BTV NEWS

មន្រ្តីជាន់ខ្ពស់ CDC និង AmCham ប្តេជ្ញាបន្តពង្រឹងភាពជាដៃគូយុទ្ធសាស្ត្រឱ្យកាន់តែរឹងមាំ

វិស័យស្រូវអង្ករត្រូវការដើមទុនប្រមាណ ៤០០លានដុល្លារអាម៉េរិក ដើម្បីប្រមូលទិញស្រូវពីកសិករនៅឆ្នាំនេះ

វិនិយោគិនចិនចាត់ទុកការពង្រឹងឧបករណ៍មានហានិភ័យ ជាគ្រឹះនៃការរីកចម្រើនវិស័យឧស្សាហកម្ម

សហគ្រាសអនុវត្តបញ្ជីគណនេយ្យបានល្អ អាចទទួលបានឥណទានសម្រាប់ពង្រីកអាជីវកម្ម

សេដ្ឋកិច្ច និង កសិកម្ម

សមាគមត្រចៀកកាំសង្ឃឹមថា ការនាំចេញនឹងកាន់តែប្រសើរក្រោយរដ្ឋទទួលស្គាល់ផ្លូវការ

ភ្នំពេញ៖ ខណៈដែលសមាគមត្រចៀកកាំខ្មែរ ត្រូវបានរដ្ឋាភិបាលទទួលស្គាល់ជាផ្លូវការ ដើម្បីអភិវឌ្ឍន៍ក្នុងការផ្គត់ផ្គង់ទាំងទីផ្សារក្នុងស្រុកនិងក្រៅ។ ជាមួយគ្នានេះ លោកតំណាងអ្នកចិញ្ចឹមសត្វត្រចៀកកាំ សង្ឃឹមថា នឹងជំរុញការនាំចេញឲ្យកាន់តែល្អប្រសើរជាមុន ជាពិសេសទីផ្សារប្រទេសចិន។ក្នុងកិច្ចសម្ភាសន៍រវាងទូរទស្សន៍ព័ត៌មាន ប៊ីធីវី កាលពីរសៀលថ្ងៃទី៩ មីនា ឆ្នាំ២០២២នេះ លោក ស៊ុយ កុកធាន តំណាងអ្នកចិញ្ចឹមសត្វត្រចៀកកាំ បានឲ្យដឹងថា គោលបំណងបង្កើតសមាគមត្រចៀកកាំនេះឡើង ដើម្បីជំរុញ និងលើកទឹកចិត្តចំពោះការវិនិយោគលើការចិញ្ចឹម និងអភិវឌ្ឍន៍ផ្ទះត្រចៀកកាំ ក៏ដូចជាការពង្រឹងគុណភាពផលិតផលពីទឹកមាត់ត្រចៀកកាំ និងផ្តល់ការសិក្សាស្វែងយល់ ដំណោះស្រាយ ចែករំលែកបទពិសោធន៍ និងការស្វះស្វែងរកទីផ្សារនាំចេញទឹកមាត់ត្រចៀកកាំទៅទីផ្សារក្រៅប្រទេស និងជាពិសេសប្រទេសចិនតែម្តង ដោយសារកិច្ចព្រមព្រៀងពាណិជ្ជកម្មសេរីកម្ពុជា-ចិន នឹងចូលជាធរមាននៅឆ្នាំនេះហើយ ហេតុនេះឱកាសសម្រាប់ការនាំចេញ នឹងមានសង្ឃឹមខ្ពស់។លោក បានបន្ថែមថា យើងសង្ឃឹមថា សមាគមនឹងអាចធ្វើការទូលំទូលាយបានច្រើនជាង ថែមទាំងផ្តល់ជំនឿដល់ប្រជាកសិករ មានន័យថា ការបង្កើតសមាគមមិនមែនបម្រើផលប្រយោជន៍ឲ្យបុគ្គលណាមួយនោះទេ គឺយើងជំរុញឲ្យមានការផ្សព្វផ្សាយបច្ចេកទេសទូទៅក្នុងការថែទាំឲ្យបានលទ្ធផលល្អ ហើយធ្វើយ៉ាងណាយើងផលិតសំបុក ឲ្យក្លាយជាសំបុកស្តង់ដារ ព្រោះការសិក្សាថ្មីៗនេះ នៅអាស៊ីប៉ាស៊ីហ្វិក គឺគេរកឃើញថា សំបុកត្រចៀកកាំនៅស្រុកខ្មែរយើងគឺមានគុណភាពល្អជាងគេ។លោក ស៊ុយ កុកធាន បានឲ្យដឹងថា តាមការស្រាវជ្រាវកន្លងមក ក្នុង១ឆ្នាំៗ ប្រទេសចិនមានតម្រូវការផលិតផលសំបុកត្រចៀកកាំរាប់ពាន់តោន ខណៈការផ្គត់ផ្គង់នៅខ្វះជាង ១ពាន់តោនជារៀងរាល់ឆ្នាំ។ ទាក់ទិននិងតម្លៃវិញ លោក បានបញ្ជាក់ថា បច្ចុប្បន្នសំបុកត្រចៀកកាំនៅកម្ពុជា មិនទាន់សម្អាត គិតជាមធ្យមមានតម្លៃចន្លោះពី ៦៥០ទៅ៧០០ដុល្លារ ក្នុង ១គីឡូក្រាម និងសម្អាតហើយមានតម្លៃចន្លោះពី ១ ៦០០ ទៅជាង ២ ០០០ដុល្លារ ខណៈដែលនៅប្រទេសម៉ាឡេស៊ី ផលិតផលសំបុកត្រចៀកកាំមិនទាន់សម្អាត មានតម្លៃចន្លោះពី ៨០០ទៅ១ ០០០ ដុល្លារ៕អត្ថបទ៖ ឈិត បូរ៉ាវី

ពន្ធដារ គ្រោងដាក់ឲ្យប្រើប្រាស់ប្រព័ន្ធគ្រប់គ្រងលេខកូដសម្គាល់អចលនទ្រព្យនាពេលខាងមុខ

ភ្នំពេញ៖ អគ្គនាយកដ្ឋានពន្ធដារ នឹងដាក់ឲ្យប្រើប្រាស់ប្រព័ន្ធគ្រប់គ្រងលេខកូដ សម្គាល់អចលនទ្រព្យនាពេលខាងមុខ។ តាមរយៈប្រព័ន្ធនេះ គឺមានគោលបំណងដើម្បីឲ្យមានតម្លាភាពសម្រាប់អ្នកបង់ពន្ធ។ ចំពោះក្រុមហ៊ុនសាងសង់បុរី ឬផ្ទះល្វែង បើមិនបង់ពន្ធ មិនអាចកាត់ឈ្មោះផ្ទេរកម្មសិទ្ធិបានឡើយ។ក្នុងកិច្ចសម្ភាសន៍ជាមួយទូរទស្សន៍ព័ត៌មាន ប៊ីធីវី កាលពីល្ងាចថ្ងៃទី៨ មីនា ឆ្នាំ២០២២កន្លងទៅ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ថា ប្រទេសកាន់តែរីកចម្រើន ការស្វែងរកលំនៅឋានឲ្យមានភាពងាយស្រួល ត្រូវតែមានប្រព័ន្ធគ្រប់គ្រងទិន្នន័យឲ្យល្អនិងត្រឹមត្រូវ ព្រោះថាបណ្តាប្រទេសផ្សេងៗទៀត គេមានរួចអស់ទៅហើយ។លោកបន្តថា ជាទូទៅម្ចាស់បុរីភាគច្រើន គាត់បានគោរពតាមគោលនយោបាយបង់ពន្ធទៅតាមការកំណត់យ៉ាងល្អប្រសើរ ជាពិសេសតាមប្រព័ន្ធទិន្នន័យសព្វថ្ងៃនេះ ដែលរដ្ឋាភិបាលបានដាក់ឲ្យប្រើប្រាស់រួចហើយ តាមរយៈ ឃ្យូអរកូដ (QR Code) នៃប្លង់។ដោយឡែកលោកតំណាងឲ្យបុរីសុខសាន្តភ្នំពេញ បានឱ្យដឹងថា គិតចាប់ពីដំណើរការសាងសង់ផ្ទះសម្រាប់លក់រហូតមកទល់បច្ចុប្បន្ននេះ សម្រេចបានចំនួនប្រមាណជាង ៣ពាន់ខ្នងផ្ទះហើយ ដោយមានការបង់ពន្ធយ៉ាងត្រឹមត្រូវតាមការកំណត់របស់រដ្ឋ ព្រោះថា នេះជាកាតព្វកិច្ចទាំងអស់គ្នាត្រូវតែគោរពតាម ដើម្បីរួមចំណែកក្នុងការអភិវឌ្ឍន៍សេដ្ឋកិច្ចជាតិឲ្យកាន់តែរីកចម្រើនថែមទៀត។សូមជម្រាបជូនថា នៅក្នុងខែឧសភា ឆ្នាំ២០២២ខាងមុខនេះ អគ្គនាយកដ្ឋានពន្ធដារ នឹងដាក់ឲ្យប្រើប្រាស់ប្រព័ន្ធគ្រប់គ្រងលេខកូដសម្គាល់អចលនទ្រព្យ នៅពេលដែលក្រុមហ៊ុន សហគ្រាស ដែលសាងសង់ជាបុរី ឬសាងសង់ជាផ្ទះ បើថាអត់បានមកបង់ពន្ធ ហើយអត់មានលេខ Tax QR កូដទេ មានន័យថា មកកាត់ឈ្មោះលក់អត់ចេញទេ។ដើម្បីមានភាពស្មើគ្នា អគ្គនាយកដ្ឋានពន្ធដារ បានរៀបចំកម្មវិធីខាងលើនេះ ដោយមាន ឃ្យូអរ កូដ រាល់ផ្ទះនីមួយៗ ដែលអភិវឌ្ឍន៍ទៅចេញជាប្រព័ន្ធ ដើម្បីឲ្យដឹងថា អ្នកនឹងមកទិញផ្ទះពីម្ចាស់បុរី មានអី ឃ្យូអរ កូដហើយ បើអ្នកណាទិញដោយគ្មាន ឃ្យូអរ កូដនេះ មានន័យថា ម្ចាស់បុរីអត់បង់ពន្ធ និងអត់បានចុះបញ្ជីនោះទេ៕អត្ថបទ៖ ឈិត បូរ៉ាវី

ការនាំអង្ករកម្ពុជាទៅរុស្ស៊ី អាចរងផលប៉ះពាល់ពីវិបត្តិសង្រ្គាមអ៊ុយក្រែន-រុស្ស៊ី ក្នុងកម្រិតតិចតួច

ភ្នំពេញ៖ ការនាំអង្ករកម្ពុជាទៅកាន់ប្រទេសរុស្ស៊ី អាចនឹងរងផលប៉ះពាល់ដោយសារវិបត្តិសង្រ្គាមរុស្ស៊ី-អ៊ុយក្រែន ប៉ុន្តែផលប៉ះពាល់នេះ មានកម្រិតតិចតួច ដោយសារទីផ្សារប្រទេសរុស្ស៊ី និងអ៊ុយក្រែន ជាទីផ្សារតូចប៉ុណ្ណោះ សម្រាប់អង្ករកម្ពុជា។ក្នុងរយៈពេល៥ឆ្នាំចុងក្រោយ ពីឆ្នាំ២០១៧ ដល់ឆ្នាំ ២០២១ ប្រទេសកម្ពុជា បាននាំអង្ករចេញ ទៅកាន់ប្រទេសរុស្សី បានចំនួន ១៧ ៥១២តោន។ បរិមាណនាំចេញនេះ មានតិចតួចប៉ុណ្ណោះ ទៅកាន់ប្រទេសរុស្ស៊ីដែលជាប្រទេសធំ ធៀបនឹងប្រទេសអឺរ៉ុប និងទីផ្សារប្រទេសដទៃទៀត។របាយការណ៍ របស់សហព័ន្ធស្រូវអង្ករកម្ពុជា ចេញផ្សាយនៅថ្ងៃទី៣ ខែមីនា ឆ្នាំ២០២២ បានឲ្យដឹងទៀតថា សម្រាប់ឆ្នាំ២០២១ បរិមាណអង្ករកម្ពុជាដែលបានលក់ ទៅកាន់ប្រទេសរុស្សីមាន ចំនួន ២,២២៣តោន ដែលគិតជាទឹកប្រាក់មានចំនួន ១ ៩៦៣ ៦៤០ ដុល្លារសហរដ្ឋអាមេរិក។របាយការណ៍ បានបន្ថែមទៀតថា សម្រាប់ខែមករា និងខែកុម្ភៈ នៃឆ្នាំ២០២២ បរិមាណអង្ករដែលបាននាំចេញ ទៅកាន់ប្រទេសរុស្សី មានចំនួនត្រឹមតែ២០០តោន ដែលគិតជាទឹកប្រាក់មានចំនួន ២០០ ៦៤០ដុល្លារសហរដ្ឋអាមេរិក។ដោយឡែកការនាំអង្ករចេញ ទៅកាន់ប្រទេសអ៊ុយក្រែន បានបរិមាណតិចតួចបំផុតត្រឹមតែ ៥៧២តោនតែប៉ុណ្ណោះ ក្នុងរយៈពេល៥ឆ្នាំ។បើតាមយោងតាមសហព័ន្ធស្រូវអង្ករកម្ពុជា សង្គ្រាមរវាងរុស្ស៉ី និងអ៊ុយក្រែន អាចមានបញ្ហាទៅលើអង្ករកម្ពុជា បើសិនជាមានទណ្ឌកម្មច្រើន ទៅលើប្រទេសរុស្ស៉ី ពិសេសទណ្ឌកម្មលើប្រព័ន្ធធនាគារដែលពិបាកធ្វើការទូទាត់។ទោះបីជាយ៉ាងនេះក្ដី ដោយសារតែទីផ្សារអង្កររបស់កម្ពុជា ទៅប្រទេសរុស្សី មានបរិមាណតិចតួច ដែលមានត្រឹមប្រមាណជាង ២ពាន់តោន ក្នុងមួយឆ្នាំប៉ុណ្ណោះ ការប៉ះពាល់ស្ថិតក្នុងរង្វង់តិចតួច៕ អត្ថបទ៖ វណ្ណៈ

ឆ្នាំ២០២១ ការនាំចេញផលិតផលកាត់ដេររបស់កម្ពុជា មានទំហំទឹកប្រាក់កើនដល់ជាង ១ម៉ឺនលានដុល្លារ

ភ្នំពេញ៖ ប្រធានសមាគមរោងចក្រកាត់ដេរនៅកម្ពុជា បានឲ្យដឹងថា គិតត្រឹមបំណាច់ឆ្នាំ២០២១ កន្លងទៅ ការនំាចេញផលិតផលកាត់ដេរមានចំនួនប្រមាណជាង ១ម៉ឺន១ពាន់លាន ដុល្លារអាម៉េរិក (១១,៣៨៩.៦លានដុល្លារ) កើនឡើងប្រមាណ ១ ៥០០ លានដុល្លារ ស្មើនឹងប្រមាណជាង ១៥ភាគរយ។ក្នុងជំនួបការងារកាលពីព្រឹកថ្ងៃទី៣ ខែមីនា ឆ្នាំ២០២២នេះ នៅទីស្តីការក្រសួង លោកឧកញ៉ា គង់ សាង ប្រធានសមាគមរោងចក្រកាត់ដេរនៅកម្ពុជា (GMAC) បានជម្រាបជូនឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈជ្រាបថា ក្នុងចំណោមការនាំចេញផលិតផលកាត់ដេរទាំងនោះ សម្រាប់ផលិតសំលៀកបំពាក់មានចំនួនជាង ៨ពាន់លាន, ស្បែកជើងចំនួនជាង ១ ៣០០លានដុល្លារ និងផលិតផលធ្វើដំណើរចំនួនជាង ១ ៤០០លានដុល្លារ ក្រៅពីនេះ គឺជាផលិតផលវាយនភណ្ឌផ្សេងៗទៀត។បច្ចុប្បន្នសមាគមមានសមាជិកជារោងចក្រកាត់ដេរសំលៀកបំពាក់ចំនួន ៤៦២ ផលិតស្បែកជើងចំនួន១៣ និងផលិតផលធ្វើដំណើរចំនួន៩២។ លោក បានបន្តថា តាំងពីដើមរហូតមកនេះ ក្រសួងការងារនៅតែជាក្រសួងពាក់ព័ន្ធសំខាន់ទីមួយ សម្រាប់វិស័យកាត់ដេរ ដែលជាវិស័យអតិពលកម្ម។បើវិស័យការងារមានភាពច្របូកច្របល់ហើយនោះ វិស័យនេះ នឹងមិនមាននិរន្តរភាព និងកំណើនបានឡើយ ទោះបីជាផ្នែកផ្សេងទៀតល្អយ៉ាងណាក៏ដោយ។ ក្នុងន័យនេះ ការសម្របសម្រួលបង្កើតបាននូវបរិយាកាសទំនាក់ទំនងវិជ្ជាជីវៈមួយដែលល្អប្រសើរ និងមានភាពចាស់ទុំ នាំមកនូវស្ថេរភាពផលិតកម្ម។ ក្នុងអំឡុងពេលកូវីដនេះ គោលនយោបាយចាក់វ៉ាក់សាំងដ៏ត្រឹមត្រូវរបស់សម្តេចនាយករដ្ឋមន្រ្តី រួមនឹងការជួយជ្រោមជ្រែងពីសំណាក់ក្រសួងការងារ បានធានាដល់ស្ថេរភាពផលិតកម្ម និងកំណើននៃការនាំចេញ។ លើកឡើងក្នុងជំនួបនោះ ឯកឧត្តមបណ្ឌិត អ៊ិត សំហេង បានសាទរចំពោះសមាគមដែលសម្រេចបានល្អប្រសើរ អាចបង្កើននូវប្រសិទ្ធភាពការងារបន្តទៀតសម្រាប់សមាគម ដើម្បីជំរុញកំណើនសេដ្ឋកិច្ច និងការនាំចេញ។ ដោយសារតែមានករណីកើនឡើងនូវជំងឺបំប្លែងខ្លួនថ្មីប្រភេទអូមីក្រុង ដូច្នេះទាមទារឲ្យខាងសមាជិករបស់សមាគម ដែលមានរោងចក្រ សហគ្រាសកំពុងដំណើរការអាជីវកម្មសព្វថ្ងៃនេះអនុវត្តឲ្យបានល្អនូវគោលការណ៍ប្រតិបត្តិស្តង់ដារ (SOP) របស់ក្រសួងឲ្យបានខ្ជាប់ខ្ជួន ក្នុងការរក្សាបាននូវដំណើរការចង្វាក់ផលិតកម្ម ព្រមទាំងរក្សាការងារជូនកម្មករនិយោជិតរបស់យើង ជាពិសេស ឯកឧត្តមរដ្ឋមន្ត្រី ជំរុញឲ្យមានសហគមន៍សុខសាន្តនៅតាមរោងចក្រ សហគ្រាស គ្រឹះស្ថាន តាមរយៈបង្កើនទំនាក់ទំនងល្អ យោគយល់គ្នារវាងថៅកែ និងកម្មករនិយោជិត ដើម្បីជាផលប្រយោជន៍រួម។ ឯកឧត្តម លើកឡើងបន្តថា តាមរយៈកិច្ចពិភាក្សា និងស្តាប់យោបល់គ្នាទៅវិញទៅមក ដើម្បីរួមគ្នាភាពជាដៃគូរវាងក្រសួងការងារ និងបណ្តុះបណ្តាលវិជ្ជាជីវៈ ជាមួយសមាគមរោងចក្រកាត់ដេរនៅកម្ពុជា ដែលអាចដោះស្រាយនូវបញ្ហានានាបន្តទៀត ជាពិសេសនៅក្នុងបរិបទកំណើននៃការបញ្ជាទិញគឺកើនឡើងខ្ពស់ បណ្តាឲ្យខ្វះខាតនូវកម្លាំងពលកម្ម៕អត្ថបទ៖ ឈិត បូរ៉ាវី

វិស័យទេសចរណ៍កម្ពុជា អាចរងផលប៉ះពាល់បើវិបត្តិសង្គ្រាមរុស្ស៊ី-អ៊ុយក្រែន បន្តរយៈពេលវែង

ភ្នំពេញ ៖ អ្នកជំនាញក្នុងវិស័យទេសចរណ៍ អះអាងថា វិបត្តិសង្គ្រាមរវាងរុស្ស៊ី និងអ៊ុយក្រែន ក្នុងរយៈពេលប៉ុន្មានថ្ងៃចុងក្រោយនេះ មិនទាន់បង្កើនបន្ទុក ឬប៉ះពាលដល់វិស័យទេសចរណ៍កម្ពុជានោះទេ។ ប៉ុន្តែបើសង្គ្រាមនៅតែបន្តអូសបន្លាយយូរ និងរាលដាលទៅបណ្តាប្រទេសនានាទៀតនៅអឺរ៉ុប នោះវានឹងបង្កការប៉ះពាល់ដល់វិស័យទេសចរណ៍កម្ពុជា មកពីប៉ែកខាងអឺរ៉ុប។តំណាងសមាគមន៍ទេសចរណ៍អាស៊ីប៉ាស៊ីភិចPATA ប្រចាំនៅកម្ពុជា លោក ធួន ស៊ីណាន បានថ្លែងប្រាប់BTVនៅថ្ងៃទី៤ ខែមីនានេះថា ខណៈដែលវិបត្តិសង្គ្រាមអ៊ុយក្រែន និងរុស្ស៊ី បាននិងកំពុងកើតឡើង បច្ចុប្បន្ននេះ មិនទាន់បង្កការប៉ះពាលខ្លាំងបន្ថែមទៀតដល់វិស័យទេសចរណ៍កម្ពុជា ។លោក ថ្លែងថា បើសង្គ្រាមនេះ បន្តការអូសបន្លាយយូរ និងរាលដាលដល់បណ្តាប្រទេសនៅប៉ែកខាងអឺរ៉ុបទៀតនោះ វាពិតណាស់ នឹងបង្កប៉ះពាលដល់វិស័យទេសចរណ៍កម្ពុជាធ្ងន់ធ្ងរ ខណៈកម្ពុជាបច្ចុប្បន្នក៏មានតម្រូវការភ្ញៀវមកពីអឺរ៉ុបច្រើនហើយបច្ចុប្បន្នបណ្តាការីទេសចរណ៍នៅកម្ពុជា ក៏បាននិងកំពុង ចងក្រងទំនាក់ទំនាក់ពាណិជ្ជកម្មក្នុងវិស័យទេសចរណ៍ជាមួយបណ្តាប្រទេសនៅអឺរ៉ុបឡើងវិញ បន្ទាប់ពីរងការប៉ះពាល់ធ្ងន់ធ្ងរពីរាតត្បាតកូវិដ១៩។លោក ធួន ស៊ីណាន បន្តថា តាមការគត់សំគាល់ នៅកម្ពុជា ពុំសូវមានជនជាតិរុស្ស៊ី និងអ៊ុយក្រែនមកប្រកបអាជីវកម្មទេសចរណ៍នៅកម្ពុជាទេ ប៉ុន្តែកន្លងមកកម្ពុជាក៏មានមគ្គុទ្ទេសក៍ទេសចរណ៍ខ្លះជាជនជាតិរុស្ស៊ីខ្លះៗដែរ តែពុំមានធ្វើអាជ្ញាប័ណ្ណប្រកបអាជីវកម្មនោះទេ។ឯកឧត្តម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងថា យល់ឃើញស្រដៀងគ្នានេះ។ ទេសចរជាសកល មិនទាន់ធ្វើដំណើរច្រើនដោយសារកូវីដ ហើយទេសចរមកពីអឺរ៉ុបក៏មិនទាន់មានច្រើន ខណៈបច្ចុប្បន្នកម្ពុជាកំពុងមានតែភ្ញៀវទេសចរនៅក្នុងតំបន់ និងនៅតំបន់អាស៊ីប៉ាស៊ីភិចច្រើនមកទស្សនាកម្ពុជា។ដោយឡែកបើតាមឯកឧត្តម ជា អូន អ្នកនាំពាក្យលេខាធិការដ្ឋានអាកាសចរណ៍ស៊ីវិល ថ្លែងថា សង្គ្រាមរុស្ស៊ី និងអ៊ុយក្រែន មិនបង្កការប៉ះពាល់ជើងហោះហើរដឹកអ្នកដំណើរអន្តរជាតិមកកម្ពុជា ដោយសារបច្ចុប្បន្នកម្ពុជា មិនមានជើងហោះហើរត្រង់មកពីអឺរ៉ុបស្រាប់ទៅហើយ ហើយទេសចរនិងអ្នកដំណើរមកពីអឺរ៉ុប និងរុស្ស៊ី ភាគច្រើនគឺបន្តដំណើរមកពីសឹង្ហបូរី ម៉ាឡេស៊ី និងប្រទេសថៃជាដើម ក្នុងនោះក៏មានភ្ញៀវទេសចររុស្សីមួយៗមកទស្សនាទៅខេត្តសៀមរាបផងដែរ៕ អត្ថបទ ស៊ុម សុខជា

ទំហំពាណិជ្ជកម្មរវាងប្រទេសកម្ពុជា និងវៀតណាម មានចំនួន ៩.៥៣ ពាន់លានដុល្លារ ក្នុងឆ្នាំ២០២១

ភ្នំពេញ៖ ជញ្ជីងពាណិជ្ជកម្មនៃប្រទេសកម្ពុជា និងវៀតណាម មានប្រមាណ ៩.៥៣ ពាន់លានដុល្លារ ទោះបីមានវិបត្តិកូវីដ១៩ក៏ដោយ តែនៅរក្សាកំណើនគួរកត់សម្គាល់ ។ ក្នុងជំនួបពិភាក្សាការងាររវាងឯកឧត្តម ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងឯកឧត្តម ង្វៀង ហ៊ុយ តាំង (Nguyen Huy Tang ) ឯកអគ្គរដ្ឋទូតវៀតណាម ប្រចាំកម្ពុជា នៅព្រឹកថ្ងៃទី១ ខែមីនា ឆ្នាំ២០២២ មានប្រសាសន៍ថា ជញ្ជីងពាណិជ្ជកម្មនៃប្រទេសទាំងពីរ ទោះបីមានវិបត្តិកូវីដ១៩ ក៏ដោយ តែនៅរក្សាកំណើនគួរកត់សម្គាល់ ។ជាក់ស្តែង នៅឆ្នាំ២០២០ ទំហំពាណិជ្ជកម្ម នៃប្រទេសទាំងពីរ មានប្រមាណ ៥.៣ពាន់លានដុល្លារអាមេរិក និងឆ្នាំ២០២១ មានចំនួន ៩.៥៣ពាន់លានដុល្លារ យើងសង្ឃឹមថា នៅឆ្នាំ២០២២នេះ នឹងមានការកើនឡើងថែមទៀត ។ឯកអគ្គរដ្ឋទូត មានប្រសាសន៍ថា វៀតណាម បានផ្តោតការយកចិត្តទុកដាក់ ទៅលើការពង្រឹងពង្រីកទំនាក់ទំនង និងកិច្ចសហប្រតិតបត្តិការលេវិស័យ ឧស្សាហកម្ម វិទ្យាសាស្ត្រ និងបច្ចេកវិទ្យា រវាងកម្ពុជា-វៀតណាម ។ជាការឆ្លើយតប ឯកឧត្តម កិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ បានវាយតម្លៃខ្ពស់ នៃទំនាក់ទំនងដ៏ល្អរវាងប្រទេសទាំងពីរ និងគាំទ្រចំពោះសំណើរលើកឡើងរបស់ភាគីវៀតណាមខាងលើ។ឯកឧត្តមកិត្តិសេដ្ឋាបណ្ឌិត បានបញ្ជាក់ថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ របស់កម្ពុជា បច្ចុប្បន្ន ត្រូវធ្វើការងារជាមួយសមភាគីវៀតណាមចំនួនពីស្ថាប័ន គឺក្រសួងឧស្សាហកម្ម និងពាណិជ្ជកម្ម វៀតណាម និងក្រសួង វិទ្យាសាស្ត្រ និងបច្ចេកវិទ្យា វៀតណាម៕អត្ថបទ៖ វណ្ណៈ

កម្ពុជា និងអូម៉ង់ឯកភាពជំរុញកិច្ចសហប្រតិបត្តិការក្នុងវិស័យពាណិជ្ជកម្ម និងវិនិយោគ

ភ្នំពេញ៖ ប្រទេសកម្ពុជា និងប្រទេស អូម៉ង់ បានឯកភាពពង្រឹងកិច្ចសហប្រតិបត្តិការទ្វេភាគី ក្នុងវិស័យសេដ្ឋកិច្ច ពាណិជ្ជកម្ម និងវិនិយោគ សំដៅបន្តលើកកម្ពស់ភាពជាដៃគូគ្រប់ជ្រុងជ្រោយ និងបង្កើនទំហំពាណិជ្ជកម្ម និងវិនិយោគទ្វេភាគីនាពេលខាងមុខ។លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម កាលពីថ្ងៃទី២ មីនា ឆ្នាំ២០២២នេះ បានទទួលជួបឯកឧត្តម សាឡិច ម៉ូហាម៉េត អាម៉េតអាយស៊ូគ្រី (Saleh Mohamed Ahmed Al Suqri) ឯកអគ្គរាជទូតតែងតាំងថ្មី នៃប្រទេសអូម៉ង់ ប្រចំាកម្ពុជា។ក្នុងជំនួបនេះ លោកជំទាវ តឹករ៉េត កំរង បានបង្ហាញសុទិដ្ឋិនិយមថា តាមរយៈបេសកកម្មការទូតដ៏មានអត្ថន័យជាមួយនឹងកិច្ចខិតខំប្រឹងប្រែងរបស់ភាគីទាំងពីរ កម្ពុជា និងអូម៉ង់នឹងមានលទ្ធភាពពង្រឹងទំនាក់ទំនងទ្វេភាគីឱ្យកាន់តែជិតស្និទ្ធ ក៏ដូចជាពង្រីកកិច្ចសហប្រតិបត្តិការឱ្យកាន់តែខ្ពស់មួយកម្រិតទៀត។ ទន្ទឹមនេះលោកជំទាវ បានជម្រាបជូនពីកាលានុវត្តភាពធុរកិច្ចនិងវិនិយោគ បទដ្ឋានគតិយុត្ត និងគោលនយោបាយនានា ដែលទ្រទ្រង់ដល់ធុរជន និងវិនិយោគិនគ្រប់ទីមជ្ឈដ្ឋាន ជាក់ស្តែងកិច្ចព្រមព្រៀងពាណិជ្ជកម្មសេរី ដែលសម្រេចបានក្នុងក្របខណ្ឌទ្វេភាគីកម្ពុជា-ចិន, កម្ពុជា-កូរ៉េ និងក្របខណ្ឌអាស៊ានបូកដៃគូ និងសេដ្ឋកិច្ចគ្រប់ជ្រុងជ្រោយតំបន់ (RCEP)។ លោកជំទាវ បានលើកទឹកចិត្តវិនិយោគិនអូម៉ង់ចាប់យកឱកាសសេដ្ឋកិច្ចនៅកម្ពុជា តាមរយៈការបង្កើតផលិតកម្ម ការចូលរួមក្នុងខ្សែច្រវ៉ាក់ផ្គត់ផ្គង់តំបន់ និងការវិនិយោគលើផលិតផលសក្តានុពលរបស់កម្ពុជា រួមមាន៖ អង្ករ កៅស៊ូ ចេក ស្វាយ គ្រឿងអេឡិចត្រូនិច ទំនិញសម្រាប់ការធ្វើដំណើរ និងវាយនភ័ណ្ឌ។-ល-។ជាការឆ្លើយតប ឯកឧត្តមឯកអគ្គរាជទូត បានគូសបញ្ជាក់ពីការប្តេជ្ញាខ្ពស់របស់ភាគីអូម៉ង់ ដើម្បីលើកស្ទួយទំនាក់ទំនងទ្វេភាគី និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ ជាពិសេសក្នុងវិស័យពាណិជ្ជកម្ម ទេសចរណ៍ កំពង់ផែអន្តរជាតិ និងសភាពាណិជ្ជកម្ម។ គិតក្នុងឆ្នាំ២០២០ និង២០២១ ពាណិជ្ជកម្មទ្វេភាគីកម្ពុជា-អូម៉ង់ សម្រេចបានប្រមាណ ៥,៥លានដុល្លារអាម៉េរិក។ បើទោះបីជាទំហំពាណិជ្ជកម្មទ្វេភាគីនៅមានកម្រិត ប្រទេសទាំងពីរមានសក្តានុពលផ្នែកសេដ្ឋកិច្ច និងពាណិជ្ជកម្មគួរឱ្យកត់សម្គាល់ ដែលអាចបំពេញឱ្យគ្នាទៅវិញទៅមក និងផ្តល់នូវកាលានុវត្តភាពក្នុងការជំរុញទំហំពាណិជ្ជកម្ម និងវិនិយោគទ្វេភាគីឱ្យកាន់តែប្រសើរឡើងនាពេលអនាគត៕អត្ថបទ ឈិត បូរ៉ាវី

ពាណិជ្ជកម្មកម្ពុជា-អូស្រ្តាលី មានទំហំទឹកប្រាក់ជាង ៣០០លានដុល្លារ ក្នុងឆ្នាំ២០២១

ភ្នំពេញ៖ ទោះបីជាស្ថិតក្នុងកាលៈទេសៈនៃវិបត្តិកូវីដ-១៩ យ៉ាងណាក៏ដោយ ក្នុងនោះទំហំពាណិជ្ជកម្មទ្វេភាគីគិតត្រឹមបំណាច់ឆ្នាំ២០២១ កន្លងទៅ សម្រេចបានក្នុងទំហំទឹកប្រាក់ប្រមាណ ៣២៤លានដុលា្លរ កើនទ្បើង ៥២ភាគរយធៀបនឹងឆ្នាំ២០២០។ទិន្នន័យពាណិជ្ជកម្មទេ្វភាគីនេះ ត្រូវបានលើកក្នុងកិច្ចប្រជុំ រវាងឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម ក្នុងឱកាសទទួលជួបពិភាក្សាការងារជាមួយលោកជំទាវ កាទ្រីណា ខូភើ (Katrina Cooper) អនុលេខាធិការទទួលបន្ទុកអាស៊ីអគ្នេយ៍ និងក្រុមដៃគូសកលនៃក្រសួងការបរទេស និងពាណិជ្ជកម្មអូស្រ្តាលី អមជាមួយឯកឧត្តម ប៉ាប្លូ កាំង (Pablo Kang) ឯកអគ្គរាជទូតអូស្រ្តាលីប្រចាំកម្ពុជា និងសហការី កាលពីព្រឹកថ្ងៃទី២ ខែមីនា ឆ្នាំ២០២២។ឯកឧត្តម ប៉ាន សូរស័ក្ដិ បានជម្រាបជូនភ្ញៀវ អំពីវឌ្ឍនភាពនៃការរៀបចំបញ្ជីសមិទ្ធផលសេដ្ឋកិច្ចអាទិភាពរបស់កម្ពុជា ក្រោមសសរស្ដម្ភសហគមន៍សេដ្ឋកិច្ចអាស៊ានស្របតាមមូលបទ៖ អាស៊ានរួមគ្នាធ្វើ-ដោះស្រាយបញ្ហាប្រឈមទាំងអស់គ្នា។ ក្នុងនោះ ក៏បានសង្កត់ធ្ងន់លើការជំរុញ និងពន្លឿននូវកិច្ចខិតខំប្រឹងប្រែងសំដៅស្តារឡើងវិញលើគ្រប់វិស័យ ដើម្បីកសាងសហគមន៍អាស៊ានប្រកបដោយបរិយាប័ន្ន ចីរភាព និងភាពធន់ក្រោយវិបត្តិនៃជំងឺកូវីដ-១៩។ភាគីទាំងពីរបានពិភាក្សាផ្លាស់ប្តូរយោបល់គ្នាលើការអនុវត្តកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) និងកិច្ចព្រមព្រៀងពាណិជ្ជកម្មសេរីរវាងអាស៊ាន-អូស្រ្តាលី-នូវែលស្សេឡង់ (AANZFTA) ដែលកម្ពុជា និងអូស្រ្ដាលីជាសមាជិកផងដែរ។ បន្ថែមពីនេះ ភាគីទាំងពីរ ក៏បានពិភាក្សាលើកិច្ចសហប្រតិបត្តិការក្រោមក្របខ័ណ្ឌភាពជាដៃគូមេគង្គនិងអូស្រ្តាលី (Mekong-Australia Partnership) និងការគាំទ្ររបស់អូស្រា្តលីសម្រាប់សមិទ្ធផលសេដ្ឋកិច្ចអាទិភាពរបស់កម្ពុជា។ក្នុងឱកាសនោះ ភាគីអូស្រ្តាលី បានអបអរសាទរចំពោះការរីកចម្រើនពាណិជ្ជកម្មទ្វេភាគី និងប្តេជ្ញាបន្តជំរុញកំណើនពាណិជ្ជកម្ម និងវិនិយោគបន្ថែមទៀត។ ជាមួយគ្នានេះ លោកជំទាវក៏បានបញ្ជាក់ពីការគាំទ្ររបស់អូស្រ្តាលីចំពោះកម្ពុជា ក្នុងនាមជាប្រធានអាស៊ានឆ្លាស់វេនឆ្នាំ២០២២ និងប្តេជ្ញាបន្តកិច្ចសហការយ៉ាងជិតស្និទ្ធជាមួយកម្ពុជា សំដៅអាចសម្រេចបាននូវសមិទ្ធផលអាទិភាពកម្ពុជាប្រកបដោយជោគជ័យ៕អត្ថបទ ឈិត បូរ៉ាវី

តម្លៃដឹកជញ្ជូនក្នុងស្រុក មិនទាន់រងផលប៉ះពាល់ពីការកើនតម្លៃប្រេងឥន្ធនៈលើទីផ្សារអន្តរជាតិ

ភ្នំពេញ៖ ប្រធានសមាគមភស្តុភារកម្មកម្ពុជា បានអះអាងថា គិតក្នុងរយៈពេល២ខែកន្លងមកនេះ ទោះបីជាមើលឃើញថាតម្លៃប្រេងឥន្ធនៈនៅលើទីផ្សារ មានការកើនឡើងខ្ពស់ ប៉ុន្តែវិស័យដឹកជញ្ជូន និងឡូជីស្ទិក (Logistic)នៅក្នុងស្រុក មិនមានការដំឡើងថ្លៃនោះទេ។នាល្ងាចថ្ងៃទី១ ខែមីនា លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានបញ្ជាក់ថា កន្លងមក រយៈពេល២ខែ នៃឆ្នាំ២០២២នេះ ទោះបីជាប្រេងឥន្ធនៈនៅកម្ពុជាមានការកើនថ្លៃ ក៏មិនទាន់ជះឥទ្ធិពល ឬប៉ះពាល់ច្រើនទេដល់ការដឹកជញ្ជូនក្នុងស្រុក។ សមាគម ក៏ដូចជាអ្នកប្រកបរបរទទួលទានក្នុងវិស័យដឹកជញ្ជូន តែងតែយកចិត្តទុកដាក់ធ្វើយ៉ាងណាមិនដំឡើងថ្លៃទេ ពោលគឺធ្វើឲ្យអ្នកប្រើប្រាស់ គាត់នៅមានការប្រើប្រាស់ជាធម្មតា។ ទោះជាយ៉ាងណា ការប្រែប្រួលនេះ ធ្វើឱ្យចំណូលរបស់ក្រុមហ៊ុនដឹកជញ្ជូនធ្លាក់ចុះ។ លោក បានបន្ថែមថា ក្នុងពេលខាងមុខ ប្រសិនបើតម្លៃប្រេងនៅតែបន្តកើនថ្លៃ សមាគមលោក នឹងពិចារណាជាថ្មីលើតម្លៃដឹកជញ្ជូន ព្រោះថា ក្រុមហ៊ុនដឹកជញ្ជូន មិនអាចទប់នឹងប្រតិបត្តិការបានទេ។សូមជម្រាបជូនថា ពាក់ព័ន្ធនឹងតម្លៃលក់រាយប្រេងឥន្ធនៈនៅកម្ពុជា គិតពីថ្ងៃទី១ ដល់១៥ ខែមីនា ឆ្នាំ២០២២ សម្រាប់ប្រេងសាំងធម្មតាថ្លៃ ៤ ៨០០រៀល ក្នុង១លីត្រ។ រីឯប្រេងម៉ាស៊ូតថ្លៃ ៤ ៥០០រៀល ក្នុង១លីត្រ។ ខណៈដែល ២សប្តាហ៍ដូចគ្នា នៅដើមខែមករា (ចាប់ពីថ្ងៃទី១ ដល់ថ្ងៃទី១៥ ខែមករា ឆ្នាំ២០២២) ប្រេងសាំងធម្មតាត្រូវដាក់លក់ក្នុងតម្លៃ ៤ ២០០រៀល។ ដោយឡែក ប្រេងម៉ាស៊ូតតម្លៃត្រឹមតែ ៣ ៨០០រៀល នៅក្នុង១លីត្រ។ ជុំវិញបញ្ហានៃការកំណត់ថ្លៃលក់រាយប្រេងឥន្ធនៈនៅកម្ពុជានេះ ក្រសួងពាណិជ្ជកម្ម បានបញ្ជាក់ថា គឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិមកគណនាតាមប្រកាសដូចមានក្នុងឯកសារតែប៉ុណ្ណោះ៕ អត្ថបទ៖ ឈិត បូរ៉ាវី

កម្ពុជា-ឆែក ឯកភាពពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ

ភ្នំពេញ៖ បើទោះបីជារងផលប៉ះពាល់នៃជំងឺកូវីដ-១៩ យ៉ាងណាក៏ដោយ ប្រទេសឆែកនៅតែជាទីផ្សារដ៏សំខាន់មួយក្នុងសហភាពអឺរ៉ុប សម្រាប់ផលិតផលកម្ពុជា។ ក្នុងនោះ ទំហំពាណិជ្ជកម្មរវាងប្រទេសកម្ពុជា-ឆែក សម្រេចបានក្នុងរង្វង់ ៨០លានដុល្លារអាម៉េរិក ក្នុងឆ្នាំ២០២០ និងឆ្នាំ២០២១ ហើយរំពឹងថា នឹងមានភាពប្រសើរឡើងវិញ ក្នុងពេលដ៏ឆាប់ខាងមុខ។ក្នុងជំនួបការងាររវាងឯកឧត្តម ម៉ាទីន វ៉ាវរ៉ា(Martin VÁVRA) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឆែកប្រចាំនៅកម្ពុជា កាលពីថ្ងៃទី១ ខែមីនា ឆ្នាំ២០២២ នៅទីស្តីការក្រសួង ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម បានថ្លែងកោតសរសើរពីចំណងមិត្តភាព និងទំនាក់ទំនងដ៏ល្អប្រពៃណីរវាងប្រទេសទាំងពីរ ប្រជាជននៃភាគីទាំងពីរ ព្រមទាំងកិច្ចខិតខំប្រឹងប្រែងរួមគ្នានាពេលកន្លងមក ក្នុងការពង្រឹង និងពង្រីកកិច្ចសហប្រតិបត្តិការលើវិស័យសក្តានុពលនានា ជាពិសេសវិស័យពាណិជ្ជកម្ម ដោយផ្តោតលើទំនិញអង្ករ ការកែច្នៃម្ហូបអាហារ និងការកែច្នៃ និងវេចខ្ចប់ផ្លែឈើកម្ពុជា។ជាកិច្ចឆ្លើយតប ភាគីឆែក បានថ្លែងអំណរគុណចំពោះឯកឧត្តមរដ្ឋមន្រ្ដី ក្នុងការបង្ហាញជំហរគាំទ្រលើបេសកកម្មរបស់ស្ថានទូតឆែកនៅកម្ពុជា ព្រមទាំងបានបង្ហាញពីសេចក្តីសោមនស្សរីករាយចំពោះកិច្ចខិតខំប្រឹងប្រែងរបស់រដ្ឋាភិបាលកម្ពុជា ដែលមានក្រសួងពាណិជ្ជកម្មជាសេនាធិការ ក្នុងការធ្វើពិពិធកម្មសេដ្ឋកិច្ចតាមរយៈការធ្វើកំណែទម្រង់ច្បាប់ បទបញ្ញត្តិ និងស្ថាប័ន ដែលនឹងជួយជំរុញទំនាក់ទំនងពាណិជ្ជកម្មទ្វេភាគីកាន់តែល្អប្រសើរបន្ថែមទៀត។ក្នុងឱកាសនោះ ភាគីទាំងពីរបានលើកឡើងពីផលប៉ះពាល់នៃស្ថានការណ៍ជំងឺរាតត្បាតសកល ដែលកំពុងជះឥទ្ធិពលអវិជ្ជមានលើខ្សែច្រវ៉ាក់ផ្គត់ផ្គង់ តម្រូវការក្នុងតំបន់ និងសកលលោក ដែលនាំឱ្យមានការប៉ះពាល់ដល់ការធ្វើពាណិជ្ជកម្មរវាងប្រទេសទាំងពីរ។ ឯកឧត្តមរដ្ឋមន្ត្រី បានជឿជាក់យ៉ាងមុតមាំថា ជាមួយនឹងការឈានទៅរកគន្លងប្រក្រតីភាពថ្មីតាមរយៈការគ្រប់គ្រងស្ថានការណ៍កូវីដ-១៩ យ៉ាងមានប្រសិទ្ធិភាពនៅកម្ពុជា គួបផ្សំជាមួយនឹងសមិទ្ធផលសំខាន់ៗ ក្នុងវិស័យពាណិជ្ជកម្មដែលក្រសួងពាណិជ្ជកម្មកម្ពុជាសម្រេចបានថ្មីៗនេះ ដូចជាកិច្ចព្រមព្រៀងស្ដីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) កិច្ចព្រមព្រៀងទ្វេភាគី កម្ពុជា-ចិន និងកម្ពុជា-កូរ៉េ ព្រមទាំងតួនាទីជាប្រធានអាស៊ានរបស់កម្ពុជាផងនោះ ធុរជន និងវិនិយោគិនឆែក នឹងអាចទាញយកនូវអត្ថប្រយោជន៍ជាអតិបរមាពីកាលានុវត្តភាពទីផ្សារកាន់តែទូលំទូលាយ ក្នុងបរិយាកាសធុរកិច្ច និងវិនិយោគល្អ ដែលនឹងអាចឈានដល់ការបង្កើនកិច្ចសហប្រតិបត្តិការពាណិជ្ជកម្មបន្ថែមទៀតនាពេលអនាគត។សូមបញ្ជាក់ថា គិតត្រឹមឆ្នាំ២០១៩ ទំហំពាណិជ្ជកម្មកម្ពុជា-ឆែក សម្រេចបានប្រមាណ ១២៦លានដុល្លារអាមេរិក ជាមួយនឹងកំណើន ៣៦% បើប្រៀបធៀបនឹងឆ្នាំ២០១៨។ ប៉ុន្តែ ដោយដោយទទួលរងផលប៉ះពាល់ពីជំងឺកូវីដ១៩ ទំហំពាណិជ្ជកម្មរវាងប្រទេសកម្ពុជា-ឆែក មានការថមថយមកត្រឹមរង្វង់ ៨០លានដុល្លារ ក្នុងឆ្នាំ២០២០និងឆ្នាំ២០២១ ដែលត្រូវបានរំពឹងថា នឹងមានភាពប្រសើរឡើងវិញ ក្នុងពេលដ៏ឆាប់ខាងមុខ៕ អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ករណីលួចនាំចូលស្ករ.ស ពីថៃ សមត្ថកិច្ចខេត្តកំពតរឹបអូសជាង៦៨តោន និងកំពុងស្វែងរកចាប់ខ្លួនអ្នកពាក់ព័ន្ធ

ប្រព័ន្ធផ្សព្វផ្សាយអ៊ីរ៉ង់៖ យានដ្រូន MQ-9 Reaper របស់អាមេរិក ត្រូវបានបាញ់ទម្លាក់ នៅក្នុងប្រទេសយេម៉ែន

មន្ត្រីជាន់ខ្ពស់ក្រសួងធម្មការ៖ សុខដុមនីយកម្ម និងជំនឿសាសនា ត្រូវបានពង្រឹងដោយរាជរដ្ឋាភិបាល

CDC របស់អាមេរិក នឹងបង្កើនការឆ្លើយតបជាមួយជំងឺអេបូឡា ក្រោយ WHO ប្រកាសអាសន្ន

ប្រព័ន្ធផ្សព្វផ្សាយ៖ អ៊ីស្រាអែលសាងសង់មូលដ្ឋានសម្ងាត់ពីរនៅអ៊ីរ៉ាក់សម្រាប់សង្គ្រាមអ៊ីរ៉ង់

ស៊ីរីនឹងចូលរួមជំនួបរដ្ឋមន្ត្រីហិរញ្ញវត្ថុ G7 នៅទីក្រុងប៉ារីស ដើម្បីបង្ហាញពីឋានៈកាន់តែរីកចម្រើន

យោធាចិននិយាយថាខ្លួនត្រៀមធ្វើការជាមួយអាមេរិក ដើម្បីលើកកម្ពស់មិត្តភាពប្រកបដោយស្ថិរភាព និងវិជ្ជមាន

ការប្រឆាំងលោក Starmer ក្នុងគណបក្សការងារ ធ្វើឲ្យរស់ឡើងវិញនូវការជជែកពីការចូលរួមជាមួយ EU

អំណោយសម្តេចកិត្តិព្រឹទ្ធបណ្ឌិតត្រូវបានផ្តល់ជូនពលរដ្ឋរងគ្រោះដោយខ្យល់កន្ត្រាក់ក្នុងស្រុកចំការលើ

សាខាកាកបាទក្រហមខេត្តស្វាយរៀងទទួលមូលនិធិពីសប្បុរសជន សម្រាប់ថ្ងៃ ៨ ឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

សមាគមត្រចៀកកាំសង្ឃឹមថា ការនាំចេញនឹងកាន់តែប្រសើរក្រោយរដ្ឋទទួលស្គាល់ផ្លូវការ

ពន្ធដារ គ្រោងដាក់ឲ្យប្រើប្រាស់ប្រព័ន្ធគ្រប់គ្រងលេខកូដសម្គាល់អចលនទ្រព្យនាពេលខាងមុខ

ការនាំអង្ករកម្ពុជាទៅរុស្ស៊ី អាចរងផលប៉ះពាល់ពីវិបត្តិសង្រ្គាមអ៊ុយក្រែន-រុស្ស៊ី ក្នុងកម្រិតតិចតួច

ឆ្នាំ២០២១ ការនាំចេញផលិតផលកាត់ដេររបស់កម្ពុជា មានទំហំទឹកប្រាក់កើនដល់ជាង ១ម៉ឺនលានដុល្លារ

វិស័យទេសចរណ៍កម្ពុជា អាចរងផលប៉ះពាល់បើវិបត្តិសង្គ្រាមរុស្ស៊ី-អ៊ុយក្រែន បន្តរយៈពេលវែង

ទំហំពាណិជ្ជកម្មរវាងប្រទេសកម្ពុជា និងវៀតណាម មានចំនួន ៩.៥៣ ពាន់លានដុល្លារ ក្នុងឆ្នាំ២០២១

កម្ពុជា និងអូម៉ង់ឯកភាពជំរុញកិច្ចសហប្រតិបត្តិការក្នុងវិស័យពាណិជ្ជកម្ម និងវិនិយោគ

ពាណិជ្ជកម្មកម្ពុជា-អូស្រ្តាលី មានទំហំទឹកប្រាក់ជាង ៣០០លានដុល្លារ ក្នុងឆ្នាំ២០២១

តម្លៃដឹកជញ្ជូនក្នុងស្រុក មិនទាន់រងផលប៉ះពាល់ពីការកើនតម្លៃប្រេងឥន្ធនៈលើទីផ្សារអន្តរជាតិ

កម្ពុជា-ឆែក ឯកភាពពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

សមាគមត្រចៀកកាំសង្ឃឹមថា ការនាំចេញនឹងកាន់តែប្រសើរក្រោយរដ្ឋទទួលស្គាល់ផ្លូវការ

ពន្ធដារ គ្រោងដាក់ឲ្យប្រើប្រាស់ប្រព័ន្ធគ្រប់គ្រងលេខកូដសម្គាល់អចលនទ្រព្យនាពេលខាងមុខ

ការនាំអង្ករកម្ពុជាទៅរុស្ស៊ី អាចរងផលប៉ះពាល់ពីវិបត្តិសង្រ្គាមអ៊ុយក្រែន-រុស្ស៊ី ក្នុងកម្រិត​តិចតួច

ឆ្នាំ២០២១ ការនាំចេញផលិតផលកាត់ដេររបស់កម្ពុជា មានទំហំទឹកប្រាក់កើនដល់ជាង ១ម៉ឺនលានដុល្លារ

វិស័យទេសចរណ៍កម្ពុជា អាចរងផលប៉ះពាល់បើវិបត្តិសង្គ្រាមរុស្ស៊ី-អ៊ុយក្រែន បន្តរយៈពេលវែង

ទំហំពាណិជ្ជកម្មរវាងប្រទេសកម្ពុជា និងវៀតណាម មានចំនួន ៩.៥៣ ពាន់លានដុល្លារ ក្នុងឆ្នាំ២០២១

កម្ពុជា និងអូម៉ង់ឯកភាពជំរុញកិច្ចសហប្រតិបត្តិការក្នុងវិស័យពាណិជ្ជកម្ម និងវិនិយោគ

ពាណិជ្ជកម្មកម្ពុជា-អូស្រ្តាលី មានទំហំទឹកប្រាក់ជាង ៣០០លានដុល្លារ ក្នុងឆ្នាំ២០២១

តម្លៃដឹកជញ្ជូនក្នុងស្រុក ​មិនទាន់រងផលប៉ះពាល់ពីការកើនតម្លៃប្រេងឥន្ធនៈលើទីផ្សារអន្តរជាតិ

កម្ពុជា-ឆែក ឯកភាពពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការនាំអង្ករកម្ពុជាទៅរុស្ស៊ី អាចរងផលប៉ះពាល់ពីវិបត្តិសង្រ្គាមអ៊ុយក្រែន-រុស្ស៊ី ក្នុងកម្រិតតិចតួច

តម្លៃដឹកជញ្ជូនក្នុងស្រុក មិនទាន់រងផលប៉ះពាល់ពីការកើនតម្លៃប្រេងឥន្ធនៈលើទីផ្សារអន្តរជាតិ