នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អនុប្រធានរដ្ឋឡាវកោតសរសើរការរីកចម្រើនយ៉ាងឆាប់រហ័សលើគ្រប់វិស័យរបស់កម្ពុជា
លោក ហេង សំណាង៖ ទណ្ឌិតក្បត់ជាតិ៣ជំនាន់ជ្រុលនិយម សម រង្ស៊ី និងបក្ខពួកកំពុងបំផុសបំផុលចរិក«ភេរវកម្ម»នៅកម្ពុជា
ក្រុមហ៊ុន DP World របស់អេមីរាត់អារ៉ាប់រួម បង្ហាញចំណាប់អារម្មណ៍វិនិយោគ​នៅក្នុងប្រទេសកម្ពុជា
សម្ដេចធិបតី៖ ការកែសម្រួលសមាសភាពរដ្ឋមន្រ្ដីក្រសួងការបរទេស គឺពិតជានឹងបង្កើន​សមត្ថភាព និងប្រសិទ្ធភាពរបស់រាជរដ្ឋាភិបាលនៅក្នុងការអនុវត្តនយោបាយការបទេស

នយោបាយ​ និង ការអភិវឌ្ឍន៍

ព្រះមហាក្សត្រ យាងនិវត្តពីចូលរួមកិច្ចប្រជុំកំពូលហ្វ្រង់កូហ្វូនីលើកទី១៩ នៅសាធារណរដ្ឋបារាំង

2024/10/07 11:37:58 am        149
Facebook Telegram Linkin
ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃ​ព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ស្តេចយាងនិវត្តពី​ចូលរួមកិច្ច​ប្រជុំ​កំពូល​ហ្វ្រង់​កូហ្វូនី លើកទី១៩ នៅសាធារណរដ្ឋបារាំង នៅព្រឹកថ្ងៃទី៧ ខែតុលា ឆ្នាំ២០២៤។តបតាមការសូមយាងរបស់ ឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតី នៃ​សាធារណរដ្ឋបារាំង ព្រះករុណាជាអម្ចាស់ជីវិត​លើ​ត្បូង​ជា​ទី​គោរព​សក្ការៈ​ដ៏​ខ្ពង់​ខ្ពស់​បំផុត ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណា​ចក្រ​កម្ពុជា​ ព្រះអង្គបានសព្វព្រះរាជហឫទ័យយាងចូលរួមកិច្ចប្រជុំកំពូលហ្វ្រង់កូហ្វូនីលើកទី១៩ ដែល​បាន​ប្រព្រឹត្ត​ទៅពីថ្ងៃទី៤ ដល់ ទី៥ ខែតុលា ឆ្នាំ២០២៤ នៅ Villers-Cotterêts និងនៅទីក្រុង​ប៉ារីស​។កិច្ចប្រជុំកំពូលហ្វ្រង់កូហ្វូនីលើកទី១៩នេះធ្វើឡើងក្រោមមូលបទ «ការបង្កើតថ្មី នវានុវត្តន៍ និង​សហគ្រិន​ភាពជាភាសាបារាំង»។ កិច្ចប្រជុំកំពូលនេះជាឱកាសមួយសម្រាប់ប្រមុខរដ្ឋ និងប្រមុខ​រដ្ឋាភិបាល​ដើម្បី​ពិភាក្សា​ពី​ដំណោះ​ស្រាយ​នៃ​បញ្ហា​ប្រឈម​នានា​ដូច​ជា​ការ​បង្កើត​ការងារ​សម្រាប់​យុវជន​ក្នុង​តំបន់ប្រើប្រាស់ភាសាបារាំង។ តាមរយៈកិច្ចប្រជុំនេះក៏បានបង្កើតបរិយាកាសដែលមានលក្ខណៈអំណោយផលសម្រាប់ការអភិវឌ្ឍ​សេដ្ឋកិច្ច ដែលគោរពសេរីភាពនៃការបង្កើតថ្មី និងសហគ្រិនភាព​ព្រម​ទាំង​ធ្វើ​ឱ្យ​ពហុភាគីនិ​យម​មាន​ភាព​រស់​រវើកឡើងវិញដោយមានការរួមចំណែកពីស្ថាប័នហ្វ្រង់កូហ្វូនផងដែរ។ក្នុងឱកាស​ចូលរួមកិច្ចប្រជុំកំពូលហ្វ្រង់កូហ្វូនី លើកទី១៩ ជាលទ្ធផលដ៏លើស​លប់​ប្រទេ​សក​ម្ពុ​ជា​នឹង​​ធ្វើ​ជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ នៅឆ្នាំ២០២៦ ខណៈដែល​ឯកឧត្តម អេម៉ានុយអែល ម៉ាក្រុង ប្រធានាធិបតីនៃសាធារណរដ្ឋបារាំង បានប្រកាស​ជា​ផ្លូវ​ការ​បែប​នេះ​នៅ​វិមាន Grand Palais ទីក្រុងប៉ារីស ដោយមានការទះ​ដៃអបអរសាទរ​យ៉ាង​កងរំពង​ពីបណ្តាប្រមុខរដ្ឋ និងរដ្ឋាភិបាល។បន្ទាប់ពី​ការប្រកាសពីឯកមានការចាក់បញ្ចាំងវីដេអូស្តីពីប្រទេសកម្ពុជា ដែលបង្ហាញ​ថា​កម្ពុជា​ជា​ប្រទេស ដែលមានវប្បធម៌ជាចលករមួយសម្រាប់ការអភិវឌ្ឍ និងជាចំណុចមួយដែលអតីតកាល និង​អនាគតរួបរួមគ្នាប្រកបដោយសុខដុមរមនា។ ក្នុងឱកាសកិច្ចប្រជុំនេះ ព្រះករុណា ព្រះបាទ​សម្តេច​ព្រះ​បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានយា​ង​ថ្លែង​សុន្ទ​រកថាបិទ កិច្ចប្រជុំ ដែលព្រះអង្គ មានព្រះរាជ​កិត្តិយស​ទទួល​ឱ្យប្រ​ទេសក​ម្ពុ​ជា​ធ្វើ​ជា​ម្ចាស់​ផ្ទះ​រៀប​ចំ​កិច្ចប្រជុំ កំពូលហ្វ្រង់កូហ្វូនីលើកទី២០ នៅឆ្នាំ២០២៦។ក្នុងភាពស្ងៀមស្ងាត់ដ៏អស្ចារ្យ និងក្រោមក្រសែភ្នែកកោតសសើររបស់អង្គប្រជុំទាំងមូល ព្រះករុណា ព្រះមហាក្សត្រ បានថ្លែងព្រះរាជសុន្ទរកថាដ៏ឱឡារិក ហើយមានព្រះរាជបន្ទូលថ្លែង អំណរគុណយ៉ា​ងជ្រាលជ្រៅចំពោះប្រទេសសមាជិកទាំងអស់ ដែលបានគាំទ្រ​បេក្ខភាព​របស់​កម្ពុជា​។ ព្រះអង្គក៏បានគូសបញ្ជាក់ពីការប្តេជ្ញាចិត្តយ៉ាងមុតមាំរបស់ រាជរដ្ឋាភិបាល និងប្រជាជន​កម្ពុជា​ក្នុងនាមជាប្រទេសម្ចាស់ផ្ទះដើម្បីរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ឱ្យក្លាយជា​ឱកាស​ដ៏ពិសេសមួយសម្រាប់ការចែករំលែក និងការប្រារព្ធពិធីមួយដ៏សប្បាយរីករាយ។សូមបញ្ជាក់ថា នៅក្នុងអំឡុងពេលដែលព្រះអង្គស្ដេចគង់នៅក្នុងទីក្រុងប៉ារីស ព្រះករុណា​ជា​អម្ចាស់​ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គ​ក៏​បាន​ព្រះរាជ​ទាន​ព្រះរា​ជស​វនាការ​ទ្វេភាគីជាមួយនឹង ឯកឧត្តម អេម៉ានុយអែល ម៉ាក្រុង ប្រធានាធិបតីនៃ​សាធារណរ​ដ្ឋ​បារាំង​ដោយ​បាន​ពិភាក្សាអំពីទំនាក់ទំនងមិត្តភាពជាប្រពៃណី រវាងកម្ពុជានិងបារាំងផងដែរ៕

សម្ដេចតេជោ៖ ខ្មែរលើ ខ្មែរកណ្តាល ខ្មែរក្រោម ជាខ្មែរតែមួយទើបអង្គកឋិនទានដង្ហែ ទៅវត្តខ្មែរក្រោមដាក់ឈ្មោះថា «មហាសាមគ្គីគ្រួសារខ្មែរ»

2024/10/07 09:50:27 am        182
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា នាព្រឹកថ្ងៃទី៧ ខែតុលា ឆ្នាំ ២០២៤នេះ បានបង្ហោះសរតាមបណ្ដាញសង្គមហ្វេសប៊ុក បញ្ជាក់​បន្ថែម​ពាក់​ព័ន្ធ​នឹង​ការ​ដង្ហែ​កឋិនទានទៅវត្តខ្មែរក្រោមដោយដាក់ឈ្មោះថា «មហាសាមគ្គីគ្រួសារខ្មែរ»។ សម្ដេចតេជោមានប្រសាសន៍ថា ភរិយារបស់សម្ដេចបានគិតច្រើនឆ្នាំមកហើយ រឿងដង្ហែអង្គ​កឋិន​ទាន​ទៅ​វត្តខ្មែរក្រោម បន្ទាប់ពីដង្ហែចូលច្រើនវត្តនៅកម្ពុជា។ ប៉ុន្ដែជាអកុសល​ឪពុក​របស់​សម្ដេច​បាន​ទទួលម​រណភាពនៅឆ្នាំ២០១៣ ដែលគ្រួសារសម្ដេចសម្រេចផ្អាក ការធ្វើបុណ្យ​កឋិន​រយៈ​ពេល​៥​ឆ្នាំ។ សម្ដេចតេជោបានបញ្ជាក់ថា រឿងថ្មីបានកើតឡើងគឺម្តាយក្មេកសម្ដេចមានជំងឺ និង​បាន​ទទួលមរណភាពនៅឆ្នាំ២០២០ ដូច្នេះសម្រេចផ្អាកធ្វើកឋិនទានបន្តទៀត។សម្ដេច​តេជោបានបញ្ជាក់ថា៖«ឆ្នាំនេះភរិយាខ្ញុំបានលើករឿងកឋិនទាន ទៅវត្តខ្មែរក្រោមម្តងទៀត យើង​បាន​ឯកភាពគ្នាទាំងឪពុកម្តាយ និងកូនដែលជានាយករដ្ឋមន្ត្រីស្រាប់ និងដោយ​ការ​ខិត​ខំរ​បស់ សម្តេច ម៉ែន សំអន យើងបានឈានដល់ការសម្រេចក្តីសុបិនច្រើនឆ្នាំ ក្នុងការដង្ហែ​អង្គ​កឋិន​មហា​សាមគ្គីគ្រួសារខ្មែរមួយទៅវត្តខ្មែរក្រោម ដែលនឹងហែទៅដល់នៅថ្ងៃទី៤ ខែវិច្ចិកា ឆ្នាំ២០២៤ ខាង​មុខដោយមានភរិយាខ្ញុំរួមជាមួយ សម្តេច ម៉ែន សំអន និងថ្នាក់​ដឹក​នាំ​ជាន់​ខ្ពស់ផ្សេ​ង​ទៀត​ដង្ហែ​ទៅ​ដោយផ្ទាល់»។សូមបញ្ជាក់ថា អង្គកឋិនទាននេះធ្វើឡើងដោយ គណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត។ បើតា​មប្រសាសន៍​សម្ដេចតេជោ ការរៀបចំពិធីធ្វើនៅ វិមាន៧មករា ស្នាក់ការ​គណប​ក្ស​ប្រជាជន​កម្ពុជា នាល្ងាចថ្ងៃទី៣ ខែវិច្ចកា ឆ្នាំ២០២៤ ដែលមានសម្ដេចតេជោ និងសម្ដេច​កិត្តិព្រឹទ្ធ​បណ្ឌិត​ចូល​រួម​ដោយផ្ទាល់។សម្ដេចតេជោបញ្ជាក់បន្ថែមថា៖«ខ្មែរលើ ខ្មែរកណ្តាល ខ្មែរក្រោម ជាខ្មែរតែមួយ ទើបយើងដាក់​ឈ្មោះ​អង្គ​កឋិនទាននេះថា (អង្គកឋិនទាន មហាសាមគ្គីគ្រួសារខ្មែរ) ដែលបងប្អូន​ខ្មែរ​នៅ​គ្រប់​ទី​កន្លែង គ្រប់គណបក្សនយោបាយ គ្រប់និន្នាការនយោបាយ អាចចូលរួមបានទាំងអស់គ្នា។ បង​ប្អូន​ប្រជាជនគ្រប់ស្រទាប់វណ្ណៈ សូមអញ្ជើញ​ទៅ​លេង​បុណ្យ​កឋិន​ទាន​នេះ​បាន​ដោយ​បំពេញ​បែប​បទ​ឆ្លង​ប្រទេស ព្រោះជាកឋិនឆ្លងដែនប្រទេស។ ចាប់គិតតាំងពីឆ្នាំ២០១២ មកសម្រេច​ឆ្នាំ​២០២៤ គឺប្រើពេល១២ឆ្នាំ ទើបសម្រេចក្តីសុបិនមួយនេះ»៕

កម្ពុជាគ្រោងអភិវឌ្ឍន៍ប្រភពថាមពលអគ្គិសនីពីខ្យល់ ដោយចាប់ផ្ដើមពីខេត្តភូមិភាគឦសាន្ត

2024/10/05 09:53:59 am        366
Facebook Telegram Linkin
ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានថ្លែងថា រាជរដ្ឋាភិបាលបាន អនុម័តរួចរា ល់ ក្នុងការអភិវឌ្ឍប្រភពថាមពលអគ្គិសនីមួយប្រភេទទៀត លើប្រភពដែលមានស្រាប់ គឺការ​ទាញ​យក​ថាមពលមកពីខ្យល់ បង្កើតបានជាអគ្គិសនី ហើយគម្រោងនេះ គ្រោង អនុវត្ត​នៅ​ក្នុង​ខេត្ត​ភូមិភាគឦសាន្ត​មុនគេ ដែលសម្បូរទៅដោយខ្យល់ ។ក្នុងសន្និសីទសារព័ត៌មានស្តីពី គោលនយោបាយថាមពលកម្ពុជា ក្រោមកិច្ចសហការ រៀប​ចំ​ដោយ​ក្រសួងរ៉ែ និងថាមពល ក្លឹបអ្នកកាសែតកម្ពុជា និងសាកលវិទ្យាល័យភូមិន្ទភ្នំពេញ នៅរសៀល​ថ្ងៃ​ទី៤ ខែតុលា ឆ្នាំ២០២៤ ឯកឧត្តម កែវ រតនៈ មានប្រសាសន៍ថា រាជរដ្ឋាភិបាល តាំងពី​អាណត្តិ​មុន រហូតដល់បច្ចុប្បន្ន មានគោលនយោបាយច្បាស់លាស់ លើវិស័យថាមពល អគ្គិសនី ដោយ​ក្នុង​នោះ គឺទី១. ការអភិវឌ្ឍប្រភពអគ្គិសនី ឲ្យបានគ្រប់គ្រាន់ហើយស្អាត, ទី២. ការរក្សាតម្លៃ និង​ខិត​ខំ​បញ្ចុះតម្លៃ និងទី៣. ការផ្គត់ផ្គង់ឲ្យមានស្ថិរភាព ។ឯកឧត្តមបានបន្តថា បច្ចុប្បន្នប្រភពអគ្គិសនីដែលកម្ពុជាមាន និងផលិតបានពីថាមពល កកើត​ឡើង​វិញ រួមមានប្រភពវារីអគ្គិសនី, ប្រភពថាមពលពន្លឺព្រះអាទិត្យ, និងប្រភពថាមពល ជីវម៉ាស់ ។ ការផលិតថា មពលដែលមិនមែនថាមពលកកើតឡើងវិញ រួមមាន ប្រភពដុតធ្យូងថ្ម និងដុត​ប្រេង ហើយជាបន្ទាប់អភិវឌ្ឍន៍ពីប្រភពមួយទៀត គឺពីខ្យល់ មានចំនួន៦គ្រោងជាមុន ដោយ ចាប់ផ្ដើម​នៅឆ្នាំ២០២៦ ក្នុងខេត្តមណ្ឌលគិរី ។ក្នុងរយៈពេល ១៥ឆ្នាំចុងក្រោយនេះ កម្ពុជាមានសមត្ថភាពអាចអភិវឌ្ឍន៍ វិស័យ​អគ្គិសនី​កើន​ឡើង​ចំនួន ៨.០៣ដង និងបរិមាណថាមពលកើនឡើង ៨.០៧ដង ខណៈ បានប្ដេជ្ញានាំ​ចូល​ប្រភព​ថាមពល​អគ្គិសនី ពីប្រទេសជិតខាង មិនឲ្យលើស៣០ភាគរយ ជាមួយ នឹងការខិតខំ​កសាង​នូវ​ប្រភព​អគ្គិសនីជាច្រើនទៀត នៅតាមបណ្ដាខេត្តមួយចំនួន។ បច្ចុប្បន្ន​សម្រាប់​ការ​ផ្គត់​ផ្គង់​អគ្គិស​នី​វិញ គឺគ្រប់ដណ្ដប់ភូមិបានចំនួនប្រមាណជា ៩៩.៨៨ភាគរយ និង ចំពោះផ្ទះប្រជាពលរដ្ឋ ដែល​មិនទាន់មានបណ្ដាញអគ្គិសនីទៅដល់ ដូចជានៅតំបន់ទន្លេសាប និងតំបន់​ភ្នំដាច់​ស្រយាល​ជា​ដើម ក៏បានចែកជូននូវបន្ទះសូឡា ដើម្បីអាចឲ្យប្រជាពលរដ្ឋ បានប្រើប្រាស់​ជា​បណ្ដោះ​អាសន្ន​៕ អត្ថបទ បាន សុខរិទ្ធិ

សម្តេចធិបតី ហ៊ុន ម៉ាណែត នឹងដឹកនាំគណៈប្រតិភូទៅចូលរួមកិច្ចប្រជុំកំពូល​អាស៊ាននៅឡាវ នាសប្តាហ៍ក្រោយ

2024/10/05 08:40:48 am        328
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នឹងដឹកនាំគណៈប្រតិភូជាន់ខ្ពស់ អញ្ជើញ​ចូលរួមកិច្ចប្រជុំកំពូលអាស៊ានលើកទី៤៤ និង៤៥ និងកិច្ចប្រជុំកំពូលពាក់ព័ន្ធ នៅទី​ក្រុង​វៀងចន្ទន៍ ប្រទេសឡាវ ដែលនឹងប្រព្រឹត្តទៅចាប់ពីថ្ងៃទី៨ ដល់ទី១១ ខែតុលា ឆ្នាំ២០២៤នេះ។ ដំណើរទស្សនកិច្ចនេះគឺបាន ធ្វើឡើងតបតាមការអញ្ជើញរបស់ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្រ្តីឡាវ។យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នា​ថ្ងៃ​ទី​៥ ខែតុលា ឆ្នាំ២០២៤នេះ បានឱ្យដឹងថា ការអញ្ជើញអមដំណើរសម្ដេចមហាបវរធិបតី និងលោក​ជំទាវ​បណ្ឌិត ពេជ ចន្ទមុន្នី ហ៊ុនម៉ាណែត រួមមានឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋ​មន្ត្រីការបរទេស និងសហប្រតិបត្តិការអន្តរជាតិ រដ្ឋមន្ត្រី និងមន្ត្រីសំខាន់ៗនៃរាជរដ្ឋាភិបាល ព្រម​ទាំង​តំណាងវិស័យឯកជន នៃសភាពាណិជ្ជកម្មកម្ពុជាផងដែរ។តាមក្រសួង​ការបរទេស បានឱ្យដឹងទៀតថា កិច្ចប្រជុំកំពូលអាស៊ាន នឹងធ្វើឡើងក្រោមមូលបទ «អាស៊ាន៖ ការពង្រឹងការតភ្ជាប់ និងភាពធន់» នឹងផ្តោតទៅ លើការជំរុញ​បន្ថែម​ទៀត​នូវ​វឌ្ឍនភាព នៃ​ការ​កសាង​សហគមន៍អាស៊ាន ឆ្ពោះទៅកាន់ការ​សម្រេច​បាន​ចក្ខុវិស័យ​សហគមន៍​អាស៊ាន​ឆ្នាំ​២០២៥ និងការលើកកម្ពស់ទំនាក់ទំនងជាមួយដៃគូខាងក្រៅរបស់អាស៊ាន តាមរយៈ​យន្តការ​នានា​ដែលដឹកនាំដោយអាស៊ាន ក្នុងគោលដៅលើកកម្ពស់ការតភ្ជាប់ និងភាពធន់នៅក្នុងតំបន់ និង​ក្រៅតំបន់ ក៏ដូចជាដោះស្រាយបញ្ហាប្រឈមបច្ចុប្បន្ន និងដែលកំពុងកើត មានប្រកប​ដោយ​ប្រសិទ្ធភាព។សេចក្តីប្រកាសព័ត៌មានដដែលបានឱ្យដឹងទៀតថា ក្នុងឱកាសនៃកិច្ចប្រជុំកំពូលខាងលើ សម្តេច​មហា​បវរធិបតី នឹងអញ្ជើញ​ចូលរួម​ក្នុង​ជំនួប​ថ្នាក់​ដឹកនាំ​អាស៊ានជាមួយតំណាងនៃមហាសន្និបាត​អន្តរសភា​អាស៊ាន (AIPA) ជំនួបថ្នាក់ដឹកនាំអាស៊ាន ជាមួយតំណាងនៃក្រុមប្រឹក្សាធុរកិច្ចអាស៊ាន (ASEAN-BAC) ជំនួបថ្នាក់ដឹកនាំអាស៊ានជាមួយតំណាងនៃយុវជនអាស៊ាន និងកិច្ចប្រជុំ​កម្រិត​ថ្នាក់​ដឹកនាំប្រទេសនៃសហគមន៍បំភាយឧស្ម័នសូន្យ អាស៊ី (AZEC) លើកទី២។ ក្រៅពីកិច្ច​ជំនួបខាងលើនេះ សម្ដេចមហាបវរធិបតីនាយករដ្ឋមន្ត្រីកម្ពុជា ក៏គ្រោងមានជំនួប​ទ្វេភាគី​ជា​មួយ​ថ្នាក់ដឹកនាំអាស៊ាន និងពិភពលោកមួយចំនួនទៀត ដើម្បីពង្រឹង​ទំនាក់​ទំនង​ទ្វេភាគី​បន្ថែម​ទៀតផងដែរ៕ អត្ថបទ៖ បាន ចក់

សម្ដេចធិបតី ហ៊ុន ម៉ាណែត ចេញសេចក្តីសម្រេចបង្កើតគណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម

2024/10/04 09:30:37 am        197
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេច បង្កើត​គណៈកម្មការរៀបចំដង្ហែអង្គកឋិនទាន ទៅកាន់វត្តខ្មែរក្រោម ដោយមានសម្តេច​កិត្តិសង្គហ​បណ្ឌិត ម៉ែន សំអន ជាប្រធាន និងមានអនុប្រធាន-សមាជិក ២១រូបផ្សេងទៀត។ នេះបើតាម​សេចក្តី​សម្រេច​​ដែល​ទទួលបាននៅថ្ងៃទី៤ ខែតុលា ឆ្នាំ២០២៤នេះ។គណៈកម្មការនេះ មានភារកិច្ច ដឹកនាំ ចាត់តាំង និងរៀបចំអង្គកឋិនទានដង្ហែទៅកាន់វត្តខ្មែរក្រោម ឱ្យប្រព្រឹត្តទៅស្របតាមប្រពៃណី ទំនៀមទម្លាប់ ព្រះពុទ្ធសាសនា, ពិនិត្យ ​និងលើក​សំណើ​ដោះស្រា​យ​បញ្ហានានាទាក់ទងនឹងការរៀបចំអង្គកឋិនទាន ឱ្យប្រព្រឹត្តទៅបានល្អប្រសើរ, ធ្វើ​លិខិតអ​ញ្ជើញ និងរៀបចំទទួលបដិសណ្ឋារកិច្ចថ្នាក់ដឹកនាំ និងភ្ញៀវដែលអញ្ជើញចូលរួម,  លើក​គម្រោង និង​ចាត់ចែងគ្រប់គ្រងចំណូល ចំណាយថវិកាពីប្រភពនានា, អនុវត្ត​ភារកិច្ច​ផ្សេង​ទៀត​តាម​ការ​ចាំបាច់សម្រាប់បម្រើឱ្យការរៀបចំអង្គកឋិនទាន៕

ឯកឧត្តម ប៉ែន បូណា៖ ហេតុអ្វីមានអ្នកចេញមុខការពារអ្នកបង្កើតព័ត៌មាន​ក្លែងក្លាយ​ ដើម្បីញុះញង់​ឱ្យពលរដ្ឋមានកំហឹងជាមួយរាជរដ្ឋាភិបាល?

2024/10/02 05:04:38 pm        1066
Facebook Telegram Linkin
នារសៀលថ្ងៃទី២ ខែតុលា ឆ្នាំ២០២៤នេះ ឯកឧត្តម ប៉ែន បូណា រដ្ឋមន្ត្រីប្រតិភូអម​នាយករដ្ឋ​មន្ត្រី និងជាប្រធាន​អង្គភាព​អ្នក​នាំ​ពាក្យ​រាជ​រដ្ឋាភិបាល បានលើកឡើងជាសំនួរថា​ ហេតុ​អ្វី​មាន​អ្នក​ចេញ​មុខ​ការពារអ្នកបង្កើតព័ត៌មានក្លែងក្លាយ ដើម្បីញុះញង់​ឱ្យពលរដ្ឋមាន​កំហឹង​ជាមួយ​រាជ​រដ្ឋាភិបាល?ឯកឧត្ដមបន្តថា ពិតជាគួរឱ្យឆ្ងល់ណាស់នៅ​ពេលឃើញ​អង្គការ​សង្គម​ស៊ីវិល​មួយ​ក្រុម​ដែល​មិន​ត្រឹម​តែ​មិន​បាន​ចូលរួមចំណែកប្រយុទ្ធប្រឆាំងព័ត៌មានក្លែងក្លាយ ព័ត៌មានប្រឌិតបំផ្លើសបំភ្លៃ ដែល​មាន​ចរិតញុះញង់បង្កផលប៉ះពាល់ធ្ងន់ធ្ងរដល់សន្តិសុខសង្គមប៉ុណ្ណោះទេ ប៉ុន្តែ បែរជាបាន​ចេញ​មុខ​ការពារអ្នកដែលបង្កើតព័ត៌មានក្លែងក្លាយទៅវិញ។ លើសពីនេះ​ពួក​គេ​បែរ​ជាចាត់​ទុក​ចំណាត់​ការ​ផ្លូវ​ច្បាប់ទៅលើអ្នកបង្កើតព័ត៌មានក្លែងក្លាយនោះថាជាការបំបិទសិទ្ធិសេរីភាពបញ្ចេញមតិ និង​ជា​ការ​រឹត​ត្បិតសេរីភាពសារព័ត៌មានទៅវិញ?ឯកឧត្តម ប៉ែន បូណា លើកឡើងថា សព្វថ្ងៃ​ក្រុម​ការងារ​​​យើងធ្វើ​ការ​ហត់នឿយ​ខ្លាំង​ណាស់​ដោយ​គ្មាន​ពេល​សម្រាក​ថ្ងៃសៅរ៍ អាទិត្យ ឬថ្ងៃបុណ្យទេ ហើយស្ទើរតែមិនបានសម្រាកពេលយប់ផង ដោយ​សារ​តែត្រូវលាងជម្រះព័ត៌មានក្លែងក្លាយ បំផ្លើសបំភ្លៃដែលក្រុមទុច្ចរិតបង្កើតឡើង។ ពេល​យើង​​បំភ្លឺរឿង​មួយ ពួកគេទៅបង្កើតរឿងមួយទៀតមិនចេះចប់មិនចេះហើយ។ ក្រុមនេះ​មាន​បណ្តាញ ​និងមានការចាត់តាំងច្បាស់លាស់​ពីព្រោះព័ត៌មាន​មួយដែលគេប្រឌិត​ឡើងត្រូវ​បាន​បណ្តាញ​របស់គេ​យកទៅបង្ហោះ​ចែកចាយ​ព្រោង​ព្រាត​ពេញ​បណ្តាញស​ង្គមក្នុ​ង​គោល​បំណ​ង​ញុះ​ញង់​បញ្ឆេះ​កំហឹងប្រជាពលរដ្ឋឱ្យស្អប់រាជរដ្ឋាភិបាល។ សូម្បីតែរដូវ​ភ្ជុំបិណ្ឌ​ដែល​ប្រជារដ្ឋ​កំពុង​ជួប​ជុំគ្រួសារ និងធ្វើបុណ្យទានយ៉ាងសប្បាយរីករាយក៏ពួកគេមិនលើកលែងដែរ។ សព្វថ្ងៃនេះ ប្រទេសណាក៏និយាយ​ពីការប្រយុទ្ធប្រឆាំងព័ត៌មានក្លែងក្លាយ​ដែរដោយចា​ត់​ទុក​បញ្ហា​នេះ​ជា​រឿងអាទិភាពមួយ ហើយការផ្សព្វផ្សាយព័ត៌មានក្លែងក្លាយ បំភ្លៃការពិត មិនត្រូវបានចាត់​ទុក​ជា​សេរីភាពបញ្ចេញមតិ ឬសេរីភាពសារព័ត៌មាននោះឡើយ។ ដើម្បីធានាភា​ព​សប្បាយ​រីក​រាយ​ និង​ធានា​សិទ្ធិទទួលបា​ន​ព័ត៌មាន​ពិត​របស់​ប្រជាពលរដ្ឋ​ក៏ដូច​ជាការពារ​តួនាទី​ដ៏​សំខាន់​របស់​សារ​ព័ត៌មាន​ក្នុង​ការផ្តល់ព័ត៌មានពិតឥតក្លែងបន្លំ គ្រប់ភាគីពាក់ព័ន្ធ​ត្រូវ​រួមគ្នា​លុប​បំបាត់​ព័ត៌មាន​ក្លែង​ក្លាយ​ តាម​រយៈ​ការចាត់វិធានការ​គ្រប់​បែប​យ៉ាង​ប្រឆាំ​ង​អ្នក​ផ្សព្វ​ផ្សាយ​ព័ត៌មា​ន​ក្លែង​ប​ន្លំ​ទាំង​នោះដោ​យមិ​នលើកលែង។ ក្នុងន័យនេះ ចំណាត់ការផ្លូវច្បាប់​ទៅ​លើ​បុគ្គល ឬ​បណ្តាញដែល​បង្កើត និងផ្សព្វផ្សាយព័ត៌មានក្លែងក្លាយដើម្បីបំពុល សង្គមគឺជាវិធានការចាំបាច់ដែលត្រូវធ្វើ។ឯកឧត្ដមបន្តថា ដូច្នេះ តើអង្គការសង្គម​ស៊ីវិល​ឬ​អ្នកទាំងឡាយដែលចេញមុខការពារមេក្លោង​ឬ​បណ្តាញ​អ្នក​បង្កើត​ព័ត៌មាន​ក្លែងក្លាយចង់បានអ្វី? តើពួកគេចង់ឃើញព័ត៌មានក្លែងក្លាយ បំផ្លើសបំភ្លៃ ញុះញង់ដ៏​អាក្រក់​បែបនេះ ត្រូវបានបង្ហោះជារៀងរាល់ថ្ងៃតទៅទៀតឬយ៉ាងណា? តើពួកគេមិន​ច់ឃើញ​ប្រជាពលរដ្ឋ​មានភាពស្ងប់សុខនិងចៀសផុតពីព័ត៌មានក្លែងក្លាយដ៏គ្រោះថ្នាក់ទាំងនេះទេឬ? ឬមួយក៏ជារបៀបវារៈដែលពួកគេចង់បាន? ទាំងនេះជា​សំណួរដែល​ប្រជាពលរដ្ឋ​ខ្មែរ​ចង់​បាន​ចម្លើយ​៕

សម្ដេចធិបតី អញ្ជើញទទួលថវិកាសប្បុរសជនចំនួន ៤៥ម៉ឺនដុល្លារទទួលបានពីព្រឹត្តិការណ៍ Gumball 3000

2024/09/30 11:40:24 am        125
Facebook Telegram Linkin
សម្ដេចមហាបវរធីបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នាព្រឹកថ្ងៃទី៣០ ខែកញ្ញា ឆ្នាំ ២០២៤នេះ បានញ្ជើញជាអធិបតីក្នុងពិធីប្រគល់-ទទួល ថវិកាសប្បុរសជនដែលបរិច្ចាគចំនួន ៤៥ ម៉ឺនដុល្លារ តាមរយ:ក្រុមហ៊ុនជីបម៉ុងគ្រុប ដើម្បីផ្ដល់ជូនមន្ទីរពេទ្យកុមារអង្គរ ដោយទទួលបានពីការចូលរួមនៃព្រឹត្តិការណ៍ Gumball 3000 កន្លងមក។ សូមជម្រាបថា ព្រឹត្តិការណ៍ Gumball 3000 បានរៀបចំឡើងនៅកម្ពុជា រយៈពេល ២ថ្ងៃ ចាប់ពីថ្ងៃទី១៥ ដល់ថ្ងៃទី១៦ ខែកញ្ញា ឆ្នាំ២០២៤ បានបញ្ចប់ទៅពោរពេញដោយស្នាមញញឹម និងបរិយាកាសកក់ក្តៅជាទីបំផុត ក្រោមការរក្សាបានសន្តិសុខ និងសណ្តាប់ធ្នាប់យ៉ាងល្អប្រសើរពីអាជ្ញាធរមានសមត្ថកិច្ច និងកងកម្លាំងប្រដាប់អាវុធចម្រុះ ក្នុងការរៀបចំ និងការពារសន្តិសុខ សុវត្ថិភាព រក្សាសណ្ដាប់ធ្នាប់ ក្នុងកម្មវិធីទាំងមូល និងបានកៀគរថវិកាពីសប្បុរសជន ៤៥ ម៉ឺនដុល្លារ ដើម្បីប្រគល់ឱ្យមន្ទីរពេទ្យកុមារអង្គរ។ព្រឹត្តិការណ៍ Gumball 3000 ត្រូវបានបង្កើតឡើងក្នុងឆ្នាំ១៩៩៩ ដោយសហគ្រិនសញ្ជាតិអង់គ្លេស លោក Maximillion Cooper បានក្លាយជាព្រឹត្តិការណ៍ដ៏មានប្រជាប្រិយភាពកម្រិតពិភពលោក ដែលប្រារព្ធឡើងសម្រាប់ អបអរសាទរទៅលើប្រណីតភាពប្លែកៗរបស់រថយន្តដែលមានសមត្ថភាពខ្លាំងក្លា ក៏ដូចជាតម្លៃខ្ពស់ៗ និងការធ្វើដំណើរផ្សងព្រេង៕

សម្ដេចតេជោ៖ នៅក្នុងប្រទេសអាស៊ានទាំង១០ កម្ពុជាជាប់បានពិន្ទុល្អ​ក្នុងការយកចិត្ត​ទុកដាក់លើស្ត្រី

2024/09/26 04:21:05 pm        393
Facebook Telegram Linkin
ក្នុងឱកាសអនុញ្ញាតឱ្យលោកស្រី យ៉ាម៉ាណាកា អាគិកុ (YAMANAKA AKIKO) អតីត​អនុ​រដ្ឋមន្ត្រី​ការ​បរទេស និងជាឯកអគ្គរាជទូតពិសេសទទួលបន្ទុកកសាងសន្តិភាព នៃរាជរដ្ឋាភិបាលជប៉ុន ចូល​ជួបសម្តែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ នាព្រឹក​ថ្ងៃ​ទី២៦ ខែកញ្ញា ឆ្នាំ២០២៤នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃ​ព្រះរាជាណាចក្រកម្ពុជាបានបញ្ជាក់ថា នៅក្នុង​ប្រទេស​អាស៊ាន​ទាំង​១០​កម្ពុជា​ជាប់​បាន​ពិន្ទុ​ល្អ​ក្នុ​​ងការយកចិត្តទុកដាក់លើស្ត្រី។ពាក់ព័ន្ធនឹងការវិនិយោគលើស្ត្រីសម្តេចតេជោមានប្រសាសន៍ថា នៅក្នុងប្រទេសអាស៊ានទាំង១០ កម្ពុជា​ជាប់បានពិន្ទុល្អក្នុងការយកចិត្តទុកដាក់លើស្ត្រី។ ជាក់ស្តែង កម្ពុជាមានគោល​នយោបាយ​ជាតិ​គាំពារ​សង្គមដែលយកស្ត្រីជាមូលដ្ឋាន ជាពិសេសការយកចិត្ត​ទុ​ក​ដា​ក់​ទៅ​លើ​ស្ត្រីដែ​ល​មា​ន​ផ្ទៃពោះ ដោយផ្តល់ការឧបត្ថម្ភចាប់តាំងពីមានផ្ទៃពោះរហូតដល់ពេលសម្រាលកូន ទាំងការ​ពិនិត្យ​សុខ​ភាព​នៅមន្ទីរពេទ្យ រហូតដល់កុមារកើតមកអាយុ២ឆ្នាំ។ សម្ដេចតេជោ​មានប្រសាសន៍ថា បច្ចុប្បន្ន ស្ត្រីដែលជាកម្មការិនី ក្នុងអំឡុងពេល​សម្រាក​មាតុ​ភាព​៣​ខែ មានប្រាក់បៀវត្សចំនួន១២០% ដែលសម្តេចបានលើកឡើងថាប្រហែលជាប្រទេសដទៃមិនទាន់មានគោលការណ៍នេះនៅឡើយទេ ហើយរាជរដ្ឋាភិបាលអាណត្តិថ្មីកំពុងតែខិតខំប្រឹងប្រែងដើម្បីអនុវត្តដូចគ្នានេះដែរ ចំពោះមន្ត្រីរាជការ។ សម្តេចតេជោ បានបន្តថា សម្ដេចក៏បានណែនាំឱ្យក្រសួងកិច្ចការនារី និងក្រសួងអប់រំ យកចិត្តទុកដាក់ក្នុងការជំរុញឱ្យស្ត្រី ទទួលបានការសិក្សាខ្ពស់ ដោយបច្ចុប្បន្ននេះ ចាប់ពីថ្នាក់បឋមដល់មធ្យមសិក្សាចំនួនស្ត្រីមានច្រើនប៉ុន្តែចំនួននេះបានថយចុះនៅពេលដែលចូលដល់កម្រិតបរិញ្ញាប័ត្រជាន់ខ្ពស់និងថ្នាក់បណ្ឌិត ដោយសារកត្តាប្រពៃណីសង្គម។សម្តេចបានជម្រាបថា ក្នុងនាមជាអនុប្រធានកិត្តិយស នៃក្រុមប្រឹក្សាជាតិកម្ពុជាដើម្បីស្ត្រី សម្តេចបានបន្តរួមចំណែកនិងធ្វើការរួមគ្នាដើម្បីស្ត្រីតាមរយៈការទម្លាក់ថវិកាផ្ទាល់ ការបង្កើតក្រុមមេធាវី ការស្វះស្វែងផ្តល់ឱកាសដល់ស្ត្រីជាពិសេសគឺការដាក់ចេញនូវកូតាចំនួនស្ត្រីក្នុងគណៈអភិបាលខេត្ត-ស្រុក និងក្នុងជួរថ្នាក់ដឹកនាំកំពូលរបស់ស្ថាប័ននានា។ តួយ៉ាងកម្ពុជាមានស្ត្រីជាប្រធានសភាដំបូងក្នុងប្រវត្តិសាស្ត្រ និងរដ្ឋមន្ត្រីជាច្រើននាក់ផ្សេងទៀតជាស្ត្រី។ សម្តេចមានប្រសាសន៍ថា កម្ពុជាជាប្រទេសមាតាធិបតេយ្យ ដូចនេះត្រូវវិនិយោគលើស្ត្រីបន្ថែមទៀត ដែលសម្តេចមានពាក្យស្លោកមួយថា «ជួយស្ត្រី គឺជួយខ្លួនឯង» ហើយអ្វីដែលត្រូវយកចិត្តទុកដាក់បន្តគឺស្ត្រីត្រូវជួយស្ត្រីគ្នាឯង។ សម្តេចបានជម្រាបជូនលោកស្រីសាស្ត្រាចារ្យថា កម្ពុជាជាប់ចំណាត់ថ្នាក់លេខ១នៅក្នុងអាស៊ាន ចំពោះចំនួននៃការបញ្ជូនកងទ័ពស្ត្រីនៅក្នុងប្រតិបត្តិការសន្តិភាពរបស់អង្គការសហប្រជាជាតិ។ក្នុងឱកាសនោះលោកស្រី យ៉ាម៉ាណាកា អាគិកុ បានថ្លែងអំណរគុណចំពោះសម្ដេចតេជោ ដែលបានអនុញ្ញាតឱ្យលោកស្រីចូលជួបសម្តែងការគួរសមនេះ។ លោកស្រីបានរំលឹកពីជំនួបជាមួយសម្តេចកាលពីជាង២០ឆ្នាំមុន ដែលសម្តេចបានផ្តល់កិត្តិយសក្នុងបទសម្ភាសន៍នៅក្នុងកម្មវិធី «Voice of Asia to the West» ក្រោមការរៀបចំរបស់មូលនិធិសាសាកាវ៉ា។ លោកស្រីសាស្ត្រាចារ្យបានវាយតម្លៃខ្ពស់ និងអបអរសាទរ សម្ដេចដែលបានដឹកនាំប្រទេស សម្រេចបានការអភិវឌ្ឍន៍យ៉ាងត្រចះត្រចង់ និងអបអរសាទរចំពោះភាពជោគជ័យដែលសម្ដេចបានបណ្ដុះបណ្ដាលបុត្រាបុត្រីសម្ដេចសម្រាប់បន្តវេន ដែលរួមចំណែកក្នុងការអភិវឌ្ឍប្រទេស៕ 

ការវិភាគ៖ ក្រុមហេសបូឡា អាចដើរតាមយុទ្ធសាស្ត្រដែលរុស្ស៊ី ប្រើក្នុងសង្រ្គាមអ៊ុយក្រែន ដើម្បីគ្របសង្កត់លើអ៊ីស្រាអែល

2024/09/26 12:22:26 pm        149
Facebook Telegram Linkin
ក្រុមអ្នកជំនាញបានប្រាប់សារព័ត៌មាន The Wall Street Journal ថា ការប៉ះទង្គិចគ្នារវាងអ៊ីស្រាអែល និងក្រុមសកម្មប្រយុទ្ធហេសបូឡា នៅលីបង់ កាន់តែខ្លាំងក្លា។ ក្រុមហេសបូឡា អាចជ្រើសរើសយកយុទ្ធសាស្ត្រដែលរុស្ស៊ីប្រើក្នុងសង្រ្គាមអ៊ុយក្រែន ដើម្បីគ្របសង្កត់លើអ៊ីស្រាអែលវិញ។ វិមានក្រឹមឡាំងបានគាំទ្រក្រុមហេសបូឡា និងក្រុមប្រដាប់អាវុធផ្សេងទៀតនៅមជ្ឈិមបូព៌ា។ក្រុមហេសបូឡាអាចប្រើប្រាស់ផ្នែកមួយនៃសៀវភៅយុទ្ធសាស្ត្ររបស់រុស្ស៊ីនៅអ៊ុយក្រែន ដើម្បីគ្របដណ្ដប់លើការការពារដែនអាកាសរបស់អ៊ីស្រាអែល។ សារព័ត៌មាន The Wall Street Journal បានរាយការណ៍ថា ក្រុមអ្នកវិភាគយោធារំពឹងថា ក្រុមហេសបូឡា នឹងទទួលបានការបំផុសគំនិតពីកងកម្លាំងរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ក្នុងការបាញ់ហ្វូងយានដ្រូន និងការវាយប្រហារដោយមីស៊ីលទ្រង់ទ្រាយធំទៅលើប្រព័ន្ធការពារដែនអាកាសរបស់អ៊ីស្រាអែល។ ការចេញផ្សាយបាននិយាយថា ក្រុមដែលមានមូលដ្ឋាននៅលីបង់មួយនេះ ក៏អាចកំណត់គោលដៅមូលដ្ឋានយោធាសំខាន់ៗ កំពង់ផែ និងបណ្តាញអគ្គិសនីរបស់អ៊ីស្រាអែលផងដែរ។ ការយល់ឃើញពីក្រុមអ្នកវិភាគបែបនេះ កើតឡើងបន្ទាប់ពីប្រទេសលីបង់កាលពីថ្ងៃចន្ទបានទទួលរងការវាយប្រហារនៅថ្ងៃដ៏សោកនាដកម្មបំផុតពីអ៊ីស្រាអែល ចាប់តាំងពីឆ្នាំ ២០០៦មក ដែលបានសម្លាប់មនុស្សជិត៦០០នាក់ និងរាប់ម៉ឺននាក់រត់ភៀសខ្លួន។ ការរំពឹងទុកកំពុងកើនឡើងថា អ៊ីស្រាអែលត្រៀមបើកការឈ្លានពានដោយថ្មើរជើងលើលីបង់ភាគខាងត្បូង ប៉ុន្តែក្រុមអ្នកវិភាគនិយាយថា ក្រុមហេសបូឡា បានក្លាយជាកម្លាំងដ៏មានឥទ្ធិពល និងស្មុគ្រស្មាញជាងមុនចាប់តាំងពីសង្គ្រាមចុងក្រោយរបស់ខ្លួន ហើយអាចវាយបកយ៉ាងខ្លាំងក្លាជាការឆ្លើយតប៕

ប្រភពចារកម្ម៖ រុស្ស៊ី មានគម្រោងសម្ងាត់ដែលផលិតយានដ្រូនសង្គ្រាមនៅក្នុងប្រទេសចិន

2024/09/26 12:13:00 pm        158
Facebook Telegram Linkin
ប្រភពចំនួនពីរពីទីភ្នាក់ងារចារកម្មសម្ងាត់អឺរ៉ុប និងឯកសារដែលត្រូវបានពិនិត្យដោយសារព័ត៌មានរ៉យទ័របង្ហាញថា រុស្ស៊ីបានបង្កើតកម្មវិធីសព្វាវុធនៅក្នុងប្រទេសចិន ដើម្បីអភិវឌ្ឍ និងផលិតយានដ្រូនវាយប្រហាររយៈចម្ងាយឆ្ងាយសម្រាប់ប្រើប្រាស់ក្នុងសង្គ្រាមប្រឆាំងនឹងអ៊ុយក្រែន។ក្រុមហ៊ុន អាយអ៊ីអ៊ឹមហ្ស៊ី គូភូល (IEMZ Kupol) ដែលជាបុត្រសម្ព័ន្ធរបស់ក្រុមហ៊ុនសព្វាវុធរដ្ឋរុស្ស៊ី អាល់ម៉ាស-អានទី (Almaz-Antey) បានបង្កើត និងធ្វើតេស្តហោះហើរសាកល្បងនូវគំរូយានដ្រូនថ្មីដែលមានឈ្មោះថា ហ្កាភីយ៉ា-៣ (Garpiya-3) ឬហៅថា ជីស្រ៊ី (G3) នៅក្នុងប្រទេសចិន ដោយមានជំនួយពីអ្នកឯកទេសក្នុងស្រុក នេះបើយោងតាមឯកសារមួយក្នុងចំណោមឯកសារដែលក្រុមហ៊ុន Kupol ផ្ញើទៅក្រសួងការពារជាតិរុស្ស៊ីកាលពីដើមឆ្នាំនេះ ដើម្បីបង្ហាញពីការងាររបស់ខ្លួន។Kupol បានប្រាប់ក្រសួងការពារជាតិនៅក្នុងបច្ចុប្បន្នភាពជាបន្តបន្ទាប់មួយថា ខ្លួនអាចផលិតយានដ្រូនជាច្រើនប្រភេទ រួមទាំង G3 តាមខ្នាតនៅរោងចក្រក្នុងប្រទេសចិន ដូច្នេះគ្រឿងយុទ្ធោបករណ៍ទាំងនោះអាចត្រូវបានដាក់ពង្រាយនៅក្នុង «ប្រតិបត្តិការយោធាពិសេស» នៅអ៊ុយក្រែន ជាឃ្លាដែលទីក្រុងមូស្គូ ប្រើក្នុងសង្គ្រាម។ក្រុមហ៊ុន Kupol និង Almaz-Antey រួមទាំងក្រសួងការពារជាតិរុស្ស៊ី មិនបានឆ្លើយតបទៅនឹងសំណើសុំការអត្ថាធិប្បាយជុំវិញរបាយការណ៍នេះទេ។ ក្រសួងការបរទេសចិន បានប្រាប់សារព័ត៌មានរ៉យទ័រថា ខ្លួនមិនបានដឹងពីគម្រោងបែបនេះឡើយ ដោយបន្ថែមថាទីក្រុងប៉េកាំង មានវិធានការត្រួតពិនិត្យយ៉ាងតឹងរ៉ឹងលើការនាំចេញយានដ្រូនសង្រ្គាម ឬហៅថាយន្តហោះគ្មានមនុស្សបើក (UAVs)៕

បណ្ដាញសង្គម

ព័ត៌មានថ្មីៗ

សម្ដេចធិបតី ជំរុញលើកស្ទួយវិស័យសាសនាដែលមានសារសំខាន់ជាខ្លាំង ក្នុងការធានា​សុខដុមនីយកម្ម​ក្នុងសង្គម
11/23/2024 07:11 PM
Facebook Telegram Linkin
សម្ដេចធិបតី៖ គម្រោងព្រែកជីកហ្វូណនតេជោមិនជាប់គាំងទេ គឺនឹងដំណើរការក្រោយដោះស្រាយផលប៉ះពាល់រួចរាល់
11/23/2024 07:11 PM
Facebook Telegram Linkin
IMF នឹងបញ្ចេញទឹកប្រាក់ ៣៣៣លានដុល្លារដល់ស្រីលង្កាដែលរងគ្រោះដោយវិបត្តិ
11/23/2024 06:11 PM
Facebook Telegram Linkin
ហុងគ្រី និងប៉ូឡូញ ព្រមានពីការកើនឡើងនូវហានិភ័យ ដោយសារសង្គ្រាម នៅអ៊ុយក្រែន
11/23/2024 06:11 PM
Facebook Telegram Linkin
គណៈកម្មាធិការដ៏សំខាន់របស់ UN អនុម័តសេចក្ដីសម្រេច ដើម្បីបើកផ្លូវដល់សន្ធិសញ្ញាមិនធ្លាប់មានជាលើកដំបូង ស្តីពីឧក្រិដ្ឋកម្មប្រឆាំងមនុស្សជាតិ
11/23/2024 06:11 PM
Facebook Telegram Linkin
អង្គការណាតូ៖ ប្រមុខសម្ព័ន្ធភាព លោក Rutte បានជួបពិភាក្សាជាមួយលោក Trump នៅរដ្ឋ Florida
11/23/2024 06:11 PM
Facebook Telegram Linkin
WFP៖ ថវិកា ១៦,៩ពាន់លានដុល្លារ ត្រូវការជាចាំបាច់សម្រាប់ជំនួយស្បៀងអាហារមនុស្សធម៌ ក្នុងឆ្នាំ២០២៥
11/23/2024 06:11 PM
Facebook Telegram Linkin
ទាហានស៊ីឈ្នួលរុស្ស៊ីយ៉ាងតិច ៧នាក់ ត្រូវបានសម្លាប់ ក្នុងហេតុការណ៍វាយប្រហារ នៅម៉ាលី
11/23/2024 06:11 PM
Facebook Telegram Linkin
អ៊ុយក្រែនបង្កើនការអភិវឌ្ឍប្រព័ន្ធការពារដែនអាកាស ដើម្បីឆ្លើយតបនឹងការសាកល្បងមីស៊ីលរបស់រុស្ស៊ី
11/23/2024 06:11 PM
Facebook Telegram Linkin
អ្នកទីក្រុងញូវដេលី និយាយថា «មានអារម្មណ៍ដូចស្រូបផ្សែងបារី» ខណៈពិបាកទ្រាំជាមួយនឹងខ្យល់កខ្វក់
11/23/2024 06:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.