BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

ក្រុមមន្ត្រីអាមេរិកព្យាយាមឃាត់អ៊ុយក្រែនមិនឲ្យតាមសម្លាប់ឧត្ដមសេនីយ៍ជាន់ខ្ពស់រុស្ស៊ីនៅសមរភូមិមុខ

អាមេរិក៖ យោងតាមការស៊ើបអង្កេតដែលបានបញ្ចេញ កាលពីចុងសប្ដាហ៍នេះដោយសារព័ត៌មាន New York Times សហរដ្ឋអាមេរិកបានព្យាយាមហាមឃាត់អ៊ុយក្រែន មិនឲ្យសម្លាប់មន្ត្រីយោធាកំពូលមួយរូបរបស់រុស្ស៊ី នៅពេលចាប់ផ្ដើមសង្គ្រាមរបស់រុស្ស៊ីក្នុងប្រទេសអ៊ុយក្រែន។ យោងតាមសារព័ត៌មាន The Times កាលពីខែមេសា ឧត្ដមសេនីយ៍រុស្ស៊ីលោក Valery Gerasimov បានគ្រោងធ្វើដំណើរទៅកាន់សមរភូមិជួរមុខនានារបស់រុស្ស៊ី។ ក្រុមមន្ត្រីអាមេរិកបានដឹងពីផែនការរបស់លោក Gerasimov ប៉ុន្តែបានសម្រេចចិត្តលាក់ព័ត៌មានមិនឲ្យអ៊ុយក្រែនដឹង។ សារព័ត៌មាន New York Times បានរាយការណ៍ថា ខណៈការវាយលុករបស់រុស្ស៊ីលើអ៊ុយក្រែនបានចាប់ផ្ដើមកាលពីដើមឆ្នាំ២០២២ ក្រុមមន្ត្រីអាមេរិកបានចាប់ផ្ដើមដឹងថា ពួកគេបានមើលស្រាលខ្លាំងពេកលើកម្លាំងរបស់យោធារុស្ស៊ី។ យោងតាមសារព័ត៌មាន The Times កងទ័ពរុស្ស៊ីត្រូវបានផ្ដល់គ្រឿងសព្វាវុធអន់ៗ។ ទាហានម្នាក់បានត្អូញត្អែរពីការប្រើមួកសុវត្ថិភាពតាំងពីទសវត្សរ៍ឆ្នាំ1940 ទាហានម្នាក់ទៀតបានសួរគេពីរបៀបប្តូរកាំភ្លើងរបស់ខ្លួន ទៅជាស្វ័យប្រវត្តិទាំងស្រុងមុនពេលរត់ចូលសមរភូមិ ហើយអ្នកខ្លះត្រូវបានគេប្រាប់ថា ពួកគេនឹងមិនឃើញការប្រយុទ្ធគ្នាទេ នៅពេលដែលពួកគេត្រូវបានកែណ្ឌចូលក្នុងយោធារុស្ស៊ីនោះ៕អត្ថបទ៖ សុខមាន

យោធាកូរ៉េខាងត្បូង៖ កូរ៉េខាងជើងបាញ់មីស៊ីលបាលីស្ទីក ២គ្រាប់ ក្រោយសាកល្បងម៉ាស៊ីនឥន្ធនៈរឹង

កូរ៉េខាងត្បូង៖ យោធាក្រុងសេអ៊ូលនិយាយថា កូរ៉េខាងជើងបានបាញ់មីស៊ីលបាលីស្ទីករយៈចម្ងាយមធ្យមចំនួន ២គ្រាប់កាលពីថ្ងៃអាទិត្យ ទី១៩ ខែធ្នូ មួយថ្ងៃក្រោយទីក្រុងព្យុងយ៉ាងប្រកាសការសាកល្បងជោគជ័យ នៃម៉ាស៊ីនឥន្ធនៈរឹងសម្រាប់ប្រព័ន្ធអាវុធថ្មី។ ភាពតានតឹងខាងយោធានៅឧបទ្វីបកូរ៉េបានកើនឡើងយ៉ាងឆាប់រហ័សនៅឆ្នាំនេះ ខណៈទីក្រុងព្យុងយ៉ាងបានបាញ់សាកល្បងអាវុធដ៏ច្រើនមិនធ្លាប់មាន រួមទាំងការបាញ់មីស៊ីលអន្តរទ្វីបបាលីស្ទីកដ៏ទំនើបបំផុតរបស់ខ្លួន កាលពីខែមុន។ ក្រុមប្រធាននាយសេនាធិការចម្រុះកូរ៉េខាងត្បូងបាននិយាយថា ខ្លួនបានតាមដានការបាញ់មីស៊ីលបាលីស្ទីករយៈចម្ងាយមធ្យមចំនួន ២គ្រាប់ដែលត្រូវបានបាញ់ចេញពីតំបន់ Tongchang-ri ក្នុងខេត្ត Pyongan ខាងជើង។ ប្រភពខាងលើបាននិយាយដោយសំដៅដល់ដែនទឹក ដែលត្រូវបានគេស្គាល់ផងដែរថាសមុទ្រជប៉ុន ថា មីស៊ីលទាំង ២គ្រាប់នោះត្រូវបានបាញ់ពីម៉ោង 11.13នាទីព្រឹកដល់ម៉ោង 12:05នាទីល្ងាចចូលទៅសមុទ្រខាងកើត។ ក្រុមប្រធាននាយសេនាធិការចម្រុះកូរ៉េខាងត្បូងបាននិយាយនៅក្នុងសេចក្ដីថ្លែងការណ៍ថា មីស៊ីលទាំងនោះត្រូវបានបាញ់លើគន្លង និងហោះចម្ងាយប្រហែល ៥០០គីឡូម៉ែត្រ ដោយបន្ថែមថា ទីភ្នាក់ងារចារកម្មកូរ៉េខាងត្បូង និងសហរដ្ឋអាមេរិកកំពុងវិភាគការបាញ់នេះថា ជាការបង្ហាញពីទំនោរថ្មីពីការអភិវឌ្ឍន៍មីស៊ីលរបស់កូរ៉េខាងជើង។ នៅព្រឹកថ្ងៃច័ន្ទនេះ ប្រព័ន្ធផ្សព្វផ្សាយរដ្ឋកូរ៉េខាងជើងបាននិយាយថា ខ្លួនបានសាកល្បងដំណាក់កាលចុងក្រោយដ៏សំខាន់មួយ សម្រាប់ការអភិវឌ្ឍន៍ផ្កាយរណបឈ្លបយកការណ៍នៅទីលានបាញ់បង្ហោះផ្កាយរណប Sohae ស្ថិតនៅតំបន់ Tongchang-ri៕អត្ថបទ៖ សុខមាន

អ៊ីរ៉ង់ឈានដល់ការចម្រាញ់សារធាតុអ៊ុយរ៉ានីញ៉ូមអត្រាខ្ពស់បំផុត

អ៊ីរ៉ង់៖ លោក Mohammad Eslami ប្រធានអង្គការថាមពលអាតូមិកអ៊ីរ៉ង់បានប្រកាសកាលពីចុងសប្ដាហ៍នេះថា ទីក្រុងតេអេរ៉ង់បានបង្កើនសមត្ថភាពចម្រាញ់សារធាតុអ៊ុយរ៉ានីញ៉ូមទ្វេដងរបស់ខ្លួន។ដោយសំអាងប្រភពពីទីភ្នាក់ងារសារព័ត៌មាន Tasnim លោក Eslami បានប្រាប់ក្រុមអ្នកតំណាងរាស្ត្រក្នុងទីក្រុងតេអេរ៉ង់ថា ពេលនេះខ្លួនបានឈានដល់កម្រិតខ្ពស់បំផុត ក្នុងប្រវត្តិសាស្ត្រនៃឧស្សាហកម្មនុយក្លេអ៊ែររបស់សាធារណរដ្ឋអ៊ីស្លាមមួយនេះ ដែលជាអត្រាខ្ពស់ជាងមុនៗដល់ទៅជាង ២ដង។ លោកបានបន្ថែមថា ជំនាន់នៃថាមពលដោយប្រើរោងចក្រនុយក្លេអ៊ែរ បានផ្ដល់គុណសម្បត្តិផ្នែកសេដ្ឋកិច្ចគួរឲ្យកត់សម្គាល់សម្រាប់អ៊ីរ៉ង់ ដោយបានកាត់បន្ថយការប្រើប្រាស់ឥន្ធនៈហ្វូស៊ីល និងទប់ស្កាត់ការបំផ្លិចបំផ្លាញបរិស្ថាន។ សេចក្ដីប្រកាសនេះមានឡើង មុនការបំពេញទស្សនកិច្ចពីសំណាក់ក្រុមអ្នកជំនាញ មកពីទីភ្នាក់ងារថាមពលអាតូមិកអន្តរជាតិ IAEA ទៅកាន់សាធារណរដ្ឋមួយនេះ។ ដំណើរនេះនឹងផ្ដោតលើភាគល្អិតរបស់សារធាតុអ៊ុយរ៉ានីញ៉ូមដ៏ច្រើននៃប្រភពជីវសាស្ត្រ ដែលបានរាយការណ៍ក្នុងទីតាំង ៣កន្លែងកាលពីឆ្នាំ២០១៩ ដែលបានចោទប្រកាន់ថា ធ្លាប់ជាទីតាំងនុយក្លេអ៊ែរមិនបានប្រកាសដល់ទីភ្នាក់ងារ IAEA៕អត្ថបទ៖ សុខមាន

សុន្ទរកថាទាំងស្រុងរបស់សម្តេចតេជោ ហ៊ុន សែន ក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

សម្តេចតេជោ ហ៊ុន សែន អញ្ជើញទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

ភ្នំពេញ៖ នៅព្រឹកថ្ងៃទី១៩ ខែធ្នូ ឆ្នាំ២០២២នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញទទួលពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើម» ដែលពិធីប្រគល់ និងទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើមនេះ នៅវិមានសន្តិភាព។ពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម ត្រូវបានប្រគល់ជូនដោយវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក (KSI)។ វិទ្យាស្ថាន KSI មានមូលដ្ឋាននៅក្នុងប្រទេសម៉ាឡេស៊ី។ វិទ្យាស្ថាននេះ គឺជាស្ថាប័នឯករាជ្យ មិនរកប្រាក់ចំណេញ និងជាស្ថាប័នតភ្ជាប់រវាងរដ្ឋាភិបាល ធុរកិច្ច និងសង្គមស៊ីវិល ដើម្បីប្រែក្លាយគំនិតផ្តួចផ្តើមនានា ឱ្យទៅជាផលសម្រេចដែលមានឥទ្ធិពល។ គោលដៅចម្បងរបស់វិទ្យាស្ថាន គឺការកសាងប្រទេសឱ្យកាន់តែប្រសើរឡើងនៅទូទាំងតំបន់អាស៊ីប៉ាស៊ីហ្វិក។ វិទ្យាស្ថាន KSI ជាអ្នកចាត់ចែងរៀបចំឈានមុខនៃសន្និសីទ និងវេទិកាដែលមានឥទ្ធិពល និងប្រកបដោយនវានុវត្តន៍ ដោយមានការចូលរួមពីសំណាក់អ្នករៀបចំគោលនយោបាយ ប្រធានក្រុមធុរកិច្ច និងអ្នកដឹកនាំអង្គការក្រៅរដ្ឋាភិបាលជាង ៣ពាន់នាក់ តាមរយៈព្រឹត្តិការណ៍កម្រិតខ្ពស់ជាង៦០ចាប់តាំងពីចុងឆ្នាំ២០១៨មក។ បច្ចុប្បន្ន KSI គឺជាលេខាធិការសម្រាប់ក្លឹបសេដ្ឋកិច្ចដ៏ល្បីល្បាញនៃទីក្រុងគូឡាឡាំពូ ក្លឹបសេដ្ឋកិច្ចអាស៊ាន (AEC) និងវេទិកាសន្ទនា Rakyat។វិទ្យាស្ថានតែងធ្វើការវាយតម្លៃ និងផ្តល់នូវពានរង្វាន់ក្នុងភាពជា អ្នកដឹកនាំ ដល់មេដឹកនាំប្រទេស អ្នកជំនួញ និងអង្គការសង្គមស៊ីវិលលើសមិទ្ធផលការងាររបស់ពួកគេ។ ការសម្រេចផ្តល់ពានរង្វាន់ «សមិទ្ធផលពេញមួយជីវិតរបស់មេដឹកនាំឆ្នើម» ជូនសម្តេចតេជោនាយករដ្ឋមន្ត្រីកម្ពុជា បានធ្វើឡើងបន្ទាប់ពីវិទ្យាស្ថាន បានសិក្សា និងវាយតម្លៃយ៉ាងល្អិតល្អន់ ទៅលើលក្ខណៈសម្បត្តិនៃការដឹកនាំ និងសមិទ្ធផលទាំងឡាយ ដែលកើតចេញពីការដឹកនាំរបស់សម្តេចតេជោ ហ៊ុន សែន។វិទ្យាស្ថាន បានកត់សម្គាល់ពីភាពប៉ិនប្រសព្វ ឈ្លាសវៃ និងពោរពេញដោយឆន្ទៈមនសិការ ភក្តីភាពយ៉ាងមុតមាំចំពោះជាតិ និងប្រជាជន ហើយបានធ្វើពលីកម្មដោយមិនចេះនឿយហត់ ដើម្បីនាំមកនូវសុខសន្តិភាព ភាពក្សេមក្សាន្ត វឌ្ឍនភាព ភាពរីកចម្រើន និងវិបុលភាពសម្រាប់ជាតិ និងប្រជាជាតិកម្ពុជា។វិទ្យាស្ថាន ក៏បានកត់សម្គាល់ពីភាពដឹកនាំរបស់សម្តេចេជោ ក្នុងការយកឈ្នះលើវិបត្តិជំងឺកូវីដ១៩ រក្សាបានអាយុជីវិតប្រជាពលរដ្ឋ និងនាំប្រទេសងើបចេញពីវិបត្តិសេដ្ឋកិច្ចបណ្តាលមកពីការរាតត្បាតជំងឺកូវីដ១៩ បានយ៉ាងឆាប់រហ័ស។ បន្ថែមពីលើភាពជោគជ័យដ៏ត្រចះត្រចង់មួយទៀត ដែលវិទ្យាស្ថានបានកត់សម្គាល់ដែរនោះ គឺភាពជាប្រធានអាស៊ាន របស់សម្តេចតេជោនៅក្នុងឆ្នាំ២០២២ ធ្វើឱ្យអាស៊ានក្លាយទៅជាវេទិកាប្រកបដោយសក្តានុពល ក្នុងការជជែកដើម្បីដោះស្រាយវិបត្តិនានារបស់ពិភពលោក បើទោះបីបញ្ហាមានច្រើន និងក្តៅៗមិនធ្លាប់មានក្នុងប្រវត្តិសាស្ត្ររបស់អាស៊ានយ៉ាងណាក្តី៕

អង្គការសហប្រជាជាតិសង្ឃឹមលើការទម្លាយភាពទាល់ច្រកនៃការនាំចេញជីរបស់រុស្ស៊ី

UN៖ មន្ត្រីជាន់ខ្ពស់របស់អង្គការសហប្រជាជាតិបានបង្ហាញសុទិដ្ឋិនិយមថា នឹងមានការទម្លាយភាពទាល់ច្រកក្នុងការចរចា ដើម្បីសម្រួលដល់ការនាំចេញផលិតផលជីរបស់ប្រទេសរុស្ស៊ី។កិច្ចព្រមព្រៀងសម្រាប់ការបន្តកិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ ត្រូវបានព្រមព្រៀងក្នុងខែវិច្ឆិកា ទោះបីជារុស្ស៊ីបានត្អូញត្អែរពីការព្រួយបារម្ភរបស់ខ្លួន អំពីការនាំចេញផលិតផលជីពុំទាន់ត្រូវបានដោះស្រាយក៏ដោយ។ អគ្គលេខាធិការនៃសន្និសីទអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍន៍ លោកស្រី Rebeca Grynspan ដែលទទួលបន្ទុកផ្នែកជីក្នុងកិច្ចព្រមព្រៀងនេះបាននិយាយថា លោកស្រីបានផ្តោតលើការជម្នះលើឧបសគ្គដែលនៅ សល់ចាប់តាំងពីការបន្តថ្មី។ លោកស្រីនិយាយនៅក្នុងទីក្រុងហ្សឺណែវ ប្រទេសស្វីសថា លោកស្រីមានសុទិដ្ឋិនិយមយ៉ាងប្រុងប្រយ័ត្នថា យើងអាចមានភាពរីកចម្រើនដ៏សំខាន់ក្នុងពេលឆាប់ៗនេះ។អ្នកតំណាងប្រទេសរុស្ស៊ី និងអ៊ុយក្រែនកាលពីពេលមុនបានពិភាក្សាគ្នា ដែលអនុញ្ញាតឱ្យរុស្ស៊ីបន្តការនាំចេញសារធាតុអាម៉ូញាក់ប្រើប្រាស់សម្រាប់ផលិតជី ជាថ្នូរនឹងការដោះដូរឈ្លើយសឹកដែលនឹងដោះលែងឈ្លើយសឹកអ៊ុយក្រែន និងរុស្ស៊ីក្នុងចំនួនដ៏ច្រើន។ ប្រធានគណៈកម្មាធិការកាកបាទក្រហមអន្តរជាតិ (ICRC) បាននិយាយកាលពីថ្ងៃពុធថា កិច្ចព្រមព្រៀងដោះដូរឈ្លើយសឹកសង្គ្រាមដ៏សំខាន់ គឺជាលទ្ធភាពអាចកើតមានឡើងបានក្នុងជម្លោះអ៊ុយក្រែន-រុស្ស៊ី៕អត្ថបទ៖ ប៊ុនថន

លោក Biden ប្រកាសការគាំទ្រសហរដ្ឋអាមេរិកចំពោះសហភាពអាហ្វ្រិកចូលជាសមាជិក G20

អាមេរិក៖ ប្រធានាធិបតីសហរដ្ឋអាមេរិកលោក Joe Biden កាលថ្ងៃព្រហស្បតិ៍បានប្រកាសថា លោកនឹងគាំទ្រសហភាពអាហ្វ្រិកចូលរួមជាសមាជិកអចិន្ត្រៃយ៍ជាមួយក្រុមប្រទេសសេដ្ឋកិច្ចធំៗ G20 ជាផ្នែកនៃកិច្ចខិតខំប្រឹងប្រែងរបស់ទីក្រុងវ៉ាស៊ីនតោន ក្នុងការពង្រឹងទំនាក់ទំនងឡើងវិញជាមួយតំបន់នេះ។ លោក Biden ដែលថ្លែងនៅក្នុងព្រឹត្តិការណ៍កិច្ចប្រជុំកំពូលមេដឹកនាំអាមេរិក-អាហ្វ្រិកបាននិយាយថា សហរដ្ឋអាមេរិកកំពុងសម្លឹងរកមើលការបង្កើនកិច្ចសហប្រតិបត្តិការលើគ្រប់វិស័យ។ លោក Biden បាននិយាយថា ទ្វីបអាហ្វ្រិកមានកៅអីនៅគ្រប់បន្ទប់ ជាកន្លែងដែលបញ្ហាប្រឈមជាសកលកំពុងត្រូវបានពិភាក្សា និងនៅគ្រប់ស្ថាប័នដែលការពិភាក្សាកំពុងប្រព្រឹត្តទៅ។ បច្ចុប្បន្នប្រទេសអាហ្វ្រិកខាងត្បូងគឺជាសមាជិក G20 តែមួយគត់មកពីទ្វីបអាហ្វ្រិក ដែលសហភាពអាហ្វ្រិកមានសមាជិករហូតដល់ ៥៥ប្រទេស។ មេដឹកនាំទ្វីបអាហ្វ្រិកមកពីសហភាពអាហ្វ្រិក និងប្រទេសចំនួន ៤៩ បានជួបប្រជុំគ្នាក្នុងសប្តាហ៍នេះនៅទីក្រុងវ៉ាស៊ីនតោន សម្រាប់កិច្ចប្រជុំកំពូលរយៈពេល ៣ថ្ងៃដែលបានចាប់ផ្តើមកាលពីថ្ងៃអង្គារ ដោយផ្តោតលើបម្រែបម្រួលអាកាសធាតុ សន្តិសុខស្បៀង ភាពជាដៃគូពាណិជ្ជកម្ម និងបញ្ហាផ្សេងៗទៀត។ការលើកឡើងរបស់លោក Biden និងកិច្ចប្រជុំកំពូលនេះមានគោលបំណងដាក់សហរដ្ឋអាមេរិកជាដៃគូ សម្រាប់បណ្តាប្រទេសនៅអាហ្វ្រិកក្នុងពេលមានការប្រកួតប្រជែងជាមួយប្រទេសចិន ដែលបានព្យាយាមពង្រីកឥទ្ធិពលរបស់ខ្លួន។ ពាណិជ្ជកម្មចិនជាមួយទ្វីបអាហ្វ្រិកមានទំហំប្រហែល ៤ដងនៃទំហំពាណិជ្ជកម្មជាមួយសហរដ្ឋអាមេរិក ហើយទីក្រុងប៉េកាំងបានក្លាយជាអ្នកផ្តល់ប្រាក់ដ៏សំខាន់ដោយបានផ្តល់ប្រាក់កម្ចីមានតម្លៃទាបជាង៕អត្ថបទ៖ ប៊ុនថន

គ្មានបទឈប់បាញ់នោះទេ ក្នុងពេលមានការបាញ់ផ្លោងនៅអ៊ុយក្រែនដែលគ្រប់គ្រងដោយរុស្ស៊ី

រុស្ស៊ី៖ យោងតាមមន្ត្រីដែលត្រូវបានលើកបន្តុបដោយទីក្រុងមូស្គូបាននិយាយថា កងកម្លាំងអ៊ុយក្រែនបានចាប់ផ្តើមការវាយលុកដោយការបាញ់ផ្លោងយ៉ាងខ្លាំងបំផុត នៅភាគខាងកើតប្រទេសអ៊ុយក្រែនដែលបានចូលគ្រប់គ្រងដោយរុស្ស៊ី។ ការវាយប្រហារបានកើតឡើង ខណៈភាគីទាំងសងខាងបានច្រានចោលបទឈប់បាញ់នៅថ្ងៃបុណ្យ Christmas ក្នុងសង្គ្រាមដែលបានអូសបន្លាយជិត ១០ខែ។ អភិបាលក្រុង Donetsk ដែលគាំទ្រដោយរុស្ស៊ីបាននិយាយថា គ្រាប់រ៉ុក្កែតរបស់អ៊ុយក្រែនចំនួន ៤០គ្រាប់ត្រូវបានបាញ់ចេញពីរ៉ុក្កែត Grad កាលពីពេលព្រឹកព្រលឹម។ កងកម្លាំងរុស្ស៊ីក៏បានបន្តការបាញ់ផ្លោង និងការវាយប្រហារតាមអាកាសនៅតាមខ្សែបន្ទាត់ព្រំដែនភាគខាងកើត។ ការប្រយុទ្ធគ្នានៅតែបន្តផ្ទុះឡើងយ៉ាងខ្លាំងនៅភាគខាងកើត និងភាគខាងត្បូងរបស់អ៊ុយក្រែន។ កងទ័ពអ៊ុយក្រែន បាននិយាយថា រុស្ស៊ីកំពុងធ្វើឲ្យកាន់តែជ្រៅក្នុងសង្គ្រាមដ៏យូរ និងនៅតែចង់ដណ្តើមយកប្រទេសទាំងមូល។ វិមានក្រឹមឡាំងដឹងថា វាពុំអាចទៅរួចនោះទេក្នុងការសម្រេចបានជ័យជម្នះក្នុងសង្គ្រាម ដូច្នេះហើយកំពុងស្វែងរកការបង្វែរជម្លោះ ទៅជាការប្រឈមមុខដាក់គ្នាដោយប្រដាប់អាវុធដែលអូសបន្លាយពេល សំដៅដល់ភាពហត់នឿយរបស់អ៊ុយក្រែន និងដៃគូ៕អត្ថបទ៖ ប៊ុនថន

លោក Putin និយាយថា រុស្ស៊ីនឹងប្រឆាំងទណ្ឌកម្មដោយការផ្លាស់ប្តូរលំហូរពាណិជ្ជកម្ម និងថាមពល

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃព្រហស្បតិ៍ថា រុស្ស៊ីនឹងពង្រីកកិច្ចសហប្រតិបត្តិការពាណិជ្ជកម្មជាមួយដៃគូថ្មីៗ រួមទាំងការបង្កើនការនាំចេញឧស្ម័នយ៉ាងច្រើនទៅកាន់ប្រទេសចិន ដើម្បីទប់ទល់ទណ្ឌកម្មរបស់ប្រទេសលោកខាងលិច។ នៅពេលដែលការចំណាយលើអ្វីដែលទីក្រុងមូស្គូចាត់ទុកថាជា «ប្រតិបត្តិការសឹកពិសេស» របស់ខ្លួននៅក្នុងប្រទេសអ៊ុយក្រែន ដែលកំពុងតែប្រមូលយកមូលនិធិសម្រាប់ផ្នែកសុខភាព និងការសិក្សាអប់រំ លោកPutin បានសន្យាទៅកាន់ប្រជាជនរុស្ស៊ីនៅក្នុងសុន្ទរកថាតាមទូរទស្សន៍ស្តីពីសេដ្ឋកិច្ចថា ប្រាក់សោធននិវត្តន៍ និងប្រាក់ឈ្នួលអប្បបរមានឹងបន្តតំឡើង។ លោកនិយាយថា រុស្ស៊ីនឹងអភិវឌ្ឍទំនាក់ទំនងសេដ្ឋកិច្ចរបស់ខ្លួនជាមួយដៃគូនៅអាស៊ី អាហ្វ្រិក និងអាមេរិកឡាទីន ដើម្បីផ្គើនទៅនឹងកិច្ចខិតខំប្រឹងប្រែងរបស់ប្រទេសលោកខាងលិច ក្នុងការដាក់រុស្ស៊ីឲ្យនៅឯកោផ្នែកសេដ្ឋកិច្ច។ លោកនិយាយថា យើងនឹងដកការរឹតត្បិតលើផ្នែកភស្តុភារ និងហិរញ្ញវត្ថុ ហើយលោកបានរំលឹកឡើងថា តាមរយៈការដាក់ទណ្ឌកម្ម បណ្តាប្រទេសលោកខាងលិចកំពុងព្យាយាមរុញច្រានប្រទេសរុស្ស៊ី ទៅក្រៅការអភិវឌ្ឍន៍ពិភពលោក។ ការលក់ថាមពលរបស់រុស្ស៊ីទៅឲ្យសហភាពអឺរ៉ុបបានធ្លាក់ចុះយ៉ាងខ្លាំង ចាប់តាំងពីការចាប់ផ្តើមប្រតិបត្តិការសឹករបស់ខ្លួនក្នុងប្រទេសអ៊ុយក្រែន ខណៈសហភាពអឺរ៉ុបបានកាត់ការពឹងផ្អែកលើទីក្រុងមូស្គូ និងបិទបំពង់បង្ហូរឧស្ម័នរបស់រុស្ស៊ីនៅក្រោមសមុទ្របាល់ទិក។ លោក Putin និយាយថា សេដ្ឋកិច្ចរបស់រុស្ស៊ីត្រូវបានគេរំពឹងថានឹងធ្លាក់ចុះ ២.៥% នៅឆ្នាំ២០២២ ដោយទទួលស្គាល់ការលំបាកមួយចំនួន ប៉ុន្តែនិយាយឡើងវិញនូវការធ្លាក់ចុះដូចគ្នា ដែលសេដ្ឋកិច្ចប្រទេសលោកខាងលិចបានទទួលឥទ្ធិពលក្នុងទម្រង់នៃការកើនឡើងអតិផរណា បណ្តាលមកពីការដាក់ទណ្ឌកម្មផ្ទាល់ខ្លួនរបស់ពួកគេ។ ដោយមិនមានការបញ្ចប់ចំពោះជម្លោះរុស្ស៊ីនៅអ៊ុយក្រែន ទីក្រុងមូស្គូបានបញ្ជាក់ពីផែនការចំណាយជិតមួយភាគបីនៃថវិកាឆ្នាំក្រោយលើវិស័យការពារជាតិ និងសន្តិសុខក្នុងប្រទេស ខណៈកាត់ថវិកាសម្រាប់សាលារៀន មន្ទីរពេទ្យ និងផ្លូវថ្នល់៕អត្ថបទ៖ ប៊ុនថន

UPDATE៖ មនុស្សជាង ១០នាក់ស្លាប់ និង ៥១នាក់នៅបាត់ខ្លួន បន្ទាប់ពីបំណាក់ដីនៅម៉ាឡេស៊ី

ម៉ាឡេស៊ី៖ ទីភ្នាក់ងារគ្រប់គ្រងគ្រោះមហន្តរាយជាតិរបស់ម៉ាឡេស៊ីបាននិយាយថា មនុស្សជាង ១០នាក់បានស្លាប់ និងជាង ៥០នាក់នៅបាត់ខ្លួន បន្ទាប់ពីបំណាក់ដីបានវាយប្រហារទីតាំងបោះជំរំក្បែរតំបន់ Genting Highlands ក្នុងរដ្ឋ Selangor នៅជាយរដ្ឋធានីគូឡាឡំពួរនៅព្រឹកថ្ងៃសុក្រនេះ ហើយកិច្ចខិតខំប្រឹងប្រែងស្វែងរកកំពុងបន្ត។ នាយកដ្ឋានពន្លត់អគ្គិភ័យរបស់ម៉ាឡេស៊ីបាននិយាយថា មនុស្សសរុប ៧៩នាក់បានជាប់នៅក្នុងបំណាក់ដីដែលបានកើតឡើងនៅទីតាំងបោះជំរំ។ ទីភ្នាក់ងារសារព័ត៌មាន Bernama បានរាយការណ៍ថា កុមារម្នាក់ស្ថិតក្នុងចំណោមអ្នកស្លាប់។ នាយកនាយកដ្ឋានពន្លត់អគ្គិភ័យ និងជួយសង្គ្រោះរដ្ឋ Selangor លោក Norazam Khamis បាននិយាយថា ក្រុមអ្នកពន្លត់អគ្គិភ័យបានចាប់ផ្តើមមកដល់កន្លែងកើតហេតុនៅម៉ោងប្រហែល ៣ទៀបភ្លឺ បន្ទាប់ពីបានទទួលការហៅទូរស័ព្ទ។ លោកបាននិយាយថា បេសកកម្មស្វែងរក និងជួយសង្គ្រោះជនរងគ្រោះកំពុងត្រូវបានអនុវត្តដោយក្រុមសង្គ្រោះ និងប្រតិបត្តិការយុទ្ធសាស្ត្រពិសេសរបស់ប្រទេសម៉ាឡេស៊ី។ នាយករដ្ឋមន្ត្រីម៉ាឡេស៊ីលោក Anwar Ibrahim និយាយថា លោកមានការតក់ស្លុតអំពីឧប្បត្តិហេតុនេះ។ លោកបានស្នើឲ្យប្រតិបត្តិការស្វែងរក និងជួយសង្គ្រោះធ្វើឡើងដោយប្រុងប្រយ័ត្ន និងតាមវិធិសាស្ត្រជាប្រព័ន្ធធ្វើឡើងដោយស្ថាប័នរដ្ឋាភិបាល៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

ការស្វែងរកមនុស្សបាត់ខ្លួន ២៨នាក់នៅតែបន្ត បន្ទាប់ពីស្រឡាងបានកើតអគ្គិភ័យ នៅកោះ Madura របស់ឥណ្ឌូនេស៊ី

អ៊ីស្រាអែលបង្ហាញ «ក្តីបារម្ភ» ទៅកាន់សហរដ្ឋអាមេរិក ជុំវិញផែនការតំបន់ហ្កាហ្សា

ចិនជម្លៀសប្រជាជនចេញ ខណៈភ្លៀងធ្លាក់ខ្លាំងកើតមាននៅភាគពាយ័ព្យ និងភាគនិរតីប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមមន្ត្រីអាមេរិកព្យាយាមឃាត់អ៊ុយក្រែនមិនឲ្យតាមសម្លាប់ឧត្ដមសេនីយ៍ជាន់ខ្ពស់រុស្ស៊ីនៅសមរភូមិមុខ

យោធាកូរ៉េខាងត្បូង៖ កូរ៉េខាងជើងបាញ់មីស៊ីលបាលីស្ទីក ២គ្រាប់ ក្រោយសាកល្បងម៉ាស៊ីនឥន្ធនៈរឹង

អ៊ីរ៉ង់ឈានដល់ការចម្រាញ់សារធាតុអ៊ុយរ៉ានីញ៉ូមអត្រាខ្ពស់បំផុត

សុន្ទរកថាទាំងស្រុងរបស់សម្តេចតេជោ ហ៊ុន សែន ក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

សម្តេចតេជោ ហ៊ុន សែន អញ្ជើញទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

អង្គការសហប្រជាជាតិសង្ឃឹមលើការទម្លាយភាពទាល់ច្រកនៃការនាំចេញជីរបស់រុស្ស៊ី

លោក Biden ប្រកាសការគាំទ្រសហរដ្ឋអាមេរិកចំពោះសហភាពអាហ្វ្រិកចូលជាសមាជិក G20

គ្មានបទឈប់បាញ់នោះទេ ក្នុងពេលមានការបាញ់ផ្លោងនៅអ៊ុយក្រែនដែលគ្រប់គ្រងដោយរុស្ស៊ី

លោក Putin និយាយថា រុស្ស៊ីនឹងប្រឆាំងទណ្ឌកម្មដោយការផ្លាស់ប្តូរលំហូរពាណិជ្ជកម្ម និងថាមពល

UPDATE៖ មនុស្សជាង ១០នាក់ស្លាប់ និង ៥១នាក់នៅបាត់ខ្លួន បន្ទាប់ពីបំណាក់ដីនៅម៉ាឡេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

យោធា​កូរ៉េខាងត្បូង​៖ កូរ៉េខាងជើង​បាញ់​មី​ស៊ី​ល​បាលី​ស្ទីក​ ២​គ្រាប់ ក្រោយ​សាកល្បង​ម៉ាស៊ីន​ឥន្ធនៈ​រឹង​

អ៊ីរ៉ង់​ឈានដល់​ការ​ចម្រាញ់​សារធាតុ​អ៊ុយ​រ៉ានី​ញ៉ូ​ម​អត្រា​ខ្ពស់បំផុត​

សុន្ទរកថាទាំងស្រុងរបស់សម្តេចតេជោ ហ៊ុន សែន ក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

សម្តេចតេជោ ហ៊ុន សែន អញ្ជើញទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើម

អង្គការ​សហប្រជាជាតិ​សង្ឃឹមលើ​ការ​ទម្លាយ​ភាពទាល់ច្រក​នៃ​ការនាំចេញ​ជី​របស់​រុស្ស៊ី​

លោក Biden ប្រកាស​ការគាំទ្រ​សហរដ្ឋអាមេរិក​ចំពោះ​សហភាព​អាហ្វ្រិក​ចូល​ជា​សមាជិក ​G20

គ្មាន​បទ​ឈប់​បាញ់​នោះ​ទេ ក្នុងពេល​មានការ​បាញ់​ផ្លោង​នៅ​អ៊ុយ​ក្រែ​ន​ដែល​គ្រប់គ្រង​ដោយ​រុស្ស៊ី​

លោក Putin និយាយថា រុស្ស៊ី​នឹង​ប្រឆាំង​ទណ្ឌកម្ម​ដោយ​ការផ្លាស់ប្តូរ​លំហូរ​ពាណិជ្ជ​កម្ម និង​ថាមពល​

UPDATE៖ មនុស្ស​ជាង ​១០​នាក់​ស្លាប់ និង ៥១​នាក់​នៅ​បាត់​ខ្លួន បន្ទាប់ពី​បំណាក់​ដី​នៅ​ម៉ាឡេស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យោធាកូរ៉េខាងត្បូង៖ កូរ៉េខាងជើងបាញ់មីស៊ីលបាលីស្ទីក ២គ្រាប់ ក្រោយសាកល្បងម៉ាស៊ីនឥន្ធនៈរឹង

អ៊ីរ៉ង់ឈានដល់ការចម្រាញ់សារធាតុអ៊ុយរ៉ានីញ៉ូមអត្រាខ្ពស់បំផុត

អង្គការសហប្រជាជាតិសង្ឃឹមលើការទម្លាយភាពទាល់ច្រកនៃការនាំចេញជីរបស់រុស្ស៊ី

លោក Biden ប្រកាសការគាំទ្រសហរដ្ឋអាមេរិកចំពោះសហភាពអាហ្វ្រិកចូលជាសមាជិក G20

គ្មានបទឈប់បាញ់នោះទេ ក្នុងពេលមានការបាញ់ផ្លោងនៅអ៊ុយក្រែនដែលគ្រប់គ្រងដោយរុស្ស៊ី

លោក Putin និយាយថា រុស្ស៊ីនឹងប្រឆាំងទណ្ឌកម្មដោយការផ្លាស់ប្តូរលំហូរពាណិជ្ជកម្ម និងថាមពល

UPDATE៖ មនុស្សជាង ១០នាក់ស្លាប់ និង ៥១នាក់នៅបាត់ខ្លួន បន្ទាប់ពីបំណាក់ដីនៅម៉ាឡេស៊ី