BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិក៖ អ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃចន្ទថា សហរដ្ឋអាមេរិកសង្ឃឹមថា ប្រទេសចិនអាចដោះស្រាយការផ្ទុះឡើងជំងឺ COVID-19 នាពេលបច្ចុប្បន្ននេះ ខណៈចំនួនអ្នកស្លាប់ដោយសារជំងឺនេះគឺជាក្តីបារម្ភសម្រាប់ពិភពលោកទាំងមូល ដោយសារតែទំហំសេដ្ឋកិច្ចរបស់ប្រទេសចិន។ ក្នុងអំឡុងសន្និសីទសារព័ត៌មានលោក Price បាននិយាយថា ភាពខ្លាំងរបស់ប្រទេសចិនក្នុងការប្រយុទ្ធប្រឆាំងជំងឺ COVID-19 គឺល្អប្រសើរសម្រាប់ពិភពលោកទាំងមូល។ ប្រទេសចិនបានរាយការណ៍ពីចំនួនអ្នកស្លាប់ដែលទាក់ទងនឹងជំងឺ COVID-19 លើកដំបូងរបស់ខ្លួនកាលពីថ្ងៃចន្ទ ក្នុងពេលមានការកើនឡើងការសង្ស័យលើចំនួនផ្លូវការ ដែលកំពុងប្រមូលចំនួនអ្នកឆ្លងជំងឺនៅក្នុងទីក្រុង បន្ទាប់ពីរដ្ឋាភិបាលបានបន្ធូរបន្ថយការគ្រប់គ្រងប្រឆាំងវីរុសនេះយ៉ាងតឹងរ៉ឹង។ចំនួនអ្នកស្លាប់ ២នាក់កាលពីថ្ងៃចន្ទគឺជាករណីដំបូង ដែលត្រូវបានរាយការណ៍ដោយគណៈកម្មការសុខភាពជាតិ ចាប់តាំងពីថ្ងៃទី៣ ខែធ្នូ មានរយៈពេលជាច្រើនថ្ងៃមុនពេលទីក្រុងប៉េកាំងបានប្រកាសថា ខ្លួនកំពុងដកចេញវិធានការទប់ស្កាត់ ដែលបានទប់ស្កាត់ករណីឆ្លងវីរុសយ៉ាងទូលំទូលាយក្នុងរយៈពេល ៣ឆ្នាំមកនេះ ប៉ុន្តែបានបណ្តាលឱ្យមានការតវ៉ាលើវិធានការបិទខ្ទប់រីករាលដាលកាលពីខែមុន៕អត្ថបទ៖ ប៊ុនថន

អាមេរិកចោទ UN ថា បានបន្ទន់តាមការគំរាមពីរុស្ស៊ីជុំវិញការស៊ើបអង្កេតយានដ្រូនអ៊ីរ៉ង់

អាមេរិក៖ សហរដ្ឋអាមេរិកបានចោទប្រកាន់អគ្គលេខាធិការអង្គការសហប្រជាជាតិលោក Antonio Guterres ថា «ទំនងជាបន្ទន់ទៅតាមគំរាមកំហែងរបស់រុស្ស៊ី» និងពុំបានបញ្ជូនមន្ត្រីទៅកាន់ប្រទេសអ៊ុយក្រែន ដើម្បីត្រួតពិនិត្យយានដ្រូនប្រើប្រាស់ដោយរុស្ស៊ីនោះទេ ដែលទីក្រុងវ៉ាស៊ីនតោន និងប្រទេសដទៃនិយាយថា ត្រូវបានផ្គត់ផ្គង់ដោយប្រទេសអ៊ីរ៉ង់។ រុស្ស៊ីបានបដិសេធថា កងកម្លាំងរបស់ខ្លួនពុំបានប្រើប្រាស់យានដ្រូនរបស់អ៊ីរ៉ង់នៅអ៊ុយក្រែននោះទេ ហើយបានអះអាងថា ពុំមានការចាត់តាំងសម្រាប់មន្ត្រីអង្គការសហប្រជាជាតិ ដើម្បីធ្វើដំណើរទៅកាន់ទីក្រុង Kyiv ដើម្បីស៊ើបអង្កេតប្រភពដើមនៃយានដ្រូននោះទេ។ ប្រទេសអ៊ីរ៉ង់បានទទួលស្គាល់ថា ខ្លួនបានផ្គត់ផ្គង់យានដ្រូនដល់ទីក្រុងមូស្គូ ប៉ុន្តែបាននិយាយថា យានទាំងនោះត្រូវបានបញ្ជូនមុនពេលប្រទេសរុស្ស៊ី វាយលុកលើប្រទេសជិតខាងរបស់ខ្លួនកាលពីខែកុម្ភៈ។ ចក្រភពអង់គ្លេស បារាំង អាល្លឺម៉ង់ អាមេរិក និងអ៊ុយក្រែនបាននិយាយថា ការផ្គត់ផ្គង់យានដ្រូនដែលផលិតដោយអ៊ីរ៉ង់ផ្តល់ទៅឲ្យប្រទេសរុស្ស៊ី រំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិឆ្នាំ ២០១៥ ដែលកំណត់កិច្ចព្រមព្រៀងនុយក្លេអ៊ែរអ៊ីរ៉ង់ ហើយប្រទេសទាំងនេះចង់ឱ្យលោក Guterres បញ្ជូនមន្ត្រីទៅកាន់ទីក្រុង Kyiv ដើម្បីស៊ើបអង្កេត។ ឯកអគ្គរដ្ឋទូតរងរបស់សហរដ្ឋអាមេរិកលោក Robert Wood បាននិយាយនៅក្នុងកិច្ចប្រជុំក្រុមប្រឹក្សាសន្តិសុខកាលពីថ្ងៃចន្ទ ស្តីពីសេចក្តីសម្រេចកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ថា យើងសោកស្តាយដែលអង្គការសហប្រជាជាតិពុំបានឈានទៅរកការអនុវត្តន៍លើការស៊ើបអង្កេត នៃការរំលោភបំពានដែលត្រូវបានរាយការណ៍។ លោក Wood និយាយថា យើងមានការខកចិត្តដែលស្ថាប័ននេះ ទំនងជាព្រមទទួលយកការគំរាមកំហែងរបស់រុស្ស៊ី មិនបានអនុវត្តការចាត់តាំងដើម្បីស៊ើបអង្កេត។ នៅក្នុងរបាយការណ៍ទៅកាន់ក្រុមប្រឹក្សាកាលពីដើមខែនេះ លោក Guterres បាននិយាយថា មន្ត្រីអង្គការសហប្រជាជាតិកំពុងពិនិត្យមើលព័ត៌មានដែលមាន ហើយការរកឃើញណាមួយនឹងត្រូវបានរាយការណ៍ទៅក្រុមប្រឹក្សាក្នុងពេលសមស្រប។ លោក Guterres និយាយថា ការចោទប្រកាន់របស់ប្រទេសលោកខាងលិចដែលថា អ៊ីរ៉ង់បានផ្គត់ផ្គង់ឲ្យរុស្ស៊ីនូវយានដ្រូនប្រើនៅក្នុងប្រទេសអ៊ុយក្រែន កំពុងត្រូវបានពិនិត្យនៅក្នុងរូបភាពទូលំទូលាយ នៃអ្វីគ្រប់យ៉ាងដែលយើងកំពុងធ្វើនៅក្នុងបរិបទនៃសង្គ្រាម ដើម្បីកំណត់ថា តើនៅពេលណាដែលយើងគួរតែបញ្ជូនមន្ត្រីទៅកាន់ទីក្រុង Kyiv៕អត្ថបទ៖ ប៊ុនថន

លោក Putin និយាយថា ស្ថានភាពនៅក្នុងតំបន់ដែលបានដាក់ចូលឧបសម្ព័ន្ធនៅអ៊ុយក្រែនជួបការលំបាកខ្លាំង

រុស្ស៊ី៖ លោកប្រធានាធិបតី Vladimir Putin និយាយថា ស្ថានភាពនៅក្នុងតំបន់ទាំង៤ របស់អ៊ុយក្រែនដែលទីក្រុង Moscow បានប្រកាសថា ជាផ្នែករបស់រុស្ស៊ីជួបការលំបាកខ្លាំង ខណៈទីក្រុង Kyiv បានអំពាវនាវជាថ្មីសុំអាវុធបន្ថែម ក្រោយយានដ្រូនរុស្ស៊ីវាយប្រហារដាក់គោលដៅលើថាមពលរបស់ខ្លួន។ ក្នុងការអត្ថាធិប្បាយធ្វើឡើងកាលពីថ្ងៃចន្ទនៃទិវាសេវាសន្តិសុខ ដែលត្រូវបានប្រារព្ធយ៉ាងទូលំទូលាយ លោក Putin ក៏បានបញ្ជាឲ្យពង្រឹងកម្លាំងនៅតាមព្រំដែនរបស់រុស្ស៊ីផងដែរ និងបានណែនាំអង្គភាពសេវាពិសេសឲ្យបន្តការគ្រប់គ្រងសង្គមកាន់តែល្អប្រសើរ និងធានាសុវត្ថិភាពពលរដ្ឋក្នុងតំបន់នៅអ៊ុយក្រែនដែលរុស្ស៊ីគ្រប់គ្រង។ កាលពីខែកញ្ញា លោក Putin បានដាក់ដែនដីមួយចំនួនរបស់អ៊ុយក្រែនស្មើ ១៥% នៃប្រទេសនោះនៅក្នុងពិធីដ៏ធំមួយក្នុងវិមានក្រឹមឡាំង ប៉ុន្តែនៅដើមខែនេះលោកបាននិយាយថា សង្គ្រាមនេះអាចបន្តរយៈពេលយូរទៀត។ លោកនិយាយកាលពីល្ងាចថ្ងៃចន្ទក្នុងការអត្ថាធិប្បាយនានា បកប្រែដោយសារព័ត៌មាន Reuters ថា ចំពោះក្រុមទីភ្នាក់ងារសន្តិសុខរុស្ស៊ីនៅក្នុងប្រទេសអ៊ុយក្រែន ពិតមែនហើយ ពេលនេះអ្នកទាំងអស់គ្នាកំពុងជួបការលំបាក។ ស្ថានភាពនៅក្នុងតំបន់សាធារណរដ្ឋប្រជាមានិត Donetsk និង Luhansk ក្នុងតំបន់ Kherson និង Zaporizhzhia ពិតជាជួបការលំបាកខ្លាំង។ លោកប្រធានាធិបតី Volodymyr Zelenskiy បាននិយាយក្នុងសុន្ទរកថាពេលល្ងាចរបស់លោកថា អាវុធ គ្រាប់កាំភ្លើងធំ និងសមត្ថភាពការពារជាតិថ្មី គឺជាអ្វីគ្រប់យ៉ាងដែលនឹងផ្ដល់ឲ្យយើងនូវសមត្ថភាពពន្លឿនការបញ្ចប់សង្គ្រាមនេះ៕អត្ថបទ៖ សុខមាន

កូរ៉េខាងជើងនិយាយថា ទណ្ឌកម្មនឹងមិនអាចរារាំងការអភិវឌ្ឍន៍មីស៊ីលរបស់ខ្លួនបានឡើយ

កូរ៉េខាងជើង៖ សារព័ត៌មាន KCNA របស់កូរ៉េខាងជើងបាននិយាយថា ថ្ងៃអង្គារនេះកូរ៉េខាងជើងបានរិះគន់កូរ៉េខាងត្បូង ចំពោះការបំផ្លិចបំផ្លាញការអភិវឌ្ឍន៍អាវុធរបស់ខ្លួន ដោយនិយាយថា ការដាក់ទណ្ឌកម្មបន្ថែមនឹងមិនបញ្ឈប់កម្មវិធីមីស៊ីលរបស់ខ្លួនបានទេ។ លោកស្រី Kim Yo Jong ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក Kim Jong Un បាននិយាយថា ការផ្ដួចផ្ដើមរបស់ប្រទេសឯកាមួយនេះក្នុងការអភិវឌ្ឍន៍ផ្កាយរណបឈ្លបយកការណ៍ គឺជាចំណុចអាទិភាពទាក់ទងដោយផ្ទាល់ដល់សន្តិសុខរបស់យើង។ លោកស្រីបាននិយាយនៅក្នុងសេចក្ដីថ្លែងការណ៍ ធ្វើឡើងដោយទីភ្នាក់ងារសារព័ត៌មាន KCNA ថា កូរ៉េខាងត្បូងនឹងយំហើមភ្នែកដោយសារតែកិច្ចសហប្រតិបត្តិការអន្តរជាតិមួយចំនួន និងព្យាយាមដាក់ទណ្ឌកម្មបន្ថែមមកលើយើង។ ប៉ុន្តែដោយមានសិទ្ធិរស់រានមានជីវិត និងការអភិវឌ្ឍន៍របស់យើងត្រូវបានរងការគំរាមកំហែង ហេតុអ្វីត្រូវខ្លាចទណ្ឌកម្មដែលយើងបានឃើញដដែលៗ ហើយក៏មិនមែនជាលើកទី១ ដែរ ដូច្នេះហេតុអ្វីនឹងត្រូវបញ្ឈប់យើងបាន។ ការថ្លែងរបស់លោកស្រីបានកើតឡើង ២ថ្ងៃប៉ុណ្ណោះបន្ទាប់ពីទីក្រុង Pyongyang បានបាញ់មីស៊ីលបាលីស្ទីករយៈចម្ងាយមធ្យម ២គ្រាប់ដែលខ្លួនបានហៅថា ជាការសាកល្បងដ៏សំខាន់សម្រាប់ការអភិវឌ្ឍន៍ផ្កាយរណបឈ្លបយកការណ៍។ កូរ៉េខាងជើងនៅថ្ងៃអង្គារនេះក៏បានរិះគន់យុទ្ធសាស្ត្រសន្តិសុខថ្មីរបស់ជប៉ុនផងដែរថា ជាការផ្ដាស់ប្ដូរជាមូលដ្ឋានលើបរិស្ថានសន្តិសុខក្នុងតំបន់ និងបានព្រមានថា ខ្លួននឹងបង្ហាញថា ជម្រើសដែលជាសកម្មភាពមិនច្បាស់លាស់របស់ជប៉ុន ខុស និងគ្រោះថ្នាក់យ៉ាងណា៕អត្ថបទ៖ សុខមាន

បណ្តាប្រទេសសហភាពអឺរ៉ុបឯកភាពលើការទប់តម្លៃឧស្ម័ន ដើម្បីប្រយុទ្ធប្រឆាំងនឹងវិបត្តិថាមពល

អឺរ៉ុប៖ បណ្ដារដ្ឋមន្ត្រីថាមពលរបស់សហភាពអឺរ៉ុបកាលពីថ្ងៃចន្ទ បានឯកភាពលើការទប់តម្លៃឧស្ម័ន បន្ទាប់ពីការជជែកពិភាក្សាជាច្រើនសប្ដាហ៍លើវិធានការបន្ទាន់ ដែលបានផ្ទុះភាពចម្រូងចម្រាសទូទាំងប្លុកនេះ ខណៈព្យាយាមប្រយុទ្ធប្រឆាំងនឹងវិបត្តិថាមពល។ ការកំណត់តម្លៃនេះគឺជាការប៉ុនប៉ងចុងក្រោយបំផុតរបស់សហភាពអឺរ៉ុប ក្នុងការបន្ទាបតម្លៃឧស្ម័នដែលបានរុញដោលឲ្យមានការចំណាយខ្ពស់ជាងមុខលើថាមពល និងរុញឲ្យមានអតិផរណាខ្ពស់បំផុតនៅឆ្នាំនេះ បន្ទាប់ពីប្រទេសរុស្ស៊ីកាត់ផ្ដាច់ការបញ្ជូនឧស្ម័នរបស់ខ្លួនភាគច្រើនទៅឲ្យអឺរ៉ុប។ រដ្ឋមន្ត្រីបានព្រមព្រៀងគ្នាទប់តម្លៃ ប្រសិនបើតម្លៃលើសពី ១៨០អឺរ៉ូ (២៨៥ដុល្លារ) ក្នុងមួយមេហ្គាវ៉ាត់ម៉ោងសម្រាប់រយៈពេល 3ថ្ងៃនៅលើកិច្ចសន្យាទើបផុតកំណត់នៃមជ្ឈមណ្ឌលឧស្ម័នហូឡង់ (TTF) ដែលបម្រើជាស្តង់ដារអឺរ៉ុប។ តម្លៃរបស់មជ្ឈមណ្ឌលឧស្ម័នហូឡង់ក៏មានតម្លៃ ៣៥អឺរ៉ូក្នុងមួយមេហ្គាវ៉ាត់ម៉ោងផងដែរខ្ពស់ជាងតម្លៃ យោងដោយផ្អែកលើការវាយតម្លៃតម្លៃឧស្ម័នធម្មជាតិរាវ (LNG) ដែលមានស្រាប់សម្រាប់រយៈពេលបីថ្ងៃ។លោក Jozef Sikela រដ្ឋមន្ត្រីក្រសួងឧស្សាហកម្មសាធារណរដ្ឋឆែក ដែលកាន់តំណែងជាប្រធានប្ដូរវេណសហភាពអឺរ៉ុបបាននិយាយថា យើងទទួលបានជោគជ័យក្នុងការស្វែងរកកិច្ចព្រមព្រៀង ដែលនឹងធ្វើជារបាំងជួយពលរដ្ឋគេចចេញពីការហក់ឡើងខ្ពស់កប់ពពកនៃតម្លៃថាមពល។ ការកំណត់តម្លៃនេះអាចចាប់ផ្ដើមពីថ្ងទី១៥ ខែកុម្ភៈ ឆ្នាំ២០២៣។ កិច្ចព្រមព្រៀងនេះនឹងត្រូវបានអនុម័តជាផ្លូវការ ដោយប្រទេសទាំងនោះជាលាយលក្ខណ៍អក្ស ក្រោយចូលជាធរមាន៕អត្ថបទ៖ សុខមាន

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកលចូលជួបសម្ដែងការគួរសម និងពិភាក្សាការងារ

នៅវិមានសន្តិភាព នាព្រឹកថ្ងៃទី២០ ខែធ្នូ ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឲ្យលោកបណ្ឌិត យ៉ុន យ៉ុងហូ អគ្គនាយកសហព័ន្ធសន្តិភាពសកល ចូលសម្ដែងការគួរសម និងពិភាក្សាការងារ ។

ការកើនឡើងជំងឺ Covid-19 នៅប្រទេសចិនបណ្តាលឲ្យសាលារៀនមួយចំនួនត្រឡប់ទៅរៀនតាម Online វិញ

ចិន៖ សាលារៀនជាច្រើននៅក្នុងទីក្រុងសៀងហៃប្រទេសចិន និងតំបន់ផ្សេងៗទៀតកំពុងប្តូរត្រឡប់ទៅការបង្រៀនតាមប្រព័ន្ធអ៊ីនធឺណិតវិញ ក្នុងពេលមានការកើនឡើងករណីឆ្លងវីរុសកូរ៉ូណា។ សាលារៀនជាច្រើនបាននឹងកំពុងបន្តថ្នាក់រៀនដោយផ្ទាល់ បន្ទាប់ពីរដ្ឋាភិបាលចិនបានបន្ធូរបន្ថយវិធានការប្រយុទ្ធប្រឆាំងករណីឆ្លងដ៏តឹងរ៉ឹងរបស់ខ្លួនកាលពីថ្ងៃទី៧ ខែធ្នូ។ ប៉ុន្តែមន្ត្រីទីក្រុងសៀងហៃបាននិយាយថា សាលារៀនទាំងអស់នៅក្នុងទីក្រុងគួរតែត្រលប់មកបង្រៀនតាមប្រព័ន្ធអ៊ីនធឺណិតវិញចាប់ពីថ្ងៃចន្ទនេះតទៅ ដើម្បីសុខុមាលភាពរបស់សិស្ស និងគ្រូបង្រៀនរបស់ពួកគេ។ សាលាអនុវិទ្យាល័យ និងវិទ្យាល័យជាករណីលើកលែង។សាលាបង្រៀនភាសាជប៉ុនក្នុងទីក្រុងសៀងហៃ បានដំណើរការត្រលប់ទៅបង្រៀនតាមប្រព័ន្ធ Online វិញហើយកាលពីថ្ងៃពុធសប្តាហ៍មុន បន្ទាប់ពីកុមារ និងគ្រូបង្រៀនមួយចំនួនបានធ្វើតេស្តវិជ្ជមានវីរុសកូរ៉ូណា។ សាលារៀននៅទីក្រុង Nanjing ខេត្តJiangsu ក៏នឹងត្រលប់ទៅបង្រៀនតាមប្រព័ន្ធអ៊ីនធឺណេតវិញចាប់ពីថ្ងៃច័ន្ទនេះដែរ ដោយលើកលែងតែសិស្សវិទ្យាល័យ៕អត្ថបទ៖ ប៊ុនថន

ប្រតិបត្តិការស្វែងរកបន្តនៅថ្ងៃចន្ទនេះ ខណៈអាជ្ញាធរកំណត់អត្តសញ្ញាណជនរងគ្រោះ ២៤នាក់ស្លាប់ក្នុងបំណាក់ដីនៅម៉ាឡេស៊ី

ម៉ាឡេស៊ី៖ ការស្វែងរកជនរងគ្រោះចំនួន ៩នាក់ដែលនៅបាត់ខ្លួនពីសោកនាដកម្មបំណាក់ដី នៅទីតាំងបោះជំរំនៅកសិដ្ឋានតំបន់ Batang Kali បន្តនៅព្រឹកថ្ងៃចន្ទនេះ បន្ទាប់ពីមានភ្លៀងធ្លាក់បណ្តាលឲ្យផ្អាកប្រតិបត្តិការស្វែងរក។ គ្មានសាកសពត្រូវបានរកឃើញនោះទេកាលពីថ្ងៃអាទិត្យ ហើយស្នងការនគរបាលទីក្រុង Hulu Selangor លោក Suffian Abdullah បាននិយាយថា កិច្ចខិតខំប្រឹងប្រែងជួយសង្គ្រោះនឹងបន្តនៅម៉ោង ៨ព្រឹកថ្ងៃចន្ទនេះម៉ោងក្នុងតំបន់ ដោយផ្អែកលើលក្ខខណ្ឌអាកាសធាតុ។ លោកបានប្រាប់ក្រុមអ្នកសារព័ត៌មាននៅកន្លែងគ្រោះមហន្តរាយថា ប្រតិបត្តិការស្វែងរកជនរងគ្រោះដោយបំណាក់ដី ៩នាក់ទៀតដែលត្រូវបានពន្យារពេលកាលពីយប់ថ្ងៃអាទិត្យ បន្ទាប់ពីលក្ខខណ្ឌអាកាសធាតុមិនអំណោយផល នឹងបន្តនៅម៉ោង ៨ព្រឹកថ្ងៃចន្ទនេះ។ អាជ្ញាធរម៉ាឡេស៊ីកាលពីថ្ងៃអាទិត្យបានកំណត់អត្តសញ្ញាណជនរងគ្រោះ ២១នាក់ក្នុងចំណោម ២៤នាក់ដោយបំណាក់ដីកាលពីថ្ងៃសុក្រ នៅទីតាំងជំរុំដែលគ្មានអាជ្ញាប័ណ្ណនៅក្រុង Batang Kali ជាតំបន់កូនភ្នំដ៏ពេញនិយមនៅជិតតំបន់ Genting Highlands មានចម្ងាយប្រហែល ៥០គីឡូម៉ែត្រភាគខាងជើងរដ្ឋធានី Kuala Lumpur ។នាយកដ្ឋានពន្លត់អគ្គិភ័យ និងជួយសង្គ្រោះរដ្ឋ Selangor បាននិយាយថា ក្នុងចំណោមមនុស្ស ៩៤នាក់ដែលបានជាប់នៅក្នុងបំណាក់ដីនៅកសិដ្ឋាន ជាទីតាំងបោះជំរំ ៦១នាក់មានសុវត្ថិភាព ហើយ ៩នាក់នៅបាត់ខ្លួន។ ប្រតិបត្តិការស្វែងរកអ្នកបោះជំរំដែលបាត់ខ្លួនជាប់នៅក្នុងបំណាក់ដីបានបន្តអស់រយៈពេល 3ថ្ងៃ ដោយនាយកដ្ឋានពន្លត់អគ្គិភ័យបាននិយាយថា ឱកាសនៃការស្វែងរកអ្នកនៅរស់រានមានជីវិតមានតិចតួច៕អត្ថបទ៖ ប៊ុនថន

កងទ័ពជើងទឹកថៃស្វែងរកទាហានជើងទឹក ៣៣នាក់ដែលបាត់ខ្លួន បន្ទាប់ពីនាវាចម្បាំងលិច

ថៃ៖ យោធារបស់ប្រទេសថៃបានដាក់ពង្រាយនាវាចម្បាំង និងឧទ្ធម្ភាគចក្រនៅថ្ងៃចន្ទនេះ ដើម្បីព្យាយាមស្វែងរកទាហានជើងទឹកចំនួន ៣៣នាក់ដែលកំពុងបាត់ខ្លួន បន្ទាប់ពីនាវាចម្បាំងមួយគ្រឿងបានលិចកាលពីពេលយប់នៅឈូងសមុទ្រប្រទេសថៃ។ នាវាកងទ័ពជើងទឹកចំនួន ៣គ្រឿង និងឧទ្ធម្ភាគចក្រ ២គ្រឿងត្រូវបានបញ្ជូនទៅស្វែងរកអ្នកបាត់ខ្លួននៅជិតខេត្ត Prachuap Khiri Khan ភាគខាងត្បូងទីក្រុងបាងកក បន្ទាប់ពីនាវាចម្បាំង HTMS Sukhothai មានបញ្ហាម៉ាស៊ីន ហើយបានលិចនៅមុនពាក់កណ្តាលអាធ្រាត្រចម្ងាយប្រហែល ២០ម៉ាយពីឆ្នេរសមុទ្រ។ កងទ័ពជើងទឹកបាននិយាយថា បេសកកម្មជួយសង្គ្រោះពេញមួយយប់ក្នុងអាកាសធាតុមិនអំណោយផល បានជួយសង្គ្រោះមនុស្ស ៧៣នាក់ក្នុងចំណោមមនុស្ស ១០៦នាក់នៅលើនាវា ខណៈ ៣៣នាក់ដែលនៅសល់ត្រូវបង្ខំចិត្តបោះបង់ចោលនាវា។ឧត្តមនាវីឯកលោក Pogkrong Monthardpalin អ្នកនាំពាក្យកងទ័ពជើងទឹកបាននិយាយថា នាវា Sukhothai ជានាវាចម្បាំងផលិតនៅសហរដ្ឋអាមេរិកប្រើប្រាស់តាំងពីឆ្នាំ1987 ត្រូវបានវាយប្រហារដោយរលកខ្លាំងកាលពីថ្ងៃអាទិត្យ ដោយបណ្តាលឱ្យនាវាផ្អៀងទៅម្ខាង មុនពេលលិចក្នុងទឹកសមុទ្រ៕អត្ថបទ៖ ប៊ុនថន

អ៊ុយក្រែនបង្កើនការប្រុងប្រយ័ត្នតាមព្រំដែន ខណៈលោក Putin គ្រោងទៅបេឡារុស

អ៊ុយក្រែន៖ លោកប្រធានាធិបតី Volodymyr Zelenskyy បាននិយាយថា ការការពារព្រំដែននានារបស់អ៊ុយក្រែនជាប់រុស្ស៊ី និងបេឡារុសគឺជាចំណុចអាទិភាពបំផុត ហើយប្រទេសរបស់លោកបានត្រៀមរួចរាល់ សម្រាប់គ្រប់ប្រភេទសេណារីយ៉ោទាំងអស់ដែលអាចកើតឡើងជាមួយរុស្ស៊ី និងសម្ព័ន្ធមិត្តគឺបេឡារុស ដែលទីក្រុង Kyiv បានព្រមានថា សម្ព័ន្ធមិត្តលោក Putin រូបនេះអាចធ្លាក់ចូលក្នុងជម្លោះដែលមានរយៈពេល ១០ខែមកនេះ។ ក្នុងសុន្ទរកថាតាមវីដេអូពេលយប់របស់លោក លោក Zelenskyy ក៏បានចេញការអំពាវនាវថ្មីមួយផងដែរ ដល់បណ្ដាប្រទេសលោកខាងលិចឲ្យផ្ដល់ទីក្រុង Kyiv នូវប្រព័ន្ធការពារដែនអាកាសទំនើបៗជាងមុន ជាជំហានដ៏មានឥទ្ធិពលបំផុតដើម្បីបញ្ឈប់ការវាយលុករបស់រុស្ស៊ី។ នៅព្រឹកថ្ងៃចន្ទនេះ ស៊ីរ៉ែនព្រមានពីការវាយប្រហារតាមអាកាសបានរោទិ៍ឡើងជាថ្មីទៀតទូទាំងទីក្រុង Kyiv និងភាគខាងកើតអ៊ុយក្រែន ព្រមទាំងមានវីដេអូនៃការផ្ទុះ និងប្រព័ន្ធខែលការពារដែនអាកាសត្រូវបានចែករំលែកនៅលើបណ្ដាញសង្គម។ ការថ្លែងរបស់លោក Zelenskyy ធ្វើឡើងនៅមុនការដំណើររបស់លោកប្រធានាធិបតីរុស្ស៊ី Vladimir Putin ទៅកាន់ប្រទេសបេឡារុស ស្របពេលការពិភាក្សាពីការវាយលុកថ្មីរបស់រុស្ស៊ី និងការលើកឡើងថា អាចចេញពីក្នុងប្រទេសបេឡារុស៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម

កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ

ម៉ារ៉ុក៖ ការសម្រុកចូលរបស់អន្តោប្រវេសន៍ទៅក្នុងដែនដី Ceuta គឺដោយសារចចាមអារ៉ាមលើបណ្ដញសង្គម

ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ

ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ

អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា

កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត

ការស្វែងរកមនុស្សបាត់ខ្លួន ២៨នាក់នៅតែបន្ត បន្ទាប់ពីស្រឡាងបានកើតអគ្គិភ័យ នៅកោះ Madura របស់ឥណ្ឌូនេស៊ី

អ៊ីស្រាអែលបង្ហាញ «ក្តីបារម្ភ» ទៅកាន់សហរដ្ឋអាមេរិក ជុំវិញផែនការតំបន់ហ្កាហ្សា

ចិនជម្លៀសប្រជាជនចេញ ខណៈភ្លៀងធ្លាក់ខ្លាំងកើតមាននៅភាគពាយ័ព្យ និងភាគនិរតីប្រទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិកចោទ UN ថា បានបន្ទន់តាមការគំរាមពីរុស្ស៊ីជុំវិញការស៊ើបអង្កេតយានដ្រូនអ៊ីរ៉ង់

លោក Putin និយាយថា ស្ថានភាពនៅក្នុងតំបន់ដែលបានដាក់ចូលឧបសម្ព័ន្ធនៅអ៊ុយក្រែនជួបការលំបាកខ្លាំង

កូរ៉េខាងជើងនិយាយថា ទណ្ឌកម្មនឹងមិនអាចរារាំងការអភិវឌ្ឍន៍មីស៊ីលរបស់ខ្លួនបានឡើយ

បណ្តាប្រទេសសហភាពអឺរ៉ុបឯកភាពលើការទប់តម្លៃឧស្ម័ន ដើម្បីប្រយុទ្ធប្រឆាំងនឹងវិបត្តិថាមពល

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកលចូលជួបសម្ដែងការគួរសម និងពិភាក្សាការងារ

ការកើនឡើងជំងឺ Covid-19 នៅប្រទេសចិនបណ្តាលឲ្យសាលារៀនមួយចំនួនត្រឡប់ទៅរៀនតាម Online វិញ

កងទ័ពជើងទឹកថៃស្វែងរកទាហានជើងទឹក ៣៣នាក់ដែលបាត់ខ្លួន បន្ទាប់ពីនាវាចម្បាំងលិច

អ៊ុយក្រែនបង្កើនការប្រុងប្រយ័ត្នតាមព្រំដែន ខណៈលោក Putin គ្រោងទៅបេឡារុស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រសួងការបរទេស​អាមេរិក​និយាយថា ចំនួន​អ្នកស្លាប់​ដោយ​ជំងឺ COVID-19 នៅ​ចិន​គឺជា​ក្តីបារម្ភ​សម្រាប់​ពិភពលោក

អាមេរិក​ចោទ UN ថា​ បាន​បន្ទន់​តាម​ការ​គំរាម​ពី​រុស្ស៊ី​ជុំវិញ​ការស៊ើបអង្កេត​យាន​ដ្រូ​ន​អ៊ីរ៉ង់​

លោក Putin និយាយថា ស្ថានភាព​នៅក្នុង​តំបន់​ដែល​បាន​ដាក់ចូល​ឧបសម្ព័ន្ធ​នៅ​អ៊ុយ​ក្រែ​ន​ជួប​ការ​លំបាក​ខ្លាំង

កូរ៉េខាងជើង​និយាយថា ទណ្ឌកម្ម​នឹងមិន​អាច​រារាំង​ការអភិវឌ្ឍន៍​មី​ស៊ី​ល​របស់ខ្លួន​បានឡើយ​

បណ្តា​ប្រទេស​សហភាព​អឺរ៉ុប​ឯកភាព​លើ​ការ​ទប់​តម្លៃ​ឧស្ម័ន ដើម្បី​ប្រយុទ្ធ​ប្រឆាំងនឹង​វិបត្តិ​ថាមពល​

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកល​ចូលជួបសម្ដែងការគួរសម និងពិភាក្សាការងារ

ការកើនឡើង​ជំងឺ Covid-19 នៅ​ប្រទេស​ចិន​បណ្តាល​ឲ្យ​សាលារៀន​មួយចំនួន​ត្រឡប់​ទៅ​រៀន​តាម ​Online វិញ​

កងទ័ពជើងទឹក​ថៃ​ស្វែងរក​ទាហានជើងទឹក ​៣៣​នាក់​ដែល​បាត់​ខ្លួន ​បន្ទាប់ពី​នាវាចម្បាំង​លិច​

អ៊ុយ​ក្រែ​ន​បង្កើន​ការ​ប្រុងប្រយ័ត្ន​តាម​ព្រំដែន ខណៈ​លោក Putin គ្រោងទៅ​បេឡារុស​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រសួងការបរទេសអាមេរិកនិយាយថា ចំនួនអ្នកស្លាប់ដោយជំងឺ COVID-19 នៅចិនគឺជាក្តីបារម្ភសម្រាប់ពិភពលោក

អាមេរិកចោទ UN ថា បានបន្ទន់តាមការគំរាមពីរុស្ស៊ីជុំវិញការស៊ើបអង្កេតយានដ្រូនអ៊ីរ៉ង់

លោក Putin និយាយថា ស្ថានភាពនៅក្នុងតំបន់ដែលបានដាក់ចូលឧបសម្ព័ន្ធនៅអ៊ុយក្រែនជួបការលំបាកខ្លាំង

កូរ៉េខាងជើងនិយាយថា ទណ្ឌកម្មនឹងមិនអាចរារាំងការអភិវឌ្ឍន៍មីស៊ីលរបស់ខ្លួនបានឡើយ

បណ្តាប្រទេសសហភាពអឺរ៉ុបឯកភាពលើការទប់តម្លៃឧស្ម័ន ដើម្បីប្រយុទ្ធប្រឆាំងនឹងវិបត្តិថាមពល

សម្ដេចតេជោ ហ៊ុន សែន អនុញ្ញាតឲ្យអគ្គនាយកសហព័ន្ធសន្តិភាពសកលចូលជួបសម្ដែងការគួរសម និងពិភាក្សាការងារ

ការកើនឡើងជំងឺ Covid-19 នៅប្រទេសចិនបណ្តាលឲ្យសាលារៀនមួយចំនួនត្រឡប់ទៅរៀនតាម Online វិញ

កងទ័ពជើងទឹកថៃស្វែងរកទាហានជើងទឹក ៣៣នាក់ដែលបាត់ខ្លួន បន្ទាប់ពីនាវាចម្បាំងលិច

អ៊ុយក្រែនបង្កើនការប្រុងប្រយ័ត្នតាមព្រំដែន ខណៈលោក Putin គ្រោងទៅបេឡារុស