នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​
សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

សម្ដេចធិបតីនឹងចូលរួមវេទិកាខ្សែក្រវាត់ និងផ្លូវលើកទី៣ សម្រាប់កិច្ចសហប្រតិបត្តិការអន្តរជាតិនៅប៉េកាំង

2023/10/15 06:54:53 pm        111
Facebook Telegram Linkin
ភ្នំពេញ ៖ តបតាមការអញ្ជើញរបស់ ឯកឧត្តម ស៊ី ជីនពីង ប្រធានាធិបតី នៃសាធារណរដ្ឋប្រជាមានិតចិន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញដឹកនាំគណៈប្រតិភូជាន់ខ្ពស់ ចូលរួមវេទិកាខ្សែក្រវាត់ និងផ្លូវលើកទី៣ សម្រាប់កិច្ចសហប្រតិបត្តិការអន្តរជាតិ ដែលនឹងប្រព្រឹត្តទៅចាប់ពីថ្ងៃទី១៧ ដល់ថ្ងៃទី១៨ ខែតុលាឆ្នាំ២០២៣ នៅរដ្ឋធានីប៉េកាំង សាធារណរដ្ឋប្រជាមានិតចិន។​យោងតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ចេញផ្សាយនៅថ្ងៃទី១៤ ខែតុលា ឆ្នាំ២០២៣នេះ បានគូសបញ្ជាក់ថា មូលបទនៃកិច្ចប្រជុំនេះ គឺ «កិច្ចសហប្រតិបត្តិការខ្សែក្រវាត់និងផ្លូវ ប្រកបដោយគុណភាពខ្ពស់៖ រួមគ្នាដើម្បីការអភិវឌ្ឍ និងវិបុលភាពរួម»។បើតាមក្រសួងការបរទេស អញ្ជើញអមដំណើរ សម្ដេចធិបតីចូលរួមវេទិកាខ្សែក្រវាត់ និងផ្លូវលើកទី៣ខាងមុខនេះ រួមមាន ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១នៃក្រុមប្រឹក្សាអភិវឌ្ឍន៍កម្ពុជា ឯកឧត្តម សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រី ក្រសួងការបរទេស និងសហប្រតិបត្តិការអន្តរជាតិ រដ្ឋមន្ត្រីមួយចំនួន មន្ត្រីរាជរដ្ឋាភិបាលជាន់ខ្ពស់ ព្រមទាំង ថ្នាក់ដឹកនាំវិស័យឯកជន។ក្នុងវេទិកាខ្សែក្រវាត់ និងផ្លូវនេះ សម្ដេចធិបតី នឹងថ្លែងសុន្ទរកថាគន្លឹះ ស្ដីពី«សេដ្ឋកិច្ចឌីជីថល ជាប្រភព នៃកំណើនថ្មី» ហើយអំឡុងពេលចូលរួមវេទិកានេះ សម្តេចនាយករដ្ឋមន្ត្រី នឹងជួបពិភាក្សាជាមួយ ឯកឧត្តមប្រធានាធិបតី ស៊ី ជីនពីង និងថ្នាក់ដឹកនាំចិនដទៃទៀត ដើម្បីពិភាក្សាអំពីកិច្ចសហប្រតិបត្តិការក្នុងក្របខ័ណ្ឌទ្វេភាគី និងពហុភាគី ព្រមទាំងមានជំនួបពិភាក្សាដាច់ដោយឡែកពីគ្នា ជាមួយឥស្សរជន បរទេសដទៃទៀតផងដែរ។ក្រសួងការបរទេស និងសហប្រតិបត្តិការអន្តរជាតិ បញ្ជាក់ទៀតថា ការអញ្ជើញចូលរួមរបស់ សម្ដេចធិបតី ក្នុងវេទិកាខ្សែក្រវាត់ និងផ្លូវលើកទី៣នេះ នឹងបញ្ជាក់ជាថ្មីនូវ ការគាំទ្ររបស់កម្ពុជាចំពោះគំនិតផ្តួចផ្ដើមខ្សែក្រវាត់និងផ្លូវ ដែលគូសបញ្ជាក់ពីការប្ដេជ្ញាចិត្តរបស់កម្ពុជា ក្នុងការសហការយ៉ាងជិតស្និទ្ធជាមួយមិត្តចិន ដើម្បីជំរុញកិច្ចសហប្រតិបត្តិការខ្សែក្រវាត់ និងផ្លូវប្រកបដោយគុណភាពខ្ពស់ សម្រាប់កំណើនរួម សន្តិភាព និងការអភិវឌ្ឍប្រកបដោយចីរភាពក្នុងតំបន់និងអន្តរជាតិ៕ ដោយ ៖ ដារា

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នាព្រឹកថ្ងៃទី១៥ ខែតុលា ឆ្នាំ ២០២៣នេះ បាន​ដឹកនាំមន្រ្តីរាជការ និងថ្នាក់ដឹកនាំតាមបណ្តា ក្រសួង ស្ថាប័ននានា អញ្ជើញគោរពព្រះវិញ្ញាណក្ខន្ធ ព្រះបរមរតនកោដ្ឋ

2023/10/15 03:51:12 pm        126
Facebook Telegram Linkin
ភ្នំពេញ÷ នៅព្រឹកថ្ងៃទី ១៥ ខែតុលា ឆ្នាំ ២០២៣ សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានអញ្ជើញដឹកនាំមន្រ្តីរាជការ គោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះនរោត្តម សីហនុ ព្រះមហាវិរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មេរ ព្រះបរមរតនកោដ្ឋ នាមណ្ឌប សួនច្បារខាងកើតវិមានឯករាជ្យ។សូមជម្រាបថា៖ ព្រះករុណា ព្រះបាទសម្ដេចព្រះនរោត្ដម សីហនុ អតីតព្រះមហាក្សត្រនៃព្រះរាជាណាចក្រកម្ពុជា ព្រះអង្គប្រសូតនៅថ្ងៃអង្គារ ទី៣១ ខែតុលា ឆ្នាំ១៩២២ នៅរាជធានីភ្នំពេញ។ ទ្រង់យាងចូលទិវង្គតនៅថ្ងៃចន្ទ ទី១៥ ខែតុលា ឆ្នាំ២០១២ វេលាម៉ោង១៖២០នាទីយប់ នៅទីក្រុងប៉េកាំង សាធារណរដ្ឋប្រជាមានិតចិនក្នុងជន្មាយុ៩០ព្រះវស្សា។ ដើម្បីតបស្នងព្រះមហាករុណាទិគុណ និងព្រហ្មវិហារធម៌ដ៏ថ្លៃថ្លាឧត្តុង្គឧត្តម វិសេសវិសាលរបស់ព្រះអង្គ ដែលបានលះបង់ព្រះកាយពល ព្រះបញ្ញាញាណ, រាជរដ្ឋាភិបាលនៃកម្ពុជា បានយកថ្ងៃទី១៥ ខែតុលា ជាថ្ងៃបុណ្យជាតិ និងជាថ្ងៃកាន់មរណទុក្ខរបស់ប្រជាពលរដ្ឋខ្មែរទាំងមូល។ នៅថ្ងៃទី១៥ តុលា ទៀតសោត ទាំងព្រះរាជវង្សានុវង្ស ថ្នាក់ដឹកនាំ មន្រ្តីរាជការគ្រប់លំដាប់ថ្នាក់ គ្រប់ក្រសួង ស្ថាប័ន និងប្រជារាស្រ្តទូទាំងប្រទេស តែងតែប្រារព្ធពិធីគោរពព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋ៕ ដោយ ÷ ដារា

កម្ពុជា និងតួកគី កំណត់ទិសដៅដើម្បីសម្រេចបាននូវគោលដៅពាណិជ្ជកម្ម ក្នុងទំហំ ១ ប៊ីលានដុល្លារអាមេរិក

2023/10/13 06:28:16 pm        478
Facebook Telegram Linkin
ភ្នំពេញ៖ ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហ​ប្រតិបត្តិ​ការ អន្តរជាតិនៃព្រះរាជាណាចក្រកម្ពុជា បានពិភាក្សាប្រកបដោយផ្លែផ្កាជាមួយ លោក​ជំទាវ Ulkü Kocaefe ឯកអគ្គរដ្ឋទូតនៃសាធារណរដ្ឋតួកគី ប្រចាំព្រះរាជាណាចក្រកម្ពុជា ក្នុង​ឱកាស​ដែល​លោកជំទាវឯកអគ្គរដ្ឋទូត ចូលជួបសម្តែងការគួរសម និងពិភាក្សាការងារ នៅថ្ងៃទី៦ ខែតុលា ឆ្នាំ២០២៣ នៅទីស្តីការក្រសួង។ភាគីទាំងពីរបានកត់សម្គាល់ដោយសេចក្តីពេញចិត្តចំពោះទំនាក់ទំនងមិត្តភាពរវាងប្រទេសទាំងពីរ។ ខណៈដែលកម្ពុជា និងតួកគីនឹងប្រារព្ធខួបអនុស្សាវរីយ៍លើកទី៦៥ នៃទំនាក់​ទំនង​ការ​ទូត​នៅ​ឆ្នាំ​ក្រោយ​ ឯកឧត្ដមឧបនាយករដ្ឋមន្ត្រី និងលោកជំទាវឯកអគ្គរដ្ឋទូត បានបង្ហាញ​នូវ​ការ​ត្រៀម​ខ្លួន​ជា​ស្រេច​ក្នុង​ការរៀបចំសកម្មភាពរួមគា្ននានា ដើម្បីអបអរព្រឹត្តិការណ៍ដ៏មានសារៈសំខាន់នេះ។ ភាគីទាំងពីរ ក៏បានផ្លាស់ប្ដូរ យោបល់អំពីមធ្យោបាយដើម្បីពង្រឹងបន្ថែមទៀតនូវទំនាក់ទំនង និង​ផ្តល់​អាទិភាព​លើវិស័យសក្តានុពលនានា នៃកិច្ចសហប្រតិបត្តិការ​ដែល​ស្រប​តាម​យុទ្ធ​សាស្ត្រ​បញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា។ចំពោះទំនាក់ទំនងសេដ្ឋកិច្ច និងពាណិជ្ជកម្ម ភាគី​ទាំង​ពីរ​បាន​វាយ​តម្លៃ​ខ្ពស់​ចំពោះ​កិច្ច​សហប្រតិបត្តិការ​យ៉ាងជិតស្និទ្ធ។ ភាគីទាំងពីរ បានប្ដេជ្ញាចិត្តក្នុងការស្វែងរកលទ្ធភាពបន្ថែមទៀត ដើម្បី​បង្កើនសកម្មភាព ពាណិជ្ជកម្ម និងធុរកិច្ច ដើម្បី​សម្រេច​បាន​នូវ​គោល​ដៅ​ពាណិជ្ជ​កម្ម​ក្នុង​ទំហំ១ ប៊ីលានដុល្លារអាមេរិក។ ក្នុងន័យនេះ លោកជំទាវ ülkù Kocaefe បានគូស​បញ្ជាក់​ថា​ តួកគី បានបង្កើតឱ្យមានជាលើកដំបូងនូវ ការិយាល័យ​ទីប្រឹក្សា​ទទួល​បន្ទុ​ក​កិច្ច​ការ​ពាណិជ្ជកម្ម​នៅ​កម្ពុជា​ ដើម្បីសម្របសម្រួលឱ្យកាន់តែល្អប្រសើរនូវ កិច្ចខិតខំប្រឹងប្រែង ក្នុងការជំរុញពាណិជ្ជកម្ម និ​ង​ការវិនិយោគទ្វេភាគី។កម្ពុជាឯកឧត្ដមឧបនាយករដ្ឋមន្ដ្រី បានសម្តែង​នូវ​អំណរ​គុណ​យ៉ាង​ស្មោះ​សរ​ចំពោះ​រដ្ឋាភិបាល​តួកគី​សម្រាប់ ការផ្តល់ជំនួយអភិវឌ្ឍន៍ដល់កម្ពុជា។ ជាការឆ្លើយតប លោកជំទាវឯកអគ្គរដ្ឋទូត បានអះអាងសាជាថ្មីន ប្តេជ្ញាចិត្តរបស់រដ្ឋាភិបាលតួកគីក្នុងការជួយដល់កម្ពុជា ជាពិសេស​ការ​បន្ត​កិច្ច​សហប្រតិបត្តិការតាមរយៈទីភ្នាក់ងារសម្របសម្រួល និងសហប្រតិបត្តិការតួកគី (TIKA)។ភាគីទាំងពីរក៏បានផ្លាស់ប្តូរទស្សនៈលើកិច្ចសហប្រតិបត្តិការក្នុងវិស័យវប្បធម៌ ទេសចរណ៍ និង​អប់រំ​ រួមមានការផ្តល់អាហារូបករណ៍ និងការបណ្តុះបណ្តាលដល់មន្ត្រីការទូត និងនិស្សិតកម្ពុជា។ កិច្ច​សហ-ប្រតិបត្តិការក្នុងក្របខ័ណ្ឌពហុភាគីក៏ត្រូវបានលើកយកមកពិភាក្សាផងដែរ៕

កម្ពុជា និងរុស្ស៊ី នឹងពង្រឹងពង្រីកចំណងមិត្តភាពជាប្រពៃណី

2023/10/13 06:15:08 pm        480
Facebook Telegram Linkin
ភ្នំពេញ៖ ឯកឧត្តម សុខ ចិន្តាសោភា ឧបនាយករដ្ឋមន្រ្តី និងជារដ្ឋមន្ត្រីការបរទេស និង​សហប្រតិបត្តិការ អន្តរជាតិ នៃព្រះរាជាណាចក្រកម្ពុជា បានពិភាក្សាប្រកបដោយផ្លែផ្កាជាមួយ ឯកឧត្តម Anatoly Borovik ឯកអគ្គរដ្ឋទូតសហព័ន្ធរុស្ស៊ីប្រចាំកម្ពុជា ក្នុងឱកាសដែលឯកឧត្តម ឯក​អគ្គរដ្ឋទូត ចូលជួបសម្តែងការគួរសម នៅថ្ងៃទី១០ ខែតុលា ឆ្នាំ២០២៣ នៅទីស្តីការក្រសួង ។ជាកិច្ចចាប់ផ្តើម ឯកឧត្ដមឧបនាយករដ្ឋមន្ត្រី បានថ្លែងអំណរគុណដល់សហព័ន្ធរុស្ស៊ី ដែល​បាន​បន្ត ផ្តល់ការគាំទ្រ និងជំនួយដល់ប្រទេសកម្ពុជា ជាពិសេសក្នុងអំឡុងគ្រាដ៏លំបាក។ ឯកឧត្តម​ឧបនាយក​រដ្ឋមន្តី ក៏បានកោតសរសើរដល់ការប្ដេជ្ញាចិត្តរបស់រុស្ស៊ី ក្នុងការអភិវឌ្ឍ​ធន​ធាន​មនុស្ស​នៅ​កម្ពុជា​ ដែលដើរតួជា មូលដ្ឋានគ្រឹះដ៏រឹងមាំ ក្នុងការពង្រឹងទំនាក់ទំនងរវាងប្រជាជន និង​ប្រជាជន​បន្ថែមទៀត។ ក្នុងនាមជាសាក្សី ដែលបានឃើញផ្ទាល់ភ្នែកពីស្ថានភាពកម្ពុជា នៅ​ទសវត្សរ៍​ឆ្នាំ១៩៨០ ឯកឧត្តម Anatoly Borovik បាន កោតសរសើរ​កម្ពុជា​ចំពោះ​ការ​ស្តារ​ឡើង​វិញ​ប្រកប​ដោយភាពជោគជ័យក្រោយសង្គ្រាម។ ឆ្លៀតឱកាសនេះ ឯកអគ្គរដ្ឋទូតរុស្ស៊ី បាន​ចូល​រួម​រំលែក​ទុក្ខ​ដល់​ក្រុមគ្រួសារនៃនិស្សិតកម្ពុជាមួយរូប ដែលបានបាត់បង់ជីវិត ក្នុងសោកនាដកម្ម​ថ្មី​ៗ​នេះ​ នៅប្រទេសអ៊ីស្រាអែល។ជាការឆ្លើយតប ឯកឧត្តមឧបនាយករដ្ឋមន្រ្តី បានថ្លែងអំណរគុណចំពោះសាររំលែកទុក្ខរបស់ ឯក​អគ្គរដ្ឋទូតរុស្ស៊ី ក្នុងគ្រាដ៏លំបាកនេះ ហើយបានសង្កត់ធ្ងន់ថា រាជរដ្ឋាភិបាលកម្ពុជា បាន​និង​កំពុង​ចាត់​រាល់វិធានការ ដើម្បីធានាសុខសុវត្ថិភាពដល់និស្សិតកម្ពុជាទាំងអស់ នៅប្រទេសអ៊ីស្រាអែល។ភាគីទាំងពីរ បានកត់សម្គាល់ដោយការពេញចិត្តយ៉ាងជ្រាលជ្រៅ ចំពោះ​ចំណង​មិត្ត​ភាព​ជា​ប្រពៃណី រវាងកម្ពុជា និងរុស្ស៊ី ដោយឈរលើមូលដ្ឋាននៃគោលការណ៍គោរពគ្នាទៅវិញទៅមក និង​ផល​ប្រយោជន៍រួម ទាំងក្នុងក្របខ័ណ្ឌទ្វេភាគី និងពហុភាគី។ ភាគីទាំងពីរ បានគូស​បញ្ជាក់​អំពី​សារៈ​សំខាន់​នៃការបន្តកិច្ចសហ ប្រតិបត្តិការក្នុងវិស័យដែលផ្តល់ផលប្រយោជន៍ទៅវិញទៅមក រួមមាន ពាណិជ្ជកម្ម ការវិនិយោគ និងវប្បធម៌ក្នុងចំណោម​វិស័យជាច្រើនទៀត។ ក្នុងស្មារតីនេះ ភាគីទាំងពីរ បានឯកភាពគ្នារៀបចំកិច្ចប្រផុត។អន្តររដ្ឋាភិបាលកម្ពុជា-រុស្ស៊ីលើកទី១១ ស្ដីពីកិច្ចសហប្រតិបត្តិការពាណិជ្ជកម្ម សេដ្ឋកិច្ច វិទ្យាសាស្ត្រ និងបច្ចេកទេស ស្របពេលនឹងការរៀបចំកិច្ចពិគ្រោះយោបល់ទ្វេភាគីលើកទី៣ នៅ​ដើម​ឆ្នាំ​២០២៤ ខាងមុខ នេះ។ ភាគីទាំងពីរក៏បានពិភាក្សា និងចែក​រំលែក​ព័ត៌មាន​អំពី​បញ្ហា​អន្តរជាតិ​មួយចំនួនផងដែរ៕

ទិវាជាតិគ្រប់គ្រងគ្រោះមហន្តរាយ៖ សម្ដេចធិបតី លើកឡើងពីសារៈសំខាន់ នៃការចូលរួមធ្វើសកម្មភាពពីគ្រប់ភាគី

2023/10/13 06:05:20 pm        699
Facebook Telegram Linkin
ក្នុងសារលិខិត ផ្ញើជូនជនរួមជាតិ នាឱកាសទិវាជាតិគ្រប់គ្រងគ្រោះមហន្តរាយ នាថ្ងៃទី១៣ ខែតុលា ឆ្នាំ២០២៣នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បាន​កត់​សម្គាល់​អំពី​ផលវិបាកផ្សេងៗដែលបង្កឡើងដោយគ្រោះមហន្តរាយធម្មជាតិ និង​កិច្ច​ខិតខំ​ប្រឹង​ប្រែង​របស់រាជរដ្ឋាភិបាលក្នុងការដោះស្រាយ និងកាត់បន្ថយហានិភ័យ នៃការប្រែប្រួល​អាកាស​ធាតុ រួមទាំងភាពចាំបាច់ នៃការចូលរួមធ្វើសកម្មភាពពីគ្រប់ភាគី។បើតាម សម្ដេចធិបតីនាយករដ្ឋមន្ត្រី កម្ពុជាក៏មិនខុសពីប្រទេសនៅក្នុងតំបន់ និងនៅលើ​ពិភព​លោក​ដែរ បានប្រឈមនឹងសា្ថនភាពអាកាសធាតុ ដូចជាការកើនឡើងកម្ដៅ និងរដូវ​វស្សា​ជួប​នឹង​របាយ​ទឹកភ្លៀងធ្លាក់មិនបានរាយប៉ាយល្អជាដើម។ សម្ដេចបាន​កត់​សម្គាល់​អំពី​មុខ​សញ្ញា​គ្រោះ​ថ្នាក់​នានា ដូចជា ខ្យល់កន្ត្រាក់ រន្ទះបាញ់ បាក់ច្រាំងទន្លេ ជំងឺឆ្លងរាតត្បាត ជំងឺកូវីដ-១៩ អគ្គិភ័យ គ្រោះថ្នាក់ផ្លូវគោក ផ្លូវទឹក រលំបាក់អគារ ព្រមមុខ​សញ្ញា​គ្រោះថ្នាក់​ផ្សេង​ៗ​ទៀត​ដែល​បាន​ផ្តាច់​អាយុ​ជីវិត​មនុស្ស បង្កការខូចខាតទ្រព្យសម្បត្តិប្រជាជន និងសហគមន៍ជាច្រើន។សម្ដេចនាយករដ្ឋមន្ត្រី បានអះអាងថារាជរដ្ឋាភិបាលកម្ពុជា តែងតែប្រើប្រាស់គ្រប់វិធានការសរុប មធ្យោបាយ សរុប ដើម្បីកាត់បន្ថយហានិភ័យគ្រោះមហន្តរាយមកលើប្រជាជន ហើយថា​ការ​គ្រប់​គ្រង​គ្រោះ​មហន្តរាយ គឺជាការងារពហុវិស័យ ជាការងារ​ប្រទាក់​ក្រឡា​ដែល​មាន​ការ​ពាក់ព័ន្ធ​ស្ទើរ​គ្រប់​ទិដ្ឋភាព ទាំងសេដ្ឋកិច្ច និងសង្គម របស់ប្រទេសជាតិ ដែលត្រូវ​ធ្វើ​ឡើង​ប្រកប​ដោយ​បរិយាបន្ន​។ ភ្ជាប់នឹងសារអំពាវនាវសំខាន់ៗ  សម្ដេចធិបតី បានគូសបញ្ជាក់ថា មិនថាវិស័យណាមួយ ស្ថាប័ន​ណា​មួយ ឬផ្នែកណាមួយ ទាំងស្ថាប័នរដ្ឋ ឯកជន គិតទាំងបុគ្គលគ្រប់រូបគឺសុទ្ធតែមានភារកិច្ច និង​ជាប់​ពាក់​ព័ន្ធក្នុងការរួមចំណែកដោយផ្ទាល់ ឬដោយ​ប្រយោល​ទៅ​ក្នុង​ការ​កាត់​បន្ថយ​ហានិភ័យ​គ្រោះ​ម​ហន្តរាយ ដើម្បីភាពធន់ និងការអភិវឌ្ឍប្រកបដោយចីរភាព ហើយគ្រប់​ភាគី​ពាក់ព័ន្ធ​ទាំង​អស់​គឺ​មាន​តួនាទីក្នុងការចូលរួមធ្វើសកម្មភាពកាត់បន្ថយហានិភ័យគ្រោះមហន្តរាយ៕

សម្តេចធិបតី ហ៊ុន ម៉ាណែត ផ្ញើសារជូនពរជនរួមជាតិក្នុងឱកាសបុណ្យភ្ជុំបិណ្ឌ

2023/10/12 02:48:07 pm        281
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅព្រឹកថ្ងៃទី១២ ខែតុលា ឆ្នាំ២០២៣នេះ បានផ្ញើសារជូនពរដល់បងប្អូនជនរួមជាតិទាំងអស់មានសុខភាពល្អបរិបូរណ៍ និង ធ្វើ​ដំណើរ ទៅមកប្រកបដោយសុខសុវត្ថិភាពក្នុងឱកាសបុណ្យភ្ជុំបិណ្ឌ។តាមរយៈផេកហ្វេសបុក និងឆាណែលតេលេក្រាម សម្តេចធិបតី នាយករដ្ឋមន្រ្តី បានលើកឡើងថា «ក្នុង​ឱកាសបុណ្យភ្ជុំបិណ្ឌ សូមជូនពរ លោកតាលោកយាយ អ៊ំប្រុសអ៊ំស្រី ពូមីង បង​ប្អូន​កូន​ក្មួយ​ទាំង​អស់ សូមប្រកបដោយសុខសុវត្ថិភាពក្នុងការធ្វើដំណើរទៅកាន់ស្រុកកំណើត និងទទួល​បាន​នូវ​សុខភាព​ល្អបរិបូរណ៍ កម្លាំងមាំមួន អាយុយឺនយូរ និងជោគជ័យគ្រប់ភារកិច្ច»៕

សម្ដេចតេជោ ប្រកាសស្វាគមន៍គណបក្សនយោបាយនានា​ដែលមានបំណងចងសម្ព័ន្ធ​ជាមួយគណបក្សប្រជាជនកម្ពុជា

2023/10/11 10:09:51 pm        169
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នារសៀល​ថ្ងៃទី១១ ខែតុលា ឆ្នាំ២០២៣នេះ បាន​ចេញ​សារ​សំឡេង​ពិសេស​ប្រកាស​ស្វាគមន៍​ដល់​បណ្ដា​គណបក្ស​នយោបាយនានាដែលមានបំណងចង់ចងសម្ព័ន្ធជាមួយគណបក្សប្រជាជនកម្ពុជា។ការប្រកាសស្វាគមន៍របស់សម្ដេចតេជោបែបនេះធ្វើឡើងបន្ទាប់បណ្ដាគណបក្សនយោបាយនានាជាង១០ នៅថ្ងៃទី ១១ ខែតុលានេះ បានប្រកាស​ប្រកាស​អំពី​គោល​បំណង​ចង់​ធ្វើ​សម្ព័ន្ធ​ភាព​ជាមួយ​គណបក្សប្រជាជនកម្ពុជា។តាមរយៈសារសំឡេងពិសេសសម្ដេចតេជោ ហ៊ុន សែន ថ្លែងថា ថ្ងៃនេះសម្ដេច​បាន​ទទួល​នូវ​ការ​ពេញ​ចិត្ត​នូវ​ការស្នើសុំ ក៏ដូចជាសេចក្ដីថ្លែងការណ៍នៃបណ្ដាគណបក្សនយោបាយនានា ដែល​មាន​បំណង​ចង​សម្ព័ន្ធភាពជាមួយគណបក្សប្រជាជនកម្ពុជា។ សម្ដេចថ្លែងថា ក្នុងនាម​គណបក្ស​ប្រជាជន​កម្ពុជា​ សម្ដេចប្រកាសស្វាគមន៍យ៉ាងកក់ក្ដៅចំពោះគំនិតផ្ដួចផ្ដើម និងបំណងដ៏ល្អ​របស់​បណ្ដា​គ​ណបក្សនយោបាយដែលបានផ្ញើ និងធ្វើសេចក្ដីថ្លែងការណ៍មកជូនសម្ដេច។ សម្ដេចតេជោបញ្ជាក់ថា កម្ពុជាពិត​ជា​មាន​តម្រូវ​ការ​នៅក្នុង​ការ​រួបរួម​រវាង​គណបក្ស​នយោបាយនា​នា ដើម្បីរក្សានូវសន្ដិភាព និងការអភិវឌ្ឍរយៈពេលវែង។ កា​រចូលរួម​ជាមួយគ្នា ដើម្បីនឹង​ការពារនូវ​ឯករាជ្យ ​អធិបតេយ្យភាព បូរណភាពទឹកដីនៃព្រះរាជាណាចក្រកម្ពុជា។ ការពារ​នូវរបប​រាជា​និយម​អាស្រ័យ​រដ្ឋធម្មនុញ្ញ ការពារនូវលទ្ធិប្រជាធិបតេយ្យសេរីពហុបក្ស ការពារនូវសិទ្ធិមនុស្ស លទ្ធិ​ប្រជាធិបតេយ្យ និងនីតិរដ្ឋ ក៏ដូចជាកិច្ចការ​ផ្សេងទៀត​ដែលរដ្ឋធម្មនុញ្ញ​របស់កម្ពុជា​ប្រគល់ឱ្យ​ពលរដ្ឋ​កម្ពុជាជាអ្នករួបរួមដើម្បីការពារ។ សម្ដេចតេជោ ហ៊ុន សែន បាន​បញ្ជាក់​ថា​គណបក្ស​ប្រជាជន​កម្ពុជា​ត្រៀមទ​ទួល​យក​នូវ​ដៃគូ​ទាំង​អស់​ដែល​ចង់រួបរួមជាមួយនឹងគណបក្សប្រជាជនកម្ពុជា ក្រោមរូបភាពនៃការចងសម្ព័ន្ធភាព កិច្ច​សហ​ប្រតិបត្តិការ ដោយស្មើភាព និងស្មើសិទ្ធិ។ សម្ដេចតេជោថ្លែងថា សម្ដេចបាន​ចាត់​តាំង​ឱ្យ​ក្រុម​ជំនួយ​ការ​ថ្នាក់​ដឹកនាំ​គណបក្ស​ប្រជាជន​កម្ពុជា​ត្រៀម​នូវ​កិច្ច​ព្រម​ព្រៀង​សហ​ប្រតិបត្តិការ​រវាង​គណបក្ស​ទាំង​អស់ដែលនឹងចងសម្ព័ន្ធភាពជាមួយគ្នា ហើយសម្ដេចនឹងជួបជាមួយប្រធាន និង​ថ្នាក់​ដឹកនាំ​គណបក្សនយោបាយនានា នាពេលខាងមុខ ដើម្បីពិភាក្សា​ទៅ​លើ​ខ្លឹមសារ​នៃ​ពង្រាង​នៃ​កិច្ច​ព្រម​ព្រៀងនោះ ហើយក៏នឹងឈានទៅដល់ការចុះហត្ថលេខាលើពិធីសារ ឬកិច្ចព្រមព្រៀង​កិច្ច​សហប្រតិបត្តិការ​រវាងបណ្ដាគណបក្សនយោបាយនៅកម្ពុជាផងដែរ៕ អត្ថបទ៖ វ៉ន ដារ៉ា

កម្ពុជា-វៀតណាម ឯកភាពលើការបន្តលើកកម្ពស់កិច្ចសហប្រតិបត្តិការលើគ្រប់វិស័យ

2023/10/11 07:03:25 pm        131
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បាន​អនុញ្ញាត​ឱ្យ ឯកឧត្តម ង្វៀន ហ៊ុយតាំង ឯកអគ្គរដ្ឋទូតវៀតណាមប្រចំាកម្ពុជា ចូលជួ​ប​សម្តែង​ការ​គួរ​សម និងពិភាក្សាការងារ នាព្រឹកថ្ងៃទី១១ ខែ តុលា ឆ្នាំ២០២៣ នៅវិមានសន្តិភាព។ ជាកិច្ចចាប់ផ្តើមសម្តេចធិបតីនាយករដ្ឋមន្ត្រី បាន​សម្តែង​នូវ​ការ​ស្វាគមន៍​ចំពោះ​វត្ត​មាន​របស់​ឯកឧត្តម​ ឯកអគ្គរដ្ឋទូតវៀតណាម ក្នុងជំនួបថ្ងៃនេះ ដែល​ជា​ឱកាស​ដើម្បី​ពិភាក្សា​អំពី​ការ​បន្ត​ពង្រឹង​ និងពង្រីកកិច្ចសហប្រតិបត្តិការរវាងកម្ពុជា និងវៀតណាម ដែល​មាន​ទំនាក់​ទំនង​ជា​ប្រវត្តិសាស្ត្រ ។ក្នុងឱកាសនៃជំនួបនេះ ឯកឧត្តម ង្វៀន ហ៊ុយតាំង បានស​ម្តែង​នូវ​ការ​អបអរ​សាទរ​សារ​ជា​ថ្មី​ជូន​សម្តេច​ធិបតី​ចំពោះ​ការ​ចូល​កាន់​មុខ​តំណែង​ជា​នាយករដ្ឋមន្រ្តី​នៃ​ព្រះរាជាណាចក្រកម្ពុជា​ព្រម​ទាំង​បាន​ជូន​ពរ សម្តេចធិបតី ទទួលបាននូវជោគជ័យក្នុងភារកិច្ចដ៏ឧត្តុង្គឧត្តមនេះ។ ឯកឧត្តមឯកអគ្គរដ្ឋទូតក៏បានថ្លែងនូវការកោតសរសើរចំពោះការអភិវឌ្ឍឥតឈប់ឈរលើគ្រប់វិស័យ​របស់ប្រទេសកម្ពុជា ជាពិសេសក្នុងរយៈកាលចុងក្រោយនេះ គឺការ​គ្រប់គ្រង​ប្រកបដោយ​ប្រសិទ្ធភាព​នូវ​ការរីករាលដាលនៃជំងឺកូវីដ-១៩ ដែលពិតជា​បាន​បង្ក​លក្ខណៈ​ដល់​ដំណើរ​ការរៀប​ចំ​ព្រឹត្តិការណ៍ជាតិ និងអន្តរជាតិសំខាន់ៗ ជាអាទិ៍៖ កិច្ចប្រជុំកំពូលអាស៊ានលើកទី៤០ និង៤១ ព្រម​ទាំងកិច្ចប្រជុំកំពូលពាក់ព័ន្ធ, ព្រឹត្តិការណ៍ប្រកួតកីទ្បាអាស៊ីអាគ្នេយ៍លើកទី៣២ និងការ​ប្រកួត​កីឡា​អាស៊ានប៉ារ៉ាហេ្គមលើកទី១២ នៅក្នុងឆ្នាំ២០២៣ និងការបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា ជាដើម ។ល។ ឯកឧត្តមអគ្គរដ្ឋទូត ក៏បានសម្តែងផងដែរនូវភាពសប្បាយរីករាយ​ចំពោះ​ទំនាក់​ទំនង​ទ្វេភាគី​កម្ពុជា​-វៀតណាម ដែលមានការរីកចម្រើនលូតលាស់ជាលំដាប់លើគ្រប់វិស័យ ហើយ​រដ្ឋាភិបាល​វៀតណាម​បេ្តជ្ញាពង្រីកកិច្ចសហប្រតិបត្តិការនានាដែលមានស្រាប់នៅគ្រប់កម្រិត ជាពិសេស​វិស័យ​ពាណិជ្ជកម្ម, ទេសចរណ៍, ការពារជាតិ និងសន្តិសុខ ក៏ដូចជានឹ​ង​បន្ត​សំឡឹង​មើល​វិស័យ​សក្តានុ​ពល​ថ្មី​ៗ​បន្ថែមទៀត។ បន្ថែមពីនេះទៀត ឯកឧត្តមឯកអគ្គរដ្ឋទូតវៀតណាម បានបង្ហាញនូវ​បំណង​ក្នុង​ការ​គោរព​អញ្ជើញ​សម្តេច​ធិបតី ទៅបំពេញទស្សនកិច្ចផ្លូវការនៅក្នុងប្រទេសវៀតណាម ក្នុងពេលឆាប់ៗខាងមុខនេះ ។ជាចុងក្រោយ សម្តេចធិបតីនាយករដ្ឋមន្ត្រី និងឯកឧត្តមឯកអគ្គរដ្ឋទូតវៀតណាម បាន​ឯកភាព​លើការបន្តលើកកម្ពស់កិច្ចសហប្រតិបត្តិការលើគ្រប់វិស័យ ជាពិសេសក្នុងវិស័យពាណិជ្ជកម្ម, ទេសចរណ៍ និងការពារជាតិ ។ ដោយឡែក ជំនួបនេះ ក៏បានផ្តោត​ការ​ពិភាក្សា​ផង​ដែរ​អំពីយន្តការ​ត្រី​ភាគី​កម្ពុជា-ឡាវ-វៀតណាម សំដៅពង្រឹង និងពង្រីកកិច្ចសហប្រតិបត្តិការឱ្យកាន់តែជិតស្និទ្ធ និងរឹងមាំបន្ថែមទៀត៕

កម្ពុជា-ប្រេស៊ីល ប្តេជ្ញាបន្តពង្រឹង និងពង្រីកទំនាក់ទំនងកិច្ចសហប្រតិបត្តិការល្អរវាង

2023/10/11 06:16:02 pm        183
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ម៉ៅរូ វីអេរ៉ា (Mauro Vieira) រដ្ឋមន្ត្រីការបរទេសនៃសាធារណរដ្ឋសហព័ន្ធប្រេស៊ីស និង​គណៈ​ប្រតិភូ ចូលជួបសម្តែងការគួរសម និងពិភាក្សាការងារ ក្នុងអំទ្បុង​ពេល​នៃ​ដំណើរ​បំពេញ​ទស្សន​កិច្ចផ្លូ​វការចំនួន ៣ ថ្ងៃ នៅព្រះរាជាណាចក្រកម្ពុជា នាព្រឹកថ្ងៃទី១១ ខែតុលា ឆ្នាំ​២០២៣​នេះ​នៅ​វិមានសន្តិភាព។ក្នុង​ជំនួបនេះ សម្តេចធិបតីនាយករដ្ឋមន្ត្រី បាន​សម្តែង​នូវ​ការ​ស្វាគមន៍​ចំពោះ​ការ​អញ្ជើញ​មក​បំពេញ​ទស្សន​កិច្ចផ្លូវការរបស់ ឯកឧត្តមរដ្ឋមន្ត្រីការបរទេសប្រេស៊ីល នាពេលនេះ និង​បាន​ធ្វើ​ការ​វាយ​តម្លៃ​ខ្ពស់ចំពោះលទ្ធផលនៃកិច្ចសហប្រតិបត្តិការកន្លងមករវាងប្រទេសទាំងពីរ ព្រម​ជា​មួយ​នឹង​ក្តី​សង្ឃឹមថា ទំនាក់ទំនងដ៏ល្អនេះនឹងកាន់តែត្រូវបានពង្រឹង និងពង្រីកបន្ថែមទៀត ខ​ណៈ​ពេល​ដែល​កម្ពុជា​មានរាជរដ្ឋាភិបាលថ្មី ប៉ុន្តែគោលនយោបាយការបរទេស ជាពិសេស​ក្នុង​ទំនាក់​ទំនង​រវាង​កម្ពុជា-ប្រេស៊ីល នៅរក្សាដដែល។ក្នុងឱកាសនោះ ឯកឧត្តម ម៉ៅរូ វីអេរ៉ា បានគោរពប្រគល់ជូនសម្តេចធិបតី នូវ​លិខិត​អបអរ​សាទរ​របស់ ឯកឧត្តមប្រធានាធិបតីប្រេស៊ីល ក្នុងឱកាសដែល សម្តេចធិបតី ចូល​កាន់​មុខ​តំណែង​ជា​នាយករដ្ឋ​មន្រ្តី នៃព្រះរាជាណាចក្រកម្ពុជា ហើយក៏បាន​ធ្វើ​ការ​បញ្ជាក់​ផង​ដែរ​នូវ​បំណង​ក្នុង​ការ​បង្កើន​កិច្ច​សហប្រតិបត្តិការលើវិស័យពាណិជ្ជកម្ម, អប់រំ, សុខាភិបាល និងការ​ផ្លាស់​ប្តូរ​វប្បធម៌​រវាង​ប្រទេស​ទាំង​ពីរ ឱ្យកាន់តែខ្លាំងក្លាបន្ថែមទៀត។ ទន្ទឹមនឹងនេះឯកឧត្តមរដ្ឋមន្ត្រី បានសម្តែងនូវ​ក្តី​រីក​រាយ​សាទ​រ​ចំពោះ​ការ​សម្រេច​ចិត្ត​របស់​រាជ​រដ្ឋាភិបាល​កម្ពុជា​ក្នុងការបើកស្ថានឯកអគ្គរាជទូតកម្ពុជានៅក្នុងប្រទេសប្រេស៊ីល ហើយ​ក៏​បាន​ជម្រាប​ផង​ដែរថា ប្រេស៊ីល​ក៏​គ្រោង​នឹង​បើក​ស្ថាន​ឯក​អគ្គ​រដ្ឋទូត​របស់​ខ្លួន​នៅ​រាជ​ធានី​ភ្នំពេញ​ក្នុង​ឆ្នាំ​២០២៤​ ខាងមុខនេះ ស្របពេលនៃខួបអនុស្សាវរីយ៍លើកទី៣០ នៃទំនាក់ទំនងការទូតកម្ពុជា-ប្រេស៊ីល ។ ជាងនេះទៀត ឯកឧត្តម រដ្ឋមន្ត្រីការបរទេសប្រេស៊ីល ក៏បាន​សម្តែង​នូវ​ការ​អរគុណ​ចំពោះ​កម្ពុជា ដែលបានគាំទ្រប្រទេសប្រេស៊ីលឱ្យក្លាយជាដៃគូសន្ទនាតាមវិស័យរបស់អាស៊ាន នៅ​រាជ​ធានី​ភ្នំពេញ ក្នុងអំឡុងពេលដែលកម្ពុជាធ្វើជាប្រធានអាស៊ានឆ្នាំ២០២២ ។ទន្ទឹមនឹងនេះផងដែរ សម្តេចធិបតីនាយករដ្ឋមន្ត្រី និង ឯកឧត្តមរដ្ឋមន្ត្រីការបរទេសប្រេស៊ីល ក៏​បាន​ឯកភាព​គ្នាពង្រីកកិច្ចសហប្រតិបត្តិការក្នុងវិស័យទេសចរណ៍, កសិកម្ម, និងទំនាក់​ទំនង​រវាង​ប្រជាជន និងប្រជាជន ព្រមទាំងបានពិភាក្សាអំពីបញ្ហាមួយចំនួនទៀត ដែលជា​ផល​ប្រយោជន៍​រួម​។ ជាចុងក្រោយ ឯកឧត្តមរដ្ឋមន្ត្រីការបរទេសប្រេស៊ីល បានគោរពអញ្ជើញ សម្តេចធិបតី ទៅ​បំពេញ​ទស្សន​កិច្ច​នៅក្នុងប្រទេសប្រេស៊ីល ក្នុងពេលវេលាសមស្របណាមួយ ។ ជាការឆ្លើយតប សម្តេច​ធិបតី បានទទួលយកការអញ្ជើញនេះដោយក្តីរីករាយ និងបានបង្ហាញអំពីបំណងក្នុងការអញ្ជើញ ឯកឧត្តម​ប្រធានាធិបតីប្រេស៊ីល មកបំពេញទស្សនកិច្ចនៅកម្ពុជាវិញ ជាពិសេស​នៅ​ក្នុង​ឆ្នាំ​២០២៤​ ខាងមុខនេះ ដែលជាឆ្នាំនៃការប្រារព្ធខួបលើកទី៣០ នៃចំណងការទូតផ្លូវការកម្ពុជា-ប្រេស៊ីល ព្រមជាមួយការបើកដំណើរការស្ថានអគ្គរដ្ឋទូតប្រេស៊ីលប្រចាំនៅកម្ពុជាផងដែរ៕

រាជរដ្ឋាភិបាលកម្ពុជា ផ្តល់ប្រាក់ឧបត្ថម្ភ ៥ម៉ឺនរៀល ជូនដល់មន្ត្រីរាជការស៊ីវិល ក្នុងឱកាសបុណ្យភ្ជុំបិណ្ឌប្រពៃណីជាតិ ឆ្នាំ២០២៣

2023/10/11 04:10:08 pm        705
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា បានផ្តល់ប្រាក់ឧបត្ថម្ភ ចំនួន ៥០ ០០០ រៀល (ប្រាំម៉ឺន)ក្នុងម្នាក់ នា​ឱកាស​បុណ្យភ្ជុំបិណ្ឌប្រពៃណីជាតិឆ្នាំ២០២៣ ដំណាលគ្នាជាមួយ​នឹង​ការ​ផ្តល់​បៀវត្ស​ប្រចាំ​ខែ​តុលា​។ នេះបើយោងអនុក្រឹត្យលេខ៧១ អនក្រ.បក ចុះថ្ងៃទី៣១ ខែមីនា ឆ្នាំ២០២៣ ស្តីពីការផ្តល់ប្រាក់ឧបត្ថម្ភក្នុងឱកាសពិធីបុណ្យចូលឆ្នាំថ្មីប្រពៃណីជាតិ និងយោងសេចក្តីជូនដំណឹងស្តីពី «ការបើកផ្តល់ប្រាក់បៀវត្សជូនមន្ត្រីរាជការស៊ីវិលសម្រាប់ខែតុលា ឆ្នាំ២០២៣» របស់ក្រសួងមុខងារសាធារ ចេញផ្សាយកាលពីថ្ងៃទី១៣ ខែកញ្ញា ឆ្នាំ២០២៣។ សូមជម្រាបជូនថា ការផ្តល់ប្រាក់ឧបត្ថម្ភរបស់រាជរដ្ឋាភិបាលក្នុងឱកាសពិធីបុណ្យជាតិសំខាន់ៗ រួមមានពិធីបុណ្យភ្ជុំបិណ្ឌ និងចូលឆ្នាំប្រពៃណីខ្មែរ បានចាប់ផ្តើមអនុវត្តតាំងពីអាណត្តិមុនៗមក ក្រោម​ការដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ហើយ​បាន​បន្ត​អនុវត្ត និងផ្តល់ជូនក្នុងអាណត្តិទី៧ ក្រោមការដឹកនាំដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយ​ផ្អែក​លើ​លទ្ធភាព​ដែល​រាជរដ្ឋាភិបាល​បាន​សន្សំ​សំចៃ ដើម្បីចែករំលែកដល់មន្ត្រីរាជការគ្រប់ប្រភេទ។ គួររម្លឹកផងដែរថា ក្នុងដំណាក់កាលនៃការរាតត្បាតជំងឺកូវីដ-១៩ បើទោះ​បី​ប្រទេស​កំពុង​ជួប​វិបត្តិ​ទាំង​សេដ្ឋកិច្ច និងសង្គម ប្រាក់បៀវត្ស និងប្រាក់ឧបត្ថម្ភផ្សេងៗរបស់មន្រ្តីរាជការស៊ីវិល មន្រ្តី​ជាប់​កិច្ច​សន្យា មន្រ្តីក្រុមប្រឹក្សារាជធានី ខេត្ត ក្រុង ស្រុក ខណ្ឌ ឃុំ សង្កាត់ និងមន្រ្តីភូមិ ត្រូវ​បាន​បើក​ផ្តល់​ជា​ទៀង​ទាត់។ ខណៈនោះដែរ រាជរដ្ឋាភិបាលកម្ពុជា ទោះបីមិនត្រូវបានដំឡើង ប៉ុន្តែ​ប្រាក់​បៀ​វត្ស​ និងប្រាក់ឧបត្ថម្ភមិនត្រូវបានកាត់បន្ថយឡើយ ហើយ​ការ​ផ្តល់​ប្រាក់​ឧបត្ថម្ភ​ជូន​មន្រ្តីរា​ជ​ការ​ក្នុង​ឱកាស​ពិធី​បុណ្យចូលឆ្នាំប្រពៃណីជាតិ និងពិធីបុណ្យភ្ជុំបិណ្ឌ នៅផ្តល់ជូនជាធម្មតា។ ការណ៍នេះ បានសបញ្ជាក់យ៉ាងច្បាស់ពីកិច្ចខិតខំប្រឹងប្រែង និង​ការ​យក​ចិត្តទុកដា​ក់​ខ្ពស់​បំផុត​របស់​ប្រមុខ​រាជរដ្ឋាភិបាល ពីមួយដំណាក់កាលទៅមួយដំណាក់កាល ក្នុងការបន្ត​ការ​ពារ​អត្ថ​ប្រយោជន៍​ ការឧបត្ថម្ភគាំទ្រ និងលើកទឹកចិត្តដល់មន្ត្រីរាជការគ្រប់ប្រភេទ ដែលបាន និង​កំពុង​បំពេញ​បេសកកម្មបម្រើប្រជាជន និងប្រទេសជាតិ៕

បណ្ដាញសង្គម

ព័ត៌មានថ្មីៗ

លោក TRUMP បញ្ជាក់ថា ប្រក្រតីភាពទំនាក់ទំនងអារ៉ាប៊ីសាអ៊ូឌីត-អ៊ីស្រាអែល គឺអាចធ្វើទៅបាន
07/31/2026 03:07 PM
Facebook Telegram Linkin
អ៊ីស្រាអែលអះអាងថា ខ្លួនបានបំផ្លាញផ្លូវរូងក្រោមដីរបស់ក្រុមហេសបូឡានៅនៅភាគខាងត្បូងលីបង់
07/31/2026 03:07 PM
Facebook Telegram Linkin
រដ្ឋាភិបាលអង់គ្លេស៖ ជនអន្តោប្រវេសន៍ជាង ៧៥០នាក់ ធ្វើដំណើរឆ្លងសមុទ្រ ជាកំណត់ត្រាប្រចាំថ្ងៃ ក្នុងឆ្នាំ ២០២៦
07/31/2026 03:07 PM
Facebook Telegram Linkin
មេដឹកនាំហ៊ូទីព្រមានថា ភាពតានតឹងនឹងកើនឡើងកាន់តែខ្លាំង បើអារ៉ាប៊ីសាអ៊ូឌីតបង្កើនប្រតិបត្តិការយោធារបស់ខ្លួន
07/31/2026 03:07 PM
Facebook Telegram Linkin
Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយ​កិច្ច​សន្យា​ដល់ឆ្នាំ២០៣២
07/31/2026 02:07 PM
Facebook Telegram Linkin
ក្មេងទំនើងដែលបង្កហិង្សា និងអះអាងថាខ្លួនជាកូនខ្លាមេ០៧ ត្រូវ​បាន​អាវុធ​ហត្ថ​បញ្ជូន​ដល់​ដំណាក់​កាល​អយ្យការហើយ
07/31/2026 02:07 PM
Facebook Telegram Linkin
អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup
07/31/2026 02:07 PM
Facebook Telegram Linkin
តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?
07/31/2026 01:07 PM
Facebook Telegram Linkin
អ្នកស្វែងរកការងារជាង ១០០នាក់ ទទួលបានលទ្ធផលល្អក្នុងវេទិកាការងារ និងកិច្ចសម្ភាសន៍ការងាររបស់ NEA
07/31/2026 01:07 PM
Facebook Telegram Linkin
អង្គការមជ្ឈមណ្ឌលវប្បធម៌ខ្មែរកម្ពុជាក្រោម ចុះចែក និងផ្តល់សម្ភារៈសិក្សាដល់សិស្សមានជីវភាពខ្វះខាត និងកុមារកំព្រាចំនួន ៥៤នាក់នៅភូមិគោកឃ្លាង សង្កាត់គោកឃ្លាង ខណ្ឌសែនសុខ
07/31/2026 01:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.