BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ភ្នំពេញ ៖ នាយឧត្តមសេនីយ៍ ហ៊ឹម យ៉ាន អគ្គស្នងការរងនគរបាលជាតិ ទទួលបន្ទុកផែនចរាចរណ៍ បានស្នើដល់នគរបាលជើងទឹកអស់ (ទាំងសមុទ្រ និងទន្លេ) ត្រូវចេះជំនាញហែលទឹក និងសញ្ញាអាសន្ន និងសញ្ញាសម្គាល់ផ្សេងៗ ដើម្បីងាយស្រួលក្នុងប្រតិបត្តិការឲ្យបានឆាប់រហ័ស ខណៈជួបបញ្ហាអ្វីកើតឡើងនោះ។ថ្លែងនៅក្នុងកម្មវិធីបើកវគ្គបំប៉នជំនាញ នគរបាលចរាចរណ៍ផ្លូវទឹក នាព្រឹកថ្ងៃទី២ ខែ វិច្ឆិកា ឆ្នាំ២០២០នេះ នៅអគ្គស្នងការដ្ឋាននគរបាលជាតិ ឯកឧត្តម នាយឧត្តមសេនីយ៍ ហ៊ឹម យ៉ាន បានលើកឡើងថា នាពេល បច្ចុប្បន្ននេះ ថ្វីត្បិតតែការធ្វើចរាចរណ៍ផ្លូវទឹកពុំមានសកម្មភាពច្រើនដោយសារបញ្ហាមេរោគកូវិដក្តី ប៉ុន្តែក្នុងនាមយើងជានគរបាលចរាចរណ៍ផ្លូវទឹកត្រូវតែបង្កើនជំនាញបន្ថែមទាំងផ្នែកច្បាប់ បច្ចេកទេស និងសញ្ញាផ្សេងៗជាដើមនោះ។ឯកឧត្តម បានបន្តទៀតថា«យើងត្រូវតែយល់ដឹងឲ្យបានច្បាស់លាស់នូវសញ្ញា ទាំងថ្នាក់ជាតិ និងអន្តរជាតិ និងត្រូវមានសម្ភារៈជួយសង្គ្រោះទាំងអស់ ដើម្បីធ្វើយ៉ាងណាឲ្យការជួយសង្គ្រោះរបស់ពួកយើង ប្រកបដោយសុវត្ថិភាព និងលឿនបំផុតនោះ»។ជាមួយគ្នានោះដែរ ឯកឧត្តម ហ៊ឹម យ៉ាន ក៏បានឲ្យដឹងផងដែរថា ចំណូលដែលបានចូលរដ្ឋតារយៈដឹកជញ្ជូនផ្លូវទឹក(សមុទ្រ) ក្នុងរយៈពេលជិតមួយឆ្នាំមកនេះ គឺមានត្រឹមតែជាង១៨លានដុល្លារអាមេរិកតែប៉ុណ្ណោះ ខណៈឆ្នាំ២០១៩ កន្លងទៅបានរហូតដល់ជាងមួយរយលានដុល្លារអាមេរិក។ ដោយការធ្លាក់ចុះនេះ គឺកើតចេញពីបញ្ហាមេរោគកូវីដ១៩។ ប៉ុន្តែទោះជាយ៉ាងណាក៏ដោយ យើងត្រូវតែមានការប្រុងប្រយ័ត្នជានិច្ច ក្នុងកិច្ចសហប្រតិបត្តិការជាមួយភាគីពាក់ព័ន្ធ ក្នុងការជួយសង្គ្រោះ និងទប់ស្កាត់បទល្មើសនានានៅតាមដែនទឹក និងពិសេសនោះគឺត្រូវតែស្គាល់អំពីអ្វីដែលហៅថាសញ្ញាអន្តរជាតិ និងសញ្ញាជាតិ ខណៈនាវាបរទេសឆ្លងកាត់តាមដែនទឹករបស់យើងជាដើមនោះ។សូមបញ្ជាក់ថា វគ្គបំប៉ននេះ គឺនឹងប្រព្រឹត្តិទៅរយៈពេល៥ថ្ងៃ គឺចាប់ពីថ្ងៃទី ២ដល់ថ្ងៃទី៧ ខែ វិច្ឆិកា ឆ្នាំ២០២០ នេះ ដោយសិក្ខាកាមមកពីគ្រប់រាជធានីខេត្តទាំងអស់នៃប្រទេសកម្ពុជា៕អត្ថបទ ៖ ចក់

ពលរដ្ឋក្រីក្រជាង៣០០គ្រួសារ ខេត្ដសៀមរាប ទទួលបានអំណោយពីសប្បុរសជន

ភ្នំពេញ ៖ ប្រជាពលរដ្ឋក្រីក្រជាងជាង៣០០គ្រួសារ នៅសង្កាត់ចុងឃ្នៀស ក្រុងសៀមរាប ខេត្ដសៀមរាប បានទទួលអំណោយពីព្រះសង្ឃ និងសប្បុរសជន ដើម្បីស្រាយជីវភាពក្នុងអំឡុងជំងឺកូវីដ១៩ និងគ្រោះជំនន់ទឹកភ្លៀង ។ព្រះតេជគុណ ឡាច លាង ព្រះអនុគណក្រុងសៀមរាប និងជាព្រះចៅអធិការវត្ដពោធិវង្ស ក្រុងសៀមរាប មានដីកាថា ដើម្បីឆ្លើយតបនឹងតម្រូវការបញ្ហាជីវភាពប្រចាំថ្ងៃរបស់ពលរដ្ឋ ក្នុងអំឡុង ពេលជំងឺកូវីដ១៩នេះ ព្រះសង្ឃ និងសប្បុរសជន បាននាំយកអំណោយ និងថវិកាមួយចំនួនចែកជូន ប្រជាពលរដ្ឋទីទ័លក្រ ចំនួន៣១២គ្រួសារ ព្រមទាំងចែកដល់ប្រជាការពារ សមត្ថកិច្ចនៅសង្កាត់ចុង ឃ្នៀស ក្រុងសៀមរាប ដើម្បីដោះស្រាយឱ្យទាន់ពេលវេលាក្នុងអំឡុងពេល ដែលពួកគេ កំពុងជួបបញ្ហាកូវីដ ១៩នេះ។ព្រះអង្គរ បានបន្ដថា អំណោយនេះមិនច្រើនណាស់ណានោះទេ ប៉ុន្ដែអាចដោះស្រាយបានមួយ គ្រាៗដែរ ព្រោះនៅពេលនេះប្រទេសកម្ពុជា ក៏កំពុងជួបគ្រោះទឹកជំនន់ និងមានវិបត្ដិសេដ្ឋកិច្ចដោយសារ កូវីដ១៩ផងដែរ។ អំណោយទាំងនេះ ជាទឹកចិត្ដជ្រះថ្លាពីព្រះសង្ឃ និងសប្បុរសជននៅក្នុងស្រុក ដែលជា វប្បធម៌ចែករំលែក ខ្មែរជួយខ្មែរ៕អត្ថបទ៖ ឈិត សាវី

លទ្ធផលកិច្ចប្រជុំលើកទី៧ រដ្ឋមន្រ្តីសុខាភិបាលអាស៊ាន-ចិន

សៀមរាប៖ សេចក្តីថ្លែងការរួម នៃកិច្ចប្រជុំលើកទី៧ រដ្ឋមន្រ្តីសុខាភិបាលអាស៊ាន-ចិន បានបង្ហាញអំពីការគាំទ្រ ចំពោះការអនុវត្តការគ្របដណ្តប់សុខភាពជាសកល ជាមួយនឹងការកត់សម្គាល់អំពីការរួមចំណែករបស់ដៃគូអភិវឌ្ឍ និងដៃគូសន្ទនា ថាជាកត្តាចាំបាច់មិនអាចខ្វះបាន។ក្រោយពីការបញ្ចប់កិច្ចប្រជុំរដ្ឋមន្រ្តីសុខាភិបាលអាស៊ានលើកទី១៤ និងកិច្ចប្រជុំពាក់ព័ន្ធ នាក្រុងសៀមរាប សេចក្តីថ្លែងការរួមនៃកិច្ចប្រជុំរដ្ឋមន្រ្តីសុខាភិបាលអាស៊ានជាមួយសាធារណរដ្ឋប្រជាមានិតចិនលើកទី៧ បានបង្ហាញនៅល្ងាចថ្ងៃទី៣០ ខែសីហា ឆ្នាំ២០១៩ នូវការប្តេជ្ញាចិត្ត ពង្រឹងនវានុវត្តន៍ សម្រាប់លើកកម្ពស់សេវាសុខាភិបាល ដោយប្រើប្រាស់ព័ត៌មាន និងលទ្ធផលសុខភាព ដើម្បីដោះស្រាយបញ្ហាប្រឈម តាមរយៈនៃការលើកស្ទួយនវានុវត្តន៍វិស័យសុខាភិបាលជាមួយនឹងអន្តរាគមន៍លើគុណភាព និងធានាបរិស្ថាននៃការគាំទ្រ ហើយការប្តេជ្ញាចិត្តនេះ នឹងត្រូវដាក់បញ្ចូលទៅក្នុងកម្មវិធីការងារពាក់ព័ន្ធ នៃកិច្ចសហប្រតិបត្តិការវិស័យសុខាភិបាលអាស៊ាន ហួសពីឆ្នាំ២០២០ ។សេចក្តីថ្លែងការរួមនោះ ក៏បានបង្ហាញផងដែរអំពីការប្តេជ្ញាប្រឹងប្រែងបន្តថែមទៀត ក្នុងការពិភាក្សាទៅលើប្រសិទ្ធភាព និងបញ្ជាក់ឱ្យឃើញនូវការកែរលំអរ សម្រាប់ការលើកកម្ពស់គុណភាពសេវា ដែលជាប់ពាក់ព័ន្ធទៅនឹងសុវត្ថិភាព ប្រសិទ្ធភាព ការផ្តោតទៅលើអ្នកជំងឺ ពេលវេលាពិតប្រាកដ ប្រសិទ្ធពល សមធម៌ និងសមាហរណកម្ម ព្រមជាមួយនឹងការទទួលស្វាគមន៍ នូវការចែករំលែកបទពិសោធន៍ និងការអនុវត្តល្អៗក្នុងតំបន់ដែលឆ្ពោះទៅរកការគាំទ្រ សម្រាប់គំនិតផ្តួចផ្តើមផ្នែកសុខភាពជាអទិភាព ការគ្របដណ្តប់សុខភាពជាសកល (UHC) និងកម្មវិធីជាតិជាអទិភាព ។ការគាំទ្រចំពោះការអនុវត្តការគ្របដណ្តប់សុខភាពជាសកល គឺដើម្បីធានាការទទួលសេវាសុខភាពមានគុណភាព និងប្រសិទ្ធភាព ដោយគ្មានហានិភ័យនៃបញ្ហាហិរញ្ញវត្ថុ ដោយការពិចារណាទៅលើអនុសាសន៍របស់អង្គការសុខភាពពិភពលោក ស្តីពីសេវាសុខភាព ដែលចាត់ទុកប្រជាជនជាស្នូល ។ការពង្រឹងគុណភាពវិជ្ជសាស្រ្តបុរាណ ក៏ជាគោលដៅនៃការខិតខំប្រឹងប្រែងផងដែរ តាមរយៈការប្រតិបត្តិសកម្មភាព នៃគម្រោងដែលស្ថិតក្រោមកម្មវិធីការងាររបស់ក្រុមការងារសុខភាពអាស៊ានទី៣ និងការអភិវឌ្ឍន៍ ចែករំលែកគោលការណ៍ណែនាំស្តីពីវិជ្ជសាស្រ្តបុរាណ ។សេចក្តីថ្លែងការររួម រដ្ឋមន្រ្តីសុខាភិបាលអាស៊ាន-ចិន បានកត់សម្គាល់អំពីការរួមចំណែករបស់ដៃគូអភិវឌ្ឍ និងដៃគូសន្ទនា ដែលជាកត្តាចាំបាច់មិនអាចខ្វះបាន ដែលត្រូវតែបន្តការប្តេជ្ញាចិត្ត សហការយ៉ាងជិតស្និទ្ធជាមួយដៃគូទាំងនោះ ដោយប្រកាន់ខ្ជាប់នូវ វិធាននិងនីតិវិធីស្តីពីការចូលរួមរបស់អង្គភាពនានា ក្នុងវិស័យសុខាភិបាលអាស៊ាន ជាមួយការសម្លឹងឆ្ពោះទៅរក ការផ្លាស់ប្តូទស្សនវិស័យរួមគ្នា និងកិច្ចសហប្រតិបត្តិការបន្ថែមទៀត ក្នុងការអភិវឌ្ឍន៍វិស័យសុខាភិបាល ក្នុងកិច្ចប្រជុំលើកក្រោយ ដែលនឹងប្រព្រឹត្តិទៅនៅសាធារណរដ្ឋឥណ្ឌូនេស៊ី ឆ្នាំ២០២១ ៕

ហួន ប៊ុន ប្ដេជ្ញាដកពិសោធន៍ឆ្នាំដំបូងដើម្បីជួយស្វាយរៀងនាឆ្នាំបន្ទាប់

បាល់ទាត់៖ យុវជន ហួន ប៊ុន បានបង្ហាញពីការតាំងចិត្តខ្ពស់ក្នុងការអភិវឌ្ឍខ្លួន បន្ទាប់ពីត្រូវបានលោក Conor Nestor កោះហៅចូលរួមជាមួយក្រុមធំព្រះខ័នរាជស្វាយរៀង ហើយរូបគេបានអះអាងថានឹងចំណាយពេល ១ឆ្នាំដកបទពិសោធន៍ពីរៀមច្បង និងគ្រូបង្វឹក ដើម្បីពង្រឹងសមត្ថភាពឲ្យបានគ្រប់គ្រាន់ សម្រាប់ជួយក្រុមនាឆ្នាំ២០២០។កីឡាករមានដើមកំណើតពីខេត្តតាកែវរូបនេះរៀបរាប់ថា វាគឺជាឱកាសដ៏ល្អសម្រាប់ខ្លួន ក្រោយទទួលបានការផ្ដល់ឱកាសពីថ្នាក់ដឹកនាំ ដើម្បីអភិវឌ្ឍន៍ខ្លួនក្លាយជាកីឡាករអាជីព។ មិនតែប៉ុណ្ណោះកីឡាករវ័យ ១៦ឆ្នាំរូបនេះក៏បានប្ដេជ្ញាចិត្ត និងខិតខំយកចិត្តទុកដាក់ហ្វឹកហាត់ ដើម្បីសម្រេចគោលដៅក្នុងអាជីព ហើយឈានទៅសម្លឹងកៅអីជម្រើសជាតិផងដែរ។ គួរបញ្ជាក់ថា ហួន ប៊ុន បានស្កាត់ពីខេត្តតាកែវទៅចូលរួមហ្វឹកហាត់ ជាមួយក្រុមយុវជនថ្នាលព្រះខ័នរាជស្វាយរៀងកាលពីឆ្នាំ២០១៦។ ប៉ុន្តែដោយមើលឃើញពីសមត្ថភាព និងទេពកោសល្យដ៏ល្អរបស់កីឡាករវ័យក្មេងរូបនេះ លោក Conor Nestor ក៏បានកោះហៅរូបគេមកធ្វើតេស្ដជាមួយក្រុមធំ និងបានបញ្ចូលរូបគេជាសមាជិកថ្មីម្នាក់ សម្រាប់ត្រៀមរដូវកាលថ្មីឆ្នាំ២០១៩ តែម្ដង៕

នគរបាលប្រឆាំងបទល្មើសសេដ្ឋកិច្ចដុតកម្ទេចចោលនូវសាច់គ្រួចខុសច្បាប់ជាង២តោនដែលនាំចូលពីប្រទេសវៀតណាម

ភ្នំពេញ៖ នគរបាលប្រឆាំងបទល្មើសសេដ្ឋកិច្ច នៃអគ្គស្នងការនគរបាលជាតិ សហការជាមួយមន្ត្រីកាំកុង ត្រូលបានធ្វើការគ្នាដុតកម្ទេចចោលនៅសាច់គ្រួចខុសច្បាប់ដែលនាំមកពីប្រទេសវៀតណាមលក់នៅកម្ពុជាប្រមាណជាងពីរតោន ក្រោយពីរឹបអូសបានពីឈ្មួញទុច្ចរិតប៉ុន្មានម៉ោងក្រោយមក។យោងតាមរបាយការណ៍របស់នាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានឲ្យដឹងថា តាមអនុសាសន៍របស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងក្រោមការបញ្ជាផ្ទាល់របស់ ឯកឧត្តមឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច និងផ្អែកតាមការស្រាវជ្រាវស៊ើបអង្កេតរបស់មន្ត្រីជំនាញ នៅវេលាម៉ោង៥និង២០នាទីទៀបភ្លឺ ថ្ងៃទី៦ ខែវិច្ឆិកា ឆ្នាំ២០១៨នេះ កម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច សហការជាមួយអគ្គនាយកដ្ឋានកាំកុងត្រូល ក្រោមការ សម្របសម្រួលនីតិវិធីពីលោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបង្រា្កប ករណីនាំចូលសាច់សត្វគ្រួចគ្មានច្បាប់អនុញ្ញាតពីប្រទេសវៀតណាម ដឹកតាមរថយន្តកូរ៉េ ១គ្រឿងម៉ាកHYUNDIA ស្លាកលេខ 3E 5868 នៅចំណុចផ្លូវ ជា សុផារ៉ា សង្កាត់ទួលសង្កែ ខណ្ឋឬស្សីកែវ រាជធានីភ្នំពេញ។ក្រោយពីការត្រួតពិនិត្យសមត្ថកិច្ចចម្រុះ បានឆែកឆេរជាក់ស្តែងរកឃើញសាច់សត្វគ្រួចគ្មានច្បាប់អនុញ្ញាតិ ប្រមាណជាង២តោនកន្លះ។ចំពោះវត្ថុតាងទាំងអស់ខាងលើ លោកព្រះរាជអាជ្ញារង ខាំ សុផារី បានសម្រេចឲ្យដកហូតរក្សាទុកជាបណ្ដោះអាសន្ន និងយកសាច់សត្វក្រូច គ្មានច្បាប់អនុញ្ញាតិទៅដុតបំផ្លាញចោលនៅទីលានចាក់សំរាមបឹងជើងឯក និងបាននាំខ្លួនអ្នកបើកបររថយន្តចំនួន 01នាក់មកនាយកដ្ឋាន ដើម្បីបន្តនីតិវិធី៕

ក្រុមអ្នកគាំទ្រគណបក្សអភិរក្សនិយមដែលកំពុងកាន់អំណាចរបស់អង់គ្លេសអបអរសាទរលទ្ធផលស្ទង់មតិក្រោយការបោះឆ្នោត

អង់គ្លេស៖ ក្រុមអ្នកគាំទ្រគណបក្សអភិរក្សអង់គ្លេស បានអបអរសាទរកាលពីរាត្រីថ្ងៃព្រហស្បតិ៍ បន្ទាប់ពីលទ្ធផលនៃការស្ទង់មតិក្រោយការបោះឆ្នោត បានបង្ហាញថា គណបក្សរបស់នាយករដ្ឋមន្ត្រីលោក Boris Johnson បានឈ្នះក្នុងការបោះឆ្នោតសកលរបស់ប្រទេសនេះ។លទ្ធផលនោះនឹងអនុញ្ញាតឱ្យលោក Johnson បំពេញផែនការរបស់លោក ដើម្បីនាំចក្រភពអង់គ្លេសចេញពីសហភាពអឺរ៉ុបនៅខែក្រោយ។ ការស្ទង់មតិនេះព្យាករណ៍ថា គណបក្សអភិរក្សនឹងទទួលបាន ៣៦៨អាសនៈក្នុងចំណោម ៦៥០អាសនៈនៃសភា និងគណបក្សពលករចំនួន ១៩១អាសនៈ។ ការស្ទង់មតិនេះបង្ហាញថា គណបក្សជាតិនិយមស្កុតឡិនទទួលបាន ៥៥អាសនៈ និង ១៣អាសនៈសម្រាប់គណបក្សប្រជាធិបតេយ្យសេរី ដែលទាំង២ នេះសុទ្ធតែជាគណបក្សដែលចង់បញ្ឈប់ Brexit។ ចំណែកក្រុមអ្នកគាំទ្រគណបក្សប្រឆាំងចក្រភពអង់គ្លេសឯណោះវិញ បានបញ្ចេញប្រតិកម្មបង្ហាញភាពតក់ស្លុតកាលពីព្រលប់ថ្ងៃព្រហស្បតិ៍ ខណៈការស្ទង់មតិមួយបានបង្ហាញថា គណបក្សអភិរក្សដែលកំពុងកាន់អំណាច បានឈ្នះការបោះឆ្នោតសកលដោយសំឡេងភាគច្រើន។ ការស្ទង់មតិនេះផ្អែកលើបទសម្ភាសន៍ ជាមួយអ្នកបោះឆ្នោតដែលចាកចេញពីការិយាល័យបោះឆ្នោតចំនួន ១៤៤មណ្ឌលនៅទូទាំងប្រទេស ដែលត្រូវបានធ្វើឡើងសម្រាប់សមាគម ប្រព័ន្ធផ្សព្វផ្សាយរបស់ចក្រភពអង់គ្លេស៕អត្ថបទ៖ សុខមាន

សម្តេចតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត អញ្ជើញពិសារអាហារស្រាយបួស «ខែរ៉ាម៉ាឌន» ជាមួយបងប្អូនខ្មែរ-ឥស្លាម

ភ្នំពេញ៖ នៅល្ងាចថ្ងៃអង្គារ ៤កើត ខែពិសាខ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី៧ ខែឧសភា ឆ្នាំ២០១៩នេះ សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញពិសារអាហារស្រាយបួស «ខែរ៉ាម៉ាឌន» ជាមួយបងប្អូនខ្មែរ–ឥស្លាម សរុបចំនួន ៤,៧៥០នាក់ មកពីតាមបណ្តាខេត្ត និងក្នុងរាជធានីភ្នំពេញ។ក្នុងពិធីនេះក៏មានការអញ្ជើញចូលរួមពីសាសនិកឥស្លាមមកពីបរទេសចំនួន ៣២០នាក់ ដែលមាន៣២ជាតិសាសន៍ រួមទាំងតំណាងរបស់លោកអគ្គលេខាធិការអង្គការសហប្រតិបត្តិការឥស្លាម OIC ចំនួន ៣នាក់ផងដែរ។ការជួបជុំពិសារអាហាស្រាយបួស «ខែរ៉ាម៉ាឌន» ក្រោមអធិបតីភាពសម្តេចតេជោ ហ៊ុន សែន នៅពេលនេះ គឺជាលើកទី៦ហើយ គិតចាប់តាំងពីឆ្នាំ២០១៤មក។ វត្តមានរបស់សម្តេចតេជោ ហ៊ុន សែន ក្នុងពិធីដ៏សំខាន់របស់ខ្មែរ–ឥស្លាម នេះ បានបង្ហាញពីការយកចិត្តទុកដាក់ខ្ពស់របស់សម្តេចតេជោចំពោះបងប្អូនខ្មែរ–ឥស្លាម ទោះបីជាសម្តេចជាអ្នកកាន់ព្រះពុទ្ធសាសនាក៏ដោយ៕

UN៖ មនុស្សជាង ៤០នាក់ស្លាប់ និងប្រមាណ ៨៥០នាក់ត្រូវឃុំខ្លួនក្នុងអំពើហិង្សានៅវេណេហ្ស៊ុយអេឡា

វេណេហ្ស៊ុយអេឡា៖ អ្នកនាំពាក្យផ្នែកសិទ្ធិមនុស្សរបស់អង្គការសហប្រជាជាតិលោក រូផើត ខូលវីឡេ បាននិយាយកាលពីថ្ងៃអង្គារថា មនុស្សយ៉ាងហោចណាស់ ៤០នាក់ត្រូវគេជឿថាបានបាត់បង់ជីវិត ក្នុងអំពើហិង្សានាពេលថ្មីនេះនៅប្រទេសវេណេហ្ស៊ុយអេឡា រួមទាំងមនុស្ស ២៦នាក់ត្រូវបានបាញ់សម្លាប់ដោយកងកម្លាំងគាំទ្ររដ្ឋាភិបាល, ៥នាក់ត្រូវបានសម្លាប់ក្នុងការវាយឆ្មក់តាមលំនៅឋាន និង ១១នាក់ផ្សេងទៀតអំឡុងពេលឆក់ប្លន់។លោកបាននិយាយថា មនុស្សជាង ៨៥០នាក់ត្រូវបានឃុំខ្លួននៅចន្លោះថ្ងៃទី២១ និង២៦ ខែមករា រួមទាំងកុមារ ៧៧នាក់ក្នុងចំណោមពួកគេមានអាយុ ១២ឆ្នាំ។ លោក ខូលវីឡេ និយាយថា អំឡុងថ្ងៃតវ៉ាដ៏ធំបំផុតកាលពីថ្ងៃទី២៣ ខែមករា មនុស្ស ៦៩៦នាក់ត្រូវបានឃុំខ្លួនទូទាំងប្រទេស ជាចំនួនច្រើនបំផុតនៃការឃុំខ្លួនជារៀងរាល់ថ្ងៃ ក្នុងប្រទេសវេណេហ្ស៊ុយអេឡារយៈពេល ២០ឆ្នាំមកនេះ។ លោកប្រធានាធិបតីវេណេហ្ស៊ុយអេឡា នីកូឡាស់ ម៉ាឌូរ៉ូ បានស្ថិតក្រោមការវាយប្រហារពីសំណាក់ ក្រុមឃ្លាំមើលសិទ្ធិមនុស្សអន្តរជាតិចាប់តាំងពីចាប់ផ្ដើមការតវ៉ា។ ក្រុមឃ្លាំមើលសិទ្ធិមនុស្ស Human Rights Watch បានព្រមានកាលពីថ្ងៃច័ន្ទថា លោក ម៉ាឌូរ៉ូ អាចបង្កឲ្យមានការបង្ហូរឈាមដោយហិង្សា ដើម្បីរក្សាអំណាចរបស់ខ្លួន៕អត្ថបទ៖ សុខមាន

ក្រុមអ្នកជំនាញជំរុញឲ្យមានការអភិវឌ្ឍ និងពង្រឹងវិស័យអចលនទ្រព្យនៅកម្ពុជា

ភ្នំពេញ ៖ ក្រុមអ្នកជំនាញផ្នែកអចលនទ្រព្យបានជជែកគ្នារកគន្លឹះថ្មីៗ និងយុទ្ធសាស្ត្រ ដើម្បីពង្រឹងការអភិវឌ្ឍវិស័យអចលនទ្រព្យ ខណៈដែលកម្ពុជាទទួលការវិនិយោគច្រើនពីបណ្តាប្រទេសផ្សេងៗ។អ្នកវិនិយោគផ្នែកវិស័យអចលនទ្រព្យ និងក្រុមអ្នកជំនាញនៃក្រុមហ៊ុន Centrury 21 Cambodia បានវាយតម្លៃថា ខណៈដែលវិស័យអចលនទ្រព្យនៅកម្ពុជាកំពុងតែមានការអភិវឌ្ឍ និងរីកចម្រើនមាន សំណង់ អគារ ខុនដូរីកដូចផ្សិតនោះ អ្នកពាក់ព័ន្ធក្នុងវិស័យនេះ ធ្វើយ៉ាងណាជំរុញឲ្យមានការរួបរួមគ្នា ធ្វើដំណើរទៅមុខ ដើម្បីពង្រឹងវិស័យនេះ ឲ្យកាន់តែរីកចម្រើនថែមទៀត។លោក គុយ វ៉ាត អគ្គនាយកក្រុមហ៊ុន Centrury 21 Cambodia បានថ្លែងថា បច្ចុប្បន្ននេះ កម្ពុជាមានគម្រោងជាច្រើនកំពុងតែសាងសង់ ដូចជា ខុនដូ ជាដើម ហើយ Centrury 21 Cambodia ធ្វើយ៉ាងណាឲ្យអ្នកក្នុងស្រុកមានជំនឿទុកចិត្ត ដើម្បីឲ្យអ្នកវិនិយោគវិស័យនេះធ្វើយ៉ាងណាឲ្យចេះធ្វើការរួមគ្នា ក្នុងការទាញយកទីផ្សារឲ្យកាន់តែល្អប្រសើរជាងនេះ។លោក បានបញ្ជាក់ទៀតថា ក្នុងនាមអ្នកវិនិយោគ គឺចង់បង្ហាញថា Centrury 21 Cambodia មិនមែនធ្វើការងារតែជាមួយ និងសមាជិកខ្លួនប៉ុណ្ណោះទេ ថែមទាំងធ្វើការងារជាមួយក្រុមហ៊ុន អចលនទ្រព្យផ្សេងៗទៀតទាំងក្នុងស្រុក និងក្រៅប្រទេសផងដែរ។សម្រាប់លោក ឧកញ៉ា ចេង ខេង អគ្គនាយកក្រុមហ៊ុនអចលនទ្រព្យ CPL បានចាត់ទុកថា តាមពិតអ្នកជំនាញធ្លាប់បានជជែកគ្នាជាច្រើនដងមកហើយ ព្រោះវិស័យនេះ ត្រូវការកម្លាំងមនុស្សច្រើន ដើម្បីជំរុញឲ្យអ្នករកទទួលទានត្រូវតែមានជំនាញ និងអាចចាប់យកឱកាស សម្រាប់គម្រោងជាច្រើនទៀតមកពីក្រៅប្រទេស។លោកឧកញ៉ា បានបន្តថា មែនទែនទៅភ្នាក់ងារអចលនទ្រព្យនៅកម្ពុជាត្រូវតែបណ្តុះបណ្តាលឲ្យបានខ្លាំងជាងមុន និងមានជំនាញពិតប្រាកដ ដើម្បីអាចចាប់យកទីផ្សារធំទៅបាននោះទាមទារឲ្យមានជំនាញច្បាស់លាស់បន្ថែមទៀត។លោកឧកញ៉ា បន្ថែមថា ការជជែកថ្ងៃនេះ បង្ហាញពីភាពខ្វះខាតរបស់ភ្នាក់ងារលក់របស់កម្ពុជាដែលមានចំណុចខ្វះខាត ត្រូវតែ បើកចំហរនិងបណ្តុះបណ្តាល ដើម្បីជួយពួកគាត់ឲ្យមានសមត្ថភាព អាចចាប់គម្រោងធំៗបាន។ក្រុមអ្នកជំនាញបានអះអាងទៀតថា ភ្នាក់ងារអចលនទ្រព្យជាអ្នកជួយបង្ហាញនិងផ្តល់វិធីសាស្ត្រនៃការសង់ផ្ទះ ខុនដូ និងលក់គម្រោងផ្សេងៗឲ្យមានប្រសិទ្ធភាព។ ដូច្នោះ ចំណុចខ្វះខាតរបស់ភ្នាក់ងារអចលនទ្រព្យគឺត្រូវបណ្តុះបណ្តាលបន្ថែមទៀត ដើម្បីមានសមត្ថភាពអាចចាប់យកគម្រោងធំៗនាពេលខាងមុខ ។បច្ចុប្បន្ននេះ ក្រុមអ្នកជំនាញលើវិស័យអចលនទ្រព្យកំពុងតែធ្វើការស្រាវជ្រាវពីការអភិវឌ្ឍគម្រោងខុនដូនៅក្នុងប្រទេសកម្ពុជា ហើយ វត្តមាន Century 21 Cambodia បាននាំអ្នកវិនិយោគក្រៅស្រុកជាច្រើន ដែលមករកស៊ីនៅកម្ពុជាធ្វើឲ្យមានការរីកចម្រើនលើវិស័យខុនដូកាន់តែច្រើន៕

ពលរដ្ឋវេណេហ្ស៊ុយអេឡាវិលត្រឡប់ទៅរកការប្រកបមុខរបរប្រចាំថ្ងៃឡើងវិញ

វេណេហ្ស៊ុយអេឡា៖ ផ្សារដ៏មមាញឹក Coche គឺជាសញ្ញាមួយបង្ហាញថា រដ្ឋធានីការ៉ាកាសបានវិលត្រឡប់ទៅកាន់អ្វី ដែលមានសម្រាប់ជីវិតធម្មតា បន្ទាប់ពីភាពវឹកវរហិង្សាដែលបានបណ្ដាលឲ្យមនុស្ស ៤នាក់បាត់បង់ជីវិត។ ភាពចលាចលបានចាប់ផ្ដើមកាលពីថ្ងៃអង្គារ នៅពេលដែលមេដឹកនាំបក្សប្រឆាំងគាំទ្រ ដោយសហរដ្ឋអាមេរិកគឺលោក វ៉ាន់ ក្វាយដូ បានអំពាវនាវឲ្យយោធាក្រោកបះបោរ ជាការប៉ុនប៉ងផ្ដួលរំលំលោកប្រធានាធិបតី នីកូឡាស់ ម៉ាឌូរ៉ូ។វេណេហ្ស៊ុយអេឡា៖ ផ្សារដ៏មមាញឹក Coche គឺជាសញ្ញាមួយបង្ហាញថា រដ្ឋធានីការ៉ាកាសបានវិលត្រឡប់ទៅកាន់អ្វី ដែលមានសម្រាប់ជីវិតធម្មតា បន្ទាប់ពីភាពវឹកវរហិង្សាដែលបានបណ្ដាលឲ្យមនុស្ស ៤នាក់បាត់បង់ជីវិត។ ភាពចលាចលបានចាប់ផ្ដើមកាលពីថ្ងៃអង្គារ នៅពេលដែលមេដឹកនាំបក្សប្រឆាំងគាំទ្រ ដោយសហរដ្ឋអាមេរិកគឺលោក វ៉ាន់ ក្វាយដូ បានអំពាវនាវឲ្យយោធាក្រោកបះបោរ ជាការប៉ុនប៉ងផ្ដួលរំលំលោកប្រធានាធិបតី នីកូឡាស់ ម៉ាឌូរ៉ូ។

បណ្ដាញសង្គម

ព័ត៌មានថ្មីៗ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

មនុស្ស១៣នាក់ ស្លាប់ ក្រោយអាកាសធាតុអាក្រក់វាយប្រហារតំបន់ភាគកណ្តាលឈីលី

មនុស្សជាង ១ម៉ឺននាក់ បានជម្លៀសខ្លួនក្នុងហេតុការណ៍ភ្លើងឆេះព្រៃនៅប្រទេសបារាំង

អូស្រ្តាលីនឹងជំរុញក្រុមមន្រ្តីពាណិជ្ជកម្មសហរដ្ឋអាមេរិក ឲ្យដកចេញពន្ធទាំងអស់

យោធាអាមេរិកអះអាងថា ពួកគេបានបញ្ចប់ការវាយប្រហារពេលយប់ថ្ងៃទី ១៣ជាប់ៗគ្នារបស់ខ្លួនលើគោលដៅយោធាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ពលរដ្ឋក្រីក្រជាង៣០០គ្រួសារ ខេត្ដសៀមរាប ទទួលបានអំណោយពីសប្បុរសជន

លទ្ធផលកិច្ចប្រជុំលើកទី៧ រដ្ឋមន្រ្តីសុខាភិបាលអាស៊ាន-ចិន

ហួន ប៊ុន ប្ដេជ្ញាដកពិសោធន៍ឆ្នាំដំបូងដើម្បីជួយស្វាយរៀងនាឆ្នាំបន្ទាប់

នគរបាលប្រឆាំងបទល្មើសសេដ្ឋកិច្ចដុតកម្ទេចចោលនូវសាច់គ្រួចខុសច្បាប់ជាង២តោនដែលនាំចូលពីប្រទេសវៀតណាម

ក្រុមអ្នកគាំទ្រគណបក្សអភិរក្សនិយមដែលកំពុងកាន់អំណាចរបស់អង់គ្លេសអបអរសាទរលទ្ធផលស្ទង់មតិក្រោយការបោះឆ្នោត

UN៖ មនុស្សជាង ៤០នាក់ស្លាប់ និងប្រមាណ ៨៥០នាក់ត្រូវឃុំខ្លួនក្នុងអំពើហិង្សានៅវេណេហ្ស៊ុយអេឡា

ក្រុមអ្នកជំនាញជំរុញឲ្យមានការអភិវឌ្ឍ និងពង្រឹងវិស័យអចលនទ្រព្យនៅកម្ពុជា

ពលរដ្ឋវេណេហ្ស៊ុយអេឡាវិលត្រឡប់ទៅរកការប្រកបមុខរបរប្រចាំថ្ងៃឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

នាយ​ឧ​ត្ត​ម​សេនីយ៍​ ហ៊ឹម យ៉ាន​ ៖ នគរបាល​ចរាចរណ៍​ផ្លូវទឹក​ត្រូវតែ​ជំនាញ​ហែល​ទឹក ​និង​សញ្ញា​អាសន្ន

ពលរដ្ឋ​ក្រីក្រ​ជាង​៣០០​គ្រួសារ ​ខេត្ដ​សៀមរាប ​ទទួល​បាន​អំណោយ​ពី​សប្បុរសជន

លទ្ធផលកិច្ចប្រជុំលើកទី៧ រដ្ឋមន្រ្តីសុខាភិបាលអាស៊ាន-ចិន

ហួន ប៊ុន ប្ដេជ្ញា​ដក​ពិសោធន៍​ឆ្នាំ​ដំបូង​ដើម្បី​ជួយ​ស្វាយរៀង​នា​ឆ្នាំ​បន្ទាប់​

ក្រុម​អ្នក​ជំនាញ​ជំរុញ​ឲ្យ​មានការ​អភិវឌ្ឍ ​និង​ពង្រឹង​វិស័យ​អចលនទ្រព្យ​នៅ​កម្ពុជា

ពលរដ្ឋ​វេ​ណេ​ហ្ស៊ុ​យ​អេ​ឡា​វិល​ត្រឡប់​ទៅ​រក​ការ​ប្រកប​មុខ​របរ​ប្រចាំ​ថ្ងៃ​ឡើង​វិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយឧត្តមសេនីយ៍ ហ៊ឹម យ៉ាន ៖ នគរបាលចរាចរណ៍ផ្លូវទឹកត្រូវតែជំនាញហែលទឹក និងសញ្ញាអាសន្ន

ពលរដ្ឋក្រីក្រជាង៣០០គ្រួសារ ខេត្ដសៀមរាប ទទួលបានអំណោយពីសប្បុរសជន

ហួន ប៊ុន ប្ដេជ្ញាដកពិសោធន៍ឆ្នាំដំបូងដើម្បីជួយស្វាយរៀងនាឆ្នាំបន្ទាប់

ក្រុមអ្នកជំនាញជំរុញឲ្យមានការអភិវឌ្ឍ និងពង្រឹងវិស័យអចលនទ្រព្យនៅកម្ពុជា

ពលរដ្ឋវេណេហ្ស៊ុយអេឡាវិលត្រឡប់ទៅរកការប្រកបមុខរបរប្រចាំថ្ងៃឡើងវិញ