BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

បុរសខ្មែរម្នាក់ទៀតអាយុ៥៩ឆ្នាំស្លាប់ដោយសារកូវីដ១៩មុនបញ្ជូនទៅដល់មន្ទីរពេទ្យ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា បុរសខ្មែរម្នាក់ទៀតអាយុ ៥៩ឆ្នាំ បានស្លាប់ដោយសារជំងឺកូវីដ១៩កាលពីថ្ងៃម្សិលមិញនេះ ដែលនាំឱ្យចំនួនអ្នកស្លាប់ដោយសារជំងឺផ្លូវដង្ហើមមួយនេះ កើនដល់ ២៧ករណីហើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបាននិយាយថា បុរសជនជាតិខ្មែរអាយុ ៥៩ឆ្នាំ ដែលជាពលរដ្ឋរស់នៅក្នុងស្រុកកណ្ដាលស្ទឹង ខេត្តកណ្ដាល បានស្លាប់បាត់បង់ជីវិតរួចទៅហើយនៅមុនពេលត្រូវបានបញ្ជូនទៅដល់មន្ទីរពេទ្យមិត្តភាពខ្មែរ-សូវៀតនៅម៉ោងប្រហែល ១១ព្រឹកថ្ងៃម្សិលមិញនេះ។ក្រសួងបញ្ជាក់ថា ការត្រួតពិនិត្យសំណាកយកពីសពបុរសជនជាតិខ្មែររូបនេះ បង្ហាញថា គាត់បានឆ្លងមេរោគកូវីដ១៩ ដែលនាំឱ្យក្រុមគ្រូពេទ្យសន្និដ្ឋានថា គាត់ស្លាប់ដោយសារជំងឺកូវីដ១៩។គិតត្រឹមថ្ងៃនេះ មនុស្សសរុបដល់ទៅ ២៦នាក់ហើយបានស្លាប់ដោយសារជំងឺកូវីដ១៩នៅក្នុងប្រទេសកម្ពុជាគិតចាប់តាំងពីករណីស្លាប់លើកដំបូងកាលពីថ្ងៃទី១១ ខែមីនាកន្លងមកនេះ៕

សាលារាជធានីភ្នំពេញបិទខ្ទប់ភូមិជាច្រើនក្នុងខណ្ឌចំនួនបីក្រោយមនុស្ស៦៣១នាក់ទៀតឆ្លងកូវីដ១៩

ភ្នំពេញ៖ អភិបាលរាជធានីភ្នំពេញ លោក ឃួង ស្រេង បានបញ្ជាក់ថា រដ្ឋបាលរាជធានីភ្នំពេញសម្រេចបិទខ្ទប់ភូមិជាច្រើននៅខណ្ឌចំនួន ៣ ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩ ក្រោយពីរកឃើញមនុស្សដល់ទៅ ៦៣១នាក់ទៀតបានឆ្លងមេរោគផ្លូវដង្ហើមមួយនេះនៅថ្ងៃនេះ។ក្នុងសន្និសីទសារព័ត៌មាននៅយប់នេះ លោក ឃួង ស្រេង មានប្រសាសន៍ថា៖ «ដោយឆ្លងយប់នេះរហូតដល់ទៅ ៦៣១នាក់ រដ្ឋបាលរាជធានីភ្នំពេញក៏បានសម្រេចធ្វើសេចក្ដីសម្រេចមួយអនុវត្តនៅម៉ោងសូន្យៗថ្ងៃនេះ ដើម្បីបិទខ្ទប់ប្រជាពលរដ្ឋនៅទីតាំងមួយចំនួន ដែលក្នុងនោះខណ្ឌមានជ័យមាន២សង្កាត់ គឺសង្កាត់ស្ទឹងមានជ័យទី១ និងសង្កាត់ស្ទឹងមានជ័យទី២។លោក ឃួង ស្រេង ថ្លែងបន្តថា៖ «ដោយឡែកខណ្ឌសែនសុខ មានភូមិទ្រុងមាន់១ ប៉ុន្តែ ភូមិទ្រុងមាន់១មានពលរដ្ឋរស់នៅប្រហែល ១ម៉ឺនជាងគ្រួសារ។ ខណ្ឌពោធិ៍សែនជ័យ ក៏មាន ៦ភូមិដែលត្រូវធ្វើការបិទខ្ទប់នៅថ្ងៃនេះដែរ ដោយសារកម្មករកម្មការិនីបានទៅស្នាក់នៅលើទីតាំងនេះ»។បើតាមសេចក្ដីសម្រេចចេញនៅល្ងាចនេះ សាលារាជធានីភ្នំពេញ បានសម្រេចហាមឃាត់ពលរដ្ឋចាកចេញពីផ្ទះសម្បែង ឬទីស្នាក់អាស្រ័យរបស់ពួកគេចាប់ពីម៉ោង១២រំលងអាធ្រាត្រឈានចូលថ្ងៃទី១០ ខែមេសា រហូតដល់ថ្ងៃទី២៣ ខែមេសា។ក្រៅពីហាមឃាត់ការធ្វើដំណើរចេញពីភូមិទាំងនេះហើយនោះ សាលារាជធានីភ្នំពេញក៏ហាមឃាត់សកម្មភាពអាជីវកម្ម និងការប្រកបមុខរបរជាច្រើនផងដែរនៅក្នុងភូមិដែលជាប់ក្នុងបញ្ជីបិទខ្ទប់នេះ។ទោះជាយ៉ាងណា រដ្ឋបាលរាជធានីភ្នំពេញក៏ផ្ដល់ការលើកលែងចំពោះសកម្មភាពរបស់មនុស្ស និងការប្រកបអាជីវកម្មមួយចំនួនផងដែរ ដែលអាជ្ញាធរចាត់ទុកថា «ចាំបាច់» និងត្រូវបានអាជ្ញាធរអនុញ្ញាត។ចំណែកឯសកម្មភាពជួបជុំ ឬប្រមូលផ្ដុំមនុស្ស ក៏ត្រូវបានហាមឃាត់ផងដែរ ប៉ុន្តែ សាលារាជធានីភ្នំពេញ ក៏បានផ្ដល់ការលើកលែងផងដែរចំពោះការជួបជុំមួយចំនួន«ចាំបាច់»៕

រដ្ឋបាលរាជធានីភ្នំពេញសម្រេចបិទខ្ទប់សង្កាត់២ក្នុងខណ្ឌមានជ័យក្រោយផ្ទុះកូវីដ១៩រាប់រយករណី

ភ្នំពេញ៖ រដ្ឋបាលរាជធានីភ្នំពេញសម្រេចបិទខ្ទប់សង្កាត់ចំនួន២នៅក្នុងខណ្ឌមានជ័យចាប់ពីម៉ោងសូន្យឈានចូលថ្ងៃទី១០ ខែមេសានេះ រហូតដល់ ១៤ថ្ងៃក្រោយ ដោយថា ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។ក្នុងសេចក្ដីសម្រេចចេញនៅល្ងាចនេះ អភិបាលរាជធានីភ្នំពេញ លោក ឃួង ស្រេង បានសម្រេចបិទខ្ទប់សង្កាត់ស្ទឹងមានជ័យទី១ និងសង្កាត់ស្ទឹងមានជ័យទី២ នៃខណ្ឌមានជ័យ ចាប់ពីថ្ងៃទី១០ រហូតដល់ថ្ងៃទី២៣ ខែមេសានេះ។ក្នុងសេចក្ដីសម្រេចនោះ អាជ្ញាធររាជធានីភ្នំពេញហាមឃាត់ការធ្វើដំណើរចាកចេញពីផ្ទះសម្បែង ឬទីស្នាក់អាស្រ័យនាពេលបច្ចុប្បន្ន ហាមឃាត់ការជួបជុំ ឬការប្រមូលផ្ដុំមនុស្ស និងសកម្មភាពអាជីវកម្ម ឬការប្រកបមុខរបរជាច្រើន។ទោះជាយ៉ាងណា រដ្ឋបាលរាជធានីភ្នំពេញក៏ផ្ដល់ការលើកលែងចំពោះសកម្មភាពរបស់មនុស្ស និងការប្រកបអាជីវកម្មមួយចំនួនផងដែរ ដែលអាជ្ញាធរចាត់ទុកថា «ចាំបាច់» និងត្រូវបានអាជ្ញាធរអនុញ្ញាត។សាលារាជធានីភ្នំពេញ បានសម្រេចបែបនេះ បន្ទាប់ពីមនុស្សរហូតដល់ទៅ ៦៣១នាក់ហើយ ត្រូវបានរកឃើញឆ្លងមេរោគកូវីដ១៩នៅត្រឹមយប់នេះ៕

សាលារាជធានីភ្នំពេញបិទខ្ទប់ភូមិចំនួន៧នៅខណ្ឌពោធិ៍សែនជ័យក្រោយផ្ទុះកូវីដ១៩ច្រើនករណី

ភ្នំពេញ៖ សាលារាជធានីភ្នំពេញ បានសម្រេចបិទខ្ទប់ភូមិចំនួន៧នៅក្នុងខណ្ឌពោធិ៍សែនជ័យ ចាប់ពីម៉ោងសូន្យឈានចូលថ្ងៃទី១០ ខែមេសានេះ រហូតដល់ ១៤ថ្ងៃក្រោយ។ក្នុងសេចក្ដីសម្រេចចេញនៅល្ងាចនេះ អភិបាលរាជធានីភ្នំពេញ បានសម្រេចបិទខ្ទប់ភូមិត្រពាំងថ្លឹង២ និងភូមិទួលពង្រដែលនៅក្នុងសង្កាត់ចោមចៅ១ ភូមិចំការឪឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា នៃសង្កាត់កាកាបទី១ និងភូមិចំការឪឡឹក១ស្ថិតក្នុងសង្កាត់កាកាបទី២។អាជ្ញាធររាជធានីភ្នំពេញ សម្រេចបិទខ្ទប់ភូមិទាំង៧ខាងលើនេះរយៈពេល ១៤ថ្ងៃ ចាប់ពីថ្ងៃទី១០ ដល់ថ្ងៃទី២៣ ខែមេសានេះ។សេចក្ដីសម្រេចនោះ បានហាមឃាត់មនុស្សគ្រប់រូបចាកចេញពីលំនៅឋាន ឬទីស្នាក់អាស្រ័យបច្ចុប្បន្នរបស់ខ្លួន និងហាមឃាត់រាល់ការជួបជុំ ឬការប្រមូលផ្ដុំមនុស្សទាំងអស់។ទោះជាយ៉ាងណា អាជ្ញាធរក៏ផ្ដល់ការលើកលែងមួយចំនួនផងដែរសម្រាប់ការធ្វើដំណើរ និងសកម្មភាពជួបជុំមួយចំនួន។សាលារាជធានីភ្នំពេញ បានសម្រេចបិទខ្ទប់ភូមិទាំងនេះ បន្ទាប់ពីក្រសួងសុខាភិបាលបានប្រកាសនៅថ្ងៃនេះថា មនុស្សដល់ទៅ ៥៤៤នាក់បានឆ្លងមេរោគកូវីដ១៩នៅក្នុងរាជធានីភ្នំពេញនៅថ្ងៃនេះ៕

ស្ត្រីខ្មែរម្នាក់ទៀតអាយុ៥៥ឆ្នាំស្លាប់ដោយសារជំងឺកូវីដ១៩ថ្ងៃនេះ អ្នកស្លាប់សរុបឡើងដល់២៥នាក់

ភ្នំពេញ៖ ក្រសួងសុខាភិបាលបានប្រកាសថា ស្ត្រីខ្មែរម្នាក់ទៀតអាយុ ៥៥ឆ្នាំ បានស្លាប់បាត់បង់ជីវិតដោយសារជំងឺកូវីដ១៩នៅថ្ងៃនេះ ១០ថ្ងៃក្រោយពីស្ត្រីរូបនេះបានឆ្លងមេរោគផ្លូវដង្ហើមមួយនេះ។ក្នុងសេចក្ដីប្រកាសព័ត៌មានចេញនៅល្ងាចនេះ ក្រសួងសុខាភិបាលបញ្ជាក់ថា ស្ត្រីរូបនេះដែលរស់នៅក្នុងសង្កាត់ព្រែកលាប ស្ថិតក្នុងខណ្ឌជ្រោយចង្វារ បានស្លាប់នៅម៉ោងខ្ទង់ ៣រសៀលថ្ងៃនេះ នៅឯមន្ទីរពេទ្យមិត្តភាពខ្មែរ-សូវៀត បន្ទាប់ពីសួតទាំងសងខាងរបស់គាត់បានរលាកធ្ងន់ធ្ងរដោយសារការវាយលុកនៃវីរុសកូវីដ១៩ ខណៈអ្នកជំងឺមានជំងឺទឹកនោមផ្អែមថែមទៀត។បើតាមក្រសួងសុខាភិបាល ស្ត្រីខ្មែររូបនេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀតកាលពីថ្ងៃទី៣០ ខែមីនា បន្ទាប់ពីត្រូវបានរកឃើញឆ្លងកូវីដ១៩។គិតមកដល់ថ្ងៃនេះ ចំនួនមនុស្សស្លាប់ដោយសារជំងឺកូវីដ១៩ដែលក្រសួងសុខាភិបាលប្រកាសជាផ្លូវការនោះ បានកើនដល់ ២៥នាក់ហើយនៅក្នុងរយៈពេលមិនដល់១ខែផង ក្រោយពីករណីស្លាប់លើកដំបូងកាលពីថ្ងៃទី១១ ខែមីនាកន្លងមកនេះ៕

កម្ពុជារកឃើញមនុស្ស៥៧៦នាក់ទៀតឆ្លងកូវីដ១៩ ខណៈអ្នកជំងឺ៧០នាក់ទៀតបានជាសះស្បើយពីជំងឺកូវីដ១៩

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥៧៦នាក់ទៀត ត្រូវបានរកឃើញឆ្លងមេរោគកូវីដ១៩ ខណៈអ្នកជំងឺកូវីដ១៩ចំនួន ៧០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលប្រកាសថា ករណីឆ្លងថ្មីទាំង ៥៧៦នាក់នោះ សុទ្ធតែជាប់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។បើតាមក្រសួងសុខាភិបាល ករណីឆ្លងថ្មីដល់ទៅ ៥៤៤នាក់ ត្រូវបានរកឃើញនៅក្នុងរាជធានីភ្នំពេញ បន្ទាប់មកខេត្តស្វាយរៀងរកឃើញអ្នកឆ្លងថ្មី ១៦នាក់ ខេត្តព្រះសីហនុរកឃើញករណីថ្មី ១២នាក់ ខេត្តសៀមរាបរកឃើញថ្មី ២នាក់ និងរកឃើញ ១ករណីៗនៅក្នុងខេត្តកណ្ដាល និងកំពង់ចាម។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៣ ៦០៤នាក់ហើយបានឆ្លងមេរោគកូវីដ១៩នៅទូទាំងប្រទេសគិតចាប់តាំងពីថ្ងៃទី២៧ ខែមករាឆ្នាំមុន ជាថ្ងៃដែលកម្ពុជារកឃើញករណីឆ្លងកូវីដ១៩ជាលើកដំបូង។ក្នុងចំណោមតួលេខសរុប មនុស្សដល់ទៅ ៣ ០៧២នាក់ ឬស្មើនឹងជាង ៨២ភាគរយ បានឆ្លងមេរោគកូវីដ១៩ បន្ទាប់ពីពួកគេបានពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ១៩ចំនួន ៧០នាក់បន្ថែមទៀត ត្រូវបានព្យាបាលជាសះស្បើយហើយ និងត្រូវបានអនុញ្ញាតឱ្យចាកចេញពីមន្ទីរពេទ្យហើយ។គិតមកដល់ថ្ងៃនេះ ចំនួនអ្នកជំងឺកូវីដ១៩ដែលត្រូវបានព្យាបាលជាសះស្បើយ បានកើនឡើងដល់ ១ ៩៨៤នាក់ហើយ ខណៈអ្នកជំងឺកូវីដ១៩ ១ ៥៩១នាក់ទៀត កំពុងស្ថិតក្រោមការព្យាបាលបន្ត៕

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានកោតសរសើរដល់ឯកឧត្ដមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ សម្រាប់កិច្ចខិតខំប្រឹងប្រែងកៀរគរមន្ត្រីរាជការ និងបុគ្គលិកក្រោមឱវាទក្រសួង ឱ្យចាក់វ៉ាក់សាំងលើសពីចំនួនកំណត់។សម្ដេចតេជោ ហ៊ុន សែន បានកោតសរសើរដល់ឯកឧត្ដម ជា សុផារ៉ា ដោយផ្ទាល់មាត់បែបនេះនៅក្នុងសារជាសំឡេងមួយដែលត្រូវបានផ្ញើចេញតាមប្រព័ន្ធបញ្ចូនសារតេឡេក្រាមនៅយប់នេះ។សម្ដេចតេជោ ហ៊ុន សែន មានប្រសាសន៍ថា៖ «តែមានក្រសួងមួយគឺក្រសួងរៀបចំដែនដី នគរូបនីយកម្ម និងសំណង់របស់ឯកឧត្ដមឧបនាយករដ្ឋមន្ត្រី ជា សុផារ៉ា គឺបែរជាចាក់វ៉ាក់សាំងលើសចំនួន ដោយសារតែមន្ត្រីជាប់កិច្ចសន្យា អ្នកថែសួន អ្នកធ្វើអនាម័យ ក៏មកសុំចាក់វ៉ាក់សាំងដែរ។សម្ដេចមានប្រសាសន៍បន្តថា៖ «នេះគឹជាការលើកទឹកចិត្តដ៏អស្ចារ្យមួយដែលខ្ញុំយកឱកាសនេះកោតសរសើរ។ ឯកឧត្ដម ជា សុផារ៉ា មានការព្រួយបារម្ភថា ចាក់វ៉ាក់សាំងលើសចំនួន តែខ្ញុំប្រាប់ថា នេះគឺជាកាយវិការដ៏ល្អដែលសូម្បីតែអ្នកថែសួន សូម្បីតែអ្នកធ្វើអនាម័យនៅក្រសួងរៀបចំដែនដី នគរូបនីយកម្ម និងសំណង់ ដែលត្រូវបានចាក់ទាំងអ្នកបម្រើការបែបនេះ»។ចំណែកឯកងទ័ពស្ថិតក្រោមក្រសួងការពារជាតិវិញ សម្ដេចតេជោ ហ៊ុន សែន មានប្រសាសន៍ផងដែរថា បានចាក់ស្ទើរតែទាំងអស់ហើយនៅក្រោមការដឹកនាំដ៏ម៉ឺងម៉ាត់ដោយសម្ដេចពិជ័យសេនា ទៀ បាញ់ ដែលជារដ្ឋមន្ត្រីក្រសួងការពារជាតិ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

សម្ដេចតេជោ ហ៊ុន សែន ព្រមានដកការងារពីមន្ត្រី និងកម្លាំងប្រដាប់អាវុធរូបណាខកខានចាក់វ៉ាក់សាំងដោយចេតនា

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន មានប្រសាសន៍នៅយប់នេះថា មន្ត្រីរាជការស៊ីវិល និងកងកម្លាំងប្រដាប់អាវុធ នឹងប្រឈមមុខនឹងការបាត់បង់ការងារនាពេលខាងមុខ ប្រសិនបើពួកគេមិនបានចាក់វ៉ាក់សាំងបង្ការមេរោគកូវីដ១៩ទេនោះ។សម្ដេចតេជោនាយករដ្ឋមន្ត្រីកម្ពុជា បានមានប្រសាសន៍សង្កត់ធ្ងន់បែបនេះនៅក្នុងសារសំឡេងរបស់លោកដែលត្រូវបានបញ្ជូនចេញនៅយប់នេះតាមប្រព័ន្ធបញ្ជូនសារតេឡេក្រាម។សម្ដេចតេជោ ហ៊ុន សែន ថ្លែងថា៖ «ខ្ញុំសូមបញ្ជាក់ជូនទៅមន្ត្រីរាជការដែលមិនចង់ចាក់វ៉ាក់សាំងឱ្យបានជ្រាបថា នៅពេលណាដែលគ្រប់ស្ថាប័នចាក់បានពី ៧០ភាគរយឡើងលើ មន្ត្រីដែលមិនបានចាក់វ៉ាក់សាំង ប្រហែលជាមិនអាចចូលធ្វើការបានទេ សូមដេកផ្ទះចុះ ហើយបើថ្នាក់ដែលត្រូវចូលប្រជុំ ក៏មិនចាំបាច់ឱ្យប្រធានស្ថាប័នអញ្ចើញចូលរួមដែរ ទុកឱ្យដេកផ្ទះនោះទៅ ព្រោះគ្រាន់តែវ៉ាក់សាំងចាក់ដើម្បីការពារជីវិតខ្លួនឯង និងចូលរួមការពារប្រយុទ្ធនឹងកូវីដ១៩ ធ្វើមិនបានផង តើចាំបាច់បន្តធ្វើជាទាហាន ជាប៉ូលិស ឬក៏ធ្វើជាមន្ត្រីរាជការធ្វើអ្វីតទៅទៀត គ្មានការចាំបាច់ទេ»។សម្ដេចតេជោមានប្រសាសន៍បន្តថា៖ «អ៊ីចឹង ខ្ញុំសូមបញ្ជាក់សារជាថ្មីឱ្យក្រសួងស្ថាប័នបូកសរុបមន្ត្រីរបស់ខ្លួនមានប៉ុន្មានភាគរយដែលបានចាក់រួចហើយ ហើយនៅសល់ប៉ុន្មាន។ អ្នកដែលមិនបានចាក់បន្ទាប់ពីដូសទីពីរនៃអ្នកបានទទួលហើយ។ អ្នកមិនទាន់បានចាក់ គប្បីកុំឱ្យចូលមកក្រសួងដែលនាំជំងឺចូលមកកាន់ក្រសួងរបស់ខ្លួន ទុកឱ្យគាត់ដេកនៅផ្ទះរង់ចាំចាក់វ៉ាក់សាំងហើយសិនចាំចូលមកក៏មិនទាន់យឺតពេល»។សម្ដេចតេជោ ហ៊ុន សែន បានព្រមានថា ប្រសិនបើមន្ត្រីរាជការ និងកងកម្លាំងប្រដាប់អាវុធណាដែលខកខានមិនបានចាក់វ៉ាក់សាំងដោយចេតនា នឹងត្រូវអនុញ្ញាតដាក់ឱ្យទំនេរពីការងារ ហើយក្រសួង និងស្ថាប័ននោះ នឹងជ្រើសរើសមន្ត្រីថ្មីយកមកជំនួសវិញ។សម្ដេចតេជោ ហ៊ុន សែន មានប្រសាសន៍បន្តថា៖ «យើងសុខចិត្តឱ្យពួកគាត់នៅផ្ទះ។ យើងសុខចិត្តឱ្យពួកគាត់ចាកចេញពីការងារ ហើយយើងជ្រើសរើសមន្ត្រីថ្មីចូលធ្វើការជំនួសវិញ ព្រោះបញ្ហានេះជាបញ្ហាសុខភាពសាធារណៈ»។សម្ដេចតេជោបានដាក់បញ្ជាទៅថ្នាក់ដឹកនាំនៅថ្នាក់ក្រោមជាតិឱ្យត្រួតពិនិត្យកិច្ចការនេះឱ្យបានត្រឹមត្រូវ ដើម្បីបញ្ចៀសការគេចវេសណាមួយពីសំណាក់មន្ត្រីស៊ីវិល និងកងកម្លាំងប្រដាប់អាវុធមួយចំនួន ដែលសម្ដេចចាត់ទុកទង្វើគេចវេសនោះថា «មិនត្រឹមតែបំផ្លាជីវិតរបស់ពួកគាត់ប៉ុណ្ណោះទេ ក៏ប៉ុន្តែ បានចូលរួមចំណែកបំផ្លាញជីិវិតអ្នកដទៃនៅតាមស្ថាប័នដែលខ្លួនធ្វើការ»។សម្រាប់មន្ត្រីរាជការស៊ីវិល និងកងកម្លាំងប្រដាប់ណាដែលខកខានមិនបានចាក់វ៉ាក់សាំង សម្ដេចតេជោតម្រូវឱ្យមានការបញ្ជាក់ដោយត្រឹមត្រូវដែលចេញដោយប្រធានមន្ទីរសុខាភិបាលខេត្តនីមួយៗនៅទូទាំងប្រទេស ដើម្បីធានាថា គ្មានការស៊ុំគ្រលំគ្នាណាមួយកើតឡើងនោះឡើយ។បើតាមតួលេខរបស់ក្រសួងសុខាភិបាលគិតត្រឹមថ្ងៃទី៤ ខែមេសានេះ ពលរដ្ឋកម្ពុជាសរុបដល់ទៅ ៤១៨ ៥៦៩នាក់ហើយនៅទូទាំងប្រទេស បានទទួលវ៉ាក់សាំងនៅក្រោមយុទ្ធនាការចាក់វ៉ាក់សាំងរបស់រាជរដ្ឋាភិបាល ក្នុងនោះមានទាំងការចាក់វ៉ាក់សាំងស៊ីណូហ្វាម វ៉ាក់សាំងស៊ីណូវ៉ាក់ និងវ៉ាក់សាំងកូវីស៊ែលផងដែរ៕

សំបុត្រទស្សនាវគ្គផ្ដាច់ព្រ័ត្រពានសម្ដេចតេជោ ហ៊ុន សែន ចាប់ផ្ដើមលក់ថ្ងៃនេះ

បាល់ទាត់៖ នៅសល់រយៈពេល ៤ថ្ងៃទៀតប៉ុណ្ណោះ ការប្រកួតវគ្គផ្ដាច់ព្រ័ត្រពានរង្វាន់សម្ដេចតេជោ ហ៊ុន សែន លើកទី១៤ (ថ្នាក់ជាតិ) ឆ្នាំ២០២០ រវាងក្រុមណាហ្គាវើលដ៏ និងក្រុមវិសាខានឹងមកដល់ហើយ ពោលគឺនៅថ្ងៃទី៧ ខែវិច្ឆិកាចុងសប្ដាហ៍នេះនៅពហុកីឡដ្ឋានជាតិ។ដោយឡែកសំបុត្រចូលទស្សនាការប្រកួតបញ្ចប់រដូវកាល សម្រាប់ពានរង្វាន់ប្រើប្រាស់តែកីឡាករក្នុងស្រុកនេះ គណៈកម្មការប្រកួតបាល់ទាត់ជាតិកម្ពុជា (CNCC) បានប្រកាសចាប់ផ្ដើមលក់ពីថ្ងៃទី០៣ ខែវិច្ឆិកានេះរហូតដល់ថ្ងៃទី០៦ ខែវិច្ឆិកា នៅការិយាល័យរបស់ខ្លួនដោយរក្សាតម្លៃ ៤,០០០រៀលដដែល។ អ្វីដែលគួរកត់សម្គាល់ជុំវិញការលក់សំបុត្រនេះដែរ CNCC បានតម្រូវឲ្យអ្នកគាំទ្រត្រូវភ្ជាប់មកជាមួយនូវអត្តសញ្ញាណប័ណ្ណ ឬប័ណ្ណសម្គាល់ខ្លួនទើបអាចទិញសំបុត្របាន។ ការធ្វើបែបនេះគឺដើម្បីងាយស្រួលក្នុងការគ្រប់គ្រង ក្នុងន័យចូលរួមយុទ្ធនាការទប់ស្កាត់ការរីករាលជំងឺកូវីត–១៩ ក្នុងសហគមន៍ ស្របតាមការណែនាំរបស់ក្រសួងសុខាភិបាល។ក្រឡេកមកចាប់អារម្មណ៍ការប្រកួតវគ្គផ្ដាច់ព្រ័ត្រវិញ ណាហ្គាវើលដ៏ និងវិសាខានឹងត្រូវជួបគ្នានាវេលាម៉ោង ៦ល្ងាច ក្នុងនាមបេក្ខភាពដណ្ដើមជើងឯកពានរង្វាន់សម្ដេចតេជោ ហ៊ុន សែន ឆ្នាំ២០២០។ ប៉ុន្តែមុនឈានដល់ការប្រកួតវគ្គផ្ដាច់ព្រ័ត្រក៏មានគូជក់ចិត្តរវាងក្រុមភ្នំពេញក្រោន និងខេត្តព្រៃវែងដើម្បីដណ្ដើមចំណាត់ថ្នាក់លេខ៣ ផងដែរ។ ការប្រកួតវគ្គផ្ដាច់ព្រ័ត្រនេះនឹងមានផ្សាយផ្ទាល់លើកញ្ចក់ទូរទស្សន៍ BTV-News៕អត្ថបទ៖ លី ឈុនឡា

សាលារៀនក្នុងខេត្តបាត់ដំបង ចាប់ផ្ដើមបើកដំណើរការឡើងវិញដូចរាជធានី-ខេត្តដទៃដែរ

បាត់ដំបង ៖ សាលារៀនគ្រប់កម្រិត នៅទូទាំងខេត្តបាត់ដំបង នៅថ្ងៃទី០២ ខែ វិច្ឆិកានេះ បានចាប់ផ្ដើមដំណើរការ រៀនសូត្រ ដំណាក់កាលទី៣ តាមប្រកាសរបស់ក្រសួងអប់រំ ដោយបានអនុវត្តនូវវិធានការពារកូវីដ–១៩។លោក យី សុងគី ប្រធានមន្ទីរអប់រំ យុវជន និងកីឡា ខេត្តបាត់ដំបង បានប្រាប់BTVថា នៅក្នុងខេត្ត បាត់ដំបង សាលារៀនរបស់រដ្ឋទាំងអស់ បានបើកឱ្យសិស្សចូលរៀន ក្នុងដំណាក់កាលទី៣ ទាំងសាលារៀន ដែលធ្លាប់ជួបគ្រោះទឹកជំនន់ក៏ដោយ ក៏បានចូលរៀនវិញដែរ ហើយតាមសាលា ក៏បានអនុវត្តនូវការណែនាំ របស់ក្រសួងអប់រំ និងក្រសួងសុខាភិបាល ក្នុងការការពារទប់ស្កាត់ការរីករាលដាលកូវីដ–១៩។គ្រូបង្រៀននៅសាលាបឋមសិក្សា២ធ្នូ ក្នុងក្រុងបាត់ដំបង បានឱ្យដឹងថា ក្នុងសម័យកូវីដ១៩នេះ សាលាបឋមសិក្សា២ធ្នូ ក្នុងដំណាក់កាលទី១ គឺបង្រៀនសិស្សតាមប្រព័ន្ធអនឡាញ ការប្រមូលផ្ដុំបង្រៀន ជាក្រុមតូចៗ។ សម្រាប់ដំណាក់កាលទី២ គឺបានបើកឱ្យសិស្សចូលរៀនក្នុងថ្នាក់រៀន ប៉ុន្តែរក្សាគម្លាត ដោយក្នុងមួយថ្នាក់មានសិស្សតែ២០នាក់។ ក្នុងដំណាក់កាលទី៣នេះ គឺមានការរៀបចំឱ្យសិស្សរៀនក្នុង ថ្នាក់ អាចចាប់ពី២០ ទៅ៣០នាក់ ប៉ុន្តែក៏បានអនុវត្តតាមវិធានការការពារកូវីដ១៩ដែរ ហើយក្នុងមួយ សប្ដាហ៍ ឱ្យសិស្សរៀនតែ៣ថ្ងៃ តែគ្រូបង្រៀនពេញមួយសប្ដាហ៍។ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា ការបើកសាលា រៀនឡើងវិញ ក្នុងដំណាក់កាលទី៣នេះ ដោយសារការបើកដំណើការកាលពីដំណាក់កាលមុនៗ បានប្រ ព្រឹត្តទៅដោយរលូន ប៉ុន្តែទោះយ៉ាងនេះក្តី ក្រសួងក៏នៅតែតម្រូវឱ្យគ្រប់សាលាទាំងអស់ អនុវត្តតាមវិធាន ការអនាម័យ និងអនុវត្តតាមការណែនាំរបស់ក្រសួងជាប្រចាំដែរ ហើយប្រសិនបើសាលារៀនណាមួយ មិន អនុវត្តតាម ក្រសួងនឹងព្យួរសាលានោះជាបណ្តោះអាសន្ន៕អត្ថបទ ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

មនុស្ស១៣នាក់ ស្លាប់ ក្រោយអាកាសធាតុអាក្រក់វាយប្រហារតំបន់ភាគកណ្តាលឈីលី

មនុស្សជាង ១ម៉ឺននាក់ បានជម្លៀសខ្លួនក្នុងហេតុការណ៍ភ្លើងឆេះព្រៃនៅប្រទេសបារាំង

អូស្រ្តាលីនឹងជំរុញក្រុមមន្រ្តីពាណិជ្ជកម្មសហរដ្ឋអាមេរិក ឲ្យដកចេញពន្ធទាំងអស់

យោធាអាមេរិកអះអាងថា ពួកគេបានបញ្ចប់ការវាយប្រហារពេលយប់ថ្ងៃទី ១៣ជាប់ៗគ្នារបស់ខ្លួនលើគោលដៅយោធាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

បុរសខ្មែរម្នាក់ទៀតអាយុ៥៩ឆ្នាំស្លាប់ដោយសារកូវីដ១៩មុនបញ្ជូនទៅដល់មន្ទីរពេទ្យ

សាលារាជធានីភ្នំពេញបិទខ្ទប់ភូមិជាច្រើនក្នុងខណ្ឌចំនួនបីក្រោយមនុស្ស៦៣១នាក់ទៀតឆ្លងកូវីដ១៩

រដ្ឋបាលរាជធានីភ្នំពេញសម្រេចបិទខ្ទប់សង្កាត់២ក្នុងខណ្ឌមានជ័យក្រោយផ្ទុះកូវីដ១៩រាប់រយករណី

សាលារាជធានីភ្នំពេញបិទខ្ទប់ភូមិចំនួន៧នៅខណ្ឌពោធិ៍សែនជ័យក្រោយផ្ទុះកូវីដ១៩ច្រើនករណី

ស្ត្រីខ្មែរម្នាក់ទៀតអាយុ៥៥ឆ្នាំស្លាប់ដោយសារជំងឺកូវីដ១៩ថ្ងៃនេះ អ្នកស្លាប់សរុបឡើងដល់២៥នាក់

កម្ពុជារកឃើញមនុស្ស៥៧៦នាក់ទៀតឆ្លងកូវីដ១៩ ខណៈអ្នកជំងឺ៧០នាក់ទៀតបានជាសះស្បើយពីជំងឺកូវីដ១៩

សម្ដេចតេជោ ហ៊ុន សែន កោតសរសើររដ្ឋមន្ត្រី ជា សុផារ៉ា ដែលបានផ្ដល់វ៉ាក់សាំងទៅដល់បុគ្គលិកថែសួន និងអនាម័យ

សម្ដេចតេជោ ហ៊ុន សែន ព្រមានដកការងារពីមន្ត្រី និងកម្លាំងប្រដាប់អាវុធរូបណាខកខានចាក់វ៉ាក់សាំងដោយចេតនា

សំបុត្រទស្សនាវគ្គផ្ដាច់ព្រ័ត្រពានសម្ដេចតេជោ ហ៊ុន សែន ចាប់ផ្ដើមលក់ថ្ងៃនេះ

សាលារៀនក្នុងខេត្តបាត់ដំបង ចាប់ផ្ដើមបើកដំណើរការឡើងវិញដូចរាជធានី-ខេត្តដទៃដែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

បុរស​ខ្មែរ​ម្នាក់​ទៀត​អាយុ​៥៩​ឆ្នាំ​ស្លាប់​ដោយសារ​កូវីដ​១៩​មុន​បញ្ជូន​ទៅ​ដល់​មន្ទីរ​ពេទ្យ

សាលា​រាជ​ធានី​ភ្នំពេញ​បិទ​ខ្ទប់​ភូមិ​ចំនួន​៧​នៅ​ខណ្ឌ​ពោធិ៍សែនជ័យ​ក្រោយ​ផ្ទុះ​កូវីដ​១៩​ច្រើន​ករណី

សំបុត្រ​ទស្សនា​វគ្គ​ផ្ដាច់ព្រ័ត្រ​ពាន​សម្ដេច​តេ​ជោ ហ៊ុន សែន ចាប់ផ្ដើម​លក់​ថ្ងៃនេះ

សាលារៀន​ក្នុង​ខេត្តបាត់ដំបង​ ចាប់ផ្ដើម​បើក​ដំណើរការ​ឡើងវិញ​ដូច​រាជធានី​-​ខេត្ត​ដទៃ​ដែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បុរសខ្មែរម្នាក់ទៀតអាយុ៥៩ឆ្នាំស្លាប់ដោយសារកូវីដ១៩មុនបញ្ជូនទៅដល់មន្ទីរពេទ្យ

សាលារាជធានីភ្នំពេញបិទខ្ទប់ភូមិចំនួន៧នៅខណ្ឌពោធិ៍សែនជ័យក្រោយផ្ទុះកូវីដ១៩ច្រើនករណី

សំបុត្រទស្សនាវគ្គផ្ដាច់ព្រ័ត្រពានសម្ដេចតេជោ ហ៊ុន សែន ចាប់ផ្ដើមលក់ថ្ងៃនេះ

សាលារៀនក្នុងខេត្តបាត់ដំបង ចាប់ផ្ដើមបើកដំណើរការឡើងវិញដូចរាជធានី-ខេត្តដទៃដែរ