BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

រុស្ស៊ីនិយាយថា ការចូលរួមក្នុងសង្គ្រាមរបស់សម្ព័ន្ធយោធាណាតូកំពុងកើនឡើងកាន់តែខ្លាំងដោយការបញ្ជូនអាវុធឲ្យអ៊ុយក្រែន

រុស្ស៊ី៖ រុស្ស៊ីនិយាយថា ការបញ្ជូនរថក្រោះប្រយុទ្ធរបស់សម្ព័ន្ធយោធាណាតូទៅកាន់អ៊ុយក្រែន គឺជាភស្តុតាងនៃការចូលពាក់ព័ន្ធដោយផ្ទាល់ និងកាន់តែពេញមុខរបស់សហរដ្ឋអាមេរិក និងសហភាពអឺរ៉ុបនៅក្នុងសង្គ្រាមមួយនេះ ស្របពេលអ្នកវិភាគមួយរូបបានលើកឡើងថា ការផ្គត់ផ្គង់គ្រឿងសព្វាវុធពីបណ្ដាប្រទេសទាំងនោះអាចក្លាយជាគោលដៅកាន់តែស្របច្បាប់។ ការលើកឡើងបែបនេះបានកើតមានឡើង ក្រោយសហរដ្ឋអាមេរិក និងអាល្លឺម៉ង់កាលពីថ្ងៃពុធបាននិយាយថា ពួកគេនឹងផ្ដល់រថក្រោះធុនធ្ងន់រាប់សិបគ្រឿងឲ្យទៅអ៊ុយក្រែន ដើម្បីទប់ទល់ជាមួយកងកម្លាំងរុស្ស៊ី។ លោក Dmitry Peskov អ្នកនាំពាក្យវិមានក្រឹមឡាំងបាននិយាយកាលពីថ្ងៃព្រហស្បតិ៍ថា មានសេចក្ដីថ្លែងការណ៍ជាបន្តបន្ទាប់ពីបណ្ដាប្រទេសជាសមាជិកសហភាពអឺរ៉ុប និងទីក្រុងវ៉ាស៊ីនតោនតែងលើកឡើងថា ការបញ្ជូនប្រព័ន្ធអាវុធជាច្រើនប្រភេទទៅឲ្យអ៊ុយក្រែនរួមទាំងរថក្រោះផងនោះ ពុំមែនជាសញ្ញាថាប្រទេសទាំងនេះ ឬសម្ព័ន្ធយោធាមួយនេះជាប់ពាក់ព័ន្ធទៅនឹងអរិភាពនៅក្នុងអ៊ុយក្រែននោះទេ។ យើងពិតជាមិនយល់ស្របចំពោះការលើកឡើងនេះទេ យើងមើលឃើញថា នោះជាការលូកដៃចូលពាក់ព័ន្ធដោយផ្ទាល់នៅក្នុងជម្លោះនេះ។ យើងមើលឃើញថា ការជាប់ពាក់ព័ន្ធកំពុងកើនឡើងកាន់តែខ្លាំង។ ទីក្រុង Kyiv កំពុងព្យាយាមស្នើសុំរថក្រោះទំនើបរាប់រយគ្រឿង ដើម្បីផ្ដល់កម្លាំងឲ្យកងទ័ពរបស់ខ្លួនអាចវាយកម្ទេចខ្សែត្រៀមរបស់រុស្ស៊ី និងដណ្ដើមទឹកដីមកវិញពីរុស្ស៊ីដែលបានគ្រប់គ្រងនៅក្នុងភាគខាងត្បូង និងខាងកើតរបស់អ៊ុយក្រែន។ អ៊ុយក្រែន និងរុស្ស៊ីកំពុងពឹងផ្អែកជាចម្បងលើរថក្រោះសម័យសូវៀត T-72៕អត្ថបទ៖ សុខមាន

ជនជាតិប៉ាឡេស្ទីន ១០នាក់ស្លាប់ ខណៈអ៊ីស្រាអែលបើកការវាយឆ្មក់ដ៏ធំបំផុតមិនធ្លាប់មាននៅតំបន់ West Bank

អ៊ីស្រាអែល៖ ក្រុមមន្ត្រីនៅក្នុងដែនដីគ្រប់គ្រងដោយអ៊ីស្រាអែលនិយាយថា កងកម្លាំងអ៊ីស្រាអែលនៅក្នុងតំបន់ West Bank បានសម្លាប់ជនជាតិប៉ាឡេស្ទីន ១០នាក់កាលពីថ្ងៃព្រហស្បតិ៍ ៩នាក់ក្នុងចំណោមពួកគេស្លាប់នៅក្នុងការវាយឆ្មក់របស់យោធាអ៊ីស្រាអែល ដែលត្រូវបានហៅថាជាប្រតិបត្តិការប្រឆាំងភេរវកម្ម។ ថ្ងៃដ៏បង្ហូរឈាមបំផុតមិនធ្លាប់មានក្នុងពេលជាច្រើនឆ្នាំនៅក្នុងតំបន់ West Bank បានផ្ទុះឡើងនៅជំរំជនភៀសខ្លួន ដែលប្រមូលផ្ដុំដោយមនុស្សច្រើនកុះករនៅភាគខាងជើងនៃទីក្រុងជេនីស (Jenin) ជាទីដែលមានការបាញ់រះពេញដងផ្លូវ និងផ្សែងហុយចេញពីរនាំងបាំងផ្លូវដែលកំពុងឆេះ។ អាជ្ញាធរសុខាភិបាលប៉ាឡេស្ទីនបានដាក់ចំនួនអ្នកស្លាប់ ពីការប៉ះទង្គិចគ្នាត្រឹម ៩នាក់រួមទាំងស្ត្រីម្នាក់ ដោយបន្ថែមថា មនុស្ស ២០នាក់បានរងរបួស មុនកងកម្លាំងអ៊ីស្រាអែលបានចាកចេញនៅពេលព្រឹក។ យោធាអ៊ីស្រាអែលបាននិយាយថា កងកម្លាំងអ៊ីស្រាអែលបានរងការបាញ់ប្រហារអំឡុងប្រតិបត្តិការប្រឆាំងភេរវកម្ម ដើម្បីតាមចាប់ខ្លួនក្រុមភេរវករអ៊ីស្លាមជីហាដ និងបានបាញ់រះលើក្រុមអ្នកប្រយុទ្ធមួយចំនួនដែលជាសត្រូវរបស់ខ្លួន។ ចាប់តាំងពីការកត់ត្រារបស់ខ្លួនបានចាប់ផ្ដើមកាលពីឆ្នាំ២០០៥ មក អង្គការសហប្រជាជាតិពុំដែលបានកត់ត្រាទេ ដូចជាចំនួនអ្នកស្លាប់ខ្ពស់នៅក្នុងប្រតិបត្តិការតែមួយបែបនេះនៅតំបន់ West Bank។ អ្នកនាំពាក្យរបស់មេដឹកនាំប៉ាឡេស្ទីនលោក Mahmoud Abbas បាននិយាយថា អាជ្ញាធរប៉ាឡេស្ទីននិយាយថា ខ្លួនបានបញ្ចប់ការសម្របសម្រួលផ្នែកសន្តិសុខជាមួយអ៊ីស្រាអែលនៅក្នុងតំបន់ West Bank ហើយ ក្រោយការវាយឆ្មក់ដោយយោធាដ៏ធ្ងន់ធ្ងរកាលពីថ្ងៃព្រហស្បតិ៍៕អត្ថបទ៖ សុខមាន

សម្តេចតេជោ ហ៊ុន សែន អញ្ជើញជាអធិបតីក្នុងពិធីអបអរសាទរខួប១០០ឆ្នាំ នៃវត្តមានសាសនាគ្រិស្តនៅកម្ពុជា

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរខួប១០០ឆ្នាំ នៃសាសនាគ្រិស្តនៅកម្ពុជា នៅបរិវេណមជ្ឈមណ្ឌលកោះពេជ្រ ដោយហៅព្រឹត្តិការណ៍នោះថា «មរតកដំណឹងល្អ ១០០ឆ្នាំ(១៩២៣-២០២៣)»។តាមការឲ្យដឹងពី ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានឱ្យដឹងថា ពិធីអបអរសាទរ «មរតកដំណឹងល្អ១០០ឆ្នាំ» ធ្វើឡើង ដើម្បីអរព្រះគុណព្រះយេស៊ូ ក្នុងជំនឿគ្រិស្តបរិស័ទ នៅលើទឹកដីកម្ពុជា ដ៏ស្រស់បំព្រង និងអរគុណសន្តិភាពក្រោមការដឹកនាំ ដ៏ឈ្លាសវៃប៉ិនប្រសប់ របស់សម្តេចតេជោនាយករដ្ឋមន្ត្រី។ព្រឹត្តិការណ៍នេះ ជាការបង្ហាញយ៉ាងច្បាស់អំពីសិទ្ធិ និងសេរីភាពពេញលេញរបស់ប្រជាពលរដ្ឋទូទៅ ក្នុងការគោរព និងប្រតិបត្តិជំនឿសាសនានៅកម្ពុជា ហើយរាល់ការធ្វើសកម្មភាព និងការប្រតិបត្តិខាងផ្លូវសាសនានីមួយៗ ត្រូវបានរដ្ឋធានាក្នុងលក្ខខណ្ឌ ដែលមិនប៉ះពាល់ដល់ជំនឿ ឬសាសនាដទៃ។បច្ចុប្បន្ន គ្រិស្ដសាសនា ត្រូវបានយកចិត្តទុកដាក់ខ្ពស់ពីរាជរដ្ឋាភិបាល ដែលប្រជាពលរដ្ឋទូទៅ មានសិទ្ធិពេញទីខាងជំនឿសាសនា ដោយគ្មាននរណាម្នាក់ ត្រូវបានចាប់បង្ខំឱ្យជឿលើសាសនាណាមួយឡើយ។ លើកលែងតែក្នុងរបបប្រល័យពូជសាសន៍ ប៉ុល ពត ប៉ុណ្ណោះ ដែលសាសនាទាំងអស់ត្រូវបានបំផ្លិចបំផ្លាញដល់ឫសគល់ បព្វជិតសាសនានានា ត្រូវបានកាប់សម្លាប់ ឬចាបផ្សឹក វត្តអារាម វិហារ សាលាសាសនា គម្ពីរ ធម៌អាថ៌នានា ត្រូវបានបំផ្លិចបំផ្លាញខ្ទេច ខ្ទីរស្ទើរគ្មានសល់។ដោយសារតែគុណបំណាច់ដ៏ថ្លៃថ្លា នាថ្ងៃរំដោះ ៧មករា ១៩៧៩ ជាប្រវត្តិសាស្រ្ត ក្រោមការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន ដែលជាអគ្គមគ្គុទេសក៏ដឹកនាំដ៏ឆ្នើម បានខិតខំដឹកនាំស្តារ និងអភិវឌ្ឍសង្គមកម្ពុជា ពីបាតដៃទទេ និងគំនរផេះផង់ ការរីកចម្រើនជឿនលឿនលើគ្រប់វិស័យ កិត្យានុភាពជាតិល្បីល្បាញ នៅក្នុងតំបន់ និងនៅលើឆាកអន្តរជាតិ៕

ព្រឹកស្អែក សម្តេចតេជោ ហ៊ុន សែន នឹងអញ្ជើញជាអធិបតីក្នុងពិធីអបអរសាទរខួប១០០ឆ្នាំ នៃវត្តមានសាសនាគ្រិស្តនៅកម្ពុជា

ភ្នំពេញ ៖ នៅព្រឹកថ្ងៃសុក្រ ៦កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៧ ខែមករា ឆ្នាំ២០២៣ស្អែកនេះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរខួប១០០ឆ្នាំ នៃសាសនាគ្រិស្ត នៅកម្ពុជា ដែលពិធីនេះ ត្រូវរៀបចំធ្វើឡើង នៅបរិវេណមជ្ឈមណ្ឌលកោះពេជ្រ ដោយហៅព្រឹត្តិការណ៍នោះថា «មរតកដំណឹងល្អ ១០០ឆ្នាំ(១៩២៣-២០២៣)»។តាមការឲ្យដឹងពី ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានឱ្យដឹងថា ពិធីអបអរសាទរ «មរតកដំណឹងល្អ១០០ឆ្នាំ» ធ្វើឡើង ដើម្បីអរព្រះគុណព្រះយេស៊ូ ក្នុងជំនឿគ្រិស្តបរិស័ទ នៅលើទឹកដីកម្ពុជា ដ៏ស្រស់បំព្រង និងអរគុណសន្តិភាពក្រោមការដឹកនាំ ដ៏ឈ្លាសវៃប៉ិនប្រសប់ របស់សម្តេចតេជោនាយករដ្ឋមន្ត្រី។ ព្រឹត្តិការណ៍នេះ ជាការបង្ហាញយ៉ាងច្បាស់អំពីសិទ្ធិ និងសេរីភាពពេញលេញរបស់ប្រជាពលរដ្ឋទូទៅ ក្នុងការគោរព និងប្រតិបត្តិជំនឿសាសនានៅកម្ពុជា ហើយរាល់ការធ្វើសកម្មភាព និងការប្រតិបត្តិខាងផ្លូវសាសនានីមួយៗ ត្រូវបានរដ្ឋធានាក្នុងលក្ខខណ្ឌ ដែលមិនប៉ះពាល់ដល់ជំនឿ ឬសាសនាដទៃ។ បច្ចុប្បន្ន គ្រិស្ដសាសនា ត្រូវបានយកចិត្តទុកដាក់ខ្ពស់ពីរាជរដ្ឋាភិបាល ដែលប្រជាពលរដ្ឋទូទៅ មានសិទ្ធិពេញទីខាងជំនឿសាសនា ដោយគ្មាននរណាម្នាក់ ត្រូវបានចាប់បង្ខំឱ្យជឿលើសាសនាណាមួយឡើយ។ លើកលែងតែក្នុងរបបប្រល័យពូជសាសន៍ ប៉ុល ពត ប៉ុណ្ណោះ ដែលសាសនាទាំងអស់ត្រូវបានបំផ្លិចបំផ្លាញដល់ឫសគល់ បព្វជិតសាសនានានា ត្រូវបានកាប់សម្លាប់ ឬចាបផ្សឹក វត្តអារាម វិហារ សាលាសាសនា គម្ពីរ ធម៌អាថ៌នានា ត្រូវបានបំផ្លិចបំផ្លាញខ្ទេច ខ្ទីរស្ទើរគ្មានសល់។ ដោយសារតែគុណបំណាច់ដ៏ថ្លៃថ្លា នាថ្ងៃរំដោះ ៧មករា ១៩៧៩ ជាប្រវត្តិសាស្រ្ត ក្រោមការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន ដែលជាអគ្គមគ្គុទេសក៏ដឹកនាំដ៏ឆ្នើម បានខិតខំដឹកនាំស្តារ និងអភិវឌ្ឍសង្គមកម្ពុជា ពីបាតដៃទទេ និងគំនរផេះផង់ ការរីកចម្រើនជឿនលឿនលើគ្រប់វិស័យ កិត្យានុភាពជាតិល្បីល្បាញ នៅក្នុងតំបន់ និងនៅលើឆាកអន្តរជាតិ៕

ប្រធានជំនួយ UN ស្នើឲ្យក្រុមតាលីបង់លើកលែងបន្ថែមទៀតលើបម្រាមបុគ្គលិក NGO ជាស្ត្រី

អាហ្វហ្គានីស្ថាន៖ ប្រធានជំនួយរបស់អង្គការសហប្រជាជាតិបាននិយាយកាលពីថ្ងៃពុធថា សហគមន៍មនុស្សធម៌កំពុងពិភាក្សាជាមួយមន្ត្រីក្រុមតាលីបង់ ដើម្បីព្យាយាមទទួលបានការលើកលែងបន្ថែម និងគោលការណែនាំជាលាយលក្ខណ៍អក្សរ ដើម្បីអនុញ្ញាតឱ្យបុគ្គលិកផ្តល់ជំនួយស្ត្រីមួយចំនួនអាចធ្វើប្រតិបត្តិការបាន ទោះបីជាមានបម្រាមលើបុគ្គលិកស្ត្រីរបស់អង្គការមិនមែនរដ្ឋាភិបាលក៏ដោយ។ អគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ លោក Martin Griffiths បានប្រាប់សារព័ត៌មានរ៉យទ័រថា ក្នុងអំឡុងពេលកិច្ចពិភាក្សាជាមួយអាជ្ញាធរនៅទីក្រុងកាប៊ុល ក្នុងរយៈពេលប៉ុន្មានថ្ងៃចុងក្រោយនេះ សាររបស់លោកមានដូចជា៖ ប្រសិនបើក្រុមនេះមិនអាចជួយយើងដើម្បីលុបចោលបម្រាមនេះទេ សូមផ្តល់ឲ្យយើងនូវការលើកលែងមួយចំនួនដើម្បីអនុញ្ញាតឱ្យស្ត្រីអាចធ្វើការបាន។ អាជ្ញាធរក្រុមតាលីបង់កាលពីខែមុនបានបញ្ជាឱ្យអង្គការក្រៅរដ្ឋាភិបាល ដែលភាគច្រើនធ្វើប្រតិបត្តិការឱ្យអង្គការសហប្រជាជាតិ បានបញ្ឈប់បុគ្គលិកស្ត្រីដែលកំពុងតែបម្រើការងារ។ លោក Griffiths និយាយថា ការលើកលែងមួយចំនួនចំពោះបម្រាមនេះត្រូវបានផ្តល់នៅក្នុងវិស័យសុខាភិបាល និងការអប់រំ ហើយពួកគេកំពុងទទួលសញ្ញានៃការលើកលែង ដែលអាចកើតមានក្នុងវិស័យកសិកម្ម។ ប៉ុន្តែលោកបាននិយាយថា ត្រូវការច្រើនបន្ថែមទៀតជាមួយការផ្តល់សេវាអាហារូបត្ថម្ភ ទឹក និងអនាម័យជាអាទិភាពដើម្បីការពារជំងឺ និងកង្វះអាហារូបត្ថម្ភធ្ងន់ធ្ងរ ក្នុងអំឡុងពេលមានវិបត្តិមនុស្សធម៌នៅក្នុងប្រទេស។ លោក Griffiths និយាយថា ផ្អែកលើកិច្ចពិភាក្សាជាមួយអាជ្ញាធរក្នុងប៉ុន្មានថ្ងៃថ្មីៗនេះ អង្គការសហប្រជាជាតិ និងទីភ្នាក់ងារមនុស្សធម៌ សង្ឃឹមថា ក្រុមតាលីបង់នឹងបង្កើតគោលការណ៍ណែនាំជាលាយលក្ខណ៍អក្សរ ដើម្បីអនុញ្ញាតឱ្យអង្គការក្រៅរដ្ឋាភិបាលធ្វើការជាមួយបុគ្គលិកស្ត្រីនៅក្នុងតំបន់ជាច្រើនបន្ថែមទៀត ដោយមានភាពប្រាកដប្រជានៅក្នុងសប្តាហ៍ខាងមុខនេះ។ ទោះជាយ៉ាងណាលោក Griffiths បានព្រមានថា លទ្ធផលចុងក្រោយនៅតែមិនប្រាកដ៕អត្ថបទ៖ ប៊ុនថន

កងកម្លាំងអ៊ុយក្រែនដកថយចេញពីទីក្រុង Soledar ក្នុងតំបន់ Donbas ក្រោយកងទ័ពរុស្ស៊ីវាយសម្រុកខ្លាំង

អ៊ុយក្រែន៖ មន្ត្រីមួយរូបបាននិយាយកាលពីថ្ងៃពុធថា កងកម្លាំងអ៊ុយក្រែនបានដកថយចេញពីទីក្រុងមួយនៅក្នុងភាគខាងកើតនៃតំបន់ Donbas ជាអ្វីដែលជារឿងកម្រ ប៉ុន្តែជាជោគជ័យក្នុងសមរភូមិប្រយុទ្ធសម្រាប់វិមានក្រឹមឡាំង បន្ទាប់ពីការដកថយជាបន្តបន្ទាប់ក្នុងការលុកលុយរបស់រុស្ស៊ីដែលបានចាប់ផ្ដើមជិត ១១ខែមកនេះ។ លោក Serhii Cherevatyi អ្នកនាំពាក្យសម្រាប់កងកម្លាំងអ៊ុយក្រែននៅភាគខាងកើតបានប្រាប់សារព័ត៌មាន AP ថា កងទ័ពអ៊ុយក្រែនបានដកថយចេញពីទីក្រុងផលិតអំបិល Soledar ដើម្បីជួយសង្គ្រោះជីវិតកងទ័ព។ លោកថា ទាហានបានដកថយដើម្បីត្រៀមការពារមូលដ្ឋានទ័ពរបស់ខ្លួន។ ទីក្រុង Moscow បានហៅការប្រយុទ្ធដណ្ដើមយកទីក្រុង Soledar ដែលលាតសន្ធឹងជិតទីក្រុង Bakhmut ថា ជាការដណ្ដើមបានតំបន់ Donbas ទាំងស្រុង។ ការវាយដណ្ដើមគ្រប់គ្រងបាននេះ នឹងនាំឲ្យកងកម្លាំងរុស្ស៊ីខិតចូលកាន់តែជិតទីក្រុង Bakhmut ប៉ុន្តែក្រុមអ្នកវិភាគយោធានិយាយថា ការដណ្ដើមបានទីក្រុង Soledar គឺជានិមិត្តរូបច្រើនជាងយុទ្ធសាស្ត្រ។ រុស្ស៊ីបានអះអាងពីការគ្រប់គ្រងជិត ២សប្ដាហ៍មុនថា ខ្លួនបានដណ្ដើមយកបានទីក្រុង Soledar ហើយ ប៉ុន្តែអ៊ុយក្រែនទាត់ចោល។ ភាគច្រើននៃកងទ័ពរុស្ស៊ីនៅជុំវិញទីក្រុង Soledar គឺជាទាហានស៊ីឈ្នួលជាប់កិច្ចសន្យាវ៉េកណាគ្រុបរបស់រុស្ស៊ី ហើយត្រូវគេរាយការណ៍ថា កំពុងប្រយុទ្ធយ៉ាងក្ដៅគគុកនៅសមរភូមិ៕អត្ថបទ៖ សុខមាន

មនុស្សម្នាក់ស្លាប់ និងច្រើននាក់រងរបួសក្នុងការវាយប្រហារដោយកាំបិតនៅព្រះវិហារប្រទេសអេស្ប៉ាញ

អេស្ប៉ាញ៖ អ្នកនាំពាក្យទីក្រុងបានប្រាប់សារព័ត៌មានរ៉យទ័រថា ជនសង្ស័យម្នាក់ត្រូវបានចាប់ខ្លួនកាលពីថ្ងៃពុធ ក្នុងការចាក់ដោយដាវសាមូរ៉ៃលើមនុស្សជាច្រើននាក់ នៅព្រះវិហារពីរក្នុងទីក្រុងកំពង់ផែអាល់ជេស៊ីរ៉ាស់ (Algeciras) ភាគខាងត្បូងប្រទេសអេស្ប៉ាញបណ្តាលឲ្យមនុស្សម្នាក់ស្លាប់ និងច្រើននាក់រងរបួស។ អ្នកនាំពាក្យបាននិយាយថា បុរសដែលត្រូវបានប្រព័ន្ធផ្សព្វផ្សាយមួយចំនួនរាយការណ៍ថា បានកាន់កាំបិត ឬជាដាវសាមូរ៉ៃ តាមការចោទប្រកាន់ថា បានវាយប្រហារលើបុព្វជិតនៅវិហារពីរផ្សេងគ្នាក្នុងទីក្រុង Algeciras មានចម្ងាយប្រមាណ ៣០០ម៉ែត្រពីគ្នា។ អ្នកនាំពាក្យដដែលនិយាយថា អ្នកដែលស្លាប់គឺជាអ្នកថែរក្សានៅព្រះវិហារ។ ក្រសួងមហាផ្ទៃអេស្ប៉ាញនិយាយនៅក្នុងសេចក្តីថ្លែងការណ៍ថា ការពិតកំពុងត្រូវបានស៊ើបអង្កេត និងវិភាគ ប៉ុន្តែវាមិនទាន់អាចកំណត់ពីលក្ខណៈនៃការវាយប្រហារនេះនៅឡើយទេ។ ប្រភពពីតុលាការបានប្រាប់សារព័ត៌មានរ៉យទ័រកាលពីថ្ងៃពុធថា តុលាការកំពូលរបស់អេស្បាញមានផែនការស៊ើបអង្កេតករណីចាក់សម្លាប់ដោយកាំបិត ជាការវាយប្រហារភេរវកម្មដែលអាចកើតមាន។ យោងតាមរបាយការណ៍បឋមដោយប្រព័ន្ធផ្សព្វផ្សាយក្នុងតំបន់បានឲ្យដឹងថា បុព្វជិតសហគមន៍កាតូលិកស្ថិតក្នុងចំណោមអ្នករងរបួស ហើយស្ថិតក្នុងស្ថានភាពធ្ងន់ធ្ងរ។ សារព័ត៌មាន El Mundo បានរាយការណ៍ថា មនុស្ស ៤នាក់បានរងរបួសក្នុងការវាយប្រហារនេះ៕អត្ថបទ៖ ប៊ុនថន

មនុស្ស ២នាក់ស្លាប់ និង ៧នាក់រងរបួសក្នុងការវាយប្រហារដោយកាំបិតលើរថភ្លើងនៅអាល្លឺម៉ង់

អាល្លឺម៉ង់៖ អាជ្ញាធរបាននិយាយថា មនុស្សពីរនាក់បានស្លាប់ និង ៧នាក់ផ្សេងទៀតបានរងរបួសនៅក្នុងការវាយប្រហារដោយកាំបិតកាលពីថ្ងៃពុធ នៅលើរថភ្លើងក្នុងតំបន់ដែលកំពុងធ្វើដំណើររវាងទីក្រុងកេល (Kiel) និងទីក្រុងហាំប៊ឺក (Hamburg) ភាគខាងជើងប្រទេសអាល្លឺម៉ង់។ ក្រសួងមហាផ្ទៃនៃរដ្ឋឆ្លេសវីក ហូលស្តេន (Schleswig-Holstein) ជាប់ព្រំដែនប្រទេសដាណឺម៉ាកបាននិយាយថា ជនសង្ស័យត្រូវបានចាប់ខ្លួននៅចំណតរថភ្លើងនៅក្នុងភូមិប្រូកស្តេដ (Brokstedt)។ មន្ត្រីក្រសួងមហាផ្ទៃរដ្ឋបាននិយាយថា ជនសង្ស័យ យើងអាចនិយាយបានថា ជាបុរសមានអាយុចន្លោះពី ៣០ ទៅ ៣៥ឆ្នាំ ហើយទំនងជាជនភៀសខ្លួនប៉ាឡេស្ទីន។ ជនសង្ស័យត្រូវបានចាប់ខ្លួន ខណៈជាអ្នកដំណើរដែលបានធ្វើសកម្មភាពដោយគ្មានញញើត៕អត្ថបទ៖ ប៊ុនថន

ចិននិយាយថា ករណីឆ្លង COVID-19 ប្រចាំថ្ងៃឡើងដល់ជាង ៧លាននាក់ ខណៈអ្នកស្លាប់ប្រចាំថ្ងៃមានជាង៤.០០០នាក់

ចិន៖ មជ្ឈមណ្ឌលទប់ស្កាត់ និងបង្ការជំងឺឆ្លងរបស់ចិនបាននិយាយកាលពីថ្ងៃពុធ ទី២៥មករាថា ការឆ្លងថ្មីនៃវីរុស COVID-19 ប្រចាំថ្ងៃនៅក្នុងប្រទេសចិន បានហក់ឡើងដល់ចំណុចកំពូលដែលមានរហូតដល់ជាង ៧លាននាក់ក្នុងមួយថ្ងៃអំឡុងថ្ងៃទី២២ ខែធ្នូ ខណៈអ្នកស្លាប់បានកើនឡើងដល់កម្រិតខ្ពស់បំផុតប្រចាំថ្ងៃដែលមានជាង ៤.០០០នាក់កាលពីអំឡុងថ្ងៃទី៤ ខែមករា។ ទិន្នន័យដែលបានបញ្ចេញនៅលើគេហទំព័ររបស់មជ្ឈមណ្ឌលនេះ បានកើតមានឡើងបន្ទាប់ពីអ្នកជំនាញខាងជំងឺរាតត្បាតនៃមជ្ឈមណ្ឌលគ្រប់គ្រង និងបង្ការជំងឺឆ្លងឈានមុខបាននិយាយកាលពីចុងសប្ដាហ៍មុនថា ៨០% នៃចំនួនប្រជាជនសរុបរបស់ចិនជាង ១.៤ពាន់លាននាក់បានឆ្លងវីរុសនេះរួចទៅហើយ ដែលនឹងអាចមានការឆ្លងខ្លាំងនៅរយៈពេល ២ ទៅ ៣ខែខាងមុខ។ មជ្ឈមណ្ឌលខាងលើនិយាយថា នៅអំឡុងថ្ងៃទី២២ ខែធ្នូ ឆ្នាំ២០២២ ចំនួនមនុស្សឆ្លង និងចំនួនអ្នកជំងឺមានអាការៈក្ដៅខ្លួនមកពិគ្រោះយោបល់បានកើនឡើងដល់ចំណុចខ្ពស់បំផុត ក្នុងនោះចំនួនអ្នកឆ្លងបានកើនឡើងជាង ៧លាននាក់ក្នុងមួយថ្ងៃ ហើយចំនួនអ្នកជំងឺក្ដៅខ្លួនចូលមកពិគ្រោះជំងឺបានកើនឡើងដល់ ២.៨៦៧លាននាក់។ ក្រុមមន្ត្រីគណៈកម្មការសុខភាពជាតិចិនបាននិយាយកាលពីសប្ដាហ៍មុនថា ប្រទេសចិនមានចំនួនអ្នកជំងឺ COVID-19 កើនឡើងដល់ចំណុចកំពូលនៅតាមគ្លីនិកព្យាបាលជំងឺក្ដៅខ្លួន បន្ទប់សង្គ្រោះបន្ទាន់ និងអ្នកជំងឺដែលមានស្ថានភាពធ្ងន់ធ្ងរ៕អត្ថបទ៖ សុខមាន

មឈូសលក់ដាច់អស់គ្មានសល់ ខណៈអ្នកស្លាប់ដោយសារវីរុស COVID-19 កើនឡើងនៅតាមតំបន់ជនបទប្រទេសចិន

ចិន៖ សារព័ត៌មាន BBC បានរកឃើញភស្តុតាងនៃអ្នកស្លាប់ ដែលត្រូវបានចាត់ទុកថាបានស្លាប់ទាក់ទងនឹងវីរុស Covid-19 នៅក្នុងតំបន់ជនបទនានារបស់ប្រទេសចិន ខណៈវីរុសនេះបានឆ្លងរាលដាលចេញពីទីក្រុងធំៗទៅកាន់តំបន់ដាច់ស្រយាលកាន់តែច្រើន ដែលមានអត្រាមនុស្សចាស់ច្រើន។ នៅក្នុងតំបន់ស៊ិនចូវ (Xinzhou) នៃខេត្តសានស៊ី (Shanxi) ភាគខាងជើង ក្រុមអ្នកធ្វើមឈូសកំពុងមមាញឹកយ៉ាងខ្លាំង។ សារព័ត៌មាននេះបានមើលឃើញជាងឈើជំនាញឆ្លាក់ និងកាត់ឈើធ្វើមឈូសយ៉ាងច្រើន។ ពួកគេនិយាយថា ប៉ុន្មានខែថ្មីៗនេះ ពួកគេធ្វើមឈូសរហូតគ្មានពេលសម្រាកទេ។ អ្នកភូមិម្នាក់ និងជាអតិថិជនបានប្រាប់សារព័ត៌មាន BBC ថា នៅពេលនេះមឈូសលក់ដាច់គ្មានសល់។ មានការជជែកវែកញែកជាច្រើនអំពីចំនួនពិតប្រាកដនៃអ្នកស្លាប់ដោយសារវីរុស Covid-19 នៅក្នុងប្រទេសចិន បន្ទាប់ពីវីរុសនេះបានឆ្លងរាលដាលពេញទីក្រុងធំៗជាច្រើនរបស់ប្រទេសនេះ។ លោក អ៊ូ ស៊ុនយូ (Wu Zunyou) ប្រធានអ្នកជំនាញខាងជំងឺរាតត្បាតនៃមជ្ឈមណ្ឌលគ្រប់គ្រង និងទប់ស្កាត់ជំងឺឆ្លងបាននិយាយកាលពីចុងសបា្ដហ៍មុនថា ៨០% នៃចំនួនប្រជាជនសរុបមានជាង ១ពាន់លាននាក់ត្រូវបានឆ្លង ចាប់តាំងពីប្រទេសចិនបានដកចេញវិធានការទប់ស្កាត់វីរុសកាលពីខែធ្នូ។ កាលពីសប្ដាហ៍មុន ប្រទេសចិនបានរាយការណ៍ចំនួនអ្នកស្លាប់ទាក់ទងនឹងវីរុស Covid-19 ប្រមាណ ១៣.០០០នាក់ក្នុងពេលមិនដល់មួយសប្ដាហ៍ ដោយបន្ថែមថា អ្នកស្លាប់ចំនួន ៦០.០០០នាក់ត្រូវបានរាប់ចាប់តាំងពីខែធ្នូមក៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជនជាតិប៉ាឡេស្ទីន ១០នាក់ស្លាប់ ខណៈអ៊ីស្រាអែលបើកការវាយឆ្មក់ដ៏ធំបំផុតមិនធ្លាប់មាននៅតំបន់ West Bank

សម្តេចតេជោ ហ៊ុន សែន អញ្ជើញជាអធិបតីក្នុងពិធីអបអរសាទរខួប១០០ឆ្នាំ នៃវត្តមានសាសនាគ្រិស្តនៅកម្ពុជា

ប្រធានជំនួយ UN ស្នើឲ្យក្រុមតាលីបង់លើកលែងបន្ថែមទៀតលើបម្រាមបុគ្គលិក NGO ជាស្ត្រី

កងកម្លាំងអ៊ុយក្រែនដកថយចេញពីទីក្រុង Soledar ក្នុងតំបន់ Donbas ក្រោយកងទ័ពរុស្ស៊ីវាយសម្រុកខ្លាំង

មនុស្សម្នាក់ស្លាប់ និងច្រើននាក់រងរបួសក្នុងការវាយប្រហារដោយកាំបិតនៅព្រះវិហារប្រទេសអេស្ប៉ាញ

មនុស្ស ២នាក់ស្លាប់ និង ៧នាក់រងរបួសក្នុងការវាយប្រហារដោយកាំបិតលើរថភ្លើងនៅអាល្លឺម៉ង់

ចិននិយាយថា ករណីឆ្លង COVID-19 ប្រចាំថ្ងៃឡើងដល់ជាង ៧លាននាក់ ខណៈអ្នកស្លាប់ប្រចាំថ្ងៃមានជាង៤.០០០នាក់

មឈូសលក់ដាច់អស់គ្មានសល់ ខណៈអ្នកស្លាប់ដោយសារវីរុស COVID-19 កើនឡើងនៅតាមតំបន់ជនបទប្រទេសចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន អញ្ជើញជាអធិបតីក្នុងពិធីអបអរសាទរខួប១០០ឆ្នាំ នៃវត្តមានសាសនាគ្រិស្តនៅកម្ពុជា

ប្រធាន​ជំនួយ UN ស្នើឲ្យ​ក្រុម​តា​លី​បង់​លើកលែង​បន្ថែមទៀត​លើ​បម្រាម​បុគ្គលិក NGO ជា​ស្ត្រី

កងកម្លាំង​អ៊ុយ​ក្រែ​ន​ដកថយ​ចេញពី​ទីក្រុង Soledar ក្នុង​តំបន់ Donbas ក្រោយ​កងទ័ព​រុស្ស៊ី​វាយ​សម្រុក​ខ្លាំង

មនុស្ស​ ២​នាក់​ស្លាប់ និង​ ៧​នាក់​រង​របួស​ក្នុងការ​វាយប្រហារ​ដោយ​កាំបិត​លើ​រថភ្លើង​នៅ​អាល្លឺម៉ង់

មឈូស​លក់ដាច់​អស់​គ្មាន​សល់ ខណៈ​អ្នកស្លាប់​ដោយសារ​វីរុស ​COVID-19 ​កើនឡើង​នៅតាម​តំបន់​ជនបទ​ប្រទេស​ចិន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានជំនួយ UN ស្នើឲ្យក្រុមតាលីបង់លើកលែងបន្ថែមទៀតលើបម្រាមបុគ្គលិក NGO ជាស្ត្រី

កងកម្លាំងអ៊ុយក្រែនដកថយចេញពីទីក្រុង Soledar ក្នុងតំបន់ Donbas ក្រោយកងទ័ពរុស្ស៊ីវាយសម្រុកខ្លាំង

មនុស្ស ២នាក់ស្លាប់ និង ៧នាក់រងរបួសក្នុងការវាយប្រហារដោយកាំបិតលើរថភ្លើងនៅអាល្លឺម៉ង់

មឈូសលក់ដាច់អស់គ្មានសល់ ខណៈអ្នកស្លាប់ដោយសារវីរុស COVID-19 កើនឡើងនៅតាមតំបន់ជនបទប្រទេសចិន