BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

ឯកឧត្ដម ទេសរដ្ឋមន្រ្តី លី ធុជ៖ សម្តេចតេជោ បានវាយតម្លៃខ្ពស់ និងចាត់ទុកវិស័យអប់រំនៅកម្ពុជា ជាស្ពានឆ្ពោះទៅរកការកសាងអនាគតប្រទេសជាតិមួយ មានការរីកចំរើន

ភ្នំពេញ ៖ ថ្ងៃទី០១ ខែកក្កដា ឆ្នាំ២០១៩ ឯកឧត្ដម ទេសរដ្ឋមន្រ្តី លី ធុជ បានអញ្ចើញជាអធិបតីភាពក្នុងពិធិប្រគល់-ទទួលអគារសិក្សាមួយខ្នងប្រាំបន្ទប់ ស្ថិតក្នុងសាលាបឋមសិក្សាត្រពាំងប្រាសាទ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ដែលជំនួយសប្បុរធម៌របស់សមាគម សមាគម YMCA-JEJU នៃសាធារណរដ្ឋកូរ៉េ តាមរយៈ ឯកឧត្តម ទេសរដ្ឋមន្រ្តី លី ធុជ ផ្ទាល់។ក្នុងនាមរាជរដ្ឋាភិបាលកម្ពុជា ឯកឧត្ដម ទេសរដ្ឋមន្រ្តី លី ធុជ បានថ្លែងអំណរគុណយ៉ាងជ្រាលជ្រៅ ជូនចំពោះមិត្តកូរ៉េ តំណាងដោយ លោក Bang Shik-shin ប្រធានក្រុមប្រឹក្សាភិបាលសមាគម YMCA-JEJU ដែលបានឆ្លើយតបតាមសំណូមពររបស់ឯកឧត្តម ជួយសាងសង់អគារសិក្សាមិត្តភាពកម្ពុជា-កូរ៉េ មួយខ្នង ៥បន្ទប់ ដែលជាតម្រូវការចាំបាច់របស់ក្មួយៗសិស្សានុសិស្ស។ ឯកឧត្ដម ទេសរដ្ឋមន្រ្តី ក៏ថ្លែងអំណរគុណដល់ថ្នាក់ដឹកនាំ សមាជិក សមាជិកា នៃសមាគម YMCA-JEJU ទាំងអស់គ្នា ដែលបានចូលរួមកម្លាំងសាមគ្គីមនុស្សធម៌ ដើម្បីចូលរួមលើកកម្ពស់វិស័យអប់រំនៅកម្ពុជា។ក្នុងនាម សម្តេចតេជោ នាយករដ្ឋមន្រ្តី ឯកឧត្ដម ទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះលោកគ្រូ-អ្នកគ្រូទាំងអស់ ដែលបានចូលរួមកសាងសង្គមជាតិតាមរយៈវិស័យអប់រំ និងការបណ្តុះបណ្តាលធនធានមនុស្សនៅកម្ពុជា ជាពិសេស លោកគ្រូ-អ្នកគ្រូ បានខិតខំប្រឹងប្រែង និងការយកចិត្តទុកបង្រៀនសិស្សានុសិស្ស ឲ្យប្រែក្លាយជាកូនល្អ មិត្តល្អ និងសិស្សពូកែ ដើម្បីក្លាយជាទំពាំងស្នងឬស្សីសម្រាប់កូនខ្មែរជំនាន់ក្រោយៗទៀត។ រាជរដ្ឋាភិបាលកម្ពុជា ដែលមានសម្តេចតេជោជាប្រមុខ បានវាយតម្លៃខ្ពស់ និងគាំទ្រខ្លាំងចំពោះវិស័យអប់រំ ដោយបានចាត់ទុកវិស័យអប់រំ ជាស្ពានឆ្ពោះទៅរកការកសាងអនាគតប្រទេសជាតិមួយ ឲ្យមានរីកចំរើន ក្នុងនោះ ជីវភាពរស់នៅរបស់លោកគ្រូ-អ្នកគ្រូ ក៏ត្រូវបានដោះស្រាយផងដែរ។លោក Bang Shik-shin ប្រធានក្រុមប្រឹក្សាភិបាលសមាគម YMCA-JEJU ក្នុងនាមសមាគម YMCA-JEJU នៃសាធារណរដ្ឋកូរ៉េ មានសេចក្តីរីករាយ បានចូលរួមសាងសង់អគារសិក្សាមិត្តភាពកម្ពុជា-កូរ៉េ មួយខ្នង ៥បន្ទប់ នៅសាលាបឋមសិក្សាត្រពាំងក្រសាំង ស្ថិតក្នុងភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។ លោក Bang Shik-shin បានថ្លែងអំណរគុណយ៉ាងជ្រាលជ្រៅ ជូនចំពោះ ឯកឧត្តម ទេសរដ្ឋមន្រ្តី លី ធុជ ដែលបានផ្តល់ឱកាសឲ្យសមាគម YMCA-JEJU និងជួយសម្របសម្រួលសាងសង់អគារសិក្សានេះ ចូលរួមលើកកម្ពស់វិស័យអប់រំនៅកម្ពុជា។ ថ្នាក់ដឹកនាំ សមាជិក សមាជិកា នៃលោក Bang Shik-shin សមាគម YMCA-JEJU ពិតជាមានសេចក្តីរំភើប ដែលធ្វើការជាមួយលោកគ្រូ-អ្នកគ្រូ និងសិស្សានុសិស្សទាំងអស់ សម្រាប់វិស័យអប់រំនៅកម្ពុជា នេះ៕

យន្តហោះកងទ័ពអាកាសរុស្ស៊ី ២គ្រឿងបានចុះចតនៅវេណេហ្ស៊ុយអេឡាជាមួយនឹងទាហានជិត ១០០នាក់

វេណេហ្ស៊ុយអេឡា៖ យោងតាមសេចក្ដីរាយការណ៍បានឲ្យដឹងថា យន្តហោះកងទ័ពអាកាសរុស្ស៊ី ២គ្រឿងបានចុះចតនៅអាកាសយានដ្ឋានរបស់វេណេហ្ស៊ុយអេឡាកាលពីថ្ងៃសៅរ៍ ដឹកមន្ត្រីការពារជាតិរុស្ស៊ីម្នាក់ និងទាហានជិត ១០០នាក់ ស្របពេលមានការពង្រឹងទំនាក់រវាងទីក្រុងការ៉ាកាស់ និងទីក្រុងមូស្គូ។វែបសាយតាមដានជើងហោះហើរបានបង្ហាញថា យន្តហោះទាំង ២គ្រឿងនេះបានចាកចេញពីអាកាសយានដ្ឋានយោធារុស្ស៊ី ឆ្ពោះទៅកាន់ទីក្រុងការ៉ាកាស់កាលពីថ្ងៃសុក្រ ហើយវែបសាយតាមដានជើងហោះហើរមួយទៀតបង្ហាញថា យន្តហោះ ១គ្រឿងបានចាកចេញពីទីក្រុងការ៉ាកាស់កាលពីថ្ងៃអាទិត្យ។ ដំណើរវិវត្តន៍ដ៏រសើបមួយនេះបានកើតមានឡើងរយៈពេល ៣ខែប៉ុណ្ណោះ ក្រោយប្រទេសទាំង២ បានធ្វើសមយុទ្ធយោធារួមគ្នានៅលើទឹកដីវេណេហ្ស៊ុយអេឡា ដែលលោកប្រធានាធិបតី នីកូឡាស់ ម៉ាឌូរ៉ូ បានចាត់ទុកថា ជាសញ្ញានៃការពង្រឹងទំនាក់ទំនងប្រទេសទាំង២ ប៉ុន្តែត្រូវបានទីក្រុងវ៉ាស៊ីនតោនរិះគន់ថា រុស្ស៊ីកំពុងឈ្លានពានក្នុងតំបន់។អ្នកធ្វើសេចក្ដីរាយការណ៍ ចាវីយើ ម៉ាយ័រកា បានសរសេរលើ Twitter កាលពីថ្ងៃសៅរ៍ថា យន្តហោះទី១ ដឹកលោក វ៉ាស៊ីលី តុនកូសគូរ៉ូវ គឺជានាយសេនាធិការកងទ័ពជើងគោក ហើយយន្តហោះទី២ ជាប្រភេទយន្តហោះដឹកទំនិញដឹកសម្ភារទម្ងន់ ៣៥តោន៕អត្ថបទ៖ សារ៉ាត់

ហៅ សុជាតិ៖ «ចាន់ វឌ្ឍនាកា អាចក្លាយជា TOP SCORER ក្នុងចំណោមកីឡាករខ្មែរ»

បាល់ទាត់៖ គ្រូបង្វឹកបឹងកេតលោក ហៅ សុជាតិ បានបង្ហាញសុទិដ្ឋិនិយមខ្ពស់ថា វត្តមានរបស់ ចាន់ វឌ្ឍនាកា នឹងធ្វើឲ្យស្ថានភាពតំបន់បម្រើ និងប្រយុទ្ធរបស់ក្រុមខ្លួនកាន់តែរឹងមាំជាងជើងទី១ ហើយលើកឡើងទៀតថា កូនក្រុមរូបនេះអាចនឹងក្លាយជា Top scorer ក្នុងចំណោមកីឡាករខ្មែរសម្រាប់ពានរង្វាន់ Metfone Cambodian League 2019 នេះ។ដោយបន្តថា លោកមិនហ៊ានអះអាងថា គាត់អាចក្លាយជា Top scorer នៅលីគកំពូលបានទេ ប៉ុន្តែអាចសន្និដ្ឋានបានថា គាត់នឹងអាចក្លាយជាកីឡាករខ្មែរដែលរកបាន គ្រាប់បាល់បញ្ចូលទីបានច្រើនជាងគេក្នុងរដូវកាល ២០១៩នេះ។ ប៉ុន្តែអ្វីទាំងអស់នេះសុទ្ធតែជាការប៉ាន់ស្មានទេ ព្រោះការរកគ្រាប់បាល់ត្រូវពឹងផ្អែកលើកត្តារួមផ្សំជាច្រើន ពុំមែនតែសាម៉ីកីឡាករម្នាក់ឯងនោះទេ»។ លោក ហៅ សុជាតិ បន្តទៀតថា លោករំពឹងបែបនេះ ព្រោះមើលឃើញពីការប្រឹងប្រែងរបស់ ចាន់ វឌ្ឍនាកា ក្នុងការចូលរួមហ្វឹកហាត់នាពេលកន្លងមកនេះ។លោកបន្ថែមថា បទពិសោធន៍ពីលីគកំពូលម៉ាឡេស៊ី ដែលមានកម្រិតខ្ពស់ជាងលីគក្នុងស្រុករបស់ វឌ្ឍនាកា បូកផ្សំនឹងឆន្ទៈមោះមុតរបស់គេ នឹងក្លាយជាកម្លាំងសំខាន់មួយជួយក្រុមប្រជែងជើងឯករដូវកាលនេះ។ គួររំឭកថា ចាន់ វឌ្ឍនាកា បានចូលរួមជាមួយបឹងកេតជាលើកទី៣ កាលពីដើមខែនេះក្នុងកិច្ចសន្យារយៈពេល ៣រដូវកាល ក្រោយចែកផ្លូវគ្នាពីក្លិបលីគកំពូលម៉ាឡេស៊ី PKNS ត្រឹមពាក់កណ្ដាលរដូវកាល២០១៩នេះ៕

ចំនួនអ្នកស្លាប់ដោយសារព្យុះស៊ីក្លូន Idai នៅប្រទេសមូហ្សំប៊ីកបានកើនដល់ជាង ២០០នាក់

មូហ្សំប៊ីក៖ ចំនួនមនុស្សស្លាប់ដោយសារព្យុះស៊ីក្លូន Idai និងគ្រោះទឹកជំនន់ក្នុងប្រទេសមូហ្សំប៊ីកបានកើនឡើងលើសពី ២០០នាក់ ពោលគឺកើនឡើងទ្វេដងពីតួលេខចាស់នៃមនុស្សស្លាប់ បង្កឡើងដោយសារព្យុះដែលអាចត្រូវបានចាត់ទុកថា ជាគ្រោះមហន្តរាយធម្មជាតិដ៏អាក្រក់បំផុត នៅក្នុងតំបន់អឌ្ឍគោលខាងត្បូង។ប្រធានាធិបតីមូហ្សំប៊ីកលោក ហ្វីលីប នីញូស៊ី បាននិយាយក្នុងសេចក្ដីថ្លែងការណ៍លើកញ្ចក់ទូរទស្សន៍ បន្ទាប់ពីជំនួបគណៈរដ្ឋមន្ត្រីស្ដីពីគ្រោះមហន្តរាយធម្មជាតិនេះថា ចំនួនអ្នកស្លាប់ដោយសារព្យុះ Idai បានកើនឡើងជាង ២០០នាក់ហើយ ដែលកាលពីមុនមានត្រឹមតែ ៨៤នាក់ប៉ុណ្ណោះ។ ដោយឡែកមន្ត្រីអង្គការសហប្រជាជាតិបាននិយាយថា ព្យុះស៊ីក្លូនមួយនេះបក់ក្នុងល្បឿន ១៧០គីឡូម៉ែត្រក្នុង ១ម៉ោង ហើយទឹកជំនន់បានកើតមានឡើងនៅទូទាំងតំបន់ភាគនិរតីអាហ្វ្រិក ដែលរួមទាំងប្រទេសមូហ្សំប៊ីក និងហ្ស៊ីមបាវ៉េ ដែលធ្វើឲ្យប៉ះពាល់ដល់មនុស្សជាង ២.៦លាននាក់។ខណៈនោះដែរក្រុមសង្គ្រោះកំពុងធ្វើដំណើរ ទៅជួយជនរងគ្រោះរយៈពេល ៥ថ្ងៃក្រោយការមកដល់របស់ព្យុះ ខណៈដែលក្រុមជំនួយបានអះអាងថា អ្នករស់រានជាច្រើននាក់បានជាប់ខ្លួននៅក្នុងតំបន់ដាច់ស្រយាល ដែលព័ទ្ធជុំវិញដោយផ្លូវដាច់ និងអគារបាក់បែក ហើយនឹងភូមិដែលត្រូវទឹកជន់លិច។ ចំណែកឯក្រុមកាកបាទក្រហម បាននិយាយថា មនុស្សយ៉ាងហោច ៤០ម៉ឺននាក់គ្មានផ្ទះសម្បែងនៅភាគកណ្ដាលប្រទេសមូហ្សំប៊ីក៕អត្ថបទ៖ សារ៉ាត់

ពលរដ្ឋខេត្តស្វាយរៀង រំពឹងរាជរដ្ឋាភិបាលថ្មី នឹងយកចិត្តទុកដាក់ខ្លាំងចំពោះបញ្ហាអំពើពុករលួយ

ស្វាយរៀង ៖ ក្រោមការដឹកនាំរបស់គណបក្សប្រជាជន អស់ប្រាំអាណត្តិមកហើយ ធ្វើឱ្យប្រទេសមានសន្តិភាព ស្ថិរភាព នយោបាយ ពលរដ្ឋមានការ វិវត្តលើផ្នែកជីវភាព ដែលសម្រាប់អាណត្តិទី៦ នេះ ពលរដ្ឋនៅទូទាំងខេត្តស្វាយរៀង នៅតែ មានជំនឿចិត្តលើការដឹកនាំរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រី ដោយរំពឹងថា នឹងបន្តការអភិវឌ្ឍប្រទេសជាតិទ្វេរដង។ពលរដ្ឋក្រុងស្វាយរៀង ខេត្តស្វាយរៀង បានសម្ដែងការអបអរសារទរចំពោះគណបក្សប្រជាជនកម្ពុជា ដែលត្រូវ បានប្រជាពលរដ្ឋទូទាំងប្រទេសបោះឆ្នោតជ្រើសរើសឱ្យដឹកនាំប្រទេសអាណត្តិទី៦នេះទៀត ដោយមានសម្តេចតេជោ ហ៊ុន សែន ជានាយករដ្ឋមន្ត្រី ដោយពួកគេរំពឹងថា សម្តេចនឹងធ្វើឱ្យមានការអភិវឌ្ឍរីកចម្រើនសម្រាប់ប្រទេសនេះ ជាបន្ត ទៀត ជាពិសេស គឺការគិតគូរដោះស្រាយចំពោះបញ្ហាអំពើពុករលួយ នៅក្នុងមូលដ្ឋានរបស់ពួកគេ។ប្រជាពលរដ្ឋ បានលើកឡើងថា រាជរដ្ឋាភិបាលថ្មី ដែលទទួលបានការគាំទ្រ ជឿជាក់ និងទុកចិត្ត ពីសំណាក់ប្រជា ពលរដ្ឋ ឱ្យបន្តដឹកនាំប្រទេសជាតិសម្រាប់អាណត្តិថ្មីនេះ ទៀតនោះ នឹងបន្តរក្សាការពារសន្តិភាព បន្តធ្វើការអភិវឌ្ឍប្រទេស ជាតិបន្ថែម ខណៈដែលប្រទេសជាតិ នៅពេលបច្ចុប្បន្ន ត្រូវបានពួកគេមើលឃើញថា មានភាពរីកចម្រើនច្រើនហើយនោះ។ប្រជាពលរដ្ឋ បានបញ្ជាក់ថា ខេត្តស្វាយរៀង បច្ចុប្បន្ន បានប្រែក្លាយមុខមាត់ថ្មី ពីក្រខ្សត់ មកជាមានរោងចក្រ សហគ្រាស សាលារៀន មន្ទីរពេទ្យ ស្ពាន ថ្នល់ ផ្ដល់ឱកាសដល់កូនចៅពលរដ្ឋមានការងារធ្វើ ស្រូបកម្រៃពលកម្មយកមក បម្រើជីវភាព និងអភិវឌ្ឍន៍គ្រួសារ ក្នុងសេចក្តីសុខ និងសេចក្តីថ្លៃថ្នូរ។ ពលរដ្ឋ ស្នើសុំឱ្យរាជរដ្ឋាភិបាលកម្ពុជា បន្តធ្វើការលុប បំបាត់មន្ត្រីពុករលួយ នៅតាមមន្ទីរ អង្គភាពរដ្ឋផង ខណៈដែលកន្លងមក ពួកគេបានឃើញការប្រព្រឹត្តរបស់មន្ត្រីមន្ទីរ អង្គភាពមួយចំនួន ក្នុងខេត្តស្វាយរៀង មិនត្រូវតាមទម្រង់ច្បាប់នោះ។ខេត្តស្វាយរៀង ក្រោមការចង្អុលណែនាំជាបន្តបន្ទាប់ ពីសម្តេចតេជោ ហ៊ុន សែន នៅប៉ុន្មានឆ្នាំចុងក្រោយនេះ ត្រូវបានទទួលនូវការអភិវឌ្ឍរីកចម្រើនលើគ្រប់វិស័យ ហើយត្រូវបានគណៈកម្មាធិការប្រឡងប្រណាំងទីក្រុងស្អាត បាន ផ្តល់រង្វាន់ផ្ការំដួលពីរទង ដល់ក្រុងស្វាយរៀង និងផ្ការំដួលមួយទង ដល់ក្រុងបាវិត នាពេលកន្លងទៅផងដែរ៕

មន្ត្រីរាជការស្រុកស្វាយទាបខេត្តស្វាយរៀងទស្សនាវិមានឈ្នះ ឈ្នះ

ភ្នំពេញ៖ គណៈប្រតិភូក្រុមប្រឹក្សាឃុំ ស្រុក និងមន្ត្រីរាជការចំណុះស្រុកស្វាយទាបខេត្តស្វាយរៀង បានទៅទស្សនាវិមានឈ្នះ ឈ្នះ ដើម្បីសិក្សាស្វែងយល់បន្ថែមទៀតអំពីប្រវត្តិដឹកនាំ តស៊ូរំដោះជាតិចេញពីរបបប្រល័យពូជសាសន៍ប៉ុល ពត និងការអនុវត្តន៍គោលនយោបាយឈ្នះឈ្នះ របស់សម្ដេចតេជោ ហ៊ុន សែន ដែលបានធ្វើឲ្យប្រទេសកម្ពុជាទទួលបានសុខសន្តិភាព និងការអភិវឌ្ឍរីកចំរើនមកដល់សព្វថ្ងៃនេះ។អ្នកស្រី ឯក សុវណ្ណភារៈ អភិបាលរងខេត្តស្វាយរៀងបានលើកឡើងថា គណៈប្រតិភូបានមកទស្សនាវិមានឈ្នះឈ្នះនាពេលនេះគឺមានគោលបំណង ដើម្បីធ្វើការផ្សព្វផ្សាយឲ្យប្រជាពលរដ្ឋទូទាំងស្រុកស្វាយទាប បានយល់ដឹងបន្ថែមទៀតអំពីសារៈសំខាន់នៃការសាងសង់វិមានឈ្នះ ឈ្នះ ដែលជានិមិត្តរូបសន្តិភាពនៃព្រះរាជាណាចក្រកម្ពុជា ពុំធ្លាប់មានក្នុងរយៈពេលជាង ៥០០ឆ្នាំកន្លងមកនេះ។ វិមានឈ្នះ ឈ្នះបានបើកការដ្ឋានសាងសង់កាលពីថ្ងៃទី២៥ ខែកុម្ភៈ ឆ្នាំ២០១៦ បន្ទាប់ពីការសាងសង់អស់រយៈពេលជាងពីរឆ្នាំ គឺវិមានមានឈ្នះឈ្នះត្រូវបានប្រារព្ធពិធីសម្ពោធជាផ្លូវការកាលពីថ្ងៃទី២៩ ខែធ្នូ ឆ្នាំ២០១៨ កន្លងទៅនេះ ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមទាំងការប្រារព្ធទិវានយោបាយឈ្នះឈ្នះ ថ្ងៃទី២៩ ខែធ្នូ ឆ្នាំ១៩៩៨–២៩ ខែធ្នូ ឆ្នាំ២០១៨ ផងដែរ។សំណង់វិមានឈ្នះ ឈ្នះ ត្រូវបានសាងសង់ឡើងដោយបានដកស្រង់ ចេញពីខ្លឹមសារគោលនយោបាយឈ្នះឈ្នះរបស់សម្ដេចតេជោ ហ៊ុនសែន ចែកចេញជា ៣ផ្នែកដែលក្នុងនោះជាន់ទី១ មានជ្រុងទាំង៧ នៃតួវិមានឈ្នះ ឈ្នះ គឺតំណាងឲ្យកត្តាទាំង ៧ ដែលនាំឲ្យគោលនយោបាយឈ្នះឈ្នះ របស់សម្ដេចតេជោ ហ៊ុន សែន ទទួលបានជ័យជំនះយ៉ាងត្រចង់ ផ្នែកកណ្ដាលមាន ៥ជ្រុងដែលជ្រុងទាំង៥ នៃតួវិមានតំណាងឲ្យយុទ្ធសាស្ត្រឌីហ្វីត (DIFID) រួមមាន៖ បំបែក. ឯកោ. បញ្ចប់. ធ្វើសមាហរណកម្ម និងអភិវឌ្ឍន៍ជាដើម។ ដោយឡែកផ្នែកខាងលើកំពូលវិមានដែលមាន ៣ជ្រុងដែលជ្រុងទាំង៣ នៃតួវិមានឈ្នះ ឈ្នះនេះតំណាងឲ្យទី១ ការធានារូបកាយ និងអាយុជីវិត, ទី២ ការធានាអាជីព និងមុខរបរ និងទី៣ ការធានាកម្មសិទ្ធិ និងទ្រព្យសម្បត្តិទាំងចលនទ្រព្យ និងអចលនទ្រព្យ។នៅតួវិមានឈ្នះ ឈ្នះផ្នែកកណ្ដាលនៃជ្រុងទាំង៥ ត្រូវបានកសាងជាសារមន្ទីរមគ្គុទ្ទេសក៍សម្ដេចតេជោ ហ៊ុន សែន ដែលបានរៀបរាប់ពីប្រវត្តិទិវាចងចាំ នៃដំណើរឆ្ពោះទៅផ្ដួលរំរំលំរបបប្រល័យពូជសាសន៍ ប៉ុល ពត កាលពីថ្ងៃ២០ ខែមិថុនា ឆ្នាំ១៩៧៧ និងសកម្មភាពដឹកនាំប្រទេសជាតិរបស់សម្ដេចតេជោ ចាប់តាំងពីក្រោយថ្ងៃជ័យជំនះ ៧ មករា រហូតដល់ការអនុវត្តគោលនយោបាយឈ្នះឈ្នះ របស់សម្ដេចតេជោ ហ៊ុន សែន ដែលបានធ្វើអោយប្រទេសកម្ពុជាទទួលបានសុខសន្តិភាព និងការអភិវឌ្ឍរីកចំរើនមកដល់សព្វថ្ងៃនេះ។ បើតាមឯកឧត្ដមនាយឧត្ដមសេនីយ៍ ណឹម សុវត្ថិ ប្រធានក្រុមការងារ សិក្សាស្រាវជ្រាវសាងសង់សំណង់វិមានឈ្នះ ឈ្នះ និងជាអគ្គនាយកនយោបាយ និងកិច្ចការបទេសនៃក្រសួងការពារជាតិបានឲ្យដឹងថា ក្រោយពីសម្ពោធនូវវិមានឈ្នះ ឈ្នះនេះជាផ្លូវការហើយ មានបងប្អូនប្រជាពលរដ្ឋខ្មែរជិតឆ្ងាយ ចូលរួមទស្សនាមួយៗថ្ងៃចាប់ពី ៣រយនាក់ទៅ ៥រយនាក់ ហើយថ្ងៃសៅរ៍អាទិត្យចាប់ពី ១ពាន់ទៅ ៣ពាន់នាក់៕

មនុស្ស ៣ស្លាប់ក្នុងការរញ្ជួយដីកម្រិត ៦.៨រ៉ិចទ័រនៅប្រទេសហ្វីលីពីនភាគខាងត្បូង

ហ្វីលីពីន៖ ការរញ្ជួយដីដ៏ខ្លាំងមួយបានអង្រួនប្រទេសហ្វីលីពីន ភាគខាងត្បូងកាលពីថ្ងៃអាទិត្យម្សិលមិញ ដែលបានសម្លាប់មនុស្សយ៉ាងហោចណាស់ ៣នាក់ និង ៣១នាក់ផ្សេងទៀតរងរបួស ខណៈអគារមួយកន្លែងមានកម្ពស់ ៣ជាន់បានបាក់រលំ និងចាប់ផ្ដើមស្វែងរកមនុស្សដែលគេបារម្ភថា បាននឹងកំពុងជាប់នៅខាងក្នុងអគារនេះ នេះបើយោងតាមការឲ្យដឹងពីក្រុមមន្ត្រី។គ្រោះរញ្ជួយដីមានកម្រិត ៦.៨រ៉ិចទ័របានវាយប្រហារក្នុងតំបន់មួយនៅចម្ងាយប្រហែល ៦គីឡូម៉ែត្រភាគពាយ័ព្យនៃទីក្រុងបាដាដាក្នុងខេត្តដាវ៉ាវឌែលសួមានជម្រៅ ៣០គីឡូម៉ែត្រ នេះបើយោងតាមការឲ្យដឹងពីវិទ្យាស្ថានភ្នំភ្លើង និងគ្រោះរញ្ជួយដីរបស់ប្រទេសហ្វីលីពីន។ តំបន់មួយនេះត្រូវបានរងគ្រោះដោយការរញ្ជួយដី ដ៏មានឥទ្ធិពលជាបន្តបន្ទាប់អស់រយៈពេលជាច្រើនខែថ្មីៗនេះ។អភិបាលខេត្តដាវ៉ាវឌែលសួ លោក ឌូក្លាស កាហ្កាស បាននិយាយថា អគារស្នាក់នៅកម្ពស់ ៣ជាន់មួយខ្នង និងហាងលក់គ្រឿងទេសមួយកន្លែងបានបាក់រលំ នៅក្នុងទីប្រជុំជនបាដាដាអំឡុងពេលរញ្ជួយដីនោះ ដែលធ្វើឲ្យជាប់មនុស្សមួយចំនួននៅខាងក្នុង ដែលពុំបានដឹងច្បាស់ពីចំនួនពិតប្រាកដ។ កិច្ចប្រឹងប្រែងស្វែងរក និងសង្គ្រោះកំពុងធ្វើបន្ត លោកបានប្រាប់ដល់ភ្នាក់ងារបណ្ដាញវិទ្យុផ្សាយសំឡេង DZMM ដោយបានថ្លែងថា មនុស្សមួយចំនួនត្រូវបានរងរបួសនៅក្នុងខេត្តរបស់លោក នៅមិនទាន់ដឹងច្បាស់នៅឡើយទេ៕អត្ថបទ៖ រិទ្ធី

ប្រមុខរាជរដ្ឋាភិបាលអំពាវនាវឱ្យរោងចក្រទាំងអស់ ត្រៀមលក្ខណៈសម្បត្តិ អនុវត្តប្រាក់ខែ១៨២ដុល្លារនិងបើក២សប្តាហ៍ម្តងឱ្យបានទៀងទាត់

កណ្ដាល៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវទៅរោងចក្រ សហគ្រាសទាំងអស់ដែលកំពុងអនុវត្តប្រាក់បៀវត្សកម្មករ ១៧០ដុល្លារក្នុងឆ្នាំនេះ ត្រូវត្រៀមលក្ខណៈសម្បត្តិអនុវត្តប្រាក់បៀវត្ស១៨២ដុល្លារ និងបើក២សប្តាហ៍ម្តងឱ្យបានទៀងទាត់នៅខែមករាដើមឆ្នាំ២០១៩ ខាងមុខនេះ។ប្រមុខរាជរដ្ឋាភិបាលកម្ពុជា បានធ្វើការអំពាវនាវបែបនេះ ខណៈសម្តេចបានអញ្ជើញបន្តជួបសំណេះសំណាលជាមួយកម្មករ និយោជិត ប្រមាណជិត២ម៉ឺននាក់ មកពីរោងចក្រ សហគ្រាស ចំនួន១២ នៅស្រុកកណ្តាលស្ទឹង ខេត្តកណ្តាល នាព្រឹកថ្ងៃទី២៨វិច្ឆិកានេះ។សម្តេចបានមានប្រសាសន៍ថា នៅសល់តែជាង១ខែទៀតប៉ុណ្ណោះ ប្រាក់បៀវត្សកម្មករ ចំនួន ១៨២ដុល្លារ នឹងត្រូវអនុវត្ត និងត្រូវបើកក្នុងរយៈពេលពីរសប្តាហ៍ម្តង ហើយសម្តេចក៏បានអំពាវនាវឱ្យគ្រប់បណ្តារោងចក្រ សហគ្រាសទាំងអស់ក៏ដូចជាស្ថាប័នរដ្ឋ និងវិស័យឯកជនដទៃទៀត ត្រូវត្រៀមលក្ខណៈសម្បត្តិ អនុវត្តឱ្យបានល្អ កុំឱ្យមានការរអាក់រអួល។កម្មករ កម្មការិនី បានបង្ហាញការសប្បាយរីករាយ ដែលនឹងការទទួលបានប្រាក់បៀវត្សកើននៅដើមឆ្នាំ២០១៩ខាងមុខ និងបានសាទរ នឹងគោលនយោបាយបើកប្រាក់ខែជូនក្នុងរយៈពេល២សប្តាហ៍ម្តង។ក្នុងពិធីសំណេះសំណាលនេះ សម្តេចតេជោ ក៏យកឱកាស បង្ហាញនូវការប្រៀបធៀបនៃប្រាក់បៀវត្សកម្មករ នៅតាមបណ្តាប្រទេសជាច្រើនក្នុងតំបន់ដែលនៅមានចំនួនតិចជាងយើងនៅឡើយ។ ទោះជាយ៉ាងណា សម្តេចនៅតែមានមហិច្ឆតា ខិតខំធ្វើយ៉ាងណាឱ្យប្រាក់បៀវត្សរបស់កម្មករយើងឡើងដល់២៤០ដុល្លារក្នុង១ខែ ដោយរដ្ឋបានការគិតគូរ ត្រៀមថវិកាប្រមាណ៨០លានដុល្លារថែមទៀត សម្រាប់ប៉ះប៉ូវទៅលើការបញ្ចុះតម្លៃអគ្កិសនី ដើម្បីឱ្យមានការតម្លើងប្រាក់បៀវត្សនេះបានឡើងដល់២៤០ដុល្លារនៅពេលណាមួយ។ សម្តេចបានរម្លឹកថា គ្រាន់តែ២ឆ្នាំនេះ ការលះបង់ ប៉ះប៉ូវរបស់រដ្ឋ ទៅលើការបញ្ចុះថ្លៃអគ្គិសនីដើម្បីតម្លើងប្រាក់បៀវត្សកម្មករនោះ រដ្ឋបានលះបង់រហូតដល់១២០លានដុល្លារអាមេរិករួចទៅហើយ៕

សម្តេចតេជោ ហ៊ុន សែន ជួបពិភាក្សាការងារជាមួយឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស

ស្វីស៖ នៅថ្ងៃទី០៤ ខែកក្កដានេះ បន្ទាប់ពីថ្លែងសុន្ទរកថាគន្លឹះនៅក្នុងកិច្ចប្រជុំជាទៀងទាត់លើកទី៤១ នៃក្រុមប្រឹក្សាសិទ្ធិមនុស្សអង្គការសហប្រជាជាតិ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ មីឆែល បាឆេឡេ (Michelle Machelet) ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស ចូលជួបសម្តែងការគួរសម និងសំណេះសំណាលលើការងារមួយចំនួន។លោកជំទាវឧត្តមស្នងការទទួលបន្ទុកសិទ្ធិមនុស្សបានស្វាគមន៍ សម្ដេចតេជោនាយករដ្ឋមន្ដ្រី ដែលសម្ដេចបានអញ្ជើញមកថ្លែងសុន្ទរកថា ក្នុងកិច្ចប្រជុំជាទៀងទាត់លើកទី១ នៃក្រុមប្រឹក្សាសិទ្ធិមនុស្សអង្គការសហប្រជាជាតិនេះ។សម្ដេចតេជោ ហ៊ុន សែន នាយករដ្ឋមន្ដ្រី បានមានប្រសាសន៍ថា ពាក់ព័ន្ធជាមួយសិទ្ធិមនុស្ស ពីដើមបើមើលទៅសម័យខ្មែរក្រហម គឺគ្មានសិទ្ធិអ្វីទាំងអស់ ហើយជាការពិតអ្វីដែលកម្ពុជាមានសព្វថ្ងៃនេះ មានបរិបូរណ៍ដោយសិទ្ធិនៅប្រទេសកម្ពុជា។លោកជំទាវ បានស្វាគមន៍សម្ដេចតេជោនាយករដ្ឋមន្ដ្រី ដែលបានមកការិយាល័យ ហើយលោកជំទាវបានមានប្រសាសន៍ថា ការិយាល័យរបស់លោកជំទាវនៅឧត្តមស្នងការសិទ្ធិមនុស្សនេះ គឺជាការិយាល័យចាស់ជាងគេ។ ហើយផ្អែកទៅអនុស្សរណៈយោគយល់គ្នានេះ លោកជំទាវក៏បានមានប្រសាសន៍ផងដែរថា ខាងឧត្តមស្នងការសិទ្ធិមនុស្សខាងអង្គការសហប្រជាជាតិទទួលស្គាល់ ដឹងថា អ្វីដែលសម្ដេចតេជោ បានដឹកនាំប្រទេសកម្ពុជា ធ្វើឲ្យរីកចម្រើនយ៉ាងខ្លាំង ជាពិសេសសិទ្ធិផ្នែកសេដ្ឋកិច្ច សង្គម របស់ប្រជាពលរដ្ឋ។លោកជំទាវ បានគូសបញ្ជាក់ផងដែរថា នៅថ្ងៃស្អែក គឺរបាយការណ៍នៅក្នុងការត្រួតពិនិត្យប្រចាំឆ្នាំនេះ នឹងចេញ ហើយលោកជំទាវក៏បានមានប្រសាសន៍ថា លោកជំទាវបានលឺថា ប្រទេសកម្ពុជាបានទទួលយកនៃអនុសាសន៍ជាច្រើន ដែលបានលើកឡើងកន្លងទៅនេះ។លោកជំទាវ ក៏បានមានប្រសាសន៍ផងដែរថា លោកជំទាវកត់សម្គាល់ថាជាការល្អ ដែលយើងបានទទួល ហើយនឹងធ្វើការទៅលើរឿងនេះ។ លោកជំទាវក៏បានគូសបញ្ជាក់ផងដែរថា ការិយាល័យរបស់លោកជំទាវ ត្រៀមក្នុងការជួយដល់ប្រទេសកម្ពុជាជានិច្ច ជាពិសេសក្នុងការធ្វើរៀបចំ និងការពិនិត្យមើលឡើងវិញ នៅពាក់កណ្ដាលអាណត្តិ នៃរបាយការណ៍នេះ។លោកជំទាវក៏បានកត់សម្គាល់ថា កន្លងមកនេះ ពិតជាមានការរីកចម្រើនគ្រប់ផ្នែកទាំងអស់ នៃប្រទេសកម្ពុជា ហើយក៏ថ្លែងអំណរគុណដល់សម្ដេចតេជោនាយករដ្ឋមន្ដ្រី ដែលបានទទួលយកនូវអនុសាសន៍ជាច្រើននោះ ជាពិសេសនៅក្នុងអនុសាសន៍នោះ នឹងឆ្លើយតបនឹងគាំទ្រដល់គោលដៅអភិវឌ្ឍន៍យុទ្ធសាស្ដ្រ ហើយជាពិសេសទៀត គឺការពង្រឹងនីតិរដ្ឋផងដែរ។លោកជំទាវ ក៏បានគូសបញ្ជាក់ផងដែរថា លើសពីនេះទៀត គឺក៏បានត្រៀមដែលយើងហៅថា Ajenda នៅឆ្នាំ២០៣០ ឬមួយរបៀបវារៈឆ្នាំ២០៣០នេះ ហើយមិនត្រឹមប៉ុណ្ណោះលោកជំទាវបានគូសបញ្ជាក់ថា លោកជំទាវរំពឹងផ្ដល់ការគាំទ្រ ទៅរាល់ការខិតខំប្រឹងប្រែងរបស់រដ្ឋាភិបាលកម្ពុជាផងដែរ។នៅក្នុងជំនួបនោះ សម្ដេចតេជោនាយករដ្ឋមន្ដ្រី បានមានប្រសាសន៍ថា ឆ្នាំកន្លងទៅនេះយើងបានចុះកិច្ចព្រមព្រាងជាមួយគ្នាបន្ដអាណត្តិ នៃការិយាល័យសិទ្ធិមនុស្សនៅប្រទេសកម្ពុជា រយៈពេល២ឆ្នាំ។ សម្ដេចបានគូសបញ្ជាក់ថា ដើម្បីចៀសវាងការបារម្ភ យើងចុះហត្ថលេខាទៅលើកិច្ចព្រមព្រាងនេះ រៀងរាល់ពីរឆ្នាំម្ដង ដើម្បីកុំឲ្យមានកង្វល់។សម្ដេច ក៏បានគូសបញ្ជាក់ផងដែរថា នៅពេលណាគេនិយាយអំពីសិទ្ធិមនុស្សនៅប្រទេសកម្ពុជា កាន់តែច្រើន សម្ដេចតែងតែស្វាគមន៍អំពីតម្រូវការសិទ្ធិមនុស្សជាមួយយើងតែម្ដង។ពាក់ព័ន្ធនឹងការិយាល័យសិទ្ធិមនុស្ស ក៏ដូចជាពាក់ព័ន្ធនឹងតំណាងរបស់អគ្គលេខាធិការនៃអង្គការសហប្រជាជាតិ ចំណុចនេះសម្ដេចបានគូសបញ្ជាក់ថា មានតែឯកឧត្ដម អគ្គលេខាធិការនៃអង្គការសហប្រជាជាតិទេ ដែលមានសិទ្ធិក្នុងការជ្រើសរើសអ្នកណាជាតំណាង ដើម្បីធ្វើការងារជាមួយប្រទេសកម្ពុជា ដែលកន្លងមកនេះ ប្រទេសកម្ពុជាបានទទួល៦នាក់មកហើយ។ ហើយជាធម្មតា ជាទំនៀមទម្លាប់សម្ដេចតេជោនាយករដ្ឋមន្ដ្រី បានគូសបញ្ជាក់ថា យើងមិនដែលបដិសេធ ឬច្រើនចោលនៃការតែងតាំង នៃឯកអគ្គរាជទូត ឬការស្នើសុំតែងតាំង តំណាងរបស់អគ្គលេខាធិការនៃអង្គការសហប្រជាជាតិឡើយ។មិនត្រឹមតែប៉ុណ្ណោះទេ សម្ដេចតេជោនាយករដ្ឋមន្ដ្រី ក៏បានគូសបញ្ជាក់ដែរកន្លងមកនេះ ក៏មានការស្នើសុំដោយខាងអង្គការសហប្រជាជាតិ ក្នុងការតែងតាំងចៅក្រមសម្រាប់ខ្មែរក្រហមប៉ុណ្ណោះដែរ គឺខាងកម្ពុជាមិនដែលបដិសេធការស្នើតែងតាំងនោះឡើយ។ប៉ុន្ដែ សម្ដេចតេជោនាយករដ្ឋមន្ដ្រី ក៏បានគូសបញ្ជាក់ដែរ ថាការស្នើសុំតែងតាំងទាំងអស់នេះ ដោយឯកឧត្តម អគ្គលេខាធិការ ឬមួយក៏ការងារអស់នេះ កម្ពុជាអាចទទួលបាននៅពេលសម្ដេចនៅជានាយករដ្ឋមន្ដ្រី នៃព្រះរាជាណាចក្រកម្ពុជា ហើយបើអ្នកក្រោយទៀតសម្ដេចមិនច្បាស់ទេ។ចំពោះវេនទី៣នៃការពិនិត្យមើលស្ថានភាពសិទ្ធិមនុស្សនេះ គឺប្រទេសកម្ពុជា បានធ្វើការងារចប់សព្វគ្រប់ហើយ។ នៅក្នុងចំណោមប្រទេសចំនួន៧៣ ដែលបានផ្តល់អនុសាសន៍ចំនួន៩៨ ដល់ប្រទេសកម្ពុជានោះ រាជរដ្ឋាភិបាលទទួលយក១៧៣ រីឯ២៥ទៀត រាជរដ្ឋាភិបាលកម្ពុជាគ្រាន់តែធ្វើការកត់សម្គាល់តែប៉ុណ្ណោះ។សម្តេច បានគូសបញ្ជាក់ថា នេះជាគោលនយោបាយ និងជាវិន័យរបស់កម្ពុជាផងដែរ។ សម្តេចថា កន្លងមកនេះមានការលាបពណ៌ដល់ប្រទេសកម្ពុជាដោយរូបភាពផ្សេងៗនោះ ប៉ុន្តែអ្វីដែលកម្ពុជានៅតែធ្វើលើការងារអភិវឌ្ឍន៍ ការប្រកាន់ខ្ជាប់លទ្ធិប្រជាធិបតេយ្យ ការការពារ និងលើកតម្កើងសិទ្ធិមនុស្ស។លោកជំទាវឧត្តមស្នងការទទួលបន្ទុកសិទ្ធិមនុស្ស ក៏បានថ្លែងអំណរគុណសម្តេចតេជោនាយករដ្ឋមន្ត្រី ដែលបានទទួលនូវអនុសាសន៍ពីបណ្តារដ្ឋជាសមាជិកនៃអង្គការសហប្រជាជាតិ។ លោកជំទាវ បានគូសបញ្ជាក់ថា ឧត្តមស្នងការទទួលបន្ទុកសិទ្ធិមនុស្សត្រៀមផ្តល់កិច្ចសហប្រតិបត្តិការបច្ចេកទេសដល់រាជរដ្ឋាភិបាល បើសិនមានតម្រូវការ។ លោកជំទាវមានប្រសាសន៍ថា ការិយាល័យឧត្តមស្នងការសិទ្ធិមនុស្សនឹងផ្តល់នូវអ្វីដែលកម្ពុជាត្រូវការ។សម្តេចតេជោនាយករដ្ឋមន្ត្រី បានគូសបញ្ជាក់ថា កន្លងមកនេះ សម្តេចបានធ្វើការងារជាច្រើន ដើម្បីជំរុញការអភិវឌ្ឍន៍ និងការពារលើបញ្ហាសិទ្ធិមនុស្សនៅកម្ពុជា។ ដូចជាពេលថ្មីៗកន្លងទៅនេះ សម្តេចបានធ្វើសកម្មភាពដើម្បីជួយដល់ស្ត្រីដែលមានក្តីក្តាំ ដោយបានបង្កើតក្រុមមេធាវីត្រៀមជួយការពារក្តីជូនពួកគេដោយឥតគិតថ្លៃ។ សម្តេចតេជោបានបញ្ជាក់ថា សម្តេចបានបង្កើនថវិកាជាតិសម្រាប់ក្រសួងកិច្ចការនារី ក៏ដូចជាក្រសួងយុត្តិធម៌សម្រាប់ធ្វើការងារជួយដល់សំណុំរឿងរបស់ស្ត្រី ដែលខ្វះមេធាវី។ សម្តេចតេជោនាយករដ្ឋមន្ត្រី បានបន្ថែមថា សម្តេចបានបង្កើតមូលនិធិសម្តេចតេជោ ដើម្បីផ្តល់មេធាវីជួយការពារក្តីរបស់ស្ត្រី។លោកជំទាវឧត្តមស្នងការទទួលបន្ទុកសិទ្ធិមនុស្ស បានមានប្រសាសន៍ឆ្លើយតបសម្តេចតេជោថា បច្ចុប្បន្ននេះមានការងារជាច្រើនត្រូវយកចិត្តទុកដាក់លើកតម្កើងរួមមានទាំងការផ្តល់សិទ្ធិអំណាចដល់ស្ត្រីផងដែរ ជាពិសេសពាក់ព័ន្ធបញ្ហាសេដ្ឋកិច្ច ដែលកម្ពុជាបានធ្វើច្រើននាពេលកន្លងមក។ជាចុងក្រោយ សម្តេចតេជោ ក៏បានថ្លែងអំណរគុណលោកជំទាវដែលបានជួបពិភាក្សាការងារ ហើយ សម្តេច ក៏បានអញ្ជើញលោកជំទាវឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សទៅទស្សនកិច្ចនៅកម្ពុជាក្នុង ពេលវេលាដ៏សមស្របណាមួយ។ លោកជំទាវឧត្តមស្នងការបានបញ្ជាក់ថា លោកជំទាវនឹងអញ្ជើញមកទស្សនកិច្ចនៅកម្ពុជាក្នុងពេលវេលាសមស្របណាមួយ។លោកជំទាវក៏ឆ្លៀតឱកាសនេះកោតសរសើរសម្តេចតេជោនាយករដ្ឋមន្ត្រី ក៏ដូចជាប្រទេសកម្ពុជាទាំងមូលលើការរីកចម្រើនផ្នែកសេដ្ឋកិច្ចហើយលោកជំទាវបានកត់សម្គាល់ការរីកចម្រើនជាពិសេសធ្វើឱ្យប្រជាពលរដ្ឋមួយចំនួនធំបានចាកចេញពីភាពក្រីក្រនៅកម្ពុជា។ជាពិសេសទៀតទទួលស្គាល់ប្រទេសកម្ពុជាពិតជាមានការលំបាកក្រោយជួបវិបត្តិនៃភ្លើងសង្គ្រាម។សម្តេចតេជោនាយករដ្ឋមន្ត្រី ក៏បញ្ជាក់ផងដែរថា កន្លងមកនេះ សម្តេចបានផ្តល់សិទ្ធិអំណាចជាច្រើនដល់ស្ត្រី ហើយកន្លងទៅនេះក៏បានជំរុញគាំពារសង្គម ក៏ដូចជាសង្គមជាតិទាំងមូលផងដែរ៕

សម្តេចតេជោ ហ៊ុន សែន អញ្ជើញជួបប្រធានក្រុមហ៊ុន ហាប៊័រ រៀលអ៊ីស្ទេត(Harbour Real Estate)

ភ្នំពេញ៖ នៅវិមានសន្តិភាព ព្រឹកថ្ងៃចន្ទ ១៣កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែមីនា ឆ្នាំ២០១៩ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញទទួលជួបពិភាក្សាការងារជាមួយ លោក ឈិន ឈីវសុង (Chen Qiuxong) ប្រធានក្រុម Harbour Real Estate។លោក Chen Qiuxong បានជម្រាបជូន សម្តេចតេជោនាយករដ្ឋមន្ត្រីថា លោកបានមកកាន់ប្រទេសកម្ពុជា 5 ឆ្នាំមកហើយ ហើយបានឃើញកម្ពុជាមានសុខសន្តិភាព ស្ថិរភាព និងរីកចម្រើនលឿន។លោក Chen បានឃើញកម្ពុជាមានសក្ដានុពល និងឱកាសវិនិយោគជាច្រើន។ ទន្ទឹមនឹងនោះ លោកបានឃើញ សម្ដេចតេជោ កំពុងតែផ្តល់ឱកាស និងលើកទឹកចិត្តដល់វិនិយោគិនឱ្យចង់មកទស្សនា និងមកវិនិយោគនៅកម្ពុជា។ ជាមួយគ្នានេះដែរ លោក Chen ក៏បានឃើញពីសកម្មភាពមនុស្សធម៌របស់សម្តេចតេជោ ដែលកំពុងជួយពលរដ្ឋក្រីក្រជាពិសេសថ្មីៗនេះ គឺសម្តេចតេជោ បានបង្កើតក្រុមមេធាវីស្ម័គ្រចិត្តសម្តេចតេជោ ដើម្បីជួយដល់ពលរដ្ឋក្រីក្រ ជាពិសេសស្ត្រីរងគ្រោះដែលពុំទាន់បានកាត់ក្ដីនៅឡើយ។ ក្រុមហ៊ុនលោកបានសម្រេចចិត្តចូលរួមផ្តល់នូវវិភាគទានមូលនិធិមួយចំនួនបន្ថែមដល់កិច្ចការដ៏សំខាន់នេះ។សម្ដេចតេជោ ហ៊ុន សែន បានថ្លែងអំណរគុណ និងលើកទឹកចិត្តឲ្យ លោកប្រធានក្រុមហ៊ុន បន្តវិនិយោគនៅកម្ពុជាថែមទៀត ។ចំពោះមូលនិធិ ដែលទទួលបានគឺសម្រាប់ប្រើប្រាស់ក្នុងការជួយដល់ស្ត្រីនៅក្នុងពន្ធនាគារដែលពុំទាន់បានកាត់ក្ដីនៅឡើយ។ សម្ដេចតេជោបានបញ្ជាក់បន្ថែមថា ក្រុមមេធាវីដែលបង្កើតឡើងនេះ គឺធ្វើយ៉ាងណាជួយដល់ស្ត្រីដែលជាប់ពាក់ព័ន្ធនឹងតុលាការ ដែលមិនទាន់បានកាត់ក្ដី ដែលមានប្រមាណ២/៣ នៅក្នុងព័ន្ធនាគារ។សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍បញ្ជាក់ផងដែរថា នៅថ្ងៃនេះ សម្តេចបានបញ្ជាក់ប្រាប់ទៅ ឯកឧត្តមរដ្ឋមន្រ្តី ក្រសួងយុត្តិធម៍អោយរៀបចំពន្លឿនការកាត់ក្តីចំពោះអ្នកជាប់ចោទជាច្រើននាក់ ដែលកំពុងជាប់ឃុំនៅក្នុងពន្ឋធនាគារដែលមកទល់ពេលនេះមិនទាន់បានកាត់ក្តីនៅឡើយ ជាពិសេសស្រ្តីក្រីក្រ។ សម្តេចតេជោ បានសង្កត់ធ្ងន់ថា ការឃុំខ្លួនជនជាប់ចោទរយៈពេលយូរដោយមិនបានកាត់ក្តី គឺខុសច្បាប់៕

បណ្ដាញសង្គម

ព័ត៌មានថ្មីៗ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

មនុស្ស១៣នាក់ ស្លាប់ ក្រោយអាកាសធាតុអាក្រក់វាយប្រហារតំបន់ភាគកណ្តាលឈីលី

មនុស្សជាង ១ម៉ឺននាក់ បានជម្លៀសខ្លួនក្នុងហេតុការណ៍ភ្លើងឆេះព្រៃនៅប្រទេសបារាំង

អូស្រ្តាលីនឹងជំរុញក្រុមមន្រ្តីពាណិជ្ជកម្មសហរដ្ឋអាមេរិក ឲ្យដកចេញពន្ធទាំងអស់

យោធាអាមេរិកអះអាងថា ពួកគេបានបញ្ចប់ការវាយប្រហារពេលយប់ថ្ងៃទី ១៣ជាប់ៗគ្នារបស់ខ្លួនលើគោលដៅយោធាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

យន្តហោះកងទ័ពអាកាសរុស្ស៊ី ២គ្រឿងបានចុះចតនៅវេណេហ្ស៊ុយអេឡាជាមួយនឹងទាហានជិត ១០០នាក់

ហៅ សុជាតិ៖ «ចាន់ វឌ្ឍនាកា អាចក្លាយជា TOP SCORER ក្នុងចំណោមកីឡាករខ្មែរ»

ចំនួនអ្នកស្លាប់ដោយសារព្យុះស៊ីក្លូន Idai នៅប្រទេសមូហ្សំប៊ីកបានកើនដល់ជាង ២០០នាក់

ពលរដ្ឋខេត្តស្វាយរៀង រំពឹងរាជរដ្ឋាភិបាលថ្មី នឹងយកចិត្តទុកដាក់ខ្លាំងចំពោះបញ្ហាអំពើពុករលួយ

មន្ត្រីរាជការស្រុកស្វាយទាបខេត្តស្វាយរៀងទស្សនាវិមានឈ្នះ ឈ្នះ

មនុស្ស ៣ស្លាប់ក្នុងការរញ្ជួយដីកម្រិត ៦.៨រ៉ិចទ័រនៅប្រទេសហ្វីលីពីនភាគខាងត្បូង

សម្តេចតេជោ ហ៊ុន សែន ជួបពិភាក្សាការងារជាមួយឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស

សម្តេចតេជោ ហ៊ុន សែន អញ្ជើញជួបប្រធានក្រុមហ៊ុន ហាប៊័រ រៀលអ៊ីស្ទេត(Harbour Real Estate)

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

យន្តហោះ​កង​ទ័ព​អាកាស​រុស្ស៊ី​ ២​គ្រឿង​បាន​ចុះ​ចត​នៅ​វេ​ណេ​ហ្ស៊ុយ​អេឡា​ជាមួយ​នឹង​ទាហាន​ជិត ​១០០​នាក់

ហៅ សុជាតិ​៖ «​ចាន់ វឌ្ឍនាកា អាច​ក្លាយ​ជា TOP SCORER ក្នុងចំណោម​កីឡាករ​ខ្មែរ​»

ចំនួន​អ្នក​ស្លាប់​ដោយសារ​ព្យុះ​ស៊ីក្លូន ​Idai ​នៅ​ប្រទេស​មូហ្សំប៊ីក​បាន​កើនដល់​ជាង​ ២០០​នាក់​

ពលរដ្ឋ​ខេត្តស្វាយរៀង ​រំពឹង​រាជរដ្ឋាភិបាល​ថ្មី​ នឹង​យកចិត្តទុកដាក់​ខ្លាំង​ចំពោះ​បញ្ហា​អំពើពុករលួយ​

មន្ត្រី​រាជការ​ស្រុក​ស្វាយទាប​ខេត្ត​ស្វាយរៀង​ទស្សនា​វិមាន​ឈ្នះ ​ឈ្នះ

មនុស្ស​ ៣​ស្លាប់​​ក្នុងការ​រញ្ជួយ​ដី​​កម្រិត​ ៦.៨​រ៉ិច​ទ័រ​នៅ​​ប្រទេស​ហ្វីលីពីន​ភាគ​ខាង​ត្បូង​

សម្តេចតេ​ជោ ​ហ៊ុន ​សែន ​អញ្ជើញ​ជួប​ប្រធាន​ក្រុម​ហ៊ុន ​ហាប៊័រ​ រៀល​អ៊ី​ស្ទេត​(Harbour ​Real ​Estate)​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យន្តហោះកងទ័ពអាកាសរុស្ស៊ី ២គ្រឿងបានចុះចតនៅវេណេហ្ស៊ុយអេឡាជាមួយនឹងទាហានជិត ១០០នាក់

ហៅ សុជាតិ៖ «ចាន់ វឌ្ឍនាកា អាចក្លាយជា TOP SCORER ក្នុងចំណោមកីឡាករខ្មែរ»

ចំនួនអ្នកស្លាប់ដោយសារព្យុះស៊ីក្លូន Idai នៅប្រទេសមូហ្សំប៊ីកបានកើនដល់ជាង ២០០នាក់

ពលរដ្ឋខេត្តស្វាយរៀង រំពឹងរាជរដ្ឋាភិបាលថ្មី នឹងយកចិត្តទុកដាក់ខ្លាំងចំពោះបញ្ហាអំពើពុករលួយ

មន្ត្រីរាជការស្រុកស្វាយទាបខេត្តស្វាយរៀងទស្សនាវិមានឈ្នះ ឈ្នះ

មនុស្ស ៣ស្លាប់ក្នុងការរញ្ជួយដីកម្រិត ៦.៨រ៉ិចទ័រនៅប្រទេសហ្វីលីពីនភាគខាងត្បូង

សម្តេចតេជោ ហ៊ុន សែន អញ្ជើញជួបប្រធានក្រុមហ៊ុន ហាប៊័រ រៀលអ៊ីស្ទេត(Harbour Real Estate)