BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

ព័ត៌មានកីឡា ពានរង្វាន់វាយកូនគោល “សម្ដេចពិជ័យសេនា ទៀ បាញ់” បានបញ្ចប់ដោយជោគជ័យ

វាយកូនគោល៖ ការប្រកួតកីឡាវាយកូនគោលដណ្ដើមពានរង្វាន់ “សម្ដេចពិជ័យសេនា ទៀ បាញ់” ឆ្នាំ២០១៩ បានបញ្ចប់ដោយជោគជ័យអមជាមួយផ្លែផ្កាមួយចំនួន ក្រោយដំណើរការប្រកួតដ៏ស្វិតស្វាញរយៈពេល ១ថ្ងៃកាលពីថ្ងៃទី២៨ ខែកក្កដា ក្រោមការរៀបចំរបស់សហព័ន្ធកីឡាវាយកូនគោលកម្ពុជា។ព្រឹត្តិការណ៍ដ៏ធំប្រចាំឆ្នាំនេះគេឃើញមានប្រមុខថ្នាក់ដឹកនាំ រដ្ឋមន្ត្រី ឯកអគ្គរាជទូត-រដ្ឋទូត និងកីឡាករ-កីឡាការិនីជាតិ-អន្តរជាតិជាច្រើន ពិសេសគឺទទួលបានការផ្ដល់កិត្តិយសអញ្ជើញចូលរួមប្រកួត ពីសំណាក់សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ, សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានសហព័ន្ធកីឡាវាយកូនគោលកម្ពុជា។ ឯកឧត្ដម ជា បូរ៉ា អគ្គលេខាធិការសហព័ន្ធកីឡាវាយកូនគោលកម្ពុជាបានបញ្ជាក់ថា ពានរង្វាន់សម្ដេចពិជ័យសេនា ទៀ បាញ់ ឆ្នាំនេះមានថ្នាក់ដឹកនាំ និងកីឡាករ-កីឡាការិនីជាតិ និងអន្តរជាតិចូលរួមសរុប ២១២នាក់ ក្នុងនោះក៏មានវត្តមានកីឡាករជម្រើសជាតិរបស់សហព័ន្ធ បានចូលរួមប្រកួតប្រជែងដើម្បីជំរុញការអភិវឌ្ឍសមត្ថភាព ត្រៀមចូលរួមការប្រកួតអន្តរជាតិនានាផងដែរ។ឯកឧត្ដមបន្ដថា ព្រឹត្តិការណ៍នេះមិនត្រឹមតែជាការប្រកួតប្រជែង រឹតចំណងមិត្តភាព សាមគ្គីភាពនោះទេ ពោលគឺចំណេញក្នុងការផ្សព្វផ្សាយអំពីកីឡាទេសចរណ៍ និងជំរុញការអភិវឌ្ឍវិស័យកីឡានេះឲ្យរីកចម្រើនផងដែរ ស្របពេលសហព័ន្ធកំពុងកសាងសមត្ថភាព និងគុណផលកីឡាឲ្យបានរឹងមាំ ស្របតាមផែនការ និងយុទ្ធសាស្ត្រ ៤ឆ្នាំរំកិលរបស់គណៈកម្មាធិការជាតិអូឡាំពិកកម្ពុជា ដើម្បីសម្រួចទិសដៅស៊ីហ្គេមឆ្នាំ២០២៣។ ចំពោះលទ្ធផលការប្រកួតសម្រាប់វិញ្ញាសាជាក្រុមបុរស ជើងឯកបានទៅក្រុមឯកឧត្ដម ប៉ុល សារឿន ជាមួយកីឡាករ អ៊ុក ប្រាថ្នា និងកីឡាករ អ៊ុក ក្មួច ខណៈជើងឯករងបានទៅក្រុមឯកឧត្ដម មួន សារ៉ន ជាមួយលោក ភូ ផារិទ្ធ និងលោក ហម វ៉ាន់ថា និងលេខ៣ បានទៅក្រុមឯកឧត្ដម មាស សាវ៉ន ជាមួយលោក ផន ណារ៉ា និងលោក សោម បូរីរក្ស។រីឯវិញ្ញាសាឯកត្តជនបុរសប្រភេទទី១ ជើងឯកបានទៅកីឡាករ ស សិទ្ធិ ខណៈជើងឯករងកីឡាករ ឈិន ចាន់សង្ហា និងលេខ៣ កីឡាករ នី លីស្រ៊ាង។ ចំណែកវិញ្ញាសាឯកត្តជនបុរសប្រភេទទី២ ជើងឯកកីឡាករ ថោង សុខខាំភូ, ជើងឯករងកីឡាករ ឈុំ សំបូរ និងលេខ៣ កីឡាករ ជុំ សំអាន។ ឯវិញ្ញាសាឯកត្តជននារីប្រភេទទី១ ជើងឯកបានទៅកីឡាការិនី Kann Cong និងជើងឯករងកីឡាការិនី Chenny Ly គ្រាដែលវិញ្ញាសាឯកត្តជននារីប្រភេទទី២ ជើងឯកបានទៅកីឡាការិនី វេង សំបូរ និងជើងឯករងកីឡាការិនី ពៅ ចាន់ណា៕

ឯកឧត្តមទេសរដ្ឋមន្ត្រី លី ធុជ ស្នើសុំឲ្យប្រទេសកាណាដាបន្តជួយដល់វិស័យសកម្មភាពមីននៅកម្ពុជា

ភ្នំពេញ៖ នៅល្ងាចថ្ងៃទី០៣ ខែកក្កដា ឆ្នាំ២០១៩ ឯកឧត្តមទេសរដ្ឋមន្រ្តី លី ធុជ តំណាងរាជរដ្ឋាភិបាលកម្ពុជា បានអញ្ជើញចូលរួមក្នុងកម្មវិធីអបអរសាទរខួបលើកទី១៥២ នៃបុណ្យជាតិកាណាដា នៅសណ្ឋាគា Raffle le Royal រាជធានីភ្នំពេញ។នៅក្នុងឱកាសនោះ ឯកឧត្តមទេសរដ្ឋមន្រ្តី បានថ្លែងថា កម្ពុជា និងកាណាដា កំពុងរីករាយជាមួយចំណង មិត្តភាពដ៏យូរអង្វែង និងកិច្ចសហប្រតិបត្តិការល្អ ដែលឆ្លុះបញ្ចាំងពីទំនាក់ទំនងដ៏សំខាន់រវាងប្រទេស និងប្រជាជនទាំងពីរ ទាំងក្នុងវិស័យទ្វេភាគី និងចម្រុះភាគី រាប់បញ្ចូលទាំងការផ្លាស់ប្តូរដំណើរទស្សនកិច្ច សន្តិសុខ និងការការពារ កិច្ចសហប្រតិបត្តិការពាណិជ្ជកម្ម និងការវិនិយោគ និងកិច្ចសហប្រតិបត្តិការក្នុងវិស័យសកម្មភាពមីន។នៅក្នុងឱកាសនោះ ឯកឧត្តមទេសរដ្ឋមន្រ្តី បានថ្លែងនូវអំណរគុណដល់រដ្ឋាភិបាលកាណាដា ដែលបាននឹងកំពុងជួយដល់វិស័យមីន និងបានស្នើសុំឱ្យបន្តជួយដល់វិស័យនេះ ដើម្បីសម្រេចបាននូវគោលដៅកម្ពុជាមួយគ្មានមីននៅឆ្នាំ២០២៥ខាងមុខ៕

សម្តេចតេជោ ហ៊ុន សែន អញ្ជើញជួបសំណេះសំណាលជាមួយបងប្អូនកម្មករ កម្មការិនី ជាង ១ម៉ឺននាក់ នៅខេត្តពោធិ៍សាត់

ពោធិ៍សាត់៖ នៅព្រឹកថ្ងៃពុធ ១៥កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២០ ខែមីនា ឆ្នាំ២០១៩នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយបងប្អូនកម្មករ កម្មការិនីប្រមាណ១០,៦៨៩នាក់ មកពីរោងចក្រ សហគ្រាសចំនួន៦ នៅក្នុងខេត្តពោធិ៍សាត់។ពិធីជួបសំណេះសំណាលនេះ ធ្វើឡើងនៅភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។រោងចក្រ សហគ្រាសទាំង៦ ដែលអនុញ្ញាតឲ្យកម្មករ កម្មការិនីជួបសំណេះសំណាលជាមួយសម្តេចតេជោនាយករដ្ឋមន្ត្រីនាពេលនេះ មកពីស្រុកក្រគរចំនួន៣ ស្រុកបាកានចំនួន១ និងក្រុងពោធិ៍សាត់ចំនួន១។ រោងចក្រ សហគ្រាសទាំង៦នេះ វិនិយោគដោយអ្នកវិនិយោគមកពីប្រទេសចិនចំនួន៤ និងខ្មែរចំនួន២ ដែលក្នុងនោះមាន៖ រោងចក្រកាត់ដេរសម្លៀកបំពាក់ចំនួន២, ផ្គត់ផ្គង់អគ្គិសនីចំនួន២, ផលិតត្រង់ស្វូអគ្គិសនីចំនួន១ និងចិញ្ចឹមសត្វចំនួន១។ផលិតផលដែលផលិតចេញពីរោងចក្រ សហគ្រាសទាំងនេះ ត្រូវបាននាំទៅកាន់ទីផ្សារក្នុងស្រុក និងអន្តរជាតិ៕

ឯកឧត្ដម ហ៊ុន ណេង៖ មន្ត្រីជាកម្លាំងទាំងអស់ត្រូវម៉ឺងម៉ាត់ចំពោះការការពារសន្តិសុខជាតិ

រតនគិរី៖ ឯកឧត្តម ហ៊ុន ណេង ប្រធានគណៈកម្មការទី៤នៃរដ្ឋសភា បានដឹកនាំ សមាជិក សមាជិកា នៃគណៈ កម្មការ(ទី៤) ទៅកាន់ខេត្តស្ទឹងត្រែង និងរតនគិរី ដោយបានអំពាវនាវដល់មន្ត្រីជាកម្លាំងទាំងអស់ត្រូវម៉ឺតម៉ាត់ចំពោះការការពារសន្តិសុខជាតិ និងសណ្ដាប់ធ្នាប់ជូនសាធារណ:ជន។ឯកឧត្ដម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា បាអញ្ជើញបន្តដំណើរចុះបំពេញបេសកកម្មនៅខេត្តរតនគីរី និងខេត្តស្ទឹងត្រែង និងជួបពិភាក្សាការងារជាមួយថ្នាក់ដឹកនាំ និងអង្គភាពពាក់ព័ន្ធ និងកងកម្លាំងប្រដាប់អាវុធគ្រប់ប្រភេទរបស់ខេត្តទាំងពីរដាច់ដោយឡែកពីគ្នា។ក្នុងដំណើរបំពេញបេសកកម្មនេះ ឯកឧត្ដម ហ៊ុន ណេង ប្រធានគណៈកម្មការទី៤ បានមានប្រសាសន៍ថា ការសំណេះសំណាលនេះគឺដើម្បីស្វែងយល់ពីផលប៉ះពាល់និងបញ្ហាប្រឈមក្នុងការអនុវត្តច្បាប់ ក៏ដូចជាកិច្ចការសន្តិសុខសណ្ដាប់ធ្នាប់សាធារណៈ និងការអនុវត្តគោលនយោបាយភូមិ-ឃុំ មានសុវត្ថិភាព ការអនុវត្តកិច្ចការរដ្ឋបាលថ្នាក់ក្រោមជាតិ ព្រមទាំងសេចក្តីណែនាំឬលិខិតបទដ្ឋានថ្មីៗរបស់រាជរដ្ឋាភិបាល ការផ្ដល់សេវាសាធារណៈជូនប្រជាពលរដ្ឋ ការងារអន្តោប្រវេសន៍ ការងារទំនាក់ទំនងនិងគ្រប់គ្រងអង្គការសង្គមស៊ីវិល ការងារគ្រប់គ្រងពន្ធនាគារ និងដំណើរការវាយតម្លៃលើទណ្ឌិតក្នុងការបន្ធូរបន្ថយទោស និងលើកលែងទោស ការងារកិច្ចការការពារព្រំដែនរបស់កងកម្លាំងវារៈការពារព្រំដែននៃកងកម្លាំងនគរបាលជាតិ និងកងយោធពលខេមរភូមិន្ទ និងការបង្ក្រាបការជួញដូរគ្រឿងញៀន។ក្នុងឱកាសអភិបាលខេត្តៃខេត្តទាំង២ បានធ្វើសេចក្តីរាយការណ៍ជូនគណៈប្រតិភូពីការរីកចម្រើន និងលក្ខណៈភូមិសាស្ត្រនៃការគ្រប់គ្រងសន្តិសុខសណ្តាប់ធ្នាប់សាធារណៈ សុវត្ថិភាពសង្គមនៅក្នុងខេត្ត ពិសេសខេត្តបានពង្រឹងថែរក្សាការពារសន្តិសុខស្ថិរភាពសង្គមបានល្អជូនប្រជាពលរដ្ឋបានរស់នៅដោយសុខសន្តិភាព ទទួលបានផល នៃការអភិវឌ្ឍរបស់រដ្ឋាភិបាល ស្របតាមយុទ្ធសាស្ត្រចតុកោណ និងកម្មវិធីគោលនយោបាយរបស់រដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីជាប្រមុខដឹកនាំ។ ទន្ទឹមនឹងនេះខេត្តបានស្ថាបនាសាងសង់ប្រព័ន្ធហេដ្ឋារចនាសម្ព័ន្ធរូបវ័ន្ត និងគម្រោងផ្សេងៗជាច្រើន។បន្ទាប់ពីបានស្តាប់នូវការាយការណ៍យ៉ាងលំអិតអំពីលទ្ធផល និងសមិទ្ធផលសំខាន់ដែលខេត្តសម្រេចរួចមក ឯកឧត្តម ហ៊ុន ណេង ប្រធានគណៈកម្មការទី៤នៃរដ្ឋសភា ក៏បានកោតសរសើរ និងបានវាយតម្លៃខ្ពស់ចំពោះខេត្តទាំងពីរ ដែលបានធ្វើការអភិវឌ្ឍន៍លើគ្រប់វិស័យ ដោយអនុវត្តតាមគោលនយោបាយយុទ្ធសាស្ត្រចតុកោណរបស់រាជរដ្ឋាភិបាលកម្ពុជា។ជាមួយគ្នានេះ ផងដែរ ឯកឧត្តម ហ៊ុន ណេង បានជំរុញទៅដល់អាជ្ញាធរខេត្តទាំងពីរត្រូវតែផ្តល់សេវាសាធារណៈជូនប្រជាពលរដ្ឋ ពិសេសត្រូវខិតខំបង្ក្រាបបទល្មើសគ្រឿងញៀន ការកាត់បន្ថយគ្រោះថ្នាក់ចរាចរណ៍ ការធ្វើឱ្យកម្រិតជីវភាពរបស់ប្រជាពលរដ្ឋកាន់តែប្រសើរ ដោយផ្តោតលើវិស័យកសិកម្មជាធំ និងការទាក់ទាញអ្នកវិនិយោគ៕

អភិបាលខេត្ត កំពង់ចាម ណែនាំឲ្យសិស្សថ្នាក់ទី១២ ខិតខំប្រឹងប្រែងរៀនសូត្រ ដើម្បីទទួលបាននិទ្ទេសល្អ

កំពង់ចាម ៖ អភិបាលខេត្តកំពង់ចាម បានផ្ដាំផ្ញើដល់សិស្សថ្នាក់ទី១២ ដែលកំពុងត្រៀមប្រលងទុតិយភូមិឆ្នាំ ២០១៩នេះ ត្រូវខិតខំប្រឹងប្រែងរៀនសូត្រ និងយកចិត្តទុកដាក់ខ្ពស់ ចំពោះការសម្រចចិត្ត ដើម្បីទទួលបាននិទ្ទេសល្អ ។ឯកឧត្ដម អ៊ុន ចាន់ដា អភិបាលខេត្តកំពង់ចាម បានថ្លែងបែបនេះ នៅព្រឹក ថ្ងៃទី៥ ខែសីហា ឆ្នាំ២០១៩ ក្នុងពិធីសំណេះសំណាលជាមួយ លោកគ្រូអ្នកគ្រូ បំប៉នស្ម័គ្រចិត្ត និងសិស្សថ្នាក់ទី១២ ក្នុងក្រុងកំពង់ចាម ខេត្តកំពង់ចាម ។ឯកឧត្ដម អ៊ុន ចាន់ដា មានប្រសាសន៍ លើកទឹកចិត្តដល់សិស្សានុសិស្សបន្តខិតខំបេជ្ញាចិត្តរៀនសូត្រឲ្យខ្លាំងពូកែ ដោយត្រូវយកនិទ្ទេសA ទទួលបានរង្វាន់ម៉ូតូមួយគ្រឿង ហើយបន្តទៅរៀនមហាវិទ្យាល័យ ក្នុងការកំណត់គោលដៅជីវិត ចូលរួមអភិវឌ្ឍន៍ប្រទេសជាតិឲ្យបានល្អប្រសើរបន្ថែមទៀតផង។ឯកឧត្ដមអភិបាលខេត្ត បានអំពាវនាវដល់អាជីវកម្ម បើកកន្លែងកូពីព្រីន ត្រូវបញ្ឈប់អាជីវកម្មក្នុងថ្ងៃដំណើរពេលប្រលង ហើយអាជ្ញាធរខេត្តបានត្រៀមថែរក្សានូវសន្តិសុខសណ្តាប់ធ្នាប់ នៅជុំវិញបរិវេណមណ្ឌលប្រលង នឹងពេទ្យប្រចាំការផងដែរ។យោងតាមរបាយការណ៍ ការកំណត់មណ្ឌលប្រលងមធ្យមសិក្សាទុតិយភូមិ ឆ្នាំ២០១៩នេះ នៅក្នុងខេត្តកំពង់ចាម ក្រសួង អប់រំ យុវជន និង កីឡា បានចែកចេញពីរថ្នាក់ មានថ្នាក់វិទ្យាសាស្ត្រ មាន៥មណ្ឌល ស្មើរ នឹង១២៧ បន្ទប់ នឹងថ្នាក់វិទ្យាសាស្ត្រសង្គម មាន៩មណ្ឌល ស្មើរ នឹង២០៩បន្ទប់ ៕

នយោបាយឈ្នះៗរបស់សម្តេចតេជោ គឺជាមូលដ្ឋានគ្រឹះ និងជាដើមចម នៃការឯកភាពជាតិពេញផ្ទៃប្រទេស

ភ្នំពេញ៖ ឯកឧត្ដមឧបនាយករដ្ឋមន្ត្រី យឹម ឆៃលី បានមានប្រសាសន៏ថា នយោបាយឈ្នះៗរបស់សម្តេចតេជោ ហ៊ុន សែន នាយករដ្ឋមន្ត្រី គឺជាមូលដ្ឋានគ្រឹះ និងជាដើមចម នៃការឯកភាពជាតិពេញផ្ទៃប្រទេស នាំមកនូវសុខសន្តិភាព សេរីភាព វិបុលសុខ ជូនប្រទេសជាតិ និងប្រជាជនកម្ពុជា ហើយវាក៏គឺជាបុរេលក្ខខណ្ឌនៃការអភិវឌ្ឍន៏ជាតិលើគ្រប់វិស័យ។នៅក្នុងពិធីប្រកាសប្រធាន អនុប្រធានក្រុមការងារថ្នាក់កណ្តាលចុះជួយក្រុងកំពង់ចាម កាលពីម្សិលមិញ ឯកឧត្ដមឧបនាយករដ្ឋមន្ត្រី យឹម ឆៃលី បានផ្ដល់ការណែនាំមួយចំនួនដើម្បីឲ្យការដឹកនាំបក្សក្នុងក្រុងកំពង់ចាមកាន់តែរឹងមាំ ដូចជា ត្រូវគោរពតាមលក្ខន្តិកៈ រចនាសម្ព័ន្ធ និងសេចក្តីសម្រេចរបស់មហាសន្និបាទគណបក្សប្រជាជនកម្ពុជា, ពង្រឹង និងពង្រីកសមាជិកបក្សទាំងបរិមាណ និងគុណភាព, ក្តាប់ឲ្យបាននូវឧបាយកល និងចលនាបំផ្លិចបំផ្លាញរបស់ក្រុមអមិត្ត ពិសេសការធ្វើបដិវត្តពណ៌, ពង្រឹងមូលដ្ឋានដើម្បីបញ្ជាក់ពីគុណភាពនៃការងារបក្ស, រក្សាខ្សែរក្រវ៉ាត់ជ័យជំនះនៃការបោះឆ្នោតឆ្នាំ២០១៨ ឲ្យនៅគង់វង្ស និងមិនត្រូវអោនក្បាលយកអធិបតេយ្យភាព និងឯករាជ្យជាតិទៅដូរជាមួយនឹងជំនួយ ឬភាពអនុគ្រោះណាមួយជាដាច់ខាត។ឯកឧត្ដមឧបនាយករដ្ឋមន្ត្រីបញ្ជាក់ថា រាជរដ្ឋាភិបាលដែលដឹកនាំដោយគណបក្សប្រជាជនកម្ពុជាមានភាពម្ចាស់ការខ្ពស់លើខ្លូនឯង បង្កលក្ខណៈដល់ការអភិវឌ្ឍន៏លើគ្រប់វិស័យ ទប់ស្កាត់បានប្រកបដោយប្រសិទ្ឋិភាពនូវរាល់ឧបាយកលដ៏ខ្មៅកខ្វក់របស់ក្រុមក្បត់ជាតិដែលឱនក្បាលបំរើបរទេស និងប៉ុនប៉ងផ្តួលរំលំរាជរដ្ឋាភិបាលស្របច្បាប់។ គណបក្សប្រជាជន កើតចេញពីប្រជាជន ដើម្បីប្រជាជន និងរួមសុខ រួមទុក្ខជាមួយប្រជាជន។សមាជិកគណៈអចិន្ត្រៃយ៏គណៈកម្មាធិកាកណ្តាលគណបក្សប្រជាជនកម្ពុជា និងជាប្រធានក្រុមកាងារថ្នាក់កណ្តាលចុះជួយខេត្តកំពង់ចាម ដែលក្នុងនោះ ឯកឧត្តម អ៊ុន ចាន់ដា ត្រូវបានតែងតាំងជាប្រធានក្រុមការងារថ្នាក់កណ្តាលចុះជួយក្រុងកំពង់ចាម និងឯកឧត្តម អ៊ិត ប្រាំង ជាអនុប្រធានក្រុមការងារថ្នាក់កណ្តាលចុះជួយក្រុងកំពង់ចាម។ឯកឧត្តម អ៊ុន ចាន់ដា ក៏បានថ្លែងអំណរគុណចំពោះគណបក្សប្រជាជនកម្ពុជា ដែលបានតែងតាំងឯកឧត្តម ជាប្រធានក្រុមការងារថ្នាក់កណ្តាលចុះជួយក្រុងកំពង់ចាម និងបានប្តេជ្ញាថា នឹងខិតខំអនុវត្តនូវកម្មវិធីនយោបាយរបស់គណបក្សប្រជាជនកម្ពុជា ដឹកនាំ និងពង្រីកសមាជិកបក្ស ពង្រឹងសាមគ្គីភាពផ្ទៃក្នុង ដើម្បីឈានឆ្ពោះទៅរកជ័យជំនះនៃការបោះឆ្នោតគ្រប់អាណត្តិ បន្តពង្រីកចលនាយុវជនគណបក្ស ដោយចាត់ទុកយុវជនជាកម្លាំងចលករដ៏សំខាន់រយៈពេលវែង, បន្តសកម្មភាពចិញ្ចឹមចលនា ពិសេសបង្កលក្ខណៈដល់គណបក្សឃុំ សង្កាត់មានលទ្ឋភាពជួយដល់ប្រជាពលរដ្ឋដែលជួបការលំបាក និងបង្កើតភាពស្និតស្នាលជាមួយប្រជាពលរដ្ឋ តាមរយៈការបំរើសេវាសាធារណៈឲ្យកាន់តែល្អប្រសើរជូនប្រជាពលរដ្ឋ។ឯកឧត្តមឧបនាយករដ្ឋមន្ត្រី យឹម ឆៃលី បានមានប្រសាសន៏ថា នយោបាយឈ្នះៗរបស់សម្តេចតេជោ ហ៊ុន សែន នាយករដ្ឋមន្ត្រី គឺជាមូលដ្ឋានគ្រឹះ និងជាដើមចមនៃការឯកភាពជាតិពេញផ្ទៃប្រទេស នាំមកនូវសុខសន្តិភាព សេរីភាព វិបុលសុខ ជូនប្រទេសជាតិ និងប្រជាជនកម្ពុជា ហើយវាក៏គឺជាបុរេលក្ខខណ្ឌនៃការអភិវឌ្ឍន៍ជាតិលើគ្រប់វិស័យ៕

រដ្ឋមន្ត្រីក្រសួងសុខាភិបាល បន្តហាមពលរដ្ឋកុំទិញថ្នាំ ដោយគ្មានវេជ្ជបញ្ជា

ភ្នំពេញ ៖ រដ្ឋមន្រី្តក្រសួងសុខាភិបាល បានបន្តហាមពលរដ្ឋកុំទិញថ្នាំ ដោយគ្មានវេជ្ជបញ្ជា។ នេះជាជំហានមួយដ៏សំខាន់ណាស់ បើមិនដូច្នេះទេ យើងយកឱសថនោះមកប្រើបា្រស់ខ្លួនឯង គឺមិនត្រូវ ម្យ៉ាងទៀត វាស៊ាំ នឹងថ្នាំនោះ ដែលយើងទៅទិញខ្លួនឯង ដោយគ្មានវេជ្ជបញ្ជា ។ឯកឧត្តម ម៉ម ប៊ុនហេង បានសង្កត់ធ្ងន់ថា ពិសេសអ្នកលក់ឱសថនៅ ហ្វាម៉ាស៊ី ក៏មិនគួរផ្តល់ឱសថ ដែលមានអង់ទីប៊ីយ៉ូទិច សំលាប់មេរោគ ដោយមិនមានវេជ្ជបញ្ជានោះទេ។ឯកឧត្តម ម៉ម ប៊ុនហេង រដ្ឋមន្រី្តក្រសួងសុខាភិបាល ថ្លែងក្នុងសិក្ខាសាលាផ្សព្វផ្សាយលទ្ធផលស្រាវជ្រាវគម្រោង ការប្រយុទ្ធប្រឆាំងទៅនឹងភាពស៊ាំរបស់ឱសថប្រឆាំង មេរោគតាមរយៈការធ្វើអភិបាលកិច្ចល្អ ទៅលើអ្នកលក់ឱសថប្រឆាំងមេរោគនៅប្រទេសកម្ពុជា ផ្តោតលើទំនាក់ទំនង និងមតិនៃដៃគូពាក់ព័ន្ធ, នាព្រឹកថ្ងៃទី២៣ កញ្ញានេះ នៅសាកលវិទ្យាល័យវិទ្យាសាស្រ្តសុខាភិបាល ។ឯកឧត្តម បានសង្កត់ធ្ងន់ថា រាជរដ្ឋាភិបាល ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា ប្រទេសកម្ពុជា មានសុខសន្តិភាព និងមានការវិវឌ្ឍលើគ្រប់វិស័យ ក្នុងនោះវិស័យសុខាភិបាល សម្រេចបានជោគជ័យសំខាន់ៗ ជាច្រើន។ ជាក់ស្តែងយើងសម្រេចបានគោលដៅអភិវឌ្ឍន៍ សហស្សវត្ស ក្នុងការកាត់បន្ថយអត្រាមរណៈមាតា ទារក និងកុមារ ការកាត់បន្ថយការឈឺ និងស្លាប់ ដោយសារជំងឺឆ្លងនានា ដោយមានការទទួលស្គាល់ នៅថ្នាក់ជាតិ និងអន្តរជាតិ ជាពិសេសមានការទទួលស្គាល់ពីអង្គការសហប្រជាជាតិ និងអង្គការសុខភាពពិភពលោក។បើតាមឯកឧត្តម សាស្រ្តាចារ្យ សាផុន វឌ្ឍនៈ សាកលវិទ្យាធិការ នៃសាកលវិទ្យាល័យវិទ្យាសាស្រ្តសុខាភិបាល ថា យោងតាមកិច្ចខិតខំប្រឹងប្រែងនេះ សាកលវិទ្យាល័យ បានចុះអនុស្សារណៈយោគយល់ជាមួយដៃគូរជាតិ និងអន្តរជាតិ ជាច្រើន ក្នុងកិច្ចសហប្រតិបតិ្តការស្រាវជ្រាវរួមគ្នា ដែលក្នុងនោះ សាកលវិទ្យាល័យ បានសហការជាមួយ London School of Hygiene and tropical medicine របស់ចក្រភពអង់គ្លេស ក្នុងការរៀបចំនូវគម្រោងស្រាវជ្រាវដ៏មានសារៈសំខាន់នេះឡើង។

ពានមិត្តភាពអន្ដរក្រសួង-ស្ថាប័នបើកការប្រកួតរដូវកាលទី៦

បាល់ទាត់៖ ពានរង្វាន់មិនអាជីព «មិត្តភាពយុវជនអន្ដរក្រសួង-ស្ថាប័ន» លើកទី៦ បានបើកការប្រកួតផ្លូវការហើយនៅទីលាន Premium Sport Club កាលពីចុងសប្ដាហ៍កន្លងទៅ ដោយមានការចូលរួមពីឯកឧត្ដម សុខ សប្បាយណា តំណាងសហភាពសហព័ន្ធយុវជនកម្ពុជា និងជាប្រធានគណៈកម្មាធិការរៀបចំប្រកួត រួមទាំងក្រុមចូលរួមក្នុងព្រឹត្តិការណ៍នេះទាំង ៣១ក្រុមផងដែរ។ឯកឧត្ដម សុខ សប្បាយណា បានថ្លែងជាថ្មីថា ពាននេះត្រូវបានបង្កើតក្រោមការផ្ដួចផ្ដើមគំនិត របស់ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដើម្បីផ្ដល់ឱកាសឲ្យបុគ្គលិក មន្ត្រី និងយុវជនតាមបណ្ដាក្រសួង និងស្ថាប័នទាំងអស់បានចូលរួមលេងកីឡា ដើម្បីរឹតចំណងមិត្តភាព សាមគ្គីភាព សុខភាព ពិសេសរួមចំណែកជំរុញការអភិវឌ្ឍវិស័យកីឡាបាល់ទាត់កម្ពុជា។ ដូច្នេះឯកឧត្ដមបានជំរុញឲ្យមានការប្រកួតប្រជែងប្រកបដោយ Fair-Play និងមានការយោគយល់អធ្យាស្រ័យខ្ពស់បំផុត ដើម្បីបង្ហាញភាពជាគំរូដ៏យុវជនដទៃ។ បន្ថែមលើនេះឯកឧត្ដមក៏បានបញ្ជាក់នូវកត្តា ៥យ៉ាងដែលជំរុញឲ្យការរៀបចំទទួលបានជោគជ័យ និងបន្តរៀបចំដល់រដូវកាលទី៦ នេះផងដែរ ទី១-ការផ្ដួចផ្ដើម និងការជំរុញរបស់ថ្នាក់ដឹកនាំក្រសួង-ស្ថាប័ន, ទី២-ការគាំទ្របច្ចេកទេសពីសហព័ន្ធកីឡាបាល់ទាត់កម្ពុជា, ទី៣-ការឧបត្ថម្ភគាំទ្រពីសប្បុរសជន និងក្រុមហ៊ុនឯកជន, ទី៤-ការសហការ និងការប្រកួតប្រកបដោយស្មារតីមិត្តភាព និងយោគយល់របស់ក្រុមនីមួយៗ និងទី៥-គឺអ្នកគាំទ្រ ដែលតែងលើកទឹកចិត្ត ទាំងការប្រកួតជាក់ស្ដែង និងលើបណ្ដាញសង្គម ទើបធ្វើឲ្យព្រឹត្តិការណ៍នេះសម្រេចបាននូវសមិទ្ធផលយ៉ាងល្អប្រសើរ។គួរបញ្ជាក់ថា ពានមិត្តភាពយុវជនអន្ដរក្រសួង-ស្ថាប័នឆ្នាំ២០១៨ នេះ គឺមាន ៣១ក្រុមចូលរួមដោយបែងចែកជា ៨ពូល ហើយពូលនីមួយៗមាន ៤ក្រុម លើកលែងតែពូល H ដែលមានត្រឹម ៣ក្រុម ខណៈការប្រកួតនឹងធ្វើការប្រកួតសន្សំពិន្ទុវិលជុំ ហើយក្រុមមានពិន្ទុខ្ពស់ជាងគេ ២ក្រុមនៃពូលនីមួយៗនឹងឡើងវគ្គបន្ត។ ចំពោះលទ្ធផលប្រកួតបើកឆាកក្រុមយុវជនក្រសួងបរិស្ថាន បានយកឈ្នះក្រុមយុវជនទីស្ដីការគណៈរដ្ឋមន្ដ្រី ដោយលទ្ធផល ៣–១។ ដោយឡែកលទ្ធផលការពីឆ្នាំ២០១៧ គឺក្រុមក្រសួងសុខាភិបាលជាអ្នកគ្រងជើងឯក ក្រោយយកឈ្នះក្រុមក្រសួងសាធារណការ និងដឹកជញ្ជូនក្នុងវគ្គផ្ដាច់ព្រ័ត្រ ៤–០៕អត្ថបទ៖ លី ឈុនឡា

ព័ត៌មាន ជាតិនយោបាយ និង ការអភិវឌ្ឍន៍ កាកបាទក្រហមកម្ពុជាទទួលរទេះរុញជនពិការចំនួន ៤១៦គ្រឿងពីអាជ្ញាធរមីន

ភ្នំពេញ៖ លោកជំទាវ ម៉ែន នារីសោភ័គ អគ្គលេខាធិការងទី១ កាកបាទក្រហមកម្ពុជា បានទទួលជួបសំណេះសំណាល និងទទួលអំណោយ ជារទេះរុញជនពិការចំនួន ៤១៦គ្រឿង ពី ឯកឧត្តម ព្រំ សុភមង្គល អគ្គលេខាធិការ នៃអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការ ដោយសារមីន តំណាងឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន នៅទីស្នាក់ការកណ្តាល កាកបាទក្រហមកម្ពុជា នាថ្ងៃទី១៥ ខែកុម្ភៈ២០១៩នេះ។ ក្នុងឱកាសជួបសំណេះសំណាលនោះ លោកជំទាវអគ្គលេខាធិការរងទី១ ក៏បានរំលឹកពីអតីតកាលរបស់កម្ពុជាដែលបាន ហែលឆ្លងភ្នក់ភ្លើងសង្រោ្គមជាច្រើនសម័យកាល ដែលក្នុងនោះគឺបានធ្វើអោយប្រជាជនកម្ពុជា ទទួលរងទុក្ខវេទនា ឈឺចាប់ខ្លោចផ្សារ លើសពីនោះទៀត គឺបានបន្សល់ទុក នៅគ្រាប់មិនទាន់ផ្ទុះជាច្រើន ស្ទើរតែទូទាំងប្រទេស ដែលធ្វើអោយប្រជាពលរដ្ឋ ស្លូតត្រង់ជាច្រើននាក់ បានទទួលរងគ្រោះដល់អាយុជីវិត និងពិការដោយសារគ្រាប់មីនទាំងនេះ។លោកជំទាវអគ្គលេខាធិការរងទី១ បានមានប្រសាសន៍ផ្ដាំផ្ញើសួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាចំពោះ អាជ្ញាធរកម្ពុជាគ្រប់គ្រង សកម្មភាពកំចាត់មីន និងសង្គ្រោះជនពិការដោយសារមីន ព្រោះថាពីរឆ្នាំជាប់គ្នាមកនេះ អាជ្ញាធម៌មីនបានប្រគល់ ជារទេះរុញជនពិការ ដល់កាកបាទក្រហមកម្ពុជាចំនួនពីរលើក រួចមកហើយ សំរាប់ទុកចែកជួន បន្តទៅដល់ជនពិការគ្រប់ទិសទី ដោយមិនគិតពីនិន្នាការ។ជំនួសមុខឱ្យ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា លោកជំទាវអគ្គលេខាធិការរងទី១ បានថ្លែងអំណរគុណ យ៉ាងជ្រាលជ្រៅចំពោះអាជ្ញាមីន ដែលបានបរិច្ចាគរទេះរុញជនពិការ ជូនដល់កាកបាទក្រហមកម្ពុជា ដែលនេះជាការចែករំលែក ក្តីស្រឡាញ់របស់អង្គភាព ជូនដល់ប្រជាពលរដ្ឋកម្ពុជា។ រទេះទាំងនេះ កាកបាទក្រហមកម្ពុជា នឹងយកទៅចែកជួនដល់ដៃ ប្រជាពលរដ្ឋ ដែលជាជនពិការ ទីទាល់ក្រ ដែលមានសេចក្តីត្រូវជាចាំបាច់បំផុត។ជាចុងក្រោយ លោកជំទាវ បានជូនពរដល់ អាជ្ញាធរកម្ពុជាគ្រប់គ្រង សកម្មភាពកំចាត់មីន និងសង្គ្រោះជនពិការ ដោយសារមីន បន្តបាននូវភាពជោគជ័យរបស់ខ្លួន ក្នុងការកំចាត់មីនអោយអស់ពីទឹកដីកម្ពុជា បន្តមានកិច្ចសហប្រតិបត្តិការល្អៗ ជាមួយស្ថាប័នពាក់ព័ន្ធ និងទទួលបានការគាំទ្រ កាន់តែច្រើនពីជំនួយសប្បុរសជន៕

លោក ត្រាំ មិនទាន់ប្រញាប់ប្រញាល់សម្រេចបានកិច្ចព្រមព្រៀងនុយក្លេអ៊ែរជាមួយកូរ៉េខាងជើង

អាមេរិក៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយថា លោកនឹងសប្បាយចិត្តនៅពេលដែលកូរ៉េខាងជើង បន្តផ្អាកការសាកល្បងអាវុធនុយក្លេអ៊ែររបស់ពួកគេ ហើយលោកក៏មិនប្រញាប់ប្រញាល់ខ្លាំងនោះដែរ ក្នុងការសម្រេចបានកិច្ចព្រមព្រៀងនុយក្លេអ៊ែរជាមួយមេដឹកនាំរបស់ពួកគេ គឺលោក គីម ជុងអ៊ុន ពេលដែលពួកគេទាំង២ មាននូវជំនួបកំពូលលើកទី២ ក្នុងសប្ដាហ៍នេះ។លោក ត្រាំ និងលោក គីម នឹងជួបគ្នាក្នុងទីក្រុងហាណូយនាថ្ងៃពុធ និងថ្ងៃព្រហស្បតិ៍ខាងមុខនេះ រយៈពេល ៨ខែក្រោយជំនួបជាប្រវត្តិសាស្ត្ររបស់ពួកគេក្នុងប្រទេសសិង្ហបុរី ដែលជាជំនួបលើកដំបូងរវាងប្រធានាធិបតីសហរដ្ឋអាមេរិកកាន់តំណែង និងមេដឹកនាំកូរ៉េខាងជើង។ នៅទីនោះពួកគេបានសន្យាធ្វើការឆ្ពោះទៅរក ការរំសាយអាវុធនុយក្លេអ៊ែរនៅតំបន់ឧបទ្វីបកូរ៉េ ប៉ុន្តែកិច្ចព្រមព្រៀងមិនច្បាស់លាស់របស់ពួកគេ សម្រេចបានលទ្ធផលតិចតួចប៉ុណ្ណោះ។ សមាជិកព្រឹទ្ធសភាសហរដ្ឋអាមេរិកមកពីគណបក្សប្រជាធិបតេយ្យ និងក្រុមមន្ត្រីសន្តិសុខបានធ្វើការព្រមានថា លោក ត្រាំ ប្រឆាំងនឹងការទទួលយកកិច្ចព្រមព្រៀង ដែលនឹងធ្វើរឿងតិចតួចដើម្បីទប់ស្កាត់មហិច្ឆតានុយក្លេអ៊ែររបស់កូរ៉េខាងជើង។ពេលដែលលោក គីម ធ្វើដំណើរតាមរថភ្លើងឆ្លងកាត់ប្រទេសចិន ដើម្បីទៅចូលរួមជំនួបកំពូលនោះ សារព័ត៌មានកូរ៉េខាងជើងបានធ្វើការក្រើនរំឭក លោក ត្រាំ កាលពីថ្ងៃអាទិត្យថា លោកមិនត្រូវស្ដាប់សម្ដីអ្នករិះគន់សហរដ្ឋអាមេរិក ដែលកំពុងបង្អាក់ដល់កិច្ចខិតខំធ្វើឲ្យល្អប្រសើរឡើង នូវទំនាក់ទំនងប្រទេសទាំង២៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែនការយុទ្ធសាស្ត្រអភិវឌ្ឍន៍ជាតិ

សម្តេចធិបតី ហ៊ុន ម៉ាណែត ណែនាំឱ្យត្រៀមខ្លួនឆ្លើយតបផលប៉ះពាល់ដោយសារបាតុភូតធម្មជាតិអែលនីញ៉ូ

មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា

ព្រះមហាក្សត្រ ប្រោសប្រទានលើកលែងទោសបន្ថែមដល់លោក កឹម សុខា បើកផ្លូវឱ្យចាកចេញទៅក្រៅប្រទេសបាន

សម្ដេចធិបតី៖ រាជរដ្ឋាភិបាលនឹងដាក់ចេញនូវវិធានការមុតស្រួចមួយចំនួនដើម្បីដោះស្រាយបញ្ហាសំខាន់ៗជូន SME

ក្នុងរយៈពេល១ឆ្នាំ សំណុំរឿងឆបោកតាមប្រព័ន្ធបច្ចេកវិទ្យា២៦៨ករណីត្រូវបញ្ជូនទៅតុលាការ និងពាក់ព័ន្ធមុខសញ្ញាសង្ស័យជិត ៣ពាន់នាក់

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

ព័ត៌មានកីឡា ពានរង្វាន់វាយកូនគោល “សម្ដេចពិជ័យសេនា ទៀ បាញ់” បានបញ្ចប់ដោយជោគជ័យ

ឯកឧត្តមទេសរដ្ឋមន្ត្រី លី ធុជ ស្នើសុំឲ្យប្រទេសកាណាដាបន្តជួយដល់វិស័យសកម្មភាពមីននៅកម្ពុជា

សម្តេចតេជោ ហ៊ុន សែន អញ្ជើញជួបសំណេះសំណាលជាមួយបងប្អូនកម្មករ កម្មការិនី ជាង ១ម៉ឺននាក់ នៅខេត្តពោធិ៍សាត់

ឯកឧត្ដម ហ៊ុន ណេង៖ មន្ត្រីជាកម្លាំងទាំងអស់ត្រូវម៉ឺងម៉ាត់ចំពោះការការពារសន្តិសុខជាតិ

អភិបាលខេត្ត កំពង់ចាម ណែនាំឲ្យសិស្សថ្នាក់ទី១២ ខិតខំប្រឹងប្រែងរៀនសូត្រ ដើម្បីទទួលបាននិទ្ទេសល្អ

នយោបាយឈ្នះៗរបស់សម្តេចតេជោ គឺជាមូលដ្ឋានគ្រឹះ និងជាដើមចម នៃការឯកភាពជាតិពេញផ្ទៃប្រទេស

រដ្ឋមន្ត្រីក្រសួងសុខាភិបាល បន្តហាមពលរដ្ឋកុំទិញថ្នាំ ដោយគ្មានវេជ្ជបញ្ជា

ពានមិត្តភាពអន្ដរក្រសួង-ស្ថាប័នបើកការប្រកួតរដូវកាលទី៦

ព័ត៌មាន ជាតិនយោបាយ និង ការអភិវឌ្ឍន៍ កាកបាទក្រហមកម្ពុជាទទួលរទេះរុញជនពិការចំនួន ៤១៦គ្រឿងពីអាជ្ញាធរមីន

លោក ត្រាំ មិនទាន់ប្រញាប់ប្រញាល់សម្រេចបានកិច្ចព្រមព្រៀងនុយក្លេអ៊ែរជាមួយកូរ៉េខាងជើង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

ព័ត៌មានកីឡា ពានរង្វាន់​វាយកូនគោល “​សម្ដេច​ពិជ័យ​សេនា ទៀ បាញ់​” បាន​បញ្ចប់​ដោយ​ជោគជ័យ​

ឯកឧត្តមទេស​រដ្ឋមន្ត្រី ​លី ​ធុជ​ ស្នើ​សុំឲ្យប្រទេស​កាណាដាប​ន្ត​ជួយដល់វិស័យ​សកម្មភាព​មីន​នៅ​កម្ពុជា​

ឯកឧត្ដម ហ៊ុន ណេ​ង​៖ មន្ត្រី​ជា​កម្លាំង​ទាំងអស់​ត្រូវ​ម៉ឺងម៉ាត់​ចំពោះ​ការការពារ​សន្តិសុខ​ជាតិ​

នយោបាយ​ឈ្នះៗ​របស់​សម្តេច​តេ​ជោ ​គឺជា​មូលដ្ឋានគ្រឹះ និង​ជា​ដើមចម​ នៃ​ការ​ឯកភាព​ជាតិ​ពេញ​ផ្ទៃ​ប្រទេស​

រដ្ឋ​មន្ត្រី​ក្រសួង​សុខា​ភិបាល ​បន្ត​ហាម​ពលរដ្ឋ​កុំ​ទិញ​ថ្នាំ​ ដោយ​គ្មាន​វេជ្ជបញ្ជា

ពាន​មិត្តភាព​អន្ដរក្រសួង​-​ស្ថាប័ន​បើក​ការប្រកួត​រដូវ​កាល​ទី​៦

លោក​ ត្រាំ មិន​ទាន់​ប្រញាប់​ប្រញាល់​សម្រេច​បាន​កិច្ច​ព្រម​ព្រៀង​នុយក្លេអ៊ែរ​ជាមួយ​កូរ៉េខាងជើង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា ពានរង្វាន់វាយកូនគោល “សម្ដេចពិជ័យសេនា ទៀ បាញ់” បានបញ្ចប់ដោយជោគជ័យ

ឯកឧត្តមទេសរដ្ឋមន្ត្រី លី ធុជ ស្នើសុំឲ្យប្រទេសកាណាដាបន្តជួយដល់វិស័យសកម្មភាពមីននៅកម្ពុជា

ឯកឧត្ដម ហ៊ុន ណេង៖ មន្ត្រីជាកម្លាំងទាំងអស់ត្រូវម៉ឺងម៉ាត់ចំពោះការការពារសន្តិសុខជាតិ

នយោបាយឈ្នះៗរបស់សម្តេចតេជោ គឺជាមូលដ្ឋានគ្រឹះ និងជាដើមចម នៃការឯកភាពជាតិពេញផ្ទៃប្រទេស

រដ្ឋមន្ត្រីក្រសួងសុខាភិបាល បន្តហាមពលរដ្ឋកុំទិញថ្នាំ ដោយគ្មានវេជ្ជបញ្ជា

ពានមិត្តភាពអន្ដរក្រសួង-ស្ថាប័នបើកការប្រកួតរដូវកាលទី៦

លោក ត្រាំ មិនទាន់ប្រញាប់ប្រញាល់សម្រេចបានកិច្ចព្រមព្រៀងនុយក្លេអ៊ែរជាមួយកូរ៉េខាងជើង