ្រប់គ្រាន់សម្រាប់ចាយទៅលើកាស៊ីណូឡើយ។ ហេតុដូច្នេះហើយបានជា ថាច់ សេដ្ឋ លង់​ខ្លួន​នឹងបំណុលវ័ណ្ឌករហូតដល់ចេញសែកស្អុយឲ្យម្ចាស់បំណុល។នៅពេលតុលាការកោះហៅម្តងជាពីរដងតាមពាក្យបណ្តឹងរបស់ម្ចាស់បំណុល តែ​មិន​ព្រម​ចូល​ខ្លួន​ទៅ​បំភ្លឺ ជម្រើសខាងផ្លូវច្បាប់នៅសល់តែមួយគត់ គឺដីកា​នាំ​ខ្លួន​ហើយ​នេះ​គឺ​ជា​នីតិ​វិធី​ស្រប​ច្បាប់​របស់​តុលាការ។នៅពេលដែលជាប់ផុងក្នុងសំណាញ់ច្បាប់ ថាច់ សេដ្ឋា ក៏ដូច​ជាបក្ស​ប្រឆាំង និង​គូកន​ក៏​ខំ​ប្រឹង​កាឡៃ​ថា​ជារឿង នយោបាយដើម្បីបង្វែរចំណាប់អារម្មណ៍មហាជនអោយមានការយល់ច្រឡំថា «បក្ស​ប្រឆាំងមិនមែនជាជំរកសុវត្តិភាពរបស់ជនល្មើសច្បាប់ រឺ ជនញៀនល្បែងស៊ីសង។ល។ ចំណែក​ឯគូកនរបស់គេដែលជ្រកក្រោមស្លាកសង្គមស៊ីវិល អ្នកវិភាគឯករាជ រួមទាំង​សារព័ត៌មាន​ក្បត់​វិជ្ជាជីវៈមួយចំនួនក៏នាំគ្នាបំពងសំឡេងបន្ថែម ដើម្បីកាឡៃទៅជារឿងនយោបាយ ក្នុង​គោល​បំណង​ទាក់​ទាញក្តីអាណិតអាសូរពីអ្នកដែលមិនដឹងសាច់រឿងពិត។ ប៉ុន្តែល្បិច​កល​ដដែល​ៗ​នេះ​ពិ​ត​ជាគ្មានប្រសិទ្ធភាពទៀតឡើយ ពីព្រោះសម័យនេះ ប្រជាពលរដ្ឋ​មាន​ការ​យល់​ដឹង​ច្រើន​ជាង​មុន ដោយម្នាក់ៗចេះពិចារណា ចេះស្រាវជ្រាវ និងចេះផ្ទៀងផ្ទាត់ព័ត៌មានច្រើនជាងមុន។សូមចងចាំថា បច្ចុប្បន្នប្រជាពលរដ្ឋយល់ច្បាស់ណាស់ថា អ្វីដែលកើតឡើងចំពោះអ្នកនយោបាយ មិន​មែន​សុទ្ធតែជារឿងនយោបាយឡើយ។ ម្យ៉ាងទៀត អ្នកនយោបាយ​ដែល​ប្រព្រឹត្ត​ខុស​ក៏​មិន​អាច​គេច​ផុត​ពីសំណាញ់ច្បាប់បានដែរ ជាពិសេស ជនណាក៏ដោយ ទោះនៅក្នុងប្រទេសណាក៏ដោយ ឲ្យតែប្រព្រឹត្តអំពើបោកប្រាស់ តាមរយៈការចេញសែកស្អុយដើម្បីសងលុយជំពាក់គេ គឺត្រូវ​តែ​ទទួល​ទោស​ដោយចៀសមិនផុតឡើយ។ នេះគឺជាក្រឹត​ក្រម​ដែល​គេបាន និង​កំពុង​អនុវត្ត​នៅ​ជុំវិញ​ពិភព​លោក​រាប់ទាំងក្នុងបណ្តាប្រទេសប្រជាធិបតេយ្យធំៗផងដែរ។ដូច្នេះ ថាច់ សេដ្ឋា ដែលចាញ់ល្បែងអស់ពីខ្លួន ហើយជំពាក់លុយគេ គ្មានអ្វីសង រហូត​ដល់​ចេញ​សែក​ស្អុយ ប្រាកដណាស់ថា ត្រូវតែទទួលការកាត់ទោសជាកំហិត ហើយបើមិនដូច្នោះទេ វាជាគំរូដ៏អាក្រក់ ដល់អ្នកដទៃ៕ដោយ: អ្នកនយោបាយតុកាហ្វេ

បណ្ដាញសង្គម

ព័ត៌មានថ្មីៗ

ក្រសួងយុត្តិធម៌ចុះអនុស្សរណៈជាមួយការិយាល័យមេធាវីអាមេរិក លើការ «លើកកម្ពស់ចំណេះដឹងផ្នែកច្បាប់ និងការប្រើប្រាស់បណ្ណាល័យច្បាប់អេឡិចត្រូវនិច»
01/27/2023 04:01 PM
សមាជិកក្លឹបអ្នកកាសែតជិត ៣០០ នាក់ចូលរួមបោះឆ្នោតជ្រើសរើសគណៈកម្មាធិការនាយកអាណត្តិទី៧ (២០២៣-២០២៦)
01/27/2023 04:01 PM
រថក្រោះ​លោក​ខាងលិច​នឹងមាន​ប្រៀប​ជាង​រថក្រោះ​របស់​រុស្ស៊ី និង​មាន​សារៈសំខាន់​សម្រាប់​ការ​វាយ​លុក​របស់​អ៊ុយ​ក្រែ​ន​
01/27/2023 03:01 PM
ភាព​តានតឹង​បាន​កើនឡើង​ក្នុង​រដ្ឋធានី​ហៃ​ទី បន្ទាប់ពី​មន្ត្រី​នគរបាល​ច្រើន​នាក់​បាន​ស្លាប់​
01/27/2023 02:01 PM
ក្រុម​តា​លី​បង់​នឹង​បង្កើត​ច្បាប់​ថ្មី​ស្តីពី​ការងារ​ផ្នែក​ជំនួយ​របស់​ស្ត្រី​អា​ហ្វ​ហ្គា​នី​ស្ថាន
01/27/2023 02:01 PM
កិច្ចប្រជុំក្រុមប្រឹក្សាបច្ចេកទេសអាជ្ញាធរជាតិប្រយុទ្ធ នឹងជំងឺអេដស៍លើកទី១ ឆ្នាំ២០២៣ សិក្សាអំពីលទ្ធភាពផ្តល់បណ្ណសមធម៌ និងបណ្ណ ប.ស.ស ដល់ក្រុមប្រជាជនគន្លឹះ
01/27/2023 01:01 PM
រាជរដ្ឋាភិបាលគម្រោងសាងសង់ផ្លូវរថភ្លើងល្បឿនលឿន៣ខ្សែ ដើម្បីជំរុញវិស័យដឹកជញ្ជូននៅកម្ពុជា
01/27/2023 01:01 PM
ព្រះអង្គម្ចាស់ នរោត្តម ចក្រាវុធ យាងចុះជួបសំណេះសំណាល ជាមួយសមាជិក-សមាជិកា និងបងប្អូនខ្មែរឥស្លាម នៅខេត្តព្រះសីហនុ
01/27/2023 01:01 PM
ទេសរដ្ឋមន្រ្តី លី ធុជ នាំយកអំណោយសម្តេចតេជោ ប្រគល់ជូនជនពិការភាពដោយសារគ្រាប់មីន ក្នុងក្រុងបាវិត
01/27/2023 12:01 PM
ភ្ញៀវទេសចរជនជាតិចិនជាង១០០នាក់ ពីទីក្រុងគុនមីង មកខេត្តព្រះសីហនុ
01/27/2023 12:01 PM