នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូន​ក្រុម​គ្រួសារ​របស់​វីរកងទ័ពពលី
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក
សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ
ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញ​ចែក​វិញ្ញាបន​បត្រ​សម្គាល់​ម្ចាស់​អចលនវត្ថុ​ជូន​ប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល​

ព័ត៌មានសំខាន់ៗ

ប្រសាសន៍សំខាន់ៗសម្ដេចតេជោ ហ៊ុន សែន ក្នុងឱកាសសម្ពោធដាក់ឲ្យប្រើប្រាស់ផ្លូវលេខ ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ

2022/12/22 04:28:47 pm        829
Facebook Telegram Linkin
ព្រះសីហនុ៖ នៅព្រឹកថ្ងៃទី២២ ខែធ្នូ ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជាអធិបតីភាពសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ ។ផ្លូវដែលត្រូវសម្ពោធដាក់ឲ្យប្រើប្រាស់នាពេលនេះ គឺតភ្ជាប់រវាងស្រុកព្រៃនប់ ទៅក្រុងព្រះសីហនុ មាន​ប្រវែងសរុបជាង ៤៣គីឡូម៉ែត្រ ត្រូវបានស្ថាបនា និងកែលំអរឡើងវិញរួចរាល់ជាស្ថាពរ ក្រោមកញ្ចប់ថវិកាជាតិប្រមាណ ៧៦លានដុល្លារអាមេរិក។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន បានប្រកាសថា នាពេលបច្ចុប្បន្ននេះ កម្ពុជាមានប៉ូលសេដ្ឋកិច្ចសំខាន់ៗចំនួន៣ រួមមាន៖ រាជធានីភ្នំពេញ, ព្រះសីហនុ និងសៀមរាប ដែលទាមទារឱ្យរាជរដ្ឋាភិបាលប្រឹងប្រែងពង្រឹង ស្តារឡើងវិញនូវហេដ្ឋរចនាសម្ព័ន្ធតភ្ជាប់ ធានានិរន្តរភាពសេដ្ឋកិច្ច។- សម្តេចតេជោ ហ៊ុន សែន បានស្តាប់ចំណាប់អារម្មណ៍របស់ប្រជាពលរដ្ឋពាក់ព័ន្ធផ្លូវខេត្តទាំងពីរខ្សែនេះ ដែលពីមុន ពិបាកក្នុងការធ្វើដំណើរ និងចំណាយពេលយូរ។- សម្តេចតេជោ ហ៊ុន សែន បានបញ្ជាក់ថា រាជរដ្ឋាភិបាល ទោះជាត្រូវប្រឈមមុខនឹងបញ្ហាកូវីដ-១៩ក៏ដោយ នៅតែប្រឹងប្រែងក្នុងការអភិវឌ្ឍន៍ហេដ្ឋារចនាសម្ព័ន្ធតភ្ជាប់ក្នុងក្របខ័ណ្ឌទូទាំងប្រទេសនិយាយជារួម និងនិយាយដោយឡែកសម្រាប់ខេត្តព្រះសីហនុ រួមទាំងផ្លូវល្បឿនលឿនផងដែរ។- សម្តចេតេជោ ហ៊ុន​ សែន បានប្រកាសថា ការតភ្ជាប់ដែលមានភាពល្អប្រសើរ បានផ្តល់ប្រយោជន៍ខ្លាំងណាស់ដល់ប្រជាពលរដ្ឋ ក្នុងនោះរួមមាន៖ ពេលវេលា និងថវិកា ដែលជាកត្តាសត្យានុម័ត មិនអាចប្រកែកបាន។ សម្តេចបញ្ជាក់ថា «អ្នកទទួលផលសំខាន់បំផុត គឺអ្នករស់នៅតាមសងខាងផ្លូវតែម្តង»។- សម្តេចតេជោ ហ៊ុន សែន ​បានប្រកាសថា វិធានការរឹតបន្តឹងការដឹកជញ្ជូនលើសទម្ងន់ នៅតែបន្តសកម្មភាពជាប់ជានិច្ច ហើយសម្តេចក៏បានអំពាវនាវដល់ប្រជាពលរដ្ឋ និងក្រុមហ៊ុនដឹកជញ្ជូនទាំងឡាយ សូមមេត្តាកុំដឹកលើសទម្ងន់ ដែលជាផ្នែកមួយអាក្រក់បំផុតនាំឱ្យខូចខាតផ្លូវ។- សម្តេចតេជោ ហ៊ុន សែន បានលើកឡើងពីប្រវត្តិជូរចត់ក្នុងពេលផ្តើមស្នេហ៍រវាងសម្តេច និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន​សែន ដែលគ្រានោះបញ្ហាទាំងឡាយបានកើតឡើង ពាក់ព័ន្ធនឹងការធ្វើដំណើរ ។ សម្តេចបញ្ជាក់ថា «ពេលល្អយើងជិះកង់ ដល់ពេលផ្លូវលំបាកកង់ត្រូវជិះយើងវិញ»។- សម្តេចតេជោ ហ៊ុន ​សែន បានប្រកាសពីគម្រោងហេដ្ឋារចនាសម្ព័ន្ធតភ្ជាប់ និងទំនើបកម្ម​ផ្លូវនានាក្នុងពេលបន្តបន្ទាប់រួមមាន៖ ការស្ថាបនាស្ពាន, គម្រោងផ្លូវល្បឿនលឿនភ្នំពេញ-សៀមរាប, គម្រោងផ្លូវដែកល្បឿនលឿនទៅកាន់ព្រំដែនថៃ និងគម្រោងផ្លូវដែកក្រោមដី ឬលើអាកាសផងដែរ។- សម្តេចតេជោ ហ៊ុន សែន បានបញ្ជាក់ថា ចាប់ពីពេលនេះ រហូតដល់ដំណាច់ឆ្នាំ២០២២ សម្តេចមានបេសកកម្មជាច្រើនតាមបណ្តាខេត្តនានា ក្នុងនោះរួមមាន៖ ការសម្ពោធបើកការដ្ឋានស្ថាបនា និងពិធីសម្ពោធដាក់ឱ្យប្រើប្រាស់សមិទ្ធផលហេដ្ឋារចនាសម្ព័ន្ធតភ្ជាប់តាមកម្មវិធី ដែលបានគ្រោងទុករបស់ក្រសួងសាធារណការ និងដឹកជញ្ជូន។- សម្តេចតេជោ ហ៊ុន សែន ប្រកាសឱ្យប្រជាពលរដ្ឋដែលប្រើប្រាស់ដងផ្លូវ សូមគោរបច្បាប់ចរាចរណ៍ និងប្រុងប្រយ័ត្នជាប់ជានិច្ច ខណៈដែលគ្រោះថ្នាក់ចរចរណ៍បានកើតឡើងរៀងរាល់ថ្ងៃ បណ្តាលឱ្យមានមនុស្សស្លាប់-របួស និងខូតខាតទ្រព្យសម្បត្តិជាច្រើន។- សម្តេចតេជោ ហ៊ុន សែន បានប្រកាសដល់ប្រជាពលរដ្ឋឱ្យគោរពច្បាប់ចរាចរណ៍ ជាជាងខ្លាចនគរបាលចរាចរណ៍អនុវត្តន៍ច្បាប់។ សម្តេចបញ្ជាក់ថា «បើយើងមិនខុស មិនរំលោភច្បាប់ចរាចរណ៍ គ្មាននរណាមកចាប់ផាកពិន័យយើងទេ»។- សម្តេចតេជោ ហ៊ុន សែន បាននិយាយនិយាយដល់ក្មេងជម្លើយម្នាក់ឈ្មោះ «សួងនាគព័ន្ធ» ដែលបានចូលទៅ Commment ក្នុងផេក Facebookផ្លូវការរបស់សម្តេច ហើយសម្តេចសម្តេចបញ្ជាក់ថា «Commmentនោះ សម្តេចនឹងមិនលុបចោលនោះទេ ទុកឱ្យប្រជាពលរដ្ឋមើលសំណេរក្មេងដ៏ឈ្លើយនោះ»។- សម្តេចតេជោ ហ៊ុន សែន បានប្រកាសដល់ដំណើរទស្សនកិច្ចរបស់សម្តេចទៅប្រទេសបារាំង និងតំបន់អឺរ៉ុប ដែលពេលនោះ ក្រុមប្រឆាំងតវ៉ាដឹកនាំដោយទណ្ឌិតរត់ចោលស្រុកក្រកូលក្បត់ជាតិ ៣ជំនាន់ មានគ្នាតែជាង៦០នាក់ប៉ុណ្ណោះ ខណៈដែលប្រជាពលរដ្ឋមកជួបសម្តេចជាង២.០០០នាក់ឯណោះ។ សម្តេចបញ្ជាក់ថា «ពេលនោះចង់បាន៥.០០០នាក់ក៏បានដែរ ឱ្យតែមានសាលដាក់(កន្លែងជួបជុំសំណេះសំណាល)»។- សម្តេចតេជោ ហ៊ុន សែន ប្រកាសលើកទឹកចិត្តដល់ប្រជាពលរដ្ឋ និងក្រុមហ៊ុនដឹកជញ្ជូន សូមប្រើប្រាស់ផ្លូវល្បឿនលឿន(ភ្នំពេញ-ព្រះសីហនុ) ដែលចំណេញពេលវេលា និងថវិកា ហើយសម្តេ​ចក៏នឹងអាចបើកបរដោយខ្លួនឯងនៅថ្ងៃណាមួយ តាមផ្លូវល្បឿនលឿននេះផងដែរ។- សម្តេចតេជោ ហ៊ុន សែន បានប្រកាសពីភាពជោគជ័យជាប្រធានអាស៊ានប្តូរវេនរបស់កម្ពុជានៅឆ្នាំ២០២២នេះ ដែលឯកសារជាច្រើនត្រូវបានទម្លុះទម្លាយ និងសមាជិកភាពបន្ថែមរបស់ទីម័រ ឡេស្តត្រូវបានឯកភាពជាសមាជិកទី១១របស់អាស៊ាន និងធ្វើជាសហប្រធានដឹកនាំកិច្ចប្រជុំជាមួយបណ្តាប្រទេសដៃគូធំៗ និងមហាអំណាចជាច្រើន។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋនៅភ្នំពេញ និងសៀមរាប និងបណ្តាខេត្តនានា ដែលបានបង្កលក្ខណៈងាយស្រួលសម្រាប់គណៈប្រតិភូសមាជិកអាស៊ាន និងប្រទេសដៃគូមកប្រជុំនៅកម្ពុជា ។សម្តេចក៏សូមថ្លែងអំណរគុណដល់អាជ្ញាធរ ក្រសួងស្ថាប័នពាក់ព័ន្ធរបស់រាជរដ្ឋាភិបាល ដែលបានរៀបចំកិច្ចប្រជុំ និងជំនួបនានាប្រកបដោយភាគជោគជ័យ និងមោទកភាពជាតិខ្មែរ។- សម្តេចតេជោ ហ៊ុន​សែន​ ប្រកាសដល់ទណ្ឌិតត្រកូលក្បត់ជាតិ ៣ជំនាន់ ដែលចោទសម្តេចរំលោភអំណាចជាប្រធានអាស៊ានទៅលួចជួបជាមួយប្រធានាធិបតីបារាំង និងធ្វើជាសហប្រធានដៃគូសន្ទាអាស៊ាន-អឺរ៉ុបកាលពីពេលកន្លងទៅ ដែលជាការប្រមាថធ្ងន់ធ្ងរមិនត្រឹមតែសម្តេចនោះទេ តែជាការប្រមាថដល់មេដឹកនាំបារាំង អាល្លឺម៉ង់ និងមេដឹកនាំជាច្រើននៅអឺរ៉ុប។- សម្តេចតេជោ ហ៊ុន ​សែន ប្រកាសថា នាឡិកាអាស៊ានសម្រាប់ផ្តល់ជូនសមាជិកអាស៊ាន និងប្រទេសដៃគូ មកប្រជុំកំពូលអាស៊ានលើកទី៤០-៤១ និងប្រជុំកំពូលពាក់ព័ន្ធនៅកម្ពុជា ចំណាយថវិកាផល្លិតជាង កន្លះលានដុល្លារអាមេរិក ដោយមួយគ្រឿងៗចំណាយការផលិតមិនក្រោម២ម៉ឺនដុល្លារនោះទេ។ សម្តេចក៏បានសម្តែងការសោកស្តាយ ដែលមិនបានផ្តល់ជូនអង្គការដៃគូ ដោយសារនាឡិកាអាស៊ានផលិតមកមានចំនួនកំណត់។- សម្តេចតេជោ ហ៊ុន​ សែន បានប្រកាសអំពាវនាវដល់ប្រជាពលរដ្ឋ ដែលមានឪពុកម្តាយ យាយតា ចាស់ជរា សូមមានការប្រុងប្រយ័ត្ន គិតគូពីសុខភាពរបស់គាត់ឱ្យបានជាប់ជាប្រចាំនៅក្នុងរដូវរងារនេះ ព្រោះចាស់ៗចាញ់រងារណាស់។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋឱ្យនាំគ្នាប្រុងប្រយ័ត្នខ្ពស់ជាប់ជានិច្ច ពីការឆ្លងរីករាលដាលជំងឺកូវីដ-១៩ ខណៈដែលតួលេខប្រចាំថ្ងៃ នៃការឆ្លងថ្មីជំងឺកូវីដ-១៩មានការឡើងចុះ។សង្កថាសម្តេចតេជោ ហ៊ុន សែន ចប់នៅវេលាម៉ោង ០៩ និង២៧នាទី។

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ

2022/12/22 02:43:03 pm        953
Facebook Telegram Linkin
ព្រះសីហនុ​៖ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីសម្ពោធដាក់ឲ្យប្រើប្រាស់ផ្លូវលេខ ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ នៅព្រឹកថ្ងៃទី២២ ខែធ្នូ ឆ្នាំ២០២២នេះ។ផ្លូវដែលត្រូវសម្ពោធដាក់ឲ្យប្រើប្រាស់នៅពេលនេះ តភ្ជាប់រវាងស្រុកព្រៃនប់ ទៅក្រុងព្រះសីហនុ មានប្រវែងសរុបជាង ៤៣គីឡូម៉ែត្រ ត្រូវបានស្ថាបនា និងកែលំអរឡើងវិញរួចរាល់ជាស្ថាពរ ក្រោមកញ្ចប់ថវិកាជាតិប្រមាណ ៧៦លានដុល្លារអាមេរិក។ផ្លូវជាចំណងដៃថ្មីរបស់រាជរដ្ឋាភិបាលជូនពលរដ្ឋខេត្តព្រះសីហនុ មានពីរខ្សែតភ្ជាប់គ្នា ដែល១ខ្សែមានឈ្មោះថាផ្លូវលេខ១៤៦B ឬហៅថា វិថីសុវត្ថិភាពសម្តេចព្រះសង្ឃរាជ ទេព វង្ស ចាប់ពីចំណុចបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ ទៅដល់រង្វង់មូលស្ទឹងហាវ ស្ថិតនៅភូមិ១ ឃុំអូរត្រេះ ស្រុកស្ទឹងហាវ។១ខ្សែទៀតមានឈ្មោះផ្លូវលេខ១៤៨ ឬហៅថា តីរវិថីសម្តេចតេជោ ហ៊ុន សែន (តីរវិថី គឺវិថីស្ថិតនៅបណ្តោយតាមឆ្នេរ) បន្តពីរង្វង់មូលស្ទឹងហាវ ដល់ចំណុចប្រសព្វផ្លូវជាតិលេខ៤ ត្រង់គីឡូម៉ែត្រលេខ ២២៥+៥៥០ កំពង់ផែស្វយ័តក្រុងព្រះសីហនុ។ផ្លូវទាំងពីរខ្សែនេះ គឺជាខ្សែផ្លូវវាងក្រុងតភ្ជាប់គ្នា ដ៏មានសក្តានុពល ដោយតភ្ជាប់ពីទីប្រជុំជនទៅជាយក្រុង ទៅកាន់តំបន់ទេសចរណ៍ និងឆ្នេរធម្មជាតិ ព្រមទាំងតភ្ជាប់ជាមួយផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវទាំង ៣៧ខ្សែ នៅក្រុងព្រះសីហនុ ខេត្តព្រះសីហនុផងដែរ។ ផ្លូវនេះគឺដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ផងដែរ៕

ប្រមុខ​សហភាព​អឺរ៉ុប​ព្រមព្រៀង​ដាក់ទណ្ឌកម្ម​បន្ថែមទៀត​លើ​រុស្ស៊ី និង​ផ្តល់​មូលនិធិ​ដល់​អ៊ុយ​ក្រែ​ន​

2022/12/21 09:55:37 pm        536
Facebook Telegram Linkin
​អឺរ៉ុប៖ បណ្តា​មេដឹកនាំ​សហភាព​អឺរ៉ុបបានបញ្ចប់​កិច្ចប្រជុំ​កំពូល​ចុងក្រោយ​នៃ​ឆ្នាំ២០២២ កាលពី​សប្តាហ៍​កន្លងទៅ​នេះ ដោយមាន​កិច្ចព្រមព្រៀង​មួយ​ដើម្បី​ផ្តល់​ហិរញ្ញប្បទាន​ចំនួន ១៨ពាន់​លាន​អឺរ៉ូ​ដល់​ប្រទេស​អ៊ុយ​ក្រែ​ន​នៅ​ឆ្នាំក្រោយ និង​ដាក់ទណ្ឌកម្ម​បន្ថែម​ទៀត​លើ​ប្រទេស​រុស្ស៊ី ខណៈ​សហភាព​អឺរ៉ុប​ក៏បាន​រៀបចំ​ដើម្បី​ទប់​តម្លៃ​ឧស្ម័ន​ធម្មជាតិ និង​ជំរុញ​ការ​ទប់ទល់​ឧស្សហកម្ម​របស់​ខ្លួន​។ ប្រទេស​ប៉ូឡូញ​បាន​ដក​ការជំទាស់​ចុងក្រោយ ​ចំពោះ​ពន្ធ​សាជីវកម្ម​អប្បបរមា​ជាស​កល ដោយ​បាន​ដាក់​ចេញ​កញ្ចប់​នៃ​កិច្ចព្រមព្រៀង​ដែល​ពាក់ព័ន្ធ ​រួមមាន​ប្រាក់កម្ចី​ដល់​អ៊ុយ​ក្រែ​ន​ដែល​ត្រូវ​បាន​ឈ្លាន​ពាន​ដោយ​រុស្ស៊ី​ រយៈពេល​ឈាន​ចូល​ ១០ខែ​មកនេះ​។​ មេដឹកនាំ​សហភាព​អឺរ៉ុប​បាន​ព្រមព្រៀង​លើ​កញ្ចប់​ទណ្ឌកម្ម​ទី​៩ ដាក់​លើ​ទីក្រុង​មូ​ស្គូ ​សម្រាប់​ការ​ធ្វើ​សង្គ្រាម​នៅ​អ៊ុយ​ក្រែ​ន​ចូល​ទៅ​ក្នុង​បញ្ជី​ខ្មៅ​នូវ​បុគ្គល​ជិត ២០០​នាក់​បន្ថែម​ទៀត និង​រារាំង​ការ​វិនិយោគ​នៅ​ក្នុង​ឧស្សាហកម្ម​រុករក​រ៉ែ​របស់​រុស្ស៊ី​ក្នុង​ចំណោម​ទណ្ឌកម្ម​ដទៃ​ទៀត​។​​សេចក្តី​សម្រេច​ដែល​តម្រូវ​ឱ្យ​មានការ​ឯកភាព​គ្នាត្រូវ​បាន​ធ្វើឡើង​ បន្ទាប់ពី​ប្រទេស​ប៉ូឡូញ និង​ប្រទេស​លី​ទុយ​អា​នី​បាន​ព្រមាន​ថា ការលើកលែង​ដែល​បាន​ស្នើសុំ​សម្រាប់​សន្តិសុខ​ស្បៀង តាមពិត​អាច​ផ្តល់​ផលប្រយោជន៍​ដល់​ក្រុម​អ្នកមាន​របស់​រុស្ស៊ី​នៅ​ក្នុង​ការ​ធ្វើ​ពាណិជ្ជកម្ម​ជី​។​ ​ដោយ​ការ​កាត់​បន្ថយ​ថាមពល​កម្តៅ​នៅ​ក្នុង​អគារ​សហភាព​អឺរ៉ុប ជា​ផ្នែក​មួយ​នៃ​វិធានការ​ដើម្បី​សន្សំ​ថាមពល មេដឹកនាំ​មួយ​ចំនួន​ត្រូវបាន​គេ​មើល​ឃើញ​ញ័រ​ខ្លួន​ដណ្តប់​ដោយ​អាវធំ​ ខណៈ​មេដឹកនាំ​ជួប​ប្រជុំ​ដើម្បី​ពិភាក្សា​អំពី​ការ​ឆ្លើយ​តប ​ចំពោះ​ច្បាប់​កាត់បន្ថយ​អតិផរណា​របស់​សហរ​ដ្ឋ​អាមេរិក​៕អត្ថបទ៖ ប៊ុនថន

UN ថ្កោលទោស​ការផ្អាក​និស្សិត​ស្រី​នៅ​សាកលវិទ្យាល័យ​របស់​ក្រុម​តា​លី​បង់​

2022/12/21 09:14:13 pm        495
Facebook Telegram Linkin
​អាហ្វហ្គានីស្ថាន៖ ក្រសួង​អប់រំ​ថ្នាក់​ឧ​ត្ត​មសិ​ក្សា​ដែល​គ្រប់គ្រង ​ដោយ​ក្រុម​តា​លី​បង់​របស់​ប្រទេស​អា​ហ្វ​ហ្គា​នី​ស្ថាន កាល​ពី​ថ្ងៃ​អង្គារបាន​ផ្អាក​ការចូល​រៀន​របស់​និស្សិត​ស្រី​នៅ​សកលវិទ្យាល័យ រហូត​ដល់​មានការ​ជូនដំណឹង​បន្ថែម ដែល​បណ្តាល​ឲ្យ​មានការ​ថ្កោលទោស​យ៉ាងខ្លាំង​ពី​សហរដ្ឋអាមេរិក អង់គ្លេស និង​អង្គការសហប្រជាជាតិ​។​ ​លិខិត​មួយច្បាប់ដែល​ត្រូវបាន​បញ្ជា​ក់ ដោយ​អ្នកនាំពាក្យ​របស់​ក្រសួង​អប់រំ​ថ្នាក់​ឧ​ត្ត​មសិ​ក្សា បាន​ណែនាំ​ដល់​សាកលវិទ្យាល័យ​រដ្ឋ និង​ឯកជន​នៅ​ប្រទេស​អា​ហ្វ​ហ្គា​នី​ស្ថាន ឱ្យ​ផ្អាក​ការចូល​រៀន​របស់​និស្សិត​ស្រី​ជាបន្ទាន់ ស្របតាម​សេចក្តីសម្រេច​របស់​គណៈ​រដ្ឋមន្ត្រី​។​ សេចក្តីប្រកាស​របស់រ​ដ្ឋ​បាល​ក្រុម​តា​លី​បង់ ដែល​ពុំ​ត្រូវបាន​ទទួលស្គាល់​ជា​អន្តរជាតិ​នោះបានធ្វើ​ឡើង ខណៈ​ក្រុមប្រឹក្សាសន្តិសុខ​អង្គការសហប្រជាជាតិ​ បាន​ជួបប្រជុំគ្នា​នៅ​ទីក្រុង​ញូវយ៉កស្តីពី​ប្រទេស​អា​ហ្វ​ហ្គា​នី​ស្ថាន​។ រដ្ឋាភិបាល​បរទេស រួមមាន​ទាំង​សហរដ្ឋអាមេរិកបាន​និយាយថា ការផ្លាស់ប្តូរ​គោលនយោបាយ​ស្តីពី​ការអប់រំ​របស់​ស្ត្រី​គឺ​ចាំបាច់ មុនពេល​ដែល​អាច​ត្រូវ​ពិចារណា​ទទួលស្គាល់​ជា​ផ្លូវការ ​នូវ​រដ្ឋបាល​គ្រប់គ្រង​ដោយ​ក្រុម​តា​លី​បង់ដែលជា​ទិសដៅ​ត្រូវដាក់​ទណ្ឌកម្ម​យ៉ាងធ្ងន់ធ្ង​រ​។​ ​ឯកអគ្គរដ្ឋទូត​រង​ប្រចាំ​អង្គការសហប្រជាជាតិរ​បស់​សហរដ្ឋអាមេរិក​លោក Robert Wood ដែល​បាន​ចាត់ទុក​ចំណាត់ការ​នេះ​ថា ​ជាការ​មិនអាច​ជឿទុកចិត្ត​បាន បាន​និយាយថា សហរដ្ឋអាមេរិក​បាន​និយាយ​ម្តង​ហើយ​ម្តង​ទៀតថា ភាពស្របច្បាប់ និង​ការគាំទ្រ​ដែល​ក្រុម​តា​លី​បង់​ស្វែងរក​ពី​សហគមន៍​អន្តរជាតិ ចាប់ផ្តើម​ជាមួយនឹង​ភាពស្របច្បាប់​ដែល​ពួកគេ​ទទួលបាន​ពី​ប្រជាជន​អា​ហ្វ​ហ្គា​នី​ស្ថាន តាមរយៈ​សកម្មភាពរ​បស់​ក្រុម​នេះ​។ លោក Barbara Woodward ឯកអគ្គរដ្ឋទូត​ប្រចាំ​អង្គការ​សហប្រជាជាតិរ​បស់​ចក្រភព​អង់គ្លេស​បាន​មាន​និយាយថា បើ​គ្មាន​ប្រព័ន្ធយុត្តិធម៌ ភាពត្រឹមត្រូវ និង​សិទ្ធិ​ទទួលបាន​ការអប់រំ​នោះទេ ប្រទេស​អា​ហ្វ​ហ្គានី​ស្ថាន​ពុំ​អាច​ពឹង​ផ្អែកលើ​ខ្លួនឯង និង​ធ្វើ​ឲ្យ​រីក​ចម្រើន​បានឡើយ​៕អត្ថបទ៖ ប៊ុនថន

ថៃ​ព្យាយាម​ស្វែងរក​ទាហាន​ម៉ា​រី​ន​បាត់​ខ្លួន​ពី​នាវា​ដែល​លិច ​ខណៈ​រកឃើញ​សាកសព ​៦​នាក់​

2022/12/21 07:33:55 pm        348
Facebook Telegram Linkin
​ថៃ៖ កងទ័ពជើងទឹក​របស់​ប្រទេស​ថៃបាន​រកឃើញ​សាកសព​ទាហាន​ម៉ា​រី​ន ៦​នាក់កាលពី​ថ្ងៃ​អង្គារ បន្ទាប់ពី​នាវាចម្បាំង​ធន់​តូច​មួយគ្រឿង​បាន​លិច​កាលពី​ចុង​សប្តាហ៍​។ ក្រុម​យោធា​បាន​ព្យាយាម​ស្វែងរកអ្នក​នៅរស់ដោយបាន​បញ្ជូន​ឧទ្ធម្ភាគចក្រ នាវាចម្បាំង និង​យាន​ដ្រូ​នដើម្បី​ស្វែងរក​នៅ​ជិត​ឆ្នេរសមុទ្រ​ភាគ​កណ្តាល​របស់ខ្លួន​។ ទាហាន​ម៉ា​រី​នជាង​ ១០​នាក់​នៅតែ​ពុំទាន់​បាន​រកឃើញ​នៅឡើយ​ ដោយ​អ្នក​បាត់​ខ្លួន​ទាំងនេះ​មួយចំនួន​គ្មាន​អាវ​ពោង​ការពារ​ជីវិត​ឡើយ​។​ ​ជុំវិញ​ឧបទ្ទវ​ហេតុនេះ នាវា​ដែល​បាន​លិច​មាន​អាវ​ពោង​ការពារ​មិន​គ្រប់គ្រាន់​ សម្រាប់​ទាហាន​ម៉ា​រី​នជិះ​លើ​នាវា​ដើម្បី​ចូលរួម​បេសកកម្ម​នៅ​ឆ្នេរ Sairee ដែល​បញ្ហា​ទាំងអស់នេះ​នឹងត្រូវ​ស៊ើបអង្កេត​។ មនុស្ស​រាប់សិប​នាក់​ត្រូវបាន​បង្ខំ​ឱ្យ​បោះបង់ចោល​នាវា HTMS Sukhothai កាលពី​ល្ងាច​ថ្ងៃអាទិត្យ បន្ទាប់ពី​នាវា​ត្រូវបាន​បោកបក់​ដោយ​រលក​ធំៗ និង​មាន​ខ្យល់​បក់​ខ្លាំង​។​​នាវាចម្បាំង​ដែល​ផលិត​ដោយ​សហរដ្ឋអាមេរិកបាន​ប្រើប្រាស់​ចាប់តាំងពី​ឆ្នាំ១៩៨៧ បាន​ដឹក​បុគ្គលិក​យោធា​ចំនួន ១០៥នាក់ដែល​ភាគច្រើន​ត្រូវបាន​ជួយសង្គ្រោះ​មុនពេល​នាវា​លិច​។ ប៉ុន្តែ​មនុស្ស​ច្រើន​នាក់​បាន​បោះបង់ចោល​នាវា​ដោយ​ការ​បណ្តែត​ខ្លួន និង​មួយចំនួន​មាន​អាវ​ពោង​ការពារ​ជីវិត​។ នាវា​នេះ​មាន​បញ្ហា​ម៉ាស៊ីន មុនពេល​នាវា​បាន​លិចចម្ងាយ​ប្រហែល ២០ម៉ា​យ​ក្នុង​សមុទ្រពី​ខេត្ត Prachuap Khiri Khan៕អត្ថបទ៖ ប៊ុនថន

លោក Zelensky នឹងធ្វើ​ទស្សនកិច្ច​នៅ​អាមេរិក ជាការ​ធ្វើដំណើរ​ដំបូង​ទៅ​បរទេស​ចាប់តាំងពី​សង្គ្រាម​ចាប់ផ្តើម

2022/12/21 07:08:25 pm        387
Facebook Telegram Linkin
​អ៊ុយក្រែន៖ ប្រព័ន្ធ​ផ្សព្វផ្សាយ​សហរដ្ឋអាមេរិក​បាន​រាយការណ៍​ថា ប្រធានាធិបតី​អ៊ុយ​ក្រែ​នលោក Volodymyr Zelensky នឹងធ្វើ​ទស្សនកិច្ច​មកកាន់​ទីក្រុង​វ៉ាស៊ីនតោននៅ​ថ្ងៃ​ពុធ​នេះ ​សម្រាប់​ជំនួប​ដែល​អាចធ្វើ​ទៅបាន​ជាមួយ​ប្រធានាធិបតី​លោក Joe Biden និង​ថ្លែង​សុន្ទរកថា​ទៅកាន់​សភា​។ នេះ​គឺជាដំណើរ​ទស្សនកិច្ច​លើកដំបូង​របស់លោក Zelenskyy ទៅ​បរទេស​ចាប់តាំងពី​ប្រទេស​រុស្ស៊ី​បាន​វាយលុក​លើ​អ៊ុយ​ក្រែ​ន​ក្នុង​ខែកុម្ភៈ​។ យោងតាម​សេចក្តី​ការណ៍​បានឱ្យដឹងថា ជំនួប​នៅ​សេត​វិមាន​ដ៏​មាន​សក្តានុពល​អាច​បង្ហា​ញ​ពី​សេចក្តីប្រកាស​ដែល​រំពឹងទុក​ពី​លោក ​Joe Biden អំពី​កញ្ចប់​ជំនួយ​សព្វាវុធ​ថ្មី​សម្រាប់​ទីក្រុង Kyiv រួមទាំង​មី​ស៊ី​ល​ផាត​ទ្រី​យ៉ូ​ត ​(Patriot) ផងដែរ​។ ប្រធានសភាលោកស្រី Nancy Pelosi បាន​ប្រាប់​សមាជិកសភា​នៅក្នុង​លិខិត​មួយច្បាប់កាលពី​ថ្ងៃ​អង្គា​រថា សមាជិកសភា​គួរតែ​ចូលរួម​។ លោកស្រី​បាន​សរសេរ​ដោយ​គ្មាន​ការ​ពន្យល់ថា សូម​មាន​វត្តមាន​សម្រាប់​ការផ្តោត​ជាពិសេស​លើ​លទ្ធិប្រជាធិបតេយ្យនៅ​យប់​ថ្ងៃ​ពុធ​។ លោក Zelensky ដែល​បាន​ដឹកនាំ​ដោយ​គ្មាន​ការ​សម្រាក​រយៈពេល ១០​ខែ​នៃ​សង្គ្រាម​ដ៏​ឃោរឃៅ​ជាមួយ​កងកម្លាំង​រុស្ស៊ី បាន​និយាយ​ជា​ញឹកញាប់​ទៅកាន់​មេដឹកនាំ និង​អ្នកគាំទ្រ​ជុំវិញ​ពិភពលោក ប៉ុន្តែ​គ្រាន់តែ​សន្ទនា​តាម​ទូរស័ព្ទ និងសន្និសីទ​វីដេអូ​ប៉ុណ្ណោះ​។ ការធ្វើដំណើរ​ដែល​បាន​គ្រោងទុក​របស់លោក​ទទួលស្គាល់ថា សហរដ្ឋអាមេរិក​គឺជា​អ្នកគាំទ្រ​ដ៏​សំខាន់បំផុត​នៃ​កិច្ចខិតខំ​ប្រឹងប្រែង​ក្នុង​សង្គ្រាម ដោយបាន​ផ្តល់ជំនួយ​ស​រុ​បប្រមាណ ៥០ពាន់​លាន​ដុល្លារ​រួចហើយ រួមទាំង​ជំនួយ​ផ្នែក​សន្តិសុខ​ចំនួន ២០ពាន់​លាន​ដុល្លារ​។ កាលពី​ថ្ងៃ​អង្គារលោក Zelensky បាន​ចុះទៅ​សួរសុខទុក្ខ​កងទ័ព​អ៊ុយ​ក្រែ​ន​នៅ​ទីក្រុង Bakhmut ដែល​ពេលនេះ​ជា​ចំណុចកណ្តាល​នៃ​ការប្រយុទ្ធ​គ្នា ជា​កន្លែង​ដែល​លោក​បានចាត់ទុក​ទីក្រុង​ដែល​រង​ការវាយលុក​ដោយ​សង្គ្រាម​នេះ​ថា​ជាសមរភូមិ​មុខ​។ ដំណើរ​ទស្សនកិច្ច​ដោយ​មិនបាន​ប្រកាស​ជាមុន​នេះ ធ្វើឡើង​ខណៈ​វិមាន​ក្រឹម​ឡាំង​បានប្រកាសថា លោក Vladimir Putin នឹង​ជួប​មន្ត្រី​យោធា​ជាន់ខ្ពស់​នៅ​ថ្ងៃ​ពុធ​នេះ ដើម្បី​ថ្លឹងថ្លែង​ការវាយលុក​ពេញលេញ​របស់​រុស្ស៊ី​ មកលើ​អ៊ុយ​ក្រែ​ន​រហូតមក​ដល់ពេលនេះ និង​កំណត់​គោលដៅ​សម្រាប់​ឆ្នាំក្រោយ​ បន្ទាប់ពី​បរាជ័យ​នៅក្នុង​សមរភូមិ​ជា​បន្តបន្ទាប់៕អត្ថបទ៖ ប៊ុនថន

ប្រធានាធិបតី​អាមេរិក​លោក Joe Biden អះអាងថា កិច្ចព្រមព្រៀង​នុយក្លេអ៊ែរ​អ៊ីរ៉ង់​ស្លាប់​ហើយ​

2022/12/21 06:22:36 pm        367
Facebook Telegram Linkin
​អាមេរិក៖ លោក​ប្រធានាធិបតី​អាមេរិក Joe Biden បាន​និយាយ​នៅក្នុង​វីដេអូ​ដែល​ត្រូវបាន​ផ្សព្វផ្សាយ ​យ៉ាង​ទូលំទូលាយ​នៅលើ​បណ្ដាញ​សង្គម​ថា កិច្ចព្រមព្រៀង​នុយក្លេអ៊ែរ​អ៊ីរ៉ង់​ស្លាប់​ហើយ​។ ​សេត​វិមាន​មិនបាន​បញ្ជាក់​ពី​ភាព​ភាពត្រឹមត្រូវ​នៃ​វីដេអូ​នោះ ដែល​បាន​បង្ក​ឲ្យ​មាន​មន្ទិល​ពី​អនាគត​នៃ​កិច្ចព្រមព្រៀង​នុយក្លេអ៊ែរ​របស់​អ៊ីរ៉ង់ ​ដែល​ត្រូវបាន​គេ​ស្គាល់​ថាជា​កិច្ចព្រមព្រៀង​ផែនការ​សកម្មភាព​ចម្រុះ​គ្រប់​ជ្រុង​ជ្រាយ​។ កិច្ចព្រមព្រៀង​ដែល​បាន​ជាប់គាំង​ក្នុង​ឆ្នាំ​២០១៥ រវាង​អ៊ីរ៉ង់ ចិន បារាំង អាល្លឺម៉ង់ រុស្ស៊ី អង់គ្លេស អាមេរិក និង​សហភាព​អឺរ៉ុប ជា​កិច្ចព្រមព្រៀង​ដ៏​សំខាន់លើកលែង​ទណ្ឌកម្មសេដ្ឋកិច្ច​លើ​សេដ្ឋកិច្ច​របស់​អ៊ីរ៉ង់ ជា​ថ្នូរ​នឹង​កម្មវិធី​នុយក្លេអ៊ែរ​របស់​ទីក្រុង​តេ​អេ​រ៉ង់។ ​វីដេអូដែល​ត្រូវបាន​ចែករំលែក​មិនបាន​បញ្ជាក់​ពី​កាលបរិច្ឆេទ ឬ​ទីតាំង​ច្បាស់លាស់​ទេ​។ ​សារព័ត៌មាន AFP បាន​រាយការណ៍​ពី​រូបភាព​ឆ្លើយឆ្លង​ ទៅកាន់​ការជួបជុំ​មួយ​ធ្វើឡើង​ដោយ​លោក Biden ដែល​បាន​បង្កើតឡើង​កាលពីដើម​ខែវិច្ឆិកា​ក្នុង​រដ្ឋ California​។ ​សេត​វិមាន​បានបញ្ជាក់​កាលពី​ថ្ងៃ​អង្គា​រថា ​ការ​ស្រោចស្រង់​កិច្ចព្រមព្រៀង​នុយក្លេអ៊ែរ​អ៊ីរ៉ង់មិនមែនជា​បញ្ហាសំខាន់​ ដែល​យើង​ត្រូវផ្ដោត​ការយកចិត្តទុកដាក់​នៅ​ពេលនេះ​ទេ ក្រោយ​លោក​ប្រធានាធិបតី​ Joe Biden បាន​ហៅ​កិច្ចព្រមព្រៀង​ផែនការ​សកម្មភាព​ចម្រុះ​គ្រប់​ជ្រុង​ជ្រាយ​ថា បាន​ស្លាប់បាត់​ហើយ​នៅតាម​បណ្ដាញ​សង្គម​៕អត្ថបទ៖ សុខមាន

លោក Emmanuel Macron បញ្ជាក់​ពី​ការផ្ដល់​ការធានា​សន្តិសុខ​ជាថ្មី​ដល់​រុស្ស៊ី​ ដើម្បី​បញ្ចប់​ជម្លោះ​ជាមួយ​អ៊ុយ​ក្រែ​ន

2022/12/21 05:54:44 pm        479
Facebook Telegram Linkin
​បារាំង៖ លោក​ប្រធានាធិបតី​បារាំង Emmanuel Macron បានបញ្ជាក់​ជាថ្មី​ពី​ជំនឿ​ចិត្ត​របស់លោក​ថា ​ជម្លោះ​នៅក្នុង​ប្រទេស​អ៊ុយ​ក្រែ​ន​នឹង​ត្រូវ​បាន​ដោះស្រាយ​ តាមរយៈ​ការចរចា​ដោយ​ជៀស​មិន​ផុត ហើយ​ថា ពិសេស​លោកខាងលិច និង​សម្ព័ន្ធ​យោធា​ណា​តូ នឹង​ត្រូវតែផ្ដល់​ការធានា​សន្តិសុខ​មិនមែន​សម្រាប់តែ​ទីក្រុង Kiev ប៉ុណ្ណោះ​ទេគឺ​ទីក្រុង Moscow ផងដែរដើម្បី​ធានាបាន​សន្តិភាព​យូរអង្វែង​។ ​កាលពី​ថ្ងៃ​អង្គារ ​ទី​២០ ខែ​ធ្នូ​សប្ដាហ៍​នេះលោក Macron បាន​និយាយ​នៅក្នុង​បទសម្ភាសន៍​ជាមួយ​ប្រព័ន្ធ​ផ្សព្វផ្សាយ TF1 និង LCI ថា​ ថ្ងៃ​នៃ​សន្តិភាព​នឹង​ត្រូវបាន​ដោះស្រាយ​តាមរយៈ​ការពិភាក្សា​។ ជា​លើកដំបូង និង​អាទិភាព​មុនគេ​បង្អស់​សម្រាប់​ការធានា​ដល់​អ៊ុយ​ក្រែ​នសម្រាប់​បូរណភាព​ទឹកដី​របស់ខ្លួន និង​សម្រាប់​សន្តិសុខ​ស្ថិត​ឋេ​រ​របស់ខ្លួន។ ប៉ុន្តែ​ក៏ត្រូវ​តែមាន​សម្រាប់​រុស្ស៊ី​ផងដែរ ជា​យន្ត​ការដែល​នឹង​នាំទៅរក​បទ​ឈប់​បាញ់ និង​សន្ធិសញ្ញា​សន្តិភាព។​​មេដឹកនាំ​បារាំង​រូបនេះបាន​បញ្ចេញ​ទស្សនៈ​ជា​លើកដំបូង ​នៃ​ការផ្ដល់​ការ​ធាន​សន្តិសុខ​ឲ្យ​រុស្ស៊ីកាលពី​ដើមខែ​នេះ ដោយ​លើកឡើងថា​ មួយ​ក្នុងចំណោម​ចំណុច​សំខាន់ៗ​ជាច្រើន​ ដែល​សម្ព័ន្ធ​យោធា​ណា​តូត្រូវតែ​ដោះស្រាយគឺក្ដីកង្វល់​របស់​រុស្ស៊ី ដែលថា ប្លុក​យោធា​នេះ​បាន​រំកិល​ខ្លួន​ចូលទៅ​ជិត​មាត់​ទ្វារផ្ទះរ​បស់​ខ្លួន និង​ការដាក់​ពង្រាយ​អាវុធ​ដែល​អាច​គំរាមកំហែង​ដល់​រុស្ស៊ី។ ​ការអត្ថាធិប្បាយ​របស់​លោក​បាន​បង្ក​ឲ្យ​មានការ​រិះគន់​ជាច្រើន មិន​ត្រឹមតែ​ពី​ទីក្រុង Kiev ប៉ុណ្ណោះ​ទេ ថែមទាំង​ពី​បណ្ដា​មេដឹកនាំ​សហភាព​អឺរ៉ុប​ដូចជាប៉ូឡូញ ស្លូ​វ៉ា​គី និង​រដ្ឋ​នៅ​តំបន់​បាល់​ទិ​កផងដែរ​៕អត្ថបទ៖ សុខមាន

ពិភពលោក​បារម្ភ​ពី​រលក​ថ្មី​នៃ​ការ​ផ្ទុះ​វីរុស COVID-19 របស់​ចិន និង​រក​មធ្យោបាយ​ជួយ​លោក Xi Jinping

2022/12/21 05:31:32 pm        480
Facebook Telegram Linkin
​ចិន៖ ក្រុមមន្ត្រី និង​អ្នកជំនាញ​សុខភាព​សកល​នៅ​ខាងក្រៅ​ប្រទេស​ចិន កំពុង​តាមដាន​យ៉ាង​អន្ទះសារ​អំពី​ការឆ្លង​រាលដាល​វីរុស ​COVID-19 ​ដែល​កំពុង​កើនឡើង​នៅក្នុង​ប្រទេស​នេះ ដោយ​បារម្ភ​ថា​ប្រជាជន ​១.៤​ពាន់​លាន​នាក់​ពុំ​ត្រូវបាន​ចាក់​វ៉ាក់សាំង​គ្រប់គ្រាន់ និង​អាច​ថា ​ពុំមាន​សម្ភារៈ​សុខាភិបាល​ដើម្បី​ព្យាបាល​រលក​នៃ​អ្នកជំងឺ ដែល​គេ​រំពឹងថា​នឹងមាន​មនុស្ស​ជាង ​១​លាន​នាក់​ស្លាប់​រហូតដល់​ឆ្នាំ​២០២៣​។ ​ប្រទេស​ចិន​ត្រូវបាន​រាយការណ៍​អ្នកស្លាប់​ដោយសារ​វីរុស​នេះ​ចំនួន ​៥​នាក់​ផ្សេងទៀត​កាលពី​ថ្ងៃ​អង្គារ ក្រោយ​មានអ្នកស្លាប់ ​២​នាក់កាលពី​ថ្មីៗ​នេះ​ ដែលមាន​អ្នកស្លាប់​ដំបូង​ត្រូវបាន​រាយការណ៍​ក្នុងពេល​ប៉ុន្មាន​សប្ដាហ៍​នេះ​។​ ​ក្រុមមន្ត្រី​សហរដ្ឋអាមេរិក និង​សហភាព​អឺរ៉ុបកំពុង​ព្យាយាម​រកមធ្យោ​បាយ​ថា ​តើពួកគេ​អាចជួយ​សម្រាល​វិបត្តិ​ដែល​ពួកគេ​បារម្ភ​ថា​នឹង​ប៉ះពាល់​ដល់​សេដ្ឋកិច្ច​សកល និង​ការរអាក់រអួល​ខ្សែរ​សង្វាក់​ផ្គត់ផ្គង់​សាជីវកម្ម ដែល​ធ្វើ​ឲ្យ​មានការ​ព្រួយបារម្ភ​ដោយសារតែ​ការផ្ទុះ​ឡើង​ថ្មីៗ​នៃ​វីរុស​ម្លែ​ង​ខ្លួនដោយ​របៀប​ណា។ ​កាលពី​ថ្ងៃ​អង្គារ សហរដ្ឋអាមេរិកបានស្នើ​សុំ​ផ្ដល់​វ៉ាក់សាំង​ឲ្យ​ប្រទេស​ចិន ដើម្បី​ទប់ស្កាត់​ការ​ហក់​ឡើង​នៃ​វីរុស COVID-19 ដោយ​និយាយថា ការទប់ស្កាត់​ការផ្ទុះ​រាលដាល​វីរុស​នេះ គឺជា​ផលប្រយោជន៍​របស់​ពិភពលោក​។ ​អ្នកជំនាញ​ផ្នែក​សុខភាព​មកពី​ប្រទេស​ក្រៅប្រទេស​ចិន ដែល​បាន​ព្យាយាម​តាមរយៈ​រលក​របស់ខ្លួននិយាយថា ការរៀបចំ​ប្រព័ន្ធ​ថែទាំ​សុខភាព​ជាមុន ការប្រមូល​ទិន្នន័យ​ត្រឹមត្រូវ និង​ចែករំលែក និង​ការទំនាក់ទំនង​បើកចំហ សុទ្ធ​តែមាន​សារៈសំខាន់​ក្នុងការ​ប្រយុទ្ធ​ប្រឆាំងនឹង​ការឆ្លង​វីរុស COVID-19។ ពួកគេ​និយាយថា ធាតុ​ទាំងនោះ​ទំនង​ដូចជា​ខ្វះខាត​ក្នុងប្រទេស​ចិន​៕អត្ថបទ៖ សុខមាន

មេដឹកនាំ​អឺរ៉ុប​ខាងជើង​សន្យា​បន្ត​គាំទ្រ​ដល់​អ៊ុយ​ក្រែ​ន​

2022/12/20 10:11:39 pm        445
Facebook Telegram Linkin
​អឺរ៉ុប​ខាង​ជើង៖ មេដឹកនាំ​នៃ​បណ្តា​ប្រទេស​អឺរ៉ុប​ខាងជើង​ចំនួន ១០​ប្រទេស​បាន​និយាយថា ពួកគេ​នឹង​បន្ត​ការ​គាំទ្រ​ដល់​អ៊ុយ​ក្រែ​ន​ប្រឆាំង​ការឈ្លានពាន​របស់​រុស្ស៊ី ខណៈ​មេដឹកនាំ​ទាំងនេះ​បានចាប់ផ្តើម​កិច្ចប្រជុំ​នៃ​កងកម្លាំង​បេសកកម្ម​រួម​ ដឹកនាំ​ដោយ​ចក្រភព​អង់គ្លេស (JEF) នៅ​ទីក្រុង​ Riga​។ ​​ប្រធានាធិបតី​អ៊ុយ​ក្រែ​ន​លោក Volodymyr Zelenskiy បាន​ស្នើឱ្យ​មេដឹកនាំ​នៅក្នុង​សុន្ទរកថា​តាមវីដេអូ​មួយ ​ឲ្យ​ផ្គត់ផ្គង់​ប្រព័ន្ធ​សព្វាវុធ​ឲ្យ​បាន​ច្រើន​ដើម្បី​ជួយ​បញ្ចប់​ជម្លោះ​ដ៏​ឃោរឃៅ​របស់​អឺរ៉ុប​ ចាប់​តាំង​ពី​សង្គ្រាម​លោក​លើក​ទី​២ ឱ្យ​បាន​ឆាប់​។​ នាយករដ្ឋមន្ត្រី​អង់គ្លេសលោក Rishi Sunak បាន​ស្វាគមន៍​លោក Zelenskiy សម្រាប់​ការដាក់ចេញ​នូវ​ជំនួយ​បន្ថែមទៀតដែល​ដោយ​អ៊ុយ​ក្រែ​ន​ត្រូវការ ហើយ​បាន​និយាយថា មេដឹកនាំ​នឹង​ពិភាក្សា​អំពី​វិធី​ដើម្បី​ផ្តល់ជំនួយ​។ ថ្លែង​នៅមុន​ពេល​កិច្ចប្រជុំ រដ្ឋមន្ត្រី​ការពារជាតិ​ហូ​ឡង់លោក Kajsa Ollongren បាន​និយាយថា ការគាំទ្រ​ពី​ប្រទេស​ទាំង ១០ នឹង​មាន​ជា​ដរាបណា​សម្រាប់​តម្រូវ​ការ​របស់​អ៊ុយ​ក្រែ​ន​។​ ​កិច្ចប្រជុំ​នៃ​កងកម្លាំង​បេសកកម្ម​រួម​ដឹកនាំ​ដោយ​ចក្រភព​អង់គ្លេស ត្រូវបាន​រៀបចំ​ដើម្បី​ឆ្លើយតប​យ៉ាង​ឆាប់រហ័ស​ចំពោះ​វិបត្តិ​នៅ​អឺរ៉ុប​ខាងជើង ហើយ​ត្រូវបាន​បង្កើតឡើង​ដោយ​ប្រទេស​ដា​ណឺ​ម៉ាក អេ​ស្តូ​នី ហ្វាំ​ង​ឡង់ អ៊ី​ស្លង់ ឡា​ត​វី លី​ទុយ​អា​នី ហូ​ឡង់ ន័​រវេ​ស ស៊ុយអែត និង​ចក្រភព​អង់គ្លេស​៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

រលកកម្តៅជាប់កំណត់ត្រាធ្វើឲ្យទីក្រុងចំនួន ២៥របស់អ៊ីតាលីស្ថិតក្រោមការប្រកាសអាសន្នកម្រិតពណ៌ក្រហម
08/03/2026 09:08 PM
Facebook Telegram Linkin
កម្ពុជានិងអាមេរិក ពង្រឹងកិច្ចសហប្រតិបត្តិការលើការប្រើប្រាស់បច្ចេកវិទ្យាថ្មី ដើម្បីបង្រ្កាបបទល្មើសព្រៃឈើ
08/03/2026 09:08 PM
Facebook Telegram Linkin
ម៉ារ៉ុក៖ ការសម្រុក​ចូលរបស់​អន្តោប្រវេសន៍ទៅ​ក្នុង​ដែនដី​​ Ceuta គឺ​ដោយសារ​ចចាមអារ៉ាម​លើ​បណ្ដញ​សង្គម​
08/03/2026 08:08 PM
Facebook Telegram Linkin
ប្រមុខការទូតកម្ពុជា ថ្លែងអំណរគុណយ៉ាងជ្រាលជ្រៅចំពោះតួនាទីយ៉ាងសកម្មរបស់ម៉ាឡេស៊ី ក្នុងការរក្សាសន្តិភាព និងស្ថិរភាពយូរអង្វែងក្នុងតំបន់ ជាពិសេសក្នុងជម្លោះព្រំដែនកម្ពុជា-ថៃ
08/03/2026 08:08 PM
Facebook Telegram Linkin
ហុងគ្រីប្រឈមនឹងរយៈពេល ៥ថ្ងៃដ៏ធ្ងន់ធ្ងរ ខណៈគ្រោះរាំងស្ងួត បង្ខំឲ្យបិទរោងចក្រថាមពលនុយក្លេអ៊ែរ
08/03/2026 08:08 PM
Facebook Telegram Linkin
អ្នកភូមិវាយតម្លៃការខូចខាត ពេលទឹកជំនន់បំផ្លិចបំផ្លាញនៅរដ្ឋ Assam ប្រទេសឥណ្ឌា
08/03/2026 08:08 PM
Facebook Telegram Linkin
កម្រិតទឹកទាបជាប់កំណត់ត្រាបង្ហាញនាវាលិច និងបណ្តាលឲ្យទូកជាប់លើខ្សាច់ក្នុងប្រទេសក្រូអាត
08/03/2026 08:08 PM
Facebook Telegram Linkin
ការស្វែងរកមនុស្សបាត់ខ្លួន​ ២៨នាក់នៅតែបន្ត​ បន្ទាប់​ពី​​ស្រឡាងបាន​កើត​អគ្គិភ័យ​ នៅកោះ Madura របស់ឥណ្ឌូនេស៊ី
08/03/2026 08:08 PM
Facebook Telegram Linkin
អ៊ីស្រាអែលបង្ហាញ «ក្តីបារម្ភ» ទៅកាន់សហរដ្ឋអាមេរិក ជុំវិញ​ផែនការតំបន់​ហ្កាហ្សា
08/03/2026 08:08 PM
Facebook Telegram Linkin
ចិនជម្លៀសប្រជាជនចេញ ខណៈភ្លៀងធ្លាក់ខ្លាំងកើត​មាន​នៅ​ភាគពាយ័ព្យ និងភាគនិរតីប្រទេស
08/03/2026 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.