នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានវិទ្យាស្ថាន KSI មានជំនឿយ៉ាងមុតមាំថា ក្រោមការដឹកនាំប្រកបដោយចក្ខុវិស័យ និង​ភាព​ឈ្លាសវៃ​របស់សម្ដេចបវរធិបតី កម្ពុជានឹងបន្តអភិវឌ្ឍ រីកចម្រើនឈានទៅកម្រិតខ្ពស់​មួយថែម​ទៀត
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្រ្តៃយ៍ព្រឹទ្ធសភា ដើម្បីពិនិត្យសម្រេចលើរបៀបវារៈចំនួន៣
គណៈប្រតិភូប្រធានសភានៃប្រទេសជាមិត្ត៖ ដំណើរស្វែងរកសុខសន្ដិភាពរបស់កម្ពុជា គឺជាគំរូ និង​បទពិសោធន៍ដ៏ជោគជ័យមួយដែលគួរតែត្រូវបានផ្សព្វផ្សាយ និងចែករំលែក​ទៅកាន់បណ្ដា​ប្រទេសនានានៅលើពិភពលោក
សម្ដេចតេជោ ហ៊ុន សែន បន្តរំលឹកពីការឈឺចាប់ចំពោះប្រទេសតាំងខ្លួនជាជើងឯក​ប្រជាធិបតេយ្យ​លើ​លោកក្នុងការបង្កការឈឺចាប់លើកម្ពុជា

នយោបាយ​ និង ការអភិវឌ្ឍន៍

ស្ថានទូតចិន៖ អាមេរិក មិនគួរធ្វើឲ្យខូចទំនាក់ទំនងពាណិជ្ជកម្មធម្មតារវាងចិន និងរុស្ស៊ីទេ

2024/07/25 02:25:59 pm        145
Facebook Telegram Linkin
អ្នកនាំពាក្យស្ថានទូតចិនប្រចាំសហរដ្ឋអាមេរិក បានប្រាប់សារព័ត៌មានTASS ថា ទីក្រុងវ៉ាស៊ីនតោន មិនគួរធ្វើឲ្យខូចទំនាក់ទំនងសេដ្ឋកិច្ច និងពាណិជ្ជកម្មធម្មតារវាងទីក្រុងប៉េកាំង និងទីក្រុងមូស្គូទេ។ លោក Liu Pengyu បាននិយាយថា៖«សិទ្ធិរបស់ចិនក្នុងការចូលរួមក្នុងការដោះដូរសេដ្ឋកិច្ច និងពាណិជ្ជកម្មធម្មតាជាមួយប្រទេសទាំងអស់ រួមទាំងរុស្ស៊ី ដោយឈរលើមូលដ្ឋានសមភាព និងផលប្រយោជន៍ទៅវិញទៅមក មិនគួរត្រូវបានធ្វើឲ្យប៉ះពាល់នោះទេ» ដោយបានធ្វើការអត្ថាធិប្បាយពីការលើកឡើងរបស់អ្នកការទូតអាមេរិកម្នាក់ ដែលបាននិយាយថា ទីក្រុងប៉េកាំង បានគាំទ្រដល់ប្រតិបត្តិការយោធាពិសេសរបស់ទីក្រុងមូស្គូក្នុងប្រទេសអ៊ុយក្រែន ដោយផ្តល់ជំនួយដល់ឧស្សាហកម្មការពារជាតិរុស្ស៊ី មានឥទ្ធិពលបង្កអស្ថិរភាព។ នេះបើយោងទៅតាមសហរដ្ឋអាមេរិក។អ្នកនាំពាក្យម្នាក់ បានបន្ថែមថា ការចោទប្រកាន់របស់អាជ្ញាធរអាមេរិកអំពីការគាំទ្ររបស់ចិនដល់រោងចក្រឧស្សាហកម្មការពារជាតិរុស្ស៊ី តាមរយៈពាណិជ្ជកម្ម ពុំមានមូលដ្ឋានទេ។លោក Liu Pengyu បានអះអាងថា៖«សហរដ្ឋអាមេរិក កំពុងបញ្ចេញសកម្មភាពផ្តល់ជំនួយសម្រាប់អ៊ុយក្រែន ខណៈពេលដែលកំពុងធ្វើការចោទប្រកាន់ដោយគ្មានមូលដ្ឋាន ប្រឆាំងនឹងការដោះដូរសេដ្ឋកិច្ច និងពាណិជ្ជកម្មធម្មតារវាងចិន និងរុស្ស៊ី។អ្នកនាំពាក្យរូបនេះ បានចង្អុលបង្ហាញថា ប្រទេសចិន តែងតែប្រកាន់យក «គោលជំហរច្បាស់លាស់ និងយុត្តិធម៌ ដោយជំរុញយ៉ាងសកម្មឲ្យមានកិច្ចចរចាសន្តិភាព និងសម្របសម្រួលដំណោះស្រាយនយោបាយ»។ លោកបានបន្តថា៖«យើងមិនស្វែងរកផលចំណេញសម្រាប់ខ្លួនឯងទេ ដោយការជំរុញភាពតានតឹងឲ្យកាន់តែកើនឡើងនោះទេ ហើយយើងក៏មិនផ្តល់អាវុធដល់ភាគីទាំងសងខាងដែរ»។

រាជរដ្ឋាភិបាលកម្ពុជា៖ គ្មានការកាត់ទឹកដីបួនខេត្តឱ្យវៀតណាម ដូចការលើកឡើងរបស់ក្រុមជ្រុលនិយមមួយក្តាប់តូចឡើយ

2024/07/25 01:59:56 pm        94
Facebook Telegram Linkin
អ្នកនាំពាក្យរបស់រាជរដ្ឋាភិបាលកម្ពុជា បានបញ្ជាក់ថា គ្មានការកាត់ទឹកដីរបស់ខ្លួនឲ្យទៅវៀតណាម ដូចការលើកឡើងរបស់ក្រុមជ្រុលនិយមមួយក្តាប់តូចនោះឡើយ ហើយមួយវិញទៀត ក៏គ្មានដែរ ក្នុងការអនុញ្ញាតឲ្យមានចលនាចេញចូលរបស់ប្រជាពលរដ្ឋដោយសេរី ពោលគឺប្រទេសនីមួយៗ នៅតែគ្រប់គ្រង និងរក្សាឯករាជ្យភាពអធិបតេយ្យភាព និងបូរណភាពទឹកដីខ្លួន ស្របតាមច្បាប់​ជាធរមាន ដោយគ្មានការបង្កើត ដែនដីរួមគ្នា​ណាមួយដូច​ការ​ញុះញង់​របស់ពួកប្រឆាំងជ្រុលនិយម​ទាំងនោះផងដែរ។ការបញ្ជាក់របស់អ្នកនាំពាក្យរបស់រាជរដ្ឋាភិបាលនេះ គឺបានធ្វើឡើង ​បន្ទាប់ពីនៅមានមនុស្សមួយ​ចំនួនតូច​នៅតែបន្តលើកឡើងដោយ​បំភាន់​បើទោះបីជាសម្តេចតេជោ ហ៊ុន សែន អតីតនាយករដ្ឋមន្រ្តី និង ​ជាប្រធានព្រឹទ្ធសភាកម្ពុជា ​បានបញ្ជាក់យ៉ាងច្បាស់​អំពីកិច្ច​សហប្រតិបត្តិការតំបន់​អភិវឌ្ឍន៍ត្រីកោណរវាងកម្ពុជា ឡាវ និងវៀតណាម CLV ជូលដល់បងប្អូន​ប្រជាពលដ្ឋ កាលពីថ្ងៃទី២៣ ខែកក្កដា ឆ្នាំ២០២៤កន្លងទៅថ្មីៗ យ៉ាងណាក៏ដោយនោះ ប៉ុន្តែពួកជ្រុលនិយមទាំងនោះ នៅតែបំភាន់ការពិត​ដើម្បី​គេងចំណេញ​នយោបាយរបស់ខ្លួននោះ។តាមសេចក្តីថ្លែងការណ៍របស់អ្នកនាំពាក្យរាជរដ្ឋាភិបាល នាថ្ងៃទី២៥​ ខែកក្កដា ឆ្នាំ២០២៤នេះ បានបញ្ជាក់យ៉ាងច្បាស់ជាថ្មីម្តងទៀតថា «គ្មានការកាត់ទឹកដី ៤ខេត្តជូនប្រទេសវៀតណាម​ដូចការចោទ​ប្រកាន់​មូល​បង្កាច់​ពីក្រុមជ្រុលនិយមមួយចំនួនតូចនោះឡើយ។ គ្មានការយក​ខេត្តទាំង៤ របស់កម្ពុជា ទៅហ៊ុនជាមួយប្រទេសជិតខាង ​ដើម្បី​រួមបញ្ចូល​គ្នា​ជាដែនដីតែមួយ ដូចការលើកឡើង​ដោយបំភាន់ ឬដោយ ​ការភាន់ច្រឡំមួយចំនួននោះឡើយ។ គ្មានការដាក់​ហ៊ុនធនធានធម្មជាតិ ដូចជាធនធានរ៉ែ និងធនធានព្រៃឈើជាដើម របស់​ខេត្តទាំងបួន​ដើម្បី​វិនិយោគរួមគ្នា ដូចការលើកឡើងនោះឡើយ។ និងគ្មានការអនុញ្ញាត ឲ្យប្រជាពលរដ្ឋនៃ​ប្រទេសនីមួយៗចេញចូលដោយសេរី ក្នុងទឹកដីតំបន់អភិវឌ្ឍន៍ត្រីកោណនោះឡើយ»។តាមរយៈសេចក្តីថ្លែងការណ៍នេះអ្នកនាំពាក្យរបស់រាជរដ្ឋាភិបាលកម្ពុជា ក៏បានបញ្ជាក់បន្ថែមជូន ដល់​សាធារណៈជនផងដែរថា ​កិច្ច​សហប្រតិបត្តិការអភិវឌ្ឍត្រីកោណនេះ ធ្វើឡើងតែក្នុង​ក្របខណ្ឌអាជ្ញាធរប្រទេសទាំងបី ​ដើម្បីផលប្រយោជន៍សេដ្ឋកិច្ច ​ហេដ្ឋារចនាសម្ព័ន្ធ ​សុខាភិបាល អប់រំ សន្តិសុខ និងការ គ្រប់គ្រងគ្រោះមហន្តរាយជាដើម ដូចការ​បញ្ជាក់យ៉ាង​ច្បាស់របស់​សម្តេចតេជោ ​ហ៊ុន សែន ប្រធានព្រឹទ្ធសភាយ៉ាងដូច្នេះដែរ។ជាមួយគ្នានោះដែរ អ្នកនាំពាក្យរបស់រាជរដ្ឋាភិបាលកម្ពុជា ក៏បានបញ្ជាក់ផងដែរថា​ រាជរដ្ឋាភិបាល ដឹកនាំដោយគណបក្សប្រជាជនកម្ពុជា ​បានលះបង់គ្រប់បែបយ៉ាង ដោយយកជីវិតធ្វើជាដើមទុន ដើម្បីរំដោះប្រទេសចេញពីរបបប្រល័យពូជសាសន៍ ​បញ្ចប់សង្រ្គាមដែលអូសបន្លាយជិត៣ទសវត្សរ៍ និងស្វែងរក​ សន្តិភាពពេញលេញជូនប្រទេសជាតិ ដោយបានដឹកនាំ​អភិវឌ្ឍន៍​ប្រទេសឲ្យរីកចម្រើនគ្រប់វិស័យដូចសព្វថ្ងៃ ដោយរក្សាបាននូវឯករាជ្យភាព ​អធិបតេយ្យភាពជាតិ និងបូរណភាពទឹកដីទាំងស្រុង៕អត្ថបទបាន ចក់

លោកស្រី Harris ព្រមានស្ត្រីស្បែកខ្មៅថា លោក Trump គឺជាការគំរាមកំហែងដល់ក្រុមគ្រួសារពួកគេ

2024/07/25 01:42:17 pm        81
Facebook Telegram Linkin
អនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) បានថ្លែងកាលពីថ្ងៃ(២៤ កក្កដា) ទៅកាន់ប្លុកបោះឆ្នោតដ៏ស្មោះត្រង់បំផុតរបស់គណបក្សប្រជាធិបតេយ្យគឺស្ត្រីស្បែកខ្មៅ ដោយប្រាប់ទស្សនិកជនជាច្រើនពាន់នាក់នៅក្នុងរដ្ឋ អ៊ីនឌីអាណាផូលីស (Indianapolis) ថា របៀបវារៈរបស់លោក Donald Trump តំណាងឱ្យ «ការវាយប្រហារទាំងស្រុងទៅលើកូនៗ ក្រុមគ្រួសារ និងអនាគតរបស់ប្រជាជនស្បែកខ្មៅនៅអាមេរិក»។សុន្ទរកថារបស់លោកស្រី Harris ដែលបានថ្លែងនៅក្នុងសន្និបាតមួយរបស់អង្គការ ហ្សេតា ហ្វី បេតា (Zeta Phi Beta) ដែលជាក្លិបជនជាតិស្បែកខ្មៅដ៏លេចធ្លោបំផុតមួយ បានដាក់ចេញនូវ «ជម្រើសរវាងចក្ខុវិស័យពីរផ្សេងគ្នាសម្រាប់អាមេរិក»។ចក្ខុវិស័យទីមួយរបស់លោកស្រី គឺនឹងកសាងសមិទ្ធិផលដ៏ធំបំផុតរបស់រដ្ឋបាលលោក Joe Biden ដោយការពង្រីកលទ្ធភាពទទួលបានការថែទាំសុខភាព ការបញ្ចុះថ្លៃថ្នាំតាមវេជ្ជបញ្ជា កាត់បន្ថយភាពក្រីក្ររបស់កុមារ និងបង្កើតសេដ្ឋកិច្ចដែល «មានផលល្អសម្រាប់បុគ្គលិក»។ចក្ខុវិស័យមួយទៀតដែលទំនងជារបស់លោក Trump លោកស្រី Harris បានព្រមានថានឹងជាការវិលត្រឡប់របស់សហរដ្ឋអាមេរិក ទៅកាន់ «អតីតកាលដ៏ខ្មៅងងឹត» ដោយមានការកាត់បន្ថយក្នុងវិស័យថែទាំសុខភាព និងការបំបាត់ក្រសួងអប់រំ។ ថ្វីត្បិតតែអនុប្រធានាធិបតីរូបនេះស្ទើរតែមិនបាននិយាយឈ្មោះលោក Trump ក៏ដោយ សុន្ទរកថារបស់លោកស្រីគឺជាការខិតខំប្រឹងប្រែងយ៉ាងច្បាស់លាស់ដើម្បីធ្វើអ្វីដែលគណបក្សប្រជាធិបតេយ្យបានសង្ឃឹមជាច្រើនខែមកហើយគឺដើម្បីផ្ដួលលោក Trump៕

រុស្ស៊ីនិយាយថា ភាពចលាចលនៃការបោះឆ្នោតនៅអាមេរិក បង្ហាញពីការបែកបាក់ក្នុងសង្គមអាមេរិក

2024/07/25 01:38:49 pm        79
Facebook Telegram Linkin
រុស្ស៊ី បាននិយាយកាលពីថ្ងៃពុធ (២៤ កក្កដា) ថា ភាពចលាចលជុំវិញការបោះឆ្នោតនៅសហរដ្ឋអាមេរិក រួមទាំងការប៉ុនប៉ងធ្វើឃាតប្រឆាំងនឹងលោក Donald Trump និងការដកខ្លួនរបស់ប្រធានាធិបតី Joe Biden ហើយទៅគាំទ្រអនុប្រធានាធិបតី លោកស្រី Kamala Harris ជាបេក្ខជនរបស់បក្ស បានបង្ហាញពីការបែកបាក់នៅក្នុងសង្គមអាមេរិក ដែលកំពុង «ធ្លាក់ចូលទៅក្នុងភាពវឹកវរ»។នៅពេលសាកសួរដោយត្រង់ពីសារព័ត៌មានរ៉យទ័រ ថាតើរុស្ស៊ីចង់ឱ្យអ្នកណាធ្វើជាប្រធានាធិបតីអាមេរិក អ្នកនាំពាក្យក្រសួងការបរទេសរុស្សី លោកស្រី ម៉ារៀ ហ្សាខារ៉ូវ៉ា (Maria Zakharova) មិនបានបង្ហាញពីការពេញចិត្តច្បាស់លាស់នោះទេ ដោយគ្រាន់តែនិយាយថា «អាមេរិកឥឡូវនេះស្ថិតនៅក្នុងស្ថានភាពតានតឹងខ្លាំង ហើយកំពុងធ្លាក់ចូលទៅក្នុងភាពវឹកវរ»។លោកស្រី Zakharova បាននិយាយថា មានភស្តុតាងនៃ «ការបែកបាក់គ្នាយ៉ាងជ្រៅនៅក្នុងសង្គមអាមេរិក» និង «ជម្លោះស៊ីវិល» ប៉ុន្តែថា អាមេរិកនៅតែចាត់ទុករុស្ស៊ី ជាសត្រូវ។ លោកស្រីបន្ថែមថា តួឯកក្នុង «ការបោះឆ្នោតអាមេរិក» គួរតែត្រូវបានមើលដោយពុំមានការបំភាន់ភ្នែក។គិតត្រឹមព្រឹកថ្ងៃពុធសប្ដាហ៍នេះ ប្រធានាធិបតី វ្ល៉ាឌីមៀ ពូទីន (Vladimir Putin) មិនទាន់និយាយជាសាធារណៈអំពីការដកខ្លួនរបស់លោក Biden ទេ។ លោក ពូទីន បានលើកឡើងជាច្រើនដងកាលពីមុនថាលោកពេញចិត្តលោក Biden ជាងលោក Trump ។ ទោះជាយ៉ាងនេះក្តី ទីភ្នាក់ងារស៊ើបការណ៍សម្ងាត់អាមេរិកបានចង្អុលបង្ហាញថា រុស្ស៊ីពេញចិត្តចំពោះជ័យជម្នះរបស់លោក Trump ជាង៕

សម្ដេចតជោ ហ៊ុន សែន អញ្ជើញដឹកនាំគណៈប្រតិភូគោរពវិញ្ញាណក្ខន្ធ​អគ្គលេខាធិការបក្សកុម្មុយនិស្តវៀតណាម

2024/07/25 10:32:03 am        119
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អញ្ជើញដឹកនាំគណៈប្រតិភូ គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការបក្សកុម្មុយនិស្តវៀតណាម នៅ​រដ្ឋធានី​ហាណូយ នាព្រឹកថ្ងៃទី២៥ ខែកក្កដា ឆ្នាំ២០២៤នេះ។ នៅក្នុងពិធីគោរពវិញ្ញាណក្ខន្ធថ្នាក់ជាតិនេះ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធ​សភាជាតិ នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បាន​អញ្ជើញ​នាំ​យក​នូវ​កូរោនផ្កា គោរពវិញ្ញាណក្ខន្ធសព ឯកឧត្តម Nguyen Phu Trong អគ្គលេខាធិការ​បក្ស​កុម្មុយនិស្ត​វៀតណាម ដែលបានទទួលមរណភាព ដោយជរាពាធ ក្នុងជន្មាយុ ៨០ឆ្នាំ កាលពីរ​សៀល​ថ្ងៃទី១៩ ខែកក្កដា ឆ្នាំ២០២៤។ នៅក្នុងពិធីគោរពវិញ្ញាណក្ខន្ធថ្នាក់ជាតិ ដែលប្រារព្ធធ្វើឡើងនៅសាលកម្កល់សពថ្នាក់ជាតិ សម្តេ​ច​ប្រធាន​ព្រឹទ្ធសភា សម្តេច ឯកឧត្តម លោកជំទាវ បានអុជធូបឧទ្ទិសដល់វិញ្ញាណក្ខន្ធសព ឯកឧត្តម Nguyen Phu Trong ជាលើកចុងក្រោយ និងជាការជូនដំណើរសព ឯកឧត្តម Nguyen Phu Trong។ សម្តេចតេជោ ហ៊ុន សែន គឺជាឥស្សរជនបរទេសទី១ ដែលបាន​អញ្ជើញ​គោរពវិញ្ញាណ​ក្ខន្ធឯកឧត្តម Nguyen Phu Trong បន្ទាប់ពីឯកឧត្តមអគ្គ​លេខាធិការ​បក្ស​កុម្មុយ​និស្ត​វៀតណាមរូបនេះ បានទទួលមរណភាពកាលពីថ្ងៃសុក្រទី១៩ ខែកក្កដា ឆ្នាំ២០២៤ ។ បើតាមជីវប្រវត្តិសង្ខេបឯកឧត្តម Nguyen Phu Trong កើតនៅឆ្នាំ១៩៤៤ ក្នុងត្រកូល​គ្រួសារ​កសិករ​ក្រីក្រមួ​យរស់នៅក្នុងឃុំ Dong Hoi ស្រុក Dong Anh ទីក្រុងហាណូយ។ ឯកឧត្តម​គឺ​ជា​សាស្ត្រាចារ្យ​ម្នាក់​ដែលទទួលបានសញ្ញាប័ត្រ បណ្ឌិតផ្នែកនយោបាយ។ ឯកឧត្តមបានក្លាយជាសមាជិកបក្សកម្មុយនិស្ដវៀតណាម ដោយបម្រើការឱ្យទស្សនាវដ្ដីរបស់បក្ស គឺ Communist Review ពីឆ្នាំ១៩៦៧ ដល់ឆ្នាំ១៩៩៦ ហើយបានក្លាយ​ជានិពន្ធ​នាយក​ទស្សនា​វដ្ដី​នេះ​ក្នុងឆ្នាំ១៩៩៧។ ឯកឧត្តម​បានក្លាយ​ជា​លេខារង​នៃ​គណៈកម្មាធិការ​បក្ស​ប្រចាំ​ទី​ក្រុង​ហាណូយ ​នៅខែសីហា ឆ្នាំ១៩៩៦ ដល់ខែកុម្ភៈ ឆ្នាំ១៩៩៨។ ក្រោយ​មក ឯកឧត្តម Nguyen Phu Trong បានធ្វើជាអគ្គលេខាធិការបក្សនីតិកាលទី១២ និង​លេខា​គណៈកម្មការយោធាមជ្ឈិមពីខែមករា ឆ្នាំ២០១៦ ដល់ខែតុលា ឆ្នាំ២០១៨។ ឯកឧត្តម Nguyen Phu Trong បានកាន់តំណែងជាអគ្គលេខាធិការបក្ស ប្រធានាធិបតី និងលេខា​នៃ​គណៈកម្មការ​យោធាមជ្ឈិមនៅចន្លោះពីខែតុលា ឆ្នាំ២០១៨ ដល់ខែមេសា ឆ្នាំ២០២១។ ចាប់​តាំងពីឆ្នាំ២០២១ មកទល់នឹងលោកទទួលមរណភាព ឯកឧត្តម Nguyen Phu Trong បាន​កាន់​តំណែង​ជា​អគ្គលេខាធិការបក្សនីតិកាលទី១៣ និងជាលេខាគណៈកម្មការយោធាមជ្ឈិម។ ឯកឧត្តម Nguyen Phu Trong ក៏ធ្លាប់ជាសមាជិកការិយាល័យនយោបាយទី៨ រហូតដល់ទី១៣ របស់​បក្សកម្មុយនិស្ដវៀតណាមផងដែរ។បន្ទាប់​មក​នៅព្រឹកថ្ងៃដដែលនោះដែរ សម្តេចអគ្គមហាសេនាបតីតេជោ ហ៊ុន សែន បាន​អញ្ជើញ​ចាក​ចេញ​ពី​រដ្ឋធានី ហាណូយ សាធារណរដ្ឋសង្គមនិយមវៀតណាម ក្នុងដំណើរនិវត្តន៍មកកាន់ រាជ​ធានីភ្នំពេញ ព្រះរាជាណាចក្រកម្ពុជា។ នៅអាកាសយានដ្ឋានអន្តរជាតិណូយបៃ វត្តមាន​នៃ​ការ​អញ្ជើញ​ជូន​ដំណើរសម្តេចអគ្គមហាសេនាបតីតេជោ ហ៊ុន សែន និងគណៈប្រតិភូជាន់ខ្ពស់​របស់​ព្រះរាជា​ណា​ចក្រកម្ពុជា រួមមានឯកឧត្តម លោកជំទាវ ជាឥស្សរជនជាន់ខ្ពស់ នៃគណៈកម្មាធិការ​មជ្ឈឹម​បក្ស​កុម្មុយនីស្តវៀតណាម និងឥស្សរជនការទូតរបស់ព្រះរាជាណាចក្រកម្ពុជា ប្រចាំ​សាធារណរដ្ឋ​សង្គមនិយមវៀតណាមជាច្រើនរូប។ សូមបញ្ជាក់ថា សម្តេចប្រធានព្រឹទ្ធសភាកម្ពុជា គ្រោងនិងអញ្ជើញទៅដល់រាជធានីភ្នំពេញ ព្រះរា​ជា​ណា​ចក្រកម្ពុជា នៅវេលាម៉ោង១៣និង១០នាទី ថ្ងៃទី២៥ ខែកក្កដា ឆ្នាំ២០២៤ដដែលនេះ៕

លោក Trump វាយប្រហារលោកស្រី Harris លើបញ្ហាអន្តោប្រវេសន៍របស់សហរដ្ឋអាមេរិក

2024/07/25 08:50:49 am        75
Facebook Telegram Linkin
បេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ (Donald Trump) កាលពីថ្ងៃពុធ (២៤ កក្កដា) បានវាយប្រហារគូប្រជែងខាងបក្សប្រជាធិបតេយ្យថ្មីរបស់ខ្លួនគឺលោកស្រី កាម៉ាឡា ហារីស (Kamala Harris) ថាជា «កម្លាំងជំរុញសេរីនិយមជ្រុល» ដែលគួរតែទទួលខុសត្រូវចំពោះគោលនយោបាយរបស់រដ្ឋបាលលោក ចូ បៃដិន (Joe Biden) ស្តីពីអន្តោប្រវេសន៍។លោក Trump បានថ្លែងទៅកាន់ការជួបជុំយុទ្ធនាការបោះឆ្នោតនៅរដ្ឋ ណស ខារ៉ូឡាញណា (North Carolina) បីថ្ងៃបន្ទាប់ពីលោកប្រធានាធិបតី Biden បានដកខ្លួនហើយគាំទ្រលោកស្រីអនុប្រធានាធិបតី Harris ដែលបានអូសទាញការគាំទ្រយ៉ាងទូលំទូលាយនៅទូទាំងបក្សប្រជាធិបតេយ្យ។លោក Trump បានព្យាយាមបំបែកសន្ទុះងើបឡើងរបស់លោកស្រីនៅក្នុងសុន្ទរកថាដ៏កម្រោលនៅឯការជួបជុំនោះ ដែលជាលើកដំបូងរបស់លោកចាប់តាំងពីការលេចឡើងរបស់លោកស្រី Harris បានផ្លាស់ប្តូរការប្រជែងតំណែងសេតវិមាន។ លោក Trump និយាយថា «Harris ជាមនុស្សឆ្កួតវង្វេងឆ្វេងនិយមជ្រុលដែលនឹងបំផ្លាញសហរដ្ឋអាមេរិក ប្រសិនបើលោកស្រីបានជាប់ឆ្នោត”។លោកបន្តថា « Harris បានបើកព្រំដែនដែលអនុញ្ញាតឱ្យជនបរទេសខុសច្បាប់ ២០លាននាក់ប្រជ្រៀតគ្នាចូលអាមេរិក» ដោយបន្ថែមថា លោកនឹងបញ្ចប់រាល់គោលនយោបាយព្រំដែនបើកចំហររបស់រដ្ឋបាល Biden-Harris។លោកស្រី Harris ជាស្ត្រីស្បែកខ្មៅ និងជនជាតិអាមេរិកអាស៊ីដំបូងគេដែលកាន់តំណែងជាអនុប្រធានាធិបតីអាមេរិក ហើយនឹងក្លាយជាស្ត្រីដំបូងគេដែលជាប់ឆ្នោតជាប្រធានាធិបតី ប្រសិនបើលោកស្រីអាចពុះពារឧបសគ្គឈានដល់ជ័យជម្នះក្នុងការបោះឆ្នោតនៅថ្ងៃទី០៥ ខែវិច្ឆិកា៕

[UPDATE] លោក Joe Bidenនិយាយថា ការសម្រេចចិត្តបញ្ចប់បំណងប្រកួតប្រជែងអាណត្តិថ្មីគឺដើម្បីបង្រួបបង្រួមបក្សនិងការពារលទ្ធិប្រជាធិបតេយ្យសហរដ្ឋអាមេរិក

2024/07/25 08:39:18 am        87
Facebook Telegram Linkin
លោកប្រធានាធិបតី Joe Biden បាននិយាយទៅកាន់ប្រជាជាតិពីការិយាល័យ Oval កាលពីល្ងាចថ្ងៃពុធសប្ដាហ៍នេះ ដោយការពារការសម្រេចចិត្តរបស់លោកថា ការសម្រេចចិត្តរបស់លោកក្នុងការចាកចេញពីការប្រកួតប្រជែងតំណែងប្រធានាធិបតីឆ្នាំ ២០២៤នេះ ជាបញ្ហានៃការសង្គ្រោះលទ្ធិប្រជាធិបតេយ្យ របស់សហរដ្ឋអាមេរិក និងបង្រួបបង្រួមបក្ស។លោកស្រឡាញ់ប្រទេសលោកណាស់។លោក Biden បាននិយាយនៅក្នុងសុន្ទរកថាដ៏កម្រមួយដែលបានបង្ហាញពីការចាប់ផ្តើមបិទបញ្ចប់នៃការកាន់តំណែងជាប្រធានាធិបតីរបស់លោក និងពាក់កណ្តាលសតវត្សក្នុងការបម្រើសាធារណៈថា ខ្ញុំគោរពការិយាល័យនេះ។ ប៉ុន្តែខ្ញុំស្រឡាញ់ប្រទេសរបស់ខ្ញុំច្រើនជាងនេះ។លោកបានថ្លែងថានេះជាកិត្តិយសនៃជីវិតរបស់ខ្ញុំ ដែលបានធ្វើជាប្រធានរបស់អ្នក។ ប៉ុន្តែក្នុងការការពារលទ្ធិប្រជាធិបតេយ្យដែលមានបញ្ហា ហើយសំខាន់ជាងតំណែងណាមួយទៅទៀត។ ខ្ញុំមានកម្លាំង ហើយខ្ញុំមានភាពរីករាយក្នុងការធ្វើការសម្រាប់ប្រជាជនអាមេរិក។ខណៈលោក Biden ពុំបាននិយាយឈ្មោះលោក Donald Trump នោះ លោកបានព្យាយាមបង្ហាញភាពផ្ទុយគ្នាយ៉ាងច្បាស់ជាមួយនឹងអតីតប្រធានាធិបតី ដែលមហិច្ឆតារបស់លោកនាំឱ្យលោកទទួលបានជ័យជម្នះនៅក្នុងការបោះឆ្នោត ដែលលោក Donald Trump មិនឈ្នះកាលពីបួនឆ្នាំមុន។លោក Biden បាននិយាយថា “រឿងដ៏អស្ចារ្យរបស់អាមេរិកគឺនៅទីនេះ ការតាំងខ្លួនជាស្តេច និងជាជនផ្តាច់ការមិនមាននៅក្នុងសហរដ្ឋអាមេរិកទេ”។ ប្រជាជនអាមេរិក ក៏បានដឹងហើយដែរ។ ប្រវត្តិសាស្ត្រស្ថិតនៅក្នុងដៃរបស់អ្នក ហើយគំនិតរបស់អាមេរិកក៏ស្ថិតនៅក្នុងដៃរបស់អ្នកដែរ៕

សម្តេចតេជោ ហ៊ុន សែន អញ្ជើញធ្វើដំណើរទៅគោរពវិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការមជ្ឈឹមបក្សកុម្មុយនីស្តវៀតណាម

2024/07/25 08:03:27 am        126
Facebook Telegram Linkin
នៅអាកាសយានដ្ឋានអន្តរជាតិភ្នំពេញ នាព្រឹក ថ្ងៃព្រហស្បតិ៍​ ៥រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៥ ខែកក្កដា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញដឹកនាំមន្ត្រី នៃព្រឹទ្ធសភា អញ្ជើញ​ធ្វើដំណើរទៅកាន់សាធារណរដ្ឋសង្គមនិយមវៀតណាម ដើម្បីអញ្ជើញគោរពវិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការ គណៈកម្មាធិការ​មជ្ឈឹម​បក្សកុម្មុយ​នីស្ត​វៀតណាម ដែលបានទទួលមរណភាពកាលពីថ្ងៃទី១៩ ខែកក្កដា ឆ្នាំ២០២៤។  សូមជម្រាបថា កាលពីថ្ងៃទី១៩ ខែកក្កដា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា នៃ​ព្រះរាជាណាចក្រកម្ពុជា បានផ្ញើសារលិខិតជូន ឯកឧត្តម តូ ឡឹម ប្រធានរដ្ឋ នៃសាធារណរដ្ឋ​សង្គម​និយមវៀតណាម ដោយចូលរួមរំលែកទុក្ខចំពោះមរណភាពរបស់ ឯកឧត្តម Nguyen Phu Trong អគ្គលេខាធិការ គណៈកម្មាធិការមជ្ឈឹមបក្សកុម្មុយនីស្តវៀតណាម ដែលបាន​ទទួល​មរណភាព​។  ក្នុងសារលិខិតសម្តេចតេជោ ហ៊ុន សែន គឺសម្ដេចពិតជាមានក្តីក្រៀមក្រំយ៉ាងខ្លាំង នៅពេល​បាន​ទទួល​ដំណឹងអំពីមរណភាពរបស់ឯកឧត្តម Nguyen Phu Trong អគ្គលេខាធិការ​គណៈ​កម្មាធិការ​មជ្ឈឹមបក្សកុម្មុយនីស្តវៀតណាម ដែលបានទទួលមរណៈភាព កាលពីថ្ងៃទី១៩ ខែ​កក្កដា ឆ្នាំ២០២៤ នៅរដ្ឋធានីហាណូយ ប្រទេសវៀតណាម។ សម្តេចបានចាត់ទុកថា ការទទួលមរណភាពរបស់ ឯកឧត្តម Nguyen Phu Trong គឺជាការ បាត់​បង់​ដ៏​ធំធេងមិនត្រឹមតែ ចំពោះសាធារណរដ្ឋសង្គមនិយមវៀតណាមប៉ុណ្ណោះទេ តែជា​ការ​បាត់​បង់​ចំពោះបក្សកុម្មុយនីស្តវៀតណាម និងប្រជាជនវៀតណាមទាំងមូល។ សមិទ្ធផលដ៏ឧត្តុងឧត្តម និង​ស្ថាដៃ​ដ៏ថ្លៃថ្លារបស់ ឯកឧត្តម នឹងត្រូវបានចងចាំ​ក្នុងដួង​ចិត្ត​របស់​ប្រជាជន​វៀតណាម​គ្រប់ៗ​រូប​ជា​រៀ​ងរហូត។ ក្នុងឱកាសប្រកដោយក្តីសង្វេគនេះ តាងនាមព្រឹទ្ធសភា នៃព្រះរាជាណាចក្រកម្ពុជា និង​ប្រជាជន​កម្ពុជា​ទាំងមូល សម្តេចសូម​ចូលរួម​រំលែក​នូវ​សមានទុក្ខ​ដ៏ក្រៀមក្រំ​បំផុត​ជា​មួយ​ប្រធាន​រដ្ឋ​សភា​វៀតណាម និងជាពិសេសតាមរយៈឯកឧត្តមប្រធានរដ្ឋសភា ជាមួយក្រុមគ្រួសាររបស់ឯកឧត្តម Ngyen Phu Trong ចំពោះការបាត់បង់ដ៏ធំធេងនេះ។ សម្តេចតេជោ ក៏សូម​ឧទ្ទិស​ដល់​ដួង​វិញ្ញាណក្ខន្ធ​របស់ឯកឧត្តម Ngyen Phu Trong សូមបានដល់សុគតិភពកុំបីឃ្លៀង ឃ្លាតឡើយ៕

ក្រុមយុវជនសង្គមស៊ីវិលចេញញត្តិគាំទ្រសារពិសេសសម្តេចតេជោ ហ៊ុន សែន ស្តីពីកិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម និងថ្កោលទោសជនដែលញុះញង់ និងបំភ្លៃការពិត

2024/07/24 02:30:46 pm        61
Facebook Telegram Linkin
ភ្នំពេញ៖ ក្រុមយុវជននៃបណ្កុំអង្គការសមាគមសង្គមស៊ីវិល ដែលមានសមាជិក សមាជិកា អ្នកប្រកបរបរសេដ្ឋកិច្ចក្រៅប្រព័ន្ធ ម្ចាស់អាជីករ អ្នកលក់ដូរ កម្មករ កម្មការិនី សិស្ស និស្សិតជាដើម នៅថ្ងៃទី២៤ ខែកក្កដានេះ បានចេញញត្តិប្រកាសគាំទ្រយ៉ាងពេញទំហឹងចំពោះសារពិសេសរបស់ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា នៅថ្ងៃទី២៣ ខែកក្កដា ឆ្នាំ២០២៤នេះ ពាក់ព័ន្ធនឹងកិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម (CLV-DTA) ហើយថ្កោលទោសចំពោះជនណា ដែលញុះញង់ និងបំភ្លៃការពិតថា កិច្ចសហប្រតិបត្តិការនេះធ្វើឱ្យបាត់បង់ទឹកដី។ក្រុមយុវជនបានលើកឡើងថា កិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម គឺជាគំនិតផ្តួចផ្តើមដំបូងរបស់កម្ពុជា ក្នុងឆ្នាំ១៩៩៩ ដែលពេលនោះមាន សម្តេចតេជោ ជានាយករដ្ឋមន្ត្រី ក្នុងគោលបំណងជំរុញសមាហរណកម្មខេត្តជាប់ព្រំដែន នៃប្រទេសទាំងបី កម្ពុជា-ឡាវ- វៀតណាម ដោយធ្វើយ៉ាងណាប្រែក្លាយព្រំដែននេះ ទៅជាព្រំដែនមិត្តភាព សាមគ្គីភាព និងការអភិវឌ្ឍ។ គិតមកដល់ឆ្នាំ២០២៤នេះ កិច្ចប្រជុំក្រោមក្របខណ្ឌនៃ តំបន់ត្រីកោណអភិវឌ្ឍន៍នេះ បានធ្វើឡើងចំនួន១១លើករួចមកហើយ ដោយមានការប្តូរវេនគ្នាធ្វើជាប្រធានរវាង ប្រទេសទាំងបី ហើយឆ្នាំ២០២៤នេះ កម្ពុជានឹងធ្វើជាម្ចាស់ផ្ទះកិច្ចប្រជុំកំពូល CLV លើកទី១២។ក្រុមយុវជនមើលឃើញថា គម្រោងកិច្ចសហប្រតិបត្តិការនេះ មានគោលការណ៍គ្រឹះសំខាន់ ក្នុងការលើកកម្ពស់ការគោរព និងការជឿទុកចិត្តគ្នាទៅវិញទៅមក ដើម្បីផលប្រយោជន៍រួម ការការពារបូរណភាពទឹកដី និងការដោះស្រាយបញ្ហា តាមរយៈទំនាក់ទំនងការទូត និងច្បាប់អន្តរជាតិ។ មិនតែប៉ុណ្ណោះ គម្រោងនេះ ជាការតភ្ជាប់ដែលនាំមកនូវការបង្កើនពាណិជ្ជកម្មឆ្លងដែន ការលើកកម្ពស់វិស័យទេសចរណ៍ ដែលជាគ្រឹះក្នុងការអភិវឌ្ឍសេដ្ឋកិច្ច-សង្គម និងកាត់បន្ថយភាពក្រីក្រតាមតំបន់ព្រំដែន និងទូទាំងប្រទេសផងដែរ។តាមរយៈកិច្ចសហប្រតិបត្តិការនេះ ប្រទេសទាំង៣បានសហការគ្នាយ៉ាងជិតស្និទ្ធ និងមានប្រសិទ្ធភាព ក្នុងការឆ្លើយតបទៅនឹងការគំរាមកំហែងផ្នែកសន្តិសុខមិនមែនប្រពៃណី ដូចជា៖ ឧក្រិដ្ឋកម្មឆ្លងដែន ការកាប់បំផ្លាញព្រៃឈើខុសច្បាប់ គ្រោះមហន្តរាយធម្មជាតិ សន្តិសុខសុខភាពសាធារណៈ ការជួញដូរមនុស្ស និងការជួញដូរគ្រឿងញៀនជាដើម។ក្រុមយុវជនបញ្ជាក់ថា៖«យើងសូមប្រកាសថ្កោលទោស និងប្រឆាំងដាច់អហង្ការ ចំពោះការញុះញង់ បង្កចលាចល សំដៅបំផ្លាញសមិទ្ធផល និងដំណើរការអភិវឌ្ឍនៃតំបន់ត្រីកោណអភិវឌ្ឍន៍ និងសូមអំពាវនាវដល់ជនរួមជាតិទាំងអស់ បន្តចូលរួម និងគាំទ្រយ៉ាងពេញទំហឹងដល់ ការអនុវត្តកម្មវិធី និងគម្រោងអភិវឌ្ឍតំបន់ត្រីកោណកម្ពុជា-ឡាវ-វៀតណាម ដើម្បីឧត្តមប្រយោជន៍ជាតិ មាតុភូមិ និងប្រជាជន»៕

ការផ្ទុះជំងឺស្វិតដៃជើងកំពុងកើតឡើងនៅតំបន់ហ្កាហ្សា ខណៈប្រព័ន្ធសុខភាពជិតដួលរលំ

2024/07/24 01:46:37 pm        84
Facebook Telegram Linkin
អង្គការសុខភាពពិភពលោក (WHO) បានសម្តែងការព្រួយបារម្ភកាលពីថ្ងៃអង្គារ (២៣ កក្កដា) ជុំវិញការរំពឹងទុកនៃការផ្ទុះឡើងនៃជំងឺស្វិតដៃជើង និងជំងឺដទៃទៀតនៅក្នុងតំបន់ហ្កាហ្សា ដែលបំផ្លិចបំផ្លាញដោយសង្រ្គាម ស្របពេលប្រព័ន្ធសុខភាពកំពុងតែជិតដួលរលំរួចទៅហើយ។ កិច្ចខិតខំប្រឹងប្រែងជាសាកលដ៏ធំមាននៅក្នុងប៉ុន្មានទសវត្សរ៍ថ្មីៗនេះ ខិតជិតដល់ការលុបបំបាត់ជំងឺស្វិតដៃជើង ដែលជាជំងឺមេរោគបង្កភាពពិការ និងអាចបណ្តាលឱ្យស្លាប់ ដែលភាគច្រើនប៉ះពាល់ដល់កុមារដែលមានអាយុក្រោម ៥ឆ្នាំ។បណ្ដាទីភ្នាក់ងារអង្គការសហប្រជាជាតិបាននិយាយកាលពីសប្តាហ៍មុនថា វីរុសជំងឺស្វិតដៃជើងប្រភេទ-២ ដែលមានវ៉ាក់សាំងនេះ ត្រូវបានគេរកឃើញនៅក្នុងសំណាកដែលប្រមូលបានពីទឹកស្អុយនៅតំបន់ ឌើ អាល់បាឡា (Deir al-Balah) និងទីក្រុង ខាន់យូនីស (Khan Yunis) នៅតំបន់ហ្កាហ្សាស្រ្ទីប (Gaza Strip) កាលពីថ្ងៃទី២៣ ខែមិថុនា។ មិនទាន់មានសំណាកណាមួយត្រូវបានគេយកពីមនុស្សនៅឡើយទេ ដូច្នេះ គេនៅតែមិនច្បាស់ទេថាតើមាននរណាម្នាក់នៅក្នុងទឹកដីប៉ាឡេស្ទីនមួយនេះបានឆ្លង ឬយ៉ាងណា។វីរុសពីវ៉ាក់សាំងការពារជំងឺស្វិតដៃជើង (OPV) បង្កបង្កើតនៅក្នុងពោះវៀន ហើយអាចឆ្លងទៅអ្នកដ៏ទៃតាមរយៈទឹកដែលមានជាតិពុលពីលាមក មានន័យថា វានឹងមិនប៉ះពាល់ដល់កុមារដែលបានចាក់វ៉ាក់សាំងទេ ប៉ុន្តែអាចឆ្លងទៅអ្នកជិតខាងដែលមិនបានចាក់វ៉ាក់សាំងនៅកន្លែងដែលមានកម្រិតអនាម័យ និងកម្រិតភាពស៊ាំទាប។អង្គការសុខភាពពិភពលោក និងទីភ្នាក់ងារកុមាររបស់អង្គការយូនីសេហ្វ (UNICEF) នឹងបញ្ជូនក្រុមរួមគ្នាមួយទៅកាន់តំបន់ហ្កាហ្សានៅថ្ងៃព្រហស្បតិ៍ (២៥ កក្កដា) ដើម្បីចាប់ផ្តើមប្រមូលសំណាកពីមនុស្ស ដោយការណែនាំច្បាស់លាស់នឹងរំពឹងទុកក្នុងរយៈពេលប៉ុន្មានថ្ងៃខាងមុខនេះ អំពីរបៀបដោះស្រាយការគំរាមកំហែង រួមទាំងយុទ្ធនាការចាក់វ៉ាក់សាំងទ្រង់ទ្រាយធំផងដែរ៕

បណ្ដាញសង្គម

ព័ត៌មានថ្មីៗ

កម្ពុជាសង្ឃឹមថា អ្នកវិនិយោគទុនថ្មីៗថែមទៀតនឹងងាកមកស្វែងយល់​កាលានុវត្តភាពកម្ពុជា ដើម្បី​ពង្រីកទីផ្សារនាំចេញ
11/26/2024 03:11 PM
Facebook Telegram Linkin
ចំហេះព្រៃដែលគំរាមកំហែងដល់អាយុជីវិត ជំរុញឱ្យមានបទបញ្ជាជម្លៀសនៅរដ្ឋ Western Australia
11/26/2024 03:11 PM
Facebook Telegram Linkin
កងទ័ពអ៊ីស្រាអែល និយាយថា បានវាយប្រហារលើផ្លូវរត់ពន្ធអាវុធ ទៅកាន់ក្រុមហេសបូឡា
11/26/2024 03:11 PM
Facebook Telegram Linkin
អ្នកទេសចរ និងសមាជិកនាវិក កំពុងបាត់ខ្លួន បន្ទាប់ពីទូកមួយគ្រឿងលិចនៅឆ្នេរសមុទ្រក្រហម
11/26/2024 03:11 PM
Facebook Telegram Linkin
ហិង្សាក្រុមជនអន្ធពាលនៅតំបន់ហ្កាហ្សា រារាំងការចែកចាយជំនួយនៅភាគខាងត្បូង
11/26/2024 02:11 PM
Facebook Telegram Linkin
ពលរដ្ឋទូទាំងអាមេរិកឡាទីន និងអឺរ៉ុប ចេញតវ៉ាប្រឆាំងនឹងអំពើហិង្សាលើស្រ្តី
11/26/2024 02:11 PM
Facebook Telegram Linkin
UNICEF៖ ចំនួនកុមារដែលត្រូវរើសឱ្យចូលក្រុមជនអន្ធពាលនៅហៃទី កើនឡើង ៧០%
11/26/2024 02:11 PM
Facebook Telegram Linkin
អ្នកវិភាគ៖ រុស្ស៊ី វាយរុលយ៉ាងលឿននៅអ៊ុយក្រែន ទៅដល់តំបន់យុទ្ធសាស្រ្ត Kurakhove
11/26/2024 02:11 PM
Facebook Telegram Linkin
ការប៉ះទង្គិចដែនសមុទ្ររវាងហ្វីលីពីន និងចិន បង្កជាព័ត៌មានមិនពិតតាមអ៊ីនធឺណិត
11/26/2024 02:11 PM
Facebook Telegram Linkin
របាយការណ៍៖ តម្លៃសំបុត្រយន្តហោះសកលនឹងឡើងថ្លៃកាន់តែខ្លាំងនៅឆ្នាំ២០២៥
11/26/2024 01:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.