BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

បំណាក់ដីនៅប្រទេសកុងហ្គោភាគខាងកើតបណ្តាលឲ្យមនុស្សយ៉ាងហោចណាស់ ២១នាក់ស្លាប់

កុងហ្គោ៖ រដ្ឋាភិបាលខេត្ត និងមន្ត្រីក្នុងតំបន់បាននិយាយកាលពីថ្ងៃចន្ទថា មនុស្សយ៉ាងហោចណាស់ ២១នាក់បានស្លាប់ និងច្រើននាក់ផ្សេងទៀតកំពុងបាត់ខ្លួន បន្ទាប់ពីមានមហន្តរាយបំណាក់ដីនៅភាគខាងកើតសាធារណរដ្ឋប្រជាធិបតេយ្យកុងហ្គោ។ លោក Voltaire Batundi អ្នកដឹកនាំសង្គមស៊ីវិលនៅតំបន់ Masisi បាននិយាយថា សាកសពស្ត្រី ៨នាក់ និងកុមារ ១៣នាក់ត្រូវបានរកឃើញ បន្ទាប់ពីបំណាក់ដីបានវាយប្រហារទន្លេមួយក្នុងតំបន់ Bolowa កាលពីថ្ងៃអាទិត្យ ខណៈអ្នកទាំងនេះកំពុងបោកគក់សំលៀកបំពាក់ និងលាងសម្អាតឧបករណ៍ផ្ទះបាយ។ ពលរដ្ឋនិយាយថា នៅម៉ោងប្រហែល ១១.៣០នាទីព្រឹកបំណាក់ដីបានកើតឡើង ស្ត្រី និងកុមារកំពុងបោកគក់សំលៀកបំពាក់ដែលពួកគេទាំងអស់ត្រូវបានកប់ គ្មាននរណាម្នាក់ចេញមកក្រៅរួចនោះទេ។ រហូតមកដល់ពេលនេះ យើងទាញយកបានសាកសព ២១នាក់មានស្ត្រី ៧នាក់ និងកុមារ ១៤នាក់។ នោះហើយជារបៀបដែលគ្រោះមហន្តរាយបានកើតឡើងកាលពីម្សិលមិញ យើងគ្មានជំនួយនោះទេក្រៅពីក្រុមយុវជននៅក្នុងភូមិ និងមកពីភូមិនានាដែលនៅជិតខាង៕អត្ថបទ៖ ប៊ុនថន

សម្ព័ន្ធយោធាណាតូនិយាយថា ហ្វាំងឡង់នឹងចូលជាសមាជិក NATO នៅថ្ងៃអង្គារនេះ

អឺរ៉ុប៖ អគ្គលេខាធិការសម្ព័ន្ធយោធាណាតូលោក Jens Stoltenberg បាននិយាយថា ប្រទេសហ្វាំងឡង់នឹងក្លាយជាសមាជិកទី៣១ របស់សម្ព័ន្ធយោធាដ៏ធំបំផុតរបស់ពិភពលោកនៅថ្ងៃអង្គារនេះ ដោយជំរុញឱ្យមានការព្រមានពីប្រទេសរុស្ស៊ីថា ខ្លួននឹងពង្រឹងការការពាររបស់ខ្លួនជាការឆ្លើយតប។ លោក Stoltenberg បាននិយាយនៅទីក្រុងប្រ៊ុចសែលថា នេះគឺជាសប្តាហ៍ប្រវត្តិសាស្ត្រ។ ចាប់ពីថ្ងៃអង្គារនេះ ប្រទេសហ្វាំងឡង់នឹងក្លាយជាសមាជិកពេញលេញរបស់សម្ព័ន្ធយោធានេះ។ លោកនិយាយថា លោកសង្ឃឹមថា ប្រទេសស៊ុយអែតដែលបានដាក់ពាក្យស្នើសុំចូលជាសមាជិក ក្នុងពេលតែមួយជាមួយប្រទេសហ្វាំងឡង់ដែរនោះ ក៏នឹងអាចចូលរួមជាសមាជិកសម្ព័ន្ធយោធាណាតូក្នុងរយៈពេលប៉ុន្មានខែខាងមុខនេះ។ អតីតនាយករដ្ឋមន្ត្រីន័រវេសបាននិយាយថា យើងនឹងលើកទង់ជាតិប្រទេសហ្វាំងឡង់ជាលើកដំបូងនៅទីនេះ នៅទីស្នាក់ការសម្ព័ន្ធយោធាណាតូ។ វានឹងក្លាយជាថ្ងៃដ៏ប្រសើរសម្រាប់សន្តិសុខរបស់ប្រទេសហ្វាំងឡង់ សម្រាប់សន្តិសុខប្រទេសនៅអឺរ៉ុបខាងជើង និងសម្រាប់ប្រទេសសម្ព័ន្ធណាតូទាំងអស់។ លោក Stoltenberg និយាយថា ទួរគីដែលជាប្រទេសចុងក្រោយរបស់សម្ព័ន្ធយោធា NATO ដែលបានផ្តល់សច្ចាប័នលើសមាជិកភាពរបស់ហ្វាំងឡង់ នឹងប្រគល់ឯកសារផ្លូវការរបស់ខ្លួនទៅឱ្យរដ្ឋមន្ត្រីការបរទេសសហរដ្ឋអាមេរិកលោក Antony Blinken នៅថ្ងៃអង្គារនេះ។ ប្រធានាធិបតីហ្វាំងឡង់លោក Sauli Niinistö និយាយនៅក្នុងសេចក្តីថ្លែងការណ៍ថា វាគឺជាពេលវេលាប្រវត្តិសាស្ត្រមួយសម្រាប់ពួកយើង។ សម្រាប់ប្រទេសហ្វាំងឡង់ គោលបំណងដ៏សំខាន់បំផុតនៅក្នុងកិច្ចប្រជុំគឺដើម្បីបញ្ជាក់ពីការគាំទ្ររបស់ណាតូចំពោះអ៊ុយក្រែន ខណៈរុស្ស៊ីបន្តការវាយលុកដោយខុសច្បាប់របស់ខ្លួន។ អនុរដ្ឋមន្ត្រីការបរទេសរុស្ស៊ីលោក Alexander Grushko បាននិយាយថា ទីក្រុងមូស្គូនឹងឆ្លើយតបចំពោះប្រទេសហ្វាំងឡង់ ដែលក្លាយជាសមាជិកណាតូដោយការពង្រឹងការការពាររបស់ខ្លួន។ លោក Grushko បាននិយាយថា យើងនឹងពង្រឹងសក្តានុពលយោធារបស់យើងនៅភាគខាងលិច និងនៅភាគពាយ័ព្យ។ ក្នុងករណីមានការដាក់ពង្រាយកងកម្លាំងរបស់សម្ព័ន្ធយោធាណាតូផ្សេងទៀត នៅលើទឹកដីប្រទេសហ្វាំងឡង់ យើងមានចំណាត់ការបន្ថែមទៀតដើម្បីធានាបានសន្តិសុខយោធារបស់រុស្ស៊ី៕អត្ថបទ៖ ប៊ុនថន

សម្ដេចតេជោ ហ៊ុន សែន ដឹកនាំគណៈប្រតិភូជាន់ខ្ពស់នៃរាជរដ្ឋាភិបាលធ្វើដំណើរទៅដល់ប្រទេសឡាវហើយ

ភ្នំពេញ៖ នៅវេលាម៉ោង១០និង២០នាទី ព្រឹកថ្ងៃទី៤ ខែមេសា ឆ្នាំ២០២៤នេះ សម្ដេចតេជោ ហ៊ុន សែន នាយករដ្ឋមន្ត្រី បានដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជាធ្វើដំណើរទៅដល់ទីក្រុងវៀងច័ន្ទ ប្រទេសឡាវហើយ ដើម្បីចូលរួមកិច្ចប្រជុំកំពូលគណៈកម្មការទន្លេមេគង្គលើកទី៤ ក្រោមមូលបទ “នវានុវត្តន៍ និងកិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក និងប្រកបដោយចីរភាព” ។វត្តមានសម្តេចតេជោនាយករដ្ឋមន្រ្តី ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរាក់ទាក់ ពីសំណាក់ឥស្សរជនជាន់ខ្ពស់រដ្ឋាភិបាលឡាវ ឯកឧត្តម លោកជំទាវ ជាឥស្សរជនការទូត របស់ព្រះរាជាណាចក្រកម្ពុជា ប្រចាំសាធារណរដ្ឋប្រជាធិបតេយ្យប្រជាមានិតឡាវ ជាច្រើនរូប។ តាមកម្មវិធីដែលគ្រោងទុក នៅព្រឹកថ្ងៃទី៥ ខែមេសា ឆ្នាំ២០២៣ស្អែកនេះ សម្តេចតេជោនាយករដ្ឋមន្រ្តី នឹងអញ្ជើញទទួលទានអាហារពេលព្រឹកការងារជាមួយ ឯកឧត្តមនាយករដ្ឋមន្រ្តីឡាវ វៀតណាម មុននឹងអញ្ជើញចូលរួមកិច្ចប្រជុំកំពូលគណៈកម្មការទន្លេមេគង្គលើកទី៤ ក្រោមមូលបទ “នវានុវត្តន៍ និង កិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក និងប្រកបដោយចីរភាព”៕

ការស្ទង់មតិរបស់ទូរទស្សន៍ CNN៖ ពលរដ្ឋអាមេរិកភាគច្រើនគាំទ្រឲ្យមានការចោទប្រកាន់លោក Trump

អាមេរិក៖ ចំនួន ៦០% នៃជនជាតិអាមេរិកបានយល់ព្រមលើការចោទប្រកាន់លើអតីតប្រធានាធិបតី Donald Trump នេះបើយោងតាមការស្ទង់មតិថ្មីពីទូរទស្សន៍ CNN ដែលធ្វើឡើងដោយក្រុមហ៊ុន SQL Server Reporting Services(SSRS) បន្ទាប់ពីព័ត៌មានដែលថា គណៈវិនិច្ឆ័យនៅទីក្រុងញូវយ៉កបានបោះឆ្នោតឲ្យចោទប្រកាន់រូបលោក ទាក់ទងនឹងការបង់ប្រាក់បំបិទមាត់ឲ្យទៅតារាភាពយន្តអាសអាភាសនាង Stormy Daniels។ប្រហែល ៣ភាគ៤ នៃជនជាតិអាមេរិកនិយាយថា នយោបាយយ៉ាងហោចណាស់មានតួនាទីមួយចំនួនក្នុងការសម្រេចចិត្តចោទប្រកាន់លោក Trump រួមទាំង ៥២% ដែលបាននិយាយថា វាដើរតួយ៉ាងសំខាន់។ ក្រុមអ្នកឯករាជ្យភាគច្រើនតម្រង់ជួរគាំទ្រការចោទប្រកាន់នេះដោយមាន ៦២% យល់ព្រម និង ៣៨% មិនយល់ព្រម។ គណបក្សប្រជាធិបតេយ្យគឺស្ទើរតែទាំងស្រុងគាំទ្រចំពោះការចោទប្រកាន់ដោយមាន ៩៤% យល់ព្រម រួមទាំង ៧១% ដែលគាំទ្រយ៉ាងខ្លាំងចំពោះការចោទប្រកាន់នេះ ជាមួយគ្នានោះក្រុមមកពីគណបក្សសាធារណរដ្ឋមិនសូវរួបរួមក្នុងការប្រឆាំងចំនួន ៧៩% មិនយល់ព្រម និង ៥៤% មិនគាំទ្រទាំងស្រុង។ ខណៈការបង្ហាញទស្សនៈលើការចោទប្រកាន់ត្រូវបានបំបែកតាមជួរគណបក្ស ការស្ទង់មតិបានរកឃើញថា ភាគច្រើននៅទូទាំងប្រជាសាស្ត្រសំខាន់ៗ ដែលមានការបែកបាក់គ្នាទាំងអស់យល់ព្រមលើការសម្រេចចិត្ត ក្នុងការចោទប្រកាន់អតីតប្រធានាធិបតី។នោះរួមបញ្ចូលយេនឌ័រ ៦២% នៃស្ត្រី ៥៨% នៃបុរស ក្រុមរើសអើងពូជសាសន៍ និងជនជាតិភាគតិច ៨២% នៃមនុស្សពេញវ័យស្បែកខ្មៅ ៧១% នៃមនុស្សពេញវ័យនិយាយភាសាអេស្ប៉ាញ មនុស្សពេញវ័យស្បែកស ៥១% មនុស្សវ័យចំណាស់ ៦៩% ក្រោមអាយុ ៣៥ឆ្នាំ ៦២% អាយុ ៣៥ដល់ ៤៩ឆ្នាំមាន ៥៣% អាយុចាប់ពី ៥០ដល់ ៦៤ឆ្នាំ ៥៤%។ ទូរទស្សន៍ CNN បានរាយការណ៍ថា អតីតប្រធានាធិបតីរូបនេះប្រឈមនឹងបទចោទប្រកាន់ជាង ៣០ករណីទាក់ទងនឹងការក្លែងបន្លំអាជីវកម្ម ប៉ុន្តែការចោទប្រកាន់នៅតែស្ថិតក្រោមការបិទបាំង ហើយការចោទប្រកាន់មិនត្រូវបានបង្ហាញសាធារណៈ នៅពេលនៃការស្ទង់មតិនោះទេ៕អត្ថបទ៖ សុខមាន

នាយករដ្ឋមន្ត្រីអ៊ីស្រាអែលបានផ្អាកបណ្តោះអាសន្នការបណ្តេញចេញរដ្ឋមន្ត្រីការពារជាតិ

អ៊ីស្រាអែល៖ យោងតាមប្រភពដ៏ជិតស្និទ្ធមួយបាននិយាយកាលពីថ្ងៃចន្ទថា នាយករដ្ឋមន្ត្រីអ៊ីស្រាអែលលោក Benjamin Netanyahu នឹងពន្យារពេលការបណ្តេញចេញរដ្ឋមន្ត្រីការពារជាតិលោក Yoav Gallant ដែលបានប្រកាសកាលពីមួយសប្តាហ៍មុន បន្ទាប់ពីរដ្ឋមន្ត្រីរូបនេះបានអំពាវនាវឱ្យផ្អាក ការផ្លាស់ប្តូរប្រព័ន្ធតុលាការរបស់រដ្ឋាភិបាល។ លោក Gallant និងលោក Netanyahu បានបង្ហាញខ្លួនជាសាធារណៈជាមួយគ្នាកាលពីល្ងាចថ្ងៃចន្ទ ក្នុងអំឡុងពេលដំណើរទស្សនកិច្ចទៅកាន់មូលដ្ឋានយោធាមួយកន្លែង ដើម្បីអបអរកងទ័ពសម្រាប់ថ្ងៃឈប់សម្រាកបុណ្យសាសនា។ លោក Netanyahu បាននិយាយថា អ្វីដែលសំខាន់បំផុតលោកនឹងនិយាយតាមរបៀបនេះ គឺត្រូវចាកចេញពីនយោបាយតាមច្រកទ្វារមូលដ្ឋាន ដើម្បីរួមគ្នាការពារភាពខ្លាំងរបស់អ៊ីស្រាអែល។ លោក Netanyahu បានប្រកាសថា លោកបណ្តេញលោក Gallant កាលពីថ្ងៃទី២៦ ខែមីនា បន្ទាប់ពីការអំពាវនាវជាសាធារណៈរបស់រដ្ឋមន្ត្រីការពារជាតិរបស់លោករូបនេះ ដើម្បីផ្អាកផែនការដ៏ចម្រូងចម្រាសខ្លាំងសម្រាប់ប្រព័ន្ធតុលាការ។ ផែនការដែលនឹងមើលឃើញការរឹតបន្តឹងការគ្រប់គ្រងរបស់រដ្ឋាភិបាលលើការតែងតាំងតុលាការ និងផ្តល់ឱ្យសភានូវអំណាចដើម្បីលុបចោលសេចក្តីសម្រេចរបស់តុលាការកំពូល ដែលបានបង្កឱ្យមានបាតុកម្មនៅទូទាំងប្រទេសមិនធ្លាប់មានពីមុនមក ដែលមួយចំនួនពាក់ព័ន្ធនឹងទាហានបម្រុង ដោយនិយាយថា ពួកគេអាចបដិសេធការកេណ្ឌយោធា។ ដោយភាពតានតឹងកំពុងកើនឡើងខ្ពស់ ក្នុងអំឡុងខែដ៏ពិសិដ្ឋរបស់ពលរដ្ឋមូស្លីមនៃខែបុណ្យរ៉ាម៉ាដាន ដែលឆ្នាំនេះស្របគ្នានឹងបុណ្យសាសនារបស់ជនជាតិជ្វីហ្វ លោក Netanyahu បានសម្រេចផ្អាកការដាក់ជំនួសអតីតឧត្ដមនាវីឯកកងទ័ពជើងទឹក រហូតដល់ពេលវេលាដែលមិនបានបញ្ជាក់។ ខណៈការតវ៉ាបានបន្តក្នុងពេលមានការកើនឡើងការព្រួយបារម្ភជាអន្តរជាតិ លោក Netanyahu បានបន្ធូរបន្ថយ និងផ្អាកកំណែទម្រង់ដែលមានការប្រឆាំង ដើម្បីអនុញ្ញាតឱ្យមានការចរចាសម្របសម្រួលជាមួយគណបក្សប្រឆាំង៕អត្ថបទ៖ ប៊ុនថន

ម៉ាឡេស៊ីនឹងបញ្ចប់ការកាត់ទោសប្រហារជីវិតជាកាតព្វកិច្ចទាំងអស់ ខណៈទោសប្រហារជីវិតមានកាន់តែតិចនៅអាស៊ីអាគ្នេយ៍

ម៉ាឡេស៊ី៖ សភាម៉ាឡេស៊ីបានអនុម័តច្បាប់មួយកាលពីថ្ងៃចន្ទ ដើម្បីលុបបំបាត់ការកាត់ទោសប្រហារជីវិតជាកាតព្វកិច្ច ដោយក្រុមសិទ្ធិមនុស្សស្វាគមន៍ការបោះឆ្នោតនេះថាជា "ជំហានសំខាន់" ដែលអាចធ្វើឲ្យការកាត់ទោសប្រហារជីវិតមានកាន់តែតិច នៅកន្លែងផ្សេងទៀតក្នុងតំបន់អាស៊ីអាគ្នេយ៍។ ការផ្តន្ទាទោសសម្រាប់បទល្មើសជាច្រើនរួមទាំងឃាតកម្ម និងការជួញដូរគ្រឿងញៀន ពីមុនមកមានទោសប្រហារជីវិតដោយស្វ័យប្រវត្តិដែលពុំផ្តល់សិទ្ធិឲ្យចៅក្រមបដិសេធឡើយ។ សេចក្ដីស្នើច្បាប់នេះពុំបានលុបចោលទោសប្រហារជីវិតទេ ប៉ុន្តែជាការផ្ដល់ជម្រើសឲ្យក្រុមចៅក្រមក្នុងការបន្ថែមរយៈពេលជាប់ពន្ធនាគារចន្លោះពី ៣០ ទៅ ៤០ឆ្នាំក្រោមលក្ខខណ្ឌច្បាស់លាស់។ ថ្លែងនៅចំពោះមុខសភាជាន់ទាបនៃសភាម៉ាឡេស៊ី អនុរដ្ឋមន្ត្រីផ្នែកច្បាប់លោក Ramkarpal Singh បាននិយាយថា យើងមិនអាចព្រងើយកន្តើយចំពោះសិទ្ធិរស់រានមានជីវិត តាំងពីកំណើតសម្រាប់មនុស្សគ្រប់រូបបានឡើយ។ ប្រទេសម៉ាឡេស៊ីបានផ្អាកការកាត់ទោសប្រហារជីវិតចាប់តាំងពីឆ្នាំ២០១៨ មក ប៉ុន្តែតុលាការបានបន្តបញ្ជូនអ្នកទោសដល់ការកាត់ទោសប្រហារជីវិត។ មានបទល្មើសឧក្រិដ្ឋកម្មចំនួន ៣៤ករណីដែលត្រូវផ្តន្ទាទោសប្រហារជីវិតនៅក្នុងប្រទេសម៉ាឡេស៊ី ក្នុងនោះ ១១ករណីមុនថ្ងៃចន្ទដែលបានអនុវត្តទោសប្រហារជីវិតជាកាតព្វកិច្ច។ បច្ចុប្បន្នមានអ្នកទោសបែបនេះចំនួន ១.៣៤១នាក់នៅក្នុងប្រទេសដែលមានជាង ៦០% នៃអ្នកទាំងនោះបានទទួលការកាត់ទោសជាកាតព្វកិច្ច យោងទៅតាមការវាយតម្លៃរបស់អង្គការលើកលែងទោសអន្តរជាតិ៕អត្ថបទ៖ សុខមាន

អ្នកគាំទ្រលោក Trump នៅក្រៅទីក្រុងរមណីយដ្ឋាន Mar-A-Lago សន្យាគាំទ្រ ខណៈលោកចេញដំណើរមកញូវយ៉ក

អាមេរិក៖ អ្នកគាំទ្រលោក Donald Trump រាប់សិបនាក់បាននាំគ្នាចេញមកគាំទ្រនៅរដ្ឋ Florida កាលពីថ្ងៃចន្ទ ដោយបានគ្រវីដៃស្វាគមន៍ក្បួនរថយន្តរបស់លោក ដែលកំពុងធ្វើដំណើរពីទីក្រុងរមណីយដ្ឋាន Mar-A-Lago ទៅកាន់អាកាសយានដ្ឋាន West Palm Beach ជាកន្លែងដែលលោក Trump ចេញដំណើរទៅកាន់ទីក្រុងញូវយ៉ក ដើម្បីចូលបង្ហាញខ្លួននៅតុលាការ។ អ្នកគាំទ្រលោក Cindy Falco បានប្រាប់សារព័ត៌មាន Reuters ថា លោកគ្រាន់តែអាចស្រមៃថា ប្រធានាធិបតី Donald Trump កំពុងឆ្លងកាត់ភាពមិនច្បាស់លាស់។ លោកដឹងថា លោក Donald Trump ក៏ជាអ្នកជឿជាក់ម្នាក់ដែរ។ ការទន្ទឹងរង់ចាំ និងការរំភើបចិត្តរបស់ក្រុមមនុស្សកាន់តែកើនឡើងខ្លាំង ដោយការឆ្លងកាត់ជាច្រើននាទី និងមានសំឡេងស្រែកគាំទ្រពីអ្នកឈរមើល។ មន្ត្រីតុលាការបាននិយាយថា ការចូលបង្ហាញខ្លួនតាមការគ្រោងទុកនៅវេលាម៉ោង ២ និង ១៥នាទីរសៀលថ្ងៃអង្គារម៉ោងក្នុងតំបន់។ ការិយាល័យរបស់លោក Trump បាននិយាយថា បន្ទាប់មកលោក Trump នឹងត្រលប់ទៅរដ្ឋ Florida វិញ ហើយថ្លែងសុន្ទរកថាពីទីក្រុងរមណីយដ្ឋាន Mar-a-Lago នៅម៉ោង ៨:១៥នាទីយប់ម៉ោងក្នុងតំបន់។ លោក Trump បាននិយាយនៅលើប្រព័ន្ធផ្សព្វផ្សាយសង្គមថា លោកទៅកាន់អគារ Trump Tower ក្នុងតំបន់ Manhattan បន្ទាប់ពីបានមកដល់ទីក្រុង New York ហើយនឹងធ្វើដំណើរទៅកាន់តុលាការនៅព្រឹកថ្ងៃអង្គារនេះ។ ដោយមានគ្រវីទង់ជាតិ និងបដានៅសងខាងផ្លូវ ក្រុមអ្នកគាំទ្ររបស់លោក Trump បានរង់ចាំបង្ហាញការគាំទ្ររបស់ពួកគេនៅព្រលានយន្តហោះ និងនៅលើផ្លូវដែលលោកត្រូវបានគេរំពឹងថា នឹងធ្វើដំណើរទៅកាន់ទីក្រុង New York៕អត្ថបទ៖ ប៊ុនថន

លោក Trump កំពុងស្ថិតនៅក្នុងទីក្រុងញូវយ៉កនៅមុនពេលបង្ហាញខ្លួននៅតុលាការជាប្រវត្តិសាស្ត្រ

អាមេរិក៖ លោក Donald Trump បានមកដល់អគារខ្ពស់របស់លោកនៅទីក្រុងញូវយ៉កកាលពីថ្ងៃចន្ទ នៅមុនថ្ងៃនៃការចូលខ្លួនរបស់លោកដើម្បីប្រឈមនឹងការចោទប្រកាន់បទព្រហ្មទណ្ឌមិនធ្លាប់មានពីមុនមក ដែលគំរាមដល់ការបោះបង់ចោលការប្រកួតប្រជែងតំណែងនៅសេតវិមាននៅក្នុងឆ្នាំ២០២៤ ឲ្យធ្លាក់ចូលក្នុងភាពវឹកវរ។ លោក Trump មកពីគណបក្សសាធារណរដ្ឋវ័យ ៧៦ឆ្នាំ ជាអតីតប្រធានាធិបតីអាមេរិកដំបូងគេដែលជាប់ចោទពីបទព្រហ្មទណ្ឌ ហើយត្រូវបានចោទប្រកាន់ជាផ្លូវការនៅថ្ងៃអង្គារនេះ ជុំវិញការចំណាយប្រាក់បំបិទមាត់ឲ្យទៅតារាភាពយន្តអាសអាភាសម្នាក់ ក្នុងអំឡុងការបោះឆ្នោតឆ្នាំ២០១៦ ដែលនាំឲ្យលោកឡើងកាន់តំណែង។ លោក Trump បានបក់ដៃទៅកាន់អ្នកគាំទ្រ ខណៈលោកបានដើរចូលទៅក្នុងលំនៅឋាន Trump Tower របស់លោកនៅតាមរុក្ខវិថីទី៥ (Fifth Avenue) ក្រោមសន្តិសុខដ៏តឹងរ៉ឹង បន្ទាប់ពីជិះយន្តហោះមកពីរដ្ឋ Florida ជាការធ្វើដំណើរជាប្រវត្តិសាស្ត្រដែលដែលមានការផ្សាយផ្ទាល់តាមទូរទស្សន៍សហរដ្ឋអាមេរិក ដោយមានឧទ្ធម្ភាគចក្របណ្តាញការងារតាមក្បួនរថយន្តរបស់លោក។ លោក Trump នឹងត្រូវបង្ហាញខ្លួននៅតុលាការតំបន់ Manhattan នៅរសៀលថ្ងៃអង្គារនេះ ក្នុងពេលមានការរំជើបរំជួលពីប្រព័ន្ធផ្សព្វផ្សាយ ហើយត្រូវបានគេរំពឹងថានឹងព្យាយាមប្រើប្រាស់ការបង្ហាញខ្លួនរបស់លោក ដើម្បីជំរុញការគាំទ្រសម្រាប់គោលបំណងបោះឆ្នោតឡើងវិញរបស់លោក។ នគរបាលនៅក្នុងទីក្រុងនេះមានការប្រុងប្រយ័ត្នខ្ពស់ ដោយមានការហ៊ុមព័ទ្ធដោយសន្តិសុខ និងភ្នាក់ងារសម្ងាត់នៅខាងក្រៅទាំងអគារ Trump Tower ទាំងនៅតុលាការតំបន់ Manhattan។ អភិបាលតំបន់លោក Eric Adams បានព្រមានថា នរណាម្នាក់ដែលតវ៉ាដោយហិង្សានឹងត្រូវចាប់ខ្លួន និងឲ្យទទួលខុសត្រូវ មិនថាអ្នកនោះជានរណាទេ៕អត្ថបទ៖ ប៊ុនថន

ប្រសាសន៍សំខាន់ៗរបស់ សម្ដេចតេជោ ក្នុងឱកាសជួបសំណេះសំណាល និងពិសាបាយសាមគ្គីជាមួយកីឡាករ កីឡាការិនី

ភ្នំពេញ៖ ប្រសាសន៍សំខាន់ៗរបស់ សម្ដេចតេជោ ហ៊ុន សែន នាយករដ្ឋមន្ដ្រី ក្នុងឱកាសអញ្ជើញជួបជុំសំណេះសំណាល និង ទទួលទានអាហារសាមគ្គី ជា មួយ មហាគ្រួសារ កីឡាកម្ពុជាចំនួន ៤.២៦៤នាក់ នៅមជ្ឈមណ្ឌលកោះពេជ្រ នារសៀលថ្ងៃទី៣ ខែមេសា ឆ្នាំ២០២៣ នេះ។ខាងក្រោមជាខ្លឹមសារសំខាន់ៗរបស់សម្តេចតេជោ ហ៊ុន សែន ៖-សម្ដេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា កម្ពុជារង់ចាំ៦៤ឆ្នាំ ទើបសម្រេចចិត្តយកឆ្នាំ២០២៣នេះ សម្រាប់ជាឆ្នាំទទួលធ្វើជាម្ចាស់ផ្ទះរៀបចំប្រកួតស៊ីហ្គេម។-សម្ដេចតេជោ ហ៊ុន សែន មានប្រសាសន៍ថា កម្ពុជាអាចរៀបចំស៊ីហ្គេមនៅឆ្នាំ២០២៣ នេះ គឺជាគុណបំណាច់របស់ព្រះករុណា ព្រះបរមរតនកោដ្ឋ សម្ដេចព្រះ នរោត្ដម សីហនុ ដែលបានចាប់ផ្ដើមរៀបចំប្រកួតជាលក្ខណៈអន្តរជាតិជាលើកដំបូងនៅកម្ពុជា គឺព្រឹត្តិការណ៍កីឡា GANEFO។-សម្ដេចតេជោ ហ៊ុន សែន បានជំរុញឱ្យក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិក ពិនិ ត្យរៀបចំគោលនយោបាយសម្រាប់កីឡាករ ដែលចូលរួមប្រកួតហើយធ្លាក់ខ្លួនមានពិការភាព។-សម្ដេចតេជោ ហ៊ុន សែន នាយករដ្ឋមន្ត្រីប្រកាសអំពាវនាវ និងសុំការយោគយល់ពីប្រជាពលរដ្ឋនៅភ្នំពេញ ដែលត្រូវប្រឈមនឹងការកកស្ទះចរាចរណ៍ ក្នុងពេលអំឡុងនៃការប្រកួតស៊ីហ្គេម និងអាស៊ានប៉ារ៉ាហ្គេមនៅកម្ពុជា។-សម្ដេចតេជោ ហ៊ុន សែន ប្រកាសថា ប្រជាពលរដ្ឋ និងភ្ញៀវបរទេស ដែលចូលទស្សនាស៊ីហ្គេម មិនត្រូវទទួល ការបង់ថ្លៃណាមួយឡើយ ហើយដើម្បីគ្រប់គ្រងសណ្ដាប់ធ្នាប់នៅកន្លែងប្រកួតឱ្យបានល្អ ដោយអ្នកចូលទស្សនាស៊ីហ្គេមទាំងអស់ នឹងទទួលបានសំបុត្រម្នាក់មួយសន្លឹក ដោយមិនមានគិតកម្រៃ ដើម្បីងាយស្រួលរកកន្លែងអង្គុយ និងច្រកសម្រាប់ចេញ-ចូល។

សម្ដេចតេជោ ហ៊ុន សែន អញ្ជើញជួបសំណេះសំណាល និងពិសាបាយសាមគ្គីជាមួយកីឡាករ កីឡាការិនី ជាង៤ពាន់នាក់

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រី អញ្ជើញជួបជុំសំណេះសំណាល និងទទួលទានអាហារសាមគ្គីជាមួយមហាគ្រួសារកីឡាកម្ពុជាចំនួន៤.២៦៤នាក់ នៅមជ្ឈមណ្ឌលកោះពេជ្រ នារសៀលថ្ងៃទី៣ ខែមេសា ឆ្នាំ២០២៣ នេះ។ពិធីទទួលទានអាហារសាមគ្គីនាពេលនេះ ពិតជាមហាកិត្តិយសដ៏ឧត្តុង្គឧត្តមសម្រាប់មន្ត្រីកីឡា អាជ្ញាកណ្តាល-ចៅក្រមគ្រូបង្វឹក ព្រឹទ្ធាចារ្យកីឡា និងកីឡាករ កីឡាការិនី ដែលបានមកជួបជុំគ្នា និងមានភព្វសំណាងបានជួបផ្ទាល់ជាមួយសម្តេចតេជោនាយករដ្ឋមន្ត្រី មុនពិធីបុណ្យចូលឆ្នាំថ្មី និងមុនពេលការប្រកួតកីឡា SEA Games-ASEAN Para Gamesឆ្នាំ២០២៣ ខិតជិតមកដល់នាពេលឆាប់ៗខាងមុខនេះនេះ ។

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បំណាក់ដីនៅប្រទេសកុងហ្គោភាគខាងកើតបណ្តាលឲ្យមនុស្សយ៉ាងហោចណាស់ ២១នាក់ស្លាប់

សម្ព័ន្ធយោធាណាតូនិយាយថា ហ្វាំងឡង់នឹងចូលជាសមាជិក NATO នៅថ្ងៃអង្គារនេះ

សម្ដេចតេជោ ហ៊ុន សែន ដឹកនាំគណៈប្រតិភូជាន់ខ្ពស់នៃរាជរដ្ឋាភិបាលធ្វើដំណើរទៅដល់ប្រទេសឡាវហើយ

ការស្ទង់មតិរបស់ទូរទស្សន៍ CNN៖ ពលរដ្ឋអាមេរិកភាគច្រើនគាំទ្រឲ្យមានការចោទប្រកាន់លោក Trump

នាយករដ្ឋមន្ត្រីអ៊ីស្រាអែលបានផ្អាកបណ្តោះអាសន្នការបណ្តេញចេញរដ្ឋមន្ត្រីការពារជាតិ

អ្នកគាំទ្រលោក Trump នៅក្រៅទីក្រុងរមណីយដ្ឋាន Mar-A-Lago សន្យាគាំទ្រ ខណៈលោកចេញដំណើរមកញូវយ៉ក

លោក Trump កំពុងស្ថិតនៅក្នុងទីក្រុងញូវយ៉កនៅមុនពេលបង្ហាញខ្លួននៅតុលាការជាប្រវត្តិសាស្ត្រ

ប្រសាសន៍សំខាន់ៗរបស់ សម្ដេចតេជោ ក្នុងឱកាសជួបសំណេះសំណាល និងពិសាបាយសាមគ្គីជាមួយកីឡាករ កីឡាការិនី

សម្ដេចតេជោ ហ៊ុន សែន អញ្ជើញជួបសំណេះសំណាល និងពិសាបាយសាមគ្គីជាមួយកីឡាករ កីឡាការិនី ជាង៤ពាន់នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

បំណាក់​ដី​នៅ​ប្រទេស​កុង​ហ្គោ​ភាគ​ខាងកើត​បណ្តាល​ឲ្យ​មនុស្ស​យ៉ាងហោចណាស់ ២១​នាក់​ស្លាប់

សម្ព័ន្ធ​យោធា​ណា​តូ​និយាយថា ហ្វាំ​ង​ឡង់​នឹង​ចូល​ជា​សមាជិក NATO នៅ​ថ្ងៃ​អង្គារ​នេះ​

សម្ដេចតេជោ ហ៊ុន សែន ដឹកនាំគណៈប្រតិភូជាន់ខ្ពស់នៃរាជរដ្ឋាភិបាលធ្វើដំណើរទៅដល់ប្រទេសឡាវហើយ

ការស្ទង់មតិ​របស់​ទូរទស្សន៍ CNN៖ ពលរដ្ឋ​អាមេរិក​ភាគច្រើន​គាំទ្រ​ឲ្យ​មានការ​ចោទប្រកាន់​លោក Trump

នាយករដ្ឋមន្ត្រី​អ៊ីស្រាអែល​បាន​ផ្អាក​បណ្តោះអាសន្ន​ការបណ្តេញចេញ​រដ្ឋមន្ត្រី​ការពារជាតិ

អ្នកគាំទ្រ​លោក Trump នៅក្រៅ​ទីក្រុង​រមណីយដ្ឋាន Mar-A-Lago សន្យា​គាំទ្រ​ ខណៈ​លោក​ចេញ​ដំណើរ​មក​ញូវយ៉ក​

លោក Trump កំពុងស្ថិត​នៅក្នុង​ទីក្រុង​ញូវយ៉ក​នៅមុន​ពេល​បង្ហាញខ្លួន​នៅ​តុលាការ​ជា​ប្រវត្តិសាស្ត្រ​

ប្រសាសន៍សំខាន់ៗរបស់ សម្ដេចតេជោ ក្នុងឱកាសជួបសំណេះសំណាល និងពិសាបាយសាមគ្គីជាមួយកីឡាករ កីឡាការិនី

សម្ដេចតេជោ ហ៊ុន សែន អញ្ជើញជួបសំណេះសំណាល និងពិសាបាយសាមគ្គីជាមួយកីឡាករ កីឡាការិនី ជាង៤ពាន់នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បំណាក់ដីនៅប្រទេសកុងហ្គោភាគខាងកើតបណ្តាលឲ្យមនុស្សយ៉ាងហោចណាស់ ២១នាក់ស្លាប់

សម្ព័ន្ធយោធាណាតូនិយាយថា ហ្វាំងឡង់នឹងចូលជាសមាជិក NATO នៅថ្ងៃអង្គារនេះ

ការស្ទង់មតិរបស់ទូរទស្សន៍ CNN៖ ពលរដ្ឋអាមេរិកភាគច្រើនគាំទ្រឲ្យមានការចោទប្រកាន់លោក Trump

នាយករដ្ឋមន្ត្រីអ៊ីស្រាអែលបានផ្អាកបណ្តោះអាសន្នការបណ្តេញចេញរដ្ឋមន្ត្រីការពារជាតិ

អ្នកគាំទ្រលោក Trump នៅក្រៅទីក្រុងរមណីយដ្ឋាន Mar-A-Lago សន្យាគាំទ្រ ខណៈលោកចេញដំណើរមកញូវយ៉ក

លោក Trump កំពុងស្ថិតនៅក្នុងទីក្រុងញូវយ៉កនៅមុនពេលបង្ហាញខ្លួននៅតុលាការជាប្រវត្តិសាស្ត្រ