BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

ការតវ៉ាដោយហិង្សាជាច្រើននៅទីក្រុងប៉ារីស បន្ទាប់ពីខ្មាន់កាំភ្លើងបានសម្លាប់មនុស្ស ៣នាក់

បារាំង៖ នគរបាលបង្ក្រាបកុប្បកម្មបានបាញ់ឧស្ម័នបង្ហូរទឹកភ្នែក ដើម្បីបំបែកក្រុមមនុស្សដែលមានកំហឹងនៅទីក្រុងប៉ារីសកាលពីល្ងាចថ្ងៃសុក្រ បន្ទាប់ពីខ្មាន់កាំភ្លើងម្នាក់បានសម្លាប់មនុស្ស ៣នាក់នៅមជ្ឈមណ្ឌលវប្បធម៌ជនជាតិឃឺដ និងហាងកាហ្វេមួយកន្លែងនៅក្បែរនោះក្នុងរដ្ឋធានីប្រទេសបារាំង។ ការបង្កអគ្គិភ័យបានកើតឡើងនៅតាមផ្លូវមួយកន្លែង នៅមិនឆ្ងាយពីកន្លែងកើតហេតុនៃការបាញ់ប្រហារ ខណៈវត្ថុជាច្រើនត្រូវបានគប់មកលើមន្ត្រីនគរបាល។ មេធាវីនៅមជ្ឈមណ្ឌលវប្បធម៌ជនជាតិឃឺដនិយាយថា មនុស្សបីនាក់ដែលបានស្លាប់គឺជាជនជាតិឃឺដ ហើយ ៣នាក់ផ្សេងទៀតបានរងរបួស ក្នុងនោះម្នាក់រងរបួសធ្ងន់ធ្ងរអាចប៉ះពាល់ដល់អាយុជីវិត។ មេដឹកនាំជនជាតិឃឺដបានអំពាវឲ្យមានការការពារប្រសើរជាងនេះ សម្រាប់សហគមន៍របស់ពួកគេ ខណៈរដ្ឋមន្ត្រីក្រសួងមហាផ្ទៃបារាំងនិយាយថា នគរបាលកំពុងបន្ថែមកម្លាំងសន្តិសុខនៅទីតាំងសហគមន៍ជនជាតិឃឺដ។ លោកបានស្នើឱ្យអង្គភាពសេវានគរបាលទាំងអស់នៅក្នុងទីក្រុងប៉ារីស និងកន្លែងផ្សេងទៀតក្នុងប្រទេសការពារកន្លែងដែលសហគមន៍ជនជាតិឃឺដរស់នៅ។ ឃាតករគឺជាជនជាតិបារាំងមានអាយុ 69ឆ្នាំដែលបុរសរូបនេះពុំត្រូវបានចាត់ទុកថា ជាជនជ្រុលនិយមដោយអង្គភាពសេវាស៊ើបការណ៍សម្ងាត់ មានដូចជាអគ្គនាយកដ្ឋានសន្តិសុខផ្ទៃក្នុង ឬអង្គភាពសេវាចារកម្មជាតិ។ មេដឹកនាំជនជាតិឃឺដបានអំពាវនាវជាយូរមកហើយ ឱ្យមានការការពារប្រសើរជាងមុននៅសហគមន៍របស់ពួកគេ ចាប់តាំងពីការសម្លាប់ស្ត្រីជនជាតិឃឺដ ៣នាក់កាលពីមួយទសវត្សរ៍មុន៕អត្ថបទ៖ ប៊ុនថន

ករណីឆ្លងវីរុស Covid-19 ក្នុងរយៈពេលតែមួយថ្ងៃក្នុងប្រទេសចិនកើនដល់ ៣៧លាននាក់

ចិន៖ ទីភ្នាក់ងារសារព័ត៌មាន Bloomberg ដែលដកស្រង់កំណត់ហេតុពីកិច្ចប្រជុំផ្ទៃក្នុង របស់គណៈកម្មការសុខាភិបាលជាតិរបស់ប្រទេសបានឲ្យដឹងថា មនុស្សជិត ៣៧លាននាក់នៅក្នុងប្រទេសចិនប្រហែលជាបានឆ្លងវីរុស COVID-19 ក្នុងរយៈពេលតែមួយថ្ងៃក្នុងសប្តាហ៍នេះ។ ជាសរុបរបាយការណ៍ដែលត្រូវបានចេញផ្សាយកាលពីថ្ងៃសុក្របាននិយាយថា ប្រហែល ១៨ភាគរយនៃចំនួនប្រជាជនរបស់ប្រទេស ២៤៨លាននាក់ទំនងជាបានឆ្លងវីរុស Covid-19 ក្នុងរយៈពេល ២០ថ្ងៃដំបូងក្នុងខែធ្នូនេះ។ ក្រោមគោលនយោបាយគ្មានកូវីដ អាជ្ញាធររបស់ប្រទេសបានដាក់ទីក្រុង និងទីប្រជុំជននានាឱ្យស្ថិតក្រោមវិធានការបិទខ្ទប់ ប្រសិនបើត្រូវបានរាយការណ៍ករណីឆ្លងមួយចំនួន។ បច្ចុប្បន្ននេះដោយវិធានការរឹតត្បិតភាគច្រើនត្រូវបានដកចេញ ប្រទេសចិនបានបញ្ឈប់គោលនយោបាយធ្វើតេស្តទ្រង់ទ្រាយធំ និងលែងរាយការណ៍ករណីដែលគ្មានរោគសញ្ញាទៀតហើយ។ នេះបានបណ្តាលឱ្យមានការព្រួយបារម្ភអំពីការឆ្លងរាលដាល ក្នុងចំណោមប្រជាជនដែលភាគច្រើនមិនបានបង្ហាញវីរុសពិតប្រាកដ។ កាលពីថ្ងៃព្រហស្បតិ៍ ទិន្នន័យសុខភាពរបស់ក្រុមហ៊ុន Airfinity បាននិយាយថា ការវិភាគហានិភ័យនៃករណីស្លាប់របស់ក្រុមហ៊ុនបានឲ្យដឹងថា មនុស្សចន្លោះពី ១.៣លាននាក់ទៅ ២.១លាននាក់អាចស្លាប់នៅក្នុងការផ្ទុះឡើងវីរុស COVID-19 បច្ចុប្បន្ននេះនៅប្រទេសចិន។ ទោះជាយ៉ាងណានៅថ្ងៃដដែលនោះ ប្រទេសចិនបានរាយការណ៍ជាផ្លូវការថា មានតិចជាង ៤,០០០ករណីថ្មីនៃករណីឆ្លងវីរុស Covid-19 ដែលមានរោគសញ្ញានៅទូទាំងប្រទេស ហើយពុំមានអ្នកស្លាប់ដោយសារវីរុសនេះទេ។ ទិន្នន័យចម្រូងចម្រាស់នេះបានបង្កើនការព្រួយបារម្ភនៅក្នុងសហគមន៍អន្តរជាតិ និងបានជំរុញឱ្យរដ្ឋមន្ត្រីការបរទេសសហរដ្ឋអាមេរិកលោក Antony Blinken ស្នើសុំឱ្យប្រទេសចិនមានតម្លាភាពលើបញ្ហានេះ ក្នុងអំឡុងពេលទូរស័ព្ទជាមួយរដ្ឋមន្ត្រីការបរទេសចិនលោក Wang Yi កាលពីថ្ងៃសុក្រ។ អង្គការសុខភាពពិភពលោក (WHO) មិនបានទទួលទិន្នន័យពីប្រទេសចិន ស្តីពីការចូលសម្រាកព្យាបាលនៅមន្ទីរពេទ្យដោយសារវីរុស COVID-19 នោះទេ ចាប់តាំងពីទីក្រុងប៉េកាំងបានដកចេញវិធានការការរឹតត្បិត។ អង្គការសុខភាពពិភពលោកនិយាយថា ស្ថាប័ននេះមានការព្រួយបារម្ភខ្លាំងជាមួយនឹងយុទ្ធសាស្ត្រវីរុស COVID-19 របស់ប្រទេសចិន ហើយបានជំរុញឱ្យទីក្រុងប៉េកាំងបង្កើនកម្មវិធីចាក់វ៉ាក់សាំងរបស់ខ្លួន៕អត្ថបទ៖ ប៊ុនថន

ត្រឡប់មកពីសហរដ្ឋអាមេរិកលោក Zelenskyy និយាយថា ដំណើរទស្សនកិច្ចទទួលបានលទ្ធផលល្អ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃព្រហស្បតិ៍ថា លោកត្រលប់មកពីទីក្រុងវ៉ាស៊ីនតោនវិញដោយទទួលបានលទ្ធផលល្អ។ លោក Zelenskiy បាននិយាយនៅក្នុងវីដេអូថា យើងបាននាំយកមកកាន់អ៊ុយក្រែនទៅកាន់តំបន់ Donbas ទៅកាន់ទីក្រុង Bakhmut និងទៅកាន់ភាគខាងត្បូង ដែលកងកម្លាំងការពារប្រទេសរបស់យើងកំពុងរង់ចាំ។ ក្នុងអំឡុងដំណើរទស្សនកិច្ចលោក Zelenskyy បាននិយាយទៅកាន់សភាអាមេរិកកាលពីថ្ងៃពុធថា ជំនួយដល់អ៊ុយក្រែនគឺជាការវិនិយោគក្នុងលទ្ធិប្រជាធិបតេយ្យ ពុំមែនជាសប្បុរសធម៌នោះទេ។ លោក Zelenskyy ក្នុងដំណើរទស្សនកិច្ចក្នុងពេលសង្គ្រាមនៅបរទេសជាលើកដំបូងរបស់លោក បានជួបជាមួយប្រធានាធិបតីលោក Joe Biden ដែលបានជំរុញឱ្យមានការគាំទ្របន្តនៅឆ្នាំ២០២៣៕អត្ថបទ៖ ប៊ុនថន

លោក Zelenskyy ទៅកាន់ប៉ូឡូញ ក្រោយបញ្ចប់ដំណើរទស្សនកិច្ចនៅសហរដ្ឋអាមេរិក

ប៉ូឡូញ៖ ប្រធានាធិបតីអ៊ុយក្រែន Volodymyr Zelenskiy បាននិយាយកាលពីព្រហស្បតិ៍ថា លោកបានជួបសមភាគីប៉ូឡូញគឺលោក Andrzej Duda អំឡុងដំណើររបស់លោក បន្ទាប់ពីដំណើរទស្សនកិច្ចជាប្រវត្តិសាស្ត្រទៅកាន់សហរដ្ឋអាមេរិកកាលពីថ្ងៃពុធសប្ដាហ៍នេះ។ លោកZelenskyy បាននិយាយថា នៅឆ្នាំនេះជាឆ្នាំដែលបាននាំមកនូវការប្រឈមជាប្រវត្តិសាស្ត្រ ដោយសារតែសង្គ្រាមពេញបន្ទុក។ យើងក៏បានពិភាក្សាផងដែរពីផែនការជាយុទ្ធសាស្ត្រនានាសម្រាប់ថ្ងៃអនាគត ទំនាក់ទំនងទ្វេភាគី និងអន្តរកម្មលើការធ្វើដំណើរជាអន្តរជាតិក្នុងឆ្នាំ២០២៣។ អរគុណសម្រាប់ការគាំទ្រដ៏ពេញទំហឹងឥតងាករេ។ យោងតាមការិយាល័យប្រធានាធិបតីអ៊ុយក្រែន ជំនួបនេះបានធ្វើឡើងនៅទីក្រុង Rzeszów របស់ប្រទេសប៉ូឡូញ។ ប្រធានាធិបតីទាំង២ បានពិភាក្សាពីសមត្ថភាពការពារជាតិរបស់អ៊ុយក្រែន និងបញ្ហាមនុស្សធម៌ រួមទាំងបញ្ហានានាពាក់ព័ន្ធនឹងជនភៀសខ្លួនអ៊ុយក្រែន។ គួររម្លឹកថា ប្រធានាធិបតីប៉ូឡូញលោក Duda បានទៅទស្សនកិច្ចនៅអ៊ុយក្រែនកាលពីថ្ងៃទី២៣ ខែសីហា ចំថ្ងៃឯករាជ្យជាតិរបស់អ៊ុយក្រែន៕អត្ថបទ៖ សុខមាន

កិច្ចពិគ្រោះយោបល់ក្រៅផ្លូវការថ្នាក់រដ្ឋមន្ត្រីស្តីពីស្ថានការណ៍នៅមីយ៉ាន់ម៉ា កោតសរសើរកិច្ចខិតខំប្រឹងប្រែងរបស់កម្ពុជា និងការងាររបស់ប្រេសិតពិសេស នៃប្រធានអាស៊ាន

ភ្នំពេញ៖ កិច្ចពិគ្រោះយោបល់ក្រៅផ្លូវការថ្នាក់រដ្ឋមន្ត្រីស្តីពីស្ថានការណ៍នៅមីយ៉ាន់ម៉ា បានកោតសរសើរកិច្ចខិតខំប្រឹងប្រែងរបស់កម្ពុជា និងការងាររបស់ប្រេសិតពិសេស នៃប្រធានអាស៊ាន ក្នុងការសម្របសម្រួលការអនុវត្ត 5pc ជាពិសេសផ្តោតលើការផ្តល់ជំនួយមនុស្សធម៌ដល់ប្រជាជនដែលត្រូវការជំនួយបំផុត។គួរបញ្ជាក់ថា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា បានអញ្ជើញចូលរួមកិច្ចពិគ្រោះយោបល់ក្រៅផ្លូវការថ្នាក់រដ្ឋមន្ត្រី ស្តីពីស្ថានការណ៍នៅមីយ៉ាន់ម៉ា កាលពីថ្ងៃទី២២ ខែធ្នូ ឆ្នាំ២០២២។ កិច្ចពិគ្រោះយោបល់ក្រៅផ្លូវការថ្នាក់រដ្ឋមន្ត្រី ស្តីពីស្ថានការណ៍នៅមីយ៉ាន់ម៉ា រៀបចំឡើងតាមសំណុcទី១៤ នៃការត្រួតពិនិត្យ និងសេចក្តីសម្រេចរបស់ថ្នាក់ដឹកនាំអាស៊ានលើការអនុវត្តកិច្ចព្រមព្រៀងជាឯកច្ឆ័ន ៥ចំណុច(5PC)។ កិច្ចពិគ្រោះយោបល់ក្រៅផ្លូវការជាលក្ខណៈបើកចំហនេះ បានផ្តល់ឱកាសដ៏ល្អសម្រាប់រដ្ឋមន្ត្រី ក៏ដូចជាតំណាងដែលបានចូលរួមទាំងអស់ ធ្វើការត្រួតពិនិត្យ ដោយបើកចំហ ស្មោះត្រង់ និងប្រកបដោយអត្ថន័យ ព្រមទាំងទទួលបាននូវព័ត៌មានថ្មីៗពីមីយ៉ាន់ម៉ា។

វិបត្តិ COVID-19 នៅប្រទេសចិន ក្រុងប៉េកាំងហៅវេជ្ជបណ្ឌិតពីតាមខេត្តជួយសម្រាលនៅតាមមន្ទីរពេទ្យ

ចិន៖ ការកើនឡើងករណីឆ្លងវីរុស Covid-19 កំពុងរាលដាលទូទាំងប្រទេសចិន។ ការកើនឡើងនេះកើតមាន បន្ទាប់ពីរដ្ឋាភិបាលចិនបានបន្ធូរបន្ថយវិធានការប្រឆាំងការឆ្លងដ៏តឹងរ៉ឹងរបស់ខ្លួនកាលពីថ្ងៃទី៧ ខែធ្នូ។ ចំនួនករណីបានកើនឡើងចាប់តាំងពីសប្តាហ៍មុននៅទីក្រុងសៀងហៃ ដែលកង្វះបុគ្គលិកកំពុងបណ្តាលឱ្យមានការពន្យារពេលក្នុងសេវាកម្មដឹកជញ្ជូន។ ក្រុមវេជ្ជបណ្ឌិត និងគិលាននុបដ្ឋាយិកាយ៉ាងហោចណាស់ ៥០០នាក់មកពីខេត្តភាគខាងកើតប្រទេសចិន ត្រូវបានអំពាវនាវឲ្យមកជួយសម្រាលបន្ទុកការងារនៅរដ្ឋធានីប៉េកាំង ខណៈមន្ទីពេទ្យជាច្រើនកំពុងព្យាយាមព្យាបាល និងទប់ស្កាត់ការកើនឡើងករណីឆ្លងវីរុស។ ទីក្រុងសៀងហៃមានប្រជាជនជប៉ុនច្រើនជាងគេក្នុងចំណោមទីក្រុងនានានៅប្រទេសចិន។ អគ្គកុងស៊ុលជប៉ុននៅទីក្រុងនេះនិយាយថា វីរុសកំពុងរីករាលដាលក្នុងចំណោមបុគ្គលិកជប៉ុន និងផ្នែកពាណិជ្ជកម្ម។ ប៉ុន្តែមន្ត្រីបំពេញបេសកកម្មបាននិយាយថា ពុំមានរបាយការណ៍ណាមួយដែលបង្ហាញថា ខ្សែផលិតកម្ម ឬការចែកចាយបានរងផលប៉ះពាល់ធ្ងន់ធ្ងរ ដោយសារការកើនឡើងករណីឆ្លងនេះទេ។ នេះជាផ្នែកមួយដោយសារតែលែងមានវិធានការរឹតត្បិតលើការធ្វើដំណើររបស់មនុស្ស។ ប្រព័ន្ធផ្សព្វផ្សាយចិនរាយការណ៍ថា ករណីឆ្លងកំពុងរាលដាលក្នុងចំណោមមន្ត្រីរាជការនៅក្នុងខេត្តមួយចំនួន រួមទាំងខេត្ត Henan និង Shandong។ ពួកគេនិយាយថា អាជ្ញាធរក្នុងតំបន់បានបិទការិយាល័យ ហើយកំពុងអំពាវនាវឱ្យពលរដ្ឋប្រើប្រាស់សេវាកម្ម Online ជំនួសវិញ។ មន្ត្រីទីក្រុង Chengdu ក្នុងខេត្ត Sichuan បាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា ពួកគេបានបង្កើតគ្លីនិក B ព្យាបាលជំងឺគ្រុនក្តៅចំនួន ៣០០កន្លែងនៅទូទាំងទីក្រុង ហើយមានមនុស្សរហូតដល់ ៤២,០០០នាក់ក្នុងមួយថ្ងៃកំពុងមកកាន់ទីតាំងទាំងនេះ៕អត្ថបទ៖ ប៊ុនថន

អាមេរិកនិយាយថា កូរ៉េខាងជើងបានលក់អាវុធឲ្យក្រុមទាហានស៊ីឈ្នួលឯកជន Wagner របស់រុស្ស៊ី

អាមេរិក៖ សេតវិមានបាននិយាយកាលពីថ្ងៃព្រហស្បតិ៍ថា កូរ៉េខាងជើងបានបញ្ជូនអាវុធឲ្យទៅក្រុមយោធាឯកជនរបស់រុស្ស៊ី ដោយហៅក្រុមនេះថាជាគូប្រជែងសម្រាប់ឥទ្ធិពលក្នុងការការពារជាតិ និងមន្ត្រីផ្សេងទៀតក្នុងវិមានក្រឹមឡាំង។ អ្នកនាំពាក្យសន្តិសុខជាតិរបស់សេតវិមានលោក John Kirby បាននិយាយថា សហរដ្ឋអាមេរិកនឹងបង្កើនការដាក់ទណ្ឌកម្មលើក្រុមទាហានស៊ីឈ្នួលឯកជនរបស់រុស្ស៊ី Wagner group ក្រោយការលក់រ៉ូកែតបាញ់លើស្មា និងមីស៊ីល របស់កូរ៉េខាងជើងទៅឲ្យក្រុមនេះកាលពីខែមុន ដែលជាការរំលោភលើសេចក្ដីសម្រេចរបស់ក្រុមប្រឹក្សាអង្គការសហប្រជាជាតិ។ លោក Kirby បានប្រាប់ក្រុមអ្នកសារព័ត៌មានថា ក្រុមទាហានស៊ីឈ្នូរឯកជនរបស់រុស្ស៊ីកំពុងស្វែងរកជុំវិញពិភពលោក សម្រាប់ការផ្គត់ផ្គង់អាវុធដើម្បីគាំទ្រប្រតិបត្តិការយោធារបស់ខ្លួន នៅក្នុងប្រទេសអ៊ុយក្រែន។ លោកថា យើងអាចបញ្ជាក់បានថា កូរ៉េខាងជើងបានបញ្ចប់ការផ្គត់ផ្គង់អាវុធដំណាក់កាលដំបូងទៅឲ្យក្រុមនេះ ដែលត្រូវបានចំណាយសម្រាប់គ្រឿងយុទ្ធោបករណ៍នេះ។ លោក Kirby និយាយថា ក្រុមទាហានស៊ីឈ្នួល Wagner ដែលជាក្រុមឯករាជ្យនៃក្រុមហ៊ុនការពារជាតិរុស្ស៊ី និងកំពុងដឹកនាំការឡោមព័ទ្ធទីក្រុង Bakhmut របស់អ៊ុយក្រែនកំពុងចំណាយប្រាក់ជាង ១០០លានដុល្លារអាមេរិកជារៀងរាល់ខែក្នុងប្រតិបត្តិការសង្គ្រាមនៅអ៊ុយក្រែន។ ប៉ុន្តែកូរ៉េខាងជើងនៅសប្ដាហ៍នេះបានច្រានចោល ការចោទប្រកាន់របស់សហរដ្ឋអាមេរិកដែលថា ខ្លួនបានផ្គត់ផ្គង់អាវុធឲ្យរុស្ស៊ីថាជារបាយការណ៍គ្មានមូលដ្ឋាន៕អត្ថបទ៖ សុខមាន

រុស្ស៊ីរិះគន់ដំណើរទស្សនកិច្ចរបស់លោក Zelenskyy ថា ទាំងអ៊ុយក្រែន ទាំងអាមេរិកមិនចង់បានសន្តិភាពទេ

រុស្ស៊ី៖ រុស្ស៊ីបានរិះគន់យ៉ាងខ្លាំងលើដំណើរទស្សនកិច្ច របស់លោកប្រធានាធិបតីអ៊ុយក្រែន Volodymyr Zelensky ដោយចោទប្រកាន់សហរដ្ឋអាមេរិក ពីបទកំពុងប្រយុទ្ធដោយផ្ទាល់ទៅនឹងសង្គ្រាមប្រឆាំងរុស្ស៊ី។ លោកប្រធានាធិបតីអាមេរិក Joe Biden បានសន្យាផ្ដល់ជំនួយខាងយោធាទំហំទឹកប្រាក់ ១.៨៥ពាន់លានដុល្លារអាមេរិកសម្រាប់អ៊ុយក្រែន រួមមានប្រព័ន្ធខែលការពារមីស៊ីលដ៏ទំនើប Patriot ដើម្បីជួយទប់ទល់ការវាយប្រហារពីរុស្ស៊ីដ៏សន្ធាប់ ទៅលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន។ នៅក្នុងសុន្ទរកថាទៅកាន់ក្រុមតំណាងរាស្ត្រអាមេរិក លោក Zelensky បានស្វាគមន៍ចំពោះការផ្ដល់ជំនួយនេះ។ ប៉ុន្តែឯកអគ្គរដ្ឋទូតរបស់រុស្ស៊ីប្រចាំសហរដ្ឋអាមេរិកបាននិយាយថា សកម្មភាពបង្កហេតុទាំងនេះនឹងរុញដោលឲ្យជម្លោះរីកកាន់តែធំ និងជួបការលំបាកធ្ងន់ធ្ងរជាច្រើន។ លោក Anatoly Antonov បានប្រាប់សារព័ត៌មានរដ្ឋរុស្ស៊ីថា ទីក្រុង Moscow កំពុងព្យាយាមឲ្យមានសុភវិនិច្ឆ័យគ្រប់កម្រិត ប៉ុន្តែការពិភាក្សាពីការបញ្ជូនប្រព័ន្ធខែលការពារមីស៊ីល Patriot ដល់ទីក្រុង Kyiv កំពុងជួបការរំខានយ៉ាងខ្លាំង។ ទីក្រុង Moscow បានត្អូញត្អែរថា គ្មានការអំពាវនាវសម្រាប់សន្តិភាពត្រូវបានលើកឡើងទេ អំឡុងដំណើរទស្សនកិច្ចរបស់លោក Zelensky ទៅកាន់ទីក្រុង Washington ខណៈអ្នកនាំពាក្យវិមានក្រឹមឡាំងលោក Dmitry Peskov បានហៅជំនួបនេះថាជាភស្តុតាងបង្ហាញថា អាមេរិកកំពុងប្រយុទ្ធសង្គ្រាមតំណាងជាមួយរុស្ស៊ី។ វិមានក្រឹមឡាំងនិយាយថា លោក Biden និងលោក Zelenskyy មិនយកចិត្តទុកដាក់ចំពោះក្ដីបារម្ភរបស់រុស្ស៊ីទេ៕អត្ថបទ៖ សុខមាន

ក្រុមហ៊ុនអាកាសចរណ៍អាមេរិកលុបចោលជើងហោះហើររាប់ពាន់ ខណៈព្យុះរដូវរងារំខានដល់ដំណើររដូវឈប់សម្រាក

អាមេរិក៖ ជើងហោះហើរជាង ៤.៤០០ ត្រូវបានលុបចោលរយៈពេលជាង ២ថ្ងៃ ខណៈព្យុះរដូវរងាដ៏ខ្លាំងក្លាវាយប្រហារសហរដ្ឋអាមេរិក ស្របពេលរដូវឈប់សម្រាកដែលខ្លះបានព្យាករណ៍ថា អាចនឹងជាពេលវេលាដ៏មមាញឹកបំផុតមិនធ្លាប់មាន។ យោងតាមគេហទំព័រ FlightAware ជើងហោះហើរជាង ២.៣៥០ របស់សហរដ្ឋអាមេរិកត្រូវបានលុបចោលកាលពីថ្ងៃព្រហស្បតិ៍ បន្ទាប់ពីការពន្យារពេលហោះហើរ ចំណែកឯរថភ្លើង Amtrak បានលុបចោលការធ្វើដំណើរតាមរថភ្លើងរាប់សិបរហូតដល់ថ្ងៃបុណ្យណូអែល ដែលអាក់ខានដល់ការធ្វើដំណើររដូវកាលឈប់សម្រាក សម្រាប់មនុស្សរាប់ម៉ឺននាក់។ ជើងហោះហើរចំនួន ៨.៤៥០ ផ្សេងទៀតត្រូវបានពន្យារពេលកាលពីថ្ងៃព្រហស្បតិ៍នោះដែរ រួមទាំងជាង ១ភាគ៣ នៃជើងហោះហើរដែលត្រូវបានធ្វើប្រតិបត្តិការដោយក្រុមហ៊ុនអាកាសចរណ៍ American Airlines, United Airlines និងSouthwest Airlines។ ក្រុមហ៊ុនអាកាសចរណ៍ Southwest បានលុបចោលជើងហោះហើរចំនួន ៨៦៥ កាលពីថ្ងៃព្រហស្បតិ៍សប្ដាហ៍នេះដែរ ក្នុងនោះប្រហែល ១ភាគ៥ នៃជើងហោះហើរដែលបានគ្រោងធ្វើដំណើរ និងបានផ្អាកជើងហោះហើរចំនួន ៥៥០ រួចទៅហើយសម្រាប់ថ្ងៃសុក្រនេះ៕អត្ថបទ៖ សុខមាន

សម្តេចតេជោ ហ៊ុន សែន ផ្ញើសារអបអរសាទរដល់សិស្សប្រឡងជាប់បាក់ឌុប

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារចូលរួមអបអរសាទរជាមួយឪពុកម្តាយ អាណាព្យាបាល និងសិស្សានុសិស្សទាំងអស់ ដែលទើបប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) នៅទូទាំងប្រទេស ។គួរបញ្ជាក់ថា ក្រសួងអប់រំ យុវជន និងកីឡា ទើបប្រកាសលទ្ធផលប្រឡងបាក់ឌុបឆ្នាំ២០២២នេះ ដោយមានសិស្សប្រឡងជាប់ចំនួន ៩០.៩៥០នាក់ ក្នងនោះនិទ្ទេស A (១.០៤៩ នាក់) B (៧.២៣២ នាក់) C (១៩.០៥៣ នាក់) D (៣១.១៦៦ នាក់) និង E (៣២.៤៥០ នាក់)។សម្តេចតេជោ ហ៊ុន សែន សូមអរគុណលោកគ្រូអ្នកគ្រូដែលបានខិតខំយកចិត្តទុកដាក់បង្រៀនសិស្សអោយទទួលបាននូវលទ្ធផលល្អ និងសូមអរគុណដល់គណៈកម្មការរៀបចំការប្រឡង សមត្ថកិច្ច និងអាជ្ញាធរមូលដ្ឋាននៅទូទាំងប្រទេសដែលបានយកចិត្តទុកដាក់ខិតខំរៀបចំការប្រឡងប្រកបដោយជោគជ័យ៕

បណ្ដាញសង្គម

ព័ត៌មានថ្មីៗ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

ការស្វែងរកមនុស្សបាត់ខ្លួន ២៨នាក់នៅតែបន្ត បន្ទាប់ពីស្រឡាងបានកើតអគ្គិភ័យ នៅកោះ Madura របស់ឥណ្ឌូនេស៊ី

អ៊ីស្រាអែលបង្ហាញ «ក្តីបារម្ភ» ទៅកាន់សហរដ្ឋអាមេរិក ជុំវិញផែនការតំបន់ហ្កាហ្សា

ចិនជម្លៀសប្រជាជនចេញ ខណៈភ្លៀងធ្លាក់ខ្លាំងកើតមាននៅភាគពាយ័ព្យ និងភាគនិរតីប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការតវ៉ាដោយហិង្សាជាច្រើននៅទីក្រុងប៉ារីស បន្ទាប់ពីខ្មាន់កាំភ្លើងបានសម្លាប់មនុស្ស ៣នាក់

ករណីឆ្លងវីរុស Covid-19 ក្នុងរយៈពេលតែមួយថ្ងៃក្នុងប្រទេសចិនកើនដល់ ៣៧លាននាក់

ត្រឡប់មកពីសហរដ្ឋអាមេរិកលោក Zelenskyy និយាយថា ដំណើរទស្សនកិច្ចទទួលបានលទ្ធផលល្អ

លោក Zelenskyy ទៅកាន់ប៉ូឡូញ ក្រោយបញ្ចប់ដំណើរទស្សនកិច្ចនៅសហរដ្ឋអាមេរិក

វិបត្តិ COVID-19 នៅប្រទេសចិន ក្រុងប៉េកាំងហៅវេជ្ជបណ្ឌិតពីតាមខេត្តជួយសម្រាលនៅតាមមន្ទីរពេទ្យ

អាមេរិកនិយាយថា កូរ៉េខាងជើងបានលក់អាវុធឲ្យក្រុមទាហានស៊ីឈ្នួលឯកជន Wagner របស់រុស្ស៊ី

រុស្ស៊ីរិះគន់ដំណើរទស្សនកិច្ចរបស់លោក Zelenskyy ថា ទាំងអ៊ុយក្រែន ទាំងអាមេរិកមិនចង់បានសន្តិភាពទេ

ក្រុមហ៊ុនអាកាសចរណ៍អាមេរិកលុបចោលជើងហោះហើររាប់ពាន់ ខណៈព្យុះរដូវរងារំខានដល់ដំណើររដូវឈប់សម្រាក

សម្តេចតេជោ ហ៊ុន សែន ផ្ញើសារអបអរសាទរដល់សិស្សប្រឡងជាប់បាក់ឌុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ការតវ៉ា​ដោយ​ហិង្សា​ជាច្រើន​នៅ​ទីក្រុង​ប៉ារីស បន្ទាប់ពី​ខ្មាន់កាំភ្លើង​បានសម្លាប់​មនុស្ស​ ៣​នាក់​

ករណី​ឆ្លង​វីរុស Covid-19 ក្នុង​រយៈពេល​តែមួយ​ថ្ងៃ​ក្នុងប្រទេស​ចិន​កើន​ដល់ ៣៧​លាន​នាក់​

ត្រឡប់​មកពី​សហរដ្ឋ​អាមេរិក​លោក Zelenskyy និយាយ​ថា ​ដំណើរ​ទស្សនកិច្ច​ទទួល​បាន​លទ្ធផល​ល្អ

លោក Zelenskyy ទៅកាន់​ប៉ូឡូញ ក្រោយ​បញ្ចប់​ដំណើរ​ទស្សនកិច្ច​នៅ​សហរដ្ឋអាមេរិក​

វិបត្តិ COVID-19 នៅ​ប្រទេស​ចិន ក្រុង​ប៉េកាំង​ហៅ​វេជ្ជបណ្ឌិត​ពី​តាម​ខេត្ត​ជួយ​សម្រាល​នៅតាម​មន្ទីរពេទ្យ

អាមេរិក​និយាយថា កូរ៉េខាងជើង​បាន​លក់​អាវុធ​ឲ្យ​ក្រុម​ទាហាន​ស៊ីឈ្នួល​ឯកជន Wagner របស់​រុស្ស៊ី​

រុស្ស៊ីរិះគន់ដំណើរ​ទស្សនកិច្ច​រប​ស់លោក Zelenskyy ថា​ ទាំង​អ៊ុយ​ក្រែ​ន​ ទាំង​អាមេរិក​មិន​ចង់បាន​សន្តិភាព​ទេ​

សម្តេចតេជោ ហ៊ុន សែន ផ្ញើសារអបអរសាទរដល់សិស្សប្រឡងជាប់បាក់ឌុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការតវ៉ាដោយហិង្សាជាច្រើននៅទីក្រុងប៉ារីស បន្ទាប់ពីខ្មាន់កាំភ្លើងបានសម្លាប់មនុស្ស ៣នាក់

ករណីឆ្លងវីរុស Covid-19 ក្នុងរយៈពេលតែមួយថ្ងៃក្នុងប្រទេសចិនកើនដល់ ៣៧លាននាក់

ត្រឡប់មកពីសហរដ្ឋអាមេរិកលោក Zelenskyy និយាយថា ដំណើរទស្សនកិច្ចទទួលបានលទ្ធផលល្អ

លោក Zelenskyy ទៅកាន់ប៉ូឡូញ ក្រោយបញ្ចប់ដំណើរទស្សនកិច្ចនៅសហរដ្ឋអាមេរិក

វិបត្តិ COVID-19 នៅប្រទេសចិន ក្រុងប៉េកាំងហៅវេជ្ជបណ្ឌិតពីតាមខេត្តជួយសម្រាលនៅតាមមន្ទីរពេទ្យ

អាមេរិកនិយាយថា កូរ៉េខាងជើងបានលក់អាវុធឲ្យក្រុមទាហានស៊ីឈ្នួលឯកជន Wagner របស់រុស្ស៊ី

រុស្ស៊ីរិះគន់ដំណើរទស្សនកិច្ចរបស់លោក Zelenskyy ថា ទាំងអ៊ុយក្រែន ទាំងអាមេរិកមិនចង់បានសន្តិភាពទេ