BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

ក្រសួងព្រះបរមរាជវាំង៖ អគ្គិភ័យឆេះអគារព្រះរាជដំណាក់តូច នៃព្រះរាជដំណាក់ខេត្តសៀមរាប បណ្តាលមកពីឆ្លងចរន្តអគ្គិសនី

ភ្នំពេញ៖ ក្រសួងព្រះបរមរាជវាំង សម្តែងការសោកស្តាយពន់ពេកចំពោះព្រឹត្តិការណ៍ឆេះអគារព្រះរាជដំណាក់តូច នៃព្រះរាជដំណាក់ខេត្តសៀមរាប បណ្តាលមកពីឆ្លងចរន្តអគ្គិសនី(ទុស្សេខ្សែភ្លើង)។

មនុស្សរាប់ពាន់នាក់ចេញតវ៉ាជាថ្មីនៅកណ្ដាលទីក្រុងអាតែន ក្រោយគ្រោះថ្នាក់រថភ្លើងសម្លាប់មនុស្ស ៥៧នាក់

ក្រិក៖ មនុស្សរាប់ពាន់នាក់បានប្រមូលផ្ដុំគ្នាជាថ្មីទៀតកាលពីថ្ងៃអាទិត្យ នៅកណ្ដាលរដ្ឋធានីអាតែន ប្រទេសក្រិក ជុំវិញគ្រោះមហន្តរាយរថភ្លើងបុកគ្នាដ៏សាហាវសម្លាប់មនុស្ស ៥៧នាក់កាលពីខែមុននៅក្នុងប្រទេសក្រិក។ ក្រុមអ្នកតវ៉ាបានបង្ហាញកំហឹងជុំវិញការធ្វេសប្រហែលសុវត្ថិភាព នៅក្នុងបណ្ដាញផ្លូវរថភ្លើងរបស់ប្រទេសក្រិក និងបានទាមទារឲ្យដាក់ទោសលើអ្នកទទួលខុសត្រូវដែលបង្កឲ្យរថភ្លើងដឹកអ្នកដំណើរ និងរថភ្លើងដឹកទំនិញបុកគ្នាឆក់យកជីវិតមនុស្ស ៥៧នាក់កាលពីថ្ងៃទី២៨ ខែកុម្ភៈ។ នគរបាលបាននិយាយថា មនុស្សជាង ៨ពាន់នាក់បានប្រមូលផ្ដុំគ្នានៅក្នុងទីក្រុងអាតែន នៅខាងក្រៅអគាររដ្ឋសភាដើម្បីតវ៉ាជាថ្មីកាលពីថ្ងៃអាទិត្យ ទី១២មីនា។ ក្រុមអ្នកតវ៉ាបានសម្រុកទៅកាន់ទីលានចតុរង្គ Syntagma របស់រដ្ឋធានីអាតែនដោយក្រវីផ្ទាំងបដាអានថា យើងនឹងមិនភ្លេចឡើយ យើងនឹងមិនលើកទោសឲ្យឡើយ និងឃ្លាថា យើងនឹងក្លាយជាសំឡេងរបស់អ្នកស្លាប់ទាំងអស់។ អ្នកក្រុងអាតែនម្នាក់ដែលចូលរួមការតវ៉ាឈ្មោះ Markella វ័យ ៦៥ឆ្នាំបានប្រាប់ទីភ្នាក់ងារសារព័ត៌មាន AFP ថា កំហឹង និងការមិនពេញចិត្តបាននាំខ្ញុំមកកាន់ទីនេះ ។ អ្នកតវ៉ាម្នាក់ទៀតឈ្មោះ Alexandros វ័យ ២៦ឆ្នាំបាននិយាយថា យើងអស់សង្ឃឹម យើងទាំងអស់គ្នាមិនដឹងថាត្រូវនិយាយថាម៉េច ហើយត្រូវធ្វើអ្វីក្រៅពីការមកប្រមូលផ្ដុំគ្នាតវ៉ានេះ៕អត្ថបទ៖ សុខមាន

អូស្ត្រាលីនឹងបន្តគាំទ្រជួយដល់កម្ពុជា លើវិស័យជាច្រើន ជាពិសេសជួយកម្ពុជា ជាប្រទេសគ្មានមីននៅឆ្នាំ២០២៥

ភ្នំពេញ៖ អូស្ត្រាលីបានអះអាងថានឹងបន្តគាំទ្រជួយកម្ពុជាលើវិស័យជាច្រើន ដូចជាសេដ្ឋកិច្ច វិនិយោគ កសិកម្ម ជាពិសេសជួយឱ្យកម្ពុជាជាប្រទេសគ្មានមីននៅឆ្នាំ២០២៥ តាមការគ្រោងទុករបស់រដ្ឋាភិបាលកម្ពុជា ។ការបញ្ជាក់អះអាងរបស់ភាគីអូស្ត្រាលីបែបនេះ ខណៈសម្តេចតេជោ ហ៊ុនសែន នាយករដ្ឋមន្ត្រីកម្ពុជាបានអនុញ្ញាតឲ្យឯកឧត្ដម ចាស្ទីន ខេវិន វ៉ាយអេត(Justin Kevin Wayatt) ឯកអគ្គរដ្ឋទូតអូស្ត្រាលីប្រចាំកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី១៣ ខែមីនា ឆ្នាំ២០២៣នេះ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោនាយករដ្ឋមន្ត្រីបានឱ្យដឹងថា បានគោរពជម្រាបជូនសម្ដេចតេជោថា ឯកឧត្តមពិតជាមានសេចក្តីរីករាយណាស់ដែលបានវិលត្រឡប់មកបំពេញការងារនៅព្រះរាជាណាចក្រកម្ពុជា បន្ទាប់ពីរយៈពេលជាង២០ឆ្នាំកន្លងមក។ឯកឧត្តមបានជម្រាបជូនសម្ដេចតេជោថា នៅពេលនេះកម្ពុជាមានការរីកលូតលាស់និងអភិវឌ្ឍន៍យ៉ាងឆាប់រហ័ស ហើយឯកឧត្តមក៏សូមសំដែងនូវការគោរពចំពោះការដឹកនាំដ៏វៃឆ្លាតរបស់សម្ដេចតេជោក្នុងការទប់ស្កាត់ការរីករាលដាលជំងឺ កូវីដ-១៩ កន្លងមក ការរៀបចំនិងដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធនៅព្រះរាជាណាចក្រកម្ពុជា កាលពីឆ្នាំទៅដែលនាំមកជូនកម្ពុជានូវកិត្តិនាម កិត្តិសព្ទដ៏ល្អរន្ទីរ ក៏ដូចជាបានគោរពជម្រាបជូនសម្ដេចតេជោថា ក្នុងអាណត្តិជាឯកអគ្គរដ្ឋទូតនៅព្រះរាជាណាចក្រកម្ពុជាឯកឧត្តមនិងប្រឹងប្រែងធ្វើយ៉ាងណាពង្រឹងទំនាក់ទំនងរវាងប្រទេសទាំងពីរនិងកិច្ចសហប្រតិបត្តិការប្រកបដោយប្រសិទ្ធភាពខ្ពស់និងក្នុងភាពជាដៃគូលើវិស័យមួយចំនួន ដូចជាការ ជំរុញពង្រឹងទំនាក់ទំនងរវាងប្រជាជននិងប្រជាជន ទំនាក់ទំនងរវាងអ្នកវិនិយោគនិងអ្នកវិនិយោគ ជំរុញកិច្ចសហប្រតិបត្តិការលើវិស័យកសិកម្ម លើវិស័យសុខាភិបាល លើវិស័យដោះមីនធ្វើយ៉ាងណាជួយគាំទ្រកម្ពុជាឲ្យបានសម្រេចនូវគោលដៅប្រទេសគ្មានមីននៅឆ្នាំ២០២៥ កិច្ចសហប្រតិបត្តិការលើវិស័យសង្គមកិច្ច វិស័យលទ្ធិប្រជាធិបតេយ្យនិងសិទ្ធិមនុស្ស វិស័យការពារជាតិនិងវិស័យទប់ស្កាត់ឧក្រិដ្ឋកម្មឆ្លងដែនការជួញដូរគ្រឿងញៀនជួញដូរមនុស្សនិងឧក្រិដ្ឋកម្មផ្សេងៗទៀត។ជាការឆ្លើយតប សម្ដេចតេជោ បានសំដែងនូវការស្វាគមន៍និងអបអរសាទរជូនចំពោះឯកឧត្តមវ៉ាយអេត ដែលត្រូវបានតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពរបស់អូស្ត្រាលីប្រចាំកម្ពុជា។សម្ដេចក៏បានសំដែងនូវការរីករាយចំពោះកិច្ចសហប្រតិបត្តិការរវាងប្រទេសទាំងពីរជាពិសេសលើវិស័យកសិកម្មដែលអូស្ត្រាលីបានជួយកម្ពុជាបង្កើតជាវិទ្យាស្ថានកាឌី សម្រាប់ការស្រាវជ្រាវ ហើយការស្រាវជ្រាវនេះសោតទៀតក៏បាននាំកម្ពុជាទៅដល់ការស្រាវជ្រាវបានពូជស្រូវដ៏ល្អជាប់ចំណាត់ថ្នាក់លេខមួយនិងពូជស្រូវដទៃទៀត។សម្ដេចតេជោក៏បានថ្លែងអំណរគុណផងដែរជូនចំពោះរដ្ឋាភិបាលនិងប្រជាជនអូស្ត្រាលីដែលកន្លងមកបានជួយកម្ពុជាក្នុងការផ្ដល់វ៉ាក់សាំងសម្រាប់ទប់ស្កាត់ការីរាលជំងឺ កូវីដ-១៩។សម្ដេចបានមានប្រសាសន៍ថាជោគជ័យរបស់កម្ពុជាលើការទប់ស្កាត់ជំងឺកូវីដ-១៩ គឺមិនអាចកាត់ផ្ដាច់បានពីការគាំទ្រនិងជួយពីប្រទេសអូស្ត្រាលីទេ។សម្ដេចតេជោក៏បានថ្លែងអំណរគុណផងដែរជូនដល់រដ្ឋាភិបាលនិងប្រជាជនអូស្ត្រាលីដែលបានជួយដល់កម្ពុជាលើបញ្ហាដោះមីននិងកិច្ចសហប្រតិបត្តិការលើវិស័យសេដ្ឋកិច្ចពាណិជ្ជកម្ម វិនិយោគ រួមនឹងវិស័យដទៃទៀត។គួរបញ្ជាក់ថា ឯកឧត្តម ចាស្ទីន វ៉ាយអេត ត្ត្រូវបានរដ្ឋាភិបាលអូស្ត្រាលីតែងតាំងជាឯកអគ្គរដ្ឋទូតវិសាមញ្ញនិងពេញសមត្ថភាពប្រចាំកម្ពុជា ជំនួសឯកឧត្តម បាប្លូ កាង។បើតាមស្ថានទូតអូស្ត្រាលីប្រចាំកម្ពុជា បានឱ្យដឹងថា នេះគឺជាលើកទីពីរហើយ ដែលឯកឧត្តម ចាស្ទីន វ៉ាយអេត បានមកបម្រើការងារនៅប្រទេសកម្ពុជា បន្ទាប់ពីបានមកធ្វើការងារការទូតដំបូងបង្អស់ របស់លោកនៅកម្ពុជាកាលពីជាង២០ឆ្នាំមុន៕

ឯកឧត្តម ហ៊ុន ម៉ានី មានក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពពសហព័ន្ធយុវជនកម្ពុជា(សសយក) នៅព្រឹកថ្ងៃទី១៣ ខែមីនា ឆ្នាំ២០២៣នេះ បានសរសេរលើបណ្តាញសង្គមFacebook ដោយសម្តែងក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប។សារឯកឧត្តម ហ៊ុន ម៉ានី បានបញ្ជាក់ថា «ទូលព្រះបង្គំពិតជាមានសេចក្តីរន្ធត់ និងសោកស្តាយពន់ពេក ដោយបានទទួលដំណឹងអំពីអគ្គិភ័យដែលបានឆាបឆេះ ព្រះរាជដំណាក់ខេត្តសៀមរាបកាលពីយប់ថ្ងៃទី១២ ខែមីនា ឆ្នាំ២០២៣នេះ។ គិតត្រឹមព្រឹកនេះ ស្ថានការណ៍នៃអគ្គិភ័យនេះ ត្រូវបានគ្រប់គ្រងយ៉ាងពេញលេញហើយ»។ឯកឧត្តមបញ្ជាក់ថា «ចេញពីព្រឹត្តិការណ៍ដ៏អាក្រក់នេះ ទូលព្រះបង្គំសូមលើកហត្ថបួងសួងដល់វត្ថុសក្តសិទ្ធក្នុងលោក ទេវតាថែរក្សាទឹកដីព្រះរាជាណាចក្រកម្ពុជា ទេវតាថែរក្សាប្រាង្គប្រាសាទអង្គរ យាងប្រោះព្រុំស័ព្ទសាធុការពរជ័យថ្វាយព្រះករុណាជាអម្ចាស់ជីវិតលើត្បូង និងសម្តេចម៉ែ ជាទីសក្ការៈដ៏ខ្ពង់ខ្ពស់បំផុត សូមព្រះអង្គទាំងទ្វេមានព្រះរាជសុខភាពបរិបូរណ៍ ព្រះរាជកាយពលមាំមួន។ សូមព្រះអង្គទាំងទ្វេទុកព្រះទ័យលើកូនចៅទាំងអស់គ្នាចុះ»។ឆ្លៀតឱកាសនេះដែរ ឯកឧត្តម ហ៊ុន ម៉ានីក៏សូមថ្លែងអំណរគុណ ចំពោះកិច្ចខិតខំប្រឹងប្រែងរបស់អាជ្ញាធរមូលដ្ឋាន និងមានសមត្ថកិច្ច ជាពិសេសកម្លាំងអគ្គិភ័យ ដែលបានប្រឹងប្រែងអស់ពីលទ្ធភាពដើម្បីគ្រប់គ្រងស្ថានការណ៍៕

សម្ដេចតេជោ ហ៊ុន សែន អំពាវនាវឲ្យពលរដ្ឋប្រុងប្រយ័ត្ន ចំពោះការឆបោក តាមរយៈប្រព័ន្ធTelegram

ភ្នំពេញ៖ នៅយប់ថ្ងៃទី១២ ខែមីនា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រី តាមរយៈសារជាសំឡេងបានអំពាវនាវឲ្យប្រជាពលរដ្ឋមានការប្រុងប្រយ័ត្នខ្ពស់ ដោយមានជនឆបោកតាមរយៈប្រព័ន្ធTelegram ខណៈមានជនបោកប្រាស់បានប្រើប្រាស់លេខក្រៅប្រទេស បង្កើតតេឡេក្រាម ដាក់ឈ្មោះលោកឧកញ៉ា ឃុន សៀ ហើយផ្ញើសារជាភាសាអង់គ្លេសឲ្យសម្ដេចផ្ទេរប្រាក់តាមរយៈABA ទៅឲ្យពួកគេ។ សូមស្ដាប់សារសំឡេងរបស់សម្ដេចតេជោតាមរយៈ Link: https://t.me/btvnewscambodia/80366

សម្ដេចតេជោ៖ ជំនួបសីហនុ-ហ៊ុន សែន និងសេចក្ដីថ្លែងការណ៍រួមបង្កើតបាននូវមូលដ្ឋាន ឈានដល់កិច្ចព្រមព្រៀងប៉ារីស

ភ្នំពេញ៖ តាមរយៈTelegram នាយប់ថ្ងៃទី១២ ខែមីនា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងអំណរគុណបងប្អូនដែលបានបង្ហោះវីដេអូមួយដោយបង្ហាញពីជំនួបដំបូងរវាងសម្ដេច និងសម្ដេចព្រះបីតាជាតិដែលគេនិយមហៅថា ជំនួបសីហនុ ហ៊ុន សែន ហ្វែ អង់តាដឺណ័រប្រទេសបារាំងថ្ងៃទី២ ខែឆ្នូ ឆ្នាំ១៩៨៧។ សម្ដេចតេជោ ហ៊ុន សែន បានបញ្ជាក់ថា ”ជំនួបដំបូងនេះភាគីម្ខាងៗមាន៣រូបដែលភាគី ព្រះករុណា មានព្រះអង្គផ្ទាល់អមដោយសម្តេចម៉ែ និងសម្តេចក្រុមព្រះ។ ឯភាគីភ្នំពេញមានសម្ដេចតេជោ អមដោយឯកឧត្តម ឌិច មន្ទី និង ឯកឧត្ដម ចម ប្រសិទ្ធ។” ការចរចាធ្វើពេញមួយថ្ងៃ (ថ្ងៃទី២ធ្នូ) បន្តមកថ្ងៃទី៣ធ្នូ សម្រេចបានសេចក្តីប្រកាសរួមមួយមកចុះហត្ថលេខាព្រឹកថ្ងៃទី៤ ខែធ្នូ ឆ្នាំ១៩៨៧។” សម្ដេចតេជោបានសង្គត់ធ្ងន់ថា ជំនួប និងសេចក្តីថ្លែងការណ៍នេះហើយដែលបង្កើតបាននូវមូលដ្ឋាន សម្រាប់ការចរចា នៃភាគីពាក់ព័ន្ធទាំងជាតិ និងអន្តរជាតិ និងឈានដល់កិច្ចព្រមព្រៀងប៉ារីស។សម្ដេចតេជោបន្តថា មុនចរចានាំគ្នាអង្គុយឲ្យសារព័ត៌មានចូលថតបន្ទាប់មកទើបចាប់ផ្តើមចូលតុចរចា គង់ និងអង្គុយទល់មុខគ្នា។ សម្ដេចតេជោ ជឿជាក់ថា តាមរយៈការពន្យល់ និងវីដេអូដែលបានផ្សព្វផ្សាយនេះនឹងជួយឲ្យបងប្អូនប្រជាជនយើងអាចយល់បានពីដំណើររឿងប្រវត្តិសាស្ត្រកម្ពុជាដែលអាចជៀសវាងបានពីការយល់ខុសតាមការកុហករបស់មនុស្សខ្លះ៕

ក្រុមបាតុករអ៊ីស្រាអ៊ែលដើរពេញដងផ្លូវក្នុងការតវ៉ាដ៏ធំបំផុតក្នុងប្រវត្តិសាស្ត្រប្រឆាំងកំណែទម្រង់ប្រព័ន្ធតុលាការ

អ៊ីស្រាអ៊ែល៖ ប្រជាជនអ៊ីស្រាអែលរាប់សែននាក់ បានចូលរួមក្នុងអ្វីដែលអ្នកមួយចំនួនហៅថា ការតវ៉ាដ៏ធំបំផុតក្នុងប្រវត្តិសាស្ត្ររបស់ប្រទេសនេះ។ ការតវ៉ាប្រឆាំងនឹងផែនការរបស់រដ្ឋាភិបាល សម្រាប់ការផ្លាស់ប្តូរប្រព័ន្ធតុលាការបានដំណើរការអស់រយៈពេល ១០សប្តាហ៍មកហើយ។ ចំនួនបាតុករបានធ្លាក់ចុះក្នុងទីក្រុងនានាដូចជាទីក្រុង Haifa ខណៈដែលមានមនុស្សប្រមាណ ២០០.០០០នាក់ត្រូវគេជឿថាបានដើរតាមដងផ្លូវក្នុងទីក្រុង Tel Aviv។ ក្រុមអ្នករិះគន់និយាយថា កំណែទម្រង់នេះនឹងធ្វើឲ្យប៉ះពាល់ដល់លទ្ធិប្រជាធិបតេយ្យ។ ប៉ុន្តែរដ្ឋាភិបាលរបស់លោក Benjamin Netanyahu និយាយថា ការផ្លាស់ប្តូរដែលបានគ្រោងទុកគឺប្រសើរជាងសម្រាប់ម្ចាស់ឆ្នោត។ ក្រុមអ្នករៀបចំបាននិយាយថា បាតុករគាំទ្រលទ្ធិប្រជាធិបតេយ្យចំនួន ៥០០,០០០នាក់បានដើរតាមផ្លូវទូទាំងប្រទេសកាលពីថ្ងៃសៅរ៍ ជាអ្វីដែលកាសែតអ៊ីស្រាអែល Haaretz ហៅថា ជាបាតុកម្មដ៏ធំបំផុតនៅក្នុងប្រវត្តិសាស្ត្ររបស់ប្រទេស។ មេដឹកនាំប្រឆាំងលោក Yair Lapid បានប្រាប់ហ្វូងមនុស្សនៅក្នុងទីក្រុង Be'er Sheva ភាគខាងត្បូងថា ប្រទេសនេះកំពុងប្រឈមនឹងវិបត្តិដ៏ធំបំផុតនៅក្នុងប្រវត្តិសាស្ត្ររបស់ខ្លួន។ លោកបាននិយាយថា រលកនៃអំពើភេរវកម្មកំពុងវាយលុកយើង សេដ្ឋកិច្ចរបស់យើងកំពុងគាំង លុយកំពុងរត់គេចពីប្រទេស។ អ៊ីរ៉ង់ទើបតែបានចុះហត្ថលេខាកាលពីម្សិលមិញ នូវកិច្ចព្រមព្រៀងថ្មីមួយជាមួយអារ៉ាប៊ីសាអូឌីត។ ប៉ុន្តែរឿងតែមួយគត់ដែលរដ្ឋាភិបាលនេះយកចិត្តទុកដាក់ គឺបំផ្លាញលទ្ធិប្រជាធិបតេយ្យរបស់អ៊ីស្រាអែល៕អត្ថបទ៖ សុខមាន

លោក ស៊ីម សំណាង ជាអតីតស្ថាបនិកអង្គការមាតាធម្មជាតិម្នាក់ទៀតចូលរួមគាំទ្ររាជរដ្ឋាភិបាល

កោះកុង៖អតីតស្ថាបនិកអង្គការមាតាធម្មជាតិម្នាក់ទៀត លោក ស៊ីម សំណាង នៅយប់ថ្ងៃទី១១ ខែមីនា ឆ្នាំ២០២៣នេះ បានប្រកាសស្ម័គ្រចិត្តចូលរួមគាំទ្រធ្វើសកម្មការពារធនធានធម្មជាតិជាមួយរាជរដ្ឋាភិបាលឡើងវិញក្រោយពីលោកធ្លាប់បានធ្វើសកម្មភាពខុសច្បាប់ជាមួយក្រុមអង្គការមាតាធម្មជាតិរបស់លោក អាឡេច រហូតឈានដល់ជាប់ពន្ធនាគាររយៈពេលជាង ១០ ខែ បណ្ដាលឱ្យគ្រួសារមានទុក្ខលំបាកគ្រប់យ៉ាងប៉ុន្ដែគ្មានបរទេសណាម្នាក់បានជួយដល់គ្រួសារពួកគាត់នោះទេ ។

BREAKING NEWS! សម្ដេចតេជោ ហ៊ុន សែន វីដេអូខលមកក្រុមយុវជនអតីតសកម្មជនអង្គការមាតាធម្មជាតិ

កោះកុង៖ សម្ដេចតេជោ ហ៊ុន សែន នាយករដ្ឋមន្រ្ដីកម្ពុជា នាយប់ថ្ងៃទី១១ ខែមីនា ឆ្នាំ២០២៣ នេះ បានវីដេអូខល តាមរយៈប្រព័ន្ធតេឡេក្រាមជួបមន្រ្ដីបរិស្ថាន និងក្រុមយុវជនអតីតស្ថាបនិក និងសមាជិកអង្គការមាតាធម្មជាតិ ៣៤ នាក់។ក្នុងជំនួបប្រមាណជាង ៣០នាទី សម្ដេចតេជោ ហ៊ុន សែន បានណែនាំឱ្យមន្រ្ដី និងក្រុមយុវជនអង្គការសង្គមស៊ីវិល រួមគ្នាធ្វើការងារការពារធនធានធម្មជាតិ និងអភិវឌ្ឍន៍តំបន់ទេសចរណ៍នៅក្នុងប្រទេសកម្ពុជា ជាពិសេសនៅតំបន់អេកូទេសចរណ៍ជីផាត នៃខេត្តកោះកុងដែលជាតំបន់ទេសចរណ៍ធម្មជាតិដ៏សំខាន់នៅកម្ពុជា៕

ថាមពលត្រូវបានកាត់ផ្តាច់នៅទីក្រុង Kharkiv របស់អ៊ុយក្រែន បន្ទាប់ពីការបាញ់មីស៊ីលរបស់រុស្ស៊ី

អ៊ុយក្រែន៖ អាជ្ញាធរក្នុងតំបន់បាននិយាយថា ការវាយប្រហារដោយមីស៊ីលរបស់រុស្សីបានកាត់ផ្តាច់ថាមពលនៅក្នុងទីក្រុងធំទី២ របស់អ៊ុយក្រែនគឺទីក្រុង Kharkiv កាលពីថ្ងៃព្រហស្បតិ៍ ទី៩ ខែមីនា។អភិបាលតំបន់ Kharkiv លោក Oleh Synehubov បាននិយាយថា ទីក្រុងរបស់លោកនៅភាគឦសានប្រទេសអ៊ុយក្រែន ត្រូវបានវាយប្រហារដោយមីស៊ីលបាលីស្ទីក S-300 ប្រហែល ១៥គ្រាប់ដែលអ៊ុយក្រែនមិនអាចស្ទាក់ចាប់បាន។ លោកនិយាយនៅលើបណ្តាញ Telegram ថា សត្រូវបានវាយប្រហារមកលើទីក្រុង និងតំបន់ ដែលហេដ្ឋារចនាសម្ព័ន្ធស្ថិតក្នុងចំណោមគោលដៅវាយប្រហារ។ ភ្លើងសញ្ញាចរាចរណ៍លែងដំណើរការ ហើយសំឡេងរំខានដោយម៉ាស៊ីនភ្លើងត្រូវបានឮនៅតាមដងផ្លូវនៃទីក្រុង Kharkiv។ ពលរដ្ឋបានមកប្រមូលផ្តុំគ្នា ដើម្បីសាកថ្មទូរសព្ទដៃដោយប្រើម៉ាស៊ីនភ្លើង។ រុស្ស៊ីបានបាញ់មីស៊ីលច្រើនគ្រាប់ជាបន្តបន្ទាប់ នៅទូទាំងប្រទេសអ៊ុយក្រែនកាលពីថ្ងៃព្រហស្បតិ៍ ខណៈមនុស្សបានដេកលក់ ដោយបានបណ្តាលឲ្យជនស៊ីវិលយ៉ាងតិច ៦នាក់ស្លាប់ និងកាត់ផ្តាច់ថាមពលអគ្គិសនីក្នុងការវាយប្រហារនៅក្រុងគីវ ដែលរួមមានមីស៊ីលស៊ីបគោលដៅ Kinzhal ដែលមានល្បឿនលឿនជាងសំឡេងចំនួន ៦គ្រាប់ជាអាវុធដ៏មានតម្លៃបំផុតរបស់ទីក្រុងមូស្គូ។ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា ការប៉ុនប៉ងមួយផ្សេងទៀតរបស់រដ្ឋភេរវករដើម្បីធ្វើសង្គ្រាមប្រឆាំងសង្គមស៊ីវិល បានបណ្តាលឱ្យមានការដាច់ចរន្តអគ្គិសនី ថាមពលកម្តៅ និងទឹកនៅក្នុងតំបន់ និងទីក្រុងមួយចំនួនរបស់យើង ដែលក្រុមអ្នកជំនាញកំពុងធ្វើការ ដើម្បីស្ដារប្រតិបត្តិការនៅទីតាំងថាមពលឡើងវិញ។ ជនស៊ីវិល ៣នាក់ត្រូវបានរាយការណ៍ថាបានស្លាប់ដោយកាំភ្លើងធំនៅក្នុងទីក្រុង Kherson ភាគខាងត្បូងអ៊ុយក្រែនកាលពីថ្ងៃព្រហស្បតិ៍៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សរាប់ពាន់នាក់ចេញតវ៉ាជាថ្មីនៅកណ្ដាលទីក្រុងអាតែន ក្រោយគ្រោះថ្នាក់រថភ្លើងសម្លាប់មនុស្ស ៥៧នាក់

អូស្ត្រាលីនឹងបន្តគាំទ្រជួយដល់កម្ពុជា លើវិស័យជាច្រើន ជាពិសេសជួយកម្ពុជា ជាប្រទេសគ្មានមីននៅឆ្នាំ២០២៥

ឯកឧត្តម ហ៊ុន ម៉ានី មានក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប

សម្ដេចតេជោ ហ៊ុន សែន អំពាវនាវឲ្យពលរដ្ឋប្រុងប្រយ័ត្ន ចំពោះការឆបោក តាមរយៈប្រព័ន្ធTelegram

សម្ដេចតេជោ៖ ជំនួបសីហនុ-ហ៊ុន សែន និងសេចក្ដីថ្លែងការណ៍រួមបង្កើតបាននូវមូលដ្ឋាន ឈានដល់កិច្ចព្រមព្រៀងប៉ារីស

លោក ស៊ីម សំណាង ជាអតីតស្ថាបនិកអង្គការមាតាធម្មជាតិម្នាក់ទៀតចូលរួមគាំទ្ររាជរដ្ឋាភិបាល

BREAKING NEWS! សម្ដេចតេជោ ហ៊ុន សែន វីដេអូខលមកក្រុមយុវជនអតីតសកម្មជនអង្គការមាតាធម្មជាតិ

ថាមពលត្រូវបានកាត់ផ្តាច់នៅទីក្រុង Kharkiv របស់អ៊ុយក្រែន បន្ទាប់ពីការបាញ់មីស៊ីលរបស់រុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អូស្ត្រាលីនឹងបន្តគាំទ្រជួយដល់កម្ពុជា លើវិស័យជាច្រើន ជាពិសេសជួយកម្ពុជា ជាប្រទេសគ្មានមីននៅឆ្នាំ២០២៥

ឯកឧត្តម ហ៊ុន ម៉ានី មានក្តីរន្ធត់ និងសោកស្តាយពន់ពេក ចំពោះអគ្គីភ័យឆាបឆេះព្រះរាជដំណាក់ខេត្តសៀមរាប

សម្ដេចតេជោ ហ៊ុន សែន អំពាវនាវឲ្យពលរដ្ឋប្រុងប្រយ័ត្ន ចំពោះការឆបោក តាមរយៈ​ប្រព័ន្ធTelegram

សម្ដេចតេជោ៖ ជំនួបសីហនុ-ហ៊ុន សែន និងសេចក្ដីថ្លែងការណ៍រួមបង្កើតបាននូវមូលដ្ឋាន ឈានដល់កិច្ចព្រមព្រៀងប៉ារីស

លោក ស៊ីម សំណាង ជាអតីតស្ថាបនិកអង្គការមាតាធម្មជាតិម្នាក់ទៀតចូលរួមគាំទ្ររាជរដ្ឋាភិបាល

BREAKING NEWS! សម្ដេចតេជោ ហ៊ុន សែន វីដេអូខលមកក្រុមយុវជនអតីតសកម្មជនអង្គការមាតាធម្មជាតិ

ថាមពល​ត្រូវបាន​កាត់ផ្តាច់​នៅ​ទីក្រុង Kharkiv របស់​អ៊ុយ​ក្រែ​ន ​បន្ទាប់​ពី​ការបាញ់​មី​ស៊ី​ល​របស់​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចតេជោ ហ៊ុន សែន អំពាវនាវឲ្យពលរដ្ឋប្រុងប្រយ័ត្ន ចំពោះការឆបោក តាមរយៈប្រព័ន្ធTelegram

ថាមពលត្រូវបានកាត់ផ្តាច់នៅទីក្រុង Kharkiv របស់អ៊ុយក្រែន បន្ទាប់ពីការបាញ់មីស៊ីលរបស់រុស្ស៊ី