BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

សម្ដេចធិបតី៖ កម្ពុជាជ្រើសរើសយកយន្តការ UNCLOS ដោយសារថៃលុបចោល MOU ២០០១ ជាឯកតោភាគី

ព័ត៌មានសំខាន់ៗ

អាមេរិកនិយាយថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រអ៊ីរ៉ង់

អាមេរិក៖ មន្ត្រីសហរដ្ឋអាមេរិកម្នាក់បាននិយាយកាលពីថ្ងៃអាទិត្យថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រយោធាក្នុងប្រទេសអ៊ីរ៉ង់។ អ៊ីរ៉ង់បានអះអាងថា ស្ទាក់ចាប់បានយានដ្រូនដែលបានវាយប្រហារគោលដៅ លើឧស្សាហកម្មយោធាមួយកន្លែងនៅជិតទីក្រុងអ៊ីសហ្វាហាន (Isfahan) ភាគកណ្ដាល ហើយបាននិយាយថា ពុំមានអ្នកស្លាប់ របួស ឬខូចខាតធ្ងន់ធ្ងរនោះទេ។ ទំហំនៃការខូចខាតមិនអាចបញ្ជាក់ដោយឯករាជ្យបានទេ ខណៈប្រព័ន្ធផ្សព្វផ្សាយរដ្ឋអ៊ីរ៉ង់បានបញ្ចេញវីដេអូដែលបង្ហាញពន្លឺនៅលើអាកាស និងរថយន្តសង្គ្រោះបន្ទាន់នៅកន្លែងកើតហេតុ។ អ៊ីស្រាអែលបាននិយាយជាយូរមកហើយថា ខ្លួននឹងវាយប្រហារគោលដៅរបស់អ៊ីរ៉ង់ ប្រសិនបើផ្នែកការទូតបរាជ័យក្នុងការទប់ស្កាត់កម្មវិធីនុយក្លេអ៊ែរ ឬមីស៊ីលរបស់ទីក្រុងតេអេរ៉ង់។ អ្នកនាំពាក្យមន្ទីរបញ្ចកោណឧត្តមសេនីយ៍ Patrick Ryder បាននិយាយថា គ្មានកងកម្លាំងយោធាអាមេរិកជាប់ពាក់ព័ន្ធក្នុងការវាយប្រហារនៅក្នុងប្រទេសអ៊ីរ៉ង់នោះទេ ប៉ុន្តែបានបដិសេធមិនធ្វើអត្ថាធិប្បាយបន្ថែម។ មន្ត្រីអាមេរិកម្នាក់និយាយថា វាទំនងជាប្រទេសអ៊ីស្រាអែលជាប់ពាក់ព័ន្ធ។ ទីក្រុងតេអេរ៉ង់មិនបានដាក់កំហុសជាផ្លូវការចំពោះអ្វីដែលរដ្ឋមន្ត្រីការបរទេសលោក Hossein Amirabdollahian បានចាត់ទុកថា ជាការវាយប្រហារដ៏កំសាកក្នុងគោលបំណងបង្កើតអសន្តិសុខនៅក្នុងប្រទេសអ៊ីរ៉ង់។ ប៉ុន្តែទូរទស្សន៍រដ្ឋបានផ្សាយការអត្ថាធិប្បាយដោយសមាជិកសភាលោក Hossein Mirzaie ដែលបាននិយាយថា មានការសន្និដ្ឋានយ៉ាងខ្លាំងថា អ៊ីស្រាអែលនៅពីក្រោយការវាយប្រហារនេះ។ ការវាយប្រហារនេះបានកើតឡើងក្នុងពេលមានភាពតានតឹងរវាងអ៊ីរ៉ង់ និងប្រទេសលោកខាងលិច ជុំវិញសកម្មភាពនុយក្លេអ៊ែររបស់ទីក្រុងតេអេរ៉ង់ និងការផ្គត់ផ្គង់អាវុធរបស់ខ្លួន រួមទាំងយានដ្រូនអត្តឃាតរយៈចម្ងាយឆ្ងាយ សម្រាប់សង្គ្រាមរបស់រុស្ស៊ីនៅអ៊ុយក្រែន ក៏ដូចជាបាតុកម្មប្រឆាំងរដ្ឋាភិបាលជាច្រើនខែនៅក្នុងប្រទេសនេះ។ លោក Amirabdollahian ថ្លែងតាមទូរទស្សន៍ថា សកម្មភាពបែបនេះនឹងមិនប៉ះពាល់ដល់ការប្តេជ្ញាចិត្ត របស់អ្នកជំនាញរបស់យើងក្នុងការអភិវឌ្ឍន៍ទៅមុខលើការងារនុយក្លេអ៊ែរ ដោយសន្តិភាពរបស់យើងនោះទេ៕អត្ថបទ៖ ប៊ុនថន

មនុស្សជាង ៥០នាក់បានស្លាប់នៅក្នុងឧបទ្ទវហេតុចំនួន២ នៅប៉ាគីស្ថាន

ប៉ាគីស្ថាន៖ មនុស្សច្រើនជាង ៥០នាក់បានស្លាប់នៅក្នុងគ្រោះថ្នាក់ ២ផ្សេងគ្នានៅក្នុងប្រទេសប៉ាគីស្ថានកាលពីថ្ងៃអាទិត្យ។ យ៉ាងហោចណាស់មនុស្ស ៤១នាក់បានស្លាប់ នៅពេលដែលរថយន្តក្រុងមួយគ្រឿងបានធ្លាក់ចូលទៅក្នុងជ្រោះមួយ ហើយបានឆាបឆេះនៅភាគនិរតី ខណៈកុមារយ៉ាងហោចណាស់ ១០នាក់បានលង់ទឹកក្នុងឧបទ្ទវហេតុលិចទូកនៅភាគពាយព្យប្រទេស។ អ្នកស្លាប់ទាំងអស់ដែលបានរកឃើញក្នុងឧបទ្ទវហេតុលិចទូក មកដល់ពេលនេះនៅបឹងមួយមានអាយុចន្លោះពី ៧ ទៅ ១៤ឆ្នាំ។ ឧបទ្ទវហេតុក្រឡាប់រថយន្តក្រុងបានកើតឡើងនៅជិតទីក្រុង Bela ភាគខាងត្បូងខេត្ត Balochistan នៅពេលដែលរថយន្តកំពុងធ្វើដំណើរទៅកាន់ទីក្រុងកំពង់ផែ Karachi។ មន្ត្រីក្នុងតំបន់ Hamza Anjum បានប្រាប់ទីភ្នាក់ងារសារព័ត៌មានថា សាកសពចំនួន ៤០នាក់ត្រូវបានគេរកឃើញ រួមជាមួយនឹងអ្នករងរបួសចំនួន ៣នាក់ដែលម្នាក់បានស្លាប់ភ្លាមៗពេលបញ្ជូនទៅកាន់មន្ទីរពេទ្យ ហើយអ្នកនៅរស់រានមានជីវិតទាំង ២នាក់ស្ថិតក្នុងស្ថានភាពរបួសធ្ងន់។ តាមសេចក្តីរាយការណ៍បានឲ្យដឹងថា រថយន្តក្រុងបានបុកបង្គោលភ្លើងនៅលើស្ពានមួយកន្លែង មុនពេលកើតហេតុធ្លាក់ទៅក្នុងជ្រោះ។ អាជ្ញាធរតំបន់និយាយថា យើងនឹងស៊ើបអង្កេតមូលហេតុនៃគ្រោះថ្នាក់នេះ ហើយការធ្វើតេស្ត DNA នឹងត្រូវបានប្រើដើម្បីកំណត់អត្តសញ្ញាណសាកសព។ ទូកមួយគ្រឿងដែលបានលិចស្ថិតនៅបឹងមួយក្នុងខេត្ត Khyber Pakhtunkhwa ជិតព្រំដែនជាមួយប្រទេសអាហ្វហ្គានីស្ថាន។ មន្ត្រីនគរបាលក្នុងតំបន់លោក Mir Rauf បាននិយាយថា កុមារ ១០នាក់ស្លាប់ ហើយកុមារ ១១នាក់ផ្សេងទៀតត្រូវបានជួយសង្គ្រោះ ហើយ ៦នាក់ស្ថិតក្នុងស្ថានភាពធ្ងន់ធ្ងរ ខណៈ ៩នាក់ទៀតត្រូវគេជឿថាបាត់ខ្លួន។ ទូកដែលពួកគេកំពុងធ្វើដំណើរនោះបានដឹកមនុស្សជាង ២០នាក់ក្នុងការធ្វើដំណើរពេលមួយថ្ងៃពីសាលារៀនអ៊ីស្លាមក្នុងតំបន់ Madrassa នៅពេលរថយន្តបានក្រឡាប់៕អត្ថបទ៖ ប៊ុនថន

ចំនួនអ្នកស្លាប់ដោយសារអាកាសធាតុត្រជាក់ខ្លាំងនៅអាហ្វហ្គានីស្ថានកើនឡើងដល់ ១៧០នាក់

អាហ្វហ្គានីស្ថាន៖ ចំនួនមនុស្សដែលត្រជាក់ខ្លាំងរហូតដល់ស្លាប់ នៅក្នុងប្រទេសអាហ្វហ្គានីស្ថានដោយសារស្ថានភាពអាកាសធាតុ ដែលបានកើនឡើងរយៈពេលប្រមាណ ៣សប្ដាហ៍មកនេះបានហក់ឡើងដល់ ១៧០នាក់។ អាហ្វហ្គានីស្ថានកំពុងជួបប្រទះអាកាសធាតុរដូវរងាត្រជាក់បំផុត ក្នុងរយៈពេលប៉ុន្មានឆ្នាំថ្មីៗនេះ។ សីតុណ្ហភាពបានធ្លាក់ចុះដល់ ១០ក្រោមសូន្យអង្សារនៅពេលយប់ក្នុងរដ្ឋធានីកាប៊ុល និងរហូតដល់ ៣០ក្រោមសូន្យអង្សារនៅក្នុងតំបន់មួយចំនួន។ លោក Shafiullah Rahimi អ្នកនាំពាក្យក្រសួងគ្រប់គ្រងគ្រោះមហន្តរាយធម្មជាតិតាលីបង់បាននិយាយថា មនុស្សយ៉ាងហោចណាស់ ១៧០នាក់បានបាត់បង់ជីវិតដោយសារតែភាពត្រជាក់ទូទាំងប្រទេស ដោយបន្ថែមថា អ្នកស្លាប់ភាគច្រើនមាននៅក្នុងខេត្ត Gor ខេត្ត Badahshan ខេត្ត Bamyan ខេត្ត Paktika និងខេត្ត Paktiya។ លោក Rahimi បាននិយាយថា មានភូមិជាច្រើនមិនអាចចូលទៅដល់ ពិសេសនៅក្នុងខេត្ត Bamyan និងខេត្ត Gor នៅលើភ្នំ Hindikus។ យើងត្រូវការជំនួយអន្តរជាតិ ១០០% សម្រាប់ពេលបច្ចុប្បន្ននេះ ព្រោះជំនួយរបស់យើងមិនគ្រប់គ្រាន់ទេ។ ស្ថានភាពនឹងមិនអាចគ្រប់គ្រងបានទេ ប្រសិនបើមិនអាចបំពេញតម្រូវការរបស់ប្រជាពលរដ្ឋបានទេនោះ៕អត្ថបទ៖ សុខមាន

សហរដ្ឋអាមេរិកនឹងបង្ខំដៃគូឲ្យអនុវត្តការដាក់ទណ្ឌកម្មប្រឆាំងរុស្ស៊ី

អាមេរិក៖ សារព័ត៌មាន Reuters បានរាយការណ៍កាលពីថ្ងៃចុងសប្ដាហ៍ថា មន្ត្រីជាន់ខ្ពស់ទទួលបន្ទុកការដាក់ទណ្ឌកម្មរបស់ក្រសួងរតនាគារសហរដ្ឋអាមេរិក នឹងធ្វើដំណើរទៅកាន់ប្រទេសទួរគី និងអារ៉ាប់រួមនៅសប្ដាហ៍ក្រោយ ដើម្បីព្រមានក្រុមមន្ត្រី និងផ្នែកពាណិជ្ជកម្មថា ទីក្រុងវ៉ាស៊ីនតោននឹងដាក់ទោសពួកគេ ប្រសិនបើពួកគេគេចវេសមិនដាក់ទណ្ឌកម្មលើរុស្ស៊ី។ អ្នកនាំពាក្យក្រសួងរតនាគារបានប្រាប់ទីភ្នាក់ងារសារព័ត៌មានថា លោក Brian Nelson អនុរដ្ឋលេខាធិការទទួលបន្ទុកភេរវកម្ម និងចារកម្មហិរញ្ញវត្ថុរបស់ក្រសួងនេះនឹងធ្វើដំណើរទៅកាន់ប្រទេសអូម៉ង់ (Oman) អារ៉ាប់រួម និងទួរគីនៅចន្លោះថ្ងៃសុក្រ និងថ្ងៃអាទិត្យ។ នៅជំនួបជាមួយក្រុមមន្ត្រីរដ្ឋាភិបាល គ្រឹះស្ថានពាណិជ្ជកម្ម និងហិរញ្ញវត្ថុ លោក Nelson នឹងព្រមានពួកគេថា ពួកគេអាចនឹងបាត់បង់ផ្លូវចូលទៅកាន់ទីផ្សារសហរដ្ឋអាមេរិក ពាក់ព័ន្ធនឹងការធ្វើពាណិជ្ជកម្មជាមួយអង្គភាពដែលត្រូវបានរងទណ្ឌកម្ម។ ក្រុមមន្ត្រីសហរដ្ឋអាមេរិកបានបញ្ជាក់ដដែលៗថា ប្រទេសទួរគីគឺជាចំណុចសំខាន់នៃការបំពានទណ្ឌកម្ម ហើយក្រុមមន្ត្រីលោកខាងលិចដែលពុំបានបញ្ចេញឈ្មោះបានប្រាប់សារព័ត៌មាន Financial Times កាលពីខែសីហាថា ពួកគេបារម្ភខ្លាំងណាស់អំពីការការធ្វើពាណិជ្ជកម្មរវាងបណ្ដាក្រុមហ៊ុនរបស់ប្រទេសទទួរគី និងអង្គភាពរបស់រុស្ស៊ីដែលត្រូវបានរងទណ្ឌកម្ម។ ទីក្រុង Ankara បានឆ្លើយតបថា ខ្លួននឹងមិនអនុញ្ញាតឲ្យមានការបំពានទណ្ឌកម្មដោយគ្រឹះស្ថាន ឬ បុគ្គលណាមួយឡើយ ក្រោយការសន្ទនាតាមទូរស័ព្ទជាមួយអនុរដ្ឋមន្ត្រីក្រសួងរតនាគារអាមេរិកលោក Wally Adeyemo ដែលទំនងជាបានគំរាមកំហែងដល់ភាពជោគជ័យនៃសេដ្ឋកិច្ចរបស់ទួរគី និងភាពស្មោះត្រង់នៃវិស័យធនាគាររបស់ខ្លួន៕អត្ថបទ៖ សុខមាន

មេដឹកនាំអាល្លឺម៉ង់ប្រឆាំងទៅនឹងសង្គ្រាមដណ្ដើមឥទ្ធិពលគ្នាជុំវិញការផ្ដល់យន្តហោះចម្បាំងឲ្យអ៊ុយក្រែន

អាល្លឺម៉ង់៖ អធិការបតីអាល្លឺម៉ង់លោក Olaf Scholz បានជំទាស់ទៅនឹងការទាមទារជាថ្មីនៅក្នុងប្រទេសអាល្លឺម៉ង់ និងពីក្រុមមន្ត្រីអ៊ុយក្រែន សម្រាប់យន្តហោះចម្បាំងដើម្បីបណ្ដេញកងកម្លាំងរុស្ស៊ី ដោយជំរុញឲ្យលោកខាងលិចកុំចូលរួមសង្គ្រាមដេញថ្លៃ ឬសង្គ្រាមប្រជែងគ្នាសម្រាប់អាវុធទំនើបៗ។ កាលពីសប្ដាហ៍មុនប្រទេសអាល្លឺម៉ង់បានប្រកាសថា ខ្លួននឹងបញ្ជូនរថក្រោះប្រយុទ្ធឡេភើតជំនាន់ទី២ (Leopard 2) របស់ខ្លួនឲ្យទៅអ៊ុយក្រែន ក្រោយការរងសម្ពាធជាច្រើនសប្ដាហ៍ពីសម្ព័ន្ធណាតូ និងសម្ព័ន្ធមិត្តសហភាពអឺរ៉ុប។ លោក Scholz បាននិយាយកាលពីថ្ងៃអាទិត្យក្នុងបទសម្ភាសន៍ជាមួយកាសែតអាល្លឺម៉ង់ តាហ្គេសស្ពៀហ្គេល (Tagesspiegel) ថា តាមពិតទៅ យើងបានសម្រេចចិត្តបញ្ជូនតែរថក្រោះមួយមុខប៉ុណ្ណោះ ហើយការជជែកដេញដោលអំពីយន្តហោះចម្បាំង កំពុងផ្ទុះភាពចម្រូងចម្រាសយ៉ាងខ្លាំងនៅក្នុងប្រទេសអាល្លឺម៉ង់ ដែលទំនងជារឿងមិនសមហេតុផល និងប៉ះពាល់ដល់ភាពជឿជាក់របស់ប្រជាពលរដ្ឋក្នុងការសម្រេចចិត្តរបស់រដ្ឋាភិបាល។ ខ្ញុំត្រឹមតែអាចផ្ដល់យោបល់ប្រឆាំងទៅនឹងការដើរចូលក្នុងសង្គ្រាមដណ្ដើមឥទ្ធិពលគ្នាជុំវិញប្រព័ន្ធអាវុធ។ អនុរដ្ឋមន្ត្រីការបរទេសអ៊ុយក្រែនលោក Andriy Melnyk បានដាក់សម្ពាធអាល្លឺម៉ង់ឲ្យផ្ដល់យន្តហោះប្រយុទ្ធ Tornado រាប់សិបគ្រឿងមកឲ្យអ៊ុយក្រែន និងបានជំរុញសហគមន៍អន្តរជាតិឲ្យចូលរួមបង្កើតក្រុមចម្រុះ ផ្ដល់យន្តហោះឲ្យប្រទេសរបស់លោក។ លោកប្រធានាធិបតីអ៊ុយក្រែន Volodymyr Zelenskyy បាននិយាយនៅក្នុងសុន្ទរកថាប្រចាំថ្ងៃរបស់លោកកាលពីថ្ងៃសៅរ៍ ដោយស្នើជាថ្មីដល់ប្រទេសលោកខាងលិចឲ្យផ្ដល់ប្រព័ន្ធអាវុធ កាន់តែទំនើបថែមទៀតមកឲ្យប្រទេសរបស់ខ្លួន៕អត្ថបទ៖ សុខមាន

ពិភពលោកប្រតិកម្មទៅនឹងអំពើហិង្សាកើនឡើងក្នុងជម្លោះរវាងអ៊ីស្រាអែល និងប៉ាឡេស្ទីន

អ៊ីស្រាអែល៖ ក្រុមមន្ត្រីជាន់ខ្ពស់បានអំពាវនាវឲ្យបញ្ចប់អំពើហិង្សា ក្រោយឧបទ្ទវហេតុដ៏ធ្ងន់ធ្ងរជាច្រើនបានផ្ទុះឡើងនៅតំបន់ West Bank និងទីក្រុង Jerusalem ខាងកើតគ្រប់គ្រងដោយអ៊ីស្រាអែល។ បណ្ដាមេដឹកនាំពិភពលោកបានអំពាវនាវឲ្យរក្សាភាពស្ងៀមស្ងាត់ ស្របពេលការកើនឡើងអំពើហិង្សានៅក្នុងតំបន់ទាំង២។ កាលពីថ្ងៃព្រហស្បតិ៍ កងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីនចំនួន ៩នាក់នៅក្នុងជំរំជនភៀសខ្លួន Jenin អំឡុងការវាយឆ្មក់មួយ។ នៅថ្ងៃដដែលនោះបុរសជនជាតិប៉ាឡេស្ទីនម្នាក់ ត្រូវបានកងកម្លាំងអ៊ីស្រាអែលបាញ់សម្លាប់នៅក្នុងទីក្រុង al-Ram ភាគខាងជើងទីក្រុង Jerusalem ដែលធ្វើឲ្យក្លាយជាថ្ងៃដ៏អាក្រក់បំផុតនៅក្នុងតំបន់ West Bank។ កាលពីថ្ងៃសុក្រ ខ្មាន់កាំភ្លើងប៉ាឡេស្ទីនម្នាក់បានបាញ់សម្លាប់ជនជាតិអ៊ីស្រាអែល ៧នាក់នៅជិតសាលប្រជុំមួយនៅក្នុង Jerusalem ខាងកើត មុនពេលខ្មាន់កាំភ្លើងរូបនេះត្រូវបានបាញ់សម្លាប់។ កាលពីថ្ងៃសៅរ៍ បុរសជនជាតិប៉ាឡេស្ទីនម្នាក់បានបើកការបាញ់ប្រហារ បណ្ដាលឲ្យជនជាតិអ៊ីស្រាអែល ២នាក់រងរបួសនៅក្នុងស្រុក Silwan របស់ប៉ាឡេស្ទីនជិតទីក្រុងបុរាណប្រវត្តិសាស្ត្ររបស់ទីក្រុង Jerusalem។ ការផ្ទុះអំពើហិង្សាដ៏កក្រើកនៅក្នុងប្រទេសអ៊ីស្រាអែល និងដែនដីប៉ាឡេស្ទីនគ្រប់គ្រងដោយអ៊ីស្រាអែល បាននាំឲ្យផ្ទុះប្រតិកម្មពីទូទាំងពិភពលោក។ អ្នកនាំពាក្យអគ្គលេខាធិការអង្គការសហប្រជាជាតិលោក Antonio Guterres បាននិយាយថា ការវាយប្រហារភេរវកម្មនៅខាងក្រៅសាលប្រជុំទីក្រុង Jerusalem ដែលបានសម្លាប់មនុស្ស ៧នាក់គឺជាអំពើស្អប់ខ្ពើម។ មេដឹកនាំប៉ាឡេស្ទីន Mahmoud Abbas បានប្រកាសកាន់មរណទុក្ខ ៣ថ្ងៃ និងនិយាយថា ទង់ជាតិគួរតែទម្លាក់ត្រឹមពាក់កណ្ដាលដង ដើម្បីរំឭកដល់វិញ្ញាណក្ខន្ធជនរងគ្រោះដែលរងការសម្លាប់រង្គាលពីអ៊ីស្រាអែល។ លោក Josep Borrell ប្រធានគោលនយោបាយកិច្ចការបរទេសសហភាពអឺរ៉ុប បានថ្កោលទោសយ៉ាងដាច់អហង្ការនៃអំពើហិង្សាដ៏សាហាវ និងស្អប់ខ្ពើម ក្រោយការវាយប្រហារនៅខាងក្រៅសាលប្រជុំ។ ហើយមេដឹកនាំពិភពលោកជាច្រើនទៀតក៏បានបង្ហាញប្រតិកម្មស្រដៀងគ្នាផងដែរ ជុំវិញអំពើហិង្សាទាំងនោះ៕អត្ថបទ៖ សុខមាន

ប្រជាជនប្រេស៊ីលចេញធ្វើបាតុកម្មគាំទ្រលទ្ធិប្រជាធិបតេយ្យនៅទីក្រុង Porto Alegre

ប្រេស៊ីល៖ ក្រុមបាតុករប្រេស៊ីលបានចេញដើរធ្វើបាតុកម្មគាំទ្រលទ្ធិប្រជាធិបតេយ្យ និងជនជាតិដើមភាគតិចនៅទីក្រុង Porto Alegre។ ក្រុមអ្នកតវ៉ាបានគ្រវីទង់ជាតិ និងវាយស្គរ ខណៈពួកគេបានសម្រុកមកកាន់លើផ្លូវក្នុងទីក្រុង Porto Alegre។ កាលពីថ្ងៃទី៨ ខែមករា អ្នកគាំទ្រអតីតប្រធានាធិបតីប្រេស៊ីលលោក Jair Bolsonaro រាប់ពាន់នាក់បានសម្រុកចូលបំផ្លាញតុលាការកំពូល សភា និងវិមានប្រធានាធិបតី។ លោក Bolsonaro ប្រឈមមុខនឹងការស៊ើបអង្កេតជាច្រើន សម្រាប់សេចក្តីថ្លែងការណ៍ប្រឆាំងលទ្ធិប្រជាធិបតេយ្យ ដែលលោកបានធ្វើក្នុងតំណែងជាប្រធានាធិបតី រួមទាំងការអះអាងដដែលៗថា ប្រព័ន្ធបោះឆ្នោតបើកចំហចំពោះការក្លែងបន្លំ៕អត្ថបទ៖ ប៊ុនថន

រុស្ស៊ីបាញ់ស្រោចមីស៊ីលលើអ៊ុយក្រែន ក្រោយទីក្រុង Kyiv ទទួលបានការសន្យាផ្ដល់រថក្រោះទំនើបៗពីសម្ព័ន្ធមិត្ត

អ៊ុយក្រែន៖ រុស្ស៊ីបាញ់ស្រោចដោយមីស៊ីលរយៈពេល ១ម៉ោងទៅលើអ៊ុយក្រែនកាលពីថ្ងៃព្រហស្បតិ៍ មួយថ្ងៃបន្ទាប់ពីទីក្រុង Kyiv ទទួលបានការសន្យាផ្ដល់រថក្រោះប្រយុទ្ធទំនើបៗរាប់សិបគ្រឿង ដើម្បីព្យាយាមគាំទ្រទប់ទល់នឹងការវាយលុករបស់រុស្ស៊ី។ ទីក្រុង Moscow បានផ្ទុះកំហឹងចំពោះការប្រកាសរបស់អាល្លឺម៉ង់ និងសហរដ្ឋអាមេរិក ហើយនឹងធ្លាប់បានវាយបកលើអ៊ុយក្រែនតាមរយៈការវាយប្រហារតាមអាកាស ដែលបានធ្វើឲ្យពលរដ្ឋរាប់លាននាក់គ្មានអគ្គិសនី ម៉ាស៊ីនកំដៅ ឬទឹកប្រើប្រាស់។ យោងតាមក្រុមមន្ត្រី ការវាយប្រហារទាំងព្រឹកបានសម្លាប់មនុស្សម្នាក់នៅក្នុងទីក្រុង Kyiv និងបានបំផ្លិចបំផ្លាញហេដ្ឋារចនាសម្ព័ន្ធសំខាន់ៗនៅក្នុងតំបន់សមុទ្រខ្មៅនៃទីក្រុង Odesa។ យោធាអ៊ុយក្រែននិយាយថា ខ្លួនបានបាញ់ទម្លាក់យានដ្រូនទាំងអស់ ២៤គ្រឿងរបស់រុស្ស៊ីកាលពីយប់អាធ្រាត្រ រួមទាំង ១៥គ្រឿងនៅជុំវិញរដ្ឋធានីនេះ។ ប៉ុន្តែបន្តិចក្រោយមកការប្រកាសអាសន្ន នៃការវាយប្រហារតាមអាកាសត្រូវបានលឺនៅទូទាំងអ៊ុយក្រែន ខណៈមនុស្សចេញទៅធ្វើការ ហើយមន្ត្រីជាន់ខ្ពស់បាននិយាយថា ប្រព័ន្ធខែលការពារដែនអាកាសបានបាញ់ទម្លាក់មីស៊ីលជាបន្តបន្ទាប់។ នៅក្នុងរដ្ឋធានីមនុស្សជាច្រើនបានរត់ទៅលាក់ខ្លួននៅក្នុងស្ថានីយរថភ្លើងក្រោមដី ហើយគេបានលឺសំឡេងផ្ទុះ៕អត្ថបទ៖ សុខមាន

ប្រមុខការពារជាតិអាល្លឺម៉ង់និយាយថា គ្មានការរីករាយឡើយចំពោះការផ្គត់ផ្គង់អាវុធឲ្យអ៊ុយក្រែន

អាល្លឺម៉ង់៖ រដ្ឋមន្ត្រីការពារជាតិអាល្លឺម៉ង់លោក Boris Pistorius បានប្រាប់ក្រុមអ្នកសារព័ត៌មានកាលពីថ្ងៃព្រហស្បតិ៍ថា លោកមិនយល់ទាល់តែសោះ ចំពោះអ្នកដែលកំពុងតែអបអរការសម្រេចចិត្តរបស់ទីក្រុងប៊ែរឡាំង ក្នុងការបញ្ជូនរថក្រោះទំនើបឡេភើតជំនាន់ទី២ ទៅឲ្យទីក្រុង Kiev។ លោកថា គ្មាននរណាត្រេកអរចំពោះសង្គ្រាមនោះទេ។ រដ្ឋមន្ត្រីរូបនេះបានទទួលស្គាល់ថា បញ្ហាមួយចំនួនបានបង្កឲ្យមានការខ្វែងគំនិតគ្នានៅក្នុងសង្គមអាល្លឺម៉ង់ដោយបន្ថែមថា ការធ្វើបែបនេះបានបង្ហាញថា វាមានការលំបាកបែបណា ដូចជាការសម្រេចចិត្តជាដើម។ លោក Pistorius បាននិយាយថា ពិតជាគួរឲ្យអាណិតណាស់សម្រាប់អ្នកដែលព្រួយបារម្ភ អំពីការបញ្ជូនរថក្រោះទៅកាន់តំបន់សង្គ្រាម។ ការអត្ថាធិប្បាយរបស់លោកបានកើតមានឡើង ខណៈលោកបានប្រកាសថា ការប្ដេជ្ញារបស់ទីក្រុងប៊ែរឡាំងក្នុងការផ្ដល់រថក្រោះធុនធ្ងន់ឲ្យទីក្រុង Kiev កាលពីដើមសប្ដាហ៍នេះទំនងជានឹងទៅដល់អ៊ុយក្រែននៅចុងខែមីនា ឬដើមខែមេសា៕អត្ថបទ៖ សុខមាន

ចិនចាំបាច់ត្រូវធ្វើរឿងដ៏ត្រឹមត្រូវ ប្រសិនបើប្រធានសភាអាមេរិកលោក McCarthy ទៅកាន់កោះតៃវ៉ាន់

អាមេរិក៖ ប្រធានសភាអាមេរិកដែលទើបត្រូវបានតែងតាំងថ្មីមកពីគណបក្សសាធារណរដ្ឋលោក Kevin McCarthy ត្រូវបានគេរាយការណ៍ថា កំពុងត្រៀមធ្វើដំណើរទស្សនកិច្ចទៅកាន់កោះតៃវ៉ាន់។ ព័ត៌មាននេះគួរតែមិនធ្វើឲ្យគេភ្ញាក់ផ្អើលទេ។ ដោយរងសម្ពាធពីក្រុមស្តាំនិយមរបស់គណបក្សលោក ដែលបានរារាំងការបោះឆ្នោតជ្រើសរើសរូបលោករហូតដល់ ១៥ដង និងមានជំហរដ៏តឹងរ៉ឹងប្រឆាំងនឹងប្រទេសចិន គេរំពឹងថា លោក McCarthy នឹងអាចបង្កការលំបាកសម្រាប់ជីវិតខ្លួនឯងផង និងសម្រាប់រដ្ឋបាលលោក Biden ផង ថែមទាំងធ្វើឲ្យប៉ះពាល់ដល់ស្ថិរភាពនៅក្នុងទំនាក់ទំនងរបស់ទីក្រុងវ៉ាស៊ីនតោនជាមួយទីក្រុងប៉េកាំងផង ដែលអាចជំរុញឲ្យមានភាពស្ទាក់ស្ទើរបន្ថែមទៀតសម្រាប់រូបលោក។ នៅក្នុងការរំពឹងទុកនៃដំណើរទស្សនកិច្ចនេះ មន្ទីរបញ្ចកោណកំពុងរៀបចំផែនការបន្ទាន់រួចហើយ។ នៅពេលដែលលោកស្រី Nancy Pelosi បានធ្វើទស្សនកិច្ចយ៉ាងចម្រូងចម្រាសទៅកាន់កោះតៃវ៉ាន់កាលពីខែសីហា បានបង្កើតឲ្យមានវិបត្តិមួយ ស្របពេលដែលប្រទេសចិនបានឆ្លើយតបដោយសមយុទ្ធយោធាយ៉ាងគគ្រឹកគគ្រេង ដោយបង្កើនការព្រមានអំពីសង្គ្រាមដែលអាចកើតមានរវាងសហរដ្ឋអាមេរិក និងចិនជុំវិញជោគវាសនារបស់កោះនេះ។ ជាការពិតណាស់ គ្មានអ្វីដែលគណបក្សសាធារណរដ្ឋចង់ធ្វើ ជាពិសេសលើសពីការដឹកនាំទំនាក់ទំនងរវាងសហរដ្ឋអាមេរិក និងចិនឆ្ពោះទៅរកជម្លោះ ក្នុងគោលបំណងដាក់ចេញនូវគោលនយោបាយប្រកាន់តឹងបន្ថែមទៀត ប្រឆាំងនឹងទីក្រុងប៉េកាំង និងដុតបញ្ឆេះបន្ថែមសង្គ្រាមត្រជាក់ដែលកំពុងកើតមានរួចទៅហើយនោះទេ៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អាមេរិកនិយាយថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រអ៊ីរ៉ង់

មនុស្សជាង ៥០នាក់បានស្លាប់នៅក្នុងឧបទ្ទវហេតុចំនួន២ នៅប៉ាគីស្ថាន

ចំនួនអ្នកស្លាប់ដោយសារអាកាសធាតុត្រជាក់ខ្លាំងនៅអាហ្វហ្គានីស្ថានកើនឡើងដល់ ១៧០នាក់

សហរដ្ឋអាមេរិកនឹងបង្ខំដៃគូឲ្យអនុវត្តការដាក់ទណ្ឌកម្មប្រឆាំងរុស្ស៊ី

មេដឹកនាំអាល្លឺម៉ង់ប្រឆាំងទៅនឹងសង្គ្រាមដណ្ដើមឥទ្ធិពលគ្នាជុំវិញការផ្ដល់យន្តហោះចម្បាំងឲ្យអ៊ុយក្រែន

ពិភពលោកប្រតិកម្មទៅនឹងអំពើហិង្សាកើនឡើងក្នុងជម្លោះរវាងអ៊ីស្រាអែល និងប៉ាឡេស្ទីន

ប្រជាជនប្រេស៊ីលចេញធ្វើបាតុកម្មគាំទ្រលទ្ធិប្រជាធិបតេយ្យនៅទីក្រុង Porto Alegre

រុស្ស៊ីបាញ់ស្រោចមីស៊ីលលើអ៊ុយក្រែន ក្រោយទីក្រុង Kyiv ទទួលបានការសន្យាផ្ដល់រថក្រោះទំនើបៗពីសម្ព័ន្ធមិត្ត

ប្រមុខការពារជាតិអាល្លឺម៉ង់និយាយថា គ្មានការរីករាយឡើយចំពោះការផ្គត់ផ្គង់អាវុធឲ្យអ៊ុយក្រែន

ចិនចាំបាច់ត្រូវធ្វើរឿងដ៏ត្រឹមត្រូវ ប្រសិនបើប្រធានសភាអាមេរិកលោក McCarthy ទៅកាន់កោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អាមេរិក​និយាយថា អ៊ីស្រាអែល​ទំនងជា​នៅ​ពីក្រោយ​ការវាយប្រហារ​ដោយ​យាន​ដ្រូ​ន​លើ​រោងចក្រ​អ៊ីរ៉ង់​

មនុស្ស​ជាង ៥០​នាក់​បាន​ស្លាប់​នៅក្នុង​ឧបទ្ទវហេតុ​ចំនួន​២ ​នៅ​ប៉ា​គី​ស្ថាន​

ចំនួន​អ្នកស្លាប់​ដោយសារ​អាកាសធាតុ​ត្រជាក់​ខ្លាំង​នៅ​អា​ហ្វ​ហ្គា​នី​ស្ថាន​កើនឡើង​ដល់ ​១៧០​នាក់​

សហរដ្ឋអាមេរិក​នឹង​បង្ខំ​ដៃគូ​ឲ្យ​អនុវត្ត​ការដាក់ទណ្ឌកម្ម​ប្រឆាំង​រុស្ស៊ី

ពិភពលោក​ប្រតិកម្ម​ទៅនឹង​អំពើហិង្សា​កើនឡើង​ក្នុង​ជម្លោះ​រវាង​អ៊ីស្រាអែល និង​ប៉ា​ឡេ​ស្ទី​ន​

ប្រជាជន​ប្រេ​ស៊ី​ល​ចេញ​ធ្វើបាតុកម្ម​គាំទ្រ​លទ្ធិ​ប្រជាធិបតេយ្យ​នៅ​ទីក្រុង Porto Alegre

ប្រមុខ​ការពារជាតិ​អាល្លឺម៉ង់​និយាយថា គ្មាន​ការរីករាយ​ឡើយ​ចំពោះ​ការផ្គត់ផ្គង់​អាវុធ​ឲ្យ​អ៊ុយ​ក្រែ​ន​

ចិន​ចាំបាច់​ត្រូវ​ធ្វើ​រឿង​ដ៏​ត្រឹមត្រូវ ប្រសិនបើ​ប្រធាន​សភា​អាមេរិក​លោក McCarthy ទៅកាន់​កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាមេរិកនិយាយថា អ៊ីស្រាអែលទំនងជានៅពីក្រោយការវាយប្រហារដោយយានដ្រូនលើរោងចក្រអ៊ីរ៉ង់

មនុស្សជាង ៥០នាក់បានស្លាប់នៅក្នុងឧបទ្ទវហេតុចំនួន២ នៅប៉ាគីស្ថាន

ចំនួនអ្នកស្លាប់ដោយសារអាកាសធាតុត្រជាក់ខ្លាំងនៅអាហ្វហ្គានីស្ថានកើនឡើងដល់ ១៧០នាក់

សហរដ្ឋអាមេរិកនឹងបង្ខំដៃគូឲ្យអនុវត្តការដាក់ទណ្ឌកម្មប្រឆាំងរុស្ស៊ី

ពិភពលោកប្រតិកម្មទៅនឹងអំពើហិង្សាកើនឡើងក្នុងជម្លោះរវាងអ៊ីស្រាអែល និងប៉ាឡេស្ទីន

ប្រជាជនប្រេស៊ីលចេញធ្វើបាតុកម្មគាំទ្រលទ្ធិប្រជាធិបតេយ្យនៅទីក្រុង Porto Alegre

ប្រមុខការពារជាតិអាល្លឺម៉ង់និយាយថា គ្មានការរីករាយឡើយចំពោះការផ្គត់ផ្គង់អាវុធឲ្យអ៊ុយក្រែន

ចិនចាំបាច់ត្រូវធ្វើរឿងដ៏ត្រឹមត្រូវ ប្រសិនបើប្រធានសភាអាមេរិកលោក McCarthy ទៅកាន់កោះតៃវ៉ាន់