នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ប្រសាសន៍សំខាន់ៗរបស់សម្តេចធិបតី ក្នុងពិធីបញ្ចុះបឋមសិលាសាងសង់សារមន្ទីរសម្តេចព្រះព្រហ្មរតនមន្នី ពិន សែមរាជបូព៌

2024/07/18 04:07:49 pm        366
Facebook Telegram Linkin
សៀមរាប៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត នៅព្រឹកថ្ងៃទី​១៨ ខែកក្កដា ឆ្នាំ២០២៤ បានអញ្ជើញជាអធិបតីក្នុងពិធី បញ្ចុះបឋមសិលាសាងសង់សារមន្ទីរសម្តេចព្រះព្រហ្មរតនមន្នី ពិន សែមរាជបូព៌ ដែលមានទីតាំងស្ថិតនៅភូមិ វត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ប្រសាសន៍សំខាន់ៗរបស់សម្តេចធិបតីហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត ថ្លែងថា ព្រះពុទ្ធសាសនាបានដើរតួនាទី យ៉ាងសំខាន់ក្នុងការបណ្តុះបណ្តាលបញ្ញាស្មារតី ហើយជាថ្នាលមួយបណ្តុះនូវបញ្ញវន្ត សម្រាប់ការអភិវឌ្ឍប្រទេសជាតិផងដែរ។-សម្តេចធិបតីនាយករដ្ឋមន្ត្រីបានអះអាងថា សង្រ្គាមមិនត្រឹមតែធ្វើឲ្យប្រជាពលរដ្ឋបែកបាក់កូនចៅ ប្តី ប្រពន្ធ ឱពុកម្តាយប៉ុណ្ណោះទេ សូម្បីតែរូបចំឡាក់ខ្មែរក៏ត្រូវបានបែកបាក់ផងដែរ ទោះយ៉ាងណាពេលនេះប្រទេសមានសុខសន្តិភាពព្រលឹងដូនតាយើងដែលបានធ្វើចេញពីថ្ម ក៏បានកំពុងមកវិលត្រឡប់មកវិញជាបន្តបន្ទាប់។-សម្តេចធិបតី ហ៊ុន ម៉ាណែត បានប្រកាសថា រហូតដល់ពេលនេះកម្ពុជាបានរំដោះគ្រាប់មីន និងគ្រាប់យុទ្ធភ័ណ្ឌមិនទាន់ផ្ទុះដែលសល់ពីសម័យសង្រ្គាមបានចំនួនជាងបីពាន់គីឡូម៉ែត្រការ៉េ ខណៈនៅសល់ជាងមួយពាន់គីឡូម៉ែត្រការ៉េទៀតកម្លាំងជំនាញកំពុងបន្តរំដោះបន្ថែមទៀត ដើម្បីសុវត្ថិភាព របស់ប្រជាជនខ្មែរទាំងមូល។-សម្តេចធិបតី ហ៊ុន ម៉ាណែត រំលឹកជាថ្មីម្តងទៀតថា «កត្តាសន្តិភាព»នៅតែសំខាន់សម្រាប់កម្ពុជា និងមនុស្សជាតិទាំងមូលនៅលើពិភពលោក។ សុខសន្តិភាពបានធ្វើឲ្យប្រទេសកម្ពុជាមានការអភិវឌ្ឍជាបន្តបន្ទាប់។-សម្តេចធិបតីនាយករដ្ឋមន្រ្តីបានអះអាងថា វិស័យទេសចរណ៍ដូចគ្នាទៅនឹងវិស័យកសិកម្មយ៉ាងដូច្នេះដែរពោលគឺមានរដូវរបស់វា។ ការលើកឡើងរបស់សម្តេចធិបតី នេះគឺឆ្លើយតបទៅនឹងការរិះគន់នានាចំពោះភាពស្ងៀមស្ងាត់ភ្ញៀវទេសចរនៅខេត្តសៀមរាប។-សម្តេចធិបតី ហ៊ុន ម៉ាណែត អំពាវនាវដល់បងប្អូនប្រជាពលរដ្ឋទាំងអស់គប្បី រួមគ្នាថែទាំ និងអភិរក្សសម្បត្តិវប្បធម៌ដែលដូនតាខ្មែរបន្សល់ទុកឲ្យ ដើម្បីជាការទាក់ទាញឲ្យកាន់ តែសម្បូរបែបបន្ថែមទៀត សម្រាប់វិស័យទេសចរណ៍នៅកម្ពុជា។-សម្ដេចធិបតី ហ៊ុន ម៉ាណែត បានបញ្ជាក់ថា នៅឆ្នាំទី១ នៃការកាន់តំណែងរបស់សម្ដេចជានាយករដ្ឋមន្រ្ដីនេះ សម្ដេចយកចិត្តទុកដាក់ខ្លាំងលើការរៀបចំរចនាសម្ព័ន្ធតាមក្រសួងស្ថាប័ន និងជំនួបនានានៅក្រៅប្រទេស ប៉ុន្ដែចាប់ពីឆ្នាំទី២ ទៅសម្ដេចនឹងចុះទៅដោយផ្ទាល់នៅថ្នាក់ក្រោមជាតិ ហើយការចុះទៅនេះគឺនឹងមិនប្រាប់ឱ្យដឹងមុនឡើយ។-សម្ដេចធិបតី ហ៊ុន ម៉ាណែត បានចាត់ទុកបញ្ហាដែលបានកើតឡើងក្នុងពេលសម្ដេចកំពុងដឹកនាំនេះគឺជាវិញ្ញាសាដែលត្រូវដោះស្រាយដើម្បីឱ្យបានប្រសើរជាងមុន។សូមបញ្ជាក់វត្តបូព៌ស្ថិតតាមដងស្ទឹងសៀមរាបត្រើយខាងកើត ក្នុងវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ ក្នុងទីធ្លាវត្តមានព្រះវិហារចាស់ ដែលមានគំនូរបុរាណរឿងរាមកេរ្តិ៍ ដ៏ល្អវិចិត្រនៅលើផ្ទៃជញ្ជាំងខាងក្នុង ហើយនៅលើបង្អួចខាងក្រៅ មានចម្លាក់លានដកស្រង់ចេញពីរឿងរាមកេរ្តិ៍ដ៏រស់រវើកដូចគ្នា។ ភស្តុតាងពីការវិភាគរូបថតពីលើអាកាសបានបង្ហាញថា ទីតាំងវត្តនេះស្ថិតនៅទីតាំងចាស់ ដែលអាចមានការប្រើប្រាស់តាំងពីសម័យ បុរាណ។ 

ព្រះករុណាព្រះមហាក្សត្រ ព្រះបរមរាជានុញ្ញាតជូនឯកអគ្គរដ្ឋទូតតែងតាំងថ្មី នៃប្រទេសចិន ចូលក្រាបបង្គំគាល់ និងថ្វាយសារតាំង

2024/07/17 10:36:14 pm        413
Facebook Telegram Linkin
ព្រះករុណាជាអម្ចាស់ជីវិតលើត្បូងព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជទាន ឯកឧត្តម Wang Wenbin ចូលក្រាបថ្វាយបង្គំគាល់ និងថ្វាយសារតាំងនៅព្រះទីនាំងទេវាវិនិច្ឆ័យ ព្រះបរម រាជវាំង នាព្រឹកថ្ងៃទី១៧ ខែកក្កដា ឆ្នាំ២០២៤ ក្នុងឱកាសដែល ឯកឧត្តមត្រូវបានរដ្ឋាភិបាលនៃសាធារណរដ្ឋប្រជាមានិតចិន តែងតាំង​ជាឯកអគ្គរដ្ឋទូតវិសាមញ្ញ និងពេញសមត្ថភាពរបស់ប្រទេសចិន ប្រចាំព្រះរាជាណាចក្រកម្ពុជា។

រុស្ស៊ី៖ ការឱ្យអ៊ុយក្រែន ចូលជាសមាជិក NATO ស្មើនឹងការប្រកាសសង្គ្រាមជាមួយទីក្រុងមូស្គូ

2024/07/17 09:14:26 pm        330
Facebook Telegram Linkin
អតីតប្រធានាធិបតីរុស្ស៊ី លោក ឌីមីទ្រី ម៉េដវ៉េដេវ (Dmitry Medvedev) បាននិយាយថា ការដាក់បញ្ចូលអ៊ុយក្រែន ទៅក្នុងអង្គការណាតូ (NATO) នឹងក្លាយជាការប្រកាសសង្រ្គាមប្រឆាំងនឹងទីក្រុងមូស្គូ ហើយមានតែ «ការបញ្ចៀស» មិនឱ្យក្លាយជាតំណាងសម្ព័ន្ធយោធានេះប៉ុណ្ណោះ ដែលអាចការពារភពផែនដីមិនឱ្យខ្ទេចខ្ទីបាន។បណ្ដាមេដឹកនាំនៃអង្គការសន្ធិសញ្ញាអាត្លង់ទិកខាងជើង (NATO) បានសន្យានៅក្នុងកិច្ចប្រជុំកំពូលកាលពីសប្តាហ៍មុន ថាគាំទ្រអ៊ុយក្រែន លើ «ផ្លូវដែលមិនអាចត្រឡប់ក្រោយឆ្ពោះទៅរកសមាហរណកម្មអឺរ៉ុប-អាត្លង់ទិកពេញលេញ រួមទាំងសមាជិកភាពណាតូ» ប៉ុន្តែបានមិនបានបញ្ជាក់ថាពេលណាដែលសមាជិកភាពនោះអាចកើតឡើងទេ។លោក Medvedev ដែលបច្ចុប្បន្នជាអនុប្រធានក្រុមប្រឹក្សាសន្តិសុខរបស់រុស្ស៊ី និងជាសំឡេងនាំមុខគេក្នុងចំណោមថ្នាក់ដឹកនាំវិមានក្រឹមឡាំង បានប្រាប់សារព័ត៌មាន Fakty ថា សមាជិកភាពរបស់អ៊ុយក្រែន នឹងលើសពីការគំរាមកំហែងដោយផ្ទាល់ដល់សន្តិសុខរបស់ទីក្រុងមូស្គូ។នៅលើខ្សែបន្ទាត់ស្តង់ដាររបស់វិមានក្រឹមឡាំងចាប់តាំងពីប្រតិបត្តិការយោធាលើអ៊ុយក្រែនមក លោក Medvedev បាននិយាយថា រុស្ស៊ីមិនបានគំរាមកំហែងណាតូទេ ប៉ុន្តែនឹងឆ្លើយតបទៅនឹងការប៉ុនប៉ងរបស់សម្ព័ន្ធយោធាក្នុងការរំលោភលើផលប្រយោជន៍ខ្លួន។ លោក Medvedev ដែលក្នុងពេលកាន់តំណែងជាប្រធានាធិបតីឆ្នាំ២០០៨-២០១២ របស់លោកត្រូវបានគេចាត់ទុកថាជាអ្នកគាំទ្រលោកខាងលិច បានក្លាយខ្លួនជាសត្រូវរបស់ប្លុកនេះ ដោយព្រមានសហរដ្ឋអាមេរិក និងសម្ព័ន្ធមិត្តរបស់ខ្លួនថា ការបំពាក់អាវុធដល់ទីក្រុងគីវ អាចនាំទៅរក «ការផ្ទុះអាវុធនុយក្លេអ៊ែរ»៕

អ៊ុយក្រែន និងក្រុមហ៊ុនសាធារណរដ្ឋឆេក នឹងសាងសង់រោងចក្រផលិតគ្រាប់រំសេវនៅអ៊ុយក្រែន

2024/07/17 06:59:48 pm        175
Facebook Telegram Linkin
នាយករដ្ឋមន្ត្រីអ៊ុយក្រែន លោក Denys Shmyhal បាននិយាយកាលពីថ្ងៃអង្គារ បន្ទាប់ពីកិច្ចប្រជុំរដ្ឋាភិបាលរួមគ្នានៅទីក្រុងប្រាក(Prague)សាធារណរដ្ឋឆេកថា ក្រុមហ៊ុនរដ្ឋ អ៊ូក្រូបូរ៉ូសឺវីស( Ukroboronservice) និងក្រុមហ៊ុនផលិតគ្រាប់រំសេវ Sellier & Bellot របស់សាធារណរដ្ឋឆេក គ្រោងនឹងសាងសង់រោងចក្រផលិតគ្រាប់រំសេវ នៅក្នុងប្រទេសអ៊ុយក្រែន។សាធារណរដ្ឋឆេក គឺជាអ្នកគាំទ្រដ៏សំខាន់មួយរបស់ទីក្រុងគីវ ក្នុងការប្រយុទ្ធ ដើម្បីវាយរុញច្រានអ្នកឈ្លានពានរុស្ស៊ី ដោយបានដឹកនាំគំនិតផ្តួចផ្តើមមួយ ដែលបានផ្តល់ប្រភពគ្រាប់រំសេវរាប់ម៉ឺនគ្រាប់ពីជុំវិញពិភពលោក។ លោក Shmyhal និយាយថា ក្នុងចំណោមកិច្ចព្រមព្រៀងផ្សេងទៀត នៅក្នុងឧស្សាហកម្មការពារជាតិ រោងចក្រជុំថ្មីមួយ នឹងត្រូវបានសាងសង់នៅក្នុងប្រទេសអ៊ុយក្រែន។ កិច្ចព្រមព្រៀងត្រូវបានចុះហត្ថលេខារវាងក្រុមហ៊ុន Sellier & Bellot និងក្រុមហ៊ុន Ukroboronservice។លោក Shmyhal និយាយថា ប្រទេសអ៊ុយក្រែន បានទទួលគ្រាប់រំសេវបាញ់ផ្លោងចំនួន ៥០.០០០ គ្រាប់ ដំបូងពីគំនិតផ្តួចផ្តើមរបស់ប្រទេសឆេក ដែលបានចាប់ផ្តើមកាលពីដើមឆ្នាំនេះ។ នាយករដ្ឋមន្ត្រីរបស់សាធារណរដ្ឋឆេក លោក Petr Fiala បាននិយាយថា ការជំរុញគ្រាប់រំសេវ គួរតែបន្តរហូតដល់ឆ្នាំក្រោយ។ គ្រាប់កាំភ្លើងធំប្រហែលកន្លះលានគ្រាប់ ត្រូវបានគេរំពឹងថានឹងបញ្ជូនទៅកាន់ប្រទេសអ៊ុយក្រែន នៅឆ្នាំនេះ ពីការជំរុញរបស់សាធារណរដ្ឋឆេក ដែលប្រើប្រាស់ការរួមចំណែកពីបណ្តារដ្ឋ និងសម្ព័ន្ធមិត្តរបស់អង្គការណាតូ ចំពោះប្រភពគ្រាប់រំសេវនៅក្រៅសហភាពអឺរ៉ុប។

នាយករដ្ឋមន្រ្តីបារាំង បានលាលែងពីតំណែង ខណៈនៅបន្តតួនាទីជារដ្ឋាភិបាលចាំផ្ទះ

2024/07/17 06:55:57 pm        123
Facebook Telegram Linkin
ប្រធានាធិបតីបារាំង លោក អ៊ីម៉ានុយអែល ម៉ាក្រុង (Emmanuel Macron) បានទទួលយកការលាលែងពីតំណែងរបស់នាយករដ្ឋមន្ត្រីកណ្តាលនិយម លោក ហ្កាប្រ៊ីយ៉ែល អាតាល់ (Gabriel Attal) និងរដ្ឋាភិបាលរបស់លោកកាលពីថ្ងៃអង្គារ (១៦ កក្កដា) ប៉ុន្តែនឹងបន្តនៅក្នុងតួនាទីជារដ្ឋាភិបាលចាំផ្ទះរហូតដល់គណៈរដ្ឋមន្ត្រីថ្មីត្រូវបានតែងតាំង។ក្រុមអ្នកជំនាញបាននិយាយថា រដ្ឋាភិបាលចាំផ្ទះនឹងដំណើរការកិច្ចការបច្ចុប្បន្ននៅក្នុងប្រទេសសេដ្ឋកិច្ចធំបំផុតទីពីររបស់តំបន់ចាយប្រាក់អឺរ៉ូមួយនេះ ប៉ុន្តែមិនអាចដាក់ច្បាប់ថ្មីទៅសភា ឬធ្វើការផ្លាស់ប្តូរសំខាន់ៗណាមួយបានឡើយ។ តួនាទីរបស់រដ្ឋាភិបាលនេះនឹងរួមបញ្ចូលទាំងការធ្វើឱ្យប្រាកដថាការប្រកួតកីឡាអូឡាំពិក ដែលនឹងចាប់ផ្តើមនៅថ្ងៃទី២៦ ខែកក្កដា ដំណើរការដោយរលូន។ធ្លាប់មានរដ្ឋាភិបាលចាំផ្ទះពីមុនមកនៅបារាំង ប៉ុន្តែពុំមានរដ្ឋាភិបាលណាមួយដែលនៅបន្តលើសពីប៉ុន្មានថ្ងៃនោះទេ។ មិនមានការកំណត់ទេលើថា តើរដ្ឋាភិបាលស្តីទីអាចបន្តកាន់កាប់បានរយៈពេលប៉ុន្មាន ព្រោះសភាមិនអាចបង្ខំរដ្ឋាភិបាលចាំផ្ទះឱ្យចុះចេញបានឡើយ។ ច្បាប់ដ៏តឹងរ៉ឹងលើការបែងចែកអំណាចជាធម្មតាមិនអនុញ្ញាតឱ្យរដ្ឋមន្ត្រីបារាំងធ្វើជាសមាជិកសភាក្នុងពេលដំណាលគ្នានោះទេ ប៉ុន្តែក្រុមអ្នកជំនាញនិយាយថា ការលាលែងពីតំណែងនេះ បើទោះបីជាពួកគេបន្តស្ថិតក្នុងតួនាទីរដ្ឋាភិបាលចាំផ្ទះក៏ដោយ ក៏នឹងអនុញ្ញាតឱ្យលោក Attal និងសមាជិកដទៃទៀតនៃរដ្ឋាភិបាល អាចនៅក្នុងសភា និងចូលរួមក្នុងការបោះឆ្នោតជ្រើសរើសប្រធានសភានាពេលខាងមុខនេះដែរ៕

ចិន និងរុស្ស៊ី ចាប់ផ្តើមសមយុទ្ធបាញ់គ្រាប់ពិតរបស់ទ័ពជើងទឹកនៅសមុទ្រចិនខាងត្បូង

2024/07/17 06:50:04 pm        150
Facebook Telegram Linkin
សារព័ត៌មាន គ្លូបបល ថែមស៍ (Global Times) ដែលគ្រប់គ្រងដោយរដ្ឋបានរាយការណ៍ថា ប្រទេសចិន និងរុស្ស៊ី បានចាប់ផ្តើមសមយុទ្ធបាញ់គ្រាប់ពិតរបស់កងទ័ពជើងទឹកនៅសមុទ្រចិនខាងត្បូង ខណៈភាគីទាំងពីរបានពង្រឹងទំនាក់ទំនងយោធា និងពាណិជ្ជកម្មក្នុងរយៈពេលប៉ុន្មានឆ្នាំចុងក្រោយនេះ បន្ទាប់ពីការដាក់ទណ្ឌកម្មរបស់សហរដ្ឋអាមេរិកលើប្រទេសទាំងពីរ។របាយការណ៍បាននិយាយដោយដកស្រង់សំដីកងទ័ពជើងទឹករំដោះប្រជាជនចិនថា ចិន និងរុស្ស៊ី នឹងបញ្ជូននាវាយ៉ាងហោចណាស់ចំនួន ៣ គ្រឿងក្នុងភាគីម្ខាងៗសម្រាប់សមយុទ្ធរយៈពេល ៣ថ្ងៃនេះ។ ប្រព័ន្ធផ្សព្វផ្សាយរដ្ឋផ្សេងទៀតបាននិយាយថា សមយុទ្ធនេះធ្វើឡើងបន្ទាប់ពីបញ្ចប់ការល្បាតរួមគ្នារបស់កងទ័ពជើងទឹកដាច់ដោយឡែកមួយនៅភាគខាងជើងសមុទ្រប៉ាស៊ីហ្វិក។យោងតាមកងនាវាចរសមុទ្រខាងត្បូងរបស់កងទ័ពរំដោះប្រជាជនចិន បាននិយាយកាលពីល្ងាចថ្ងៃអង្គារ (១៦ កក្កដា) ថា សមយុទ្ធមួយនេះនឹងមើលឃើញកងនាវាចម្បាំងអនុវត្តការហ្វឹកហ្វឺនបាញ់គ្រាប់ពិត ការឈ្លបយកការណ៍ និងការព្រមានជាមុន ការស្វែងរក និងជួយសង្គ្រោះ ព្រមទាំងការការពារដែនអាកាស។ របាយការណ៍មិនបានបញ្ជាក់ថាតើសមយុទ្ធនឹងប្រព្រឹត្តទៅនៅកន្លែងណាក្នុងផ្លូវទឹកនជម្លោះនោះទេ។ចិនអះអាងការគ្រប់គ្រងលើសមុទ្រចិនខាងត្បូងស្ទើរតែទាំងមូល រួមទាំងដែនទឹកជម្លោះ សេខិន ថូម៉ាស ស្ហូល (Second Thomas Shoal) ដែលជាចំណុចកណ្តាលនៃការប្រឈមមុខដាក់គ្នានាពេលថ្មីៗនេះរវាងចិន និងហ្វីលីពីន។ កំណើនភាពតានតឹងបានធ្វើឱ្យក្រុមមន្ត្រីអាមេរិក រំលឹកទីក្រុងប៉េកាំងថា កាតព្វកិច្ចក្នុងកិច្ចព្រមព្រៀងការពារទៅវិញទៅមករបស់ពួកគេជាមួយនឹងហ្វីលីពីន គឺមានភាពរឹងមាំ៕

អឺរ៉ុបបារម្ភពីជំហរប្រឆាំងជំនួយអ៊ុយក្រែន របស់អនុប្រធានាធិបតីដែលលោក Trump ជ្រើសរើស

2024/07/17 06:42:52 pm        100
Facebook Telegram Linkin
កាលពីខែកុម្ភៈ ឥស្សរជននយោបាយ និងគោលនយោបាយការបរទេសរបស់អឺរ៉ុប បានឮដោយផ្ទាល់ពីព្រឹទ្ធសមាជិក លោក ជេឌី វែនស៍ (J.D. Vance) ដែលជាអនុប្រធានាធិបតីរបស់លោក Donald Trump ក្នុងការប្រជែងតំណែង អំពីការប្រឆាំងរបស់លោកចំពោះជំនួយយោធាអ៊ុយក្រែន និងការព្រមានដោយត្រង់របស់លោកថា អឺរ៉ុបនឹងត្រូវពឹងផ្អែកតិចតួចលើសហរដ្ឋអាមេរិកដើម្បីការពារទ្វីបនេះ។សារដាស់តឿនក្នុងការលើកឡើងនៅសន្និសិទសន្តិសុខទីក្រុងម៉ូនិច (Munich) នោះ ធ្វើឱ្យកណ្តឹងប្រកាសអាសន្នកំពុងបន្លឺឡើងពេញទ្វីបអឺរ៉ុប ប្រសិនបើលោក Trump និងលោក Vance ឈ្នះការបោះឆ្នោតអាមេរិក នៅខែវិច្ឆិកា ខាងមុខនេះ។ជម្រើសនេះបានធ្វើឱ្យមានការភ័យខ្លាចនៅក្នុងទ្វីបអឺរ៉ុបថា ប្រសិនបើលោក Trump ជាប់ឆ្នោត លោកនឹងលុបចោល ឬកាត់បន្ថយការគាំទ្ររបស់អាមេរិកសម្រាប់ទីក្រុងគីវ និងបង្ខំឱ្យអ៊ុយក្រែន ចូលតុចរចាសន្តិភាពដើម្បីបញ្ចប់សង្រ្គាម ដែលនឹងផ្តល់ឱ្យទីក្រុងមូស្គូ នូវចំណែកទឹកដីដ៏ច្រើនរបស់អ៊ុយក្រែន ហើយអាចឱ្យប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បន្តដំណើរផ្សងព្រេងយោធារបស់ខ្លួនបន្ថែមទៀត។ នៅទីក្រុង Munich លោក Vance បានលើកឡើងពីការតស៊ូមតិសម្រាប់ «ការចរចាសន្តិភាព» ហើយបាននិយាយថា លោកគិតថារុស្ស៊ីមានចិត្តចង់ចរចា។ ជំហរនោះផ្ទុយស្រឡះពីទស្សនៈរបស់បណ្ដាមេដឹកនាំអឺរ៉ុបភាគច្រើន ដែលប្រកែកថាលោកខាងលិចគួរតែបន្តគាំទ្រអ៊ុយក្រែនយ៉ាងពេញទំហឹងជាមួយនឹងជំនួយយោធា ហើយនិយាយថាពួកគេមើលមិនឃើញសញ្ញាណាមួយដែលបង្ហាញថាលោក Putin មានឆន្ទៈក្នុងការចរចារពិតប្រាកដនោះទេ៕

ការស្ទង់មតិ៖ ជនជាតិអាមេរិកប្រហែល ៨០% បារម្ភថាប្រទេសនេះកំពុងធ្លាក់ក្នុងភាពវឹកវរ

2024/07/17 06:38:44 pm        125
Facebook Telegram Linkin
ការស្ទង់មតិរបស់ រ៉យទ័រ និងអ៊ីបសូស (Reuters/Ipsos) ដែលបានបិទកាលពីថ្ងៃអង្គារ (១៦ កក្កដា) បានរកឃើញថា ប្រជាជនអាមេរិកកំពុងភ័យខ្លាចថាប្រទេសរបស់ពួកគេកំពុងធ្លាក់ចូលទៅក្នុងភាពចលាចល បន្ទាប់ពីការប៉ុនប៉ងធ្វើឃាតលើលោក Donald Trump ជាមួយនឹងការព្រួយបារម្ភកាន់តែខ្លាំងឡើងថាការបោះឆ្នោតនៅថ្ងៃទី០៥ ខែវិច្ឆិកា អាចបង្កឱ្យមានអំពើហិង្សានយោបាយបន្ថែមទៀត។ការស្ទង់មតិរយៈពេលពីរថ្ងៃនេះបានរកឃើញថា បេក្ខភាពប្រធានាធិបតីមកពីបក្សសាធារណរដ្ឋ លោក Trump ទទួលបានការគាំទ្រ ៤៣ភាគរយក្នុងចំណោមអ្នកបោះឆ្នោតដែលបានចុះឈ្មោះស្ទង់មតិ ទល់នឹងតួលេខ ៤១ ភាគរយរបស់ប្រធានាធិបតីអាមេរិកបក្សប្រជាធិបតេយ្យ លោក Joe Biden ដែលនេះបង្ហាញថាការប៉ុនប៉ងធ្វើឃាតលើលោក Trump មិនបានជំរុញឱ្យមានការផ្លាស់ប្តូរចំពោះអារម្មណ៍អ្នកបោះឆ្នោតទេ។ប៉ុន្តែ ៨០ ភាគរយនៃអ្នកបោះឆ្នោតបាននិយាយថា ពួកគេយល់ស្របជាមួយនឹងការលើកឡើងដែលថា «ប្រទេសនេះកំពុងធ្លាក់ក្នុងភាពវឹកវរ»។ លោក Trump បានគេចផុតពីការស្លាប់កាលពីថ្ងៃសៅរ៍ នៅពេលខ្មាន់កាំភ្លើងបានបាញ់ចំត្រចៀករបស់លោក នៅក្នុងការប្រមូលផ្តុំយុទ្ធនាការបោះឆ្នោតមួយក្នុងរដ្ឋ ផិនស៊ីលវេនៀ (Pennsylvania)។ចំនួន ៨៤ ភាគរយនៃអ្នកបោះឆ្នោតនៅក្នុងការស្ទង់មតិបាននិយាយថា ពួកគេបារម្ភថាពួកជ្រុលនិយមនឹងប្រព្រឹត្តអំពើហិង្សាក្រោយការបោះឆ្នោត ដោយនេះជាកំណើន ១០ភាគរយពីលទ្ធផលការស្ទង់មតិក្នុងខែឧសភា ដែលបង្ហាញថាអ្នកបោះឆ្នោតត្រឹមតែ ៧៤ ភាគរយប៉ុណ្ណោះដែលមានការភ័យខ្លាចបែបនេះ៕

សម្តេចធិបតី ហ៊ុន ម៉ាណែត៖ នយោបាយ ឈ្នះ-ឈ្នះ គឺជាមូលដ្ឋានគ្រឹះ នៃការរក្សាសន្តិភាពយូរអង្វែង

2024/07/16 07:51:39 pm        141
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានបញ្ជាក់ថា នយោបាយឈ្នះ- ឈ្នះ គឺជាមូលដ្ឋានគ្រឹះនៃការរក្សាសន្តិភាពយូរអង្វែង ដោយហេតុថា នយោបាយឈ្នះ-ឈ្នះនេះ បានលុបបំបាត់ការរើសអើងខាងជាតិសាសន៍ សាសនា និងរវាងក្រុមមនុស្ស ព្រមទាំង​បាន​ផ្ដល់​លទ្ធភាពដល់ពលរដ្ឋខ្មែរទាំងអស់រួមរស់សុខដុមរមនាក្នុងសង្គមជាមួយគ្នាថែមទៀតផង។សម្ដេចធិបតីបានបញ្ជាក់បែបនេះ ក្នុងឱកាសអញ្ជើញជាធិបតីសម្ពោធសមិទ្ធផល នៅ​អគារ​អនុវត្ត​មុខងារ​សេសសល់របស់អង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ថា អ.វ.ត.ក. នៅព្រឹក​ថ្ងៃ​ទី១៦ ខែកក្កដានេះ។ ក្នុងឱកាស​នោះ​សម្តេចធិបតី​បាន​សម្ដែង​នូវ​ការ​គោរព​អរគុណ​ដឹង​គុណ​យ៉ាងជ្រាលជ្រៅបំផុត និងចងចាំជានិច្ចចំពោះស្នាដៃ និងគុណូបការៈដ៏ធំធេង​មិន​អាច​កាត់​ថ្លៃ​បានរបស់ សម្តេចអគ្គមហាសេនាបតីតេជោ ហ៊ុន សែន ដែលបានរំដោះប្រទេសជាតិ ចេញ​ពី​របបប្រល័យពូជសាសន៍ប៉ុលពត និងបាននាំមកនូវសុខសន្តិភាព, ការបង្រួបបង្រួមជាតិ, ឯកភាព​ជាតិ និងឯកភាពទឹកដី ក្នុងប្រវត្តិសាស្ត្រ ៥០០ ឆ្នាំរបស់ខ្លួន តាមរយៈការដាក់ចេញនូវ នយោបាយ ឈ្នះ-ឈ្នះ។សម្តេធិបតីបញ្ជាក់ថា តាមរយៈនយោបាយឈ្នះ-ឈ្នះនេះ រាជរដ្ឋាភិបាលកម្ពុជា ក៏បានបង្កើត អ.វ.ត.ក. ដោយ មានកិច្ចសហការដ៏ល្អប្រសើរពីអង្គការសហប្រជាតិ និងការ​ឧបត្ថម្ភ​គាំទ្រជា​ថវិ​កា​ពី​សហគមន៍ អន្តរជាតិ ដើម្បីផ្ដល់យុត្តិធម៌ដល់ជនរងគ្រោះនៃរបបខ្មែរក្រហម, ការផ្សះ​ផ្សា​សង្គម​ដែល​បែក​បាក់, ការលុបបំបាត់វប្បធម៌និទណ្ឌភាព និងជាការផ្តល់សារ​មួយ​សម្រាប់​មេដឹកនាំ​នៃ​បណ្តា​ប្រទេស​ទូទាំងពិភពលោកអំពីផលវិបាក នៃ​ការ​ប្រព្រឹត្ត​អំពើ​សាហាវ​យង់ឃ្នង​ព្រៃផ្សៃ​របស់​ពួកគេ។សូមជម្រាបថា នយោបាយឈ្នះឈ្នះ គឺជារូបមន្តបញ្ចប់សង្គ្រាមដ៏ល្អឯករបស់កម្ពុជា ដែល​ពិភព​លោក​គួររៀនសូត្រ ខណៈសម្តេចតេជោ ហ៊ុន សែន គឺជាបិតាស្ថាបនិក និងប្រតិបត្តិករ​ផ្ទាល់​បង្កើត​នយោបាយ​ឈ្នះឈ្នះនេះ ក្នុងបេសកកម្មស្វែងរកសន្តិភាព និងការផ្សះផ្សាជាតិជូន​មាតុភូមិ​កម្ពុជា​។ នយោបាយឈ្នះឈ្នះ ដែលជារូបមន្តដ៏ស័ក្តិសិទ្ធិ និងជាស្នាដៃឯករបស់សម្តេចតេជោ បាន​បញ្ចប់​ទាំង​ស្រុងនូវសង្គ្រាមស៊ីវិលដ៏រ៉ាំរ៉ៃដែលបានអូសបន្លាយជិត៣ទសវត្សរ៍៕ អត្ថបទ៖វ៉ន ដារ៉ា

សម្ដេចធិបតីផ្ដល់គោលការណ៍ឱ្យបង្កើតវិទ្យាស្ថានរដ្ឋទទួលបន្ទុកកេរដំណែលអ.វ.ត.ក.ទុកជាមណ្ឌលស្រាវជ្រាវ

2024/07/16 07:46:52 pm        173
Facebook Telegram Linkin
ក្នុងឱកាសអញ្ជើញជាធិបតីសម្ពោធសមិទ្ធផលនៅអគារអនុវត្តមុខងារសេសសល់របស់អង្គជំនុំជម្រះវិសាមញ្ញក្នុងតុលាការកម្ពុជា ហៅកាត់ថា អ.វ.ត.ក. នៅព្រឹកថ្ងៃទី១៦ ខែកក្កដានេះដែរ សម្ដេច​មហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានផ្ដល់គោលការណ៍​ឱ្យរៀបចំ​សិក្សា​ស្រាវជ្រាវ​បង្កើតវិទ្យាស្ថានរដ្ឋមយយទទួលបន្ទុកកេដំណែលរបស់ អ.វ.ត.ក ដើម្បី​ទុក​ជា​មណ្ឌល​សិក្សាស្រាវជ្រាវប្រវត្តិសាស្រ្ដមួយរបស់មួយទៀតកម្ពុជា។សម្ដេចធិបតី នាយករដ្ឋមន្រ្ដី បានកោតសរសើរ និងអរគុណដល់ អ.វ.ត.ក. ដែល​បាន​លើក​កម្ពស់​ការ​ផ្សព្វ​ផ្សាយអំពីប្រវត្តិសាស្រ្ដ ឧក្រិដ្ឋកម្មប្រល័យពូជសាសន៍ ដែលកម្ពុជាបានឆ្លង​កាត់​ដែល​ការ​ផ្សព្វផ្សាយ​នេះ​បានចូលរួមទប់ស្កាត់កុំឱ្យរបបដ៏យង់ខ្នងនេះកើតឡើងវិញម្ដងទៀត។សម្ដេចធិបតី មានប្រសាសន៍ថា គំរូតុលាការកូនកាត់របស់ អ.វ.ត.ក. នេះ មិនត្រឹមតែ​សម្រេច​បាន​ទៅ​តាម​គោល​ដៅរបស់ខ្លួនប៉ុណ្ណោះទេ ប៉ុន្តែក៏បានបង្កើតនូវលក្ខណៈដោយឡែក (Uniqueness) បើប្រៀបធៀបទៅនឹងតុលាការអន្តរជាតិផ្សេងៗទៀត ពោលគឺបានកាត់សេចក្តី និង​ផ្តន្ទាទោសអស់មួយជីវិតទៅលើអតីតប្រមុខរដ្ឋចំពោះឧក្រិដ្ឋកម្មប្រល័យ ពូជសាសន៍ ចាប់​តាំង​ពី​ការ​បង្កើតអនុសញ្ញាអង្គការសហប្រជាជាតិស្តីពីការបង្ការអំពើប្រល័យ ពូជសាសន៍​នៅ​ឆ្នាំ​១៩៤៨​មក​។ នេះជាលើកដំបូងនៅក្នុងប្រវត្តិសាស្ត្ររបស់តុលាការព្រហ្មទណ្ឌអន្តរជាតិ។ក្នុងឱកាសនោះសម្ដេចធិបតី នាយករដ្ឋមន្រ្ដី ក៏បាន​កោត​សរសើរ​ចំពោះ​ការ​ជំរុញ​ផ្សព្វផ្សាយ​ឯកសារ​ប្រវត្តិសាស្រ្ដនៃរបបប្រល័យពូជសាសន៍ របស់ អ.វ.ត.ក. ក្រោយពីបាន​បញ្ចប់​ប្រកប​ដោយ​ជោគ​ជ័យ​កាលពីចុងឆ្នាំ២០២២ ពោលគឺបានចាយអស់រយៈពេល១៦ឆ្នាំ ជាមួយនឹងការគាំទ្រ និង​​ទទួលស្គាល់ពីសហគមន៍អន្តរជាតិ ក្នុងនោះបានរក្សាទុកនូវ បណ្ណសារតុលាការ មាន​ចំនួន​សរុប ២៣៣,៨៣៦ ឯកសារ ដែលស្មើនឹងជិត ២,៤ លានទំព័រ ជាបីភាសា (ខ្មែរ អង់គ្លេស បារាំង​)៕ អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.