BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ក្រសួងយុត្តិធម៌មានភស្តុតាងថ្មីដ៏មានទម្ងន់ស្តីពីការរារាំងការស្វែងរកយុត្តិធម៌នៅក្នុងករណីគ្រប់គ្រងឯកសាររបស់លោក Trump

អាមេរិក៖ សារព័ត៌មាន Washington Post បានរាយការណ៍កាលពីថ្ងៃអាទិត្យថា ក្រសួងយុត្តិធម៌បានទទួលភស្តុតាងថ្មី ដែលបង្ហាញពីការរារាំងការស្វែងរកយុត្តិធម៌ធ្វើឡើងដោយអតីតប្រធានាធិបតីលោក Donald Trump នៅក្នុងការស៊ើបអង្កេតរបស់ទីភ្នាក់ងារចំពោះការគ្រប់គ្រងឯកសារសម្ងាត់របស់លោក។ ក្រុមអ្នកស៊ើបអង្កេតមានព័ត៌មានដែលបង្ហាញថា លោក Trump បានពិនិត្យឡើងវិញនូវឯកសារមួយចំនួនដោយផ្ទាល់នៅលំនៅឋាននៅទីក្រុង Mar-a-Lago របស់លោក បន្ទាប់ពីទទួលបានដីកាពីក្រសួងយុត្តិធម៌។ ខណៈក្រុមការងាររបស់អតីតប្រធានាធិបតីបានប្រគល់មកវិញនូវឯកសារសម្ងាត់មួយចំនួន ក្រោយការចេញដីកាកាលពីខែឧសភា ឆ្នាំ២០២២ ការឆែកឆេរកាលពីខែសីហារបស់ FBI បានបង្ហាញថា មានឯកសារកាន់តែច្រើនដែលមិនត្រូវបានគេប្រគល់ឲ្យ។ ភស្តុតាងបន្ថែមដែលទទួលបានដោយក្រុមអ្នកស៊ើបអង្កេតបង្ហាញថា លោក Trump បានប្រាប់អ្នកផ្សេងទៀតឱ្យបំភាន់ មន្ត្រីរដ្ឋាភិបាលដែលព្យាយាមរកឲ្យឃើញឯកសារ កាលពីពេលលោកនៅក្នុងសេតវិមានមុនពេលមានដីកាកាលពីឆ្នាំមុន ដែលសារព័ត៌មានរាយការណ៍ថាអាចជាភស្តុតាងនៃចេតនារបស់លោក។ សារព័ត៌មាន CNN បានអះអាងថា អ្នកស៊ើបអង្កេតមានអ៊ីមែល និងសារពីលោក Molly Michael ជាជំនួយការរបស់អតីតប្រធានាធិបតីដែលបានចេញពីការងារកាលពីឆ្នាំមុន។ អត្ថបទ និងកំណត់ត្រាទាំងនោះ ដែលអ្នកស៊ើបអង្កេតមានរយៈពេលជាច្រើនខែរៀបរាប់លម្អិតអំពីអ្វីដែលលោក Trump កំពុងធ្វើ និងអ្នកដែលលោកកំពុងជួប ដែលអាចមានសារៈសំខាន់សម្រាប់ការដឹងពីទីកន្លែងជួបរបស់លោកទាក់ទងនឹងឯកសារ៕អត្ថបទ៖ ប៊ុនថន

ការចោទប្រកាន់លើលោក Trump បង្ហាញពីការបែកបាក់ខ្លាំងនៅក្នុងនយោបាយសហរដ្ឋអាមេរិក

អាមេរិក៖ ជំហានចាំបាច់មួយសម្រាប់មនុស្សមួយចំនួន ដូចជាការព្យាយាមទម្លាក់កំហុសសម្រាប់អ្នកដទៃ ការចោទប្រកាន់ជាប្រវត្តិសាស្ត្រលើលោក Donald Trump បានពង្រឹងការយល់ឃើញបន្ថែមទៀតថា ភាពជាបក្ខពួកបានបំបែកបំបាក់សហរដ្ឋអាមេរិក ដោយមានអតីតប្រធានាធិបតីឈរនៅកណ្តាលនៃព្យុះនេះ។ តំណែងប្រធានាធិបតីរបស់មហាសេដ្ឋីមកពីគណបក្សសាធារណរដ្ឋ ក៏ដូចជាវោហាសាស្ត្ររបស់លោកចាប់តាំងពីចាញ់លោក Joe Biden ក្នុងការការបោះឆ្នោតឆ្នាំ២០២០ បានបង្ហាញឲ្យឃើញពីការបែកបាក់គ្នាកាន់តែខ្លាំងនៅក្នុងនយោបាយរបស់ប្រទេសនេះ ហើយប្រតិកម្មចំពោះលោកដែលក្លាយជាប្រធានាធិបតីអាមេរិកដំបូងគេ ដែលត្រូវបានចោទប្រកាន់ពីបទព្រហ្មទណ្ឌបានធ្វើតាមសៀវភៅយុទ្ធសាស្ត្រស្ទើរទាំងស្រុង។ អ្នកវិទ្យាសាស្ត្រនយោបាយលោក Wendy Schiller នៅសាកលវិទ្យាល័យ Brown University បាននិយាយថា នៅថ្ងៃនេះសាធារណជនបានមើលឃើញ ស្ទើរតែគ្រប់យ៉ាងតាមរយៈការស្តែងចេញពីការគាំទ្របក្ខពួក។ លោក Robert Talisse អ្នកជំនាញផ្នែកនយោបាយនៃសាកលវិទ្យាល័យ Vanderbilt បាននិយាយថា វាជាការយល់ឃើញមួយដែលមិនអាចចេញឆ្ងាយរង្វង់នយោបាយ ការចោទប្រកាន់គឺលើសពីអ្វីទាំងអស់ ជាអំណោយដល់អ្នកគ្រប់គ្រងយុទ្ធនាការ និងអ្នកយុទ្ធសាស្ត្រនៅក្នុងគណបក្សធំៗទាំងពីរ ដោយផ្តល់ឲ្យពួកគេនូវឱកាសមួយដើម្បីផ្ទុះកំហឹង។ តាមពិតទៅអ្នកសាធារណរដ្ឋលេចធ្លោរមួយចំនួន រួមទាំងអតីតប្រធានាធិបតីផងបានបង្កើតមូលនិធិយុទ្ធនាការរួចទៅហើយ ក្នុងការតតាំងអ្វីដែលពួកគេបានហៅថាជាការធ្វើទុក្ខបុកម្នេញខាងនយោបាយ។ បញ្ហាចាក់ស្រេះដែលបង្ហាញពីការបែកបាក់នៅក្នុងសហរដ្ឋអាមេរិកបានបោះជំហានហួសពីនយោបាយ៕អត្ថបទ៖ សុខមាន

រដ្ឋត្រៀមឡានក្រុងជាង ៣០០គ្រឿង ដឹកប្រជាពលរដ្ឋទៅលេងស្រុកកំណើតក្នុងឱកាសបុណ្យចូលឆ្នាំថ្មីដោយមិនគិតប្រាក់

ភ្នំពេញ៖ រដ្ឋបាលរាជធានីភ្នំពេញរៀបចំរថយន្តក្រុងចំនួន ៣៤៥គ្រឿង សម្រាប់បម្រើសេវាដឹកជញ្ជូនសាធារណៈរយៈពេល ០៥ថ្ងៃ ចាប់ពីថ្ងៃទី១៣-១៧ ខែមេសា ឆ្នាំ២០២៣ ដោយមិនបង់ប្រាក់ ដើម្បីសម្រួលដល់ការធ្វើដំណើរ និងការចំណាយរបស់បងប្អូនប្រជាពលរដ្ឋ ទៅលេងស្រុកកំណើត ជួបជុំគ្រួសារ ក្នុងឱកាសបុណ្យលចូលឆ្នាំថ្មី ប្រពៃណីជាតិខ្មែរ។

លោក Trump ស្នើសុំជំនួយបរិច្ចាគសម្រាប់យុទ្ធនាការបោះឆ្នោតប្រធានាធិបតី ២ថ្ងៃមុនការឡើងសវនាការ

អាមេរិក៖ អតីតប្រធានាធិបតីអាមេរិកបានស្នើក្រុមអ្នកគាំទ្រឲ្យបន្តជួយផ្ដល់ប្រាក់ ដល់យុទ្ធនាការបោះឆ្នោតជាថ្មីរបស់លោកនៅឆ្នាំ២០២៤ តាមវីដេអូមួយដែលបានបង្ហោះនៅលើបណ្ដាញសង្គម Truth កាលពីថ្ងៃអាទិត្យ ទី២មេសា ២ថ្ងៃមុនគេរំពឹងថាលោកនឹងឡើងសវនាការ។ លោក Trump គ្រោងធ្វើសេចក្ដីអត្ថាធិប្បាយជាសាធារណៈនៅក្នុងរដ្ឋ Florida នៅថ្ងៃអង្គារ ទី៤មីនាស្អែកនេះ បន្ទាប់ពីសវនាការនៅក្នុងទីក្រុង New York ស្ដីពីការចោទប្រកាន់ធ្វើឡើងដោយគណៈវិនិច្ឆ័យ ដែលបានលេចលឺភស្តុតាងពាក់ព័ន្ធនឹងការបង់លុយបំបិទមាត់ឲ្យទៅតារាភាពយន្តអាសអាភាសនាង Stormy Daniels ចំនួន ១៣ម៉ឺនដុល្លារអាមេរិកមុនការបោះឆ្នោតឆ្នាំ២០១៦ ខណៈដែលមេធាវីរបស់លោកបាននិយាយកាលពីថ្ងៃអាទិត្យថា លោកនឹងចូលខ្លួនក្នុងសវនាដើម្បីច្រានចោលការចោទប្រកាន់ទាំងនោះ។ នាង Daniels និយាយថា នាងត្រូវបានគេបង់ប្រាក់ដើម្បីបំបិទមាត់ទាក់ទងករណីរួមរក្សជាមួយលោក Trump ក្នុងឆ្នាំ២០១៦។ តែលោក Trump បានច្រានចោលការចោទប្រកាន់នេះ។ លោក Joe Tacopina មេធាវីរបស់លោក Trump បាននិយាយថា លោករំពឹងថានឹងមានព័ត៌មានលម្អិតថែមទៀត ជុំវិញសវនាការដែលនឹងត្រូវបានដោះស្រាយនៅថ្ងៃចន្ទ ទី៣មេសានេះ ដោយបានគូសបញ្ជាក់ថា សេវាសម្ងាត់ដែលគាំទ្រអតីតប្រធានាធិបតីរូបនេះ ក៏បានដើរតួនាទីនៅថ្ងៃអង្គារនោះដែរ។ គេរំពឹងថា លោក Trump វ័យ ៧៦ឆ្នាំនឹងត្រូវឡើងសវនាការ ស្កែនក្រយៅដៃ និងថតរូបនៅតុលាការតំបន់ Manhattan នៅថ្ងៃអង្គារស្អែក ខណៈលោកបានក្លាយជាអតីតប្រធានាធិបតីដំបូងរបស់អាមេរិក ដែលបានប្រឈមការចោទបទឧក្រិដ្ឋ៕អត្ថបទ៖ សុខមាន

ចំនួនអ្នកស្លាប់ដោយសារព្យុះនៅសហរដ្ឋអាមេរិកបានកើនឡើងដល់ ៣២នាក់

អាមេរិក៖ យោងតាមក្រុមមន្ត្រី និងរបាយការណ៍របស់សារព័ត៌មាននានា ចំនួនអ្នកស្លាប់ដោយសារព្យុះដ៏ខ្លាំងក្លាដែលបានបោកបក់ បង្កឡើងដោយព្យុះកួចជាច្រើនមេនៅក្នុងភាគខាងត្បូង និងតំបន់ Midwest របស់សហរដ្ឋអាមេរិកបានកើនឡើងដល់ ៣២នាក់កាលពីចុងសប្ដាហ៍នេះ។ យោងតាមការិយាល័យនគរបាលក្រុង Memphis នៅក្នុងទីក្រុង Memphis រដ្ឋ Tennessee កុមារ ២នាក់ និងយុវជនម្នាក់ត្រូវបានរកឃើញស្លាប់កាលពីថ្ងៃសៅរ៍ ទី១មេសា បន្ទាប់ពីខ្យល់បោកបក់ខ្លាំងរបស់ព្យុះនេះបានវាយផ្ដួលរំលើងដើមឈើសង្កត់លើលំនៅឋានមួយចំនួន។ យោងតាមសារព័ត៌មានក្នុងស្រុកនៅក្នុងតំបន់ McNairy របស់រដ្ឋនេះ ក្រុមមន្ត្រីបានរាយការណ៍ថា មនុស្ស ២នាក់បន្ថែមទៀតបានស្លាប់ ក្នុងនោះមនុស្សស្លាប់ចំនួន ៧នាក់ត្រូវបានរាយការណ៍កាលពីព្រឹកថ្ងៃសៅរ៍។ យោងតាមនាយកដ្ឋានធនធានធម្មជាតិរបស់រដ្ឋ សាកសពប្ដីប្រពន្ធ ២នាក់ត្រូវបានរកឃើញនៅកន្លែងបោះជំរំក្នុងឧទ្យាន McCormick's Creek State ក្នុងតំបន់ Owen County នៃរដ្ឋ Indiana។ ចំណែកអ្នកស្លាប់ ១៥នាក់ផ្សេងទៀតដោយសារព្យុះដែលបង្កឡើងដោយព្យុះកួចនេះ នៅក្នុងតំបន់មួយចំនួនត្រូវបានរាយការណ៍នៅក្នុងរដ្ឋ Arkansas Illinois Indiana Delaware Mississippi និងរដ្ឋ Alabama។ មនុស្សជាច្រើនបានរងរបួស និងអគារជាច្រើនផ្សេងទៀតត្រូវបានខូចខាត ឬរងការបំផ្លិចបំផ្លាញ។ ប្រធានាធិបតីអាមេរិកលោក Joe Biden បានប្រកាសពីគ្រោះមហន្តរាយដ៏ធំនៅក្នុងរដ្ឋ Arkansas កាលពីថ្ងៃអាទិត្យ ដោយបញ្ជាឲ្យផ្ដល់ជំនួយសហព័ន្ធដើម្បីជួយស្រោចស្រង់ពីគ្រោះធម្មជាតិនេះ៕អត្ថបទ៖ សុខមាន

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

ភ្នំពេញ៖ “ មុននេះបន្តិចខ្ញុំបានទទួលលិខិតពីបណ្ឌិត សាម អ៊ីន ស្នើសុំចូលរួមជីវភាពជាមួយគណបក្សប្រជាជនកម្ពុជា”។ “ក្នុងនាមគណបក្សប្រជាជនកម្ពុជា ខ្ញុំសូមស្វាគមន៍យ៉ាងកក់ក្តៅចំពោះបណ្ឌិត សាម អ៊ីន ដើម្បីចូលរួមជាមួយគណបក្សប្រជាជនកម្ពុជា”។ នេះបើតាមសាររបស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី ផ្សព្វផ្សាយនៅក្នុងប្រព័ន្ធតេលេក្រាមផ្ទា ល់របស់សម្ដេច។សាររបស់សម្ដេចតេជោដដែលបន្តថា ក្នុងនាមរាជរដ្ឋាភិបាលខ្ញុំនឹងស្នើសុំព្រះរាជ្យក្រឹត្យតែងតាំងបណ្ឌិ ត សាម អ៊ីន ជារដ្ឋលេខាធិការក្រសួងបរិស្ថាន ដើម្បីឱ្យស្របតាមជំនាញដែលគាត់មាន និងអាចធ្វើបាន។បណ្ឌិត សាម អ៊ីន គឺជាអតីតប្រធានគណៈកម្មាធិការនាយកស្ដីទី របស់គណបក្សប្រជាធិបតេយ្យមូលដ្ឋាន។ បណ្ឌិត សាម អ៊ីន នៅថ្ងៃទី២ ខែមេសា ឆ្នាំ២០២៣ បានប្រកាសលាលែងពីតំណែង រួមទាំងជា សមាជិកភាពរបស់គណបក្សប្រជាធិបតេយ្យមូលដ្ឋាន ហៅកាត់ថា GDP។ការប្រកាសលាលែងពីតំណែង និងសមាជិកភាពរបស់បក្ស GDP ត្រូវបានបណ្ឌិត សាម អ៊ីន ផ្សព្វផ្សាយឱ្យដឹងតាមរយៈបណ្ដា ញសង្គមហ្វេសប៊ុកផ្ទាល់របស់លោក៕ ដោយ៖ គង់ ឌិន

ពិភពលោកប្រតិកម្មទៅនឹងការចោទប្រកាន់លើលោក Donald Trump

ពិភពលោក៖ ព័ត៌មានពីការចោទប្រកាន់លើអតីតប្រធានាធិបតីសហរដ្ឋអាមេរិកលោក Donald Trump ដោយគណៈវិនិច្ឆ័យធំនៅទីក្រុងញូវយ៉កបានផ្ទុះឡើងជុំវិញពិភពលោក។ សូមតាមដានអ្វីដែលប្រព័ន្ធផ្សព្វផ្សាយពិភពលោក និងឥស្សរជនសំខាន់ៗនៅជុំវិញពិភពលោកកំពុងនិយាយ។ នៅក្នុងកាសែតជាភាសាអ៊ីតាលី la Repubblica លោក Paolo Mastrolilli និពន្ធនាយកបានគូសបញ្ជាក់អំពីអ្វីដែលអាចនឹងកើតមាននៅក្នុងថ្ងៃខាងមុខ ដែលនាំទៅដល់ការចុះចាញ់ដែលរំពឹងទុករបស់លោក Trump ចំពោះនគរបាល។ លោកសួរថា តើសហរដ្ឋអាមេរិករៀបនឹងទទួលរងនូវរលកនៃអំពើហិង្សាឬទេថា តើគណបក្សសាធារណរដ្ឋនឹងប្រមូលផ្តុំគ្នានៅក្រោយបេក្ខជនផ្សេងទៀត សម្រាប់ការបោះឆ្នោតប្រធានាធិបតីឆ្នាំ២០២៤ ឬទេ។ សម្រាប់សារព័ត៌មាន The Guardian បាននិយាយថា មេធាវីរបស់ទីក្រុងញូវយ៉កលោក Lloyd Green បានរៀបរាប់អំពីបណ្តឹង និងដំណើរការផ្លូវច្បាប់ដែលប្រឈមមុខនឹងលោក Trump ប៉ុន្តែសំណួរសួរថា តើការចោទប្រកាន់នេះពិតជាធ្វើឱ្យលោកប៉ះពាល់ដល់ក្រសែភ្នែកអ្នកបោះឆ្នោតដែរឬទេ។ លោក Piotr Smolar អ្នកឆ្លើយឆ្លងព័ត៌មានទីក្រុង Washington របស់សារព័ត៌មាន Le Monde បានសរសេរថា លោក Trump នឹងថយចុះក្នុងប្រវត្តិសាស្ត្រសម្រាប់ការចោទប្រកាន់របស់លោក ប៉ុន្តែវានឹងស្ថិតក្នុងរបៀបមួយដែលអតីតប្រធានាធិបតីទំនងជាចង់បញ្ចៀស។ សារព័ត៌មាន The Economist បានរាយការណ៍ថា ការចោទប្រកាន់នឹងក្លាយជាការបញ្ចប់អាជីពសម្រាប់អ្នកនយោបាយម្នាក់ផ្សេងទៀត។ សម្រាប់លោក Trump វាអាចធ្វើអោយសកម្មនូវចលនាមួយ ដែលក្នុងរយៈពេលប៉ុន្មានខែថ្មីៗនេះហាក់ដូចជាកំពុងធ្លាក់ចុះ។ ប៉ុន្តែសារព័ត៌មានសួរថា តើការចោទប្រកាន់នេះជាចំណាត់ការត្រឹមត្រូវដែរឬទេ ដោយសារករណីនេះគឺជារឿងថ្មីហើយប្លែក និងគ្មានការសាកល្បង។ ប្រធានាធិបតីប្រទេស El Salvador លោក Nayib Bukele គឺជាមេដឹកនាំពិភពលោកដំបូងគេ ដែលប្រតិកម្មទៅនឹងការចោទប្រកាន់ដ៏សំខាន់នេះ។ លោក Bukele បានសរសេរនៅលើបណ្តាញ Twitter ថា ចូរស្រមៃមើលថា តើរឿងនេះកើតឡើងចំពោះបេក្ខជនប្រធានាធិបតីនាំមុខគេ របស់គណបក្សប្រឆាំងនៅទីនេះ ឬទេក្នុងប្រទេស El Salvador៕អត្ថបទ៖ ប៊ុនថន

ពិធីក្រុងពាលីសម្ពោធឆ្លងមហាចេតិយ សម្រាប់តម្កល់អដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្រ្គោះជាតិកម្ពុជា ៤៩រូបនៅ X 16

ត្បូងឃ្មុំ៖ នៅតំបន់ប្រវត្តិសាស្ត្រយោធាតេជោកោះថ្ម X-16 ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ ឯកឧត្តមនាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារសាងសង់សមិទ្ធផលតំបន់ប្រវត្តិសាស្ត្រយោធា X 16 នៅរសៀលថ្ងៃសៅរិ៍ទី១ ខែមេសា ឆ្នាំ២០២៣ នេះបានរៀបចំពិធីក្រុងពាលីសម្ពោធឆ្លងមហាចេតិយសម្រាប់តម្កល់អដ្ឋិធាតុយុទ្ធជនកងកម្លាំងប្រដាប់អាវុធ សាមគ្គីសង្រ្គោះជាតិកម្ពុជា ៤៩រូប។ កម្មវិធីសម្ពោធឆ្លងជាផ្លូវការនឹងរៀបចំឡេីងនៅថ្ងៃទី០២ ខែមេសា ឆ្នាំ២០២៣ ស្អែកនេះ ក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី។

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

UN៖ ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិ ដែលទទួលបានរង្វាន់ណូបែលបានព្រមានកាលពីថ្ងៃសុក្រថា ប្រសិនបើគ្មានទឹកប្រាក់រាប់ពាន់លានដុល្លារបន្ថែមទៀត ដើម្បីផ្តល់ជំនួយដល់អ្នកអត់ឃ្លាននោះទេ ពិភពលោកនឹងមើលឃើញការធ្វើអន្តោប្រវេសន៍ដ៏ច្រើន ប្រទេសមានអស្ថិរភាព និងការស្រេកឃ្លានរបស់កុមារ និងមនុស្សពេញវ័យក្នុងរយៈពេល ១២ ទៅ ១៨ខែខាងមុខ។ លោក David Beasley បានសរសើរចំពោះមូលនិធិដែលកើនឡើងពីសហរដ្ឋអាមេរិក និងប្រទេសអាល្លឺម៉ង់កាលពីឆ្នាំមុន ហើយបានជំរុញឲ្យប្រទេសចិន បណ្តាប្រទេសឈូងសមុទ្រ មហាសេដ្ឋី និងប្រទេសដទៃទៀតឱ្យបង្កើនពេលវេលា។ នៅក្នុងបទសម្ភាសន៍ មុនពេលដែលលោកប្រគល់តួនាទី របស់អង្គការមនុស្សធម៌ដ៏ធំបំផុតរបស់ពិភពលោក ទៅឲ្យឯកអគ្គរដ្ឋទូតសហរដ្ឋអាមេរិកលោក Cindy McCain នៅសប្តាហ៍ក្រោយ អតីតអភិបាលរដ្ឋ South Carolina បាននិយាយថា លោកមានការព្រួយបារម្ភខ្លាំងដែលកម្មវិធីស្បៀងអាហារពិភពលោក(WFP) នឹងមិនរៃអង្គាសប្រាក់បានប្រហែល ២៣ពាន់លានដុល្លារដែលខ្លួនត្រូវការនៅឆ្នាំនេះដើម្បីជួយនោះទេ តាមការប៉ាន់ប្រមាណមនុស្ស ៣៥០លាននាក់នៅក្នុងប្រទេសចំនួន ៤៩ ដែលត្រូវការស្បៀងអាហារយ៉ាងខ្លាំងនៅដំណាក់កាលនេះ។ លោកបាននិយាយថា កម្មវិធីស្បៀងអាហារពិភពលោក (WFP) គឺស្ថិតនៅក្នុងវិបត្តិស្រដៀងគ្នាកាលពីឆ្នាំមុន ប៉ុន្តែជាភ័ព្វសំណាងដែលលោកអាចបញ្ចុះបញ្ចូលសហរដ្ឋអាមេរិក ឱ្យបង្កើនមូលនិធិពីប្រហែល ៣.៥ពាន់លានដុល្លាររហូតដល់ ៧.៤ពាន់លានដុល្លារ ហើយប្រទេសអាល្លឺម៉ង់បង្កើនការរួមចំណែករបស់ខ្លួនពី ៣៥០លានដុល្លារកាលពីប៉ុន្មានឆ្នាំមុនដល់ ១.៧ពាន់លានដុល្លារអាមេរិក ប៉ុន្តែលោកមិនគិតថា ប្រទេសទាំងពីរនេះនឹងធ្វើវាម្តងទៀតនៅឆ្នាំនេះនោះទេ។ លោកនិយាយថា ប្រទេសផ្សេងទៀតចាំបាច់ត្រូវបង្កើននៅពេលនេះ ដោយចាប់ផ្តើមពីប្រទេសចិនដែលជាប្រទេសមហាអំណាចសេដ្ឋកិច្ចទីពីររបស់ពិភពលោក ដែលបានផ្តល់ឱ្យកម្មវិធីស្បៀងអាហារពិភពលោកត្រឹមតែ ១១លានដុល្លារកាលពីឆ្នាំមុន៕អត្ថបទ៖ ប៊ុនថន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

អាមេរិក៖ លោក Joe Biden បាននិយាយម្តងហើយម្តងទៀតថា លោកនឹងប្រឈមតតាំងជាមួយលោក Donald Trump ម្តងទៀតនៅឆ្នាំ២០២៤ ប៉ុន្តែការចោទប្រកាន់លើអតីតគូប្រជែង និងអាចជាអនាគតគូប្រជែងរបស់លោក បានបើកប្រអប់ថ្មីចំពោះហានិភ័យនយោបាយសម្រាប់គណបក្សប្រជាធិបតេយ្យ។ កាលពីថ្ងៃសុក្រ លោក Biden បានឈប់ដើម្បីថ្លែងទៅកាន់អ្នកសារព័ត៌មាន នៅពេលដែលលោកចាកចេញសម្រាប់ដំណើរចុះពិនិត្យ ដើម្បីស្ទង់មើលការខូចខាតដោយព្យុះកួចដ៏មានឥទ្ធិពលនៅក្នុងរដ្ឋ Mississippi។ លោកបានឆ្លើយទៅនឹងសំណួរជាច្រើនដែលបានស្រែកសួរ ប៉ុន្តែលោកមិនបាននិយាយអំពីការចោទប្រកាន់របស់លោក Trump នោះទេ។ សេតវិមានមិនបានចេញសេចក្តីថ្លែងការណ៍ជាផ្លូវការនោះទេ ចាប់តាំងពីការបង្ហាញកាលពីថ្ងៃព្រហស្បតិ៍ថា លោក Trump នឹងក្លាយជាអតីតប្រធានាធិបតីដំបូងគេដែលពុំធ្លាប់មាន ដែលត្រូវប្រឈមមុខនឹងបទចោទប្រកាន់ពីបទព្រហ្មទណ្ឌ ជុំវិញការចំណាយប្រាក់បំបិទមាត់ដល់តារាភាពយន្តអាសអាភាស ក្នុងអំឡុងពេលបោះឆ្នោតឆ្នាំ២០១៦។ លោក Trump បានអះអាងភ្លាមៗថា ការចោទប្រកាន់នេះគឺជាការធ្វើទុក្ខបុកម្នេញផ្នែកនយោបាយ និងជាការជ្រៀតជ្រែកក្នុងការបោះឆ្នោត និងបានចោទប្រកាន់មេធាវីទីក្រុង Manhattan លោក Alvin Bragg ពីការធ្វើការងារដ៏ស្មោកគ្រោករបស់លោក Joe Biden។ លោកស្រី Psaki អតីតអ្នកនាំពាក្យសេតវិមានបានណែនាំសេតវិមានឱ្យនៅស្ងៀម ហើយកុំចូលទៅក្នុងនយោបាយចំពោះរឿងនេះ។ លោក Biden អាយុ ៨០ឆ្នាំជឿជាក់ថា នៅក្នុងការប្រកួតប្រជែងជាមួយលោក Trump ដែលមានអាយុ ៧៦ឆ្នាំ គណបក្សប្រជាធិបតេយ្យនឹងទទួលជ័យជំនះម្តងទៀត ហើយអាយុរបស់លោកនឹងពុំមែនជាឧបសគ្គនោះទេ។ លោក Biden និយាយកាលពីពេលថ្មីៗនេះអំពី លោក Trump ដែលគណបក្សប្រជាធិបតេយ្យបានចាញ់កាលពីឆ្នាំ២០២០ ថា នៅក្នុងការបោះឆ្នោតលើកក្រោយលោកនឹងមានសំណាង ប្រសិនបើខ្ញុំមានអ្នកដ៏ដែលនោះឈរឈ្មោះប្រជែងជាមួយលោក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការចោទប្រកាន់លើលោក Trump បង្ហាញពីការបែកបាក់ខ្លាំងនៅក្នុងនយោបាយសហរដ្ឋអាមេរិក

រដ្ឋត្រៀមឡានក្រុងជាង ៣០០គ្រឿង ដឹកប្រជាពលរដ្ឋទៅលេងស្រុកកំណើតក្នុងឱកាសបុណ្យចូលឆ្នាំថ្មីដោយមិនគិតប្រាក់

លោក Trump ស្នើសុំជំនួយបរិច្ចាគសម្រាប់យុទ្ធនាការបោះឆ្នោតប្រធានាធិបតី ២ថ្ងៃមុនការឡើងសវនាការ

ចំនួនអ្នកស្លាប់ដោយសារព្យុះនៅសហរដ្ឋអាមេរិកបានកើនឡើងដល់ ៣២នាក់

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

ពិភពលោកប្រតិកម្មទៅនឹងការចោទប្រកាន់លើលោក Donald Trump

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ការចោទប្រកាន់​លើ​លោក Trump បង្ហាញ​ពី​ការបែកបាក់​ខ្លាំង​នៅក្នុង​នយោបាយ​សហរដ្ឋអាមេរិក​

រដ្ឋត្រៀមឡានក្រុងជាង ៣០០គ្រឿង ដឹកប្រជាពលរដ្ឋទៅលេងស្រុកកំណើតក្នុងឱកាសបុណ្យចូលឆ្នាំថ្មីដោយមិនគិតប្រាក់

លោក Trump ស្នើសុំ​ជំនួយ​បរិច្ចាគ​សម្រាប់​យុទ្ធនា​ការបោះឆ្នោត​ប្រធានាធិបតី​ ២​ថ្ងៃមុន​ការឡើង​សវនាការ​

ចំនួន​អ្នកស្លាប់​ដោយសារ​ព្យុះ​នៅ​សហរដ្ឋអាមេរិកបាន​កើន​ឡើងដល់ ​៣២​នាក់​

ប្រធានគណៈកម្មាធិការនាយកស្ដីទី បក្សប្រជាធិបតេយ្យមូលដ្ឋាន សុំចូលរួមជាមួយបក្សប្រជាជន

ពិភពលោក​ប្រតិកម្ម​ទៅនឹង​ការចោទប្រកាន់​លើ​លោក Donald Trump

UN៖ មនុស្ស​រាប់ពាន់​លាន​នាក់​ចាំបាច់​ត្រូវ​បញ្ចៀស​ភាពវឹកវរ និង​ភាពអត់ឃ្លាន

ការចោទប្រកាន់​លើ​លោក Trump បង្ក​ហានិភ័យ​នយោបាយ​សម្រាប់​លោក Biden

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការចោទប្រកាន់លើលោក Trump បង្ហាញពីការបែកបាក់ខ្លាំងនៅក្នុងនយោបាយសហរដ្ឋអាមេរិក

លោក Trump ស្នើសុំជំនួយបរិច្ចាគសម្រាប់យុទ្ធនាការបោះឆ្នោតប្រធានាធិបតី ២ថ្ងៃមុនការឡើងសវនាការ

ចំនួនអ្នកស្លាប់ដោយសារព្យុះនៅសហរដ្ឋអាមេរិកបានកើនឡើងដល់ ៣២នាក់

ពិភពលោកប្រតិកម្មទៅនឹងការចោទប្រកាន់លើលោក Donald Trump

UN៖ មនុស្សរាប់ពាន់លាននាក់ចាំបាច់ត្រូវបញ្ចៀសភាពវឹកវរ និងភាពអត់ឃ្លាន

ការចោទប្រកាន់លើលោក Trump បង្កហានិភ័យនយោបាយសម្រាប់លោក Biden