នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ប្រភព៖ អ៊ីរ៉ាក់ គិតចង់ដកកងកម្លាំងដឹកនាំដោយអាមេរិក ចេញពីប្រទេសចាប់ពីខែកញ្ញា

2024/07/23 08:03:36 pm        205
Facebook Telegram Linkin
ប្រភពបួនរបស់អ៊ីរ៉ាក់បាននិយាយថា អ៊ីរ៉ាក់ចង់ឱ្យកងទ័ពពីសម្ព័ន្ធយោធាដឹកនាំដោយសហរដ្ឋអាមេរិក ចាប់ផ្តើមដកខ្លួននៅខែកញ្ញា និងបញ្ចប់ការងាររបស់សម្ព័ន្ធនេះជាផ្លូវការត្រឹមខែកញ្ញា ឆ្នាំ២០២៥ ដោយកងកម្លាំងអាមេរិកមួយចំនួនទំនងជានៅតែស្ថិតក្នុងប្រទេសនេះក្នុងសមត្ថភាពប្រឹក្សាយោបល់ថ្មី។ប្រភពអ៊ីរ៉ាក់ និងមន្ត្រីអាមេរិកបាននិយាយថា ជំហររបស់អ៊ីរ៉ាក់ កំពុងត្រូវបានពិភាក្សាជាមួយមន្ត្រីអាមេរិកក្នុងទីក្រុងវ៉ាស៊ីនតោន ក្នុងសប្តាហ៍នេះក្នុងកិច្ចប្រជុំកំពូលសន្តិសុខ ហើយមិនទាន់មានកិច្ចព្រមព្រៀងផ្លូវការស្តីពីការបញ្ចប់សម្ព័ន្ធភាព ឬតារាងពេលវេលាពាក់ព័ន្ធណាមួយនៅឡើយទេ។អ្នកនាំពាក្យក្រសួងការបរទេសអាមេរិក លោក ម៉ាស៊ូ មីលឡឺ (Mathew Miller) បានប្រាប់សារព័ត៌មានថា ភាគីទាំងពីរកំពុងជួបប្រជុំគ្នានៅទីក្រុងវ៉ាស៊ីនតោន ក្នុងសប្តាហ៍នេះ ដើម្បីកំណត់ពីមធ្យោបាយផ្លាស់ប្តូរបេសកកម្មរបស់ក្រុមចម្រុះដឹកនាំដោយអាមេរិក ដោយផ្អែកលើការគំរាមកំហែងដែលបង្កឡើងដោយក្រុមរដ្ឋអ៊ិស្លាម ប៉ុន្តែមិនបាននិយាយពីមានលម្អិតបន្ថែមនោះទេ។កងកម្លាំងដឹកនាំដោយអាមេរិក បានលុកលុយអ៊ីរ៉ាក់ ក្នុងឆ្នាំ២០០៣ ដើម្បីផ្តួលរំលំអតីតមេដឹកនាំ លោក សាដាម ហូសេន (Saddam Hussein) បន្ទាប់មកបានដកចេញនៅឆ្នាំ២០១១ ហើយត្រលប់ទៅវិញក្នុងឆ្នាំ២០១៤ ដើម្បីប្រយុទ្ធប្រឆាំងនឹងក្រុមរដ្ឋអ៊ិស្លាម។ បច្ចុប្បន្ន អាមេរិកមានកងទ័ពប្រហែល ២.៥០០នាក់នៅអ៊ីរ៉ាក់ ជាប្រមុខនៃក្រុមចម្រុះដែលមានសមាជិកជាង ៨០ប្រទេស ដែលត្រូវបានបង្កើតឡើងក្នុងឆ្នាំ២០១៤ ដើម្បីកម្ចាត់ក្រុមរដ្ឋអ៊ិស្លាម ខណៈក្រុមភេរវករមួយនេះបានវាយលុកពាសពេញអ៊ីរ៉ាក់ និងស៊ីរី៕

រុស្ស៊ី ធ្វើសមយុទ្ធជើងទម្របាញ់មីស៊ីលនុយក្លេអ៊ែរចល័តជាលើកទីពីរ ក្នុងខែនេះ

2024/07/23 08:00:30 pm        175
Facebook Telegram Linkin
ប្រព័ន្ធផ្សព្វផ្សាយរុស្ស៊ី បានរាយការណ៍នៅថ្ងៃអង្គារ (២៣ កក្កដា) នេះថា កងកម្លាំងរុស្ស៊ី កំពុងធ្វើសមយុទ្ធដែលពាក់ព័ន្ធនឹងជើងទម្របាញ់មីស៊ីលនុយក្លេអ៊ែរចល័ត យ៉ាស៍ (Yars) ដោយនឹងក្លាយជាសមយុទ្ធបែបនេះលើកទីពីរក្នុងរយៈពេលតិចជាងមួយខែ។ទីភ្នាក់ងារព័ត៌មាន អ៊ីនធើហ្វាក (Interfax) បានរាយការណ៍ថា ក្រុមជើងទម្របាញ់មីស៊ីលនៅក្នុងអាងទន្លេ វ៉ុលហ្កា (Volga) ចម្ងាយប្រហែល ៧០០គីឡូម៉ែត្រ ភាគខាងកើតទីក្រុងមូស្គូ ត្រូវបានកំណត់ឱ្យផ្លាស់ទីជាង ១០០គីឡូម៉ែត្រ និងអនុវត្តការសមយុទ្ធ និងការដាក់ពង្រាយ។ការហ្វឹកហ្វឺននេះធ្វើឡើងបន្ទាប់ពីមានសមយុទ្ធស្រដៀងគ្នានេះនៅដើមខែកក្កដា នៅក្នុងតំបន់យ៉ាងហោចណាស់ពីរផ្សេងគ្នា ហើយកំពុងប្រព្រឹត្តទៅតិចជាងពីរខែបន្ទាប់ពីរុស្ស៊ី បានធ្វើសមយុទ្ធដាក់ពង្រាយអាវុធនុយក្លេអ៊ែរយុទ្ធសាស្ត្រជាមួយសម្ព័ន្ធមិត្តបេឡារុស របស់ខ្លួន។ សារព័ត៌មាន ខមមឺសាន់ (Kommersant) របស់រុស្ស៊ីបានរាយការណ៍នៅថ្ងៃអង្គារនេះថា ប្រព័ន្ធដែលបំពាក់ដោយមីស៊ីលមានក្បាលគ្រាប់ច្រើន អាចបាញ់ដល់គោលដៅនៅចម្ងាយ ១១.០០០គីឡូម៉ែត្រ។ ចាប់តាំងពីបើកប្រតិបត្តិការលើអ៊ុយក្រែន ក្នុងខែកុម្ភៈ ឆ្នាំ២០២២មក រុស្ស៊ីបានធ្វើសមយុទ្ធយោធាជាច្រើនដោយខ្លួនឯង ឬជាមួយប្រទេសដទៃទៀត៕

ការដកខ្លួនចេញរបស់លោក Biden បង្កការព្រួយបារម្ភក្នុងចំណោមជនអន្តោប្រវេសន៍ និងវិស័យធុរកិច្ចម៉ិកស៊ិក

2024/07/23 06:01:57 pm        97
Facebook Telegram Linkin
ជនអន្តោប្រវេសន៍ និងប្រជាជនក្នុងវិស័យធុរកិច្ចនៅប្រទេសម៉ិកស៊ិក បានសម្តែងការព្រួយបារម្ភរបស់ពួកគេ អំពីអនាគតនៃវិធានការអន្តោប្រវេសន៍ និងឧស្សាហកម្មធុរកិច្ច បន្ទាប់ពីការដកខ្លួនចេញរបស់ ប្រធានាធិបតី លោក Joe Biden ពីការប្រកួតប្រជែងតំណែងប្រធានាធិបតីសហរដ្ឋអាមេរិក។នៅទី ជម្រកមួយកន្លែង ក្នុងទីក្រុងជាប់ព្រំដែន Ciudad Juarez ជនអន្តោប្រវេសន៍ ព្រួយបារម្ភថា ការដកខ្លួនរបស់លោក Biden នឹងជំរុញឱ្យបេក្ខជនមកពីគណបក្សសាធារណរដ្ឋ លោក Donald Trump មានឱកាសទទួលជ័យជម្នះក្នុងការប្រកួតប្រជែងនេះ។ជនអន្តោប្រវេសន៍ ជឿថា ជ័យជម្នះរបស់លោក Trump នឹងបញ្ចប់ប្រព័ន្ធសម្រាប់ការទទួលបានសិទ្ធិជ្រកកោនតាមរយៈកម្មវិធី CBP One ជាកម្មវិធីមួយត្រូវបានប្រើប្រាស់ដោយអ្នកស្វែងរកសិទ្ធិជ្រកកោនដើម្បីចូលទៅកាន់សហរដ្ឋអាមេរិកដោយស្របច្បាប់ ដែលរដ្ឋបាលរបស់លោក Biden បានបង្កើតឡើងដើម្បីគ្រប់គ្រងលំហូរជនអន្តោប្រវេសន៍នៅក្នុងសហរដ្ឋអាមេរិក ដែលលោកTrump បាននិយាយថាលោកនឹងស្តារឡើងវិញកម្មវិធី «Remain in Mexico» ឆ្នាំ២០១៩ ហៅជាផ្លូវការថា ពិធីសារទប់ស្កាត់ជនអន្តោប្រវេសន៍ ដែលបានបង្ខំឲ្យអ្នកស្វែងរកសិទ្ធិជ្រកកោន មិនមែនជាជនជាតិម៉ិកស៊ិក ដែលប៉ុនប៉ងចូលសហរដ្ឋអាមេរិក នៅព្រំដែនភាគខាងត្បូង ត្រូវរង់ចាំនៅក្នុងប្រទេសម៉ិកស៊ិក សម្រាប់ការដោះស្រាយករណីរបស់ពួកគេ។ លោក Trump ក៏នឹងដាក់ឱ្យដំណើរការឡើងវិញនូវគោលនយោបាយមាត្រាទី៤២ នៅសម័យកាលកូវីដ-១៩ ដែលអនុញ្ញាតឱ្យអាជ្ញាធរព្រំដែនសហរដ្ឋអាមេរិក បណ្តេញជនអន្តោប្រវេសន៍ត្រឡប់ទៅប្រទេសម៉ិកស៊ិកវិញជាបន្ទាន់ ដោយពុំមានឱកាសទាមទារសិទ្ធិជ្រកកោនឡើយ។ អ្នកប្រកបអាជីវកម្មនៅព្រំដែនភាគខាងជើងប្រទេសម៉ិកស៊ិក បាននិយាយថា ការដកខ្លួនរបស់ លោក Biden ចេញពីបេក្ខភាពរបស់លោក បានមកដល់យឺតពេលហើយ។ ពួកគេបាននិយាយថា ចំណាត់ការនយោបាយរបស់គណបក្សប្រជាធិបតេយ្យ បង្កើតភាពមិនប្រាកដប្រជាខាងសេដ្ឋកិច្ចសម្រាប់តំបន់ព្រំដែន និងសេដ្ឋកិច្ចរបស់ប្រទេសម៉ិកស៊ិក។

ប្រទេសស្លូវ៉ាគី ទទួលបានយន្តហោះ F-16 ថ្មីដំបូង ដើម្បីបង្កើនការការពារដែនអាកាស

2024/07/23 05:58:50 pm        109
Facebook Telegram Linkin
ប្រទេសស្លូវ៉ាគី បានទទួលយន្តហោះចម្បាំង F-16 ថ្មីពីរគ្រឿងដំបូងក្នុងចំណោម ១៤ គ្រឿង កាលពីថ្ងៃចន្ទ ក្នុងគោលបំណងជំនួសយន្តហោះផលិតដោយរុស្ស៊ី ដែលខ្លួនបានផ្តល់ទៅឲ្យប្រទេសអ៊ុយក្រែនរួចហើយ។ប្រទេសស្លូវ៉ាគី បានពឹងផ្អែកលើប្រទេសជិតខាងនៅអឺរ៉ុបកណ្តាល សម្រាប់ការល្បាតតាមអាកាស ចាប់តាំងពីឆ្នាំមុន នៅពេលដែលប្រទេសនេះ បានប្រគល់យន្តហោះចម្បាំង MiG-29 រាប់សិបគ្រឿង ដែល ត្រូវបានចតចោលដោយសារតែខ្វះគ្រឿងបន្លាស់ និងការថែទាំ ប៉ុន្តែទីក្រុងគីវ អាចប្រើប្រាស់បាន ក្នុងសង្គ្រាមជាមួយរុស្ស៊ី។ប្រទេសស្លូវ៉ាគី ជាសមាជិកសម្ព័ន្ធយោធាណាតូ ដែលស្ថិតនៅស្លាបខាងកើតនៃសម្ព័ន្ធមិត្តយោធានេះ មានផែនការទទួលយន្តហោះ F-16 ចំនួន ១២ គ្រឿងបន្ថែមទៀត នៅចុងឆ្នាំក្រោយ។ប្រទេសស្លូវ៉ាគី បានទទួលជាផ្លូវការនូវយន្តហោះដំបូងផលិតដោយក្រុមហ៊ុន Lockhead Martin កាលពីដើមឆ្នាំនេះ ប៉ុន្តែ បានទុកនៅសហរដ្ឋអាមេរិក សម្រាប់ការបណ្តុះបណ្តាលថែទាំ។ប្រទេសស្លូវ៉ាគី បានចុះហត្ថលេខាលើកិច្ចព្រមព្រៀងក្នុងឆ្នាំ២០១៨ សម្រាប់យន្តហោះចំនួន១៤គ្រឿង មានតម្លៃប្រហែល១,៦ពាន់លានដុល្លារ។ ការដឹកជញ្ជូនលើកដំបូង មានរយៈពេលយឺតជាងមួយឆ្នាំ បន្ទាប់ពីការពន្យារពេល អំឡុងជំងឺរាតត្បាតកូវីដ-19។ រដ្ឋាភិបាលថ្មីរបស់ប្រទេស ក្រោមការដឹកនាំរបស់នាយករដ្ឋមន្ត្រី លោក Robert Fico ដែលឡើងកាន់តំណែងតាំងពីចុងឆ្នាំមុន បានបញ្ចប់ការផ្តល់ជំនួយផ្នែកយោធារបស់រដ្ឋដល់ប្រទេសអ៊ុយក្រែន ហើយបានស្វែងរកការស៊ើបអង្កេត លើការផ្តល់ជំនួយរបស់រដ្ឋបាលមុនៗ ចំពោះយន្តហោះចម្បាំង MIG-29 ។

កោះតៃវ៉ាន់ កាត់បន្ថយទ្រង់ទ្រាយសមយុទ្ធ ខណៈព្យុះទីហ្វុង Gaemi កំពុងឆ្ពោះទៅកាន់កោះ

2024/07/23 05:48:35 pm        86
Facebook Telegram Linkin
កោះតៃវ៉ាន់ បានកាត់បន្ថយទ្រង់ទ្រាយហ្គេមសង្រ្គាម (សមយុទ្ធ) ហានខ័ង (Han Kuang) ប្រចាំឆ្នាំរបស់ខ្លួននៅថ្ងៃអង្គារ (២៣ កក្កដា) នេះខណៈដែលព្យុះទីហ្វុង ហ្កែមី (Gaemi) បានបោកបក់ឆ្ពោះទៅកាន់កោះ ហើយត្រូវបានគេរំពឹងថានឹងនាំមកនូវខ្យល់កន្រ្តាក់ និងភ្លៀងធ្លាក់យ៉ាងខ្លាំង។ព្យុះ Gaemi ដែលជាព្យុះទីហ្វុងដំបូងនៃរដូវកាលនេះសម្រាប់កោះតៃវ៉ាន់ ត្រូវបានគេរំពឹងថានឹងបោកបក់ដល់ដីនៅតំបន់ឆ្នេរភាគឦសានចន្លោះពេលណាមួយនៅយប់ថ្ងៃពុធ (២៤ កក្កដា) និងព្រឹកថ្ងៃព្រហស្បតិ៍ (២៥ កក្កដា) នេះបើយោងតាមរដ្ឋបាលអាកាសធាតុកណ្តាលរបស់តៃវ៉ាន់។អាជ្ញាធរការពារជាតិបាននិយាយថា សមយុទ្ធយោធា ហានខ័ង ប្រចាំឆ្នាំរបស់តៃវ៉ាន់ដែលធ្វើឡើងក្នុងសប្តាហ៍នេះ ត្រូវបានកាត់បន្ថយ រួមទាំងការលុបចោលសមយុទ្ធយន្តហោះចម្បាំងនៅតំបន់ឆ្នេរភាគខាងកើត។ អ្នកនាំពាក្យ លោក ស៊ុន លីហ្វាង (Sun Li-fang) បានប្រាប់អ្នកយកព័ត៌មាននៅឯមូលដ្ឋានទ័ពអាកាស ហ័រលៀន (Hualien) ថា «ផលប៉ះពាល់ពីព្យុះទីហ្វុងនាពេលនេះនៅលើឆ្នេរភាគខាងកើតនាំឱ្យមានការកែសម្រួលសមយុទ្ធតាមអាកាស និងកងទ័ពជើងទឹកមួយចំនួន»។ខណៈពេលដែលព្យុះទីហ្វុងអាចបង្កការបំផ្លិចបំផ្លាញយ៉ាងខ្លាំង កោះតៃវ៉ាន់ក៏ពឹងផ្អែកលើព្យុះទាំងនោះដើម្បីបំពេញអាងស្តុកទឹកឡើងវិញបន្ទាប់ពីរដូវរដូវរងាដ៏ស្ងួតហួតហែងជាទម្លាប់របស់ខ្លួន ជាពិសេសសម្រាប់ផ្នែកភាគខាងត្បូងនៃកោះ៕

ប្រភព៖ លោកស្រី Harris ទទួលបានការគាំទ្រលើសពីចំនួនប្រតិភូដែលត្រូវការសម្រាប់ការតែងតាំង

2024/07/23 05:12:25 pm        199
Facebook Telegram Linkin
ប្រភពយុទ្ធនាការបោះឆ្នោតបានប្រាប់សារព័ត៌មានរ៉យទ័រថា អនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) ទទួលបានការគាំទ្រលើសពីចំនួនប្រតិភូដែលត្រូវការដើម្បីឈ្នះការតែងតាំងជាបេក្ខជនប្រធានាធិបតីនៃគណបក្សប្រជាធិបតេយ្យនៅយប់ថ្ងៃចន្ទ (២២ កក្កដា)។យោងតាមការបូកសរុបរបស់សារព័ត៌មាន AP បានឱ្យដឹងថា លោកស្រី Harris មានប្រតិភូចំនួន ២.២១៤នាក់ ដែលលើសពីចំនួនសំឡេងភាគច្រើនធម្មតាដែលត្រូវការដើម្បីឈ្នះការតែងតាំងពីបក្ស។ សារព័ត៌មាន AP បាននិយាយថា ការស្ទង់មតិនេះគឺមិនផ្លូវការទេ ដោយសារប្រតិភូបក្សប្រជាធិបតេយ្យមានសេរីភាពក្នុងការបោះឆ្នោតនៅពេលដែលគណបក្សជ្រើសរើសបេក្ខជនរបស់ខ្លួនជាផ្លូវការ។បក្សប្រជាធិបតេយ្យនឹងត្រូវប្រថុយប្រថានជាប្រវត្តិសាស្ត្រ បើពេលនេះខ្លួនងាកទៅជ្រើសរើសលោកស្រី Harris វ័យ ៥៩ឆ្នាំឱ្យក្លាយជាបេក្ខភាពប្រធានាធិបតី ដោយភ្នាល់ថាស្ត្រីស្បែកខ្មៅម្នាក់អាចយកឈ្នះលើប្រវត្តិការរើសអើងជាតិសាសន៍ និងការរើសអើងភេទ ដើម្បីយកឈ្នះលើបេក្ខភាពគណបក្សសាធារណរដ្ឋ លោក ដូណាល់ ត្រាំ (Donald Trump)។ទោះជាទទួលបានការសរសើរក្នុងពេលប៉ុន្មានសប្តាហ៍ចុងក្រោយនេះក្ដី ក៏អ្នកប្រជាធិបតេយ្យមួយចំនួននៅតែមានការព្រួយបារម្ភអំពីភាពរង្គោះរង្គើរបស់លោកស្រី Harris ក្នុងតំណែងរយៈពេលពីរឆ្នាំដំបូងរបស់ខ្លួន រយៈពេលខ្លីពេកសម្រាប់យុទ្ធនាការ ហើយភាគច្រើនគឺការបារម្ភជុំវិញប្រវត្តិដ៏យូរលង់នៃការរើសអើងនៅសហរដ្ឋអាមេរិក៕

ហ្វីលីពីន នឹងនៅតែបន្តអះអាងសិទ្ធិនៅសមុទ្រចិនខាងត្បូង បន្ទាប់ពីកិច្ចព្រមព្រៀងជាមួយចិន

2024/07/23 05:05:52 pm        156
Facebook Telegram Linkin
ក្រសួងការបរទេសហ្វីលីពីន បាននិយាយកាលពីថ្ងៃចន្ទ (២២ កក្កដា) ថា ហ្វីលីពីននឹងបន្តអះអាងសិទ្ធិរបស់ខ្លួននៅក្នុងសមុទ្រចិនខាងត្បូង បន្ទាប់ពីបានឈានដល់ «កិច្ចព្រមព្រៀងបណ្តោះអាសន្ន» ជាមួយប្រទេសចិន អំពីបេសកកម្មផ្គត់ផ្គង់ឡើងវិញរបស់ខ្លួនដល់ថ្មប៉ប្រះទឹក សេខិន ថូម៉ាស ស្ហូល (Second Thomas Shoal) ដែលមានជម្លោះ។ខណៈដែលក្រសួងការបរទេសចិន និងក្រសួងការបរទេសហ្វីលីពីន (DFA) មិនបានផ្តល់ព័ត៌មានលម្អិតពីការរៀបចំនេះ ទីក្រុងម៉ានីលបាននិយាយថា វានឹងមិនធ្វើឱ្យខូចជំហរជាតិរៀងៗខ្លួនរបស់ភាគីទាំងពីរឡើយ។ ក្រសួងការបរទេសចិនបានបញ្ជាក់ពី «ការរៀបចំបណ្តោះអាសន្ននេះ» ដោយភាគីទាំងពីរបានព្រមព្រៀងគ្រប់គ្រងការខ្វែងគំនិតគ្នានៃដែនសមុទ្រ និងកាត់បន្ថយភាពតានតឹង។ចិនទាមទារស្ទើរតែទាំងមូលនៃសមុទ្រចិនខាងត្បូង រួមទាំងដែនទឹក សេខិន ថូម៉ាស ស្ហូល ជាទីដែលហ្វីលីពីន ចតនាវាកងទ័ពជើងទឹកដ៏ចំណាស់ដើម្បីពង្រឹងការទាមទារដែនសមុទ្ររបស់ខ្លួន។ ទីក្រុងម៉ានីល តែងតែបញ្ជូនបេសកកម្មផ្គត់ផ្គង់ដល់ទាហានដែលឈរជើងនៅដែនទឹកនោះ ដោយប្រែក្លាយវាទៅជាចំណុចប៉ះទង្គិចជាមួយទីក្រុងប៉េកាំង។ក្រសួងការបរទេសចិន បានរំលឹកឡើងវិញនូវការទាមទាររបស់ខ្លួនដែលឱ្យហ្វីលីពីនដកនាវាចម្បាំងនោះចេញ ហើយបាននិយាយថាខ្លួននឹងមិនព្រមឱ្យទីក្រុងម៉ានីល ដឹកជញ្ជូនសម្ភារសាងសង់ក្នុងចំនួនដ៏ច្រើនទៅកាន់ដែនទឹកនោះទេ៕

ប្រធានាធិបតីហ្វីលីពីន បញ្ជាឱ្យបិទទីតាំងល្បែងអនឡាញដំណើរការដោយជនជាតិចិន ដែលមានបុគ្គលិករាប់ពាន់នាក់

2024/07/23 05:03:05 pm        297
Facebook Telegram Linkin
ប្រធានាធិបតី ប្រទេសហ្វីលីពីន លោក Ferdinand Marcos Jr កាលពីថ្ងៃចន្ទ បានបញ្ជាឱ្យហាមឃាត់ជាបន្ទាន់ លើប្រតិបត្តិការហ្គេមអនឡាញភាគច្រើនដំណើរការដោយជនជាតិចិន នៅក្នុងប្រទេសហ្វីលីពីន ដោយចោទប្រកាន់ពួកគេ ពីបទហានិភ័យក្នុងឧក្រិដ្ឋកម្ម រួមមានការបោកប្រាស់លុយ ការជួញដូរមនុស្ស ការធ្វើទារុណកម្ម ការចាប់ជំរិត និងអំពើឃាតកម្ម។លោក Marcos បាននិយាយនៅក្នុងសុន្ទរកថារដ្ឋរបស់លោកថា ហ្វីលីពីន នឹងជំរុញកិច្ចខិតខំប្រឹងប្រែងដើម្បីពង្រឹងសមត្ថភាពការពារ ដោយបង្កើតសម្ព័ន្ធភាពសន្តិសុខជាមួយប្រទេសជាមិត្ត ដើម្បីប្រយុទ្ធប្រឆាំងការគំរាមកំហែងដល់ផលប្រយោជន៍ទឹកដីរបស់ខ្លួននៅសមុទ្រចិនខាងត្បូង ហើយប្រទេសរបស់លោក គ្រាន់តែមានបំណងដោះស្រាយជម្លោះតែតាមរយៈការទូតប៉ុណ្ណោះ។ការសម្រេចចិត្តរបស់ លោក Marcos ក្នុងការដាក់បម្រាមការលេងល្បែងតាមប្រព័ន្ធអនឡាញ ដំណើរការដោយជនជាតិចិន ដែលតាមការប៉ាន់ប្រមាណមានចំនួនច្រើនជាង៤០០កន្លែង នៅទូទាំងប្រទេសហ្វីលីពីន និងបានជួលបុគ្គលិកជនជាតិចិន និងពលរដ្ឋនៅអាស៊ីអាគ្នេយ៍រាប់ម៉ឺននាក់ ដែលចំណាត់ការនេះ បានធ្វើឡើងក្នុងពេលមានការបង្ក្រាបរបស់រដ្ឋាភិបាល ដែលកំពុងបន្តគាំទ្រដោយទីក្រុងប៉េកាំង។បម្រាមនេះ បាននាំទៅដល់ការបិទអគារធំៗជាច្រើនកន្លែង ដែលអាជ្ញាធរសង្ស័យថា ជនជាតិចិន វៀតណាម និងជនជាតិផ្សេងទៀតរាប់ពាន់នាក់ ដែលភាគច្រើនមកពីប្រទេសអាស៊ីអាគ្នេយ៍ ត្រូវបានជ្រើសរើសដោយខុសច្បាប់ និងបង្ខំឱ្យធ្វើការក្នុងស្ថានភាពដ៏គួរឱ្យអាណិត។

លោក Netanyahu ប្រឈមនឹងសកម្មភាពថ្លឹងថ្លែងដ៏ជាក់លាក់នៅអាមេរិកបន្ទាប់ពីលោក Biden បោះបង់បេក្ខភាពប្រធានាធិបតី

2024/07/23 05:00:38 pm        137
Facebook Telegram Linkin
លោកនាយករដ្ឋមន្ត្រីអ៊ីស្រាអែល Benjamin Netanyahu បានបំពេញទស្សនកិច្ចនៅសហរដ្ឋអាមេរិកក្នុងសប្តាហ៍នេះក្រោមសម្ពាធដើម្បីបញ្ចប់សង្រ្គាមនៅក្នុងដែនដីហ្កាហ្សា ដែលជាបំណងទាំងពីអ៊ីស្រាអែល ទាំងពីរដ្ឋបាលអាមេរិក។ តើភាពចលាចលខាងនយោបាយនៅក្រុងវ៉ាស៊ីនតោន អាចប៉ះពាល់ យ៉ាងណាខ្លះដល់ដំណើរទស្សនកិច្ច និងទំនាក់ទំនងនាពេលអនាគត?។ លោក Netanyahu គ្រោងជួបលោក Joe Biden ប្រសិនបើលោកប្រធានាធិបតីបានជាសះស្បើយពីជំងឺ Covid-19 ហើយថ្លែងសុន្ទរកថាក្នុងសម័យប្រជុំរួមនៃសភា ជាមេដឹកនាំបរទេសតែមួយគត់ដែលធ្វើដូច្នេះជាលើកទីបួន។ដំណើរនេះផ្តល់ឱ្យលោកនូវវេទិកាមួយសម្រាប់កំណត់ឡើងវិញជាមួយទីក្រុងវ៉ាស៊ីនតោន បន្ទាប់ពីភាពតានតឹងជាច្រើនខែជុំវិញវិធីសាស្រ្តរឹងរូសរបស់លោកចំពោះសង្រ្គាម និងជាឱកាសដើម្បីព្យាយាម បញ្ចុះបញ្ចូលប្រជាជនអ៊ីស្រាអែលថា រូបលោកពុំបានធ្វើឱ្យប្រេះស្រាំទំនាក់ទំនងជាមួយសម្ព័ន្ធមិត្តដ៏សំខាន់បំផុតរបស់ពួកគេនោះទេ។ ប៉ុន្តែដំណើរ និងបំណងរបស់លោក ត្រូវបានធ្វើឲ្យស្រអាប់ខ្លាំង ដោយការសម្រេចចិត្តរបស់ប្រធានាធិបតីលោក Biden មិនស្វែងរកការបោះឆ្នោតឡើងវិញ ដោយបង្ហាញពីភាពមិនច្បាស់លាស់ខាងនយោបាយអំពីដៃគូបន្ទាប់របស់អ៊ីស្រាអែលនៅក្នុងសេតវិមាន ។អំឡុងទស្សនកិច្ចរបស់លោក លោក Netanyahu ក៏បានស្នើសុំជួបលោក Trumpផងដែរ៕

លោកស្រី Harris បើកយុទ្ធនាការបោះឆ្នោតប្រធានាធិបតីលើកដំបូងចាប់តាំងពីលោក Biden រុញឲ្យទល់នឹងលោកTrump

2024/07/23 04:54:19 pm        190
Facebook Telegram Linkin
លោកស្រីអនុប្រធានាធិបតីអាមេរិក Kamala Harris បានបង្ហាញខ្លួនជាសាធារណៈលើកដំបូងកាលពីថ្ងៃចន្ទសប្ដាហ៍នេះ ចាប់តាំងពីបានចូលប្រកួតប្រជែងតំណែងប្រធានាធិបតី បន្ទាប់ពីលោកប្រធានាធិបតី Joe Biden វ័យ៨១ឆ្នាំ បានបញ្ចប់យុទ្ធនាការបោះឆ្នោតឡើងវិញភ្លាមៗកាលពីថ្ងៃអាទិត្យ ហើយបានគាំទ្រលោកស្រីជាអ្នកស្នងតំណែងរបស់លោករុញឲ្យតតាំងជាមួយលោកTrump។ដោយលោកស្រីបានសរសើរសមិទ្ធផលរបស់លោកប្រធានាធិបតី Joe Biden ។ លោកស្រី Harris បាននិយាយនៅឯព្រឹត្តិការណ៍នៅសេតវិមានថា"កេរដំណែលរបស់លោកJoe Biden ក្នុងរយៈពេលបីឆ្នាំចុងក្រោយនេះគឺមិនអាចប្រៀបផ្ទឹមបាននៅក្នុងប្រវត្តិសាស្រ្តសម័យទំនើប"។ "ជារៀងរាល់ថ្ងៃ ប្រធានាធិបតីរបស់យើង លោក Joe Biden តស៊ូដើម្បីប្រជាជនអាមេរិក ហើយយើងមានការដឹងគុណយ៉ាងជ្រាលជ្រៅ ចំពោះការបម្រើរបស់លោកចំពោះជាតិរបស់យើង" ។ លោកស្រី Harris មិនបានសំដៅជាទៅលើឋានៈថ្មីរបស់លោកស្រីជាបេក្ខជននាំមុខនៃគណបក្សប្រជាធិបតេយ្យសម្រាប់បេក្ខជនប្រធានាធិបតីបន្ទាប់ពីលោក Biden ដែលបានប្រកាសកាលពីថ្ងៃអាទិត្យថាលោកកំពុងដើរចេញក្រោមសម្ពាធកាន់តែខ្លាំងពីសមាជិកគណបក្សប្រជាធិបតេយ្យ។ ការចាកចេញរបស់លោក Biden គឺជាការតក់ស្លុតចុងក្រោយបំផុតចំពោះការប្រកួតប្រជែងកៅអីនៅសេតវិមាន ដែលរាប់បញ្ចូលទាំងការលួចធ្វើឃាតអតីតប្រធានាធិបតី Trump មិនបានសម្រេច ដោយខ្មាន់កាំភ្លើងម្នាក់ ក្នុងអំឡុងពេលយុទ្ធនាការ និងការតែងតាំងសមាជិកព្រឹទ្ធសភាអាមេរិក លោក J.D. Vance ជាអនុប្រធានាធិបតីរបស់លោក Trump៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.