BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

សម្តេច ស ខេង ថ្លែងថា គ្មានការលើកលែងចំពោះបុគ្គលដែលផ្តល់ និងកាន់នូវឯកសារកម្ពុជាមិនត្រឹមត្រូវ

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានថ្លែងអះអាងថា ចាប់ពីពេលនេះតទៅគ្មានការលើកលែងចំពោះមន្រ្តីណា ដែលបានផ្តល់នូវឯកសារសញ្ជាតិ កម្ពុជាមិនត្រឹមត្រូវដល់ជនបរទេសនោះឡើយ ខណៈរហូតមកដល់ពេលនេះអគ្គនាយដ្ឋានអន្តោប្រវេសន្តដកហូតឯកសាររដ្ឋបាលកម្ពុជាមិនប្រក្រតី ដែលកាន់កាប់ដោយជនបរទេសបានចំនួន ៣៧,៤៤១ច្បាប់ និងបណ្ដេញទៅប្រទេសគេវិញជិតពីរម៉ឺននាក់ហើយនោះ។ថ្លែងនៅក្នុងកម្មវិធីប្រជុំផ្សព្វផ្សាយលទ្ធផលការងារ ដកហូតឯកសាររដ្ឋបាលកម្ពុជាមិនប្រក្រតីដែលជនបរទេសកាន់កាប់ប្រើប្រាស់ និងការទទួលពាក្យសុំប្រកាសទទួលស្គាល់ជាជនបរទេសអន្តោរប្រវេសន្ត និងប័ណ្ណស្នាក់នៅអចិន្រ្តៃយ៍នាព្រឹកថ្ងៃទី១៧ ខែកក្កដា ឆ្នាំ២០១៩ នៅក្រសួងមហាផ្ទៃសម្តេចក្រឡាហោម ស ខេង បានលើកឡើងថា ចាប់ពីពេលនេះតទៅត្រូវតែលុបបំបាត់ចំពោះការផ្តល់នូវឯកសារឬអត្តសញ្ញាណដល់ជនបរទេសដោយគ្មានអនុក្រឹត្យឬរាជក្រឹត្យ បើពុំដូច្នេះទេនឹងទទួលទោសទៅតាមច្បាប់ជាធរមាន។សម្តេចបានសង្កត់ធ្ងន់ថា«កាលពីកន្លងទៅមានករណីនេះច្រើនណាស់ ចំពោះការផ្តល់ នូវឯកសារគ្មានរាជក្រឹត្យត្រឹមត្រូវដល់ជនបរទេស ហើយក្នុងនាមជាមន្រ្តីអនុវត្តន៍ច្បាប់ត្រូវ បញ្ឈប់ដាច់ខាត់បើពុំដូច្នេះទេនឹងត្រូវទទួលទោសទៅតាមច្បាប់»។ទាក់ទងនឹងករណីនៃការផ្តល់នូវឯកសារមិនប្រក្រតីនេះដែរឯកឧត្តម គៀត ច័ន្ទថារិទ្ធ អគ្គនាយកនៃអគ្គនាយកដ្ឋាននគរបាលអន្តរប្រវេសន្តបានបញ្ជាក់ថា នាពេលកន្លងទៅ មានមន្រ្តីខិលខូចបានផ្តល់នូវឯកសារមិនប្រក្រតីទាំងនោះច្រើនដល់ជនបរទេសជា ពិសេសគឺជនជាតិវៀតណាមតែម្តង។ តែយ៉ាងណាក៏ដោយចាប់ពីពេលនេះតទៅគឺនឹងគ្មានបន្តទៀតនោះឡើយ។យោងតាមឯកសាររបស់អគ្គនាយកដ្ឋានអន្តោរប្រវេសន្តបានឲ្យដឹងថារហូតមកដល់ពេលនេះអាជ្ញាធរបានដកហូតឯកសាររដ្ឋបាលកម្ពុជាមិនប្រក្រតីដែលកាន់កាប់និងប្រើប្រាស់ដោយជនបរទេសគឺមានចំនួន៣៧,៤៤១ច្បាប់ ក្នុងចំនួន២០,០៩៣គ្រួសារ មនុស្សរួមចំនួន៦៩,៨៧១នាក់។ ជាមួយគ្នានោះឯកសារដដែលបានឲ្យដឹងផងដែរថា នគរបាលអន្តប្រវេសន្តក៏បានទទួលពាក្យ សុំប្រកាសទទួលស្គាល់ជនបរទេសអន្តោប្រវេសន្ត និងប័ណ្ណស្នាក់នៅអចិន្ត្រៃយ៍នៅកម្ពុជាចំនួន៦០៥៦១ឯកសារ ដោយមានមនុស្ស២៨៥៧២ គ្រួសារ និងមានសមាជិកសរុប ៨៨,១១២នាក់ មាន ១១សញ្ជាតិ ហើយតជនបរទេសរស់នៅកម្ពុជាសព្វថ្ងៃមានចំនួន៨៨,១១២នាក់ បើបូកទាំងជនបរទេស កំពុងជាប់ពន្ធនាគារទៀត គឺស្នើនឹង៩ម៉ឺននាក់៕

ព័ត៌មាន ជាតិនយោបាយ និង ការអភិវឌ្ឍន៍ព័ត៌មាន សំខាន់ៗ សម្តេចតេជោ ហ៊ុន សែន៖ សង្គ្រាមកើតឡើងកន្លងមក ដោយសារការជ្រៀតជ្រែកពីបរទេស

ភ្នំពេញ៖ សម្តេចតេជោ ហ៊ុន សែន បានសរសេរលើបណ្តាញសង្គមfacebook ផ្លូវការ ព្រមទាំងបង្ហាញ រូបថតជ្រុងមួយនៃជីវិតយុវជន យុវនារីខ្មែរ ក្នុងសម័យសង្រ្គាមរត់លូន។សង្រ្គាមដែលបានកើតឡើងកន្លងមកគឺបណ្តាលមកពីការអុជអាល, ញុះញុង, អូសទាញ, លាបពណ៌ និងជ្រៀតជ្រែកពីបរទេស និងពីក្រុមអគតិមួយចំនួនដែលបានរុញប្រទេសជាតិឱ្យធ្លាក់ក្នុងវិបត្តិសង្រ្គាម និងរបបប្រល័យពូជសាសន៍។សម្តេចបញ្ជាក់ថា «ជីវិតយុវវ័យខ្ញុំផ្ទាល់ គឺគ្មានស្គាល់អ្វីដែលហៅថា សេចក្តីសុខ និងសប្បាយ។ សូម្បីតែការសិក្សាក៏មិនបានពេញលេញដែរ។ ខ្ញុំបានចូលធ្វើទាហានតាំងពីអាយុ១៨ឆ្នាំដើម្បីវាយពួកប៉ុលពត ត្រូវរបួសពេញខ្លួន និងពិការភ្នែកម្ខាងមកទល់សព្វថ្ងៃទៀតផង។ យើងឆ្អែតហើយសង្រ្គាម និងការនិរាសព្រាត់ប្រាស់។ ពេលនេះយើងជ្រើសរើស “សន្តិភាព” ជាធំលើសអ្វីៗទាំងអស់ ព្រោះគឺជាដង្ហើមនៃជីវិត»។សម្តេចតេជោ ហ៊ុន សែនបានអំពាវនាវឱ្យនាំគ្នាថែរក្សា និងការពារសន្តិភាពឱ្យបានរឹងមាំល្អ ដើម្បីប្រទេសជាតិកាន់តែរីកចម្រើន ហើយអនាគតកូនក្មួយយុវជនយុវនារីក៏កាន់តែមានឱកាសល្អៗឆ្ពោះទៅរកជីវិតរុងរឿងក្នុងសម័យសន្តិភាព៕

ទិវារត់ពាក់កណ្ដាលម៉ារ៉ាតុងអន្តរជាតិ-អង្គរនឹងមកដល់ចុងសប្ដាហ៍នេះ ជាមួយចំនួនអ្នករត់បំបែកកំណត់ត្រាឆ្នាំមុន

ម៉ារ៉ាតុង៖ ទិវារត់ប្រណាំងអន្តរជាតិពាក់កណ្ដាលម៉ារ៉ាតុងលើកទី២៣ នៅអង្គរវត្តខេត្តសៀមរាបឆ្នាំ២០១៨ នឹងធ្វើឡើងនាព្រឹកថ្ងៃទី០២ ខែធ្នូចុងសប្ដាហ៍នេះហើយ ស្របពេលចំនួនអ្នករត់បានកើនដល់ជាង ១០,៥០០នាក់ឯណោះ។ នេះបើតាមការឲ្យដឹងពីឯកឧត្ដម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអនុប្រធានគណៈកម្មការរៀបចំព្រឹត្តិការណ៍អន្តរជាតិ។ឯកឧត្ដម វ៉ាត់ ចំរើន បានឲ្យដឹងថា គិតមកទល់ពេលនេះចំនួនអ្នកចុះឈ្មោះរួចរាល់ ត្រៀមរត់ពាក់កណ្ដាលម៉ារ៉ាតុងអន្តរជាតិ-អង្គរបានកើតជាងឆ្នាំមុនបន្តិចហើយ ក្នុងនោះមានភ្ញៀវបរទេសជាង ៥,០០០នាក់មកពី ៧៨ប្រទេសលើពិភពលោក ដែលចំនួននេះមានការកើនឡើងប្រមាណ ២០% បើធៀបនឹងឆ្នាំ២០១៧។ ប៉ុន្តែអ្វីដែលធ្វើឲ្យគណៈកម្មការរៀបចំមានការភ្ញាក់ផ្អើលនោះ គឺកំណើនប្រជាពលរដ្ឋខ្មែរដែលបានចុះឈ្មោះរត់ចម្ងាយ ២១គីឡូម៉ែត្រមានការកើនឡើងស្ទើរមិនគួរឲ្យជឿ បើធៀបនឹងឆ្នាំមុន ពោលគឺក្នុងចំណោមទាំងអស់រត់ ២១គីឡូម៉ែត្រទាំងអស់មានប្រជាពលរដ្ឋខ្មែរជាង ៣,០០០នាក់ឯណោះ។ នេះគឺសបញ្ជាក់ឲ្យឃើញនូវភាពរីកចម្រើន យ៉ាងពិតប្រាកដរបស់ប្រជាពលរដ្ឋខ្មែរ ដែលមានពេលវេលាលេងកីឡាដើម្បីទទួលបានសុខភាពល្អ ហើយអាចរត់ចម្ងាយឆ្ងាយបានច្រើនដូច្នេះ។គួរបញ្ជាក់ថា គោលបំណងសំខាន់ៗក្នុងការរៀបចំ ទិវារត់ប្រណាំងអន្តរជាតិពាក់កណ្ដាលម៉ារ៉ាតុងនេះ តាមគោលការណ៍របស់គណៈកម្មាធិការជាតិអូឡាំពិកកម្ពុជា ក្រោមការណែនាំរបស់ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា គឺផ្ដោតលើជាព្រឹត្តិការណ៍សប្បុរសធម៌ដដែល ដោយថវិកាទទួលបានពីការរៀបចំ នឹងត្រូវបរិច្ចាគជួយដល់មន្ទីរពេទ្យកុមារ និងកុមារកំព្រា ក៏ដូចជាជនពិការដោយគ្រប់មីនជាដើម៕អត្ថបទ៖ លី ឈុនឡា

ផ្លូវការ! Real Madrid ទិញបាន Luka Jovic ពី Frankfurt

បាល់ទាត់៖ Real Madrid បានសំរេចហើយក្នុងការនាំយកខ្សែប្រយុទ្ធ Luka Jovic ពីក្លិបអាល្លឺម៉ង់ Eintrach Frankfurt ក្នុងតំលៃមួយបិទជិត។ កីឡាករវ័យ 21ឆ្នាំសញ្ជាតិស៊ែបរូបនេះទទួលបានកិច្ចសន្យា 6ឆ្នាំបន្ទាប់ពីពិនិត្យសុខភាពជោគជ័យ។ខណៈក្លិបទាំងពីរ Frankfurt និង Real Madrid ព្រមព្រៀងគ្នារក្សាមិនបញ្ចេញតំលៃនៃការផ្ទេរនេះ តែត្រូវបានសារព័ត៌មានអេស្ប៉ាញមួយចុះផ្សាយថា តំលៃនៃការផ្ទេរនេះក្នុងរង្វង់ 50លានផោន។ Luka Jovic ដំបូងជាកីឡាករខ្ចីជើងរយៈពេល 2រដូវកាលជាមួយ Frankfurt ពីក្លិបព័រទុយហ្កាល់ Benfica មុនពេលដែលទទួលបានកិច្ចសន្យាទិញផ្តាច់កាលពីខែមេសាកន្លងទៅ។ ទើបតែមានវ័យ 21ឆ្នាំក្តី Luka Jovic ធ្វើអោយក្លិបអាល្លឺម៉ង់ Frankfurt មានរដូវកាលអស្ចារ្យមួយ ក្រោយស៊ុតបញ្ចូលទីបាន 27គ្រាប់ និងបញ្ជូនបាល់ 7លើកជួយក្រុមឡើងវគ្គពាក់កណ្ដាលផ្ដាច់ព្រ័ត្រ UEFA Europa League ដែលចាញ់ Chelsea ដោយបាល់ 11ម៉ែត្រកាត់សេចក្ដី។ កម្ពស់ 1.81ម៉ែត្រ Luka Jovic ត្រូវបានគេរំពឹងថា នឹងជាគូប្រជែងសំខាន់នៃតំណែងខ្សែប្រយុទ្ធកណ្ដាលរបស់ Karim Benzema៕អត្ថបទ៖នាង សុភាវុធ

ពលរដ្ឋស្រុកកោះញែក ជិត៤ពាន់ ទទួលបានការថែទាំសុខភាពពីក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី

មណ្ឌលគិរី ៖ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចំនួន៥៣១នាក់ ចុះអប់រំ ពិនិត្យ និងព្យាបាលជំងឺ ជូនប្រជាពលរដ្ឋដោយឥតគិតថ្លៃចំនួនប្រមាណ៣៨៩៧នាក់ នៅវិទ្យាល័យ ហ៊ុន សែន កោះញែក ភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី កាលពីថ្ងៃទី១៧ ខែវិច្ឆិកា ឆ្នាំ២០១៩ ព្រមទាំងមានអាហារសាមគ្គី ចែកជូនអាហារសម្រន់ជានំបុ័ង និងទឹកសុទ្ធផងដែរ។ថ្លែងក្នុងការចុះពិនិត្យ និងព្យាបាលជំងឺជូនប្រជាពលរដ្ឋដឹកនាំដោយ ឯកឧត្តម លេង ផាលី ប្រធានក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ថា ការចុះពិនិត្យ និងព្យាបាលជំងឺជូនប្រជាពលរដ្ឋនេះ គឺកើតចេញពីស្មារតីមនុស្សធម៌សុទ្ធសាធ ស្តែងចេញពីសេចក្តីស្រឡាញ់បងប្អូន ប្រជាពលរដ្ឋ ក្នុងនាមឈាមជ័រខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ អនាគតតែមួយ ពោលគឺការព្យាបាលមិនប្រកាន់បក្សពួក សាសនា ឬនិន្នាការនយោបាយណាមួយឡើយ សំដៅចូលរួមកាត់បន្ថយភាពក្រីក្រ របស់ប្រជាពលរដ្ឋមួយចំណែកផងដែរ។ សម្រាប់ការពិនិត្យ ព្យាបាលជំងឺជូនពលរដ្ឋ នាពេលនេះ រួមមាន ជំងឺទូទៅ ជំងឺផ្លូវចិត្ត ជំងឺទូទៅផ្នែកកុមារ ជំងឺរោគស្ត្រី ជំងឺឫសដូងបាត ជំងឺសួត ក្រពះ ពោះវៀន ជំងឺផ្លូវដង្ហើម ជំងឺប្រដាប់រំលាយអាហារ ជំងឺសើស្បែក ជំងឺព្រូន ជំងឺស្លេកស្លាំង ជំងឺសន្លាក់ឆ្អឹង ជំងឺរលាកថ្លើម ជំងឺកាមរោគ ជំងឺគ្រុនចាញ់ ជំងឺគ្រុនឈាម ជំងឺភ្នែក សុខភាពមាត់ធ្មេញ ជំងឺទឹកនោមផ្អែម ជំងឺបេះដូង លើសឈាម ជំងឺត្រចៀក ច្រមុះ បំពង់ករ ជំងឺតម្រងនោម អេកូសាស្ត្រ ម៉ាស៊ីនផ្លុំរកមេរោគក្រពះតាមរយះខ្យល់ដង្ហើម វាស់ចង្វាក់បេះដូង ផ្នែកប្រព័ន្ធប្រសាទនិងបំបាត់ការឈឺចុកចាប់ មន្ទីរពិសោធន៍ (វិភាគឈាម) វះកាត់តូច និងព្យាបាលរបួស។ជាមួយគ្នានោះដែរ ឯកឧត្តម ស្វាយ សំអ៊ាង អភិបាលខេត្តមណ្ឌលគិរី បានថ្លែងអំណរគុណក្រុមការងារគ្រូពេទ្យឯកឧត្តម ហ៊ុន ម៉ានី បានយកចិត្តទុកដាក់គិតគូរដល់សុខភាពរបស់ប្រជាពលរដ្ឋក្នុងខេត្តមណ្ឌលគិរី ក៏ដូចជា ប្រជាពលរដ្ឋនៅទូទាំងប្រទេស សម្រាប់ខេត្តមណ្ឌលគិរី ពិតជាមានកិតិ្តយសណាស់ ហើយក៏ជាលើកដំបូងសម្រាប់ខេត្តផងដែរ។ជាមួយគ្នានោះដែរ លោកវេជ្ជបណ្ឌិត យឹម សុបុត្រា អនុប្រធានក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានឲ្យដឹងដែរថា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី មានលទ្ធភាពចុះពិនិត្យ ព្យាបាលជូនប្រជាពលរដ្ឋតាមតំបន់មូលដ្ឋានដាច់ស្រយាល តាមខ្នងផ្ទះដោយផ្ទាល់នេះ គឺដោយសារតែមានការគិតគូរដល់សុខទុក្ខរបស់ប្រជាពលរដ្ឋពីសំណាក់បងប្រធាន ហ៊ុន ម៉ានី ដោយលោកបានគាំទ្រ ណែនាំ និងចង្អុលបង្ហាញប្រកបដោយសមានធម៌ ភាពឈ្លាសវៃ និងប្រកបដោយថាមពលដើម្បីអោយសកម្មភាពមនុស្សធម៌នេះកើតមានក្នុងន័យចង់ឃើញជនរួមជាតិមានសុខភាពល្អ៕

សម្តេចតេជោ ហ៊ុន សែន ត្រូវបានទទួលស្វាគមន៍យ៉ាងរាក់ទាក់កក់ក្ដៅបំផុតដោយនិស្សិតដែលកំពុងសិក្សានៅប្រទេសហុងគ្រី

ភ្នំពេញ៖ នៅថ្ងៃទី ១៣ ខែមិថុនា ឆ្នាំ២០១៩នេះ ក្រោយពេលដែល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញមកដល់សណ្ឋាគារស្នាក់នៅ គឺមានកូនក្មួយជានិស្សិត និងបងប្អូនខ្មែរដែលបានមករស់នៅក្នុងប្រទេសហុងគ្រីចាប់តាំងពីឆ្នាំ ១៩៨២ មក បានមកទទួលស្វាគមន៍សម្តេចតេជោនាយករដ្ឋមន្រ្តីយ៉ាងរាក់ទាក់ និងកក់ក្តៅបំផុត។កូនក្មួយនិស្សិតបានបង្ហាញនូវក្តីរំភើប និងសប្បាយរីករាយយ៉ាងខ្លាំង ដែលសម្តេចតេជោបានផ្តល់ឱកាសអោយបងប្អូនកូនក្មួយបានជួបសំណេះសំណាលនិងសួរសុខទុក្ខ។ សម្តេចតេជោ ហ៊ុន សែន បានកោតសរសើរដល់កូនក្មួយទាំងអស់ដែលមានឱកាសបានមកសិក្សានៅទីនេះ គឺត្រូវតែយកចិត្តទុកដាក់សិក្សារៀនសូត្រ ហើយគោរពច្បាប់ប្រទេសគេអោយបានល្អ។តាមពិតទៅ សម្តេចតេជោ ហ៊ុន សែន ធ្លាប់បានអញ្ជើញមកទស្សនកិច្ចផ្លូវការ និងទស្សនកិច្ចសិក្សា ព្រមទាំងចូលរួមមហាសន្និបាតបក្ស និងអមដំណើរសម្តេចពញ្ញាចក្រី ហេង សំរិន នៅប្រទេសនេះ៨ដងមកហើយ គិតចាប់ពីឆ្នាំ ១៩៧៩ -១៩៨៤ ដែលនៅពេលនោះ សម្តេចតេជោ ជារដ្ឋមន្រ្តីការបរទេស។ នេះជាលើកទី៩ ហើយក៏ជាលើកទី១ ផងដែរ ដែល សម្តេចតេជោ ហ៊ុន សែន អញ្ជើញមកបំពេញទស្សនកិច្ចផ្លូវការក្នុងនាមជានាយករដ្ឋមន្រ្តីនៃកម្ពុជា៕

គ្រួសាររងគ្រោះ និងងាយរងគ្រោះចំនួន៥គ្រួសារទទួលអំណោយពីកាកបាទក្រហមកម្ពុជា

ភ្នំពេញ៖ ដើម្បីចូលរួមរំលែកនូវទុក្ខលំបាករបស់ប្រជាពលរដ្ឋនៅព្រឹកថ្ងៃទី១៤ មិថុនានេះ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ជាប្រធានបានចាត់ឱ្យក្រុមការងារ ជួបសំណេះសំណាលសួរសុខទុក្ខ និងផ្តល់អំណោយមនុស្សធម៌ជូនដល់ក្រុមគ្រួសារ ដែលគ្រោះថ្នាក់ដោយសារចរាចរណ៍ និងគ្រួសារងាយរងគ្រោះបំផុតចំនួន៥គ្រួសារ នៅទីស្នាក់ការកណ្តាលកាកបាទក្រហមកម្ពុជា។ក្នុងឱកាសសួរសុខទុក្ខក្រុមគ្រួសាររងគ្រោះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានពាំនាំនូវប្រសាសន៍ របស់សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ដែលផ្តាំផ្ញើសួរសុខទុក្ខ ក្រុមគ្រួសាររងគ្រោះទាំងអស់ ដោយក្តីអាណិតអាសូរជាពន់ពេក និងលើកទឹកចិត្តដល់ក្រុមគ្រួសារអ្នកជំងឺ ឱ្យបន្តខិតខំតស៊ូដើម្បីជីវិតរស់នៅ ជាពិសេសត្រូវគិតគូរថែទាំសុខភាពឱ្យបានល្អ និងត្រូវប្រុងប្រយ័ត្ន ជានិច្ចចំពោះគ្រោះថ្នាក់ចរាចរណ៍។ ជាមួយគ្នានេះលោកជំទាវអគ្គលេខាធិការរងទី១ បានជូនពរដល់គ្រួសាររងគ្រោះ និងអ្នកជំងឺទាំងអស់ អោយឆាប់ជាសះស្បើយឡើងវិញ។ដោយក្នុងនោះទី១ លោក ខ្លូត វាសនា អាយុ ៣៤ឆ្នាំ ជាមន្ត្រីព័ត៌មាន នៃអគ្គនាយកដ្ឋានទូរទស្សន៍ជាតិកម្ពុជា រងគ្រោះថ្នាក់ចរាចរណ៍ធ្ងន់ធ្ងរ ប្រេះថ្លើម និងដាច់ទឹកថងប្រម៉ាត់។ ទទួលបានគ្រឿងឧបភោគបរិភោគ សម្ភារប្រើប្រាស់ និងថវិកាចំនួន ៥លានរៀល។ទី២លោក សុខ សារឿន អាយុ ៦៥ឆ្នាំ មន្ត្រីបច្ចេកទេសទូរទស្សន៍ជាតិកម្ពុជា រងគ្រោះថ្នាក់ចរាចរណ៍ធ្ងន់ធ្ងរ រហូតស្លាប់មួយចំហៀងខ្លួន។ ទទួលបានគ្រឿងឧបភោគបរិភោគ សម្ភារៈប្រើប្រាស់ និងថវិកាចំនួន ៥លានរៀល។ទី៣លោក គឹម ស៊ីផាន អាយុ ៥៦ឆ្នាំ គ្រូបង្រៀនចូលនិវត្តន៍មកពីខេត្តកំពង់ធំ មានជីវភាពលំបាក កំពុងវះកាត់ព្យាបាលជំងឺពោះវៀនធំធ្ងន់ធ្ងរនៅមន្ទីពេទ្យ។ ទទួលបានគ្រឿងឧបភោគបរិភោគ សម្ភារៈប្រើប្រាស់ និងថវិកាចំនួន ៥លានរៀល។ទី៤លោក សរ សុភិន អាយុ៥២ឆ្នាំ អតីតយុទ្ធជនពិការជើង មានជីវភាពលំបាក។ ទទួលបានគ្រឿងឧបភោគបរិភោគ សម្ភារៈប្រើប្រាស់ និងថវិកាចំនួន ២លានរៀល។ទី៥កុមារា សុខ ហេង អាយុ១២ឆ្នាំ រងគ្រោះថ្នាក់ចរាចរណ៍ធ្ងន់ធ្ងរ បាក់ជើងម្ខាង។ ទទួលបានគ្រឿងឧបភោគបរិភោគ សម្ភារៈប្រើប្រាស់ និងថវិកាចំនួន ២លានរៀល។ក្រុមគ្រួសារទាំងអស់ បានថ្លែងអំណរគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលមានក្តីមេត្តា ករុណា លើកទឹកចិត្ត និងផ្តល់ក្តីសង្ឃឹមចំពោះអ្នកដែលជួបទុក្ខលំបាកដោយគ្មានការរើសអើងអ្វីឡើយ។សូមជម្រាបថាអំណោយដែលប្រគល់ជូននាពេលនេះ គឺជាការចូលរួមចែករំលែក នូវទុក្ខលំបាក របស់ក្រុមគ្រួសារអ្នកជំងឺ បានមួយគ្រាៗផងដែរ។ ដែលអំណោយ និងថវិកាទាំងនេះ គឺបានមកពីការ គ្រៀងគរ មូលនីធិសប្បុរសជន ជាតិ និងអន្តរជាតិ ក្នុងទិវា៨ឧសភាកន្លងមក៕

សីតុណ្ហភាពនៅកម្ពុជាអាចឡើងដល់ ៤០ អង្សា C

ភ្នំពេញ៖ កម្ពុជាអាចនឹងមានសីតុណ្ហភាពកើនឡើងដល់៤០អង្សាC ចាប់ពីថ្ងៃទី១៩ ដល់ ២០ ខែមេសា។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយមចេញនៅថ្ងៃទី១៨ ខែមេសា។ ប្រភពដដែលបន្តថាកត្តាដែលធ្វើឱ្យសីតុណ្ហភាពឡើងកម្ដៅគឺដោយសារតែឥទ្ធិពលនៃជ្រលងសម្ពាធ ទាបចុះខ្សោយ។ក្រៅពីនេះ ប្រភពដដែលក៏បានក្រើនរម្លឹកឱ្យប្រជាពលរដ្ឋប្រុងប្រយ័ត្នចំពោះបាតុភូតរន្ទះ និងខ្យល់ កន្ត្រាក់ផងដែរ៕

បាតុករទីក្រុងហុងកុងច្រៀងបទចម្រៀងថ្មីសម្រាប់ការតវ៉ានៃរដូវក្ដៅ

ហុងកុង៖ បាតុករទីក្រុងហុងកុងកំពុងច្រៀងបទចម្រៀងថ្មី ហើយខ្លះទៀតហៅបទចម្រៀងថ្មីនោះថា ជាចម្រៀងជាតិសម្រាប់រដូវក្ដៅនៃការតវ៉ា។ បទចម្រៀងដែលមានចំណងជើងថា សួស្ដីទីក្រុងហុងកុង អាចត្រូវគេលឺនៅឯការប្រកួតបាល់ទាត់ នៅក្នុងផ្សារទំនើបនានា ហើយក៏បានរីករាលដាលនៅតាម online ជាទីដែលច្រៀងនេះបានចាប់កំណើតឡើង។វាជាទំនុកភ្លេងទាក់ទាញការចាប់អារម្មណ៍ខ្លាំង អមដោយទំនុកច្រៀងដែលរៀបរាប់ពីសេរីភាព និងប្រជាធិបតេយ្យ។ ចម្រៀងនេះនឹងនាំឲ្យមនុស្សដែលមកជួបជុំគ្នានោះ មានអារម្មណ៍កាន់តែពុះកញ្ជ្រោល។ វាពិតជាការប្រជែង ព្រោះចម្រៀងជាតិរបស់ទីក្រុងហុងកុង គឺជាចម្រៀងជាតិរបស់ប្រទេសចិន។ នៅឯការប្រកួតកីឡាបាល់ទាត់កាលពីពេលថ្មីៗនេះ ក្រុមអ្នកគាំទ្រទីក្រុងហុងកុងបានច្រៀងចេញពីទឹកចិត្ត ដែលចេញពីបទចម្រៀងសួស្ដីទីក្រុងហុងកុង និងស្រែកចំអកឲ្យចម្រៀងជាតិរបស់ប្រទេសចិន។ ក្រុមអ្នកនិពន្ធបទភ្លេងពុំបានបង្ហាញខ្លួនទេ ប៉ុន្តែអ្នកដឹកនាំការសម្ដែងម្នាក់ បានរៀបចំក្រុមភ្លេងមួយវង់ដើម្បីថតបទដ៏ល្បីនេះ ដោយក្នុងនោះមានតន្ត្រីករស្ម័គ្រចិត្ត និងក្រុមការងារផលិតខ្សែភាពយន្ត ពិសេសបានផលិតចេញជាវីដេអូតន្ត្រីមួយ។ ហើយវីដេអូនេះមានមនុស្សជាង ១លាននាក់ចូលទស្សនា។គេបានដាក់ឈ្មោះបទចម្រៀងមួយនេះថា “Black Blochestra” បន្ទាប់ពីក្រុមបាតុករស្លៀកពាក់ខ្មៅបានរៀបចំការសម្ដែង ដើម្បីផ្ដល់កម្លាំងចិត្តបន្ថែមដល់ចម្រៀងជាតិ និងវីដេអូដែលធ្វើឲ្យកន្ទ្រាក់អារម្មណ៍ ជាមួយនឹងរូបភាពជានិមិត្តរូបនៃប្រវត្តិសាស្ត្រហុងកុង ហ្វូងមនុស្ស និងការបាញ់ឧស្ម័នបង្ហៀរទឹកភ្នែក ដោយមានវង់តន្ត្រីពាក់ម៉ាស និងមួកការពារ ដូចជាអ្នកតវ៉ាជួរមុខនៅតាមដងផ្លូវ៕អត្ថបទ៖ សុខមាន

សម្តេចតេជោ ហ៊ុន សែន៖ កូនអុកស៊ីដាក់ចូលកំប៉ុង អ្នកនយោបាយអនុវត្តតាមច្បាប់

ភ្នំពេញ៖ សម្តេចតេជោ ហ៊ុន សែន បានសរសេរលើបណ្តាញសង្គមfacebookនៅព្រឹកនេះថា ថ្ងៃអាទិត្យនេះសុំជូនរូបថតកាលពី១០ឆ្នាំមុនពេលលេងអុកជាមួយដៃគូដែលលេងខូច។រូបភាពដែលកាន់ដៃគ្នានេះគឺដណ្តើមកូនគ្នាបណ្តាលមកដៃគូយកសេះមកអុកបំបែកទូកខ្ញុំដោយមិនបានមើលឱ្យច្បាស់ និងចំជើងត្រីបក ខ្ញុំក៏ប្រញ៉ាប់ស៊ីតាមវិន័យកាន់មួយណាយកមួយហ្នឹងតែដៃគូមកដណ្តើមយកទៅវិញ។សម្តេចតេជោ ហ៊ុន សែន បានសរសេរទៀតថា ជាមួយខ្ញុំត្រូវតែស៊ីសេះយកដាក់ក្នុងកំប៉ុងដោយមិនយល់ព្រមឱ្យវិធាននៃការលេងនេះត្រូវបានបំពាននោះឡើយ។សម្តេចបញ្ជាក់ថា ការធ្វើនយោបាយមិនខុសពីការលេងអុកនោះទេខ្ញុំមិនបណ្តោយឱ្យអ្នកណាឬក្រុមណាលេងខុសពីច្បាប់បានចែងនោះឡើយ។កូនអុកស៊ីដាក់ចូលកំប៉ុងអ្នកនយោបាយអនុវត្តតាមច្បាប់៕

បណ្ដាញសង្គម

ព័ត៌មានថ្មីៗ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

មនុស្ស១៣នាក់ ស្លាប់ ក្រោយអាកាសធាតុអាក្រក់វាយប្រហារតំបន់ភាគកណ្តាលឈីលី

មនុស្សជាង ១ម៉ឺននាក់ បានជម្លៀសខ្លួនក្នុងហេតុការណ៍ភ្លើងឆេះព្រៃនៅប្រទេសបារាំង

អូស្រ្តាលីនឹងជំរុញក្រុមមន្រ្តីពាណិជ្ជកម្មសហរដ្ឋអាមេរិក ឲ្យដកចេញពន្ធទាំងអស់

យោធាអាមេរិកអះអាងថា ពួកគេបានបញ្ចប់ការវាយប្រហារពេលយប់ថ្ងៃទី ១៣ជាប់ៗគ្នារបស់ខ្លួនលើគោលដៅយោធាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

សម្តេច ស ខេង ថ្លែងថា គ្មានការលើកលែងចំពោះបុគ្គលដែលផ្តល់ និងកាន់នូវឯកសារកម្ពុជាមិនត្រឹមត្រូវ

ផ្លូវការ! Real Madrid ទិញបាន Luka Jovic ពី Frankfurt

ពលរដ្ឋស្រុកកោះញែក ជិត៤ពាន់ ទទួលបានការថែទាំសុខភាពពីក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី

គ្រួសាររងគ្រោះ និងងាយរងគ្រោះចំនួន៥គ្រួសារទទួលអំណោយពីកាកបាទក្រហមកម្ពុជា

សីតុណ្ហភាពនៅកម្ពុជាអាចឡើងដល់ ៤០ អង្សា C

បាតុករទីក្រុងហុងកុងច្រៀងបទចម្រៀងថ្មីសម្រាប់ការតវ៉ានៃរដូវក្ដៅ

សម្តេចតេជោ ហ៊ុន សែន៖ កូនអុកស៊ីដាក់ចូលកំប៉ុង អ្នកនយោបាយអនុវត្តតាមច្បាប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

ផ្លូវការ​! Real Madrid ទិញ​បាន Luka Jovic​ ពី Frankfurt

គ្រួសារ​រងគ្រោះ និង​ងាយ​រង​គ្រោះចំនួន​៥​គ្រួសារ​ទទួល​អំណោយ​ពី​កាក​បាទ​ក្រហម​កម្ពុជា

សីតុណ្ហភាព​នៅ​កម្ពុជា​អាច​ឡើងដល់ ៤០ អង្សា C

បាតុករ​ទីក្រុង​ហុងកុង​ច្រៀង​បទ​ចម្រៀង​ថ្មី​សម្រាប់​ការ​តវ៉ា​នៃ​រដូវ​ក្ដៅ

សម្តេច​តេជោ ​ហ៊ុន​ សែន៖​ កូន​អុក​ស៊ីដា​ក់ចូល​កំប៉ុង ​អ្នក​នយោបាយអ​នុវ​ត្តតាម​ច្បាប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្លូវការ! Real Madrid ទិញបាន Luka Jovic ពី Frankfurt

គ្រួសាររងគ្រោះ និងងាយរងគ្រោះចំនួន៥គ្រួសារទទួលអំណោយពីកាកបាទក្រហមកម្ពុជា

សីតុណ្ហភាពនៅកម្ពុជាអាចឡើងដល់ ៤០ អង្សា C

បាតុករទីក្រុងហុងកុងច្រៀងបទចម្រៀងថ្មីសម្រាប់ការតវ៉ានៃរដូវក្ដៅ

សម្តេចតេជោ ហ៊ុន សែន៖ កូនអុកស៊ីដាក់ចូលកំប៉ុង អ្នកនយោបាយអនុវត្តតាមច្បាប់