BTV NEWS

វិស័យស្រូវអង្ករត្រូវការដើមទុនប្រមាណ ៤០០លានដុល្លារអាម៉េរិក ដើម្បីប្រមូលទិញស្រូវពីកសិករនៅឆ្នាំនេះ

វិនិយោគិនចិនចាត់ទុកការពង្រឹងឧបករណ៍មានហានិភ័យ ជាគ្រឹះនៃការរីកចម្រើនវិស័យឧស្សាហកម្ម

សហគ្រាសអនុវត្តបញ្ជីគណនេយ្យបានល្អ អាចទទួលបានឥណទានសម្រាប់ពង្រីកអាជីវកម្ម

កសិករគាំទ្រចំណាត់ការរាជរដ្ឋាភិបាលក្នុងការទប់ស្កាត់ការនាំចូលទុរេន ខណៈទិន្នផលទុរេនមានការកើនឡើង

សេដ្ឋកិច្ច និង កសិកម្ម

តម្លៃប្រេងឥន្ទនៈអាចនឹងបន្តឡើងថ្លៃ នៅថ្ងៃខាងមុខ ខណៈពិធីបុណ្យចូលឆ្នាំថ្មីនឹងមកដល់ខាងមុខ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានលើកឡើងថា តម្លៃប្រេងសាំងនៅកម្ពុជា អាចនឹងបន្តឡើងថ្លៃ ដែលកម្ពុជា មិនអាចគ្រប់គ្រងបានឡើយចំពោះការឡើងថ្លៃប្រេងឥន្ទនៈនេះ។សម្តេចតេជោ ហ៊ុន សែន ថ្លែងនៅក្នុងក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ៥១ តភ្ជាប់រវាងផ្លូវជាតិលេខ៤ និងផ្លូវជាតិលេខ៥ កាលពីថ្ងៃទី២៥ ខែមីនានេះថា តម្លៃប្រេងឥន្ធនៈ យើងលែងគ្រប់គ្រងបានទៀតហើយ ហើយក៏មិនដឹងថា នៅពេលពិធីបុណ្យចូលឆ្នាំថ្មីខាងមុខ ប្រេងសាំងនឹងឡើងដល់តម្លៃប៉ុន្មាននោះដែរ។សម្តេចបញ្ជាក់ថា បញ្ហាប្រេងសាំងនេះ ក៏ពាក់ព័ន្ធនឹងការសប្បាយរីករាយរបស់ប្រជាពលរដ្ឋផងដែរ។តម្លៃប្រេងឥន្ទនៈនៅកម្ពុជា បានហក់ឡើងថ្លៃ ជាបន្តបន្ទាប់ ដោយសារតម្លៃប្រេងនៅទីផ្សារអន្តរជាតិ កើនឡើង ដែលកើតចេញពីវិបត្តិសង្រ្គាម រុស្ស៉ី-អ៊ុយក្រែន។យោងតាមតម្លៃប្រេងសាំងលក់រាយ នៅទីផ្សារក្នុងស្រុកបច្ចុប្បន្ន គឺប្រេងសាំងធម្មតា មានតម្លៃ ៥ ៣០០ រៀល ក្នុងមួយលីត្រ និងប្រេងម៉ាហ្សូត ថ្លៃ ៥ ៣០០ រៀល ក្នុងមួយលីត្រ។ជំរុញការឡើងថ្លៃប្រេងនេះ អន្តរក្រសួង បានសម្រេចធ្វើការគណនាតម្លៃប្រេងលក់រាយ នៅរៀងរាល់១០ថ្លៃម្តង ដើម្បីកំណត់តម្លៃប្រេងឥន្ទនៈ ទៅតាមការប្រែប្រួលតម្លៃប្រេងនៅលើទីផ្សារអន្តរជាតិ៕ អត្ថបទ៖ វណ្ណៈ

ការប្រយុទ្ធប្រឆាំងការសម្អាតប្រាក់រាជរដ្ឋាភិបាល បាននិងកំពុងផ្តល់ទំនុកចិត្តដល់អ្នកវិនិយោគ

ភ្នំពេញ៖ ប្រសិទ្ធភាពនៃការទប់ស្កាត់ និងប្រយុទ្ធប្រឆាំងការសម្អាតប្រាក់រាជរដ្ឋាភិបាល បានផ្តល់នូវស្ថិរភាពសន្តិសុខសង្គម ជាពិសេសការផ្តល់នូវទំនុកចិត្តដល់អ្នកវិនិយោគក្នុងស្រុក និងកំពុងទាក់ទាញដល់វិនិយោគិន និងធុរកិច្ចដែលមានបំណងមកវិនិយោគនៅកម្ពុជាបន្ថែម ។លោកឧកញ៉ា លឹម ហេង អនុប្រធានសភាពពាណិជ្ជកម្មកម្ពុជា ថ្លែងលើកឡើងក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV នៅថ្ងៃទី ២៥ ខែ មីនា ឆ្នាំ ២០២២ ថា ជុំវិញការប្រឆាំងសម្អាតប្រាក់នេះ វាមានសារៈសំខាន់ណាស់ ប្រទេសណាក៏មានច្បាប់ដើម្បីប្រឆាំងនឹងការសម្អាតប្រាក់ ក្នុងនោះមានកត្តាជាច្រើនដែលត្រូវទប់ស្កាត់ដូចជាការជូញដូរគ្រឿងញៀន និងការចាប់ជម្រិតជាដើម គឺជាប្រាក់ដែលមិនស្អាតស្អំ ជាពិសេសការកឹកកេងពន្ធរដ្ឋ សម្រាប់អ្នករកស៊ីទទួលទាន ប្រសិនបើយើងមិនបានអនុវត្តឲ្យបានត្រឹមត្រូវ នឹងធ្វើឲ្យការប្រកួតប្រជែងគ្មានតម្លាភាព និងមិនមានស្មើរភាពគ្នា។លោកឧកញ៉ា បន្តថា ជុំវិញបញ្ហាការសម្អាតប្រាក់នេះ ប្រសិនអនុវត្តច្បាប់ និងទប់ស្កាត់ប្រកបដោយដោយប្រសិទ្ធភាព នឹងអាចបំបាត់បាននូវមុខរបរទុច្ចរិត ដែលជាបច្ច័យល្អនៃការផ្តល់ទំនុកចិត្តដល់អ្នករកស៊ីទទួលទាន ជាពិសេសជាការជម្រុញទាក់ទាញ បន្ថែមដល់វិនិយោគិន និងធុរកិច្ចផ្សេងៗ ដែលមានបំណងវិនិយោគនៅកម្ពុជា ។ចំណែកលោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា មើលឃើញថា រាជរដ្ឋាភិបាល មានវិធានគ្រប់គ្រាន់ ជាពិសេសស្ថាប័នធនាគារជាតិនៃកម្ពុជា បានដាក់ចេញនៃការទប់ស្កាត់ និងសេចក្តីណែនាំលម្អិតជាច្រើន ក្នុងនោះគ្រឹះស្ថានហិរញ្ញវត្ថុក៏មានប្រព័ន្ធតាមដានផងដែរ ដោយមិនត្រឹមតែគ្រប់គ្រងអតិថិជនរបស់ធនាគារប៉ុណ្ណោះទេ គឺគ្រប់គ្រងតាមដានរហូតដល់អតិថិជនរបស់អតិថិជនធនាគារថែមទៀត។លោក គង់ សុខហេង អនុប្រធាននាយកដ្ឋានស៊ើបអង្កេតបទល្មើសពន្ធដារ បានបញ្ជាក់នៅក្នុងសិក្ខាសាលាបណ្តុះបណ្តាលស្តីពីនិយាមនីតិវិធីប្រតិបត្តិការ សម្រាប់អង្កេតបទល្មើសពន្ធដារ និងបទល្មើសសម្អាតប្រាក់ថា អគ្គនាយកដ្ឋានពន្ធដារបានរៀបចំ និយាមនីតិវិធីប្រតិបត្តិការ, សៀវភៅណែនាំការស៊ើបអង្កេត, លក្ខខណ្ឌតម្រូវអប្បរមា និងការផ្តល់ធាតុចូលពីក្រុមការងារពាក់ព័ន្ធ។ ក្រៅពីនេះ ការដាក់ចេញ និយាមនីតិវិធីប្រតិបត្តិការ គឺដើម្បីលើកកម្ពស់ប្រសិទ្ធភាពការស៊ើបអង្កេតបទល្មើសកម្រិតជំនាញវិជ្ជាជីវៈ និងការរក្សាសម្ងាត់របស់មន្រ្តីស៊ើបអង្កេត ក្នុងនោះប្រភពនៃករណីសង្ស័យ អគ្គនាយកដ្ឋាននឹងកសាងសំណុំរឿង ដើម្បីអនុវត្តលើវិធានការណ៍ភ្លាមៗ៕ អត្ថបទ៖ សុន រ៉ាឌី

ធនធានមនុស្សនៅក្នុងវិស័យសាធារណៈ ជាឆ្អឹងខ្នងរបស់រាជរដ្ឋាភិបាល

ភ្នំពេញ៖ មន្រ្តីជាន់ខ្ពស់ក្រសួងសេដ្ឋកិច្ចថា ធនធានមនុស្សនៅក្នុងវិស័យសាធារណៈ គឺជាឆ្អឹងខ្នងរបស់រាជរដ្ឋាភិបាល នៅក្នុងការផ្តល់សេវាសាធារណៈ ប្រកបដោយគុណភាព, ប្រសិទ្ធភាព និងទាន់ពេលជូនប្រជាជន ដោយឈរលើគោលការណ៍ ស្អាតស្អំ និងមានប្រសិទ្ធភាពខ្ពស់ ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លើកឡើងនៅក្នុងពិធីបិទសន្និបាតបូកសរុបលទ្ធផលការងារក្រសួងមុខងារសាធារណៈ ប្រចាំឆ្នាំ ២០២០-២០២១ និងលើកទិសដៅការងារសម្រាប់ឆ្នាំ ២០២២ នេះថា ពាក់ព័ន្ធទៅនឹងប្រសិទ្ធភាពនៃវិស័យសាធារណៈ ក្នុងនោះធនធានមនុស្សនៅក្នុងវិស័យនេះ គឺជាឆ្អឹងខ្នងរបស់រាជរដ្ឋាភិបាល នៅក្នុងការផ្តល់សេវាសាធារណៈ ប្រកបដោយគុណភាព, ប្រសិទ្ធភាព និងទាន់ពេល ជូនប្រជាជន ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ជំរុញក្រសួងមុខងារសាធារណៈ បន្តអនុវត្ត និងពង្រឹងគោលការណ៍ គុណាធិបតេយ្យ នៅក្នុងការជ្រើសរើសមន្រ្តី និងទាក់ទាញធនធានមនុស្ស ដែលប្រកបដោយសមត្ថភាព ។ ក្រសួងមុខងារសាធារណៈក៏ត្រូវពង្រឹងការបណ្តុះបណ្តាល និងការកសាងសមត្ថភាពរបស់មន្រ្តីរាជការស៊ីវិល, ទាំងមន្រ្តីថ្មី និងមន្រ្តីកំពុងបម្រើការការងារ, តាមរយៈការសិក្សានៅក្នុងសាលាភូមិន្ទរដ្ឋបាល និងកម្មវិធីផ្សេងទៀត សំដៅបំប៉ន និងពង្រឹងសមត្ថភាពរបស់មន្រ្តី ដើម្បីបំពេញតួនាទី និងផ្តល់សេវាសាធារណៈ ប្រកបដោយគុណភាព, ប្រសិទ្ធភាព, ការទទួលខុសត្រូវ និងវិជ្ជាជីវៈខ្ពស់ ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន លើកឡើងបន្តថា នៅក្នុងយុគសម័យនៃសមាហរណកម្មក្នុងតំបន់ និងពិភពលោក ដែលប្រទេសទាំងអស់មានអន្តរសកម្មខ្ពស់រវាងគ្នា, ទាំងផ្នែកនយោបាយ និងសេដ្ឋកិច្ច, ស្ថានភាពសង្គម-សេដ្ឋកិច្ចរបស់កម្ពុជា នឹងមានការប្រែប្រួលជានិច្ច ដែលទាមទារឱ្យវិស័យសាធារណៈរបស់កម្ពុជា មានលទ្ធភាពក្នុងការបត់បែនជាប្រចាំ ជាពិសេសតាមរយៈស្មារតីបុរេសកម្មរបស់មន្រ្តីរាជការស៊ីវិលគ្រប់រូប នៅក្នុងការស្វែងយល់ដោយខ្លួនឯង អំពីនិន្នាការសកល និងបច្ច័យរបស់និន្នាការទាំងនេះមកលើប្រទេស និង ប្រជាជនកម្ពុជា ។ ក្នុងបរិការណ៍នៃការងើបឡើងវិញរបស់ពិភពលោកនៅក្រោយវិបត្តិនៃជំងឺកូវីដ-១៩, គុណភាពនៃវិស័យសាធារណៈ របស់កម្ពុជា ជាពិសេសនៅក្នុងក្របខណ្ឌនៃការសម្រួលធុរកិច្ច និងការវិនិយោគ គឺជាលក្ខណៈវិនិច្ឆ័យដ៏សំខាន់ ក្នុងការលើកកម្ពស់ភាពទាក់ទាញរបស់កម្ពុជា ខណៈដែលកម្ពុជាត្រូវប្រកួតប្រជែងជាមួយប្រទេសដទៃទៀត នៅក្នុងតំបន់ ដើម្បីស្រូបយកនូវរំហូរនៃទុនវិនិយោគ៕ អត្ថបទ៖ សុន រ៉ាឌី

ធនាគារអភិវឌ្ឍន៍ជនបទ និងកសិកម្ម ផ្សព្វផ្សាយគោលការណ៍ឥណទានពិសេស ដល់សមាគមមៀនប៉ៃលិន

ប៉ៃលិន៖ ធនាគារអភិវឌ្ឍន៍ជនបទ និងកសិកម្ម បានបន្តចុះផ្សព្វផ្សាយគោលការណ៍ឥណទានពិសេស របស់រាជរដ្ឋាភិបាល ដំណាក់កាលទី២ ជូនដល់សមាជិកសមាគមមៀនប៉ៃលិន។ឯកឧត្តម កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃធនាគារអភិវឌ្ឍន៍ជនបទ និងកសិកម្ម និងសហការី នាល្ងាចថ្ងៃទី២៣ ខែមីនា ឆ្នាំ២០២២ បានបន្តចុះផ្សព្វផ្សាយគោលការណ៍ឥណទានពិសេស របស់រាជរដ្ឋាភិបាល ដំណាក់កាលទី២ ជូនដល់សមាជិកសមាគមមៀនប៉ៃលិន។ថ្លែងក្នុងពិធីសំណេះសំណាលឯកឧត្តម កៅ ថាច បានធ្វើការរំលឹកជូនអំពីសវតា នៃគម្រោងហិរញ្ញប្បទានពិសេស របស់រាជរដ្ឋាភិបាល ដំណាក់កាលទី១ចំនួន ៥០ លានដុល្លារអាមេរិក តាមរយៈធនាគារអភិវឌ្ឍន៍ជនបទ និងកសិកម្ម និងបានជម្រាបបន្ថែមអំពីគោលដៅនៃគម្រោងហិរញ្ញប្បទាន ចំនួន៥០លានដុល្លារ ដំណាក់កាលទី២នេះផងដែរ។លោកបណ្ឌិត បានធ្វើការពន្យល់ពី គោលការណ៍ឥណទាន ក្នុងគម្រោងឥណទានពិសេសនេះ អំពីទ្រព្យធានាបំណុល ដើម្បីទទួលបានឥណទានថ្មី ឬឥណទានបន្ថែម និង អំពីលក្ខខណ្ឌមួយចំនួនសម្រាប់សមាជិកសមាគមមៀនប៉ៃលិន ចាំបាច់ត្រូវបំពេញ ដើម្បីចូលក្នុងលក្ខខណ្ឌទទួលបានឥណទាន។ បន្ថែមលើនេះ ឯកឧត្តម បានលើកយកព័ត៌មានទីផ្សារជាពិសេសលើបញ្ហាមៀនប៉ៃលិនផងដែរ។ឯកឧត្តម បានធ្វើការផ្តាំផ្ញើដល់សមាជិកសមាគម សូមមានផែនការច្បាស់លាស់ និងក្តាប់ឲ្យបានព័ត៌មានទីផ្សារ និងជាពិសេសត្រូវចុះបញ្ជីប្រព័ន្ធ GAP ឲ្យបានរួចរាល់ ដើម្បីមានលទ្ធភាពអាចធ្វើការលក់ចេញទៅក្រៅប្រទេសបាន ជាពិសេសទីផ្សារប្រទេសចិន។ជាមួយគ្នានេះ ឯកឧត្តម បានធ្វើការប្រគល់ជូនវត្ថុអនុស្សាវរីយ៍ ជូនដល់កសិករគំរូ នូវទូរស័ព្ទក្នុងម្នាក់ចំនួន១គ្រឿង ដែលបានប្រើប្រាស់ឥណទានចំគោលដៅ និងពង្រីកអាជីវកម្មឲ្យមានកំណើន។លោក ស្រេង ស្រៀង ប្រធានក្រុមប្រឹក្សាភិបាលសមាគមមៀនប៉ៃលិន បានលើកឡើងថា ជុំវិញការដាំដុះមៀននេះ ប្រជាកសិករនៅក្រៅ និងក្នុងសមាគម បានយកចិត្តទុកដាក់ខ្ពស់នៅលើការដាំដុះ ដែលបច្ចុប្បន្នកសិករទាំងនោះកំពុងអនុវត្តតាមការណែនាំរបស់ក្រសួងកសិកម្ម រុក្ខាប្រមាញ់ និងនេសាទ និងអង្គការដៃគូផ្សេងៗទៀត លើគម្រោងការដាំដុះកសិកម្មល្អ ក្នុងនោះមានប្រជាកសិករមួយចំនួន បានទទួលវិញ្ញាបនបត្ររួចហើយ ចំណែកសិករដែលមិនទាន់ទទួលវិញ្ញាបនបត្រ ពួគគាត់កំពុងខិតខំប្រឹងប្រែងជម្រុញការដាំដុះ ឲ្យស្របតាមកសិកម្មល្អផងដែរ។យោងតាកក្រសួងកសិកម្ម រុក្ខាប្រមាញ់ និងនេសាទ មកដល់ពេលនេះ ពិធីសារបច្ចេកទេសរវាងកម្ពុជា-ចិន បានឯកភាពជាគ្នារួចរាល់ហើយ គឺនៅរង់ចាំតែថ្ងៃចុះហត្ថលេខាប៉ុណ្ណោះ។ ក្នុងនោះបន្ទាប់ពីការចុះហត្ថលេខារួច កម្ពុជានឹងបញ្ជូនរបាយការណ៍ពាក់ព័ន្ធទៅភាគីចិនភ្លាម ដើម្បីឲ្យភាគីចិនវាយតម្លៃអំពី របាយការណ៍នោះ ដូច្នេះយើងរំពឹងថា យ៉ាងយូរ ២ ខែទៀត កម្ពុជានឹងអាចនាំចេញមៀនប៉ៃលិន ទៅកាន់ទីផ្សារចិនបាន តែចំពោះការយឺត ឬលឿន គឺវាស្រ័យទៅលើភាគីចិនផងដែរ៕អត្ថបទ៖ វណ្ណៈ

ការនាំចេញទំនិញកម្ពុជាទៅកូរ៉េខាងត្បូង មានកំណើន ៣៣ភាគរយ ក្នុងរយៈពេលពីរខែដើមឆ្នាំនេះ

ភ្នំពេញ៖ ការនាំចេញទំនិញរបស់ប្រទេសកម្ពុជា ទៅកាន់ទីផ្សារកូរ៉េខាងត្បូង បន្តមានកំណើនជាវិជ្ជមាន ដោយមានកំណើន ៣៣ភាគរយ ក្នុងរយៈពេលពីរខែដើមឆ្នាំ២០២២នេះ។ ប្រទេសទាំងពីរ រំពឹងថា កិច្ចព្រមព្រៀងពាណិជ្ជកម្មសេរីទ្វេភាគី នឹងជំរុញដល់កំណើនពាណិជ្ជកម្ម ជាពិសេសទាក់ទាញវិនិយោគបន្ថែមពីកូរ៉េខាងត្បូង និងប្រទេសដទៃទៀត ចូលមកវិនិយោគនៅកម្ពុជា ដើម្បីផលិតកែច្នៃ នាំចេញទៅកាន់ប្រទេសកូរ៉េខាងត្បូង នៅក្រោមបន្ទាត់ពន្ធអនុគ្រោះ។សម្តេចតេជោ ហ៊ុន សែន នាយករដ្ឋមន្រ្តីកម្ពុជា ថ្លែងថា នៅថ្ងៃទី២៣ ខែមីនានេះថា ការនាំចេញសរុបរបស់កម្ពុជា មានកំណើន ៣០ភាគរយ ក្នុងរយៈពេលខែមករា និងខែកុម្ភៈ ឆ្នាំ២០២២។ ដោយឡែកការនាំចេញទៅកាន់ទីផ្សារប្រទេសកូរ៉េខាងត្បូង មានកំណើន ៣៣ភាគរយ។ថ្លែងក្នុងពិធីសម្ភោធដាក់ឱ្យប្រើប្រាស់ជាផ្លូវការផ្លូវជាតិលេខ២១ ពីរង្វង់មូលក្រុងតាខ្មៅ ដល់ស្ពានកោះធំ សម្តេចតេជោ លើកឡើងថា កំណើននៃការនាំចេញរបស់កម្ពុជា ទៅកាន់ទីផ្សារប្រទេសកូរ៉េខាងត្បូង រំពឹងថា នឹងមានកំណើនទៀត ដោយសារទំនាក់ទំនងល្អរវាងរដ្ឋាភិបាលនៃប្រទេសទាំងពីរ ជាពិសេសការចូលជាធរមាននៃកិច្ចព្រមព្រៀងពាណិជ្ជកម្មសេរីទ្វេភាគីរវាង កម្ពុជា-កូរ៉េខាងត្បូង។នៅក្រោមកិច្ចព្រមព្រៀងសេរីពាណិជ្ជកម្មនេះ កម្ពុជានឹងអាចនាំចេញទំនិញសំខាន់របស់ខ្លួន មានជាអាទិ៍ ផលិតផលកសិផល ផលិតផលបច្ចេកវិទ្យា ផលិតផលឧស្សាហកម្មខ្នាតតូចនិងមធ្យម និងផលិតផលវាយនភណ្ឌ ក្នុងបន្ទាត់ពន្ធប្រមាណចំនួន ១ម៉ឺនដោយពុំជាប់របាំងពន្ធគយ។អគ្គរដ្ឋទូតកូរ៉េខាងត្បូងប្រចាំនៅកម្ពុជា ឯកឧត្តម ឯកឧត្តម ផាកហ៊ឺង ឃ្យុង (Park Heung-Kyoeng) បានលើកឡើងថា ក្រៅពីកិច្ចព្រមព្រៀងពាណិជ្ជកម្មសេរីទ្វេភាគី កម្ពុជានិងកូរ៉េខាងត្បូង គ្រោងពង្រីកការបើកចំហទីផ្សារបន្ថែមនៅក្រោមកិច្ចព្រមព្រៀងពាណិជ្ជកម្មសេរីអាស៊ាន-កូរ៉េ និងនៅក្រោមកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ដែលក្នុងនោះកូរ៉េ និងកម្ពុជាគឺជាដៃគូដ៏សំខាន់ផងដែរនៃកិច្ចព្រមព្រៀងនេះ ។សូមបញ្ជាក់ថា ការដោះដូរពាណិជ្ជកម្មទ្វេភាគីរវាងកម្ពុជា កូរ៉េខាងត្បូង សម្រេចបានទឹកប្រាក់ ៩៦៥លានដុល្លារ ក្នុងឆ្នាំ២០២១ កន្លងទៅ កើនឡើង ៩ភាគរយធៀបនឹងឆ្នាំ២០២០ នេះបើយោងតាមទិន្នន័យពាណិជ្ជកម្មពី សមាគមពាណិជកម្មអន្តរជាតិកូរ៉េ។ក្នុងនោះ កម្ពុជា នាំចេញទំនិញទៅកាន់ទីផ្សារប្រទេសកូរ៉េខាងត្បូង មានតម្លៃសរុប ៣៤០លានដុល្លារ កើនឡើង ៧,៥ភាគរយ៕ អត្ថបទ៖ វណ្ណៈ

កសិករដាំដុះមៀនប៉ៃលិន កំពុងអនុវត្តការដាំដុះកសិកម្មល្អ ដើម្បីបង្កើនលទ្ធភាពនាំចេញ

ប៉ៃលិន៖ ប្រធានក្រុមប្រឹក្សាភិបាលសមាគមមៀនប៉ៃលិនថា ប្រជាកសិករជាអ្នកដាំដុះមៀន បាននិងកំពុង អនុវត្តការដាំដុះកសិកម្មល្អ និងបានថែទាំយ៉ាងយកចិត្តទុកដាក់ ដើម្បីបង្កើនទិន្នផល និងគុណភាពតម្រូវស្របតាមស្តង់ដារ សម្រាប់បម្រើទីផ្សារនាំចេញ។លោក ស្រេង ស្រៀង ប្រធានក្រុមប្រឹក្សាភិបាលសមាគមមៀនប៉ៃលិន លើកឡើងនៅក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន BTV នៅថ្ងៃទី២៣ ខែមីនា ឆ្នាំ២០២២នេះថា ប្រជាកសិករនៅ បានយកចិត្តទុកដាក់ខ្ពស់នៅលើការដាំដុះ ដែលបច្ចុប្បន្នកសិករទាំងនោះ កំពុងអនុវត្តតាមការណែនាំរបស់ក្រសួងកសិកម្មរុក្ខាប្រមាញ់ និងនេសាទ និងអង្គការដៃគូផ្សេងៗទៀត លើគម្រោងការដាំដុះកសិកម្មល្អ ក្នុងនោះមានប្រជាកសិករមួយចំនួន បានទទួលវិញ្ញាបនបត្ររួចហើយ ចំណែកសិករដែលមិនទាន់ទទួលវិញ្ញាបនបត្រ ពួគគាត់កំពុងខិតខំប្រឹងប្រែងជម្រុញការដាំដុះ ឲ្យស្របតាមកសិកម្មល្អផងដែរ។លោក បន្តថា ស្របពេលរាជរដ្ឋាភិបាលបានកំពុងផ្តោតយកចិត្តទុកដាក់លើវិស័យកសិកកម្ម ក្នុងនោះចំពោះមៀនប៉ៃលិន បានក្លាយជាដំណាំកំពុងមានសក្តានុពលដ៏ខំខាន់មួយ ដោយកសិករជាអ្នកដាំដុះបានកំពុងយកចិត្តទុកដាក់ខ្ពស់ ក្នុងគោលដៅរួមគ្នាផ្គត់ផ្គង់ នឹងជម្រុញការនាំចេញផ្លែមៀនប៉ៃលិនប្រកបដោយសត្តានុពល ជាក់ស្តែងមកដល់ពេលនេះ យើងមានរោងចក្រសម្ងួតមួយកន្លែង បានកំពុងស្រូបយកកសិផលមៀនប៉ៃលិនជាបណ្តើរៗ និងកំពុងមានកំណើនកើនឡើងជាបន្តបន្ទាប់ផងដែរ។ជុំវិញមៀនប៉ៃលិន,ថ្មីៗនេះ ឯកឧត្តម ងិន ឆាយ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានកសិកម្ម ថ្លែងឲ្យដឹងថា បច្ចុប្បន្នមៀនប៉ៃលិនកំពុងស្ថិតនៅក្នុងដំណាក់កាលនៃការចុះហត្ថលេខាលើពិធីសារបច្ចេកទេស ស្តីអំពីលក្ខខណ្ឌតម្រូវអនាម័យ និងភូតគ្គាមអនាម័យ។ឯកឧត្តម ងិន ឆាយ បន្តឲ្យដឹងថា ទាក់ទងនិងមៀនប៉ៃលិន មកដល់ពេលនេះ ពិធីសារបច្ចេកទេសរវាងកម្ពុជា-ចិន បានឯកភាពជាគ្នារួចរាល់ហើយ គឺនៅរង់ចាំតែថ្ងៃចុះហត្ថលេខាប៉ុណ្ណោះ ក្នុងនោះបន្ទាប់ពីការចុះហត្ថលេខារួចកម្ពុជា នឹងបញ្ជូនរបាយការណ៍ពាក់ព័ន្ធទៅភាគីចិនភ្លាម ដើម្បីឲ្យភាគីចិនវាយតម្លៃអំពី របាយការណ៍នោះ ដោយរំពឹងថា យ៉ាងយូរ ២ ខែទៀត កម្ពុជានឹងអាចនាំចេញមៀនប៉ៃលិនទៅកាន់ទីផ្សារចិនបាន តែចំពោះការយឺត ឬលឿន គឺវាស្រ័យទៅលើភាគីចិនផងដែរ៕អត្ថបទ៖ សុន រ៉ាឌី

ភ្ញៀវទេសចរចាប់ផ្តើមកក់កញ្ចប់ទេសចរណ៍ ត្រៀមដើរកម្សាន្តថ្ងៃបុណ្យចូលឆ្នាំថ្មីខាងមុខនេះ

ភ្នំពេញ៖ បើតាមមន្ត្រីជំនាញ នៃក្រសួងទេសចរណ៍ ក៏ដូចបណ្តាក្រុមហ៊ុនការីទេសចរណ៍ បានឱ្យដឹងថា នៅក្នុងអំឡុងពេលនេះ មានភ្ញៀវទេសចរនៅក្នុងស្រុក ចាប់ផ្តើមនាំគ្នាទៅកក់ទិញកញ្ចប់ទេសចរណ៍ក្នុងតម្លៃពិសេស ពីតាមក្រុមហ៊ុនការីទេសចរណ៍ ដើម្បីត្រៀមដើរកម្សាន្តនៅក្នុងអំឡុងថ្ងៃសំរាកបុណ្យចូលឆ្នាំថ្មីប្រពៃណីជាតិខ្មែរខាងមុខនេះ។លោក ឈុន មករា ប្រធាននាយកដ្ឋានទីភ្នាក់ទេសចរណ៍ ដឹកជញ្ជូន និងមគ្គុទេសទេសចរណ៍ នៃក្រសួងទេសចរណ៍ បានថ្លែងប្រាប់BTV នៅថ្ងៃទី២២ ខែមីនានេះថា នៅក្នុងអំឡុងពេលប្រេងសាំងកំពុងឡើងថ្លៃដោយសារវិបត្តិសង្គ្រាម អ៊ុយក្រែន និងរ៉ុស្ស៊ី ចលនាភ្ញៀវទេសចរក្នុងស្រុកចេញដើរកម្សាន្តហាក់មិនមានការថមថយខ្លាំងនោះទេ ហើយនៅក្នុងអំឡុងថ្ងៃឈប់សំរាកបុណ្យចូលឆ្នាំថ្មីប្រពៃណីខ្មែរនៅពាក់កណ្តាលខែមេសានេះ យើងរំពឹងថា ចលនាទេសចរក្នុងស្រុកនឹងមានកំណើនឡើងខ្ពស់ ខណៈបច្ចុប្បន្ននេះ មានកន្លែងធ្វើការងារមួយចំនួននិងគ្រួសារខ្លះទៀតដែលមានសមាជិកច្រើន គឺបានទៅកក់ទិញកញ្ចប់ទេសចរណ៍តំលៃពិសេសដើម្បីដើរកម្សាន្តថ្ងៃបុណ្យចូលឆ្នាំថ្មីខាងមុខនេះ។លោក បានបន្តថា តាមរយៈការបើកដំណើរការទិដ្ឋាការVisa on Arrival ឡើងវិញនេះដែរ យើងរឹតតែរំពឹងថា ភ្ញៀវទេសចរអន្តរជាតិនឹងចូលមកទស្សនាកម្ពុជាថែមទៀត ខណៈតាមច្រកព្រំដែនក៏មានការលើកលែងការធ្វើចត្តាឡីស័ក មិនធ្វើតេស្តតាមដានកូវីដ ៧២ម៉ោងមុនជាដើម។បើតាមកត់សំគាល់ពី លោក ធួន ស៊ីណាន ប្រធានសមាគមន៍ទេសចរណ៍អាស៊ីប៉ាស៊ីភិច ប្រចាំនៅកម្ពុជាថា នៅក្នុងអំឡុងពេលនេះ ក្រុមហ៊ុនការីទេសចរណ៍នានា ចាប់ផ្តើមទទួលបានការកក់កញ្ចប់ទេសចរណ៍ជាបណ្តើរៗ ដើម្បីត្រៀមដើរកម្សាន្តក្នុងស្រុក ប៉ុន្តែមិនទាន់មានច្រើននៅឡើយទេ និងមានបើកអោយភ្ញៀវមកកក់ជាបន្តបន្ទាប់រហូតថ្ងៃឈប់សំរាកបុណ្យចូលឆ្នាំថ្មី។លោក ហូ វណ្ឌី អ្នកជំនាញទេសចរណ៍ ក៏បានអំពាវនាវទេសចរក្នុងស្រុកគួររួមគ្នាលើកវិស័យទេសចរណ៍ ដើរកម្សាន្តតាមកញ្ចប់ទេសចរណ៍ ដើម្បីទទួលបានអត្ថប្រយោជន៍ និងការស្គាល់ភូមិសាស្ត្រទឹកដីកម្ពុជាយើងបានច្បាស់។បើតាមការឱ្យដឹងពីក្រសួងទេសចរណ៍ នៅពេលនេះ រដ្ឋបាលរាជធានី-ខេត្តបាននឹងកំពុងរៀបចំផែនការក្នុងការទាក់ទាញភ្ញៀវទេសចរសម្រាប់ឱកាសចូលឆ្នាំប្រពៃណីជាតិខ្មែរ ដូចជាការរៀបចំព្រឹត្តិការណ៍ ការតុបតែងលម្អ ទន្ទឹមគ្នានឹងការពង្រឹងការអនុវត្តវិធានការ ៣កុំ និង៣ការពារ ការអនុវត្តវិធានសុវត្ថិភាពទេសចរណ៍ SOP និងការគ្រប់គ្រងចរន្តភ្ញៀវនៅតាមគោលដៅដែលអាចមានការប្រមូលផ្តុំច្រើនផងដែរ៕ អត្ថបទ ស៊ុម សុខជា

ធុរកិច្ចជន និងវិនិយោគិន រំពឹងខ្ពស់ពីទំនាក់ទំងរវាងកម្ពុជា និងជប៉ុនក្នុងវិស័យពាណិជ្ជកម្ម

ភ្នំពេញ៖ ពីមួយឆ្នាំទៅមួយឆ្នាំវិស័យសេដ្ឋកិច្ច-ពាណិជ្ជកម្មរវាងប្រទេសកម្ពុជា និងជប៉ុនកាន់តែមានភាពល្អប្រសើរច្រើន ខណៈថ្នាក់ដឹកនាំប្រទេសទាំងពីរបង្ហាញថា ជាដៃគូល្អបំផុត ។ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ប្រាប់ទូរទស្សន៍ព័ត៌មាន ប៊ីធីវី នៅរសៀលថ្ងៃទី២១ មីនា ឆ្នាំ២០២២នេះថា នាយករដ្ឋមន្រ្តីជប៉ុន អញ្ញើញមកទស្សនកិច្ចនៅកម្ពុជាកាលពីថ្មីៗកន្លងទៅនេះ ជាសញ្ញាលើកទឹកចិត្តឲ្យអ្នកវិនិយោគ ទាំងប្រទេសជប៉ុន ក៏ដូចជាអន្តរជាតិមើលឃើញពីការទុកចិត្ត ក្នុងការវិនិយោគនៅកម្ពុជា។ ឧកញ៉ា លឹម ហេង សង្ឃឹមថា ភាគីជប៉ុន នឹងបើកឲ្យមានការហោះហើរត្រង់មកកាន់កម្ពុជាឲ្យបានឆាប់ ជាពិសេសក្រោយវិបត្តិនៃជំងឺឆ្លងកូវីដ១៩។លោក មាស ហូលី ប្រធានផ្នែកលក់ នៃក្រុមហ៊ុន គិរីរម្យហ្វូត ប្រូដាក់សិន បានឲ្យ ប៊ីធីវី ដឹងដែរថា គិតមកដល់ពេលនេះ ការនាំដំណាប់ស្វាយចេញទៅទីផ្សារជប៉ុន នៅតែមានភាពល្អប្រសើរដដែល ទោះបីជួបវិបត្តិនៃការាតត្បាតជំងឺកូវីដ១៩ យ៉ាងណាក្តី ក៏មិនជាបញ្ហាដែរ។យោងតាមរបាយការណ៍របស់ក្រសួងពាណិជ្ជកម្ម បានឲ្យដឹងថា គិតត្រឹមឆ្នាំ២០២១កន្លងទៅ ទំហំពាណិជ្ជកម្មទ្វេភាគីរវាងកម្ពុជា និងជប៉ុន សម្រេចបានក្នុងទឹកប្រាក់សរុបជាង ១ ៧០០ លានដុល្លារ កើនឡើង ០,៤៩ភាគរយ បើធៀបទៅនឹងឆ្នាំ២០២០ ដែលមានចំនួនជាង ១ ៦០០លានដុល្លារ។ ក្នុងនោះ ការនាំចេញរបស់កម្ពុជាទៅកាន់ជប៉ុន មានទឹកប្រាក់សរុបជាង ១ ០០០លានដុល្លារ កើនឡើង ៣,៦១ ភាគរយ ខណៈការនាំចូលពីជប៉ុនមានទឹកប្រាក់ជាង ៦០០លានដុល្លារ ថយចុះ ៤,៦៨ ភាគរយបើធៀបនឹងឆ្នាំ ២០២០៕ អត្ថបទ៖ ឈិត បូរ៉ាវី

យុទ្ធសាស្រ្តអភិវឌ្ឍន៍វិស័យកាត់ដេរ ចូលរួមលើកកម្ពស់ និងគាំទ្រដល់ពិពិធកម្មសេដ្ឋកិច្ច

ភ្នំពេញ៖ ការដាក់ឲ្យអនុវត្តយុទ្ធសាស្រ្តអភិវឌ្ឍវិស័យកាត់ដេរ ស្បែកជើង និងការបូប គឺសំដៅផ្លាស់ប្តូរឧស្សាហកម្មមួយ ដែលមានចីរភាពបរិស្ថាន មានភាពធន់មានតម្លៃបន្ថែមខ្ពស់ ជាមូលដ្ឋានគាំទ្រដល់ពិពិធកម្មសេដ្ឋកិច្ចឲ្យបានមុនឆ្នាំ ២០២៧ ដើម្បីឈានទៅសម្រេចចក្ខុវិស័យ នៃផែនការយុទ្ធសាស្រ្តរបស់រាជរដ្ឋាភិបាល។ឯកឧត្តម អ៊ិត សំហេង រដ្ឋមន្រ្តីក្រសួងការងារបណ្តុះបណ្តាល និងវិជ្ជាជីវៈ លើកឡើងនៅក្នុងពិធីផ្សព្វផ្សាយ និងដាក់ឱ្យអនុវត្តជាផ្លូវការនូវយុទ្ធសាស្រ្តអភិវឌ្ឍន៍វិស័យកាត់ដេរផលិតស្បែកជើង និងកាបូបកម្ពុជា ២០២២-២០២៧ នៅថ្ងៃទី២១ ខែ មីនា ឆ្នាំ២០២២ នេះថា បច្ចុប្បន្នកម្ពុជាបានឈានចូលដល់ដំណាក់កាលថ្មី នៃការផ្លាស់ប្តូររចនាសម្ព័ន្ធ ដែលទាមទារឲ្យយុទ្ធសាស្រ្តថ្មីនេះ សំដៅប្រែក្លាយ និងពង្រីកមូលដ្ឋានកំណើនពីការពឹងផ្អែកលើឧស្សាហកម្មអតិពលកម្ម ទៅជាឧស្សាហកម្មផ្អែកលើជំនាញ មានផលិតភាព និងតម្លៃបន្ថែមខ្ពស់ ដើម្បីបន្តរក្សាបានកំណើនសេដ្ឋកិច្ចខ្ពស់ក្នុងរយៈពេលវែង។តាមរយៈយុទ្ធសាស្រ្តអភិវឌ្ឍវិស័យកាត់ដេរ ស្បែកជើង និងការបូបកម្ពុជា ២០២២-២០២ ៧ នេះ គឺជាការសំដៅផ្លាស់ប្តូរនៃឧស្សាហកម្មទាំងនេះ ឲ្យទៅជាឧស្សាហកម្មមួយ ជាមូលដ្ឋានគាំទ្រដល់ពិពិធកម្មសេដ្ឋកិច្ច ឲ្យបានមុនឆ្នាំ ២០២៧ និងដើម្បីឈានទៅសម្រេចបាននៃក្តីប្រាថ្នារបស់រាជរដ្ឋាភិបាល ក្នុងការប្រែក្លាយតាមចក្ខុវិស័យប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលខ្ពស់នៅឆ្នាំ ២០៥០។ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ថ្លែងថា ការដាក់ឲ្យអនុវត្តយុទ្ធសាស្រ្តអភិវឌ្ឍន៍វិស័យកាត់ដេរ ស្បែកជើង និងការបូប គឺជាការធ្វើបច្ចុប្បន្នភាពឡើងវិញលើផលប៉ះពាល់ និងការរីកចម្រើន, ការគិតគូរទាន់ពេលវេលា ដើម្បីជម្រុញការអភិវឌ្ឍ ឲ្យរត់ទាន់សភាពការ នៃការប្រកួតប្រជែងនៅលើទីផ្សារអន្តរជាតិ។ចំណែក ឯកឧត្តមបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា យល់ឃើញថា វិស័យកាត់ដេរ ជួយទ្រទ្រង់ក្នុងវិបត្តិកូវីដ និងបង្កើតការងារ ស្រពលេប្រទេសផ្សេងៗកំពុងជួបវិបត្តិនៃការរីករាលដាលជម្ងឺកូវីដ ១៩ ខណៈដែលកម្ពុជាគ្រប់គ្រងវិបត្តិនេះបាន។ ប៉ុន្តែវិស័យកាត់ដេរ ស្បែកជើង និងការបូបនេះ អាចមានភាពផុយស្រួយ នៅពេលប្រទេសដ៍ទៃបានចាប់ផ្តើមឡើងវិញ ។ ចំណែកកម្រិតនៃការប្រកួតប្រជែងនៅកម្ពុជាក៏ទាបជាងគេដែរ។ចាប់តាំងពីចុងទសវត្សរ៍ឆ្នាំ ១៩៩០ រហូតដល់ឆ្នាំ ២០០៨, វិស័យកាត់ដេរបានរួមចំណែកប្រមាណ ៩៥% និងបន្ទាប់ពីវិបត្តិហិរញ្ញវត្ថុសកលឆ្នាំ ២០០៩ មកដល់បច្ចុប្បន្ន, វិស័យនេះនៅបន្តឈរនៅលំដាប់ទីមួយ ពោលគឺ រួមចំណែកជាមធ្យមជាង ៧០% នៃការនាំចេញសរុបរបស់កម្ពុជា៕អត្ថបទ៖ សុន រ៉ាឌី

រាជរដ្ឋាភិបាលជម្រុញនិងអភិវឌ្ឍន៍ឧស្សាហកម្មកាត់ដេរ ដើម្បីចាប់យកនូវកាលានុវត្តថ្មីៗ

ភ្នំពេញ៖ រាជរដ្ឋាភិបាល បានប្រកាសយុទ្ធសាស្រ្តអភិវឌ្ឍន៍វិស័យកាត់ដេរផលិតស្បែកជើង និងកាបូបកម្ពុជា ២០២២-២០២៧ ដើម្បីដោះស្រាយបញ្ហាប្រឈម និងការឆ្លើយតបទៅ និងចរន្តនៃការវិវត្តន៍ថ្មីៗ ការកើនឡើងនៃតម្រូវការទីផ្សារ និងការចាប់យកកាលានុវត្តភាពវិស័យនេះ ឲ្យកាន់តែប្រសើរ ក្នុងការជម្រុញសេដ្ឋកិច្ចជាតិ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ លើកឡើងនៅក្នុងពិធីផ្សព្វផ្សាយ និងដាក់ឱ្យអនុវត្តជាផ្លូវការនូវយុទ្ធសាស្រ្តអភិវឌ្ឍន៍វិស័យកាត់ដេរផលិតស្បែកជើង និងកាបូបកម្ពុជា២០២២-២០២៧ នៅថ្ងៃទី២១ខែមីនា ឆ្នាំ២០២២ នេះថា ស្ថិតនៅក្នុងស្ថានភាពបច្ចុប្បន្ន ការវិវឌ្ឍថ្មីៗ ទាំងកម្រិតសកលតំបន់ និងក្នុងស្រុក អាចនឹងមានបច្ច័យដល់សេដ្ឋកិច្ចជាតិ និងវិស័យកាត់ដេររបស់កម្ពុជាដូចជា៖ បន្ទាប់ពីកម្ពុជាសម្រេចបាននូវអត្រាការចាក់វ៉ាក់សាំងខ្ពស់ ដែលបានបង្កើតបាននូវភាពស៊ាំសហគមន៍រឹងមាំ ក៏ដូចជាការបើកប្រទេស និងការបើកសង្គមសេដ្ឋកិច្ចក្នុងស្រុកពេញលេញឡើងវិញ វិស័យកាត់ដេរ បានបង្ហាញនូវសញ្ញាវិជ្ជមាននៃកំណើនឡើងវិញ។ឯកឧត្តម ឧបនាយករដ្ឋមន្ត្រី បន្តថា បើតាមកាតវាយតម្លៃចុងក្រោយរបស់ក្រសួងសេដ្ឋកិច្ច និងហិរញ្ញវត្ថុ វិស័យកាត់ដេរ សម្រេចបានកំណើនល្អក្នុងអត្រា ៨% ក្នុងឆ្នាំ ២០២១ ធៀបនិងកំណើនធ្លាក់ចុះក្នុងអត្រា -៦,៤% ក្នុងឆ្នាំ ២០២០ និងរំពឹងថា នឹងសម្រេចកំណើន ៨% ក្នុងឆ្នាំ ២០២២ បន្តទៀត ដែលឆ្លុះបញ្ចាំងតាមរយៈការកើនឡើង នៃតម្រូវការខាងក្រៅ ពិសេសទីផ្សារសហរដ្ឋអាមេរិក គូបផ្សំនិងការទទួលបាននៃការបញ្ជាទិញពីប្រទេសជិតខាងក្នុងពេលចំពោះមុខ។ចំណែក លោកឧកញ៉ា គង់ សាង ប្រធានសមាគមរោងចក្រកាត់ដេរនៅកម្ពុជា GMAC ថ្លែងថា ខណៈដែលជម្ងឺកូវីដ ១៩ នៅកំពុងបន្ត និងការផ្ទុះឡើងបញ្ហាសង្គ្រាម រុស្សី-អ៊ុយក្រែន ដែលកំពុងកើតឡើង គឺបន្តឲ្យស្ថានភាព ពិភពលោកមានភាពមិនច្បាស់លាស់ ក្នុងនោះចំពោះការដាក់ចេញនូវយុទ្ធអភិវឌ្ឍន៍វិស័យកាត់ដេរ ផលិតស្បែកជើង និងកាបូបរបស់រាជរដ្ឋាភិបាល លោកឧកញ៉ា បានគាំទ្រពេញទំហឹង ចំពោះការជម្រុញដាក់ចេញនូវ យុទ្ធសាស្រ្តនេះ ព្រោះវាជាផែនការបង្ហាញផ្លូវដ៏ច្បាស់លាស់មួយ ដែលផ្តល់នូវក្តីរំពឹងនៃការរីកលូតលាស់ក្នុង វិស័យ៉ស្សាហកម្ម ទាំងវិនិយោគិន និងកម្មករនិយោជិត។ជុំវិញវិស័យឧស្សាហកម្មនេះ, ផ្អែកលើកត្តាសុខសន្តិភាព និងស្ថិរភាពនយោបាយ ប្រាក់ឈ្នួល និងថ្លៃផលិតកម្ម ប្រកួតប្រជែង ប្រព័ន្ធអនុគ្រោះផ្នែកពាណិជ្ជកម្ម និងបរិយាកាសវិនិយោគអំណោយផល ដែលជាឧត្តមភាពប្រកួតប្រជែងដ៏រឹងមាំរបស់កម្ពុជា, វិស័យកាត់ដេរ ផលិតស្បែកជើង និងកាបូបបានរីកចម្រើនគួរឱ្យកត់សម្គាល់ និងបានក្លាយជាចន្ទល់កំណើនសេដ្ឋកិច្ចជាតិដ៏សំខាន់។ ចាប់តាំងពីចុងទសវត្សរ៍ឆ្នាំ ១៩៩០ រហូតដល់ឆ្នាំ ២០០៨, ការនាំចេញនៃវិស័យនេះ បានរួមចំណែកក្នុងទំហំប្រមាណជាង ៩៥% នៃការនាំចេញសរុបរបស់កម្ពុជា និងនៅតែរក្សាបានក្នុងកម្រិតខ្ពស់ ពោលគឺជាមធ្យមជាង ៧០% នៅក្រោយវិបត្តិហិរញ្ញវត្ថុសកលឆ្នាំ ២០០៨ មកទល់នឹងបច្ចុប្បន្ន ខណៈដែលកម្ពុជាបាននិងកំពុងធ្វើ ពិពិធកម្មការនាំចេញផលិតផលផ្សេងទៀត ដូចជា កង់ គ្រឿងបន្លាស់រថយន្ត និងគ្រឿង បង្គុំអេឡិចត្រូនិកជាដើម៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ក្រុមសិទ្ធិមនុស្ស៖ ចំនួនអ្នកស្លាប់គួរឲ្យភ្ញាក់ផ្អើលនៅអ៊ីរ៉ង់ជំរុញឲ្យមានការប្រហារជីវិតទូទាំងពិភពលោកកើនឡើង

ស្ថានទូតចិនរិះគន់ផែនការធ្វើដំណើររបស់សមាជិកសភាកាណាដាទៅកាន់កោះតៃវ៉ាន់

នាយករដ្ឋមន្ត្រីអ៊ីស្រាអែល៖ ក្រុមមេដឹកនាំនៃការវាយប្រហារថ្ងៃទី ០៧ ខែតុលា ត្រូវបានសម្លាប់ជិតអស់ហើយ

ការវាយប្រហាររបស់អ៊ីស្រាអែលនៅទូទាំងភាគខាងត្បូងលីបង់ បង្កឲ្យមនុស្ស ៥នាក់ស្លាប់ និង ១៥នាក់ រងរបួស

គណៈបញ្ជាការឯកភាពខេត្តប៉ៃលិន ចុះត្រួតពិនិត្យទីតាំងស្នាក់នៅប្រមូលផ្តុំ និងឃាត់ខ្លួនជនជាតិចិន ៧នាក់ សង្ស័យលួចបង្កប់បទល្មើស Online Scams

អ្នកការទូត៖ គុយបាមានសិទ្ធិការពារខ្លួន ក្នុងករណីមានការឈ្លានពានពីសហរដ្ឋអាមេរិក

សារព័ត៌មាន៖ អគ្គលេខាធិការ NATO នឹងដាក់សម្ពាធលើក្រុមហ៊ុនការពារជាតិEU ដើម្បីផ្គាប់ចិត្តអាមេរិក

សេដ្ឋកិច្ចអ៊ីស្រាអែលធ្លាក់ចុះ ដោយសារសង្គ្រាមជាមួយអ៊ីរ៉ង់

លោក NETANYAHU និងលោក TRUMP ពិភាក្សាគ្នាអំពីលទ្ធភាពបន្តការប្រយុទ្ធប្រឆាំងនឹងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

តម្លៃប្រេងឥន្ទនៈអាចនឹងបន្តឡើងថ្លៃ នៅថ្ងៃខាងមុខ ខណៈពិធីបុណ្យចូលឆ្នាំថ្មីនឹងមកដល់ខាងមុខ

ការប្រយុទ្ធប្រឆាំងការសម្អាតប្រាក់រាជរដ្ឋាភិបាល បាននិងកំពុងផ្តល់ទំនុកចិត្តដល់អ្នកវិនិយោគ

ធនធានមនុស្សនៅក្នុងវិស័យសាធារណៈ ជាឆ្អឹងខ្នងរបស់រាជរដ្ឋាភិបាល

ធនាគារអភិវឌ្ឍន៍ជនបទ និងកសិកម្ម ផ្សព្វផ្សាយគោលការណ៍ឥណទានពិសេស ដល់សមាគមមៀនប៉ៃលិន

ការនាំចេញទំនិញកម្ពុជាទៅកូរ៉េខាងត្បូង មានកំណើន ៣៣ភាគរយ ក្នុងរយៈពេលពីរខែដើមឆ្នាំនេះ

កសិករដាំដុះមៀនប៉ៃលិន កំពុងអនុវត្តការដាំដុះកសិកម្មល្អ ដើម្បីបង្កើនលទ្ធភាពនាំចេញ

ភ្ញៀវទេសចរចាប់ផ្តើមកក់កញ្ចប់ទេសចរណ៍ ត្រៀមដើរកម្សាន្តថ្ងៃបុណ្យចូលឆ្នាំថ្មីខាងមុខនេះ

ធុរកិច្ចជន និងវិនិយោគិន រំពឹងខ្ពស់ពីទំនាក់ទំងរវាងកម្ពុជា និងជប៉ុនក្នុងវិស័យពាណិជ្ជកម្ម

យុទ្ធសាស្រ្តអភិវឌ្ឍន៍វិស័យកាត់ដេរ ចូលរួមលើកកម្ពស់ និងគាំទ្រដល់ពិពិធកម្មសេដ្ឋកិច្ច

រាជរដ្ឋាភិបាលជម្រុញនិងអភិវឌ្ឍន៍ឧស្សាហកម្មកាត់ដេរ ដើម្បីចាប់យកនូវកាលានុវត្តថ្មីៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

តម្លៃប្រេងឥន្ទនៈអាចនឹងបន្តឡើងថ្លៃ នៅថ្ងៃខាងមុខ ខណៈពិធីបុណ្យចូលឆ្នាំថ្មីនឹងមកដល់ខាងមុខ

ការប្រយុទ្ធប្រឆាំងការសម្អាតប្រាក់រាជរដ្ឋាភិបាល បាននិងកំពុងផ្តល់ទំនុកចិត្តដល់អ្នកវិនិយោគ

ធនធានមនុស្សនៅក្នុងវិស័យសាធារណៈ ជាឆ្អឹងខ្នងរបស់រាជរដ្ឋាភិបាល

ធនាគារអភិវឌ្ឍន៍ជនបទ និងកសិកម្ម ផ្សព្វផ្សាយគោលការណ៍​ឥណទាន​ពិសេស ដល់​សមាគម​មៀនប៉ៃលិន

ការនាំចេញទំនិញកម្ពុជាទៅកូរ៉េខាងត្បូង មានកំណើន ៣៣ភាគរយ ក្នុងរយៈពេលពីរខែដើមឆ្នាំនេះ

កសិករដាំដុះមៀនប៉ៃលិន កំពុងអនុវត្តការដាំដុះកសិកម្មល្អ ដើម្បីបង្កើនលទ្ធភាពនាំចេញ

ភ្ញៀវទេសចរចាប់ផ្តើមកក់កញ្ចប់ទេសចរណ៍ ត្រៀមដើរកម្សាន្តថ្ងៃបុណ្យចូលឆ្នាំថ្មីខាងមុខនេះ

ធុរកិច្ចជន និងវិនិយោគិន រំពឹងខ្ពស់ពីទំនាក់ទំងរវាងកម្ពុជា និងជប៉ុនក្នុងវិស័យពាណិជ្ជកម្ម

យុទ្ធសាស្រ្តអភិវឌ្ឍន៍វិស័យកាត់ដេរ ចូលរួមលើកកម្ពស់ និងគាំទ្រដល់ពិពិធកម្មសេដ្ឋកិច្ច

រាជរដ្ឋាភិបាលជម្រុញនិងអភិវឌ្ឍន៍ឧស្សាហកម្មកាត់ដេរ ដើម្បីចាប់យកនូវកាលានុវត្តថ្មីៗ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ធនាគារអភិវឌ្ឍន៍ជនបទ និងកសិកម្ម ផ្សព្វផ្សាយគោលការណ៍ឥណទានពិសេស ដល់សមាគមមៀនប៉ៃលិន