BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

រុស្ស៊ីរិះគន់ការសម្រេចចិត្តបញ្ជូនរថក្រោះរបស់អាល្លឺម៉ង់ឲ្យអ៊ុយក្រែនថា ជាការពង្រីកជម្លោះ និងក្បត់ប្រវត្តិសាស្ត្រ

រុស្ស៊ី៖ រុស្ស៊ីបានផ្ទុះកំហឹងកាលពីថ្ងៃពុធ ទី២៥មករា ចំពោះការសម្រេចចិត្តរបស់អាល្លឺម៉ង់ក្នុងការអនុម័តបញ្ជូនរថក្រោះឡេភើតជំនាន់ទី២ ទៅឲ្យអ៊ុយក្រែន ដោយនិយាយថា ទីក្រុងប៊ែរឡាំងកំពុងបោះបង់ចោលទំនួលខុសត្រូវជាប្រវត្តិសាស្ត្ររបស់ខ្លួនចំពោះរុស្ស៊ី ដោយការរួចផុតពីឧក្រិដ្ឋកម្មរបបណាស៊ីនៅក្នុងសង្គ្រាមលោកលើកទី២។ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយនៅតាមបណ្ដាញ Telegram ថា ចំណាត់ការនេះគឺជាការបញ្ជាក់ទៅកាន់ការលូកដៃចូលពាក់ព័ន្ធរបស់អាល្លឺម៉ង់ ក្នុងសង្គ្រាមដែលរៀបផែនការទុកមុនប្រឆាំងនឹងរុស្ស៊ី។ ស្ថានទូតរុស្ស៊ីប្រចាំប្រទេសអាល្លឺម៉ង់បាននិយាយថា ការសម្រេចចិត្តដែលនឹងត្រួសត្រាយផ្លូវសម្រាប់សមាជិកណាតូមួយផ្សេងទៀត មានឱកាសបញ្ជូនរថក្រោះផលិតដោយអាល្លឺម៉ង់ផងដែរនោះ នឹងធ្វើឲ្យជម្លោះដែលបានអូសបន្លាយរយៈពេល ១១ខែនៅអ៊ុយក្រែនរីករាលដាលកាន់តែខ្លាំងថែមទៀត ដែលទីក្រុង Moscow ចាត់ទុកថា ជាគ្រោះថ្នាក់ដោយផ្ទាល់រវាងរុស្ស៊ី និងសម្ព័ន្ធយោធាដឹកនាំដោយសហរដ្ឋអាមេរិក។ ឯកអគ្គរដ្ឋទូតរុស្ស៊ីលោក Sergei Nechayev បាននិយាយថា ការសម្រេចចិត្តដ៏គ្រោះថ្នាក់នេះ នឹងឈានដល់ការប្រឈមដាក់គ្នាដំណាក់កាលថ្មីមួយទៀត។ លោកបានបន្ថែមថា ការបញ្ជូនអាវុធធុនធ្ងន់នេះ នឹងបណ្ដាលឲ្យប៉ះពាល់ដល់ទំនាក់ទំនងមិនអាចជួសជុលបានរវាងរុស្ស៊ី និងអាល្លឺម៉ង់៕អត្ថបទ៖ សុខមាន

អាមេរិក និងអាល្លឺម៉ង់នឹងបញ្ជូនរថក្រោះទំនើបជួយអ៊ុយក្រែនប្រឆាំងការវាយលុករបស់រុស្ស៊ី

អាមេរិក៖ សហរដ្ឋអាមេរិកបាននិយាយកាលពីថ្ងៃពុធ ទី២៥មករាថា ខ្លួននឹងផ្គត់ផ្គង់រថក្រោះប្រយុទ្ធទំនើបបំផុតរបស់ខ្លួនចំនួន ៣១គ្រឿង ក្រោយអាល្លឺម៉ង់ចេញការប្រកាសស្រដៀងគ្នានេះ ដែលត្រូវបានសាទរដោយទីក្រុង Kyiv ថា ជាចំនួនប្រែប្រួលដ៏ធំនៅក្នុងសមរភូមិរបស់ខ្លួន ដើម្បីបណ្ដេញការវាយលុកលុយរបស់រុស្ស៊ី។ ការសម្រេចចិត្តរបស់អាមេរិកបញ្ជូនរថក្រោះ M1 Abrams បានជួយទម្លាយភាពជាប់គាំងផ្នែកការទូតជាមួយអាល្លឺម៉ង់ ជុំវិញការស្វែងរកមធ្យោបាយល្អបំផុតជួយទីក្រុង Kyiv ក្នុងសង្គ្រាមរបស់ខ្លួនជាមួយរុស្ស៊ី ហើយប៉ុន្មានម៉ោងក្រោយមក រុស្ស៊ីបានថ្កោលទោសការសម្រេចចិត្តរបស់ទីក្រុងប៊ែរឡាំង ដែលផ្ដល់រថក្រោះឡេភើតជំនាន់ទី២ (Leopard 2) ថា ជាការបង្កជម្លោះដ៏គ្រោះថ្នាក់។ ទីក្រុងវ៉ាស៊ីនតោនបានប្រយ័ត្នប្រយែងចំពោះគំនិតនៃការដាក់ពង្រាយរថក្រោះ Abrams ដែលពិបាកថែទាំ ប៉ុន្តែត្រូវបង្វែរគោលដៅដើម្បីបញ្ចុះបញ្ចូលអាល្លឺម៉ង់ឲ្យបញ្ជូនរថក្រោះឡេភើតជំនាន់ទី២ (Leopard 2) ដែលបានធ្វើប្រតិបត្តិការកាន់តែងាយស្រួលរបស់ខ្លួន ដែលជាកម្លាំងស្នូលដ៏ធំរបស់កងទ័ពណាតូនៅទូទាំងទ្វីបអឺរ៉ុបទៅឲ្យអ៊ុយក្រែន។ អាល្លឺម៉ង់និយាយថា ខ្លួននឹងបញ្ជូនរថក្រោះធុនធ្ងន់ឡេភើតជំនាន់ទី២ ចំនួន ១៤គ្រឿងទៅកាន់សមរភូមិរបស់អ៊ុយក្រែន។ លោកប្រធានាធិបតី Joe Biden បានប្រកាសពីការសម្រេចចិត្តរបស់សហរដ្ឋអាមេរិក នៅក្នុងសេចក្ដីអត្ថាធិប្បាយនៅសេតវិមាន ដោយលើកឡើងថា រថក្រោះទាំងនេះជាតម្រូវការចាំបាច់ក្នុងការជួយកងទ័ពអ៊ុយក្រែន ពង្រឹងសមត្ថភាពប្រយុទ្ធរបស់ពួកគេក្នុងការបើកលក្ខខណ្ឌភូមិសាស្ត្រ៕ អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីភាពប្រគល់សញ្ញាបត្រជូននិស្សិតសាកលវិទ្យាល័យវេស្ទើនជាង ៣ពាន់នាក់

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៃសាកលវិទ្យាល័យវេស្ទើន សរុបចំនួន ៣២៣២នាក់ ក្នុងនោះក៏មាននិស្សិតស្រីចំនួន ១៨៩៧នាក់ ដែលពួកគេបានបញ្ចប់ការសិក្សាក្នុងឆ្នាំសិក្សា២០១៩-២០២០ ឆ្នាំសិក្សា២០២០-២០២១ និងឆ្នាំសិក្សា២០២១-២០២២ កន្លងទៅ ដែលពិធីនេះនឹងធ្វើឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ(OCIC) នៅព្រឹកថ្ងៃទី២៦ ខែមករា ឆ្នាំ២០២៣។បច្ចប្បន្នសាកលវិទ្យាល័យមាននិស្សិតកំពុងបន្តការសិក្សាក្នុងឆ្នាំ២០២២-២០២៣ នេះ ចំនួនសរុប ៥.១៨៦នាក់ ( ស្រី ៣.៥៩០នាក់ ) ហើយមាននិស្សិតបានបញ្ចប់ការសិក្សា គិតចាប់ពីឆ្នាំសិក្សា២០០៣-២០០៤ ដល់ឆ្នាំសិក្សាបច្ចុប្បន្នចំនួន ១៦.៧៤១នាក់ (ស្រី ៨.៤៣០នាក់)៕

លោក Chris Hipkins បានស្បថចូលកាន់តំណែងជានាយករដ្ឋមន្ត្រីរបស់ប្រទេសណូវ៉ែលហ្សេឡង់

ណូវ៉ែលហ្សេឡង់៖ មេដឹកនាំបក្សពលករលោក Chris Hipkins ត្រូវបានស្បថចូលកាន់តំណែងជានាយករដ្ឋមន្ត្រីរបស់ប្រទេសណូវ៉ែលហ្សេឡង់នៅក្នុងពិធីផ្លូវការមួយនៅថ្ងៃពុធនេះ ក្រោយការលាលែងពីតំណែងរបស់លោកស្រីនាយករដ្ឋមន្ត្រីផុតអាណត្តិ Jacinda Ardern កាលពីសប្ដាហ៍មុន។ បក្សពលករបានជ្រើសរើសអតីតរដ្ឋមន្ត្រីឆ្លើយតបវីរុស COVID-19 លោក Hipkins វ័យ ៤៤ឆ្នាំដើម្បីដឹកនាំគណបក្ស និងប្រទេសនេះកាលពីថ្ងៃអាទិត្យ។ ការជ្រើសតាំងនេះបានកើតឡើង បន្ទាប់ពីការលាលែងពីតំណែងដ៏គួរឲ្យភ្ញាក់ផ្អើលរបស់លោកស្រី Ardern វ័យ ៤២ឆ្នាំដែលនិយាយថា លោកស្រីលែងចង់ចូលរួមប្រកួតប្រជែងដឹកនាំប្រទេសនេះទៀតហើយ។ លោក Hipkins និងអនុប្រធានរបស់លោកគឺលោកស្រី Carmel Sepuloni ត្រូវបានស្បថចូលកាន់តំណែង ក្រោមការចូលរួមពីអគ្គទេសាភិបាលណូវ៉ែលហ្សេឡង់លោកស្រី Cindy Kiro នៅក្នុងពិធីរយៈពេលប៉ុន្មាននាទី។ លោក Hipkins ដែលសូមមិនផ្ដល់សេចក្ដីអត្ថាធិប្បាយលើគោលនយោបាយរបស់លោក ចាប់តាំងពីត្រូវបានជ្រើសរើសជាមេដឹកនាំប្រទេសនេះ ត្រូវជួបប្រជុំគណៈរដ្ឋមន្ត្រីរបស់លោកលើកដំបូងនៅល្ងាចថ្ងៃពុធនេះ៕អត្ថបទ៖ សុខមាន

អាមេរិកត្រៀមអនុម័តបញ្ជូនរថក្រោះ Abrams ទៅអ៊ុយក្រែន ខណៈអាល្លឺម៉ង់នឹងបញ្ជូនរថក្រោះឡេភឺតជំនាន់ទី២

អាមេរិក៖ មន្ត្រីសហរដ្ឋអាមេរិកពីររូបបាននិយាយកាលពីថ្ងៃអង្គារថា សហរដ្ឋអាមេរិកត្រៀមខ្លួនដើម្បីចាប់ផ្តើមដំណើរការ ដែលនៅទីបំផុតនឹងបញ្ជូនរថក្រោះប្រយុទ្ធ M1 Abrams រាប់សិបគ្រឿងទៅកាន់អ៊ុយក្រែន។ ការសម្រេចចិត្តបែបនេះរបស់សហរដ្ឋអាមេរិក ធ្វើឡើងប៉ុន្មានថ្ងៃបន្ទាប់ពីទីក្រុងវ៉ាស៊ីនតោនបានបដិសេធមិនបញ្ជូនរថក្រោះ Abrams ទោះបីជាមានការទាមទារពីទីក្រុង Kyiv និងសម្ពាធសាធារណៈពីទីក្រុងប៊ែកឡាំងក៏ដោយ ខណៈខ្លួនប្រឈមនឹងការអំពាវនាវឱ្យបញ្ជូនរថក្រោះប្រយុទ្ធឡេភឺត (Leopard) ផលិតនៅអាល្លឺម៉ង់។ អធិការបតីអាល្លឺម៉ង់លោក Olaf Scholz កាលពីថ្ងៃអង្គារបានសម្រេចបញ្ជូនរថក្រោះប្រយុទ្ធឡេភឺតជំនាន់ទី២ (Leopard 2) ទៅកាន់អ៊ុយក្រែន និងអនុញ្ញាតឱ្យប្រទេសផ្សេងទៀតដូចជាប៉ូឡូញអនុវត្តដូច្នេះ។ ទីក្រុង Kyiv បានស្នើសុំអស់រយៈពេលជាច្រើនខែមកហើយ សម្រាប់រថក្រោះប្រទេសលោកខាងលិចដែលខ្លួននិយាយថា ត្រូវការយ៉ាងខ្លាំងសម្រាប់កងកម្លាំងចល័តរបស់ខ្លួន ដើម្បីវាយបំបែកខ្សែការពាររបស់រុស្ស៊ី និងដណ្តើមយកមកវិញទឹកដីដែលត្រូវបានចូលគ្រប់គ្រងនៅភាគខាងកើត និងខាងត្បូង។ ប្រភពមួយប្រាប់សារព័ត៌មាន Reuters ថា ប្រទេសអាល្លឺម៉ង់នឹងបញ្ជូនរថក្រោះឡេភឺតជំនាន់ទី២ (Leopard 2) ទៅកាន់ប្រទេសអ៊ុយក្រែនដើម្បីជួយប្រយុទ្ធប្រឆាំងការវាយលុកចូលរបស់រុស្ស៊ី។ ទីក្រុង Kyiv អះអាងថា រថក្រោះប្រយុទ្ធទំនើបធុនធ្ងន់នឹងផ្តល់ឱ្យខ្លួននូវកម្លាំងបាញ់ និងការចល័តដែលអ៊ុយក្រែនត្រូវការយ៉ាងខ្លាំង ក្នុងការដណ្តើមយកទឹកដីនៅភាគខាងកើត និងខាងត្បូងមកវិញ។ ថាតើត្រូវផ្គត់ផ្គង់រថក្រោះទាំងនោះឬអត់ បានគ្របដណ្ដប់លើកិច្ចពិភាក្សាក្នុងចំណោមសម្ព័ន្ធមិត្តប្រទេសលោកខាងលិចរបស់ទីក្រុង Kyiv ក្នុងរយៈពេលប៉ុន្មានសប្តាហ៍កន្លងទៅនេះ។ រថក្រោះឡេភឺតជំនាន់ទី២ (Leopard 2) ដែលផលិតដោយអាល្លឺម៉ង់ត្រូវបានគេមើលឃើញយ៉ាងទូលំទូលាយថា ជាជម្រើសដ៏ល្អបំផុតដែលងាយស្រួលក្នុងការដាក់ពង្រាយ។ ប៉ុន្តែទីក្រុងប៊ែរឡាំងបានប្រុងប្រយ័ត្នចំពោះចំណាត់ការនេះ ដែលនឹងធ្វើឲ្យរុស្ស៊ីផ្ទុះសង្គ្រាមកាន់តែធំ។ កាលពីថ្ងៃអង្គារ ប្រទេសប៉ូឡូញបានបង្កើនសម្ពាធលើប្រទេសអាល្លឺម៉ង់ ដោយស្នើសុំជាផ្លូវការដើម្បីអនុញ្ញាតឱ្យនាំចេញរថក្រោះប្រយុទ្ធឡេភឺតជំនាន់ទី២ (Leopard 2) របស់ខ្លួនទៅកាន់អ៊ុយក្រែន៕អត្ថបទ៖ ប៊ុនថន

ព្រិលធ្លាក់ខ្លាំងបង្កការរំខាន និងប៉ះពាល់នៅក្នុងប្រទេសមួយចំនួននៅតំបន់អឺរ៉ុប

អឺរ៉ុប៖ ប្រជាពលរដ្ឋនៅក្នុងទីក្រុងដេលនីស (Delnice) របស់ប្រទេសក្រូអាត បានស៊ូទ្រាំនឹងការធ្លាក់ព្រិលដែលនៅតែបន្តនៅសប្ដាហ៍នេះ ខណៈព្រិលធ្លាក់ខ្លាំងបានគ្របដណ្ដប់គ្រប់ទីកន្លែងក្លាយជាទីក្រុងពណ៌ស។ ប្រជាពលរដ្ឋបាននិយាយថា ព្រិលធ្លាក់កាន់តែខ្លាំង និងពិបាកក្នុងការសម្អាតដែលមានរហូតដល់កម្រាស់ ២ម៉ែត្រ។ ទីភ្នាក់ងារអាកាសធាតុក្រូអាតបានចេញការព្រមានថា ស្ថានភាពអាកាសធាតុបច្ចុប្បន្នគ្រោះថ្នាក់ណាស់នៅក្នុងតំបន់នេះ ជាទីដែលទីក្រុងមួយនេះលាតសន្ធឹងពីសមុទ្រអាទ្រីយ៉ាទិក (Adriatic sea) ដែលមានធ្លាក់ព្រិល និងទឹកកកទំនងជារំខានដល់ការធ្វើចរាចរណ៍។ កោះដ៏ធំបំផុតម៉ាឡូកា (Mallorca) របស់អេស្ប៉ាញត្រូវបានប៉ះពាល់ ដោយការធ្លាក់ព្រិលដ៏ធំបំផុតក្នុងរយៈពេលជាង ៥ឆ្នាំនៅសប្ដាហ៍នេះ ក្នុងនោះព្រិលបានធ្លាក់កម្រាស់ ៧សង់ទីម៉ែត្រនៅក្នុងតំបន់ហ្វណាលូតស៍ (Fornalutx) និងសីតុណ្ហភាព -2.4អង្សាសេត្រូវបានកត់ត្រានៅក្នុងតំបន់ជួរភ្នំសេរ៉ា ឌឺ ត្រាម៉ុនតាណា។ តំបន់មួយចំនួននៅក្នុងប្រទេសអ៊ីតាលី ក៏កំពុងប្រឈមនឹងការប្រកាសភាពធ្ងន់ធ្ងរនៃអាកាសធាតុផងដែរ ដោយសារតែការធ្លាក់ព្រិល និងសីតុណ្ហភាពចុះត្រជាក់ដូចជានៅតំបន់ឡេម៉ាឆេ (Le Marche) និងតំបន់អ៊ីមីលីយ៉ា រ៉ូម៉ាណា (Emilia Romagna) របស់ប្រទេសអ៊ីតាលី ជាទីដែលភ្លើងសញ្ញាប្រកាសអាសន្នពណ៌ទឹកក្រូចត្រូវបានបញ្ចេញ ដោយសារតែបញ្ហាអាកាសធាតុនេះបានគំរាមកំហែងដល់មនុស្ស និងទ្រព្យសម្បត្តិ។ ប្រទេសស្លូវ៉ាគី និងអូទ្រីសក៏ត្រូវបានរងផលប៉ះពាល់ផងដែរដោយព្យុះព្រិល ដែលបណ្ដាលឲ្យដាច់ចរន្តអគ្គិសនី ហើយផ្លូវ និងសាលារៀនជាច្រើនត្រូវបានបិទនៅក្នុងតំបន់ខ្លះដូចជាតំបន់ការីនទីយ៉ា (Carinthia) ក្នុងប្រទេសអូទ្រីស ជាទីដែលលំនៅឋានប្រមាណ ៥.០០០ខ្នងគ្មានអគ្គិសនីប្រើប្រាស់៕អត្ថបទ៖ សុខមាន

ភ្លៀងធ្លាក់ខ្លាំងនៅរដ្ឋ Johor ជនរងគ្រោះជាង ៣,៤០០នាក់ត្រូវបានជម្លៀសទៅកាន់មជ្ឈមណ្ឌលសង្គ្រោះ

ម៉ាឡេស៊ី៖ ជនរងគ្រោះដោយទឹកជំនន់ជិត ៣,៥០០នាក់ត្រូវបានគេផ្តល់ទីជម្រកនៅក្នុងមជ្ឈមណ្ឌលសង្គ្រោះបណ្តោះអាសន្ននៅទូទាំងរដ្ឋ Johor ប្រទេសម៉ាឡេស៊ីនៅថ្ងៃពុធនេះ ខណៈភ្លៀងធ្លាក់ខ្លាំងនៅតែបន្តធ្លាក់នៅតំបន់នៃរដ្ឋនេះ។ យោងតាមទីភ្នាក់ងារគ្រប់គ្រងគ្រោះមហន្តរាយជាតិម៉ាឡេស៊ីបានឲ្យដឹងថា រដ្ឋ Johor បានកត់ត្រាជនរងគ្រោះដោយទឹកជំនន់ចំនួន ៣,៤៨២នាក់គិតត្រឹមម៉ោង ៦ព្រឹកថ្ងៃពុធ។ នេះគឺជាការកើនឡើងពីជនរងគ្រោះដោយទឹកជំនន់ចំនួន ២,៩១២នាក់ដែលត្រូវបានកត់ត្រាដោយទីភ្នាក់ងារនេះកាលពី ៦ម៉ោងមុន។ គណៈកម្មាធិការគ្រប់គ្រងគ្រោះមហន្តរាយរបស់រដ្ឋបាននិយាយថា ពេលនេះមានមជ្ឈមណ្ឌលសង្គ្រោះចំនួន ៣៥កន្លែងកំពុងដំណើរការនៅក្នុងរដ្ឋ Johor បន្ទាប់ពីមជ្ឈមណ្ឌលចំនួន ៥កន្លែងផ្សេងទៀតត្រូវបានបើកនៅក្នុងស្រុកចំនួន៥។ គណកម្មាធិការនិយាយថា ស្រុក សេហ្គាម៉ាត (Segamat) គឺជាស្រុកដែលរងផលប៉ះពាល់ខ្លាំងបំផុតដោយទឹកជំនន់ ដែលមានមនុស្ស ១,៣៩២នាក់ស្នាក់នៅក្នុងមណ្ឌលសង្គ្រោះចំនួន ១៣កន្លែង។ ក្រសួងឧតុនិយមម៉ាឡេស៊ីបានព្យាករណ៍នៅព្រឹកថ្ងៃពុធនេះថា នឹងមានភ្លៀងធ្លាក់ខ្លាំងជាបន្តបន្ទាប់នៅក្នុងរដ្ឋ Johor ដោយក្រសួងបានចេញការព្រមាន សម្រាប់ភ្លៀងធ្លាក់ខ្លាំងនៅក្នុងស្រុកដែលរងផលប៉ះពាល់ចំនួន ៦ស្រុក។ កាលពីខែមុន ឧបនាយករដ្ឋមន្ត្រីម៉ាឡេស៊ីលោក Ahmad Zahid Hamidi ដែលជាប្រធានគណៈកម្មាធិការគ្រប់គ្រងគ្រោះមហន្តរាយមជ្ឈិម បានអំពាវនាវឱ្យមានវិធានការរយៈពេលវែងភ្លាមៗ ដើម្បីដោះស្រាយបញ្ហាទឹកជំនន់របស់ប្រទេស រួមទាំងគម្រោងកាត់បន្ថយទឹកជំនន់។ កិច្ចខិតខំប្រឹងប្រែងគ្រប់គ្រងទឹកជំនន់បែបនេះនៅពេលដែលបានបញ្ចប់ វាអាចធានាបាននូវការគ្រប់គ្រងទឹកជំនន់រយៈពេលវែងដ៏ល្អរហូតដល់ឆ្នាំ២១០០៕អត្ថបទ៖ ប៊ុនថន

លោក Biden អំពាវនាវឱ្យមានបម្រាមអាវុធ បន្ទាប់ពីការបាញ់ប្រហារជាបន្តបន្ទាប់នៅរដ្ឋកាលីហ្វ័រញ៉ា

អាមេរិក៖ បន្ទាប់ពីការបាញ់ប្រហារជាបន្តបន្ទាប់ដ៏ធំបណ្តាលឲ្យមនុស្សជាង ២០នាក់ស្លាប់នៅរដ្ឋកាលីហ្វ័រញ៉ា សហរដ្ឋអាមេរិក ប្រធានាធិបតីលោក Joe Biden បានអំពាវនាវដល់សភាកាលពីថ្ងៃអង្គារ ឱ្យបញ្ជូនច្បាប់ដាក់បម្រាមអាវុធវាយប្រហារមកកាន់តុរបស់លោក ឱ្យបានឆាប់តាមដែលអាចធ្វើទៅបាន។ ជំនួបជាមួយមេដឹកនាំសភាគណបក្សប្រជាធិបតេយ្យលោក Biden បាននិយាយថា សមាជិកព្រឹទ្ធសភារដ្ឋកាលីហ្វ័រញ៉ាលោក Dianne Feinstein បានបង្ហាញឡើងវិញនូវច្បាប់បម្រាមអាវុធ។ នៅក្នុងការបាញ់ប្រហារ ៣លើកផ្សេងគ្នាក្នុងប៉ុន្មានថ្ងៃថ្មីៗនេះបណ្តាលឲ្យមនុស្ស ២១នាក់ស្លាប់នៅសហរដ្ឋអាមេរិក។ អាជ្ញាធរនិយាយថា ពួកគេនៅតែព្យាយាមកំណត់ពីមូលហេតុនៃការបាញ់ប្រហារទាំង ៣លើកនេះ។ ជនសង្ស័យក្នុងការវាយប្រហារ ២លើកមុនគឺជាបុរសដែលមានអាយុចូលនិវត្តន៍ ដែលចាស់ជាងខ្មាន់កាំភ្លើងធម្មតាក្នុងការបាញ់ប្រហារដ៏ឃោរឃៅ នៅក្នុងសហរដ្ឋអាមេរិក។ រដ្ឋកាលីហ្វ័រញ៉ាមានច្បាប់ហាមប្រាមកាំភ្លើងតឹងរ៉ឹងបំផុតនៅសហរដ្ឋអាមេរិក ជាប្រទេសដែលមានអត្រាមានកាំភ្លើងឯកជនខ្ពស់បំផុតក្នុងពិភពលោក។ រដ្ឋបានហាមប្រាមកាំភ្លើងជាច្រើនប្រភេទដែលស្របច្បាប់នៅក្នុងរដ្ឋផ្សេងទៀត ហើយការទទួលបានអាជ្ញាប័ណ្ណប្រើប្រាស់កាំភ្លើងនៅរដ្ឋកាលីហ្វ័រញ៉ាមានការលំបាក។ ទោះជាយ៉ាងណា អ្នករស់នៅរដ្ឋកាលីហ្វ័រញ៉ាដែលមានចេតនាបំពានច្បាប់ អាចមានអាវុធហាមឃាត់ដោយខុសច្បាប់ពីផ្នែកខ្លះរបស់ប្រទេសដែលកាំភ្លើងត្រូវបានលក់ដោយសេរី។ កាំភ្លើងខ្លីពាក់កណ្តាលស្វ័យប្រវត្តិ ជាកាំភ្លើងដែលកាន់បានយ៉ាងទូលំទូលាយបំផុតនៅក្នុងប្រទេស ហើយប្រភេទខ្លះស្របច្បាប់នៅរដ្ឋកាលីហ្វ័រញ៉ា។ ប៉ុន្តែរដ្ឋហាមឃាត់នូវអ្វីដែលខ្លួនកំណត់ថា ជាអាវុធវាយប្រហារត្រូវបានកំណត់ដោយលក្ខណៈពិសេសរបស់កាំភ្លើង និងរួមបញ្ចូលទាំងកាំភ្លើងពាក់កណ្តាលស្វ័យប្រវត្តិ MAC-10។ ប្រជាជនរដ្ឋកាលីហ្វ័រញ៉ាអាចបន្តកាន់កាប់អាវុធស្របច្បាប់ និងបានចុះបញ្ជីមុនទសវត្សរ៍ឆ្នាំ១៩៩០ ឬដើមទសវត្សរ៍ឆ្នាំ២០០០ អាស្រ័យលើប្រភេទអាវុធ៕អត្ថបទ៖ ប៊ុនថន

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

កូរ៉េខាងត្បូង៖ ព្រិលធ្លាក់ក្រាស់ៗ និងខ្យល់ខ្លាំងបានប៉ះពាល់ដល់តំបន់ភាគខាងត្បូងរបស់ប្រទេសកូរ៉េខាងត្បូង រួមទាំងទីក្រុងក្វាងជូ (Gwangju) កាលពីថ្ងៃអង្គារ ទី២៤មករា រំខានដល់ការធ្វើដំណើរនៅថ្ងៃចុងក្រោយនៃថ្ងៃឈប់សម្រាកបុណ្យចូលឆ្នាំចិន។ យោងតាមទីភ្នាក់ងារសារព័ត៌មាន Yonhap ក្រុមអាជ្ញាធរអាកាសធាតុបានចេញការប្រកាសអាសន្នពីរលកត្រជាក់ភាគច្រើននៅក្នុងប្រទេសនេះ ដោយនៅពេលព្រឹកសីតុណ្ហភាពបានធ្លាក់ចុះដល់ -16.4អង្សាសេនៅក្នុងទីក្រុងសេអ៊ូល និងរហូតដល់ -25.5អង្សាសេនៅក្នុងស្រុកឆេអូវ៉ុន (Cheorwon) ភាគខាងជើង។ អ្នកនាំពាក្យអាកាសយានដ្ឋានមួយបានប្រាប់សារព័ត៌មាន Reuters ថា ជើងហោះហើរក្នុងស្រុកទាំងអស់ ៤៦៦ជើង និងជើងហោះហើរអន្តរជាតិចំនួន ១០ជើងទៀតដែលគ្រោងហោះហើរទៅ និងមកពីអាកាសយានដ្ឋានអន្តរជាតិជេជូ (Jeju) ត្រូវបានលុបចោល។ ចំណែកក្រុមហ៊ុនអាកាសចរណ៍ Korean Air Lines បានបញ្ជាក់ថា ខ្លួនបានលុបចោលជើងហោះហើរ ៨៨ នៃជើងហោះហើរប្រចាំថ្ងៃរបស់ខ្លួនទាំងក្នុង និងក្រៅកោះមួយនេះកាលពីថ្ងៃអង្គារ គឺជាថ្ងៃចុងក្រោយនៃការឈប់សម្រាកពិធីបុណ្យចូលឆ្នាំចិន ជាពេលវេលាមួយក្នុងចំណោមថ្ងៃឈប់សម្រាកធំបំផុតចំនួន ២ របស់កូរ៉េខាងត្បូង៕អត្ថបទ៖ សុខមាន

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

អាហ្វហ្គានីស្ថាន៖ ក្រុមមន្ត្រីតាលីបង់បាននិយាយថា យ៉ាងហោចណាស់មនុស្ស ១២៤នាក់ស្លាប់នៅក្នុងសីតុណ្ហភាពត្រជាក់ខ្លាំងនៅប្រទេសអាហ្វហ្គានីស្ថាន។ អ្នកនាំពាក្យក្រសួងគ្រប់គ្រងគ្រោះមហន្តរាយបាននិយាយថា សត្វពាហនៈប្រមាណ ៧ម៉ឺនក្បាលបានងាប់នៅក្នុងរដូវរងា ដែលត្រជាក់ខ្លាំងបំផុតក្នុងរយៈពេលមួយទសវត្សរ៍កន្លងទៅនេះ។ ទីភ្នាក់ងារជំនួយជាច្រើនបានផ្អាកប្រតិបត្តិការជាច្រើនសប្តាហ៍កន្លងទៅនេះ បន្ទាប់ពីក្រុមតាលីបង់បានហាមប្រាមស្ត្រីអាហ្វហ្គានីស្ថាន មិនឱ្យធ្វើការនៅអង្គការក្រៅរដ្ឋាភិបាល។ រដ្ឋមន្ត្រីក្រុមតាលីបង់ម្នាក់និយាយថា ទោះបីជាមានអ្នកស្លាប់ក៏ដោយក៏បទបញ្ជានឹងមិនត្រូវបានផ្លាស់ប្តូរឡើយ។ រដ្ឋមន្ត្រីស្តីទីក្រសួងគ្រប់គ្រងគ្រោះមហន្តរាយលោក Mullah Mohammad Abbas Akhund បានប្រាប់សារព័ត៌មាន BBC ថា តំបន់ជាច្រើននៃប្រទេសអាហ្វហ្គានីស្ថានបច្ចុប្បន្ន ត្រូវបានកាត់ផ្តាច់ទាំងស្រុងដោយការធ្លាក់ព្រិល។ ឧទ្ធម្ភាគចក្រយោធាត្រូវបានបញ្ជូនទៅជួយសង្គ្រោះ ប៉ុន្តែមិនអាចចុះចតបាននៅតំបន់ភ្នំភាគច្រើន។ រដ្ឋមន្ត្រីស្តីទីបាននិយាយថា ការព្យាករណ៍សម្រាប់រយៈពេល ១០ថ្ងៃបន្ទាប់បង្ហាញថា សីតុណ្ហភាពនឹងមានកម្តៅល្មម។ ប៉ុន្តែលោកនៅតែព្រួយបារម្ភអំពីការកើនឡើងចំនួនអ្នកស្លាប់ជនជាតិអាហ្វហ្គានីស្ថាន និងសត្វចិញ្ចឹមរបស់ពួកគេ។ លោក Mullah Akhund និយាយថា ភាគច្រើននៃអ្នកដែលបានបាត់បង់ជីវិតដោយសារភាពត្រជាក់ ដូចជាអ្នកគង្វាល ឬអ្នករស់នៅក្នុងតំបន់ជនបទ។ ពួកគេពុំមានលទ្ធភាពទទួលបានការថែទាំសុខភាពនោះទេ។ យើងព្រួយបារម្ភអំពីអ្នកដែលរស់នៅក្នុងតំបន់ភ្នំ ខណៈផ្លូវភាគច្រើនដែលឆ្លងកាត់ភ្នំត្រូវបានបិទដោយសារតែព្រិល។ រថយន្តបានជាប់គាំងនៅទីនោះ ហើយអ្នកដំណើរបានស្លាប់ក្នុងសីតុណ្ហភាពត្រជាក់៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិក និងអាល្លឺម៉ង់នឹងបញ្ជូនរថក្រោះទំនើបជួយអ៊ុយក្រែនប្រឆាំងការវាយលុករបស់រុស្ស៊ី

សម្តេចតេជោ ហ៊ុន សែន អញ្ជើញជាអធិបតីភាពប្រគល់សញ្ញាបត្រជូននិស្សិតសាកលវិទ្យាល័យវេស្ទើនជាង ៣ពាន់នាក់

លោក Chris Hipkins បានស្បថចូលកាន់តំណែងជានាយករដ្ឋមន្ត្រីរបស់ប្រទេសណូវ៉ែលហ្សេឡង់

អាមេរិកត្រៀមអនុម័តបញ្ជូនរថក្រោះ Abrams ទៅអ៊ុយក្រែន ខណៈអាល្លឺម៉ង់នឹងបញ្ជូនរថក្រោះឡេភឺតជំនាន់ទី២

ព្រិលធ្លាក់ខ្លាំងបង្កការរំខាន និងប៉ះពាល់នៅក្នុងប្រទេសមួយចំនួននៅតំបន់អឺរ៉ុប

ភ្លៀងធ្លាក់ខ្លាំងនៅរដ្ឋ Johor ជនរងគ្រោះជាង ៣,៤០០នាក់ត្រូវបានជម្លៀសទៅកាន់មជ្ឈមណ្ឌលសង្គ្រោះ

លោក Biden អំពាវនាវឱ្យមានបម្រាមអាវុធ បន្ទាប់ពីការបាញ់ប្រហារជាបន្តបន្ទាប់នៅរដ្ឋកាលីហ្វ័រញ៉ា

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក និង​អាល្លឺម៉ង់​នឹង​បញ្ជូន​រថក្រោះ​ទំនើប​ជួយ​អ៊ុយ​ក្រែ​ន​ប្រឆាំង​ការ​វាយ​លុក​របស់​រុស្ស៊ី​

សម្តេចតេជោ ហ៊ុន សែន អញ្ជើញជាអធិបតីភាពប្រគល់សញ្ញាបត្រជូននិស្សិតសាកលវិទ្យាល័យវេស្ទើនជាង ៣ពាន់នាក់

លោក Chris Hipkins បាន​ស្បថ​ចូលកាន់​តំណែង​ជា​នាយករដ្ឋមន្ត្រី​របស់​ប្រទេស​ណូវ៉ែលហ្សេឡង់

ព្រិល​ធ្លាក់​ខ្លាំង​បង្ក​ការរំខាន និង​ប៉ះពាល់​នៅក្នុង​ប្រទេសមួយ​ចំនួន​នៅ​តំបន់​អឺរ៉ុប

ភ្លៀង​ធ្លាក់​ខ្លាំង​នៅ​រដ្ឋ​ Johor ជនរងគ្រោះ​ជាង​ ៣,៤០០​នាក់​ត្រូវបាន​ជម្លៀស​ទៅកាន់​មជ្ឈមណ្ឌល​សង្គ្រោះ

លោក Biden អំពាវនាវ​ឱ្យមាន​បម្រាម​អាវុធ បន្ទាប់ពី​ការបាញ់ប្រហារ​ជា​បន្តបន្ទាប់​នៅ​រដ្ឋ​កាលីហ្វ័រ​ញ៉ា

ស្ថានភាព​អាកាសធាតុ​ធ្ងន់ធ្ងរ​រំខាន​ដល់​ការធ្វើដំណើរ​ក្នុងឱកាស​ចូលឆ្នាំ​ចិន​នៅ​កូរ៉េខាងត្បូង

អាកាសធាតុ​ត្រជាក់​បណ្តាល​ឲ្យ​មនុស្ស​យ៉ាងហោចណាស់ ១២៤​នាក់​ស្លាប់​នៅ​អា​ហ្វ​ហ្គា​នី​ស្ថាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិក និងអាល្លឺម៉ង់នឹងបញ្ជូនរថក្រោះទំនើបជួយអ៊ុយក្រែនប្រឆាំងការវាយលុករបស់រុស្ស៊ី

លោក Chris Hipkins បានស្បថចូលកាន់តំណែងជានាយករដ្ឋមន្ត្រីរបស់ប្រទេសណូវ៉ែលហ្សេឡង់

ព្រិលធ្លាក់ខ្លាំងបង្កការរំខាន និងប៉ះពាល់នៅក្នុងប្រទេសមួយចំនួននៅតំបន់អឺរ៉ុប

ភ្លៀងធ្លាក់ខ្លាំងនៅរដ្ឋ Johor ជនរងគ្រោះជាង ៣,៤០០នាក់ត្រូវបានជម្លៀសទៅកាន់មជ្ឈមណ្ឌលសង្គ្រោះ

លោក Biden អំពាវនាវឱ្យមានបម្រាមអាវុធ បន្ទាប់ពីការបាញ់ប្រហារជាបន្តបន្ទាប់នៅរដ្ឋកាលីហ្វ័រញ៉ា

ស្ថានភាពអាកាសធាតុធ្ងន់ធ្ងររំខានដល់ការធ្វើដំណើរក្នុងឱកាសចូលឆ្នាំចិននៅកូរ៉េខាងត្បូង

អាកាសធាតុត្រជាក់បណ្តាលឲ្យមនុស្សយ៉ាងហោចណាស់ ១២៤នាក់ស្លាប់នៅអាហ្វហ្គានីស្ថាន